യുവജ​നങ്ങൾ ചോദി​ക്കു​ന്നു . . .

പണമു​ണ്ടാ​ക്കു​ന്ന​തിൽ എന്താണു തെറ്റ്‌?

“തീർച്ച​യാ​യും ലോക​ത്തി​ലെ അതി​പ്ര​ധാന സംഗതി പണമാണ്‌.” അതു പറഞ്ഞത്‌ ബ്രിട്ടീഷ്‌ നാടക​കൃ​ത്തായ ജോർജ്‌ ബെർണാർഡ്‌ ഷാ. അദ്ദേഹം പറഞ്ഞതി​നോ​ടു നിങ്ങൾ യോജി​ക്കു​ന്നു​വോ? “ധനിക​യാ​യി​രി​ക്കാൻ ഞാനാ​ഗ്ര​ഹി​ക്കു​ന്നില്ല, സാമ്പത്തിക ഭദ്രത​യു​ണ്ടാ​യി​രു​ന്നാൽ മതി” എന്നു പറയുന്ന 17 വയസ്സു​കാ​രി ടാന്യ​യു​ടെ അഭി​പ്രാ​യ​മാ​യി​രി​ക്കാം ഒരുപക്ഷേ നിങ്ങൾക്കു​ള്ളത്‌. അതു​പോ​ലെ​തന്നെ, യുവാ​വായ ഏവ്യൻ പണത്തെ കാണു​ന്നത്‌ ലോക​ത്തി​ലെ അതി​പ്ര​ധാന സംഗതി​യാ​യി​ട്ടല്ല, ചില കാര്യ​ങ്ങൾക്ക്‌ ഉപയോ​ഗ​പ്ര​ദ​മായ ഒന്നായി​ട്ടാണ്‌. അവൻ പറയുന്നു: “വസ്‌ത്രങ്ങൾ വാങ്ങുക, യാത്ര ചെയ്യുക എന്നിങ്ങ​നെ​യുള്ള എന്റെ ആവശ്യ​ങ്ങൾക്കു പണം വേണം.”

സമാന​മാ​യ ഒരു കാര്യം ബൈബി​ളും പറയു​ന്നു​ണ്ടെന്നു നിങ്ങൾക്ക്‌ അറിയാ​മാ​യി​രു​ന്നോ? സഭാ​പ്ര​സം​ഗി 7:12-ൽ ‘ദ്രവ്യം ഒരു ശരണം’ എന്നു പറഞ്ഞി​രി​ക്കു​ന്നു. “മാനവ​സ​ന്തു​ഷ്ടി​യു​ടെ മുഖ്യ​ശ​ത്രു” എന്നാണു ദാരി​ദ്ര്യ​ത്തെ വർണി​ച്ചി​രി​ക്കു​ന്നത്‌. വേണ്ടത്ര പണമു​ണ്ടാ​യി​രി​ക്കു​ന്നത്‌ മിക്ക​പ്പോ​ഴും ദാരി​ദ്ര്യം വരുത്തി​വെ​ക്കുന്ന പ്രശ്‌ന​ങ്ങ​ളിൽനിന്ന്‌ ഒരു പരിധി​വ​രെ​യെ​ങ്കി​ലും സംരക്ഷണം നൽകി​യേ​ക്കാം. അപ്രതീ​ക്ഷിത ദുരന്ത​ങ്ങ​ളിൽനി​ന്നുള്ള സംരക്ഷ​ണ​മാ​യും പണം ഉതകി​യേ​ക്കാം. “‘കാലവും മുൻകൂ​ട്ടി​ക്കാ​ണാ​നാ​വാത്ത സംഭവ​വും എല്ലാവർക്കും ഭവിക്കു​ന്നു’വെന്നു ബൈബിൾ പറയുന്നു. ബുദ്ധി​മു​ട്ടു​കൾ എപ്പോ​ഴാണ്‌ ഉണ്ടാകു​ന്ന​തെന്നു നമുക്ക​റി​യി​ല്ല​ല്ലോ. അതു​കൊണ്ട്‌ നാം പണം സ്വരൂ​പി​ച്ചു​വെ​ക്കേ​ണ്ട​തുണ്ട്‌,” യുവതി​യായ ഫിലിസ്‌ പറയുന്നു. (സഭാ​പ്ര​സം​ഗി 9:11, NW) നിങ്ങൾക്കി​പ്പോൾ പണം പ്രധാ​ന​മാ​ണെ​ന്നി​രി​ക്കെ, അതു ഭാവി​യിൽ അതിലും പ്രധാ​ന​മായ പങ്കു വഹി​ച്ചേ​ക്കാം.

“ഭൗതി​കാ​സ​ക്തി​യെന്ന വൻതിര”

വേണ്ടത്ര പണമു​ണ്ടാ​യി​രി​ക്കു​ന്നതു സംബന്ധിച്ച്‌ കുറ​ച്ചൊ​ക്കെ ചിന്ത സാധാ​ര​ണ​വും ആരോ​ഗ്യ​പ്ര​ദ​വു​മാ​ണെ​ങ്കി​ലും, ചില യുവജ​ന​ങ്ങ​ളു​ടെ കാര്യ​ത്തിൽ പണമാണു സർവസ്വ​വും. “നിങ്ങൾ ജീവി​ത​ത്തിൽ ഏറ്റവും കാംക്ഷി​ക്കു​ന്നത്‌ എന്തിനാണ്‌?” എന്ന്‌ 1,60,000 യുവജ​ന​ങ്ങ​ളോ​ടു ചോദി​ച്ച​പ്പോൾ അവരിൽ 22 ശതമാ​ന​വും മറുപടി പറഞ്ഞത്‌ “ധനിക​രാ​കാൻ” എന്നായി​രു​ന്നു.

പണത്തിനു വേണ്ടി​യുള്ള ഈ തൃഷ്‌ണ​യ്‌ക്കു വളം​വെ​ക്കു​ന്നത്‌ “ഭൗതി​കാ​സ​ക്തി​യെന്ന വൻതിര” എന്നു ന്യൂസ്‌വീക്ക്‌ മാഗസിൻ വിളിച്ച സംഗതി​യാണ്‌, അതു ലോക​മെ​മ്പാ​ടും അലയടി​ച്ചി​രി​ക്കു​ന്നു. “വളരെ ഭൗതി​കാ​സ​ക്തി​യുള്ള ഒരാളാ​ണു ഞാൻ, നല്ല കമ്പനി​ക​ളു​ടെ സാധനങ്ങൾ വാങ്ങു​ന്ന​തി​ലാണ്‌ എനിക്കു താത്‌പ​ര്യം,” 18 വയസ്സുള്ള മാർട്ടിൻ പറയുന്നു. “നന്നായി പണം മുടക്കി​യാൽ നല്ല വസ്‌തു​ക്കൾ കിട്ടു​മെന്നു ഞാൻ ഉറച്ചു വിശ്വ​സി​ക്കു​ന്നു. അതു​കൊണ്ട്‌, ആഗ്രഹി​ക്കുന്ന സംഗതി​കൾക്കു ഞാൻ ധാരാളം പണം ചെലവാ​ക്കാ​റുണ്ട്‌.” മാർട്ടിൻ ‘ധാരാളം പണം ചെലവാ​ക്കുന്ന’ ഒരേ​യൊ​രു യുവാവല്ല. യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ ഇങ്ങനെ പറയുന്നു: “കഴിഞ്ഞ വർഷം [ഐക്യ​നാ​ടു​ക​ളിൽ] 12 വയസ്സി​നും 19 വയസ്സി​നും ഇടയി​ലു​ള്ളവർ ഷോപ്പി​ങ്ങി​നു വേണ്ടി എന്നത്തെ​ക്കാ​ളു​മ​ധി​കം പണം ചെലവ​ഴി​ക്കു​ക​യു​ണ്ടാ​യി—10,900 കോടി ഡോളർ. അത്‌ 1990-നെക്കാൾ 38 ശതമാനം കൂടു​ത​ലാ​യി​രു​ന്നു.”

പുതു​പു​ത്തൻ വസ്‌ത്രങ്ങൾ, കോമ്പാ​ക്‌റ്റ്‌ ഡിസ്‌കു​കൾ, കമ്പ്യൂട്ടർ ഉത്‌പ​ന്നങ്ങൾ തുടങ്ങി​യ​വ​യ്‌ക്കൊ​ക്കെ യുവജ​ന​ങ്ങൾക്ക്‌ എവി​ടെ​നി​ന്നാ​ണു പണം ലഭിക്കു​ന്നത്‌? യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ പറയു​ന്ന​പ്ര​കാ​രം, “16-നും 19-നുമി​ട​യ്‌ക്ക്‌ പ്രായ​മുള്ള പകുതി​പ്പേർക്കും അംശകാല ജോലി​യുണ്ട്‌.” സമനി​ല​യിൽ നിർത്തു​ന്ന​പക്ഷം സ്‌കൂൾസ​മ​യാ​നന്തര ജോലിക്ക്‌ അതി​ന്റേ​തായ പ്രയോ​ജ​ന​ങ്ങ​ളുണ്ട്‌. അത്‌ ഒരു യുവാ​വി​നെ ഉത്തരവാ​ദി​ത്വ​ബോ​ധ​മു​ള്ള​വ​നാ​കാൻ പഠിപ്പി​ക്കു​ന്നു. എന്നിരു​ന്നാ​ലും, ഇക്കാര്യ​ത്തിൽ ചില യുവജ​നങ്ങൾ സമനില വിടുന്നു. ന്യൂസ്‌വീക്ക്‌ മാഗസിൻ ഇങ്ങനെ അഭി​പ്രാ​യ​പ്പെ​ടു​ന്നു: “[ജോലി ചെയ്യുന്ന] വിദ്യാർഥി​കൾക്കു സമ്മർദ​മു​ള്ള​താ​യി മനശ്ശാ​സ്‌ത്ര​ജ്ഞ​രും അധ്യാ​പ​ക​രും കാണുന്നു. ഗൃഹപാ​ഠ​ത്തിന്‌ അവർക്കു സമയമില്ല. എന്നും ഉണർന്നി​രി​ക്കാൻ വിഷമി​ക്കുന്ന ക്ഷീണി​ത​രായ കുട്ടി​കളെ കാണുന്ന അധ്യാ​പകർ ഒട്ടുമി​ക്ക​പ്പോ​ഴും പഠനനി​ല​വാ​രങ്ങൾ താഴ്‌ത്തി​ക്കൊണ്ട്‌ പ്രതി​ക​രി​ക്കു​ന്നു.”

അങ്ങനെ​യാ​ണെ​ങ്കി​ലും, ജോലി ചെയ്യുന്ന യുവജ​ന​ങ്ങ​ളിൽ ആരും​തന്നെ തങ്ങളുടെ വരുമാ​ന​മാർഗം ഉപേക്ഷി​ക്കാൻ ഒരുക്ക​മു​ള്ള​വരല്ല. “പഠനം പ്രധാ​ന​മാണ്‌, അതു​പോ​ലെ​ത​ന്നെ​യാ​ണു പണവും. ഗൃഹപാ​ഠം ചെയ്‌ത​തു​കൊണ്ട്‌ പണമു​ണ്ടാ​കു​ന്നി​ല്ല​ല്ലോ,” വനെസ എന്ന യുവതി പറയുന്നു. നിങ്ങളെ സംബന്ധി​ച്ചി​ട​ത്തോ​ളം പണമു​ണ്ടാ​ക്കു​ന്നത്‌ എത്ര പ്രധാ​ന​മാണ്‌? ധാരാളം പണമു​ണ്ടാ​ക്കുക എന്നതാ​ണോ നിങ്ങളു​ടെ മുഖ്യ ജീവിത ലക്ഷ്യം?

“ധനിക​രാ​കാൻ ദൃഢനി​ശ്ചയം ചെയ്‌തി​രി​ക്കു​ന്നവർ”

അതേ ചോദ്യ​ങ്ങൾതന്നെ ബൈബി​ളും കൈകാ​ര്യം ചെയ്യുന്നു. പൗലൊസ്‌ അപ്പോ​സ്‌തലൻ എഴുതി: ‘ധനിക​ന്മാ​രാ​കു​വാൻ ആഗ്രഹി​ക്കു​ന്നവർ [“ധനിക​രാ​കാൻ ദൃഢനി​ശ്ചയം ചെയ്‌തി​രി​ക്കു​ന്നവർ,” NW] പരീക്ഷ​യി​ലും കെണി​യി​ലും കുടു​ങ്ങു​ക​യും മനുഷ്യർ സംഹാ​ര​നാ​ശ​ങ്ങ​ളിൽ മുങ്ങി​പ്പോ​കു​വാൻ ഇടവരുന്ന മൌഢ്യ​വും ദോഷ​ക​ര​വു​മായ പല മോഹ​ങ്ങൾക്കും ഇരയാ​യി​ത്തീ​രു​ക​യും ചെയ്യുന്നു. ദ്രവ്യാ​ഗ്രഹം സകലവിധ ദോഷ​ത്തി​ന്നും മൂലമ​ല്ലോ. ഇതു ചിലർ കാംക്ഷി​ച്ചി​ട്ടു വിശ്വാ​സം വിട്ടു​ഴന്നു ബഹുദുഃ​ഖ​ങ്ങൾക്കു അധീന​രാ​യി​ത്തീർന്നി​രി​ക്കു​ന്നു.’—1 തിമൊ​ഥെ​യൊസ്‌ 6:9, 10.

താൻ പറയു​ന്നത്‌ എന്തി​നെ​ക്കു​റി​ച്ചാ​ണെന്ന്‌ പൗലൊ​സി​നു നന്നായി അറിയാ​മാ​യി​രു​ന്നു. ക്രിസ്‌ത്യാ​നി ആയിത്തീ​രു​ന്ന​തി​നു മുമ്പ്‌, ‘ദ്രവ്യാ​ഗ്ര​ഹി​കൾ’ എന്ന്‌ ബൈബിൾ വർണി​ക്കുന്ന, “പരീശ​ന്മാർ” എന്നറി​യ​പ്പെ​ട്ടി​രുന്ന മതനേ​താ​ക്ക​ന്മാ​രിൽ ഒരുവ​നാ​യി​രു​ന്നു അവൻ. (ലൂക്കൊസ്‌ 16:14) എന്നിട്ടും, പണമു​ണ്ടാ​ക്കു​ന്ന​തി​നെ ആ അപ്പോ​സ്‌തലൻ കുറ്റം വിധി​ച്ചില്ല. മറിച്ച്‌, “ധനിക​രാ​കാൻ ദൃഢനി​ശ്ചയം ചെയ്‌തി​രി​ക്കു​ന്നവർ”ക്കെതിരെ, അല്ലെങ്കിൽ മറ്റൊരു വിവർത്തനം പറയു​ന്ന​തു​പോ​ലെ, “സമ്പന്നരാ​യി​ത്തീ​രു​ന്ന​തിൽ ഹൃദയം പതിപ്പി​ച്ചി​രി​ക്കു​ന്നവർ”ക്കെതിരെ, അവൻ മുന്നറി​യി​പ്പു നൽകി. (ഫിലി​പ്‌സ്‌) എന്നാൽ അതിൽ എന്താണി​ത്ര തെറ്റ്‌?

പൗലൊസ്‌ വിശദീ​ക​രി​ക്കു​ന്ന​തു​പോ​ലെ, അത്തരക്കാർ ‘പരീക്ഷ​യി​ലും കെണി​യി​ലും കുടു​ങ്ങു​ന്നു.’ സമാന​മായ ഒരാശ​യ​മാണ്‌ സദൃശ​വാ​ക്യ​ങ്ങൾ 28:20 വ്യക്തമാ​ക്കു​ന്നത്‌. “ധനവാ​നാ​കേ​ണ്ട​തി​ന്നു ബദ്ധപ്പെ​ടു​ന്ന​വ​ന്നോ ശിക്ഷ വരാതി​രി​ക്ക​യില്ല [“നിഷ്‌ക​ള​ങ്ക​നാ​യി നില​കൊ​ള്ളു​ക​യില്ല,” NW]” എന്ന്‌ അത്‌ പറയുന്നു. തങ്ങൾക്കു വേണ്ട​ത്ര​യില്ല എന്നു വിചാ​രി​ച്ചു​കൊണ്ട്‌ ചില യുവജ​നങ്ങൾ മോഷണം അവലം​ബി​ക്കു​ന്നു.

മിക്ക യുവജ​ന​ങ്ങ​ളും മോഷ്ടി​ക്കു​ന്ന​തി​നെ​ക്കു​റി​ച്ചു ചിന്തി​ക്കു​ക​യി​ല്ലെ​ന്നതു ശരിയാണ്‌. എന്നാൽ, ചിലർ സമാന​മാ​യി അപകട​ക​ര​മായ പെരു​മാ​റ്റ​ത്തിൽ ഏർപ്പെ​ട്ടേ​ക്കാം. ക്രിസ്റ്റ്യാ​നി​റ്റി ടുഡേ ഇങ്ങനെ റിപ്പോർട്ടു ചെയ്യുന്നു: “കൗമാ​ര​പ്രാ​യ​ക്കാ​രു​ടെ ഇടയിൽ ഏറ്റവും വർധി​ച്ചു​വ​രുന്ന ആസക്തി അമിത​മായ ചൂതാ​ട്ട​മാ​ണെ​ന്നാ​ണു ചില വിദഗ്‌ധ​രു​ടെ അഭി​പ്രാ​യം.” ഐക്യ​നാ​ടു​ക​ളിൽ ഒരിടത്ത്‌ “ഹൈസ്‌കൂ​ളിൽ മുതിർന്ന ക്ലാസ്സിൽ എത്തിയ​പ്പോ​ഴേ​ക്കും കൗമാ​ര​പ്രാ​യ​ക്കാ​രിൽ 90 ശതമാ​ന​വും നിയമ​വി​രു​ദ്ധ​മാ​യി ലോട്ടറി ടിക്കറ്റു​കൾ വാങ്ങി​യി​രു​ന്നു.” മറ്റു ചില യുവജ​നങ്ങൾ അതിലു​മേറെ കടുത്ത നടപടി​കൾ അവലം​ബി​ച്ചി​രി​ക്കു​ന്നു. 16 വയസ്സു​കാ​ര​നായ മാത്യു പറയുന്നു: “മാന്യ​മായ തൊഴിൽ കിട്ടാൻ ബുദ്ധി​മു​ട്ടാണ്‌. അതു​കൊണ്ട്‌ കൈമാ​റ്റ​വും കച്ചവട​വും നടത്തി​ക്കൊ​ണ്ടാ​ണു ഞാൻ പണമധി​ക​വും ഉണ്ടാക്കു​ന്നത്‌. . . . വല്ലപ്പോ​ഴു​മൊ​ക്കെ ഞാൻ [മയക്കു​മ​രു​ന്നു​കൾ] വിൽക്കു[മായി​രു​ന്നു].”

‘സംഹാ​ര​നാ​ശ​ങ്ങ​ളിൽ മുക്കുന്നു’

പണമു​ണ്ടാ​യി​രി​ക്കു​ന്നത്‌ ഒരുവനു സ്വാത​ന്ത്ര്യ​ബോ​ധം നൽകി​യേ​ക്കാ​മെ​ന്നതു ശരിതന്നെ. എന്നാൽ പൗലൊസ്‌ വിശദീ​ക​രി​ക്കു​ന്ന​തു​പോ​ലെ, ഒടുവിൽ പണത്തിനു പിന്നാ​ലെ​യുള്ള നെട്ടോ​ട്ട​ത്തിന്‌ ഒരുവനെ വാസ്‌ത​വ​ത്തിൽ “സംഹാ​ര​നാ​ശ​ങ്ങ​ളിൽ മുങ്ങി​പ്പോ​കു​വാൻ ഇടവരുന്ന മൌഢ്യ​വും ദോഷ​ക​ര​വു​മായ പല മോഹ​ങ്ങൾക്കും” അടിമ​യാ​ക്കാൻ സാധി​ക്കും. അതേ, പണസ്‌നേഹം അതിന്റെ ദംഷ്‌ട്രങ്ങൾ ഒരിക്കൽ നിങ്ങളി​ലേക്ക്‌ ഇറക്കി​ക്ക​ഴി​ഞ്ഞാൽ അത്യാ​ഗ്രഹം, ഹിംസാ​ത്മ​ക​മായ അസൂയ, ദ്രോ​ഹ​ക​ര​മായ മറ്റു മോഹങ്ങൾ തുടങ്ങി​യ​വ​യൊ​ക്കെ നിയ​ന്ത്ര​ണ​മേ​റ്റെ​ടു​ക്കും. (കൊ​ലൊ​സ്സ്യർ 3:5 താരത​മ്യം ചെയ്യുക.) മറ്റു യുവജ​ന​ങ്ങ​ളു​ടെ കാറു​ക​ളി​ലും ഉടയാ​ട​ക​ളി​ലും അസൂയാ​ലു​ക്ക​ളാ​കുന്ന ചില കൗമാ​ര​പ്രാ​യ​ക്കാർ “വളരെ ആകുല​രാ​യി​ത്തീ​രു​ന്നു” എന്ന്‌ ടീൻ മാഗസി​നിൽ വന്ന ഒരു ലേഖനം അഭി​പ്രാ​യ​പ്പെട്ടു. അത്തരം അസൂയ ചില​പ്പോൾ “ആത്മനി​ന്ദ​യ്‌ക്കു കാരണ​മാ​കു​ന്നു. പിന്നീട്‌, തനിക്കി​ല്ലാത്ത സംഗതി​ക​ളെ​ക്കു​റി​ച്ചു മാത്ര​മാ​യി​രി​ക്കും കൗമാ​ര​പ്രാ​യ​ക്കാ​രന്റെ ചിന്ത” എന്ന്‌ ആ ലേഖനം കൂട്ടി​ച്ചേർക്കു​ന്നു.

സമ്പത്തി​നോ​ടു​ള്ള ആഗ്രഹ​ത്തിന്‌ ‘പരീക്ഷ​യിൽ കുടു​ങ്ങാൻ’ മാത്രമല്ല ‘സംഹാ​ര​നാ​ശ​ങ്ങ​ളിൽ മുങ്ങി​പ്പോ​കു​വാ​നും’ ഇടയാ​ക്കാ​നാ​കും. ബൈബിൾ ഭാഷ്യ​കാ​ര​നായ ആൽബെർട്ട്‌ ബാൺസ്‌ ഇങ്ങനെ അഭി​പ്രാ​യ​പ്പെ​ടു​ന്നു: “കപ്പലും അതിലുള്ള സകലതും ആണ്ടു​പോ​കുന്ന ഒരു കപ്പൽച്ചേ​ത​ത്തി​ന്റെ ചിത്ര​മാണ്‌ ഇവി​ടെ​യു​ള്ളത്‌. നാശം സമ്പൂർണ​മാണ്‌. സന്തുഷ്ടി, നന്മ, സത്‌പേര്‌, ദേഹി എന്നിവ​യെ​ല്ലാം പൂർണ​മാ​യും നശിക്കു​ന്നു.”—1 തിമൊ​ഥെ​യൊസ്‌ 1:19 താരത​മ്യം ചെയ്യുക.

അതു​കൊണ്ട്‌ സമസ്‌ത​വ്യാ​പക “ദ്രവ്യാ​ഗ്രഹം സകലവിധ ദോഷ​ത്തി​ന്നും മൂലമ​ല്ലോ” എന്നു പൗലൊസ്‌ ഉചിത​മാ​യി​ത്തന്നെ പറയുന്നു. തത്‌ഫ​ല​മാ​യി, ‘ചിലർ വിശ്വാ​സം വിട്ടു​ഴന്നു ബഹുദുഃ​ഖ​ങ്ങൾക്കു അധീന​രാ​യി​ത്തീർന്നി​രി​ക്കു​ന്നു.’ ഉദാഹ​ര​ണ​ത്തിന്‌, ഒരു യുവാ​വി​ന്റെ കാര്യ​മെ​ടു​ക്കാം. നമുക്ക​വനെ റോറി എന്നു വിളി​ക്കാം. 12-ാം വയസ്സിൽ അവൻ ചൂതാട്ടം തുടങ്ങി. “യാതൊ​ന്നും ചെയ്യാതെ പണമു​ണ്ടാ​ക്കാ​നുള്ള മാർഗ​മാ​യി​രു​ന്നു അത്‌,” അവനോർമി​ക്കു​ന്നു. താമസി​യാ​തെ നൂറു​ക​ണ​ക്കി​നു ഡോളർ കടത്തി​ലായ അവൻ സ്‌നേ​ഹി​ത​രെ​യും കുടും​ബ​ത്തെ​യും പഠന​ത്തെ​യും അവഗണി​ക്കാൻ തുടങ്ങി. “ഞാനതു നിർത്താൻ ശ്രമി​ച്ചു​നോ​ക്കി,” എന്നാൽ ആവർത്തി​ച്ചാ​വർത്തി​ച്ചു പരാജ​യ​പ്പെ​ടു​ക​യാ​ണു ചെയ്‌തത്‌. 19-ാമത്തെ വയസ്സിൽ സഹായം തേടു​ന്ന​തു​വരെ അവൻ ‘ബഹുദുഃ​ഖ​ങ്ങൾക്ക്‌ അധീന​നാ​കു​ന്ന​തിൽ’ തുടർന്നു. ചെയ്‌സിങ്‌ മാമോൻ എന്ന തന്റെ പുസ്‌ത​ക​ത്തിൽ എഴുത്തു​കാ​ര​നായ ഡഗ്ലസ്‌ കെന്നഡി പണത്തിന്റെ പിന്നാ​ലെ​യുള്ള നെട്ടോ​ട്ടത്തെ “മനോ​വി​ഭ്ര​മ​മു​ണ്ടാ​ക്കുന്ന ഒരു അനുഭവ”മെന്നു വിളി​ക്കു​ന്നത്‌ ഒട്ടും അതിശ​യോ​ക്തി​യോ​ടെയല്ല.

സമനില കണ്ടെത്തൽ

നൂറ്റാ​ണ്ടു​കൾക്കു മുമ്പത്തെ ശലോ​മോ​ന്റെ ബുദ്ധ്യു​പ​ദേശം അന്നത്തെ​പ്പോ​ലെ​തന്നെ ഇന്നും പ്രസക്ത​മാണ്‌: “ധനവാ​നാ​കേ​ണ്ട​തി​ന്നു പണി​പ്പെ​ട​രു​തു; അതിന്നാ​യുള്ള ബുദ്ധി വിട്ടു​കളക. നിന്റെ ദൃഷ്ടി ധനത്തി​ന്മേൽ പതിക്കു​ന്നതു എന്തിനു? അതു ഇല്ലാ​തെ​യാ​യ്‌പോ​കു​മ​ല്ലോ. കഴുകൻ ആകാശ​ത്തേക്കു എന്നപോ​ലെ അതു ചിറ​കെ​ടു​ത്തു പറന്നു​ക​ള​യും.” (സദൃശ​വാ​ക്യ​ങ്ങൾ 23:4, 5) ഭൗതി​ക​സ്വ​ത്തു​ക്കൾ താത്‌കാ​ലി​ക​മാണ്‌. അതു​കൊണ്ട്‌ പണത്തിനു പിന്നാ​ലെ​യുള്ള നെട്ടോ​ട്ടം ജീവി​ത​ത്തി​ലെ മുഖ്യ സംഗതി​യാ​ക്കു​ന്നതു വിഡ്‌ഢി​ത്ത​മാണ്‌. “തികച്ചും ഭൗതി​കാ​സ​ക്ത​മായ ലക്ഷ്യങ്ങ​ളിൽ കുരു​ങ്ങി​പ്പോ​കാൻ ഞാനാ​ഗ്ര​ഹി​ക്കു​ന്നില്ല,” മോറിൻ എന്നു പേരുള്ള ഒരു യുവതി പറയുന്നു. “പണമു​ണ്ടാ​ക്കു​ന്ന​തിൽ ഞാൻ മുഴു​കി​പ്പോ​യാൽ ഒടു​ക്കേ​ണ്ടി​വ​രുന്ന വില എന്റെ ആത്മീയ​ത​യാ​ണെന്ന്‌ എനിക്ക​റി​യാം,” അവൾ പറയുന്നു.

പണം ആവശ്യ​മാ​ണെ​ന്നതു സത്യം​തന്നെ. മതിയായ വരുമാ​ന​മു​ണ്ടാ​യി​രി​ക്കു​ന്നത്‌ സ്വന്തം ആവശ്യ​ങ്ങൾക്കു വേണ്ടി കരുതാൻ നിങ്ങളെ സഹായി​ക്കും—ഇടയ്‌ക്കി​ടെ ഭൗതി​ക​മാ​യി മറ്റുള്ള​വരെ സഹായി​ക്കാൻപോ​ലും നിങ്ങൾക്കു സാധി​ച്ചേ​ക്കാം. (എഫെസ്യർ 4:28) കഠിന​മാ​യി അധ്വാ​നിച്ച്‌ സത്യസ​ന്ധ​മാ​യി പണമു​ണ്ടാ​ക്കാൻ പഠിക്കുക. എങ്ങനെ പണം സമ്പാദി​ക്കാ​മെ​ന്നും വരവു​ചെ​ല​വു​ക​ണ​ക്കു​കൾ തയ്യാറാ​ക്കാ​മെ​ന്നും ബുദ്ധി​പൂർവം ചെലവാ​ക്കാ​മെ​ന്നും പഠിക്കുക. എന്നാൽ പണത്തെ നിങ്ങളു​ടെ ജീവി​ത​ത്തി​ലെ അതി​പ്ര​ധാന സംഗതി​യാ​ക്കാ​തി​രി​ക്കുക. ‘ദാരി​ദ്ര്യ​വും സമ്പത്തും എനിക്കു തരരുതേ’ എന്നു പ്രാർഥിച്ച സദൃശ​വാ​ക്യ​ങ്ങൾ 30:8-ന്റെ എഴുത്തു​കാ​രൻ പ്രകടി​പ്പി​ച്ച​തു​പോ​ലുള്ള സമനി​ല​യോ​ടു​കൂ​ടിയ ഒരു വീക്ഷണ​മു​ണ്ടാ​യി​രി​ക്കാൻ ശ്രമി​ക്കുക. ആത്മീയ താത്‌പ​ര്യ​ങ്ങൾ മുൻപ​ന്തി​യിൽ കൊണ്ടു​വ​രു​ന്ന​തി​നാൽ, ഏറ്റവും നല്ലതരം സമ്പത്ത്‌ നേടാൻ നിങ്ങൾക്കു സാധി​ക്കും. സദൃശ​വാ​ക്യ​ങ്ങൾ 10:22 (NW) പറയു​ന്ന​തു​പോ​ലെ, “യഹോ​വ​യു​ടെ അനു​ഗ്രഹം—അതാണ്‌ സമ്പന്നനാ​ക്കു​ന്നത്‌, അവൻ അതി​നോ​ടു വേദന​യൊ​ന്നും കൂട്ടു​ന്നില്ല.”

[13-ാം പേജിലെ ചിത്രം]

സമപ്രായക്കാർക്ക്‌ ഒപ്പമാ​യി​രി​ക്കാൻ പല യുവജ​ന​ങ്ങൾക്കും പണമാ​വ​ശ്യ​മാണ്‌