ഒരു ആത്മത്യാ​ഗ​ത്തി​ന്റെ ആത്മാ​വോ​ടെ യഹോ​വയെ സേവിക്കൽ

“ഒരുത്തൻ എന്റെ പിന്നാലെ വരുവാൻ ഇച്ഛിച്ചാൽ തന്നെത്താൻ ത്യജിച്ചു, തന്റെ ക്രൂശു [ദണ്ഡനസ്‌തംഭം, NW] എടുത്തു എന്നെ അനുഗ​മി​ക്കട്ടെ.”—മത്തായി 16:24

1. യേശു തന്റെ ആസന്നമാ​യി​രുന്ന മരണത്തെ സംബന്ധി​ച്ചു ശിഷ്യൻമാ​രെ അറിയി​ച്ചത്‌ എങ്ങനെ?

മഞ്ഞുമൂ​ടിയ ഹെർമോൻ മലയുടെ താഴ്‌വ​ര​യിൽ, യേശു​ക്രി​സ്‌തു തന്റെ ജീവി​ത​ത്തി​ലെ ഒരു നാഴി​ക​ക്ക​ല്ലിൽ എത്തുന്നു. ജീവി​ച്ചി​രി​ക്കാൻ അവിടു​ത്തേക്ക്‌ ഇനി ഒരു വർഷം പോലു​മില്ല. അവിടുന്ന്‌ അത്‌ അറിയു​ന്നു; യേശു​വി​ന്റെ ശിഷ്യൻമാർക്ക്‌ അതി​നെ​ക്കു​റിച്ച്‌ അറിയില്ല. അവർ അത്‌ അറിയു​വാ​നുള്ള സമയം ഇപ്പോൾ ആഗതമാ​യി​രി​ക്കു​ന്നു. തന്റെ ആസന്നമാ​യി​രി​ക്കുന്ന മരണ​ത്തെ​ക്കു​റി​ച്ചു യേശു മുമ്പു സൂചി​പ്പി​ച്ചി​രു​ന്നു എന്നതു ശരിതന്നെ, എന്നാൽ അതി​നെ​ക്കു​റി​ച്ചു വ്യക്തമാ​യി സംസാ​രി​ക്കു​ന്നത്‌ ഇതാദ്യ​മാ​യാണ്‌. (മത്തായി 9:15; 12:40) മത്തായി​യു​ടെ വിവരണം ഇങ്ങനെ വായി​ക്കു​ന്നു: “അന്നുമു​തൽ യേശു താൻ യെരു​ശ​ലേ​മിൽ ചെന്നിട്ടു, മൂപ്പൻമാർ, മഹാപു​രോ​ഹി​തൻമാർ, ശാസ്‌ത്രി​മാർ എന്നിവ​രാൽ പലതും സഹിച്ചു കൊല്ല​പ്പെ​ടു​ക​യും മൂന്നാം നാൾ ഉയിർത്തെ​ഴു​ന്നേ​ല്‌ക്ക​യും വേണ്ടതു എന്നു ശിഷ്യൻമാ​രോ​ടു പ്രസ്‌താ​വി​ച്ചു​തു​ടങ്ങി.”—മത്തായി 16:21; മർക്കൊസ്‌ 8:31, 32.

2. യേശു​വി​ന്റെ ഭാവി​യി​ലെ യാതന​കളെ സംബന്ധി​ച്ചുള്ള വാക്കു​ക​ളോ​ടു പത്രോ​സി​ന്റെ പ്രതി​ക​രണം എന്തായി​രു​ന്നു, യേശു എങ്ങനെ പ്രതി​വ​ചി​ച്ചു?

² യേശു​വി​ന്റെ നാളുകൾ എണ്ണപ്പെ​ട്ടി​രി​ക്കു​ന്നു. പത്രോസ്‌ പ്രത്യ​ക്ഷ​ത്തിൽ ഭയാന​ക​മായ അത്തര​മൊ​രു ചിന്തയിൽ കോപ​ത്തോ​ടെ പ്രതി​ക​രി​ക്കു​ന്നു. മിശിഹാ യഥാർഥ​ത്തിൽ വധിക്ക​പ്പെ​ടു​മെന്നു സമ്മതി​ക്കു​വാൻ പത്രോ​സി​നു കഴിയു​ന്നില്ല. അതു​കൊ​ണ്ടു തന്റെ യജമാ​നനെ താക്കീതു ചെയ്യാൻ പത്രോസ്‌ ധൈര്യം കാണി​ക്കു​ന്നു. ഏററവും നല്ല ഉദ്ദേശ്യ​ശു​ദ്ധി​യോ​ടെ അദ്ദേഹം ആവേശ​പൂർവം “കർത്താവേ, അതു അരുതേ; നിനക്കു അങ്ങനെ ഭവിക്ക​രു​തേ” എന്നു ശക്തി​യോ​ടെ ഉപദേ​ശി​ക്കു​ന്നു. എന്നാൽ ഒരാൾ ദൃഢനി​ശ്ച​യ​ത്തോ​ടെ ഒരു വിഷപ്പാ​മ്പി​ന്റെ തല തകർക്കു​ന്ന​തു​പോ​ലെ യേശു ഉടൻതന്നെ പത്രോ​സി​ന്റെ അസ്ഥാന​ത്തുള്ള ദയാവാ​യ്‌പി​നെ നിരാ​ക​രി​ക്കു​ന്നു. “സാത്താനേ, എന്നെ വിട്ടു പോ; നീ എനിക്കു ഇടർച്ച​യാ​കു​ന്നു; നീ ദൈവ​ത്തി​ന്റേതല്ല മനുഷ്യ​രു​ടേ​ത​ത്രേ കരുതു​ന്നതു എന്നു പറഞ്ഞു.”—മത്തായി 16:22, 23.

3. (എ) പത്രോസ്‌ അറിയാ​തെ സ്വയം സാത്താന്റെ ഒരു ഏജൻറാ​ക്കി​ത്തീർത്തത്‌ എങ്ങനെ? (ബി) ആത്മത്യാ​ഗ​പ​ര​മായ ഒരു ജീവി​ത​ഗ​തി​ക്കു പത്രോസ്‌ ഒരു ഇടർച്ച​യാ​യത്‌ എങ്ങനെ?

³ പത്രോസ്‌ അറിയാ​തെ തന്നെത്തന്നെ സാത്താന്റെ ഒരു ഏജൻറാ​ക്കി. യേശു​വി​ന്റെ തിരി​ച്ചടി മരുഭൂ​മി​യിൽ സാത്താ​നോ​ടു മറുപടി പറഞ്ഞ​പ്പോ​ഴ​ത്തെ​പോ​ലെ ഖണ്ഡിത​മാ​യി​രു​ന്നു. അവിടെ പിശാച്‌ ഒരു ആയാസ​ര​ഹി​ത​മായ ജീവിതം, കഷ്ടപ്പാ​ടി​ല്ലാത്ത ഒരു രാജത്വം വാഗ്‌ദാ​നം ചെയ്‌തു​കൊണ്ട്‌, യേശു​വി​നെ പ്രലോ​ഭി​പ്പി​ക്കാൻ ശ്രമിച്ചു. (മത്തായി 4:1-10) ഇപ്പോൾ തന്നോ​ടു​തന്നെ മയത്തിൽ ഇടപെ​ടാ​നാ​ണു പത്രോസ്‌ യേശു​വി​നെ പ്രോ​ത്സാ​ഹി​പ്പി​ക്കു​ന്നത്‌. ഇതു തന്റെ പിതാ​വി​ന്റെ ഇഷ്ടമ​ല്ലെന്നു യേശു​വി​ന​റി​യാം. അവിടു​ത്തെ ജീവിതം ആത്മസം​തൃ​പ്‌തി​യു​ടേ​തായ ഒന്നായി​രി​ക്കാ​തെ ആത്മത്യാ​ഗ​ത്തി​ന്റേ​തായ ഒന്നായി​രി​ക്ക​ണ​മാ​യി​രു​ന്നു. (മത്തായി 20:28) അത്തര​മൊ​രു ജീവി​ത​ഗ​തി​ക്കു പത്രോസ്‌ ഒരു ഇടർച്ച​യാ​യി​ത്തീ​രു​ന്നു; അദ്ദേഹ​ത്തി​ന്റെ സദു​ദ്ദേ​ശ്യ​മുള്ള സഹതാപം ഒരു കെണി​യാ​യി​ത്തീ​രു​ന്നു.a യേശു ത്യാഗ​വി​മു​ക്ത​മായ ഒരു ജീവിതം നയിക്കു​ന്ന​തി​നെ​ക്കു​റി​ച്ചുള്ള ഏതെങ്കി​ലും ആശയം താലോ​ലി​ച്ചാൽ സാത്താ​ന്യ​മായ മരണ​ക്കെ​ണി​യിൽ അമർന്നു ദൈവ​പ്രീ​തി നഷ്ടപ്പെ​ടു​ത്തു​മെന്നു വ്യക്തമാ​യി മനസ്സി​ലാ​ക്കു​ന്നു.

4. സ്വസു​ഖാ​നു​ഭൂ​തി​ക​ളിൽ മുഴു​കിയ ഒരു ജീവി​ത​രീ​തി യേശു​വി​നും അവിടു​ത്തെ അനുഗാ​മി​കൾക്കും വേണ്ടി​യു​ള്ള​ത​ല്ലാ​യി​രു​ന്നത്‌ എന്തു​കൊണ്ട്‌?

⁴ അതിനാൽ പത്രോ​സി​ന്റെ ചിന്തയ്‌ക്കു പൊരു​ത്ത​പ്പെ​ടു​ത്തൽ ആവശ്യ​മാ​യി​രു​ന്നു. യേശു​വി​നോ​ടുള്ള അദ്ദേഹ​ത്തി​ന്റെ വാക്കുകൾ ദൈവ​ത്തി​ന്റെയല്ല, മമനു​ഷ്യ​ന്റെ ആശയത്തെ സൂചി​പ്പി​ച്ചു. സുഖാ​നു​ഭൂ​തി​ക​ളിൽ മുഴു​കിയ, ദുരി​ത​വി​മു​ക്ത​മായ, അനായാ​സ​മായ ഒരു ജീവിതം യേശു​വി​നു​വേ​ണ്ടി​യു​ള്ള​ത​ല്ലാ​യി​രു​ന്നു; അത്തര​മൊ​രു ജീവിതം തന്റെ അനുഗാ​മി​കൾക്കു​വേ​ണ്ടി​യു​ള്ള​തു​മാ​യി​രു​ന്നില്ല, എന്തു​കൊ​ണ്ടെ​ന്നാൽ യേശു അടുത്ത​താ​യി പത്രോ​സി​നോ​ടും ശേഷം ശിഷ്യൻമാ​രോ​ടും പറയുന്നു: “ഒരുത്തൻ എന്റെ പിന്നാലെ വരുവാൻ ഇച്ഛിച്ചാൽ തന്നെത്താൻ ത്യജിച്ചു, തന്റെ ക്രൂശു [ദണ്ഡനസ്‌തംഭം, NW] എടുത്തു എന്നെ [തുടർച്ചയായി, NW] അനുഗ​മി​ക്കട്ടെ.”—മത്തായി 16:24.

5. (എ) ക്രിസ്‌തീ​യ​ജീ​വി​തം നയിക്കു​ന്ന​തി​ന്റെ വെല്ലു​വി​ളി എന്താണ്‌? (ബി) ഒരു ക്രിസ്‌ത്യാ​നി ഏതു മൂന്ന്‌ അവശ്യ കാര്യ​ങ്ങൾക്ക്‌ ഒരുങ്ങി​യി​രി​ക്കണം?

⁵ വീണ്ടും വീണ്ടും യേശു ക്രിസ്‌തീ​യ​ജീ​വി​തം നയിക്കു​ന്ന​തി​ന്റെ വെല്ലു​വി​ളി​യെന്ന ഈ മർമ​പ്ര​ധാ​ന​മായ വിഷയ​ത്തി​ലേക്കു മടങ്ങി​വ​രു​ന്നു. യേശു​വി​ന്റെ അനുഗാ​മി​ക​ളാ​യി​രി​ക്കാൻ ക്രിസ്‌ത്യാ​നി​കൾ, അവരുടെ നേതാ​വി​നെ​പ്പോ​ലെ, ആത്മത്യാ​ഗ​ത്തി​ന്റെ ആത്മാ​വോ​ടെ യഹോ​വയെ സേവി​ക്കണം. (മത്തായി 10:37-39) അങ്ങനെ ഒരു ക്രിസ്‌ത്യാ​നി ചെയ്യാൻ ഒരുങ്ങി​യി​രി​ക്കേണ്ട മൂന്ന്‌ അവശ്യ കാര്യങ്ങൾ അവിടു​ന്നു പട്ടിക​പ്പെ​ടു​ത്തു​ന്നു: (1) തന്നെത്തന്നെ ത്യജി​ക്കുക, (2) തന്റെ ദണ്ഡനസ്‌തം​ഭം എടുക്കുക, (3) തുടർച്ച​യാ​യി അവിടു​ത്തെ അനുഗ​മി​ക്കുക.

“ഒരുത്തൻ എന്റെ പിന്നാലെ വരുവാൻ ഇച്ഛിച്ചാൽ”

6. (എ) ഒരു വ്യക്തി തന്നെത്തന്നെ ത്യജി​ക്കു​ന്ന​തെ​ങ്ങനെ? (ബി) നമ്മെത്തന്നെ പ്രസാ​ദി​പ്പി​ക്കു​ന്ന​തി​ലു​പരി നാം ആരെ പ്രസാ​ദി​പ്പി​ക്കണം?

⁶ തന്നെത്തന്നെ ത്യജി​ക്കുക എന്നാൽ എന്താണ്‌ അർഥം? ഒരു വ്യക്തി തന്നെത്തന്നെ പരിപൂർണ​മാ​യി നിരാ​ക​രി​ക്ക​ണ​മെ​ന്നാണ്‌ അതിന്റെ അർഥം, സ്വയം വരുത്തി​ക്കൂ​ട്ടുന്ന ഒരു തരം മരണം എന്നു തന്നെ. “ത്യജി​ക്കുക” എന്നു തർജമ ചെയ്‌തി​രി​ക്കുന്ന ഗ്രീക്കു പദത്തിന്റെ അടിസ്ഥാന അർഥം “വേണ്ട എന്നു പറയുക” എന്നാണ്‌; അതു “സമ്പൂർണ​മാ​യി നിഷേ​ധി​ക്കുക” എന്ന്‌ അർഥമാ​ക്കു​ന്നു. അതു​കൊ​ണ്ടു ക്രിസ്‌തീയ ജീവി​ത​ത്തി​ന്റെ വെല്ലു​വി​ളി നിങ്ങൾ സ്വീക​രി​ക്കു​ന്നെ​ങ്കിൽ നിങ്ങൾ സ്വമന​സ്സാ​ലെ നിങ്ങളു​ടെ ജീവി​താ​ഭി​ലാ​ഷ​ങ്ങ​ളും സുഖങ്ങ​ളും ആഗ്രഹ​ങ്ങ​ളും സന്തോ​ഷ​വും ഉല്ലാസ​വും ത്യജി​ക്കു​ന്നു. ചുരു​ക്ക​ത്തിൽ, നിങ്ങൾ നിങ്ങളു​ടെ മുഴു ജീവി​ത​വും അതുൾക്കൊ​ള്ളുന്ന സകലവും എല്ലാക്കാ​ല​ത്തേ​ക്കു​മാ​യി യഹോ​വ​യാം ദൈവ​ത്തി​നു നൽകുന്നു. തന്നെത്തന്നെ ത്യജി​ക്കു​ന്നത്‌ ഇടയ്‌ക്കി​ടെ ചില ഉല്ലാസങ്ങൾ വേണ്ടന്നു വെക്കു​ന്ന​തി​ലു​മ​ധി​കം അർഥമാ​ക്കു​ന്നു. അതിലു​പരി, ഒരു വ്യക്തി തന്റെ ഉടമസ്ഥാ​വ​കാ​ശം യഹോ​വക്കു വിട്ടു​കൊ​ടു​ക്കണം എന്നതിനെ അത്‌ അർഥമാ​ക്കു​ന്നു. (1 കൊരി​ന്ത്യർ 6:19, 20) തന്നെത്താൻ ത്യജി​ച്ചി​ട്ടുള്ള ഒരു വ്യക്തി ജീവി​ക്കു​ന്നതു തന്നെത്തന്നെ പ്രസാ​ദി​പ്പി​ക്കാ​നല്ല, മറിച്ചു ദൈവത്തെ പ്രസാ​ദി​പ്പി​ക്കാ​നാണ്‌. (റോമർ 14:8; 15:3) ജീവി​ത​ത്തി​ന്റെ ഓരോ നിമി​ഷ​ത്തി​ലും അയാൾ സ്വാർഥ​മോ​ഹ​ങ്ങ​ളോട്‌ ഇല്ല എന്നും യഹോ​വ​യോട്‌ ഉവ്വ്‌ എന്നും പറയുന്നു എന്നാണ്‌ അതിന്റെ അർഥം.

7. ക്രിസ്‌ത്യാ​നി​യു​ടെ ദണ്ഡനസ്‌തം​ഭം എന്താണ്‌, അയാൾ അത്‌ എങ്ങനെ വഹിക്കു​ന്നു?

⁷ അതിനാൽ, നിങ്ങളു​ടെ ദണ്ഡനസ്‌തം​ഭം എടുക്കുക എന്നതിനു ഗൗരവ​മായ വിവക്ഷ​ക​ളുണ്ട്‌. ഒരു ദണ്ഡനസ്‌തം​ഭം വഹിക്കു​ന്നത്‌ ഒരു ഭാരവും മരണത്തി​ന്റെ ഒരു പ്രതീ​ക​വു​മാണ്‌. ആവശ്യ​മെ​ങ്കിൽ, ക്രിസ്‌ത്യാ​നി യേശു​ക്രി​സ്‌തു​വി​ന്റെ ഒരു അനുഗാ​മി​യാ​യി​രി​ക്കു​ക​നി​മി​ത്തം കഷ്ടപ്പെ​ടു​വാ​നോ അപമാ​ന​വി​ധേ​യ​നാ​കാ​നോ ദണ്ഡിപ്പി​ക്ക​പ്പെ​ടാ​നോ വധിക്ക​പ്പെ​ടാൻപോ​ലു​മോ മനസ്സൊ​രു​ക്കം പ്രകടി​പ്പി​ക്കു​ന്നു. “തന്റെ ക്രൂശു [ദണ്ഡനസ്‌തംഭം, NW] എടുത്തു എന്നെ അനുഗ​മി​ക്കാ​ത്ത​വ​നും എനിക്കു യോഗ്യ​നല്ല” എന്നു യേശു പറഞ്ഞു. (മത്തായി 10:38) കഷ്ടപ്പെ​ടു​ന്നവർ എല്ലാവ​രും ദണ്ഡനസ്‌തം​ഭം എടുക്കു​ന്നില്ല. ദുഷ്ടൻമാർക്കു വളരെ “വേദനകൾ” ഉണ്ട്‌, എന്നാൽ അവർക്കു ദണ്ഡനസ്‌തം​ഭ​മില്ല. (സങ്കീർത്തനം 32:10) എന്നിരു​ന്നാ​ലും, ക്രിസ്‌ത്യാ​നി​യു​ടെ ജീവിതം യഹോ​വ​ക്കുള്ള ത്യാഗ​പൂർണ​മായ സേവന​ത്തി​ന്റെ ദണ്ഡനസ്‌തം​ഭം വഹിക്കുന്ന ഒരു ജീവി​ത​മാണ്‌.

8. യേശു തന്റെ അനുഗാ​മി​കൾക്കു​വേണ്ടി എന്തു ജീവി​ത​മാ​തൃക വെച്ചു?

⁸ യേശു പറഞ്ഞ അവസാന വ്യവസ്ഥ നാം അവിടു​ത്തെ തുടർച്ച​യാ​യി അനുഗ​മി​ക്കണം എന്നതാണ്‌. നമ്മൾ അവിടു​ന്നു പഠിപ്പിച്ച സംഗതി​കൾ സ്വീക​രി​ക്കു​ക​യും വിശ്വ​സി​ക്കു​ക​യും മാത്രമല്ല, നമ്മുടെ മുഴു​ജീ​വി​ത​ത്തി​നും​വേണ്ടി അവിടു​ന്നു വെച്ചി​രി​ക്കുന്ന മാതൃക തുടർച്ച​യാ​യി പിൻപ​റ​റു​ക​യും​വേണം എന്നാണു യേശു ആവശ്യ​പ്പെ​ടു​ന്നത്‌. അവിടു​ത്തെ ജീവി​ത​മാ​തൃ​ക​യിൽ കാണുന്ന പ്രമുഖ സവി​ശേ​ഷ​ത​ക​ളിൽ ചിലത്‌ എന്തെല്ലാ​മാണ്‌? തന്റെ ശിഷ്യൻമാർക്ക്‌ അവസാ​ന​മാ​യി അവരുടെ നിയോ​ഗം കൊടു​ത്ത​പ്പോൾ അവിടുന്ന്‌ ഇങ്ങനെ പറഞ്ഞു: “ആകയാൽ നിങ്ങൾ പുറ​പ്പെട്ടു, . . . ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻത​ക്ക​വണ്ണം ഉപദേ​ശി​ച്ചും​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ.” (മത്തായി 28:19, 20) യേശു രാജ്യ​ത്തി​ന്റെ സുവാർത്ത പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്‌തു. അവിടു​ത്തെ അടുത്ത ശിഷ്യൻമാ​രും, നിശ്ചയ​മാ​യും ആദിമ ക്രിസ്‌തീ​യസഭ മുഴു​വ​നും അങ്ങനെ​തന്നെ ചെയ്‌തു. ലോക​ത്തി​ന്റെ ഭാഗമാ​കാ​തി​രു​ന്ന​തി​നു പുറമേ ഈ തീക്ഷ്‌ണ​മായ പ്രവർത്തനം ലോക​ത്തി​ന്റെ വെറു​പ്പും എതിർപ്പും വരുത്തി​വെച്ചു. അതു ദണ്ഡനസ്‌തം​ഭം വഹിക്കു​ന്നതു കൂടുതൽ ഭാരമു​ള്ള​താ​യി​ത്തീ​രു​ന്ന​തിൽ കലാശി​ച്ചു.—യോഹ​ന്നാൻ 15:19, 20; പ്രവൃ​ത്തി​കൾ 8:4.

9. മററു​ള്ള​വ​രോ​ടു യേശു എങ്ങനെ പെരു​മാ​റി?

⁹ യേശു​വി​ന്റെ ജീവി​ത​ത്തിൽ കണ്ട മറെറാ​രു പ്രധാന മാതൃക അവിടു​ന്നു മററുള്ള ആളുക​ളോട്‌ ഇടപെട്ട വിധമാ​യി​രു​ന്നു. അവിടു​ന്നു ദയയു​ള്ള​വ​നും “സൌമ്യ​ത​യും താഴ്‌മ”യുള്ളവ​നു​മാ​യി​രു​ന്നു. അങ്ങനെ, അവിടു​ത്തെ ശ്രോ​താ​ക്കൾ ആത്മാവിൽ പുതുക്കം പ്രാപി​ക്കു​ക​യും അവിടു​ത്തെ സാന്നി​ദ്ധ്യ​ത്താൽ പ്രോ​ത്സാ​ഹി​ത​രാ​കു​ക​യും ചെയ്‌തു. (മത്തായി 11:29) അവിടു​ന്നു തന്നെ അനുഗ​മി​ക്കാൻ അവരു​ടെ​മേൽ ഭീഷണി പ്രയോ​ഗി​ക്കു​ക​യോ അത്‌ എങ്ങനെ ചെയ്യാം എന്നതു സംബന്ധിച്ച്‌ ഒന്നിനു പുറകെ ഒന്നായി നിയമങ്ങൾ ഏർപ്പെ​ടു​ത്തു​ക​യോ ചെയ്‌തില്ല; തന്റെ ശിഷ്യൻമാ​രാ​കാൻ അവരെ നിർബ​ന്ധി​ത​രാ​ക്കു​ന്ന​തിന്‌ അവിടു​ന്നു കുററ​ബോ​ധങ്ങൾ ജനിപ്പി​ക്കു​ക​യും ചെയ്‌തില്ല. അവരുടെ ആത്മത്യാ​ഗ​പ​ര​മായ ജീവിതം ഗണ്യമാ​ക്കാ​തെ അവർ യഥാർഥ സന്തോഷം പ്രസരി​പ്പി​ച്ചു. “അന്ത്യനാ​ളു​കളെ” അടയാ​ള​പ്പെ​ടു​ത്തുന്ന, ആത്മസു​ഖാ​സ​ക്തി​യു​ടെ ലൗകി​കാ​ത്മാ​വു​ള്ള​വ​രു​മാ​യി എന്തൊരു വ്യക്തമായ അന്തരം.—2 തിമൊ​ഥെ​യോസ്‌ 3:1-4, NW.

യേശു​വി​ന്റെ ആത്മത്യാ​ഗ​പ​ര​മായ ആത്മാവി​നെ വികസി​പ്പി​ച്ചെ​ടു​ക്കു​ക​യും നിലനിർത്തു​ക​യും ചെയ്യുക

10. (എ) ഫിലി​പ്പി​യർ 2:5-8 പറയു​ന്ന​ത​നു​സ​രിച്ച്‌, യേശു എങ്ങനെ​യാ​ണു തന്നെത്തന്നെ ത്യജി​ച്ചത്‌? (ബി) നാം ക്രിസ്‌തു​വി​ന്റെ അനുഗാ​മി​ക​ളാ​ണെ​ങ്കിൽ ഏതു മാനസി​ക​ഭാ​വം പ്രകടി​പ്പി​ക്കണം?

¹⁰ യേശു സ്വയം ത്യജി​ക്കു​ന്ന​തി​ന്റെ മാതൃക വെച്ചു. അവിടു​ന്നു തന്റെ ദണ്ഡനസ്‌തം​ഭം എടുക്കു​ക​യും പിതാ​വി​ന്റെ ഇഷ്ടം ചെയ്‌തു​കൊണ്ട്‌ അതു തുടർച്ച​യാ​യി വഹിക്കു​ക​യും ചെയ്‌തു. പൗലോസ്‌ ഫിലി​പ്പി​യ​യി​ലെ ക്രിസ്‌ത്യാ​നി​കൾക്ക്‌ ഇങ്ങനെ എഴുതി: “ക്രിസ്‌തു​യേ​ശു​വി​ലുള്ള ഭാവം തന്നേ നിങ്ങളി​ലും ഉണ്ടായി​രി​ക്കട്ടെ. അവൻ ദൈവ​രൂ​പ​ത്തിൽ ഇരിക്കെ ദൈവ​ത്തോ​ടുള്ള സമത്വം മുറുകെ പിടി​ച്ചു​കൊ​ള്ളേണം എന്നു വിചാ​രി​ക്കാ​തെ ദാസരൂ​പം എടുത്തു മനുഷ്യ​സാ​ദൃ​ശ്യ​ത്തി​ലാ​യി തന്നെത്താൻ ഒഴിച്ചു വേഷത്തിൽ മനുഷ്യ​നാ​യി വിളങ്ങി തന്നെത്താൻ താഴ്‌ത്തി മരണ​ത്തോ​ളം ക്രൂശി​ലെ [ദണ്ഡനസ്‌തംഭത്തിലെ, NW] മരണ​ത്തോ​ളം തന്നേ, അനുസ​ര​ണ​മു​ള്ള​വ​നാ​യി​ത്തീർന്നു.” (ഫിലി​പ്പി​യർ 2:5-8) അതി​നെ​ക്കാൾ കൂടുതൽ പരിപൂർണ​മാ​യി സ്വയം പരിത്യ​ജി​ക്കാൻ ആർക്കാണു കഴിയുക? നിങ്ങൾ ക്രിസ്‌തു​യേ​ശു​വി​നു​ള്ള​വ​നും അവിടു​ത്തെ അനുഗാ​മി​ക​ളിൽ ഒരാളു​മാ​ണെ​ങ്കിൽ, നിങ്ങൾ അതേ മാനസി​ക​ഭാ​വം പുലർത്തേ​ണ്ട​താണ്‌.

11. ആത്മത്യാ​ഗ​പ​ര​മായ ഒരു ജീവിതം നയിക്കൽ അർഥമാ​ക്കു​ന്നത്‌ ആരുടെ ഇഷ്ടത്തി​നു​വേണ്ടി ജീവി​ക്കു​ന്നു​വെ​ന്നാണ്‌?

¹¹ യേശു നമുക്കു​വേണ്ടി കഷ്ടപ്പെ​ടു​ക​യും മരിക്കു​ക​യും ചെയ്‌ത​തി​നാൽ, ക്രിസ്‌തു​വി​നു​ണ്ടാ​യി​രുന്ന അതേ ആത്മാവി​നാൽ ക്രിസ്‌ത്യാ​നി​കൾ, സുസജ്ജ​രായ പട്ടാള​ക്കാ​രെ​പ്പോ​ലെ, ആയുധ​സ​ജ്ജ​രാ​കേ​ണ്ട​തു​ണ്ടെന്നു മറെറാ​രു അപ്പോ​സ്‌ത​ല​നായ പത്രോസ്‌ നമ്മോടു പറയുന്നു. അദ്ദേഹം ഇങ്ങനെ എഴുതു​ന്നു: “ക്രിസ്‌തു ജഡത്തിൽ കഷ്ടമനു​ഭ​വി​ച്ച​തു​കൊ​ണ്ടു നിങ്ങളും ആ ഭാവം തന്നേ ആയുധ​മാ​യി ധരിപ്പിൻ. ജഡത്തിൽ കഷ്ടമനു​ഭ​വി​ച്ചവൻ ജഡത്തിൽ ശേഷി​ച്ചി​രി​ക്കും​കാ​ലം ഇനി മനുഷ്യ​രു​ടെ മോഹ​ങ്ങൾക്കല്ല, ദൈവ​ത്തി​ന്റെ ഇഷ്ടത്തി​ന്ന​ത്രേ ജീവി​ക്കേ​ണ്ട​തി​ന്നു പാപം വിട്ടൊ​ഴി​ഞ്ഞി​രി​ക്കു​ന്നു.” (1 പത്രൊസ്‌ 3:18; 4:1, 2) യേശു​വി​ന്റെ ആത്മത്യാ​ഗ​പ​ര​മായ ജീവി​ത​ഗതി അതിനെ സംബന്ധിച്ച്‌ അവിടു​ത്തേക്ക്‌ എങ്ങനെ തോന്നി​യി​രു​ന്നു​വെന്നു വ്യക്തമാ​യും പ്രകട​മാ​ക്കി. എല്ലായ്‌പോ​ഴും പിതാ​വി​ന്റെ ഇഷ്ടം തന്റെ ഇഷ്ടത്തിനു മീതെ പ്രതി​ഷ്‌ഠി​ച്ചു​കൊ​ണ്ടു ലജ്ജാക​ര​മായ ഒരു മരണം​വ​രെ​പോ​ലും ഭക്തിയിൽ അവിടുന്ന്‌ അർപ്പി​ത​നാ​യി​രു​ന്നു.—മത്തായി 6:10; ലൂക്കൊസ്‌ 22:42.

12. ആത്മത്യാ​ഗ​പ​ര​മായ ഒരു ജീവിതം യേശു​വിന്‌ അരോ​ച​ക​മാ​യി​രു​ന്നു​വോ? വിശദീ​ക​രി​ക്കുക.

¹² യേശു​വി​ന്റെ ആത്മത്യാ​ഗ​പ​ര​മായ ജീവിതം പ്രയാ​സ​ക​ര​വും വെല്ലു​വി​ളി​പ​ര​വു​മായ ഒരു പാത ആയിരു​ന്നു. എന്നിട്ടും അവിടു​ത്തേക്ക്‌ അത്‌ അരോ​ച​ക​മാ​യി തോന്നി​യില്ല. മറിച്ചു ദിവ്യേ​ഷ്ട​ത്തി​നു തന്നെത്തന്നെ കീഴ്‌പ്പെ​ടു​ത്തു​ന്ന​തിൽ യേശു സന്തോഷം കണ്ടെത്തി. പിതാ​വി​ന്റെ വേല ചെയ്യു​ന്നതു യേശു​വി​നു ഭക്ഷണ​ത്തെ​പ്പോ​ലെ​യാ​യി​രു​ന്നു. ഒരാൾക്ക്‌ ഒരു നല്ല ഭക്ഷണത്തിൽനി​ന്നു സംതൃ​പ്‌തി ലഭിക്കു​ന്ന​തു​പോ​ലെ അവിടു​ത്തേക്ക്‌ അതിൽനി​ന്നു യഥാർഥ സംതൃ​പ്‌തി ലഭിച്ചു. (മത്തായി 4:4; യോഹ​ന്നാൻ 4:34) അങ്ങനെ ജീവി​ത​ത്തിൽ യഥാർഥ ചാരി​താർഥ്യം തോന്നാൻ നിങ്ങൾ ആഗ്രഹി​ക്കു​ന്നെ​ങ്കിൽ, യേശു​വി​ന്റെ മാനസി​ക​ഭാ​വം നട്ടുവ​ളർത്തി​ക്കൊണ്ട്‌ അവിടു​ത്തെ മാതൃക പിന്തു​ട​രു​ന്ന​തി​നെ​ക്കാൾ മെച്ചമായ വേറെ ഒന്നും നിങ്ങൾക്കു ചെയ്യാൻ കഴിയു​ക​യില്ല.

13. ആത്മത്യാ​ഗ​ത്തി​ന്റെ ആത്മാവി​നു പിന്നിലെ പ്രേര​ക​ശക്തി സ്‌നേ​ഹ​മാ​യി​രി​ക്കു​ന്നത്‌ എങ്ങനെ?

¹³ വാസ്‌ത​വ​ത്തിൽ ആത്മത്യാ​ഗ​ത്തി​ന്റെ ആത്മാവി​നു പിന്നി​ലുള്ള പ്രേര​ക​ഘ​ടകം എന്താണ്‌? ഒററവാ​ക്കിൽ പറഞ്ഞാൽ, സ്‌നേഹം. യേശു ഇപ്രകാ​രം പറഞ്ഞു: “നിന്റെ ദൈവ​മായ കർത്താ​വി​നെ [യഹോവയെ, NW] നീ പൂർണ്ണ​ഹൃ​ദ​യ​ത്തോ​ടും പൂർണ്ണാ​ത്മാ​വോ​ടും പൂർണ്ണ​മ​ന​സ്സോ​ടും​കൂ​ടെ സ്‌നേ​ഹി​ക്കേണം. ഇതാകു​ന്നു വലിയ​തും ഒന്നാമ​ത്തേ​തു​മായ കല്‌പന. രണ്ടാമ​ത്തേതു അതി​നോ​ടു സമം: കൂട്ടു​കാ​രനെ നിന്നെ​പ്പോ​ലെ തന്നേ സ്‌നേ​ഹി​ക്കേണം.” (മത്തായി 22:37-39) ഒരു ക്രിസ്‌ത്യാ​നി​ക്കു സ്വന്തം ഇഷ്ടം അന്വേ​ഷി​ക്കു​വാ​നും അതേസ​മയം ആ വാക്കുകൾ അനുസ​രി​ക്കു​വാ​നും കഴിയില്ല. പ്രഥമ​വും പ്രധാ​ന​വു​മാ​യി ഒരുവനു യഹോ​വ​യോ​ടുള്ള സ്‌നേ​ഹ​വും പിന്നെ അയൽക്കാ​ര​നോ​ടുള്ള സ്‌നേ​ഹ​വു​മാണ്‌ അയാളു​ടെ സ്വന്തം സന്തോ​ഷ​ത്തെ​യും താത്‌പ​ര്യ​ത്തെ​യും ഭരി​ക്കേ​ണ്ടത്‌. അങ്ങനെ​യാ​ണു യേശു തന്റെ ജീവിതം നയിച്ചത്‌, അതുത​ന്നെ​യാ​ണു തന്റെ അനുഗാ​മി​ക​ളിൽനിന്ന്‌ അവിടു​ന്നു പ്രതീ​ക്ഷി​ക്കു​ന്നത്‌.

14. (എ) എബ്രായർ 13:15, 16-ൽ ഏത്‌ ഉത്തരവാ​ദി​ത്വ​ങ്ങ​ളെ​യാ​ണു വിശദീ​ക​രി​ച്ചി​രി​ക്കു​ന്നത്‌? (ബി) തീക്ഷ്‌ണ​ത​യോ​ടെ സുവാർത്ത ഘോഷി​ക്കു​വാൻ നമ്മെ പ്രോ​ത്സാ​ഹി​പ്പി​ക്കു​ന്നത്‌ എന്ത്‌?

¹⁴ അപ്പോ​സ്‌ത​ല​നായ പൗലോസ്‌ സ്‌നേ​ഹ​ത്തി​ന്റെ ഈ നിയമം മനസ്സി​ലാ​ക്കി. അദ്ദേഹം എഴുതി: “അതു​കൊ​ണ്ടു അവൻ മുഖാ​ന്തരം നാം ദൈവ​ത്തി​ന്നു അവന്റെ നാമത്തെ ഏററു​പ​റ​യുന്ന അധരഫലം എന്ന സ്‌തോ​ത്ര​യാ​ഗം ഇടവി​ടാ​തെ അർപ്പി​ക്കുക. നൻമ ചെയ്‌വാ​നും കൂട്ടായ്‌മ കാണി​പ്പാ​നും മറക്കരു​തു. ഈവക യാഗത്തി​ല​ല്ലോ ദൈവം പ്രസാ​ദി​ക്കു​ന്നതു.” (എബ്രായർ 13:15, 16) ക്രിസ്‌ത്യാ​നി​കൾ യഹോ​വക്കു മൃഗബ​ലി​ക​ളോ അതു​പോ​ലെ​യുള്ള മറെറ​ന്തെ​ങ്കി​ലു​മോ അർപ്പി​ക്കു​ന്നില്ല; അതിനാൽ, ഒരു ഭൗതിക ആലയത്തിൽ തങ്ങളുടെ ആരാധ​ന​യിൽ കാർമി​ക​ത്വം വഹിക്കാൻ അവർക്കു മാനുഷ പുരോ​ഹി​തൻമാ​രു​ടെ ആവശ്യ​മില്ല. ക്രിസ്‌തു​യേ​ശു​വി​ലൂ​ടെ​യാ​ണു നമ്മുടെ സ്‌തോ​ത്ര​യാ​ഗം അർപ്പി​ക്ക​പ്പെ​ടു​ന്നത്‌. മുഖ്യ​മാ​യും അവന്റെ നാമത്തി​ന്റെ പരസ്യ​പ്ര​ഖ്യാ​പ​ന​മാ​കുന്ന ആ സ്‌തു​തി​യാ​ഗ​ത്തി​ലൂ​ടെ​യാ​ണു ദൈവ​ത്തോ​ടുള്ള നമ്മുടെ സ്‌നേഹം നാം പ്രകടി​പ്പി​ക്കു​ന്നത്‌. പ്രത്യേ​കി​ച്ചു സ്‌നേ​ഹ​ത്തിൽ വേരൂ​ന്നിയ നമ്മുടെ നിസ്സ്വാർഥ​മായ ആത്മാവു തീക്ഷ്‌ണ​ത​യോ​ടെ സുവാർത്ത പ്രസം​ഗി​ക്കാൻ നമ്മെ പ്രോ​ത്സാ​ഹി​പ്പി​ക്കു​ന്നു, ദൈവ​ത്തി​നു നമ്മുടെ അധരഫലം അർപ്പി​ക്കാൻ സദാ ആകാം​ക്ഷ​യു​ള്ള​വ​രാ​യി​രു​ന്നു​കൊണ്ടു​തന്നെ. ഈ രീതി​യിൽ നമ്മൾ അയൽക്കാ​ര​നോ​ടും സ്‌നേഹം പ്രകടി​പ്പി​ക്കു​ന്നു.

ആത്മത്യാ​ഗം സമൃദ്ധ​മായ അനു​ഗ്ര​ഹങ്ങൾ കൈവ​രു​ത്തു​ന്നു

15. ആത്മത്യാ​ഗത്തെ സംബന്ധി​ച്ചു നമ്മോ​ടു​തന്നെ ചോദി​ക്കാ​വുന്ന അന്വേ​ഷ​ണ​ചോ​ദ്യ​ങ്ങൾ ഏവ?

¹⁵ ഒരു നിമിഷം നിന്നു പിൻവ​രുന്ന ചോദ്യ​ങ്ങൾ പരിചി​ന്തി​ക്കുക: എന്റെ ഇപ്പോ​ഴത്തെ ജീവി​ത​മാ​തൃക ആത്മത്യാ​ഗ​പ​ര​മായ ഒരു ഗതി പ്രകട​മാ​ക്കു​ന്നു​ണ്ടോ? എന്റെ ലക്ഷ്യങ്ങൾ അത്തര​മൊ​രു ജീവി​ത​ത്തി​ലേക്കു വിരൽ ചൂണ്ടു​ന്നു​വോ? എന്റെ മാതൃ​ക​യിൽനി​ന്നു കുടും​ബാം​ഗങ്ങൾ ആത്മീയ പ്രയോ​ജ​നങ്ങൾ കൊയ്യു​ന്നു​വോ? (1 തിമൊ​ഥെ​യൊസ്‌ 5:8 താരത​മ്യ​പ്പെ​ടു​ത്തുക.) അനാഥ​രെ​യും വിധവ​മാ​രെ​യും സംബന്ധി​ച്ചെന്ത്‌? എന്റെ ആത്മത്യാ​ഗ​ത്തി​ന്റെ ആത്മാവിൽനിന്ന്‌ അവരും പ്രയോ​ജനം അനുഭ​വി​ക്കു​ന്നു​വോ? (യാക്കോബ്‌ 1:27) ഞാൻ പരസ്യ​സ്‌തു​തി​യാ​ഗ​ത്തിൽ ചെലവ​ഴി​ക്കുന്ന സമയം വർധി​പ്പി​ക്കാൻ എനിക്കു കഴിയു​മോ? പയനി​യർസേ​വ​ന​ത്തി​ന്റെ​യോ ബഥേൽസേ​വ​ന​ത്തി​ന്റെ​യോ മിഷന​റി​സേ​വ​ന​ത്തി​ന്റെ​യോ പദവി എത്തിപ്പി​ടി​ക്കാൻ എനിക്കാ​കു​മോ, അല്ലെങ്കിൽ രാജ്യ​പ്ര​ഘോ​ഷ​ക​രു​ടെ ആവശ്യം കൂടു​ത​ലുള്ള ഒരു പ്രദേ​ശ​ത്തേക്കു മാറി​ത്താ​മ​സി​ക്കാൻ എനിക്കാ​കു​മോ?

16. ആത്മത്യാ​ഗ​ത്തി​ന്റേ​തായ ഒരു ജീവിതം നയിക്കു​ന്ന​തി​നു നമ്മെ സഹായി​ക്കാൻ സാമർഥ്യ​ത്തി​നു കഴിയു​ന്ന​തെ​ങ്ങനെ?

¹⁶ ചില​പ്പോൾ ആത്മത്യാ​ഗ​ത്തി​ന്റെ ആത്മാ​വോ​ടെ യഹോ​വയെ സേവി​ക്കു​ന്ന​തിൽ മുഴു കഴിവും പ്രയോ​ഗി​ക്കു​ന്ന​തിന്‌ അല്‌പം സാമർഥ്യം മാത്ര​മാണ്‌ ആവശ്യ​മാ​യി​രി​ക്കു​ന്നത്‌. ഉദാഹ​ര​ണ​ത്തിന്‌, ഇക്കഡോ​റിൽ ഒരു നിരന്ത​ര​പ​യ​നി​യ​റായ ജാനററ്‌ മുഴു​സ​മ​യ​വും ലൗകിക ജോലി ചെയ്‌തി​രു​ന്നു. താമസി​യാ​തെ അവളുടെ പട്ടിക ഉൻമേ​ഷ​ത്തി​ന്റേ​തായ ഒരു ആത്മാ​വോ​ടെ നിരന്ത​ര​പ​യ​നി​യ​റിം​ഗി​ന്റെ മണിക്കൂർ വ്യവസ്ഥ​യിൽ എത്തുന്നത്‌ ദുഷ്‌ക്ക​ര​മാ​ക്കി. ജാനററ്‌ തന്റെ തൊഴി​ലു​ട​മ​യോ​ടു പ്രശ്‌നം വിശദീ​ക​രി​ക്കാൻ തീരു​മാ​നി​ക്കു​ക​യും ജോലി സമയത്തിൽ അല്‌പം ഇളവി​നാ​യി അപേക്ഷി​ക്കു​ക​യും ചെയ്‌തു. അയാൾ ജോലി സമയം കുറക്കാൻ വിസമ്മ​തി​ച്ച​തി​നാൽ, അവൾ പയനി​യ​റിംഗ്‌ ചെയ്യാൻ കഴി​യേ​ണ്ട​തി​നാ​യി അംശകാല ജോലി അന്വേ​ഷി​ച്ചു​കൊ​ണ്ടി​രുന്ന മറിയയെ കൂടെ കൊണ്ടു​പോ​യി. അവർ ഓരോ​രു​ത്ത​രും ഒരു മുഴു​ദി​വ​സ​വേല പങ്കു​വെ​ച്ചു​കൊ​ണ്ടു പകുതി ദിവസം വേല ചെയ്യാ​മെന്നു വാഗ്‌ദാ​നം ചെയ്‌തു. ആ നിർദ്ദേശം തൊഴി​ലു​ടമ സമ്മതിച്ചു. ഇപ്പോൾ രണ്ടു സഹോ​ദ​രി​മാ​രും നിരന്ത​ര​പ​യ​നി​യർമാ​രാണ്‌. ഈ അത്ഭുത​ക​ര​മായ ഫലം കണ്ടപ്പോൾ, ഇതേ കമ്പനി​ക്കു​വേണ്ടി മുഴു​സമയ ജോലി ചെയ്‌തു ക്ഷീണി​ക്കു​ക​യും പയനി​യ​റിം​ഗി​ന്റെ സമയം തികക്കാൻ കഷ്‌പ്പെ​ടു​ക​യും ചെയ്‌തി​രുന്ന കാഫ സഹോ​ദരി മാഗാ​ലി​യെ കൂടെ കൊണ്ടു​പോ​യി അതേ വാഗ്‌ദാ​നം നടത്തി. അതും അംഗീ​ക​രി​ക്ക​പ്പെട്ടു. അങ്ങനെ മുഴു​സമയ പ്രവർത്തനം വിട്ടു​ക​ള​യാ​റായ രണ്ടു പേർക്കു പകരം ഇപ്പോൾ നാലു സഹോ​ദ​രി​മാർക്കു പയനി​യ​റിം​ഗു നടത്താൻ കഴിയു​ന്നു. സാമർഥ്യ​വും മുൻകൈ എടുക്ക​ലും ഫലമു​ള​വാ​ക്കി.

17-21. ഒരു വിവാ​ഹിത ഇണകൾ ജീവി​ത​ത്തി​ലെ അവരുടെ ലക്ഷ്യം സംബന്ധി​ച്ചു പുനർവി​ചി​ന്തനം ചെയ്‌തത്‌ എങ്ങനെ, എന്തു ഫലത്തോ​ടെ?

¹⁷ കൂടാതെ, ഈവോൺ കഴിഞ്ഞ പത്തു വർഷക്കാ​ലത്തു പിന്തു​ടർന്നു​പോ​രുന്ന ആത്മത്യാ​ഗ​ത്തി​ന്റെ വഴി പരിചി​ന്തി​ക്കുക. അവൾ 1991 മെയ്യിൽ വാച്ച്‌ ടവർ സൊ​സൈ​റ​റി​ക്കു പിൻവ​രുന്ന പ്രകാരം എഴുതി:

¹⁸ “ഞാനും എന്റെ കുടും​ബ​വും 1982 ഒക്‌ടോ​ബ​റിൽ ബ്രുക്ക്‌ളിൻ ബെഥേൽ സന്ദർശി​ച്ചി​രു​ന്നു. അതു കണ്ടതു ഞാൻ അവിടെ സ്വമേ​ധയാ വേല ചെയ്യണ​മെ​ന്നാ​ഗ്ര​ഹി​ക്കാൻ കാരണ​മാ​യി. ഞാൻ ഒരു അപേക്ഷ വായിച്ചു, അതിൽ ശ്രദ്ധേ​യ​മായ ഒരു ചോദ്യ​മു​ണ്ടാ​യി​രു​ന്നു, ‘കഴിഞ്ഞ ആറു മാസത്തെ നിങ്ങളു​ടെ ശരാശരി വയൽസേവന മണിക്കൂർ എത്രയാണ്‌? ശരാശരി മണിക്കൂർ പത്തിൽ താഴെ​യാ​ണെ​ങ്കിൽ എന്തു​കൊ​ണ്ടെന്നു വിശദീ​ക​രി​ക്കുക.’ എന്റെ കുറഞ്ഞ മണിക്കൂ​റി​നു ന്യായ​മായ കാരണം കണ്ടുപി​ടി​ക്കു​വാൻ എനിക്കു കഴിഞ്ഞില്ല, അതു​കൊ​ണ്ടു ഞാൻ ഒരു ലാക്കു വെക്കു​ക​യും അഞ്ചു മാസം അതിൽ എത്തി​ച്ചേ​രു​ക​യും ചെയ്‌തു.

¹⁹ “പയനി​യ​റിംഗ്‌ ചെയ്യാ​തി​രി​ക്കു​ന്ന​തിന്‌ ഏതാനും കാരണങ്ങൾ കണ്ടുപി​ടി​ക്കാൻ എനിക്കു കഴിഞ്ഞു​വെ​ങ്കി​ലും, ഞാൻ 1983-ലെ യഹോ​വ​യു​ടെ സാക്ഷി​ക​ളു​ടെ വാർഷി​ക​പു​സ്‌തകം [ഇംഗ്ലീഷ്‌] വായി​ച്ച​പ്പോൾ മററു പലരും പയനി​യ​റിംഗ്‌ നടത്തു​ന്ന​തി​നു​വേണ്ടി എന്റേതി​നെ​ക്കാൾ വലിയ തടസ്സങ്ങൾ മറിക​ട​ന്നി​ട്ടു​ണ്ടെന്ന്‌ എനിക്കു ബോധ്യ​മാ​യി. അങ്ങനെ 1983 ഏപ്രിൽ 1-നു ഞാൻ എന്റെ ആദായ​ക​ര​മായ മുഴു​സമയ ജോലി വിട്ടു​ക​ളഞ്ഞ്‌ ഒരു സഹായ​പ​യ​നി​യ​റാ​കു​ക​യും 1983 സെപ്‌റ​റം​ബർ 1-നു നിരന്ത​ര​പ​യ​നി​യ​റിംഗ്‌ അണിക​ളിൽ പ്രവേ​ശി​ക്കു​ക​യും ചെയ്‌തു.

²⁰ “പിന്നീട്‌, സന്തോ​ഷ​ക​ര​മെ​ന്നു​പ​റ​യട്ടെ, 1985 ഏപ്രി​ലിൽ ഒരു പക്വത​യുള്ള ശുശ്രൂ​ഷാ​ദാ​സ​നു​മാ​യുള്ള എന്റെ വിവാഹം നടന്നു. മൂന്നു വർഷം കഴിഞ്ഞ്‌, ഡിസ്‌ട്രി​ക്‌ററ്‌ കൺ​വെൻ​ഷ​നിൽവെച്ചു പയനി​യ​റിം​ഗി​നെ​ക്കു​റി​ച്ചുള്ള ഒരു പ്രസംഗം കേട്ട​പ്പോൾ ഭർത്താവ്‌: ‘സെപ്‌റ​റം​ബർ 1മുതൽ ഞാൻ പയനി​യ​റിംഗ്‌ തുടങ്ങാ​തി​രി​ക്കാൻ വല്ല കാരണ​വും നീ കാണു​ന്നു​ണ്ടോ?, എന്ന്‌ എന്നോടു മന്ത്രി​ക്കാൻ പ്രേരി​ത​നാ​യി. അദ്ദേഹം അടുത്ത രണ്ടു വർഷ​ത്തേക്ക്‌ ഈ വേലയിൽ എന്നോ​ടൊ​പ്പം ചേർന്നു.

²¹ “എന്റെ ഭർത്താവു രണ്ടാഴ്‌ച​ത്തേക്കു ബ്രുക്ക്‌ളിൻ ബെഥേ​ലിൽ നിർമാ​ണ​വേല ചെയ്യു​വാൻ സ്വമേ​ധയാ ചേരു​ക​യും അന്തർദേ​ശീയ നിർമാണ പരിപാ​ടി​യിൽ ചേരാൻ അപേക്ഷി​ക്കു​ക​യും ചെയ്‌തു. അങ്ങനെ ഞങ്ങൾ ഒരു മാസ​ത്തേക്ക്‌ 1989 മെയ്യിൽ ബ്രാഞ്ച്‌ നിർമാ​ണ​ത്തിൽ സഹായി​ക്കു​വാൻ നൈജീ​രി​യ​യി​ലേക്കു പോയി. നാളെ ഞങ്ങൾ ജർമനി​യി​ലേക്കു യാത്ര​യാ​കു​ക​യാണ്‌. അവിടെ ഞങ്ങൾക്കു പോള​ണ്ടി​ലേക്കു കടക്കാ​നുള്ള വിസ ക്രമീ​ക​രി​ക്കും. ഇത്ര പ്രാധാ​ന്യ​മേ​റിയ ഒരു കെട്ടിട നിർമാ​ണ​ത്തിൽ ഉൾപ്പെ​ടാ​നും ഈ രീതി​യി​ലുള്ള പുതി​യൊ​രു മുഴു​സമയ സേവന​ത്തി​ന്റെ ഭാഗമാ​കാൻ കഴിഞ്ഞ​തി​ലും ഞങ്ങൾ പുളകി​ത​രാണ്‌.”

22. (എ) പത്രോ​സി​നെ​പ്പോ​ലെ നമ്മളും അറിയാ​തെ ഒരു ഇടർച്ച​യാ​യി​ത്തീർന്നേ​ക്കാ​വു​ന്നത്‌ എങ്ങനെ? (ബി) യഹോ​വയെ ആത്മത്യാ​ഗ​ത്തി​ന്റേ​തായ ഒരു ആത്മാ​വോ​ടെ സേവി​ക്കു​ന്നത്‌ എന്തിൽ ആശ്രയി​ച്ചി​രി​ക്കു​ന്നില്ല?

²² നിങ്ങൾക്കു പയനി​യ​റിം​ഗു നടത്താൻ കഴിയു​ന്നി​ല്ലെ​ങ്കിൽ മുഴു​സമയ സേവന​ത്തി​ലു​ള്ള​വരെ അവരുടെ പദവി​യിൽ ഉറച്ചു​നി​ല്‌ക്കാൻ പ്രോ​ത്സാ​ഹി​പ്പി​ക്കാ​നും ഒരുപക്ഷേ അപ്രകാ​രം ചെയ്യാൻ അവരെ സഹായി​ക്കാ​നും​കൂ​ടി നിങ്ങൾക്കു കഴിയു​മോ? അല്ലെങ്കിൽ പത്രോ​സി​നെ​പ്പോ​ലെ, ഒരു ഇടർച്ച​യാ​യേ​ക്കാ​മെന്നു തിരി​ച്ച​റി​യാ​തെ ഒരു മുഴു​സമയ പ്രവർത്ത​ക​നോ​ടു വിശ്ര​മി​ച്ചു സുഖജീ​വി​തം നയിക്കൂ, തന്നോ​ടു​തന്നെ ദയാലു​വാ​യി​രി​ക്കൂ എന്നൊക്കെ ശുദ്ധഗ​തി​യോ​ടെ പറഞ്ഞേ​ക്കാ​വുന്ന ചില കുടും​ബാം​ഗ​ങ്ങ​ളെ​യോ സുഹൃ​ത്തു​ക്ക​ളെ​യോ പോ​ലെ​യാ​യി​രി​ക്കു​മോ? ഒരു പയനി​യ​റു​ടെ ആരോ​ഗ്യം ഗൗരവ​മാ​യി അപകട​ത്തി​ലാ​ണെ​ങ്കിൽ അല്ലെങ്കിൽ അയാൾ ക്രിസ്‌തീയ ഉത്തരവാ​ദി​ത്വ​ങ്ങൾ അവഗണി​ക്കു​ക​യാ​ണെ​ങ്കിൽ കുറെ സമയ​ത്തേക്ക്‌ അയാൾ മുഴു​സ​മ​യ​സേ​വനം നിർത്തേ​ണ്ടി​വ​ന്നേ​ക്കാ​മെ​ന്നതു ശരിതന്നെ. ആത്മത്യാ​ഗ​ത്തി​ന്റെ ആത്മാ​വോ​ടെ യഹോ​വയെ സേവി​ക്കു​ന്നതു പയനി​യ​റോ ബെഥേ​ലം​ഗ​മോ മററാ​രെ​ങ്കി​ലു​മോ പോലുള്ള ഒരു സ്ഥാന​പ്പേ​രിൽ അല്ല ആശ്രയി​ച്ചി​രി​ക്കു​ന്നത്‌. പ്രത്യുത, അതു നമ്മൾ വ്യക്തി​ക​ളെ​ന്ന​നി​ല​യിൽ എങ്ങനെ ചിന്തി​ക്കു​ന്നു, നമ്മൾ എന്തു ചെയ്യുന്നു, നമ്മൾ മററു​ള്ള​വ​രോട്‌ എങ്ങനെ ഇടപെ​ടു​ന്നു, നമ്മൾ നമ്മുടെ ജീവിതം എങ്ങനെ നയിക്കു​ന്നു എന്നതി​ലാണ്‌ ആശ്രയി​ച്ചി​രി​ക്കു​ന്നത്‌.

23. (എ) ദൈവ​ത്തി​ന്റെ ഒരു കൂട്ടു​വേ​ല​ക്കാ​ര​നാ​യി​രി​ക്കു​ന്ന​തി​ന്റെ സന്തോഷം തുടർന്നു​മു​ണ്ടാ​യി​രി​ക്കാൻ നമുക്ക്‌ എങ്ങനെ സാധി​ക്കും? (ബി) എബ്രായർ 6:10-12-ൽ നമ്മൾ എന്ത്‌ ഉറപ്പു കാണുന്നു?

²³ നമുക്കു യഥാർഥ​ത്തിൽ ആത്മത്യാ​ഗ​ത്തി​ന്റെ ആത്മാവു​ണ്ടെ​ങ്കിൽ ദൈവ​ത്തി​ന്റെ കൂട്ടു​വേ​ല​ക്കാ​രാ​യി​രി​ക്കു​ന്ന​തി​ന്റെ സന്തോഷം നമുക്കു​ണ്ടാ​കും. (1 കൊരി​ന്ത്യർ 3:9) നമ്മൾ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ക​യാ​കു​ന്നു എന്നറി​യു​ന്ന​തി​ന്റെ സംതൃ​പ്‌തി നമുക്കു​ണ്ടാ​കും. (സദൃശ​വാ​ക്യ​ങ്ങൾ 27:11) കൂടാതെ യഹോവ നമ്മെ ഒരിക്ക​ലും മറക്കു​ക​യി​ല്ലെ​ന്നും അല്ലെങ്കിൽ അവിടു​ത്തോ​ടു വിശ്വ​സ്‌ത​രാ​യി നിൽക്കു​ന്നി​ട​ത്തോ​ളം​കാ​ലം അവിടു​ന്നു നമ്മെ ഉപേക്ഷി​ക്കു​ക​യി​ല്ലെ​ന്നു​മുള്ള ഉറപ്പും നമുക്കുണ്ട്‌.—എബ്രായർ 6:10-12.

[അടിക്കു​റിപ്പ്‌]

നിങ്ങളു​ടെ ചിന്തകൾ എന്തെല്ലാ​മാണ്‌?

▫ ആത്മത്യാ​ഗ​പ​ര​മായ ഒരു ജീവി​ത​ഗ​തി​ക്കു പത്രോസ്‌ അറിയാ​തെ ഒരു ഇടർച്ച​യാ​യത്‌ എങ്ങനെ?

▫ തന്നെത്തന്നെ ത്യജി​ക്കുക എന്നതിന്റെ അർഥം എന്ത്‌?

▫ ഒരു ക്രിസ്‌ത്യാ​നി തന്റെ ദണ്ഡനസ്‌തം​ഭം വഹിക്കു​ന്നത്‌ എങ്ങനെ?

▫ നമ്മൾ ആത്മത്യാ​ഗ​ത്തി​ന്റെ ഒരു ആത്മാവി​നെ വികസി​പ്പി​ച്ചെ​ടു​ക്കു​ക​യും നിലനിർത്തു​ക​യും ചെയ്യു​ന്നത്‌ എങ്ങനെ?

▫ ആത്മത്യാ​ഗ​ത്തി​ന്റെ ആത്മാവി​നു പിന്നിലെ പ്രേര​ക​ശക്തി എന്ത്‌?

[10-ാം പേജിലെ ചിത്രം]

നിങ്ങൾ നിങ്ങ​ളെ​ത്തന്നെ ത്യജി​ക്കാ​നും നിങ്ങളു​ടെ ദണ്ഡനസ്‌തം​ഭം എടുക്കാ​നും യേശു​വി​നെ തുടർച്ച​യാ​യി അനുഗ​മി​ക്കാ​നും സന്നദ്ധരാ​ണോ?