അപൂർണ ലോക​ത്തിൽ ആശ്രയ​യോ​ഗ്യ​ത

“ഞാൻ ചെയ്‌വാൻ ഇച്ഛിക്കുന്ന നന്മ ചെയ്യു​ന്നി​ല്ല​ല്ലോ; ഇച്ഛിക്കാത്ത തിന്മയ​ത്രേ പ്രവർത്തി​ക്കു​ന്നതു.” നിങ്ങളു​ടെ ജീവി​ത​ത്തി​ലും ഇതു സത്യമാ​ണെന്നു തോന്നു​ന്നു​ണ്ടോ? ഇതേ പ്രശ്‌നം പൗലൊസ്‌ അപ്പോ​സ്‌ത​ലന്‌ ഉണ്ടായി​രു​ന്നു​വെന്ന്‌ അറിയു​ന്നത്‌ ആശ്വാ​സ​ക​ര​മാണ്‌. അതേസ​മ​യം​തന്നെ അവൻ മികച്ച ക്രിസ്‌തീയ നിർമലത പ്രകട​മാ​ക്കിയ വ്യക്തി​യു​മാണ്‌. അതൊരു വിരോ​ധാ​ഭാ​സ​മല്ലേ? റോമി​ലെ ക്രിസ്‌ത്യാ​നി​കൾക്കുള്ള ലേഖന​ത്തിൽ, പൗലൊസ്‌ ആ പ്രശ്‌നത്തെ അപഗ്ര​ഥി​ച്ചു​കൊ​ണ്ടു പറഞ്ഞു: “ഞാൻ ഇച്ഛിക്കാ​ത്ത​തി​നെ ചെയ്യുന്നു എങ്കിലോ അതിനെ പ്രവർത്തി​ക്കു​ന്നതു ഞാനല്ല എന്നിൽ വസിക്കുന്ന പാപമ​ത്രേ.” ഏതു പാപ​ത്തെ​യാണ്‌ അവൻ പരാമർശി​ക്കു​ന്നത്‌, നിർമ​ല​താ​പാ​ല​ക​നാ​കാൻ അവൻ അത്‌ എങ്ങനെ​യാ​ണു തരണം ചെയ്‌തത്‌?—റോമർ 7:19, 20.

ആ ലേഖന​ത്തിൽ പൗലൊസ്‌ നേരത്തേ ഇങ്ങനെ എഴുതി​യി​രു​ന്നു: “ഏകമനു​ഷ്യ​നാൽ പാപവും പാപത്താൽ മരണവും ലോക​ത്തിൽ കടന്നു. ഇങ്ങനെ എല്ലാവ​രും പാപം ചെയ്‌ക​യാൽ മരണം സകലമ​നു​ഷ്യ​രി​ലും പരന്നി​രി​ക്കു​ന്നു.” ആ “ഏകമനു​ഷ്യൻ” ആദാമാ​യി​രു​ന്നു. (റോമർ 5:12, 14) മനുഷ്യ​വർഗം അവകാ​ശ​പ്പെ​ടു​ത്തി​യി​രി​ക്കുന്ന അപൂർണ​ത​യു​ടെ കാരണ​വും നിർമലത പാലി​ക്കു​ന്നത്‌ യഥാർഥ വെല്ലു​വി​ളി​യാ​യി​രി​ക്കു​ന്ന​തി​ന്റെ അടിസ്ഥാന കാരണ​വും ആദാമ്യ പാപമാണ്‌, അതായത്‌ ആദ്യ മനുഷ്യ​നായ ആദാമി​ന്റെ പാപം.

സാധാ​ര​ണ​മാ​യി “ആദ്യപാപ”മെന്നു വിളി​ച്ചി​രു​ന്ന​തി​നെ​ക്കു​റി​ച്ചുള്ള പൗലൊ​സി​ന്റെ കാഴ്‌ച​പ്പാട്‌ ഇന്ന്‌ വ്യാപ​ക​മാ​യി അംഗീ​ക​രി​ക്ക​പ്പെ​ടു​ന്നില്ല. കാരണം പരിണാ​മ​വാ​ദ​വു​മാ​യി ബന്ധപ്പെട്ട സിദ്ധാ​ന്ത​ങ്ങൾക്കു​വേണ്ടി ദൈവ​ശാ​സ്‌ത്ര​ജ്ഞ​ന്മാ​രിൽ അനേക​രും സൃഷ്ടി​യെ​ക്കു​റി​ച്ചുള്ള ബൈബിൾവി​വ​രണം തള്ളിക്ക​ള​ഞ്ഞി​രി​ക്കു​ക​യാണ്‌. “പണ്ഡിത​ന്മാർ പ്രസ്‌തുത ഭാഗം മുഴു​വ​നും തള്ളിക്ക​ള​ഞ്ഞി​രി​ക്കു​ന്നു” എന്നാണ്‌ റോമർ 5:12-14-നെക്കു​റി​ച്ചുള്ള ഒരു ആധുനിക ഭാഷ്യം പ്രസ്‌താ​വി​ക്കു​ന്നത്‌. എങ്കിലും നൂറു വർഷങ്ങൾക്കു മുമ്പ്‌, ബൈബിൾ ഭാഷ്യങ്ങൾ ഏകാഭി​പ്രാ​യ​ത്തോ​ടെ വിശദീ​ക​രി​ച്ചി​രു​ന്നത്‌, “ആദാം പാപം ചെയ്‌ത​പ്പോൾ . . . അവൻ ആ പാപത്താ​ലും അതിന്റെ ഭവിഷ്യ​ത്തു​ക​ളാ​ലും തന്റെ എല്ലാ സന്താന​ങ്ങ​ളെ​യും കളങ്കി​ത​രാ​ക്കി” എന്നാണ്‌.a

നിർമലത ആദ്യമാ​യി നഷ്ടപ്പെ​ട്ടത്‌

ഇന്ന്‌ അനേക​രും ആദ്യ മനുഷ്യ​നായ ആദാമി​ന്റെ അസ്‌തി​ത്വ​ത്തെ നിഷേ​ധി​ക്കു​ന്ന​തു​പോ​ലെ, പിശാ​ചായ സാത്താ​നെ​യും കേവല​മൊ​രു ഭാവനാ​സൃ​ഷ്ടി​യാ​യി വീക്ഷി​ക്കു​ന്നു.b എന്നാൽ അവൻ “സത്യത്തിൽ ഉറച്ചു​നി​ന്നി​ല്ലെന്ന്‌” അഥവാ ആശ്രയ​യോ​ഗ്യ​നാ​യി​രു​ന്നി​ല്ലെന്ന്‌ ആധികാ​രി​ക​ത​യിൽ പ്രമു​ഖ​നായ യേശു​ക്രി​സ്‌തു പറയുന്നു. (യോഹ​ന്നാൻ 8:44, NW) ആദാമും അവന്റെ ഭാര്യ​യും യഹോ​വ​യ്‌ക്കെ​തി​രെ മത്സരി​ക്കു​ക​യും പരി​ശോ​ധ​ന​യിൻ കീഴിൽ നിർമലത വിട്ടു​ക​ള​യു​ക​യും ചെയ്‌തത്‌ സാത്താന്റെ പ്രേര​ണ​യാ​ലാ​യി​രു​ന്നു.—ഉല്‌പത്തി 3:1-19.

നാമെ​ല്ലാം ആദാമി​ന്റെ പിൻഗാ​മി​ക​ളാ​യ​തു​കൊണ്ട്‌, പാപം ചെയ്യാ​നുള്ള പ്രവണത നമു​ക്കെ​ല്ലാം അവകാ​ശ​മാ​യി കിട്ടി​യി​രി​ക്കു​ന്നു. ജ്ഞാനി​യായ ശലോ​മോൻ പ്രസ്‌താ​വി​ച്ചു: “പാപം ചെയ്യാതെ നന്മ മാത്രം ചെയ്യുന്ന ഒരു നീതി​മാ​നും ഭൂമി​യിൽ ഇല്ല.” (സഭാ​പ്ര​സം​ഗി 7:20) എങ്കിലും ഏതൊരു മനുഷ്യ​നും ആശ്രയ​യോ​ഗ്യ​നാ​യി​രി​ക്കാൻ കഴിയും. ഇതെങ്ങനെ സാധി​ക്കും? എന്തെന്നാൽ നിർമലത പാലി​ക്കു​ന്ന​തിന്‌ ഒരുവൻ പൂർണ​നാ​യി​രി​ക്ക​ണ​മെ​ന്നില്ല.

നിർമ​ല​ത​യു​ടെ അടിസ്ഥാ​നം

ചരി​ത്ര​രേ​ഖ​യാ​യി​ത്തീർന്ന ബത്ത്‌-ശേബയു​മാ​യുള്ള തന്റെ വ്യഭി​ചാ​ര​മുൾപ്പെടെ അനേകം തെറ്റുകൾ ഇസ്രാ​യേൽ രാജാ​വായ ദാവീദ്‌ ചെയ്‌തു. (2 ശമൂവേൽ 11:1-27) ദാവീ​ദി​ന്റെ അനേകം തെറ്റു​ക​ളും അവൻ പൂർണ​ത​യിൽനിന്ന്‌ എത്രയോ അകലെ​യാ​യി​രു​ന്നു​വെന്നു പ്രകട​മാ​ക്കു​ന്നു. എന്നിരു​ന്നാ​ലും യഹോവ മനുഷ്യ​നിൽ എന്തു കാണുന്നു? ദാവീ​ദി​ന്റെ പുത്ര​നായ ശലോ​മോ​നെ അഭിസം​ബോ​ധന ചെയ്‌തു​കൊണ്ട്‌ യഹോവ പറഞ്ഞു: “എന്റെ മുമ്പാകെ ഹൃദയ​നിർമ്മ​ല​ത​യോ​ടും പരമാർത്ഥ​ത​യോ​ടും​കൂ​ടെ നിന്റെ അപ്പനായ ദാവീദ്‌ നടന്നതു​പോ​ലെ നടക്കുക.” (ചെരി​ച്ചെ​ഴു​ത്തു ഞങ്ങളു​ടേത്‌.) (1 രാജാ​ക്ക​ന്മാർ 9:4) ദാവീ​ദി​ന്റെ തെറ്റുകൾ അനേക​മാ​യി​രു​ന്നെ​ങ്കി​ലും അവന്റെ അടിസ്ഥാന ആശ്രയ​യോ​ഗ്യ​തയെ യഹോവ അംഗീ​ക​രി​ച്ചു. എന്തു​കൊണ്ട്‌?

ശലോ​മോ​നോ​ടുള്ള ദാവീ​ദി​ന്റെ വാക്കു​ക​ളിൽ ഉത്തരമുണ്ട്‌: “യഹോവ സർവ്വഹൃ​ദ​യ​ങ്ങ​ളെ​യും പരി​ശോ​ധി​ക്ക​യും വിചാ​ര​ങ്ങ​ളും നിരൂ​പ​ണ​ങ്ങ​ളും എല്ലാം ഗ്രഹി​ക്ക​യും ചെയ്യുന്നു.” (1 ദിനവൃ​ത്താ​ന്തം 28:9) ദാവീദ്‌ തെറ്റുകൾ ചെയ്‌തു, എന്നാൽ അവനു താഴ്‌മ​യു​ണ്ടാ​യി​രു​ന്നു, ശരിയാ​യതു ചെയ്യാ​നുള്ള ആഗ്രഹ​മു​ണ്ടാ​യി​രു​ന്നു. അവൻ ശാസന​യും തിരു​ത്ത​ലും സ്ഥിരമാ​യി സ്വീക​രി​ച്ചു—വാസ്‌ത​വ​ത്തിൽ അത്‌ ആവശ്യ​പ്പെ​ടു​ക​പോ​ലും ചെയ്‌തു. “യഹോവേ, എന്നെ പരീക്ഷി​ച്ചു ശോധന ചെയ്യേ​ണമേ; എന്റെ അന്തരം​ഗ​വും എന്റെ ഹൃദയ​വും പരി​ശോ​ധി​ക്കേ​ണമേ” എന്നായി​രു​ന്നു അവന്റെ അഭ്യർഥന. (സങ്കീർത്തനം 26:2) ദാവീദ്‌ തീർച്ച​യാ​യും ശുദ്ധീ​ക​രി​ക്ക​പ്പെട്ടു. ഉദാഹ​ര​ണ​ത്തിന്‌, ബത്ത്‌-ശേബയു​മാ​യുള്ള പാപ​ത്തെ​ത്തു​ടർന്ന്‌ ഏർപ്പെ​ടു​ത്ത​പ്പെട്ട നിയ​ന്ത്ര​ണങ്ങൾ അവന്റെ ആയുഷ്‌കാ​ലം മുഴുവൻ നിലനി​ന്നു. എന്നിട്ടും, ദാവീദ്‌ ഒരിക്ക​ലും തന്റെ തെറ്റിനെ ന്യായീ​ക​രി​ക്കാൻ ശ്രമി​ച്ചില്ല. (2 ശമൂവേൽ 12:1-12) അതിലും പ്രധാ​ന​മാ​യി, അവൻ ഒരിക്ക​ലും സത്യാ​രാ​ധ​ന​യിൽനി​ന്നു വ്യതി​ച​ലി​ച്ചില്ല. ഇതിനാ​ലും ദാവീദ്‌ പ്രകട​മാ​ക്കിയ യഥാർഥ ഹൃദയ​ദുഃ​ഖ​വും അനുതാ​പ​വും ഹേതു​വാ​യും അവന്റെ പാപങ്ങൾ ക്ഷമിച്ച്‌ അവനെ നിർമ​ല​ത​യു​ള്ള​വ​നാ​യി സ്വീക​രി​ക്കാൻ യഹോ​വ​യ്‌ക്കു മനസ്സായി.—സങ്കീർത്തനം 51 കൂടെ കാണുക.

ആശ്രയ​യോ​ഗ്യത പരി​ശോ​ധി​ക്ക​പ്പെ​ടു​ന്നു

നിർമലത തകർക്കാ​നുള്ള ശ്രമത്തി​ന്റെ ഭാഗമാ​യി പിശാ​ചായ സാത്താൻ യേശു​വി​നെ പരീക്ഷി​ച്ചു. കേവലം ഒരു ദിവ്യ​നി​യ​മ​ത്തോ​ടുള്ള അനുസ​ര​ണ​ത്താൽ പരി​ശോ​ധി​ക്ക​പ്പെട്ട പൂർണ മനുഷ്യ​നായ ആദാമിൽനി​ന്നു വ്യത്യ​സ്‌ത​നാ​യി, പ്രയാ​സ​ങ്ങൾക്കും കഷ്ടപ്പാ​ടു​കൾക്കും മധ്യേ ആയിരു​ന്നു യേശു​വി​നു നിർമലത കാക്കേ​ണ്ടി​വ​ന്നത്‌. അതിനു​പു​റമേ, മനുഷ്യ​കു​ടും​ബ​ത്തി​ന്റെ വീണ്ടെ​ടുപ്പ്‌ ആശ്രയി​ച്ചി​രി​ക്കു​ന്നത്‌ തന്റെ നിർമ​ല​ത​യി​ലാ​ണെന്ന്‌ അറിഞ്ഞ​തി​ന്റെ മാനസിക സമ്മർദ​വും അവനു​ണ്ടാ​യി​രു​ന്നു.—എബ്രായർ 5:8, 9.

യേശു​വി​ന്റെ നിർമലത തകർക്ക​ണ​മെന്ന ദൃഢനി​ശ്ച​യ​ത്തോ​ടെ സാത്താൻ അവനെ അവന്റെ ഏറ്റവും ദുർബല നിമി​ഷ​ത്തിൽ—ധ്യാന​നി​ര​ത​നാ​യി 40 ദിവസം ഉപവാ​സ​ത്തിൽ പിന്നി​ട്ടി​രുന്ന സമയത്ത്‌—സമീപി​ച്ചു. അവൻ യേശു​വി​നെ മൂന്നു പ്രാവ​ശ്യം പരീക്ഷി​ച്ചു—കല്ല്‌ അപ്പമാ​ക്കി​മാ​റ്റാൻ ആവശ്യ​പ്പെട്ടു; ദൂതന്മാർ ഇടപെട്ട്‌ തന്നെ രക്ഷിക്കു​മ്പോൾ അതു തന്റെ മിശി​ഹാ​പ​ദ​വി​ക്കുള്ള തെളി​വാ​കു​മെന്ന ഉറപ്പോ​ടെ ആലയമു​ക​ളിൽനി​ന്നു താഴേക്കു ചാടാൻ അവൻ യേശു​വി​നോട്‌ ആവശ്യ​പ്പെട്ടു; തന്നെ “നമസ്‌ക​രി​ച്ചാൽ” ഈ ലോക​ത്തി​ലെ സകല രാജ്യ​ങ്ങ​ളു​ടെ​യും ഭരണാ​ധി​പ​ത്യം തരാ​മെന്നു സാത്താൻ അവനോ​ടു പറഞ്ഞു. എന്നാൽ യേശു ഓരോ പ്രലോ​ഭ​ന​വും ചെറു​ത്തു​കൊണ്ട്‌ യഹോ​വ​യോ​ടുള്ള തന്റെ നിർമലത കാത്തു.—മത്തായി 4:1-11; ലൂക്കൊസ്‌ 4:1-13.

ഇയ്യോ​ബി​ന്റെ നിർമലത

നിർമലത പാലിച്ച ഇയ്യോ​ബി​ന്റെ നിലപാട്‌ പരക്കെ അറിയ​പ്പെ​ടുന്ന ഒന്നാണ്‌. രസകര​മെന്നു പറയട്ടെ, തനിക്കു വിപത്തു നേരി​ടു​ന്ന​തെ​ന്തു​കൊ​ണ്ടെന്ന്‌ ഇയ്യോ​ബിന്‌ മനസ്സി​ലാ​യില്ല. ഇയ്യോബ്‌ ദൈവത്തെ ആരാധി​ച്ചി​രു​ന്നത്‌ സ്വാർഥ കാരണ​ങ്ങ​ളാ​ലാ​ണെന്ന്‌ കുറ്റ​പ്പെ​ടു​ത്തു​ക​യും സ്വരക്ഷ​യു​ടെ കാര്യം വരു​മ്പോൾ ഇയ്യോബ്‌ മനസ്സോ​ടെ നിർമലത വിട്ടു​ക​ള​യു​മെന്ന്‌ അവകാ​ശ​പ്പെ​ടു​ക​യും ചെയ്‌തു​കൊണ്ട്‌ അവനു വ്യാജ ആന്തരങ്ങ​ളാ​ണു​ള്ള​തെന്ന്‌ സാത്താൻ ആരോ​പി​ച്ചു. ഇക്കാര്യം ഇയ്യോ​ബിന്‌ അറിയി​ല്ലാ​യി​രു​ന്നു. സാത്താൻ പറഞ്ഞത്‌ തെറ്റാ​ണെന്നു തെളി​യി​ക്കു​ന്ന​തി​നു​വേണ്ടി, വളരെ പീഡാ​ത്മ​ക​മായ അനുഭ​വ​ങ്ങ​ളി​ലൂ​ടെ കടന്നു​പോ​കാൻ ദൈവം ഇയ്യോ​ബി​നെ അനുവ​ദി​ച്ചു.—ഇയ്യോബ്‌ 1:6-12; 2:1-8.

ആ സമയത്ത്‌ മൂന്നു വ്യാജ സുഹൃ​ത്തു​ക്കൾ അവന്റെ​യ​ടു​ക്ക​ലെത്തി. ദൈവ​ത്തി​ന്റെ നിലവാ​ര​ങ്ങ​ളും ഉദ്ദേശ്യ​ങ്ങ​ളും അവർ മനപ്പൂർവം തെറ്റായി അവതരി​പ്പി​ച്ചു. ഇയ്യോ​ബി​ന്റെ ഭാര്യ​പോ​ലും, പ്രശ്‌നം മനസ്സി​ലാ​ക്കാ​നാ​കാ​തെ, ഭർത്താ​വി​നു ശരിക്കും സഹായം ആവശ്യ​മു​ണ്ടാ​യി​രുന്ന സമയത്ത്‌ അവനു പ്രോ​ത്സാ​ഹ​ന​മാ​യില്ല. (ഇയ്യോബ്‌ 2:9-13) എന്നാൽ ഇയ്യോബ്‌ അചഞ്ചല​നാ​യി​ത്തന്നെ നിന്നു. “മരിക്കു​വോ​ളം എന്റെ നിഷ്‌ക​ള​ങ്ക​ത്വം [“നിർമലത,” NW] ഉപേക്ഷി​ക്ക​യു​മില്ല. എന്റെ നീതി ഞാൻ വിടാതെ മുറുകെ പിടി​ക്കു​ന്നു; എന്റെ ഹൃദയം എന്റെ നാളു​ക​ളിൽ ഒന്നി​നെ​യും ആക്ഷേപി​ക്കു​ന്നില്ല.”—ഇയ്യോബ്‌ 27:5, 6.

ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന പ്രകാ​ര​മുള്ള ഇയ്യോ​ബി​ന്റെ മികച്ച മാതൃ​ക​യും മറ്റനേകം വിശ്വസ്‌ത സ്‌ത്രീ​പു​രു​ഷ​ന്മാ​രു​ടെ നിർമ​ല​ത​യും സാത്താൻ നുണയ​നാ​ണെന്നു തെളി​യി​ച്ചു.

നിർമ​ല​ത​യും ക്രിസ്‌തീയ ശുശ്രൂ​ഷ​യും

യഹോവ സ്വന്തം സംതൃ​പ്‌തി​ക്കാ​വ​ശ്യ​മാ​യി കരുതുന്ന ഒരു ഗുണമാ​ണോ നിർമലത? അല്ല. മനുഷ്യ​രെ സംബന്ധി​ച്ചി​ട​ത്തോ​ളം നിർമ​ല​ത​യ്‌ക്ക്‌ ഒരു ആന്തരിക മൂല്യ​മുണ്ട്‌. ‘നമ്മുടെ ദൈവ​മായ യഹോ​വയെ നാം പൂർണ ഹൃദയ​ത്തോ​ടും പൂർണ ദേഹി​യോ​ടും പൂർണ മനസ്സോ​ടും​കൂ​ടെ സ്‌നേ​ഹിക്ക’ണമെന്ന്‌ യേശു നമ്മോടു കൽപ്പി​ച്ചത്‌ നമ്മുടെ പ്രയോ​ജ​ന​ത്തി​നു​വേ​ണ്ടി​യാ​യി​രു​ന്നു. സത്യമാ​യി​ട്ടും ഇത്‌ “വലിയ​തും ഒന്നാമ​ത്തേ​തു​മായ കല്‌പന”യാണ്‌. ഏതൊരു പുരു​ഷ​നും സ്‌ത്രീ​ക്കും കുട്ടി​ക്കും അതു പാലി​ക്കു​ന്ന​തി​നു നിർമലത ആവശ്യ​മാണ്‌. (മത്തായി 22:36-38, NW) അതി​ലെ​ന്താണ്‌ ഉൾപ്പെ​ട്ടി​രി​ക്കു​ന്നത്‌, പ്രതി​ഫ​ലങ്ങൾ എന്തെല്ലാം?

നിർമ​ല​ത​യു​ള്ള മനുഷ്യൻ സഹമനു​ഷ്യ​നു മാത്രമല്ല, അതിലും പ്രധാ​ന​മാ​യി ദൈവ​ത്തി​നും ആശ്രയ​യോ​ഗ്യ​നാണ്‌. അയാളു​ടെ ഹൃദയ​നിർമലത അയാളു​ടെ പ്രവൃ​ത്തി​ക​ളിൽ കാണാം; അയാൾക്കു കാപട്യ​മു​ണ്ടാ​യി​രി​ക്കു​ക​യില്ല. അയാൾ വഞ്ചകനോ ദുഷി​പ്പു​ള്ള​വ​നോ ആയിരി​ക്കു​ക​യില്ല. പൗലൊസ്‌ അതിനെ ഇപ്രകാ​രം വർണി​ക്കു​ന്നു: “ലജ്ജാക​ര​മായ രഹസ്യ​ങ്ങളെ ത്യജിച്ചു ഉപായം പ്രയോ​ഗി​ക്കാ​തെ​യും ദൈവ​വ​ച​ന​ത്തിൽ കൂട്ടു ചേർക്കാ​തെ​യും സത്യം വെളി​പ്പെ​ടു​ത്തു​ന്ന​തി​നാൽ ദൈവ​സ​ന്നി​ധി​യിൽ സകലമ​നു​ഷ്യ​രു​ടെ​യും മനസ്സാ​ക്ഷി​ക്കു ഞങ്ങളെ​ത്തന്നേ ബോദ്ധ്യ​മാ​ക്കു​ന്നു.”—2 കൊരി​ന്ത്യർ 4:2.

പൗലൊസ്‌ ക്രിസ്‌തീയ ശുശ്രൂ​ഷ​യു​മാ​യി ബന്ധപ്പെട്ട മനോ​ഭാ​വങ്ങൾ സൂചി​പ്പി​ക്കു​ന്നു​വെ​ന്നതു ശ്രദ്ധി​ക്കുക. കരങ്ങൾ ശുദ്ധമ​ല്ലെ​ങ്കിൽ, നിർമ​ല​ത​യി​ല്ലെ​ങ്കിൽ, ക്രിസ്‌തീയ ശുശ്രൂ​ഷ​കനു മറ്റുള്ള​വരെ എങ്ങനെ സേവി​ക്കാ​നാ​കും? ഇതിനു നല്ലൊരു ദൃഷ്ടാ​ന്ത​മാണ്‌ ഈയിടെ രാജി​വെച്ച ഒരു ഐറിഷ്‌ മതവി​ഭാഗ തലവൻ. ദി ഇൻഡി​പെൻഡൻഡ്‌ പത്രം പറയു​ന്ന​ത​നു​സ​രിച്ച്‌, “കുട്ടി​കളെ ലൈം​ഗി​ക​മാ​യി പീഡി​പ്പി​ക്കുന്ന ഒരു പുരോ​ഹി​തന്റെ സ്വഭാവം ദീർഘ​കാ​ല​മാ​യി പരസ്യ​മാ​യി​രു​ന്നി​ട്ടും അദ്ദേഹത്തെ തുടർന്നും കുട്ടി​ക​ളോ​ടൊ​പ്പം ജോലി ചെയ്യാൻ അനുവ​ദി​ച്ചു”വെന്ന്‌ ആ മതവി​ഭാഗ തലവൻ സമ്മതി​ക്കു​ക​യു​ണ്ടാ​യി. 24 വർഷ​ത്തോ​ളം ആ ദുഷ്‌പെ​രു​മാ​റ്റം തുടർന്നു​വെന്നു വിവരണം വിശദീ​ക​രി​ച്ചു. പുരോ​ഹി​തനെ നാലു വർഷ​ത്തേക്കു ജയിലി​ല​ടച്ചു. എന്നാൽ ആ പുരോ​ഹി​ത​നെ​തി​രെ നടപടി സ്വീക​രി​ക്കാൻ മേലധി​കാ​രി​ക്കു ധാർമിക ചങ്കൂറ്റ​മി​ല്ലാ​തെ​പോ​യ​തു​കൊണ്ട്‌ വർഷങ്ങ​ളോ​ളം ആ പുരോ​ഹി​തന്റെ ദ്രോ​ഹ​ങ്ങൾക്കി​ര​യായ കുട്ടി​കൾക്കു നേരിട്ട യാതന​ക​ളെ​ക്കു​റി​ച്ചൊ​ന്നു ചിന്തി​ക്കുക!

നിർമലത—പ്രതി​ഫ​ല​ങ്ങൾ

യോഹ​ന്നാൻ അപ്പോ​സ്‌തലൻ ധീരനായ ഒരു പുരു​ഷ​നാ​യി​രു​ന്നു. അവന്റെ​യും അവന്റെ സഹോ​ദ​ര​നായ യാക്കോ​ബി​ന്റെ​യും ഉജ്ജ്വല തീക്ഷ്‌ണത നിമിത്തം, യേശു അവരെ “ഇടിമക്കൾ” എന്നാണ്‌ വിളി​ച്ചത്‌. (മർക്കൊസ്‌ 3:17) മികച്ച​രീ​തി​യിൽ നിർമലത പ്രകട​മാ​ക്കിയ ഒരുവ​നാ​യി​രു​ന്നു യോഹ​ന്നാൻ. യേശു ഭൂമി​യി​ലാ​യി​രു​ന്ന​പ്പോൾ താൻ കാണു​ക​യും കേൾക്കു​ക​യും ചെയ്‌ത സംഗതി​ക​ളെ​ക്കു​റി​ച്ചു ‘സംസാ​രി​ക്കാ​തി​രി​ക്കാ​നാ​വി​ല്ലെ’ന്ന്‌, പത്രൊ​സി​നോ​ടൊ​പ്പം, അവൻ യഹൂദ ഭരണാ​ധി​പ​ന്മാ​രോ​ടു പറഞ്ഞു. “മനുഷ്യ​രെ​ക്കാൾ ദൈവത്തെ അനുസ​രി​ക്കേ​ണ്ട​താ​കു​ന്നു” എന്നു പറഞ്ഞ അപ്പോ​സ്‌ത​ല​ന്മാ​രിൽ യോഹ​ന്നാ​നും ഉണ്ടായി​രു​ന്നു.—പ്രവൃ​ത്തി​കൾ 4:19, 20; 5:27-32.

“ദൈവ​വ​ച​ന​വും യേശു​വി​ന്റെ സാക്ഷ്യ​വും നിമിത്തം” യോഹ​ന്നാൻ പത്മൊസ്‌ ദ്വീപി​ലേക്കു നാടു​ക​ട​ത്ത​പ്പെ​ട്ടത്‌ ഒരുപക്ഷേ അവന്റെ 90-കളുടെ ഒടുവി​ലാ​യി​രി​ക്കാം. (വെളി​പ്പാ​ടു 1:9) ആ പ്രായ​ത്തിൽ തന്റെ ശുശ്രൂഷ അവസാ​നി​ച്ചെന്ന്‌ അവനു തോന്നി​യി​രി​ക്കാം. എന്നാൽ അവന്റേ​തു​പോ​ലെ നിർമ​ല​ത​യുള്ള ഒരാൾക്കു മാത്രമേ വെളി​പ്പാ​ടി​ലെ പുളക​പ്ര​ദ​മായ ദർശനങ്ങൾ എഴുതി​വെ​ക്കു​ന്ന​തി​നുള്ള നിയമനം ലഭിക്കു​മാ​യി​രു​ന്നു​ള്ളൂ. ഇതിൽ യോഹ​ന്നാൻ വിശ്വ​സ്‌ത​നാ​യി​രു​ന്നു. അവന്‌ അത്‌ എന്തൊരു പദവി​യാ​യി​രു​ന്നു! പിന്നെ​യും പദവികൾ ലഭിക്കാ​നി​രി​ക്കു​ക​യാ​യി​രു​ന്നു. പിന്നീട്‌, എഫെ​സൊ​സി​ന്റെ സമീപ പ്രദേ​ശ​ത്തെ​വി​ടെ​യോ​വെച്ച്‌ അവൻ തന്റെ സുവി​ശേഷ വിവര​ണ​വും മൂന്നു ലേഖന​ങ്ങ​ളും എഴുതി. അത്തരം മഹത്തായ പദവികൾ 70 വർഷ​ത്തോ​ളം ആശ്രയ​യോ​ഗ്യ​മായ വിശ്വസ്‌ത സേവന​ത്തി​നു മകുടം​ചാർത്തി!

നിർമ​ല​ത​യു​ള്ള ഒരു വ്യക്തി​യാ​യി​രി​ക്കു​ന്നത്‌, പൊതു​വേ പറഞ്ഞാൽ, ആഴമായ സംതൃ​പ്‌തി കൈവ​രു​ത്തു​ന്നു. ദൈവ​ദൃ​ഷ്ടി​യിൽ ആശ്രയ​യോ​ഗ്യ​നാ​യി​രി​ക്കു​ന്നത്‌ നിത്യ​മായ പ്രതി​ഫ​ലങ്ങൾ കൈവ​രു​ത്തും. നിത്യ​ജീ​വന്റെ പ്രതീ​ക്ഷ​യുള്ള, സമാധാ​ന​വും ഒരുമ​യു​മുള്ള ഒരു പുതിയ ലോക​ത്തി​ലേക്കു പ്രവേ​ശി​ക്കാൻ സത്യാ​രാ​ധ​ക​രു​ടെ “ഒരു മഹാപു​രു​ഷാര”ത്തെ ഇപ്പോൾ ഒരുക്കി​ക്കൊ​ണ്ടി​രി​ക്കു​ക​യാണ്‌. (വെളി​പ്പാ​ടു 7:9) ഈ വ്യവസ്ഥി​തി​യിൽനി​ന്നുള്ള പരി​ശോ​ധ​ന​ക​ളും സാത്താൻ കൊണ്ടു​വ​ന്നേ​ക്കാ​വുന്ന അനേകം വെല്ലു​വി​ളി​ക​ളു​മു​ണ്ടാ​യി​രു​ന്നാ​ലും ധാർമി​കത, ആരാധന എന്നീ മർമ​പ്ര​ധാ​ന​മായ സംഗതി​ക​ളിൽ നിർമലത പാലി​ക്കണം. യഹോവ ശക്തി പ്രദാനം ചെയ്യു​ന്ന​തു​കൊണ്ട്‌ നിങ്ങൾക്കു വിജയി​ക്കാ​നാ​കു​മെന്ന്‌ ഉറപ്പു​ള്ള​വ​രാ​യി​രി​ക്കുക!—ഫിലി​പ്പി​യർ 4:13.

യഹോ​വ​യോ​ടു​ള്ള ഒരു കൃതജ്ഞതാ പ്രാർഥ​ന​യിൽ സങ്കീർത്ത​ന​ക്കാ​ര​നായ ദാവീദ്‌ ഇക്കാല​ത്തെ​യും ഭാവി​യെ​യും കുറിച്ചു സംസാ​രി​ക്കവെ നമ്മെ​യെ​ല്ലാം ആശ്വസി​പ്പി​ക്കു​ന്നുണ്ട്‌. അവൻ പറയുന്നു: “നീ എന്റെ നിഷ്‌ക​ള​ങ്ക​ത്വം നിമിത്തം എന്നെ താങ്ങുന്നു, നിന്റെ മുമ്പിൽ എന്നേക്കും എന്നെ നിർത്തി​ക്കൊ​ള്ളു​ന്നു. . . . യഹോവ വാഴ്‌ത്ത​പ്പെ​ടു​മാ​റാ​കട്ടെ. ആമേൻ, ആമേൻ.”—സങ്കീർത്തനം 41:12, 13.

[അടിക്കു​റി​പ്പു​കൾ]

[4-ാം പേജിലെ ചിത്രം]

തെറ്റുകൾ ചെയ്‌തെ​ങ്കി​ലും താൻ ആശ്രയ​യോ​ഗ്യ​നാ​ണെന്നു ദാവീദ്‌ തെളി​യി​ച്ചു

[5-ാം പേജിലെ ചിത്രം]

യേശു നമുക്കാ​യി ആശ്രയ​യോ​ഗ്യ​ത​യു​ടെ ഏറ്റവും മികച്ച മാതൃക വെച്ചു

[7-ാം പേജിലെ ചിത്രം]

ആശ്രയയോഗ്യനായിരിക്കുന്നത്‌ വലിയ സംതൃ​പ്‌തി കൈവ​രു​ത്തു​ന്നു