സകലതരം വിഗ്ര​ഹാ​രാ​ധ​ന​ക്കു​മെ​തി​രെ സൂക്ഷി​ക്കു​ക

“ദൈവാ​ല​യ​ത്തി​ന്നു വിഗ്ര​ഹ​ങ്ങ​ളോ​ടു എന്തു യോജ്യത?”—2 കൊരി​ന്ത്യർ 6:16.

1. ഇസ്ര​യേ​ലി​ന്റെ സമാഗ​മ​ന​കൂ​ടാ​ര​വും ആലയങ്ങ​ളും എന്തിന്റെ മാതൃ​ക​യാ​യി​രു​ന്നു?

യഹോ​വക്കു വിഗ്ര​ഹ​ങ്ങളെ പാർപ്പി​ക്കാത്ത ഒരു ആലയമുണ്ട്‌. മോശ പണിക​ഴി​പ്പിച്ച ഇസ്ര​യേ​ലി​ന്റെ സമാഗ​മ​ന​കൂ​ടാ​ര​വും പിൽക്കാ​ലത്തു യെരൂ​ശ​ലേ​മിൽ പണിത ആലയങ്ങ​ളും അതിനെ മുൻനി​ഴ​ലാ​ക്കി. ആ സൗധങ്ങൾ യഹോ​വ​യു​ടെ വലിയ ആത്മീയാ​ല​യ​മായ “സത്യകൂ​ടാര”ത്തെ പ്രതി​നി​ധാ​നം​ചെ​യ്‌തു. (എബ്രായർ 8:1-5) ആ ആലയമാ​ണു യേശു​ക്രി​സ്‌തു​വി​ന്റെ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തിൽ ആരാധ​ന​യിൽ ദൈവത്തെ സമീപി​ക്കാ​നുള്ള ക്രമീ​ക​രണം.—എബ്രായർ 9:2-10, 23.

2. ദൈവ​ത്തി​ന്റെ വലിയ ആത്മീയാ​ല​യ​ത്തിൽ ആർ തൂണു​ക​ളാ​യി​ത്തീർന്നു, മഹാപു​രു​ഷാ​രം ഏതു സ്ഥാനം ആസ്വദി​ക്കു​ന്നു?

² ഓരോ അഭിഷി​ക്ത​ക്രി​സ്‌ത്യാ​നി​യും “ദൈവ​ത്തി​ന്റെ ആലയത്തിൽ ഒരു തൂൺ” ആയിത്തീർന്നു​കൊ​ണ്ടു സ്വർഗ്ഗ​ത്തിൽ ഒരു സ്ഥാനം ഏൽക്കുന്നു. യഹോ​വ​യു​ടെ മററാ​രാ​ധ​ക​രു​ടെ ഒരു “മഹാപു​രു​ഷാ​രം” ഹെരോ​ദാ​വു പുതു​ക്കി​പ്പ​ണിത ആലയത്തി​ലെ ജാതി​ക​ളു​ടെ പ്രാകാ​രം പ്രതി​നി​ധാ​നം​ചെ​യ്‌ത​തിൽ “[ദൈവത്തെ] ആരാധി​ക്കു​ന്നു.” യേശു​വി​ന്റെ ബലിയി​ലുള്ള വിശ്വാ​സം നിമിത്തം അവർക്ക്‌ ഒരു നീതി​യുള്ള നിലയുണ്ട്‌, അതു “മഹാകഷ്ട”ത്തിലെ സംരക്ഷ​ണ​ത്തിൽ കലാശി​ക്കു​ന്നു.—വെളി​പ്പാ​ടു 3:12; 7:9-15.

3, 4. ഭൂമി​യി​ലെ അഭിഷി​ക്ത​ക്രി​സ്‌ത്യാ​നി​ക​ളു​ടെ സഭയെ എന്തി​നോട്‌ ഉപമി​ച്ചി​രി​ക്കു​ന്നു, ഏതു മാലി​ന്യ​ത്തിൽനിന്ന്‌ അവർ വിമു​ക്ത​രാ​യി​രി​ക്കണം?

³ ഭൂമി​യി​ലെ അഭിഷി​ക്ത​ക്രി​സ്‌ത്യാ​നി​ക​ളു​ടെ സഭയെ​യും വിഗ്ര​ഹാ​രാ​ധ​ന​യിൽനി​ന്നു വിമു​ക്ത​മായ മറെറാ​രു ആലയ​ത്തോട്‌ ഉപമി​ച്ചി​രി​ക്കു​ന്നു. ‘പരിശു​ദ്ധാ​ത്മാ​വി​നാൽ മുദ്ര​യി​ട​പ്പെട്ട’ അങ്ങനെ​യു​ള്ള​വ​രോട്‌ അപ്പോ​സ്‌ത​ല​നായ പൗലോസ്‌ ഇങ്ങനെ പറഞ്ഞു: “ക്രിസ്‌തു​യേശു തന്നേ മൂലക്ക​ല്ലാ​യി​രി​ക്കെ നിങ്ങളെ അപ്പൊ​സ്‌ത​ലൻമാ​രും പ്രവാ​ച​കൻമാ​രും എന്ന അടിസ്ഥാ​ന​ത്തിൻമേൽ പണിതി​രി​ക്കു​ന്നു. അവനിൽ കെട്ടിടം മുഴു​വ​നും യുക്തമാ​യി ചേർന്നു കർത്താ​വിൽ വിശു​ദ്ധ​മ​ന്ദി​ര​മാ​യി വളരുന്നു. അവനിൽ നിങ്ങ​ളെ​യും ദൈവ​ത്തി​ന്റെ നിവാ​സ​മാ​കേ​ണ്ട​തി​ന്നു ആത്മാവി​നാൽ ഒന്നിച്ചു പണിതു​വ​രു​ന്നു.” (എഫെസ്യർ 1:13; 2:20-22) മുദ്ര​യി​ട​പ്പെ​ടുന്ന ഈ 1,44,000 പേർ “ആത്മിക​ഗൃ​ഹ​മാ​യി . . . വിശു​ദ്ധ​പു​രോ​ഹി​ത​വർഗ്ഗ​മാ​കേണ്ട​തി​ന്നു പണിയ​പ്പെ​ടുന്ന” “ജീവനുള്ള കല്ലുകൾ” ആണ്‌.—1 പത്രൊസ്‌ 2:5; വെളി​പ്പാ​ടു 7:4; 14:1.

⁴ ഈ ഉപപു​രോ​ഹി​തൻമാർ “ദൈവ​ത്തി​ന്റെ ഗൃഹനിർമ്മാ​ണം” ആയിരി​ക്കു​ന്ന​തി​നാൽ അവൻ തന്റെ ഈ ആലയം മലിന​മാ​ക്ക​പ്പെ​ടാൻ ആഗ്രഹി​ക്കു​ന്നില്ല. (1 കൊരി​ന്ത്യർ 3:9, 16, 17) “അവിശ്വാ​സി​ക​ളോ​ടു ഇണയി​ല്ലാ​പ്പിണ കൂടരു​തു” എന്നു പൗലോസ്‌ മുന്നറി​യി​പ്പു​നൽകി. “നീതി​ക്കും അധർമ്മ​ത്തി​ന്നും തമ്മിൽ എന്തോരു ചേർച്ച? വെളി​ച്ച​ത്തി​ന്നു ഇരു​ളോ​ടു എന്തോരു കൂട്ടായ്‌മ? ക്രിസ്‌തു​വി​ന്നും ബെലീ​യാ​ലി​ന്നും തമ്മിൽ എന്തു പൊരു​ത്തം? അല്ല വിശ്വാ​സി​ക്കു അവിശ്വാ​സി​യു​മാ​യി എന്തു ഓഹരി? ദൈവാ​ല​യ​ത്തി​ന്നു വിഗ്ര​ഹ​ങ്ങ​ളോ​ടു എന്തു യോജ്യത?” “സർവശ​ക്ത​നായ കർത്താ​വി​നു [യഹോവ NW]”ള്ളവരായ അഭിഷിക്ത ക്രിസ്‌ത്യാ​നി​കൾ വിഗ്ര​ഹാ​രാ​ധ​ന​യിൽനി​ന്നു വിമു​ക്ത​രാ​യി​രി​ക്കണം. (2 കൊരി​ന്ത്യർ 6:14-18) മഹാപു​രു​ഷാ​ര​ത്തിൽ പെട്ടവ​രും സകലതരം വിഗ്ര​ഹാ​രാ​ധ​ന​യെ​യും ഒഴിവാ​ക്കണം.

5. യഹോവ സമ്പൂർണ്ണ​ഭക്തി അർഹി​ക്കു​ന്നു​വെന്ന്‌ അറിഞ്ഞു​കൊണ്ട്‌ സത്യ​ക്രി​സ്‌ത്യാ​നി​കൾ എന്തു ചെയ്യുന്നു?

⁵ വിഗ്ര​ഹാ​രാ​ധ​ന​യു​ടെ നേരി​ട്ടു​ള്ള​തും തന്ത്രപ​ര​വു​മായ രൂപങ്ങ​ളുണ്ട്‌. ഇല്ല, വിഗ്ര​ഹാ​രാ​ധന വ്യാജ​ദൈ​വ​ങ്ങ​ളു​ടെ​യും ദേവി​ക​ളു​ടെ​യും ആരാധ​ന​യിൽ പരിമി​ത​പ്പെ​ട്ടി​രി​ക്കു​ന്നില്ല. അതു യഹോ​വ​യ​ല്ലാ​തുള്ള എന്തി​ന്റെ​യും അല്ലെങ്കിൽ ആരു​ടെ​യും ആരാധ​ന​യാണ്‌. സാർവ്വ​ത്രിക പരമാ​ധി​കാ​രി​യെന്ന നിലയിൽ അവൻ ഉചിത​മാ​യി സമ്പൂർണ്ണ​മായ ഭക്തി ആവശ്യ​പ്പെ​ടു​ക​യും അർഹി​ക്കു​ക​യും ചെയ്യുന്നു. (ആവർത്തനം 4:24) ഇതി​നെ​ക്കു​റി​ച്ചുള്ള അറി​വോ​ടെ സത്യ​ക്രി​സ്‌ത്യ​നി​കൾ സകല വിഗ്ര​ഹാ​രാ​ധ​ന​ക്കു​മെ​തി​രായ തിരു​വെ​ഴു​ത്തു​മു​ന്ന​റി​യി​പ്പു​കൾ അനുസ​രി​ക്കു​ന്നു. (1 കൊരി​ന്ത്യർ 10:7) യഹോ​വ​യു​ടെ ദാസൻമാർ ഒഴിവാ​ക്കേണ്ട ചില രൂപങ്ങ​ളി​ലുള്ള വിഗ്ര​ഹാ​രാ​ധ​ന​ക​ളെ​ക്കു​റി​ച്ചു നമുക്കു പരിചി​ന്തി​ക്കാം.

ക്രൈ​സ്‌ത​വ​ലോ​ക​ത്തി​ന്റെ വിഗ്ര​ഹാ​രാ​ധന മുൻനി​ഴ​ലാ​ക്ക​പ്പെട്ടു

6. യെഹെ​സ്‌ക്കേൽ ദർശന​ത്തിൽ ഏതു മ്ലേച്ഛതകൾ കണ്ടു?

⁶ പൊ.യു.മു. (പൊതു​യു​ഗ​ത്തി​നു മുമ്പു) 612-ൽ ബാബി​ലോ​ന്യ പ്രവാ​സ​ത്തി​ലാ​യി​രു​ന്ന​പ്പോൾ വിശ്വാ​സ​ത്യാ​ഗി​കൾ യെരൂ​ശ​ലേ​മി​ലെ യഹോ​വ​യു​ടെ ആലയത്തിൽ നടത്തി​യി​രുന്ന മ്ലേച്ഛകാ​ര്യ​ങ്ങ​ളു​ടെ ഒരു ദർശനം പ്രവാ​ച​ക​നായ യെഹെ​സ്‌ക്കേ​ലി​നു​ണ്ടാ​യി. യെഹെ​സ്‌ക്കേൽ ഒരു “തീക്ഷ്‌ണ​താ​ബിം​ബം” കണ്ടു. എഴുപതു മൂപ്പൻമാർ ആലയത്തിൽ ധൂപം കാട്ടു​ന്ന​താ​യി കാണ​പ്പെട്ടു. സ്‌ത്രീ​കൾ ഒരു വ്യാജ​ദൈ​വ​ത്തെ​ക്കു​റി​ച്ചു കരയു​ന്നതു കണ്ടു. ഇരുപ​ത്തഞ്ചു പുരു​ഷൻമാർ സൂര്യനെ ആരാധി​ക്കു​ക​യാ​യി​രു​ന്നു. ഈ വിശ്വാ​സ​ത്യാ​ഗ​പ​ര​മായ നടപടി​ക​ളു​ടെ സാർത്ഥകത എന്തായി​രു​ന്നു?

7, 8. “തീക്ഷ്‌ണ​താ​ബിം​ബം” എന്തായി​രു​ന്നി​രി​ക്കാം, അതു യഹോ​വയെ തീക്ഷ്‌ണ​തക്കു പ്രചോ​ദി​പ്പി​ച്ചത്‌ എന്തു​കൊണ്ട്‌?

⁷ യെഹെ​സ്‌ക്കേൽ ദർശന​ത്തിൽ കണ്ട മ്ലേച്ഛകാ​ര്യ​ങ്ങൾ ക്രൈ​സ്‌ത​വ​ലോ​ക​ത്തി​ലെ വിഗ്ര​ഹാ​രാ​ധ​നയെ മുൻനി​ഴ​ലാ​ക്കി. ഉദാഹ​ര​ണ​ത്തിന്‌, അവൻ പറഞ്ഞു: “യാഗപീ​ഠ​ത്തി​ന്റെ വാതി​ലി​ന്നു വടക്കോ​ട്ടു, പ്രവേ​ശ​ന​ത്തി​ങ്കൽ തന്നേ, ആ തീക്ഷ്‌ണ​താ​ബിം​ബത്തെ കണ്ടു. [യഹോ​വ​യാം ദൈവം] എന്നോടു: മനുഷ്യ​പു​ത്രാ, അവർ ചെയ്യു​ന്നതു, ഞാൻ എന്റെ വിശു​ദ്ധ​മ​ന്ദി​രം വിട്ടു പോ​കേ​ണ്ട​തി​ന്നു യിസ്രാ​യേൽ ഗൃഹം ഇവിടെ ചെയ്യുന്ന മഹാ​മേ​ച്ഛ​തകൾ തന്നേ നീ കാണു​ന്നു​വോ?”—യെഹെ​സ്‌ക്കേൽ 8:1-6.

⁸ വിഗ്ര​ഹാ​രാ​ധ​നാ​പ​ര​മായ തീക്ഷ്‌ണ​താ​ബിം​ബം കനാന്യർ തങ്ങളുടെ ബാൽ​ദൈ​വ​ത്തി​ന്റെ ഭാര്യ​യാ​യി വീക്ഷിച്ച വ്യാജ​ദേ​വി​യെ പ്രതി​നി​ധാ​നം​ചെ​യ്യുന്ന ഒരു വിശു​ദ്ധ​സ്‌തം​ഭം ആയിരു​ന്നി​രി​ക്കാം. ആ ബിംബം എന്തായി​രു​ന്നാ​ലും, അതു യഹോ​വക്കു തീക്ഷ്‌ണത ജനിപ്പി​ച്ചു, എന്തു​കൊ​ണ്ടെ​ന്നാൽ അതു പിൻവ​രുന്ന അവന്റെ കല്‌പ​ന​ക​ളു​ടെ ലംഘന​മാ​യി തന്നോ​ടുള്ള ഇസ്ര​യേ​ലി​ന്റെ സമ്പൂർണ്ണ ഭക്തിയെ വിഭജി​ച്ചു: “യഹോ​വ​യായ ഞാൻ നിന്റെ ദൈവം ആകുന്നു. ഞാനല്ലാ​തെ അന്യ​ദൈ​വങ്ങൾ നിനക്കു ഉണ്ടാക​രു​തു. ഒരു വിഗ്രഹം ഉണ്ടാക്ക​രു​തു; മീതെ സ്വർഗ്ഗ​ത്തിൽ എങ്കിലും താഴെ ഭൂമി​യിൽ എങ്കിലും ഭൂമിക്കു കീഴെ വെള്ളത്തിൽ എങ്കിലും ഉള്ള യാതൊ​ന്നി​ന്റെ പ്രതി​മ​യും അരുതു. അവയെ നമസ്‌ക​രി​ക്ക​യോ സേവി​ക്ക​യോ ചെയ്യരു​തു. നിന്റെ ദൈവ​മായ യഹോ​വ​യായ ഞാൻ തീക്ഷ്‌ണ​ത​യുള്ള ദൈവം ആകുന്നു.”—പുറപ്പാ​ടു 20:2-5.

9. ക്രൈ​സ്‌ത​വ​ലോ​കം ദൈവത്തെ തീക്ഷ്‌ണ​തക്കു പ്രചോ​ദി​പ്പി​ച്ചി​രി​ക്കു​ന്ന​തെ​ങ്ങനെ?

⁹ ദൈവാ​ല​യ​ത്തിൽ തീക്ഷ്‌ണ​താ​ബിം​ബത്തെ ആരാധി​ക്കു​ന്നതു വിശ്വാ​സ​ത്യാ​ഗി​ക​ളായ ഇസ്ര​യേ​ല്യർ ചെയ്‌തു​കൊ​ണ്ടി​രുന്ന മഹാ​മ്ലേ​ച്ഛ​ത​ക​ളിൽ ഒന്നായി​രു​ന്നു. സമാന​മാ​യി, ക്രൈ​സ്‌ത​വ​ലോ​ക​ത്തി​ലെ പള്ളികൾ അവർ സേവി​ക്കു​ന്ന​താ​യി ഭാവി​ക്കു​ന്ന​വനു അവർ കൊടു​ക്കു​ന്ന​താ​യി അവകാ​ശ​പ്പെ​ടുന്ന സമ്പൂർണ്ണ​ഭ​ക്തി​യെ വിഭജി​ക്കുന്ന, ദൈവത്തെ അപമാ​നി​ക്കുന്ന ബിംബ​ങ്ങ​ളാ​ലും പ്രതി​മ​ക​ളാ​ലും മലിന​പ്പെ​ട്ടി​രി​ക്കു​ക​യാണ്‌. വൈദി​കർ മനുഷ്യ​വർഗ്ഗ​ത്തി​ന്റെ ഏകപ്ര​ത്യാ​ശ​യെന്ന നിലയിൽനിന്ന്‌ അവന്റെ രാജ്യത്തെ തള്ളിക്ക​ള​യു​ന്ന​തു​കൊ​ണ്ടും നിൽക്ക​രു​താത്ത “വിശു​ദ്ധ​സ്ഥ​ല​ത്തിൽ നിൽക്കുന്ന” “ശൂന്യ​മാ​ക്കുന്ന മ്ലേച്ഛത”യായ ഐക്യ​രാ​ഷ്‌ട്ര​ങ്ങളെ വിഗ്ര​ഹ​മാ​ക്കു​ന്ന​തു​കൊ​ണ്ടും​കൂ​ടെ​യാ​ണു ദൈവം തീക്ഷ്‌ണ​തക്കു പ്രചോ​ദി​പ്പി​ക്ക​പ്പെ​ടു​ന്നത്‌.—മത്തായി 24:15, 16; മർക്കൊസ്‌ 13:14.

10. യെഹെ​സ്‌ക്കേൽ ആലയത്തി​നു​ള്ളിൽ എന്തു കണ്ടു, ഇതു ക്രൈ​സ്‌ത​വ​ലോ​ക​ത്തിൽ കാണ​പ്പെ​ടു​ന്ന​തി​നോട്‌ എങ്ങനെ ഒത്തുവ​രു​ന്നു?

¹⁰ ആലയത്തിൽ പ്രവേ​ശി​ച്ചു​കൊ​ണ്ടു യെഹെ​സ്‌ക്കേൽ റിപ്പോർട്ടു​ചെ​യ്യു​ന്നു: “വെറു​പ്പാ​യുള്ള ഓരോ തരം ഇഴജാ​തി​ക​ളെ​യും മൃഗങ്ങ​ളെ​യും യിസ്രാ​യേൽഗൃ​ഹ​ത്തി​ന്റെ സകലവി​ഗ്ര​ഹ​ങ്ങ​ളെ​യും ചുററും ചുവരിൻമേൽ വരെച്ചി​രി​ക്കു​ന്നതു കണ്ടു. അവയുടെ മുമ്പിൽ യിസ്രാ​യേൽ ഗൃഹത്തി​ന്റെ മൂപ്പൻമാ​രിൽ എഴുപ​തു​പേ​രും . . . ഓരോ​രു​ത്തൻ കയ്യിൽ ധൂപക​ലശം പിടി​ച്ചു​കൊ​ണ്ടു നിന്നു; ധൂപ​മേ​ഘ​ത്തി​ന്റെ വാസന പൊങ്ങി​ക്കൊ​ണ്ടി​രു​ന്നു.” ചിന്തി​ക്കുക! യഹോ​വ​യു​ടെ ആലയത്തി​ലെ ഇസ്ര​യേ​ല്യ​മൂ​പ്പൻമാർ വെറു​ക്കത്തക്ക ചുവർകൊ​ത്തു​പ​ണി​ക​ളാൽ പ്രതി​നി​ധാ​നം​ചെ​യ്യ​പ്പെട്ട വ്യാജ ദൈവ​ങ്ങൾക്കു ധൂപം കാട്ടുന്നു. (യെഹെ​സ്‌ക്കേൽ 8:10-12) സമാന​മാ​യി, ക്രൈ​സ്‌ത​വ​ലോ​ക​ത്തി​ലെ രാജ്യ​ങ്ങളെ പ്രതീ​ക​പ്പെ​ടു​ത്താൻ പക്ഷിക​ളെ​യും മൃഗങ്ങ​ളെ​യും ഉപയോ​ഗി​ക്കു​ന്നു, അവയ്‌ക്കു ജനങ്ങൾ ഭക്തിയർപ്പി​ക്കു​ന്നു. തന്നെയു​മല്ല, യഹോ​വ​യാം ദൈവ​ത്താ​ലുള്ള സൃഷ്ടി​പ്പി​ന്റെ യഥാർത്ഥ വിവര​ണത്തെ ഉയർത്തി​പ്പി​ടി​ക്കു​ന്ന​തി​നു പകരം, മനുഷ്യ​നെ​ക്കാൾ താഴ്‌ന്ന മൃഗജീ​വി​ക​ളിൽനി​ന്നുള്ള മമനു​ഷ്യ​ന്റെ പരിണാ​മ​ത്തി​ന്റെ തെററായ സിദ്ധാ​ന്ത​ത്തി​ന്റെ വക്താക്ക​ളാ​യി​രു​ന്നു​കൊ​ണ്ടു ജനസമൂ​ഹ​ങ്ങളെ വഴി​തെ​റ​റി​ക്കാൻ സഹായി​ച്ച​തിൽ വൈദി​ക​രി​ല​നേ​ക​രും കുററ​ക്കാ​രാണ്‌.—പ്രവൃ​ത്തി​കൾ 17:24-28.

11. വിശ്വാ​സ​ത്യാ​ഗി​ക​ളായ ഇസ്ര​യേ​ല്യ​സ്‌ത്രീ​കൾ തമ്മൂസി​നെ​ക്കു​റി​ച്ചു കരഞ്ഞു​കൊ​ണ്ടി​രു​ന്ന​തെ​ന്തു​കൊണ്ട്‌?

¹¹ യഹോ​വ​യു​ടെ ആലയത്തി​ന്റെ പടിവാ​തി​ലി​ന്റെ പ്രവേ​ശ​ന​ത്തി​ങ്കൽ വിശ്വാ​സ​ത്യാ​ഗി​ക​ളായ സ്‌ത്രീ​കൾ തമ്മൂസി​നെ​പ്രതി കരഞ്ഞു​കൊ​ണ്ടി​രി​ക്കു​ന്നതു യെഹെ​സ്‌ക്കേൽ കണ്ടു. (യെഹെ​സ്‌ക്കേൽ 8:13, 14) ബാബി​ലോ​ന്യ​രും സുറി​യ​ക്കാ​രും, മഴക്കാ​ലത്തു വളരു​ന്ന​തും വരൾച്ച​യു​ടെ കാലത്ത്‌ മരിക്കു​ന്ന​തു​മായ ഒരു സസ്യത്തി​ന്റെ ദേവനാ​യി​ട്ടാ​ണു തമ്മൂസി​നെ വീക്ഷി​ച്ചത്‌. ആ സസ്യത്തി​ന്റെ മരണം തമ്മൂസി​ന്റെ മരണത്തെ ചിത്രീ​ക​രി​ച്ചു, ഈ മരണത്തെ പ്രതി ഏററവും കൂടിയ ചൂടുള്ള കാലത്തു അവന്റെ ആരാധകർ വിലാപം നടത്തി. മഴക്കാ​ലത്ത്‌ ഈ സസ്യം വീണ്ടും പ്രത്യ​ക്ഷ​പ്പെ​ടു​മ്പോൾ തമ്മൂസ്‌ അധോ​ലോ​ക​ത്തിൽനി​ന്നു മടങ്ങി​വ​ന്ന​താ​യി സങ്കല്‌പി​ക്ക​പ്പെട്ടു. അവൻ തന്റെ നാമത്തി​ന്റെ ആദ്യക്ഷ​ര​മായ പുരാതന തൗവി​നാൽ പ്രതി​നി​ധാ​നം​ചെ​യ്യ​പ്പെട്ടു, അതു കുരി​ശി​ന്റെ ഒരു രൂപമാ​യി​രു​ന്നു. ഇതു നമ്മെ ക്രൈ​സ്‌ത​വ​ലോ​ക​ത്തി​ന്റെ വിഗ്ര​ഹാ​രാ​ധ​നാ​പ​ര​മായ കുരി​ശാ​രാ​ധ​നയെ ഉചിത​മാ​യി അനുസ്‌മ​രി​പ്പി​ച്ചേ​ക്കാം.

12. വിശ്വാ​സ​ത്യാ​ഗി​ക​ളായ 25 ഇസ്ര​യേ​ല്യ​പു​രു​ഷൻമാർ എന്തു ചെയ്യു​ന്നതു യെഹെ​സ്‌ക്കേൽ കണ്ടു, ക്രൈ​സ്‌ത​വ​ലോ​ക​ത്തിൽ ഏതു സമാന​മായ പ്രവർത്തനം നടക്കുന്നു?

¹² ആലയത്തി​ന്റെ അകത്തെ പ്രാകാ​ര​ത്തിൽ, യെഹെ​സ്‌ക്കേൽ അടുത്ത​താ​യി വിശ്വാ​സ​ത്യാ​ഗി​ക​ളായ 25 പുരു​ഷൻമാർ സൂര്യനെ ആരാധി​ക്കു​ന്നതു കണ്ടു—അത്തരം വിഗ്ര​ഹാ​രാ​ധ​ന​ക്കെ​തി​രായ യഹോ​വ​യു​ടെ കല്‌പ​ന​യു​ടെ ലംഘനം​തന്നെ. (ആവർത്തനം 4:15-19) ആ വിഗ്ര​ഹാ​രാ​ധി​കൾ ദൈവ​ത്തി​ന്റെ മൂക്കി​നു​നേരെ ഒരുപക്ഷേ പുരു​ഷ​ലിം​ഗത്തെ പ്രതി​നി​ധാ​നം​ചെ​യ്യുന്ന ഒരു അസഭ്യ​ചു​ള്ളി നീട്ടി​പ്പി​ടി​ച്ചു. ദൈവം അവരുടെ പ്രാർത്ഥ​ന​കൾക്ക്‌ ഉത്തരം കൊടു​ക്കാ​ത്തത്‌ അതിശ​യമല്ല, ക്രൈ​സ്‌ത​വ​ലോ​കം “മഹോ​പ​ദ്രവ”കാലത്ത്‌ അവന്റെ സഹായം വ്യർത്ഥ​മാ​യി തേടു​ന്ന​തു​പോ​ലെ​തന്നെ. (മത്തായി 24:21, NW) വിശ്വാ​സ​ത്യാ​ഗി​ക​ളായ ആ ഇസ്ര​യേ​ല്യർ യഹോ​വ​യു​ടെ ആലയത്തി​നു പുറം​തി​രി​ഞ്ഞു​നിന്ന്‌, പ്രകാശം നൽകുന്ന സൂര്യനെ ആരാധി​ച്ച​തു​പോ​ലെ, ക്രൈ​സ്‌ത​വ​ലോ​കം ദൈവ​ത്തിൽനി​ന്നുള്ള പ്രകാ​ശ​ത്തി​നു പുറം​തി​രി​ഞ്ഞു​ക​ള​യു​ക​യും വ്യാ​ജോ​പ​ദേ​ശങ്ങൾ പഠിപ്പി​ക്കു​ക​യും ലോക​ജ്ഞാ​നത്തെ വിഗ്ര​ഹ​മാ​ക്കു​ക​യും ദുർമ്മാർഗ്ഗ​ത്തി​നു​നേരെ കണ്ണടക്കു​ക​യും ചെയ്യുന്നു.—യെഹെ​സ്‌ക്കേൽ 8:15-18.

13. യഹോ​വ​യു​ടെ സാക്ഷികൾ യെഹെ​സ്‌ക്കേ​ലി​ന്റെ ദർശന​ത്തിൽ കണ്ട വിഗ്ര​ഹാ​രാ​ധ​നാ​രൂ​പ​ങ്ങളെ ഏതു വിധങ്ങ​ളിൽ ഒഴിവാ​ക്കു​ന്നു?

¹³ യഹോ​വ​യു​ടെ സാക്ഷികൾ യെഹെ​സ്‌ക്കേൽ മുൻകൂ​ട്ടി​ക്ക​ണ്ട​തു​പോ​ലെ ക്രൈ​സ്‌ത​വ​ലോ​ക​ത്തിൽ അഥവാ പ്രതി​മാ​തൃ​ക​യി​ലെ യെരൂ​ശ​ലേ​മിൽ ആചരി​ക്കുന്ന വിഗ്ര​ഹാ​രാ​ധ​നാ​രൂ​പ​ങ്ങളെ ഒഴിവാ​ക്കു​ന്നു. നാം ദൈവത്തെ അപമാ​നി​ക്കുന്ന പ്രതീ​ക​ങ്ങളെ വിഗ്ര​ഹ​മാ​ക്കു​ന്നില്ല. നാം ഭരണപ​ര​മായ “ശ്രേഷ്‌ഠാ​ധി​കാ​രങ്ങ”ളോട്‌ ആദരവു​കാ​ട്ടു​ന്നു​വെ​ങ്കി​ലും അവരോ​ടുള്ള നമ്മുടെ കീഴ്‌പ്പെടൽ ആപേക്ഷി​ക​മാണ്‌. (റോമർ 13:1-7; മർക്കൊസ്‌ 12:17; പ്രവൃ​ത്തി​കൾ 5:29) നമ്മുടെ ഹൃദയ​ഭക്തി നാം ദൈവ​ത്തി​നും അവന്റെ രാജ്യ​ത്തി​നും കൊടു​ക്കു​ന്നു. നാം സ്രഷ്ടാ​വി​നും അവന്റെ സൃഷ്ടി​ക്കും പകരം പരിണാ​മ​സി​ദ്ധാ​ന്തം സ്വീക​രി​ക്കു​ന്നില്ല. (വെളി​പ്പാ​ടു 4:11) നാം ഒരിക്ക​ലും കുരി​ശി​നെ പൂജി​ക്കു​ക​യോ ബുദ്ധി​പ​ര​ത​യെ​യോ തത്ത്വചി​ന്ത​യെ​യോ മററു​തരം ലൗകി​ക​ജ്ഞാ​ന​ത്തെ​യോ വിഗ്ര​ഹ​മാ​ക്കു​ക​യോ ചെയ്യു​ന്നില്ല. (1 തിമൊ​ഥെ​യൊസ്‌ 6:20, 21) നാം മററു സകലതരം വിഗ്ര​ഹാ​രാ​ധ​ന​ക്കു​മെ​തി​രെ സൂക്ഷി​ക്കു​ന്നു. ഇവയിൽ ചിലത്‌ ഏതാണ്‌?

മററു​തരം വിഗ്ര​ഹാ​രാ​ധ​നകൾ

14. യഹോ​വ​യു​ടെ ദാസൻമാർ വെളി​പ്പാ​ടു 13:1-ലെ “മൃഗ”ത്തെ സംബന്ധിച്ച്‌ എന്തു നില സ്വീക​രി​ക്കു​ന്നു?

¹⁴ ഒരു പ്രതീ​കാ​ത്മക “കാട്ടു​മൃഗ”ത്തെ വിഗ്ര​ഹ​മാ​ക്കു​ന്ന​തിൽ ക്രിസ്‌ത്യാ​നി​കൾ മനുഷ്യ​വർഗ്ഗ​വു​മാ​യി പങ്കു​ചേ​രു​ന്നില്ല. അപ്പോ​സ്‌ത​ല​നായ യോഹ​ന്നാൻ ഇങ്ങനെ പറഞ്ഞു: “പത്തു കൊമ്പും ഏഴു തലയും കൊമ്പു​ക​ളിൽ പത്തു രാജമു​ടി​യും . . . ഉള്ളോരു മൃഗം സമു​ദ്ര​ത്തിൽനി​ന്നു കയറു​ന്നതു ഞാൻ കണ്ടു . . . ഭൂവാ​സി​കൾ ഒക്കെയും അതിനെ നമസ്‌ക​രി​ക്കും.” (വെളി​പ്പാ​ടു 13:1, 8) മൃഗങ്ങൾക്കു “രാജാ​ക്കൻമാ​രെ” അല്ലെങ്കിൽ രാഷ്‌ട്രീ​യ​ശ​ക്തി​കളെ പ്രതീ​ക​പ്പെ​ടു​ത്താൻ കഴിയും. (ദാനീ​യേൽ 7:17; 8:3-8, 20-25) അതു​കൊ​ണ്ടു പ്രതീ​കാ​ത്മക കാട്ടു​മൃ​ഗ​ത്തി​ന്റെ ഏഴു തല ഈജി​പ്‌ററ്‌, അസ്സീറി​യാ, ബാബി​ലോൻ, മെദോ​പേർഷ്യ, ഗ്രീസ്‌, റോം, ബ്രിട്ട​ന്റെ​യും അമേരി​ക്കൻ ഐക്യ​നാ​ടു​ക​ളു​ടെ​യും ആംഗ്ലോ-അമേരി​ക്കൻ കൂട്ടു​കെട്ട്‌ എന്നിങ്ങ​നെ​യുള്ള ലോക​ശ​ക്തി​കളെ പ്രതി​നി​ധാ​നം​ചെ​യ്യു​ന്നു. ക്രൈ​സ്‌ത​വ​ലോ​ക​ത്തി​ലെ വൈദി​കർ “ഈ ലോക​ത്തി​ന്റെ ഭരണാ​ധി​പൻ” ആയ സാത്താന്റെ രാഷ്‌ട്രീ​യ​വ്യ​വ​സ്ഥി​തി​യെ വിഗ്ര​ഹ​മാ​ക്കു​ന്ന​തിൽ മനുഷ്യ​വർഗ്ഗ​ത്തി​നു നേതൃ​ത്വം കൊടു​ക്കു​ന്ന​തിൽ ദൈവ​ത്തോ​ടും ക്രിസ്‌തു​വി​നോ​ടും വലിയ അനാദ​രവു കാട്ടുന്നു. (യോഹ​ന്നാൻ 12:31, NW) എന്നിരു​ന്നാ​ലും ക്രിസ്‌തീ​യ​നി​ഷ്‌പ​ക്ഷ​വാ​ദി​ക​ളും രാജ്യ​പി​ന്തു​ണ​ക്കാ​രു​മെന്ന നിലയിൽ യഹോ​വ​യു​ടെ ദാസൻമാർ അങ്ങനെ​യുള്ള വിഗ്ര​ഹാ​രാ​ധ​നയെ ത്യജി​ക്കു​ന്നു.—യാക്കോബ്‌ 1:27.

15. യഹോ​വ​യു​ടെ ജനം ലോക​താ​ര​ങ്ങളെ എങ്ങനെ വീക്ഷി​ക്കു​ന്നു, ഒരു സാക്ഷി ഈ കാര്യ​ത്തിൽ എന്തു പറഞ്ഞു?

¹⁵ ദൈവ​ത്തി​ന്റെ ജനം ലോക​ത്തി​ലെ വിനോദ, സ്‌പോർട്ട്‌സ്‌ താരങ്ങ​ളെ​യും വിഗ്ര​ഹ​മാ​ക്കു​ന്ന​തിൽനി​ന്നു ഒഴിഞ്ഞു​നിൽക്കു​ന്നു. യഹോ​വ​യു​ടെ ഒരു സാക്ഷി​യാ​യി​ത്തീർന്ന​ശേഷം ഒരു സംഗീ​തജ്ഞൻ ഇങ്ങനെ പറഞ്ഞു: “വിനോ​ദ​ത്തി​നും നൃത്തത്തി​നും​വേണ്ടി നിർമ്മി​ക്ക​പ്പെ​ടുന്ന സംഗീ​ത​ത്തി​നു ദുർമ്മോ​ഹങ്ങൾ ഉണർത്താൻ കഴിയും . . . കലാകാ​രൻ സന്തുഷ്ടി​യെ​യും സ്‌നേ​ഹ​ത്തെ​യും കുറിച്ചു പാടുന്നു, തങ്ങളുടെ വിവാ​ഹ​പ​ങ്കാ​ളി​യിൽ അതി​ല്ലെന്ന്‌ അനേകം ശ്രോ​താ​ക്കൾക്കു തോന്നി​യേ​ക്കാം. കലാകാ​രൻ മിക്ക​പ്പോ​ഴും താൻ എന്തി​നെ​ക്കു​റി​ച്ചു പാടു​ന്നു​വോ അതായി അംഗീ​ക​രി​ക്ക​പ്പെ​ടാ​നി​ട​യാ​കു​ന്നു. എനിക്ക​റി​യാ​വുന്ന ചില വിദഗ്‌ദ്ധ​ക​ലാ​കാ​രൻമാർ ഈ കാരണ​ത്താൽ ചില സ്‌ത്രീ​ക​ളു​ടെ യഥാർത്ഥ ഇഷ്ടരാണ്‌. ഒരുവൻ ഈ വിചി​ത്ര​സ​ങ്ക​ല്‌പ​ലോ​ക​ത്തിൽ മുങ്ങി​പ്പോ​കു​മ്പോൾ, അതിന്‌ അയാൾ കലാകാ​രനെ വിഗ്ര​ഹ​മാ​ക്കു​ന്ന​തി​ലേക്കു നയിക്കാൻ കഴിയും. ഒരു വ്യക്തി ഒരു സ്‌മാ​ര​ക​മെ​ന്നോ​ണം ഒരു ഓട്ടോ​ഗ്രാഫ്‌ ചോദി​ക്കു​ന്ന​തു​പോ​ലെ തികച്ചും നിരു​പ​ദ്ര​വ​ക​ര​മാ​യി അതിനു തുടക്ക​മി​ട്ടേ​ക്കാം. എന്നാൽ ചിലർ കലാകാ​രനെ തങ്ങളുടെ ആദർശ​പു​രു​ഷ​നാ​യി വീക്ഷി​ക്കാ​നി​ട​യാ​കു​ന്നു, അയാൾക്ക്‌ അനുചി​ത​മായ വില കല്‌പി​ക്കു​ന്ന​തിൽ അവർ അയാളെ ഒരു വിഗ്ര​ഹ​മാ​ക്കു​ന്നു. അവർ അയാളു​ടെ ചിത്രം ചുവരിൽ തൂക്കു​ക​യും അയാ​ളെ​പ്പോ​ലെ വസ്‌ത്ര​ധാ​രണം നടത്തു​ക​യും ചമയു​ക​യും ചെയ്‌തേ​ക്കാം. ആരാധന ദൈവ​ത്തി​നു മാത്ര​മു​ള്ള​താ​ണെന്നു ക്രിസ്‌ത്യാ​നി​കൾ ഓർത്തി​രി​ക്കേ​ണ്ട​തുണ്ട്‌.”

16. നീതി​യുള്ള ദൂതൻമാർ വിഗ്ര​ഹാ​രാ​ധ​നയെ ത്യജി​ക്കു​ന്നു​വെന്ന്‌ എന്തു പ്രകട​മാ​ക്കു​ന്നു?

¹⁶ അതേ, ദൈവം മാത്രമേ പൂജ അല്ലെങ്കിൽ ആരാധന അർഹി​ക്കു​ന്നു​ള്ളു. യോഹ​ന്നാൻ തന്നെ വിസ്‌മ​യാ​വ​ഹ​മായ കാര്യങ്ങൾ കാണിച്ച “ദൂതന്റെ കാല്‌ക്കൽ . . . വീണു നമസ്‌കരി”ച്ചപ്പോൾ [ആരാധിക്കാൻ, NW] ഏതു പ്രകാ​ര​ത്തി​ലും വിഗ്ര​ഹ​മാ​ക്ക​പ്പെ​ടു​ന്ന​തിന്‌ ആ ആത്മജീവി വിസമ്മ​തി​ച്ചു​കൊണ്ട്‌: “അതരുതു: ഞാൻ നിന്റെ​യും നിന്റെ സഹോ​ദ​രൻമാ​രായ പ്രവാ​ച​കൻമാ​രു​ടെ​യും ഈ പുസ്‌ത​ക​ത്തി​ലെ വചനം പ്രമാ​ണി​ക്കു​ന്ന​വ​രു​ടെ​യും സഹഭൃ​ത്യ​ന​ത്രേ. ദൈവത്തെ നമസ്‌ക​രിക്ക” [ആരാധിക്ക, NW] എന്നു പറഞ്ഞു. (വെളി​പ്പാ​ടു 22:8, 9) യഹോ​വ​യോ​ടുള്ള ഭയം അഥവാ അവനോ​ടുള്ള ആഴമായ ആദരവു നാം അവനെ​മാ​ത്രം ആരാധി​ക്കാ​നി​ട​യാ​ക്കു​ന്നു. (വെളി​പ്പാ​ടു 14:7) അങ്ങനെ, യഥാർത്ഥ ദൈവി​ക​ഭക്തി നമ്മെ വിഗ്ര​ഹാ​രാ​ധ​ന​യിൽനി​ന്നു കാത്തു​സൂ​ക്ഷി​ക്കു​ന്നു.—1 തിമൊ​ഥെ​യൊസ്‌ 4:8.

17. വിഗ്ര​ഹാ​രാ​ധ​നാ​പ​ര​മായ ലൈം​ഗി​ക​ദുർമ്മാർഗ്ഗ​ത്തി​നെ​തി​രെ നമുക്ക്‌ എങ്ങനെ സൂക്ഷി​ക്കാൻ കഴിയും?

¹⁷ ലൈം​ഗി​ക​ദുർമ്മാർഗ്ഗം യഹോ​വ​യു​ടെ ദാസൻമാർ തള്ളിക്ക​ള​യുന്ന മറെറാ​രു വിഗ്ര​ഹാ​രാ​ധ​നാ​രൂ​പ​മാണ്‌. “ദുർന്ന​ട​പ്പു​കാ​രൻ, അശുദ്ധൻ, വിഗ്ര​ഹാ​രാ​ധി​യായ ദ്രവ്യാ​ഗ്രഹി ഇവർക്കു ആർക്കും ക്രിസ്‌തു​വി​ന്റെ​യും ദൈവ​ത്തി​ന്റെ​യും രാജ്യ​ത്തിൽ അവകാ​ശ​മില്ല” എന്ന്‌ അവർക്ക​റി​യാം. (എഫെസ്യർ 5:5) അവിഹി​ത​മായ ഉല്ലാസ​ത്തി​നു​വേ​ണ്ടി​യുള്ള അഭിവാഞ്‌ഛ ഭക്തിയു​ടെ ഒരു ലക്ഷ്യമാ​യി​ത്തീ​രു​ന്നു. അനുചി​ത​മായ ലൈം​ഗിക ആഗ്രഹ​ങ്ങ​ളാൽ ദൈവി​ക​ഗു​ണങ്ങൾ അപകട​ത്തി​ലാ​കു​ന്നു. തന്റെ കണ്ണുക​ളും കാതു​ക​ളും അശ്ലീല​ത്തി​ലേക്കു ചായി​ക്കു​ന്ന​തി​നാൽ ഒരു വ്യക്തി തനിക്കു വിശു​ദ്ധ​ദൈ​വ​മായ യഹോ​വ​യോ​ടു​ണ്ടാ​യി​രി​ക്കാ​വുന്ന ഏതു ബന്ധത്തെ​യും അപകട​ത്തി​ലാ​ക്കു​ന്നു. (യെശയ്യാ​വു 6:3) അപ്പോൾ അത്തരം വിഗ്ര​ഹാ​രാ​ധ​ന​ക്കെ​തി​രെ സൂക്ഷി​ക്കു​ന്ന​തിന്‌, ദൈവ​ദാ​സൻമാർ അശ്ലീല​ത്തെ​യും ദുഷി​പ്പി​ക്കുന്ന സംഗീ​ത​ത്തെ​യും ഒഴിവാ​ക്കണം. അവർ തിരു​വെ​ഴു​ത്തു​ക​ളിൽ അധിഷ്‌ഠി​ത​മായ ശക്തമായ ആത്മീയ മൂല്യ​ങ്ങ​ളോ​ടു പററി​നിൽക്കേ​ണ്ട​തുണ്ട്‌. അവർ “നീതി​യി​ലും വിശു​ദ്ധി​യി​ലും ദൈവാ​നു​രൂ​പ​മാ​യി സൃഷ്ടി​ക്ക​പ്പെട്ട പുതു​മ​നു​ഷ്യ​നെ ധരിച്ചു​കൊ​ള്ളു”ന്നതിൽ തുടരണം.—എഫെസ്യർ 4:22-24.

അത്യാ​ഗ്ര​ഹ​വും ദുരാ​ഗ്ര​ഹ​വും ഒഴിവാ​ക്കു​ക

18, 19. (എ) അത്യാ​ഗ്ര​ഹ​വും ദുരാ​ഗ്ര​ഹ​വും എന്താണ്‌? (ബി) നമുക്കു വിഗ്ര​ഹാ​രാ​ധ​നാ​പ​ര​മായ അത്യാ​ഗ്ര​ഹ​ത്തി​നും ദുരാ​ഗ്ര​ഹ​ത്തി​നു​മെ​തി​രെ എങ്ങനെ സൂക്ഷി​ക്കാം?

¹⁸ ക്രിസ്‌ത്യാ​നി​കൾ വിഗ്ര​ഹാ​രാ​ധ​ന​യു​ടെ രൂപങ്ങ​ളോട്‌ അടുത്തു ബന്ധമുള്ള അത്യാ​ഗ്ര​ഹ​ത്തി​നും ദുരാ​ഗ്ര​ഹ​ത്തി​നു​മെ​തി​രെ​യും സൂക്ഷി​ക്കു​ന്നു. അത്യാ​ഗ്രഹം അതിർക​ട​ന്ന​തോ അത്യാർത്തി​യോ​ടു​കൂ​ടി​യ​തോ ആയ ആഗ്രഹ​മാണ്‌. ദുരാ​ഗ്രഹം മറെറാ​രാ​ളു​ടെ എന്തി​നോ​ടെ​ങ്കി​ലു​മുള്ള അത്യാ​ഗ്ര​ഹ​മാണ്‌. യേശു ദുരാ​ഗ്ര​ഹ​ത്തി​നെ​തി​രെ മുന്നറി​യി​പ്പു കൊടു​ക്കു​ക​യും തന്റെ മരണത്തിൽ തന്റെ സമ്പത്തു​കൊ​ണ്ടു പ്രയോ​ജ​നം​കി​ട്ടാ​ഞ്ഞ​വ​നും “ദൈവ​വി​ഷ​യ​മാ​യി സമ്പന്ന”നാകാഞ്ഞ സങ്കടാ​വ​സ്ഥ​യി​ലാ​യി​രു​ന്ന​വ​നു​മായ ഒരു ദുരാ​ഗ്ര​ഹി​യായ ധനവാ​നെ​ക്കു​റി​ച്ചു പറയു​ക​യും ചെയ്‌തു. (ലൂക്കൊസ്‌ 12:15-21) പൗലോസ്‌ ഉചിത​മാ​യി സഹക്രി​സ്‌ത്യാ​നി​കളെ “വിഗ്ര​ഹാ​രാ​ധ​ന​യായ ദുരാ​ഗ്രഹം എന്നിവ​സം​ബ​ന്ധി​ച്ചു ഭൂമി​യി​ലുള്ള നിങ്ങളു​ടെ ശരീരാ​വ​യ​വ​ങ്ങളെ മരിപ്പി”ക്കാൻ ഉപദേ​ശി​ച്ചു.—കൊ​ലൊ​സ്സ്യർ 3:5, NW.

¹⁹ പണസ്‌നേ​ഹ​മോ ഭക്ഷ്യപാ​നീ​യ​ങ്ങ​ളോ​ടുള്ള ആർത്തി​യോ അധികാ​ര​മോ​ഹ​മോ ബാധി​ച്ചവർ അത്തരം ആഗ്രഹ​ങ്ങളെ തങ്ങളുടെ വിഗ്ര​ഹ​ങ്ങ​ളാ​ക്കു​ന്നു. പൗലോസ്‌ ചൂണ്ടി​ക്കാ​ണിച്ച പ്രകാരം, അത്യാ​ഗ്രഹി ഒരു വിഗ്ര​ഹാ​രാ​ധി​യാണ്‌, ദൈവ​രാ​ജ്യം അവകാ​ശ​മാ​ക്കു​ക​യു​മില്ല. (1 കൊരി​ന്ത്യർ 6:9, 10; എഫെസ്യർ 5:5) അതു​കൊണ്ട്‌, അത്യാ​ഗ്ര​ഹി​ക​ളെന്ന നിലയിൽ വിഗ്ര​ഹാ​രാ​ധന നടത്തുന്ന സ്‌നാ​പ​ന​മേററ വ്യക്തികൾ ക്രിസ്‌തീയ സഭയിൽനി​ന്നു പുറത്താ​ക്ക​പ്പെ​ട്ടേ​ക്കാം. എന്നിരു​ന്നാ​ലും, തിരു​വെ​ഴു​ത്തു​കൾ ബാധക​മാ​ക്കു​ന്ന​തി​നാ​ലും ആത്മാർത്ഥ​മാ​യി പ്രാർത്ഥി​ക്കു​ന്ന​തി​നാ​ലും നമുക്ക്‌ അത്യാ​ഗ്രഹം ഒഴിവാ​ക്കാൻ കഴിയും. സദൃശ​വാ​ക്യ​ങ്ങൾ 30:7-9 ഇങ്ങനെ പറയുന്നു: “രണ്ടുകാ​ര്യം ഞാൻ നിന്നോ​ടു അപേക്ഷി​ക്കു​ന്നു; ജീവപ​ര്യ​ന്തം അവ എനിക്കു നിഷേ​ധി​ക്ക​രു​തേ; വ്യാജ​വും ഭോഷ്‌കും എന്നോടു അകറേ​റ​ണമേ; ദാരി​ദ്ര്യ​വും സമ്പത്തും എനിക്കു തരാതെ നിത്യ​വൃ​ത്തി തന്നു എന്നെ പോഷി​പ്പി​ക്കേ​ണമേ. ഞാൻ തൃപ്‌ത​നാ​യി​ത്തീർന്നി​ട്ടു: യഹോവ ആർ എന്നു നിന്നെ നിഷേ​ധി​പ്പാ​നും ദരി​ദ്ര​നാ​യി​ത്തീർന്നി​ട്ടു മോഷ്ടി​ച്ചു എന്റെ ദൈവ​ത്തി​ന്റെ നാമത്തെ തീണ്ടി​പ്പാ​നും സംഗതി വരരുതേ.” അത്തര​മൊ​രു മനോ​ഭാ​വ​ത്തി​നു വിഗ്ര​ഹാ​രാ​ധ​നാ​പ​ര​മായ അത്യാ​ഗ്ര​ഹ​ത്തി​നും ദുരാ​ഗ്ര​ഹ​ത്തി​നു​മെ​തി​രെ സൂക്ഷി​ക്കാൻ നമ്മെ സഹായി​ക്കു​ന്ന​തി​നു കഴിയും.

ആത്മവി​ഗ്ര​ഹാ​രാ​ധ​ന​ക്കെ​തി​രെ സൂക്ഷി​ക്കു​ക

20, 21. യഹോ​വ​യു​ടെ ജനം ആത്മവി​ഗ്ര​ഹാ​രാ​ധ​ന​ക്കെ​തി​രെ സൂക്ഷി​ക്കു​ന്ന​തെ​ങ്ങനെ?

²⁰ യഹോ​വ​യു​ടെ ജനം ആത്മവി​ഗ്ര​ഹാ​രാ​ധ​ന​ക്കെ​തി​രെ​യും സൂക്ഷി​ക്കു​ന്നു. ഈ ലോക​ത്തിൽ തന്നേത്ത​ന്നെ​യും സ്വന്തഇ​ഷ്ട​ത്തെ​യും വിഗ്ര​ഹ​മാ​ക്കുക സാധാ​ര​ണ​മാണ്‌. കീർത്തി​ക്കും മഹത്ത്വ​ത്തി​നും വേണ്ടി​യുള്ള ആഗ്രഹം അനേകർ വഞ്ചകമായ രീതി​ക​ളിൽ പ്രവർത്തി​ക്കാ​നി​ട​യാ​ക്കു​ന്നു. അവർ തങ്ങളുടെ ഇഷ്ടം നടപ്പി​ലാ​കാ​നാ​ഗ്ര​ഹി​ക്കു​ന്നു, ദൈവ​ത്തി​ന്റേതല്ല. എന്നാൽ നമ്മുടെ സ്വന്തം ഇഷ്ടം നടപ്പി​ലാ​ക്കാ​നും മററു​ള്ള​വ​രു​ടെ​മേൽ കർതൃ​ത്വം നടത്താ​നും വഞ്ചകമാ​യി ശ്രമി​ച്ചു​കൊണ്ട്‌ ആത്മവി​ഗ്ര​ഹാ​രാ​ധ​നക്കു വഴങ്ങി​യാൽ നമുക്കു ദൈവ​വു​മാ​യി ബന്ധമു​ണ്ടാ​യി​രി​ക്കാൻ കഴിക​യില്ല. (സദൃശ​വാ​ക്യ​ങ്ങൾ 3:32; മത്തായി 20:20-28; 1 പത്രൊസ്‌ 5:2, 3) യേശു​വി​ന്റെ അനുഗാ​മി​ക​ളെന്ന നിലയിൽ, നാം ലോക​ത്തി​ന്റെ നിഗൂ​ഢ​കാ​ര്യ​ങ്ങളെ ത്യജി​ച്ചി​രി​ക്കു​ന്നു.—2 കൊരി​ന്ത്യർ 4:1, 2.

²¹ കീർത്തി അന്വേ​ഷി​ക്കു​ന്ന​തി​നു പകരം, ദൈവ​ജനം പൗലോ​സി​ന്റെ ബുദ്ധ്യു​പ​ദേശം അനുസ​രി​ക്കു​ന്നു: “നിങ്ങൾ തിന്നാ​ലും കുടി​ച്ചാ​ലും എന്തു ചെയ്‌താ​ലും എല്ലാം ദൈവ​ത്തി​ന്റെ മഹത്വ​ത്തി​ന്നാ​യി ചെയ്‌വിൻ.” (1 കൊരി​ന്ത്യർ 10:31) യഹോ​വ​യു​ടെ ദാസരാ​ക​യാൽ നാം വിഗ്ര​ഹാ​രാ​ധ​നാ​പ​ര​മാ​യി നമ്മുടെ സ്വന്തം ഇഷ്ടത്തിനു നിർബന്ധം പിടി​ക്കാ​തെ “വിശ്വ​സ്‌ത​നും വിവേ​കി​യു​മായ അടിമ”യിൽനി​ന്നുള്ള മാർഗ്ഗ​നിർദ്ദേശം സ്വീക​രി​ച്ചു​കൊ​ണ്ടും യഹോ​വ​യു​ടെ സ്ഥാപന​ത്തോ​ടു പൂർണ്ണ​മാ​യി സഹകരി​ച്ചു​കൊ​ണ്ടും സസന്തോ​ഷം ദിവ്യേ​ഷ്ടം​ചെ​യ്യു​ന്നു.—മത്തായി 24:45-47.

സൂക്ഷി​ക്കു​ന്ന​തിൽ തുടരുക!

22, 23. നമുക്ക്‌ ഏതു വിധത്തിൽ സകലതരം വിഗ്ര​ഹാ​രാ​ധ​ന​ക്കു​മെ​തി​രെ സൂക്ഷി​ക്കു​ന്ന​തിൽ തുടരാം?

²² യഹോ​വ​യു​ടെ ജനമെന്ന നിലയിൽ നാം ഭൗതി​ക​വി​ഗ്ര​ഹ​ങ്ങ​ളു​ടെ മുമ്പാകെ കുമ്പി​ടു​ന്നില്ല. നാം വിഗ്ര​ഹാ​രാ​ധ​ന​യു​ടെ തന്ത്രപ​ര​മായ രൂപങ്ങൾക്കെ​തി​രെ​യും സൂക്ഷി​ക്കു​ന്നു. യഥാർത്ഥ​ത്തിൽ, നാം സകലതരം വിഗ്ര​ഹാ​രാ​ധ​ന​യും ഒഴിവാ​ക്കു​ന്ന​തിൽ തുടരണം. തന്നിമി​ത്തം നാം “വിഗ്ര​ഹ​ങ്ങ​ളോ​ടു അകന്നു സൂക്ഷി​ച്ചു​കൊൾവിൻ” എന്ന യോഹ​ന്നാ​ന്റെ ബുദ്ധ്യു​പ​ദേശം അനുസ​രി​ക്കു​ന്നു.—1 യോഹ​ന്നാൻ 5:21.

²³ നിങ്ങൾ യഹോ​വ​യു​ടെ ദാസൻമാ​രിൽ ഒരാളാ​ണെ​ങ്കിൽ, എല്ലായ്‌പ്പോ​ഴും നിങ്ങളു​ടെ ബൈബിൾപ​രി​ശീ​ലിത മനഃസാ​ക്ഷി​യും ഗ്രഹണ​ശ​ക്തി​ക​ളും വിനി​യോ​ഗി​ക്കുക. (എബ്രായർ 5:14) അങ്ങനെ​യെ​ങ്കിൽ നിങ്ങൾ ലോക​ത്തി​ന്റെ വിഗ്ര​ഹാ​രാ​ധ​നാ​പ​ര​മായ ആത്മാവി​നാൽ മലിന​പ്പെ​ടാ​തെ വിശ്വ​സ്‌ത​രായ മൂന്ന്‌ എബ്രാ​യ​രെ​യും ഭക്തിയു​ണ്ടാ​യി​രുന്ന ആദിമക്രിസ്‌ത്യാനികളെയുംപോലെയായിരിക്കും. നിങ്ങൾ യഹോ​വക്കു സമ്പൂർണ്ണ​ഭക്തി കൊടു​ക്കും, അവൻ സകലതരം വിഗ്ര​ഹാ​രാ​ധ​ന​ക്കു​മെ​തി​രെ സൂക്ഷി​ക്കാൻ നിങ്ങളെ സഹായി​ക്കും.

നിങ്ങളു​ടെ ചിന്തകൾ എന്താണ്‌?

◻ യഹോ​വ​യു​ടെ ജനം യെഹെ​സ്‌ക്കേ​ലി​ന്റെ ദർശന​ത്തിൽ കണ്ട വിഗ്ര​ഹാ​രാ​ധാ​നാ​രൂ​പ​ങ്ങളെ ഒഴിവാ​ക്കു​ന്ന​തെ​ങ്ങനെ?

◻ വെളി​പ്പാ​ടു 13:1-ലെ “മൃഗം” എന്താണ്‌, യഹോ​വ​യു​ടെ ജനം അതിനെ സംബന്ധിച്ച്‌ എന്തു നില സ്വീക​രി​ക്കു​ന്നു?

◻ വിനോദ, സ്‌പോർട്ട്‌സ്‌ താരങ്ങളെ വിഗ്ര​ഹ​മാ​ക്കു​ന്ന​തി​നെ​തി​രെ സൂക്ഷി​ക്കേ​ണ്ട​തെ​ന്തു​കൊണ്ട്‌?

◻ നമുക്ക്‌ എങ്ങനെ ആത്മവി​ഗ്ര​ഹാ​രാ​ധ​ന​ക്കെ​തി​രെ സൂക്ഷി​ക്കാൻ കഴിയും?

◻ സകലതരം വിഗ്ര​ഹാ​രാ​ധ​ന​ക്കു​മെ​തി​രെ സൂക്ഷി​ക്കു​ന്ന​തിൽ തുട​രേ​ണ്ട​തെ​ന്തു​കൊണ്ട്‌?

[26-ാം പേജിലെ ചിത്രം]

യെഹെസ്‌ക്കേലിന്റെ ദർശന​ത്തിൽ കണ്ട മ്ലേച്ഛതകൾ ക്രൈ​സ്‌ത​വ​ലോ​ക​ത്തി​ന്റെ വിഗ്ര​ഹാ​രാ​ധ​നയെ മുൻനി​ഴ​ലാ​ക്കി​യ​തെ​ങ്ങ​നെ​യെന്നു നിങ്ങൾക്ക​റി​യാ​മോ?

[കടപ്പാട്‌]

Artwork (upper left) based on photo by Ralph Crane/Bardo Museum