“എല്ലാ കാര്യ​ങ്ങ​ളും ദൈവ​ത്തി​ന്റെ മഹത്വ​ത്തി​നാ​യി ചെയ്യുക”

ഒന്നു കൊരി​ന്ത്യ​രിൽ നിന്നുള്ള സവി​ശേ​ഷാ​ശ​യ​ങ്ങൾ

യഹോ​വ​യാം ദൈവ​ത്തി​ന്റെ മഹത്വം അവനെ “ആത്‌മാ​വോ​ടും സത്യ​ത്തോ​ടും കൂടെ” ആരാധി​ക്കുന്ന എല്ലാവർക്കും ജീവൽപ്ര​ധാ​ന​മായ താത്‌പ​ര്യ​മുള്ള കാര്യ​മാണ്‌. (യോഹ​ന്നാൻ 4:23, 24) അതു​കൊണ്ട്‌ അപ്പോ​സ്‌ത​ല​നായ പൗലോസ്‌ പുരാതന കൊരി​ന്തി​ലെ സഹക്രി​സ്‌ത്യാ​നി​ക​ളോട്‌ ഇപ്രകാ​രം പറഞ്ഞു: “നിങ്ങൾ തിന്നാ​ലും കുടി​ച്ചാ​ലും മറെറന്തു ചെയ്‌താ​ലും എല്ലാ കാര്യ​ങ്ങ​ളും ദൈവ​ത്തി​ന്റെ മഹത്വ​ത്തി​നാ​യി ചെയ്യുക.” (1 കൊരി​ന്ത്യർ 10:31) ഇതു ചെയ്യു​ന്ന​തിന്‌ വ്യാജ​മ​ത​ത്തിൽ ആണ്ടിരി​ക്കുന്ന ഈ ഭൗതി​കാ​ധി​ഷ്‌ഠിത അധാർമ്മിക ലോക​ത്തി​ലെ നമ്മുടെ പ്രശ്‌നങ്ങൾ പരിഹ​രി​ക്കു​ന്ന​തിന്‌ യഹോ​വ​യു​ടെ വിധം നാം അംഗീ​ക​രി​ക്കേ​ണ്ട​യാ​വ​ശ്യ​മുണ്ട്‌.

കൊരി​ന്ത്യ​ക്രി​സ്‌ത്യാ​നി​കൾക്ക്‌ പ്രശ്‌നങ്ങൾ പരിഹ​രി​ക്കു​ന്ന​തിന്‌ ദിവ്യ​സ​ഹാ​യം ആവശ്യ​മാ​യി​രു​ന്നു, എന്തു​കൊ​ണ്ടെ​ന്നാൽ വ്യാജ​മതം നിറഞ്ഞി​രുന്ന സമ്പൽസ​മൃ​ദ്ധ​വും അധാർമ്മി​ക​വു​മായ ഒരു നഗരത്തി​ലാണ്‌ അവർ ജീവി​ച്ചി​രു​ന്നത്‌. യൂറോ​പ്യൻ ഭൂഖണ്ഡ​ത്തിൽപെട്ട ഗ്രീസി​നും പെലോ​പോ​ണി​സോ​സി​നും ഇടയിൽ സ്ഥിതി​ചെ​യ്യുന്ന ഒരു കരയി​ടു​ക്കിൽ പെട്ട കൊരിന്ത്‌ അഖായ എന്ന റോമൻ പ്രവി​ശ്യ​യു​ടെ തലസ്ഥാ​ന​മാ​യി​രു​ന്നു. കണക്കാ​ക്ക​പ്പെ​ട്ട​പ്ര​കാ​രം അതിലെ ജനസംഖ്യ 4,00,000 ആയിരു​ന്നു. പൗലോസ്‌ അവിടത്തെ സഭ സ്ഥാപി​ച്ചത്‌ ക്രി. വ. 50-നോട​ടു​ത്താ​യി​രു​ന്നു.—പ്രവൃ​ത്തി​കൾ 18:1-11.

കൊരി​ന്ത്യർ വിവാ​ഹത്തെ സംബന്ധി​ച്ചും വിഗ്ര​ഹ​ങ്ങൾക്കർപ്പി​ക്ക​പ്പെട്ട മാംസം തിന്നു​ന്ന​തി​നെ സംബന്ധി​ച്ചും ചോദി​ച്ചു​കൊണ്ട്‌ പൗലോ​സിന്‌ എഴുത്ത​യ​ച്ചി​രു​ന്നു. (7:1) അവരുടെ ഇടയിൽ ഭിന്നത​ക​ളും ഗുരു​ത​ര​മായ ദുർമ്മാർഗ്ഗ​ത്തി​ന്റെ ഒരു കേസും ഉണ്ടായി​രു​ന്ന​തിൽ അവൻ ദു:ഖിതനാ​യി​രു​ന്നു. അവർക്ക്‌ കർത്താ​വി​ന്റെ സന്ധ്യാ​ഭ​ക്ഷണം ആചരി​ക്കു​ന്നതു സംബന്ധിച്ച്‌ ബുദ്ധി​യു​പ​ദേ​ശ​മാ​വ​ശ്യ​മാ​യി​രു​ന്നു. അവരുടെ വിശ്വാ​സ​ത്യാ​ഗ​ത്തി​ന്റെ ഭീഷണി​പോ​ലു​മു​ണ്ടാ​യി​രു​ന്നു. സ്‌നേഹം സംബന്ധിച്ച ബുദ്ധി​യു​പ​ദേ​ശ​വും സഭക്കാ​വ​ശ്യ​മു​ണ്ടാ​യി​രു​ന്നു. അങ്ങനെ​യുള്ള കാരണ​ങ്ങ​ളാൽ പൗലോസ്‌ ക്രി.വ. ഏതാണ്ട്‌ 55-ൽ എഫേസൂ​സിൽനിന്ന്‌ കൊരി​ന്ത്യർക്കുള്ള തന്റെ ഒന്നാമത്തെ നിശ്വ​സ്‌ത​ലേ​ഖ​ന​മെ​ഴു​തി. എന്നാൽ നമുക്കും അതിൽനിന്ന്‌ പ്രയോ​ജ​ന​മ​നു​ഭ​വി​ക്കാൻ കഴിയും.

ഐക്യ​വും ധാർമ്മി​ക​ശു​ദ്ധി​യും ജീവൽപ്ര​ധാ​നം

നാം “എല്ലാ കാര്യ​ങ്ങ​ളും ദൈവ​ത്തി​ന്റെ മഹത്വ​ത്തി​നാ​യി ചെയ്യു”ന്നുവെ​ങ്കിൽ സഭയിൽ ഭിന്നത ഉണ്ടാക്കാൻ ശ്രമി​ക്കുന്ന ആരെയും നാം അനുവ​ദി​ക്കു​ക​യില്ല—കൊരി​ന്ത്യ​ക്കാർ അനുഭ​വി​ച്ചി​രുന്ന പ്രശ്‌ന​ങ്ങ​ളി​ലൊ​ന്നി​താ​യി​രു​ന്നു. (1:1–4:21) പൗലോസ്‌ ‘യോജി​പ്പിൽ സംസാ​രി​ക്കാ​നും ഒരേ മനസ്സി​ലും ഒരേ ചിന്താ​ഗ​തി​യി​ലും ഐക്യ​പ്പെ​ട്ടി​രി​ക്കാ​നും’ അവരെ ഉദ്‌ബോ​ധി​പ്പി​ച്ചു. നാം ഈ ബുദ്ധി​യു​പ​ദേശം അനുസ​രി​ക്കു​ക​യും ആത്മീയ ഗുണങ്ങൾ നട്ടുവ​ളർത്തു​ക​യു​മാ​ണെ​ങ്കിൽ ഐക്യം സ്ഥിതി​ചെ​യ്യും. ഏതെങ്കി​ലും പാപി​യായ മനുഷ്യ​നിൽ പ്രശം​സി​ക്കു​ന്ന​തി​നു പകരം ‘നടുക​യും നനക്കു​ക​യും ചെയ്യു​ന്നത്‌ നാമാ​ണെ​ങ്കി​ലും ആത്മീയ​മാ​യി വളർത്തു​ന്നത്‌ ദൈവ​മാണ്‌’ എന്ന്‌ നാം ഓർത്തി​രി​ക്കണം. കൊരി​ന്തിൽ വീമ്പി​ള​ക്കി​യി​രു​ന്ന​വർക്ക്‌ തങ്ങൾക്ക്‌ ലഭിച്ച​ത​ല്ലാ​തെ യാതൊ​ന്നു​മി​ല്ലാ​യി​രു​ന്നു; അതു​കൊണ്ട്‌ നാം നമ്മുടെ സഹവി​ശ്വാ​സി​ക​ളെ​ക്കാൾ മെച്ചമാ​ണെന്ന്‌ ഒരിക്ക​ലും പരിഗ​ണി​ക്കാ​തി​രി​ക്കാം. അങ്ങനെ​യുള്ള ഒരു വിനീ​ത​മായ ആത്മാവ്‌ ഐക്യ​ത്തി​നു പ്രോ​ത്സാ​ഹി​പ്പി​ക്കാൻ നമ്മെ സഹായി​ക്കും.

ഐക്യം പ്രബല​പ്പെ​ട​ണ​മെ​ങ്കിൽ നിയമിത മൂപ്പൻമാർ സഭയെ ആത്‌മീ​യ​മാ​യി സൂക്ഷി​ക്കാൻ പ്രവർത്തി​ക്കണം. (5:1–6:20) “അല്‌പ്പം പുളി​മാവ്‌ മുഴു​പി​ണ്ഡ​ത്തെ​യും പുളി​പ്പി​ക്കുന്ന”തുകൊണ്ട്‌ അനുതാ​പ​മി​ല്ലാത്ത ദുർവൃ​ത്ത​രെ​യും അത്യാ​ഗ്ര​ഹി​ക​ളെ​യും വിഗ്ര​ഹാ​രാ​ധി​ക​ളെ​യും വാവി​ഷ്‌ഠാ​ണ​ക്കാ​രെ​യും മദ്യപാ​നി​ക​ളെ​യും അല്ലെങ്കിൽ പിടി​ച്ചു​പ​റി​ക്കാ​രെ​യും സഭയിൽനിന്ന്‌ പുറത്താ​ക്കേ​ണ്ട​താണ്‌. ദൈവ​ത്തി​ന്റെ ആലയത്തെ അശുദ്ധ​മാ​ക്കുന്ന ധാർമ്മി​കാ​ശു​ദ്ധി യഹോ​വ​യു​ടെ ജനത്തി​ന്റെ​യി​ട​യിൽ അനുവ​ദി​ക്ക​പ്പെ​ടാ​വു​ന്നതല്ല. പകരം അവർ ദൈവത്തെ മഹത്വ​പ്പെ​ടു​ത്തുന്ന കാര്യങ്ങൾ ചെയ്യേ​ണ്ട​താണ്‌.

മററു​ള്ള​വ​രോ​ടു പരിഗ​ണ​ന​യു​ള്ള​വ​രാ​യി​രി​ക്കുക

“എല്ലാ കാര്യ​ങ്ങ​ളും ദൈവ​ത്തി​ന്റെ മഹത്വ​ത്തി​നാ​യി ചെയ്യുന്ന”തിന്‌ നാം വിവാ​ഹ​വും ഏകാകി​ത്വ​വും സംബന്ധിച്ച പൗലോ​സി​ന്റെ ബുദ്ധി​യു​പ​ദേശം ബാധക​മാ​ക്കേ​ണ്ട​തുണ്ട്‌. (7:1-40) ദാമ്പത്യ​ബ​ന്ധ​ത്തിൽ ഏകീഭ​വി​ച്ചി​രി​ക്കു​ന്നവർ പരിഗ​ണ​ന​യോ​ടെ ലൈം​ഗി​ക​വി​ഹി​തം കൊടു​ക്കേ​ണ്ട​താണ്‌. ഒരു വിവാ​ഹിത ക്രിസ്‌ത്യാ​നി ഒരു അവിശ്വാ​സി​യായ ഇണയിൽ നിന്ന്‌ വേർപി​രി​യ​രുത്‌, എന്തെന്നാൽ ഒരുമി​ച്ചുള്ള വാസം രക്ഷനേ​ടാൻ ആ ഇണയെ സഹായി​ച്ചേ​ക്കാം. വിവാഹം വർദ്ധിച്ച ഉത്‌ക്കണ്‌ഠ കൈവ​രു​ത്തു​ന്നു​വെ​ന്നി​രി​ക്കെ, ശല്യം കൂടാതെ കർത്താ​വി​നെ സേവി​ച്ചു​കൊണ്ട്‌ മററു​ള്ള​വരെ ആത്മീയ​മാ​യി സഹായി​ക്കാൻ ആഗ്രഹി​ക്കുന്ന വ്യക്തിക്ക്‌ ഏകാകി​ത്വം സഹായ​ക​മാ​യി​രി​ക്കാൻ കഴിയും.

മററു​ള്ള​വ​രു​ടെ ആത്മീയ​ക്ഷേ​മ​ത്തോട്‌ പരിഗണന കാണി​ക്കു​ക​യെ​ന്നത്‌ ഏകാകി​ക​ളൊ വിവാ​ഹി​ത​രൊ ആയ സകല ക്രിസ്‌ത്യാ​നി​ക​ളു​ടെ​യും കർത്തവ്യ​മാണ്‌. (8:1–10:33) അതു​കൊണ്ട്‌ വിഗ്ര​ഹ​ങ്ങൾക്കർപ്പി​ക്ക​പ്പെട്ട ഭക്ഷ്യങ്ങൾ തിന്നു​ന്ന​തി​നാൽ മററു​ള്ള​വർക്ക്‌ ഇടർച്ച വരുത്താ​തി​രി​ക്കാൻ കൊരി​ന്ത്യർ ബുദ്ധി​യു​പ​ദേ​ശി​ക്ക​പ്പെട്ടു. സുവാർത്ത സ്വീക​രി​ക്കു​ന്ന​തിൽ ആർക്കും പ്രതി​ബന്ധം ഉണ്ടാക്കാ​തി​രി​ക്കാൻ പൗലോസ്‌ സാമ്പത്തി​ക​സ​ഹാ​യം സ്വീക​രി​ക്കു​ന്ന​തി​നുള്ള തന്റെ അവകാശം വിനി​യോ​ഗി​ച്ചു​പോ​ലു​മില്ല. അവൻ ‘മററു​ള്ള​വ​രോ​ടു പ്രസം​ഗി​ച്ച​ശേഷം അംഗീകാരമില്ലാത്തവനായിത്തീരാതിരിക്കേണ്ടതിന്‌ തന്റെ ശരീരത്തെ ദണ്ഡിപ്പി​ക്കു​ക​യും ചെയ്‌തു.’ പാപപൂർണ്ണ​രാ​യി​രുന്ന ഇസ്രാ​യേ​ലി​ന്റെ മരുഭൂ​മി​യി​ലെ അനുഭ​വങ്ങൾ ഗൗരവ​മാ​യി എടുക്കു​ന്നത്‌ വിഗ്ര​ഹാ​രാ​ധ​ന​യും ദുഷ്‌പ്ര​വർത്തി​യു​മൊ​ഴി​വാ​ക്കാൻ നമ്മെ സഹായി​ക്കും. തന്നെയു​മല്ല ‘ദൈവ​മ​ഹ​ത്വ​ത്തി​നാ​യി സകലവും ചെയ്യു​ന്നത്‌’ ആരെ​യെ​ങ്കി​ലും ഇടറി​ക്കു​ന്ന​തൊ​ഴി​വാ​ക്കാൻ നമ്മെ സഹായി​ക്കും.

ആദരവു പ്രകട​മാ​ക്കു​ക​യും ക്രമം പാലി​ക്കു​ക​യും ചെയ്യുക

‘എല്ലാകാ​ര്യ​ങ്ങ​ളും ദൈവ​ത്തി​ന്റെ മഹത്വ​ത്തി​നാ​യി ചെയ്യു​ന്നത്‌’ നാം ഉചിത​മായ ആദരവു പ്രകട​മാ​ക്കേ​ണ്ട​താ​വ​ശ്യ​മാ​ക്കി​ത്തീർക്കു​ന്നു. (11:1-34) ഒന്നാം നൂററാ​ണ്ടി​ലെ ഒരു ക്രിസ്‌തീയ സ്‌ത്രീ സഭയിൽ പ്രാർത്ഥി​ക്കു​ക​യൊ പ്രവചി​ക്കു​ക​യൊ ചെയ്യു​മ്പോൾ ശിരോ​വ​സ്‌ത്രം ധരിച്ചു​കൊണ്ട്‌ ശിരഃ​സ്ഥാ​ന​ത്തോട്‌ ആദരവ്‌ പ്രകടി​പ്പി​ച്ചി​രു​ന്നു. ദൈവ​ഭ​ക്തി​യുള്ള സ്‌ത്രീ​കൾ ഇന്ന്‌ ശിരഃ​സ്ഥാ​ന​ത്തോട്‌ സമാന​മായ ആദരവ്‌ പ്രകട​മാ​ക്കു​ന്നു. കൂടാതെ തിരു​ത്ത​ലാ​വ​ശ്യ​മാ​യി​രുന്ന കൊരി​ന്ത്യ​രേ​പ്പോ​ലെ​യാ​കു​ന്നത്‌ ഒഴിവാ​ക്കാൻ നമ്മളെ​ല്ലാം കർത്താ​വി​ന്റെ സന്ധ്യാ​ഭ​ക്ഷ​ണ​ത്തോട്‌ ആദരവ്‌ പ്രകട​മാ​ക്കണം.

“എല്ലാ കാര്യ​ങ്ങ​ളും ദൈവ​ത്തി​ന്റെ മഹത്വ​ത്തി​നാ​യി ചെയ്യാൻ” നാം യോഗങ്ങൾ ഒരു ക്രമീ​കൃ​ത​രീ​തി​യിൽ നടത്തണം. (12:1–14:40) ആദിമ ക്രിസ്‌ത്യാ​നി​കൾ കൂടി​വ​ന്ന​പ്പോൾ അന്യഭാ​ഷ​ക​ളു​ടെ സംസാരം പോ​ലെ​യുള്ള ആത്മാവി​ന്റെ വരങ്ങൾ അവയുടെ ഉറവി​നോ​ടും ഉദ്ദേശ്യ​ത്തോ​ടു​മുള്ള ആദരവി​ലും വിലമ​തി​പ്പി​ലും ഉപയോ​ഗി​ക്ക​പ്പെ​ട​ണ​മാ​യി​രു​ന്നു. ഇപ്പോൾ നമുക്ക്‌ ഈ വരങ്ങൾ ഇല്ലെങ്കി​ലും അവയെ​ക്കാൾ ശ്രേഷ്‌ഠ​മായ സ്‌നേഹം പ്രകട​മാ​ക്കി​ക്കൊണ്ട്‌ നാം ദൈവ​ത്തി​നു മഹത്വം കൈവ​രു​ത്തു​ന്നു. നമ്മുടെ യോഗങ്ങൾ സുസം​ഘ​ടി​ത​മാ​യി​രി​ക്കു​ന്ന​തു​കൊ​ണ്ടും നാം യഹോ​വയെ മഹത്വ​പ്പെ​ടു​ത്തു​ന്നു. “സകലവും യോഗ്യ​മാ​യും ക്രമീ​ക​ര​ണ​ത്താ​ലും നടക്കട്ടെ” എന്ന പൗലോ​സി​ന്റെ ബുദ്ധി​യു​പ​ദേശം നാം ആദര​വോ​ടെ ബാധക​മാ​ക്കു​ന്നു.

‘സകലവും ദൈവ​മ​ഹ​ത്വ​ത്തി​നാ​യി ചെയ്യു​ന്നത്‌’ നാം ബൈബി​ളു​പ​ദേ​ശത്തെ ആദരി​ക്ക​ണ​മെ​ന്നും ആത്മീയ​മാ​യി ഉറച്ചു​നിൽക്ക​ണ​മെ​ന്നും നമ്മോ​ടാ​വ​ശ്യ​പ്പെ​ടു​ന്നു. (15:1–16:24) സാധ്യ​ത​യ​നു​സ​രിച്ച്‌ ഗ്രീക്കു​ത​ത്വ​ശാ​സ്‌ത്ര​ത്താൽ സ്വാധീ​നി​ക്ക​പ്പെട്ട്‌ കൊരി​ന്ത്യ​സ​ഭ​യി​ലെ ചിലർ “മരിച്ച​വ​രു​ടെ പുനരു​ത്ഥാ​ന​മില്ല” എന്നു പറഞ്ഞു. (പ്രവൃ​ത്തി​കൾ 17:18, 32 താരത​മ്യ​പ്പെ​ടു​ത്തുക.) ജീവി​ച്ചി​രി​ക്കുന്ന ക്രിസ്‌ത്യാ​നി​കൾക്ക്‌ അനുഭ​വ​പ്പെട്ട പ്രതീ​കാ​ത്മ​ക​വും ആത്മീയ​വു​മായ പുനരു​ത്ഥാ​ന​ത്തി​നു പുറമെ ഭാവി പുനരു​ത്ഥാ​ന​മി​ല്ലെ​ന്നുള്ള വിശ്വാ​സ​ത്യാ​ഗ​പ​ര​മായ വീക്ഷണ​മാ​യി​രി​ക്കാം അവർ പുലർത്തി​യി​രു​ന്നത്‌. (2 തിമൊ​ഥെ​യോസ്‌ 2:16-18) പൗലോസ്‌ യേശു​വി​ന്റെ പുനരു​ത്ഥാ​നം എടുത്തു പറഞ്ഞു​കൊണ്ട്‌ യഥാർത്ഥ പ്രത്യാ​ശയെ പിന്താ​ങ്ങു​ക​യും അഭിഷിക്ത ക്രിസ്‌ത്യാ​നി​കൾ അമർത്യ സ്വർഗ്ഗീയ ജീവനി​ലേക്ക്‌ പുനരു​ത്ഥാ​ന​പ്പെ​ടു​ന്ന​തിന്‌ മരി​ക്കേ​ണ്ട​താ​ണെന്ന്‌ പ്രകട​മാ​ക്കു​ക​യും ചെയ്‌തു. അവന്റെ വാക്കുകൾ വിശ്വാ​സ​ത്യാ​ഗ​മൊ​ഴി​വാ​ക്കാ​നും “വിശ്വാ​സ​ത്തിൽ ഉറച്ചു​നിൽക്കാ​നും” മററു പ്രകാ​ര​ങ്ങ​ളി​ലും നമ്മെ സഹായി​ക്കു​ന്നു.

എല്ലായപ്പോ​ഴും ദൈവ​മ​ഹ​ത്വ​ത്തി​നാ​യി കാര്യങ്ങൾ ചെയ്യുക

ഒന്നു കൊരി​ന്ത്യ​രി​ലെ പൗലോ​സി​ന്റെ ബുദ്ധി​യു​പ​ദേശം ക്രി.വ. ഒന്നാം നൂററാ​ണ്ടി​ലേ​തു​പോ​ലെ ഇന്നും പ്രയോ​ജ​ന​ക​ര​മാണ്‌. അത്‌ ഒരു ശുദ്ധി​യുള്ള ജനമെന്ന നിലയിൽ യഹോ​വ​യു​ടെ ഇക്കാലത്തെ സാക്ഷി​കളെ ദൈവത്തെ ഐക്യ​ത്തിൽ സേവി​ക്കു​ന്ന​തി​നു പ്രേരി​പ്പി​ക്കു​ന്നു. അപ്പോ​സ്‌ത​ലന്റെ വാക്കുകൾ മററു​ള്ള​വ​രോട്‌ പരിഗണന കാണി​ക്കാ​നും ഉചിത​മായ ആദരവു കാട്ടാ​നും നമ്മെ പ്രേരി​പ്പി​ക്കേ​ണ്ട​താണ്‌. പൗലോസ്‌ പറഞ്ഞതിന്‌ വിശ്വാ​സ​ത്യാ​ഗത്തെ ചെറുത്തു നിൽക്കാ​നും സത്യവി​ശ്വാ​സ​ത്തി​നു​വേണ്ടി ഉറച്ചു നിൽക്കാ​നും നമ്മെ ബലപ്പെ​ടു​ത്തു​ന്ന​തി​നും കഴിയും.

തീർച്ച​യാ​യും യഹോ​വയെ വാഴ്‌ത്തു​ക​യും അവന്റെ രാജ്യത്തെ പ്രസി​ദ്ധ​മാ​ക്കു​ക​യും അവന്റെ വിശുദ്ധ നാമത്തെ മഹത്വീ​ക​രി​ക്കു​ക​യും ചെയ്യു​ക​യെ​ന്നത്‌ യഹോ​വ​യു​ടെ ഓരോ വിശ്വ​സ്‌ത​ദാ​സ​ന്റെ​യും ഹൃദയം​ഗ​മ​മായ ആഗ്രഹ​മാണ്‌. (സങ്കീർത്തനം 145:1, 2; സങ്കീർത്തനം 145 10-13) യഥാർത്ഥ​ത്തിൽ കൊരി​ന്ത്യർക്കുള്ള പൗലോ​സി​ന്റെ ഒന്നാമത്തെ ലേഖനം “എല്ലാ കാര്യ​ങ്ങ​ളും ദൈവ​ത്തി​ന്റെ മഹത്വ​ത്തി​നാ​യി ചെയ്യാൻ” നമ്മെ സഹായി​ക്കു​ന്നു. (w90 9⁄15)

[28, 29 പേജു​ക​ളി​ലെ ചതുരം/ചിത്രം]

മരിക്കുമെന്നു തീർച്ച: കൊരി​ന്ത്യർക്കുള്ള തന്റെ ലേഖന​ങ്ങ​ളിൽ പൗലോസ്‌ പോർക്ക​ള​ത്തി​ലെ മരണത്തെ ഒന്നില​ധി​കം പ്രാവ​ശ്യം പരാമർശി​ച്ചു. ഉദാഹ​ര​ണ​ത്തിന്‌ അവൻ ഇങ്ങനെ എഴുതി: “ദൈവം അപ്പോ​സ്‌ത​ലൻമാ​രായ ഞങ്ങളെ മരണത്തി​നു നിയമി​ക്ക​പ്പെട്ട മനുഷ്യ​രെന്ന നിലയിൽ പ്രദർശ​ന​ത്തിൽ അവസാ​ന​ത്ത​വ​രാ​യി നിർത്തി​യെന്നു എനിക്കു തോന്നു​ന്നു, എന്തു​കൊ​ണ്ടെ​ന്നാൽ ഞങ്ങൾ ലോക​ത്തി​നും ദൂതൻമാർക്കും മനുഷ്യർക്കും ഒരു നാടക​കാ​ഴ്‌ച​യാ​യി​ത്തീർന്നി​രി​ക്കു​ന്നു.” (1 കൊരി​ന്ത്യർ 4:9) പൗലോസ്‌ ബെസറ​റി​യാ​റൈ പ്രദർശ​ന​ങ്ങ​ളെ​ക്കു​റി​ച്ചും (മൃഗങ്ങ​ളോ​ടു പൊരു​തിയ മനുഷ്യർ) ദ്വന്ദ്വ​യു​ദ്ധ​ക്കാ​രെ​ക്കു​റി​ച്ചും (മനുഷ്യ​രോ​ടു പൊരു​തിയ മനുഷ്യർ) ചിന്തി​ക്ക​യാ​യി​രു​ന്നി​രി​ക്കാം. ചിലർ കൂലി​ക്കു​വേണ്ടി പൊരു​തി, എന്നാൽ കുററ​പ്പു​ള്ളി​കൾ പൊരു​താൻ നിർബ​ന്ധി​ക്ക​പ്പെട്ടു. ആദ്യം ആയുധങ്ങൾ ഉപയോ​ഗി​ക്കാൻ അനുവ​ദി​ക്ക​പ്പെ​ട്ടി​രു​ന്നെ​ങ്കി​ലും പിൽക്കാ​ലത്ത്‌ ഈ തടവു​പു​ള്ളി​കൾ വസ്‌ത്ര​ഹീ​ന​രാ​യും സംരക്ഷ​ണ​ര​ഹി​ത​രാ​യും തീർച്ച​യാ​യും മരിക്കാൻ കൊണ്ടു​വ​ര​പ്പെട്ടു.

“ദൂതൻമാ​രും” “മനുഷ്യ​രും” (മനുഷ്യ​വർഗ്ഗ “ലോകം” മാത്രമല്ല) കാണി​ക​ളാ​യി ഉണ്ടായി​രു​ന്ന​തു​കൊണ്ട്‌ അപ്പോ​സ്‌ത​ലൻമാർ അങ്ങനെ​യുള്ള ഒരു രക്തരൂ​ഷി​ത​മായ അന്തിമ പ്രദർശ​ന​ത്തിൽ മരിക്കാ​നി​രു​ന്ന​വ​രെ​പ്പോ​ലെ​യാ​യി​രു​ന്നു. താൻ “എഫേ​സോ​സി​ലെ കാട്ടു​മൃ​ഗ​ങ്ങ​ളോട്‌ പൊരു​തി” എന്ന്‌ പൗലോസ്‌ പറഞ്ഞു, എന്നാൽ ഒരു റോമൻ പൗരൻ ഇതിനു വിധേ​യ​മാ​ക്ക​പ്പെ​ടു​മെ​ന്നു​ള്ള​തി​നെ ചിലർ സംശയി​ക്കു​ക​യും അവൻ മൃഗതു​ല്യ​രായ എതിരാ​ളി​കളെ പരാമർശി​ക്ക​യാ​യി​രു​ന്നു എന്ന്‌ പറയു​ക​യും ചെയ്യുന്നു. (1 കൊരി​ന്ത്യർ 15:32) എന്നിരു​ന്നാ​ലും ദൈവം അവനെ (എഫേ​സോസ്‌ സ്ഥിതി​ചെ​യ്‌തി​രുന്ന) ആസ്യജി​ല്ല​യിൽവെച്ച്‌ “മരണം​പോ​ലെ​യുള്ള ഒരു വലിയ സംഗതി​യിൽനിന്ന്‌” വിടു​വി​ച്ചു​വെ​ന്നുള്ള പൗലോ​സി​ന്റെ പ്രസ്‌താ​വന മനുഷ്യ എതിർപ്പി​നെ​ക്കാൾ മെച്ചമാ​യി യഥാർത്ഥ​കാ​ട്ടു​മൃ​ഗ​ങ്ങ​ളു​മാ​യി ഒരു പോർക്ക​ള​ത്തിൽ ഉണ്ടായ അനുഭ​വ​ത്തിന്‌ യോജി​ക്കു​ന്നു.—2 കൊരി​ന്ത്യർ 1:8-10; 11:23; പ്രവൃ​ത്തി​കൾ 19:23-41)

[29-ാം പേജിലെ ചതുരം/ചിത്രം]

സമ്മാനം ദൃഷ്ടി​പ​ഥ​ത്തിൽ നിർത്തുക: പൗലോസ്‌ മർമ്മ​പ്ര​ധാ​ന​മായ ആശയങ്ങൾ വിശദീ​ക​രി​ക്കാൻ പുരാ​ത​ന​ഗ്രീക്ക്‌ കായി​ക​വി​നോ​ദ​ങ്ങ​ളു​ടെ സവി​ശേ​ഷ​ത​കളെ ഉപയോ​ഗി​ച്ചു. (1 കൊരി​ന്ത്യർ 9:24-27) കൊരി​ന്തി​ന​ടുത്ത്‌ ഓരോ രണ്ടു വർഷത്തി​ലു​മൊ​രി​ക്കൽ നടത്തപ്പെട്ട ഇസ്‌ത്മി​യൻ ഗയിംസ്‌ പോ​ലെ​യുള്ള മൽസര​പ​രി​പാ​ടി​ക​ളിൽ ഓട്ടവും ബോക്‌സിം​ഗും മററി​ന​ങ്ങ​ളും ഉൾപ്പെ​ട്ടി​രു​ന്നു. ഈ മത്സരങ്ങൾക്കാ​യി ഒരുങ്ങു​മ്പോൾ ഓട്ടക്കാ​രും ബോക്‌സർമാ​രും ആത്മസം​യമം പാലി​ക്കു​ക​യും ആരോ​ഗ്യാ​വ​ഹ​മായ ലഘുഭ​ക്ഷണം കഴിച്ചു ജീവി​ക്കു​ക​യും പത്തു മാസക്കാ​ലം വീഞ്ഞു​കു​ടി​ക്കാ​തി​രി​ക്കു​ക​യും ചെയ്യണ​മാ​യി​രു​ന്നു. എന്നിരു​ന്നാ​ലും ഇസ്‌ത്മി​യൻ ജേതാ​ക്കൾക്ക്‌ കൊടു​ക്ക​പ്പെട്ട നശിച്ചു​പോ​കുന്ന പൈൻ റീത്തിന്‌ അല്ലെങ്കിൽ തരു​രോ​ഹി​ണി റീത്തിനു പകരം ഒരു അഭിഷി​ക്ത​ക്രി​സ്‌ത്യാ​നി അമർത്യ​ജീ​വ​നായ അക്ഷയകി​രീ​ട​ത്തി​നു​വേണ്ടി കഠിന​ശ്രമം ചെയ്യുന്നു. ആ സമ്മാനം നേടു​ന്ന​തിന്‌ അയാൾ തന്റെ ദൃഷ്ടി അതിൻമേൽ പതിപ്പി​ക്കു​ക​യും ആത്മനി​യ​ന്ത്രണം പാലി​ക്കു​ക​യും വേണം. നിത്യ​ഭൗ​മി​ക​ജീ​വൻ മുന്നിൽ കാണുന്ന യഹോ​വ​യു​ടെ സാക്ഷി​കൾക്കും ഇതേ തത്വം ബാധക​മാ​കു​ന്നു.