നിങ്ങളു​ടെ സഹിഷ്‌ണു​തക്കു ദൈവ​ഭക്തി പ്രദാനം ചെയ്യുക

“നിങ്ങളു​ടെ വിശ്വാ​സ​ത്തി​നു . . . സഹിഷ്‌ണു​ത​യും നിങ്ങളു​ടെ സഹിഷ്‌ണു​തക്കു ദൈവ​ഭ​ക്തി​യും . . . പ്രദാനം ചെയ്യുക.”—2 പത്രോസ്‌ 1:5, 6, NW.

1, 2. (എ) നാസി​ക​ളു​ടെ അധികാ​ര​ത്തി​ലി​രുന്ന രാജ്യ​ങ്ങ​ളിൽ യഹോ​വ​യു​ടെ സാക്ഷി​കൾക്ക്‌ 1930-കളിൽ തുടങ്ങി എന്തു സംഭവി​ച്ചു, എന്തു​കൊണ്ട്‌? (ബി) ഈ ക്രൂര​മായ പെരു​മാ​റ​റ​ത്തിൻ കീഴിൽ യഹോ​വ​യു​ടെ ജനം എങ്ങനെ കഴിഞ്ഞു?

അത്‌ 20-ാം നൂററാ​ണ്ടി​ലെ ഇരുളടഞ്ഞ ഒരു കാലഘ​ട്ട​മാ​യി​രു​ന്നു. ആയിര​ത്തി​ത്തൊ​ള്ളാ​യി​ര​ത്തി​മു​പ്പതു​ക​ളിൽ തുടങ്ങി, നാസി​ക​ളു​ടെ അധികാ​ര​ത്തി​ലി​രുന്ന രാജ്യ​ങ്ങ​ളിൽ ആയിര​ക്ക​ണ​ക്കി​നു യഹോ​വ​യു​ടെ സാക്ഷികൾ അന്യാ​യ​മാ​യി അറസ്‌റ​റു​ചെ​യ്യ​പ്പെ​ടു​ക​യും തടങ്കൽപ്പാ​ള​യ​ങ്ങ​ളിൽ തള്ളപ്പെ​ടു​ക​യും ചെയ്‌തു. എന്തു​കൊണ്ട്‌? കാരണം അവർ നിഷ്‌പ​ക്ഷ​രാ​യി നിൽക്കാൻ ധൈര്യ​പ്പെ​ടു​ക​യും ഹിററ്‌ലറെ വന്ദിക്കാൻ വിസമ്മ​തി​ക്കു​ക​യും ചെയ്‌തു. അവരോട്‌ എങ്ങനെ പെരു​മാ​റി? “ബൈബിൾ വിദ്യാർഥി​ക​ളെ​പ്പോ​ലെ [യഹോ​വ​യു​ടെ സാക്ഷികൾ] തടവു​പു​ള്ളി​ക​ളു​ടെ മറെറാ​രു കൂട്ടവും എസ്‌.എസ്‌. [SS]പട്ടാളക്കാരുടെ അത്യധി​ക​മായ ക്രൂര​ത​യ്‌ക്കു വിധേ​യ​മാ​യി​ട്ടില്ല. ലോക​ത്തി​ലെ ഒരു ഭാഷയ്‌ക്കും വർണി​ക്കാൻ കഴിയി​ല്ലാത്ത, ശാരീ​രി​ക​വും മാനസി​ക​വും ആയ പീഡന​ങ്ങ​ളു​ടെ അന്തമി​ല്ലാത്ത പരമ്പര​യാൽ തിരി​ച്ച​റി​യി​ക്ക​പ്പെട്ട ഒരുതരം ക്രൂര​ത​യാ​യി​രു​ന്നു അത്‌.”—ജർമൻ ഗവൺമെൻറി​ലെ ഒരു മുൻ ഉദ്യോ​ഗ​സ്ഥ​നായ കാൾ വിററിഗ്‌.

² സാക്ഷി​ക​ളു​ടെ അവസ്ഥ എന്തായി​രു​ന്നു? നാസി രാഷ്‌ട്ര​വും പുതിയ മതങ്ങളും: വിയോ​ജി​പ്പു സംബന്ധിച്ച അഞ്ചു പഠനങ്ങൾ (The Nazi State and the New Religions: Five Case Studies in Non-Conformity) എന്ന തന്റെ പുസ്‌ത​ക​ത്തിൽ ഡോ. ക്രിസ്‌റ​റീൻ ഇ. കിങ്‌ ഇങ്ങനെ കുറി​ക്കൊ​ണ്ടു: “[മററു മതവി​ഭാ​ഗ​ങ്ങ​ളോ​ടുള്ള താരത​മ്യ​ത്തിൽ] സാക്ഷി​ക​ളോ​ടു മാത്രമേ ഗവൺമെൻറ്‌ പരാജ​യ​പ്പെ​ട്ടു​ള്ളു.” അതേ, തങ്ങളിൽ നൂറു​ക​ണ​ക്കി​നു​പേർ മരണ​ത്തോ​ളം സഹിച്ചു​നിൽക്കു​ന്ന​തി​നെ ഇത്‌ അർഥമാ​ക്കി​യെ​ങ്കി​ലും യഹോ​വ​യു​ടെ സാക്ഷികൾ പൊതു​വെ ഉറച്ചു​നി​ന്നു.

3. കഠിന​മായ പീഡാ​നു​ഭ​വങ്ങൾ സഹിച്ചു​നിൽക്കാൻ യഹോ​വ​യു​ടെ സാക്ഷി​കളെ പ്രാപ്‌ത​രാ​ക്കി​യി​രി​ക്കു​ന്നത്‌ എന്താണ്‌?

³ നാസി ജർമനി​യിൽ മാത്രമല്ല, ലോക​മെ​മ്പാ​ടും ഇത്തരം പീഡാ​നു​ഭ​വങ്ങൾ സഹിച്ചു​നിൽക്കാൻ യഹോ​വ​യു​ടെ സാക്ഷി​കളെ പ്രാപ്‌ത​രാ​ക്കി​യി​രി​ക്കു​ന്നത്‌ എന്താണ്‌? അവരുടെ ദൈവ​ഭക്തി നിമിത്തം അവരുടെ സ്വർഗീയ പിതാവു സഹിച്ചു​നിൽക്കാൻ അവരെ സഹായി​ച്ചി​രി​ക്കു​ന്നു. “കർത്താവു [യഹോവ] ഭക്തൻമാ​രെ പരീക്ഷ​യിൽനി​ന്നു വിടു​വി​പ്പാൻ . . . അറിയു​ന്നു​വ​ല്ലോ” എന്ന്‌ അപ്പോ​സ്‌ത​ല​നായ പത്രോസ്‌ വിശദീ​ക​രി​ക്കു​ന്നു. (2 പത്രൊസ്‌ 2:9, 10) ക്രിസ്‌ത്യാ​നി​ക​ളോ​ടു പത്രോസ്‌ അതേ ലേഖന​ത്തിൽ നേരത്തെ ഇങ്ങനെ ഉപദേ​ശി​ച്ചി​രു​ന്നു: “നിങ്ങളു​ടെ വിശ്വാ​സ​ത്തി​നു . . . സഹിഷ്‌ണു​ത​യും നിങ്ങളു​ടെ സഹിഷ്‌ണു​തക്കു ദൈവ​ഭ​ക്തി​യും . . . പ്രദാനം ചെയ്യുക.” (2 പത്രോസ്‌ 1:5, 6, NW) അതു​കൊണ്ട്‌, സഹിഷ്‌ണുത ദൈവ​ഭ​ക്തി​യോട്‌ അടുത്തു ബന്ധപ്പെ​ട്ടി​രി​ക്കു​ന്നു. വാസ്‌ത​വ​ത്തിൽ, അവസാ​ന​ത്തോ​ളം സഹിച്ചു​നിൽക്കാൻ നാം ‘ദൈവ​ഭക്തി പിന്തു​ട​രു​ക​യും’ അതു പ്രകട​മാ​ക്കു​ക​യും വേണം. (1 തിമൊ​ഥെ​യൊസ്‌ 6:11) എന്നാൽ ദൈവ​ഭക്തി കൃത്യ​മാ​യി എന്താണ്‌?

ദൈവ​ഭക്തി ആയിരി​ക്കു​ന്നത്‌

4, 5. ദൈവ​ഭക്തി എന്താണ്‌?

⁴ “ദൈവ​ഭക്തി”യുടെ ഗ്രീക്ക്‌ നാമം (യൂസീ​ബിയ) അക്ഷരീ​യ​മാ​യി “ഉചിത​മായ ആദരിക്കൽ” എന്നു വിവർത്തനം ചെയ്യാ​വു​ന്ന​താണ്‌.a (2 പത്രോസ്‌ 1:6, കിങ്‌ഡം ഇൻറർലീ​നി​യർ) അതു ദൈവ​ത്തോ​ടുള്ള ഊഷ്‌മ​ള​വും ഹൃദയം​ഗ​മ​വു​മായ ഒരു വികാ​രത്തെ കുറി​ക്കു​ന്നു. ഡബ്ലിയു. ഇ. വൈൻ പറയു​ന്ന​ത​നു​സ​രിച്ച്‌ “ഉചിത​മായ ആദരവുള്ള” എന്നു വാച്യാർഥ​മുള്ള നാമവി​ശേ​ഷ​ണ​മായ യൂസീ​ബെസ്‌ “ദൈവ​ത്തോ​ടുള്ള പരിശു​ദ്ധ​മായ ഭക്ത്യാ​ദ​ര​വി​നാൽ നയിക്ക​പ്പെട്ട്‌ അർപ്പി​ത​മായ പ്രവർത്ത​ന​ത്തിൽ പ്രകട​മാ​കുന്ന കർമ​ശേ​ഷി​യെ അർഥമാ​ക്കു​ന്നു.”—2 പത്രോസ്‌ 2:9, ഇൻറർ.

⁵ അതു​കൊണ്ട്‌, ദൈവ​ഭക്തി എന്ന പദം യഹോ​വ​യ്‌ക്കു പ്രസാ​ദ​ക​ര​മാ​യ​തു​ചെ​യ്യാൻ നമ്മെ പ്രേരി​പ്പി​ക്കുന്ന അവിടു​ത്തോ​ടുള്ള ഭക്ത്യാ​ദ​ര​വി​നെ അഥവാ ഭക്തിയെ പരാമർശി​ക്കു​ന്നു. ഇതു ക്ലേശക​ര​മായ പീഡാ​നു​ഭ​വ​ത്തി​ന്റെ ഭീഷണി​യിൻ കീഴിൽപ്പോ​ലും ചെയ്യ​പ്പെ​ടു​ന്നു, കാരണം നാം ദൈവത്തെ ഹൃദയ​ത്തിൽനി​ന്നു സ്‌നേ​ഹി​ക്കു​ന്നു. അതു നമ്മുടെ ജീവി​ത​രീ​തി​യിൽ പ്രകടി​ത​മാ​കുന്ന, യഹോ​വ​യു​മാ​യുള്ള വിശ്വ​സ്‌ത​മായ, വ്യക്തി​പ​ര​മായ ഒരു ബന്ധമാണ്‌. തങ്ങൾ “പൂർണ ദൈവ​ഭ​ക്തി​യോ​ടെ ശാന്തവും സ്വസ്ഥവു​മായ ഒരു ജീവിതം” നയിക്കാൻ ഇടയാ​ക്ക​ണമേ എന്നു പ്രാർഥി​ക്കാൻ സത്യ​ക്രി​സ്‌ത്യാ​നി​കൾ പ്രോ​ത്സാ​ഹി​പ്പി​ക്ക​പ്പെ​ട്ടി​രി​ക്കു​ന്നു. (1 തിമോ​ഥെ​യോസ്‌ 2:1, 2, NW) നിഘണ്ടു രചയി​താ​ക്ക​ളായ ജെ. പി. ലോയും ഇ. ഐ. നൈഡ​യും പറയു​ന്ന​പ്ര​കാ​രം, “1 തിമോ. 2:2-ലെ [യൂസീ​ബിയ] നിരവധി ഭാഷക​ളിൽ ‘നാം ജീവി​ക്ക​ണ​മെന്നു ദൈവം ആഗ്രഹി​ക്കു​ന്ന​തു​പോ​ലെ ജീവി​ക്കുക’ എന്നോ ‘നാം ജീവി​ക്ക​ണ​മെന്നു ദൈവം പറഞ്ഞി​രി​ക്കു​ന്ന​തു​പോ​ലെ ജീവി​ക്കുക’ എന്നോ ഉചിത​മാ​യി വിവർത്തനം ചെയ്യാ​വു​ന്ന​താണ്‌.”

6. സഹിഷ്‌ണു​ത​യും ദൈവ​ഭ​ക്തി​യും തമ്മിലുള്ള ബന്ധമെ​ന്താണ്‌?

⁶ ഇപ്പോൾ നമുക്കു സഹിഷ്‌ണു​ത​യും ദൈവ​ഭ​ക്തി​യും തമ്മിലുള്ള ബന്ധം മെച്ചമാ​യി വിലമ​തി​ക്കാൻ കഴിയു​ന്നു. ദൈവം ആഗ്രഹി​ക്കു​ന്ന​തു​പോ​ലെ—ദൈവ​ഭ​ക്തി​യോ​ടെ—ജീവി​ക്കു​ന്ന​തി​നാൽ നാം ലോക​ത്തി​ന്റെ വിദ്വേ​ഷം വരുത്തി​ക്കൂ​ട്ടു​ന്നു, അതു സ്ഥിരമാ​യി വിശ്വാ​സ​ത്തി​ന്റെ പരി​ശോ​ധ​നകൾ കൊണ്ടു​വ​രു​ന്നു. (2 തിമൊ​ഥെ​യൊസ്‌ 3:12) എന്നാൽ നമ്മുടെ സ്വർഗീയ പിതാ​വി​നോ​ടുള്ള വ്യക്തി​പ​ര​മായ ബന്ധമി​ല്ലാ​യി​രു​ന്നെ​ങ്കിൽ ഇത്തരം പരി​ശോ​ധ​നകൾ സഹിച്ചു​നിൽക്കാൻ നാം ഒരുവി​ധ​ത്തി​ലും പ്രചോ​ദനം ഉൾക്കൊ​ള്ളു​മാ​യി​രു​ന്നില്ല. കൂടാതെ, ഹൃദയം​ഗ​മ​മായ അത്തരം ദൈവ​ഭ​ക്തി​യോ​ടു ദൈവം പ്രതി​ക​രി​ക്കു​ന്നു. എല്ലാത്തരം എതിർപ്പു​മു​ണ്ടാ​യാ​ലും, അവിടു​ത്തോ​ടുള്ള ഭക്തി നിമിത്തം അവിടു​ത്തെ പ്രസാ​ദി​പ്പി​ക്കാൻ ശ്രമി​ക്കു​ന്ന​വരെ സ്വർഗ​ത്തിൽനി​ന്നു താഴേക്കു നോക്കി നിരീ​ക്ഷി​ക്കു​ന്നതു യഹോ​വ​യ്‌ക്ക്‌ എങ്ങനെ​യുള്ള വികാ​ര​മു​ള​വാ​ക്കേ​ണ്ട​താ​ണെന്ന്‌ ഒന്നു വിഭാ​വനം ചെയ്യുക. അവിടു​ന്നു “ഭക്തൻമാ​രെ പരീക്ഷ​യിൽനി​ന്നു വിടു​വി​പ്പാൻ” ആഗ്രഹ​മു​ള്ള​വ​നാ​യി​രി​ക്കു​ന്നത്‌ അതിശ​യമല്ല!

7. ദൈവ​ഭക്തി നട്ടുവ​ളർത്തേ​ണ്ടത്‌ എന്തു​കൊണ്ട്‌?

⁷ എന്നിരു​ന്നാ​ലും നാം ദൈവ​ഭ​ക്തി​യോ​ടെയല്ല ജനിച്ചി​രി​ക്കു​ന്നത്‌, ദൈവ​ഭ​ക്തി​യുള്ള മാതാ​പി​താ​ക്ക​ളിൽനി​ന്നു നാം അതു സ്വാഭാ​വി​ക​മാ​യി സമ്പാദി​ക്കു​ന്നു​മില്ല. (ഉല്‌പത്തി 8:21) മറിച്ച്‌, അതു നട്ടുവ​ളർത്തേ​ണ്ട​തുണ്ട്‌. (1 തിമൊ​ഥെ​യൊസ്‌ 4:7, 10) നമ്മുടെ സഹിഷ്‌ണു​ത​ക്കും വിശ്വാ​സ​ത്തി​നും ദൈവ​ഭക്തി പ്രദാനം ചെയ്യാൻ നാം പ്രവർത്തി​ക്കേ​ണ്ട​തുണ്ട്‌. ഇതിന്‌ “ആത്മാർഥ​മായ ശ്രമം” ആവശ്യ​മാ​ണെന്നു പത്രോസ്‌ പറയുന്നു. (2 പത്രോസ്‌ 1:5, NW) അങ്ങനെ​യെ​ങ്കിൽ നമുക്കു ദൈവ​ഭക്തി എങ്ങനെ ആർജി​ക്കാൻ കഴിയും?

നാം ദൈവ​ഭക്തി എങ്ങനെ ആർജി​ക്കു​ന്നു?

8. അപ്പോ​സ്‌ത​ല​നായ പത്രോസ്‌ പറയു​ന്ന​ത​നു​സ​രിച്ച്‌, ദൈവ​ഭക്തി ആർജി​ക്കാ​നുള്ള താക്കോൽ എന്താണ്‌?

⁸ ദൈവ​ഭക്തി ആർജി​ക്കാ​നുള്ള താക്കോൽ അപ്പോ​സ്‌ത​ല​നായ പത്രോസ്‌ വിശദീ​ക​രി​ച്ചു. “ദൈവ​ത്തി​ന്റെ​യും നമ്മുടെ കർത്താ​വായ യേശു​വി​ന്റെ​യും പരിജ്ഞാ​ന​ത്തിൽ നിങ്ങൾക്കു കൃപയും സമാധാ​ന​വും വർദ്ധി​ക്കു​മാ​റാ​കട്ടെ. തന്റെ മഹത്വ​ത്താ​ലും വീര്യ​ത്താ​ലും നമ്മെ വിളി​ച്ച​വന്റെ പരിജ്ഞാ​ന​ത്താൽ അവന്റെ ദിവ്യ​ശക്തി ജീവന്നും ഭക്ഷിക്കും വേണ്ടി​യതു ഒക്കെയും നമുക്കു ദാനം ചെയ്‌തി​രി​ക്കു​ന്നു​വ​ല്ലോ.” (2 പത്രൊസ്‌ 1:2, 3) അതു​കൊ​ണ്ടു നമ്മുടെ വിശ്വാ​സ​ത്തി​നും സഹിഷ്‌ണു​ത​ക്കും ദൈവ​ഭക്തി പ്രദാനം ചെയ്യാൻ നാം യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും കുറി​ച്ചുള്ള സൂക്ഷ്‌മ​മായ, എന്നു​വെ​ച്ചാൽ, മുഴു​വ​നായ അഥവാ പൂർണ​മായ അറിവിൽ വളരേ​ണ്ട​തുണ്ട്‌.

9. ദൈവ​ത്തെ​യും യേശു​വി​നെ​യും കുറി​ച്ചുള്ള സൂക്ഷ്‌മ​മായ അറിവ്‌ ഉണ്ടായി​രി​ക്കു​ന്ന​തിൽ കേവലം അവർ ആരാ​ണെന്ന്‌ അറിയു​ന്ന​തി​നെ​ക്കാ​ള​ധി​കം ഉൾപ്പെ​ട്ടി​രി​ക്കു​ന്നു എന്ന്‌ എങ്ങനെ ചിത്രീ​ക​രി​ക്കാം?

⁹ ദൈവ​ത്തെ​യും ക്രിസ്‌തു​വി​നെ​യും കുറി​ച്ചുള്ള സൂക്ഷ്‌മ​മായ അറിവ്‌ ഉണ്ടായി​രി​ക്കുക എന്നാൽ എന്താണ്‌ അർഥം? അവർ ആരാ​ണെ​ന്ന​റി​യു​ന്ന​തി​നെ​ക്കാൾ കൂടുതൽ ഉൾപ്പെ​ട്ടി​രി​ക്കു​ന്നു എന്നതു വ്യക്തമാണ്‌. ദൃഷ്ടാ​ന്ത​ത്തിന്‌: നിങ്ങളു​ടെ അയലത്തു താമസി​ക്കു​ന്നത്‌ ആരാ​ണെന്നു നിങ്ങൾക്ക​റി​യാ​മാ​യി​രി​ക്കാം, അയാളെ പേരു വിളിച്ച്‌ അഭിവാ​ദനം ചെയ്യു​ക​പോ​ലും ചെയ്‌തേ​ക്കാം. എന്നാൽ നിങ്ങൾ അയാൾക്ക്‌ വലിയ ഒരു തുക കടം​കൊ​ടു​ക്കു​മോ? അയാൾ എങ്ങനെ​യുള്ള വ്യക്തി​യാ​ണെന്നു യഥാർഥ​മാ​യി അറിയാ​തെ നിങ്ങൾ അങ്ങനെ ചെയ്യില്ല. (സദൃശ​വാ​ക്യ​ങ്ങൾ 11:15 താരത​മ്യം ചെയ്യുക.) സമാന​മാ​യി, യഹോ​വ​യെ​യും യേശു​വി​നെ​യും സൂക്ഷ്‌മ​മാ​യി, അഥവാ പൂർണ​മാ​യി അറിയു​ന്നത്‌ അവർ സ്ഥിതി​ചെ​യ്യു​ന്നു​ണ്ടെന്നു വിശ്വ​സി​ക്കു​ക​യും അവരുടെ പേരുകൾ അറിയു​ക​യും ചെയ്യു​ന്ന​തി​നെ​ക്കാൾ കൂടുതൽ അർഥമാ​ക്കു​ന്നു. അവർക്കു​വേണ്ടി മരണ​ത്തോ​ളം​പോ​ലും പീഡാ​നു​ഭ​വങ്ങൾ സഹിച്ചു​നിൽക്കാൻ മനസ്സൊ​രു​ക്കം ഉണ്ടായി​രി​ക്കു​ന്ന​തി​നു നാം അവരെ യഥാർഥ​ത്തിൽ അടുത്ത​റി​യേ​ണ്ട​തുണ്ട്‌. (യോഹ​ന്നാൻ 17:3) ഇതിൽ ഉൾപ്പെ​ട്ടി​രി​ക്കു​ന്നത്‌ എന്താണ്‌?

10. യഹോ​വ​യെ​യും യേശു​വി​നെ​യും കുറി​ച്ചുള്ള സൂക്ഷ്‌മ​മായ അറിവു​ണ്ടാ​യി​രി​ക്കു​ന്ന​തിൽ ഏതു രണ്ടു കാര്യങ്ങൾ അടങ്ങി​യി​രി​ക്കു​ന്നു, എന്തു​കൊണ്ട്‌?

¹⁰ യഹോ​വ​യെ​യും യേശു​വി​നെ​യും കുറി​ച്ചുള്ള സൂക്ഷ്‌മ​മായ അഥവാ പൂർണ​മായ അറിവ്‌ ഉണ്ടായി​രി​ക്കു​ന്ന​തിൽ രണ്ടു കാര്യങ്ങൾ അടങ്ങി​യി​രി​ക്കു​ന്നു: (1) വ്യക്തികൾ എന്നനി​ല​യിൽ—അവരുടെ ഗുണങ്ങ​ളും വികാ​ര​ങ്ങ​ളും വഴിക​ളും—അറിയു​ന്ന​തും (2) അവരുടെ ദൃഷ്ടാന്തം അനുക​രി​ക്കു​ന്ന​തും. ദൈവ​ഭ​ക്തി​യിൽ യഹോ​വ​യോ​ടുള്ള ഹൃദയം​ഗ​മ​മായ, വ്യക്തി​പ​ര​മായ ബന്ധം അന്തർഭ​വി​ച്ചി​രി​ക്കു​ന്നു, നാം ജീവി​ക്കുന്ന വിധത്താൽ അതു തെളി​യു​ക​യും ചെയ്യുന്നു. അതു​കൊണ്ട്‌, അത്‌ ആർജി​ക്കു​ന്ന​തിന്‌, നാം യഹോ​വയെ വ്യക്തി​പ​ര​മാ​യി അറിയു​ക​യും അവിടു​ത്തെ ഇഷ്ടവും വഴിക​ളും മാനു​ഷിക വിധത്തിൽ സാധ്യ​മാ​കു​ന്ന​ട​ത്തോ​ളം പൂർണ​മാ​യി അറിയു​ക​യും വേണം. നാം ആരുടെ പ്രതി​ഛാ​യ​യിൽ സൃഷ്ടി​ക്ക​പ്പെ​ട്ടു​വോ ആ യഹോ​വയെ യഥാർഥ​ത്തിൽ അറിയു​ന്ന​തി​നു നാം അത്തരം അറിവ്‌ ഉപയോ​ഗി​ക്കു​ക​യും അവിടു​ത്തെ​പ്പോ​ലെ ആയിരി​ക്കാൻ ശ്രമി​ക്കു​ക​യും വേണം. (ഉല്‌പത്തി 1:26-28; കൊ​ലൊ​സ്സ്യർ 3:10) യേശു, താൻ പറഞ്ഞതി​ലും പ്രവർത്തി​ച്ച​തി​ലും യഹോ​വയെ പൂർണ​മാ​യി അനുക​രി​ച്ച​തി​നാൽ യേശു​വി​നെ സൂക്ഷ്‌മ​മാ​യി അറിയു​ന്നതു ദൈവ​ഭക്തി വികസി​പ്പി​ച്ചെ​ടു​ക്കു​ന്ന​തിൽ ഒരു വിലപ്പെട്ട സഹായ​മാണ്‌.—എബ്രായർ 1:3.

11. (എ) ദൈവ​ത്തെ​യും ക്രിസ്‌തു​വി​നെ​യും കുറി​ച്ചുള്ള സൂക്ഷ്‌മ​മായ അറിവു നമു​ക്കെ​ങ്ങനെ നേടാൻ കഴിയും? (ബി) നാം വായി​ക്കു​ന്ന​വ​യെ​ക്കു​റി​ച്ചു ധ്യാനി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹¹ എന്നുവ​രി​കി​ലും, ദൈവ​ത്തെ​യും യേശു​ക്രി​സ്‌തു​വി​നെ​യും കുറി​ച്ചുള്ള അത്തരം സൂക്ഷ്‌മ​മായ അറിവു നമു​ക്കെ​ങ്ങനെ നേടാൻ കഴിയും? ബൈബി​ളും ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളും ഉത്സാഹ​പൂർവം പഠിക്കു​ന്ന​തി​നാൽ.b എന്നിരു​ന്നാ​ലും, നമ്മുടെ വ്യക്തി​പ​ര​മായ ബൈബി​ള​ധ്യ​യനം നാം ദൈവ​ഭക്തി ആർജി​ക്കു​ന്ന​തിൽ കലാശി​ക്ക​ണ​മെ​ങ്കിൽ, നാം വായി​ക്കു​ന്ന​തി​നെ​ക്കു​റി​ച്ചു ധ്യാനി​ക്കാൻ, എന്നു​വെ​ച്ചാൽ വിചി​ന്ത​നം​ചെ​യ്യാൻ അഥവാ ചിന്തി​ക്കാൻ സമയം എടു​ക്കേ​ണ്ടത്‌ അത്യന്താ​പേ​ക്ഷി​ത​മാണ്‌. (യോശുവ 1:8 താരത​മ്യം ചെയ്യുക.) ഇതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? ദൈവ​ഭക്തി ദൈവ​ത്തോ​ടുള്ള ഊഷ്‌മ​ള​വും ഹൃദയം​ഗ​മ​വും ആയ വികാ​ര​മാ​ണെ​ന്നത്‌ ഓർക്കുക. തിരു​വെ​ഴു​ത്തു​ക​ളിൽ, ധ്യാനത്തെ ആലങ്കാ​രിക ഹൃദയ​വു​മാ​യി—ആന്തരിക വ്യക്തി​യു​മാ​യി—ആവർത്തി​ച്ചു ബന്ധപ്പെ​ടു​ത്തി​യി​രി​ക്കു​ന്നു. (സങ്കീർത്തനം 19:14; 49:3; സദൃശ​വാ​ക്യ​ങ്ങൾ 15:28) നാം വായി​ക്കു​ന്ന​വ​യെ​ക്കു​റി​ച്ചു വിലമ​തി​പ്പോ​ടെ ചിന്തി​ക്കു​മ്പോൾ അത്‌ ഉള്ളിലെ വ്യക്തി​യി​ലേക്ക്‌ അരിച്ചി​റ​ങ്ങു​ന്നു, അങ്ങനെ അതു നമ്മുടെ അനുഭൂ​തി​കളെ ഇളക്കി​മ​റി​ക്കു​ക​യും വികാ​ര​ങ്ങളെ സ്‌പർശി​ക്കു​ക​യും നമ്മുടെ ചിന്തയെ സ്വാധീ​നി​ക്കു​ക​യും ചെയ്യുന്നു. അപ്പോൾ മാത്രമേ പഠനത്തി​നു യഹോ​വ​യു​മാ​യുള്ള നമ്മുടെ വ്യക്തി​പ​ര​മായ ബന്ധത്തെ ശക്തി​പ്പെ​ടു​ത്താ​നും വെല്ലു​വി​ളി​പ​ര​മായ സാഹച​ര്യ​ങ്ങ​ളി​ലോ കഠിന​മായ പരി​ശോ​ധ​ന​ക​ളി​ലോ പോലും ദൈവത്തെ പ്രസാ​ദി​പ്പി​ക്കും​വി​ധം ജീവി​ക്കാൻ നമ്മെ പ്രേരി​പ്പി​ക്കാ​നും കഴിയൂ.

ഭവനത്തിൽ ദൈവ​ഭക്തി ആചരിക്കൽ

12. (എ) പൗലോസ്‌ പറയു​ന്ന​ത​നു​സ​രിച്ച്‌, ഒരു ക്രിസ്‌ത്യാ​നിക്ക്‌ ഭവനത്തിൽ എങ്ങനെ ദൈവ​ഭക്തി ആചരി​ക്കാം? (ബി) സത്യ​ക്രി​സ്‌ത്യാ​നി​കൾ പ്രായ​മാ​കുന്ന മാതാ​പി​താ​ക്കളെ സംരക്ഷി​ക്കു​ന്നത്‌ എന്തു​കൊണ്ട്‌?

¹² ദൈവ​ഭക്തി ആദ്യം ഭവനത്തിൽ ആചരി​ക്കേ​ണ്ട​തുണ്ട്‌. “വല്ല വിധ​വെ​ക്കും പുത്ര​പൌ​ത്രൻമാർ ഉണ്ടെങ്കിൽ അവർ മുമ്പെ സ്വന്ത കുടും​ബ​ത്തിൽ ഭക്തി കാണിച്ചു അമ്മയപ്പൻമാർക്കു പ്രത്യു​പ​കാ​രം ചെയ്‌വാൻ പഠിക്കട്ടെ; ഇതു ദൈവ​സ​ന്നി​ധി​യിൽ പ്രസാ​ദ​ക​ര​മാ​കു​ന്നു” എന്ന്‌ അപ്പോ​സ്‌ത​ല​നായ പൗലോസ്‌ പറയുന്നു. (1 തിമൊ​ഥെ​യൊസ്‌ 5:4) പ്രായ​മാ​കുന്ന മാതാ​പി​താ​ക്കളെ സംരക്ഷി​ക്കു​ന്നത്‌, പൗലോസ്‌ കുറി​ക്കൊ​ള്ളു​ന്ന​തു​പോ​ലെ, ദൈവ​ഭ​ക്തി​യു​ടെ ഒരു പ്രകട​ന​മാണ്‌. സത്യ​ക്രി​സ്‌ത്യാ​നി​കൾ ഇങ്ങനെ സംരക്ഷി​ക്കു​ന്നത്‌ കേവലം ഒരു ചുമത​ലാ​ബോ​ധ​ത്താ​ലല്ല, മറിച്ച്‌, തങ്ങളുടെ മാതാ​പി​താ​ക്ക​ളോ​ടുള്ള സ്‌നേഹം നിമി​ത്ത​മാണ്‌. എന്നാൽ അതിൽപ്പ​ര​മാ​യി, ഒരുവന്റെ കുടും​ബ​ത്തി​നു​വേണ്ടി കരുതു​ന്ന​തി​നു യഹോവ നൽകുന്ന പ്രാധാ​ന്യം അവർ തിരി​ച്ച​റി​യു​ന്നു. ആവശ്യ​മു​ള്ള​സ​മ​യത്തു തങ്ങളുടെ മാതാ​പി​താ​ക്കളെ സഹായി​ക്കാൻ വിസമ്മ​തി​ക്കു​ന്നതു ‘ക്രിസ്‌തീയ വിശ്വാ​സത്തെ തള്ളിപ്പ​റ​യു​ന്ന​തി​നു’ സമമാ​ണെന്ന്‌ അവർക്കു നന്നായ​റി​യാം.—1 തിമൊ​ഥെ​യൊസ്‌ 5:8.

13. ഭവനത്തിൽ ദൈവ​ഭക്തി ആചരി​ക്കു​ന്നത്‌ ഒരു യഥാർഥ വെല്ലു​വി​ളി ആയിരി​ക്കാ​വു​ന്നത്‌ എന്തു​കൊണ്ട്‌, എന്നാൽ ഒരുവന്റെ മാതാ​പി​താ​ക്കളെ സംരക്ഷി​ക്കു​ന്ന​തിൽനിന്ന്‌ എന്തു സംതൃ​പ്‌തി ഉളവാ​കു​ന്നു?

¹³ ഭവനത്തിൽ ദൈവ​ഭക്തി ആചരി​ക്കുക എപ്പോ​ഴും എളുപ്പ​മ​ല്ലെന്നു സമ്മതി​ക്കു​ന്നു. കുടും​ബാം​ഗങ്ങൾ ഗണ്യമായ അകലത്തിൽ മാറി​പാർക്കു​ക​യാ​യി​രി​ക്കാം. പ്രായ​മായ മക്കൾ തങ്ങളുടെ സ്വന്തം കുടും​ബ​ങ്ങളെ പുലർത്തു​ക​യും സാമ്പത്തി​ക​മാ​യി ക്ലേശി​ക്കു​ക​യും ആയിരി​ക്കാം. മാതാ​പി​താ​ക്കൾക്ക്‌ ആവശ്യ​മാ​യി​രി​ക്കുന്ന സംരക്ഷ​ണ​സ്വ​ഭാ​വ​ത്തിന്‌ അല്ലെങ്കിൽ അളവിന്‌ സംരക്ഷി​ക്കു​ന്ന​വ​രു​ടെ ശാരീ​രി​ക​വും മാനസി​ക​വും വൈകാ​രി​ക​വും ആയ ആരോ​ഗ്യ​ത്തെ ആയാസ​പ്പെ​ടു​ത്താൻ കഴിയും. എന്നിരു​ന്നാ​ലും, ഒരുവന്റെ മാതാ​പി​താ​ക്കളെ സംരക്ഷി​ക്കു​ന്നത്‌ “അർഹമായ പ്രതിഫല”മായി​ത്തീ​രു​ന്നു​വെന്നു മാത്രമല്ല, “സ്വർഗ​ത്തി​ലും ഭൂമി​യി​ലു​മുള്ള സകല കുടും​ബ​ത്തി​ന്നും പേർ വരുവാൻ കാരണ​മായ”വനെ പ്രസാ​ദി​പ്പി​ക്കു​ക​യും ചെയ്യു​ന്നു​വെന്ന്‌ അറിയു​ന്ന​തിൽ യഥാർഥ സംതൃ​പ്‌തി ഉണ്ടായി​രി​ക്കാൻ കഴിയും.—എഫെസ്യർ 3:14, 15.

14, 15. കുട്ടി​ക​ളു​ടെ ഭാഗത്തെ ഭക്തിപൂർവ​ക​മായ, മാതാ​പി​താ​ക്ക​ളു​ടെ പരിപാ​ല​ന​ത്തി​ന്റെ ഒരു ദൃഷ്ടാന്തം പറയുക.

¹⁴ ശരിക്കും മനസ്സിൽ തട്ടുന്ന ഒരു ദൃഷ്ടാന്തം പരിചി​ന്തി​ക്കുക. എല്ലിസും തന്റെ അഞ്ചു സഹോ​ദ​രീ​സ​ഹോ​ദ​രൻമാ​രും വീട്ടിൽ തങ്ങളുടെ പിതാ​വി​നെ സംരക്ഷി​ക്കു​ന്ന​തിൽ ഒരു യഥാർഥ വെല്ലു​വി​ളി​യെ നേരി​ടു​ക​യാണ്‌. “എന്റെ പിതാ​വിന്‌ 1986-ൽ ഒരു ആഘാത​മു​ണ്ടാ​യി​ട്ടു പൂർണ​മാ​യും തളർന്നു​പോ​യി” എന്ന്‌ എല്ലിസ്‌ വിശദീ​ക​രി​ക്കു​ന്നു. കുളി​പ്പി​ക്കു​ന്നതു തുടങ്ങി ശരീരത്തു വ്രണങ്ങൾ ഉണ്ടാകു​ന്ന​തൊ​ഴി​വാ​ക്കാൻ തിരിച്ചു കിടത്തി​യെ​ന്നു​റപ്പു വരുത്തു​ന്ന​തു​വ​രെ​യുള്ള തങ്ങളുടെ പിതാ​വി​ന്റെ ആവശ്യങ്ങൾ നിറ​വേ​റ​റു​ന്ന​തിൽ ആ ആറു മക്കളും പങ്കുപ​റ​റു​ന്നു. “ഞങ്ങൾ പിതാ​വി​നെ വായി​ച്ചു​കേൾപ്പി​ക്കു​ന്നു, പിതാ​വി​നോ​ടു സംസാ​രി​ക്കു​ന്നു, സംഗീതം കേൾപ്പി​ക്കു​ന്നു. തനിക്കു ചുററും എന്താണു നടക്കു​ന്ന​തെന്നു പിതാ​വി​ന​റി​യാ​മോ എന്നു ഞങ്ങൾക്ക​റി​യില്ല, എങ്കിലും എല്ലാം പൂർണ​മാ​യി അറിയു​ന്നു​ണ്ടെ​ന്ന​തു​പോ​ലെ​യാ​ണു ഞങ്ങൾ പെരു​മാ​റു​ന്നത്‌.”

¹⁵ ആ മക്കൾ തങ്ങളുടെ പിതാ​വി​നു​വേണ്ടി അങ്ങനെ ചെയ്യു​ന്നത്‌ എന്തിനാണ്‌? എല്ലിസ്‌ തുടർന്നു പറയുന്നു: “1964-ൽ ഞങ്ങളുടെ അമ്മ മരിച്ച​തി​നു​ശേഷം ഡാഡി ഒററയ്‌ക്കാ​ണു ഞങ്ങളെ വളർത്തി​ക്കൊ​ണ്ടു​വ​ന്നത്‌. അപ്പോൾ ഞങ്ങൾ 5 വയസ്സു​മു​തൽ 14 വയസ്സു​വരെ പ്രായ​മു​ള്ള​വ​രാ​യി​രു​ന്നു. അന്നു ഡാഡി ഞങ്ങളെ സഹായി​ക്കാൻ ഉണ്ടായി​രു​ന്നു; ഇപ്പോൾ ഞങ്ങൾ ഡാഡിയെ സഹായി​ക്കു​ന്നു.” ഇങ്ങനെ പരിപാ​ലി​ക്കുക എളുപ്പ​മ​ല്ലെ​ന്നതു വ്യക്തമാണ്‌, കാരണം മക്കൾ ചില​പ്പോ​ഴൊ​ക്കെ നിരു​ത്സാ​ഹി​ത​രാ​കു​ക​തന്നെ ചെയ്യുന്നു. “എന്നാൽ ഞങ്ങളുടെ പിതാ​വി​ന്റെ അവസ്ഥ താത്‌കാ​ലി​ക​മായ ഒരു പ്രശ്‌ന​മാ​ണെന്നു ഞങ്ങൾ തിരി​ച്ച​റി​യു​ന്നു” എന്ന്‌ എല്ലിസ്‌ പറയുന്നു. “ഞങ്ങളുടെ ഡാഡിക്കു നല്ല ആരോ​ഗ്യം തിരികെ കിട്ടു​ക​യും ഞങ്ങളുടെ അമ്മയോ​ടു വീണ്ടും ചേരാൻ സാധി​ക്കു​ക​യും ചെയ്യുന്ന സമയത്തി​നു​വേണ്ടി ഞങ്ങൾ നോക്കി​പ്പാർത്തി​രി​ക്കു​ന്നു.” (യെശയ്യാ​വു 33:24; യോഹ​ന്നാൻ 5:28, 29) തീർച്ച​യാ​യും, മാതാ​വി​ന്റെ​യോ പിതാ​വി​ന്റെ​യോ ഇത്തരം അർപ്പണ​ബോ​ധ​ത്തോ​ടു​കൂ​ടിയ പരിപാ​ലനം മാതാ​പി​താ​ക്കളെ ബഹുമാ​നി​ക്ക​ണ​മെന്നു മക്കളോ​ടു കൽപ്പി​ക്കുന്ന ഒരുവന്റെ ഹൃദയ​ത്തിന്‌ ഊഷ്‌മളത പകരേ​ണ്ട​താണ്‌!c—എഫെസ്യർ 6:1, 2.

ദൈവ​ഭ​ക്തി​യും ശുശ്രൂ​ഷ​യും

16. നാം ശുശ്രൂ​ഷ​യിൽ എന്തു ചെയ്യു​ന്നു​വെ​ന്ന​തി​ന്റെ മുഖ്യ കാരണം എന്തായി​രി​ക്കണം?

¹⁶ യേശു​വി​നെ ‘നിരന്തരം അനുഗ​മി​ക്കാ​നുള്ള’ ക്ഷണം നാം സ്വീക​രി​ക്കു​മ്പോൾ നാം രാജ്യ​സു​വാർത്ത പ്രസം​ഗി​ക്കാ​നും ശിഷ്യരെ ഉളവാ​ക്കാ​നും ഉള്ള ഒരു ദിവ്യ​നി​യോ​ഗ​ത്തിൻ കീഴിൽ വരുന്നു. (മത്തായി 16:24; 24:14; 28:19, 20) വ്യക്തമാ​യും, ശുശ്രൂ​ഷ​യിൽ ഒരു പങ്കുണ്ടാ​യി​രി​ക്കു​ന്നത്‌ ഈ “അന്ത്യ നാളു​ക​ളിൽ” ഒരു ക്രിസ്‌തീയ കടപ്പാ​ടാണ്‌. (2 തിമോ​ഥെ​യോസ്‌ 3:1, NW) എന്നിരു​ന്നാ​ലും, പ്രസം​ഗി​ക്കു​ന്ന​തി​നും പഠിപ്പി​ക്കു​ന്ന​തി​നും ഉള്ള നമ്മുടെ പ്രചോ​ദനം കേവലം കർത്തവ്യ​ത്തി​ന്റെ​യോ കടപ്പാ​ടി​ന്റെ​യോ ഒരു ബോധ​ത്തെ​ക്കാൾ അധിക​മാ​യി​രി​ക്കേ​ണ്ട​താണ്‌. നാം ശുശ്രൂ​ഷ​യിൽ എന്തു ചെയ്യു​ന്നു​വെ​ന്ന​തി​ന്റെ​യും എന്തുമാ​ത്രം ചെയ്യു​ന്നു​വെ​ന്ന​തി​ന്റെ​യും മുഖ്യ കാരണം യഹോ​വ​യോ​ടുള്ള ആഴമായ സ്‌നേ​ഹ​മാ​യി​രി​ക്കണം. “ഹൃദയം നിറഞ്ഞു കവിയു​ന്ന​തിൽനി​ന്ന​ല്ലോ വായ്‌ സംസാ​രി​ക്കു​ന്നതു” എന്നു യേശു പറഞ്ഞു. (മത്തായി 12:34) അതേ, നമ്മുടെ ഹൃദയങ്ങൾ യഹോ​വ​യോ​ടുള്ള സ്‌നേ​ഹം​കൊ​ണ്ടു നിറഞ്ഞു​ക​വി​യു​മ്പോൾ അവിടു​ത്തെ​ക്കു​റി​ച്ചു മററു​ള്ള​വ​രോ​ടു സാക്ഷ്യം പറയാൻ നമുക്കു നിർബന്ധം തോന്നു​ന്നു. നമ്മുടെ പ്രചോ​ദനം ദൈവ​ത്തോ​ടുള്ള സ്‌നേ​ഹ​മാ​യി​രി​ക്കു​മ്പോൾ നമ്മുടെ ശുശ്രൂഷ നമ്മുടെ ദൈവ​ഭ​ക്തി​യു​ടെ ഒരു അർഥവ​ത്തായ പ്രകട​ന​മാ​യി​രി​ക്കും.

17. ശുശ്രൂ​ഷ​യ്‌ക്കാ​യുള്ള ശരിയായ പ്രചോ​ദനം നമുക്കു നട്ടുവ​ളർത്താൻ കഴിയു​ന്ന​തെ​ങ്ങനെ?

¹⁷ ശുശ്രൂ​ഷ​യ്‌ക്കാ​യുള്ള ശരിയായ പ്രചോ​ദനം നമുക്ക്‌ എങ്ങനെ നട്ടുവ​ളർത്താൻ കഴിയും? യഹോ​വയെ സ്‌നേ​ഹി​ക്കാൻ അവിടു​ന്നു നമുക്കു നൽകി​യി​രി​ക്കുന്ന മൂന്നു കാരണ​ങ്ങ​ളെ​ക്കു​റി​ച്ചു വിലമ​തി​പ്പോ​ടെ വിചി​ന്തനം നടത്തുക. (1) യഹോവ ഇതി​നോ​ടകം നമുക്കു​വേണ്ടി ചെയ്‌തി​ട്ടു​ള്ളവ നിമിത്തം നാം അവിടു​ത്തെ സ്‌നേ​ഹി​ക്കു​ന്നു. മറുവില നൽകു​ന്ന​തി​നെ​ക്കാൾ വലിയ സ്‌നേഹം പ്രകട​മാ​ക്കാൻ യഹോ​വ​യ്‌ക്കു കഴിയു​മാ​യി​രു​ന്നില്ല. (മത്തായി 20:28; യോഹ​ന്നാൻ 15:13) (2) യഹോവ നമുക്കു​വേണ്ടി ഇപ്പോൾ ചെയ്‌തു​കൊ​ണ്ടി​രി​ക്കു​ന്നവ നിമിത്തം നാം അവിടു​ത്തെ സ്‌നേ​ഹി​ക്കു​ന്നു. നമ്മുടെ പ്രാർഥ​ന​കൾക്കു​ത്തരം നൽകുന്ന യഹോ​വ​യു​മാ​യി നമുക്കു സംസാ​ര​സ്വാ​ത​ന്ത്ര്യ​മുണ്ട്‌. (സങ്കീർത്തനം 65:2; എബ്രായർ 4:14-16) രാജ്യ​താ​ത്‌പ​ര്യ​ങ്ങൾക്കു മുൻഗണന നൽകു​മ്പോൾ നാം ജീവി​ത​ത്തി​ലെ അവശ്യ​വ​സ്‌തു​ക്കൾ ആസ്വദി​ക്കു​ന്നു. (മത്തായി 6:25-33) നമ്മെ അഭിമു​ഖീ​ക​രി​ക്കുന്ന പ്രശ്‌ന​ങ്ങളെ തരണം ചെയ്യാൻ സഹായി​ക്കുന്ന ആത്മീയ ആഹാര​ത്തി​ന്റെ നിരന്ത​ര​മായ ശേഖരം നമുക്കു ലഭിക്കു​ന്നു. (മത്തായി 24:45) ലോക​ത്തി​ലെ മററു​ള്ള​വ​രിൽനി​ന്നു നമ്മെ യഥാർഥ​ത്തിൽ മാററി​നിർത്തുന്ന ലോക​വ്യാ​പക ക്രിസ്‌തീയ സഹോ​ദ​ര​വർഗ​ത്തി​ന്റെ ഭാഗമാ​യി​രി​ക്കു​ന്ന​തി​ന്റെ അനു​ഗ്രഹം നമുക്കുണ്ട്‌. (1 പത്രൊസ്‌ 2:17) (3) യഹോവ ഇനിയും നമുക്കു​വേണ്ടി ചെയ്യാ​നി​രി​ക്കു​ന്നതു നിമി​ത്ത​വും നാം അവിടു​ത്തെ സ്‌നേ​ഹി​ക്കു​ന്നു. അവിടു​ത്തെ സ്‌നേഹം നിമിത്തം നമുക്കു “യഥാർഥ ജീവ​ന്റെ​മേൽ”—ഭാവി​യി​ലെ നിത്യ​ജീ​വ​ന്റെ​മേൽ—ഒരു “ദൃഢമായ പിടി” ഉണ്ട്‌. (1 തിമോ​ഥെ​യോസ്‌ 6:12, 19, NW) നമുക്കു​വേ​ണ്ടി​യുള്ള യഹോ​വ​യു​ടെ സ്‌നേഹം നാം പരിഗ​ണി​ക്കു​മ്പോൾ, അവിടു​ത്തെ​ക്കു​റി​ച്ചും അവിടു​ത്തെ അമൂല്യ​മായ ഉദ്ദേശ്യ​ങ്ങ​ളെ​ക്കു​റി​ച്ചും മററു​ള്ള​വ​രോ​ടു പറയു​ന്ന​തിൽ ഒരു അർപ്പണ​ബോ​ധ​ത്തോ​ടു​കൂ​ടിയ പങ്കുണ്ടാ​യി​രി​ക്കാൻ നമ്മുടെ ഹൃദയം തീർച്ച​യാ​യും നമ്മെ പ്രേരി​പ്പി​ക്കും! ശുശ്രൂ​ഷ​യിൽ നാം എന്തു ചെയ്യണ​മെ​ന്നോ എന്തു മാത്രം ചെയ്യണ​മെ​ന്നോ മററു​ള്ളവർ നമ്മോടു പറയേ​ണ്ടി​വ​രില്ല. നമുക്കാ​കു​ന്നതു ചെയ്യാൻ ഹൃദയം നമ്മെ പ്രേരി​പ്പി​ക്കും.

18, 19. ശുശ്രൂ​ഷ​യിൽ പങ്കെടു​ക്കു​ന്ന​തിന്‌ ഒരു സഹോ​ദരി ഏതു തടസ്സത്തെ തരണം​ചെ​യ്‌തു?

¹⁸ വെല്ലു​വി​ളി ഉയർത്തുന്ന സാഹച​ര്യ​ങ്ങ​ളു​ടെ ഭീഷണി​യെ നേരി​ടു​മ്പോൾപ്പോ​ലും, ദൈവ​ഭ​ക്തി​യാൽ പ്രേരി​ത​മാ​കുന്ന ഒരു ഹൃദയം സംസാ​രി​ക്കാൻ നിർബ​ന്ധി​ക്ക​പ്പെ​ടും. (യിരെ​മ്യാ​വു 20:9 താരത​മ്യം ചെയ്യുക.) അത്യന്തം ലജ്ജാവ​തി​യായ ഒരു ക്രിസ്‌തീയ സ്‌ത്രീ​യായ സ്‌റെ​റ​ല്ല​യു​ടെ കാര്യം ഇതു പ്രകട​മാ​ക്കു​ന്നു. അവർ ബൈബിൾ പഠിക്കാൻ ആദ്യമാ​യി തുടങ്ങി​യ​പ്പോൾ ‘എനി​ക്കൊ​രി​ക്ക​ലും വീടു​തോ​റും പോകാൻ കഴിയില്ല!’ എന്ന്‌ അവർ വിചാ​രി​ച്ചു. “ഞാൻ എപ്പോ​ഴും വളരെ ശാന്തയാ​യി​രു​ന്നു. സംഭാ​ഷണം തുടങ്ങാൻ എനി​ക്കൊ​രി​ക്ക​ലും മററു​ള്ള​വരെ സമീപി​ക്കാൻ കഴിഞ്ഞി​രു​ന്നില്ല” അവർ വിശദീ​ക​രി​ക്കു​ന്നു. അവർ തുടർന്നു പഠിച്ച​പ്പോൾ യഹോ​വ​യോ​ടുള്ള അവരുടെ സ്‌നേഹം വളർന്നു, അവിടു​ത്തെ​ക്കു​റി​ച്ചു മററു​ള്ള​വ​രോ​ടു സംസാ​രി​ക്കു​ന്ന​തി​നുള്ള ഒരു തീവ്ര​മായ ആഗ്രഹം അവർ വികസി​പ്പി​ച്ചെ​ടു​ത്തു. “‘ഞാൻ സംസാ​രി​ക്കാൻ വളരെ​യ​ധി​കം ആഗ്രഹി​ക്കു​ന്നു, എന്നാൽ എനിക്കതു കഴിയു​ന്നില്ല, അതെന്നെ വല്ലാതെ വിഷമി​പ്പി​ക്കു​ന്നു’ എന്ന്‌ എന്നെ ബൈബിൾ പഠിപ്പി​ച്ച​യാ​ളി​നോ​ടു ഞാൻ പറഞ്ഞതാ​യി ഓർക്കു​ന്നു. അപ്പോൾ, ‘സ്‌റെ​റല്ലാ, നീ സംസാ​രി​ക്കാൻ ആഗ്രഹി​ക്കു​ന്ന​തിൽ നന്ദിയു​ള്ള​വ​ളാ​യി​രി​ക്കുക’ എന്ന്‌ ആ സഹോ​ദരി എന്നോടു പറഞ്ഞതു ഞാൻ ഒരിക്ക​ലും മറക്കില്ല.”

¹⁹ അധികം താമസി​യാ​തെ, സ്‌റെറല്ല തന്റെ അയൽക്കാ​രി​യോ​ടു സംസാ​രി​ച്ചു​തു​ടങ്ങി. പിന്നീട്‌ അവർ തന്നെ സംബന്ധി​ച്ച​ട​ത്തോ​ളം സ്‌മര​ണീ​യ​മായ ഒരു പടി സ്വീക​രി​ച്ചു—അവർ വീടു​തോ​റു​മുള്ള വേലയിൽ ആദ്യമാ​യി പങ്കെടു​ത്തു. (പ്രവൃ​ത്തി​കൾ 20:20, 21) അവർ അനുസ്‌മ​രി​ക്കു​ന്നു: “എന്റെ പ്രസംഗം ഞാൻ എഴുതി​യി​രു​ന്നു. എന്നാൽ കുറി​പ്പു​കൾ എന്റെ മുമ്പിൽത്തന്നെ ഉണ്ടായി​രു​ന്നി​ട്ടും അതിൽ കുനിഞ്ഞു നോക്കാൻ ധൈര്യം തോന്നാ​തെ ഞാൻ വളരെ ഭയന്നു​പോ​യി​രു​ന്നു!” ഇപ്പോൾ, ഏതാണ്ടു 35 വർഷങ്ങൾക്കു​ശേ​ഷ​വും സ്‌റെറല്ല പ്രകൃ​ത്യാ ലജ്ജാവ​തി​യാണ്‌. എങ്കിലും അവർ വയൽശു​ശ്രൂഷ ഇഷ്ടപ്പെ​ടു​ക​യും അതിൽ ഒരു അർഥവ​ത്തായ പങ്കുണ്ടാ​യി​രി​ക്കു​ന്ന​തിൽ തുടരു​ക​യും ചെയ്യുന്നു.

20. പീഡന​ത്തി​നോ തടവി​നോ പോലും യഹോ​വ​യു​ടെ അർപ്പണ​ബോ​ധ​മുള്ള സാക്ഷി​ക​ളു​ടെ വായട​യ്‌ക്കാൻ കഴിയി​ല്ലെന്ന്‌ ഏതു ദൃഷ്ടാന്തം പ്രകട​മാ​ക്കു​ന്നു?

²⁰ പീഡന​ത്തി​നോ തടവി​നോ പോലും അർപ്പണ​ബോ​ധ​മുള്ള യഹോ​വ​യു​ടെ സമർപ്പിത സാക്ഷി​ക​ളു​ടെ വായട​യ്‌ക്കാൻ കഴിയില്ല. ജർമനി​യി​ലെ ഏൺസ്‌റ​റി​ന്റെ​യും ഹിൽഡാ​ഗാർട്ട്‌ സെലീ​ഗ​റി​ന്റെ​യും ദൃഷ്ടാന്തം പരിചി​ന്തി​ക്കുക. അവരുടെ വിശ്വാ​സം നിമിത്തം അവർ രണ്ടു​പേ​രും​കൂ​ടെ നാസി തടങ്കൽ പാളയ​ങ്ങ​ളി​ലും കമ്മ്യൂ​ണി​സ്‌ററ്‌ തടവറ​ക​ളി​ലു​മാ​യി 40-ലധികം വർഷം ചെലവ​ഴി​ച്ചു. തടവറ​യിൽപ്പോ​ലും, അവർ മററുള്ള തടവു​പു​ള്ളി​ക​ളോ​ടു സാക്ഷീ​ക​രി​ക്കു​ന്ന​തിൽ നിർബന്ധം പിടിച്ചു. “ജയില​ധി​കാ​രി​കൾ എന്നെ വളരെ അപകട​കാ​രി​ക​ളാ​യ​വ​രിൽപ്പെ​ടു​ത്തി, കാരണം ഒരു വനിതാ ഗാർഡ്‌ പറഞ്ഞ​പ്ര​കാ​രം, ഞാൻ മുഴു​ദി​വ​സ​വും ബൈബി​ളി​നെ​ക്കു​റി​ച്ചു പറഞ്ഞു​കൊ​ണ്ടി​രു​ന്നു. അതു​കൊണ്ട്‌, എന്നെ ഒരു നിലവ​റ​യി​ലി​ട്ടു” എന്നു ഹിൽഡാ​ഗാർട്ട്‌ അനുസ്‌മ​രി​ച്ചു. അവസാനം സ്വത​ന്ത്ര​രാ​ക്കി​യ​പ്പോൾ സെലീഗർ സഹോ​ദ​ര​നും സഹോ​ദ​രി​യും മുഴു​സ​മ​യ​വും ക്രിസ്‌തീയ ശുശ്രൂ​ഷ​യ്‌ക്കാ​യി അർപ്പിച്ചു. ഇരുവ​രും മരണം​വരെ വിശ്വ​സ്‌ത​ത​യോ​ടെ സേവിച്ചു, സെലീഗർ സഹോ​ദരൻ 1985-ലും ഭാര്യ 1992-ലും മരിച്ചു.

21. നമ്മുടെ സഹിഷ്‌ണു​തക്കു ദൈവ​ഭക്തി പ്രദാനം ചെയ്യാൻ നാം എന്തു ചെയ്യണം?

²¹ നാം ദൈവ​വ​ചനം ഉത്സാഹ​പൂർവം പഠിക്കു​ക​യും പഠിക്കു​ന്ന​തി​നെ​ക്കു​റി​ച്ചു വിലമ​തി​പ്പോ​ടെ വിചി​ന്തനം ചെയ്യു​ന്ന​തി​നു സമയ​മെ​ടു​ക്കു​ക​യും​വഴി യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും കുറി​ച്ചുള്ള അറിവിൽ നാം വളരും. ക്രമത്തിൽ, ഇത്‌ ആ വില​യേ​റിയ ഗുണം—ദൈവ​ഭക്തി—തിക​വേ​റിയ അളവിൽ ആർജി​ക്കു​ന്ന​തിൽ കലാശി​ക്കും. ദൈവ​ഭക്തി കൂടാതെ, ക്രിസ്‌ത്യാ​നി​ക​ളെ​ന്ന​നി​ല​യിൽ നമ്മു​ടെ​മേൽ വരുന്ന വിവിധ പീഡാ​നു​ഭ​വങ്ങൾ സഹിച്ചു​നിൽക്കാൻ മററു മാർഗ​മില്ല. അതു​കൊണ്ട്‌, ‘നിങ്ങളു​ടെ വിശ്വാ​സ​ത്തി​നു സഹിഷ്‌ണു​ത​യും നിങ്ങളു​ടെ സഹിഷ്‌ണു​തക്കു ദൈവ​ഭ​ക്തി​യും പ്രദാനം ചെയ്യുക’ എന്ന അപ്പോ​സ്‌ത​ല​നായ പത്രോ​സി​ന്റെ ബുദ്ധ്യു​പ​ദേശം നമുക്കു പിൻപ​റ​റാം.—2 പത്രോസ്‌ 1:5, 6, NW.

[അടിക്കു​റി​പ്പു​കൾ]

നിങ്ങളുടെ ഉത്തരം എന്താണ്‌?

◻ ദൈവ​ഭക്തി എന്താണ്‌?

◻ സഹിഷ്‌ണു​ത​യും ദൈവ​ഭ​ക്തി​യും തമ്മിലുള്ള ബന്ധം എന്താണ്‌?

◻ ദൈവ​ഭക്തി ആർജി​ക്കാ​നുള്ള താക്കോൽ എന്താണ്‌?

◻ ഒരു ക്രിസ്‌ത്യാ​നിക്ക്‌ ഭവനത്തിൽ ദൈവ​ഭക്തി എങ്ങനെ ആചരി​ക്കാം?

◻ നാം ശുശ്രൂ​ഷ​യിൽ എന്തു ചെയ്യു​ന്നു​വെ​ന്ന​തി​ന്റെ മുഖ്യ​കാ​രണം എന്തായി​രി​ക്കണം?

[18-ാം പേജിലെ ചിത്രം]

റാവെൻസ്‌ബ്രക്കിലെ നാസി തടങ്കൽപ്പാ​ള​യ​ത്തിൽ തടവി​ലാ​ക്ക​പ്പെട്ട യഹോ​വ​യു​ടെ സാക്ഷികൾ സഹിഷ്‌ണു​ത​യും ദൈവ​ഭ​ക്തി​യും പ്രകട​മാ​ക്കി