യേശു​വി​ന്റെ ജീവി​ത​വും ശുശ്രൂ​ഷ​യും

തന്റെ അപ്പോ​സ്‌ത​ലൻമാ​രെ തെര​ഞ്ഞെ​ടു​ക്കു​ന്നു

യോഹ​ന്നാൻ സ്‌നാ​പകൻ യേശു​വി​നെ ദൈവ​ത്തി​ന്റെ കുഞ്ഞാ​ടെന്ന നിലയിൽ പരിച​യ​പ്പെ​ടു​ത്തു​ക​യും യേശു തന്റെ പരസ്യ ശുശ്രൂഷ തുടങ്ങു​ക​യും ചെയ്‌തിട്ട്‌ ഏതാണ്ട്‌ ഒന്നര വർഷമാ​യി. ആ സമയത്ത്‌ അന്ത്ര​യോസ്‌, ശിമോൻ പത്രോസ്‌, ഒരുപക്ഷേ യാക്കോബ്‌ (യോഹ​ന്നാ​ന്റെ സഹോ​ദരൻ), ഫിലി​പ്പോസ്‌, നഥനയേൽ, (ബർത്ത​ലോ​മാ​യി എന്നും വിളി​ക്ക​പ്പെ​ടു​ന്നു) എന്നിവർ അവന്റെ ആദ്യത്തെ ശിഷ്യ​രാ​യി​ത്തീർന്നു. കാലാ​ന്ത​ര​ത്തിൽ, മററ​നേകർ യേശു​വി​നെ പിൻതു​ട​രു​ന്ന​തിൽ അവരോ​ടു ചേർന്നു.

ഇപ്പോൾ യേശു തന്റെ അപ്പോ​സ്‌ത​ലൻമാ​രെ തെര​ഞ്ഞെ​ട​ക്കു​ന്ന​തി​നുള്ള ഒരുക്ക​ത്തി​ലാണ്‌. ഇവർ തന്റെ അടുത്ത സഹചാ​രി​ക​ളാ​യി​രി​ക്കും. അവർക്കു പ്രത്യേക പരിശീ​ലനം നൽക​പ്പെ​ടും. എന്നാൽ അവരെ തെര​ഞ്ഞെ​ടു​ക്കു​ന്ന​തി​നു​മുൻപ്‌ യേശു ഒരു മലയി​ലേക്കു പോയി മുഴു​രാ​ത്രി​യും പ്രാർത്ഥ​ന​യിൽ ചെലവ​ഴി​ക്കു​ന്നു. ഒരുപക്ഷേ അവൻ ദൈവ​ത്തി​ന്റെ അനു​ഗ്ര​ഹ​വും ജ്ഞാനവും പ്രാപി​ക്കാൻ അപേക്ഷി​ക്കു​ന്നു. നേരം വെളു​ത്ത​പ്പോൾ അവൻ തന്റെ ശിഷ്യൻമാ​രെ വിളിച്ച്‌ അവരിൽനിന്ന്‌ 12 പേരെ തെര​ഞ്ഞെ​ടു​ക്കു​ന്നു. എന്നിരു​ന്നാ​ലും അവർ യേശു​വി​ന്റെ വിദ്യാർത്ഥി​ക​ളാ​യി തുടരു​ന്നു. അവർ അപ്പോൾ ശിഷ്യൻമാർ എന്നറി​യ​പ്പെ​ടു​ന്നു.

യേശു​വി​ന്റെ ആദ്യത്തെ ശിഷ്യൻമാ​രാ​യി​ത്തീർന്ന മുകളിൽ പറഞ്ഞ ആറു പേരെ അവൻ തെര​ഞ്ഞെ​ടു​ക്കു​ന്നു. ചുങ്കസ്ഥ​ല​ത്തു​നി​ന്നു യേശു വിളിച്ച മത്തായി​യെ​യും തെര​ഞ്ഞെ​ടു​ത്തു. അവൻ തെര​ഞ്ഞെ​ടുത്ത മറെറ അഞ്ചുപേർ യൂദാ (തദ്ദായി എന്നും വിളി​ക്ക​പ്പെ​ടു​ന്നു) ഈസ്‌ക​രി​യോ​ത്താ യൂദാ, കനാന്യ​നായ ശിമോൻ, തോമസ്‌, അല്‌ഫാ​യി​യു​ടെ മകനായ യാക്കോബ്‌ എന്നിവ​രാണ്‌.

ഇതി​നോ​ട​കം ഈ 12 പേരും യേശു​വി​നോ​ടു​കൂ​ടെ കുറെ നാൾ ചെലവ​ഴി​ച്ച​തി​നാൽ അവന്‌ അവരെ നന്നായി അറിയാം. വാസ്‌ത​വ​ത്തിൽ അവരിൽ ചിലർ അവന്റെ ജഡിക​ബ​ന്ധു​ക്ക​ളാണ്‌. യാക്കോ​ബും അവന്റെ സഹോ​ദ​ര​നായ യോഹ​ന്നാ​നും സ്‌പഷ്ട​മാ​യും അവന്റെ മച്ചുനൻമാ​രാണ്‌. സാദ്ധ്യ​ത​യ​നു​സ​രിച്ച്‌ അല്‌ഫാ​യി യേശു​വി​ന്റെ വളർത്തു​പി​താ​വായ യോ​സേ​ഫി​ന്റെ സഹോ​ദ​ര​നാ​യി​രു​ന്നു. അതു​കൊണ്ട്‌ അല്‌ഫാ​യി​യു​ടെ മകനായ അപ്പോ​സ്‌ത​ല​നായ യാക്കോ​ബും യേശു​വി​ന്റെ ഒരു മച്ചുന​നാ​യി​രി​ക്കണം.

തന്റെ അപ്പോ​സ്‌ത​ലൻമാ​രു​ടെ പേരുകൾ ഓർമ്മി​ക്കു​ന്ന​തിൽ യേശു​വി​നു യാതൊ​രു പ്രയാ​സ​വു​മി​ല്ലാ​യി​രു​ന്നു. എന്നാൽ നിങ്ങൾക്ക്‌ അവരെ ഓർമ്മി​ക്കാൻ കഴിയു​മോ? ശിമോൻ എന്നു പേരുള്ള രണ്ടു​പേ​രും യാക്കോബ്‌ എന്നു പേരുള്ള രണ്ടു​പേ​രും യൂദാ എന്നു പേരുള്ള രണ്ടു​പേ​രും ഉണ്ടായി​രു​ന്നു​വെ​ന്നോർക്കുക. ശിമോന്‌ അന്ത്ര​യോസ്‌ എന്നു​പേ​രുള്ള ഒരു സഹോ​ദ​ര​നും യാക്കോ​ബിന്‌ യോഹ​ന്നാൻ എന്നു​പേ​രുള്ള ഒരു സഹോ​ദ​ര​നും ഉണ്ടായി​രു​ന്നു​വെ​ന്നോർക്കുക. ഇതാണ്‌ എട്ട്‌ അപ്പോ​സ്‌ത​ലൻമാ​രെ ഓർത്തി​രി​ക്കാ​നുള്ള ഒരു മാർഗ്ഗം. മററു നാലു​പേ​രിൽ ഒരു കരംപി​രി​വു​കാ​ര​നും (മത്തായി) പിന്നീട്‌ സംശയിച്ച ഒരുവ​നും (തോമസ്‌) മരച്ചു​വ​ട്ടിൽ നിന്നു വിളി​ക്ക​പ്പെട്ട ഒരുവ​നും (നഥനയേൽ) അവന്റെ കൂട്ടു​കാ​ര​നായ ഫിലി​പ്പോ​സും ഉണ്ടായി​രു​ന്നു.

അപ്പോ​സ്‌ത​ലൻമാ​രിൽ പതി​നൊ​ന്നു​പേ​രും യേശു​വി​ന്റെ സ്വദേ​ശ​മായ ഗലീല​യിൽ നിന്നു​ള്ളവർ ആയിരു​ന്നു. നഥനയേൽ കാനാ​യിൽനി​ന്നു​ള്ള​വ​നാ​യി​രു​ന്നു. ഫിലി​പ്പോ​സി​ന്റെ​യും പത്രോ​സി​ന്റെ​യും അന്ത്ര​യോ​സി​ന്റെ​യും ജൻമ​ദേശം ബത്‌സെ​യ്‌ദ​യാ​യി​രു​ന്നു. എന്നിരു​ന്നാ​ലും പത്രോ​സും അന്ത്ര​യോ​സും പിന്നീട്‌ കഫർന്ന​ഹൂ​മി​ലേക്ക്‌ മാറി​ത്താ​മ​സി​ച്ചു. മത്തായി​യും അവിടെ ജീവി​ച്ചി​രു​ന്ന​താ​യി തോന്നു​ന്നു. യാക്കോ​ബും യോഹ​ന്നാ​നും മീൻപി​ടു​ത്ത​ത്തി​ലാ​യി​രു​ന്നു. സാദ്ധ്യ​ത​യ​നു​സ​രിച്ച്‌ അവർ കഫർന്ന​ഹൂ​മി​ലൊ അതിന​ടു​ത്തൊ ജീവി​ച്ചി​രു​ന്നു. യേശു​വി​നെ പിന്നീട്‌ ഒററി​ക്കൊ​ടുത്ത ഇസ്‌ക​രി​യോ​ത്താ യൂദാ മാത്രമേ യഹൂദ്യ​യിൽ നിന്നു​ണ്ടാ​യി​രു​ന്നു​ള്ളു എന്നു തോന്നു​ന്നു. മർക്കോസ്‌ 3:13-19; ലൂക്കോസ്‌ 6:12-16.

◆ ഏതെല്ലാം അപ്പോ​സ്‌ത​ലൻമാർ യേശു​വി​ന്റെ ബന്ധുക്ക​ളാ​യി​രി​ക്കാം?

◆ ആരെല്ലാ​മാ​യി​രു​ന്നു യേശു​വി​ന്റെ അപ്പോ​സ്‌ത​ലൻമാർ, അവരുടെ പേരുകൾ നിങ്ങൾക്ക്‌ ഓർത്തി​രി​ക്കാൻ കഴിയു​ന്ന​തെ​ങ്ങനെ?

◆ അപ്പോ​സ്‌ത​ലൻമാർ ഏതെല്ലാം പ്രദേ​ശ​ങ്ങ​ളിൽനി​ന്നു​ള്ളവർ ആയിരു​ന്നു? (w86 9/1)

[9-ാം പേജിലെ ചിത്രം]

12 അപ്പോ​സ്‌ത​ലൻമാ​രെ തെര​ഞ്ഞെ​ടു​ക്കു​ന്ന​തി​നു മുൻപ്‌ യഹോ​വ​യോ​ടുള്ള പ്രാർത്ഥ​ന​യിൽ യേശു മുഴു രാത്രി​യും ചെലവ​ഴി​ച്ചു