‘നിങ്ങളു​ടെ വില​യേ​റിയ വസ്‌തു​ക്കൾകൊണ്ട്‌ യഹോ​വയെ ബഹുമാ​നി​ക്കുക’—എങ്ങനെ?

“നിങ്ങളു​ടെ വില​യേ​റിയ വസ്‌തു​ക്കൾകൊ​ണ്ടും നിങ്ങളു​ടെ എല്ലാവി​ള​വി​ന്റെ​യും ആദ്യഫ​ലം​കൊ​ണ്ടും യഹോ​വയെ ബഹുമാ​നി​ക്കുക.” ഏതാണ്ട്‌ 2,600 വർഷം​മുമ്പ്‌ എഴുത​പ്പെട്ട ഈ നിശ്വസ്‌ത ജ്ഞാന​മൊ​ഴി​യിൽ യഹോ​വ​യു​ടെ സമൃദ്ധ​മായ അനു​ഗ്ര​ഹങ്ങൾ അനുഭ​വി​ക്കു​ന്ന​തി​നുള്ള താക്കോൽ ഉൾക്കൊ​ണ്ടി​രി​ക്കു​ന്നു. എന്തെന്നാൽ പ്രസ്‌തുത എഴുത്തു​കാ​രൻ തുടർന്നി​ങ്ങനെ സൂചി​പ്പി​ക്കു​ന്നു: “അപ്പോൾ നിന്റെ കളപ്പു​രകൾ സമൃദ്ധി​യാ​യി നിറയും; നിന്റെ ചക്കുക​ളിൽ പുതു​വീ​ഞ്ഞു കവി​ഞ്ഞൊ​ഴു​കും.”—സദൃശ​വാ​ക്യ​ങ്ങൾ 3:9, 10, NW.

എന്നാൽ ദൈവത്തെ ബഹുമാ​നി​ക്കു​ക​യെ​ന്ന​തി​ന്റെ അർഥ​മെ​ന്താണ്‌? വില​യേ​റിയ ഏതു വസ്‌തു​ക്കൾകൊ​ണ്ടാ​ണു നാം യഹോ​വയെ ബഹുമാ​നി​ക്കേ​ണ്ടത്‌? നമുക്കി​തെ​ങ്ങനെ ചെയ്യാ​നാ​കും?

“യഹോ​വയെ ബഹുമാ​നി​ക്കുക”

തിരു​വെ​ഴു​ത്തു​ക​ളിൽ, ബഹുമാ​നം എന്നതി​നുള്ള മുഖ്യ എബ്രായ പദമായ കാവോ​ഹ്‌ധ​യു​ടെ അക്ഷരീയ അർഥം “ഘനത്വം” എന്നാണ്‌. അതു​കൊണ്ട്‌ ഒരു വ്യക്തിയെ ബഹുമാ​നി​ക്കുക എന്നതി​നർഥം അയാളെ പ്രഭാ​വ​വും മതിപ്പും വിലയു​മുള്ള ഒരുവ​നാ​യി കരുതു​ക​യെ​ന്നാണ്‌. ബഹുമാ​നം എന്നതി​നുള്ള മറ്റൊരു എബ്രായ പദം യെക്കാർ ആണ്‌. “വില​യേ​റിയ” എന്നും “വില​യേ​റിയ വസ്‌തു​ക്കൾ” എന്നുമാണ്‌ അതിനർഥം. സമാന​മാ​യി, ബൈബി​ളിൽ “ബഹുമാ​നം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന റ്റീമെ എന്ന ഗ്രീക്കു പദത്തിന്‌ മാന്യത, മൂല്യം, വിലപി​ടിപ്പ്‌ എന്നൊ​ക്കെ​യാണ്‌ അർഥം. അങ്ങനെ ആഴമായ ആദരവും മാന്യ​ത​യും പ്രകട​മാ​ക്കി​ക്കൊ​ണ്ടാണ്‌ ഒരുവൻ മറ്റൊ​രു​വനെ ബഹുമാ​നി​ക്കു​ന്നത്‌.

ബഹുമാ​നം കാണി​ക്കു​ന്ന​തിൽ വേറൊ​രു സംഗതി​കൂ​ടി ഉൾപ്പെ​ടു​ന്നു. വിശ്വസ്‌ത യഹൂദ​നായ മൊർദ്ദെ​ഖാ​യി​യെ​ക്കു​റി​ച്ചുള്ള വിവരണം പരിചി​ന്തി​ക്കുക. ഒരു സന്ദർഭ​ത്തിൽ, അദ്ദേഹം പുരാതന പേർഷ്യൻ രാജാ​വാ​യി​രുന്ന അഹശ്വേ​രോ​ശി​നെ വധിക്കാ​നുള്ള ഒരു ഗൂഢാ​ലോ​ചന വെളി​ച്ച​ത്തു​കൊ​ണ്ടു​വന്നു. പിന്നീട്‌, ആ പ്രവൃ​ത്തി​ക്കു മൊർദ്ദെ​ഖാ​യി​യെ ബഹുമാ​നി​ക്കാൻ യാതൊ​ന്നും ചെയ്‌തി​ല്ലെന്നു മനസ്സി​ലാ​ക്കിയ രാജാവ്‌ തന്റെ പ്രധാ​ന​മ​ന്ത്രി​യായ ഹാമാ​നോട്‌, രാജാ​വി​നു പ്രസാ​ദ​മുള്ള ഒരുവനെ എങ്ങനെ​യാണ്‌ ഏറ്റവും നന്നായി ബഹുമാ​നി​ക്കാൻ സാധി​ക്കുക എന്നു ചോദി​ച്ചു. അത്‌ തന്നെ ബഹുമാ​നി​ക്കാ​നാ​യി​രി​ക്കും എന്നാണു ഹാമാൻ വിചാ​രി​ച്ചത്‌, എന്നാൽ അതെത്ര വലിയ അബദ്ധമാ​യി​രു​ന്നു! എന്തായാ​ലും, അത്തരം വ്യക്തിയെ “രാജവ​സ്‌ത്രം” ധരിപ്പിച്ച്‌ “രാജാവു കയറുന്ന കുതിര”പ്പുറത്തി​രു​ത്തി പ്രദക്ഷി​ണം ചെയ്യി​ക്ക​ണ​മെന്നു ഹാമാൻ പറഞ്ഞു. അവൻ ഇങ്ങനെ ഉപസം​ഹ​രി​ച്ചു: “[ആ] പുരു​ഷനെ . . . കുതി​ര​പ്പു​റത്തു കയററി പട്ടണവീ​ഥി​യിൽ കൂടെ കൊണ്ടു​ന​ടന്നു: രാജാവു ബഹുമാ​നി​പ്പാൻ ഇച്ഛിക്കുന്ന പുരു​ഷന്നു ഇങ്ങനെ ചെയ്യും എന്നു അവന്റെ മുമ്പിൽ വിളി​ച്ചു​പ​റ​യേണം.” (എസ്ഥേർ 6:1-9) ഈ ഉദാഹ​ര​ണ​ത്തിൽ, ഒരു വ്യക്തിക്കു ബഹുമാ​നം കൊടു​ക്കു​ന്ന​തിൽ അയാളെ എല്ലാവ​രും അത്യധി​കം ആദരി​ക്കു​ന്ന​തി​നു​വേണ്ടി പരസ്യ​മാ​യി ഉയർത്തു​ന്നത്‌ ഉൾപ്പെ​ടു​ന്നു.

സമാന​മാ​യി, യഹോ​വ​യ്‌ക്കു ബഹുമാ​നം കൊടു​ക്കു​ന്ന​തിൽ രണ്ടു സംഗതി​കൾ ഉൾപ്പെ​ടു​ന്നുണ്ട്‌: വ്യക്തി​പ​ര​മാ​യി അത്യധി​കം ആദരവു പ്രകട​മാ​ക്ക​ലും അവന്റെ നാമത്തി​ന്റെ പരസ്യ​ഘോ​ഷണ വേലയിൽ പങ്കുപറ്റി പിന്തു​ണ​ച്ചു​കൊണ്ട്‌ അവനെ പരസ്യ​മാ​യി സ്‌തു​തി​ക്ക​ലും.

“നിങ്ങളു​ടെ വില​യേ​റിയ വസ്‌തു​ക്കൾ”—അവ എന്തെല്ലാം?

നമ്മുടെ വില​യേ​റിയ വസ്‌തു​ക്ക​ളിൽ തീർച്ച​യാ​യും നമ്മുടെ ജീവനും സമയവും പ്രാപ്‌തി​ക​ളും ശക്തിയും ഉൾപ്പെ​ടു​ന്നുണ്ട്‌. നമ്മുടെ ഭൗതിക സമ്പത്തോ? ദരി​ദ്ര​യായ ഒരു വിധവ തീരെ മൂല്യം​കു​റഞ്ഞ രണ്ടു നാണയ​ത്തു​ട്ടു​കൾ ആലയഭ​ണ്ഡാ​ര​ത്തി​ലി​ടു​ന്നതു കണ്ടപ്പോൾ യേശു പറഞ്ഞ വാക്കുകൾ പരിചി​ന്തി​ക്കുക. “ഈ ദരി​ദ്ര​യായ വിധവ എല്ലാവ​രെ​ക്കാ​ളും [സംഭാ​വ​ന​യിട്ട മറ്റെല്ലാ​വ​രെ​ക്കാ​ളും] അധികം ഇട്ടിരി​ക്കു​ന്നു എന്നു ഞാൻ സത്യമാ​യി നിങ്ങ​ളോ​ടു പറയുന്നു. എല്ലാവ​രും തങ്ങളുടെ സമൃദ്ധി​യിൽ നിന്നല്ലോ വഴിപാ​ടു ഇട്ടതു; ഇവളോ തന്റെ ഇല്ലായ്‌മ​യിൽനി​ന്നു തനിക്കുള്ള ഉപജീ​വനം ഒക്കെയും ഇട്ടിരി​ക്കു​ന്നു,” അവൻ പറഞ്ഞു. (ലൂക്കൊസ്‌ 21:1-4) യഹോ​വ​യു​ടെ ആരാധ​നയെ ഉന്നമി​പ്പി​ക്കു​ന്ന​തിൽ തന്റെ ഭൗതിക സ്വത്ത്‌ ഉപയോ​ഗി​ച്ച​തിന്‌ യേശു ഈ വിധവയെ പ്രശം​സി​ച്ചു.

അപ്പോൾ വ്യക്തമാ​യും, ശലോ​മോൻ സൂചി​പ്പി​ക്കുന്ന വില​യേ​റിയ വസ്‌തു​ക്ക​ളിൽ നമുക്കുള്ള ഏതൊരു ഭൗതിക സമ്പത്തും ഉൾപ്പെ​ടു​ന്നുണ്ട്‌. “എല്ലാവി​ള​വി​ന്റെ​യും ആദ്യഫലം” എന്ന പ്രയോ​ഗ​ത്തിന്‌ നമ്മുടെ ഏറ്റവും വില​യേ​റിയ വസ്‌തു​ക്കൾ യഹോ​വ​യ്‌ക്കു നൽകണ​മെന്ന ആശയമുണ്ട്‌.

എന്നിരു​ന്നാ​ലും, ഭൗതിക വസ്‌തു​ക്കൾ കൊടു​ക്കു​മ്പോൾ അത്‌ ദൈവ​ത്തി​നു ബഹുമാ​നം കൈവ​രു​ത്തു​ന്ന​തെ​ങ്ങ​നെ​യാണ്‌? എല്ലാ വസ്‌തു​ക്ക​ളും അവന്റേ​തല്ലേ? (സങ്കീർത്തനം 50:10; 95:3-5) “സകലവും നിങ്കൽനി​ന്ന​ല്ലോ വരുന്നതു” എന്ന്‌ യഹോ​വ​യോ​ടുള്ള ഹൃദയം​ഗ​മ​മായ ഒരു പ്രാർഥ​ന​യിൽ ദാവീദ്‌ അംഗീ​ക​രി​ച്ചു​പ​റഞ്ഞു. ദാവീ​ദും അവന്റെ ജനവും ആലയനിർമാ​ണ​ത്തി​നാ​യി നടത്തിയ ഒരു വലിയ സംഭാ​വ​ന​യെ​ക്കു​റിച്ച്‌ അവൻ പറഞ്ഞു: “നിന്റെ കയ്യിൽനി​ന്നു വാങ്ങി ഞങ്ങൾ നിനക്കു തന്നതേ​യു​ള്ളു.” (1 ദിനവൃ​ത്താ​ന്തം 29:14) അതു​കൊണ്ട്‌, യഹോ​വ​യ്‌ക്കു ദാനങ്ങൾ നൽകു​മ്പോൾ, അവന്റെ ഹൃദയ​ന​ന്മ​യെ​പ്രതി നമുക്കു നൽകി​യി​രി​ക്കു​ന്നവ നാം കേവലം തിരി​ച്ചു​കൊ​ടു​ക്കു​ന്നു​വെ​ന്നേ​യു​ള്ളൂ. (1 കൊരി​ന്ത്യർ 4:7) എന്നാൽ നേരത്തേ കണ്ടതു​പോ​ലെ, യഹോ​വയെ ബഹുമാ​നി​ക്കു​ന്ന​തിൽ, മറ്റുള്ള​വ​രു​ടെ മുമ്പാകെ അവനെ ഉയർത്തു​ന്ന​തും ഉൾപ്പെ​ടു​ന്നുണ്ട്‌. സത്യാ​രാ​ധ​ന​യു​ടെ ഉന്നമന​ത്തി​നാ​യി ഉപയോ​ഗി​ക്കുന്ന ഭൗതിക ദാനങ്ങൾ ദൈവത്തെ ബഹുമാ​നി​ക്കു​ന്നു. ഈ വിധത്തിൽ യഹോ​വയെ ബഹുമാ​നി​ക്കു​ന്ന​തി​ന്റെ ഉത്തമ ദൃഷ്ടാ​ന്തങ്ങൾ ബൈബി​ളി​ലുണ്ട്‌.

കഴിഞ്ഞ​കാല ദൃഷ്ടാ​ന്ത​ങ്ങൾ

ഏതാണ്ട്‌ 3,500 വർഷം​മുമ്പ്‌, ഇസ്രാ​യേ​ല്യർക്കുള്ള ഒരു ആരാധ​നാ​സ്ഥ​ല​മാ​യി യഹോവ മരുഭൂ​മി​യിൽ സമാഗമന കൂടാരം പ്രദാനം ചെയ്യേണ്ട സമയമാ​യ​പ്പോൾ, ദിവ്യ​മാ​യി നൽകപ്പെട്ട രൂപകൽപ്പ​ന​യ്‌ക്ക്‌ വിലപി​ടി​പ്പുള്ള പല സാധന​ങ്ങ​ളും ആവശ്യ​മാ​യി​വന്നു. ‘നല്ല മനസ്സു​ള്ള​വ​രെ​ല്ലാം [“മനസ്സൊ​രു​ക്ക​മു​ള്ള​വ​രെ​ല്ലാം,” NW] യഹോ​വെക്കു വഴിപാ​ടു കൊണ്ടു​വ​രട്ടെ’യെന്നു യഹോവ മോശ​യോ​ടു കൽപ്പിച്ചു. (പുറപ്പാ​ടു 35:5) വിവരണം തുടർന്നി​ങ്ങനെ പറയുന്നു: “ഹൃദയ​ത്തിൽ ഉത്സാഹ​വും മനസ്സിൽ താല്‌പ​ര്യ​വും തോന്നി​യവൻ എല്ലാം സമാഗ​മ​ന​കൂ​ടാ​ര​ത്തി​ന്റെ പ്രവൃ​ത്തി​ക്കും അതിന്റെ സകലശു​ശ്രൂ​ഷ​ക്കും വിശു​ദ്ധ​വ​സ്‌ത്ര​ങ്ങൾക്കും വേണ്ടി യഹോ​വെക്കു വഴിപാ​ടു കൊണ്ടു​വന്നു.” (പുറപ്പാ​ടു 35:21) വാസ്‌ത​വ​ത്തിൽ, അവരുടെ സ്വമേ​ധയാ വഴിപാട്‌ ആവശ്യ​ത്തി​ല​ധി​ക​മാ​യ​തി​നാൽ അവരെ ‘കൊണ്ടു​വ​രു​ന്ന​തിൽനി​ന്നു തടയേ​ണ്ടി​വന്നു.’—പുറപ്പാ​ടു 36:5, 6, NW.

മറ്റൊരു ദൃഷ്ടാന്തം പരിചി​ന്തി​ക്കുക. സമാഗ​മ​ന​കൂ​ടാ​രം അതിന്റെ ഉദ്ദേശ്യം നിവർത്തി​ക്കു​ക​യും ആലയനിർമാ​ണ​ത്തി​നുള്ള ഒരുക്കങ്ങൾ തുടങ്ങു​ക​യും ചെയ്‌ത​പ്പോൾ തന്റെ പുത്ര​നായ ശലോ​മോൻ നിർമി​ക്കാ​നി​രുന്ന ആലയത്തി​നു ദാവീദ്‌ വ്യക്തി​പ​ര​മായ ഒരു വലിയ സംഭാവന നൽകി. സംഭാവന ചെയ്യു​ന്ന​തിൽ മറ്റുള്ള​വ​രും പങ്കു​ചേ​ര​ണ​മെന്ന്‌ അവൻ ആവശ്യ​പ്പെട്ടു. ആളുകൾ യഹോ​വ​യ്‌ക്കു വില​യേ​റിയ വസ്‌തു​ക്കൾ നൽകി പ്രതി​ക​രി​ച്ചു. വെള്ളി​യു​ടെ​യും സ്വർണ​ത്തി​ന്റെ​യും മാത്രം വില ഇപ്പോ​ഴത്തെ നിരക്കിൽ ഏതാണ്ട്‌ 5,000 കോടി ഡോളർ വരുമാ​യി​രു​ന്നു. “ജനം മനഃപൂർവ്വ​മാ​യി [“സ്വമേ​ധയാ,” NW] കൊടു​ത്തതു കൊണ്ടു അവർ സന്തോ​ഷി​ച്ചു.”—1 ദിനവൃ​ത്താ​ന്തം 29:3-9; 2 ദിനവൃ​ത്താ​ന്തം 5:1.

നമ്മുടെ നാളിലെ “സ്വമേ​ധയാ ദാനങ്ങൾ”

നമ്മുടെ നാളിൽ സ്വമേ​ധയാ ദാനങ്ങൾ കൊടു​ക്കു​ന്ന​തി​ലെ സന്തോ​ഷ​ത്തിൽ നമു​ക്കെ​ങ്ങനെ പങ്കുപ​റ്റാ​നാ​കും? ലോക​ത്തിൽ ഇപ്പോൾ നടന്നു​കൊ​ണ്ടി​രി​ക്കുന്ന സുപ്ര​ധാന വേല രാജ്യ​ത്തെ​ക്കു​റി​ച്ചുള്ള പ്രസം​ഗ​വും ശിഷ്യ​രാ​ക്ക​ലു​മാണ്‌. (മത്തായി 24:14; 28:19, 20; പ്രവൃ​ത്തി​കൾ 1:8) രാജ്യ​ത്തി​ന്റെ ഭൗമിക താത്‌പ​ര്യ​ങ്ങൾ തന്റെ സാക്ഷി​കളെ ഏൽപ്പി​ക്കു​ന്നത്‌ ഉചിത​മെന്ന്‌ യഹോവ കണ്ടിരി​ക്കു​ന്നു.—യെശയ്യാ​വു 43:10.

യഹോ​വ​യു​ടെ സാക്ഷികൾ ഇന്നു നിർവ​ഹി​ക്കുന്ന വേലയ്‌ക്കു സാമ്പത്തിക സഹായം ആവശ്യ​മാ​ണെ​ന്നത്‌ വ്യക്തമാണ്‌. രാജ്യ​ഹാ​ളു​ക​ളും സമ്മേള​ന​ഹാ​ളു​ക​ളും ബ്രാഞ്ച്‌ ഓഫീ​സു​ക​ളും ഫാക്ടറി​ക​ളും ബെഥേൽഭ​വ​ന​ങ്ങ​ളും നിർമിച്ച്‌ സംരക്ഷി​ക്കു​ന്ന​തിന്‌ പണം ആവശ്യ​മാണ്‌. അനേകം ഭാഷക​ളിൽ ബൈബി​ളും ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളും അച്ചടിച്ച്‌ വിതരണം ചെയ്യു​ന്ന​തും ചെലവുള്ള സംഗതി​തന്നെ. സംഘാ​ട​ന​വു​മാ​യി ബന്ധപ്പെട്ട അത്തരം ചെലവു​കൾക്കുള്ള പണം ലഭിക്കു​ന്ന​തെ​ങ്ങ​നെ​യാണ്‌? തികച്ചും സ്വമേ​ധ​യാ​യുള്ള സംഭാ​വ​ന​ക​ളി​ലൂ​ടെ!

സംഭാ​വ​ന​ക​ളിൽ ഏറിയ​പ​ങ്കും വരുന്നത്‌ യേശു നിരീ​ക്ഷിച്ച വിധവ​യെ​പ്പോ​ലുള്ള എളിയ വരുമാ​ന​മുള്ള വ്യക്തി​ക​ളിൽനി​ന്നാണ്‌. ഈ വിധത്തിൽ യഹോ​വയെ ബഹുമാ​നി​ക്കു​ന്ന​തി​നുള്ള അവസരം നഷ്ടപ്പെ​ടു​ത്താ​തി​രി​ക്കാൻ, അവർ “പ്രാപ്‌തി​പോ​ലെ​യും” ചില​പ്പോൾ “പ്രാപ്‌തി​ക്കു മീതെ​യും” മിതമായ തുകകൾ സംഭാവന ചെയ്യുന്നു.—2 കൊരി​ന്ത്യർ 8:3, 4.

“അവനവൻ ഹൃദയ​ത്തിൽ നിശ്ചയി​ച്ച​തു​പോ​ലെ കൊടു​ക്കട്ടെ. സങ്കട​ത്തോ​ടെ അരുതു; നിർബ്ബ​ന്ധ​ത്താ​ലു​മ​രു​തു; സന്തോ​ഷ​ത്തോ​ടെ കൊടു​ക്കു​ന്ന​വനെ ദൈവം സ്‌നേ​ഹി​ക്കു​ന്നു” എന്നു പൗലൊസ്‌ അപ്പോ​സ്‌തലൻ കൊരി​ന്തി​ലെ ക്രിസ്‌ത്യാ​നി​ക​ളോ​ടു പറഞ്ഞു. (2 കൊരി​ന്ത്യർ 9:7) സന്തോ​ഷ​ത്തോ​ടെ കൊടു​ക്കു​ന്ന​തി​നു നല്ല ആസൂ​ത്രണം ആവശ്യ​മാണ്‌. പൗലൊസ്‌ കൊരി​ന്ത്യ​രോ​ടു പറഞ്ഞു: “നിങ്ങൾ ഓരോ​രു​ത്ത​രും കഴിവ​നു​സ​രി​ച്ചുള്ള തുക ആഴ്‌ച​യി​ലെ ആദ്യദി​വസം അവനവന്റെ വീട്ടിൽ നീക്കി​വെ​ക്കണം; അങ്ങനെ ആയാൽ ഞാൻ വരു​മ്പോൾ പിരി​വൊ​ന്നും നടത്തേ​ണ്ടി​വ​രില്ല.” (1 കൊരി​ന്ത്യർ 16:2, NW) സമാന​മാ​യി, ഇന്ന്‌ രാജ്യ​വേല ഉന്നമി​പ്പി​ക്കാൻ സ്വകാ​ര്യ​മാ​യും സ്വമേ​ധ​യാ​യും സംഭാ​വ​നകൾ കൊടു​ക്കാൻ ആഗ്രഹി​ക്കു​ന്ന​വർക്ക്‌ അതിനാ​യി തങ്ങളുടെ വരുമാ​ന​ത്തി​ന്റെ ഒരംശം മാറ്റി​വെ​ക്കാ​വു​ന്ന​താണ്‌.

തന്നെ ബഹുമാ​നി​ക്കു​ന്ന​വരെ യഹോവ അനു​ഗ്ര​ഹി​ക്കു​ന്നു

ഭൗതിക സമൃദ്ധി ആത്മീയ സമൃദ്ധി​ക്കു നിദാ​നമല്ല. സമയവും ഊർജ​വും ഭൗതി​ക​വി​ഭ​വ​ങ്ങ​ളും​പോ​ലുള്ള നമ്മുടെ വില​യേ​റിയ വസ്‌തു​ക്കൾ യഹോ​വയെ ബഹുമാ​നി​ക്കു​ന്ന​തി​നാ​യി ഔദാ​ര്യ​പൂർവം ഉപയോ​ഗി​ക്കു​മ്പോ​ഴാ​ണു സമൃദ്ധ​മായ അനു​ഗ്ര​ഹ​ങ്ങ​ളു​ണ്ടാ​കു​ന്നത്‌. അതിനു കാരണം സകലവും തന്റേതാ​യി​രി​ക്കുന്ന ദൈവം നമുക്ക്‌ ഈ ഉറപ്പു​നൽകു​ന്നു​വെ​ന്ന​താണ്‌: “ഔദാ​ര്യ​മാ​നസൻ പുഷ്ടി പ്രാപി​ക്കും; തണുപ്പി​ക്കു​ന്ന​വന്നു തണുപ്പു കിട്ടും.”—സദൃശ​വാ​ക്യ​ങ്ങൾ 11:25.

ദാവീദ്‌ രാജാ​വി​ന്റെ മരണ​ത്തെ​ത്തു​ടർന്ന്‌, അവന്റെ പുത്ര​നായ ശലോ​മോൻ തന്റെ പിതാവു സമാഹ​രിച്ച സ്വമേ​ധയാ സംഭാ​വ​നകൾ യഹോ​വ​യു​ടെ നിർദേ​ശാ​നു​സ​രണം മഹനീയ ആലയം നിർമി​ക്കു​ന്ന​തി​നാ​യി ഉപയോ​ഗി​ച്ചു. ദൈവ​ത്തി​ന്റെ ആരാധ​ന​യിൽ ശലോ​മോൻ വിശ്വ​സ്‌ത​നാ​യി​രു​ന്നി​ട​ത്തോ​ളം​കാ​ലം, “യെഹൂ​ദ​യും യിസ്രാ​യേ​ലും ദാൻമു​തൽ ബേർ-ശേബവ​രെ​യും . . . നിർഭയം വസിച്ചു.” (1 രാജാ​ക്ക​ന്മാർ 4:25) ഇസ്രാ​യേൽ ‘തങ്ങളുടെ വില​യേ​റിയ വസ്‌തു​ക്കൾകൊണ്ട്‌ യഹോ​വയെ ബഹുമാ​നി’ച്ചിട​ത്തോ​ളം​കാ​ലം കളപ്പു​രകൾ നിറയു​ക​യും മുന്തി​രി​ച്ച​ക്കു​കൾ കവി​ഞ്ഞൊ​ഴു​കു​ക​യും ചെയ്‌തു.

പിൽക്കാ​ലത്ത്‌, മലാഖി പ്രവാ​ച​ക​നി​ലൂ​ടെ യഹോവ പറഞ്ഞു: “ഞാൻ നിങ്ങൾക്കു ആകാശ​ത്തി​ന്റെ കിളി​വാ​തി​ലു​കളെ തുറന്നു, സ്ഥലം പോരാ​തെ​വ​രു​വോ​ളം നിങ്ങളു​ടെ​മേൽ അനു​ഗ്രഹം പകരു​ക​യി​ല്ല​യോ? എന്നിങ്ങനെ നിങ്ങൾ ഇതിനാൽ എന്നെ പരീക്ഷി​പ്പിൻ എന്നു സൈന്യ​ങ്ങ​ളു​ടെ യഹോവ അരുളി​ച്ചെ​യ്യു​ന്നു.” (മലാഖി 3:10) യഹോ​വ​യു​ടെ ദാസന്മാർ ഇന്ന്‌ ആസ്വദി​ക്കുന്ന ആത്മീയ സമൃദ്ധി ദൈവം തന്റെ വാഗ്‌ദാ​നം പാലി​ച്ചി​രി​ക്കു​ന്നു​വെ​ന്ന​തി​ന്റെ തെളി​വാണ്‌.

രാജ്യ​താ​ത്‌പ​ര്യ​ങ്ങൾ ഉന്നമി​പ്പി​ക്കു​ന്ന​തിൽ നാം നമ്മുടെ പങ്കു നിർവ​ഹി​ക്കു​മ്പോൾ യഹോവ തീർച്ച​യാ​യും പ്രസാ​ദി​ക്കു​ന്നു. (എബ്രായർ 13:15, 16) നാം “മുമ്പെ അവന്റെ രാജ്യ​വും നീതി​യും അന്വേഷി”ച്ചുകൊ​ണ്ടേ​യി​രി​ക്കു​ന്നെ​ങ്കിൽ നമ്മെ താങ്ങി​ക്കൊ​ള്ളാ​മെന്ന്‌ അവൻ വാഗ്‌ദാ​നം ചെയ്യുന്നു. (മത്തായി 6:33) അത്യധി​കം ഹൃദയാ​ഹ്ലാ​ദ​ത്തോ​ടെ നമുക്കു ‘നമ്മുടെ വില​യേ​റിയ വസ്‌തു​ക്കൾകൊണ്ട്‌ യഹോ​വയെ ബഹുമാ​നി​ക്കാം.’

[28, 29 പേജു​ക​ളി​ലെ ചതുരം]

ലോകവ്യാപകവേലയ്‌ക്കു ചിലർ സ്വമേ​ധയാ സംഭാ​വ​നകൾ കൊടു​ക്കാൻ തിര​ഞ്ഞെ​ടു​ക്കുന്ന വിധങ്ങൾ

“സൊ​സൈ​റ്റി​യു​ടെ ലോക​വ്യാ​പ​ക​വേ​ല​ക്കുള്ള സംഭാ​വ​നകൾ—മത്തായി 24:14” എന്ന ലേബലുള്ള സംഭാ​വ​ന​പ്പെ​ട്ടി​ക​ളിൽ ഇടുന്ന​തിന്‌ അനേകർ ഒരു തുക നീക്കി​വെ​ക്കു​ന്നു അഥവാ ബജറ്റിൽ ഉൾപ്പെ​ടു​ത്തു​ന്നു. ഓരോ മാസവും സഭകൾ ഈ തുക ന്യൂ​യോർക്കി​ലെ ബ്രുക്ലി​നി​ലുള്ള ലോകാ​സ്ഥാ​ന​ത്തേ​ക്കോ പ്രാ​ദേ​ശിക ബ്രാഞ്ച്‌ ഓഫീ​സി​ലേ​ക്കോ അയയ്‌ക്കു​ന്നു.

സ്വമേ​ധ​യാ​ദാ​ന​മാ​യുള്ള പണം Watch Tower Bible and Tract Society of India, H-58, Old Khandala Road, Lonavla, 410 401, Pune Dist, Mah.,-ലേക്കോ നിങ്ങളു​ടെ രാജ്യത്തു പ്രവർത്തി​ക്കുന്ന സൊ​സൈ​റ്റി​യു​ടെ ഓഫീ​സി​ലേ​ക്കോ നേരിട്ട്‌ അയയ്‌ക്കാ​വു​ന്ന​താണ്‌. കൂടാതെ ആഭരണ​ങ്ങ​ളോ വില​യേ​റിയ മറ്റു വസ്‌തു​ക്ക​ളോ സംഭാവന ചെയ്യാ​വു​ന്ന​താണ്‌. ഈ സംഭാ​വ​ന​ക​ളോ​ടൊ​പ്പം അവ നിരു​പാ​ധി​ക​മായ ഒരു ദാനമാ​ണെന്നു ചുരു​ക്ക​മാ​യി പ്രസ്‌താ​വി​ക്കുന്ന ഒരു കത്തും ഉണ്ടായി​രി​ക്കണം.

സോപാ​ധിക സംഭാ​വനാ ക്രമീ​ക​രണം വ്യക്തി​പ​ര​മായ ആവശ്യം വരുന്ന​പക്ഷം തിരി​ച്ചു​ത​ര​ണ​മെ​ന്നുള്ള വ്യവസ്ഥ​യിൽ, പണം വാച്ച്‌ ടവർ സൊ​സൈ​റ്റി​യെ ഏൽപ്പി​ക്കാ​വു​ന്ന​താണ്‌. കൂടുതൽ വിവര​ങ്ങൾക്ക്‌ മേൽപ്പറഞ്ഞ വിലാ​സ​ത്തിൽ സൊ​സൈ​റ്റി​യു​മാ​യി ബന്ധപ്പെ​ടുക.

ആസൂത്രിത കൊടു​ക്കൽ നിരു​പാ​ധിക ദാനവും സോപാ​ധിക സംഭാ​വ​ന​യു​മാ​യി പണം നൽകു​ന്ന​തി​നു പുറമേ, ലോക​വ്യാ​പക രാജ്യ​സേ​വ​ന​ത്തി​ന്റെ പ്രയോ​ജ​ന​ത്തി​നാ​യി കൊടു​ക്കാ​വുന്ന വേറെ​യും രീതി​ക​ളുണ്ട്‌. പിൻവ​രു​ന്നവ അതിൽ ഉൾപ്പെ​ടു​ന്നു:

ഇൻഷ്വ​റൻസ്‌:ഇൻഷ്വ​റൻസ്‌ പോളി​സി​യു​ടെ​യോ റിട്ടയർമെൻറ്‌⁄പെൻഷൻ പദ്ധതി​യു​ടെ​യോ ഗുണ​ഭോ​ക്താ​വാ​യി വാച്ച്‌ ടവർ സൊ​സൈ​റ്റി​യു​ടെ പേർ വയ്‌ക്കാ​വു​ന്ന​താണ്‌. അങ്ങനെ​യുള്ള ഏതു ക്രമീ​ക​ര​ണ​വും സൊ​സൈ​റ്റി​യെ അറിയി​ച്ചി​രി​ക്കണം.

ബാങ്ക്‌ അക്കൗണ്ടു​കൾ: പ്രാ​ദേ​ശിക ബാങ്കു​നി​യ​മ​ങ്ങൾക്കു ചേർച്ച​യിൽ, ബാങ്ക്‌ അക്കൗണ്ടു​കൾ, നിക്ഷേ​പ​സർട്ടി​ഫി​ക്ക​റ്റു​കൾ, അല്ലെങ്കിൽ വ്യക്തി​പ​ര​മായ പെൻഷൻ അക്കൗണ്ടു​കൾ എന്നിവ വാച്ച്‌ ടവർ സൊ​സൈ​റ്റി​യിൽ ട്രസ്റ്റായി അല്ലെങ്കിൽ മരണത്തി​ങ്കൽ ലഭിക്കാ​വു​ന്ന​താ​യി ഏൽപ്പി​ക്കാ​വു​ന്ന​താണ്‌. അങ്ങനെ​യുള്ള ഏതു ക്രമീ​ക​ര​ണ​വും സൊ​സൈ​റ്റി​യെ അറിയി​ച്ചി​രി​ക്കണം.

സ്‌റ്റോ​ക്കു​ക​ളും ബോണ്ടു​ക​ളും: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ വരുമാ​നം തുടർന്നും ദാതാ​വി​നു ലഭിക്കുന്ന ക്രമീ​ക​ര​ണ​ത്തിൻകീ​ഴി​ലോ സ്‌റ്റോ​ക്കു​ക​ളും ബോണ്ടു​ക​ളും വാച്ച്‌ ടവർ സൊ​സൈ​റ്റി​ക്കു ദാനമാ​യി നൽകാ​വു​ന്ന​താണ്‌.

സ്ഥാവര​വ​സ്‌തു: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ ദാതാ​വിന്‌ ആയുഷ്‌കാ​ലാ​വ​കാ​ശം നിലനിർത്തി​ക്കൊ​ണ്ടോ, വിൽക്കാ​വുന്ന സ്ഥാവര​വ​സ്‌തു വാച്ച്‌ ടവർ സൊ​സൈ​റ്റി​ക്കു ദാനം ചെയ്യാ​വു​ന്ന​താണ്‌, ദാതാ​വി​ന്റെ ആയുഷ്‌പ​ര്യ​ന്തം അയാൾക്ക്‌ അവിടെ താമസി​ക്കാം. ഏതെങ്കി​ലും സ്ഥാവര​വ​സ്‌തു സൊ​സൈ​റ്റിക്ക്‌ ആധാരം ചെയ്യു​ന്ന​തി​നു​മു​മ്പാ​യി സൊ​സൈ​റ്റി​യു​മാ​യി സമ്പർക്കം പുലർത്തണം.

വിൽപ്പ​ത്ര​ങ്ങ​ളും ട്രസ്‌റ​റു​ക​ളും: നിയമ​പ​ര​മാ​യി തയ്യാറാ​ക്കിയ വിൽപ്പ​ത്രം മുഖാ​ന്തരം വസ്‌തു​വോ പണമോ വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈ​റ്റിക്ക്‌ ഒസ്യത്താ​യി നൽകാ​വു​ന്ന​താണ്‌. അല്ലെങ്കിൽ ഒരു ട്രസ്റ്റ്‌ ക്രമീ​ക​ര​ണ​ത്തി​ന്റെ ഗുണ​ഭോ​ക്താ​വാ​യി സൊ​സൈ​റ്റി​യു​ടെ പേർ കൊടു​ക്കാ​വു​ന്ന​താണ്‌. ഒരു മതസ്ഥാ​പ​ന​ത്തി​നു പ്രയോ​ജ​കീ​ഭ​വി​ക്കുന്ന ട്രസ്റ്റ്‌ ചില നികു​തി​യി​ള​വു​കൾക്ക്‌ ഇടയാ​ക്കി​യേ​ക്കാം. വിൽപ്പ​ത്ര​ത്തി​ന്റെ അല്ലെങ്കിൽ ട്രസ്റ്റ്‌ കരാറി​ന്റെ ഒരു പകർപ്പു സൊ​സൈ​റ്റിക്ക്‌ അയച്ചു​കൊ​ടു​ക്കേ​ണ്ട​താണ്‌. ഇങ്ങനെ​യുള്ള ഏതെങ്കി​ലു​മൊ​രു ആസൂ​ത്രിത കൊടു​ക്ക​ലിൽ താത്‌പ​ര്യ​മു​ള്ള​വർക്കു മുകളിൽ കൊടു​ത്തി​രി​ക്കുന്ന വിലാ​സ​ത്തി​ലോ നിങ്ങളു​ടെ രാജ്യ​ത്തുള്ള സൊ​സൈ​റ്റി​യു​ടെ ഓഫീ​സു​മാ​യോ ബന്ധപ്പെ​ടാ​വു​ന്ന​താണ്‌. ഈ ക്രമീ​ക​ര​ണ​ങ്ങ​ളിൽ ഏതുമാ​യും ബന്ധപ്പെട്ട പ്രസക്ത രേഖക​ളു​ടെ ഒരു പ്രതി സൊ​സൈ​റ്റി​ക്കു ലഭി​ക്കേ​ണ്ട​താണ്‌.