അവർ യഹോ​വ​യു​ടെ ഹിതം ചെയ്‌തു

യിസ്‌ഹാ​ക്കി​നു ഭാര്യയെ കണ്ടെത്തു​ന്നു

കിണറ്റിൻക​ര​യി​ലി​രുന്ന പ്രായ​മുള്ള ആ മനുഷ്യൻ ക്ഷീണി​ച്ചു​വ​ല​ഞ്ഞി​രു​ന്നു. അയാളും പരിചാ​ര​ക​രും പത്ത്‌ ഒട്ടകങ്ങ​ളോ​ടൊ​പ്പം ബേർ-ശേബയു​ടെ അയൽപ്ര​ദേ​ശ​ത്തു​നി​ന്നു വടക്കൻ മെസൊ​പ്പൊ​ത്താ​മ്യ​വരെ 800-ലധികം കിലോ​മീ​റ്റർ ദൂരം യാത്ര ചെയ്‌തി​രു​ന്നു.a ഇപ്പോൾ അവർ തങ്ങളുടെ ലക്ഷ്യസ്ഥാ​നത്ത്‌ എത്തിയി​രി​ക്കു​ന്ന​തി​നാൽ, ക്ഷീണി​ച്ചു​വലഞ്ഞ ആ സഞ്ചാരി തന്റെ ദുഷ്‌ക​ര​മായ ദൗത്യ​ത്തെ​ക്കു​റി​ച്ചു ചിന്തി​ക്കാൻ അൽപ്പ​നേരം അവിടെ തങ്ങി. ആ മനുഷ്യൻ ആരായി​രു​ന്നു, ദുഷ്‌ക​ര​മായ ആ യാത്ര അയാൾ തിര​ഞ്ഞെ​ടു​ത്തത്‌ എന്തു​കൊ​ണ്ടാ​യി​രു​ന്നു?

ആ മനുഷ്യൻ അബ്രാ​ഹാ​മി​ന്റെ ദാസനാ​യി​രു​ന്നു, ‘അവന്റെ വീട്ടിലെ മൂപ്പൻ.’ (ഉല്‌പത്തി 24:2) വിവര​ണ​ത്തിൽ പേര്‌ പരാമർശി​ച്ചി​ട്ടി​ല്ലെ​ങ്കി​ലും, സാധ്യ​ത​യ​നു​സ​രിച്ച്‌ അവൻ എല്യേസർ ആയിരി​ക്കാം. അവനെ​ക്കു​റിച്ച്‌ ‘തന്റെ വീട്ടിൽ ജനിച്ച ദാസൻ’ എന്ന്‌ അബ്രാ​ഹാം ഒരിക്കൽ പരാമർശി​ക്കു​ന്നുണ്ട്‌, അവൻ തന്റെ ‘അവകാശി’ ആയിരി​ക്കു​ന്ന​താ​യി അബ്രാ​ഹാം സംസാ​രി​ക്കു​ക​യും ചെയ്‌തു. (ഉല്‌പത്തി 15:2, 3) തീർച്ച​യാ​യും, അത്‌ അബ്രാ​ഹാ​മി​നും സാറാ​യ്‌ക്കും കുട്ടി​ക​ളി​ല്ലാ​തി​രു​ന്ന​പ്പോ​ഴാണ്‌. ഇപ്പോൾ അവരുടെ പുത്ര​നായ യിസ്‌ഹാ​ക്കിന്‌ 40 വയസ്സുണ്ട്‌. ഇനി എല്യേസർ അബ്രാ​ഹാ​മി​ന്റെ മുഖ്യ അവകാശി അല്ലെങ്കിൽപോ​ലും അവൻ അബ്രാ​ഹാ​മി​ന്റെ ദാസനാ​യി​രു​ന്നു. അതു​കൊണ്ട്‌ അബ്രാ​ഹാം ദുഷ്‌ക​ര​മായ ഒരു അപേക്ഷ നടത്തി​യ​പ്പോൾ അവൻ വഴങ്ങി. അതെന്താ​യി​രു​ന്നു?

വെല്ലു​വി​ളി നിറഞ്ഞ ഒരു ദൗത്യം

അബ്രാ​ഹാ​മി​ന്റെ നാളിൽ, വിവാഹം കുടും​ബ​ത്തിൻമേൽ മാത്രമല്ല, മുഴു ഗോ​ത്ര​ത്തി​ന്മേ​ലും അല്ലെങ്കിൽ ഗോ​ത്ര​പി​താ​വി​ന്റെ സമുദാ​യ​ത്തി​ന്മേ​ലും പ്രഭാവം ചെലു​ത്തി​യി​രു​ന്നു. അതു​കൊണ്ട്‌ കുട്ടി​കൾക്കു വേണ്ടി മാതാ​പി​താ​ക്കൾ ഒരു ഇണയെ തിര​ഞ്ഞെ​ടു​ക്കു​ന്നത്‌ ഒരു ആചാര​മാ​യി​രു​ന്നു. എന്നിരു​ന്നാ​ലും, തന്റെ പുത്ര​നായ യിസ്‌ഹാ​ക്കി​നു വേണ്ടി ഒരു ഭാര്യയെ കണ്ടുപി​ടി​ക്കു​ന്ന​തിൽ അബ്രാ​ഹാ​മിന്‌ ഒരു വിഷമ​സന്ധി നേരിട്ടു. അവിടത്തെ കനാന്യ​രു​ടെ ഭക്തികെട്ട വഴികൾ അവരി​ലൊ​രാ​ളു​മാ​യുള്ള വിവാഹം അചിന്ത​നീ​യ​മാ​ക്കി​ത്തീർത്തു. (ആവർത്ത​ന​പു​സ്‌തകം 18:9-12) സ്വന്തം ഗോ​ത്ര​ത്തി​ലു​ള്ള​വരെ വിവാഹം കഴിക്കുക പുരു​ഷനെ സംബന്ധി​ച്ചി​ട​ത്തോ​ളം പതിവാ​യി​രു​ന്നെ​ങ്കി​ലും, അബ്രാ​ഹാ​മി​ന്റെ ബന്ധുക്കൾ താമസി​ച്ചി​രു​ന്നത്‌ നൂറു​ക​ണ​ക്കി​നു കിലോ​മീ​റ്റർ അകലെ വടക്കുള്ള മെസൊ​പ്പൊ​ത്താ​മ്യ​യി​ലാ​യി​രു​ന്നു. യിസ്‌ഹാ​ക്കി​നെ അവി​ടേക്കു മാറ്റാൻ കഴിയു​മാ​യി​രു​ന്നില്ല. കാരണം യഹോവ, “നിന്റെ സന്തതിക്കു ഞാൻ ഈ ദേശം,” അതായത്‌ കനാന്യ​ദേശം, “കൊടു​ക്കു​മെന്നു” യഹോവ അബ്രാ​ഹാ​മി​നോ​ടു വാഗ്‌ദത്തം ചെയ്‌തി​രു​ന്നു. (ചെരി​ച്ചെ​ഴു​ത്തു ഞങ്ങളു​ടേത്‌.) (ഉല്‌പത്തി 24:7) അതു​കൊണ്ട്‌, അബ്രാ​ഹാം എല്യേ​സ​റി​നോട്‌ ഇങ്ങനെ പറഞ്ഞു: “എന്റെ ദേശത്തും എന്റെ ചാർച്ച​ക്കാ​രു​ടെ അടുക്ക​ലും ചെന്നു എന്റെ മകനായ യിസ്‌ഹാ​ക്കി​ന്നു ഭാര്യയെ എടുക്കു”ക.—ഉല്‌പത്തി 24:4.

ദീർഘ യാത്ര പൂർത്തി​യാ​ക്കി, കിണറ്റിൻക​ര​യിൽ വിശ്ര​മി​ച്ചു​കൊണ്ട്‌ എല്യേസർ തന്റെ ദൗത്യ​ത്തെ​ക്കു​റി​ച്ചു ചിന്തിച്ചു. രാത്രി​യി​ലേ​ക്കുള്ള വെള്ളം കോരി​ക്കൊ​ണ്ടു​പോ​കാൻ സ്‌ത്രീ​കൾ കിണറ്റിൻക​ര​യി​ലേക്കു വരു​മെന്ന്‌ അവൻ മനസ്സി​ലാ​ക്കി. അതു​കൊണ്ട്‌ അവൻ യഹോ​വ​യോ​ട​പേ​ക്ഷി​ച്ചു: “നിന്റെ പാത്രം ഇറക്കി എനിക്കു കുടി​പ്പാൻ തരേണം എന്നു ഞാൻ പറയു​മ്പോൾ: കുടിക്ക; നിന്റെ ഒട്ടകങ്ങൾക്കും കുടി​പ്പാൻ കൊടു​ക്കാ​മെന്നു പറയുന്ന സ്‌ത്രീ തന്നേ നീ നിന്റെ ദാസനായ യിസ്‌ഹാ​ക്കി​ന്നു നിയമി​ച്ച​വ​ളാ​യി​രി​ക്കട്ടെ; നീ എന്റെ യജമാ​ന​നോ​ടു കൃപ​ചെ​യ്‌തു എന്നു ഞാൻ അതിനാൽ ഗ്രഹി​ക്കും.”—ഉല്‌പത്തി 24:14.

അവൻ പ്രാർഥി​ച്ചു​കൊ​ണ്ടി​രി​ക്കെ​ത്തന്നെ റിബെക്കാ എന്നു പേരുള്ള സുന്ദരി​യായ ഒരു സ്‌ത്രീ അടുത്തു​വന്നു. “നിന്റെ പാത്ര​ത്തി​ലെ വെള്ളം കുറെ എനിക്കു കുടി​പ്പാൻ തരേണം” എന്ന്‌ എല്യേസർ അവളോ​ടു പറഞ്ഞു. വെള്ളം കൊടു​ത്ത​ശേഷം റിബെക്കാ പറഞ്ഞു: “നിന്റെ ഒട്ടകങ്ങൾക്കും വേണ്ടു​വോ​ളം ഞാൻ കോരി​ക്കൊ​ടു​ക്കാം.” അത്‌ വലി​യൊ​രു വാഗ്‌ദാ​ന​മാ​യി​രു​ന്നു, കാരണം ദാഹി​ച്ചി​രി​ക്കുന്ന ഒരു ഒട്ടകത്തിന്‌ വെറും പത്തു മിനി​റ്റു​കൊണ്ട്‌ 95 ലിറ്റർ വെള്ളം കുടി​ച്ചു​തീർക്കാൻ സാധി​ക്കും! എല്യേ​സ​റി​ന്റെ ഒട്ടകങ്ങൾ ദാഹി​ച്ചാ​ണി​രു​ന്ന​തെ​ങ്കി​ലും അല്ലെങ്കി​ലും, ചെയ്യാ​മെന്നു താൻ വാഗ്‌ദാ​നം ചെയ്‌ത ജോലി ശ്രമക​ര​മാ​ണെന്ന്‌ അവൾക്ക്‌ അറിയാ​മാ​യി​രു​ന്നി​രി​ക്കണം. തീർച്ച​യാ​യും അവൾ “പാത്ര​ത്തി​ലെ വെള്ളം വേഗം തൊട്ടി​യിൽ ഒഴിച്ചു, പിന്നെ​യും കോരി​ക്കൊ​ണ്ടു​വ​രു​വാൻ കിണറ​റി​ലേക്കു ഓടി ഇറങ്ങി അവന്റെ ഒട്ടകങ്ങൾക്കും എല്ലാം കോരി​ക്കൊ​ടു​ത്തു.”—ഉല്‌പത്തി 24:15-20.

യഹോ​വ​യു​ടെ മാർഗ​നിർദേശം മനസ്സി​ലാ​ക്കിയ എല്യേസർ റിബെ​ക്കാ​യ്‌ക്ക്‌ ഒരു പൊൻമൂ​ക്കു​ത്തി​യും രണ്ടു പൊൻവ​ള​ക​ളും നൽകി, അവയ്‌ക്ക്‌ ഇന്നത്തെ വിലയ​നു​സ​രിച്ച്‌ ഏകദേശം 50,000 രൂപ വരും. താൻ അബ്രാ​ഹാ​മി​ന്റെ സഹോ​ദ​ര​നായ നാഹോ​രി​ന്റെ പൗത്രി​യാ​ണെന്നു റിബെക്കാ പറഞ്ഞ​പ്പോൾ, എല്യേസർ ദൈവ​ത്തി​നു നന്ദി നൽകി. “യഹോവ എന്നെ എന്റെ യജമാ​നന്റെ സഹോ​ദ​ര​ന്മാ​രു​ടെ വീട്ടി​ലേക്കു നടത്തി​ക്കൊ​ണ്ടു​വ​ന്നു​വ​ല്ലോ” എന്ന്‌ അവൻ പറഞ്ഞു. (ഉല്‌പത്തി 24:22-27) എല്യേ​സ​റി​നെ റിബെ​ക്കാ​യു​ടെ വീട്ടി​ലേക്കു കൊണ്ടു​വന്നു. കാല​ക്ര​മ​ത്തിൽ, റിബെക്കാ യിസ്‌ഹാ​ക്കി​ന്റെ ഭാര്യ​യാ​യി​ത്തീർന്നു. മിശിഹാ ആയ യേശു​വി​ന്റെ പൂർവിക മാതാ​വാ​യി​ത്തീ​രുന്ന പദവി അവൾക്കു ലഭിച്ചു.

നമുക്കുള്ള പാഠങ്ങൾ

യിസ്‌ഹാ​ക്കി​നു വേണ്ടി ദൈവ​ഭ​ക്ത​യായ ഒരു ഇണയെ കണ്ടെത്തു​ന്ന​തി​നുള്ള എല്യേ​സ​റി​ന്റെ പ്രാർഥ​നാ​പൂർവ​മായ ശ്രമത്തെ യഹോവ അനു​ഗ്ര​ഹി​ച്ചു. എങ്കിലും, അബ്രാ​ഹാ​മി​ലൂ​ടെ ഒരു സന്തതിയെ ഉളവാ​ക്കു​മെ​ന്നുള്ള ദൈവ​ത്തി​ന്റെ ഉദ്ദേശ്യ​ത്തോട്‌ യിസ്‌ഹാ​ക്കി​ന്റെ വിവാഹം നേരിട്ടു ബന്ധപ്പെ​ട്ടി​രു​ന്ന​താ​യി ഓർമി​ക്കുക. അതു​കൊണ്ട്‌, ഒരിണ​യ്‌ക്കു വേണ്ടി പ്രാർഥി​ക്കുന്ന ഏവർക്കും അത്ഭുത​ക​ര​മായ വിധത്തിൽ ഇണയെ ലഭിക്കു​മെന്നു നിഗമനം ചെയ്യാൻ ഈ വൃത്താന്തം കാരണ​മാ​ക​രുത്‌. എങ്കിലും, നാം യഹോ​വ​യു​ടെ തത്ത്വങ്ങ​ളോ​ടു പറ്റിനിൽക്കു​ക​യാ​ണെ​ങ്കിൽ വിവാ​ഹ​ജീ​വി​ത​ത്തി​ന്റെ​യോ ഏകാകി​ത്വ​ത്തി​ന്റെ​യോ വെല്ലു​വി​ളി​കളെ സഹിച്ചു​നിൽക്കു​ന്ന​തി​നുള്ള ശക്തി അവൻ നമുക്കു തരും.—1 കൊരി​ന്ത്യർ 7:8, 9, 28; ഫിലി​പ്പി​യർ 4:11-13 താരത​മ്യം ചെയ്യുക.

യഹോ​വ​യു​ടെ വിധത്തിൽ കാര്യങ്ങൾ ചെയ്യു​ന്ന​തിന്‌ എല്യേസർ നല്ല ശ്രമം ചെലു​ത്തേ​ണ്ട​തു​ണ്ടാ​യി​രു​ന്നു. യഹോ​വ​യു​ടെ നിലവാ​ര​ങ്ങ​ളു​മാ​യി അനുരൂ​പ​പ്പെ​ടു​ന്നത്‌ എല്ലായ്‌പോ​ഴും എളുപ്പ​മ​ല്ലെന്നു നാമും മനസ്സി​ലാ​ക്കി​യേ​ക്കാം. ഉദാഹ​ര​ണ​ത്തിന്‌, ദിവ്യാ​ധി​പത്യ പ്രവർത്ത​ന​ത്തി​നു വിഘ്‌നം സൃഷ്ടി​ക്കാത്ത ഒരു ജോലി, ദൈവ​ഭ​യ​മുള്ള ഒരിണ, പരിപു​ഷ്ടി​പ്പെ​ടു​ത്തുന്ന സ്‌നേ​ഹി​തർ, അധമമ​ല്ലാത്ത വിനോ​ദം എന്നിവ കണ്ടെത്തുക ദുഷ്‌ക​ര​മാ​യി​രി​ക്കാം. (മത്തായി 6:33; 1 കൊരി​ന്ത്യർ 7:39; 15:33; എഫെസ്യർ 4:17-19) എന്നിരു​ന്നാ​ലും, ബൈബിൾ തത്ത്വങ്ങൾക്കു വിട്ടു​വീഴ്‌ച വരുത്താൻ വിസമ്മ​തി​ക്കു​ന്ന​വരെ നിലനിർത്താൻ യഹോ​വ​യ്‌ക്കു കഴിയും. “പൂർണ്ണ​ഹൃ​ദ​യ​ത്തോ​ടെ യഹോ​വ​യിൽ ആശ്രയിക്ക; സ്വന്ത വിവേ​ക​ത്തിൽ ഊന്നരു​തു. നിന്റെ എല്ലാ വഴിക​ളി​ലും അവനെ നിനെ​ച്ചു​കൊൾക; അവൻ നിന്റെ പാതകളെ നേരെ​യാ​ക്കും” എന്നതാണു ബൈബി​ളി​ന്റെ വാഗ്‌ദത്തം.—സദൃശ​വാ​ക്യ​ങ്ങൾ 3:5, 6.

[അടിക്കു​റി​പ്പു​കൾ]