ഉല്ലാസ​ത്തി​ന്റെ ഒരു പറുദീ​സ​യി​ലെ മഹത്തായ മനുഷ്യ​പ്ര​തീ​ക്ഷകൾ

“ദൈവം അവരെ അനു​ഗ്ര​ഹി​ക്കു​ക​യും ദൈവം അവരോട്‌ ഇങ്ങനെ പറയു​ക​യും​ചെ​യ്‌തു: ‘സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറയു​ക​യും അതിനെ കീഴട​ക്കു​ക​യും സമു​ദ്ര​ത്തി​ലെ മത്സ്യങ്ങ​ളെ​യും ആകാശ​ങ്ങ​ളി​ലെ പറവജാ​തി​ക​ളെ​യും ചരിക്കുന്ന സകല ഭൂചര​ജ​ന്തു​ക്ക​ളെ​യും അധീന​ത​യിൽ വെക്കു​ക​യും​ചെ​യ്യുക.’”—ഉല്‌പത്തി 1:28.

1, 2. മനുഷ്യ​രു​ടെ കാര്യ​ത്തിൽ എന്തു​ദ്ദേ​ശ്യ​ത്തിൽ യഹോവ സ്‌നേ​ഹ​പൂർവം പ്രവർത്തി​ച്ചു​കൊ​ണ്ടി​രി​ക്കു​ന്നു, അവൻ ആദാമിന്‌ എതു ജോലി​നി​യ​മനം കൊടു​ത്തു?

“ദൈവം സ്‌നേ​ഹ​മാ​കു​ന്നു”വെന്ന്‌ വിശു​ദ്ധ​ബൈ​ബി​ളിൽ നമ്മോടു പറയ​പ്പെ​ട്ടി​രി​ക്കു​ന്നു. അവന്‌ മനുഷ്യ​വർഗ്ഗ​ത്തിൽ സ്‌നേ​ഹ​പു​ര​സ്സ​ര​വും നിസ്വാർത്ഥ​വു​മായ താല്‌പ​ര്യ​മുണ്ട്‌. അവർ ഉല്ലാസ​ത്തി​ന്റെ ഒരു ഭൗമി​ക​പ​റു​ദീ​സ​യിൽ ആരോ​ഗ്യ​പ്ര​ദ​വും സമാധാ​ന​പൂർവ​ക​വു​മായ ജീവിതം എന്നേക്കും ആസ്വദി​ക്കാൻവേണ്ടി അവൻ അനവരതം പ്രവർത്തി​ച്ചു​കൊ​ണ്ടാ​ണി​രി​ക്കു​ന്നത്‌. (1 യോഹ​ന്നാൻ 4:16; സങ്കീർത്തനം 16:11 താരത​മ്യ​പ്പെ​ടു​ത്തുക) ഒന്നാം മനുഷ്യന്‌, പൂർണ്ണ​നായ ആദാമിന്‌, സമാധാ​ന​പൂർണ്ണ​മായ ജീവി​ത​വും രസകര​വും ആസ്വാ​ദ്യ​വു​മായ ജോലി​യു​മു​ണ്ടാ​യി​രു​ന്നു. മമനു​ഷ്യ​ന്റെ സ്രഷ്ടാവ്‌ ഉല്ലാസ​പ്ര​ദ​മായ ഏദൻതോ​ട്ട​ത്തിൽ കൃഷി​ചെ​യ്യാൻ അവനെ നിയമി​ച്ചു. മമനു​ഷ്യ​ന്റെ സ്രഷ്ടാവ്‌ ഇപ്പോൾ അവന്‌ മറെറാ​രു ജോലി കൊടു​ത്തു. അത്‌ പ്രത്യേ​ക​മാ​യി വെല്ലു​വി​ളി​പ​ര​മായ ഒന്നായി​രു​ന്നു. സംഭവി​ച്ച​തി​നെ​ക്കു​റി​ച്ചുള്ള വിവരണം വെളി​പ്പെ​ടു​ത്തു​ന്ന​തു​പോ​ലെ:

² “ഇപ്പോൾ യഹോ​വ​യായ ദൈവം വയലിലെ സകല കാട്ടു​മൃ​ഗ​ങ്ങ​ളെ​യും ആകാശ​ങ്ങ​ളി​ലെ സകല പറവജാ​തി​ക​ളെ​യും നിലത്തു​നിന്ന്‌ നിർമ്മി​ക്കു​ക​യാ​യി​രു​ന്നു, മനുഷ്യൻ ഓരോ​ന്നി​നും എന്തു പേർ വിളി​ക്കു​മെന്നു കാണാൻ അവയെ അവൻ മമനു​ഷ്യ​ന്റെ അടുക്കൽ കൊണ്ടു​വ​രാൻ തുടങ്ങി; മനുഷ്യൻ അതിനെ, ജീവനുള്ള ഓരോ ദേഹി​യെ​യും, എന്തു വിളി​ച്ചു​വോ അതായി​രു​ന്നു അതിന്റെ പേർ. അങ്ങനെ മനുഷ്യൻ സകല വീട്ടു​മൃ​ഗ​ങ്ങൾക്കും ആകാശ​ങ്ങ​ളി​ലെ പറവജാ​തി​കൾക്കും വയലിലെ സകല കാട്ടു​മൃ​ഗ​ങ്ങൾക്കും പേരുകൾ വിളി​ക്കു​ക​യാ​യി​രു​ന്നു.”—ഉല്‌പത്തി 2:19, 20.

3. ആദാമി​ന്റെ​യും മൃഗസൃ​ഷ്ടി​യു​ടെ​യും ഭാഗത്ത്‌ ഭയമി​ല്ലാ​ഞ്ഞ​തെ​ന്തു​കൊണ്ട്‌?

³ മനുഷ്യൻ കുതി​രയെ സുസ എന്നും കാളയെ ഷോർ എന്നും ആടിനെ സേഹ എന്നും കോലാ​ടി​നെ ഏസ എന്നും ഒരു പക്ഷിയെ ഓപ എന്നും പ്രാവി​നെ യോനാ എന്നും മയിലി​നെ ററക്കി എന്നും സിംഹത്തെ ആര്യേ അഥവാ അരി എന്നും കരടിയെ ഡൗ എന്നും ആൾക്കു​ര​ങ്ങി​നെ ഗോപ എന്നും പട്ടിയെ കെലവ എന്നും സർപ്പത്തി​നെ നാഖാശ എന്നും മററും വിളിച്ചു.a ഏദൻ തോട്ട​ത്തിൽനിന്ന്‌ ഒഴുകിയ നദിയി​ങ്ക​ലേക്ക്‌ അവൻ പോയ​പ്പോൾ അവൻ മീനിനെ കണ്ടു. മീനിന്‌ അവൻ ദാഗാ എന്നു വിളിച്ചു. നിരാ​യു​ധ​നായ മനുഷ്യന്‌ വീട്ടു​മൃ​ഗ​ത്തെ​യോ കാട്ടു​മൃ​ഗ​ത്തെ​യോ പക്ഷിക​ളെ​യോ പേടി​യി​ല്ലാ​യി​രു​ന്നു. അവക്കും അവനെ പേടി​യി​ല്ലാ​യി​രു​ന്നു. ഉയർന്ന തരത്തി​ലുള്ള ഒരു ജീവി​യായ, തങ്ങളുടെ മേലാവ്‌ എന്ന നിലയിൽ അവനെ അവ സഹജമാ​യി തിരി​ച്ച​റി​ഞ്ഞു. അവ ദൈവ​ത്തി​ന്റെ സൃഷ്ടി​ക​ളാ​യി​രു​ന്നു, അവനാൽ ജീവന്റെ ദാനം കൊടു​ക്ക​പ്പെ​ട്ട​വ​യാ​യി​രു​ന്നു. അവയെ ഉപദ്ര​വി​ക്കാ​നോ അവയുടെ ജീവൻ എടുത്തു​ക​ള​യാ​നോ മനുഷ്യന്‌ ആഗ്രഹ​മോ പ്രവണ​ത​യോ ഇല്ലായി​രു​ന്നു.

4. ആദാം എല്ലാ മൃഗങ്ങൾക്കും പക്ഷികൾക്കും പേരി​ടു​ന്ന​തു​സം​ബ​ന്ധിച്ച്‌ നമുക്ക്‌ എന്ത്‌ അനുമാ​നി​ക്കാം, ഇത്‌ ഏതുതരം അനുഭ​വ​മാ​യി​രു​ന്നി​രി​ക്കണം?

⁴ മനുഷ്യ​നെ എത്ര കാലം വീട്ടു​മൃ​ഗ​ങ്ങ​ളെ​യും കാട്ടു​മൃ​ഗ​ങ്ങ​ളെ​യും ആകാശ​ങ്ങ​ളി​ലെ പക്ഷിക​ളെ​യും കാണി​ച്ചു​കൊ​ണ്ടി​രു​ന്നു​വെന്ന്‌ വിവരണം നമ്മോടു പറയു​ന്നില്ല. അതെല്ലാം ദിവ്യ​മാർഗ്ഗ​ദർശ​ന​ത്തിൻകീ​ഴി​ലും ക്രമീ​ക​ര​ണ​പ്ര​കാ​ര​വു​മാ​യി​രു​ന്നു. ഓരോ മൃഗത്തി​ന്റെ​യും വ്യതി​രി​ക്ത​മായ ശീലങ്ങ​ളും ഘടനയും നിരീ​ക്ഷി​ച്ചു​കൊണ്ട്‌ അതിനെ പഠിക്കാൻ ആദാം സമയ​മെ​ടു​ത്തി​രി​ക്കാം; പിന്നീ​ടവൻ അതിനു വിശേ​ഷാൽ യോജി​ക്കുന്ന ഒരു പേർ തെര​ഞ്ഞെ​ടു​ക്കും. അതിന്റെ അർത്ഥം ഗണ്യമായ സമയം കടന്നു​പോ​യി​രി​ക്കാ​മെ​ന്നാണ്‌. ഈ ഭൂമി​യി​ലെ അനേക​തരം ജീവജാ​ല​ങ്ങ​ളു​മാ​യി പരിച​യ​പ്പെ​ടു​ന്നത്‌ ആദാമിന്‌ അത്യന്തം രസകര​മായ ഒരു അനുഭ​വ​മാ​യി​രു​ന്നു; ഈ ഓരോ തരം ജീവി​യെ​യും പററിയ പേരി​നാൽ തിരി​ച്ച​റി​യു​ന്ന​തിന്‌ വലിയ മാനസി​ക​പ്രാ​പ്‌തി​യും സംസാ​ര​പ്രാ​പ്‌തി​യും ആവശ്യ​മാ​യി​രു​ന്നു.

5-7. (എ) ഏതു ചോദ്യ​ങ്ങൾ പൊന്തി​വ​രാ​നി​ട​യുണ്ട്‌? (ബി) ഉല്‌പത്തി 1:1-25 വരെയുള്ള സൃഷ്ടി​വി​വ​ര​ണ​ത്തിൽ ഏതു തരം ഉത്തരങ്ങൾ നൽക​പ്പെട്ടു?

⁵ എന്നാൽ ഈ ജീവി​ക​ളു​ടെ​യെ​ല്ലാം സൃഷ്ടി​യു​ടെ ക്രമ​മെ​ന്താ​യി​രു​ന്നു? കരജന്തു​ക്കൾ പക്ഷികൾക്കു​മു​മ്പേ സൃഷ്ടി​ക്ക​പ്പെ​ട്ടോ ഇല്ലയോ? ഈ താണതരം ജീവി​ക​ളോ​ടെ​ല്ലാ​മുള്ള ബന്ധത്തിൽ കാലത്തി​ലും ക്രമത്തി​ലും മനുഷ്യൻ എവിടെ നില​കൊ​ണ്ടു? അത്തരം വിപു​ല​മായ വൈവി​ദ്ധ്യ​ത്തി​ലുള്ള ജീവി​കൾക്കു​വേണ്ടി ദൈവം ഭൂതലത്തെ എങ്ങനെ ഒരുക്കി? അത്ര ഉയരത്തിൽ പക്ഷികൾക്കു പറക്കാൻ വായു പ്രദാ​നം​ചെ​യ്‌ത​തെ​ങ്ങനെ? കുടി​ക്കാൻ വെള്ളവും ആഹാര​മാ​യി ഉതകാൻ സസ്യങ്ങ​ളും പ്രദാ​നം​ചെ​യ്‌ത​തെ​ങ്ങനെ? പകലിനെ പ്രകാ​ശി​പ്പി​ക്കാ​നും കാണാൻ മനുഷ്യ​നെ പ്രാപ്‌ത​നാ​ക്കാ​നും ഒരു വലിയ പ്രകാ​ശ​ഗോ​ളത്തെ നിർമ്മി​ച്ച​തെ​ങ്ങനെ, രാത്രി​യെ മനോ​ഹ​ര​മാ​ക്കാൻ ചെറിയ പ്രകാ​ശ​ഗോ​ളത്തെ ഉണ്ടാക്കി​യ​തെ​ങ്ങനെ? മനുഷ്യന്‌ വസ്‌ത്ര​മി​ല്ലാ​തെ നഗ്നനായി നടക്കാ​നും ജോലി​ചെ​യ്യാ​നും ഉറങ്ങാ​നും കഴിയ​ത്ത​ക്ക​വണ്ണം കാലാവസ്ഥ വളരെ സുഖ​പ്ര​ദ​വും ഊഷ്‌മ​ള​വു​മാ​യി​രു​ന്ന​തെ​ന്തു​കൊണ്ട്‌?

⁶ ഉത്തരം ഊഹി​ക്കാൻ മനുഷ്യൻ വിട​പ്പെ​ട്ടില്ല. അന്വേ​ഷ​ണ​ത്വ​ര​യുള്ള അവന്റെ മനസ്സ്‌ കൃത്യ​മായ അറിവുള്ള ഒരു ഉറവിൽനി​ന്നുള്ള ആധികാ​രി​ക​മായ ഉത്തരങ്ങൾ കിട്ടാൻ അർഹമാ​യി​രു​ന്നു. അവൻ ദൈവ​ത്തി​ന്റെ ഒരു അജ്ഞനായ പുത്ര​നെന്ന നിലയിൽ ഉപേക്ഷി​ക്ക​പ്പെ​ട്ടില്ല, എന്നാൽ അവന്റെ സമുന്ന​ത​തോ​തി​ലുള്ള ബുദ്ധി ഉല്‌പത്തി 1:1-25 വരെ നൽക​പ്പെ​ട്ടി​രി​ക്കുന്ന സൃഷ്ടി​യു​ടെ അത്ഭുത​ച​രി​ത്രത്തെ അന്തസ്സു​റ​റ​താ​ക്കി​യി​രി​ക്കാ​നി​ട​യുണ്ട്‌.

⁷ ആ പുളക​പ്ര​ദ​മായ സൃഷ്ടി​പ്പിൻവി​വ​ര​ണ​ത്തി​നു​വേണ്ടി ആദാമിന്‌ വളരെ നന്ദിയു​ണ്ടാ​യി​രി​ക്കു​മാ​യി​രു​ന്നു. അത്‌ അനേകം കാര്യങ്ങൾ വിശദീ​ക​രി​ച്ചു. ദൈവം തന്റെ സമയം അളക്കുന്ന രീതി​പ്ര​കാ​രം ദിവസങ്ങൾ എന്നു വിളിച്ച മൂന്നു ദീർഘ കാലഘ​ട്ടങ്ങൾ ഉണ്ടായി​രു​ന്നു​വെന്ന്‌ അതിന്റെ വാചക​രീ​തി​യിൽനിന്ന്‌ അവൻ മനസ്സി​ലാ​ക്കി, അത്‌ മമനു​ഷ്യ​ന്റെ വളരെ ഹ്രസ്വ​മായ 24 മണിക്കൂർ ദിവസത്തെ കുറി​ക്കാൻ ആകാശ​വി​രി​വിൽ ദൈവം രണ്ട്‌ വലിയ പ്രകാ​ശ​ഗോ​ള​ങ്ങളെ പ്രത്യ​ക്ഷ​പ്പെ​ടു​ത്തിയ നാലാം ദിവസ​ത്തി​നു​മു​മ്പാ​യി​രു​ന്നു. ഭൂമി​യി​ലെ ഈ ഹ്രസ്വ​മായ മനുഷ്യ​ദി​വസം വലിപ്പ​മേ​റിയ പ്രകാ​ശ​ഗോ​ള​ത്തി​ന്റെ അസ്‌ത​മ​നം​മു​തൽ അടുത്ത അസ്‌ത​മ​നം​വ​രെ​യുള്ള സമയമാ​യി​രു​ന്നു. തനിക്ക്‌ കാലത്തി​ന്റെ വർഷങ്ങൾ ഉണ്ടായി​രി​ക്കു​മെ​ന്നും ആദാമിന്‌ അറിയാ​മാ​യി​രു​ന്നു, അവൻ ഉടൻതന്നെ തന്റെ ജീവി​ത​വർഷങ്ങൾ എണ്ണിത്തു​ട​ങ്ങി​യെ​ന്ന​തി​നു സംശയ​മില്ല. ആകാശ​വി​രി​വി​ലെ വലിപ്പ​മേ​റിയ പ്രകാ​ശ​ഗോ​ളം ഇതു ചെയ്യു​ന്ന​തിന്‌ അവനെ പ്രാപ്‌ത​നാ​ക്കും. എന്നാൽ ദൈവ​ത്തി​ന്റെ ദൈർഘ്യ​മേ​റിയ സൃഷ്ടി​ദി​വ​സ​ങ്ങ​ളെ​സം​ബ​ന്ധി​ച്ചാ​ണെ​ങ്കിൽ, ദൈവ​ത്തി​ന്റെ ഭൗമി​ക​സൃ​ഷ്ടി​വേ​ല​യു​ടെ ആറാം ദിവസ​ത്തി​ലാണ്‌ താൻ ജീവി​ക്കു​ന്ന​തെന്ന്‌ ഒന്നാം മനുഷ്യൻ തിരി​ച്ച​റി​ഞ്ഞു. ആ സകല കരജന്തു​ക്ക​ളെ​യും പിന്നീട്‌ മനുഷ്യ​നെ വേറെ​യും സൃഷ്ടി​ക്കു​ന്ന​തി​നുള്ള ആ ആറാം ദിവസ​ത്തി​ന്റെ അവസാ​ന​ത്തെ​ക്കു​റിച്ച്‌ അവനോ​ടു പറഞ്ഞി​രു​ന്നില്ല. ഇപ്പോൾ സസ്യജാ​ല​ങ്ങ​ളു​ടെ​യും സമു​ദ്ര​ജീ​വി​ക​ളു​ടെ​യും പക്ഷിജാ​ല​ങ്ങ​ളു​ടെ​യും കരജന്തു​ക്ക​ളു​ടെ​യും സൃഷ്ടി​യു​ടെ ക്രമം അവനു മനസ്സി​ലാ​കും. എന്നാൽ ഏദൻതോ​ട്ട​ത്തിൽ ഏകനായി നിന്ന ആദാം, ഭൗമി​ക​പ​റു​ദീ​സ​യി​ലെ മനുഷ്യ​നെ​സം​ബ​ന്ധിച്ച ദൈവ​ത്തി​ന്റെ ഉദ്ദേശ്യ​ത്തി​ന്റെ പൂർണ്ണ​മായ പ്രകാ​ശ​ന​മ​ല്ലാ​യി​രു​ന്നു.

ആദ്യസ്‌ത്രീ​യെ സൃഷ്ടി​ക്കു​ന്നു

8, 9. (എ) മൃഗസൃ​ഷ്‌ടി​യെ​സം​ബ​ന്ധിച്ച്‌ പൂർണ്ണ​മ​നു​ഷ്യൻ എന്തു നിരീ​ക്ഷി​ച്ചു, എന്നാൽ അവൻ തന്നേക്കു​റി​ച്ചു​തന്നെ എന്തു നിഗമ​നം​ചെ​യ്‌തു? (ബി) പൂർണ്ണ​മ​നു​ഷ്യൻ ഒരു ഇണക്കു​വേണ്ടി ദൈവ​ത്തോട്‌ അപേക്ഷി​ക്കാ​ഞ്ഞത്‌ ഉചിത​മാ​യി​രു​ന്ന​തെ​ന്തു​കൊണ്ട്‌? (സി) ബൈബിൾ വിവരണം ആദ്യമാ​നു​ഷ​ഭാ​ര്യ​യു​ടെ സൃഷ്‌ടി​പ്പി​നെ വർണ്ണി​ക്കു​ന്ന​തെ​ങ്ങനെ?

⁸ പൂർണ്ണ​ത​യുള്ള മനസ്സും നിരീ​ക്ഷ​ണ​ശ​ക്തി​ക​ളു​മു​ണ്ടാ​യി​രുന്ന ഒന്നാമത്തെ മനുഷ്യൻ പക്ഷിക​ളു​ടെ​യും മൃഗങ്ങ​ളു​ടെ​യും മണ്ഡലത്തിൽ ആണും പെണ്ണും ഉണ്ടെന്നും അവ ചേർന്ന്‌ അവയുടെ തരത്തെ പുനരു​ല്‌പ്പാ​ദി​പ്പി​ക്കു​ന്നു​വെ​ന്നും കണ്ടു. എന്നാൽ മനുഷ്യൻ മാത്ര​മു​ണ്ടാ​യി​രു​ന്ന​പ്പോൾ അന്ന്‌ അവന്റെ കാര്യ​ത്തിൽ അങ്ങനെ​യ​ല്ലാ​യി​രു​ന്നു. ഈ നിരീ​ക്ഷണം ഒരു കൂട്ടാ​ളി​യു​മൊ​ത്തു സന്തോ​ഷി​ക്കു​ന്ന​തി​ന്റെ ചിന്തക്ക്‌ അവനിൽ ചായ്‌വു​ണ്ടാ​ക്കി​യെ​ങ്കിൽ മൃഗജാ​ല​ത്തിൽപെട്ട യാതൊ​ന്നി​ലും അവൻ പററിയ ഇണയെ കണ്ടെത്തി​യില്ല, ആൾക്കു​ര​ങ്ങി​ന്റെ ഇടയിൽ പോലും. തനിക്ക്‌ ഇണയി​ല്ലെന്ന്‌ ആദാം നിഗമ​നം​ചെ​യ്യും, എന്തു​കൊ​ണ്ടെ​ന്നാൽ അങ്ങനെ​യൊ​ന്നു​ണ്ടാ​യി​രു​ന്നെ​ങ്കിൽ ദൈവം ആ ഇണയെ അവന്റെ അടുക്കൽ കൊണ്ടു​വ​രി​ക​യി​ല്ലാ​യി​രു​ന്നു​വോ? ആ മൃഗവർഗ്ഗ​ങ്ങ​ളിൽനി​ന്നെ​ല്ലാം വ്യത്യ​സ്‌ത​മാ​യി​ട്ടാണ്‌ മനുഷ്യൻ സൃഷ്‌ടി​ക്ക​പ്പെ​ട്ടി​രു​ന്നത്‌, അവൻ വ്യത്യ​സ്‌ത​നാ​യി​രി​ക്കാൻ ഉദ്ദേശി​ക്ക​പ്പെ​ട്ടി​രു​ന്നു! അവൻ സ്വയം കാര്യങ്ങൾ തീരു​മാ​നി​ക്കാ​നും ധാർഷ്‌ട്യ​ത്തോ​ടെ തന്റെ സ്രഷ്‌ടാ​വി​നോട്‌ ഒരു ഇണയെ ചോദി​ക്കാ​നും ചായ്‌വു​ള്ള​വ​നാ​യി​രു​ന്നില്ല. സകല തീരു​മാ​ന​വും ദൈവ​ത്തിൽ സ്ഥിതി​ചെ​യ്യാൻ പൂർണ്ണ​മ​നു​ഷ്യൻ അനുവ​ദി​ക്കു​ന്നത്‌ ഉചിത​മാ​യി​രു​ന്നു, എന്തു​കൊ​ണ്ടെ​ന്നാൽ സാഹച​ര്യ​ത്തെ​ക്കു​റിച്ച്‌ ദൈവം സ്വന്തം നിഗമ​ന​ങ്ങ​ളി​ലെ​ത്തി​യി​രു​ന്ന​താ​യി പിന്നീട്‌ പെട്ടെ​ന്നു​തന്നെ മനുഷ്യൻ കണ്ടെത്തി. ഇതുസം​ബ​ന്ധി​ച്ചും അപ്പോൾ സംഭവി​ച്ച​തു​സം​ബ​ന്ധി​ച്ചും വിവരണം നമ്മോടു പറയുന്നു:

⁹ “എന്നാൽ മനുഷ്യന്‌ അവന്റെ ഒരു പൂരക​മെന്ന നിലയിൽ സഹായി കണ്ടെത്ത​പ്പെ​ട്ടില്ല. അതു​കൊണ്ട്‌ യഹോ​വ​യായ ദൈവം മനുഷ്യ​ന്റെ​മേൽ ഒരു ഗാഢനി​ദ്ര വരുത്തി, അവൻ ഉറങ്ങു​മ്പോൾ അവൻ അവന്റെ വാരി​യെ​ല്ലു​ക​ളിൽ ഒന്ന്‌ എടുക്കു​ക​യും അതിന്റെ സ്ഥാനത്ത്‌ മാംസം​കൊ​ണ്ടു മൂടു​ക​യും​ചെ​യ്‌തു. യഹോ​വ​യായ ദൈവം മനുഷ്യ​നിൽനിന്ന്‌ എടുത്തി​രുന്ന വാരി​യെ​ല്ലി​നെ ഒരു സ്‌ത്രീ​യാ​യി നിർമ്മി​ക്കാ​നും അവളെ മമനു​ഷ്യ​ന്റെ അടുക്കൽ കൊണ്ടു​വ​രാ​നും നടപടി​ക​ളെ​ടു​ത്തു​തു​ടങ്ങി. അനന്തരം മനുഷ്യൻ പറഞ്ഞു: ‘ഇത്‌ ഒടുവിൽ എന്റെ അസ്ഥിക​ളിൽനിന്ന്‌ അസ്ഥിയും എന്റെ മാംസ​ത്തിൽനിന്ന്‌ മാംസ​വും ആകുന്നു. ഈ ഒരുവൾ നാരി​യെന്നു വിളി​ക്ക​പ്പെ​ടും, എന്തു​കൊ​ണ്ടെ​ന്നാൽ ഈ ഒരുവൾ നരനിൽനിന്ന്‌ എടുക്ക​പ്പെട്ടു.’ അതു​കൊ​ണ്ടാണ്‌ ഒരു പുരുഷൻ തന്റെ അപ്പനേ​യും അമ്മയേ​യും വിടു​ന്ന​തും അയാൾ തന്റെ ഭാര്യ​യോ​ടു പററി​നിൽക്കേ​ണ്ട​തും അവർ ഒരു ജഡമാ​യി​ത്തീ​രേ​ണ്ട​തും. അവർ ഇരുവ​രും, പുരു​ഷ​നും സ്‌ത്രീ​യും, നഗ്നരായി തുടർന്നു, എന്നിരു​ന്നാ​ലും അവർക്ക്‌ നാണം തോന്നി​യില്ല.”—ഉല്‌പത്തി 2:20-25.

10. പൂർണ്ണ​മ​നു​ഷ്യൻ തനിക്ക്‌ പൂർണ്ണ​സ്‌ത്രീ നൽക​പ്പെ​ട്ട​പ്പോൾ എങ്ങനെ പ്രതി​ക​രി​ച്ചു, അവന്റെ വാക്കുകൾ എന്തു സൂചി​പ്പി​ച്ചി​രി​ക്കും?

¹⁰ പൂർണ്ണ​ത​യുള്ള സ്‌ത്രീ ഒരു സഹായി​യും പൂരക​വു​മെന്ന നിലയിൽ അവന്‌ കാഴ്‌ച​വെ​ക്ക​പ്പെ​ട്ട​പ്പോൾ അവന്റെ വാക്കു​ക​ളിൽ പൂർണ്ണ​സം​തൃ​പ്‌തി പ്രകടി​ത​മാ​യി​രു​ന്നു: “ഇത്‌ ഒടുവിൽ എന്റെ അസ്ഥിക​ളിൽനിന്ന്‌ അസ്ഥിയും മാംസ​ത്തിൽനിന്ന്‌ മാംസ​വു​മാ​കു​ന്നു.” പുതു​താ​യി സൃഷ്ടി​ക്ക​പ്പെട്ട തന്റെ ഭാര്യയെ ഒടുവിൽ അവൻ കണ്ടപ്പോ​ഴത്തെ ഈ വാക്കു​ക​ളു​ടെ വീക്ഷണ​ത്തിൽ തന്റെ ഉല്ലാസ​പ്ര​ദ​മായ മനുഷ്യ​മ​റു​ഘ​ട​കത്തെ സ്വീക​രി​ക്കു​ന്ന​തിന്‌ അവൻ കുറേ​കാ​ലം കാത്തി​രു​ന്നി​രി​ക്കണം. തന്റെ പൂരകത്തെ വർണ്ണി​ക്കവെ, ആദാം തന്റെ ഭാര്യയെ “നാരി” (ഇഷനാ അഥവാ അക്ഷരീ​യ​മാ​യി “പെൺമ​നു​ഷ്യൻ”) എന്നു വിളിച്ചു, എന്തു​കൊ​ണ്ടെ​ന്നാൽ “നരനിൽനിന്ന്‌ ഈ ഒരുവൾ എടുക്ക​പ്പെട്ടു.” (ഉല്‌പത്തി 2:23, ന്യൂ വേൾഡ ട്രാൻസേ​ഷ്‌ളൻ റഫറൻസ ബൈബിൾ, അടിക്കു​റിപ്പ്‌) പേരി​ടാൻ നേരത്തെ ആദാമി​ന്റെ അടുക്കൽ കൊണ്ടു​വ​ന്നി​രുന്ന പക്ഷിക​ളോ​ടും കരജന്തു​ക്ക​ളോ​ടും അവന്‌ ജഡബന്ധം തോന്നി​യില്ല. അവന്റെ മാംസം അവയു​ടേ​തിൽനിന്ന്‌ വ്യത്യ​സ്‌ത​മാ​യി​രു​ന്നു. എന്നാൽ ഈ സ്‌ത്രീ വാസ്‌ത​വ​ത്തിൽ അവന്റെ മാംസ​യി​നം തന്നെയാ​യി​രു​ന്നു. അവന്റെ വശത്തു​നിന്ന്‌ എടുക്ക​പ്പെട്ട വാരി​യെല്ല്‌ അവന്റെ സ്വന്തം ശരീര​ത്തി​ലെ ഇനം രക്തംതന്നെ നിർമ്മി​ച്ചു. (മത്തായി 19:4-6 കാണുക) ഇപ്പോൾ അവന്‌ ദൈവ​ത്തി​ന്റെ പ്രവാ​ച​ക​നാ​യി വർത്തി​ക്കാ​നും അത്ഭുത​ക​ര​മായ സൃഷ്ടി​പ്പിൻവി​വ​രണം പങ്കു​വെ​ക്കാ​നും ഒരാളു​ണ്ടാ​യി​രു​ന്നു.

11-13. (എ) ആദാമിന്‌ ഒരു ഭാര്യയെ കിട്ടി​യ​പ്പോൾ ഏതു ചോദ്യ​ങ്ങൾ പൊന്തി​വ​ന്നി​രി​ക്കും? (ബി) ആദ്യമ​നു​ഷ്യ​ഇ​ണ​കളെ സംബന്ധിച്ച ദൈ​വോ​ദ്ദേ​ശ്യം എന്തായി​രു​ന്നു? (സി) പൂർണ്ണ​മ​നു​ഷ്യ​കു​ടും​ബ​ത്തിന്‌ ആഹാര​മാ​യി എന്ത്‌ ഉതകു​മാ​യി​രു​ന്നു?

¹¹ എന്നാൽ അവന്‌ ഒരു ഭാര്യയെ കൊടു​ത്ത​തിൽ സ്രഷ്ടാ​വി​ന്റെ ഉദ്ദേശ്യം എന്തായി​രു​ന്നു? അത്‌ അവന്‌ ഒരു സഹായി​യെ​യും പൂരക​ത്തെ​യും കൊടു​ക്കു​ക​യെ​ന്ന​തു​മാ​ത്ര​മാ​യി​രു​ന്നു​വോ, ഏകാന്തത തോന്നാ​തി​രി​ക്കാൻ അവന്റെ വർഗ്ഗത്തിൽപെട്ട ഒരു കൂട്ടാ​ളി​യെ കൊടു​ക്കു​ക​യെ​ന്നു​തു​മാ​ത്ര​മാ​യി​രു​ന്നോ? രേഖ ദൈവ​ത്തി​ന്റെ ഉദ്ദേശ്യ​ത്തെ വിശദ​മാ​ക്കു​ന്നു. അത്‌ അവരുടെ വിവാ​ഹ​ത്തിൻമേൽ ഉച്ചരി​ക്ക​പ്പെട്ട ദൈവ​ത്തി​ന്റെ അനു​ഗ്രഹം നമ്മോടു പറയുന്നു:

¹² “ദൈവം തുടർന്നു​പ​റഞ്ഞു: ‘നമുക്കു നമ്മുടെ പ്രതി​ച്ഛാ​യ​യിൽ, നമ്മുടെ സാദൃ​ശ്യ​പ്ര​കാ​രം, മനുഷ്യ​നെ ഉണ്ടാക്കാം, സമു​ദ്ര​ത്തി​ലെ മത്സ്യങ്ങ​ളെ​യും ആകാശ​ങ്ങ​ളി​ലെ പറവജാ​തി​ക​ളെ​യും വീട്ടു​മൃ​ഗ​ങ്ങ​ളെ​യും സർവഭൂ​മി​യെ​യും ചരിക്കുന്ന സകല ഭൂചര​ജ​ന്തു​ക്ക​ളെ​യും അവർ അധീന​ത​യിൽ വെക്കട്ടെ.’ ദൈവം തന്റെ പ്രതി​ച്‌ഛാ​യ​യിൽ മനുഷ്യ​നെ സൃഷ്‌ടി​ക്കാൻ നടപടി​ക​ളെ​ടു​ത്തു​തു​ടങ്ങി, ദൈവ​ത്തി​ന്റെ പ്രതി​ച്‌ഛാ​യ​യിൽ അവൻ അവനെ സൃഷ്‌ടി​ച്ചു; ആണും പെണ്ണു​മാ​യി അവൻ അവരെ സൃഷ്‌ടി​ച്ചു. കൂടാതെ, ദൈവം അവരെ അനു​ഗ്ര​ഹി​ക്കു​ക​യും ദൈവം അവരോട്‌ ഇങ്ങനെ പറയു​ക​യും​ചെ​യ്‌തു: ‘സന്താന​പു​ഷ്‌ടി​യു​ള്ള​വ​രാ​യി പെരുകി ഭൂമി​യിൽ നിറയു​ക​യും അതിനെ കീഴട​ക്കു​ക​യും സമു​ദ്ര​ത്തി​ലെ മത്‌സ്യ​ങ്ങ​ളെ​യും ആകാശ​ങ്ങ​ളി​ലെ പറവജാ​തി​ക​ളെ​യും ചരിക്കുന്ന സകല ഭൂചര​ജ​ന്തു​ക്ക​ളെ​യും അധീന​ത​യിൽ വെക്കു​ക​യും​ചെ​യ്യുക.’

¹³ “ദൈവം തുടർന്നു പറഞ്ഞു: ‘മുഴു​ഭൂ​മു​ഖ​ത്തു​മുള്ള വിത്തുള്ള സകല സസ്യങ്ങ​ളും വിത്തുള്ള വൃക്ഷഫ​ല​ത്തോ​ടു​കൂ​ടിയ സകല വൃക്ഷവും ഇതാ ഞാൻ നിങ്ങൾക്കു തന്നിരി​ക്കു​ന്നു. നിനക്ക്‌ അത്‌ ആഹാര​മാ​യി ഉതകട്ടെ. ഭൂമി​യി​ലെ സകല കാട്ടു​മൃ​ഗ​ങ്ങൾക്കും ആകാശ​ങ്ങ​ളി​ലെ സകല പറവജാ​തി​കൾക്കും ഒരു ദേഹി​യെന്ന നിലയിൽ ജീവനുള്ള സകല ഭൂചര​ങ്ങൾക്കും ഞാൻ സകല പച്ചസസ്യ​വും ആഹാര​ത്തി​നാ​യി കൊടു​ത്തി​രി​ക്കു​ന്നു.’ അങ്ങനെ സംഭവി​ച്ചു.”—ഉല്‌പത്തി 1:26-30.

ആദ്യ മനുഷ്യ​ജോ​ടി​യു​ടെ മുമ്പാ​കെ​യു​ണ്ടാ​യി​രുന്ന പ്രതീ​ക്ഷ​കൾ

14. ദൈവ​ത്തി​ന്റെ അനു​ഗ്ര​ഹ​ത്താൽ പൂർണ്ണ​മ​നു​ഷ്യ​ന്റെ​യും സ്‌ത്രീ​യു​ടെ​യും മുമ്പാകെ എന്തു ഭാവി സ്ഥിതി​ചെ​യ്‌തി​രു​ന്നു, അവർക്ക്‌ ഉചിത​മാ​യി എന്ത്‌ വിഭാ​വ​ന​ചെ​യ്യാൻ കഴിയു​മാ​യി​രു​ന്നു?

¹⁴ എന്തു ചെയ്യണ​മെന്നു തങ്ങളോ​ടു പറഞ്ഞു​കൊ​ണ്ടും തങ്ങളെ അനു​ഗ്ര​ഹി​ച്ചു​കൊ​ണ്ടും തങ്ങളോ​ടു സംസാ​രി​ക്കുന്ന ദൈവ​ത്തി​ന്റെ ശബ്ദം കേൾക്കു​ന്നത്‌ ആ പൂർണ്ണ​മ​നു​ഷ്യ​നും അവന്റെ പൂർണ്ണ​ത​യുള്ള ഭാര്യ​ക്കും എന്തോരു അത്ഭുത​മാ​യി​രു​ന്നു! ദൈവ​ത്തി​ന്റെ അനു​ഗ്ര​ഹ​ത്താൽ ജീവിതം വ്യർത്ഥ​മാ​യി​രി​ക്കു​ക​യില്ല, എന്നാൽ അവരോ​ടു പറഞ്ഞ കാര്യങ്ങൾ ചെയ്യാൻ അവർ പ്രാപ്‌ത​രാ​കും. അവരുടെ മുമ്പാകെ എന്തോരു ഭാവി​യാ​ണു​ണ്ടാ​യി​രു​ന്നത്‌! ആ സന്തുഷ്ട വിവാ​ഹിത ഇണകൾ അവരുടെ ഭവനമായ ഏദൻപ​റു​ദീ​സ​യിൽ നിന്ന​പ്പോൾ തങ്ങൾക്കു​വേ​ണ്ടി​യുള്ള ദൈ​വേഷ്ടം അവർ നിറ​വേ​റ​റു​മ്പോൾ എന്തു സംഭവി​ക്കു​മെന്ന്‌ അവർ ധ്യാനി​ച്ചി​രി​ക്കാ​നി​ട​യുണ്ട്‌. അവരുടെ മനോ​ദൃ​ഷ്ടി വിദൂ​ര​ഭാ​വി​യി​ലേക്കു നോക്കവേ, “കിഴക്ക്‌ ഏദൻതോ​ട്ടം”മാത്രമല്ല, മുഴു​ഭൂ​മി​യും പ്രശോ​ഭി​ത​മു​ഖ​ങ്ങ​ളോ​ടു​കൂ​ടിയ സ്‌ത്രീ​പു​രു​ഷൻമാ​രെ​ക്കൊ​ണ്ടു നിറയു​ന്നത്‌ അവർ കണ്ടു. (ഉല്‌പത്തി 2:8) അവരെ​ല്ലാം തങ്ങളുടെ മക്കൾ, സന്തതികൾ, ആയിരി​ക്കു​ന്നു​വെന്ന ചിന്തയിൽ പുരു​ഷ​ന്റെ​യും സ്‌ത്രീ​യു​ടെ​യും ഹൃദയം തുടി​ക്കു​മാ​യി​രു​ന്നു. ശരീരാ​കൃ​തി​യി​ലും ഘടനയി​ലും ന്യൂന​ത​യി​ല്ലാ​തെ, നല്ല ആരോ​ഗ്യ​വും ജീവി​ത​സ​ന്തോ​ഷ​വും നിറഞ്ഞ സ്ഥിരയൗ​വ​ന​ത്തോ​ടെ, അന്യോ​ന്യം പൂർണ്ണ​സ്‌നേഹം എല്ലാവ​രും പ്രകട​മാ​ക്കുന്ന, തങ്ങളുടെ സ്വർഗ്ഗീയ പിതാ​വായ മഹാ​സ്ര​ഷ്ടാ​വി​നെ ഐക്യ​ത്തിൽ ആരാധി​ക്കുന്ന, ആദ്യമ​നു​ഷ്യ​പി​താ​വി​നോ​ടും മാതാ​വി​നോ​ടു​മൊത്ത്‌ അതു ചെയ്യുന്ന പൂർണ്ണ​രാ​യി​രു​ന്നു എല്ലാവ​രും. അങ്ങനെ​യുള്ള ഒരു കുടും​ബ​മു​ണ്ടാ​യി​രി​ക്കു​ക​യെന്ന ആശയത്തിൽ ആദ്യമ​നു​ഷ്യ​ന്റെ​യും സ്‌ത്രീ​യു​ടെ​യും ഹൃദയം എങ്ങനെ വികസി​ച്ചി​രി​ക്കണം!

15, 16.(എ) മനുഷ്യ​കു​ടും​ബ​ത്തിന്‌ ധാരാളം ആഹാര​മു​ണ്ടാ​യി​രി​ക്കു​മാ​യി​രു​ന്ന​തെ​ന്തു​കൊണ്ട്‌? (ബി) സന്തുഷ്‌ട​കു​ടും​ബ​ത്തി​ന്റെ എണ്ണം പെരു​കു​ന്ന​തോ​ടെ, ഏദൻതോ​ട്ട​ത്തി​നു പുറത്ത്‌ അവർക്ക്‌ എന്തു വേല ഉണ്ടായി​രി​ക്കു​മാ​യി​രു​ന്നു?

¹⁵ മുഴു​ഭൂ​മി​യി​ലും നിറയുന്ന മനുഷ്യ​കു​ടും​ബ​ത്തി​ലെ ഓരോ അംഗത്തി​നും ധാരാളം ഭക്ഷണം ഉണ്ടായി​രി​ക്കും. തുടക്ക​ത്തിൽ ഏദൻതോ​ട്ട​ത്തിൽ ധാരാളം ഭക്ഷണമു​ണ്ടാ​യി​രു​ന്നു. ദൈവം അവർക്കു​വേണ്ടി കരുതു​ക​യും ആരോ​ഗ്യാ​വ​ഹ​മായ ജീവൻ നിലനിർത്തുന്ന ആഹാര​മാ​യി ഉതകാൻ വിത്തുള്ള സകല സസ്യവും അതോ​ടു​കൂ​ടെ ഫലവൃ​ക്ഷ​ങ്ങ​ളും പ്രദാ​നം​ചെ​യ്യു​ക​യും ചെയ്‌തി​രു​ന്നു.—സങ്കീർത്തനം 104:24 താരത​മ്യ​പ്പെ​ടു​ത്തുക.

¹⁶ അവരുടെ സന്തുഷ്‌ട കുടും​ബം എണ്ണത്തിൽ പെരു​കു​മ്പോൾ അവർ തോട്ടത്തെ ഏദന്റെ അതിരു​കൾക്ക​പ്പു​റ​ത്തേക്ക്‌ വികസി​പ്പി​ക്കും, എന്തു​കൊ​ണ്ടെ​ന്നാൽ ഏദൻതോ​ട്ട​ത്തി​നു പുറത്ത്‌ ഭൂമി ഒരുക്ക​പ്പെ​ടാത്ത അവസ്ഥയി​ലാ​യി​രു​ന്നു​വെന്ന്‌ ദൈവ​വ​ച​നങ്ങൾ സൂചി​പ്പി​ക്കു​ന്നു. കുറഞ്ഞ​പക്ഷം, അത്‌ ഏദൻ തോട്ടം​പോ​ലെ പരിപാ​ലി​ക്ക​പ്പെ​ടു​ക​യും അത്ര ഉന്നതകൃ​ഷി​യു​ടെ നിലയി​ലേക്ക്‌ വരുത്ത​പ്പെ​ടു​ക​യും ചെയ്‌തി​രു​ന്നില്ല. അതു​കൊ​ണ്ടാണ്‌ അവർ ഭൂമിയെ നിറക്കു​മ്പോൾ അതിനെ “കീഴട​ക്കാൻ” അവരുടെ സ്രഷടാവ്‌ അവരോ​ടു പറഞ്ഞത്‌.—ഉല്‌പത്തി 1:28.

17. പെരു​കുന്ന ജനസം​ഖ്യക്ക്‌ ധാരാളം ഭക്ഷണം ഉണ്ടായി​രി​ക്കു​മാ​യി​രു​ന്ന​തെ​ന്തു​കൊണ്ട്‌, തോട്ടം വികസി​ക്കു​മ്പോൾ ഒടുവിൽ എന്തു പ്രബല​പ്പെ​ടു​മാ​യി​രു​ന്നു?

¹⁷ പൂർണ്ണ​ത​യുള്ള കൃഷി​ക്കാ​രും പരിപാ​ല​ക​രും തോട്ടത്തെ വികസി​പ്പി​ക്കു​മ്പോൾ കീഴട​ക്ക​പ്പെ​ടുന്ന ഭൂമി വളരുന്ന ജനസം​ഖ്യക്ക്‌ ധാരാളം വിളവുൽപ്പാ​ദി​പ്പി​ക്കും. ഒടുവിൽ, നിരന്തരം വികസി​ച്ചു​വ​രുന്ന തോട്ടം സർവഭൂ​മി​യി​ലും വ്യാപി​ക്കു​മാ​യി​രു​ന്നു. മനുഷ്യ​വർഗ്ഗ​ത്തി​ന്റെ നിത്യ​ഭ​വ​ന​മെന്ന നിലയിൽ ഒരു ഭൂവ്യാ​പ​ക​പ​റു​ദീ​സാ തഴച്ചു​വ​ളർന്നു പ്രബല​പ്പെ​ടും. അത്‌ സ്വർഗ്ഗ​ത്തിൽനിന്ന്‌ വീക്ഷി​ക്കു​മ്പോൾ ഒരു പ്രകൃ​തി​ര​മ​ണീ​യ​സ്ഥ​ല​മാ​യി​രി​ക്കും, സ്വർഗ്ഗീ​യ​സ്ര​ഷ്ടാവ്‌ അതിനെ വളരെ നല്ലത്‌ എന്ന്‌ ഉച്ചരി​ക്കും.—ഇയ്യോബ്‌ 38:7.

18. ആഗോള ഏദൻപ​റു​ദീ​സാ ശല്യത്തിൽനിന്ന്‌ വിമു​ക്ത​മാ​യി​രി​ക്കു​ന്ന​തെ​ന്തു​കൊണ്ട്‌, ഏതു പ്രശാന്തത പ്രബല​പ്പെ​ടു​മാ​യി​രു​ന്നു?

¹⁸ നവദമ്പ​തി​മാ​രായ സ്‌ത്രീ​പു​രു​ഷൻമാർ നില​കൊണ്ട ഏദൻതോ​ട്ട​ത്തെ​പ്പോ​ലെ സകലവും പ്രശാ​ന്ത​വും ശല്യര​ഹി​ത​വും ആയിരി​ക്കു​മാ​യി​രു​ന്നു. ആദ്യമ​നു​ഷ്യ​നായ ആദാം പരി​ശോ​ധി​ക്കു​ക​യും പേരി​ടു​ക​യും​ചെയ്‌ത ആ മൃഗങ്ങ​ളിൽനി​ന്നും പക്ഷിക​ളിൽനി​ന്നു​മുള്ള അപകട​ത്തെ​യോ ഉപദ്ര​വ​ത്തെ​യോ പേടി​ക്കേ​ണ്ട​യാ​വ​ശ്യ​മു​ണ്ടാ​യി​രു​ന്നില്ല. തങ്ങളുടെ ആദ്യമാ​നു​ഷ​പി​താ​വി​നെ​യും മാതാ​വി​നെ​യും പോലെ, ഭൂവ്യാ​പ​ക​മായ പറുദീ​സ​യി​ലെ ആ പൂർണ്ണ​ത​യുള്ള നിവാ​സി​കൾ സമു​ദ്ര​ത്തി​ലെ മത്സ്യങ്ങ​ളെ​യും ആകാശ​ങ്ങ​ളി​ലെ പറവജാ​തി​ക​ളെ​യും ഭൂമി​യിൽ ചരിക്കുന്ന സകല ജന്തുക്ക​ളെ​യും, തുറസ്സായ വയലിലെ കാട്ടു​മൃ​ഗ​ങ്ങ​ളെ​പോ​ലും, അധീന​ത​യിൽ വെക്കു​മാ​യി​രു​ന്നു. “ദൈവ​ത്തി​ന്റെ പ്രതി​ച്ഛാ​യ​യിൽ” സൃഷ്ടി​ക്ക​പ്പെട്ട മനുഷ്യ​നോ​ടുള്ള ഒരു സഹജമായ കീഴ്‌പ്പെ​ട​ലോ​ടെ ഈ കീഴ്‌ത്ത​ര​ജീ​വി​കൾ അവനോ​ടു സമാധാ​ന​ത്തി​ലാ​യി​രി​ക്കു​മാ​യി​രു​ന്നു. അവയുടെ വാൽസ​ല്യ​മുള്ള പൂർണ്ണ​മാ​നുഷ യജമാ​നൻമാർ ഈ കീഴ്‌ത്തര ജീവി​കളെ അധീന​ത​യിൽ വെക്കു​മ്പോൾ മൃഗസൃ​ഷ്ടി​യു​ടെ ഇടയിൽ ഒരു സമാധാ​നാ​ന്ത​രീ​ക്ഷം വളർത്തി​യെ​ടു​ക്കു​മാ​യി​രു​ന്നു. ദൈവ​സ​മാ​ന​രായ ഈ മനുഷ്യ​യ​ജ​മാ​നൻമാ​രു​ടെ സമാധാ​ന​പ​ര​മായ സ്വാധീ​നം ഈ സംതൃപ്‌ത കീഴ്‌ത്ത​ര​ജീ​വി​ക​ളു​ടെ​മേൽ സംരക്ഷ​ണാ​ത്മ​ക​മാ​യി വ്യാപി​ക്കു​മാ​യി​രു​ന്നു. എല്ലാറ​റി​ലു​മു​പ​രി​യാ​യി, പൂർണ്ണ​ത​യുള്ള മനുഷ്യ​വർഗ്ഗം ദൈവ​വു​മാ​യി സമാധാ​ന​ത്തി​ലാ​യി​രി​ക്കും, അവന്റെ അനു​ഗ്രഹം അവരിൽനിന്ന്‌ ഒരിക്ക​ലും നീക്ക​പ്പെ​ടു​ക​യില്ല.—യെശയ്യാവ്‌ 11:9 താരത​മ്യ​പ്പെ​ടു​ത്തുക.

ദൈവം തന്റെ സൃഷ്ടി​ക്രി​യ​ക​ളിൽനിന്ന വിശ്ര​മി​ക്കു​ന്നു

19. (എ) ദൈ​വോ​ദ്ദേ​ശ്യം സംബന്ധിച്ച്‌ ആദ്യമ​നു​ഷ്യ​നും സ്‌ത്രീ​യും എന്തു തിരി​ച്ച​റി​ഞ്ഞി​രി​ക്കണം? (ബി) സമയം സംബന്ധിച്ച്‌ ദൈവം എന്തു സൂചി​പ്പി​ച്ചു?

¹⁹ പൂർണ്ണ​രായ മനുഷ്യ​ജോ​ടി ദൈ​വോ​ദ്ദേ​ശ്യ​പ്ര​കാ​രം പൂർത്തീ​ക​രി​ക്ക​പ്പെട്ട ഭൗമി​ക​രം​ഗ​ത്തെ​ക്കു​റി​ച്ചു വിചി​ന്ത​നം​ചെ​യ്യു​മ്പോൾ, അവർ ഒരു കാര്യം തിരി​ച്ച​റി​യും. ദൈവ​ത്തിൽനി​ന്നുള്ള ഈ അത്‌ഭു​ത​നി​യോ​ഗം നിറ​വേ​റ​റു​ന്ന​തിന്‌ അവർക്ക്‌ സമയമാ​വ​ശ്യ​മാണ്‌. എത്ര സമയം? അവരുടെ സ്രഷ്‌ടാ​വും സ്വർഗ്ഗീ​യ​പി​താ​വു​മാ​യ​വന്‌ അറിയാ​മാ​യി​രു​ന്നു. സൃഷ്‌ടി​ദി​വ​സ​ങ്ങ​ളു​ടെ വലിയ പരമ്പര ഇപ്പോൾ മറെറാ​രു അവസാ​ന​ത്തി​ലെ​ത്തി​യെ​ന്നും അവർ “സന്ധ്യ”യിങ്കൽ, സൃഷ്‌ടി​ദി​വ​സങ്ങൾ സംബന്ധിച്ച ദൈവ​ത്തി​ന്റെ സ്വന്തം അടയാ​ള​പ്പെ​ടു​ത്ത​ലിൻപ്ര​കാ​രം പുതിയ ഒരു ദിവസ​ത്തി​ന്റെ തുടക്ക​ഘ​ട്ട​ത്തിൽ, നിൽക്കു​ക​യാ​ണെ​ന്നും അവൻ അവരോ​ടു സൂചി​പ്പി​ച്ചു. അത്‌ ഒരു അനുഗൃ​ഹീത ദിവസ​മാ​യി​രി​ക്ക​ണ​മാ​യി​രു​ന്നു, ദൈവ​ത്തി​ന്റെ നിർമ്മ​ല​വും നീതി​നി​ഷ്‌ഠ​വു​മായ സ്വന്തം ഉദ്ദേശ്യ​ത്തിന്‌ ശുദ്ധീ​ക​രി​ക്ക​പ്പെ​ട്ട​തു​മാ​യി​രി​ക്ക​ണ​മാ​യി​രു​ന്നു. പൂർണ്ണ​മ​നു​ഷ്യ​നാ​യി​രുന്ന ദൈവ​ത്തി​ന്റെ പ്രവാ​ചകൻ ഇതു കുറി​ക്കൊ​ണ്ടു. നിശ്വസ്‌ത വിവരണം നമ്മോടു പറയുന്നു:

20. “ഏഴാം ദിവസ”ത്തെസം​ബ​ന്ധിച്ച്‌ ബൈബിൾ വിവരണം എന്തു പറയുന്നു?

²⁰ “അതിനു​ശേഷം, താൻ ഉണ്ടാക്കി​യി​രു​ന്ന​തി​നെ​യെ​ല്ലാം ദൈവം കണ്ടു, നോക്കൂ! അത്‌ വളരെ നല്ലതാ​യി​രു​ന്നു. സന്ധ്യയാ​യി, ഉഷസ്സു​മാ​യി, ഒരു ആറാം ദിവസം. അങ്ങനെ ആകാശ​ങ്ങ​ളും ഭൂമി​യും അവയുടെ സകല സൈന്യ​വും പൂർത്തി​യാ​യി. ഏഴാം ദിവസ​മാ​യ​തോ​ടെ താൻ ഉണ്ടാക്കി​യി​രുന്ന തന്റെ സകല പ്രവൃ​ത്തി​യു​ടെ​യും പൂർത്തീ​ക​ര​ണ​ത്തി​ലേക്ക്‌ ദൈവം വന്നു, താൻ ഉണ്ടാക്കി​യി​രുന്ന തന്റെ സകല പ്രവൃ​ത്തി​യിൽനി​ന്നും അവൻ ഏഴാം​ദി​വസം വിശ്ര​മി​ക്കാൻ പുറ​പ്പെട്ടു. ദൈവം ഏഴാം ദിവസത്തെ അനു​ഗ്ര​ഹി​ക്കാ​നും അതിനെ പാവന​മാ​ക്കാ​നും പുറ​പ്പെട്ടു, എന്തു​കൊ​ണ്ടെ​ന്നാൽ നിർമ്മി​ക്കു​ക​യെന്ന ഉദ്ദേശ്യ​ത്തിൽ ദൈവം സൃഷ്ടി​ച്ചി​രി​ക്കുന്ന തന്റെ സകല പ്രവൃ​ത്തി​യിൽനി​ന്നും അവൻ വിശ്ര​മി​ച്ചു​കൊ​ണ്ടി​രി​ക്കു​ക​യാണ്‌. യഹോ​വ​യാം ദൈവം ഭൂമി​യും ആകാശ​വും ഉണ്ടാക്കിയ ദിവസ​ത്തിൽ, ആകാശ​ങ്ങ​ളും ഭൂമി​യും സൃഷ്ടി​ക്ക​പ്പെ​ട്ടു​കൊ​ണ്ടി​രുന്ന സമയത്തെ അവയുടെ ഒരു ചരി​ത്ര​മാണ്‌ ഇത്‌.”—ഉല്‌പത്തി 1:31–2:4.

21. (എ) ദൈവം തന്റെ വിശ്ര​മ​ദി​വസം അവസാ​നി​പ്പി​ച്ചു​വെ​ന്നും അതു വളരെ നല്ലതാ​യി​രു​ന്നു​വെ​ന്നും ബൈബിൾ പറയു​ന്നു​ണ്ടോ? വിശദീ​ക​രി​ക്കുക. (ബി) ഏതു ചോദ്യ​ങ്ങൾ ഉദിക്കു​ന്നു?

²¹ ദൈവം തന്റെ വിശ്ര​മ​ദി​വസം അവസാ​നി​പ്പി​ച്ചു​വെ​ന്നും അത്‌ വളരെ നല്ലതാ​ണെ​ന്നും സന്ധ്യയാ​യി, ഉഷസ്സു​മാ​യി, ഒരു ഏഴാം ദിവസ​മെ​ന്നും വിവരണം പറയു​ന്നില്ല. മുമ്പത്തെ ആറ്‌ സൃഷ്ടി​ദി​വ​സ​ങ്ങ​ളോട്‌ ഒത്തുവ​രു​ന്ന​തിന്‌ ഏഴാം ദിവസം വളരെ നല്ലത്‌ എന്ന്‌ ഇനി ഉച്ചരി​ക്ക​പ്പെ​ടേ​ണ്ട​തുണ്ട്‌, എന്തു​കൊ​ണ്ടെ​ന്നാൽ അത്‌ ഇനിയും അവസാ​നി​ച്ചി​ട്ടില്ല. ഇത്ര​ത്തോ​ളം യഹോ​വ​യാം ദൈവ​ത്തിന്‌ ദിവസത്തെ വളരെ നല്ലതെന്ന്‌ ഉച്ചരി​ക്കാൻ കഴിയു​മോ? അത്‌ ഇത്ര​ത്തോ​ളം അവന്‌ സമാധാ​ന​പ​ര​മായ ഒരു വിശ്ര​മ​ദി​വ​സ​മാ​യി​രു​ന്നി​ട്ടു​ണ്ടോ? ആദ്യ മനുഷ്യ​നും സ്‌ത്രീ​യും പറുദീ​സ​യി​ലെ തങ്ങളുടെ വിവാ​ഹ​ദി​വ​സ​ത്തിൽ വിഭാ​വ​ന​ചെയ്‌ത ഹൃദയ​ഹാ​രി​യായ പ്രതീ​ക്ഷയെ സംബന്ധി​ച്ചെന്ത്‌? അടുത്ത ലേഖന​ത്തിൽ രംഗം ഇതൾ വിരി​യു​മ്പോൾ നമുക്കു കാണാം. (w89 8/1)

[അടിക്കു​റിപ്പ്‌]

നിങ്ങൾ എങ്ങനെ പ്രതി​വ​ചി​ക്കും?

◻തോട്ടം പരിപാ​ലി​ക്കു​ന്ന​തി​നു പുറമേ ഏതു ജോലി ദൈവം ആദാമി​നു കൊടു​ത്തു, ഇത്‌ എന്ത്‌ ആവശ്യ​മാ​ക്കി?

◻ഉല്‌പത്തി 1:1-25ലെ സൃഷ്ടി​വി​വ​രണം എന്തു വെളി​പ്പെ​ടു​ത്തി?

◻ഒന്നാമത്തെ മാനു​ഷ​ഭാ​ര്യ എങ്ങനെ സൃഷ്ടി​ക്ക​പ്പെട്ടു, ആദാം അവരുടെ വിവാ​ഹ​ദി​ന​ത്തിൽ എങ്ങനെ പ്രതി​വ​ചി​ച്ചു?

◻ആദ്യമാനുഷജോടിയുടെ മുമ്പാകെ ഏതു പ്രതീ​ക്ഷകൾ സ്ഥിതി​ചെ​യ്‌തി​രു​ന്നു?

◻സൃഷ്ടിദിവസങ്ങളുടെ വലിയ പരമ്പര മറെറാ​രു അവസാ​ന​ത്തോട്‌ അടുക്കു​ക​യാ​ണെന്ന്‌ ദൈവം എങ്ങനെ സൂചി​പ്പി​ച്ചു?