പ്രഥമ സംഗതി​കൾ പ്രഥമ സ്ഥാനത്തു​തന്നെ വെക്കുക!

ഇന്നു വൈകു​ന്നേരം യോഗ​മുണ്ട്‌, നിങ്ങൾക്കു ജോലി​യു​മുണ്ട്‌. നിങ്ങൾ എന്തിന്‌ പ്രഥമ സ്ഥാനം നൽകും?

നിങ്ങൾ ഒരു ഭർത്താ​വും പിതാ​വും ആണ്‌. ദിവസത്തെ നീണ്ടതും കഠിന​വു​മായ ജോലി തീരാ​റാ​യി. നിങ്ങളി​പ്പോൾ സായാ​ഹ്ന​ത്തി​ലെ സഭാ​യോ​ഗ​ത്തെ​പ്പറ്റി ചിന്തി​ക്കു​ക​യാണ്‌. ഉടനെ ജോലി​സ്ഥലം വിടണം. കുളിച്ച്‌ വസ്‌ത്രം മാറി എന്തെങ്കി​ലു​മൊ​ന്നു കഴിച്ച്‌ യോഗ​ത്തി​നെ​ത്താ​നുള്ള സമയ​മേ​യു​ള്ളൂ. പെട്ടെന്ന്‌, നിങ്ങളു​ടെ തൊഴി​ലു​ടമ നിങ്ങളെ സമീപിച്ച്‌ ഓവർടൈം ചെയ്യാൻ ആവശ്യ​പ്പെ​ടു​ന്നു. അയാൾ നല്ല പ്രതി​ഫ​ല​വും വാഗ്‌ദാ​നം ചെയ്യുന്നു. നിങ്ങൾക്കാ​ണെ​ങ്കി​ലോ പണം ആവശ്യ​മാ​ണു​താ​നും.

അല്ലെങ്കിൽ നിങ്ങൾ ഒരു ഭാര്യ​യും മാതാ​വും ആണ്‌. വൈകു​ന്നേ​രത്തെ ഭക്ഷണം പാകം ചെയ്‌തു​കൊ​ണ്ടി​രി​ക്കെ നിങ്ങൾ ഇസ്‌തി​രി​യി​ടാ​നുള്ള ഒരു കൂട്ടം വസ്‌ത്രങ്ങൾ കാണുന്നു. അവയിൽ ചിലതാ​കട്ടെ നിങ്ങൾക്ക്‌ നാളെ ആവശ്യ​മു​ള്ള​തും. ‘ഞാനിന്ന്‌ യോഗ​ത്തി​നു പോയാൽ, ഇസ്‌തി​രി​യി​ടാൻ സമയ​മെ​വി​ടെ?’ എന്നു നിങ്ങൾ സ്വയം ചോദി​ക്കു​ന്നു. ഈയി​ടെ​യാണ്‌ ഒരു മുഴു​സമയ ജോലി ലഭിച്ചത്‌. അഹോ​വൃ​ത്തി​ക്കു വകതേ​ട​ലും വീട്ടു​ജോ​ലി​യും, രണ്ടും​കൂ​ടി​യാ​കു​മ്പോൾ എത്ര ബുദ്ധി​മു​ട്ടാ​ണെന്നു നിങ്ങൾക്കി​പ്പോൾ ശരിക്കും അറിയാം.

അല്ലെങ്കിൽ നിങ്ങൾ ഒരു വിദ്യാർഥി ആണ്‌. മുറി​യിൽ മേശപ്പു​റത്ത്‌ ചെയ്‌തു​തീർക്കാ​നുള്ള ഗൃഹപാ​ഠങ്ങൾ ഏറെ. അതിൽ പലതും നേരത്തെ ചെയ്‌തു​തീർക്കേ​ണ്ട​താ​യി​രു​ന്നു, പക്ഷേ നീട്ടി​വെ​ച്ച​തു​കൊ​ണ്ടാണ്‌ ഇങ്ങനെ കുന്നു​കൂ​ടി​യത്‌. ഇപ്പോൾ എല്ലാം ഒറ്റയടി​ക്കു തീർക്കണം. മാതാ​പി​താ​ക്ക​ളോട്‌ അനുവാ​ദം വാങ്ങി യോഗം മുടക്കി വീട്ടി​ലി​രു​ന്നു​കൊണ്ട്‌ ഗൃഹപാ​ഠം തീർത്താ​ലോ എന്നു നിങ്ങൾ വിചാ​രി​ക്കു​ക​യാണ്‌.

നിങ്ങൾ എന്തിനു പ്രഥമ സ്ഥാനം നൽകും: ഓവർടൈം ജോലി​ക്കോ വസ്‌ത്രം ഇസ്‌തി​രി​യി​ടു​ന്ന​തി​നോ ഗൃഹപാ​ഠ​ത്തി​നോ, അതോ സഭാ​യോ​ഗ​ത്തി​നോ? ആത്മീയ​മാ​യി പറയു​ക​യാ​ണെ​ങ്കിൽ, പ്രഥമ സംഗതി​കൾ പ്രഥമ സ്ഥാനത്തു വെക്കുക എന്നതിന്റെ അർഥ​മെന്ത്‌? യഹോ​വ​യു​ടെ വീക്ഷണം എന്ത്‌?

ഒന്നാമത്‌ വെക്കേ​ണ്ടത്‌ എന്ത്‌?

ഇസ്രാ​യേ​ല്യർക്ക്‌ പത്തു കൽപ്പനകൾ ലഭിച്ചിട്ട്‌ അധികം താമസി​യാ​തെ ഒരു മനുഷ്യൻ ശബത്തു നാളിൽ വിറകു പെറു​ക്കു​ന്ന​താ​യി കണ്ടുപി​ടി​ക്ക​പ്പെട്ടു. ഇത്‌ ന്യായ​പ്ര​മാ​ണ​ത്തിൽ കർശന​മാ​യി വിലക്കി​യി​രു​ന്ന​താണ്‌. (സംഖ്യാ​പു​സ്‌തകം 15:32-34; ആവർത്ത​ന​പു​സ്‌തകം 5:12-15) ആ കേസ്‌ നിങ്ങൾ എങ്ങനെ വിധി​ക്കു​മാ​യി​രു​ന്നു? എന്തൊ​ക്കെ​യാ​യാ​ലും, ഒരു ആർഭാട ജീവിതം നയിക്കാ​ന​ല്ല​ല്ലോ, കുടും​ബം പോറ്റാ​നല്ലേ അയാൾ പണി​യെ​ടു​ത്തത്‌ എന്നു പറഞ്ഞ്‌ അയാളെ വെറുതെ വിടു​മാ​യി​രു​ന്നോ? ശബത്ത്‌ ആചരി​ക്കാൻ വർഷത്തിൽ എത്ര​യെത്ര അവസര​ങ്ങ​ളുണ്ട്‌, മുൻകൂ​ട്ടി ആസൂ​ത്രണം ചെയ്യാ​നാ​യില്ല എന്നതി​നാൽ ഒരെണ്ണം നഷ്ടമാ​യത്‌ ക്ഷമിക്കാ​വു​ന്ന​തേ​യു​ള്ളൂ എന്നു നിങ്ങൾ വാദി​ക്കു​മാ​യി​രു​ന്നോ?

യഹോവ സംഗതി​യെ കൂടുതൽ ഗൗരവ​മാ​യി വീക്ഷിച്ചു. ബൈബിൾ ഇങ്ങനെ പ്രസ്‌താ​വി​ക്കു​ന്നു: “പിന്നെ യഹോവ മോ​ശെ​യോ​ടു: ആ മനുഷ്യൻ മരണശിക്ഷ അനുഭ​വി​ക്കേണം.” (സംഖ്യാ​പു​സ്‌തകം 15:35) ആ മനുഷ്യൻ ചെയ്‌തത്‌ യഹോവ അത്ര ഗൗരവ​മാ​യി എടുത്തത്‌ എന്തു​കൊ​ണ്ടാ​യി​രു​ന്നു?

ഭക്ഷണം, വസ്‌ത്രം, പാർപ്പി​ടം എന്നിവ​യ്‌ക്കു​വേണ്ടി കരുതാ​നും വിറകു ശേഖരി​ക്കാ​നും ആളുകൾക്ക്‌ ആറു ദിവസ​മു​ണ്ടാ​യി​രു​ന്നു. ഏഴാം ദിവസം ആത്മീയ കാര്യ​ങ്ങൾക്കു​ള്ള​താ​യി​രു​ന്നു. വിറകു പെറു​ക്കു​ന്നത്‌ തെറ്റ്‌ അല്ലെങ്കി​ലും, യഹോ​വ​യു​ടെ ആരാധ​ന​യ്‌ക്കാ​യി നീക്കി​വെ​ക്കേ​ണ്ടി​യി​രുന്ന സമയം വിറകു പെറു​ക്കു​ന്ന​തിന്‌ ഉപയോ​ഗി​ക്കു​ന്നത്‌ തെറ്റാ​യി​രു​ന്നു. ക്രിസ്‌ത്യാ​നി​കൾ മോ​ശൈക ന്യായ​പ്ര​മാ​ണ​ത്തിൻ കീഴിൽ അല്ലെങ്കി​ലും, ഇന്ന്‌ ഉചിത​മാ​യി മുൻഗ​ണ​നകൾ വെക്കു​ന്ന​തിൽ ഇതു നമ്മെ ഒരു പാഠം പഠിപ്പി​ക്കു​ന്നി​ല്ലേ?—ഫിലി​പ്പി​യർ 1:10, NW.

മരുഭൂ​മി​യിൽ 40 വർഷം ചെലവി​ട്ട​ശേഷം, ഇസ്രാ​യേ​ല്യർ വാഗ്‌ദത്ത ദേശത്തു പ്രവേ​ശി​ക്കാ​റായ സമയം. മരുഭൂ​മി​യിൽ ദൈവം പ്രദാനം ചെയ്‌തി​രുന്ന മന്ന തിന്നു മടുപ്പു തോന്നി​യി​രുന്ന ചിലർ നിസ്സം​ശ​യ​മാ​യും ഭക്ഷണത്തിൽ ഒരു മാറ്റം ആഗ്രഹി​ക്കു​ന്നു​ണ്ടാ​യി​രു​ന്നു. “പാലും തേനും ഒഴുകുന്ന” ദേശ​ത്തേക്കു പ്രവേ​ശി​ക്കവേ അവർക്കു ശരിയായ കാഴ്‌ച​പ്പാട്‌ ഉണ്ടായി​രി​ക്കു​ന്ന​തി​നു വേണ്ടി യഹോവ അവരെ ഇങ്ങനെ അനുസ്‌മ​രി​പ്പി​ച്ചു: “മനുഷ്യൻ അപ്പം​കൊ​ണ്ടു മാത്രമല്ല യഹോ​വ​യു​ടെ വായിൽനി​ന്നു പുറ​പ്പെ​ടുന്ന സകലവ​ച​നം​കൊ​ണ്ടും ജീവി​ക്കു​ന്നു.”—പുറപ്പാ​ടു 3:8; ആവർത്ത​ന​പു​സ്‌തകം 8:3.

“പാലും തേനും” ലഭിക്കു​ന്ന​തി​നു​വേണ്ടി ഇസ്രാ​യേ​ല്യർ കഠിന വേല ചെയ്യണ​മാ​യി​രു​ന്നു. അവർക്കു സൈന്യ​ങ്ങളെ തോൽപ്പി​ക്ക​ണ​മാ​യി​രു​ന്നു, വീടുകൾ നിർമി​ക്ക​ണ​മാ​യി​രു​ന്നു, കൃഷി ചെയ്യണ​മാ​യി​രു​ന്നു. എന്നിട്ടും, ആത്മീയ കാര്യ​ങ്ങളെ കുറിച്ചു ധ്യാനി​ക്കാൻ ഓരോ ദിവസ​വും സമയം മാറ്റി​വെ​ക്ക​ണ​മെന്ന്‌ യഹോവ ആ ജനത്തോ​ടു കൽപ്പിച്ചു. തങ്ങളുടെ കുട്ടി​കളെ ദൈവ​മാർഗം പഠിപ്പി​ക്കു​ന്ന​തി​നും അവർ സമയം കണ്ടെ​ത്തേ​ണ്ടി​യി​രു​ന്നു. യഹോവ പറഞ്ഞു: “വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും നിങ്ങൾ [എന്റെ കൽപ്പന​കളെ കുറിച്ച്‌] സംസാ​രി​ച്ചു​കൊ​ണ്ടു നിങ്ങളു​ടെ മക്കൾക്കു അവയെ ഉപദേ​ശി​ച്ചു​കൊ​ടു​ക്കേണം.”—ആവർത്ത​ന​പു​സ്‌തകം 11:19.

ദേശത്തെ പുരു​ഷ​ന്മാ​രായ എല്ലാ ഇസ്രാ​യേ​ല്യ​രും മതപരി​വർത്തി​ത​രും മൂന്നു പ്രാവ​ശ്യം യഹോ​വ​യു​ടെ മുമ്പാകെ വരുന്ന​തി​നു കൽപ്പി​ക്ക​പ്പെ​ട്ടി​രു​ന്നു. അത്തരം സന്ദർഭ​ങ്ങ​ളിൽനിന്ന്‌ മുഴു​കു​ടും​ബ​വും ആത്മീയ​മാ​യി പ്രയോ​ജനം അനുഭ​വി​ക്കു​മെന്നു തിരി​ച്ച​റി​ഞ്ഞു​കൊണ്ട്‌, അനേകം കുടും​ബ​നാ​ഥ​ന്മാ​രും ഭാര്യ​മാ​രെ​യും കുട്ടി​ക​ളെ​യും കൂടെ കൊണ്ടു​പോ​യി. എന്നാൽ കുടും​ബം അകലെ ആയിരി​ക്കു​മ്പോൾ വീടും വയലു​മെ​ല്ലാം ശത്രു​ക്ക​ളിൽനിന്ന്‌ ആരു സംരക്ഷി​ക്കും? യഹോവ വാഗ്‌ദാ​നം ചെയ്‌തു: “നീ സംവത്സ​ര​ത്തിൽ മൂന്നു പ്രാവ​ശ്യം നിന്റെ ദൈവ​മായ യഹോ​വ​യു​ടെ മുമ്പാകെ ചെല്ലു​വാൻ കയറി​പ്പോ​യി​രി​ക്കു​മ്പോൾ ഒരു മനുഷ്യ​നും നിന്റെ ദേശം മോഹി​ക്ക​യില്ല.” (പുറപ്പാ​ടു 34:24) ആത്മീയ സംഗതി​കൾ ഒന്നാമതു വെച്ചാൽ തങ്ങൾക്കു ഭൗതിക നഷ്ടമൊ​ന്നു​മി​ല്ലെന്ന്‌ ചിന്തി​ക്കാൻ ഇസ്രാ​യേ​ല്യർക്ക്‌ വിശ്വാ​സം ആവശ്യ​മാ​യി​രു​ന്നു. യഹോവ വാക്കു പാലി​ച്ചു​വോ? തീർച്ച​യാ​യും!

ഒന്നാമതു രാജ്യം അന്വേ​ഷി​ച്ചു​കൊ​ണ്ടി​രി​പ്പിൻ

ആത്മീയ മൂല്യ​ങ്ങൾക്ക്‌ പ്രഥമ സ്ഥാനം നൽകാൻ യേശു അനുഗാ​മി​കളെ പഠിപ്പി​ച്ചു. ഗിരി​പ്ര​ഭാ​ഷ​ണ​ത്തിൽ, അവൻ തന്റെ ശ്രോ​താ​ക്കളെ ഉപദേ​ശി​ച്ചു: “നാം എന്തു തിന്നും എന്തു കുടി​ക്കും എന്തു ഉടുക്കും എന്നിങ്ങനെ നിങ്ങൾ വിചാ​ര​പ്പെ​ട​രു​തു. . . . മുമ്പെ അവന്റെ രാജ്യ​വും നീതി​യും അന്വേ​ഷി​പ്പിൻ; അതോ​ടു​കൂ​ടെ ഇതൊ​ക്കെ​യും [അത്യാ​വശ്യ ഭൗതിക സംഗതി​കൾ] നിങ്ങൾക്കു കിട്ടും.” (മത്തായി 6:31, 33) യേശു​വി​ന്റെ മരണത്തി​നു​ശേഷം ഉടനെ​തന്നെ, പുതു​താ​യി സ്‌നാ​പ​ന​മേറ്റ ക്രിസ്‌ത്യാ​നി​കൾ ആ ഉപദേശം പിൻപറ്റി. പൊ.യു. 33-ലെ പെന്ത​ക്കോ​സ്‌ത്‌ ഉത്സവ ആഘോ​ഷ​ത്തി​നാ​യി യെരൂ​ശ​ലേ​മി​ലേക്കു യാത്ര ചെയ്‌ത യഹൂദ​ന്മാ​രോ യഹൂദ മതപരി​വർത്തി​ത​രോ ആയിരുന്ന അനേകർ അവിടെ ആയിരി​ക്കു​മ്പോൾ, അപ്രതീ​ക്ഷി​ത​മായ ഒരു സംഗതി ഉണ്ടായി. അവർ യേശു​ക്രി​സ്‌തു​വി​നെ കുറി​ച്ചുള്ള സുവാർത്ത കേട്ടു. അവർ അത്‌ സ്വീക​രി​ക്കു​ക​യും ചെയ്‌തു. പുതു​താ​യി കണ്ടെത്തിയ തങ്ങളുടെ വിശ്വാ​സത്തെ കുറിച്ചു കൂടുതൽ പഠിക്കാ​നുള്ള താത്‌പ​ര്യ​ത്തിൽ അവർ യെരൂ​ശ​ലേ​മിൽ തങ്ങി. അവരുടെ കൈയി​ലെ ഭക്ഷ്യ​ശേ​ഖരം തീരാ​റാ​യി​രു​ന്നു. എന്നാൽ അവർ ഭൗതിക സൗകര്യ​ങ്ങൾക്ക്‌ രണ്ടാം സ്ഥാനമേ നൽകി​യി​രു​ന്നു​ള്ളൂ. അവർ മിശി​ഹാ​യെ കണ്ടെത്തി​യി​രു​ന്നു! തങ്ങളുടെ കൈവശം ഉണ്ടായി​രുന്ന ഭൗതിക വസ്‌തു​ക്കൾ ക്രിസ്‌തീയ സഹോ​ദ​രങ്ങൾ അവരു​മാ​യി പങ്കു​വെച്ചു, അങ്ങനെ അവർക്കെ​ല്ലാ​വർക്കും ‘അപ്പൊ​സ്‌ത​ല​ന്മാ​രു​ടെ ഉപദേശം കേട്ടും പ്രാർത്ഥന കഴിച്ചും പോരു​ന്ന​തി​നു’ സാധിച്ചു.—പ്രവൃ​ത്തി​കൾ 2:42.

കാല​ക്ര​മേണ, ചില ക്രിസ്‌ത്യാ​നി​കൾ ക്രമമാ​യി യോഗ​ങ്ങൾക്കു പങ്കെടു​ക്കേ​ണ്ട​തി​ന്റെ പ്രാധാ​ന്യം വിസ്‌മ​രി​ച്ചു. (എബ്രായർ 10:23-25) ഒരുപക്ഷേ തങ്ങൾക്കും കുടും​ബ​ത്തി​നും സാമ്പത്തിക സുരക്ഷി​ത​ത്വം ഉറപ്പാ​ക്കാ​നുള്ള ശ്രമത്തിൽ ആത്മീയ കാര്യങ്ങൾ അവഗണിച്ച്‌ അവർ ഭൗതി​കത്വ ചിന്താ​ഗ​തി​ക്കാർ ആയിത്തീർന്ന​താ​യി​രി​ക്കാം. യോഗങ്ങൾ ഉപേക്ഷി​ക്ക​രു​തെന്ന്‌ തന്റെ സഹോ​ദ​ര​ങ്ങളെ ഉദ്‌ബോ​ധി​പ്പി​ച്ച​ശേഷം, പൗലൊസ്‌ എഴുതി: ‘നിങ്ങളു​ടെ നടപ്പു ദ്രവ്യാ​ഗ്ര​ഹ​മി​ല്ലാ​ത്ത​താ​യി​രി​ക്കട്ടെ; ഉള്ളതു​കൊ​ണ്ടു തൃപ്‌തി​പ്പെ​ടു​വിൻ; “ഞാൻ നിന്നെ ഒരുനാ​ളും കൈ വിടു​ക​യില്ല, ഉപേക്ഷി​ക്ക​യു​മില്ല” എന്നു അവൻ തന്നേ അരുളി​ച്ചെ​യ്‌തി​രി​ക്കു​ന്നു​വ​ല്ലോ.’—എബ്രായർ 13:5.

പൗലൊ​സി​ന്റെ ഉപദേശം വളരെ സമയോ​ചി​ത​മാ​യി​രു​ന്നു. പൗലൊസ്‌ എബ്രാ​യർക്കുള്ള ലേഖനം എഴുതി ഏതാണ്ട്‌ 5 വർഷം കഴിഞ്ഞ​പ്പോൾ, സെസ്റ്റ്യസ്‌ ഗാലസി​ന്റെ കീഴിൽ റോമാ സൈന്യം യെരൂ​ശ​ലേ​മി​നെ വളഞ്ഞു. വിശ്വസ്‌ത ക്രിസ്‌ത്യാ​നി​കൾ യേശു​വി​ന്റെ മുന്നറി​യിപ്പ്‌ ഓർത്തു: “[ഇതു] നിങ്ങൾ കാണു​മ്പോൾ . . . വീട്ടിൻമേൽ ഇരിക്കു​ന്നവൻ അകത്തേക്കു ഇറങ്ങി​പ്പോ​ക​യോ വീട്ടിൽനി​ന്നു വല്ലതും എടുപ്പാൻ കടക്കയോ അരുതു. വയലിൽ ഇരിക്കു​ന്നവൻ വസ്‌ത്രം എടുപ്പാൻ മടങ്ങി​പ്പോ​ക​രു​തു.” (മർക്കൊസ്‌ 13:14-16) തങ്ങളുടെ അതിജീ​വനം ആശ്രയി​ച്ചി​രു​ന്നത്‌ തങ്ങളുടെ ജോലി​യു​ടെ ഭദ്രത​യി​ലോ ഭൗതിക സ്വത്തിന്റെ മൂല്യ​ത്തി​ലോ അല്ല, മറിച്ച്‌ യേശു​വി​ന്റെ നിർദേ​ശങ്ങൾ അനുസ​രി​ക്കു​ന്ന​തി​ലാണ്‌ എന്ന്‌ അവർക്ക്‌ അറിയാ​മാ​യി​രു​ന്നു. പണസ്‌നേഹം വെടി​യാ​ഞ്ഞ​വ​രെ​ക്കാൾ, പൗലൊ​സി​ന്റെ ബുദ്ധ്യു​പ​ദേ​ശ​ത്തോ​ടു പ്രതി​ക​രിച്ച്‌ ആത്മീയ താത്‌പ​ര്യ​ങ്ങൾ ഒന്നാം സ്ഥാനത്തു വെച്ചവർക്ക്‌ വീടും ജോലി​യും വസ്‌ത്ര​ങ്ങ​ളും അമൂല്യ വസ്‌തു​വ​ക​ക​ളും വിട്ട്‌ മലയി​ലേക്ക്‌ ഓടു​ന്നത്‌ കൂടുതൽ എളുപ്പ​മാ​യി​രു​ന്നു.

ചിലർ ഇന്ന്‌ പ്രഥമ സംഗതി​കൾ പ്രഥമ സ്ഥാനത്തു​തന്നെ വെക്കുന്ന വിധം

വിശ്വസ്‌ത ക്രിസ്‌ത്യാ​നി​കൾ ഇന്ന്‌ തങ്ങളുടെ സഹോ​ദ​ര​ങ്ങ​ളു​മാ​യി ക്രമമാ​യി സഹവസി​ക്കു​ന്നത്‌ അതിയാ​യി വിലമ​തി​ക്കു​ന്നു. പലവിധ ത്യാഗങ്ങൾ സഹിച്ചി​ട്ടാണ്‌ അനേക​രും യോഗ​ങ്ങ​ളിൽ സംബന്ധി​ക്കു​ന്നത്‌. ചില പ്രദേ​ശ​ങ്ങ​ളിൽ പല ഷിഷ്‌റ്റു​ക​ളാ​യി ജോലി ചെയ്യേണ്ട അവസ്ഥയാ​ണു​ള്ളത്‌. തന്റെ പ്രദേ​ശത്തെ മിക്ക ആളുക​ളും ശനിയാഴ്‌ച രാത്രി വിനോ​ദ​ത്തി​നാ​യി ഉപയോ​ഗി​ക്കാൻ ഇഷ്ടപ്പെ​ടു​ന്ന​തു​കൊണ്ട്‌, ഒരു സഹോ​ദരൻ ആ സമയത്ത്‌ ഷിഫ്‌റ്റ്‌ തരപ്പെ​ടു​ത്തു​ന്നു. സഹോ​ദ​രന്റെ യഥാർഥ ഷിഫ്‌റ്റ്‌ സമയത്ത്‌ അദ്ദേഹ​ത്തി​നു പകരം അതു മറ്റുള്ളവർ നിർവ​ഹി​ക്കു​ന്ന​തി​നാൽ അദ്ദേഹ​ത്തി​നു യോഗ​ത്തി​നു സംബന്ധി​ക്കാ​നാ​കു​ന്നു. സ്വന്തം സഭകളി​ലെ യോഗ​ങ്ങ​ളു​ടെ സമയത്തു​തന്നെ ഷിഫ്‌റ്റ്‌ ജോലി​യു​മുള്ള മറ്റു ചില സഹോ​ദ​ര​ന്മാർ അടുത്തുള്ള സഭകളി​ലെ യോഗ​ങ്ങ​ളിൽ സംബന്ധി​ക്കു​ന്നു. അങ്ങനെ അവർക്ക്‌ ഒരു യോഗ​വും നഷ്ടപ്പെ​ടു​ന്നില്ല. കാനഡ​യി​ലെ ഒരു പുതിയ പ്രസാ​ധി​ക​യ്‌ക്ക്‌ ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ന്റെ​യും സേവന​യോ​ഗ​ത്തി​ന്റെ​യും പ്രാധാ​ന്യം പെട്ടെ​ന്നു​തന്നെ മനസ്സി​ലാ​യി. എന്നാൽ യോഗ​ങ്ങ​ളു​ടെ സമയത്തെ ഷിഫ്‌റ്റ്‌ ജോലി തടസ്സമാ​യി. അതു​കൊണ്ട്‌ അവൾ മറ്റൊരു സഹപ്ര​വർത്ത​കയെ കൂലി​കൊ​ടുത്ത്‌ തന്റെ ഷിഫ്‌റ്റ്‌ ജോലി ചെയ്യാൻ ഏർപ്പാ​ടാ​ക്കി​യി​ട്ടാണ്‌ ഈ പ്രധാ​ന​പ്പെട്ട യോഗ​ങ്ങൾക്കു സംബന്ധി​ക്കു​ന്നത്‌.

സാധാ​ര​ണ​മാ​യി ഒരു യോഗ​വും മുടക്കാത്ത മാറാ രോഗി​ക​ളും അനേക​രുണ്ട്‌. രാജ്യ​ഹാ​ളിൽ സംബന്ധി​ക്കാൻ സാധി​ക്കാ​ത്ത​പ്പോൾ അവർ വീട്ടിൽ ഇരുന്നു​കൊണ്ട്‌ ടെല​ഫോ​ണി​ലൂ​ടെ​യോ ടേപ്‌റെ​ക്കോർഡ​റി​ലൂ​ടെ​യോ പരിപാ​ടി ശ്രദ്ധി​ക്കു​ന്നു. “വിശ്വ​സ്‌ത​നും വിവേ​കി​യു​മായ അടിമ”യിലൂ​ടെ​യുള്ള യഹോ​വ​യു​ടെ ആത്മീയ കരുത​ലു​ക​ളോട്‌ അവർ കാട്ടുന്ന വിലമ​തിപ്പ്‌ പ്രശം​സ​നീ​യം​തന്നെ! (മത്തായി 24:45, NW) വൃദ്ധരായ മാതാ​പി​താ​ക്കളെ പരിപാ​ലി​ക്കുന്ന ക്രിസ്‌ത്യാ​നി സഭാ​യോ​ഗ​ങ്ങ​ളിൽ സംബന്ധി​ക്കാൻ കഴി​യേ​ണ്ട​തിന്‌ ഒരു സഹോ​ദ​ര​നോ സഹോ​ദ​രി​യോ പകരം നിൽക്കാ​മെന്ന്‌ ഏൽക്കു​ന്നത്‌ അവർ സത്യമാ​യും വിലമ​തി​ക്കും.

മുന്നമേ ആസൂ​ത്രണം ചെയ്യുക!

തങ്ങളുടെ ആത്മീയ ആവശ്യ​ങ്ങ​ളെ​ക്കു​റി​ച്ചു ബോധ​മുള്ള മാതാ​പി​താ​ക്കൾ തങ്ങളുടെ കുട്ടികൾ ക്രിസ്‌തീയ യോഗ​ങ്ങളെ വിലമ​തി​ക്കാൻ അവരെ സഹായി​ക്കു​ന്നു. പൊതു​വേ, തങ്ങളുടെ കുട്ടികൾ ഗൃഹപാ​ഠങ്ങൾ കൂട്ടി​ക്കൂ​ട്ടി വെക്കു​ന്ന​തി​നു പകരം ഓരോ ദിവസ​ത്തേ​തും അന്നുതന്നെ ചെയ്‌തു​തീർക്കാ​നാ​കും അവർ പ്രതീ​ക്ഷി​ക്കുക. യോഗ​ങ്ങ​ളുള്ള രാത്രി​ക​ളിൽ, കുട്ടികൾ സ്‌കൂ​ളിൽനി​ന്നു മടങ്ങി​യെ​ത്തി​യാ​ലു​ടൻ ഗൃഹപാ​ഠം ചെയ്യുന്നു. യോഗങ്ങൾ മുടക്കി ഹോബി​ക​ളി​ലോ മറ്റു പ്രവർത്ത​ന​ങ്ങ​ളി​ലോ ഏർപ്പെ​ടാൻ അവരെ അനുവ​ദി​ക്കു​ന്നില്ല.

ഭർത്താ​വും പിതാ​വും എന്ന നിലയിൽ, നിങ്ങൾ യോഗ​ങ്ങ​ളിൽ സംബന്ധി​ക്കു​ന്ന​തി​നു മുൻഗണന നൽകു​ന്നു​ണ്ടോ? ഭാര്യ​യും മാതാ​വും എന്ന നിലയിൽ, യോഗ​ങ്ങൾക്കു സംബന്ധി​ക്കാൻ പാകത്തിൽ നിങ്ങൾ ഉത്തരവാ​ദി​ത്വ​ങ്ങൾ ആസൂ​ത്രണം ചെയ്യാൻ ശ്രമി​ക്കു​ന്നു​ണ്ടോ? ഒരു കൗമാ​ര​പ്രാ​യ​ക്കാ​രൻ എന്ന നിലയിൽ, നിങ്ങൾ ഗൃഹപാ​ഠ​ത്തെ​ക്കാൾ പ്രാധാ​ന്യം കൊടു​ക്കു​ന്നത്‌ യോഗ​ങ്ങൾക്കാ​ണോ അതോ മറിച്ചാ​ണോ?

സഭാ​യോ​ഗം യഹോ​വ​യു​ടെ സ്‌നേ​ഹ​പൂർവ​ക​മായ ഒരു കരുത​ലാണ്‌. ആ ക്രമീ​ക​ര​ണ​ത്തിൽ പങ്കു​കൊ​ള്ളു​ന്ന​തിന്‌ സകല ശ്രമവും ചെയ്യണം. നിങ്ങൾ പ്രഥമ സംഗതി​കൾ പ്രഥമ സ്ഥാനത്തു വെക്കു​ന്നെ​ങ്കിൽ, യഹോവ നിങ്ങളെ സമൃദ്ധ​മാ​യി അനു​ഗ്ര​ഹി​ക്കും!