ദൈവ​വ​ച​നത്തെ സ്‌നേ​ഹി​ക്കു​ന്ന​തി​ന്റെ പ്രയോ​ജ​ന​ങ്ങൾ

“[ജ്ഞാനത്തെ] സ്‌നേ​ഹി​പ്പിൻ, അതു നിന്നെ കാത്തു​സം​ര​ക്ഷി​ക്കും. . . . നീ അതിനെ ആലിം​ഗനം ചെയ്യു​ന്ന​തി​നാൽ അതു നിന്നെ മഹത്ത്വ​പ്പെ​ടു​ത്തും.”—സദൃശ​വാ​ക്യ​ങ്ങൾ 4:6, 8, NW.

1. ദൈവ​വ​ച​നത്തെ യഥാർഥ​മാ​യും സ്‌നേ​ഹി​ക്കു​ന്ന​തിൽ എന്ത്‌ ഉൾപ്പെ​ടു​ന്നു?

ബൈബിൾ വായന ഒരു ക്രിസ്‌ത്യാ​നി​ക്കു മർമ​പ്ര​ധാ​ന​മാണ്‌. എന്നാൽ അതു കേവലം വായി​ക്കു​ന്നു എന്നതു​കൊണ്ട്‌ ദൈവ​വ​ച​ന​ത്തോ​ടു സ്‌നേഹം ഉണ്ടായി​രി​ക്ക​ണ​മെ​ന്നില്ല. ഒരുവൻ ബൈബിൾ വായി​ച്ചിട്ട്‌ ബൈബിൾ കുറ്റം വിധി​ക്കുന്ന കാര്യങ്ങൾ ചെയ്യു​ന്നു​വെ​ങ്കി​ലോ? ദൈവ​വ​ച​നത്തെ 119-ാം സങ്കീർത്ത​ന​ത്തി​ന്റെ എഴുത്തു​കാ​രൻ സ്‌നേ​ഹിച്ച വിധത്തിൽ അയാൾ അതിനെ സ്‌നേ​ഹി​ക്കു​ന്നി​ല്ലെന്നു വ്യക്തം. ദൈവ​വ​ച​നത്തെ സ്‌നേ​ഹി​ക്കു​ന്നത്‌ അതിന്റെ നിബന്ധ​ന​കൾക്കു ചേർച്ച​യിൽ ജീവി​ക്കു​ന്ന​തി​ലേക്ക്‌ സങ്കീർത്ത​ന​ക്കാ​രനെ നയിച്ചു.—സങ്കീർത്തനം 119:97, 101, 105.

2. ദൈവ​വ​ച​ന​ത്തിൽ അധിഷ്‌ഠി​ത​മായ ജ്ഞാനം എന്തു പ്രയോ​ജ​നങ്ങൾ കൈവ​രു​ത്തു​ന്നു?

² ദൈവ​വ​ച​ന​ത്തി​നു ചേർച്ച​യിൽ ജീവി​ക്കു​ന്ന​തിന്‌ ഒരുവന്റെ ചിന്തയി​ലും ജീവിത രീതി​യി​ലും നിരന്ത​ര​മായ പൊരു​ത്ത​പ്പ​ടു​ത്ത​ലു​കൾ വരു​ത്തേ​ണ്ട​തുണ്ട്‌. അത്തര​മൊ​രു ഗതി ദൈവിക ജ്ഞാനത്തെ പ്രതി​ഫ​ലി​പ്പി​ക്കു​ന്നു. ബൈബിൾ പഠനത്തിൽനി​ന്നു ലഭിക്കുന്ന അറിവും ഗ്രാഹ്യ​വും പ്രാ​യോ​ഗി​ക​മാ​യി ബാധക​മാ​ക്കു​ന്ന​താണ്‌ ആ ജ്ഞാനത്തിൽ ഉൾപ്പെ​ട്ടി​രി​ക്കു​ന്നത്‌. “[ജ്ഞാനത്തെ] സ്‌നേ​ഹി​പ്പിൻ, അതു നിന്നെ കാത്തു​സം​ര​ക്ഷി​ക്കും. അതിനെ അങ്ങേയറ്റം ആദരി​ക്കുക, അതു നിന്നെ ഉയർത്തും. നീ അതിനെ ആലിം​ഗനം ചെയ്യു​ന്ന​തി​നാൽ അതു നിന്നെ മഹത്വ​പ്പെ​ടു​ത്തും. അതു നിന്റെ തലയ്‌ക്കു വശ്യമാ​യൊ​രു ശിരോ​ഭൂ​ഷ​ണ​മേ​കും; ഒരു ശോഭ​യുള്ള കിരീടം അതു നിന്നെ അണിയി​ക്കും.” (സദൃശ​വാ​ക്യ​ങ്ങൾ 4:6, 8, 9, NW) ദൈവ​വ​ച​ന​ത്തോ​ടു സ്‌നേഹം വളർത്താ​നും അതിനാൽ നയിക്ക​പ്പെ​ടാ​നു​മുള്ള എന്തൊരു നല്ല പ്രോ​ത്സാ​ഹനം! സംരക്ഷ​ണ​വും ഉയർച്ച​യും മഹത്ത്വ​വും ആഗ്രഹി​ക്കാ​ത്ത​താ​യി ആരാണു​ള്ളത്‌?

നിത്യ​മായ നാശത്തിൽനി​ന്നു സംരക്ഷി​ക്ക​പ്പെ​ടു​ന്നു

3. ക്രിസ്‌ത്യാ​നി​കൾ എന്നത്തേ​തി​ലും അധിക​മാ​യി സംരക്ഷി​ക്ക​പ്പെ​ടേ​ണ്ട​തു​ള്ളത്‌ എന്തു​കൊണ്ട്‌, ആരിൽനിന്ന്‌?

³ ദൈവ​വ​ചനം പഠിക്കു​ക​യും ബാധക​മാ​ക്കു​ക​യും ചെയ്യു​ന്ന​തിൽനി​ന്നു ലഭിക്കുന്ന ജ്ഞാനത്താൽ ഒരുവൻ സംരക്ഷി​ക്ക​പ്പെ​ടു​ന്നത്‌ ഏതു വിധത്തി​ലാണ്‌? അദ്ദേഹം പിശാ​ചായ സാത്താ​നിൽനി​ന്നു സംരക്ഷി​ക്ക​പ്പെ​ടു​ന്നു എന്നതാണ്‌ ഒരു സംഗതി. ദുഷ്ടനായ സാത്താ​നിൽനിന്ന്‌ ഉള്ള വിടു​ത​ലി​നാ​യി പ്രാർഥി​ക്കാൻ യേശു തന്റെ അനുഗാ​മി​കളെ പഠിപ്പി​ച്ചു. (മത്തായി 6:13) നമ്മുടെ പ്രാർഥ​ന​ക​ളിൽ ഈ അഭ്യർഥന ഉൾപ്പെ​ടു​ത്തേ​ണ്ടത്‌ ഇന്നു വളരെ അടിയ​ന്തി​ര​മാണ്‌. 1914-നെ തുടർന്ന്‌ സാത്താ​നും അവന്റെ ഭൂതങ്ങ​ളും സ്വർഗ​ത്തിൽനി​ന്നു വലി​ച്ചെ​റി​യ​പ്പെട്ടു. തത്‌ഫ​ല​മാ​യി സാത്താൻ “തനിക്കു അല്‌പ​കാ​ല​മേ​യു​ള്ളു എന്നു അറിഞ്ഞു മഹാ​ക്രോ​ധ​ത്തോ​ടെ” പ്രവർത്തി​ക്കു​ന്നു. (വെളി​പ്പാ​ടു 12:9, 10, 12) “ദൈവ​ക​ല്‌പന പ്രമാ​ണി​ക്കു​ന്ന​വ​രും യേശു​വി​ന്റെ സാക്ഷ്യം ഉള്ളവരു​മായ”വർക്ക്‌ എതിരെ നിഷ്‌ഫല പോരാ​ട്ടം നടത്തവെ ഈ അന്ത്യനാ​ളു​ക​ളിൽ അവന്റെ ക്രോധം കത്തിജ്വ​ലി​ക്കുക ആയിരി​ക്കണം.—വെളി​പ്പാ​ടു 12:17.

4 ക്രിസ്‌ത്യാ​നി​കൾ സാത്താന്യ സമ്മർദ​ങ്ങ​ളിൽനി​ന്നും കെണി​ക​ളിൽനി​ന്നും സംരക്ഷി​ക്ക​പ്പെ​ടു​ന്നത്‌ എങ്ങനെ?

⁴ സാത്താൻ തന്റെ ക്രോ​ധ​ത്തിൽ, ഈ ക്രിസ്‌തീയ ശുശ്രൂ​ഷ​കർക്കു പ്രശ്‌നങ്ങൾ സൃഷ്ടി​ക്കാ​നും അവരുടെ വേലയ്‌ക്ക്‌ എതിരെ വന്യമായ പീഡനം ഇളക്കി​വി​ടു​ക​യോ മറ്റു തടസ്സങ്ങൾ ഉളവാ​ക്കു​ക​യോ ചെയ്യാ​നും നിരന്തരം ശ്രമി​ക്കു​ന്നു. രാജ്യ​പ്ര​സംഗ വേലയ്‌ക്കു പകരം ലൗകിക പ്രാമു​ഖ്യത, വിശ്രമ പ്രിയം, ഭൗതിക സ്വത്തു സമ്പാദനം, ഉല്ലാസ അനുധാ​വനം എന്നിവ​യിൽ ശ്രദ്ധ കേന്ദ്രീ​ക​രി​ക്കു​ന്ന​തി​നു രാജ്യ ഘോഷ​കരെ പ്രലോ​ഭി​പ്പി​ക്കാ​നും അവൻ ആഗ്രഹി​ക്കു​ന്നു. സാത്താന്റെ സമ്മർദ​ങ്ങൾക്കു വഴങ്ങി​ക്കൊ​ടു​ക്കു​ന്ന​തിൽനിന്ന്‌, അല്ലെങ്കിൽ അവന്റെ കെണി​ക​ളിൽ അകപ്പെ​ടു​ന്ന​തിൽനിന്ന്‌ ദൈവ​ത്തി​ന്റെ വിശ്വസ്‌ത ദാസന്മാ​രെ സംരക്ഷി​ക്കു​ന്നത്‌ എന്താണ്‌? പ്രാർഥ​ന​യും യഹോ​വ​യു​മാ​യുള്ള വ്യക്തി​പ​ര​മായ അടുത്ത ബന്ധവും അവന്റെ വാഗ്‌ദാ​നങ്ങൾ സുനി​ശ്ചി​ത​മാ​യും നിവൃ​ത്തി​യേ​റു​മെന്ന വിശ്വാ​സ​വും തീർച്ച​യാ​യും ജീവത്‌പ്ര​ധാ​ന​മാണ്‌. എന്നാൽ ഇവയെ​ല്ലാം ദൈവ​വ​ച​ന​ത്തി​ലെ ഓർമി​പ്പി​ക്ക​ലു​കളെ കുറി​ച്ചുള്ള അറിവി​നോ​ടും അവയ്‌ക്കു ശ്രദ്ധ കൊടു​ക്കാ​നുള്ള ദൃഢനി​ശ്ച​യ​ത്തോ​ടും ബന്ധപ്പെ​ട്ടി​രി​ക്കു​ന്നു. ഈ ഓർമി​പ്പി​ക്ക​ലു​കൾ ലഭ്യമാ​കു​ന്നത്‌ ബൈബി​ളും ബൈബിൾ പഠന സഹായി​ക​ളും വായി​ക്കു​ന്ന​തി​ലൂ​ടെ, ക്രിസ്‌തീയ യോഗ​ങ്ങൾക്കു ഹാജരാ​കു​ന്ന​തി​ലൂ​ടെ, ഒരു സഹവി​ശ്വാ​സി​യു​ടെ തിരു​വെ​ഴു​ത്തു​പ​ര​മായ ബുദ്ധി​യു​പ​ദേശം ശ്രദ്ധി​ക്കു​ന്ന​തി​ലൂ​ടെ അല്ലെങ്കിൽ ദൈവാ​ത്മാവ്‌ മനസ്സി​ലേക്കു കൊണ്ടു​വ​രുന്ന ബൈബിൾ തത്ത്വങ്ങളെ കുറി​ച്ചുള്ള പ്രാർഥ​നാ​പൂർവ​ക​മായ ധ്യാന​ത്തി​ലൂ​ടെ ആണ്‌.—യെശയ്യാ​വു 30:21; യോഹ​ന്നാൻ 14:26; 1 യോഹ​ന്നാൻ 2:15-17.

5. ദൈവ​വ​ച​ന​ത്തിൽ അധിഷ്‌ഠി​ത​മായ ജ്ഞാനം നമ്മെ സംരക്ഷി​ക്കു​ന്നത്‌ ഏതു വിധങ്ങ​ളിൽ?

⁵ ദൈവ​വ​ച​നത്തെ സ്‌നേ​ഹി​ക്കു​ന്നവർ മറ്റു വിധങ്ങ​ളി​ലും സംരക്ഷി​ക്ക​പ്പെ​ടു​ന്നു. ദൃഷ്ടാ​ന്ത​ത്തിന്‌, മയക്കു​മ​രുന്ന്‌ ദുരു​പ​യോ​ഗം, പുകയി​ല​യു​ടെ ഉപയോ​ഗം, ലൈം​ഗിക അധാർമി​കത എന്നിവ​യാൽ ഉളവാ​കുന്ന വൈകാ​രിക ക്ലേശങ്ങ​ളും ശാരീ​രിക രോഗ​ങ്ങ​ളും അവർ ഒഴിവാ​ക്കു​ന്നു. (1 കൊരി​ന്ത്യർ 5:11; 2 കൊരി​ന്ത്യർ 7:1) ഏഷണി​യി​ലൂ​ടെ​യോ നിർദയ സംസാ​ര​ത്തി​ലൂ​ടെ​യോ അവർ വ്യക്തി ബന്ധങ്ങൾ കളങ്ക​പ്പെ​ടു​ത്താ​റില്ല. (എഫെസ്യർ 4:31) ലോക​ത്തി​ന്റെ വഞ്ചനാ​ത്മ​ക​മായ തത്ത്വശാ​സ്‌ത്ര​ങ്ങ​ളി​ലേക്കു ചൂഴ്‌ന്നി​റ​ങ്ങി​ക്കൊണ്ട്‌ അവർ സംശയ​ത്തിന്‌ ഇരകളാ​കു​ന്ന​തു​മില്ല. (1 കൊരി​ന്ത്യർ 3:19) ദൈവ​വ​ച​നത്തെ സ്‌നേ​ഹി​ക്കു​ന്ന​തി​നാൽ, ദൈവ​വു​മാ​യുള്ള തങ്ങളുടെ ബന്ധത്തെ​യോ നിത്യ​ജീ​വന്റെ പ്രത്യാ​ശ​യെ​യോ കവർന്നെ​ടു​ത്തേ​ക്കാ​വുന്ന കാര്യ​ങ്ങ​ളിൽനിന്ന്‌ അവർ സംരക്ഷി​ക്ക​പ്പെ​ടു​ന്നു. ബൈബി​ളിൽ അടങ്ങി​യി​രി​ക്കുന്ന അതിശ​യ​ക​ര​മായ വാഗ്‌ദാ​ന​ങ്ങ​ളിൽ വിശ്വാ​സം അർപ്പി​ക്കാൻ തങ്ങളുടെ അയൽക്കാ​രെ സഹായി​ക്കു​ന്ന​തിൽ അവർ വ്യാപൃ​ത​രാണ്‌. അതുവഴി, ‘തങ്ങളെ​യും തങ്ങളുടെ പ്രസംഗം കേൾക്കു​ന്ന​വ​രെ​യും രക്ഷിക്കാ’നാകു​മെന്ന്‌ അവർക്ക്‌ അറിയാം.—1 തിമൊ​ഥെ​യൊസ്‌ 4:16.

6 ദൈവ​വ​ച​ന​ത്തിൽ അധിഷ്‌ഠി​ത​മായ ജ്ഞാനത്തിന്‌ പ്രയാസ സാഹച​ര്യ​ങ്ങ​ളിൽ പോലും നമ്മെ സംരക്ഷി​ക്കാൻ കഴിയു​ന്നത്‌ എങ്ങനെ?

⁶ “കാലവും മുൻകൂ​ട്ടി​ക്കാ​ണാൻ കഴിയാത്ത സംഭവ​ങ്ങ​ളും” എല്ലാവ​രെ​യും, ദൈവ​വ​ച​നത്തെ സ്‌നേ​ഹി​ക്കു​ന്ന​വരെ പോലും, ബാധി​ക്കു​ന്നു എന്നതു ശരിതന്നെ. (സഭാ​പ്ര​സം​ഗി 9:11, NW) നമ്മിൽ ചിലർ പ്രകൃതി വിപത്തു​കൾക്കോ ഗുരു​ത​ര​മായ രോഗ​ങ്ങൾക്കോ അപകട​ങ്ങൾക്കോ അകാല മരണത്തി​നോ ഇരയാ​കു​ന്നത്‌ ഒഴിവാ​ക്കാ​നാ​വില്ല. എന്നാൽ അപ്പോ​ഴും നാം സംരക്ഷി​ക്ക​പ്പെ​ടു​ന്നു. ദൈവ​വ​ച​നത്തെ ശരിയാ​യി സ്‌നേ​ഹി​ക്കുന്ന ഒരുവന്‌ ശാശ്വ​ത​മായ ദ്രോഹം ചെയ്യാൻ യാതൊ​രു ദുരന്ത​ത്തി​നും സാധി​ക്കില്ല. അതു​കൊണ്ട്‌, ഭാവി​യിൽ എന്തു സംഭവി​ച്ചേ​ക്കാം എന്നതിനെ കുറിച്ചു നാം അമിത​മാ​യി വ്യാകു​ല​പ്പെ​ടേ​ണ്ട​തില്ല. നാം ന്യായ​മായ മുൻക​രു​ത​ലു​കൾ ഒക്കെ സ്വീക​രിച്ച ശേഷം, കാര്യങ്ങൾ യഹോ​വ​യു​ടെ കരങ്ങളിൽ വിട്ടു​കൊ​ടു​ക്കു​ക​യും നമ്മുടെ സമാധാ​നം കവർന്നു കളയാൻ ഇന്നത്തെ ജീവി​ത​ത്തി​ലെ അരക്ഷി​താ​വ​സ്ഥയെ അനുവ​ദി​ക്കാ​തി​രി​ക്കു​ക​യും ചെയ്യു​ന്ന​താണ്‌ മെച്ചം. (മത്തായി 6:33, 34; ഫിലി​പ്പി​യർ 4:6, 7) പുനരു​ത്ഥാന പ്രത്യാ​ശ​യു​ടെ​യും ദൈവം “സകലവും പുതു​താ​ക്കു”മ്പോഴത്തെ മെച്ചപ്പെട്ട ജീവി​ത​ത്തി​ന്റെ​യും സുനി​ശ്ചി​ത​ത്വം മനസ്സിൽപി​ടി​ക്കുക.—വെളി​പ്പാ​ടു 21:5; യോഹ​ന്നാൻ 11:25.

നിങ്ങ​ളെ​ത്തന്നെ “നല്ല നില”മെന്നു തെളി​യി​ക്കു​ക

7. താൻ പറയു​ന്നതു കേൾക്കാൻ വന്ന ജനക്കൂ​ട്ട​ത്തോട്‌ യേശു ഏത്‌ ഉപമ പറഞ്ഞു?

⁷ ദൈവ​വ​ച​നത്തെ കുറിച്ച്‌ ശരിയായ വീക്ഷണം ഉണ്ടായി​രി​ക്കേ​ണ്ട​തി​ന്റെ പ്രാധാ​ന്യം തന്റെ ഉപമക​ളിൽ ഒന്നിൽ യേശു ഊന്നി​പ്പ​റഞ്ഞു. യേശു പലസ്‌തീ​നിൽ ഉടനീളം സുവാർത്ത പ്രസം​ഗി​ച്ച​പ്പോൾ ജനക്കൂ​ട്ടങ്ങൾ അവനെ ശ്രദ്ധി​ക്കാൻ തടിച്ചു​കൂ​ടി. (ലൂക്കൊസ്‌ 8:1, 4) എന്നാൽ അവരിൽ എല്ലാവ​രു​മൊ​ന്നും ദൈവ​വ​ച​നത്തെ ശരിയാ​യി സ്‌നേ​ഹി​ച്ചി​രു​ന്നില്ല. അനേക​രും അവൻ പറയു​ന്നതു കേൾക്കാൻ വന്നത്‌, അത്ഭുതങ്ങൾ കാണാ​നോ അവന്റെ അതിശ​യ​ക​ര​മായ പഠിപ്പി​ക്കൽ രീതി അവർ ആസ്വദി​ച്ചി​രു​ന്ന​തു​കൊ​ണ്ടോ ആയിരു​ന്നു എന്നതിനു സംശയ​മില്ല. അതു​കൊണ്ട്‌ യേശു ജനക്കൂ​ട്ട​ത്തോട്‌ ഒരു ഉപമ പറഞ്ഞു: “വിതെ​ക്കു​ന്നവൻ വിത്തു വിതെ​പ്പാൻ പുറ​പ്പെട്ടു. വിതെ​ക്കു​മ്പോൾ ചിലതു വഴിയ​രി​കെ വീണിട്ടു ചവിട്ടി​പ്പോ​ക​യും ആകാശ​ത്തി​ലെ പറവജാ​തി അതിനെ തിന്നു​ക​ള​ക​യും ചെയ്‌തു. മററു ചിലതു പാറമേൽ വീണു മുളെച്ചു നനവി​ല്ലാ​യ്‌ക​യാൽ ഉണങ്ങി​പ്പോ​യി. മററു ചിലതു മുള്ളി​ന്നി​ട​യിൽ വീണു; മുള്ളും​കൂ​ടെ മുളെച്ചു അതിനെ ഞെരു​ക്കി​ക്ക​ളഞ്ഞു. മററു ചിലതു നല്ല നിലത്തു വീണു മുളെച്ചു നൂറു​മേനി ഫലം കൊടു​ത്തു.”—ലൂക്കൊസ്‌ 8:4-8.

8. യേശു​വി​ന്റെ ഉപമയി​ലെ വിത്ത്‌ എന്താണ്‌?

⁸ സുവാർത്താ പ്രസം​ഗ​ത്തോ​ടുള്ള പ്രതി​ക​ര​ണങ്ങൾ വ്യത്യ​സ്‌തം ആയിരി​ക്കു​മെന്ന്‌ യേശു​വി​ന്റെ ഉപമ പ്രകട​മാ​ക്കി. അത്‌ ശ്രോ​താ​വി​ന്റെ ഹൃദയ നിലയെ ആശ്രയി​ച്ചി​രി​ക്കു​മാ​യി​രു​ന്നു. വിതയ്‌ക്ക​പ്പെട്ട വിത്ത്‌ “ദൈവ​വചന”മാണ്‌. (ലൂക്കൊസ്‌ 8:11) അഥവാ, ആ ഉപമയെ കുറി​ച്ചുള്ള മറ്റൊരു വിവരണം പറയു​ന്ന​തു​പോ​ലെ വിത്ത്‌ “രാജ്യ​ത്തി​ന്റെ വചന”മാണ്‌. (മത്തായി 13:19) ദൈവ​വ​ച​ന​ത്തി​ന്റെ വിഷയം, തന്റെ പരമാ​ധി​കാ​ര​ത്തി​ന്റെ ഔചി​ത്യം സംസ്ഥാ​പി​ക്കാ​നും തന്റെ നാമത്തെ വിശു​ദ്ധീ​ക​രി​ക്കാ​നും യഹോവ ഉപയോ​ഗി​ക്കുന്ന, യേശു​ക്രി​സ്‌തു രാജാ​വാ​യുള്ള സ്വർഗീയ രാജ്യ​മാ​യ​തി​നാൽ യേശു​വിന്‌ ആ പ്രയോ​ഗ​ങ്ങ​ളിൽ ഏതും ഉപയോ​ഗി​ക്കാ​മാ​യി​രു​ന്നു. (മത്തായി 6:9, 10) അതു​കൊണ്ട്‌ ഫലത്തിൽ വിത്ത്‌, ദൈവ​വ​ച​ന​മായ ബൈബി​ളി​ലെ സുവാർത്താ സന്ദേശ​മാണ്‌. യഥാർഥ വിതക്കാ​ര​നായ യേശു​ക്രി​സ്‌തു​വി​നെ അനുക​രിച്ച്‌ വിത്തു വിതച്ചു​കൊണ്ട്‌ യഹോ​വ​യു​ടെ സാക്ഷികൾ ഈ രാജ്യ സന്ദേശ​ത്തിന്‌ ഊന്നൽ നൽകുന്നു. അവർക്ക്‌ എന്തു പ്രതി​ക​ര​ണ​മാ​ണു ലഭിക്കു​ന്നത്‌?

9. (എ) വഴിയ​രി​കി​ലും (ബി) പാറ​മേ​ലും (സി) മുള്ളി​നി​ട​യി​ലും വീഴുന്ന വിത്തുകൾ യഥാ​ക്രമം എന്തിനെ ചിത്രീ​ക​രി​ക്കു​ന്നു?

⁹ കുറെ വിത്ത്‌ വഴിയ​രി​കിൽ വീണ്‌ ചവിട്ട​പ്പെ​ടു​മെന്ന്‌ യേശു പറഞ്ഞു. രാജ്യ സത്യത്തി​നു ഹൃദയ​ത്തിൽ വേരൂ​ന്നാൻ കഴിയാ​ത്ത​വണ്ണം മറ്റു കാര്യ​ങ്ങ​ളിൽ അത്യധി​കം വ്യാപൃ​ത​രാ​യി​രി​ക്കുന്ന ആളുകളെ അതു പരാമർശി​ക്കു​ന്നു. അവർക്കു ദൈവ​വ​ച​ന​ത്തോ​ടു സ്‌നേഹം വളർത്തി​യെ​ടു​ക്കാൻ കഴിയു​ന്ന​തി​നു മുമ്പ്‌ “അവർ വിശ്വ​സി​ച്ചു രക്ഷിക്ക​പ്പെ​ടാ​തി​രി​പ്പാൻ പിശാചു വന്നു അവരുടെ ഹൃദയ​ത്തിൽനി​ന്നു വചനം എടുത്തു​ക​ള​യു​ന്നു.” (ലൂക്കൊസ്‌ 8:12) കുറെ വിത്ത്‌ പാറമേൽ വീഴുന്നു. ബൈബിൾ സന്ദേശ​ത്തിൽ ആകൃഷ്ട​രാ​യെ​ങ്കി​ലും തങ്ങളുടെ ഹൃദയ​ങ്ങളെ സ്വാധീ​നി​ക്കാൻ അതിനെ അനുവ​ദി​ക്കാത്ത ആളുകളെ അതു പരാമർശി​ക്കു​ന്നു. എതിർപ്പു​കൾ ഉണ്ടാകു​ക​യോ ബൈബിൾ ബുദ്ധി​യു​പ​ദേശം ബാധക​മാ​ക്കാൻ ബുദ്ധി​മു​ട്ടാ​ണെന്നു കണ്ടെത്തു​ക​യോ ചെയ്യു​മ്പോൾ, വേരി​ല്ലാ​ത്ത​തി​നാൽ അവർ “പിൻവാ​ങ്ങി​പ്പോ”കുന്നു. (ലൂക്കൊസ്‌ 8:13) വചനം കേൾക്കു​ന്നു​വെ​ങ്കി​ലും “ഈ ജീവി​ത​ത്തി​ലെ ഉത്‌ക​ണ്‌ഠ​കൾക്കും ധനത്തി​നും സുഖ​ഭോ​ഗ​ങ്ങൾക്കും” അടിമ​പ്പെ​ടു​ന്ന​വ​രും ഉണ്ട്‌. മുള്ളു​ക​ളു​ടെ ഇടയിൽ അകപ്പെ​ട്ടു​പോ​കുന്ന ചെടി​കളെ പോലെ അവസാനം അവർ “പൂർണ​മാ​യി ഞെരു​ക്ക​പ്പെ​ടു​ന്നു.”—ലൂക്കൊസ്‌ 8:14, NW.

10, 11. (എ) നല്ല നിലം ആരെ ചിത്രീ​ക​രി​ക്കു​ന്നു? (ബി) ദൈവ​വ​ച​നത്തെ നമ്മുടെ ഹൃദയ​ത്തിൽ ‘സംഗ്ര​ഹി​ക്കാൻ’ നാം എന്തു ചെയ്യണം?

¹⁰ ഒടുവിൽ, നല്ല നിലത്തു വീഴുന്ന വിത്തു​മുണ്ട്‌. “ഉത്തമവും നിർമ്മ​ല​വു​മായ ഹൃദയ”ത്തോടെ രാജ്യ സന്ദേശം സ്വീക​രി​ക്കുന്ന ആളുകളെ അതു സൂചി​പ്പി​ക്കു​ന്നു. താൻ ഈ ഗണത്തിൽ പെടു​ന്നു​വെന്നു വിശ്വ​സി​ക്കാൻ സ്വാഭാ​വി​ക​മാ​യും നാം എല്ലാവ​രും ആഗ്രഹി​ക്കും. എന്നാൽ ആത്യന്തി​ക​മാ​യി, ദൈവ​ത്തി​ന്റെ വീക്ഷണ​മാണ്‌ പ്രാധാ​ന്യം അർഹി​ക്കു​ന്നത്‌. (സദൃശ​വാ​ക്യ​ങ്ങൾ 17:3; 1 കൊരി​ന്ത്യർ 4:4, 5) നമുക്ക്‌ ‘ഉത്തമവും നിർമ്മ​ല​വു​മായ ഹൃദയം’ ഉണ്ടെന്നു​ള്ളത്‌, ഇപ്പോൾ മുതൽ നമ്മുടെ മരണം വരെയുള്ള അല്ലെങ്കിൽ ദൈവം ഈ ദുഷ്ടവ്യ​വ​സ്ഥി​തിക്ക്‌ ഒരു അവസാനം വരുത്തു​ന്നതു വരെയുള്ള നമ്മുടെ പ്രവൃ​ത്തി​ക​ളാൽ നാം തെളി​യി​ക്കേണ്ട ഒന്നാ​ണെന്ന്‌ അവന്റെ വചനം പറയുന്നു. രാജ്യ സന്ദേശ​ത്തോ​ടുള്ള നമ്മുടെ ആദ്യ പ്രതി​ക​രണം ക്രിയാ​ത്മ​ക​മാ​യി​രി​ക്കു​ന്നത്‌ നല്ലതു​തന്നെ. എന്നാൽ ഉത്തമവും നിർമ​ല​വു​മായ ഹൃദയ​മു​ള്ള​വ​രാണ്‌ ദൈവ​വ​ചനം സ്വീക​രിച്ച്‌ “സംഗ്ര​ഹി​ച്ചു . . . സഹിഷ്‌ണു​ത​യോ​ടെ ഫലം പുറ​പ്പെ​ടു​വി​ക്കു”ന്നത്‌.—ലൂക്കൊസ്‌ 8:15, NIBV.

¹¹ ദൈവ​വ​ച​നത്തെ നമ്മുടെ ഹൃദയ​ത്തിൽ സംഗ്ര​ഹി​ക്കാ​നുള്ള ഫലപ്ര​ദ​മായ ഏക മാർഗം സ്വകാ​ര്യ​മാ​യും സഹവി​ശ്വാ​സി​ക​ളോട്‌ ഒപ്പവും അതു വായി​ക്കു​ക​യും പഠിക്കു​ക​യും ചെയ്യുക എന്നതാണ്‌. യേശു​വി​ന്റെ യഥാർഥ അനുഗാ​മി​ക​ളു​ടെ ആത്മീയ താത്‌പ​ര്യ​ങ്ങൾക്കാ​യി കരുതാൻ നിയമി​ക്ക​പ്പെ​ട്ടി​രി​ക്കുന്ന സരണി​യി​ലൂ​ടെ ലഭ്യമാ​കുന്ന ആത്മീയ ആഹാര​ത്തിൽനി​ന്നു പൂർണ​പ്ര​യോ​ജനം നേടു​ന്നത്‌ ഇതിൽ ഉൾപ്പെ​ടു​ന്നു. (മത്തായി 24:45-47) അത്തരം മാർഗ​ത്തി​ലൂ​ടെ ദൈവ​വ​ച​നത്തെ തങ്ങളുടെ ഹൃദയ​ത്തിൽ സംഗ്ര​ഹി​ക്കു​ന്നവർ ‘സഹിഷ്‌ണു​ത​യോ​ടെ ഫലം പുറ​പ്പെ​ടു​വി​ക്കാൻ’ സ്‌നേ​ഹ​ത്താൽ പ്രേരി​പ്പി​ക്ക​പ്പെ​ടു​ന്നു.

12. നാം സഹിഷ്‌ണു​ത​യോ​ടെ പുറ​പ്പെ​ടു​വി​ക്കേണ്ട ഫലം എന്ത്‌?

¹² നല്ല നിലത്ത്‌ എന്തു ഫലമാണ്‌ ഉത്‌പാ​ദി​പ്പി​ക്ക​പ്പെ​ടു​ന്നത്‌? സാധാ​ര​ണ​ഗ​തി​യിൽ, വിത്തുകൾ അതേ തരം വിത്തു​ക​ളുള്ള ഫലങ്ങൾ ഉത്‌പാ​ദി​പ്പി​ക്കുന്ന സസ്യങ്ങ​ളാ​യി വളരുന്നു. തുടർന്ന്‌ ആ വിത്തുകൾ വിതറി കൂടുതൽ ഫലം ഉത്‌പാ​ദി​പ്പി​ക്കാ​നാ​കും. സമാന​മാ​യി, ഉത്തമവും നിർമ​ല​വു​മായ ഹൃദയം ഉള്ള ആളുക​ളിൽ വചനമാ​കുന്ന വിത്ത്‌ വളർന്ന്‌ മറ്റുള്ള​വ​രു​ടെ ഹൃദയ​ങ്ങ​ളിൽ വിത്തു വിതയ്‌ക്കാൻ കഴിയുന്ന ഘട്ടത്തോ​ളം അവർ ആത്മീയ​മാ​യി പുരോ​ഗതി പ്രാപി​ക്കാൻ ഇടയാ​ക്കു​ന്നു. (മത്തായി 28:19, 20) അവരുടെ വിതയ്‌ക്കൽ വേലയു​ടെ മുഖമു​ദ്ര​യാണ്‌ സഹിഷ്‌ണുത. വിതയ്‌ക്ക​ലിൽ സഹിഷ്‌ണു​ത​യ്‌ക്കുള്ള പ്രാധാ​ന്യം പിൻവ​രുന്ന പ്രകാരം പറഞ്ഞു​കൊണ്ട്‌ യേശു പ്രകട​മാ​ക്കി: “എന്നാൽ അവസാ​ന​ത്തോ​ളം സഹിച്ചു​നി​ല്‌ക്കു​ന്നവൻ രക്ഷിക്ക​പ്പെ​ടും. രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.”—മത്തായി 24:13, 14.

‘സകല സൽപ്ര​വൃ​ത്തി​യി​ലും ഫലം കായ്‌ക്കൽ’

13. ഫലം കായ്‌ക്ക​ലി​നെ ദൈവ​വ​ച​നത്തെ കുറി​ച്ചുള്ള പരിജ്ഞാ​ന​വു​മാ​യി ബന്ധപ്പെ​ടു​ത്തി​ക്കൊണ്ട്‌ പൗലൊസ്‌ എന്തു പ്രാർഥി​ച്ചു?

¹³ ഫലം പുറ​പ്പെ​ടു​വി​ക്കേ​ണ്ട​തി​ന്റെ ആവശ്യം പൗലൊസ്‌ അപ്പൊ​സ്‌ത​ല​നും പറഞ്ഞു. അവൻ ഫലം കായ്‌ക്കു​ന്ന​തി​നെ ദൈവ​വ​ച​ന​വു​മാ​യി ബന്ധപ്പെ​ടു​ത്തി. തന്റെ സഹവി​ശ്വാ​സി​കൾ ‘പൂർണ്ണ​പ്ര​സാ​ദ​ത്തി​ന്നാ​യി കർത്താ​വി​നു യോഗ്യ​മാ​കും​വണ്ണം നടന്ന്‌, ആത്മിക​മായ സകല ജ്ഞാനത്തി​ലും വിവേ​ക​ത്തി​ലും [യഹോ​വ​യു​ടെ] ഇഷ്ടത്തിന്റെ പരിജ്ഞാ​നം​കൊ​ണ്ടു നിറഞ്ഞ്‌ സകല സൽപ്ര​വൃ​ത്തി​യി​ലും ഫലം കായ്‌ക്കാൻ’ അവൻ പ്രാർഥി​ച്ചു.—കൊ​ലൊ​സ്സ്യർ 1:10; ഫിലി​പ്പി​യർ 1:9-11.

14-16. പൗലൊ​സി​ന്റെ പ്രാർഥ​ന​യ്‌ക്കു ചേർച്ച​യിൽ, ദൈവ​വ​ച​നത്തെ സ്‌നേ​ഹി​ക്കു​ന്നവർ എന്തു ഫലങ്ങൾ പുറ​പ്പെ​ടു​വി​ച്ചി​രി​ക്കു​ന്നു?

¹⁴ അങ്ങനെ, ബൈബിൾ പരിജ്ഞാ​നം നേടു​ന്നതല്ല ആത്യന്തിക ലക്ഷ്യം എന്ന്‌ പൗലൊസ്‌ വ്യക്തമാ​ക്കി. പകരം, ദൈവ​വ​ച​ന​ത്തോ​ടുള്ള സ്‌നേഹം ‘സകല സൽപ്ര​വൃ​ത്തി​യി​ലും ഫലം കായ്‌ച്ചു’കൊണ്ട്‌ ‘കർത്താ​വി​നു യോഗ്യ​മാ​കും​വണ്ണം നടക്കാൻ’ നമ്മെ പ്രേരി​പ്പി​ക്കു​ന്നു. എന്ത്‌ സത്‌പ്ര​വൃ​ത്തി? ഈ അന്ത്യകാ​ലത്ത്‌ ക്രിസ്‌ത്യാ​നി​കൾക്കുള്ള മുഖ്യ നിയമനം രാജ്യ​ത്തി​ന്റെ സുവാർത്ത പ്രസം​ഗി​ക്കുക എന്നതാണ്‌. (മർക്കൊസ്‌ 13:10) കൂടാതെ, ദൈവ​വ​ച​നത്തെ സ്‌നേ​ഹി​ക്കു​ന്നവർ ഈ വേലയെ പിന്താ​ങ്ങു​ന്ന​തിന്‌ പതിവാ​യി സാമ്പത്തിക സഹായം നൽകാൻ പരമാ​വധി ശ്രമി​ക്കു​ന്നു. “സന്തോ​ഷ​ത്തോ​ടെ കൊടു​ക്കു​ന്ന​വനെ ദൈവം സ്‌നേ​ഹി​ക്കു​ന്നു” എന്നു തിരി​ച്ച​റി​ഞ്ഞു​കൊണ്ട്‌ ഈ പദവി​യിൽ അവർ ആനന്ദി​ക്കു​ന്നു. (2 കൊരി​ന്ത്യർ 9:7) രാജ്യ​പ്ര​സംഗ വേലയ്‌ക്കു മാർഗ​നിർദേശം നൽകുന്ന നൂറി​ലേറെ ബെഥേ​ലു​ക​ളു​ടെ പ്രവർത്തന ചെലവ്‌ വഹിക്കാൻ അവരുടെ സംഭാ​വ​നകൾ ഉപകരി​ക്കു​ന്നു. ചില ബെഥേ​ലു​ക​ളിൽ ബൈബി​ളു​ക​ളും ബൈബിൾ സാഹി​ത്യ​ങ്ങ​ളും ഉത്‌പാ​ദി​പ്പി​ക്ക​പ്പെ​ടു​ന്നു. വലിയ ക്രിസ്‌തീയ കൺ​വെൻ​ഷ​നു​ക​ളു​ടെ​യും അതു​പോ​ലെ​തന്നെ സഞ്ചാര മേൽവി​ചാ​ര​ക​ന്മാ​രെ​യും മിഷന​റി​മാ​രെ​യും മറ്റു മുഴു​സമയ സുവി​ശേ​ഷ​ക​രെ​യും അയക്കു​ന്ന​തി​ന്റെ​യും ചെലവു​കൾ വഹിക്കാ​നും അവരുടെ സംഭാ​വ​നകൾ പ്രയോ​ജ​ന​പ്പെ​ടു​ന്നു.

¹⁵ സത്യാ​രാ​ധ​ന​യ്‌ക്കുള്ള കേന്ദ്ര​ങ്ങ​ളു​ടെ നിർമാ​ണ​വും അറ്റകു​റ്റ​പ്പ​ണി​ക​ളും മറ്റു സത്‌പ്ര​വൃ​ത്തി​ക​ളിൽ ഉൾപ്പെ​ടു​ന്നു. സമ്മേളന ഹാളു​ക​ളും രാജ്യ​ഹാ​ളു​ക​ളും അവഗണി​ക്ക​പ്പെ​ടു​ന്നി​ല്ലെന്ന്‌ ഉറപ്പു വരുത്താൻ ദൈവ​വ​ച​ന​ത്തോ​ടുള്ള സ്‌നേഹം ദൈവാ​രാ​ധ​കരെ പ്രേരി​പ്പി​ക്കു​ന്നു. (നെഹെ​മ്യാ​വു 10:39 താരത​മ്യം ചെയ്യുക.) അത്തരം കെട്ടി​ട​ങ്ങ​ളു​ടെ മുന്നിൽ ദൈവ​നാ​മം പ്രത്യ​ക്ഷ​പ്പെ​ടു​ന്ന​തി​നാൽ അവയുടെ അകവും പുറവും വൃത്തി​യാ​യും ആകർഷ​ക​മാ​യും സൂക്ഷി​ക്കു​ന്നതു സുപ്ര​ധാ​ന​മാണ്‌. അതു​പോ​ലെ​തന്നെ അത്തരം ഹാളു​ക​ളിൽ ആരാധന നടത്തു​ന്നവർ അനിന്ദ്യർ ആയിരി​ക്കു​ക​യും വേണം. (2 കൊരി​ന്ത്യർ 6:3) ചില ക്രിസ്‌ത്യാ​നി​കൾക്ക്‌ ഇതിലും കൂടുതൽ ചെയ്യാൻ സാധി​ക്കു​ന്നു. ദാരി​ദ്ര്യ​മോ നിർമാണ വൈദ​ഗ്‌ധ്യ​ങ്ങ​ളു​ടെ അഭാവ​മോ നിമിത്തം സഹായം ആവശ്യ​മുള്ള ലോക​ത്തി​ന്റെ വ്യത്യസ്‌ത ഭാഗങ്ങ​ളിൽ പുതിയ ആരാധനാ സ്ഥലങ്ങൾ നിർമി​ക്കു​ന്ന​തിൽ പങ്കുപ​റ്റു​ന്ന​തിന്‌ ദീർഘ​ദൂ​രം യാത്ര​ചെ​യ്യാൻ ദൈവ​വ​ച​ന​ത്തോ​ടുള്ള സ്‌നേഹം അവരെ പ്രേരി​പ്പി​ക്കു​ന്നു.—2 കൊരി​ന്ത്യർ 8:14.

¹⁶ കുടുംബ ഉത്തരവാ​ദി​ത്വ​ങ്ങൾ നിർവ​ഹി​ക്കു​ന്ന​തും സഹക്രി​സ്‌ത്യാ​നി​ക​ളോ​ടു താത്‌പ​ര്യം പ്രകട​മാ​ക്കു​ന്ന​തും ‘സകല സൽപ്ര​വൃ​ത്തി​യി​ലും ഫലം കായ്‌’ക്കുന്നതിൽ ഉൾപ്പെ​ടു​ന്നു. “സഹവി​ശ്വാ​സിക”ളുടെ ആവശ്യ​ങ്ങ​ളോട്‌ എളുപ്പം പ്രതി​ക​രി​ക്കു​ന്നവർ ആയിരി​ക്കാ​നും “സ്വന്തകു​ടും​ബ​ത്തിൽ ദൈവിക ഭക്തി ആചരി”ക്കാനും ദൈവ​വ​ച​ന​ത്തോ​ടുള്ള സ്‌നേഹം നമ്മെ പ്രേരി​പ്പി​ക്കു​ന്നു. (ഗലാത്യർ 6:10; 1 തിമൊ​ഥെ​യൊസ്‌ 5:4, 8, NW) ഇത്തരു​ണ​ത്തിൽ, രോഗി​കളെ സന്ദർശി​ക്കു​ന്ന​തും കരയു​ന്ന​വരെ ആശ്വസി​പ്പി​ക്കു​ന്ന​തും സത്‌പ്ര​വൃ​ത്തി​ക​ളാണ്‌. വെല്ലു​വി​ളി​പ​ര​മായ ചികിത്സാ സാഹച​ര്യ​ങ്ങളെ അഭിമു​ഖീ​ക​രി​ക്കുന്ന വ്യക്തി​കളെ സഹായി​ക്കു​ന്ന​തിൽ സഭാ മൂപ്പന്മാ​രും ആശുപ​ത്രി ഏകോപന സമിതി അംഗങ്ങ​ളും എത്ര നല്ലൊരു വേലയാണ്‌ ചെയ്യു​ന്നത്‌! (പ്രവൃ​ത്തി​കൾ 15:28, 29) ദുരന്തങ്ങൾ വർധി​ച്ചു​കൊ​ണ്ടി​രി​ക്കു​ന്നു എന്നതാണ്‌ മറ്റൊരു സംഗതി. അവയിൽ ചിലത്‌ പ്രകൃതി വിപത്തു​ക​ളാണ്‌. മറ്റുള്ളവ മനുഷ്യ​രു​ടെ അവി​വേ​ക​ത്തി​ന്റെ ഫലമാണ്‌. ദുരന്ത​ങ്ങൾക്കും അപകട​ങ്ങൾക്കും ഇരയാ​കുന്ന സഹവി​ശ്വാ​സി​കൾക്കും മറ്റുള്ള​വർക്കും സത്വര ദുരി​താ​ശ്വാ​സം പ്രദാനം ചെയ്യുന്ന കാര്യ​ത്തിൽ ദൈവാ​ത്മാ​വി​ന്റെ സഹായ​ത്താൽ യഹോ​വ​യു​ടെ സാക്ഷികൾ ഭൂമി​യു​ടെ അനേകം ഭാഗങ്ങ​ളിൽ സത്‌പേരു സമ്പാദി​ച്ചി​ട്ടുണ്ട്‌. ദൈവ​വ​ച​നത്തെ സ്‌നേ​ഹി​ക്കു​ന്നവർ പ്രകട​മാ​ക്കുന്ന നല്ല ഫലങ്ങളാണ്‌ ഇവയെ​ല്ലാം.

മഹത്തായ ഭാവി പ്രയോ​ജ​ന​ങ്ങൾ

17, 18. (എ) രാജ്യ​വിത്ത്‌ വിതയ്‌ക്കു​ന്ന​തി​ലൂ​ടെ എന്തു നിർവ​ഹി​ക്ക​പ്പെ​ടു​ന്നു? (ബി) ദൈവ​വ​ച​നത്തെ സ്‌നേ​ഹി​ക്കു​ന്നവർ പെട്ടെ​ന്നു​തന്നെ ഏതു സുപ്ര​ധാന സംഭവ​ങ്ങൾക്കു സാക്ഷ്യം വഹിക്കും?

¹⁷ രാജ്യ വിത്ത്‌ വിതയ്‌ക്കു​ന്നത്‌ മനുഷ്യ​വർഗ​ത്തി​നു വലിയ പ്രയോ​ജ​നങ്ങൾ കൈവ​രു​ത്തി​ക്കൊ​ണ്ടി​രി​ക്കു​ന്നു. ഈ അടുത്ത കാലത്താ​യി ഓരോ വർഷവും 3,00,000-ത്തിലധി​കം ആളുകൾ തങ്ങളുടെ ജീവിതം യഹോ​വ​യ്‌ക്കു സമർപ്പിച്ച്‌ അതു ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തുന്ന ഘട്ടത്തോ​ളം രാജ്യ​വിത്ത്‌ തങ്ങളുടെ ഹൃദയ​ത്തിൽ വേരൂ​ന്നാൻ അനുവ​ദി​ച്ചി​രി​ക്കു​ന്നു. എന്തൊരു മഹത്തായ ഭാവി​യാണ്‌ അവരെ കാത്തി​രി​ക്കു​ന്നത്‌!

¹⁸ പെട്ടെ​ന്നു​തന്നെ യഹോ​വ​യാം ദൈവം തന്റെ നാമത്തെ മഹത്വ​പ്പെ​ടു​ത്താ​നാ​യി എഴു​ന്നേൽക്കു​മെന്ന്‌ ദൈവ​വ​ച​നത്തെ സ്‌നേ​ഹി​ക്കു​ന്ന​വർക്ക്‌ അറിയാം. വ്യാജമത ലോക​സാ​മ്രാ​ജ്യ​മായ “മഹതി​യാം ബാബി​ലോൻ” നശിപ്പി​ക്ക​പ്പെ​ടും. (വെളി​പ്പാ​ടു 18:2, 8) തുടർന്ന്‌, ദൈവ​വ​ച​ന​ത്തി​നു ചേർച്ച​യിൽ ജീവി​ക്കാൻ വിസമ്മ​തി​ക്കു​ന്നവർ രാജാ​വായ യേശു​ക്രി​സ്‌തു​വി​നാൽ വധിക്ക​പ്പെ​ടും. (സങ്കീർത്തനം 2:9-11; ദാനീ​യേൽ 2:44) അതേത്തു​ടർന്ന്‌, ദൈവ​രാ​ജ്യം കുറ്റകൃ​ത്യ​വും യുദ്ധവും മറ്റു ദുരന്ത​ങ്ങ​ളും ശാശ്വ​ത​മാ​യി ഇല്ലായ്‌മ ചെയ്യും. വേദന​യും രോഗ​വും മരണവും നിമിത്തം ആളുകൾ മേലാൽ ദുഃഖി​ക്കേ​ണ്ടി​വ​രില്ല.—വെളി​പ്പാ​ടു 21:3-5.

19, 20. ദൈവ​വ​ച​നത്തെ യഥാർഥ​മാ​യി സ്‌നേ​ഹി​ക്കു​ന്ന​വർക്ക്‌ ഏതു മഹത്തായ പ്രത്യാ​ശ​യാ​ണു​ള്ളത്‌?

¹⁹ ദൈവ​വ​ച​നത്തെ സ്‌നേ​ഹി​ക്കു​ന്നവർ അപ്പോൾ എത്ര മഹത്തായ സത്‌പ്ര​വൃ​ത്തി​ക​ളാ​യി​രി​ക്കും ചെയ്യുക! അർമ​ഗെ​ദോൻ അതിജീ​വകർ ഈ ഭൂമിയെ ഒരു പറുദീ​സ​യാ​ക്കി മാറ്റുന്ന സന്തോ​ഷ​ക​ര​മായ വേല ആരംഭി​ക്കും. ഇപ്പോൾ ശവക്കു​ഴി​യിൽ നിദ്ര​കൊ​ള്ളു​ന്ന​വ​രും ദൈവം തന്റെ ഓർമ​യിൽ സൂക്ഷി​ച്ചി​രി​ക്കു​ന്ന​വ​രു​മായ പുനരു​ത്ഥാന പ്രത്യാ​ശ​യുള്ള മരിച്ച​വ​രു​ടെ ആവശ്യ​ങ്ങൾക്കാ​യി കരുതാ​നുള്ള പുളക​പ്ര​ദ​മായ പദവി അവർക്ക്‌ ഉണ്ടായി​രി​ക്കും. (യോഹ​ന്നാൻ 5:28, 29) ആ സമയത്ത്‌, പരമാ​ധീശ കർത്താ​വായ യഹോ​വ​യിൽനിന്ന്‌ അവന്റെ മഹത്വീ​ക​രി​ക്ക​പ്പെട്ട പുത്ര​നായ യേശു​ക്രി​സ്‌തു​വി​ലൂ​ടെ ഭൂമി​യി​ലെ നിവാ​സി​കൾക്കു പൂർണ​ത​യുള്ള മാർഗ​നിർദേശം തുടർച്ച​യാ​യി ലഭ്യമാ​കും. പുതിയ ലോക​ത്തി​ലെ ജീവി​ത​ത്തി​നാ​യുള്ള യഹോ​വ​യു​ടെ നിർദേ​ശങ്ങൾ വെളി​പ്പെ​ടു​ത്തുന്ന ‘പുസ്‌ത​കങ്ങൾ തുറക്ക​പ്പെ​ടും.’—വെളി​പ്പാ​ടു 20:12.

²⁰ യഹോ​വ​യു​ടെ നിയമിത സമയത്ത്‌ വിശ്വസ്‌ത അഭിഷിക്ത ക്രിസ്‌ത്യാ​നി​ക​ളു​ടെ മുഴു സംഘവും “ക്രിസ്‌തു​വി​നു കൂട്ടവ​കാ​ശി​കൾ” എന്ന നിലയി​ലുള്ള തങ്ങളുടെ സ്വർഗീയ പ്രതി​ഫ​ല​ത്തി​ലേക്ക്‌ ഉയർത്ത​പ്പെ​ടും. (റോമർ 8:17) ക്രിസ്‌തു​വി​ന്റെ ആയിര​വർഷ വാഴ്‌ച​ക്കാ​ലത്ത്‌, ദൈവ​വ​ച​നത്തെ സ്‌നേ​ഹി​ക്കുന്ന ഭൂമി​യി​ലുള്ള സകല മനുഷ്യ​രും മാനസി​ക​മാ​യും ശാരീ​രി​ക​മാ​യും പൂർണ​ത​യി​ലേക്ക്‌ ഉയർത്ത​പ്പെ​ടും. അന്തിമ പരി​ശോ​ധ​ന​യിൽ വിശ്വ​സ്‌ത​രെന്നു തെളി​യി​ച്ചു കഴിയു​മ്പോൾ അവർക്കു നിത്യ​ജീ​വൻ പ്രതി​ഫ​ല​മാ​യി ലഭിക്കു​ക​യും അവർ “ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം” ആസ്വദി​ക്കു​ക​യും ചെയ്യും. (റോമർ 8:20; വെളി​പ്പാ​ടു 20:1-3, 7-10) അത്‌ എത്ര അതിശ​യ​ക​ര​മായ ഒരു സമയം ആയിരി​ക്കും! യഹോവ നമുക്കു നൽകി​യി​രി​ക്കുന്ന പ്രത്യാശ സ്വർഗീ​യ​മോ ഭൗമി​ക​മോ ആയിരു​ന്നാ​ലും ദൈവ​വ​ച​ന​ത്തോ​ടുള്ള ശാശ്വത സ്‌നേ​ഹ​വും ദൈവിക ജ്ഞാന​പ്ര​കാ​രം ജീവി​ക്കാ​നുള്ള ദൃഢനി​ശ്ച​യ​വും നമ്മെ കാത്തു​സം​ര​ക്ഷി​ക്കും. ‘നാം അതിനെ ആലിം​ഗനം ചെയ്യു​ന്ന​തി​നാൽ’ ഭാവി​യിൽ ‘അതു നമ്മെ മഹത്ത്വ​പ്പെ​ടു​ത്തു’കയും ചെയ്യും.—സദൃശ​വാ​ക്യ​ങ്ങൾ 4:6, 8, NW.

നിങ്ങൾക്കു വിശദീ​ക​രി​ക്കാ​മോ?

□ ദൈവ​വ​ച​ന​ത്തോ​ടുള്ള സ്‌നേഹം നമ്മെ സംരക്ഷി​ക്കു​ന്ന​തെ​ങ്ങനെ?

□ യേശു പറഞ്ഞ ഉപമയി​ലെ വിത്ത്‌ എന്താണ്‌, അതു വിതയ്‌ക്ക​പ്പെ​ടു​ന്നത്‌ എങ്ങനെ?

□ നാം “നല്ല നില”മാണെന്നു നമുക്ക്‌ എങ്ങനെ തെളി​യി​ക്കാ​നാ​കും?

□ ദൈവ​വ​ച​നത്തെ സ്‌നേ​ഹി​ക്കു​ന്ന​വർക്ക്‌ എന്തു പ്രയോ​ജ​നങ്ങൾ പ്രതീ​ക്ഷി​ക്കാ​നാ​കും?

[16-ാം പേജിലെ ചിത്രം]

യേശുവിന്റെ ഉപമയി​ലെ വിത്ത്‌ ദൈവ​വ​ച​ന​ത്തിൽ അടങ്ങി​യി​രി​ക്കുന്ന സുവാർത്താ സന്ദേശത്തെ ചിത്രീ​ക​രി​ക്കു​ന്നു

[കടപ്പാട]

Garo Nalbandian

[17-ാം പേജിലെ ചിത്രം]

യഹോവയുടെ സാക്ഷികൾ വലിയ വിതക്കാ​രനെ അനുക​രി​ക്കു​ന്നു

[18-ാം പേജിലെ ചിത്രങ്ങൾ]

അർമഗെദോൻ അതിജീ​വകർ ഭൂമി​യി​ലെ ഫലങ്ങൾ ആസ്വദി​ക്കും