മഴവന​ങ്ങളെ സംരക്ഷി​ക്കേ​ണ്ടത്‌ എന്തു​കൊണ്ട്‌?

ഒരു ജനക്കൂട്ടം ഒരു ഫുട്ട്‌ബോൾ മത്സരം നിരീ​ക്ഷി​ക്കു​ക​യും വന്യമാ​യി ആഹ്ലാദാ​രവം മുഴക്കു​ക​യും ചെയ്‌തു​കൊ​ണ്ടി​രി​ക്കു​ന്നു. അവർ ആ കളി എന്നേക്കും നിൽക്കാൻ ആശിക്കു​ന്നു. എന്നാൽ അവർ കളിക്കാ​രെ വെടി​വെ​ച്ചു​കൊ​ണ്ടി​രി​ക്കു​ന്നു. മരിച്ച​വരെ ഓരോ​രു​ത്ത​രെ​യാ​യി കളിസ്ഥ​ല​ത്തു​നിന്ന്‌ നീക്കം​ചെ​യ്യു​ന്നു. കളി മന്ദീഭ​വി​ച്ച​പ്പോൾ ജനക്കൂട്ടം കോപാ​കു​ല​രാ​യി​ത്തീ​രു​ന്നു.

വനനശീ​ക​ര​ണം ഏതാണ്ടി​തു​പോ​ലെ​യാണ്‌. മനുഷ്യർ യഥാർത്ഥ​ത്തിൽ വനങ്ങളിൽ ആശ്രയി​ച്ചു​കൊണ്ട്‌ അവ ആസ്വദി​ക്കു​ന്നു. എന്നാൽ അവർ കളിക്കാർക്കു തുല്യ​രായ, സസ്യങ്ങ​ളു​ടെ ഓരോ​രോ ഇനങ്ങ​ളെ​യും മൃഗങ്ങ​ളെ​യും കൊ​ന്നൊ​ടു​ക്കി​ക്കൊ​ണ്ടി​രി​ക്കു​ന്നു, അവയുടെ കൂട്ടായ പ്രവർത്ത​ന​മാണ്‌ വനങ്ങളെ ജീവനു​ള്ള​താ​യി നിലനിർത്തു​ന്നത്‌. എന്നിരു​ന്നാ​ലും ഇത്‌ ഒരു കളി​യേ​ക്കാൾ കൂടി​യ​താണ്‌. വനനശീ​ക​രണം നിങ്ങളെ ബാധി​ക്കു​ന്നു. നിങ്ങൾ ഒരിക്ക​ലും ഒരു മഴവനം കണ്ടിട്ടി​ല്ലെ​ങ്കിൽപോ​ലും അത്‌ നിങ്ങളു​ടെ ജീവി​ത​ത്തി​ന്റെ ഗുണനി​ല​വാ​രത്തെ സ്‌പർശി​ക്കു​ന്നു.

ശാസ്‌ത്ര​ജ്ഞൻമാർ ജീവ​വൈ​വി​ധ്യം എന്നു വിളി​ക്കുന്ന അത്യന്തം വിവി​ധ​ങ്ങ​ളായ ജീവി​ക​ളാണ്‌ മഴവന​ങ്ങ​ളു​ടെ ഏററവും വലിയ ആസ്‌തി​യെന്ന്‌ ചിലർ അവകാ​ശ​പ്പെ​ടു​ന്നു. മലേഷ്യൻമ​ഴ​വ​ന​ത്തി​ന്റെ അഞ്ചി​ലൊ​ന്നു ചതുര​ശ്ര​മൈ​ലിൽ 835 ഇനം വൃക്ഷങ്ങൾ വളർന്നേ​ക്കാം, ഇത്‌ ഐക്യ​നാ​ടു​ക​ളി​ലും കാനഡാ​യി​ലും കൂടി ഉള്ളതി​നെ​ക്കാൾ കൂടു​ത​ലാണ്‌.

എന്നാൽ, ഈ തഴച്ചു​വ​ള​രുന്ന ജീവസം​ഘാ​തം ദുർബ്ബ​ല​മാണ്‌. ഒരു ശാസ്‌ത്രജ്ഞൻ ഓരോ ഇനത്തെ​യും ഒരു വിമാ​ന​ത്തി​ലെ മടക്കാ​ണി​ക​ളോട്‌ താരത​മ്യ​പ്പെ​ടു​ത്തി. കൂടുതൽ ആണികൾ ശബ്ദത്തോ​ടെ ഇളകു​മ്പോൾ കൂടുതൽ മററുള്ളവ വർദ്ധിച്ച സമ്മർദ്ദ​ത്തിൽ ഇളകാൻ തുടങ്ങു​ന്നു. ആ താരത​മ്യം സാധു​ത​യു​ള്ള​താ​ണെ​ങ്കിൽ നമ്മുടെ ഗ്രഹം തകരാ​റി​ലായ ഒരു “വിമാന”മാണ്‌. മഴവനങ്ങൾ ചുരു​ങ്ങു​ന്ന​തി​ന​നു​സ​രിച്ച്‌ സസ്യങ്ങ​ളു​ടെ​യും മൃഗങ്ങ​ളു​ടെ​യും പതിനാ​യി​രം ഇനങ്ങൾ ഓരോ വർഷവും നഷ്‌ട​പ്പെ​ടു​ന്നു​വെന്ന്‌ ചിലർ കണക്കാ​ക്കു​ന്നു. നശീകരണ നിരക്ക്‌ ഇപ്പോൾ ഈ ഗ്രഹത്തി​ന്റെ ചരി​ത്ര​ത്തി​ലു​ട​നീ​ളം സംഭവി​ച്ചി​ട്ടു​ള്ള​തി​ന്റെ ഉദ്ദേശം 400 മടങ്ങ്‌ വേഗത​യിൽ ആയിരി​ക്കു​ന്നു.

ജീവ​വൈ​വി​ധ്യ​ത്തി​ലെ ഈ കുറവിൽനി​ന്നു സംജാ​ത​മാ​കുന്ന കേവല വിജ്ഞാ​ന​ന​ഷ്ട​ത്തെ​ക്കു​റിച്ച്‌ ശാസ്‌ത്ര​ജ്ഞൻമാർ വിലപി​ക്കു​ന്നു. അത്‌ ഒരു ഗ്രന്ഥശാ​ല​യി​ലെ പുസ്‌ത​കങ്ങൾ വായി​ച്ചു​തീ​രു​ന്ന​തി​നു മുമ്പ്‌ അതിനെ ദഹിപ്പി​ക്കു​ന്ന​തു​പോ​ലെ​യാ​ണെന്ന്‌ അവർ പറയുന്നു. എന്നാൽ കൂടുതൽ സ്‌പർശ​നീ​യ​മായ നഷ്ടങ്ങളും ഉണ്ട്‌. ദൃഷ്ടാ​ന്ത​ത്തിന്‌, ഐക്യ​നാ​ടു​ക​ളിൽ കുറി​ക്ക​പ്പെ​ടുന്ന മരുന്നു​ക​ളിൽ 25 ശതമാനം ഉഷ്‌ണ​മേ​ഖ​ലാ​വന സസ്യങ്ങളെ അടിസ്ഥാ​ന​പ്പെ​ടു​ത്തി​യു​ള്ള​വ​യാണ്‌. അത്തരത്തി​ലുള്ള ഒരു ഔഷധം ശിശു​ക്ക​ളി​ലെ രക്താർബു​ദ​ത്തി​ന്റെ ശമനനി​രക്ക്‌ 1960കളിലെ 20 ശതമാ​ന​ത്തിൽനിന്ന്‌ 1985-ൽ 80 ശതമാ​ന​മാ​യി വർദ്ധി​പ്പി​ച്ചു. അതു​കൊണ്ട്‌, വേൾഡ്‌ വൈൽഡ്‌ ലൈഫ്‌ ഫണ്ട്‌ പറയു​ന്ന​ത​നു​സ​രിച്ച്‌ മഴവനങ്ങൾ, “ഒരു വിപു​ല​മായ വൈദ്യ​ശാ​ലയെ പ്രതി​നി​ധീ​ക​രി​ക്കു​ന്നു.” എണ്ണമററ സസ്യങ്ങളെ ഇതുവ​രെ​യും കണ്ടുപി​ടി​ച്ചി​ട്ടില്ല, സാധ്യ​ത​യുള്ള ഔഷധ ഉപയോ​ഗം സംബന്ധിച്ച പരി​ശോ​ധ​ന​യു​ടെ കാര്യം പറയു​ക​യും വേണ്ട.

അതുകൂ​ടാ​തെ, നമ്മുടെ ഭക്ഷ്യധാ​ന്യ​ങ്ങ​ളിൽ എത്രയി​നം ആരംഭ​ത്തിൽ മഴവന​ങ്ങ​ളിൽ കാണ​പ്പെ​ട്ടി​രുന്ന സസ്യങ്ങ​ളിൽനിന്ന്‌ ഉത്ഭവി​ച്ച​താ​ണെന്ന്‌ ചുരുക്കം ചിലരെ തിരി​ച്ച​റി​യു​ന്നു​ള്ളു. (11-ാം പേജിലെ ചതുരം കാണുക.) ഈ നാൾവരെ ശാസ്‌ത്ര​ജ്ഞൻമാർ വനത്തിൽ വളരുന്ന പ്രതി​കൂ​ല​സാ​ഹ​ച​ര്യ​ങ്ങളെ ചെറു​ത്തു​നിൽക്കാൻ സസ്യങ്ങ​ളിൽ നിന്ന്‌ ജീനു​കളെ ശേഖരി​ക്കു​ക​യും അവയെ അവയുടെ ദുർബ്ബല പിൻഗാ​മി​ക​ളു​ടെ, ഗാർഹി​ക​വി​ള​ക​ളു​ടെ, രോഗ​പ്ര​തി​രോ​ധ​ശക്തി വർദ്ധി​പ്പി​ക്കാൻ ഉപയോ​ഗി​ക്കു​ക​യും ചെയ്യുന്നു. ശാസ്‌ത്ര​ജ്ഞൻമാർ വിളനാ​ശം​മൂ​ല​മുള്ള സഹസ്ര​ല​ക്ഷ​ക്ക​ണ​ക്കിന്‌ ഡോള​റു​കളെ ആ വിധത്തിൽ സംരക്ഷി​ച്ചു.

കൂടാതെ, ഇനിയും ഏതുമ​ഴവന ഭക്ഷ്യം ആഗോ​ള​പ്രി​യ​മു​ള്ള​താ​യി പ്രത്യ​ക്ഷ​പ്പെ​ട്ടേ​ക്കാ​മെന്ന്‌ നമുക്ക​റി​ഞ്ഞു​കൂ​ടാ. മിക്ക വടക്കേ അമേരി​ക്ക​ക്കാർക്കും, കേവലം നൂറു​വർഷ​ങ്ങൾക്കു മുമ്പ്‌ തങ്ങളുടെ പൂർവി​കർ വാഴപ്പ​ഴത്തെ ഒരു അപരി​ചി​ത​മായ, വിദേശ പഴമായി വീക്ഷി​ച്ചി​രു​ന്നു​വെ​ന്നും ഒററയാ​യി പൊതിഞ്ഞ ഒരു പഴത്തിന്‌ രണ്ടു ഡോളർ കൊടു​ത്തി​രു​ന്നു​വെ​ന്നും അറിഞ്ഞു​കൂ​ടാ.

ആഗോ​ള​ചി​ത്രം

മനുഷ്യൻത​ന്നെ​യാണ്‌ അന്തിമ​മാ​യി വനനശീ​ക​ര​ണ​ത്തി​ന്റെ ഇരകൾ. ആഗോള പരിസ്ഥി​തി​യു​ടെ​മേ​ലുള്ള ഫലങ്ങൾ ലോകത്തെ വലയം​ചെ​യ്യു​ന്ന​തു​വരെ പുറ​ത്തേക്ക്‌ വ്യാപി​ക്കു​ന്നു. എങ്ങനെ? നമുക്ക്‌ മാതൃ​കാ​പ​ര​മായ ഒരു മഴവനത്തെ ഒന്നു വീക്ഷി​ക്കാം. ആ പേര്‌ സൂചി​പ്പി​ക്കു​ന്ന​തു​പോ​ലെ മഴയാണ്‌ അതിന്റെ മുന്തിയ സവി​ശേഷത. ഒരു ദിവസം ചില​പ്പോൾ 8 ഇഞ്ചിൽ കൂടുതൽ പെയ്‌തേ​ക്കാം, ഒരു വർഷത്തിൽ 30 അടിയിൽ അധികം! മഴവനങ്ങൾ പൂർണ്ണ​മാ​യും ഈ കനത്ത മഴയെ നേരി​ട​ത്ത​ക്ക​വണ്ണം രൂപകൽപ്പ​ന​ചെ​യ്യ​പ്പെ​ട്ടി​രി​ക്കു​ന്നു.

മേൽക്കട്ടി മഴത്തു​ള്ളി​ക​ളു​ടെ ശക്തി കുറക്കു​ന്ന​തി​നാൽ അവക്ക്‌ മണ്ണ്‌ ഒഴുക്കി​ക്കൊ​ണ്ടു​പോ​കു​വാൻ കഴിയു​ക​യില്ല. അനേകം ഇലകളും ദീർഘിത അഗ്രങ്ങ​ളാൽ അല്ലെങ്കിൽ തുള്ളി​തു​ള്ളി​യാ​യി വീഴുന്ന അഗ്രങ്ങൾകൊണ്ട്‌ സജ്ജീകൃ​ത​മാ​ക​യാൽ അവ കനത്ത തുള്ളി​കളെ വിഘടി​പ്പി​ക്കു​ന്നു. അപ്രകാ​രം ഉഗ്രമായ മഴ ക്രമമായ പ്രസ്ര​വ​ണ​മാ​യി​ത്തീ​രു​ന്നു, അവ താഴേക്ക്‌ വീഴവേ കുറഞ്ഞ ആഘാതമെ ഏല്‌പി​ക്കു​ന്നു​ള്ളു. ഈ അഗ്രങ്ങൾ ജലത്തെ വേഗത്തിൽ പൊഴി​ക്കു​ന്ന​തി​നാൽ നീരാ​വി​യെ അന്തരീ​ക്ഷ​ത്തി​ലേക്ക്‌ തിരി​ച്ച​യ​ച്ചു​കൊണ്ട്‌ വീണ്ടും സസ്യ​സ്വേ​ദനം നടത്തു​ന്ന​തിന്‌ ഇലകളെ അനുവ​ദി​ക്കു​ന്നു. മൂലവ്യൂ​ഹം വനത്തിന്റെ തറയിൽ എത്തുന്ന ജലത്തിന്റെ 95 ശതമാ​നത്തെ വലി​ച്ചെ​ടു​ക്കു​ന്നു. മൊത്ത​ത്തിൽ വനം മഴവെ​ള്ളത്തെ ഒരു വലിയ സ്‌പഞ്ച്‌പോ​ലെ വലി​ച്ചെ​ടു​ക്കു​ക​യും പിന്നീട്‌ സാവകാ​ശം പുറ​ത്തേ​ക്കു​വി​ടു​ക​യും ചെയ്യുന്നു.

എന്നാൽ വനങ്ങൾ അപ്രത്യ​ക്ഷ​മാ​കു​മ്പോൾ മഴ കഠിന​മാ​യി നേരെ തുറസ്സായ മണ്ണി​ലേക്ക്‌ പെയ്യു​ക​യും ടൺകണ​ക്കി​നു മണ്ണ്‌ ഒഴുക്കി​ക്കൊ​ണ്ടു​പോ​വു​ക​യും ചെയ്യുന്നു. ദൃഷ്ടാ​ന്ത​ത്തിന്‌, പശ്ചിമാ​ഫ്രി​ക്ക​യി​ലെ കോട്ട്‌ഡ​ല്‌വോ​യ​റിൽ അൽപ്പം ചരിഞ്ഞു​കി​ട​ക്കുന്ന രണ്ടര ഏക്കർ ഉഷ്‌ണ​മേ​ഖലാ വനത്തിന്‌ വർഷത്തിൽ ഉദ്ദേശം ഒരു ടണ്ണിന്റെ മുന്നൂ​റിൽ ഒരു ഭാഗം മണ്ണു മാത്രമെ നഷ്ടമാ​കു​ന്നു​ള്ളു. വനനശീ​ക​രണം ഭവിച്ച കൃഷി​ഭൂ​മി​യാ​ണെ​ങ്കിൽ അതേ രണ്ടര ഏക്കറിന്‌ ആണ്ടിൽ 90 ടൺ മണ്ണ്‌ നഷ്ടമാ​കു​ന്നു; വെറും ഭൂമി​യെന്ന നിലയിൽ 138 ടൺ നഷ്ടമാ​കു​ന്നു.

അത്തരത്തി​ലു​ള്ള മണ്ണൊ​ലിപ്പ്‌ ഭൂമിയെ കൃഷി​ക്കും മേയി​ക്ക​ലി​നും പററാ​ത്ത​താ​ക്കു​ന്ന​തി​ല​ധി​കം ചെയ്യുന്നു. വമ്പിച്ച വനനശീ​ക​ര​ണ​ത്തിന്‌ ഇടയാ​ക്കുന്ന അണക്കെ​ട്ടു​കൾ അതിനാൽത്തന്നെ നശിപ്പി​ക്ക​പ്പെ​ടു​ന്നു എന്നത്‌ വിരോ​ധാ​ഭാ​സ​മാണ്‌. വനം നശിച്ച പ്രദേ​ശ​ത്തു​നിന്ന്‌ നദികൾ വഹിച്ചു​കൊ​ണ്ടു വരുന്ന എക്കൽ നിറഞ്ഞ്‌ അവ സത്വരം ഉപയോ​ഗ​ശൂ​ന്യ​മാ​യി​ത്തീ​രു​ന്നു. തീര​പ്ര​ദേ​ശ​ങ്ങ​ളും മത്സ്യങ്ങൾ മുട്ടയി​ടുന്ന സ്ഥലങ്ങളും അമിത​മായ എക്കലി​നാൽ മലിന​മാ​ക്ക​പ്പെ​ടു​ന്നു.

മഴയു​ടെ​യും കാലാ​വ​സ്ഥാ​രീ​തി​യു​ടെ​യും​മേ​ലുള്ള ഫലങ്ങൾ അതി​നേ​ക്കാൾ അപകട​ക​ര​മാണ്‌. ഉഷ്‌ണ​മേ​ഖലാ വനങ്ങളിൽനിന്ന്‌ ഉത്‌ഭ​വി​ക്കുന്ന നദികൾ സാധാ​ര​ണ​യാ​യി ആണ്ടിന്റെ എല്ലാകാ​ല​ത്തും വെള്ളമു​ള്ള​താണ്‌. എന്നാൽ നദിക​ളി​ലേ​ക്കുള്ള വെള്ളത്തി​ന്റെ ഒഴുക്കി​നെ ക്രമീ​ക​രി​ക്കു​ന്ന​തിന്‌ വനമി​ല്ലെ​ങ്കിൽ പെട്ടെ​ന്നുള്ള മഴയാൽ അവ കവി​ഞ്ഞൊ​ഴു​കു​ക​യും പിന്നീട്‌ വരണ്ടു​പോ​വു​ക​യും ചെയ്യും. വെള്ള​പ്പൊ​ക്ക​ത്തി​ന്റെ​യും വരൾച്ച​യു​ടെ​യും ഒരു പരിവൃ​ത്തി സംഭവി​ക്കു​ന്നു. ഒരു മഴവനം സസ്യ​സ്വേ​ദ​ന​ത്താൽ പ്രദേ​ശത്തെ പകുതി​യോ​ളം നീരാ​വിക്ക്‌ സംഭാ​വ​ന​ചെ​യ്യു​ന്ന​തി​നാൽ ആയിര​ക്ക​ണ​ക്കി​നു മൈലു​കൾ ചുററു​വ​ട്ടത്തെ മഴയുടെ മാതൃക ബാധി​ക്ക​പ്പെ​ട്ടേ​ക്കാം. അപ്രകാ​രം വനനശീ​ക​രണം കഴിഞ്ഞ ദശാബ്ദ​ത്തിൽ അനേകം​പേ​രു​ടെ മരണത്തി​നി​ട​യാ​ക്കിയ ബംഗ്ലാ​ദേ​ശി​ലെ വെള്ള​പ്പൊ​ക്ക​ങ്ങൾക്കും എത്യോ​പ്പി​യ​യി​ലെ വരൾച്ച​കൾക്കും സംഭാ​വ​ന​ചെ​യ്‌തി​രി​ക്കാം.

എന്നാൽ വനനശീ​ക​രണം മുഴു​ഗ്ര​ഹ​ത്തി​ന്റെ​യും കാലാ​വ​സ്ഥ​യെ​യും ബാധി​ച്ചേ​ക്കാം. മഴവനങ്ങൾ വായു​വി​ലെ ഇംഗാ​ലാ​മ്ലത്തെ വലി​ച്ചെ​ടു​ക്കു​ക​യും കാർബണെ കാണ്ഡങ്ങ​ളും ശിഖര​ങ്ങ​ളും മരപ്പട്ട​യും നിർമ്മി​ക്കു​ന്ന​തിന്‌ ഉപയോ​ഗി​ക്കു​ക​യും ചെയ്യു​ന്ന​തി​നാൽ അവ ഭൂമി​യു​ടെ ഹരിത​ശ്വാ​സ​കോ​ശം എന്നു വിളി​ക്ക​പ്പെ​ട്ടി​രി​ക്കു​ന്നു. ഒരു വനം കത്തു​മ്പോൾ ആ കാർബൺ മുഴുവൻ അന്തരീ​ക്ഷ​ത്തിൽ തള്ളപ്പെ​ടു​ന്നു. പ്രശ്‌നം ഇതാണ്‌: മനുഷ്യൻ അന്തരീ​ക്ഷ​ത്തി​ലേക്ക്‌ വളരെ​യ​ധി​കം ഇംഗാ​ലാ​മ്ലം തള്ളുന്നു (അശ്‌മക ഇന്ധനങ്ങൾ കത്തിച്ചും വനനശീ​ക​ര​ണ​ത്തിൽ കൂടി​യും), അങ്ങനെ അവൻ ഗ്രീൻഹൗസ്‌ ഇഫെക്‌ട്‌ എന്നു വിളി​ക്ക​പ്പെ​ടുന്ന ഒരു ആഗോള താപ​പ്ര​വ​ണ​തക്ക്‌ തിരി​കൊ​ളു​ത്തി​ക്ക​ഴി​ഞ്ഞി​രി​ക്കാം, അത്‌ തീര​പ്ര​ദേ​ശങ്ങൾ വെള്ളത്തിൽ മുങ്ങി​പ്പോ​കാൻ ഇടയാ​ക്ക​ത്ത​ക്ക​വണ്ണം ഭൂഗ്ര​ഹ​ത്തി​ന്റെ ധ്രുവ​ങ്ങ​ളി​ലെ ഹിമമൂ​ടി​കളെ ഉരുക്കു​ക​യും സമു​ദ്ര​ജ​ല​നി​രപ്പ്‌ ഉയർത്തു​ക​യും ചെയ്യു​മെന്ന്‌ ഭീഷണി​പ്പെ​ടു​ത്തു​ന്നു.a

അപ്പോൾ ലോക​ത്തെ​ങ്ങു​മുള്ള ആളുകൾ ഈ പ്രതി​സ​ന്ധി​യിൽ ഉൾപ്പെ​ടു​ന്നു എന്നതിൽ അതിശ​യ​മില്ല. അവർ സഹായി​ക്കു​ന്നു​ണ്ടോ? ഏതെങ്കി​ലും പ്രതി​വി​ധി സമർപ്പി​ക്ക​പ്പെ​ടു​ന്നു​ണ്ടോ? ഈ ഇരുണ്ട സാഹച​ര്യ​ത്തിന്‌ എന്തു പ്രത്യാ​ശ​യുണ്ട്‌? (g90 3⁄22)

[അടിക്കു​റി​പ്പു​കൾ]

[11-ാം പേജിലെ ചതുരം]

മഴവനങ്ങളിൽനിന്നുള്ള ദാനം

ഇപ്പോൾ നിങ്ങളു​ടെ അടുത്ത്‌ ഉഷ്‌ണ​മേ​ഖലാ മഴവന​ത്തി​ന്റെ ഒരു ഭാഗമു​ണ്ടോ? ലോക​ത്തി​നു ചുററു​മുള്ള മഴവന​ങ്ങ​ളിൽ ആദ്യകാ​ലത്ത്‌ കാണ​പ്പെ​ട്ടി​രുന്ന ചില ഭക്ഷ്യവ​സ്‌തു​ക്കളെ സംബന്ധിച്ച്‌ പരിചി​ന്തി​ക്കുക: നെല്ല്‌, ചോളം, മധുര​ക്കി​ഴങ്ങ്‌, മരച്ചീനി, കരിമ്പ്‌, വാഴക്കാ​യ്‌കൾ, ഓറഞ്ച്‌, കാപ്പി, തക്കാളി, കൊക്കൊ, കൈതച്ചക്ക, അവക്കാ​ഡോസ്‌, വാനിലാ, മുന്തിരി, വിവി​ധ​യി​നം അണ്ടിപ്പ​രി​പ്പു​കൾ, സുഗന്ധ​ദ്ര​വ്യ​ങ്ങൾ, ചായ മുതലാ​യവ. പൂർണ്ണ​മാ​യും ലോക​ത്തി​ലെ ആഹാര​പ​ദാർത്ഥ​ങ്ങ​ളിൽ പകുതി​യും മഴവന​ങ്ങ​ളിൽനി​ന്നു വന്ന സസ്യങ്ങളെ അടിസ്ഥാ​ന​മാ​ക്കി​യു​ള്ള​വ​യാണ്‌! ഇവ ആഹാര​പ​ദാർത്ഥ​ങ്ങ​ളിൽ ചിലവ മാത്ര​മാണ്‌.

ഔഷധ​ങ്ങ​ളെ​ക്കു​റി​ച്ചു ചിന്തി​ക്കുക: ഓപ്പ​റേ​ഷനു മുമ്പ്‌ മാംസ​പേ​ശിക്ക്‌ അയവു​വ​രു​ത്തുന്ന ഔഷധ​മാ​യി ആരോ​ഹി​ച്ചെ​ടി​ക​ളിൽനി​ന്നുള്ള സസ്യക്ഷാ​ര​വ​സ്‌തു​ക്കൾ ഉപയോ​ഗി​ക്ക​പ്പെ​ടു​ന്നു; വീക്കത്തി​നെ​തി​രെ ഉപയോ​ഗി​ക്കുന്ന ഹൈ​ഡ്രോ​കോർട്ടി​സോ​ണി​ന്റെ സജീവ​ഘ​ട​ക​പ​ദാർത്ഥങ്ങൾ, മലമ്പനി​ക്കെ​തി​രെ പ്രവർത്തി​ക്കുന്ന ക്വയിന, ഹൃ​ദ്രോ​ഗ​ങ്ങൾക്കുള്ള ചികി​ത്സ​ക്കു​പ​യോ​ഗി​ക്കുന്ന ഡിജി​റ​റ​ലിസ്‌, ജനനനി​യ​ന്ത്ര​ണ​ത്തി​നുള്ള ഗുളി​ക​ക​ളി​ലെ ഡയോ​ജ​നിൻ, ഛർദ്ദി​ക്കുള്ള ഇപ്പെക്കാക്ക്‌ എന്നിവ​യെ​ല്ലാം മഴവന​സ​സ്യ​ങ്ങ​ളിൽനിന്ന്‌ ലഭിക്കു​ന്നു. മററു സസ്യങ്ങൾ എയ്‌ഡ്‌സ്‌, കാൻസർ, വയററി​ളക്കം, പനി, പാമ്പു​കടി, കൺജക്‌റ​റി​വൈ​റ​റിസ്‌ മുതലായ നേത്ര രോഗങ്ങൾ എന്നിവ​ക്കെ​തി​രെ പോരാ​ടു​ന്ന​തി​നുള്ള വാഗ്‌ദാ​ന​ങ്ങ​ളാ​ണെന്ന്‌ കാണ​പ്പെ​ട്ടി​രി​ക്കു​ന്നു. വേറെ എന്തെല്ലാം പ്രതി​വി​ധി​കൾ ഇപ്പോ​ഴും ഒളിഞ്ഞു​കി​ട​പ്പു​ണ്ടെന്ന്‌ അറിയ​പ്പെ​ടു​ന്നില്ല. മഴവന സസ്യങ്ങ​ളിൽ 1 ശതമാ​ന​ത്തിൽ കുറവു​മാ​ത്രമെ ശാസ്‌ത്ര​ജ്ഞൻമാ​രാൽ പരി​ശോ​ധി​ക്ക​പ്പെ​ട്ടി​ട്ടു​ള്ളു. ഒരു സസ്യശാ​സ്‌ത്രജ്ഞൻ ഇപ്രകാ​രം വിലപി​ച്ചു: “സ്ഥിതി​ചെ​യ്യു​ന്നു​ണ്ടെന്ന്‌ നാം അറിയു​ന്നു​പോ​ലു​മി​ല്ലാത്ത വസ്‌തു​ക്കളെ നാം നശിപ്പി​ക്കു​ക​യാണ്‌.”

അപ്രത്യ​ക്ഷ​മാ​യി​ക്കൊ​ണ്ടി​രി​ക്കുന്ന വനങ്ങളിൽനിന്ന്‌ ഇതിലും അധികം ഉൽപ്പന്നങ്ങൾ ലഭിക്കു​ന്നു: റബ്ബർക്കറ, മരക്കറകൾ, മെഴു​കു​കൾ, ആസിഡു​കൾ, മദ്യങ്ങൾ, വാസന​ദ്ര​വ്യ​ങ്ങൾ, മധുര​പ​ദാർത്ഥങ്ങൾ, ചായങ്ങൾ, ജീവര​ക്താ​ജാ​ക്ക​റ​റു​ക​ളിൽ ഉപയോ​ഗി​ക്കു​ന്ന​തു​പോ​ലുള്ള നാരുകൾ, ചവക്കുന്ന ഗം നിർമ്മി​ക്കു​ന്ന​തി​നു​പ​യോ​ഗി​ക്കുന്ന കറ, മുള, ചൂരൽ—അതിൽതന്നെ വിപു​ല​മായ ആഗോള വ്യവസാ​യ​ത്തി​ന്റെ അടിസ്ഥാ​നം.

[9-ാം പേജിലെ ചിത്രം/രേഖാ​ചി​ത്രം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

വനത്തിന്റെ ധർമ്മം

മേൽക്കെട്ടി ഉഗ്രമായ മഴയിൽനിന്ന്‌ മണ്ണിനെ സംരക്ഷി​ക്കു​ന്നു വനങ്ങൾ അന്തരീ​ക്ഷ​ത്തിൽ ഈർപ്പ​വും പ്രാണ​വാ​യു​വും വർദ്ധി​പ്പി​ക്കു​ന്നു സസ്യങ്ങൾ കാർബൺ വലി​ച്ചെ​ടു​ക്കു​ക​യും ശേഖരി​ച്ചു വെക്കു​ക​യും ചെയ്യുന്നു മൂലവ്യൂ​ഹം നദിക​ളി​ലേ​ക്കുള്ള ജലാം​ശ​പ്ര​വാ​ഹത്തെ ക്രമീ​ക​രി​ക്കാൻ സഹായി​ക്കു​ന്നു

[10-ാം പേജിലെ ചിത്രം]

വനനശീകരണത്തിന്റെ ഫലങ്ങൾ

അന്തരീക്ഷത്തിലെ ഈർപ്പം കുറയു​ന്നത്‌ കൂടുതൽ വരൾച്ചയെ അർത്ഥമാ​ക്കു​ന്നു മഴ സംരക്ഷ​ണ​മി​ല്ലാത്ത മണ്ണ്‌ ഒലിച്ചു പോകാ​നി​ട​യാ​ക്കു​ന്നു. വെള്ള​പ്പൊ​ക്കങ്ങൾ വർദ്ധി​ക്കു​ന്നു കത്തുന്ന മരങ്ങൾ കാർബൺ പുറ​ത്തേക്കു വിടു​ക​യും അന്തരീ​ക്ഷത്തെ ചൂടു​പി​ടി​പ്പി​ക്കുന്ന പ്രവണ​തയെ വർദ്ധി​പ്പി​ക്കു​ക​യും ചെയ്യുന്നു