അധ്യായം പതി​നെട്ട്‌

യഹോവ ദാനീ​യേ​ലിന്‌ അത്ഭുത​ക​ര​മായ പ്രതി​ഫലം വാഗ്‌ദാ​നം ചെയ്യുന്നു

1, 2. (എ) വിജയം വരിക്കാൻ ഒരു ഓട്ടക്കാ​രനു വേണ്ട പ്രധാന ഗുണം ഏത്‌? (ബി) യഹോ​വ​യു​ടെ സേവന​ത്തി​ലെ വിശ്വ​സ്‌ത​ത​യോ​ടു കൂടിയ ജീവി​തത്തെ അപ്പൊ​സ്‌ത​ല​നായ പൗലൊസ്‌ ഒരു മത്സര ഓട്ട​ത്തോ​ടു താരത​മ്യ​പ്പെ​ടു​ത്തി​യത്‌ എങ്ങനെ?

ഒരു ഓട്ടക്കാ​രൻ പൂർത്തീ​കരണ രേഖ​യോട്‌ അടുക്കു​ക​യാണ്‌. അയാൾ ശരിക്കും തളർന്നി​രി​ക്കു​ന്നു. എന്നാൽ ലക്ഷ്യം കൺമു​ന്നി​ലുള്ള അയാൾ അവസാ​നത്തെ ആ ഏതാനും ചുവടു​കൾ സർവ ശക്തിയും എടുത്ത്‌ ഓടുന്നു. തന്റെ മുഴു പേശി​ക​ളെ​യും പരമാ​വധി ആയാസ​പ്പെ​ടു​ത്തി​ക്കൊണ്ട്‌ ഒടുവിൽ അയാൾ ആ രേഖ കടക്കുന്നു! അയാളു​ടെ മുഖത്ത്‌ ആശ്വാ​സ​വും വിജയ​വും സ്‌ഫു​രി​ക്കു​ന്നു. അവസാനം വരെ സഹിച്ചു​നി​ന്ന​തി​നു പ്രതി​ഫലം ലഭിച്ചി​രി​ക്കു​ന്നു.

² പ്രിയ​ങ്ക​ര​നായ പ്രവാ​ചകൻ തന്റെ സ്വന്തം “ഓട്ട”ത്തിന്റെ—യഹോ​വയെ സേവി​ച്ചു​കൊ​ണ്ടുള്ള തന്റെ ജീവി​ത​ത്തി​ന്റെ—പൂർത്തീ​കരണ രേഖ​യോട്‌ അടുക്കു​ന്ന​താ​യി ദാനീ​യേൽ പുസ്‌തകം 12-ാം അധ്യാ​യ​ത്തി​ന്റെ ഉപസം​ഹാ​ര​ത്തിൽ നാം കാണുന്നു. യഹോ​വ​യു​ടെ ക്രിസ്‌തീയ പൂർവ ദാസന്മാ​രു​ടെ ഇടയിലെ വിശ്വാ​സ​ത്തി​ന്റെ അനേകം മാതൃ​ക​കളെ പരാമർശിച്ച ശേഷം അപ്പൊ​സ്‌ത​ല​നായ പൗലൊസ്‌ ഇങ്ങനെ എഴുതി: “ആകയാൽ നാമും സാക്ഷി​ക​ളു​ടെ ഇത്ര വലി​യോ​രു സമൂഹം നമുക്കു ചുററും നില്‌ക്കു​ന്ന​തു​കൊ​ണ്ടു സകല ഭാരവും മുറുകെ പററുന്ന പാപവും വിട്ടു നമുക്കു മുമ്പിൽ വെച്ചി​രി​ക്കുന്ന ഓട്ടം സ്ഥിരത​യോ​ടെ [“സഹിഷ്‌ണു​ത​യോ​ടെ,” NW] ഓടുക. വിശ്വാ​സ​ത്തി​ന്റെ നായക​നും പൂർത്തി വരുത്തു​ന്ന​വ​നു​മായ യേശു​വി​നെ നോക്കുക; തന്റെ മുമ്പിൽ വെച്ചി​രുന്ന സന്തോഷം ഓർത്തു അവൻ അപമാനം അലക്ഷ്യ​മാ​ക്കി ക്രൂശി​നെ സഹിക്ക​യും ദൈവ​സിം​ഹാ​സ​ന​ത്തി​ന്റെ വലത്തു​ഭാ​ഗത്തു ഇരിക്ക​യും ചെയ്‌തു.”—എബ്രായർ 12:1, 2.

3. (എ) ‘സഹിഷ്‌ണു​ത​യോ​ടെ ഓടാൻ’ ദാനീ​യേ​ലി​നെ പ്രേരി​പ്പി​ച്ചത്‌ എന്ത്‌? (ബി) യഹോ​വ​യു​ടെ ദൂതൻ ദാനീ​യേ​ലി​നോ​ടു പറഞ്ഞ മൂന്നു വ്യതി​രിക്ത കാര്യങ്ങൾ ഏവ?

³ ‘സാക്ഷി​ക​ളു​ടെ ആ വലിയ സമൂഹ’ത്തിൽ ദാനീ​യേ​ലും ഉണ്ടായി​രു​ന്നു. അവൻ തീർച്ച​യാ​യും ‘സഹിഷ്‌ണു​ത​യോ​ടെ ഓടേ’ണ്ടിയി​രു​ന്നു. ദൈവ​ത്തോ​ടുള്ള ആഴമായ സ്‌നേ​ഹ​മാണ്‌ അപ്രകാ​രം ചെയ്യാൻ അവനെ പ്രേരി​പ്പി​ച്ചത്‌. ലോക ഗവൺമെ​ന്റു​ക​ളു​ടെ ഭാവി സംബന്ധിച്ച്‌ യഹോവ ദാനീ​യേ​ലി​നു വളരെ​യ​ധി​കം കാര്യങ്ങൾ വെളി​പ്പെ​ടു​ത്തി​യി​രു​ന്നു. എന്നാൽ ഇപ്പോൾ യഹോവ അവനു പിൻവ​രുന്ന വ്യക്തിഗത പ്രോ​ത്സാ​ഹനം അയയ്‌ക്കു​ന്നു: “നീയോ അവസാനം വരു​വോ​ളം പൊയ്‌ക്കൊൾക [“അന്ത്യത്തി​ലേക്കു പോകുക,” NW]; നീ വിശ്ര​മി​ച്ചു കാലാ​വ​സാ​ന​ത്തി​ങ്കൽ നിന്റെ ഓഹരി ലഭിപ്പാൻ എഴു​ന്നേ​റ​റു​വ​രും.” (ദാനീ​യേൽ 12:13) യഹോ​വ​യു​ടെ ദൂതൻ ദാനീ​യേ​ലി​നോ​ടു മൂന്നു വ്യതി​രിക്ത കാര്യ​ങ്ങ​ളാണ്‌ പറഞ്ഞത്‌: (1) ദാനീ​യേൽ “അന്ത്യത്തി​ലേക്കു പോക”ണം, (2) അവൻ “വിശ്രമി”ക്കും, (3) അവൻ ഭാവി​യിൽ വീണ്ടും “എഴു​ന്നേ​റ​റു​വ​രും.” ഇന്ന്‌, ജീവനു വേണ്ടി​യുള്ള ഓട്ടത്തി​ന്റെ പൂർത്തീ​കരണ രേഖ വരെ സഹിച്ചു​നിൽക്കാൻ ഈ വാക്കു​കൾക്കു ക്രിസ്‌ത്യാ​നി​കളെ എങ്ങനെ പ്രോ​ത്സാ​ഹി​പ്പി​ക്കാ​നാ​കും?

“അന്ത്യത്തി​ലേക്കു പോകുക”

4. “അന്ത്യത്തി​ലേക്കു പോകുക” എന്നു പറഞ്ഞ​പ്പോൾ ദൂതൻ എന്താണ്‌ അർഥമാ​ക്കി​യത്‌, അതു ദാനീ​യേ​ലിന്‌ ഒരു വെല്ലു​വി​ളി ഉയർത്തി​യി​രി​ക്കാ​വു​ന്നത്‌ എന്തു​കൊണ്ട്‌?

⁴ “നീയോ, അന്ത്യത്തി​ലേക്കു പോകുക” എന്ന്‌ ദാനീ​യേ​ലി​നോ​ടു പറഞ്ഞ​പ്പോൾ ദൂതൻ എന്താണ്‌ അർഥമാ​ക്കി​യത്‌? എന്തിന്റെ അന്ത്യം? കൊള്ളാം, ദാനീ​യേ​ലിന്‌ ഏകദേശം 100 വയസ്സ്‌ ഉണ്ടായി​രു​ന്ന​തി​നാൽ, സാധ്യ​ത​യ​നു​സ​രിച്ച്‌ വളരെ അടുത്ത്‌ എത്തിയി​രുന്ന അവന്റെ ജീവി​താ​ന്ത്യ​ത്തെ കുറി​ച്ചുള്ള ഒരു പരാമർശനം ആയിരു​ന്നി​രി​ക്കാം അത്‌.a മരണ​ത്തോ​ളം വിശ്വ​സ്‌ത​ത​യോ​ടെ സഹിച്ചു​നിൽക്കാൻ ദൂതൻ ദാനീ​യേ​ലി​നെ ഉദ്‌ബോ​ധി​പ്പി​ക്കു​ക​യാ​യി​രു​ന്നു. എന്നാൽ അത്‌ അത്ര എളുപ്പം അല്ലായി​രു​ന്നു. ബാബി​ലോൺ മറിച്ചി​ട​പ്പെ​ടു​ന്ന​തും യഹൂദ പ്രവാ​സി​ക​ളു​ടെ ഒരു ശേഷിപ്പ്‌ യഹൂദ​യി​ലേ​ക്കും യെരൂ​ശ​ലേ​മി​ലേ​ക്കും മടങ്ങു​ന്ന​തും കാണാൻ ദാനീ​യേൽ ജീവി​ച്ചി​രു​ന്നു. വൃദ്ധ​പ്ര​വാ​ച​കന്‌ അതു വളരെ സന്തോഷം കൈവ​രു​ത്തി​യി​രി​ക്കണം. എന്നാൽ അവൻ ആ യാത്രാ​സം​ഘ​ത്തിൽ ചേർന്നു എന്നതിനു യാതൊ​രു രേഖയു​മില്ല. അപ്പോ​ഴേ​ക്കും അവൻ വളരെ പ്രായം​ചെന്ന്‌ ദുർബലൻ ആയിത്തീർന്നി​രി​ക്കാം. അല്ലെങ്കിൽ അവൻ ബാബി​ലോ​ണിൽ തുടരണം എന്നത്‌ യഹോ​വ​യു​ടെ ഹിതം ആയിരു​ന്നി​രി​ക്കാം. എന്തായി​രു​ന്നാ​ലും, തന്റെ നാട്ടു​കാർ യഹൂദ​യി​ലേക്കു മടങ്ങി​യ​പ്പോൾ ദാനീ​യേ​ലി​നു കുറെ​യൊ​ക്കെ ദുഃഖം തോന്നി​ക്കാ​ണി​ല്ലേ​യെന്ന്‌ ഒരുവൻ സ്വാഭാ​വി​ക​മാ​യും ചിന്തി​ച്ചേ​ക്കാം.

5. ദാനീ​യേൽ അന്ത്യം​വരെ സഹിച്ചു​നി​ന്നു എന്നതിന്‌ എന്തു സൂചന​യുണ്ട്‌?

⁵ “അന്ത്യത്തി​ലേക്കു പോകുക” എന്ന ദൂതന്റെ ദയാപൂർവ​ക​മായ പ്രസ്‌താ​വ​ന​യിൽ നിന്നു ദാനീ​യേൽ വളരെ​യേറെ ശക്തി ആർജി​ച്ചെന്നു തീർച്ച. ഏതാണ്ട്‌ ആറു നൂറ്റാ​ണ്ടു​കൾക്കു ശേഷം യേശു​ക്രി​സ്‌തു പറഞ്ഞ പിൻവ​രുന്ന വാക്കുകൾ നാം ഓർമി​ച്ചേ​ക്കാം: “അവസാ​ന​ത്തോ​ളം സഹിച്ചു​നി​ല്‌ക്കു​ന്നവൻ രക്ഷിക്ക​പ്പെ​ടും.” (മത്തായി 24:13) ദാനീ​യേൽ ചെയ്‌തത്‌ അതുതന്നെ ആണെന്നു​ള്ള​തി​നു യാതൊ​രു സംശയ​വു​മില്ല. ജീവനു​വേ​ണ്ടി​യുള്ള ഓട്ടം അവസാ​ന​ത്തോ​ളം വിശ്വ​സ്‌ത​ത​യോ​ടെ തുടർന്നു​കൊണ്ട്‌ അവൻ സഹിച്ചു​നി​ന്നു. ദൈവ​വ​ച​ന​ത്തിൽ പിന്നീട്‌ അവനെ അംഗീ​ക​രി​ച്ചു സംസാ​രി​ച്ചി​രി​ക്കു​ന്ന​തി​ന്റെ ഒരു കാരണം അതായി​രി​ക്കാം. (എബ്രായർ 11:32, 33) അന്ത്യ​ത്തോ​ളം സഹിച്ചു​നിൽക്കാൻ ദാനീ​യേ​ലി​നെ സഹായി​ച്ചത്‌ എന്തായി​രു​ന്നു? ഉത്തരം കണ്ടെത്താൻ അവന്റെ ജീവച​രി​ത്രം നമ്മെ സഹായി​ക്കു​ന്നു.

ദൈവ​വ​ച​ന​ത്തി​ന്റെ ഒരു പഠിതാവ്‌ എന്ന നിലയിൽ സഹിച്ചു​നിൽക്കൽ

6. ദാനീ​യേൽ ദൈവ​വ​ച​ന​ത്തി​ന്റെ ശുഷ്‌കാ​ന്തി​യുള്ള ഒരു പഠിതാവ്‌ ആയിരു​ന്നു എന്ന്‌ നമുക്ക്‌ എങ്ങനെ അറിയാം?

⁶ ദാനീ​യേ​ലി​നെ സംബന്ധി​ച്ചി​ട​ത്തോ​ളം, അന്ത്യ​ത്തോ​ളം സഹിച്ചു നിൽക്കു​ന്ന​തിൽ ദൈവ​ത്തി​ന്റെ പുളക​പ്ര​ദ​മായ വാഗ്‌ദാ​ന​ങ്ങളെ കുറിച്ച്‌ ആഴമായി പഠിക്കു​ക​യും ധ്യാനി​ക്കു​ക​യും ചെയ്യു​ന്ന​തിൽ തുടരു​ന്നത്‌ ഉൾപ്പെ​ട്ടി​രു​ന്നു. ദാനീ​യേൽ ദൈവ​വ​ച​ന​ത്തി​ന്റെ ഒരു അർപ്പിത പഠിതാവ്‌ ആയിരു​ന്നു. അല്ലായി​രു​ന്നെ​ങ്കിൽ, പ്രവാസം 70 വർഷ​ത്തേക്ക്‌ ആയിരി​ക്കു​മെന്ന്‌ യഹോവ യിരെ​മ്യാ​വി​നു നൽകിയ ഉറപ്പ്‌ അവൻ എങ്ങനെ അറിയു​മാ​യി​രു​ന്നു? “ഞാൻ . . . കാലസം​ഖ്യ പുസ്‌ത​ക​ങ്ങ​ളിൽനി​ന്നു ഗ്രഹിച്ചു” എന്ന്‌ ദാനീ​യേൽതന്നെ എഴുതി. (ദാനീ​യേൽ 9:2; യിരെ​മ്യാ​വു 25:11, 12) അന്നു നിലവിൽ ഉണ്ടായി​രുന്ന ദൈവ​വ​ച​ന​ത്തി​ലെ പുസ്‌ത​കങ്ങൾ ദാനീ​യേൽ പരി​ശോ​ധി​ച്ചു എന്നതിനു യാതൊ​രു സംശയ​വു​മില്ല. മോശെ, ദാവീദ്‌, ശലോ​മോൻ, യെശയ്യാവ്‌, യിരെ​മ്യാവ്‌, യെഹെ​സ്‌കേൽ എന്നിവ​രു​ടെ എഴുത്തു​ക​ളിൽ തനിക്കു ലഭ്യമാ​യി​രു​ന്നവ പതിവാ​യി വായി​ക്കു​ക​യും ധ്യാനി​ക്കു​ക​യും ചെയ്യു​ന്നതു ദാനീ​യേൽ ആസ്വദി​ച്ചി​രു​ന്നു എന്നതിനു സംശയ​മില്ല.

7. ദൈവ​വ​ചനം പഠിക്കുന്ന കാര്യ​ത്തിൽ, ദാനീ​യേ​ലി​ന്റെ നാളി​നോ​ടുള്ള താരത​മ്യ​ത്തിൽ ഇന്നു നമുക്ക്‌ എന്തു നേട്ടങ്ങ​ളാ​ണു​ള്ളത്‌?

⁷ ഇന്ന്‌, സഹിഷ്‌ണുത നട്ടുവ​ളർത്താൻ ദൈവ​വ​ചനം പഠിക്കു​ക​യും അതിൽ മുഴു​കി​യി​രി​ക്കു​ക​യും ചെയ്യേ​ണ്ടതു മർമ​പ്ര​ധാ​ന​മാണ്‌. (റോമർ 15:4-6; 1 തിമൊ​ഥെ​യൊസ്‌ 4:15) ദാനീ​യേ​ലി​ന്റെ പ്രവച​ന​ങ്ങ​ളിൽ ചിലത്‌ നൂറ്റാ​ണ്ടു​കൾക്കു ശേഷം എങ്ങനെ നിവൃ​ത്തി​യേറി എന്നതിന്റെ ലിഖിത രേഖ ഉൾപ്പെ​ടുന്ന സമ്പൂർണ ബൈബിൾ ഇന്നു നമുക്കുണ്ട്‌. മാത്രമല്ല, ദാനീ​യേൽ 12:4-ൽ മുൻകൂ​ട്ടി പറഞ്ഞി​രി​ക്കുന്ന “അന്ത്യകാല”ത്തു ജീവി​ക്കാൻ തക്കവണ്ണം നാം അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു. നമ്മുടെ നാളിൽ, ആത്മീയ ഉൾക്കാ​ഴ്‌ച​യാൽ അഭിഷി​ക്തർ അനുഗൃ​ഹീ​തർ ആയിരി​ക്കു​ന്നു. ഈ അന്ധകാര ലോക​ത്തിൽ അവർ സത്യത്തി​ന്റെ വിളക്കു​മ​രങ്ങൾ പോലെ പ്രകാ​ശി​ക്കു​ന്നു. തത്‌ഫ​ല​മാ​യി, ദാനീ​യേൽ പുസ്‌ത​ക​ത്തി​ലെ ഗഹനമായ അനേകം പ്രവച​നങ്ങൾ—അവയിൽ ചിലത്‌ ദാനീ​യേ​ലി​നെ അന്ധാളി​പ്പി​ച്ച​വ​യാണ്‌—നമുക്ക്‌ ഇന്നു വളരെ അർഥവ​ത്താണ്‌. അതു​കൊണ്ട്‌, ദൈവ​വ​ചനം അനുദി​നം പഠിക്കു​ന്ന​തിൽ നമുക്കു തുടരാം, ഇത്തരം കാര്യ​ങ്ങളെ ഒരിക്ക​ലും നിസ്സാ​ര​മാ​യി എടുക്കാ​തി​രി​ക്കാം. അപ്രകാ​രം ചെയ്യു​ന്നതു സഹിച്ചു​നിൽക്കാൻ നമ്മെ സഹായി​ക്കും.

ദാനീ​യേൽ പ്രാർഥ​ന​യിൽ ഉറ്റിരു​ന്നു

8. പ്രാർഥ​ന​യു​ടെ കാര്യ​ത്തിൽ ദാനീ​യേൽ എന്തു ദൃഷ്ടാന്തം വെച്ചു?

⁸ അന്ത്യ​ത്തോ​ളം സഹിച്ചു​നിൽക്കാൻ പ്രാർഥ​ന​യും ദാനീ​യേ​ലി​നെ സഹായി​ച്ചു. വിശ്വാ​സ​വും ഉറപ്പും നിറഞ്ഞ ഹൃദയ​ത്തോ​ടെ അവൻ അനുദി​നം യഹോ​വ​യാം ദൈവ​ത്തോട്‌ തുറന്നു സംസാ​രി​ച്ചു. യഹോവ “പ്രാർത്ഥന കേൾക്കു​ന്ന​വനാ”ണെന്ന്‌ അവന്‌ അറിയാ​മാ​യി​രു​ന്നു. (സങ്കീർത്തനം 65:2; എബ്രായർ 11:6 താരത​മ്യം ചെയ്യുക.) ഇസ്രാ​യേ​ലി​ന്റെ മത്സരഗതി നിമി​ത്ത​മുള്ള ദുഃഖ​ത്താൽ തന്റെ ഹൃദയം ഭാര​പ്പെ​ട്ട​പ്പോൾ അവൻ തന്റെ വികാ​രങ്ങൾ യഹോ​വയെ അറിയി​ച്ചു. (ദാനീ​യേൽ 9:4-19) 30 ദിവസ​ത്തേക്കു തന്നോടു മാത്രമേ യാചന കഴിക്കാ​വൂ എന്ന്‌ ദാര്യാ​വേശ്‌ കൽപ്പി​ച്ച​പ്പോൾ പോലും ദാനീ​യേൽ യഹോ​വ​യാം ദൈവ​ത്തോ​ടു പ്രാർഥി​ക്കു​ന്നതു നിറു​ത്തി​യില്ല. (ദാനീ​യേൽ 6:10) വിശ്വ​സ്‌ത​നായ ആ വയോ​ധി​കൻ പ്രാർഥ​ന​യാ​കുന്ന അമൂല്യ പദവി ഉപേക്ഷി​ക്കു​ന്ന​തി​നു പകരം സിംഹങ്ങൾ നിറഞ്ഞ ഒരു കുഴി​യിൽ എറിയ​പ്പെ​ടാൻ സധൈ​ര്യം തീരു​മാ​നി​ച്ച​തി​നെ കുറിച്ച്‌ ഓർമി​ക്കു​ന്നത്‌ നമ്മുടെ ഹൃദയ​ങ്ങളെ സ്‌പർശി​ക്കു​ന്നി​ല്ലേ? ഓരോ ദിവസ​വും യഹോ​വ​യോട്‌ ഉള്ളുരു​കി പ്രാർഥി​ച്ചു​കൊണ്ട്‌ ദാനീ​യേൽ അന്ത്യ​ത്തോ​ളം വിശ്വ​സ്‌ത​നാ​യി തുടർന്നു എന്നതിനു യാതൊ​രു സംശയ​വു​മില്ല.

9. പ്രാർഥി​ക്കാ​നുള്ള പദവിയെ നാം ഒരിക്ക​ലും നിസ്സാ​ര​മാ​യി എടുക്ക​രു​താ​ത്തത്‌ എന്തു​കൊണ്ട്‌?

⁹ പ്രാർഥന ലളിത​മായ ഒരു പ്രവൃ​ത്തി​യാണ്‌. മിക്കവാ​റും ഏതൊരു സമയത്തും എവി​ടെ​വെ​ച്ചും നമുക്ക്‌ ഉച്ചത്തി​ലോ നിശ്ശബ്ദ​മാ​യോ പ്രാർഥി​ക്കാൻ കഴിയും. എന്നാൽ ഈ അമൂല്യ പദവിയെ നാം ഒരിക്ക​ലും നിസ്സാ​ര​മാ​യി എടുക്ക​രുത്‌. ബൈബി​ളിൽ പ്രാർഥ​നയെ സഹിഷ്‌ണുത, സ്ഥിരത, ആത്മീയ ഉണർവ്‌ എന്നിവ​യു​മാ​യി ബന്ധപ്പെ​ടു​ത്തി​യി​രി​ക്കു​ന്നു. (ലൂക്കൊസ്‌ 18:1; റോമർ 12:13; എഫെസ്യർ 6:18; കൊ​ലൊ​സ്സ്യർ 4:2) അഖിലാ​ണ്ഡ​ത്തി​ലെ ഏറ്റവും ഉയർന്ന വ്യക്തി​യു​മാ​യി നമുക്കു സ്വത​ന്ത്ര​വും എളുപ്പം പ്രാപ്യ​വു​മായ ഒരു ആശയവി​നി​മയ മാർഗം ഉള്ളത്‌ അതിശ​യ​ക​ര​മല്ലേ? അവൻ നമ്മുടെ പ്രാർഥ​നകൾ ശ്രദ്ധി​ക്കു​ന്നു! ദാനീ​യേൽ പ്രാർഥി​ച്ച​പ്പോൾ പ്രതി​ക​ര​ണ​മാ​യി യഹോവ ഒരു ദൂതനെ അയച്ച സന്ദർഭം ഓർമി​ക്കുക. ദാനീ​യേൽ പ്രാർത്ഥന കഴിച്ചു​കൊ​ണ്ടി​രി​ക്കു​മ്പോൾ തന്നെ ദൂതൻ എത്തി! (ദാനീ​യേൽ 9:20, 21) അത്തരം ദൂതസ​ന്ദർശ​ന​ങ്ങ​ളു​ടെ ഒരു യുഗം അല്ലായി​രി​ക്കാം നമ്മു​ടേത്‌, എന്നിരു​ന്നാ​ലും യഹോ​വ​യ്‌ക്കു മാറ്റം വന്നിട്ടില്ല. (മലാഖി 3:6) അവൻ ദാനീ​യേ​ലി​ന്റെ പ്രാർഥന കേട്ടതു​പോ​ലെ നമ്മുടെ പ്രാർഥ​ന​യും കേൾക്കും. പ്രാർഥന നമ്മെ യഹോ​വ​യോ​ടു കൂടുതൽ അടുപ്പി​ക്കും. അങ്ങനെ, ദാനീ​യേ​ലി​നെ​പ്പോ​ലെ അവസാ​ന​ത്തോ​ളം സഹിച്ചു നിൽക്കാൻ നമ്മെ സഹായി​ക്കുന്ന ഒരു ബന്ധം ഉടലെ​ടു​ക്കും.

ദൈവ​വ​ച​ന​ത്തി​ന്റെ ഒരു ഉപദേ​ഷ്ടാവ്‌ എന്ന നിലയിൽ സഹിച്ചു​നിൽക്കൽ

10. ദൈവ​വചന സത്യം പഠിപ്പി​ക്കു​ന്നതു ദാനീ​യേ​ലി​നെ സംബന്ധി​ച്ചി​ട​ത്തോ​ളം പ്രധാനം ആയിരു​ന്നത്‌ എന്തു​കൊണ്ട്‌?

¹⁰ മറ്റൊരു അർഥത്തി​ലും ദാനീ​യേൽ “അന്ത്യത്തി​ലേക്കു പോകണ”മായി​രു​ന്നു. സത്യത്തി​ന്റെ ഒരു ഉപദേ​ഷ്ടാവ്‌ എന്ന നിലയിൽ അവൻ സഹിച്ചു നിൽക്കേ​ണ്ടി​യി​രു​ന്നു. തിരു​വെ​ഴു​ത്തു​കൾ പിൻവ​രുന്ന പ്രകാരം ആരെക്കു​റി​ച്ചു പറഞ്ഞു​വോ ആ തിര​ഞ്ഞെ​ടു​ക്ക​പ്പെട്ട ജനത്തിൽ ഒരുവ​നാ​ണു താൻ എന്നത്‌ അവൻ ഒരിക്ക​ലും മറന്നില്ല: “നിങ്ങൾ എന്റെ സാക്ഷി​ക​ളും ഞാൻ തിര​ഞ്ഞെ​ടു​ത്തി​രി​ക്കുന്ന എന്റെ ദാസനും ആകുന്നു എന്നു യഹോ​വ​യു​ടെ അരുള​പ്പാ​ടു.” (യെശയ്യാ​വു 43:10) ആ നിയോ​ഗം നിവർത്തി​ക്കാൻ തന്നാലാ​വത്‌ എല്ലാം ദാനീ​യേൽ ചെയ്‌തു. ബാബി​ലോ​ണി​യൻ പ്രവാ​സ​ത്തിൽ ആയിരുന്ന സ്വന്തം ജനത്തെ പഠിപ്പി​ക്കു​ന്ന​തും അവന്റെ വേലയിൽ ഉൾപ്പെ​ട്ടി​രു​ന്നി​രി​ക്കാം. ദാനീ​യേ​ലി​ന്റെ “കൂട്ടു​കാ​രാ”യി പരാമർശി​ക്ക​പ്പെ​ട്ടി​രി​ക്കുന്ന ഹനന്യാവ്‌, മീശാ​യേൽ, അസര്യാവ്‌ എന്നീ മൂന്നു പേർ ഒഴികെ തന്റെ സഹയഹൂ​ദ​ന്മാ​രു​മാ​യുള്ള അവന്റെ ഇടപെ​ട​ലു​കളെ കുറിച്ച്‌ നമുക്ക്‌ ഒന്നും​തന്നെ അറിയില്ല. (ദാനീ​യേൽ 1:7; 2:13, 17, 18) അവരുടെ ഉറ്റ സൗഹൃദം സഹിച്ചു​നിൽക്കാൻ അവരെ ഓരോ​രു​ത്ത​രെ​യും ഏറെ സഹായി​ച്ചെന്നു തീർച്ച. (സദൃശ​വാ​ക്യ​ങ്ങൾ 17:17) യഹോ​വ​യിൽനി​ന്നുള്ള പ്രത്യേക ഉൾക്കാ​ഴ്‌ച​യാൽ അനു​ഗ്ര​ഹി​ക്ക​പ്പെട്ട ദാനീ​യേ​ലി​നു തന്റെ കൂട്ടു​കാ​രെ പഠിപ്പി​ക്കാൻ ധാരാളം കാര്യങ്ങൾ ഉണ്ടായി​രു​ന്നു. (ദാനീ​യേൽ 1:17) എന്നാൽ പഠിപ്പി​ക്ക​ലി​നോ​ടുള്ള ബന്ധത്തിൽ അവന്‌ മറ്റു ചില കാര്യങ്ങൾ കൂടെ നിർവ​ഹി​ക്കാ​നു​ണ്ടാ​യി​രു​ന്നു.

11. (എ) ദാനീ​യേ​ലി​ന്റെ വേലയിൽ അതുല്യം ആയിരു​ന്ന​തെന്ത്‌? (ബി) തന്റെ അസാധാ​രണ നിയമനം നിർവ​ഹി​ക്കു​ന്ന​തിൽ ദാനീ​യേൽ എത്ര ഫലപ്രദൻ ആയിരു​ന്നു?

¹¹ മറ്റ്‌ ഏതൊരു പ്രവാ​ച​ക​നെ​ക്കാ​ളും അധിക​മാ​യി, ദാനീ​യേ​ലിന്‌ വിജാ​തീ​യ​രായ ഉന്നത അധികാ​രി​ക​ളോ​ടു സാക്ഷീ​ക​രി​ക്കേ​ണ്ടത്‌ ഉണ്ടായി​രു​ന്നു. മിക്ക​പ്പോ​ഴും, ജനരഞ്‌ജ​ക​മ​ല്ലാത്ത സന്ദേശങ്ങൾ അറിയി​ക്കേ​ണ്ടത്‌ ഉണ്ടായി​രു​ന്നെ​ങ്കി​ലും, ആ ഭരണാ​ധി​കാ​രി​കൾ വെറു​ക്ക​പ്പെ​ട്ട​വ​രോ ഏതെങ്കി​ലും തരത്തിൽ തന്നെക്കാൾ അധമരോ ആണെന്നു​ള്ളതു പോലെ അവൻ അവരോട്‌ ഇടപെ​ട്ടില്ല. ആദര​വോ​ടും സാമർഥ്യ​ത്തോ​ടും കൂടെ അവൻ അവരോ​ടു സംസാ​രി​ച്ചു. അസൂയാ​ലു​ക്ക​ളും കുബു​ദ്ധി​ക​ളു​മായ പ്രധാന ദേശാ​ധി​പ​തി​മാ​രെ പോ​ലെ​യുള്ള ചിലർ അവനെ വകവരു​ത്താൻ ആഗ്രഹി​ച്ചു. എന്നിരു​ന്നാ​ലും മറ്റ്‌ ഉന്നത അധികാ​രി​കൾ അവനെ ആദരി​ക്കാൻ ഇടയായി. രാജാ​ക്ക​ന്മാ​രെ​യും വിദ്വാ​ന്മാ​രെ​യും അന്ധാളി​പ്പിച്ച രഹസ്യങ്ങൾ വിശദീ​ക​രി​ക്കാൻ യഹോവ ദാനീ​യേൽ പ്രവാ​ച​കനെ പ്രാപ്‌ത​നാ​ക്കി​യ​തു​കൊണ്ട്‌ അവനു വലിയ പ്രാമു​ഖ്യത ലഭിച്ചു. (ദാനീ​യേൽ 2:47, 48; 5:29) പ്രായം ചെന്ന​പ്പോൾ, ചെറു​പ്പ​ത്തി​ലെ​പ്പോ​ലെ പ്രവർത്ത​ന​നി​രതൻ ആയിരി​ക്കാൻ അവനു സാധി​ച്ചി​ല്ലെ​ന്നു​ള്ളതു സത്യമാണ്‌. എന്നിരു​ന്നാ​ലും തന്റെ പ്രിയ​പ്പെട്ട ദൈവ​ത്തി​ന്റെ ഒരു സാക്ഷി എന്ന നിലയിൽ സേവി​ക്കാൻ ലഭിക്കുന്ന എല്ലാ അവസര​ങ്ങ​ളും വിശ്വ​സ്‌ത​മാ​യി തേടി​ക്കൊ​ണ്ടാണ്‌ അവൻ തന്റെ അന്ത്യത്തി​ലേക്കു പോയ​തെന്നു തീർച്ച.

12. (എ) ക്രിസ്‌ത്യാ​നി​കൾ എന്ന നിലയിൽ നാം ഇന്ന്‌ ഏതു പഠിപ്പി​ക്കൽ പ്രവർത്ത​ന​ങ്ങ​ളിൽ ഏർപ്പെ​ടു​ന്നു? (ബി) “പുറത്തു​ള​ള​വ​രോ​ടു ജ്ഞാന​ത്തോ​ടെ പെരു​മാ​റു​വിൻ” എന്ന അപ്പൊ​സ്‌ത​ല​നായ പൗലൊ​സി​ന്റെ ബുദ്ധി​യു​പ​ദേശം നമുക്ക്‌ എങ്ങനെ പിൻപ​റ്റാ​നാ​കും?

¹² ദാനീ​യേ​ലും അവന്റെ മൂന്നു കൂട്ടാ​ളി​ക​ളും പരസ്‌പരം സഹായി​ച്ച​തു​പോ​ലെ, സഹിച്ചു നിൽക്കാൻ നമ്മെ സഹായി​ക്കുന്ന വിശ്വസ്‌ത സഹകാ​രി​കളെ നമുക്ക്‌ ഇന്നു ക്രിസ്‌തീയ സഭയിൽ കണ്ടെത്താ​വു​ന്ന​താണ്‌. “പ്രോ​ത്സാ​ഹന കൈമാ​റ്റം” നടത്തി​ക്കൊണ്ട്‌ നാമും പരസ്‌പരം പഠിപ്പി​ക്കു​ന്നു. (റോമർ 1:11, 12, NW) ദാനീ​യേ​ലി​നെ​പ്പോ​ലെ നമുക്കും അവിശ്വാ​സി​ക​ളോ​ടു സാക്ഷീ​ക​രി​ക്കാ​നുള്ള നിയോ​ഗ​മുണ്ട്‌. (മത്തായി 24:14; 28:19, 20) ആയതി​നാൽ, യഹോ​വയെ കുറിച്ച്‌ ആളുക​ളോ​ടു സംസാ​രി​ക്കു​മ്പോൾ, “സത്യവ​ച​നത്തെ യഥാർത്ഥ​മാ​യി പ്രസംഗി”ക്കാൻ നാം നമ്മുടെ പ്രാപ്‌തി​കൾക്കു മൂർച്ച കൂട്ടേ​ണ്ട​തുണ്ട്‌. (2 തിമൊ​ഥെ​യൊസ്‌ 2:15) അപ്പൊ​സ്‌ത​ല​നായ പൗലൊ​സി​ന്റെ പിൻവ​രുന്ന ബുദ്ധി​യു​പ​ദേശം അനുസ​രി​ക്കു​ന്നതു സഹായകം ആയിരി​ക്കും: “പുറത്തു​ള​ള​വ​രോ​ടു ജ്ഞാന​ത്തോ​ടെ പെരു​മാ​റു​വിൻ.” (കൊ​ലൊ​സ്സ്യർ 4:5) നമ്മുടെ വിശ്വാ​സം വെച്ചു​പു​ലർത്താ​ത്ത​വരെ കുറി​ച്ചുള്ള സമനി​ല​യോ​ടു കൂടിയ വീക്ഷണം അത്തരം ജ്ഞാനത്തിൽ ഉൾപ്പെ​ടു​ന്നു. നമ്മെത്തന്നെ ശ്രേഷ്‌ഠ​രാ​യി കരുതി​ക്കൊണ്ട്‌ നാം അത്തരം ആളുകളെ തുച്ഛീ​ക​രി​ക്കു​ക​യില്ല. (1 പത്രൊസ്‌ 3:15) പകരം, അവരുടെ ഹൃദയ​ങ്ങ​ളിൽ എത്തി​ച്ചേ​രാൻ തക്കവണ്ണം നയത്തോ​ടും പ്രാഗ​ത്‌ഭ്യ​ത്തോ​ടും കൂടെ ദൈവ​വ​ചനം ഉപയോ​ഗി​ച്ചു​കൊണ്ട്‌ അവരെ സത്യത്തി​ലേക്ക്‌ ആകർഷി​ക്കാൻ നാം ശ്രമി​ക്കു​ന്നു. ഒരുവന്റെ ഹൃദയ​ത്തിൽ എത്തി​ച്ചേ​രാൻ സാധി​ക്കു​മ്പോൾ അതു നമ്മെ എത്രമാ​ത്രം സന്തോ​ഷി​പ്പി​ക്കു​ന്നു! ദാനീ​യേ​ലി​നെ​പ്പോ​ലെ അന്ത്യ​ത്തോ​ളം സഹിച്ചു​നിൽക്കാൻ അത്തരം സന്തോഷം നമ്മെ നിശ്ചയ​മാ​യും സഹായി​ക്കു​ന്നു.

‘നീ വിശ്ര​മി​ക്കും’

13, 14. അനേകം ബാബി​ലോ​ണി​യർക്കും മരണം ഭീതി​ജ​നകം ആയിരു​ന്നത്‌ എന്തു​കൊണ്ട്‌, ദാനീ​യേ​ലി​ന്റെ വീക്ഷണം വ്യത്യ​സ്‌ത​മാ​യി​രു​ന്നത്‌ എങ്ങനെ?

¹³ ദൂതൻ തുടർന്ന്‌ ദാനീ​യേ​ലിന്‌ ഈ ഉറപ്പു നൽകി: “നീ വിശ്രമി”ക്കും. (ദാനീ​യേൽ 12:13) ആ വാക്കുകൾ എന്താണ്‌ അർഥമാ​ക്കി​യത്‌? തന്റെ മരണം ആസന്നമാ​ണെന്നു ദാനീ​യേ​ലിന്‌ അറിയാ​മാ​യി​രു​ന്നു. ആദാമി​ന്റെ കാലം മുതൽ നമ്മുടെ കാലം വരെ എല്ലാവ​രു​ടെ​യും കാര്യ​ത്തിൽ മരണം ഒഴിവാ​ക്കാ​നാ​കാത്ത അവസാനം ആയിരു​ന്നി​ട്ടുണ്ട്‌. ബൈബിൾ ഉചിത​മാ​യും മരണത്തെ ഒരു “ശത്രു” എന്നു വിളി​ക്കു​ന്നു. (1 കൊരി​ന്ത്യർ 15:26) എന്നിരു​ന്നാ​ലും, ദാനീ​യേ​ലി​നു ചുറ്റു​മു​ണ്ടാ​യി​രുന്ന ബാബി​ലോ​ണി​യർക്കു മരണം എന്ത്‌ അർഥമാ​ക്കി​യോ അതിൽനി​ന്നു തികച്ചും വ്യത്യ​സ്‌ത​മായ ഒരു അർഥമാണ്‌ ദാനീ​യേ​ലി​ന്റെ കാര്യ​ത്തിൽ അതിന്‌ ഉണ്ടായി​രു​ന്നത്‌. 4,000 വ്യാജ ദേവീ​ദേ​വ​ന്മാ​രു​ടെ സങ്കീർണ​മായ ആരാധ​ന​യിൽ മുങ്ങി​ത്താ​ണി​രുന്ന അവർക്കു മരണം അത്യന്തം ഭീതി​ജ​നകം ആയിരു​ന്നു. അസന്തുഷ്ട ജീവിതം നയിക്കു​ക​യോ അസ്വാ​ഭാ​വി​ക​മാ​യി മരിക്കു​ക​യോ ചെയ്യു​ന്നവർ ജീവി​ച്ചി​രി​ക്കു​ന്ന​വരെ വേട്ടയാ​ടുന്ന പ്രതി​കാ​ര​ദാ​ഹി​ക​ളായ പ്രേത​ങ്ങ​ളാ​യി മാറു​മെന്ന്‌ അവർ വിശ്വ​സി​ച്ചി​രു​ന്നു. മനുഷ്യ-മൃഗ രൂപങ്ങ​ളി​ലുള്ള കരാള രാക്ഷസ​ന്മാർ നിറഞ്ഞ ഭീതി​പ്പെ​ടു​ത്തുന്ന ഒരു പാതാ​ള​ലോ​ക​ത്തി​ലും ബാബി​ലോ​ണി​യർ വിശ്വ​സി​ച്ചി​രു​ന്നു.

¹⁴ എന്നാൽ ദാനീ​യേ​ലി​നെ സംബന്ധി​ച്ചി​ട​ത്തോ​ളം മരണം ഈ കാര്യ​ങ്ങ​ളെ​യൊ​ന്നും അർഥമാ​ക്കി​യില്ല. ദാനീ​യേ​ലി​ന്റെ നാളിനു നൂറു​ക​ണ​ക്കി​നു വർഷങ്ങൾ മുമ്പ്‌ പിൻവ​രുന്ന പ്രകാരം പറയാൻ ശലോ​മോൻ രാജാവ്‌ ദൈവ​ത്താൽ നിശ്വ​സ്‌ത​നാ​ക്ക​പ്പെട്ടു: “മരിച്ച​വ​രോ ഒന്നും അറിയു​ന്നില്ല.” (സഭാ​പ്ര​സം​ഗി 9:5) മരിക്കു​ന്ന​വനെ കുറിച്ച്‌ സങ്കീർത്ത​ന​ക്കാ​രൻ ഇങ്ങനെ പാടി: “അവന്റെ ശ്വാസം പോകു​ന്നു; അവൻ മണ്ണി​ലേക്കു തിരി​യു​ന്നു; അന്നു തന്നേ അവന്റെ നിരൂ​പ​ണങ്ങൾ നശിക്കു​ന്നു.” (സങ്കീർത്തനം 146:4) അതു​കൊണ്ട്‌, തന്നോ​ടുള്ള ദൂതന്റെ വാക്കുകൾ സത്യമാ​കു​മെന്നു ദാനീ​യേ​ലിന്‌ അറിയാ​മാ​യി​രു​ന്നു. മരണം നിദ്രയെ അർഥമാ​ക്കി. ചിന്തയില്ല, വ്യസന​മില്ല, ദണ്ഡനമില്ല, തീർച്ച​യാ​യും രാക്ഷസ​ന്മാ​രു​മില്ല. ലാസർ മരിച്ച​പ്പോൾ യേശു​ക്രി​സ്‌തു പ്രസ്‌തുത സംഗതി സമാന​മായ ഒരു വിധത്തിൽ വിശദീ​ക​രി​ച്ചു. അവൻ പറഞ്ഞു: “നമ്മുടെ സ്‌നേ​ഹി​ത​നായ ലാസർ നിദ്ര​കൊ​ള്ളു​ന്നു.”—യോഹ​ന്നാൻ 11:11.

15. മരണദി​വ​സ​ത്തിന്‌ ജനനദി​വ​സ​ത്തെ​ക്കാൾ മെച്ചമാ​യി​രി​ക്കാൻ കഴിയു​ന്നത്‌ എങ്ങനെ?

¹⁵ മരണചിന്ത ദാനീ​യേ​ലി​നെ തെല്ലും ഭയപ്പെ​ടു​ത്താ​തി​രു​ന്ന​തി​ന്റെ മറ്റൊരു കാരണം പരിഗ​ണി​ക്കുക. ദൈവ​വ​ചനം പറയുന്നു: “നല്ല പേർ സുഗന്ധ​തൈ​ല​ത്തെ​ക്കാ​ളും മരണദി​വസം ജനനദി​വ​സ​ത്തെ​ക്കാ​ളും ഉത്തമം.” (സഭാ​പ്ര​സം​ഗി 7:1) തികച്ചും ദുഃഖ​ക​ര​മായ മരണദി​വ​സ​ത്തിന്‌ സന്തോ​ഷ​ക​ര​മായ ജനനദി​വ​സ​ത്തെ​ക്കാൾ മെച്ചമാ​യി​രി​ക്കാൻ കഴിയു​ന്നത്‌ എങ്ങനെ? അതിന്റെ രഹസ്യം ‘പേരിൽ’ ആണ്‌. ‘സുഗന്ധ​തൈലം’ വളരെ വിലപി​ടി​പ്പു​ള്ളത്‌ ആയിരി​ക്കാ​വു​ന്ന​താണ്‌. ഒരിക്കൽ, ലാസറി​ന്റെ സഹോ​ദ​രി​യായ മറിയ യേശു​വി​ന്റെ പാദങ്ങ​ളിൽ ഏകദേശം ഒരു വർഷത്തെ വേതന​ത്തി​നു തുല്യ​മായ വിലയുള്ള സുഗന്ധ​തൈലം പൂശി! (യോഹ​ന്നാൻ 12:1-7) വെറു​മൊ​രു ‘പേരിന്‌’ ഇത്ര അമൂല്യ​മാ​യി​രി​ക്കാൻ കഴിയു​ന്നത്‌ എങ്ങനെ? കേവലം ഒരു പേരല്ല, മറിച്ച്‌ ആ പേര്‌ എന്തിനെ പ്രതി​നി​ധാ​നം ചെയ്യുന്നു എന്നതാണു പ്രധാനം. ജനന സമയത്ത്‌ ഒരുവനു ഖ്യാതി​ക​ളും സത്‌പ്ര​വൃ​ത്തി​ക​ളു​ടെ രേഖക​ളും ഇല്ല, നാമ വാഹകന്റെ വ്യക്തി​ത്വ​ത്തെ​യും ഗുണങ്ങ​ളെ​യും കുറി​ച്ചുള്ള മധുര സ്‌മര​ണ​ക​ളും ഇല്ല. എന്നാൽ ജീവി​താ​വ​സാ​ന​ത്തിൽ അയാളു​ടെ പേര്‌ ഇക്കാര്യ​ങ്ങളെ എല്ലാം സൂചി​പ്പി​ക്കു​ന്നു. അത്‌ ദൈവ ദൃഷ്ടി​യിൽ ഒരു നല്ല പേർ ആണെങ്കിൽ ഏതൊരു ഭൗതിക സമ്പത്തി​നെ​യും​കാൾ വളരെ​യേറെ അമൂല്യ​മാണ്‌.

16. (എ) ദൈവ​മു​മ്പാ​കെ ഒരു നല്ല പേർ ഉണ്ടാക്കാൻ ദാനീ​യേൽ ശ്രമി​ച്ചത്‌ എങ്ങനെ? (ബി) യഹോ​വ​യു​ടെ മുമ്പാകെ ഒരു നല്ല പേർ ഉണ്ടാക്കി​യെന്ന പൂർണ ബോധ്യ​ത്തോ​ടെ ദാനീ​യേ​ലി​നു നിദ്ര​കൊ​ള്ളാൻ കഴിയു​മാ​യി​രു​ന്നത്‌ എന്തു​കൊണ്ട്‌?

¹⁶ ദൈവ​മു​മ്പാ​കെ ഒരു നല്ല പേർ ഉണ്ടാക്കാൻ തന്റെ ജീവി​ത​ത്തിൽ ഉടനീളം ദാനീ​യേൽ തന്നാൽ ആവതെ​ല്ലാം ചെയ്‌തു. അവയൊ​ന്നും യഹോവ അവഗണി​ച്ച​തു​മില്ല. അവൻ ദാനീ​യേ​ലി​നെ നിരീ​ക്ഷി​ച്ചു, അവന്റെ ഹൃദയത്തെ ശോധന ചെയ്‌തു. ദാവീദ്‌ രാജാ​വി​ന്റെ കാര്യ​ത്തിൽ ദൈവം അപ്രകാ​രം ചെയ്‌തി​രു​ന്നു. അവൻ ഇങ്ങനെ പാടി: “യഹോവേ, നീ എന്നെ ശോധന ചെയ്‌തു അറിഞ്ഞി​രി​ക്കു​ന്നു; ഞാൻ ഇരിക്കു​ന്ന​തും എഴു​ന്നേ​ല്‌ക്കു​ന്ന​തും നീ അറിയു​ന്നു. എന്റെ നിരൂ​പണം നീ ദൂരത്തു​നി​ന്നു ഗ്രഹി​ക്കു​ന്നു.” (സങ്കീർത്തനം 139:1, 2) ദാനീ​യേൽ പൂർണൻ അല്ലായി​രു​ന്നു എന്നതു സത്യമാണ്‌. പാപി​യായ ആദാമി​ന്റെ ഒരു പിൻഗാ​മി​യും ഒരു പാപ​ഗ്രസ്‌ത ജനതയു​ടെ ഭാഗവും ആയിരു​ന്നു അവൻ. (റോമർ 3:23) എന്നാൽ ദാനീ​യേൽ തന്റെ പാപത്തെ കുറിച്ച്‌ അനുത​പി​ക്കു​ക​യും ദൈവ​ത്തോ​ടൊ​പ്പം നേരായ മാർഗ​ത്തിൽ നടക്കാൻ അനവരതം ശ്രമി​ക്കു​ക​യും ചെയ്‌തു. അതു​കൊണ്ട്‌, യഹോവ തന്റെ പാപങ്ങൾ ക്ഷമിക്കു​മെ​ന്നും തനി​ക്കെ​തി​രെ അവ കണക്കി​ടി​ല്ലെ​ന്നും ആ വിശ്വസ്‌ത പ്രവാ​ച​കന്‌ ഉറപ്പു​ണ്ടാ​യി​രി​ക്കാൻ കഴിയു​മാ​യി​രു​ന്നു. (സങ്കീർത്തനം 103:10-14; യെശയ്യാ​വു 1:18) തന്റെ വിശ്വസ്‌ത ദാസന്മാ​രു​ടെ സത്‌പ്ര​വൃ​ത്തി​കൾ സ്‌മരി​ക്കാൻ യഹോവ ഇഷ്ടപ്പെ​ടു​ന്നു. (എബ്രായർ 6:10) അതു​കൊണ്ട്‌, യഹോ​വ​യു​ടെ ദൂതൻ രണ്ടു പ്രാവ​ശ്യം ദാനീ​യേ​ലി​നെ ‘ഏററവും പ്രിയ​പു​രു​ഷൻ’ എന്നു വിളിച്ചു. (ദാനീ​യേൽ 10:11, 19) ദാനീ​യേൽ യഹോ​വ​യ്‌ക്കു പ്രിയ​പ്പെ​ട്ടവൻ ആയിരു​ന്നെന്ന്‌ അത്‌ അർഥമാ​ക്കി. താൻ യഹോ​വ​യു​ടെ മുമ്പാകെ ഒരു നല്ല പേർ ഉണ്ടാക്കി​യി​ട്ടു​ണ്ടെന്നു തിരി​ച്ച​റി​ഞ്ഞു​കൊണ്ട്‌ ദാനീ​യേ​ലി​നു സംതൃ​പ്‌തി​യോ​ടെ നിദ്ര​കൊ​ള്ളാൻ കഴിയു​മാ​യി​രു​ന്നു.

17. യഹോ​വ​യു​ടെ മുമ്പാകെ ഒരു നല്ല പേർ ഉണ്ടാക്കു​ന്നത്‌ ഇന്ന്‌ അടിയ​ന്തി​ര​മാ​യി​രി​ക്കു​ന്നത്‌ എന്തു​കൊണ്ട്‌?

¹⁷ നാം ഓരോ​രു​ത്ത​രും ഇപ്രകാ​രം ചോദി​ക്കു​ന്നതു നന്നായി​രി​ക്കും, ‘യഹോ​വ​യു​ടെ മുമ്പാകെ ഞാൻ ഒരു നല്ല പേർ ഉണ്ടാക്കി​യി​ട്ടു​ണ്ടോ?’ നാം ജീവി​ക്കു​ന്നതു ദുർഘട കാലഘ​ട്ട​ത്തി​ലാണ്‌. നമ്മിൽ ഏതൊ​രാൾക്കും ഏതു സമയത്തും മരണം സംഭവി​ക്കാ​മെന്ന തിരി​ച്ച​റിവ്‌ അനാ​രോ​ഗ്യ​ക​രമല്ല, മറിച്ച്‌ കേവലം വസ്‌തു​നി​ഷ്‌ഠം മാത്ര​മാണ്‌. (സഭാ​പ്ര​സം​ഗി 9:11, NW) അതു​കൊണ്ട്‌ സമയം പാഴാ​ക്കാ​തെ ഇപ്പോൾത്തന്നെ ദൈവ​മു​മ്പാ​കെ ഒരു നല്ല പേർ ഉണ്ടാക്കാൻ നാം ഓരോ​രു​ത്ത​രും ദൃഢനി​ശ്ചയം ചെയ്യു​ന്നത്‌ എത്ര മർമ​പ്ര​ധാ​ന​മാണ്‌. അപ്രകാ​രം ചെയ്യു​ന്നെ​ങ്കിൽ നമുക്കു മരണത്തെ ഭയപ്പെ​ടേ​ണ്ട​തില്ല. അതു വെറു​മൊ​രു വിശ്ര​മ​മാണ്‌—ഉറക്കം​പോ​ലെ. ഉറക്കത്തിൽനിന്ന്‌ എന്നപോ​ലെ അതിൽനിന്ന്‌ ഉണരാ​വു​ന്ന​തു​മാണ്‌!

‘നീ എഴു​ന്നേ​റ്റു​വ​രും’

18, 19. (എ) ദാനീ​യേൽ ഭാവി​യിൽ “എഴു​ന്നേ​റ​റു​വ​രും” എന്നു പറഞ്ഞ​പ്പോൾ ദൂതൻ എന്താണ്‌ അർഥമാ​ക്കി​യത്‌? (ബി) പുനരു​ത്ഥാന പ്രത്യാശ ദാനീ​യേ​ലി​നു പരിചി​തം ആയിരു​ന്നി​രി​ക്കണം എന്നു പറയാൻ കഴിയു​ന്നത്‌ എന്തു​കൊണ്ട്‌?

¹⁸ ദൈവം ഒരു മനുഷ്യ​നു നൽകി​യി​ട്ടു​ള്ള​തിൽവെച്ച്‌ ഏറ്റവും മനോ​ഹ​ര​മായ വാഗ്‌ദാ​ന​ങ്ങ​ളിൽ ഒന്നോടെ ആണ്‌ ദാനീ​യേൽ പുസ്‌ത​ക​ത്തിന്‌ തിരശ്ശീല വീഴു​ന്നത്‌. യഹോ​വ​യു​ടെ ദൂതൻ ദാനീ​യേ​ലി​നോ​ടു പറഞ്ഞു: “നീ . . . കാലാ​വ​സാ​ന​ത്തി​ങ്കൽ നിന്റെ ഓഹരി ലഭിപ്പാൻ എഴു​ന്നേ​റ​റു​വ​രും.” ദൂതൻ എന്താണ്‌ അർഥമാ​ക്കി​യത്‌? കൊള്ളാം, അവൻ തൊട്ടു​മു​മ്പു പരാമർശിച്ച ‘വിശ്രമം’ മരണം ആയതി​നാൽ, പിന്നീട്‌ ഒരിക്കൽ ദാനീ​യേൽ “എഴു​ന്നേ​റ​റു​വ​രും” എന്ന വാഗ്‌ദാ​ന​ത്തിന്‌ ഒരു സംഗതി​യെ മാത്രമേ അർഥമാ​ക്കാൻ കഴിയൂ—പുനരു​ത്ഥാ​നത്തെ!b വാസ്‌ത​വ​ത്തിൽ, പുനരു​ത്ഥാ​നത്തെ കുറിച്ച്‌ എബ്രായ തിരു​വെ​ഴു​ത്തു​ക​ളിൽ കാണ​പ്പെ​ടുന്ന സ്‌പഷ്ട​മായ ആദ്യ പരാമർശം ദാനീ​യേൽ 12-ാം അധ്യാ​യ​ത്തി​ലാ​ണെന്നു ചില പണ്ഡിത​ന്മാർ തറപ്പിച്ചു പറഞ്ഞി​ട്ടുണ്ട്‌. (ദാനീ​യേൽ 12:2) എന്നാൽ അവരുടെ അഭി​പ്രാ​യം ശരിയല്ല. ദാനീ​യേ​ലി​നു പുനരു​ത്ഥാന പ്രത്യാശ സുപരി​ചി​ത​മാ​യി​രു​ന്നു.

¹⁹ ദൃഷ്ടാ​ന്ത​ത്തിന്‌, രണ്ടു നൂറ്റാണ്ടു മുമ്പ്‌ യെശയ്യാ​വു രേഖ​പ്പെ​ടു​ത്തിയ പിൻവ​രുന്ന വാക്കുകൾ ദാനീ​യേ​ലി​നു നിസ്സം​ശ​യ​മാ​യും അറിയാ​മാ​യി​രു​ന്നു: “നിന്റെ മൃതന്മാർ ജീവി​ക്കും; എന്റെ ശവങ്ങൾ എഴു​ന്നേ​ല്‌ക്കും; പൊടി​യിൽ കിടക്കു​ന്ന​വരേ, ഉണർന്നു ഘോഷി​പ്പിൻ; . . . ഭൂമി പ്രേത​ന്മാ​രെ പ്രസവി​ക്കു​മ​ല്ലോ.” (യെശയ്യാ​വു 26:19) അതിനു വളരെ​ക്കാ​ലം മുമ്പ്‌ യഥാർഥ പുനരു​ത്ഥാ​നം നടത്താൻ യഹോവ ഏലീയാ​വി​നെ​യും എലീശാ​യെ​യും പ്രാപ്‌ത​രാ​ക്കി. (1 രാജാ​ക്ക​ന്മാർ 17:17-24; 2 രാജാ​ക്ക​ന്മാർ 4:32-37) അതിനും മുമ്പ്‌, ഷീയോ​ളിൽനിന്ന്‌, അതായത്‌ ശവക്കു​ഴി​യിൽനിന്ന്‌ യഹോ​വ​യ്‌ക്ക്‌ ആളുകളെ ഉയിർപ്പി​ക്കാ​നാ​കു​മെന്നു ശമൂവേൽ പ്രവാ​ച​കന്റെ അമ്മയായ ഹന്നാ തിരി​ച്ച​റി​ഞ്ഞി​രു​ന്നു. (1 ശമൂവേൽ 2:6) ഇതി​നൊ​ക്കെ മുമ്പാ​യി​രു​ന്നു വിശ്വ​സ്‌ത​നായ ഇയ്യോബ്‌ തന്റെ പ്രത്യാശ പിൻവ​രുന്ന വാക്കു​ക​ളിൽ പ്രകടി​പ്പി​ച്ചത്‌: “മനുഷ്യൻ മരിച്ചാൽ വീണ്ടും ജീവി​ക്കു​മോ? എന്നാൽ എനിക്കു മാററം വരു​വോ​ളം എന്റെ യുദ്ധകാ​ല​മൊ​ക്കെ​യും കാത്തി​രി​ക്കാ​മാ​യി​രു​ന്നു. നീ വിളി​ക്കും; ഞാൻ നിന്നോ​ടു ഉത്തരം പറയും; നിന്റെ കൈ​വേ​ല​യോ​ടു നിനക്കു താല്‌പ​ര്യ​മു​ണ്ടാ​കും.”—ഇയ്യോബ്‌ 14:14, 15.

20, 21. (എ) ഏതു പുനരു​ത്ഥാ​ന​ത്തി​ലാണ്‌ ദാനീ​യേ​ലിന്‌ നിശ്ചയ​മാ​യും ഒരു പങ്കുണ്ടാ​യി​രി​ക്കുക? (ബി) സാധ്യ​ത​യ​നു​സ​രിച്ച്‌ പറുദീ​സ​യിൽ പുനരു​ത്ഥാ​നം നടക്കുക ഏതു വിധത്തിൽ ആയിരി​ക്കും?

²⁰ ഭാവി​യിൽ ഒരിക്കൽ തന്നെ ജീവനി​ലേക്കു തിരികെ കൊണ്ടു​വ​രാൻ യഹോവ താത്‌പ​ര്യ​പ്പെ​ടു​മെന്ന്‌ ഉറപ്പു​ണ്ടാ​യി​രി​ക്കാൻ ഇയ്യോ​ബി​നെ പോലെ ദാനീ​യേ​ലി​നും കാരണം ഉണ്ടായി​രു​ന്നു. എങ്കിലും, ശക്തനായ ഒരു ആത്മജീവി ആ പ്രത്യാ​ശ​യ്‌ക്ക്‌ ഉറപ്പേ​കി​യത്‌ അങ്ങേയറ്റം ആശ്വാ​സ​പ്രദം ആയിരു​ന്നി​രി​ക്കണം. അതേ, ക്രിസ്‌തു​വി​ന്റെ ആയിര-വർഷ വാഴ്‌ച​യിൽ സംഭവി​ക്കുന്ന “നീതി​മാ​ന്മാ​രു​ടെ പുനരു​ത്ഥാ​ന​ത്തിൽ” ദാനീ​യേൽ എഴു​ന്നേ​റ്റു​വ​രും. (ലൂക്കൊസ്‌ 14:14) ദാനീ​യേ​ലി​നെ സംബന്ധി​ച്ചി​ട​ത്തോ​ളം അത്‌ എങ്ങനെ​യുള്ള സംഗതി ആയിരി​ക്കും? ദൈവ​വ​ചനം അതേക്കു​റിച്ച്‌ അനേകം കാര്യങ്ങൾ നമ്മോടു പറയുന്നു.

²¹ യഹോവ “കലക്കത്തി​ന്റെ ദൈവമല്ല സമാധാ​ന​ത്തി​ന്റെ ദൈവ​മ​ത്രേ.” (1 കൊരി​ന്ത്യർ 14:33) അതു​കൊണ്ട്‌ പറുദീ​സ​യി​ലെ പുനരു​ത്ഥാ​നം ചിട്ട​യോ​ടെ നടക്കു​മെന്നു സ്‌പഷ്ട​മാണ്‌. ഒരുപക്ഷേ അർമ​ഗെ​ദോ​നു ശേഷം കുറെ​ക്കാ​ലം കഴിഞ്ഞാ​യി​രി​ക്കാം അത്‌. (വെളി​പ്പാ​ടു 16:14, 16) പഴയ വ്യവസ്ഥി​തി​യു​ടെ എല്ലാ കണിക​ക​ളും നീക്കം ചെയ്യ​പ്പെ​ട്ടി​രി​ക്കും. മരിച്ച​വരെ തിരികെ സ്വാഗതം ചെയ്യാ​നുള്ള ഒരുക്ക​ങ്ങ​ളും പൂർത്തി​യാ​യി​രി​ക്കും എന്നതിനു തെല്ലും സംശയ​മില്ല. മരിച്ചവർ തിരിച്ചു വരുന്ന​തി​ന്റെ ക്രമത്തെ കുറിച്ചു ബൈബിൾ പിൻവ​രുന്ന കീഴ്‌വ​ഴക്കം വാഗ്‌ദാ​നം ചെയ്യുന്നു: “ഓരോ​രു​ത്ത​നും താന്താന്റെ നിരയി​ല​ത്രേ.” (1 കൊരി​ന്ത്യർ 15:23) “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാന”ത്തിന്റെ കാര്യ​ത്തിൽ, ആദ്യം നീതി​മാ​ന്മാർ പുനരു​ത്ഥാ​നം പ്രാപി​ക്കാ​നാ​ണു സാധ്യത. (പ്രവൃ​ത്തി​കൾ 24:15) അങ്ങനെ ആകു​മ്പോൾ, ജീവനി​ലേക്കു തിരികെ വരുത്ത​പ്പെ​ടുന്ന ദശലക്ഷ​ക്ക​ണ​ക്കി​നു ‘നീതി​കെ​ട്ട​വരെ’ പ്രബോ​ധി​പ്പി​ക്കു​ന്നത്‌ ഉൾപ്പെ​ടെ​യുള്ള ഭൗമിക കാര്യാ​ദി​ക​ളു​ടെ ഭരണനിർവ​ഹ​ണ​ത്തിൽ ദാനീ​യേ​ലി​നെ​പ്പോ​ലുള്ള പുരാ​ത​ന​കാല വിശ്വ​സ്‌തർക്കു സഹായി​ക്കാ​നാ​കും.—സങ്കീർത്തനം 45:16.

22. ഉത്തരം ലഭിക്കാൻ ദാനീ​യേൽ അതിയാ​യി ആഗ്രഹി​ക്കു​മെന്ന്‌ ഉറപ്പുള്ള ചില ചോദ്യ​ങ്ങൾ ഏവ?

²² അത്തരം ഉത്തരവാ​ദി​ത്വ​ങ്ങൾ സ്വീക​രി​ക്കാൻ തയ്യാറാ​കു​ന്ന​തി​നു മുമ്പ്‌ ദാനീ​യേ​ലി​നു ചില ചോദ്യ​ങ്ങൾ ചോദി​ക്കാ​നു​ണ്ടാ​കും എന്നതു തീർച്ച​യാണ്‌. തന്നെ ഭരമേൽപ്പിച്ച ഗഹനമായ ചില പ്രവച​ന​ങ്ങളെ കുറിച്ച്‌, “ഞാൻ കേട്ടു എങ്കിലും ഗ്രഹി​ച്ചില്ല” എന്ന്‌ അവൻ പറഞ്ഞതാ​ണ​ല്ലോ. (ദാനീ​യേൽ 12:8) ഒടുവിൽ, ഈ ദിവ്യ രഹസ്യങ്ങൾ മനസ്സി​ലാ​ക്കു​മ്പോൾ അവൻ എത്ര പുളകി​തൻ ആയിരി​ക്കും! മിശി​ഹാ​യെ കുറി​ച്ചുള്ള സകല കാര്യ​ങ്ങ​ളും അറിയാൻ അവൻ ആഗ്രഹി​ക്കും എന്നതിനു സംശയ​മില്ല. ദാനീ​യേ​ലി​ന്റെ കാലം മുതൽ നമ്മുടെ കാലം വരെയുള്ള ലോക​ശ​ക്തി​ക​ളു​ടെ അഭിഗ​മനം, “അന്ത്യകാ​ലത്ത്‌” പീഡന​ത്തിൻ മധ്യേ സഹിച്ചു​നിന്ന “അത്യു​ന്ന​ത​നാ​യ​വന്റെ വിശു​ദ്ധൻമാർ” ആരാ​ണെ​ന്നു​ള്ളത്‌, ദൈവ​ത്തി​ന്റെ മിശി​ഹൈക രാജ്യ​ത്താ​ലുള്ള സകല മാനുഷ രാജ്യ​ങ്ങ​ളു​ടെ​യും അന്തിമ നാശം എന്നിങ്ങ​നെ​യുള്ള കാര്യങ്ങൾ ദാനീ​യേൽ ജിജ്ഞാ​സ​യോ​ടെ പഠിക്കും.—ദാനീ​യേൽ 2:44; 7:21; 12:4.

പറുദീ​സ​യി​ലെ ഓഹരി—ദാനീ​യേ​ലി​ന്റേ​തും നിങ്ങളു​ടേ​തും!

23, 24. (എ) ദാനീ​യേൽ പുനരു​ത്ഥാ​നം പ്രാപി​ച്ചു വരുന്ന ലോകം അവന്‌ അറിയാ​വുന്ന ലോക​ത്തിൽനിന്ന്‌ എങ്ങനെ വ്യത്യ​സ്‌ത​മാ​യി​രി​ക്കും? (ബി) പറുദീ​സ​യിൽ ദാനീ​യേ​ലിന്‌ ഒരു ഇടമു​ണ്ടാ​യി​രി​ക്കു​മോ, നമുക്ക്‌ അത്‌ എങ്ങനെ അറിയാം?

²³ അന്ന്‌ താൻ ആയിരി​ക്കുന്ന ലോകത്തെ കുറിച്ച്‌ അറിയാൻ ദാനീ​യേൽ ആഗ്രഹി​ക്കും. അവന്റെ കാല​ത്തേ​തിൽനി​ന്നു തികച്ചും വ്യത്യ​സ്‌ത​മാ​യി​രി​ക്കും ആ ലോകം. തനിക്കു പരിചി​ത​മാ​യി​രുന്ന ലോകത്തെ കളങ്ക​പ്പെ​ടു​ത്തി​യി​രുന്ന യുദ്ധങ്ങ​ളു​ടെ​യും അടിച്ച​മർത്ത​ലി​ന്റെ​യും സകല കണിക​ക​ളും പൊയ്‌പോ​യി​രി​ക്കും. സങ്കടമോ രോഗ​മോ മരണമോ ഉണ്ടായി​രി​ക്ക​യില്ല. (യെശയ്യാ​വു 25:8; 33:24) ഭക്ഷ്യസ​മൃ​ദ്ധി ഉണ്ടായി​രി​ക്കും. പാർപ്പി​ടങ്ങൾ സുലഭ​മാ​യി​രി​ക്കും. ഏവർക്കും സംതൃ​പ്‌തി​ക​ര​മായ തൊഴിൽ ഉണ്ടായി​രി​ക്കും. (സങ്കീർത്തനം 72:16; യെശയ്യാ​വു 65:21, 22) മനുഷ്യ​വർഗം ഒരു ഏകീകൃത സന്തുഷ്ട കുടും​ബം ആയിരി​ക്കും.

²⁴ ദാനീ​യേ​ലിന്‌ ആ ലോകത്തു തീർച്ച​യാ​യും ഒരു ഇടം ഉണ്ടായി​രി​ക്കും. “നീ . . . നിന്റെ ഓഹരി ലഭിപ്പാൻ എഴു​ന്നേ​റ​റു​വ​രും” എന്നു ദൂതൻ അവനോ​ടു പറഞ്ഞു. (ചെരി​ച്ചെ​ഴു​തി​യി​രി​ക്കു​ന്നതു ഞങ്ങൾ.) അക്ഷരീയ തുണ്ടു​ഭൂ​മിക്ക്‌ ഉപയോ​ഗി​ച്ചി​രി​ക്കുന്ന അതേ എബ്രായ പദമാണ്‌ “ഓഹരി” എന്ന്‌ ഇവിടെ പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌.c പുനഃ​സ്ഥി​തീ​ക​രി​ക്ക​പ്പെട്ട ഇസ്രാ​യേൽ ദേശത്തി​ന്റെ വിഭാ​ഗി​ക്കൽ സംബന്ധിച്ച യെഹെ​സ്‌കേ​ലി​ന്റെ പ്രവചനം ദാനീ​യേ​ലി​നു പരിചി​തം ആയിരു​ന്നി​രി​ക്കണം. (യെഹെ​സ്‌കേൽ 47:13–48:35) യെഹെ​സ്‌കേൽ പ്രവച​ന​ത്തി​ന്റെ പറുദീ​സ​യി​ലെ നിവൃത്തി എന്താണു സൂചി​പ്പി​ക്കു​ന്നത്‌? ദൈവ​ജ​ന​ത്തിൽ എല്ലാവർക്കും പറുദീ​സ​യിൽ ഒരു ഇടം ഉണ്ടായി​രി​ക്കും, ഭൂമി പോലും ചിട്ട​പ്ര​കാ​ര​വും നീതി​നി​ഷ്‌ഠ​വു​മായ വിധത്തിൽ വിഭാ​ഗി​ക്ക​പ്പെ​ടും എന്ന്‌ അതു സൂചി​പ്പി​ക്കു​ന്നു. തീർച്ച​യാ​യും പറുദീ​സ​യി​ലെ ദാനീ​യേ​ലി​ന്റെ ഓഹരി​യിൽ കേവലം സ്ഥലത്തെ​ക്കാൾ അധികം ഉൾപ്പെ​ടു​ന്നു. പറുദീ​സ​യി​ലെ ദൈ​വോ​ദ്ദേ​ശ്യ​ത്തിൽ അവനുള്ള സ്ഥാനം അതിൽ ഉൾപ്പെ​ടും. ദാനീ​യേ​ലി​ന്റെ വാഗ്‌ദത്ത പ്രതി​ഫ​ല​ത്തിന്‌ ഉറപ്പു നൽക​പ്പെ​ട്ടി​രി​ക്കു​ന്നു.

25. (എ) പറുദീ​സ​യിൽ നിങ്ങൾക്ക്‌ ആകർഷ​ക​മാ​യി​രി​ക്കുന്ന ചില ജീവിത പ്രതീ​ക്ഷകൾ ഏവ? (ബി) മനുഷ്യർ പറുദീ​സ​യിൽ നിന്നു​ള്ളവർ ആണെന്നു പറയാ​വു​ന്നത്‌ എന്തു​കൊണ്ട്‌?

²⁵ എന്നാൽ നിങ്ങളു​ടെ ഓഹരി സംബന്ധി​ച്ചോ? അതേ വാഗ്‌ദാ​നങ്ങൾ നിങ്ങൾക്കും ബാധക​മാണ്‌. തങ്ങളുടെ ഓഹരി​ക്കാ​യി, പറുദീ​സ​യിൽ ഒരു ഇടം ഉണ്ടായി​രി​ക്കാ​നാ​യി, അനുസ​ര​ണ​മുള്ള മനുഷ്യർ ‘എഴുന്നേൽ’ക്കാൻ യഹോവ ആഗ്രഹി​ക്കു​ന്നു. ഒന്നു ചിന്തി​ച്ചു​നോ​ക്കൂ! ബൈബിൾ കാലങ്ങ​ളി​ലെ മറ്റു വിശ്വസ്‌ത സ്‌ത്രീ​പു​രു​ഷ​ന്മാ​രോ​ടൊ​പ്പം ദാനീ​യേ​ലി​നെ നേരിട്ടു കാണു​ന്നതു തീർച്ച​യാ​യും പുളക​പ്ര​ദ​മാ​യി​രി​ക്കും. കൂടാതെ, യഹോ​വ​യാം ദൈവത്തെ അറിയു​ക​യും സ്‌നേ​ഹി​ക്കു​ക​യും ചെയ്യാ​നാ​യി പ്രബോ​ധി​പ്പി​ക്ക​പ്പെ​ടേണ്ട അസംഖ്യം മറ്റാളു​ക​ളും മരിച്ച​വ​രു​ടെ ഇടയിൽനി​ന്നു തിരി​ച്ചു​വ​രും. നമ്മുടെ ഭൗമ ഭവനത്തി​നാ​യി കരുതു​ക​യും അതിനെ അനന്തമായ വൈവി​ധ്യ​ത്തി​ന്റെ​യും അനശ്വ​ര​മായ സൗന്ദര്യ​ത്തി​ന്റെ​യും ഒരു പറുദീ​സ​യാ​ക്കി മാറ്റാൻ സഹായി​ക്കു​ക​യും ചെയ്യു​ന്നത്‌ ഭാവന​യിൽ കാണുക. മനുഷ്യ​വർഗം എപ്രകാ​രം ജീവി​ക്കാൻ യഹോവ ഉദ്ദേശി​ച്ചു​വോ അപ്രകാ​രം ജീവി​ക്കാൻ യഹോ​വ​യാൽ പഠിപ്പി​ക്ക​പ്പെ​ടു​ന്ന​തി​നെ കുറിച്ചു ചിന്തി​ക്കുക. (യെശയ്യാ​വു 11:9; യോഹ​ന്നാൻ 6:45) അതേ, പറുദീ​സ​യിൽ നിങ്ങൾക്ക്‌ ഒരു സ്ഥാനമുണ്ട്‌. ചിലർക്കു പറുദീസ എന്ന ആശയം പുതി​യ​താ​യി തോന്നി​യേ​ക്കാ​മെ​ങ്കി​ലും, അത്തര​മൊ​രു സ്ഥലത്തു ജീവി​ക്കാ​നാണ്‌ യഹോവ മനുഷ്യ​വർഗത്തെ സൃഷ്ടി​ച്ചത്‌. (ഉല്‌പത്തി 2:7-9) ആ അർഥത്തിൽ, ഭൂമി​യി​ലെ ശതകോ​ടി​ക്ക​ണ​ക്കിന്‌ ജനങ്ങളെ സംബന്ധി​ച്ചി​ട​ത്തോ​ളം അവരുടെ സ്വാഭാ​വിക വാസസ്ഥ​ല​മാണ്‌ പറുദീസ. അവർ അവി​ടെ​നിന്ന്‌ ഉള്ളവരാണ്‌. അവിടെ എത്തി​ച്ചേ​രു​ന്നത്‌ വീട്ടി​ലേക്കു പോകു​ന്നതു പോ​ലെ​യാ​യി​രി​ക്കും.

26. ഈ ലോക​ത്തി​ന്റെ അന്ത്യത്തി​നാ​യി കാത്തി​രി​ക്കുക നമുക്ക്‌ എളുപ്പ​മ​ല്ലെന്ന്‌ യഹോവ സമ്മതി​ക്കു​ന്നത്‌ എങ്ങനെ?

²⁶ ഇവയെ​ക്കു​റിച്ച്‌ എല്ലാം ചിന്തി​ക്കു​മ്പോൾ നമ്മുടെ ഹൃദയങ്ങൾ വിലമ​തി​പ്പി​നാൽ തുടി​ക്കു​ന്നു, ഇല്ലേ? അവിടെ ആയിരി​ക്കാൻ നിങ്ങൾ വ്യക്തി​പ​ര​മാ​യി ആഗ്രഹി​ക്കു​ന്നി​ല്ലേ? അപ്പോൾ ഈ വ്യവസ്ഥി​തി​യു​ടെ അവസാനം എന്നു വരു​മെന്ന്‌ അറിയാൻ യഹോ​വ​യു​ടെ സാക്ഷികൾ ആഗ്രഹി​ക്കു​ന്ന​തിൽ യാതൊ​രു അതിശ​യ​വും ഇല്ല! കാത്തി​രി​ക്കുക എളുപ്പമല്ല. യഹോ​വ​യ്‌ക്ക്‌ അത്‌ അറിയാം. അതു​കൊ​ണ്ടാണ്‌ അന്ത്യം “വൈകി​യാ​ലും അതിന്നാ​യി​കാ​ത്തി​രി”ക്കാൻ അവൻ നമ്മെ ഉദ്‌ബോ​ധി​പ്പി​ക്കു​ന്നത്‌. നമ്മുടെ വീക്ഷണ​ത്തിൽ വൈകു​ന്ന​താ​യി തോന്നി​യാ​ലും എന്നാണ്‌ അവൻ അർഥമാ​ക്കു​ന്നത്‌. കാരണം, ‘അതു താമസി​ക്കു​ക​യില്ല’ എന്ന്‌ അതേ വാക്യ​ത്തിൽത്തന്നെ നമുക്ക്‌ ഉറപ്പു നൽക​പ്പെ​ട്ടി​രി​ക്കു​ന്നു. (ഹബക്കൂക്‌ 2:3; സദൃശ​വാ​ക്യ​ങ്ങൾ 13:12 താരത​മ്യം ചെയ്യുക.) അതേ, അന്ത്യം അതിന്റെ നിയമിത സമയത്തു​തന്നെ വരും.

27. സകല നിത്യ​ത​യി​ലും ദൈവ​മു​മ്പാ​കെ നിൽക്കാൻ നിങ്ങൾ എന്തു ചെയ്യണം?

²⁷ അന്ത്യം അടുത്തു വരവെ നിങ്ങൾ എന്താണു ചെയ്യേ​ണ്ടത്‌? യഹോ​വ​യു​ടെ പ്രിയ പ്രവാ​ച​ക​നായ ദാനീ​യേ​ലി​നെ​പ്പോ​ലെ വിശ്വ​സ്‌ത​ത​യോ​ടെ സഹിച്ചു​നിൽക്കുക. ദൈവ​വ​ചനം ഉത്സാഹ​പൂർവം പഠിക്കുക. ഉള്ളുരു​കി പ്രാർഥി​ക്കുക. സഹവി​ശ്വാ​സി​ക​ളു​മാ​യി സ്‌നേ​ഹ​പൂർവം സഹവസി​ക്കുക. ശുഷ്‌കാ​ന്തി​യോ​ടെ മറ്റുള്ള​വരെ സത്യം പഠിപ്പി​ക്കുക. ഈ ദുഷ്ടവ്യ​വ​സ്ഥി​തി​യു​ടെ അന്ത്യം ഓരോ ദിവസ​വും അടുത്ത​ടു​ത്തു വരവെ, അത്യു​ന്ന​തന്റെ വിശ്വസ്‌ത ദാസനും അവന്റെ വചനത്തി​ന്റെ ഒരു ഉറച്ച വക്താവും ആയിരി​ക്കാ​നുള്ള ദൃഢനി​ശ്ച​യ​ത്തിൽ തുടരുക. സകല പ്രകാ​ര​ത്തി​ലും ദാനീ​യേൽ പ്രവച​ന​ത്തി​നു ശ്രദ്ധ കൊടു​പ്പിൻ! സകല നിത്യ​ത​യി​ലും സന്തോ​ഷ​ത്തോ​ടെ തന്റെ മുമ്പാകെ നിൽക്കാ​നുള്ള പദവി പരമാ​ധി​കാര കർത്താ​വായ യഹോവ നിങ്ങൾക്കു നൽകു​മാ​റാ​കട്ടെ!

[അടിക്കു​റി​പ്പു​കൾ]

നിങ്ങൾ എന്തു ഗ്രഹിച്ചു?

• അന്ത്യ​ത്തോ​ളം സഹിച്ചു​നിൽക്കാൻ ദാനീ​യേ​ലി​നെ സഹായി​ച്ചത്‌ എന്ത്‌?

• മരണം ദാനീ​യേ​ലി​നു യാതൊ​രു ഭീതി​യും കൈവ​രു​ത്താ​ഞ്ഞത്‌ എന്തു​കൊണ്ട്‌?

• ദാനീ​യേൽ ‘തന്റെ ഓഹരി​ക്കാ​യി എഴു​ന്നേറ്റു വരും’ എന്ന ദൂതന്റെ വാഗ്‌ദാ​നം എങ്ങനെ നിവൃ​ത്തി​യേ​റും?

• ദാനീ​യേൽ പ്രവച​ന​ത്തി​നു ശ്രദ്ധ കൊടു​ത്ത​തി​നാൽ നിങ്ങൾ വ്യക്തി​പ​ര​മാ​യി എന്തു പ്രയോ​ജനം നേടി​യി​രി​ക്കു​ന്നു?

[307-ാം പേജ്‌ നിറ​യെ​യുള്ള ചിത്രം]

[318-ാം പേജിലെ ചിത്രം]

ദാനീയേലിനെപ്പോലെ നിങ്ങൾ ദൈവ​ത്തി​ന്റെ പ്രാവ​ച​നിക വചനത്തി​നു ശ്രദ്ധ കൊടു​ക്കു​ന്നു​ണ്ടോ?