വിനോ​ദം തിര​ഞ്ഞെ​ടു​ക്കു​ന്ന​തിൽ ശ്രദ്ധയു​ള്ള​വ​രാ​യി​രി​ക്കുക

വിനോ​ദ​ത്തിന്‌ കുട്ടി​ക​ളു​ടെ​മേൽ എന്തു സ്വാധീ​ന​മാണ്‌ ഉള്ളത്‌? ലൈം​ഗി​ക​ത​യെ​യും അക്രമ​ത്തെ​യും ചിത്രീ​ക​രി​ക്കുന്ന ചലച്ചി​ത്രങ്ങൾ കാണു​മ്പോൾ, അത്തരം പെരു​മാ​റ്റം സ്വാഭാ​വി​ക​മാ​ണെന്ന്‌ കുട്ടികൾ ധരിക്കു​ന്നു​വെന്ന്‌ 30 വർഷ​ത്തോ​ള​മാ​യി കുട്ടി​ക​ളോ​ടൊ​പ്പം പ്രവർത്തി​ച്ചു​വ​രുന്ന ഒരു അധ്യാ​പ​ക​നും ഡോക്ട​റു​മായ ആൽവിൻ പൂസൻ ഉറച്ചു വിശ്വ​സി​ക്കു​ന്നു. അദ്ദേഹം മറ്റൊരു അപകട​വും ചൂണ്ടി​ക്കാ​ണി​ക്കു​ന്നു: “അത്തരം ചലച്ചി​ത്രങ്ങൾ കണ്ട്‌ വീട്ടിൽ മടങ്ങി​യെ​ത്തുന്ന കുട്ടികൾ ഭയാ​ക്രാ​ന്ത​രോ അങ്ങേയറ്റം അക്രമാ​സ​ക്ത​രോ ആയിത്തീ​രു​ന്നത്‌ ഞാൻ കണ്ടിട്ടുണ്ട്‌. മറ്റുചി​ലർ, പേടി മൂലം മാതാ​പി​താ​ക്ക​ളു​ടെ പിറകിൽനി​ന്നു മാറാ​തി​രി​ക്കൽ, വിരലു കുടിക്കൽ, കിടക്ക​യിൽ മൂത്ര​മൊ​ഴി​ക്കൽ തുടങ്ങിയ പഴയശീ​ല​ങ്ങ​ളി​ലേക്കു മടങ്ങി​പ്പോ​കു​ന്ന​താ​യും ഞാൻ കണ്ടിട്ടുണ്ട്‌.” ശാരീ​രി​ക​മോ ലൈം​ഗി​ക​മോ ആയ ദുഷ്‌പെ​രു​മാ​റ്റം, യുദ്ധ​മേ​ഖ​ല​യിൽ പാർക്കൽ തുടങ്ങിയ—ഇവ ചുരുക്കം ചിലതു​മാ​ത്രം—മറ്റു സംഗതി​ക​ളും അത്തരം പെരു​മാ​റ്റ​ങ്ങൾക്ക്‌ ഇടയാ​ക്കു​ന്ന​താ​യി വിദഗ്‌ധർ ചൂണ്ടി​ക്കാ​ണി​ക്കു​ന്നു​വെന്ന്‌ ആ ഡോക്ടർ പറയുന്നു. “നാമാ​രും ഒരു കുട്ടിയെ മനഃപൂർവം അത്തരം സാഹച​ര്യ​ങ്ങ​ളിൽ കൊണ്ടാ​ക്കു​ക​യില്ല. എങ്കിലും, കുട്ടി​കളെ യഥാർഥ ജീവി​ത​ത്തിൽ കാണി​ക്കാൻ നാം അങ്ങേയറ്റം ഭയക്കുന്ന സംഗതി​കൾ തന്നെ ചലച്ചി​ത്ര​ങ്ങ​ളിൽ കാണാൻ നാം അവരെ അനുവ​ദി​ക്കു​ന്നു,” അദ്ദേഹം വിശദീ​ക​രി​ക്കു​ന്നു.

വിനോ​ദം തിര​ഞ്ഞെ​ടു​ക്കു​ന്ന​തിൽ ശ്രദ്ധയു​ള്ള​വ​രാ​യി​രി​ക്കു​ന്ന​തി​നും തങ്ങൾ തിര​ഞ്ഞെ​ടു​ക്കുന്ന വിനോ​ദം ബൈബിൾ തത്ത്വങ്ങളെ ലംഘി​ക്കു​ന്നി​ല്ലെന്നു തീർച്ച​പ്പെ​ടു​ത്തു​ന്ന​തി​നും ക്രിസ്‌ത്യാ​നി​കൾക്കു നല്ല കാരണ​മുണ്ട്‌. ഉദാഹ​ര​ണ​ത്തിന്‌, സങ്കീർത്ത​നങ്ങൾ 11:5 (പി.ഒ.സി. ബൈബിൾ) ഇങ്ങനെ പ്രസ്‌താ​വി​ക്കു​ന്നു: “കർത്താവ്‌ നീതി​മാ​നെ​യും ദുഷ്ട​നെ​യും പരി​ശോ​ധി​ക്കു​ന്നു; അക്രമം ഇഷ്ടപ്പെ​ടു​ന്ന​വനെ അവിടുന്ന്‌ വെറു​ക്കു​ന്നു.” ക്രിസ്‌തീയ അപ്പോ​സ്‌ത​ല​നായ പൗലൊസ്‌ ഇങ്ങനെ എഴുതി: “ആകയാൽ ദുർന്ന​ടപ്പു, അശുദ്ധി, അതിരാ​ഗം, ദുർമ്മോ​ഹം, വിഗ്ര​ഹാ​രാ​ധ​ന​യായ അത്യാ​ഗ്രഹം ഇങ്ങനെ ഭൂമി​യി​ലുള്ള നിങ്ങളു​ടെ അവയവ​ങ്ങളെ മരിപ്പി​പ്പിൻ. . . . കോപം, ക്രോധം, ഈർഷ്യ, വായിൽനി​ന്നു വരുന്ന ദൂഷണം, ദുർഭാ​ഷണം ഇവ ഒക്കെയും വിട്ടു​ക​ള​വിൻ.”—കൊ​ലൊ​സ്സ്യർ 3:5, 8.

അതു​കൊണ്ട്‌, ‘ജഡത്തിന്റെ പ്രവൃ​ത്തി​കളെ’ പ്രോ​ത്സാ​ഹി​പ്പി​ക്കാത്ത തരം വിനോ​ദം തങ്ങൾക്കും കുട്ടി​കൾക്കും വേണ്ടി തിര​ഞ്ഞെ​ടു​ക്കു​ന്ന​തിൽ മാതാ​പി​താ​ക്കൾ ജാഗ്ര​ത​യു​ള്ള​വ​രാ​യി​രി​ക്കണം. (ഗലാത്യർ 5:19-21) വിനോ​ദ​ത്തി​ന്റെ ഗുണനി​ല​വാ​ര​വും അളവും കണക്കി​ലെ​ടു​ത്തു​കൊണ്ട്‌ വേണം അവർ വിനോ​ദം തിര​ഞ്ഞെ​ടു​ക്കാൻ.—എഫെസ്യർ 5:15-17.