“ഞാൻ എന്റെതന്നെ കുഴി തോണ്ടു​ക​യാ​യി​രു​ന്നു”

“നിനക്കു ദൈവ​ത്തെ​ക്കു​റിച്ച്‌ ശരിക്കും അറിയ​ണ​മെ​ന്നു​ണ്ടെ​ങ്കിൽ യഹോ​വ​യു​ടെ സാക്ഷി​ക​ളു​ടെ​കൂ​ടെ​ത്തെന്നെ നിന്നോ.” ഈ വാക്കുകൾ എന്നെ അതിശ​യി​പ്പി​ച്ചു. ആ സമയത്ത്‌, ഞാൻ യഹോ​വ​യു​ടെ സാക്ഷി​ക​ളു​ടെ​കൂ​ടെ ബൈബിൾ പഠിക്കാൻ തുടങ്ങി​യതേ ഉണ്ടായി​രു​ന്നു​ള്ളൂ. പക്ഷേ ഞാൻ അതിശ​യി​ച്ച​തി​ന്റെ കാരണം മനസ്സി​ലാ​ക​ണ​മെ​ങ്കിൽ നിങ്ങൾ എന്റെ ചരിത്രം മനസ്സി​ലാ​ക്കണം.

എൽ സാൽവഡോറിലെ കെസാൽറ്റെ​പ്പെകെ പട്ടണത്തി​ലാണ്‌ ഞാൻ ജനിച്ചത്‌. 15 മക്കളിൽ ആറാമ​നാ​യി​രു​ന്നു ഞാൻ. സത്യസ​ന്ധ​നാ​യി, നിയമങ്ങൾ അനുസ​രി​ക്കുന്ന ഒരാളാ​യി എന്നെ വളർത്താ​നാ​ണു മാതാ​പി​താ​ക്കൾ ശ്രമി​ച്ചത്‌. ഇതിനു പുറമേ ലിയോ​ണാർഡോ​യും യഹോ​വ​യു​ടെ സാക്ഷി​ക​ളി​ലെ മറ്റു ചിലരും ബൈബിൾ പഠിപ്പി​ക്കാൻ ഇടയ്‌ക്കൊ​ക്കെ വീട്ടിൽ വരുമാ​യി​രു​ന്നു. പക്ഷേ പഠിച്ച​തൊ​ന്നും വകവെ​ക്കാ​തെ ഞാൻ ഒന്നിനു പുറകെ ഒന്നായി തെറ്റായ തീരു​മാ​ന​ങ്ങ​ളെ​ടു​ത്തു​കൊ​ണ്ടി​രു​ന്നു. 14-ാം വയസ്സിൽ സ്‌കൂ​ളി​ലെ കൂട്ടു​കാ​രു​ടെ​കൂ​ടെ കൂടി മദ്യപി​ക്കാ​നും മയക്കു​മ​രുന്ന്‌ ഉപയോ​ഗി​ക്കാ​നും തുടങ്ങി. കൂട്ടു​കാർ ഒരോ​രു​ത്ത​രാ​യി പഠിപ്പ്‌ നിറുത്തി ഒരു ഗുണ്ടാ​സം​ഘ​ത്തിൽ ചേർന്നു. ഞാനും ആ വഴിക്കു​തന്നെ പോയി. പകൽ സമയത്ത്‌, തെരു​വു​ക​ളിൽ ആളുകളെ ഭീഷണി​പ്പെ​ടു​ത്തി​യും മോഷ്ടി​ച്ചും ഞങ്ങളുടെ ദുശ്ശീ​ല​ങ്ങൾക്കു​വേ​ണ്ടി​യുള്ള കാശ്‌ ഉണ്ടാക്കു​മാ​യി​രു​ന്നു.

പിന്നെ ആ ഗുണ്ടാ​സം​ഘ​മാ​യി​രു​ന്നു എന്റെ കുടും​ബം. ഞാൻ എപ്പോ​ഴും അവരോ​ടു കൂറു കാണി​ക്ക​ണ​മെന്ന്‌ എനിക്കു തോന്നി. ഒരു ദിവസം ഞങ്ങളുടെ കൂട്ടത്തി​ലുള്ള ഒരാൾ മയക്കു​മ​രു​ന്ന​ടിച്ച്‌ തലയ്‌ക്കു പിടി​ച്ചിട്ട്‌ എന്റെ ഒരു അയൽക്കാ​രനെ ഉപദ്ര​വി​ക്കാൻ തുടങ്ങി. അയൽക്കാ​രൻ അവനെ പിടി​ച്ചു​വെ​ച്ചിട്ട്‌ പോലീ​സി​നെ വിളി​ക്കാൻ നോക്കി. ദേഷ്യം വന്ന ഞാൻ ഒരു കമ്പി​യെ​ടുത്ത്‌ അദ്ദേഹ​ത്തി​ന്റെ കാറ്‌ അടിച്ചു​ത​കർക്കാൻ തുടങ്ങി. ഓരോ ചില്ല്‌ അടിച്ച്‌ പൊട്ടി​ക്കു​മ്പോ​ഴും അതു നിറു​ത്താൻവേണ്ടി അയൽക്കാ​രൻ കെഞ്ചി​യെ​ങ്കി​ലും ഞാൻ അതു കേട്ടില്ല.

എന്റെ 18-ാം വയസ്സിൽ ഞങ്ങളും പോലീ​സു​മാ​യി ഒരു അടിയു​ണ്ടാ​യി. അവർക്കു നേരെ ഒരു നാടൻ ബോംബ്‌ എറിയാൻ തുടങ്ങു​മ്പോൾ അത്‌ എങ്ങനെ​യോ എന്റെ കൈയി​ലി​രുന്ന്‌ പൊട്ടി. ശരിക്കും എന്താണ്‌ സംഭവി​ച്ച​തെന്ന്‌ എനിക്ക്‌ അറിയില്ല. കൈപ്പത്തി ചിതറി​പ്പോ​യതു മാത്രം ഓർമ​യുണ്ട്‌. അതോടെ ബോധം പോയി. പിന്നെ കണ്ണ്‌ തുറക്കു​മ്പോൾ ആശുപ​ത്രി​യി​ലാണ്‌. അപ്പോ​ഴാണ്‌ എന്റെ വലതു കൈപ്പ​ത്തി​യും വലതു ചെവി​യു​ടെ കേൾവി ശക്തിയും നഷ്ടമായ കാര്യം ഞാൻ അറിയു​ന്നത്‌. വലതു കണ്ണിന്റെ കാഴ്‌ച​യും ഏറെക്കു​റെ പോയി.

ആശുപ​ത്രി വിട്ടെ​ങ്കി​ലും പരിക്കു ഭേദമാ​കു​ന്ന​തി​നു മുമ്പേ ഞാൻ പഴയ ഗുണ്ടാ​സം​ഘ​ത്തി​ലേ​ക്കു​തന്നെ പോയി. അധികം വൈകാ​തെ എന്നെ പോലീസ്‌ പിടിച്ച്‌ ജയിലി​ലി​ട്ടു. അവി​ടെ​വെച്ച്‌ ഗുണ്ടാ​സം​ഘ​ത്തി​ലെ മറ്റുള്ള​വ​രു​മാ​യുള്ള എന്റെ ബന്ധം കൂടുതൽ ശക്തമായി. രാവിലെ എഴു​ന്നേറ്റ്‌ കഞ്ചാവ്‌ വലിക്കു​ന്ന​തും ഭക്ഷണം കഴിക്കു​ന്ന​തും തൊട്ട്‌ രാത്രി കിടക്കും​വരെ എല്ലാ കാര്യ​ങ്ങ​ളും ഞങ്ങൾ ഒരുമി​ച്ചാണ്‌ ചെയ്‌തി​രു​ന്നത്‌.

ജയിലിൽവെച്ച്‌ ലിയോ​ണാർഡോ എന്നെ കാണാൻ വന്നു. സംസാ​രി​ക്കു​ന്ന​തി​നി​ടെ എന്റെ വലതു കയ്യിൽ പച്ച കുത്തി​യി​രി​ക്കു​ന്നത്‌ കണ്ട അദ്ദേഹം എന്നോടു ചോദി​ച്ചു: “ഈ മൂന്നു കുത്തു​ക​ളു​ടെ അർഥ​മെ​ന്താ​ണെന്ന്‌ നിനക്ക്‌ അറിയാ​മോ?” ഞാൻ പറഞ്ഞു: “അറിയാം. ലൈം​ഗി​കത, മയക്കു​മ​രുന്ന്‌, റോക്ക്‌ സംഗീതം.” അപ്പോൾ ലിയോ​ണാർഡോ പറഞ്ഞു: “അല്ല, അത്‌ ആശുപ​ത്രി​യും ജയിലും മരണവും ആണെന്നു ഞാൻ പറയും. നീ ആശുപ​ത്രി​യിൽ കിടന്നു, ഇപ്പോൾ ജയിലി​ലും. അടുത്തത്‌ അറിയാ​ല്ലോ, അല്ലേ?”

ലിയോ​ണാർഡോ പറഞ്ഞത്‌ എനി​ക്കൊ​ന്നു കൊണ്ടു. ആ പറഞ്ഞത്‌ ശരിയാ​യി​രു​ന്നു. എന്റെ ജീവി​ത​രീ​തി​കൊണ്ട്‌ ഞാൻ എന്റെതന്നെ കുഴി തോണ്ടു​ക​യാ​യി​രു​ന്നു. ലിയോ​ണാർഡോ ബൈബിൾ പഠിക്കാൻ എന്നെ ക്ഷണിച്ചു. ഞാൻ പഠിക്കാൻ തുടങ്ങി. ജീവി​ത​ത്തി​നു മാറ്റം വരുത്താൻ അത്‌ എന്നെ പ്രേരി​പ്പി​ച്ചു. ഉദാഹ​ര​ണ​ത്തിന്‌, ബൈബിൾ പറയു​ന്നതു “ചീത്ത കൂട്ടു​കെട്ടു നല്ല ധാർമി​ക​മൂ​ല്യ​ങ്ങളെ നശിപ്പി​ക്കു​ന്നു” എന്നാണ്‌. (1 കൊരി​ന്ത്യർ 15:33, അടിക്കു​റിപ്പ്‌) ഞാൻ ചെയ്യേ​ണ്ടി​യി​രുന്ന ആദ്യത്തെ കാര്യം പുതിയ കൂട്ടു​കാ​രെ കണ്ടെത്തുക എന്നതാ​യി​രു​ന്നു. അതു​കൊണ്ട്‌ ഞാൻ ഗുണ്ടക​ളു​ടെ മീറ്റി​ങ്ങി​നു പോകു​ന്നതു നിറുത്തി. എന്നിട്ട്‌ ജയിലി​നു​ള്ളിൽ നടത്തി​യി​രുന്ന യഹോ​വ​യു​ടെ സാക്ഷി​ക​ളു​ടെ മീറ്റി​ങ്ങു​കൾക്കു പോകാൻ തുടങ്ങി. അവി​ടെ​വെച്ച്‌ ഞാൻ ആൻഡ്രി​സി​നെ പരിച​യ​പ്പെട്ടു. അദ്ദേഹം ജയിലിൽവെ​ച്ചാണ്‌ ഒരു യഹോ​വ​യു​ടെ സാക്ഷി​യാ​യി സ്‌നാ​ന​പ്പെ​ട്ടത്‌. രാവി​ലത്തെ ഭക്ഷണം ഒരുമിച്ച്‌ കഴിക്കാൻ അദ്ദേഹം എന്നെ ക്ഷണിച്ചു. അന്നുമു​തൽ കഞ്ചാവ്‌ വലിച്ച്‌ ദിവസം തുടങ്ങുന്ന പരിപാ​ടി ഞാൻ നിറുത്തി. പകരം, ഞാനും ആൻഡ്രി​സും ദിവസ​വും രാവിലെ ഒരു ബൈബിൾ വാക്യം ചർച്ച ചെയ്യാൻ തുടങ്ങി.

എനിക്കു സംഭവി​ക്കുന്ന മാറ്റങ്ങൾ മറ്റു ഗുണ്ടകൾക്ക്‌ എളുപ്പം മനസ്സി​ലാ​യി. അതു​കൊണ്ട്‌ ഗുണ്ടാ​സം​ഘ​ത്തി​ലെ ഒരു നേതാവ്‌ എന്നോട്‌ ഒന്നു സംസാ​രി​ക്ക​ണ​മെന്ന്‌ പറഞ്ഞു. ഞാൻ ഒന്നു പേടിച്ചു. എന്റെ ഉദ്ദേശ്യം എന്താ​ണെന്നു മനസ്സി​ലാ​ക്കി​യാൽ അദ്ദേഹം എന്തു ചെയ്യു​മെന്ന്‌ എനിക്ക്‌ അറിയി​ല്ലാ​യി​രു​ന്നു. കാരണം അത്ര പെട്ടെ​ന്നൊ​ന്നും ഈ സംഘത്തിൽനിന്ന്‌ ഊരി​പ്പോ​രാൻ പറ്റില്ല. അദ്ദേഹം ചോദി​ച്ചു: “നീ എന്താ ഇപ്പോൾ നമ്മുടെ മീറ്റി​ങ്ങി​നൊ​ന്നും വരാതെ യഹോ​വ​യു​ടെ സാക്ഷി​ക​ളു​ടെ മീറ്റി​ങ്ങി​നു പോകു​ന്നത്‌? എന്താ നിന്റെ ഉദ്ദേശ്യം?” ബൈബിൾ പഠിച്ച്‌ ജീവി​ത​ത്തി​നു മാറ്റം വരുത്താ​നാ​ണു ഞാൻ ആഗ്രഹി​ക്കു​ന്ന​തെന്നു പറഞ്ഞു. യഹോ​വ​യു​ടെ സാക്ഷി​യാ​കാ​നുള്ള എന്റെ ആഗ്രഹം ആത്മാർഥ​മാ​ണെ​ങ്കിൽ അവർ എന്നെ വളരെ ആദര​വോ​ടെ കാണു​മെന്ന്‌ അദ്ദേഹം പറഞ്ഞു. അതു കേട്ട​പ്പോൾ എനിക്ക്‌ അതിശയം തോന്നി. എന്നിട്ട്‌ ഇങ്ങനെ​യും പറഞ്ഞു: “നിനക്ക്‌ ദൈവ​ത്തെ​ക്കു​റിച്ച്‌ ശരിക്കും അറിയ​ണ​മെ​ന്നു​ണ്ടെ​ങ്കിൽ യഹോ​വ​യു​ടെ സാക്ഷി​ക​ളു​ടെ​കൂ​ടെ​ത്തെന്നെ നിന്നോ. നീ ഇനി ചീത്ത കാര്യങ്ങൾ ചെയ്യി​ല്ലെന്നു ഞങ്ങൾ വിചാ​രി​ക്കു​ന്നു. നീ ശരിയായ വഴിയി​ലാ​ണു പോകു​ന്നത്‌. നിനക്കു നല്ലതു വരട്ടെ. സാക്ഷി​കൾക്ക്‌ നിന്നെ ശരിക്കും സഹായി​ക്കാൻ പറ്റും. ഞാൻ യു.എസ്‌-ൽവെച്ച്‌ അവരോ​ടൊ​പ്പം ബൈബിൾ പഠിച്ചി​രു​ന്ന​താണ്‌. എന്റെ കുടും​ബാം​ഗ​ങ്ങ​ളിൽ ചിലർ യഹോ​വ​യു​ടെ സാക്ഷി​ക​ളു​മാണ്‌. പേടി​ക്കേണ്ടാ. ധൈര്യ​മാ​യി മുന്നോ​ട്ടു പൊയ്‌ക്കോ.” അപ്പോ​ഴും പേടി​യു​ണ്ടാ​യി​രു​ന്നെ​ങ്കി​ലും ഉള്ളിൽ നല്ല സന്തോ​ഷ​മാ​യി​രു​ന്നു. മനസ്സിൽ ഞാൻ യഹോ​വ​യ്‌ക്കു നന്ദി പറഞ്ഞു. കൂട്ടിൽനിന്ന്‌ തുറന്നു​വിട്ട കിളി​യെ​പ്പോ​ലെ എനിക്കു തോന്നി. “നിങ്ങൾ സത്യം അറിയു​ക​യും സത്യം നിങ്ങളെ സ്വത​ന്ത്ര​രാ​ക്കു​ക​യും ചെയ്യും” എന്നു യേശു പറഞ്ഞതി​ന്റെ അർഥം എനിക്കു മനസ്സി​ലാ​യി.—യോഹ​ന്നാൻ 8:32.

എന്റെ ചില പഴയ കൂട്ടു​കാർ എന്നെ പരീക്ഷി​ക്കാൻവേണ്ടി ഇടയ്‌ക്കു മയക്കു​മ​രു​ന്നു വേണോ എന്നു ചോദി​ക്കു​മാ​യി​രു​ന്നു. സത്യം പറയാ​മ​ല്ലോ, ചില​പ്പോ​ഴൊ​ക്കെ ഞാൻ അതിൽ വീണി​ട്ടുണ്ട്‌. പക്ഷേ പതി​യെ​പ്പ​തി​യെ ഉള്ളുരു​കി​യുള്ള പ്രാർഥ​ന​യി​ലൂ​ടെ ദുശ്ശീ​ല​ങ്ങ​ളൊ​ക്കെ ഞാൻ മറിക​ടന്നു.—സങ്കീർത്തനം 51:10, 11.

ഞാൻ ജയിലിൽനിന്ന്‌ പോന്ന​പ്പോൾ പലരും വിചാ​രി​ച്ചതു ഞാൻ പഴയപ​ടി​ത​ന്നെ​യാ​കു​മെ​ന്നാണ്‌. പക്ഷേ ഞാൻ അങ്ങനെ​യാ​യില്ല. പകരം ഞാൻ ബൈബി​ളിൽനിന്ന്‌ പഠിച്ച കാര്യങ്ങൾ തടവു​കാ​രോ​ടു സംസാ​രി​ക്കാൻ പോകു​മാ​യി​രു​ന്നു. ഒടുവിൽ എന്റെ പഴയ കൂട്ടു​കാർക്കു മനസ്സി​ലാ​യി ഞാൻ ആളാകെ മാറി​യെന്ന്‌. പക്ഷേ എന്റെ പഴയ ശത്രു​ക്കൾക്കു മാറ്റ​മൊ​ന്നു​മു​ണ്ടാ​യില്ല.

ഒരു ദിവസം ഞങ്ങൾ രണ്ടു പേർ സുവി​ശേ​ഷ​പ്ര​സം​ഗ​ത്തി​നു പോയ​പ്പോൾ, എന്നെ കൊല്ലാൻ നോക്കി​നടന്ന പഴയ ശത്രുക്കൾ കുറെ ആയുധ​ങ്ങ​ളു​മാ​യി ഞങ്ങളെ വളഞ്ഞു. കൂടെ​യു​ണ്ടാ​യി​രു​ന്ന​യാൾ നയപൂർവം, ധൈര്യ​ത്തോ​ടെ ഞാൻ ഇപ്പോൾ ഗുണ്ടയ​ല്ലെന്നു പറഞ്ഞു. ആ സമയത്ത്‌ ശാന്തമാ​യി നിൽക്കാൻ ഞാൻ ശ്രമിച്ചു. എന്നെ തല്ലിയ​ശേഷം “ഇനി ഈ പരിസ​രത്തു കണ്ടു​പോ​ക​രുത്‌” എന്നു ഭീഷണി​പ്പെ​ടു​ത്തി​യിട്ട്‌ അവർ ഞങ്ങളോട്‌ പോകാൻ പറഞ്ഞു. ബൈബിൾ ശരിക്കും എന്റെ ജീവിതം മാറ്റി​മ​റി​ച്ചു. പണ്ടത്തെ ഞാനാ​യി​രു​ന്നെ​ങ്കിൽ പകരം വീട്ടി​യേനേ. ഇപ്പോൾ ഞാൻ 1 തെസ്സ​ലോ​നി​ക്യർ 5:15-ലെ വാക്കു​കൾക്കാ​ണു ശ്രദ്ധ കൊടു​ക്കു​ന്നത്‌: “നിങ്ങളിൽ ആരും തിന്മയ്‌ക്കു പകരം തിന്മ ചെയ്യരുത്‌; നിങ്ങളു​ടെ ഇടയി​ലു​ള്ള​വർക്കും മറ്റുള്ള​വർക്കും നന്മ ചെയ്യുക എന്നതാ​യി​രി​ക്കട്ടെ എപ്പോ​ഴും നിങ്ങളു​ടെ ലക്ഷ്യം.”

യഹോ​വ​യു​ടെ സാക്ഷി​യാ​യ​പ്പോൾമു​തൽ, എപ്പോ​ഴും സത്യസ​ന്ധ​നാ​യി​രി​ക്കാൻ ഞാൻ നന്നായി പരി​ശ്ര​മി​ച്ചു. അത്‌ അത്ര എളുപ്പ​മാ​യി​രു​ന്നില്ല. എങ്കിലും യഹോ​വ​യു​ടെ​യും ബൈബി​ളി​ന്റെ​യും പുതിയ കൂട്ടു​കാ​രു​ടെ​യും സഹായ​ത്തോ​ടെ എനിക്കു വിജയി​ക്കാൻ കഴിഞ്ഞു. പിന്നിട്ട വഴിയി​ലൂ​ടെ സഞ്ചരി​ക്കാൻ ഇനി ഞാനില്ല.—2 പത്രോസ്‌ 2:22.

ദേഷ്യം വന്നാൽ എന്തും ചെയ്യാൻ മടിക്കാത്ത ഒരാളാ​യി​രു​ന്നു ഞാൻ. ആ സ്വഭാവം തുടർന്നി​രു​ന്നെ​ങ്കിൽ ഞാൻ ഇപ്പോൾ ജീവ​നോ​ടെ കാണി​ല്ലാ​യി​രു​ന്നു. ബൈബി​ളിൽനിന്ന്‌ പഠിച്ച കാര്യങ്ങൾ എന്നെ ഒരു പുതിയ മനുഷ്യ​നാ​ക്കി. ദുശ്ശീ​ലങ്ങൾ ഞാൻ ഉപേക്ഷി​ച്ചു. എന്റെ പഴയ ശത്രു​ക്ക​ളോ​ടു സമാധാ​ന​ത്തോ​ടെ ഇടപെ​ടാൻ ഞാൻ പഠിച്ചു. (ലൂക്കോസ്‌ 6:27) നല്ല സ്വഭാവം വളർത്തി​യെ​ടു​ക്കാൻ സഹായി​ക്കുന്ന കൂട്ടു​കാ​രാണ്‌ ഇപ്പോൾ എനിക്കു​ള്ളത്‌. (സുഭാ​ഷി​തങ്ങൾ 13:20) ഇന്ന്‌ എന്റെ ജീവി​ത​ത്തിന്‌ ഒരു ഉദ്ദേശ്യ​മുണ്ട്‌. ഞാൻ ചെയ്‌തു​കൂ​ട്ടി​യ​തെ​ല്ലാം ക്ഷമിക്കാൻ മനസ്സു കാണിച്ച ഒരു ദൈവ​ത്തെ​യാ​ണു ഞാൻ സേവി​ക്കു​ന്നത്‌.—യശയ്യ 1:18.

2006-ൽ ഏകാകി​ക​ളായ സുവി​ശേ​ഷ​കർക്കു​വേ​ണ്ടി​യുള്ള ഒരു പ്രത്യേ​ക​പ​രി​ശീ​ലന സ്‌കൂ​ളിൽ ഞാൻ പങ്കെടു​ത്തു. കുറച്ച്‌ നാൾ കഴിഞ്ഞ്‌ ഞാൻ കല്യാണം കഴിച്ചു. ഞങ്ങൾക്കൊ​രു മോളുണ്ട്‌. എന്നെ സഹായിച്ച ബൈബിൾത​ത്ത്വ​ങ്ങൾ മറ്റുള്ള​വർക്കു പറഞ്ഞു​കൊ​ടു​ക്കാ​നാണ്‌ ഞാൻ ഇപ്പോൾ കൂടുതൽ സമയവും ശ്രമി​ക്കു​ന്നത്‌. ഞാൻ സഭയിലെ ഒരു മേൽവി​ചാ​ര​ക​നാണ്‌. എനിക്കു പറ്റിയ തെറ്റുകൾ ചെറു​പ്പ​ക്കാർക്കു പറ്റാതി​രി​ക്കാൻ ഞാൻ ഇന്ന്‌ അവരെ സഹായി​ച്ചു​കൊ​ണ്ടി​രി​ക്കു​ക​യാണ്‌. ഇപ്പോൾ ഞാൻ എന്റെ ‘കുഴി തോണ്ടു​ന്ന​തി​നു‘ പകരം ബൈബി​ളിൽ ദൈവം വാഗ്‌ദാ​നം ചെയ്യുന്ന നിത്യ​ഭാ​വി​ക്കു​വേണ്ടി ജീവിതം പണിതു​യർത്തു​ക​യാണ്‌.