വ്യക്തിഗത താത്‌പ​ര്യം പ്രകട​മാ​ക്കുക—അഭിന​ന്ദി​ച്ചു​കൊണ്ട്‌

¹ ആത്മാർഥമായ അഭിന​ന്ദനം ആളുകൾക്ക്‌ പ്രോ​ത്സാ​ഹനം നൽകുന്നു, അവരെ പ്രവർത്ത​ന​ത്തി​നു പ്രചോ​ദി​പ്പി​ക്കു​ന്നു, അവർക്ക്‌ സന്തോഷം പകരുന്നു. ശുശ്രൂ​ഷ​യി​ലാ​യി​രി​ക്കെ ആളുകൾ നമ്മുടെ സന്ദേശം ശ്രദ്ധി​ക്കാൻ ആത്മാർഥ​മായ ഒരു അഭിന​ന്ദനം പലപ്പോ​ഴും ഇടയാ​ക്കു​ന്നു​വെന്ന്‌ അനേകം പ്രസാ​ധകർ കണ്ടെത്തി​യി​രി​ക്കു​ന്നു. സുവാർത്ത​യു​മാ​യി ആളുകളെ സമീപി​ക്കു​മ്പോൾ നമുക്ക്‌ എങ്ങനെ അവരെ അഭിന​ന്ദി​ക്കാൻ കഴിയും?

² നിരീക്ഷിക്കുന്നവരായിരിക്കുക: മഹത്ത്വീ​ക​രി​ക്ക​പ്പെട്ട യേശു​ക്രി​സ്‌തു ഏഷ്യാ​മൈ​ന​റി​ലെ ഏഴു സഭകളു​ടെ സത്‌പ്ര​വൃ​ത്തി​കൾ നിരീ​ക്ഷി​ക്കു​ക​യു​ണ്ടാ​യി. (വെളി. 2:2, 3, 13, 19; 3:8) സമാന​മാ​യി, ശുശ്രൂ​ഷ​യിൽ നാം കണ്ടുമു​ട്ടു​ന്ന​വ​രി​ലുള്ള യഥാർഥ താത്‌പ​ര്യം അവരെ അഭിന​ന്ദി​ക്കാ​നുള്ള അവസരങ്ങൾ തേടാൻ നമ്മെ പ്രചോ​ദി​പ്പി​ക്കും. ഉദാഹ​ര​ണ​ത്തിന്‌ വൃത്തി​യാ​യും ഭംഗി​യാ​യും സൂക്ഷി​ച്ചി​രി​ക്കുന്ന ഒരു വീട്ടു​മു​റ്റം, കുട്ടി​ക​ളോട്‌ വാത്സല്യ​പൂർവം ഇടപെ​ടുന്ന ഒരു അമ്മയോ അച്ഛനോ, ഹൃദ്യ​മായ ഒരു പുഞ്ചി​രി​യോ​ടെ നമ്മെ അഭിവാ​ദ്യം ചെയ്യുന്ന ഒരു വീട്ടു​കാ​രൻ—ഇവയെ​ല്ലാം അഭിന​ന്ദി​ക്കു​ന്ന​തിന്‌ നമുക്ക്‌ അവസരം നൽകുന്നു. ഇത്തരം കാര്യങ്ങൾ നിങ്ങൾ ശ്രദ്ധി​ക്കാ​റു​ണ്ടോ? ആ അവസരങ്ങൾ പ്രയോ​ജ​ന​പ്പെ​ടു​ത്താ​റു​ണ്ടോ?

³ നല്ല ശ്രോ​താ​വാ​യി​രി​ക്കുക: സുവാർത്ത പ്രസം​ഗി​ക്കു​മ്പോൾ ഉചിത​മായ ചോദ്യ​ങ്ങൾ ചോദി​ക്കു​ക​യും അങ്ങനെ തങ്ങളുടെ മനസ്സി​ലു​ള്ളതു പറയാൻ ആളുകളെ പ്രോ​ത്സാ​ഹി​പ്പി​ക്കു​ക​യും ചെയ്യുക. അവർ പറയു​ന്നതു നന്നായി ശ്രദ്ധി​ച്ചു​കൊണ്ട്‌ അവരെ ആദരി​ക്കുക. (റോമ. 12:10) സാധ്യ​ത​യ​നു​സ​രിച്ച്‌, ആത്മാർഥ​മാ​യി അഭിന​ന്ദി​ക്കാൻ വകനൽകുന്ന എന്തെങ്കി​ലും അദ്ദേഹം പറയാ​നി​ട​യുണ്ട്‌; തുടർന്ന്‌ അതിന്റെ അടിസ്ഥാ​ന​ത്തിൽ നിങ്ങൾക്ക്‌ വിഷയ​ത്തി​ലേക്കു കടക്കാൻ കഴിയും.

⁴ വിവേചന പ്രകട​മാ​ക്കുക: ബൈബിൾ സത്യത്തി​നു ചേർച്ച​യി​ല​ല്ലാത്ത എന്തെങ്കി​ലും വീട്ടു​കാ​രൻ പറഞ്ഞാൽ നാം എന്തു ചെയ്യണം? അദ്ദേഹം പറഞ്ഞതി​നോട്‌ വിയോ​ജി​പ്പു പ്രകട​മാ​ക്കു​ന്ന​തി​നു​പ​കരം അദ്ദേഹ​ത്തി​ന്റെ അഭി​പ്രാ​യ​ങ്ങളെ മാനി​ക്കുക. “താങ്കൾ ഈ വിഷയ​ത്തെ​ക്കു​റിച്ച്‌ കാര്യ​മാ​യി ചിന്തി​ച്ചി​ട്ടു​ണ്ടെന്നു ഞാൻ മനസ്സി​ലാ​ക്കു​ന്നു” എന്നോ മറ്റോ പറഞ്ഞു​കൊണ്ട്‌ നിങ്ങൾക്കു തുടരാൻ കഴിയും. (കൊലൊ. 4:6) വീട്ടു​കാ​രൻ തർക്കി​ക്കാൻ പ്രവണത കാണി​ക്കു​ന്നെ​ങ്കിൽപ്പോ​ലും, ആ വിഷയ​ത്തിൽ അദ്ദേഹ​ത്തി​നുള്ള ആത്മാർഥ​മായ താത്‌പ​ര്യ​ത്തെ​പ്രതി നമുക്ക്‌ അദ്ദേഹത്തെ അഭിന​ന്ദി​ക്കാൻ കഴി​ഞ്ഞേ​ക്കും. അത്തരം സൗമ്യ​മായ ഒരു സമീപ​നം​കൊണ്ട്‌, പ്രത്യ​ക്ഷ​ത്തിൽ സുവാർത്ത​യോ​ടു കടുത്ത എതിർപ്പ്‌ കാണി​ക്കുന്ന ഒരു വ്യക്തി​യെ​പ്പോ​ലും മയപ്പെ​ടു​ത്താൻ ഒരുപക്ഷേ നമുക്കു കഴിയും.—സദൃ. 25:15.

⁵ നമ്മുടെ അഭിന​ന്ദനം മറ്റുള്ള​വർക്കു പ്രോ​ത്സാ​ഹനം പകരണ​മെ​ങ്കിൽ അത്‌ ആത്മാർഥ​മാ​യി​രി​ക്കണം. പരിപു​ഷ്ടി​പ്പെ​ടു​ത്തുന്ന അത്തരം വാക്കുകൾ ഉപയോ​ഗി​ക്കു​ന്നത്‌ യഹോ​വ​യ്‌ക്കു ബഹുമതി കൈവ​രു​ത്തു​ന്നു, മറ്റുള്ള​വരെ രാജ്യ​സ​ന്ദേ​ശ​ത്തി​ലേക്ക്‌ ആകർഷി​ക്കു​ക​യും ചെയ്‌തേ​ക്കാം.