അവർ യഹോ​വ​യു​ടെ ഹിതം ചെയ്‌തു

ആത്മത്യാ​ഗ​ത്തി​ന്റെ​യും വിശ്വ​സ്‌ത​ത​യു​ടെ​യും ഒരു ദൃഷ്ടാന്തം

എലീശാ എന്ന യുവകർഷ​കനെ സംബന്ധി​ച്ചി​ട​ത്തോ​ളം ഒരു പതിവ്‌ ഉഴവു​ദി​ന​മാ​യി തുടങ്ങിയ ആ ദിനം ജീവി​ത​ത്തി​ലെ ഏറ്റവും പ്രധാന ദിനമാ​യി​ത്തീർന്നു. എലീശാ വയലിൽ ജോലി​ചെ​യ്‌തു​കൊ​ണ്ടി​രു​ന്ന​പ്പോൾ, ഇസ്രാ​യേ​ലി​ലെ സമുന്നത പ്രവാ​ച​ക​നായ ഏലീയാവ്‌ അവിചാ​രി​ത​മാ​യി അവനെ സന്ദർശി​ച്ചു. ‘അവൻ എന്തിനാ​യി​രി​ക്കും എന്നെ സന്ദർശി​ക്കു​ന്നത്‌?,’ എലീശാ അതിശ​യി​ച്ചി​രി​ക്കണം. ഉത്തരത്തി​നാ​യി അവനു ദീർഘ​നേരം കാത്തു​നിൽക്കേ​ണ്ടി​വ​ന്നില്ല. ഒരിക്കൽ എലീശാ തന്റെ പിൻഗാ​മി​യാ​യി​രി​ക്കു​മെന്നു സൂചി​പ്പി​ച്ചു​കൊണ്ട്‌ ഏലീയാവ്‌ തന്റെ ഔദ്യോ​ഗിക വസ്‌ത്രം എലീശാ​യു​ടെ​മേൽ ഇട്ടു. എലീശാ ആ ക്ഷണം നിസ്സാ​ര​മാ​യെ​ടു​ത്തില്ല. ഏലീയാ​വി​ന്റെ ശുശ്രൂ​ഷ​ക​നാ​യി​രി​ക്കേ​ണ്ട​തിന്‌ ഉടൻതന്നെ അവൻ തന്റെ വയൽവി​ട്ടു​പോ​യി.—1 രാജാ​ക്ക​ന്മാർ 19:19-21.

ഏതാണ്ട്‌ ആറുവർഷം കഴിഞ്ഞ്‌, ഏലീയാ​വിന്‌ വിട്ടു​പോ​കാ​നുള്ള സമയമാ​യി. അവന്റെ പുറ​പ്പെ​ട​ലിൻ വിവരണം എബ്രായ തിരു​വെ​ഴു​ത്തു​ക​ളി​ലെ “ഏറ്റവും ഗംഭീ​ര​മായ വിവര​ണ​ങ്ങ​ളി​ലൊന്ന്‌” എന്ന്‌ വിളി​ക്ക​പ്പെ​ട്ടി​രി​ക്കു​ന്നു.

ഏലീയാവ്‌ വിട്ടു​പോ​കാൻ ഒരുങ്ങു​ന്നു

ബെഥേ​ലി​ലും യെരീ​ഹോ​യി​ലും യോർദാ​നി​ലും ഒരു അവസാന സന്ദർശനം നടത്താൻ ഏലീയാവ്‌ ആഗ്രഹി​ച്ചു. അതിനാ​യി കിലോ​മീ​റ്റ​റു​ക​ളോ​ളം നടക്കണ​മാ​യി​രു​ന്നു. അതിൽ ദുർഘ​ടം​പി​ടിച്ച കുറെ പർവത​പ്ര​ദേ​ശ​ങ്ങ​ളും ഉൾപ്പെ​ടു​മാ​യി​രു​ന്നു. യാത്ര​യു​ടെ ഓരോ ഘട്ടത്തി​ലും ആ സ്ഥലത്തു​തന്നെ തുടരാൻ ഏലീയാവ്‌ എലീശാ​യെ പ്രോ​ത്സാ​ഹി​പ്പി​ച്ചു. എന്നാൽ അവസാ​നം​വരെ തന്റെ യജമാ​ന​നോ​ടൊ​പ്പം തുടര​ണ​മെന്ന്‌ എലീശാ നിർബ​ന്ധം​പി​ടി​ച്ചു.—2 രാജാ​ക്ക​ന്മാർ 2:1, 2, 4, 6.

ബെഥേ​ലി​ലും യെരീ​ഹോ​യി​ലു​മാ​യി​രു​ന്ന​പ്പോൾ, “പ്രവാ​ച​ക​ശി​ഷ്യ​ന്മാർ” എലീശാ​യു​ടെ അടുക്കൽവന്നു.a “യഹോവ ഇന്നു നിന്റെ യജമാ​നനെ നിന്റെ തലെക്കൽനി​ന്നു എടുത്തു​കൊ​ള്ളും എന്നു നീ അറിയു​ന്നു​വോ”യെന്ന്‌ അവർ അവനോ​ടു ചോദി​ച്ചു. “അതേ, ഞാൻ അറിയു​ന്നു; നിങ്ങൾ മിണ്ടാ​തി​രി​പ്പിൻ” എന്ന്‌ അവൻ മറുപ​ടി​പ​റഞ്ഞു.—2 രാജാ​ക്ക​ന്മാർ 2:3, 5.

ഏലീയാ​വും എലീശാ​യും അടുത്ത​താ​യി യോർദാൻ നദിയി​ലേക്കു യാത്ര​യാ​യി. അവർ യോർദാ​നിൽ എത്തിയ​പ്പോൾ, ഏതാണ്ട്‌ 50 പ്രവാ​ച​ക​ശി​ഷ്യ​ന്മാർ അകലെ​നിന്ന്‌ നോക്കി​നിൽക്കവേ ഏലീയാവ്‌ ഒരു അത്ഭുതം പ്രവർത്തി​ച്ചു. “ഏലീയാ​വു തന്റെ പുതപ്പു എടുത്തു മടക്കി വെള്ളത്തെ അടിച്ചു; അതു അങ്ങോ​ട്ടും ഇങ്ങോ​ട്ടും പിരിഞ്ഞു; അങ്ങനെ അവർ ഇരുവ​രും ഉണങ്ങിയ നിലത്തു​കൂ​ടി അക്കരെക്കു കടന്നു.”—2 രാജാ​ക്ക​ന്മാർ 2:8.

അവർ അക്കരെ കടന്നു​ക​ഴി​ഞ്ഞ​പ്പോൾ ഏലീയാവ്‌ എലീശാ​യോ​ടു പറഞ്ഞു: “ഞാൻ നിങ്കൽനി​ന്നു എടുത്തു​കൊ​ള്ള​പ്പെ​ടും​മു​മ്പെ ഞാൻ നിനക്കു എന്തു ചെയ്‌തു​ത​രേണം? ചോദി​ച്ചു​കൊൾക.” എലീശാ ഏലീയാ​വി​ന്റെ ആത്മാവിൽ ‘ഇരട്ടി പങ്ക്‌,’ അതായത്‌ സാധാ​ര​ണ​മാ​യി ആദ്യജാ​ത​പു​ത്രന്റെ അവകാ​ശ​മായ രണ്ട്‌ പങ്ക്‌, ചോദി​ച്ചു. തീർച്ച​യാ​യും, ഒരു ആദ്യജാ​ത​പു​ത്രൻ തന്റെ പിതാ​വി​നെ ആദരി​ക്കു​ന്ന​തു​പോ​ലെ എലീശാ ഏലീയാ​വി​നെ ആദരി​ച്ചി​രു​ന്നു. അതിനു​പു​റമേ, ഇസ്രാ​യേ​ലി​ലെ യഹോ​വ​യു​ടെ പ്രവാ​ച​ക​നെ​ന്ന​നി​ല​യിൽ ഏലീയാ​വി​ന്റെ പിൻഗാ​മി​യാ​യി​ത്തീ​രാൻ വേണ്ടി അവനെ അഭി​ഷേകം ചെയ്‌തി​രു​ന്നു. അതു​കൊണ്ട്‌ അവന്റെ അഭ്യർഥന സ്വാർഥ​പ​ര​മോ അനുചി​ത​മോ ആയിരു​ന്നില്ല. എന്നിരു​ന്നാ​ലും, യഹോ​വ​യ്‌ക്കു മാത്രമേ അത്‌ നൽകാൻ കഴിയു​ക​യു​ള്ളു​വെന്ന്‌ മനസ്സി​ലാ​ക്കി​ക്കൊണ്ട്‌ ഏലീയാവ്‌ വിനീ​ത​നാ​യി മറുപടി പറഞ്ഞു: “നീ പ്രയാ​സ​മുള്ള കാര്യ​മാ​കു​ന്നു ചോദി​ച്ചതു.” എന്നിട്ട്‌ അവൻ കൂട്ടി​ച്ചേർത്തു: “ഞാൻ നിങ്കൽനി​ന്നു എടുത്തു​കൊ​ള്ള​പ്പെ​ടു​മ്പോൾ നീ എന്നെ കാണു​ന്നു​വെ​ങ്കിൽ നിനക്കു അങ്ങനെ ഉണ്ടാകും; അല്ലെന്നു​വ​രി​കിൽ ഉണ്ടാക​യില്ല.”—2 രാജാ​ക്ക​ന്മാർ 2:9, 10; ആവർത്ത​ന​പു​സ്‌തകം 21:17.

തന്റെ യജമാ​ന​നോ​ടു പറ്റിനിൽക്കാൻ എലീശാ മുമ്പെ​ന്ന​ത്തെ​ക്കാ​ളു​മ​ധി​കം നിശ്ചയ​മു​ള്ള​വ​നാ​യി​രു​ന്നു​വെ​ന്ന​തിൽ ഒരു സംശയ​വു​മില്ല. അപ്പോൾ, “അഗ്നിര​ഥ​വും അഗ്ന്യശ്വ​ങ്ങ​ളും” പ്രത്യ​ക്ഷ​പ്പെട്ടു. എലീശാ അന്ധാളി​ച്ചു​നിൽക്കെ, ഏലീയാവ്‌ ഒരു ചുഴലി​ക്കാ​റ്റിൽ എടുക്ക​പ്പെട്ടു, അതായത്‌ മറ്റൊരു സ്ഥലത്തേക്കു അത്ഭുത​ക​ര​മാ​യി മാറ്റ​പ്പെട്ടു.b എലീശാ ഏലീയാ​വി​ന്റെ ഔദ്യോ​ഗിക വസ്‌ത്ര​വു​മെ​ടുത്ത്‌ യോർദാൻ നദിയു​ടെ തീര​ത്തേക്കു മടങ്ങി​പ്പോ​യി. “ഏലീയാ​വി​ന്റെ ദൈവ​മായ യഹോവ എവിടെ” എന്ന്‌ ചോദി​ച്ചു​കൊണ്ട്‌ അവൻ വെള്ളത്തെ അടിച്ചു. ഏലീയാ​വി​ന്റെ പിൻഗാ​മി​യെ​ന്ന​നി​ല​യിൽ എലീശാ​യ്‌ക്ക്‌ ദിവ്യ​പി​ന്തു​ണ​യു​ണ്ടെ​ന്നു​ള്ള​തി​നു വ്യക്തമായ തെളിവു നൽകി​ക്കൊണ്ട്‌ വെള്ളം രണ്ടായി പിരിഞ്ഞു.—2 രാജാ​ക്ക​ന്മാർ 2:11-14.

നമുക്കുള്ള പാഠങ്ങൾ

ഏലീയാ​വി​നോ​ടൊ​പ്പ​മുള്ള പ്രത്യേക സേവന​ത്തി​നു ക്ഷണം ലഭിച്ച​പ്പോൾ, ഇസ്രാ​യേ​ലി​ന്റെ സമുന്നത പ്രവാ​ച​കനു ശുശ്രൂ​ഷ​ചെ​യ്യാ​നാ​യി എലീശാ ഉടനടി തന്റെ വയൽവി​ട്ടു​പോ​യി. വ്യക്തമാ​യും, അവന്റെ ചില കർത്തവ്യ​ങ്ങൾ ഭൃത്യോ​ചി​ത​മാ​യി​രു​ന്നു, എന്തെന്നാൽ “ഏലീയാ​വി​ന്റെ കൈക്കു വെള്ളം ഒഴിച്ച”വൻ എന്നനി​ല​യിൽ അവൻ അറിയ​പ്പെട്ടു.c (2 രാജാ​ക്ക​ന്മാർ 3:11) പക്ഷേ, എലീശാ തന്റെ വേലയെ ഒരു പദവി​യാ​യി വീക്ഷി​ക്കു​ക​യും ഏലീയാ​വി​നോ​ടു വിശ്വ​സ്‌ത​മാ​യി പറ്റിനിൽക്കു​ക​യും ചെയ്‌തു.

ഇന്ന്‌ ഒട്ടുമിക്ക ദൈവ​ദാ​സ​ന്മാ​രും സമാന​മായ ആത്മത്യാ​ഗ​മ​നോ​ഭാ​വം പ്രകട​മാ​ക്കു​ന്നു. വിദൂര പ്രദേ​ശ​ങ്ങ​ളിൽ സുവാർത്ത പ്രസം​ഗി​ക്കു​ന്ന​തി​നോ ബെഥേൽ കുടും​ബാം​ഗ​ങ്ങ​ളാ​യി സേവി​ക്കു​ന്ന​തി​നോ വേണ്ടി ചിലർ തങ്ങളുടെ “വയലുകൾ,” തങ്ങളുടെ ഉപജീ​വ​ന​മാർഗങ്ങൾ, ഉപേക്ഷി​ച്ചി​രി​ക്കു​ന്നു. സൊ​സൈ​റ്റി​യു​ടെ നിർമാണ പദ്ധതി​ക​ളിൽ പങ്കെടു​ക്കു​ന്ന​തി​നു​വേണ്ടി മറ്റുചി​ലർ വിദേ​ശ​രാ​ജ്യ​ങ്ങ​ളി​ലേക്കു യാത്ര​ചെ​യ്‌തി​ട്ടുണ്ട്‌. അനേകർ, തരംതാ​ണ​തെന്നു പരിഗ​ണി​ക്ക​പ്പെ​ടാ​വുന്ന ജോലി​കൾ സ്വീക​രി​ച്ചി​രി​ക്കു​ന്നു. എന്നാൽ യഹോ​വ​യ്‌ക്കു​വേണ്ടി അടിമ​വേല ചെയ്യുന്ന ഏതൊ​രു​വ​നും അപ്രധാ​ന​മായ ഒരു സേവനമല്ല നിർവ​ഹി​ക്കു​ന്നത്‌. തന്നെ സ്വമന​സ്സാ​ലെ സേവി​ക്കുന്ന എല്ലാവ​രെ​യും യഹോവ വിലമ​തി​ക്കു​ന്നു. അവൻ അവരുടെ ആത്മത്യാ​ഗ​മ​നോ​ഭാ​വത്തെ അനു​ഗ്ര​ഹി​ക്കു​ക​യും ചെയ്യും.—മർക്കൊസ്‌ 10:29, 30.

എലീശാ അവസാ​നം​വരെ ഏലീയാ​വി​നോ​ടു പറ്റിനി​ന്നു. അവസരം ലഭിച്ച​പ്പോൾപോ​ലും ആ വൃദ്ധ​പ്ര​വാ​ച​കനെ ഉപേക്ഷി​ക്കാൻ അവൻ വിസമ്മ​തി​ച്ചു. നിസ്സം​ശ​യ​മാ​യും, ഏലീയാ​വു​മാ​യി അവൻ വളർത്തി​യെ​ടുത്ത അടുത്ത ബന്ധം അത്തരം വിശ്വസ്‌ത സ്‌നേ​ഹത്തെ ഉല്ലാസ​പ്ര​ദ​മാ​ക്കി. ഇന്ന്‌, ദൈവ​ദാ​സ​ന്മാർ ദൈവ​വു​മാ​യുള്ള തങ്ങളുടെ ബന്ധം ശക്തി​പ്പെ​ടു​ത്താ​നും സഹവി​ശ്വാ​സി​ക​ളു​മാ​യി കൂടുതൽ അടുക്കാ​നും കഠിന​ശ്രമം ചെയ്യുന്നു. ഐക്യ​ത്തി​ന്റെ ഒരു ദൃഢബന്ധം അനു​ഗ്ര​ഹി​ക്ക​പ്പെ​ടും, കാരണം യഹോ​വ​യെ​ക്കു​റിച്ച്‌ ബൈബിൾ പറയുന്നു: “വിശ്വ​സ്‌ത​നോ​ടു നീ വിശ്വ​സ്‌ത​ത​യോ​ടെ ഇടപെ​ടും.”—2 ശമൂവേൽ 22:26 NW.

[അടിക്കു​റി​പ്പു​കൾ]