ആത്മാവ്‌
പലപ്പോഴും “ആത്മാവ്‌” എന്നു പരിഭാഷപ്പെടുത്തിയിരിക്കുന്ന എബ്രായപദമായ റുവാക്കിനും ഗ്രീക്കുപദമായ ന്യൂമയ്‌ക്കും പല അർഥങ്ങളുണ്ട്‌. ഇതെല്ലാം മനുഷ്യർക്കു കാണാനാകാത്തതും ചലനത്തിലൂടെ ശക്തിയുടെ തെളിവു നൽകുന്നതും ആയ കാര്യങ്ങളാണ്‌. ഈ എബ്രായ, ഗ്രീക്കു പദങ്ങൾ പിൻവരുന്നവയോടുള്ള ബന്ധത്തിൽ ഉപയോഗിച്ചിരിക്കുന്നു: (1) കാറ്റ്‌, (2) ഭൂമിയിലെ ജീവജാലങ്ങളിലുള്ള പ്രവർത്തനനിരതമായ ജീവശക്തി, (3) ഒരു വ്യക്തിയുടെ ആലങ്കാരികഹൃദയത്തിൽനിന്ന്‌ പുറപ്പെട്ട്‌ ഒരു പ്രത്യേകരീതിയിൽ കാര്യങ്ങൾ പറയാനോ ചെയ്യാനോ ഇടയാക്കുന്ന പ്രചോദകശക്തി, (4) അദൃശ്യമായ ഉറവിൽനിന്ന്‌ വരുന്ന അരുളപ്പാടുകൾ, (5) ആത്മവ്യക്തികൾ, (6) ദൈവത്തിന്റെ ചലനാത്മകശക്തി അഥവാ പരിശുദ്ധാത്മാവ്‌.—പുറ 35:21; സങ്ക 104:29; മത്ത 12:43; ലൂക്ക 11:13.