മീറ്റി​ങ്ങു​കൾക്കു കൂടി​വ​രാൻ നമ്മളെ പ്രചോദിപ്പിക്കുന്ന ഗുണങ്ങൾ

1-2. (എ) കർത്താ​വി​ന്റെ അത്താഴ​ത്തി​നു ലക്ഷക്കണ​ക്കിന്‌ ആളുകൾ കൂടി​വ​രു​മ്പോൾ യഹോവ ആരെ​യൊ​ക്കെ​യാ​ണു ശ്രദ്ധി​ക്കു​ന്നത്‌? (പുറം​താ​ളി​ലെ ചിത്രം കാണുക.) (ബി) ഈ ലേഖന​ത്തിൽ നമ്മൾ എന്താണു പഠിക്കാൻപോ​കു​ന്നത്‌?

കർത്താ​വി​ന്റെ അത്താഴ​ത്തി​നു ലോക​മെ​ങ്ങും ലക്ഷക്കണ​ക്കിന്‌ ആളുകൾ കൂടി​വ​രു​മ്പോൾ യഹോവ ആരെ​യൊ​ക്കെ കാണു​ന്നു​ണ്ടെന്നു ചിന്തി​ക്കുക. വലി​യൊ​രു കൂട്ടം ആളുകളെ മാത്രമല്ല യഹോവ കാണുക. കൂടി​വ​രുന്ന ഓരോ വ്യക്തി​യെ​യും യഹോവ ശ്രദ്ധി​ക്കും. ഉദാഹ​ര​ണ​ത്തിന്‌, ഓരോ വർഷവും മുടക്ക​മി​ല്ലാ​തെ സ്‌മാ​ര​ക​ത്തി​നു വരുന്ന​വരെ യഹോവ കാണും. അതിൽ കടുത്ത ഉപദ്ര​വങ്ങൾ സഹിച്ച്‌ വരുന്ന​വ​രുണ്ട്‌. മറ്റു ചിലർ എല്ലാ മീറ്റി​ങ്ങു​കൾക്കും വരാറി​ല്ലെ​ങ്കി​ലും സ്‌മാ​ര​ക​ത്തി​നു വരുന്നതു പാവന​മായ ഒരു കടമയാ​യി വീക്ഷി​ക്കു​ന്നു. സ്‌മാ​ര​ക​ത്തിന്‌ ആദ്യമാ​യി ഹാജരാ​കു​ന്ന​വരെ, വെറുതേ കൗതു​ക​ത്തി​ന്റെ പുറത്ത്‌ വരുന്ന​വ​രെ​പ്പോ​ലും, യഹോവ ശ്രദ്ധി​ക്കും.

² സ്‌മാ​ര​ക​ത്തി​നു വളരെ​യ​ധി​കം ആളുകൾ കൂടി​വ​രു​ന്നതു കാണു​മ്പോൾ യഹോ​വ​യ്‌ക്കു തീർച്ച​യാ​യും സന്തോഷം തോന്നും. (ലൂക്കോ. 22:19) എന്നാൽ എത്ര പേർ വരുന്നു എന്നതല്ല യഹോ​വ​യു​ടെ മുഖ്യ​ചിന്ത. സ്‌മാ​ര​ക​ത്തി​നു വരാൻ അവരെ പ്രേരി​പ്പി​ക്കുന്ന കാരണ​മാ​ണു യഹോവ പ്രധാ​ന​മാ​യും ശ്രദ്ധി​ക്കു​ന്നത്‌. ഈ ലേഖന​ത്തിൽ, പ്രധാ​ന​പ്പെട്ട ഒരു ചോദ്യ​ത്തി​നുള്ള ഉത്തരം നമ്മൾ ചർച്ച ചെയ്യും: സ്‌മാ​ര​കാ​ച​ര​ണ​ത്തി​നു മാത്രമല്ല, തന്നെ സ്‌നേ​ഹി​ക്കു​ന്ന​വർക്കാ​യി യഹോവ കരുതി​യി​രി​ക്കുന്ന, ആഴ്‌ച​തോ​റും നടക്കുന്ന മീറ്റി​ങ്ങു​കൾക്കും നമ്മൾ കൂടി​വ​രേ​ണ്ടത്‌ എന്തു​കൊണ്ട്‌?

3-4. (എ) നമ്മൾ എന്തു​കൊ​ണ്ടാ​ണു മീറ്റി​ങ്ങു​കൾക്കു കൂടി​വ​രു​ന്നത്‌? (ബി) മീറ്റി​ങ്ങു​കൾക്കു കൂടി​വ​രു​ന്നതു നമ്മളെ​ക്കു​റിച്ച്‌ എന്തു തെളി​യി​ക്കു​ന്നു? (സി) 1 കൊരി​ന്ത്യർ 11:23-26-ന്റെ അടിസ്ഥാ​ന​ത്തിൽ നമ്മൾ സ്‌മാ​ര​ക​ത്തി​നു പോ​കേ​ണ്ടത്‌ എന്തു​കൊണ്ട്‌?

³ നമ്മൾ മീറ്റി​ങ്ങു​കൾക്കു കൂടി​വ​രു​ന്ന​തി​ന്റെ പ്രധാ​ന​കാ​രണം അതു നമ്മുടെ ആരാധ​ന​യു​ടെ ഭാഗമാണ്‌ എന്നതാണ്‌. മീറ്റി​ങ്ങു​ക​ളിൽവെച്ച്‌ യഹോവ നമ്മളെ പഠിപ്പി​ക്കു​ന്നു എന്നതും കൂടി​വ​രാൻ നമ്മളെ പ്രേരി​പ്പി​ക്കു​ന്നു. തങ്ങളെ ആരും പഠിപ്പി​ക്കേണ്ട ആവശ്യ​മില്ല എന്നാണ്‌ അഹങ്കാ​രി​ക​ളായ ആളുക​ളു​ടെ ചിന്ത. (3 യോഹ. 9) അവരിൽനിന്ന്‌ വ്യത്യ​സ്‌ത​രാ​യി, യഹോ​വ​യും യഹോവ ഉപയോ​ഗി​ക്കുന്ന സംഘട​ന​യും നമ്മളെ പഠിപ്പി​ക്ക​ണ​മെ​ന്നാ​ണു നമ്മുടെ ആഗ്രഹം.—യശ. 30:20; യോഹ. 6:45.

⁴ മീറ്റി​ങ്ങു​കൾക്കു കൂടി​വ​രു​ന്ന​തി​ലൂ​ടെ പഠിക്കാൻ മനസ്സൊ​രു​ക്ക​മുള്ള, താഴ്‌മ​യുള്ള വ്യക്തി​ക​ളാ​ണു നമ്മൾ എന്നു കാണി​ക്കു​ക​യാണ്‌. യേശു​വി​ന്റെ മരണത്തി​ന്റെ ഓർമ ആചരി​ക്കുന്ന രാത്രി​യിൽ പ്രധാ​ന​പ്പെട്ട ആ പരിപാ​ടി​ക്കു നമ്മൾ കൂടി​വ​രു​ന്നത്‌ അതു നമ്മുടെ കടമയാ​യി തോന്നു​ന്ന​തു​കൊണ്ട്‌ മാത്രമല്ല, പകരം “എന്റെ ഓർമ​യ്‌ക്കു​വേണ്ടി ഇതു തുടർന്നും ചെയ്യുക” എന്ന യേശു​വി​ന്റെ കല്‌പന താഴ്‌മ​യോ​ടെ അനുസ​രി​ക്കു​ന്ന​തു​കൊ​ണ്ടും കൂടി​യാണ്‌. (1 കൊരി​ന്ത്യർ 11:23-26 വായി​ക്കുക.) ആ മീറ്റിങ്ങ്‌ ഭാവി​യെ​ക്കു​റി​ച്ചുള്ള പ്രത്യാശ കൂടുതൽ ശോഭ​ന​മാ​ക്കു​ന്നു, യഹോവ നമ്മളെ എത്രമാ​ത്രം സ്‌നേ​ഹി​ക്കു​ന്നു​ണ്ടെന്ന കാര്യം അതു നമ്മളെ ഓർമി​പ്പി​ക്കു​ന്നു. എന്നാൽ വർഷത്തിൽ ഒരിക്കൽ മാത്രം നമ്മളെ പ്രോ​ത്സാ​ഹി​പ്പി​ക്കു​ക​യും ബലപ്പെ​ടു​ത്തു​ക​യും ചെയ്‌താൽ പോരാ എന്ന്‌ യഹോ​വ​യ്‌ക്ക്‌ അറിയാം. അതു​കൊണ്ട്‌ ഓരോ ആഴ്‌ച​യും യഹോവ നമുക്കു​വേണ്ടി സഭാ​യോ​ഗങ്ങൾ ക്രമീ​ക​രി​ച്ചി​രി​ക്കു​ന്നു, മുടങ്ങാ​തെ വരണ​മെന്ന്‌ ആവശ്യ​പ്പെ​ടു​ക​യും ചെയ്‌തി​രി​ക്കു​ന്നു. അത്‌ അനുസ​രി​ക്കാൻ താഴ്‌മ നമ്മളെ പ്രേരി​പ്പി​ക്കു​ന്നു. ആ മീറ്റി​ങ്ങു​കൾക്കു തയ്യാറാ​കാ​നും അവി​ടെ​യാ​യി​രി​ക്കാ​നും ഓരോ ആഴ്‌ച​യും നമ്മൾ മണിക്കൂ​റു​കൾ ചെലവ​ഴി​ക്കു​ന്നു.

 5. താഴ്‌മ​യുള്ള ആളുകൾ യഹോ​വ​യു​ടെ ക്ഷണം സ്വീക​രി​ക്കു​ന്നത്‌ എന്തു​കൊ​ണ്ടാണ്‌?

⁵ തന്നിൽനിന്ന്‌ പഠിക്കാ​നുള്ള ക്ഷണം യഹോവ വെച്ചു​നീ​ട്ടു​മ്പോൾ ഓരോ വർഷവും താഴ്‌മ​യുള്ള അനേകം ആളുകൾ ആ ക്ഷണം സ്വീക​രി​ക്കു​ന്നു. (യശ. 50:4) സ്‌മാ​ര​ക​ത്തി​നു ഹാജരാ​കു​ന്നത്‌ അവർക്ക്‌ ഒരു പുതിയ അനുഭ​വ​മാണ്‌. പിന്നീട്‌ മറ്റു മീറ്റി​ങ്ങു​കൾക്കും അവർ ഹാജരാ​കാൻ തുടങ്ങു​ന്നു. (സെഖ. 8:20-23) ഈ പുതി​യ​വ​രും നമ്മളും ഒന്നു​ചേർന്ന്‌ “(നമ്മുടെ) സഹായി​യും രക്ഷകനും” ആയ യഹോ​വ​യിൽനിന്ന്‌ പഠിക്കാ​നും യഹോ​വ​യാൽ വഴി നയിക്ക​പ്പെ​ടാ​നും കഴിയു​ന്ന​തിൽ സന്തോ​ഷി​ക്കു​ന്നു. (സങ്കീ. 40:17) നമ്മളെ പഠിപ്പി​ക്കാ​നാ​യി യഹോ​വ​യും യഹോവ അതിയാ​യി സ്‌നേ​ഹി​ക്കുന്ന മകനും ക്ഷണിക്കു​മ്പോൾ, ആ ക്ഷണം സ്വീക​രി​ക്കു​ന്ന​തി​നെ​ക്കാൾ പ്രധാ​ന​പ്പെട്ട, അതി​നെ​ക്കാൾ സന്തോഷം തരുന്ന മറ്റ്‌ എന്താണു​ള്ളത്‌!—മത്താ. 17:5; 18:20; 28:20.

 6. സ്‌മാ​ര​ക​ത്തിൽ പങ്കെടു​ക്കാൻ താഴ്‌മ ഒരു വ്യക്തിയെ സഹായി​ച്ചത്‌ എങ്ങനെ?

⁶ ഓരോ വർഷവും ക്രിസ്‌തു​വി​ന്റെ മരണത്തി​ന്റെ ഓർമ ആചരി​ക്കാൻ കഴിയു​ന്നത്ര ആളുകളെ ക്ഷണിക്കാൻ നമ്മൾ കഠിന​ശ്രമം ചെയ്യുന്നു. നമ്മുടെ ക്ഷണം സ്വീക​രിച്ച പലർക്കും പ്രയോ​ജനം കിട്ടി​യി​ട്ടുണ്ട്‌. ഒരു അനുഭവം നോക്കാം. ഏതാനും വർഷങ്ങൾക്കു മുമ്പ്‌, ഒരു സഹോ​ദരൻ ഒരാൾക്ക്‌ ഒരു ക്ഷണക്കത്ത്‌ കൊടു​ത്തു. എന്നാൽ തനിക്കു വരാൻ സാധി​ക്കില്ല എന്ന്‌ ആ വ്യക്തി പറഞ്ഞു. പക്ഷേ നമ്മുടെ സഹോ​ദ​രനെ അമ്പരപ്പി​ച്ചു​കൊണ്ട്‌ ആ വ്യക്തി സ്‌മാ​ര​ക​ത്തി​നു വന്നു. സഹോ​ദ​ര​ങ്ങ​ളെ​ല്ലാം സ്‌നേ​ഹ​ത്തോ​ടെ സ്വാഗതം ചെയ്‌തത്‌ ആ വ്യക്തിയെ ആഴത്തിൽ സ്‌പർശി​ച്ചു. അദ്ദേഹം പതിവാ​യി സഭാ​യോ​ഗ​ങ്ങൾക്കു വരാൻ തുടങ്ങി. അതിനു ശേഷമുള്ള വർഷത്തിൽ അദ്ദേഹ​ത്തി​നു മൂന്നു മീറ്റിങ്ങു മാത്രമേ നഷ്ടപ്പെ​ട്ടു​ള്ളൂ. മീറ്റി​ങ്ങു​കൾക്കു പതിവാ​യി ഹാജരാ​കാൻ ആ വ്യക്തിയെ എന്താണു സഹായി​ച്ചത്‌? തീരു​മാ​നം മാറ്റാ​നുള്ള താഴ്‌മ. അദ്ദേഹത്തെ ക്ഷണിച്ച സഹോ​ദരൻ പിന്നീട്‌ ഇങ്ങനെ പറഞ്ഞു: “നല്ല താഴ്‌മ​യുള്ള ഒരാളാണ്‌ അദ്ദേഹം.” തീർച്ച​യാ​യും, തന്നെ ആരാധി​ക്കാൻ യഹോവ ആ വ്യക്തിയെ ആകർഷി​ച്ച​താണ്‌, ഇപ്പോൾ അദ്ദേഹം സ്‌നാ​ന​പ്പെട്ട ഒരു സഹോ​ദ​ര​നാണ്‌.—2 ശമു. 22:28; യോഹ. 6:44.

 7. മീറ്റി​ങ്ങു​ക​ളിൽ പഠിക്കുന്ന കാര്യ​ങ്ങ​ളും ബൈബി​ളിൽനിന്ന്‌ വായി​ക്കുന്ന കാര്യ​ങ്ങ​ളും താഴ്‌മ​യു​ള്ള​വ​രാ​യി​രി​ക്കാൻ നമ്മളെ സഹായി​ക്കു​ന്നത്‌ എങ്ങനെ?

⁷ മീറ്റി​ങ്ങു​ക​ളിൽ പഠിക്കുന്ന കാര്യ​ങ്ങ​ളും ബൈബി​ളിൽനിന്ന്‌ വായി​ക്കുന്ന കാര്യ​ങ്ങ​ളും താഴ്‌മ​യു​ള്ള​വ​രാ​യി​രി​ക്കാൻ നമ്മളെ സഹായി​ക്കും. സ്‌മാ​ര​ക​ത്തി​നു മുമ്പുള്ള ആഴ്‌ച​ക​ളിൽ നടക്കുന്ന മീറ്റി​ങ്ങു​ക​ളിൽ, യേശു​വി​ന്റെ മാതൃ​ക​യെ​ക്കു​റി​ച്ചും മോച​ന​വി​ല​യാ​യി സ്വന്തം ജീവൻ തരാൻ യേശു കാണിച്ച താഴ്‌മ​യെ​ക്കു​റി​ച്ചും നമ്മൾ ആഴത്തിൽ പഠിക്കും. സ്‌മാ​ര​ക​ത്തി​നു മുമ്പുള്ള ദിവസ​ങ്ങ​ളിൽ യേശു​വി​ന്റെ മരണ​ത്തോ​ടും പുനരു​ത്ഥാ​ന​ത്തോ​ടും ബന്ധപ്പെട്ട സംഭവ​ങ്ങ​ളു​ടെ ബൈബിൾവി​വ​ര​ണങ്ങൾ വായി​ക്കാൻ നമ്മളെ പ്രോ​ത്സാ​ഹി​പ്പി​ക്കു​ന്നു. നമ്മൾ മീറ്റി​ങ്ങു​ക​ളിൽ പഠിക്കുന്ന കാര്യ​ങ്ങ​ളും ബൈബി​ളിൽ വായി​ക്കുന്ന കാര്യ​ങ്ങ​ളും യേശു നമുക്കു​വേണ്ടി ചെയ്‌ത ത്യാഗ​ത്തി​ന്റെ മൂല്യം കൂടു​ത​ലാ​യി മനസ്സി​ലാ​ക്കാൻ നമ്മളെ സഹായി​ക്കും. ബുദ്ധി​മു​ട്ടാ​യി​രി​ക്കുന്ന സാഹച​ര്യ​ങ്ങ​ളിൽപ്പോ​ലും, യേശു​വി​ന്റെ താഴ്‌മ അനുക​രി​ക്കാ​നും യഹോ​വ​യു​ടെ ഇഷ്ടം ചെയ്യാ​നും നമ്മൾ പ്രേരി​ത​രാ​കും.—ലൂക്കോ. 22:41, 42.

 8. യേശു എങ്ങനെ​യാ​ണു ധൈര്യം കാണി​ച്ചത്‌?

⁸ ധൈര്യം കാണി​ക്കുന്ന കാര്യ​ത്തി​ലും യേശു​വി​ന്റെ മാതൃക അനുക​രി​ക്കാൻ നമ്മൾ ആഗ്രഹി​ക്കു​ക​യും അതിനാ​യി ശ്രമി​ക്കു​ക​യും ചെയ്യുന്നു. മരണത്തി​നു മുമ്പുള്ള ദിവസ​ങ്ങ​ളിൽ യേശു കാണിച്ച ധൈര്യ​ത്തെ​ക്കു​റിച്ച്‌ ചിന്തി​ക്കുക. ശത്രുക്കൾ തന്നെ അപമാ​നി​ക്കു​മെ​ന്നും അടിക്കു​മെ​ന്നും വധിക്കു​മെ​ന്നും യേശു​വി​നു നന്നായി അറിയാ​മാ​യി​രു​ന്നു. (മത്താ. 20:17-19) എന്നിട്ടും യേശു മരിക്കാൻ തയ്യാറാ​യി. സമയം വന്നപ്പോൾ, തന്നോ​ടൊ​പ്പം ഗത്ത്‌ശെമന തോട്ട​ത്തി​ലു​ണ്ടാ​യി​രുന്ന വിശ്വ​സ്‌ത​രായ അപ്പോ​സ്‌ത​ല​ന്മാ​രോ​ടു യേശു പറഞ്ഞു: “എഴു​ന്നേൽക്ക്‌, നമുക്കു പോകാം. ഇതാ, എന്നെ ഒറ്റി​ക്കൊ​ടു​ക്കു​ന്നവൻ അടുത്ത്‌ എത്തിയി​രി​ക്കു​ന്നു.” (മത്താ. 26:36, 46) സായു​ധ​രായ ജനക്കൂട്ടം അറസ്റ്റു ചെയ്യാൻ വന്നപ്പോൾ യേശു ധൈര്യ​ത്തോ​ടെ മുന്നോ​ട്ടു​വന്ന്‌, അവർ അന്വേ​ഷി​ക്കുന്ന വ്യക്തി താനാ​ണെന്നു പറഞ്ഞു. എന്നിട്ട്‌ അപ്പോ​സ്‌ത​ല​ന്മാ​രെ വിട്ടേ​ക്കാൻ പടയാ​ളി​ക​ളോ​ടു കല്‌പി​ച്ചു. (യോഹ. 18:3-8) എത്ര അസാധാ​ര​ണ​മായ ധൈര്യ​മാ​ണു യേശു കാണി​ച്ചത്‌! ഇന്ന്‌, അഭിഷിക്ത ക്രിസ്‌ത്യാ​നി​ക​ളും വേറെ ആടുക​ളിൽപ്പെ​ട്ട​വ​രും ധൈര്യം കാണി​ക്കു​ന്ന​തിൽ യേശു​വി​ന്റെ മാതൃക അനുക​രി​ക്കാൻ കഠിന​ശ്രമം ചെയ്യുന്നു. എങ്ങനെ?

 9. (എ) ക്രമമാ​യി മീറ്റി​ങ്ങു​കൾക്കു കൂടി​വ​രാൻ ധൈര്യം ആവശ്യ​മാ​യി​വ​ന്നേ​ക്കാ​വു​ന്നത്‌ എന്തു​കൊണ്ട്‌? (ബി) വിശ്വാ​സ​ത്തി​ന്റെ പേരിൽ തടവിൽ കിടക്കുന്ന സഹോ​ദ​ര​ങ്ങളെ നമ്മുടെ മാതൃക എങ്ങനെ സഹായി​ക്കും?

⁹ ബുദ്ധി​മു​ട്ടുള്ള സാഹച​ര്യ​ങ്ങ​ളി​ലാ​ണു നമ്മളെ​ങ്കിൽ, മീറ്റി​ങ്ങു​ക​ളിൽ ക്രമമാ​യി പങ്കുപ​റ്റാൻ നമുക്കു ധൈര്യം വേണം. നമ്മുടെ ചില സഹോ​ദ​രങ്ങൾ തീവ്ര​മായ ദുഃഖ​ത്തി​ന്റെ​യും നിരു​ത്സാ​ഹ​ത്തി​ന്റെ​യും ആരോ​ഗ്യ​പ്ര​ശ്‌ന​ങ്ങ​ളു​ടെ​യും മധ്യേ​യാ​ണു മീറ്റി​ങ്ങു​കൾക്കു വരുന്നത്‌. മറ്റു ചിലർ കുടും​ബാം​ഗ​ങ്ങ​ളു​ടെ​യോ ഗവൺമെന്റ്‌ അധികാ​രി​ക​ളു​ടെ​യോ കടുത്ത എതിർപ്പി​നെ മറിക​ട​ന്നാ​ണു മീറ്റി​ങ്ങു​കൾക്കു ഹാജരാ​കു​ന്നത്‌. നമ്മുടെ മാതൃക വിശ്വാ​സ​ത്തി​ന്റെ പേരിൽ തടവിൽ കിടക്കുന്ന സഹോ​ദ​ര​ങ്ങളെ എങ്ങനെ സ്വാധീ​നി​ക്കു​മെന്നു ചിന്തി​ക്കുക. (എബ്രാ. 13:3) പരി​ശോ​ധ​ന​ക​ളു​ണ്ടാ​കു​മ്പോ​ഴും നമ്മൾ യഹോ​വയെ സേവി​ക്കു​ന്നു എന്ന്‌ അറിയു​മ്പോൾ, വിശ്വാ​സ​വും ധൈര്യ​വും വിശ്വ​സ്‌ത​ത​യും കാത്തു​സൂ​ക്ഷി​ക്കാ​നുള്ള അവരുടെ മനോ​ബലം വർധി​ക്കും. പൗലോസ്‌ അപ്പോ​സ്‌ത​ലനു സമാന​മായ ഒരു അനുഭ​വ​മു​ണ്ടാ​യി​ട്ടുണ്ട്‌. റോമിൽ വീട്ടു​ത​ട​ങ്ക​ലി​ലാ​യി​രു​ന്ന​പ്പോൾ, ദൈവത്തെ വിശ്വ​സ്‌ത​മാ​യി സേവി​ക്കുന്ന സഹോ​ദ​ര​ങ്ങ​ളെ​ക്കു​റിച്ച്‌ കേട്ടതിൽ പൗലോസ്‌ അതിയാ​യി സന്തോ​ഷി​ച്ചു. (ഫിലി. 1:3-5, 12-14) തടവിൽനിന്ന്‌ മോചി​ത​നാ​കു​ന്ന​തി​നു തൊട്ടു​മു​മ്പോ അല്ലെങ്കിൽ മോചി​ത​നാ​യി അധികം വൈകാ​തെ​യോ ആണ്‌ പൗലോസ്‌ എബ്രാ​യർക്കുള്ള കത്ത്‌ എഴുതി​യത്‌. ആ കത്തിൽ, ‘തുടർന്നും സഹോ​ദ​ര​സ്‌നേഹം കാണി​ക്ക​ണ​മെ​ന്നും’ യോഗ​ങ്ങൾക്കു കൂടി​വ​രാ​തി​രി​ക്ക​രു​തെ​ന്നും വിശ്വ​സ്‌ത​രായ ആ ക്രിസ്‌ത്യാ​നി​കളെ അദ്ദേഹം പ്രോ​ത്സാ​ഹി​പ്പി​ച്ചു.—എബ്രാ. 10:24, 25; 13:1.

10-11. (എ) നമ്മൾ സ്‌മാ​ര​ക​ത്തിന്‌ ആരെ​യൊ​ക്കെ ക്ഷണിക്കണം? (ബി) എഫെസ്യർ 1:7 അതിനുള്ള എന്തു കാരണ​മാ​ണു നമുക്കു തരുന്നത്‌?

¹⁰ ബന്ധുക്ക​ളെ​യും നമ്മു​ടെ​കൂ​ടെ ജോലി ചെയ്യു​ന്ന​വ​രെ​യും അയൽക്കാ​രെ​യും സ്‌മാ​ര​ക​ത്തി​നു ക്ഷണിക്കു​ന്ന​തി​ലൂ​ടെ നമ്മൾ ധൈര്യം കാണി​ക്കു​ന്നു. നമ്മൾ എന്തു​കൊ​ണ്ടാണ്‌ അവരെ ക്ഷണിക്കു​ന്നത്‌? യഹോ​വ​യും യേശു​വും നമുക്കു​വേണ്ടി ചെയ്‌ത​തി​നു നമ്മൾ നന്ദിയു​ള്ള​വ​രാണ്‌, അതു​കൊ​ണ്ടു​തന്നെ സ്‌മാ​ര​ക​ത്തി​നു മറ്റുള്ള​വരെ ക്ഷണിക്കാ​തി​രി​ക്കാൻ നമുക്കാ​കില്ല. മോച​ന​വി​ല​യി​ലൂ​ടെ യഹോവ കാണിച്ച ‘അനർഹ​ദ​യ​യിൽനിന്ന്‌’ എങ്ങനെ പ്രയോ​ജനം നേടാ​മെന്ന്‌ അവരും പഠിക്ക​ണ​മെ​ന്നാ​ണു നമ്മുടെ ആഗ്രഹം.—എഫെസ്യർ 1:7 വായി​ക്കുക; വെളി. 22:17.

¹¹ മീറ്റി​ങ്ങു​കൾക്കു കൂടി​വ​രാ​നുള്ള ധൈര്യം കാണി​ക്കു​മ്പോൾ നമ്മൾ വില​യേ​റിയ മറ്റൊരു ഗുണം​കൂ​ടെ കാണി​ക്കു​ക​യാണ്‌, ദൈവ​വും ദൈവ​പു​ത്ര​നും അസാധാ​ര​ണ​മായ വിധങ്ങ​ളിൽ പ്രകട​മാ​ക്കിയ ഒരു ഗുണം.

12. (എ) മീറ്റി​ങ്ങു​കൾ എങ്ങനെ​യാണ്‌ യഹോ​വ​യോ​ടും യേശു​വി​നോ​ടും ഉള്ള സ്‌നേഹം ആഴമു​ള്ള​താ​ക്കു​ന്നത്‌? (ബി) യേശു​വി​നെ അനുക​രി​ച്ചു​കൊണ്ട്‌ എന്തു ചെയ്യാ​നാണ്‌ 2 കൊരി​ന്ത്യർ 5:14, 15 നമ്മളെ പ്രോ​ത്സാ​ഹി​പ്പി​ക്കു​ന്നത്‌?

¹² യഹോ​വ​യോ​ടും യേശു​വി​നോ​ടും ഉള്ള സ്‌നേഹം മീറ്റി​ങ്ങു​കൾക്കു കൂടി​വ​രാൻ നമ്മളെ ‘നിർബ​ന്ധി​ക്കു​ന്നു.’ മീറ്റി​ങ്ങു​ക​ളിൽനിന്ന്‌ പഠിക്കുന്ന കാര്യ​ങ്ങ​ളാ​കട്ടെ, യഹോ​വ​യോ​ടും യേശു​വി​നോ​ടും ഉള്ള നമ്മുടെ സ്‌നേഹം ആഴമു​ള്ള​താ​ക്കും. അവർ നമുക്കു​വേണ്ടി ചെയ്‌ത കാര്യ​ങ്ങ​ളെ​ക്കു​റിച്ച്‌ മീറ്റി​ങ്ങു​കൾ കൂടെ​ക്കൂ​ടെ നമ്മളെ ഓർമി​പ്പി​ക്കു​ന്നു, പ്രത്യേ​കി​ച്ചും സ്‌മാ​രകം. (റോമ. 5:8) മോച​ന​വി​ല​യു​ടെ മൂല്യം ഇതേവരെ മനസ്സി​ലാ​ക്കി​യി​ട്ടി​ല്ലാത്ത ആളുക​ളോ​ടു​പോ​ലും യഹോ​വ​യും യേശു​വും കാണിച്ച ആഴമായ സ്‌നേഹം സ്‌മാ​രകം നമ്മുടെ മനസ്സി​ലേക്കു കൊണ്ടു​വ​രും. അപ്പോൾ നമ്മുടെ ഹൃദയം നന്ദി​കൊണ്ട്‌ നിറയും, യേശു​വി​ന്റെ മാതൃക ജീവി​ത​ത്തി​ലേക്കു പകർത്താൻ ഓരോ ദിവസ​വും നമ്മൾ കഠിന​ശ്രമം ചെയ്യും. (2 കൊരി​ന്ത്യർ 5:14, 15 വായി​ക്കുക.) കൂടാതെ മോച​ന​വില നൽകി​യ​തി​നെ​പ്രതി യഹോ​വയെ സ്‌തു​തി​ക്കാൻ നമ്മുടെ ഹൃദയം തുടി​ക്കും. അതിനുള്ള ഒരു മാർഗം, മീറ്റി​ങ്ങു​ക​ളിൽ ഹൃദയ​ത്തിൽനിന്ന്‌ വരുന്ന അഭി​പ്രാ​യങ്ങൾ പറയു​ന്ന​താണ്‌.

13. യഹോ​വ​യോ​ടും യേശു​വി​നോ​ടും ഉള്ള സ്‌നേ​ഹ​ത്തി​ന്റെ ആഴം നമുക്ക്‌ എങ്ങനെ കാണി​ക്കാം? വിശദീ​ക​രി​ക്കുക.

¹³ യഹോ​വ​യ്‌ക്കും യേശു​വി​നും വേണ്ടി എന്തും വിട്ടു​കൊ​ടു​ക്കാൻ മനസ്സു കാണി​ച്ചു​കൊണ്ട്‌ നമുക്ക്‌ അവരോ​ടുള്ള സ്‌നേ​ഹ​ത്തി​ന്റെ ആഴം തെളി​യി​ക്കാം. മിക്ക​പ്പോ​ഴും മീറ്റി​ങ്ങു​കൾക്കു വരാൻ നമ്മൾ പലപല ത്യാഗങ്ങൾ ചെയ്യു​ന്നുണ്ട്‌. അനേകം സഭകളും ആഴ്‌ച​യിൽ ഒരു വൈകു​ന്നേ​ര​മാ​ണു ഇടദി​വ​സത്തെ മീറ്റി​ങ്ങി​നു പട്ടിക​പ്പെ​ടു​ത്തി​യി​രി​ക്കു​ന്നത്‌. ജോലി കഴിഞ്ഞ്‌ ക്ഷീണി​ച്ചി​രി​ക്കുന്ന സമയമാ​യി​രി​ക്കും അത്‌. പൊതു​വേ മറ്റുള്ള​വ​രെ​ല്ലാം വിശ്ര​മ​ത്തി​നാ​യി മാറ്റി​വെ​ച്ചി​രി​ക്കുന്ന വാരാ​ന്ത​ത്തി​ലാ​ണു മറ്റൊരു മീറ്റിങ്ങ്‌. ക്ഷീണി​ത​രാ​ണെ​ങ്കി​ലും മീറ്റി​ങ്ങി​നു നമ്മൾ കൂടി​വ​രു​ന്നത്‌ യഹോവ ശ്രദ്ധി​ക്കു​ന്നു​ണ്ടോ? തീർച്ച​യാ​യും! മീറ്റി​ങ്ങി​നു കൂടി​വ​രാൻ നമ്മൾ ചെയ്യുന്ന ഓരോ ശ്രമവും യഹോവ കാണു​ക​യും അതിനു വില കല്‌പി​ക്കു​ക​യും ചെയ്യു​ന്നുണ്ട്‌.—മർക്കോ. 12:41-44.

14. ആത്മത്യാ​ഗ​സ്‌നേഹം കാണി​ക്കു​ന്ന​തിൽ യേശു എങ്ങനെ​യാ​ണു മാതൃക വെച്ചത്‌?

¹⁴ ആത്മത്യാഗസ്‌നേഹം കാണിക്കുന്നതിൽ യേശു നമുക്കു മാതൃക വെച്ചി​രി​ക്കു​ന്നു. ശിഷ്യ​ന്മാർക്കു​വേണ്ടി മരിക്കാൻ മാത്രമല്ല തന്റെ ഇഷ്ടങ്ങ​ളെ​ക്കാൾ അവരുടെ താത്‌പ​ര്യ​ങ്ങൾക്കു മുൻഗണന കൊടു​ത്തു​കൊണ്ട്‌ ജീവി​ക്കാ​നും യേശു തയ്യാറാ​യി​രു​ന്നു. ഉദാഹ​ര​ണ​ത്തിന്‌, ആകെ ക്ഷീണിച്ച്‌ മാനസി​ക​മാ​യി തളർന്നി​രുന്ന സമയത്തു​പോ​ലും യേശു ശിഷ്യ​ന്മാ​രു​മാ​യി സംസാ​രി​ച്ചു. (ലൂക്കോ. 22:39-46) മറ്റുള്ള​വ​രിൽനിന്ന്‌ എന്തു കിട്ടും എന്നല്ല, അവർക്ക്‌ എന്തു കൊടു​ക്കാം എന്നാണു യേശു നോക്കി​യത്‌. (മത്താ. 20:28) യഹോ​വ​യോ​ടും സഹോ​ദ​ര​ങ്ങ​ളോ​ടും നമുക്ക്‌ അത്ര ശക്തമായ സ്‌നേ​ഹ​മു​ണ്ടെ​ങ്കിൽ കർത്താ​വി​ന്റെ അത്താഴ​ത്തി​നും മറ്റു സഭാ​യോ​ഗ​ങ്ങൾക്കും കൂടി​വ​രാൻ കഴിയു​ന്ന​തെ​ല്ലാം നമ്മൾ ചെയ്യും.

15. നമ്മൾ പ്രത്യേ​കി​ച്ചും ആരെ സഹായി​ക്കാൻ ആഗ്രഹി​ക്കു​ന്നു?

¹⁵ ലോക​മെ​ങ്ങും യഥാർഥ​ക്രി​സ്‌ത്യാ​നി​ക​ളു​ടെ ഒരേ ഒരു സഹോ​ദ​ര​സ​മൂ​ഹ​മാ​ണു​ള്ളത്‌. അതിന്റെ ഭാഗമാ​ണു നമ്മൾ. പുതി​യ​വരെ നമ്മളോ​ടു ചേരാൻ ക്ഷണിക്കു​ന്ന​തി​നു കഴിയു​ന്നത്ര സമയം ചെലവ​ഴി​ക്കാൻ നമുക്കു സന്തോ​ഷമേ ഉള്ളൂ. എങ്കിലും “വിശ്വാ​സ​ത്തിൽ നമ്മുടെ ബന്ധുക്ക​ളായ,” എന്നാൽ പിന്നീടു നിഷ്‌ക്രി​യ​രാ​യി​പ്പോയ ആളുക​ളു​ടെ കാര്യ​ത്തിൽ നമ്മൾ പ്രത്യേ​കം ശ്രദ്ധയു​ള്ള​വ​രാണ്‌. (ഗലാ. 6:10) മീറ്റി​ങ്ങു​കൾക്ക്‌, പ്രത്യേ​കി​ച്ചും സ്‌മാ​ര​ക​ത്തിന്‌, കൂടി​വ​രാൻ അവരെ പ്രോ​ത്സാ​ഹി​പ്പി​ച്ചു​കൊണ്ട്‌ നമ്മൾ അവരോ​ടുള്ള സ്‌നേഹം തെളി​യി​ക്കു​ന്നു. നിഷ്‌ക്രി​യ​നായ ഒരു വ്യക്തി സ്‌നേ​ഹ​മുള്ള പിതാ​വും ഇടയനും ആയ യഹോ​വ​യി​ലേക്കു മടങ്ങി​വ​രു​മ്പോൾ യഹോ​വ​യെ​യും യേശു​വി​നെ​യും പോലെ നമുക്കും വളരെ​യ​ധി​കം സന്തോഷം തോന്നു​ന്നു.—മത്താ. 18:14.

16. (എ) നമുക്ക്‌ എങ്ങനെ പരസ്‌പരം പ്രോ​ത്സാ​ഹി​പ്പി​ക്കാം, മീറ്റി​ങ്ങു​കൾ നമ്മളെ എങ്ങനെ സഹായി​ക്കും? (ബി) യോഹ​ന്നാൻ 3:16-ൽ കാണുന്ന യേശു​വി​ന്റെ വാക്കുകൾ ഓർക്കാ​നുള്ള നല്ല സമയമാണ്‌ ഇതെന്നു പറയാ​വു​ന്നത്‌ എന്തു​കൊണ്ട്‌?

¹⁶ വരും ദിവസ​ങ്ങ​ളിൽ, 2019 ഏപ്രിൽ 19 വെള്ളി​യാഴ്‌ച വൈകു​ന്നേരം നടക്കാ​നി​രി​ക്കുന്ന സ്‌മാ​ര​ക​ത്തി​നു ഹാജരാ​കാൻ കഴിയു​ന്നത്ര ആളുകളെ ക്ഷണിക്കുക. (“നിങ്ങൾ അവരെ ക്ഷണിക്കു​മോ?” എന്ന ചതുരം കാണുക.) യഹോവ നമുക്കാ​യി കരുതി​യി​രി​ക്കുന്ന മീറ്റി​ങ്ങു​ക​ളിൽ ക്രമമാ​യി പങ്കെടു​ത്തു​കൊണ്ട്‌ എല്ലായ്‌പോ​ഴും നമുക്കു പരസ്‌പരം പ്രോ​ത്സാ​ഹി​പ്പി​ക്കാം. ഈ വ്യവസ്ഥി​തി​യു​ടെ അന്ത്യം അടുത്തു​വ​ന്നു​കൊ​ണ്ടി​രി​ക്കുന്ന ഈ സമയത്ത്‌, നമ്മുടെ താഴ്‌മ​യും ധൈര്യ​വും സ്‌നേ​ഹ​വും നഷ്ടപ്പെ​ടാ​തെ സൂക്ഷി​ക്കാൻ മീറ്റി​ങ്ങു​കൾ നമ്മളെ സഹായി​ക്കും. (1 തെസ്സ. 5:8-11) നമ്മളെ കണക്കി​ല്ലാ​തെ സ്‌നേ​ഹി​ച്ച​തിന്‌ യഹോ​വ​യോ​ടും യേശു​വി​നോ​ടും നമ്മൾ എത്ര നന്ദിയു​ള്ള​വ​രാ​ണെന്നു മുഴു​ഹൃ​ദ​യ​ത്തോ​ടെ നമുക്കു കാണി​ക്കാം!—യോഹ​ന്നാൻ 3:16 വായി​ക്കുക.