8:3

കൂസ: ഹെരോദ്‌ അന്തിപ്പാ​സി​ന്റെ കാര്യസ്ഥൻ. സാധ്യ​ത​യ​നു​സ​രിച്ച്‌ ഹെരോ​ദി​ന്റെ വീട്ടു​കാ​ര്യ​ങ്ങൾ നോക്കി​ന​ട​ത്തി​യി​രു​ന്ന​യാൾ.

അവരെ ശുശ്രൂ​ഷി​ച്ചു​പോ​ന്നു: അഥവാ “അവർക്കു വേണ്ടതു നൽകി​പ്പോ​ന്നു.” ഡയകൊ​നെ​യോ എന്ന ഗ്രീക്കു​പ​ദ​ത്തിന്‌, ഒരാൾക്കു വേണ്ട ആഹാര​സാ​ധ​നങ്ങൾ സംഘടി​പ്പി​ച്ചു​നൽകു​ന്ന​തോ അതു പാകം ചെയ്‌ത്‌ കൊടു​ക്കു​ന്ന​തോ വിളമ്പി​ക്കൊ​ടു​ക്കു​ന്ന​തോ പോലുള്ള ഭൗതി​കാ​വ​ശ്യ​ങ്ങൾ നിറ​വേ​റ്റു​ന്ന​തി​നെ അർഥമാ​ക്കാ​നാ​കും. ഇതേ പദം സമാന​മാ​യൊ​രു അർഥത്തി​ലാണ്‌ ലൂക്ക 10:40 (“ഇതൊക്കെ ചെയ്യാൻ”), ലൂക്ക 12:37 (“വേണ്ട​തെ​ല്ലാം ചെയ്‌തു​കൊ​ടു​ക്കുക”), ലൂക്ക 17:8 (“വേണ്ടതു ചെയ്‌തു​ത​രുക”), പ്രവൃ 6:2 (“ഭക്ഷണം വിളമ്പാൻ”) എന്നീ വാക്യ​ങ്ങ​ളിൽ ഉപയോ​ഗി​ച്ചി​രി​ക്കു​ന്ന​തെ​ങ്കി​ലും, ഒരാൾക്കു വ്യക്തി​പ​ര​മാ​യി ചെയ്‌തു കൊടു​ക്കുന്ന മറ്റു സേവന​ങ്ങ​ളെ​യും ഈ പദത്തിനു കുറി​ക്കാ​നാ​കും. 2-ഉം 3-ഉം വാക്യ​ങ്ങ​ളിൽ പറഞ്ഞി​രി​ക്കുന്ന സ്‌ത്രീ​കൾ യേശുവിന്റെയും ശിഷ്യ​ന്മാ​രു​ടെ​യും ദൈവ​ദ​ത്ത​നി​യോ​ഗം പൂർത്തി​യാ​ക്കാൻ അവരെ സഹായി​ച്ചത്‌ ഏതു വിധത്തി​ലാ​ണെന്ന്‌ 3-ാം വാക്യം വിശദീ​ക​രി​ക്കു​ന്നു. ദൈവത്തെ മഹത്ത്വ​പ്പെ​ടു​ത്തിയ അവരുടെ ഈ പ്രവൃ​ത്തി​യെ ദൈവം വിലമ​തി​ച്ചു. അതു​കൊ​ണ്ടാണ്‌ അവരുടെ ഉദാര​ത​യെ​യും ദയയെ​യും കുറിച്ച്‌ വരും​ത​ല​മു​റ​ക​ളെ​ല്ലാം വായി​ച്ചു​മ​ന​സ്സി​ലാ​ക്കാൻവേണ്ടി ദൈവം അതു ബൈബി​ളിൽ രേഖ​പ്പെ​ടു​ത്തി​യത്‌. (സുഭ 19:17; എബ്ര 6:10) മത്ത 27:55; മർ 15:41 എന്നീ വാക്യ​ങ്ങ​ളി​ലും സ്‌ത്രീ​ക​ളെ​ക്കു​റിച്ച്‌ പറയു​ന്നി​ടത്ത്‌ ഇതേ ഗ്രീക്കു​പ​ദ​മാണ്‌ ഉപയോ​ഗി​ച്ചി​രി​ക്കു​ന്നത്‌.​—ഇതി​നോ​ടു ബന്ധമുള്ള ഡയാ​ക്കൊ​നൊസ്‌ എന്ന നാമപ​ദ​ത്തെ​ക്കു​റിച്ച്‌ അറിയാൻ, ലൂക്ക 22:26-ന്റെ പഠനക്കു​റി​പ്പു കാണുക.