പാഠം 1

സത്യത്തി​ന്റെ ഇമ്പമാ​യു​ളള വാക്കുകൾ സംസാ​രി​ക്കു​ന്നു

1-3. മനുഷ്യ​സം​സാ​രം എങ്ങനെ ഉളവായി, അത്‌ എങ്ങനെ വികസി​ത​മാ​യി?

¹ യഹോവ സംസാ​ര​ത്തി​ന്റെ വലിയ സ്രഷ്ടാ​വാണ്‌. ബുദ്ധി​ശ​ക്തി​യു​ളള സൃഷ്ടി​ക​ളു​ടെ ഇടയിലെ ഈ അത്യത്ഭു​ത​ക​ര​മായ ആശയവി​നി​മ​യ​മാർഗ​ത്തി​ന്റെ സകല ബഹുമ​തി​യും അവിടു​ത്തേക്കു കൊടു​ക്കേ​ണ്ട​താണ്‌. ദൈവം ചെയ്യുന്ന സകലവും നല്ലതാ​ക​യാൽ, അവിടു​ന്നു മനുഷ്യന്‌ ആദിയിൽ കൊടുത്ത സംസാ​ര​ത്തി​ന്റെ വരം ബൈബി​ളിൽ യാക്കോബ്‌ 1:17-ൽ പരാമർശി​ച്ചി​രി​ക്കുന്ന ‘തികഞ്ഞ വരങ്ങളിൽ’ ഒന്നായി​രു​ന്നു​വെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. വാക്കുകൾ സംബന്ധി​ച്ചു​ളള ഒരു വിദഗ്‌ധ​നായ ലഡ്‌വിഗ്‌ കോഹ്ലർ മനുഷ്യ​സം​സാ​ര​ത്തെ​ക്കു​റിച്ച്‌ ഇങ്ങനെ എഴുതി: “സംസാ​ര​ത്തിൽ യഥാർഥ​ത്തിൽ സംഭവി​ക്കു​ന്നത്‌, സംസാ​രി​ക്ക​പ്പെട്ട വാക്കാ​യി​ത്തീ​രു​ന്ന​തി​നു ഗ്രഹണ​ത്തി​ന്റെ സ്‌ഫു​ലിം​ഗം അന്തഃസ​ത്തയെ ഉത്തേജി​പ്പി​ക്കുന്ന വിധം, . . . നമ്മുടെ ഗ്രാഹ്യ​ത്തിൽനി​ന്നു തെന്നി​മാ​റു​ക​യാണ്‌. മനുഷ്യ​സം​സാ​രം ഒരു രഹസ്യ​മാണ്‌; അത്‌ ഒരു ദിവ്യ​വ​ര​മാണ്‌, ഒരു അത്ഭുതം.”

² അങ്ങനെ ആദാമി​ന്റെ സൃഷ്ടി​യു​ടെ സമയത്ത്‌ അവന്‌ ഒരു പദസമ്പത്തു കൊടു​ക്ക​പ്പെട്ടു. പുതിയ വാക്കുകൾ നിർമി​ക്കു​ന്ന​തി​നു​ളള പ്രാപ്‌തി​യും ആദാമി​നു​ണ്ടാ​യി​രു​ന്നു. തീർച്ച​യാ​യും ഫലപ്ര​ദ​മാ​യി ആശയവി​നി​യമം ചെയ്യു​ന്ന​തി​നു​ളള പ്രാപ്‌തി​യും അവനു സമ്മാനി​ക്ക​പ്പെ​ട്ടി​രു​ന്നു. അവനു തന്റെ ചിന്തകളെ നല്ല സംസാ​ര​ത്തി​ലൂ​ടെ പ്രകാ​ശി​പ്പി​ക്കു​ന്ന​തി​നു കഴിയു​മാ​യി​രു​ന്നു​വെന്നു മാത്രമല്ല, സംസാരം മനസ്സി​ലാ​ക്കു​ന്ന​തി​നു​ളള പ്രാപ്‌തി​യും ഉണ്ടായി​രു​ന്നു. ദൈവം ആദാമി​നു നിർദേ​ശങ്ങൾ കൊടു​ത്തു​കൊണ്ട്‌ അവനോ​ടു സംസാ​രി​ച്ചു​വെന്ന വസ്‌തു​ത​യിൽനി​ന്നു നാം ഇതു മനസ്സി​ലാ​ക്കു​ന്നു. ക്രമത്തിൽ, ആദാമി​നു ഹവ്വാ​യോട്‌ ആശയവി​നി​മ​യം​ചെ​യ്യാൻ കഴിയു​മാ​യി​രു​ന്നു.—ഉല്‌പ. 1:27-30; 2:16-20.

³ എന്നിരു​ന്നാ​ലും, ഭൂമി​യിൽ വലിയ ദുഷ്ടത ഉണ്ടായി​രുന്ന ഒരു സമയത്ത്‌, ബാബേൽ ഗോപു​ര​ത്തി​ങ്കൽ, ദൈവം മനുഷ്യ​രു​ടെ ഭാഷ കലക്കി. (ഉല്‌പ. 11:4-9) ഇന്ന്‌ അനേകം ഭാഷകൾ ഉളളതി​ന്റെ കാരണം ഇതാണ്‌, അവയിൽ മിക്കതി​നും വിവിധ ഉപഭാ​ഷ​ക​ളുണ്ട്‌. ഈ ഭാഷക​ളിൽ ചിലതു സംസാ​രി​ക്കു​ന്നതു ചെറിയ ഗോ​ത്ര​സ​മൂ​ഹ​ങ്ങ​ളാണ്‌, മററു​ളളവ ദശലക്ഷ​ക്ക​ണ​ക്കി​നാ​ളു​കൾ സംസാ​രി​ക്കു​ന്നു. മനുഷ്യ​നെ​പ്പോ​ലെ​തന്നെ മമനു​ഷ്യ​ന്റെ ഭാഷയും അതിന്റെ ആദിമ​പൂർണ​ത​യിൽനി​ന്നു വളരെ​യ​ധി​കം അധഃപ​തി​ച്ചു​പോ​യി​രി​ക്കു​ന്നു. പലപ്പോ​ഴും അവന്റെ സംസാരം ഉപയോ​ഗി​ക്കു​ന്നതു വ്യാജം പരത്തു​ന്ന​തി​നും ആളുകളെ ദൈവ​ത്തിൽനിന്ന്‌ അകററു​ന്ന​തി​നു​മാണ്‌.

4. നാം നമ്മുടെ സംസാ​ര​പ്രാ​പ്‌തി എങ്ങനെ ഉപയോ​ഗി​ക്കണം?

⁴ മറിച്ച്‌, യഹോ​വ​യു​ടെ ശുശ്രൂ​ഷ​ക​രെന്ന നിലയിൽ, നാം സംസാ​ര​പ്രാ​പ്‌തി ഉചിത​മാ​യി ഉപയോ​ഗി​ക്കാൻ ആഗ്രഹി​ക്കു​ന്നു. നമുക്കു സത്യ​ദൈ​വ​ത്തെ​ക്കു​റിച്ച്‌ ആളുക​ളോ​ടു സംസാ​രി​ക്കു​ന്ന​തി​നും നീതി​യു​ളള ഒരു പുതിയ ലോക​ത്തി​ലെ നിത്യ​ജീ​വന്റെ പുളക​പ്ര​ദ​മായ സന്ദേശം അവർക്കു പങ്കു​വെ​ക്കു​ന്ന​തി​നു​മു​ളള പദവി ഉണ്ട്‌. ഇതു ഫലപ്ര​ദ​മാ​യി ചെയ്യു​ന്ന​തി​നു നമ്മെ സഹായി​ക്കാൻ ഈ ദിവ്യാ​ധി​പത്യ ശുശ്രൂ​ഷാ​സ്‌കൂൾ ഗൈഡ്‌ബുക്ക്‌ പ്രദാ​നം​ചെ​യ്‌തി​രി​ക്കു​ന്നു.

5, 6. നാം സംസാ​രി​ക്കു​ന്നതു സത്യമാ​യി​രി​ക്കേ​ണ്ടതു വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁵ സത്യത്തി​ന്റെ വാക്കുകൾ സംസാ​രി​ക്കു​ന്നു. സംസാര പ്രാപ്‌തി​യു​ടെ ഉചിത​മായ ഉപയോ​ഗം, നാം സംസാ​രി​ക്കു​ന്നതു ദൈവ​വ​ച​ന​ത്തോ​ടു​ളള പൂർണ​യോ​ജി​പ്പിൽ എല്ലായ്‌പോ​ഴും സത്യം ആയിരി​ക്കേ​ണ്ട​താ​വ​ശ്യ​മാ​ക്കി​ത്തീർക്കു​ന്നു. കേൾവി​ക്കാർക്ക്‌ ആത്മീയാ​രോ​ഗ്യം പ്രദാ​നം​ചെ​യ്യാൻ വ്യാജ​ത്തി​നു കഴിയില്ല. തന്നിമി​ത്തം “എന്നോടു കേട്ട പത്ഥ്യവ​ചനം . . . മാതൃ​ക​യാ​ക്കി​ക്കൊൾക” എന്ന്‌ അപ്പോ​സ്‌ത​ല​നായ പൗലോസ്‌ ജ്ഞാനപൂർവം ഉപദേ​ശി​ച്ചു. എന്തു​കൊണ്ട്‌? എന്തു​കൊ​ണ്ടെ​ന്നാൽ ആ “പത്‌ന്യ​വ​ചനം” ദൈവ​ത്തിൽനി​ന്നാ​യി​രു​ന്നു വന്നത്‌. (2 തിമൊ. 1:13) ചിലർ “സത്യത്തി​നു ചെവി കൊടു​ക്കാ”തിരി​ക്കു​മെന്നു പൗലോസ്‌ മുന്നറി​യി​പ്പു​നൽകി, എന്നാൽ ഉചിത​മായ സംഗതി ദൈവ​ത്തി​ന്റെ “വചനം പ്രസം​ഗി​ക്കുക” എന്നതാണ്‌ എന്ന്‌ അദ്ദേഹം പ്രകട​മാ​ക്കി. അതു​കൊ​ണ്ടു നാം ചെയ്യുന്ന സകല പ്രസം​ഗ​ത്തി​ന്റെ​യും പഠിപ്പി​ക്ക​ലി​ന്റെ​യും അടിസ്ഥാ​ന​മാ​യി സത്യത്തി​ന്റെ ദൈവ​വ​ചനം ഉപയോ​ഗി​ച്ചു​കൊണ്ട്‌ അതി​നോ​ടു നാം പററി​നിൽക്കണം.—2 തിമൊ. 4:1-5.

⁶ തക്കസമ​യത്തു പറയുന്ന ഉചിത​മായ വാക്കിനു നിത്യ​ജീ​വ​നി​ലേ​ക്കു​ളള മാർഗ​ത്തിൽ ഒരുവനു തുടക്ക​മി​ട്ടു​കൊ​ടു​ക്കാ​നോ ജീവന്റെ മാർഗ​ത്തിൽ നിലനിൽക്കാൻ അയാളെ സഹായി​ക്കാ​നോ കഴിയു​മെന്നു നമുക്കു നല്ല അറിവുണ്ട്‌. (സദൃ. 18:21; യാക്കോ. 5:19, 20) അതു​കൊണ്ട്‌, വാക്കു​ക​ളു​ടെ ശരിയായ ഉപയോ​ഗം ശുശ്രൂ​ഷ​ക​രായ നമുക്ക്‌ ഓരോ​രു​ത്തർക്കും വലിയ പ്രാധാ​ന്യ​മു​ള​ള​താണ്‌, ദിവ്യാ​ധി​പത്യ ശുശ്രൂ​ഷാ​സ്‌കൂൾ ഈ വസ്‌തു​തക്ക്‌ അടിവ​ര​യി​ടാൻ ശ്രമി​ക്കു​ന്നു.

7-9. ഏതുതരം വാക്കു​ക​ളാ​ണു സാധാ​ര​ണ​യാ​യി അത്യന്തം ഫലപ്രദം?

⁷ വാക്കു​ക​ളു​ടെ തിര​ഞ്ഞെ​ടുപ്പ്‌. വാക്കു​ക​ളു​ടെ ഉദ്ദേശ്യം സംസാ​രി​ക്കുന്ന ആളുടെ ചിന്തകൾ അല്ലെങ്കിൽ ആശയങ്ങൾ അയാളു​ടെ കേൾവി​ക്കാ​രു​ടെ മനസ്സി​ലേക്ക്‌ എത്തിക്കു​ക​യാണ്‌. സംസാ​രി​ക്കുന്ന ആൾ തന്റെ ചിന്തകളെ കൃത്യ​മാ​യി പ്രകട​മാ​ക്കു​ന്ന​തും തന്റെ കേൾവി​ക്കാർക്ക്‌ അറിയാ​വു​ന്ന​തും അല്ലെങ്കിൽ എളുപ്പം തിരി​ച്ച​റി​യാ​വു​ന്ന​തു​മായ വാക്കുകൾ തിര​ഞ്ഞെ​ടു​ക്കു​ന്നു​വെ​ങ്കിൽ മാത്രമേ ഇതു വിജയ​ക​ര​മാ​യി ചെയ്യാൻ കഴിക​യു​ളളു. വാക്കു​ക​ളു​ടെ ഫലകര​മായ തിര​ഞ്ഞെ​ടുപ്പ്‌ ആദ്യ​മൊ​ക്കെ എളുപ്പമല്ല. ഇസ്ര​യേ​ലി​ന്റെ സഭാസം​ഘാ​ട​ക​നായ, ജ്ഞാനി​യായ ശലോ​മോൻരാ​ജാ​വു​പോ​ലും ‘ചിന്തിച്ചു ശോധന കഴിച്ചു അനേകം സദൃശ​വാ​ക്യം ചമെച്ചു.’ “ഇമ്പമാ​യു​ളള വാക്കു​ക​ളും നേരായി എഴുതി​യി​രി​ക്കു​ന്ന​വ​യും സത്യമാ​യു​ളള വചനങ്ങ​ളും കണ്ടെത്തു​വാൻ സഭാ​പ്ര​സം​ഗി ഉത്സാഹി​ച്ചു.” (സഭാ. 12:9, 10) അതു​കൊണ്ട്‌ അഭികാ​മ്യ​മായ വാക്കുകൾ കണ്ടുപി​ടി​ക്കാൻ മാനസി​ക​മായ ശ്രമവും അന്വേ​ഷ​ണ​വും നല്ല വിവേ​ച​ന​യും ആവശ്യ​മാണ്‌. അതേ ബൈബി​ള​ധ്യാ​യ​ത്തി​ന്റെ പതി​നൊ​ന്നാം വാക്യ​ത്തിൽ നന്നായി തിര​ഞ്ഞെ​ടുത്ത വാക്കു​ക​ളു​ടെ ഫലപ്ര​ദ​ത്വം സൂചി​പ്പി​ക്ക​പ്പെ​ടു​ന്നു. “ജ്ഞാനി​ക​ളു​ടെ വചനങ്ങൾ” ആളുകളെ ജീവന്റെ വഴിയിൽ ഉത്തേജി​പ്പി​ക്കു​ക​യും ഉത്സാഹി​പ്പി​ക്കു​ക​യും ചെയ്യുന്ന “മുടി​ങ്കോ​ലി”നോട്‌ ഉപമി​ക്ക​പ്പെ​ട്ടി​രി​ക്കു​ന്നു.

⁸ വാക്കു​ക​ളു​ടെ ലാളി​ത്യം പഠിക്കേണ്ട ആദ്യ തത്ത്വങ്ങ​ളിൽ ഒന്നാണ്‌. സംസാ​രത്തെ ഫലപ്ര​ദ​മാ​ക്കു​ന്ന​തി​നു വാക്കുകൾ സങ്കീർണ​മോ കഠിന​മോ ആയിരി​ക്കേ​ണ്ട​തില്ല. യഥാർഥ​ത്തിൽ, ലാളി​ത്യം ഗ്രാഹ്യ​ത്തി​ന്റെ ഒരു താക്കോ​ലും അങ്ങനെ ഓർമ​യ്‌ക്കു​ളള ഒരു വലിയ സഹായ​വു​മാണ്‌. “ആദിയിൽ ദൈവം ആകാശ​വും ഭൂമി​യും സൃഷ്ടിച്ചു” എന്ന ബൈബിൾരേ​ഖ​യി​ലെ ഈ പ്രാരം​ഭ​വാ​ക്കു​ക​ളെ​ക്കാൾ ലളിത​വും അതേസ​മയം ഗംഭീ​ര​വു​മാ​യി​രി​ക്കാൻ എന്തിനു കഴിയും? നിങ്ങൾക്ക്‌ അവ മറക്കാൻ കഴിയു​ക​യില്ല. ജ്ഞാനി​യായ സഭാസം​ഘാ​ടകൻ തന്റെ സകല വിചി​ന്ത​ന​ത്തി​നും​ശേഷം എത്തി​ച്ചേർന്ന നിഗമ​ന​വും അങ്ങനെ​തന്നെ: “ദൈവത്തെ ഭയപ്പെട്ടു അവന്റെ കല്‌പ​ന​കളെ പ്രമാ​ണി​ച്ചു​കൊൾക; അതു ആകുന്നു സകല മനുഷ്യർക്കും വേണ്ടു​ന്നതു.”—സഭാ. 12:13.

⁹ ദൈവിക സത്യത്തി​ന്റെ വ്യക്തമായ ധ്വനിയെ അമർത്തുന്ന വാക്കുകൾ ഒഴിവാ​ക്കാൻ നാം ആഗ്രഹി​ക്കു​ന്നു. ‘അറിവി​ല്ലാത്ത വാക്കു​ക​ളാൽ ആലോ​ച​നയെ ഇരുളാ​ക്കാൻ’ നാം ആഗ്രഹി​ക്കു​ന്നില്ല. (ഇയ്യോ. 38:2) എന്തെന്നാൽ “കാഹളം തെളി​വി​ല്ലാത്ത നാദം കൊടു​ത്താൽ” ആർ കേട്ടു മനസ്സി​ലാ​ക്കും?—1 കൊരി. 14:8.

10, 11. യേശു സംസാ​ര​ത്തിൽ നമുക്കു മാതൃ​ക​യാ​യി​രി​ക്കു​ന്ന​തെ​ങ്ങനെ?

¹⁰ നമു​ക്കെ​ല്ലാം ക്രിസ്‌തു​യേ​ശു​വി​ന്റെ നല്ല മാതൃ​ക​യിൽനി​ന്നു പ്രയോ​ജ​ന​മ​നു​ഭ​വി​ക്കാൻ കഴിയും. യേശു​വി​ന്റെ ലളിത​മായ പദപ്ര​യോ​ഗ​ങ്ങൾക്കും സാധാരണ ജീവി​ത​സം​ഭ​വ​ങ്ങ​ളിൽനിന്ന്‌ അടർത്തി​യെ​ടുത്ത ദൃഷ്ടാ​ന്ത​ങ്ങൾക്കും കേൾവി​ക്കാ​രു​ടെ​മേൽ ശക്തമായ ഫലമു​ണ്ടാ​യി​രു​ന്നു. മത്തായി​യു​ടെ സുവി​ശേ​ഷ​ത്തി​ന്റെ അഞ്ചുമു​തൽ ഏഴുവ​രെ​യു​ളള അധ്യാ​യ​ങ്ങ​ളിൽ വിവരി​ച്ചി​രി​ക്കുന്ന, കഫർന്ന​ഹൂ​മി​നു സമീപ​മു​ളള പർവത​ത്തിൽവെച്ച്‌ അവിടു​ന്നു ചെയ്‌ത പ്രസംഗം ഓർമി​ക്കുക. അലങ്കാ​ര​സ​മൃ​ദ്ധ​മായ പ്രസം​ഗ​ധോ​ര​ണി​യോ? അല്ല. ദ്വയാർഥ​ങ്ങ​ളോ​ടു​കൂ​ടിയ വാക്കു​ക​ളോ? ഒന്നും​ത​ന്നെ​യില്ല. ആളുക​ളു​ടെ ഹൃദയ​ങ്ങളെ സ്വാധീ​നി​ക്ക​ത്ത​ക്ക​വണ്ണം സത്യം മനസ്സു​ക​ളിൽ എത്തിക്കു​ന്ന​തിൽ യേശു തത്‌പ​ര​നാ​യി​രു​ന്നു. യേശു​വി​നു സത്യത്തിൽ തന്റെ പിതാ​വായ യഹോ​വ​യു​ടെ മനസ്സു​ണ്ടാ​യി​രു​ന്നു. യേശു​വി​ന്റെ സംസാ​ര​മാ​ണു സംസാ​രം​സം​ബ​ന്ധി​ച്ചു യഹോ​വ​യു​ടെ ശുശ്രൂ​ഷ​കർക്കെ​ല്ലാം അതിവി​ശിഷ്ട മാതൃ​ക​യാ​യി​രി​ക്കു​ന്നത്‌.

¹¹ വ്യക്തമായ, ലളിത​മായ, നന്നായി തിര​ഞ്ഞെ​ടുത്ത, സത്യത്തി​ന്റെ വാക്കു​ക​ളു​ടെ ശക്തമായ ഫലത്തെ നമുക്ക്‌ ഒരിക്ക​ലും താഴ്‌ത്തി മതിക്കാ​തി​രി​ക്കാം. അവയ്‌ക്ക്‌ ഇമ്പം പകരാൻ കഴിയും, അവയ്‌ക്കു പ്രചോ​ദി​പ്പി​ക്കാൻ കഴിയും, അവയ്‌ക്കു പ്രവർത്ത​ന​ത്തി​നു പ്രേരി​പ്പി​ക്കാൻ കഴിയും. ലൂക്കൊസ്‌ 4:22-ലെ വിവരണം യേശു​വി​ന്റെ സംസാ​ര​ത്തെ​ക്കു​റിച്ച്‌, കേൾവി​ക്കാ​രായ “എല്ലാവ​രും അവനെ പുകഴ്‌ത്തി, അവന്റെ വായിൽനി​ന്നു പുറപ്പെട്ട ലാവണ്യ​വാ​ക്കു​കൾനി​മി​ത്തം ആശ്ചര്യ​പ്പെട്ടു” എന്നു പറയുന്നു. അദ്ദേഹ​ത്തി​ന്റെ അപ്പോ​സ്‌ത​ലൻമാർക്കും ആകാം​ക്ഷാ​ഭ​രി​ത​രായ അനേകം കേൾവി​ക്കാർ ഉണ്ടായി​രു​ന്നു. ആ അപ്പോ​സ്‌ത​ലൻമാർ “പഠിപ്പി​ല്ലാ​ത്ത​വ​രും സാമാ​ന്യ​രു​മായ” മനുഷ്യർ ആണെന്ന്‌ അക്കാലത്തെ പ്രമുഖ യഹൂദൻമാർ മനസ്സി​ലാ​ക്കി​യെന്ന വസ്‌തു​ത​യു​ണ്ടാ​യി​രു​ന്നി​ട്ടും ഇതു വാസ്‌ത​വ​മാ​യി​രു​ന്നു. (പ്രവൃ. 4:13) കാരണ​മെ​ന്താ​യി​രു​ന്നു? അവർ തങ്ങളുടെ നായക​നായ ക്രിസ്‌തു​വിൽനി​ന്നു തങ്ങളുടെ രീതി പഠിച്ചി​രു​ന്നു. അത്‌ ഇന്നു ചെറു​പ്പ​ക്കാ​രും പ്രായ​മു​ള​ള​വ​രു​മായ ദൈവ​ശു​ശ്രൂ​ഷ​കർക്കെ​ല്ലാം വലിയ പ്രോ​ത്സാ​ഹ​ന​മല്ലേ?

12. നന്നായി ആശയവി​നി​യമം ചെയ്യാൻ മാതാ​പി​താ​ക്കൾക്കു തങ്ങളുടെ കുട്ടി​കളെ എങ്ങനെ സഹായി​ക്കാൻ കഴിയും?

¹² നന്നായി ആശയ​പ്ര​ക​ടനം നടത്താൻ തങ്ങളുടെ മക്കളെ സഹായി​ക്കു​ന്ന​തി​നു മാതാ​പി​താ​ക്കൾക്കു വളരെ​യ​ധി​കം ചെയ്യാൻ കഴിയും. ഭവനത്തിൽ മാതൃ​ക​യി​ലൂ​ടെ​യും പഠിപ്പി​ക്ക​ലി​ലൂ​ടെ​യും നല്ല ദൈനം​ദിന സംസാരം ഉൾനടാൻ കഴിയും. ഒരുവന്റെ സംസാ​ര​ത്തി​നു മാർഗ​നിർദേശം നൽകേണ്ട ബൈബി​ളി​ലെ തത്ത്വങ്ങൾ ഇളംമ​ന​സ്സു​ക​ളിൽ രൂഢമൂ​ല​മാ​ക്കാൻ കഴിയും. (ആവ. 6:6-9) അനേകം കുടും​ബങ്ങൾ ദൈനം​ദി​നം തിരു​വെ​ഴു​ത്തു​കൾ പരി​ശോ​ധി​ക്കൽ എന്ന ചെറു​പു​സ്‌ത​ക​ത്തിൽ വിവരി​ച്ചി​രി​ക്കുന്ന പ്രതി​ദിന ബൈബിൾവാ​ക്യം ചർച്ച​ചെ​യ്യു​ന്ന​തിന്‌ ഓരോ പ്രഭാ​ത​ത്തി​ലും ഏതാനും മിനി​റ​റു​കൾ എടുക്കു​ന്നു. മററു സമയങ്ങ​ളിൽ അവർ ഒരുമി​ച്ചു വീക്ഷാ​ഗോ​പു​ര​ത്തിൽനി​ന്നോ ഉണരുക!യിൽനി​ന്നോ വായി​ക്കു​ന്നു. ഇതു കുടും​ബ​ത്തി​നു വിശി​ഷ്ട​മായ പരിശീ​ല​ന​മാണ്‌, തങ്ങളുടെ പദസമ്പ​ത്തി​നോ​ടു പുതിയ വാക്കുകൾ കൂട്ടു​ന്ന​തും മററു​ള​ള​വ​രോ​ടു കൂടുതൽ ഫലപ്ര​ദ​മാ​യി ആശയവി​നി​യമം ചെയ്യു​ന്ന​തിന്‌ ഈ വാക്കുകൾ എങ്ങനെ ഇമ്പകര​മാ​യി പ്രയോ​ഗി​ക്കാ​മെന്നു പ്രകട​മാ​ക്കു​ന്ന​തും തന്നെ. ഈ വിധത്തി​ലും, കുടും​ബാം​ഗ​ങ്ങൾക്കു കാര്യ​ങ്ങൾസം​ബ​ന്ധി​ച്ചു​ളള യഹോ​വ​യു​ടെ മനസ്സു ലഭിക്കു​ന്നു, അവരുടെ സംസാരം അതിനെ പ്രതി​ഫ​ലി​പ്പി​ക്കും.

13-16. ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽനി​ന്നു പൂർണ​പ്ര​യോ​ജനം കിട്ടു​ന്ന​തി​നു നാം വ്യക്തി​പ​ര​മാ​യി എന്തു ചെയ്യേ​ണ്ട​താണ്‌?

¹³ ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പങ്കെടു​ത്തു​കൊ​ണ്ടു പുരോ​ഗ​മി​ക്കൽ. ഈ ഗൈഡ്‌ബു​ക്കിൽ വിവരി​ച്ചി​രി​ക്കുന്ന പഠനപ​ദ്ധ​തി​യു​ടെ സഹായ​ത്തോ​ടെ ശുശ്രൂ​ഷ​യിൽ പുരോ​ഗ​മി​ക്കാൻ ആത്മാർഥ​മാ​യി ആഗ്രഹി​ക്കുന്ന നമ്മളെ​ല്ലാം “ഇമ്പമാ​യു​ളള വാക്കു​ക​ളും . . . നേരായി എഴുതി​യി​രി​ക്കുന്ന സത്യമായ വചനങ്ങ​ളും” ഉപയോ​ഗി​ക്കാൻ സഹായി​ക്ക​പ്പെ​ടും. പ്രായ​മോ വിദ്യാ​ഭ്യാ​സ​നി​ല​യോ പരിഗ​ണി​ക്കാ​തെ, നിങ്ങൾ യഹോ​വ​യു​ടെ മാർഗ​നിർദേ​ശ​ത്തി​ലും അവിടു​ത്തെ ആത്മാവി​ലും ആശ്രയി​ക്കു​ന്നു​വെ​ങ്കിൽ, നിങ്ങൾക്കു പുരോ​ഗ​മി​ക്കാ​നും ക്രിസ്‌തീയ ശുശ്രൂ​ഷ​യിൽ മുന്നേ​റാ​നും കഴിയും. എന്നാൽ നിങ്ങൾ ആവശ്യ​മായ ശ്രമം ചെലു​ത്തേ​ണ്ട​തുണ്ട്‌. “നിന്റെ അഭിവൃ​ദ്ധി എല്ലാവർക്കും പ്രസി​ദ്ധ​മാ​യി​ത്തീ​രേ​ണ്ട​തി​ന്നു ഇതു കരുതുക, ഇതിൽതന്നേ ഇരുന്നു​കൊൾക” എന്നു നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌.—1 തിമൊ. 4:15.

¹⁴ നമ്മുടെ ഓരോ​രു​ത്ത​രു​ടെ​യും ഭാഗത്തെ ശ്രമത്തിൽ യഹോ​വ​യു​ടെ ജനത്തിന്റെ സഭാപ​ര​മായ എല്ലാ യോഗ​ങ്ങൾക്കും ഹാജരാ​കാൻ തീരു​മാ​നി​ക്കു​ന്ന​തും അനന്തരം ആ തീരു​മാ​ന​മ​നു​സ​രി​ച്ചു പ്രവർത്തി​ക്കു​ന്ന​തും ഉൾപ്പെ​ടു​ന്നു. പ്രത്യേ​കി​ച്ചു ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ന്റെ പ്രതി​വാ​ര​യോ​ഗ​ങ്ങ​ളിൽ അപ്പോ​സ്‌ത​ല​നായ പൗലോ​സി​ന്റെ പിൻവ​രുന്ന ബുദ്ധ്യു​പ​ദേശം നിങ്ങൾക്കു നടപ്പി​ലാ​ക്കാൻ കഴിയ​ത്ത​ക്ക​വണ്ണം സഹായം നൽക​പ്പെ​ടും: “സത്യവ​ച​നത്തെ യഥാർത്ഥ​മാ​യി പ്രസം​ഗി​ച്ചു​കൊ​ണ്ടു ലജ്ജിപ്പാൻ സംഗതി​യി​ല്ലാത്ത വേലക്കാ​ര​നാ​യി ദൈവ​ത്തി​ന്നു കൊള​ളാ​കു​ന്ന​വ​നാ​യി നില്‌പാൻ ശ്രമിക്ക.”—2 തിമൊ. 2:15.

¹⁵ പുരു​ഷ​നാ​യാ​ലും സ്‌ത്രീ​യാ​യാ​ലും, പ്രായം കുറഞ്ഞ ആളായാ​ലും പ്രായ​മു​ളള ആളായാ​ലും, സഭാമീ​റ​റിം​ഗു​കൾക്കു ഹാജരാ​കുന്ന ഓരോ വ്യക്തി​ക്കും പേർചാർത്താ​വു​ന്ന​തും ഈ സ്‌കൂ​ളി​ന്റെ പ്രയോ​ജ​നങ്ങൾ അനുഭ​വി​ക്കാ​വു​ന്ന​തു​മാണ്‌. നിങ്ങൾ സ്‌നാ​പ​ന​മേററ ആളാ​ണെ​ങ്കി​ലും അല്ലെങ്കി​ലും പേർചാർത്താ​വു​ന്ന​താണ്‌. ഒരു ജഡിക​വി​ധ​ത്തിൽ ജ്ഞാനി​ക​ളായ, ശ്രേഷ്‌ഠ​കു​ല​ജാ​ത​രായ, ഒരു ലൗകി​ക​നി​ല​പാ​ടിൽ ഉന്നത വിദ്യാ​ഭ്യാ​സ​മു​ളള, അനേകർ രാജ്യ​സ​ന്ദേശം കേട്ടിട്ടു പ്രതി​ക​ര​ണ​മി​ല്ലാ​തി​രി​ക്കു​മെന്നു ദൈവം മുൻകൂ​ട്ടി​ക്ക​ണ്ടു​വെന്ന്‌ ഒരുപക്ഷേ സ്‌കൂൾവി​ദ്യാ​ഭ്യാ​സം അല്‌പം കുറവാ​യി​രി​ക്കു​ന്നവർ ഓർത്തി​രി​ക്കണം. (1 കൊരി. 1:26-29) എന്നാൽ ലോക​ത്തി​ന്റെ വീക്ഷണ​ത്തിൽ നിന്ദി​ത​രായ അനേകർ അതു ശ്രദ്ധി​ക്കു​മെ​ന്നും സത്യത്തി​നാ​യി വിശക്കുന്ന മററു​ള​ള​വർക്ക്‌ അതു കൈമാ​റി​ക്കൊ​ടു​ക്കു​മെ​ന്നും കൂടെ അവിടു​ന്നു മുൻകൂ​ട്ടി​ക്കണ്ടു. ഈ സ്‌കൂ​ളിൽ പേർചാർത്തു​ന്ന​തി​നാ​ലും അതിന്റെ പാഠങ്ങൾ വിശ്വ​സ്‌ത​മാ​യി പഠിക്കു​ന്ന​തി​നാ​ലും പരമാർഥ​ഹൃ​ദ​യി​ക​ളോ​ടു സത്യത്തി​ന്റെ ഇമ്പകര​മായ വാക്കുകൾ സംസാ​രി​ക്കാൻ നിങ്ങളെ യഥാർഥ​മാ​യി പ്രാപ്‌ത​രാ​ക്കുന്ന പരിജ്ഞാ​ന​ത്തി​ലേക്കു നിങ്ങൾ നയിക്ക​പ്പെ​ടും. ഇതു നിങ്ങളു​ടെ സ്വന്തം നവോൻമേ​ഷ​ത്തി​നും അതു​പോ​ലെ​തന്നെ നിങ്ങളെ കേൾക്കു​ന്ന​വ​രു​ടെ നവോൻമേ​ഷ​ത്തി​നും വേണ്ടി​യാ​യി​രി​ക്കും.

¹⁶ എല്ലാറ​റി​നു​മു​പരി, ഈ പഠനപ​ദ്ധ​തി​യു​ടെ ഒരു ഉത്സുക​നായ വിദ്യാർഥി​യാ​യി​രി​ക്കു​ന്ന​തി​നാൽ, ഇസ്ര​യേ​ലി​ലെ ദാവീ​ദു​രാ​ജാവ്‌ എന്തി​നെ​ക്കു​റി​ച്ചു പ്രാർഥി​ച്ചു​വോ അതു നേടാൻ നിങ്ങൾ വാക്കി​നാ​ലും പ്രവൃ​ത്തി​യാ​ലും ശ്രമി​ക്കു​ന്ന​താ​യി​രി​ക്കും: “എന്റെ പാറയും എന്റെ വീണ്ടെ​ടു​പ്പു​കാ​ര​നു​മായ യഹോവേ, എന്റെ വായിലെ വാക്കു​ക​ളും എന്റെ ഹൃദയ​ത്തി​ലെ ധ്യാന​വും നിനക്കു പ്രസാ​ദ​മാ​യി​രി​ക്കു​മാ​റാ​കട്ടെ.” (സങ്കീ. 19:14) സ്രഷ്ടാ​വി​നു പ്രസാ​ദ​ക​ര​മായ വാക്കുകൾ ഉപയോ​ഗി​ച്ചു​കൊണ്ട്‌ എല്ലാ അവസര​ങ്ങ​ളി​ലും നന്നായി സംസാ​രി​ക്കാൻ പ്രാപ്‌ത​നാ​യി​രി​ക്കു​ന്ന​തി​നു​ളള ശക്തമായ ആഗ്രഹം ഓരോ ക്രിസ്‌ത്യാ​നി​ക്കും ഉണ്ടായി​രി​ക്കണം. ദിവ്യാ​ധി​പത്യ ശുശ്രൂ​ഷാ​സ്‌കൂൾ ആ ലക്ഷ്യം നേടു​ന്ന​തി​നു വിലപ്പെട്ട സഹായം നിങ്ങൾക്കു നൽകുന്നു.