യാതൊ​ന്നി​നും ‘ദൈവ​സ്‌നേ​ഹ​ത്തിൽനി​ന്നു നമ്മെ വേർപി​രി​പ്പാൻ കഴിക​യി​ല്ല’

 1. ചില സത്യ​ക്രി​സ്‌ത്യാ​നി​കൾ ഉൾപ്പെടെ അനേകർക്കും നിരു​ത്സാ​ഹ​പ്പെ​ടു​ത്തു​ന്ന ഏതു തോന്നൽ ഉണ്ടാകാ​റുണ്ട്‌?

യഹോ​വ​യാം ദൈവം നിങ്ങളെ വ്യക്തി​പ​ര​മാ​യി സ്‌നേ​ഹി​ക്കു​ന്നു​ണ്ടോ? യോഹ​ന്നാൻ 3:16 പറയു​ന്ന​തു​പോ​ലെ, മനുഷ്യ​വർഗ​ത്തെ പൊതു​വിൽ ദൈവം സ്‌നേ​ഹി​ക്കു​ന്നു​ണ്ടെന്ന്‌ ചിലർ സമ്മതി​ക്കു​ന്നു. എന്നാൽ ‘ഒരു വ്യക്തി എന്ന നിലയിൽ ദൈവ​ത്തിന്‌ എന്നെ ഒരിക്ക​ലും സ്‌നേ​ഹി​ക്കാൻ കഴിയില്ല’ എന്ന്‌ അവർ ചിന്തി​ച്ചേ​ക്കാം. സത്യ​ക്രി​സ്‌ത്യാ​നി​കൾക്കു​പോ​ലും ചില​പ്പോ​ഴൊ​ക്കെ ആ കാര്യ​ത്തിൽ സംശയ​മു​ണ്ടാ​യേ​ക്കാം. നിരു​ത്സാ​ഹി​ത​നാ​യി ഒരു വ്യക്തി പറഞ്ഞു: “ദൈവ​ത്തിന്‌ എന്നെക്കു​റിച്ച്‌ എന്തെങ്കി​ലും കരുത​ലു​ണ്ടെ​ന്നു വിശ്വ​സി​ക്കാൻ ബുദ്ധി​മു​ട്ടു തോന്നു​ന്നു.” നിങ്ങൾ അങ്ങനെ സംശയി​ക്കാ​റു​ണ്ടോ?

2, 3. നാം യഹോ​വ​യു​ടെ ദൃഷ്ടി​യിൽ വില​കെ​ട്ട​വ​രോ സ്‌നേഹം അർഹി​ക്കാ​ത്ത​വ​രോ ആണെന്നു നാം വിശ്വ​സി​ക്കാൻ ആഗ്രഹി​ക്കു​ന്നത്‌ ആരാണ്‌, അത്തരം ചിന്തയെ നമുക്ക്‌ എങ്ങനെ ചെറു​ത്തു​നിൽക്കാം?

² യഹോ​വ​യാം ദൈവം നമ്മെ സ്‌നേ​ഹി​ക്കു​ക​യോ മൂല്യ​മു​ള്ള​വ​രാ​യി കണക്കാ​ക്കു​ക​യോ ചെയ്യു​ന്നി​ല്ലെന്ന്‌ എങ്ങനെ​യും നമ്മെ വിശ്വ​സി​പ്പി​ക്കാ​നാണ്‌ സാത്താൻ ശ്രമി​ക്കു​ന്നത്‌. പലപ്പോ​ഴും ആളുക​ളി​ലു​ള്ള അഹങ്കാ​ര​ത്തെ​യും ഗർവി​നെ​യും മുത​ലെ​ടു​ത്തു​കൊണ്ട്‌ സാത്താൻ അവരെ വഞ്ചിക്കു​ന്നു എന്നതു സത്യമാണ്‌. (2 കൊരി​ന്ത്യർ 11:3) എന്നാൽ ദുർബ​ല​രാ​യ​വ​രു​ടെ ആത്മാഭി​മാ​ന​ത്തെ തകർക്കു​ന്ന​തി​ലും അവൻ സന്തോ​ഷി​ക്കു​ന്നു. (യോഹ​ന്നാൻ 7:47-49; 8:13, 44) ദുർഘ​ട​മാ​യ ഈ ‘അന്ത്യകാ​ലത്ത്‌’ ഇതു വിശേ​ഷാൽ സത്യമാണ്‌. “സ്വാഭാ​വി​ക​പ്രി​യ​മി​ല്ലാത്ത” (NW) കുടും​ബ​ങ്ങ​ളി​ലാണ്‌ ഇന്ന്‌ അനേക​രും വളർന്നു​വ​രു​ന്നത്‌. മറ്റു ചിലർക്കാ​ക​ട്ടെ ഉഗ്രന്മാ​രും സ്വാർഥ​രും നിഗളി​ക​ളു​മാ​യ വ്യക്തി​ക​ളു​മാ​യി നിരന്തരം സമ്പർക്കം പുലർത്തേ​ണ്ട​താ​യി വരുന്നു. (2 തിമൊ​ഥെ​യൊസ്‌ 3:1-5) ദുഷ്‌പെ​രു​മാ​റ്റ​ത്തി​നും വർഗീ​യ​ത​യ്‌ക്കും വിദ്വേ​ഷ​ത്തി​നും വർഷങ്ങ​ളോ​ളം വിധേ​യ​രാ​യ​തു​കൊണ്ട്‌ തങ്ങൾ വില​കെ​ട്ട​വ​രോ സ്‌നേഹം അർഹി​ക്കാ​ത്ത​വ​രോ ആണെന്ന വിശ്വാ​സം ചിലരിൽ രൂഢമൂ​ല​മാ​യി​ത്തീർന്നി​രി​ക്കാം.

³ നിരു​ത്സാ​ഹ​പ്പെ​ടു​ത്തു​ന്ന അത്തരം വിചാ​ര​ങ്ങൾ നിങ്ങളിൽ ഉള്ളതായി അറിയു​ന്നെ​ങ്കിൽ നിരാ​ശ​പ്പെ​ട​രുത്‌. നമ്മിൽ അനേക​രും ചില​പ്പോ​ഴൊ​ക്കെ നമ്മെത്തന്നെ അന്യാ​യ​മാ​യി കുറ്റം​വി​ധി​ക്കു​ന്ന​വ​രാണ്‌. എന്നാൽ ദൈവ​ത്തി​ന്റെ വചനത്തിന്‌ ‘കാര്യങ്ങൾ നേരെ​യാ​ക്കാ​നും’ “കോട്ട​ക​ളെ” പോലെ ശക്തമാ​യു​ള്ള വികാ​ര​ങ്ങ​ളെ ‘ഇടിച്ചു​ക​ള​യാ​നും’ കഴിയു​മെന്ന്‌ ഓർക്കുക. (2 തിമൊ​ഥെ​യൊസ്‌ 3:16, NW; 2 കൊരി​ന്ത്യർ 10:4) ബൈബിൾ ഇങ്ങനെ പറയുന്നു: “ഹൃദയം നമ്മെ കുററം വിധി​ക്കു​ന്നു എങ്കിൽ ദൈവം നമ്മുടെ ഹൃദയ​ത്തെ​ക്കാൾ വലിയ​വ​നും എല്ലാം അറിയു​ന്ന​വ​നും എന്നു നമ്മുടെ ഹൃദയത്തെ അവന്റെ സന്നിധി​യിൽ ഉറപ്പി​ക്കാം.” (1 യോഹ​ന്നാൻ 3:19, 20) യഹോ​വ​യു​ടെ സ്‌നേ​ഹ​ത്തെ കുറിച്ച്‌ ‘നമ്മുടെ ഹൃദയത്തെ ഉറപ്പി’ക്കാൻ തിരു​വെ​ഴു​ത്തു​കൾ നമ്മെ സഹായി​ക്കു​ന്ന നാലു മാർഗങ്ങൾ നമുക്കു പരിചി​ന്തി​ക്കാം.

4, 5. കുരി​കി​ലു​ക​ളെ സംബന്ധിച്ച യേശു​വി​ന്റെ ദൃഷ്ടാന്തം നാം യഹോ​വ​യു​ടെ ദൃഷ്ടി​യിൽ മൂല്യ​മു​ള്ള​വ​രാ​ണെ​ന്നു തെളി​യി​ക്കു​ന്നത്‌ എങ്ങനെ?

⁴ ഒന്നാമ​താ​യി, തന്റെ ഓരോ ദാസ​നെ​യും ദൈവം മൂല്യ​മു​ള്ള​വ​നാ​യി കണക്കാ​ക്കു​ന്നെ​ന്നു ബൈബിൾ വ്യക്തമാ​യി പഠിപ്പി​ക്കു​ന്നു. ദൃഷ്ടാ​ന്ത​ത്തിന്‌, യേശു പറഞ്ഞു: “കാശിന്നു രണ്ടു കുരി​കിൽ വില്‌ക്കു​ന്നി​ല്ല​യോ? അവയിൽ ഒന്നു​പോ​ലും നിങ്ങളു​ടെ പിതാവു സമ്മതി​ക്കാ​തെ നിലത്തു വീഴു​ക​യി​ല്ല. എന്നാൽ നിങ്ങളു​ടെ തലയിലെ രോമ​വും എല്ലാം എണ്ണപ്പെ​ട്ടി​രി​ക്കു​ന്നു. ആകയാൽ ഭയപ്പെ​ടേ​ണ്ടാ; ഏറിയ കുരി​കി​ലു​ക​ളെ​ക്കാ​ളും നിങ്ങൾ വിശേ​ഷ​ത​യു​ള​ള​വ​ര​ല്ലോ.” (മത്തായി 10:29-31) ആ വാക്കുകൾ യേശു​വി​ന്റെ ഒന്നാം നൂറ്റാ​ണ്ടി​ലെ ശ്രോ​താ​ക്ക​ളെ സംബന്ധി​ച്ചി​ട​ത്തോ​ളം എന്ത്‌ അർഥമാ​ക്കി​യെ​ന്നു ചിന്തി​ക്കു​ക.

⁵ ആരെങ്കി​ലും ഒരു കുരി​കി​ലി​നെ വാങ്ങു​ന്നത്‌ എന്തി​നെ​ന്നു നാം ചിന്തി​ച്ചേ​ക്കാം. യേശു​വി​ന്റെ നാളിൽ ഭക്ഷ്യവ​സ്‌തു എന്ന നിലയിൽ വിറ്റി​രു​ന്ന ഏറ്റവും വിലകു​റഞ്ഞ പക്ഷി കുരി​കിൽ ആയിരു​ന്നു. നിസ്സാര മൂല്യ​മു​ള്ള ഒരു നാണയം കൊണ്ട്‌ രണ്ടു കുരി​കി​ലു​ക​ളെ വാങ്ങാൻ കിട്ടു​മാ​യി​രു​ന്നു. രണ്ടു നാണയങ്ങൾ മുടക്കാൻ ഒരുവൻ തയ്യാറാ​ണെ​ങ്കിൽ അയാൾക്കു നാലല്ല അഞ്ച്‌ കുരി​കി​ലു​ക​ളെ ലഭിക്കു​മാ​യി​രു​ന്നെന്ന്‌ യേശു പിന്നീടു പറഞ്ഞു. യാതൊ​രു വിലയു​മി​ല്ലാ​ത്തത്‌ എന്ന പോലെ അഞ്ചാമത്തെ കുരി​കി​ലി​നെ കച്ചവട​ക്കാർ വെറുതെ കൊടു​ക്കു​മാ​യി​രു​ന്നു. ഒരുപക്ഷേ അത്തരം ജീവികൾ മനുഷ്യ​ദൃ​ഷ്ടി​യിൽ വിലയി​ല്ലാ​ത്തവ ആയിരു​ന്നു, എന്നാൽ സ്രഷ്ടാവ്‌ അവയെ എങ്ങനെ​യാ​ണു വീക്ഷി​ച്ചത്‌? യേശു ഇങ്ങനെ പറഞ്ഞു: ‘അവയിൽ ഒന്നി​നെ​പ്പോ​ലും [കൂടു​ത​ലാ​യി കൊടു​ക്കു​ന്ന ഒന്നി​നെ​പ്പോ​ലും] ദൈവം മറന്നു​പോ​കു​ന്നി​ല്ല.’ (ലൂക്കൊസ്‌ 12:6, 7) യേശു ഇവിടെ പറയാൻ ആഗ്രഹിച്ച ആശയം ഇതായി​രു​ന്നു: യഹോവ ഈ ചെറിയ പക്ഷികൾക്കു പോലും ഇത്രയ​ധി​കം വില കൽപ്പി​ക്കു​ന്നെ​ങ്കിൽ അവന്റെ ഭൗമിക ദാസന്മാർ അവന്റെ ദൃഷ്ടി​യിൽ എത്ര മൂല്യ​മു​ള്ള​വർ ആണ്‌! യേശു വിവരി​ച്ച​തു​പോ​ലെ നമ്മെ സംബന്ധിച്ച എല്ലാ വിശദാം​ശ​ങ്ങ​ളും യഹോ​വ​യ്‌ക്ക്‌ അറിയാം. എന്തിന്‌, നമ്മുടെ തലയിലെ മുടി​പോ​ലും എണ്ണപ്പെ​ട്ടി​രി​ക്കു​ന്നു!

 6. നമ്മുടെ തലയിലെ മുടി എണ്ണപ്പെ​ട്ടി​രി​ക്കു​ന്നു എന്ന യേശു​വി​ന്റെ പ്രസ്‌താ​വന യാഥാർഥ്യ​ബോ​ധ​ത്തോ​ടു​കൂ​ടിയ ഒന്നായി​രു​ന്നു എന്ന്‌ നമുക്ക്‌ ഉറപ്പു​ള്ളത്‌ എന്തു​കൊണ്ട്‌?

⁶ നമ്മുടെ മുടി എണ്ണപ്പെ​ട്ടി​രി​ക്കു​ന്നു​വെ​ന്നോ? യേശു ഇവിടെ അതിശ​യോ​ക്തി കലർത്തി സംസാ​രി​ക്കു​ക​യാ​യി​രു​ന്നു എന്ന്‌ ചിലർ വിചാ​രി​ച്ചേ​ക്കാം. എന്നാൽ പുനരു​ത്ഥാ​ന പ്രത്യാ​ശ​യെ കുറിച്ചു ചിന്തി​ക്കു​ക. നമ്മെ പുനഃ​സൃ​ഷ്ടി​ക്കാൻ നമ്മെക്കു​റിച്ച്‌ എത്ര സൂക്ഷ്‌മ​മാ​യി യഹോവ അറി​യേ​ണ്ട​തുണ്ട്‌! നമ്മുടെ ജനിത​ക​രേ​ഖ​യും വർഷങ്ങ​ളി​ലെ നമ്മുടെ ഓർമ​ക​ളും അനുഭ​വ​ങ്ങ​ളും സഹിതം നമ്മെ കുറി​ച്ചു​ള്ള സകല വിശദാം​ശ​ങ്ങ​ളും ഓർത്തി​രി​ക്കു​മാറ്‌ അവൻ നമുക്ക്‌ അത്രയ​ധി​കം മൂല്യം കൽപ്പി​ക്കു​ന്നു.a ഇതി​നോ​ടു​ള്ള താരത​മ്യ​ത്തിൽ, എണ്ണത്തിൽ ശരാശരി 1,00,000 വരുന്ന നമ്മുടെ മുടി എണ്ണുന്നത്‌ എത്രയോ നിസ്സാ​ര​മാ​യ ഒരു കാര്യ​മാണ്‌.

7, 8. (എ) യഹോവ മനുഷ്യ​ഹൃ​ദ​യ​ങ്ങ​ളെ പരി​ശോ​ധി​ക്ക​വേ ഏതു ഗുണങ്ങൾ കണ്ടെത്തു​ന്നത്‌ അവനെ സന്തോ​ഷി​പ്പി​ക്കു​ന്നു? (ബി) യഹോവ മൂല്യം കൽപ്പി​ക്കു​ന്ന ചില പ്രവൃ​ത്തി​കൾ ഏവ?

⁷ രണ്ടാമ​താ​യി, യഹോവ തന്റെ ദാസന്മാ​രിൽ മൂല്യ​വ​ത്താ​യി കാണു​ന്നത്‌ എന്താണ്‌ എന്നതു സംബന്ധി​ച്ചും ബൈബിൾ നമ്മെ പഠിപ്പി​ക്കു​ന്നു. ലളിത​മാ​യി പറഞ്ഞാൽ അവൻ നമ്മുടെ നല്ല ഗുണങ്ങ​ളി​ലും നാം ചെയ്യുന്ന ശ്രമങ്ങ​ളി​ലും പ്രസാ​ദി​ക്കു​ന്നു. ദാവീദ്‌ രാജാവ്‌ തന്റെ പുത്ര​നാ​യ ശലോ​മോ​നോട്‌ ഇങ്ങനെ പറഞ്ഞു: “യഹോവ സർവ്വഹൃ​ദ​യ​ങ്ങ​ളെ​യും പരി​ശോ​ധി​ക്ക​യും വിചാ​ര​ങ്ങ​ളും നിരൂ​പ​ണ​ങ്ങ​ളും എല്ലാം ഗ്രഹി​ക്ക​യും ചെയ്യുന്നു.” (1 ദിനവൃ​ത്താ​ന്തം 28:9) വിദ്വേ​ഷ​വും അക്രമ​വും നിറഞ്ഞു​നിൽക്കു​ന്ന ഈ ലോക​ത്തി​ലെ ശതകോ​ടി​ക്ക​ണ​ക്കി​നു ഹൃദയ​ങ്ങ​ളെ പരി​ശോ​ധി​ക്ക​വേ സമാധാ​നം, സത്യം, നീതി എന്നിവയെ സ്‌നേ​ഹി​ക്കു​ന്ന ഒരു ഹൃദയം കണ്ടെത്തു​മ്പോൾ അവൻ എത്ര സന്തോ​ഷി​ക്കു​ന്നു​ണ്ടാ​കണം! തന്നോ​ടു​ള്ള സ്‌നേ​ഹ​ത്താൽ തുടി​ക്കു​ന്ന, തന്നെ കുറിച്ചു പഠിക്കാ​നും മറ്റുള്ള​വ​രു​മാ​യി അത്തരം പരിജ്ഞാ​നം പങ്കു​വെ​ക്കാ​നും ആഗ്രഹി​ക്കു​ന്ന ഒരു ഹൃദയം ദൈവം കാണു​മ്പോൾ അവൻ എന്തു ചെയ്യും? തന്നെ കുറിച്ചു മറ്റുള്ള​വ​രോ​ടു പറയു​ന്ന​വ​രെ താൻ ശ്രദ്ധി​ക്കു​ന്നു എന്ന്‌ യഹോവ നമ്മോടു പറയുന്നു. “യഹോ​വാ​ഭ​ക്ത​ന്മാർക്കും അവന്റെ നാമത്തെ സ്‌മരി​ക്കു​ന്ന​വർക്കും വേണ്ടി” അവന്‌ ഒരു “സ്‌മര​ണ​പു​സ്‌ത​കം”പോലു​മുണ്ട്‌. (മലാഖി 3:16) അത്തരം കാര്യ​ങ്ങ​ളെ അവൻ അമൂല്യ​മാ​യി വീക്ഷി​ക്കു​ന്നു.

⁸ യഹോവ മൂല്യ​വ​ത്താ​യി കണക്കാ​ക്കു​ന്ന ചില സത്‌പ്ര​വൃ​ത്തി​കൾ ഏവയാണ്‌? തീർച്ച​യാ​യും, അവന്റെ പുത്ര​നാ​യ യേശു​ക്രി​സ്‌തു​വി​നെ അനുക​രി​ക്കാ​നു​ള്ള നമ്മുടെ ശ്രമങ്ങൾ അതിൽ ഉൾപ്പെ​ടു​ന്നു. (1 പത്രൊസ്‌ 2:21) ദൈവം മൂല്യ​വ​ത്താ​യി കരുതുന്ന ഒരു മർമ​പ്ര​ധാ​ന വേല അവന്റെ രാജ്യ​ത്തി​ന്റെ സുവാർത്ത പ്രചരി​പ്പി​ക്കു​ന്ന​താണ്‌. റോമർ 10:15-ൽ നാം ഇങ്ങനെ വായി​ക്കു​ന്നു: “നന്മ സുവി​ശേ​ഷി​ക്കു​ന്ന​വ​രു​ടെ കാൽ എത്ര മനോ​ഹ​രം.” നമ്മുടെ എളിയ പാദങ്ങൾ “മനോഹര”മാണെന്ന്‌ അല്ലെങ്കിൽ സുന്ദര​മാ​ണെ​ന്നു നാം സാധാ​ര​ണ​ഗ​തി​യിൽ ചിന്തി​ക്കു​ക​യി​ല്ലാ​യി​രി​ക്കാം. എന്നാൽ ഇവിടെ യഹോ​വ​യു​ടെ ദാസന്മാർ സുവാർത്ത പ്രസം​ഗി​ക്കാൻ ചെയ്യുന്ന ശ്രമങ്ങളെ അവ പ്രതി​നി​ധാ​നം ചെയ്യുന്നു. അത്തരം ശ്രമങ്ങ​ളെ​ല്ലാം അവന്റെ ദൃഷ്ടി​യിൽ മനോ​ഹ​ര​വും വില​പ്പെ​ട്ട​തു​മാണ്‌.—മത്തായി 24:14; 28:19, 20.

9, 10. (എ) വിവിധ കഷ്ടപ്പാ​ടു​കൾക്കു മധ്യേ നാം പ്രകട​മാ​ക്കു​ന്ന സഹിഷ്‌ണു​ത​യ്‌ക്ക്‌ യഹോവ മൂല്യം കൽപ്പി​ക്കു​ന്നു​വെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാ​വു​ന്നത്‌ എന്തു​കൊണ്ട്‌? (ബി) യഹോവ തന്റെ വിശ്വ​സ്‌ത ദാസന്മാ​രെ സംബന്ധിച്ച്‌ ഒരിക്ക​ലും ഏതു നിഷേ​ധാ​ത്മക വീക്ഷണങ്ങൾ സ്വീക​രി​ക്കു​ന്നി​ല്ല?

⁹ യഹോവ നമ്മുടെ സഹിഷ്‌ണു​ത​യ്‌ക്കും മൂല്യം കൽപ്പി​ക്കു​ന്നു. (മത്തായി 24:13) യഹോ​വ​യ്‌ക്കു നേരെ നിങ്ങൾ പുറം​തി​രി​യു​ന്ന​തു കാണാൻ സാത്താൻ ആഗ്രഹി​ക്കു​ന്നു​വെന്ന്‌ ഓർക്കുക. നിങ്ങൾ യഹോ​വ​യോ​ടു വിശ്വ​സ്‌ത​നാ​യി നില​കൊ​ള്ളു​ന്ന ഓരോ ദിവസ​വും, നിങ്ങൾ സാത്താന്റെ പരിഹാ​സ​ങ്ങൾക്കു മറുപടി കൊടു​ക്കു​ന്ന​തിൽ പങ്കുവ​ഹി​ച്ച മറ്റൊരു ദിവസ​മാണ്‌. (സദൃശ​വാ​ക്യ​ങ്ങൾ 27:11) സഹിഷ്‌ണു​ത കാണി​ക്കു​ക എന്നത്‌ എല്ലായ്‌പോ​ഴും എളുപ്പമല്ല. ആരോ​ഗ്യ​പ്ര​ശ്‌ന​ങ്ങൾ, സാമ്പത്തിക പ്രയാ​സ​ങ്ങൾ, വൈകാ​രി​ക അരിഷ്ടത, മറ്റു തടസ്സങ്ങൾ എന്നിവ ഓരോ ദിവസ​ത്തെ​യും ദുരി​ത​പൂർണ​മാ​ക്കി​യേ​ക്കാം. പ്രതീ​ക്ഷി​ക്കു​ന്ന​തു പോലെ കാര്യങ്ങൾ നടക്കാതെ വരു​മ്പോൾ നിരു​ത്സാ​ഹം അനുഭ​വ​പ്പെ​ട്ടേ​ക്കാം. (സദൃശ​വാ​ക്യ​ങ്ങൾ 13:12) അത്തരം വെല്ലു​വി​ളി​കൾക്കു മധ്യേ​യു​ള്ള സഹിഷ്‌ണു​ത യഹോ​വ​യു​ടെ ദൃഷ്ടി​യിൽ കൂടുതൽ വില​പ്പെ​ട്ട​താണ്‌. അതു​കൊ​ണ്ടാണ്‌ ദാവീദ്‌ രാജാവ്‌ തന്റെ കണ്ണുനീർ ഒരു തുരു​ത്തി​യിൽ ശേഖരി​ച്ചു​വെ​ക്കാൻ യഹോ​വ​യോട്‌ അപേക്ഷി​ക്കു​ക​യും “അവ നിന്റെ പുസ്‌ത​ക​ത്തിൽ ഇല്ലയോ?” എന്ന്‌ ബോധ്യ​ത്തോ​ടെ ചോദി​ക്കു​ക​യും ചെയ്‌തത്‌. (സങ്കീർത്ത​നം 56:8) അതേ, യഹോ​വ​യോ​ടു വിശ്വ​സ്‌തത പാലി​ക്ക​വേ നാം സഹിക്കുന്ന കഷ്ടപ്പാ​ടും ഒഴുക്കുന്ന കണ്ണീരു​മെ​ല്ലാം യഹോവ വിലമ​തി​ക്കു​ക​യും ഓർക്കു​ക​യും ചെയ്യുന്നു. അവയും അവന്റെ ദൃഷ്ടി​യിൽ വില​പ്പെ​ട്ട​താണ്‌.

¹⁰ ഇപ്പോൾ, സ്വയം കുറ്റ​പ്പെ​ടു​ത്തു​ന്ന ഹൃദയം ദൈവ​ദൃ​ഷ്ടി​യിൽ നമുക്കുള്ള മൂല്യ​ത്തി​ന്റെ അത്തരം തെളി​വു​ക​ളെ എതിർത്തേ​ക്കാം. അത്‌ ഇങ്ങനെ മന്ത്രി​ച്ചു​കൊ​ണ്ടി​രു​ന്നേ​ക്കാം: ‘എന്നെക്കാൾ മാതൃ​കാ​യോ​ഗ്യ​രാ​യ എത്രയോ പേർ ഉണ്ട്‌. എന്നെ അവരോ​ടു താരത​മ്യ​പ്പെ​ടു​ത്തു​മ്പോൾ യഹോ​വ​യ്‌ക്ക്‌ എത്ര നിരാശ തോന്നും!’ യഹോവ അത്തരം താരത​മ്യ​ങ്ങൾ നടത്തു​ന്നി​ല്ല; അവൻ വഴക്കമി​ല്ലാ​ത്ത​വ​നോ പരുഷ​നോ അല്ല. (ഗലാത്യർ 6:4) വളരെ ശ്രദ്ധ​യോ​ടെ​യാണ്‌ അവൻ നമ്മുടെ ഹൃദയ​ങ്ങ​ളെ പരി​ശോ​ധി​ക്കു​ന്നത്‌. നമ്മിലുള്ള നന്മ—അതിന്റെ ഒരു കണിക​പോ​ലും​—അവൻ വിലമ​തി​ക്കു​ന്നു.

11. അബീയാ​വി​നോട്‌ ഇടപെട്ട വിധത്തിൽനിന്ന്‌ നമുക്ക്‌ യഹോ​വ​യെ കുറിച്ച്‌ എന്തു പഠിക്കാം?

¹¹ മൂന്നാ​മ​താ​യി, യഹോവ നമ്മെ പരി​ശോ​ധി​ക്കു​മ്പോൾ, അവൻ സുസൂ​ക്ഷ്‌മം നന്മ അന്വേ​ഷിച്ച്‌ അത്‌ വേർതി​രി​ച്ചെ​ടു​ക്കു​ന്നു. ഉദാഹ​ര​ണ​ത്തിന്‌, വിശ്വാ​സ​ത്യാ​ഗം ഭവിച്ച യെരോ​ബ​യാം രാജാ​വി​ന്റെ മുഴു രാജവം​ശ​ത്തെ​യും സംഹരി​ക്കാൻ യഹോവ ആജ്ഞാപി​ച്ച​പ്പോൾ, ആ രാജാ​വി​ന്റെ പുത്ര​ന്മാ​രിൽ ഒരാളായ അബീയാ​വിന്‌ യോഗ്യ​മാ​യ ഒരു ശവസം​സ്‌കാ​രം കൊടു​ക്കാൻ അവൻ കൽപ്പിച്ചു. എന്തു​കൊണ്ട്‌? “അവനിൽ മാത്രം യിസ്രാ​യേ​ലി​ന്റെ ദൈവ​മാ​യ യഹോ​വെ​ക്കു പ്രസാ​ദ​മു​ള്ള കാര്യം അല്‌പം​കാ​ണു​ക​യാൽ.” (1 രാജാ​ക്ക​ന്മാർ 14:1, 10-13) ഫലത്തിൽ യഹോവ ആ ചെറു​പ്പ​ക്കാ​ര​ന്റെ ഹൃദയം അരിച്ചു​നോ​ക്കി “പ്രസാ​ദ​മു​ള്ള കാര്യം അല്‌പം” അവിടെ കണ്ടു. ആ നന്മ എത്ര ചെറു​തോ നിസ്സാ​ര​മോ ആയിരു​ന്നി​രി​ക്കാ​മെ​ങ്കി​ലും തന്റെ വചനത്തിൽ പ്രസ്‌താ​വി​ക്കാൻ തക്ക മൂല്യം അതിനു​ള്ള​താ​യി യഹോവ കണ്ടെത്തി. വിശ്വാ​സ​ത്യാ​ഗം ഭവിച്ച കുടും​ബ​ത്തി​ലെ ആ ഒരംഗ​ത്തോട്‌ ഉചിത​മാ​യ അളവിൽ കരുണ കാണി​ച്ചു​കൊണ്ട്‌ അവൻ അതിനു പ്രതി​ഫ​ലം കൊടു​ക്കു​ക പോലും ചെയ്‌തു.

12, 13. (എ) നാം പാപം ചെയ്യു​മ്പോൾപ്പോ​ലും യഹോവ നമ്മിലെ നന്മ ശ്രദ്ധി​ക്കു​ന്നു​വെന്ന്‌ യെഹോ​ശാ​ഫാ​ത്തി​ന്റെ അനുഭവം പ്രകട​മാ​ക്കു​ന്നത്‌ എങ്ങനെ? (ബി) നമ്മുടെ സത്‌പ്ര​വൃ​ത്തി​ക​ളോ​ടും ഗുണങ്ങ​ളോ​ടു​മു​ള്ള ബന്ധത്തിൽ യഹോവ വാത്സല്യ​മു​ള്ള ഒരു പിതാ​വെന്ന നിലയിൽ പ്രവർത്തി​ക്കു​ന്നത്‌ എങ്ങനെ?

¹² അതിലും മുന്തിയ ഒരു ദൃഷ്ടാന്തം നല്ല രാജാ​വാ​യ യെഹോ​ശാ​ഫാ​ത്തി​നോ​ടുള്ള ബന്ധത്തിൽ കാണാ​വു​ന്ന​താണ്‌. രാജാവ്‌ ഒരു ഭോഷത്തം പ്രവർത്തി​ച്ച​പ്പോൾ “യഹോ​വ​യി​ങ്കൽനി​ന്നു കോപം നിന്റെ​മേൽ വന്നിരി​ക്കു​ന്നു” എന്ന്‌ യഹോ​വ​യു​ടെ പ്രവാ​ച​കൻ അവനോ​ടു പറഞ്ഞു. എത്ര ഗൗരവാ​വ​ഹ​മാ​യ ആശയം! എന്നാൽ യഹോ​വ​യു​ടെ സന്ദേശം അവിടെ അവസാ​നി​ച്ചി​ല്ല. “നന്മയും നിന്നിൽ കണ്ടിരി​ക്കു​ന്നു” എന്നു പറഞ്ഞു​കൊണ്ട്‌ അതു തുടർന്നു. (2 ദിനവൃ​ത്താ​ന്തം 19:1-3) യഹോ​വ​യു​ടെ നീതി​നി​ഷ്‌ഠ​മാ​യ കോപം യെഹോ​ശാ​ഫാ​ത്തി​ലെ നന്മ കാണാ​നാ​കാ​ത്ത​വി​ധം അവനെ അന്ധനാ​ക്കി​യി​ല്ല. അപൂർണ മനുഷ്യ​രിൽനിന്ന്‌ എത്ര വ്യത്യ​സ്‌തൻ! മറ്റുള്ള​വ​രു​ടെ പ്രവൃ​ത്തി​കൾ നമ്മെ അസ്വസ്ഥ​രാ​ക്കു​മ്പോൾ അവരിലെ നന്മ കാണാൻ നാം പരാജ​യ​പ്പെ​ടു​ന്നു. നാം പാപം ചെയ്യു​മ്പോൾ നമുക്കു തോന്നുന്ന നിരാ​ശ​യും ലജ്ജയും കുറ്റ​ബോ​ധ​വും നമ്മു​ടെ​ത​ന്നെ നന്മ കാണാ​നാ​കാ​ത്ത​വി​ധം നമ്മെ അന്ധരാ​ക്കി​യേ​ക്കാം. എന്നാൽ പാപങ്ങൾ സംബന്ധിച്ച്‌ അനുത​പി​ക്കു​ക​യും അവ ആവർത്തി​ക്കാ​തി​രി​ക്കാൻ കഠിന​ശ്ര​മം നടത്തു​ക​യും ചെയ്യു​ന്നെ​ങ്കിൽ യഹോവ നമ്മോടു ക്ഷമിക്കും എന്ന്‌ ഓർക്കുക.

¹³ യഹോവ നിങ്ങളു​ടെ ഹൃദയത്തെ പരി​ശോ​ധി​ക്കു​മ്പോൾ, സ്വർണം അരി​ച്ചെ​ടു​ക്കു​ന്ന ഒരു വ്യക്തി വിലയി​ല്ലാ​ത്ത മണൽത്ത​രി​കൾ തള്ളിക്ക​ള​യു​ന്ന​തു​പോ​ലെ, അത്തരം പാപങ്ങൾ തള്ളിക്ക​ള​യു​ന്നു. നിങ്ങളു​ടെ നല്ല ഗുണങ്ങ​ളും പ്രവൃ​ത്തി​ക​ളും സംബന്ധി​ച്ചെന്ത്‌? അവയാണ്‌ അവൻ സൂക്ഷി​ക്കു​ന്ന “സ്വർണം.” ചില മാതാ​പി​താ​ക്കൾ വാത്സല്യ​പൂർവം, തങ്ങളുടെ കുട്ടികൾ വരച്ച ചിത്ര​ങ്ങ​ളും മറ്റും കാലങ്ങ​ളോ​ളം നിധി​പോ​ലെ സൂക്ഷി​ച്ചു​വെ​ക്കു​ന്ന​തു നിങ്ങൾ ശ്രദ്ധി​ച്ചി​ട്ടു​ണ്ടോ? യഹോ​വ​യാണ്‌ ഏറ്റവും വാത്സല്യ​മു​ള്ള പിതാവ്‌. നാം അവനോ​ടു വിശ്വ​സ്‌ത​രാ​യി നില​കൊ​ള്ളു​ന്നി​ട​ത്തോ​ളം കാലം, അവൻ ഒരിക്ക​ലും നമ്മുടെ സത്‌പ്ര​വൃ​ത്തി​ക​ളും ഗുണങ്ങ​ളും മറക്കു​ന്നി​ല്ല. യഥാർഥ​ത്തിൽ അവ മറക്കു​ന്നത്‌ അനീതി​യാ​ണെന്ന്‌ അവൻ കരുതു​ന്നു, അവൻ ഒരിക്ക​ലും അനീതി​യു​ള്ള​വ​നല്ല. (എബ്രായർ 6:10) മറ്റൊരു വിധത്തി​ലും അവൻ നമ്മെ അരിച്ചു​നോ​ക്കു​ന്നു.

14, 15. (എ നമ്മുടെ അപൂർണ​ത​കൾ നമ്മിലെ നന്മ കാണാ​നാ​കാ​ത്ത​വി​ധം യഹോ​വ​യെ അന്ധനാ​ക്കു​ന്നി​ല്ലാ​ത്തത്‌ എന്തു​കൊണ്ട്‌? ദൃഷ്ടാ​ന്ത​ത്താൽ വിശദ​മാ​ക്കു​ക. (ബി) നമ്മിൽ കണ്ടെത്തുന്ന നല്ല ഗുണങ്ങളെ യഹോവ എന്തു​ചെ​യ്യും, തന്റെ വിശ്വ​സ്‌ത ജനത്തെ അവൻ എങ്ങനെ വീക്ഷി​ക്കു​ന്നു?

¹⁴ യഹോവ നമ്മുടെ അപൂർണ​ത​കൾ മാത്രമല്ല കാണു​ന്നത്‌, പകരം നമ്മിലെ നല്ല വശങ്ങളും അവൻ കാണുന്നു. കലാസൃ​ഷ്ടി​ക​ളെ സ്‌നേ​ഹി​ക്കു​ന്ന​വർ തീർത്തും കേടു​പ​റ്റി​യ ചിത്ര​ങ്ങ​ളെ​യോ മറ്റു സൃഷ്ടി​ക​ളെ​യോ പുനഃ​സ്ഥാ​പി​ക്കാൻ വലിയ ശ്രമം ചെയ്യാ​റുണ്ട്‌. ഉദാഹ​ര​ണ​ത്തിന്‌, ഇംഗ്ലണ്ടി​ലെ ലണ്ടനി​ലു​ള്ള നാഷണൽ ഗാലറി​യിൽ ഏതാണ്ടു 3 കോടി ഡോളർ വിലവ​രു​ന്ന, ലിയോ​നാർഡോ ഡാവിഞ്ചി വരച്ച ഒരു ചിത്രം ആരോ വെടി​വെച്ച്‌ കേടു​വ​രു​ത്തി​യ​പ്പോൾ ചിത്ര​ത്തി​നു കേടു​പ​റ്റി​യ​തു​കൊണ്ട്‌ അത്‌ ഉപേക്ഷി​ച്ചു​ക​ള​യ​ണ​മെന്ന്‌ ആരും നിർദേ​ശി​ച്ചി​ല്ല. ഏകദേശം 500 വർഷം പഴക്കമുള്ള ആ കലാസൃ​ഷ്ടി പുനഃ​സ്ഥാ​പി​ക്കാ​നു​ള്ള ശ്രമം ഉടൻ തുടങ്ങി. എന്തു​കൊണ്ട്‌? എന്തു​കൊ​ണ്ടെ​ന്നാൽ കലാസ്‌നേ​ഹി​ക​ളു​ടെ ദൃഷ്ടി​യിൽ അതു വില​യേ​റി​യ​താ​യി​രു​ന്നു. ചോക്കും മരക്കരി​യും ഉപയോ​ഗി​ച്ചു വരച്ച ഒരു ചിത്ര​ത്തെ​ക്കാൾ മൂല്യം നിങ്ങൾക്കി​ല്ലേ? ദൈവ​ദൃ​ഷ്ടി​യിൽ നിങ്ങൾക്കു തീർച്ച​യാ​യും മൂല്യ​മുണ്ട്‌—അവകാ​ശ​പ്പെ​ടു​ത്തി​യ അപൂർണത നിങ്ങൾക്കു വളരെ​യേ​റെ തകരാറ്‌ വരുത്തി​യി​രി​ക്കാ​മെ​ങ്കി​ലും. (സങ്കീർത്ത​നം 72:12-14) മനുഷ്യ​കു​ടും​ബ​ത്തെ വളരെ വിദഗ്‌ധ​മാ​യി രൂപകൽപ്പന ചെയ്‌ത യഹോ​വ​യാം ദൈവം തന്റെ സ്‌നേ​ഹ​മ​സൃ​ണ​മാ​യ പരിപാ​ല​ന​ത്തോ​ടു പ്രതി​ക​രി​ക്കു​ന്ന എല്ലാവ​രെ​യും പൂർണ​ത​യി​ലേ​ക്കു പുനഃ​സ്ഥാ​പി​ക്കാൻ വേണ്ടതു ചെയ്യും.—പ്രവൃ​ത്തി​കൾ 3:21; റോമർ 8:20-22.

¹⁵ നാം നമ്മിൽ കാണാത്ത നന്മ യഹോവ കാണുന്നു. നാം അവനെ സേവി​ക്കു​മ്പോൾ നാം ഒടുവിൽ പൂർണ​രാ​കു​ന്ന​തു​വ​രെ ആ നന്മ വളരാൻ അവൻ ഇടയാ​ക്കും. സാത്താന്റെ ലോകം നമ്മോട്‌ എങ്ങനെ പെരു​മാ​റി​യാ​ലും, യഹോവ തന്റെ വിശ്വ​സ്‌ത ദാസന്മാ​രെ ‘അഭികാ​മ്യ​രാ​യി’ കരുതു​ന്നു.—ഹഗ്ഗായി 2:7, NW.

16. യഹോവ നമ്മെ സ്‌നേ​ഹി​ക്കു​ന്നു എന്നതിന്റെ ഏറ്റവും വലിയ തെളിവ്‌ എന്താണ്‌, ഈ ദാനം നമുക്കു വ്യക്തി​പ​ര​മാ​യി നൽക​പ്പെ​ട്ട​താ​ണെ​ന്നു നാം എങ്ങനെ അറിയു​ന്നു?

¹⁶ നാലാ​മ​താ​യി, നമ്മോ​ടു​ള്ള തന്റെ സ്‌നേ​ഹ​ത്തെ തെളി​യി​ക്കാൻ യഹോവ വളരെ​യ​ധി​കം കാര്യങ്ങൾ ചെയ്യുന്നു. തീർച്ച​യാ​യും, നാം വില​കെ​ട്ട​വ​രോ സ്‌നേഹം അർഹി​ക്കാ​ത്ത​വ​രോ ആണെന്നുള്ള സാത്താന്യ ഭോഷ്‌കി​നു​ള്ള ഏറ്റവും ഫലകര​മാ​യ ഉത്തരമാണ്‌ ക്രിസ്‌തു​വി​ന്റെ മറുവി​ല​യാ​ഗം. ദണ്ഡനസ്‌തം​ഭ​ത്തി​ലെ, യേശു​വി​ന്റെ വേദനാ​ജ​ന​ക​മാ​യ മരണവും അതിലു​പ​രി തന്റെ പ്രിയ​പു​ത്ര​ന്റെ മരണം യഹോ​വ​യിൽ ഉളവാ​ക്കി​യ ഹൃദയ​വേ​ദ​ന​യും അവർക്കു നമ്മോ​ടു​ള്ള സ്‌നേ​ഹ​ത്തി​ന്റെ തെളി​വാ​ണെ​ന്നു നാം ഒരിക്ക​ലും മറക്കരുത്‌. സങ്കടക​ര​മെ​ന്നു പറയട്ടെ, ഈ ദാനം തങ്ങൾക്കു വ്യക്തി​പ​ര​മാ​യി നൽക​പ്പെ​ട്ട​താ​ണെ​ന്നു വിശ്വ​സി​ക്കു​ക പ്രയാ​സ​മാ​ണെന്ന്‌ അനേകർ കണ്ടെത്തു​ന്നു. തങ്ങൾക്ക്‌ അതിനുള്ള യോഗ്യ​ത​യി​ല്ലെന്ന്‌ അവർ വിചാ​രി​ക്കു​ന്നു. എന്നാൽ അപ്പൊ​സ്‌ത​ല​നാ​യ പൗലൊ​സി​ന്റെ കാര്യം ചിന്തി​ക്കു​ക. ക്രിസ്‌തു​വി​ന്റെ അനുഗാ​മി​ക​ളു​ടെ ഒരു പീഡകൻ ആയിരുന്ന അവൻ ഇങ്ങനെ എഴുതി: ‘ദൈവ​പു​ത്രൻ എന്നെ സ്‌നേ​ഹി​ക്കു​ക​യും എനിക്കു​വേ​ണ്ടി തന്നെത്തന്നെ ബലിയർപ്പി​ക്കു​ക​യും ചെയ്‌തു.’—ഗലാത്യർ 1:13; 2:20, പി.ഒ.സി. ബൈ.

17. യഹോവ ഏതു മുഖാ​ന്ത​ര​ത്താൽ നമ്മെ അവനി​ലേ​ക്കും അവന്റെ പുത്ര​നി​ലേ​ക്കും ആകർഷി​ക്കു​ന്നു?

¹⁷ ക്രിസ്‌തു​വി​ന്റെ യാഗത്തി​ന്റെ പ്രയോ​ജ​ന​ങ്ങൾ അനുഭ​വി​ക്കാൻ നമ്മെ വ്യക്തി​പ​ര​മാ​യി സഹായി​ച്ചു​കൊണ്ട്‌ യഹോവ നമ്മോ​ടു​ള്ള തന്റെ സ്‌നേഹം തെളി​യി​ക്കു​ന്നു. “എന്നെ അയച്ച പിതാവു ആകർഷി​ച്ചി​ട്ട​ല്ലാ​തെ ആർക്കും എന്റെ അടുക്കൽ വരുവാൻ കഴിക​യി​ല്ല” എന്ന്‌ യേശു പറഞ്ഞു. (യോഹ​ന്നാൻ 6:44) അതേ, യഹോവ തന്റെ പുത്ര​നി​ലേ​ക്കും നിത്യ​ജീ​വ​ന്റെ പ്രത്യാ​ശ​യി​ലേ​ക്കും നമ്മെ വ്യക്തി​പ​ര​മാ​യി ആകർഷി​ക്കു​ന്നു. എങ്ങനെ? സുവാർത്താ​സ​ന്ദേ​ശം നമുക്ക്‌ വ്യക്തി​പ​ര​മാ​യി എത്തിച്ചു​ത​ന്നു​കൊ​ണ്ടും പരിമി​തി​ക​ളും അപൂർണ​ത​ക​ളും ഉള്ളവ​രെ​ങ്കി​ലും ആത്മീയ സത്യങ്ങൾ ഗ്രഹി​ക്കാ​നും പിൻപ​റ്റാ​നും നമ്മെ സഹായി​ക്കാൻ കഴിവുള്ള തന്റെ പരിശു​ദ്ധാ​ത്മാ​വി​നെ നൽകി​ക്കൊ​ണ്ടും. അതു​കൊണ്ട്‌ ഇസ്രാ​യേ​ലി​നെ കുറിച്ചു പറഞ്ഞതു​പോ​ലെ​ത​ന്നെ യഹോ​വ​യ്‌ക്ക്‌ നമ്മെക്കു​റി​ച്ചും പറയാൻ കഴിയും: “നിത്യ​സ്‌നേ​ഹം കൊണ്ടു ഞാൻ നിന്നെ സ്‌നേ​ഹി​ച്ചി​രി​ക്കു​ന്നു; അതു​കൊ​ണ്ടു ഞാൻ നിനക്കു ദയ ദീർഘ​മാ​ക്കി​യി​രി​ക്കു​ന്നു.”—യിരെ​മ്യാ​വു 31:3.

18, 19. (എ) യഹോവ നമ്മോ​ടു​ള്ള സ്‌നേഹം പ്രകട​മാ​ക്കു​ന്ന പ്രമുഖ വിധം ഏത്‌? (ബി) യഹോവ സമാനു​ഭാ​വ​മു​ള്ള ഒരു ശ്രോ​താ​വാ​ണെ​ന്നു ദൈവ​വ​ച​നം നമുക്ക്‌ ഉറപ്പു​നൽകു​ന്നത്‌ എങ്ങനെ?

¹⁸ ഒരുപക്ഷേ പ്രാർഥ​ന​യെന്ന പദവി​യി​ലൂ​ടെ​യാണ്‌ നാം പ്രമു​ഖ​മാ​യും യഹോ​വ​യു​ടെ സ്‌നേഹം അനുഭ​വി​ച്ച​റി​യു​ന്നത്‌. ദൈവ​ത്തോട്‌ “ഇടവി​ടാ​തെ പ്രാർഥി​പ്പിൻ” എന്നു ബൈബിൾ നമ്മിൽ ഓരോ​രു​ത്ത​രോ​ടും പറയുന്നു. (1 തെസ്സ​ലൊ​നീ​ക്യർ 5:17) യഹോവ നമ്മുടെ പ്രാർഥ​ന​കൾ ശ്രദ്ധി​ക്കു​ന്നു. “പ്രാർത്ഥന കേൾക്കു​ന്ന​വൻ” എന്നു​പോ​ലും അവൻ വിളി​ക്ക​പ്പെ​ടു​ന്നു. (സങ്കീർത്ത​നം 65:2) ഈ അധികാ​രം മറ്റാർക്കും, സ്വന്തം പുത്ര​നു​പോ​ലും, അവൻ ഏൽപ്പി​ച്ചു​കൊ​ടു​ത്തി​ട്ടില്ല. ചിന്തി​ക്കു​ക: സംസാ​ര​സ്വാ​ത​ന്ത്ര്യ​ത്തോ​ടെ പ്രാർഥ​ന​യിൽ തന്നെ സമീപി​ക്കാൻ അഖിലാ​ണ്ഡ​ത്തി​ന്റെ സ്രഷ്ടാവു നമ്മെ പ്രോ​ത്സാ​ഹി​പ്പി​ക്കു​ന്നു. അവൻ എങ്ങനെ​യു​ള്ള ശ്രോ​താ​വാണ്‌? നിസ്സം​ഗ​നോ നിർവി​കാ​ര​നോ ശ്രദ്ധി​ക്കാൻ താത്‌പ​ര്യ​മി​ല്ലാ​ത്ത​വ​നോ ആണോ? തീർച്ച​യാ​യും അല്ല!

¹⁹ യഹോവ സമാനു​ഭാ​വം ഉള്ളവനാണ്‌. എന്താണു സമാനു​ഭാ​വം? പ്രായ​മു​ള്ള ഒരു വിശ്വ​സ്‌ത ക്രിസ്‌ത്യാ​നി ഇങ്ങനെ പറഞ്ഞു: “നിങ്ങളു​ടെ വേദന എന്റെ ഹൃദയ​ത്തിൽ അനുഭ​വ​പ്പെ​ടു​ന്ന​താണ്‌ സമാനു​ഭാ​വം.” നമ്മുടെ വേദന യഥാർഥ​ത്തിൽ യഹോ​വ​യ്‌ക്ക്‌ അനുഭ​വ​പ്പെ​ടു​ന്നു​ണ്ടോ? അവന്റെ ജനമായ ഇസ്രാ​യേ​ലി​ന്റെ കഷ്ടപ്പാ​ടു​ക​ളെ കുറിച്ചു നാം വായി​ക്കു​ന്നു: “അവരുടെ കഷ്ടതയിൽ ഒക്കെയും അവൻ കഷ്ടപ്പെട്ടു.” (യെശയ്യാ​വു 63:9) യഹോവ ജനത്തിന്റെ അനർഥങ്ങൾ കാണുക മാത്രമല്ല, അവന്‌ അവരോ​ടു സമാനു​ഭാ​വം തോന്നു​ക​യും ചെയ്‌തു. അവന്‌ അനുഭ​വ​പ്പെ​ടു​ന്ന വികാരം എത്ര തീവ്ര​മാ​ണെന്ന്‌ തന്റെ ദാസന്മാ​രോ​ടു​ള്ള അവന്റെ സ്വന്തം വാക്കുകൾ ചിത്രീ​ക​രി​ക്കു​ന്നു: “നിങ്ങളെ തൊടു​ന്ന​വൻ എന്റെ കണ്മണിയെ തൊടു​ന്നു.”b (സെഖര്യാ​വു 2:8, NW) അത്‌ എത്ര വേദനാ​ജ​ന​കം ആയിരി​ക്കും! അതേ, യഹോ​വ​യ്‌ക്ക്‌ നമ്മോട്‌ അനുകമ്പ തോന്നു​ന്നു. നാം വേദനി​ക്കു​മ്പോൾ അവനും വേദനി​ക്കു​ന്നു.

20. റോമർ 12:3-ൽ കാണുന്ന ബുദ്ധി​യു​പ​ദേ​ശം അനുസ​രി​ക്കു​ന്ന​തിന്‌ ഏത്‌ അസന്തു​ലി​ത ചിന്ത നാം ഒഴിവാ​ക്ക​ണം?

²⁰ ദൈവ​ത്തിന്‌ തന്റെ ദാസ​രോ​ടു​ള്ള സ്‌നേ​ഹ​ത്തി​ന്റെ​യും വിലമ​തി​പ്പി​ന്റെ​യും ഇത്തരം തെളി​വി​നെ സമനി​ല​യു​ള്ള ഒരു ക്രിസ്‌ത്യാ​നി​യും അഹങ്കാ​ര​ത്തിന്‌ ഒരു ഒഴിക​ഴി​വാ​യി ഉപയോ​ഗി​ക്കി​ല്ല. അപ്പൊ​സ്‌ത​ല​നാ​യ പൗലൊസ്‌ എഴുതി: “ഭാവി​ക്കേ​ണ്ട​തി​ന്നു മീതെ ഭാവി​ച്ചു​യ​രാ​തെ ദൈവം അവനവന്നു വിശ്വാ​സ​ത്തി​ന്റെ അളവു പങ്കിട്ട​തു​പോ​ലെ സുബോ​ധ​മാ​കും​വ​ണ്ണം ഭാവി​ക്കേ​ണ​മെ​ന്നു ഞാൻ എനിക്കു ലഭിച്ച കൃപയാൽ നിങ്ങളിൽ ഓരോ​രു​ത്ത​നോ​ടും പറയുന്നു.” (റോമർ 12:3) “ഉള്ളതി​നെ​ക്കാൾ ഉപരി​യാ​യി തനിക്കു​ത​ന്നെ വില കൽപ്പി​ക്കാ​തെ തന്നെക്കു​റിച്ച്‌ സുബോ​ധ​ത്തോ​ടു​കൂ​ടിയ ഒരു വിലയി​രു​ത്തൽ നടത്താൻ നിങ്ങളിൽ ഓരോ​രു​ത്ത​രോ​ടും ഞാൻ പറയുന്നു” എന്ന്‌ മറ്റൊരു ഭാഷാ​ന്ത​രം പറയുന്നു. (ജനകീയ ഭാഷയി​ലു​ള്ള ഒരു പരിഭാഷ [ചാൾസ്‌ ബി. വില്യംസ്‌]) അതു​കൊണ്ട്‌ നമ്മുടെ സ്വർഗീയ പിതാ​വി​ന്റെ സ്‌നേ​ഹ​ത്തി​ന്റെ ഊഷ്‌മ​ളത പൂർണ​മാ​യി ആസ്വദി​ക്കു​മ്പോൾത്ത​ന്നെ നാം വാസ്‌ത​വ​ത്തിൽ ദൈവ​സ്‌നേ​ഹ​ത്തിന്‌ അർഹര​ല്ലെ​ന്നും അതു​പോ​ലെ അത്‌ അവകാ​ശ​മാ​യി നേടി​യെ​ടു​ക്കാ​വു​ന്ന ഒന്നല്ലെ​ന്നും നമുക്ക്‌ ഓർത്തി​രി​ക്കാം.—ലൂക്കൊസ്‌ 17:10.

21. ഏതു സാത്താന്യ ഭോഷ്‌കു​ക​ളെ നാം തുടർച്ച​യാ​യി എതിർക്ക​ണം, ഏതു ദിവ്യ​സ​ത്യ​ത്താൽ നാം നമ്മുടെ ഹൃദയ​ങ്ങൾക്ക്‌ ഉറപ്പു​കൊ​ടു​ക്കു​ന്ന​തിൽ തുടരണം?

²¹ നാം വില​കെ​ട്ട​വ​രും സ്‌നേഹം അർഹി​ക്കാ​ത്ത​വ​രും ആണ്‌ എന്നത്‌ ഉൾപ്പെ​ടെ​യു​ള്ള സാത്താന്റെ സകല ഭോഷ്‌കു​ക​ളും തള്ളിക്ക​ള​യാൻ നമ്മളാൽ കഴിയു​ന്ന​തെ​ല്ലാം നമുക്കു ചെയ്യാം. ദൈവ​ത്തി​ന്റെ അപരി​മേയ സ്‌നേ​ഹ​ത്തി​നു​പോ​ലും മറിക​ട​ക്കാ​നാ​വാ​ത്ത ഒരു തടസ്സമാ​യി നിങ്ങ​ളെ​ത്ത​ന്നെ വീക്ഷി​ക്കാ​നോ നിങ്ങളു​ടെ സത്‌പ്ര​വൃ​ത്തി​ക​ളെ സർവവും ദർശി​ക്കു​ന്ന അവന്റെ കണ്ണുകൾക്കു​പോ​ലും കാണാ​നാ​കാ​ത്ത​വി​ധം തുച്ഛീ​ക​രി​ച്ചു കാണാ​നോ നിങ്ങളു​ടെ പാപങ്ങൾ അവന്റെ പ്രിയ​പു​ത്ര​ന്റെ മരണത്തി​നു​പോ​ലും മറയ്‌ക്കാ​നാ​കാ​ത്ത​വി​ധം അത്ര വലിയ​താ​ണെ​ന്നു കരുതാ​നോ നിങ്ങളു​ടെ ജീവി​താ​നു​ഭ​വ​ങ്ങൾ ഇടയാ​ക്കി​യി​രി​ക്കു​ന്നെ​ങ്കിൽ ഓർക്കുക—അത്‌ തികച്ചും അസത്യ​മാണ്‌. അത്തരം അസത്യ​ങ്ങ​ളെ​യെ​ല്ലാം പൂർണ​മാ​യി തള്ളിക്ക​ള​യു​ക! പൗലൊ​സി​ന്റെ പിൻവ​രു​ന്ന വാക്കു​ക​ളിൽ പ്രതി​ഫ​ലി​ക്കു​ന്ന സത്യത്താൽ നമ്മുടെ ഹൃദയ​ങ്ങൾക്ക്‌ ഉറപ്പു​കൊ​ടു​ക്കു​ന്ന​തിൽ നമുക്കു തുടരാം: “മരണത്തി​ന്നോ ജീവന്നോ ദൂതന്മാർക്കോ വാഴ്‌ച​കൾക്കോ അധികാ​ര​ങ്ങൾക്കോ ഇപ്പോ​ഴു​ള്ള​തി​ന്നോ വരുവാ​നു​ള്ള​തി​ന്നോ ഉയരത്തി​ന്നോ ആഴത്തി​ന്നോ മററു യാതൊ​രു സൃഷ്ടി​ക്കോ നമ്മുടെ കർത്താ​വാ​യ യേശു​ക്രി​സ്‌തു​വി​ലുള്ള ദൈവ​സ്‌നേ​ഹ​ത്തിൽനി​ന്നു നമ്മെ വേറു​പി​രി​പ്പാൻ കഴിക​യി​ല്ല എന്നു ഞാൻ ഉറെച്ചി​രി​ക്കു​ന്നു.”—റോമർ 8:38, 39.