ഗീതം 37
മുഴുദേഹിയോടെ യഹോവയെ സേവിക്കുന്നു
1. എന്റെ നാഥനാം യഹോവേ,
എന്നഭയം നീ എന്നെന്നുമെ.
ആഴമേറും സ്‌നേഹത്തോടെ
ആരാധിപ്പാൻ നീ യോഗ്യനല്ലോ.
കാക്കും ഞാൻ നിൻ ആജ്ഞകളെല്ലാം,
നോക്കും നിന്റെ ശാസനയ്‌ക്കായ്‌.
(കോറസ്‌)
ഏകുന്നെൻ സമ്പൂർണഭക്തി ഞാൻ
എന്നെന്നും യാഹേ, നിനക്കായ്‌.
2. സൂര്യചന്ദ്ര താരകങ്ങൾ
മൗനമായ്‌ നിന്നെ വാഴ്‌ത്തിടുമ്പോൾ,
എന്റെ എല്ലാ ശേഷിയോടും
നിൻ തിരുനാമം ഘോഷിക്കും ഞാൻ.
നേരായ്‌ നിന്നെ സേവിക്കുവാനായ്‌
നേരുന്നെന്റെ ജീവിതം ഞാൻ.
(കോറസ്‌)
ഏകുന്നെൻ സമ്പൂർണഭക്തി ഞാൻ
എന്നെന്നും യാഹേ, നിനക്കായ്‌.
(ആവ. 6:15; സങ്കീ. 40:8; 113:1-3; സഭാ. 5:4; യോഹ. 4:34 കൂടെ കാണുക.)