ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

ജൂൺ 1-7

ദൈവ​വ​ച​ന​ത്തി​ലെ നിധികൾ | ഉൽപത്തി 44–45

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-2-E 813

വസ്‌ത്രം കീറു​ന്നത്‌

ജൂതന്മാ​രും പൗരസ്‌ത്യ​ദേ​ശ​ക്കാ​രും ദുഃഖം പ്രകടി​പ്പി​ക്കാൻ സാധാരണ ചെയ്യുന്ന ഒരു കാര്യ​മാണ്‌ ഇത്‌, പ്രത്യേ​കി​ച്ചും അടുത്ത ഒരു ബന്ധുവി​ന്റെ മരണ​ത്തെ​ക്കു​റിച്ച്‌ കേൾക്കു​മ്പോൾ. പലപ്പോ​ഴും നെഞ്ച്‌ കാണാ​വുന്ന രീതി​യിൽ വസ്‌ത്ര​ത്തി​ന്റെ മുൻഭാ​ഗം കീറു​മാ​യി​രു​ന്നു. അല്ലാതെ ഉപയോ​ഗി​ക്കാൻ പറ്റാത്ത രീതി​യിൽ അതു മുഴുവൻ കീറി​ല്ലാ​യി​രു​ന്നു.

ബൈബി​ളിൽ യാക്കോ​ബി​ന്റെ മകനായ രൂബേ​നാണ്‌ ആദ്യമാ​യിട്ട്‌ ഇങ്ങനെ ചെയ്‌ത​താ​യി നമ്മൾ വായി​ക്കു​ന്നത്‌. കുഴി​യിൽ ഇട്ടിരുന്ന യോ​സേ​ഫി​നെ കാണാ​താ​യ​പ്പോൾ രൂബേൻ വസ്‌ത്രം കീറി​ക്കൊണ്ട്‌ ഇങ്ങനെ പറഞ്ഞു: “കുട്ടിയെ കാണാ​നില്ല! ഞാൻ, ഞാൻ ഇനി എന്തു ചെയ്യും?” മൂത്ത മകനാ​യി​രു​ന്ന​തു​കൊണ്ട്‌ ഇളയ സഹോ​ദ​രന്റെ കാര്യ​ത്തിൽ രൂബേ​നാ​യി​രു​ന്നു ഉത്തരവാ​ദി​ത്വം. അതു​പോ​ലെ, യോ​സേഫ്‌ മരി​ച്ചെന്നു കേട്ട​പ്പോൾ അപ്പനായ യാക്കോ​ബും വസ്‌ത്രം കീറു​ക​യും വിലാ​പ​വ​സ്‌ത്രം ഉടുത്ത്‌ മകനെ ഓർത്ത്‌ കരയു​ക​യും ചെയ്‌തു. (ഉൽ 37:29, 30, 34) ഈജി​പ്‌തിൽവെച്ച്‌, ബന്യാ​മീൻ മോഷണം നടത്തി​യെന്ന കുറ്റം ആരോ​പി​ച്ച​പ്പോൾ യോ​സേ​ഫി​ന്റെ ചേട്ടന്മാ​രും തങ്ങളുടെ സങ്കടം പ്രകടി​പ്പി​ക്കാൻ വസ്‌ത്രം കീറി.​—ഉൽ 44:13.

ജൂൺ 8-14

ദൈവ​വ​ച​ന​ത്തി​ലെ നിധികൾ | ഉൽപത്തി 46–47

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-1-E 220 ¶1

മനോ​ഭാ​വ​ങ്ങ​ളും ആംഗ്യ​ങ്ങ​ളും

മരിച്ച വ്യക്തി​യു​ടെ കണ്ണടയ്‌ക്കു​ന്നത്‌. സാധാരണ മൂത്ത മകനാണു മരിച്ച​യാ​ളു​ടെ കണ്ണടച്ചി​രു​ന്നത്‌. യഹോവ യാക്കോ​ബി​നോ​ടു പറഞ്ഞു: “നീ മരിക്കു​മ്പോൾ യോ​സേഫ്‌ നിന്റെ കണ്ണടയ്‌ക്കും.” (ഉൽ 46:4) അങ്ങനെ പറഞ്ഞ​പ്പോൾ മൂത്ത മകന്റെ അവകാശം യോ​സേ​ഫി​നു കൊടു​ക്ക​ണ​മെന്ന്‌ യഹോവ സൂചി​പ്പി​ച്ച​താ​യി​രി​ക്കാം.​—1ദിന 5:2.

പ്രവൃ 7:14-ന്റെ പഠനക്കു​റിപ്പ്‌, nwtsty

മൊത്തം 75 പേരു​ണ്ടാ​യി​രു​ന്നു: ഈജി​പ്‌തി​ലേക്കു പോയ യാക്കോ​ബി​ന്റെ കുടും​ബ​ത്തിൽ മൊത്തം 75 പേരു​ണ്ടാ​യി​രു​ന്നു എന്നു സ്‌തെ​ഫാ​നൊസ്‌ പറഞ്ഞെ​ങ്കി​ലും സാധ്യ​ത​യ​നു​സ​രിച്ച്‌ അദ്ദേഹം അത്‌ എബ്രാ​യ​തി​രു​വെ​ഴു​ത്തു​ക​ളിൽനിന്ന്‌ ഉദ്ധരി​ച്ചതല്ല. കാരണം, എബ്രാ​യ​തി​രു​വെ​ഴു​ത്തു​ക​ളു​ടെ മാസൊ​രി​റ്റിക്ക്‌ പാഠത്തിൽ ഈ സംഖ്യ കാണു​ന്നില്ല. “യാക്കോ​ബി​നോ​ടൊ​പ്പം ഈജി​പ്‌തി​ലേക്കു പോയ മക്കൾ ആകെ 66 പേരാ​യി​രു​ന്നു. ഇതിൽ യാക്കോ​ബി​ന്റെ ആൺമക്ക​ളു​ടെ ഭാര്യ​മാ​രെ കൂട്ടി​യി​ട്ടില്ല” എന്നാണ്‌ ഉൽ 46:26 പറയു​ന്നത്‌. തുടർന്ന്‌ 27-ാം വാക്യ​ത്തിൽ, “ഈജി​പ്‌തി​ലേക്കു വന്ന യാക്കോ​ബി​ന്റെ കുടും​ബ​ത്തിൽ ആകെ 70 പേർ” ഉണ്ടായി​രു​ന്നെ​ന്നും കാണുന്നു. ഇവിടെ ആളുക​ളു​ടെ എണ്ണം കണക്കു​കൂ​ട്ടി​യി​രി​ക്കു​ന്നതു രണ്ടു വിധത്തി​ലാണ്‌. ആദ്യത്തെ സംഖ്യ​യിൽ യാക്കോ​ബി​ന്റെ പിൻത​ല​മു​റ​ക്കാർ മാത്ര​വും രണ്ടാമ​ത്തേ​തിൽ ഈജി​പ്‌തി​ലേക്കു പോയ മുഴുവൻ ആളുക​ളു​ടെ എണ്ണവും ആയിരി​ക്കാം ഉൾപ്പെ​ടു​ത്തി​യത്‌. ഇനി യാക്കോ​ബി​ന്റെ പിൻത​ല​മു​റ​ക്കാ​രു​ടെ സംഖ്യ “70” ആയിരു​ന്നെ​ന്നാ​ണു പുറ 1:5; ആവ 10:22 എന്നീ വാക്യങ്ങൾ പറയു​ന്നത്‌. എന്നാൽ ഇതൊ​ന്നു​മ​ല്ലാത്ത മറ്റൊരു സംഖ്യ​യാ​ണു സ്‌തെ​ഫാ​നൊസ്‌ പറഞ്ഞത്‌. സാധ്യ​ത​യ​നു​സ​രിച്ച്‌ യാക്കോ​ബി​ന്റെ ബന്ധുക്ക​ളിൽപ്പെട്ട മറ്റു ചില​രെ​ക്കൂ​ടി ഉൾപ്പെ​ടു​ത്തിയ സംഖ്യ​യാ​യി​രു​ന്നി​രി​ക്കാം അത്‌. യോ​സേ​ഫി​ന്റെ മക്കളായ മനശ്ശെ​യു​ടെ​യും എഫ്രയീ​മി​ന്റെ​യും മക്കളെ​യും കൊച്ചു​മ​ക്ക​ളെ​യും ഒക്കെ ആ സംഖ്യ​യിൽ കൂട്ടി​യി​രി​ക്കാം എന്നു ചിലർ അഭി​പ്രാ​യ​പ്പെ​ടു​ന്നു. യാക്കോ​ബി​ന്റെ പിൻത​ല​മു​റ​ക്കാ​രായ അവരെ​ക്കു​റിച്ച്‌ ഉൽ 46:20-ന്റെ സെപ്‌റ്റു​വ​ജിന്റ്‌ ഭാഷാ​ന്ത​ര​ത്തിൽ പരാമർശ​മുണ്ട്‌. എന്നാൽ, ഉൽ 46:26-ലെ സംഖ്യ​യിൽ ഉൾപ്പെ​ടു​ത്താത്ത യാക്കോ​ബി​ന്റെ പുത്ര​ഭാ​ര്യ​മാ​രെ​യും​കൂ​ടെ ചേർത്താ​ണു “75” എന്നു കണക്കു​കൂ​ട്ടി​യ​തെന്നു മറ്റു ചിലർ അഭി​പ്രാ​യ​പ്പെ​ടു​ന്നു. എന്തായാ​ലും “75” എന്നതു മൊത്ത​ത്തി​ലുള്ള ഒരു സംഖ്യ​യാ​യി​രി​ക്കാം. ഒന്നാം നൂറ്റാ​ണ്ടിൽ പ്രചാ​ര​ത്തി​ലി​രുന്ന എബ്രായ തിരു​വെ​ഴു​ത്തു​ക​ളു​ടെ പകർപ്പു​ക​ളിൽ ഈ സംഖ്യ ഉണ്ടായി​രു​ന്നി​രി​ക്കാ​നും സാധ്യ​ത​യുണ്ട്‌. ഉദാഹരണത്തിന്‌, സെപ്‌റ്റു​വ​ജിന്റ്‌ പരിഭാ​ഷ​യിൽ ഉൽ 46:27-ലും പുറ 1:5-ലും “75” എന്ന സംഖ്യ​യാ​ണു​ണ്ടാ​യി​രു​ന്ന​തെന്നു പല പണ്ഡിത​ന്മാ​രും വർഷങ്ങ​ളാ​യി അംഗീ​ക​രി​ക്കു​ന്നു. ഇനി, 20-ാം നൂറ്റാ​ണ്ടിൽ കണ്ടെത്തിയ ചാവു​കടൽ ചുരു​ളി​ന്റെ രണ്ടു ശകലങ്ങ​ളി​ലും പുറ 1:5-ന്റെ എബ്രാ​യ​പാ​ഠ​ത്തിൽ “75” എന്ന സംഖ്യ​യാ​ണു കാണു​ന്നത്‌. ഈ പുരാ​ത​ന​രേ​ഖ​ക​ളിൽ ഏതി​ന്റെ​യെ​ങ്കി​ലും ചുവടു​പി​ടി​ച്ചാ​യി​രി​ക്കാം സ്‌തെ​ഫാ​നൊസ്‌ “75” എന്ന സംഖ്യ ഉപയോ​ഗി​ച്ചത്‌. ചുരുക്കത്തിൽ, യാക്കോ​ബി​ന്റെ പിൻത​ല​മു​റ​ക്കാ​രു​ടെ എണ്ണം പല വിധത്തിൽ കണക്കു​കൂ​ട്ടാം. സ്‌തെ​ഫാ​നൊസ്‌ അതിൽ ഒരു സംഖ്യ ഉപയോ​ഗി​ച്ചെന്നു മാത്രം.

ജൂൺ 15-21

ദൈവ​വ​ച​ന​ത്തി​ലെ നിധികൾ | ഉൽപത്തി 48–50

“പ്രായ​മാ​യ​വർക്കു നമ്മളോ​ടു പലതും പറയാ​നുണ്ട്‌”

it-1-E 1246 ¶8

യാക്കോബ്‌

മരിക്കു​ന്ന​തി​നു തൊട്ടു​മുമ്പ്‌ തന്റെ കൊച്ചു​മ​ക്ക​ളായ യോ​സേ​ഫി​ന്റെ ആൺമക്കളെ യാക്കോബ്‌ അനു​ഗ്ര​ഹി​ച്ചു. ദൈവ​ത്താൽ വഴി നയിക്ക​പ്പെട്ട്‌ യാക്കോബ്‌ മൂത്തവ​നായ മനശ്ശെ​യെ​ക്കാൾ ഇളയവ​നായ എഫ്രയീ​മി​നെ അനു​ഗ്ര​ഹി​ച്ചു. അതു കഴിഞ്ഞിട്ട്‌, മൂത്ത മകന്റെ ഇരട്ടി​യ​വ​കാ​ശം ലഭിക്കാ​നി​രുന്ന യോ​സേ​ഫി​നോട്‌ യാക്കോബ്‌ ഇങ്ങനെ പറഞ്ഞു: “എന്റെ വാളും വില്ലും കൊണ്ട്‌ ഞാൻ അമോ​ര്യ​രു​ടെ കൈയിൽനിന്ന്‌ പിടി​ച്ചെ​ടുത്ത ദേശം വിഭാ​ഗി​ക്കു​മ്പോൾ നിന്റെ സഹോ​ദ​ര​ന്മാർക്കു കൊടു​ക്കു​ന്ന​തി​നെ​ക്കാൾ ഒരു ഓഹരി ഞാൻ നിനക്ക്‌ അധികം തരുന്നു.” (ഉൽ 48:1-22;1ദിന 5:1) ഹാമോ​രി​ന്റെ പുത്ര​ന്മാ​രു​ടെ കൈയിൽനിന്ന്‌ യുദ്ധ​മൊ​ന്നും ചെയ്യാതെ പണം കൊടു​ത്താണ്‌ യാക്കോബ്‌ ശെഖേ​മിന്‌ അടുത്തുള്ള സ്ഥലം വാങ്ങി​യത്‌. (ഉൽ 33:19, 20) പിന്നെ എന്തു​കൊ​ണ്ടാണ്‌ തന്റെ വാളും വില്ലും കൊണ്ട്‌ കനാൻ ദേശം ഇപ്പോൾത്തന്നെ പിടി​ച്ചെ​ടു​ത്തു എന്ന രീതി​യിൽ യാക്കോബ്‌ സംസാ​രി​ച്ചത്‌? യോ​സേ​ഫി​നു കൊടുത്ത ഈ വാഗ്‌ദാ​ന​ത്തി​ലൂ​ടെ തന്റെ പിൻത​ല​മു​റ​ക്കാർ കനാൻ കീഴട​ക്കും എന്നു യാക്കോബ്‌ മുൻകൂ​ട്ടി​പ്പ​റ​ഞ്ഞ​താ​യി​രി​ക്കാം. യാക്കോ​ബിന്‌ അത്‌ അത്ര ഉറപ്പാ​യി​രു​ന്ന​തു​കൊ​ണ്ടാണ്‌ തന്റെ വാളും വില്ലും കൊണ്ട്‌ ‘ദേശം പിടി​ച്ചെ​ടു​ത്തു’ എന്നു യാക്കോബ്‌ പറഞ്ഞത്‌. യാക്കോ​ബി​ന്റെ വിശ്വാ​സ​മാണ്‌ അതു കാണി​ക്കു​ന്നത്‌. കീഴട​ക്കിയ കനാൻ ദേശത്ത്‌, എഫ്രയീം, മനശ്ശെ എന്നീ ഗോ​ത്ര​ങ്ങൾക്ക്‌ ഓരോ ഓഹരി വീതം കൊടു​ത്ത​പ്പോൾ യാക്കോ​ബി​ന്റെ ആ വാക്കുകൾ നിറ​വേറി, അതായത്‌ യോ​സേ​ഫി​നു ഇരട്ടി​യ​വ​കാ​ശം കിട്ടി.

it-2-E 206 ¶1

അവസാ​ന​നാ​ളു​കൾ

മരണക്കി​ട​ക്ക​യി​ലെ യാക്കോ​ബി​ന്റെ പ്രവചനം. “ഒരുമിച്ച്‌ കൂടി​വ​രു​വിൻ; അവസാ​ന​നാ​ളു​ക​ളിൽ (“ഭാവി​കാ​ലത്ത്‌,” സത്യ​വേ​ദ​പു​സ്‌തകം) നിങ്ങൾക്ക്‌ എന്തു സംഭവി​ക്കു​മെന്നു ഞാൻ നിങ്ങളെ അറിയി​ക്കാം” എന്നു യാക്കോബ്‌ ആൺമക്ക​ളോ​ടു പറഞ്ഞ​പ്പോൾ തന്റെ വാക്കുകൾ നിവൃ​ത്തി​യാ​കാൻ പോകുന്ന കാല​ത്തെ​യാണ്‌ യാക്കോബ്‌ അർഥമാ​ക്കി​യത്‌. (ഉൽ 49:1) രണ്ടു നൂറ്റാ​ണ്ടി​ലേറെ മുമ്പ്‌ യഹോവ യാക്കോ​ബി​ന്റെ മുത്തച്ഛ​നായ അബ്രാ​മി​നോട്‌ (അബ്രാ​ഹാ​മി​നോട്‌), 400 വർഷം അബ്രാ​മി​ന്റെ സന്തതി അവരു​ടേ​ത​ല്ലാത്ത ദേശത്ത്‌ കഷ്ടപ്പാട്‌ അനുഭ​വി​ക്കു​മെന്നു പറഞ്ഞി​രു​ന്നു. (ഉൽ 15:13) അതു​കൊണ്ട്‌, യാക്കോബ്‌ ‘അവസാ​ന​നാ​ളു​കൾ’ എന്ന്‌ സൂചി​പ്പിച്ച ഭാവി​കാ​ലം 400 വർഷത്തെ കഷ്ടതയു​ടെ കാലം കഴിഞ്ഞ​തി​നു​ശേ​ഷമേ തുടങ്ങു​മാ​യി​രു​ന്നു​ള്ളൂ. ‘ദൈവ​ത്തി​ന്റെ ഇസ്രാ​യേൽ’ ഉൾപ്പെട്ട ഒരു ഭാവി നിവൃ​ത്തി​യും ഈ പ്രവച​ന​ത്തിന്‌ പ്രതീ​ക്ഷി​ക്കാ​മാ​യി​രു​ന്നു.​—ഗല 6:16; റോമ 9:6.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-1-E 289 ¶2

ബന്യാ​മീൻ

പ്രിയ മകനായ ബന്യാ​മീ​നോട്‌ യാക്കോബ്‌ മരണക്കി​ട​ക്ക​യിൽവെച്ച്‌ പറഞ്ഞ പിൻവ​രുന്ന വാക്കു​ക​ളിൽനിന്ന്‌ ബന്യാ​മീ​ന്റെ പിൻമു​റ​ക്കാ​രു​ടെ പോരാ​ട്ട​വീ​ര്യം മനസ്സി​ലാ​ക്കാം: “ബന്യാ​മീൻ ഒരു ചെന്നാ​യെ​പ്പോ​ലെ കടിച്ചു​കീ​റി​ക്കൊ​ണ്ടി​രി​ക്കും. രാവിലെ അവൻ ഇരയെ ഭക്ഷിക്കും; വൈകു​ന്നേരം അവൻ കൊള്ള​മു​തൽ പങ്കിടും.” (ഉൽ 49:27) ബന്യാ​മീൻ ഗോ​ത്ര​ത്തി​ലെ പടയാ​ളി​കൾ “തലനാ​രി​ഴ​യ്‌ക്കു​പോ​ലും” ഉന്നം തെറ്റാതെ കല്ല്‌ എറിയുന്ന കവണക്കാ​രാ​യി​രു​ന്നു. അവർക്ക്‌ ഇട​ങ്കൈ​യും വല​ങ്കൈ​യും ഒരു​പോ​ലെ വശമാ​യി​രു​ന്നു. (ന്യായ 20:16; 1ദിന 12:2) ഇസ്രാ​യേ​ല്യ​രെ അടിച്ച​മർത്തിയ എഗ്ലോൻ രാജാ​വി​നെ വധിച്ച ഇട​ങ്കൈ​യ​നായ ന്യായാ​ധി​പൻ ഏഹൂദ്‌ ഒരു ബന്യാ​മീ​ന്യ​നാ​യി​രു​ന്നു. (ന്യായ 3:15-21) ബന്യാ​മീൻ ഗോത്രം ‘ഇസ്രാ​യേൽഗോ​ത്ര​ങ്ങ​ളിൽ ഏറ്റവും ചെറു​താ​യി​രു​ന്നെ​ങ്കി​ലും’ ഇസ്രാ​യേൽ രാജ്യ​ത്തി​ന്റെ “രാവിലെ” സമയത്ത്‌ അതിന്റെ ആദ്യരാ​ജാ​വാ​യത്‌ ആ ഗോ​ത്ര​ത്തി​ലെ കീശിന്റെ മകൻ ‘ശൗൽ’ ആയിരു​ന്നു. ഫെലി​സ്‌ത്യ​രോ​ടുള്ള പോരാ​ട്ട​ങ്ങ​ളിൽ താൻ ശരിക്കും ഒരു ധീരനായ പോരാ​ളി​യാ​ണെന്ന്‌ ശൗൽ തെളി​യി​ച്ചു. (1ശമു 9:15-17, 21) അതു​പോ​ലെ, ഇസ്രാ​യേൽ രാജ്യ​ത്തി​ന്റെ ‘വൈകു​ന്നേരം,’ അവർ പേർഷ്യൻ സാമ്രാ​ജ്യ​ത്തി​ന്റെ കീഴി​ലാ​യി​രുന്ന സമയത്ത്‌, ശത്രുക്കൾ അവരെ ഉന്മൂല​നാ​ശം വരുത്താ​തെ രക്ഷിച്ചത്‌ ബന്യാമീൻ ഗോത്രത്തിൽപ്പെട്ട രണ്ടു പേരാ​യി​രു​ന്നു, എസ്ഥേർ രാജ്ഞി​യും പ്രധാ​ന​മ​ന്ത്രി​യായ മൊർദെ​ഖാ​യി​യും.​—എസ്ഥ 2:5-7.

ജൂൺ 22-28

ദൈവ​വ​ച​ന​ത്തി​ലെ നിധികൾ | പുറപ്പാട്‌ 1–3

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

g04-E 4/8 6 ¶5

മോശ—ഒരു ഭാവനാ​സൃ​ഷ്ടി മാത്ര​മോ?

ഈജി​പ്‌തി​ലെ ഒരു രാജകു​മാ​രി മോശ​യെ​പ്പോ​ലുള്ള ഒരു ശിശു​വി​നെ ദത്തെടു​ക്കു​മെന്നു വിശ്വ​സി​ക്കാൻ കഴിയു​മോ? കഴിയും. കാരണം, സ്വർഗ​ത്തിൽ പോകു​ന്ന​തിന്‌ ദയാ​പ്ര​വൃ​ത്തി​കൾ ആവശ്യ​മാ​ണെന്ന്‌ ഈജി​പ്‌തി​ലെ മതം പഠിപ്പി​ച്ചി​രു​ന്നു. ഇനി, ദത്തെടു​ക്കു​ന്ന​തി​നെ​പ്പറ്റി പുരാ​വ​സ്‌തു ശാസ്‌ത്ര​ജ്ഞ​നായ ജോയ്‌സ്‌ ടിൽഡെ​സ്‌ലി പറയുന്നു: “ഈജി​പ്‌തിൽ സ്‌ത്രീ​കൾക്കും പുരു​ഷ​ന്മാർക്കും തുല്യ സ്ഥാനമു​ണ്ടാ​യി​രു​ന്നു. നിയമ​പ​ര​വും സാമ്പത്തി​ക​വും ആയ അവകാ​ശ​ങ്ങ​ളിൽ സ്‌ത്രീ-പുരുഷ വ്യത്യാ​സ​മി​ല്ലാ​യി​രു​ന്നു. . . . സ്‌ത്രീ​കൾക്ക്‌ ദത്തെടു​ക്കാ​നും കഴിയു​മാ​യി​രു​ന്നു.” ഒരു ഈജി​പ്‌തു​കാ​രി തന്റെ അടിമ​കളെ ദത്തെടു​ത്ത​തി​ന്റെ ഒരു പപ്പൈ​റസ്‌ രേഖ​പോ​ലും കിട്ടി​യി​ട്ടുണ്ട്‌. മുലയൂ​ട്ടാ​നുള്ള സ്‌ത്രീ​യാ​യി മോശ​യു​ടെ അമ്മയെ പണം കൊടുത്ത്‌ നിയമി​ച്ച​തി​നെ​ക്കു​റിച്ച്‌ ആങ്കർ ബൈബിൾ ഡിക്ഷനറി (ഇംഗ്ലീഷ്‌) പറയുന്നു: “മുലയൂ​ട്ടാൻ മോശ​യു​ടെ അമ്മയെ പണം കൊടുത്ത്‌ ഏൽപ്പി​ച്ച​തി​നു സമാന​മായ ക്രമീ​ക​ര​ണങ്ങൾ . . . മെസൊ​പ്പൊ​ത്താ​മ്യ​യിൽ നിലവി​ലു​ണ്ടാ​യി​രു​ന്നു എന്നാണ്‌ അവിടത്തെ ദത്തെടു​ക്കൽ രേഖകൾ കാണി​ക്കു​ന്നത്‌.”

ജൂൺ 29–ജൂലൈ 5

ദൈവ​വ​ച​ന​ത്തി​ലെ നിധികൾ | പുറപ്പാട്‌ 4–5

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-1-E 12 ¶5

യഹോവ

ഒരാ​ളെ​യോ എന്തി​നെ​യെ​ങ്കി​ലു​മോ ‘അറിയുക’ എന്നു പറഞ്ഞാൽ വെറുതെ പരിച​യ​മു​ണ്ടെന്നു മാത്രമല്ല അർഥം. ദാവീ​ദി​ന്റെ പേര്‌ അറിയാ​മാ​യി​രു​ന്നി​ട്ടും വിഡ്‌ഢി​യായ നാബാൽ “ആരാണ്‌ ഈ ദാവീദ്‌” എന്നു ചോദി​ച്ചു. വാസ്‌ത​വ​ത്തിൽ ആ ചോദ്യ​ത്തി​ന്റെ ധ്വനി ദാവീദ്‌ തീരെ നിസ്സാ​ര​നാണ്‌ എന്നായി​രു​ന്നു. (1ശമു 25:9-11; 2ശമു 8:13 താരത​മ്യം ചെയ്യുക.) മോശ​യോ​ടുള്ള ഫറവോ​ന്റെ ഈ വാക്കു​ക​ളി​ലും അതേ ധ്വനി​യാ​ണു​ള്ളത്‌: “ഇസ്രാ​യേ​ലി​നെ വിട്ടയ​യ്‌ക്ക​ണ​മെന്ന യഹോ​വ​യു​ടെ വാക്കു ഞാൻ കേൾക്കാൻമാ​ത്രം അവൻ ആരാണ്‌? ഞാൻ യഹോ​വയെ അറിയു​കയേ ഇല്ല. മാത്രമല്ല ഞാൻ ഇസ്രാ​യേ​ലി​നെ വിട്ടയ​യ്‌ക്കാ​നും​പോ​കു​ന്നില്ല.” (പുറ 5:1, 2) അതു​കൊണ്ട്‌, യഹോ​വയെ അറിയി​ല്ലെന്ന്‌ പറഞ്ഞ​പ്പോൾ ഫറവോൻ ഉദ്ദേശി​ച്ചത്‌ ഇതായി​രി​ക്കാം: ‘യഹോ​വ​യാണ്‌ സത്യ​ദൈ​വ​മെ​ന്നോ യഹോവയ്‌ക്ക്‌ ഈജിപ്‌തിലെ രാജാ​വി​ന്റെ മേലോ രാജ്യ​കാ​ര്യ​ങ്ങ​ളു​ടെ മേലോ എന്തെങ്കി​ലും അധികാ​ര​മു​ണ്ടെ​ന്നോ മോശ​യി​ലൂ​ടെ​യും അഹരോ​നി​ലൂ​ടെ​യും പറഞ്ഞ കാര്യങ്ങൾ നടപ്പാ​ക്കാ​നുള്ള ശക്തി യഹോ​വ​യ്‌ക്കു​ണ്ടെ​ന്നോ എനിക്ക്‌ തോന്നു​ന്നില്ല.’ എന്നാൽ പെട്ടെ​ന്നു​തന്നെ ഫറവോ​നും ഈജി​പ്‌തു​കാ​രും ഇസ്രാ​യേ​ല്യ​രും ആ പേരിന്റെ യഥാർഥ അർഥം അറിയു​മാ​യി​രു​ന്നു. അതായത്‌, ആ പേരിനു പിന്നിലെ വ്യക്തിയെ അവർ അറിയും. പ്രത്യേ​കി​ച്ചും, ഇസ്രാ​യേ​ല്യ​രെ​ക്കു​റിച്ച്‌ മോശ​യി​ലൂ​ടെ പറഞ്ഞ കാര്യങ്ങൾ ദൈവം നടപ്പാ​ക്കു​മ്പോൾ അവർക്ക്‌ അത്‌ ശരിക്കും മനസ്സി​ലാ​കു​മാ​യി​രു​ന്നു. കാരണം, ദൈവം അവരെ വിടു​വിച്ച്‌, അവർക്ക്‌ വാഗ്‌ദ​ത്ത​ദേശം കൊടുത്ത്‌, അവരുടെ പൂർവി​ക​രോ​ടു ചെയ്‌ത ഉടമ്പടി നിറ​വേ​റ്റാൻ പോകു​ക​യാ​യി​രു​ന്നു. “ഞാൻ നിങ്ങളു​ടെ ദൈവ​മായ യഹോ​വ​യാ​ണെന്നു നിങ്ങൾ തീർച്ച​യാ​യും അറിയും” എന്ന്‌ യഹോവ പറഞ്ഞത്‌ ഈ അർഥത്തി​ലാണ്‌.​—പുറ 6:4-8.