ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

ജൂലൈ 6-12

ദൈവ​വ​ച​ന​ത്തി​ലെ നിധികൾ | പുറപ്പാട്‌ 6–7

“ഫറവോ​നോ​ടു ഞാൻ ചെയ്യാൻപോ​കു​ന്നതു നീ ഇപ്പോൾ കാണും”

it-2-E 436 ¶3

മോശ

ഇസ്രാ​യേ​ല്യ​പു​രു​ഷ​ന്മാർ ആദ്യം മോശയെ അംഗീ​ക​രി​ച്ചു. പക്ഷേ പിന്നീട്‌ ഫറവോ​ന്റെ കല്‌പ​ന​യു​ടെ ഫലമായി കൂടുതൽ കഠിനാ​ധ്വാ​നം ചെയ്യേ​ണ്ടി​വ​ന്ന​പ്പോൾ അവർ മോശ​യ്‌ക്കെ​തി​രെ പരാതി​പ്പെട്ടു. അവരുടെ വാക്കുകൾ അത്ര രൂക്ഷമാ​യി​രു​ന്ന​തു​കൊണ്ട്‌ മോശ​യ്‌ക്കു നിരു​ത്സാ​ഹം തോന്നു​ക​യും മോശ യഹോ​വ​യോ​ടു സങ്കടം പറയു​ക​യും ചെയ്‌തു. (പുറ 4:29-31; 5:19-23) അത്യു​ന്ന​ത​നായ ദൈവം എങ്ങനെ​യാ​ണു മോശയെ ശക്തി​പ്പെ​ടു​ത്തി​യത്‌? ഇസ്രാ​യേ​ല്യ​രെ മോചി​പ്പിച്ച്‌ അവരെ വാഗ്‌ദ​ത്ത​ദേ​ശത്ത്‌ ഒരു വലിയ ജനതയാ​ക്കി​ക്കൊണ്ട്‌ യഹോവ എന്ന പേരിന്റെ പൂർണ​മായ അർഥം വെളി​പ്പെ​ടു​ത്തു​മെന്നു ദൈവം പറഞ്ഞു. അങ്ങനെ അബ്രാ​ഹാ​മും യിസ്‌ഹാ​ക്കും യാക്കോ​ബും കാത്തി​രുന്ന കാര്യം താൻ നിവർത്തി​ക്കാൻ പോകു​ക​യാ​ണെന്നു വെളി​പ്പെ​ടു​ത്തി. (പുറ 6:1-8) എന്നിട്ടും ഇസ്രാ​യേ​ല്യ​പു​രു​ഷ​ന്മാർ മോശയെ ശ്രദ്ധി​ക്കാൻ കൂട്ടാ​ക്കി​യില്ല. എന്നാൽ ഒൻപതാ​മത്തെ ബാധയ്‌ക്കു ശേഷം അവർ മോശ​യ്‌ക്കു പൂർണ​പി​ന്തുണ കൊടു​ത്തു. അതു​കൊ​ണ്ടാണ്‌ പത്താമത്തെ ബാധ കഴിഞ്ഞ​പ്പോൾ അവരെ “സൈനി​ക​ഗ​ണ​ങ്ങ​ളെ​പ്പോ​ലെ” ക്രമീ​കൃ​ത​മാ​യി ഈജി​പ്‌തിൽനിന്ന്‌ പുറ​ത്തേക്കു കൊണ്ടു​പോ​കാൻ മോശ​യ്‌ക്കു കഴിഞ്ഞത്‌.​—പുറ 13:18.

it-2-E 436 ¶1-2

മോശ

ഈജി​പ്‌തി​ലെ ഫറവോ​ന്റെ മുന്നിൽ. മോശ​യും അഹരോ​നും ‘ദൈവങ്ങൾ തമ്മിലുള്ള യുദ്ധത്തി​ന്റെ’ ഇടയിലെ രണ്ടു പ്രധാന കഥാപാ​ത്ര​ങ്ങ​ളാ​യി. യഹോ​വ​യു​ടെ ശക്തിക്ക്‌ എതിരെ ഫറവോൻ, യന്നേസി​ന്റെ​യും യം​ബ്രേ​സി​ന്റെ​യും (2തിമ 3:8) നേതൃ​ത്വ​ത്തിൽ മന്ത്രവാ​ദം ചെയ്യുന്ന പുരോ​ഹി​ത​ന്മാ​രി​ലൂ​ടെ ഈജി​പ്‌തി​ലെ എല്ലാ ദൈവ​ങ്ങ​ളു​ടെ​യും ശക്തി സമാഹ​രി​ച്ചു. മോശ​യു​ടെ നിർദേ​ശ​പ്ര​കാ​രം ഫറവോ​ന്റെ മുന്നിൽ അഹരോൻ ആദ്യം ചെയ്‌ത അത്ഭുതം ഈജി​പ്‌തി​ലെ ദൈവ​ങ്ങ​ളു​ടെ മേൽ യഹോ​വ​യു​ടെ മേൽക്കൈ തെളി​യി​ക്കു​ന്ന​താ​യി​രു​ന്നു, എന്നിട്ടും ഫറവോ​ന്റെ ഹൃദയം കൂടുതൽ കഠിന​മാ​യി. (പുറ 7:8-13) എന്നാൽ മൂന്നാ​മത്തെ ബാധയ്‌ക്കു ശേഷം അവിടത്തെ പുരോ​ഹി​ത​ന്മാർക്കു​പോ​ലും “ഇതു ദൈവ​ത്തി​ന്റെ വിരലാണ്‌” എന്നു സമ്മതി​ക്കേ​ണ്ടി​വന്നു. പിന്നീട്‌ പരുക്ക​ളു​ടെ ബാധ അവരെ അത്ര ഗുരു​ത​ര​മാ​യി ബാധി​ച്ച​തു​കൊണ്ട്‌ മോശയെ എതിർക്കു​ന്ന​തിന്‌ ഫറവോ​ന്റെ മുന്നിൽ വരാൻപോ​ലും അവർക്കു കഴിഞ്ഞില്ല.​—പുറ 8:16-19; 9:10-12.

ബാധകൾ ചിലരു​ടെ ഹൃദയം മയപ്പെ​ടു​ത്തു​ക​യും ചിലരു​ടേത്‌ കഠിന​മാ​ക്കു​ക​യും ചെയ്‌തു. ഓരോ ബാധയും വരുന്ന​തി​നു മുമ്പ്‌ അതു വരുന്ന കാര്യം മോശ​യും അഹരോ​നും അറിയി​ച്ചു. അവർ പറഞ്ഞതു​പോ​ലെ ബാധകൾ വന്നു. മോശയെ യഹോവ അയച്ചതാ​ണെന്ന്‌ അത്‌ തെളി​യി​ച്ചു. യഹോ​വ​യു​ടെ പേര്‌ ഈജി​പ്‌തി​ലെ​ങ്ങും ചർച്ച ചെയ്യ​പ്പെട്ടു. ആ പേര്‌ ആളുകളെ രണ്ടു രീതി​യിൽ സ്വാധീ​നി​ച്ചു. ഇസ്രാ​യേ​ല്യ​രു​ടെ​യും ചില ഈജി​പ്‌തു​കാ​രു​ടെ​യും കാര്യ​ത്തിൽ, അവരുടെ ഹൃദയം മയപ്പെട്ടു. എന്നാൽ, ഫറവോ​ന്റെ​യും അദ്ദേഹത്തെ പിന്തു​ണ​യ്‌ക്കു​ന്ന​വ​രു​ടെ​യും ഹൃദയം കഠിന​മാ​യി. (പുറ 9:16; 11:10; 12:29-39) തങ്ങളുടെ ദൈവ​ങ്ങ​ളു​ടെ അപ്രീ​തി​കൊ​ണ്ടല്ല ഈ ബാധകൾ വന്നതെ​ന്നും മറിച്ച്‌, യഹോവ ആ ദൈവ​ങ്ങളെ ന്യായം വിധി​ക്കു​ക​യാ​യി​രു​ന്നെ​ന്നും ഈജി​പ്‌തു​കാർ തിരി​ച്ച​റി​ഞ്ഞു. ഒൻപത്‌ ബാധകൾ കഴിഞ്ഞ​പ്പോ​ഴേ​ക്കും, “മോശ​ത​ന്നെ​യും . . . ഈജി​പ്‌ത്‌ ദേശത്ത്‌, ഫറവോ​ന്റെ ദാസരു​ടെ ഇടയി​ലും ജനത്തിന്റെ ഇടയി​ലും, അങ്ങേയറ്റം ആദരണീ​യ​നാ​യി​ത്തീർന്നി​രു​ന്നു.”​—പുറ 11:3.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-1-E 78 ¶3-4

സർവശക്തൻ

അബ്രാ​ഹാ​മിന്‌ യിസ്‌ഹാക്ക്‌ ജനിക്കു​മെന്ന്‌ വാക്കു കൊടു​ത്ത​പ്പോൾ യഹോവ “സർവശ​ക്ത​നായ ദൈവം” (ഏൽ ഷദ്ദായി) എന്ന സ്ഥാന​പ്പേര്‌ ഉപയോ​ഗി​ച്ചു. ആ വാഗ്‌ദാ​നം നടക്കു​മെന്ന്‌ അബ്രാ​ഹാ​മിന്‌ ഉറപ്പു​ണ്ടാ​യി​രി​ക്ക​ണ​മെ​ങ്കിൽ അത്‌ നടപ്പാ​ക്കാ​നുള്ള യഹോ​വ​യു​ടെ ശക്തിയിൽ അബ്രാ​ഹാ​മി​നു വലിയ വിശ്വാ​സം ആവശ്യ​മാ​യി​രു​ന്നു. പിന്നീട്‌, അബ്രാഹാമ്യ ഉടമ്പടിയുടെ പിന്തു​ടർച്ച​ക്കാ​രാ​യി യിസ്‌ഹാ​ക്കി​നെ​യും യാക്കോ​ബി​നെ​യും അനു​ഗ്ര​ഹി​ക്കു​മെന്ന്‌ പറയു​മ്പോ​ഴാണ്‌ ദൈവ​ത്തെ​പ്പറ്റി ഈ സ്ഥാന​പ്പേര്‌ വീണ്ടും ഉപയോ​ഗി​ക്കു​ന്നത്‌.​—ഉൽ 17:1; 28:3; 35:11; 48:3.

ഇതിനു ചേർച്ച​യിൽ യഹോ​വ​യ്‌ക്ക്‌ മോശ​യോട്‌ ഇങ്ങനെ പറയാൻ കഴിഞ്ഞു: “യഹോവ എന്ന എന്റെ പേര്‌ ഞാൻ അബ്രാ​ഹാ​മി​നും യിസ്‌ഹാ​ക്കി​നും യാക്കോ​ബി​നും വെളി​പ്പെ​ടു​ത്തി​യി​ല്ലെ​ങ്കി​ലും സർവശ​ക്ത​നായ ദൈവ​മാ​യി (ബേഏൽ ഷദ്ദായി) ഞാൻ അവർക്കു പ്രത്യ​ക്ഷ​പ്പെ​ടാ​റു​ണ്ടാ​യി​രു​ന്നു.” (പുറ 6:3) ഈ ഗോ​ത്ര​പി​താ​ക്ക​ന്മാർക്ക്‌ യഹോവ എന്ന പേര്‌ അറിയാൻ പാടി​ല്ലാ​യി​രു​ന്നു എന്ന്‌ ഇതിന്‌ അർഥമില്ല. കാരണം, അവരും അവർക്ക്‌ മുമ്പു​ണ്ടാ​യി​രുന്ന പലരും ഈ പേര്‌ കൂടെ​ക്കൂ​ടെ ഉപയോ​ഗി​ച്ചി​രു​ന്നു. (ഉൽ 4:1, 26; 14:22; 27:27; 28:16) ഗോ​ത്ര​പി​താ​ക്ക​ന്മാ​രു​ടെ ജീവച​രി​ത്രം പ്രതി​പാ​ദി​ക്കുന്ന ഉൽപത്തി പുസ്‌ത​ക​ത്തിൽ “സർവശക്തൻ” എന്ന പദം 6 പ്രാവ​ശ്യം ഉപയോ​ഗി​ക്കു​മ്പോൾ ആ പുസ്‌ത​ക​ത്തിൽ യഹോവ എന്ന ദൈവ​ത്തി​ന്റെ വ്യക്തി​പ​ര​മായ പേര്‌ 172 പ്രാവ​ശ്യം ഉപയോ​ഗി​ച്ചി​ട്ടുണ്ട്‌. ഈ ഗോ​ത്ര​പി​താ​ക്ക​ന്മാർ ദൈവ​ത്തിന്‌ സർവശക്തൻ എന്ന സ്ഥാന​പ്പേ​രിന്‌ അവകാ​ശ​വും യോഗ്യ​ത​യും ഉണ്ടെന്ന്‌ അവരുടെ വ്യക്തി​പ​ര​മായ അനുഭ​വ​ത്തി​ലൂ​ടെ മനസ്സി​ലാ​ക്കി​യി​രു​ന്നു. എന്നാൽ, അവർക്ക്‌ യഹോവ എന്ന പേരിന്റെ പൂർണ​മായ അർഥമോ പ്രാധാ​ന്യ​മോ മനസ്സി​ലാ​ക്കാൻ അവസരം കിട്ടി​യി​രു​ന്നില്ല. ഇതി​നോ​ടുള്ള ബന്ധത്തിൽ ബൈബിൾചി​ത്ര നിഘണ്ടു (ഇംഗ്ലീഷ്‌) (വാല്യം 1, പേ. 572) ഇങ്ങനെ അഭി​പ്രാ​യ​പ്പെ​ടു​ന്നു: “ഗോ​ത്ര​പി​ത്രാ​ക്ക​ന്മാർക്കു തന്നെത്തന്നെ വെളി​പ്പെ​ടു​ത്തി​യ​പ്പോൾ ദൈവം നൽകിയ വാഗ്‌ദാ​നങ്ങൾ ഒരു വിദൂ​ര​ഭാ​വി​യിൽ നിറ​വേ​റേ​ണ്ട​താ​യി​രു​ന്നു. അതു​കൊ​ണ്ടു​തന്നെ യാഹ്‌വെ ആ വാഗ്‌ദാ​നങ്ങൾ നിവർത്തി​ക്കാൻ ശക്തിയുള്ള (സദ്ദായിക്ക്‌ ഇങ്ങനെ ഒരു അർഥവു​മുണ്ട്‌) ഒരു ദൈവ​മാ​ണെന്ന (ഏൽ) ഉറപ്പാണ്‌ അവർക്ക്‌ അപ്പോൾ കിട്ടേ​ണ്ടി​യി​രു​ന്നത്‌. എന്നാൽ മുൾപ്പ​ടർപ്പിൽവെച്ച്‌ ദൈവം നടത്തിയ വെളി​പ്പെ​ടു​ത്തൽ കൂടുതൽ വിശദാം​ശങ്ങൾ ഉൾപ്പെ​ടു​ന്ന​തും വിപു​ല​വും ആയിരു​ന്നു. അത്രയും നാൾ അവർക്കു യാഹ്‌വെ എന്ന പേര്‌ അറിയാ​മാ​യി​രു​ന്നെ​ങ്കി​ലും ഇപ്പോൾ അവർക്ക്‌ അതിന്റെ അർഥം കുറെ​ക്കൂ​ടെ വ്യക്തമാ​യി. ജനത്തിന്റെ ആവശ്യ​ങ്ങ​ളിൽ തന്റെ ശക്തി തെളി​യി​ച്ചു​കൊണ്ട്‌ ദൈവം എപ്പോ​ഴും അവരുടെ കൂടെ​യു​ണ്ടാ​യി​രി​ക്കു​മെന്ന ഉറപ്പ്‌ ആ പേരിൽ അടങ്ങി​യി​ട്ടു​ണ്ടെന്ന്‌ അവർക്ക്‌ ഇപ്പോൾ മനസ്സി​ലാ​യി.”

it-2-E 435 ¶5

മോശ

തടസ്സം പറഞ്ഞതിന്‌ മോശയെ അയോ​ഗ്യ​നാ​ക്കി​യില്ല. മോശ ദൈവ​ത്തോ​ടു തനിക്ക്‌ ഒഴു​ക്കോ​ടെ സംസാ​രി​ക്കാ​നുള്ള കഴിവി​ല്ലെന്ന്‌ തടസ്സം പറഞ്ഞു. മോശ ഒരുപാ​ടു മാറി​പ്പോ​യി! 40 വർഷം മുമ്പ്‌ സ്വന്തനി​ല​യിൽ ഇസ്രാ​യേ​ല്യ​രെ മോചി​പ്പി​ക്കാൻ ഇറങ്ങി​പ്പു​റ​പ്പെട്ട മോശ​യിൽനിന്ന്‌ എത്ര വ്യത്യ​സ്‌തൻ! മോശ പിന്നെ​യും മുടക്കം പറഞ്ഞു​കൊ​ണ്ടി​രു​ന്നു, അവസാനം തന്നെ ഇതിൽനിന്ന്‌ ഒഴിവാ​ക്കി​ത്ത​രേ​ണമേ എന്നുവരെ അപേക്ഷി​ച്ചു. ഇതു കേട്ട​പ്പോൾ യഹോ​വ​യ്‌ക്ക്‌ ദേഷ്യം തോന്നി​യെ​ങ്കി​ലും മോശയെ തള്ളിക്ക​ള​ഞ്ഞില്ല. പകരം, മോശ​യ്‌ക്കു​വേണ്ടി സംസാ​രി​ക്കാൻ ഒരു സഹായി​യാ​യി അഹരോ​നെ നൽകി. അങ്ങനെ, മോശ ദൈവ​ത്തി​ന്റെ പ്രതി​നി​ധി​യാ​യി​രു​ന്ന​തു​പോ​ലെ മോശ​യ്‌ക്കു വേണ്ടി സംസാ​രിച്ച അഹരോ​നു മോശ ‘ദൈവ​മാ​യി.’ പിന്നീട്‌, ഇസ്രാ​യേ​ലി​ലെ പ്രായ​മേ​റിയ പുരു​ഷ​ന്മാ​രു​മാ​യും ഫറവോ​നു​മാ​യും (40 വർഷം മുമ്പ്‌ മോശ ഓടി​പ്പോയ സമയത്തെ ഫറവോ​ന്റെ ഒരു പിൻഗാ​മി) നടന്ന കൂടി​ക്കാ​ഴ്‌ച​ക​ളിൽ പറയാ​നുള്ള നിർദേ​ശ​ങ്ങ​ളും കല്‌പ​ന​ക​ളും ദൈവം മോശ​യ്‌ക്കു കൊടു​ത്തു. മോശ അത്‌ അഹരോ​നു കൈമാ​റി. മോശ സംസാ​രി​ക്കേണ്ട സന്ദർഭ​ങ്ങ​ളിൽ യഥാർഥ​ത്തിൽ സംസാ​രി​ച്ചത്‌ അഹരോ​നാ​യി​രി​ക്കണം. (പുറ 2:23; 4:10-17) പിന്നീട്‌ ഒരു അവസര​ത്തിൽ, യഹോവ അഹരോ​നെ മോശ​യു​ടെ ‘പ്രവാ​ചകൻ’ എന്നു വിളിച്ചു. എന്താണ്‌ അതിന്റെ അർഥം? മോശ ദൈവ​ത്തിൽനിന്ന്‌ നിർദേ​ശങ്ങൾ സ്വീക​രിച്ച്‌ പ്രവാ​ച​ക​നാ​യി സേവി​ക്കു​ന്ന​തു​പോ​ലെ അഹരോൻ മോശ​യിൽനിന്ന്‌ നിർദേ​ശങ്ങൾ സ്വീക​രി​ക്കു​ക​യും അനുസ​രി​ക്കു​ക​യും വേണം. കൂടാതെ, താൻ മോശയെ “ഫറവോ​നു ദൈവ​മാ​ക്കി​യി​രി​ക്കു​ന്നു” എന്നും ദൈവം പറഞ്ഞു. മോശ​യ്‌ക്ക്‌ ഫറവോ​ന്റെ മേൽ ദൈവി​ക​മായ ശക്തിയും അധികാ​ര​വും കൊടു​ത്തി​ട്ടു​ണ്ടെ​ന്നും മോശ ഈജി​പ്‌തി​ലെ രാജാ​വി​നെ ഭയപ്പെ​ടേണ്ട ഒരു കാര്യ​വു​മി​ല്ലെ​ന്നും ആണ്‌ ദൈവം അർഥമാ​ക്കി​യത്‌.​—പുറ 7:1, 2.

ജൂലൈ 13-19

ദൈവ​വ​ച​ന​ത്തി​ലെ നിധികൾ | പുറപ്പാട്‌ 8–9

“അഹങ്കാ​രി​യായ ഫറവോൻ താൻ ദൈ​വോ​ദ്ദേ​ശ്യ​ത്തി​നു ചേർച്ച​യിൽ പ്രവർത്തി​ക്കു​ക​യാ​ണെന്നു തിരി​ച്ച​റി​ഞ്ഞില്ല”

it-2-E 1040-1041

കടും​പി​ടു​ത്തം

മനുഷ്യ​രോ​ടുള്ള യഹോ​വ​യു​ടെ ഇടപെ​ട​ലു​കൾ നോക്കി​യാൽ ഒരു കാര്യം മനസ്സി​ലാ​ക്കാം, വ്യക്തി​ക​ളും ജനതക​ളും മരണശിക്ഷ അർഹി​ക്കു​ന്നു​ണ്ടെ​ങ്കിൽപ്പോ​ലും പെട്ടെന്ന്‌ ആ ശിക്ഷ നടപ്പാ​ക്കാ​തി​രു​ന്നു​കൊണ്ട്‌ യഹോവ ക്ഷമ കാണി​ക്കാ​റുണ്ട്‌. (ഉൽ 15:16; 2പത്ര 3:9) യഹോവ ക്ഷമയോ​ടെ കാത്തി​രി​ക്കുന്ന ആ സമയത്ത്‌ തങ്ങൾ ദൈവ​ത്തി​ന്റെ കരുണ​യ്‌ക്കു യോഗ്യ​രാ​ണെന്നു കാണി​ച്ചു​കൊണ്ട്‌ ചിലർ അനുകൂ​ല​മാ​യി പ്രതി​ക​രി​ച്ചി​രി​ക്കു​ന്നു. (യോശ 2:8-14; 6:22, 23; 9:3-15) എന്നാൽ മറ്റു ചിലർ യഹോ​വ​യ്‌ക്കും ദൈവ​ജ​ന​ത്തി​നും എതിരെ തങ്ങളുടെ ഹൃദയം കൂടുതൽ കഠിന​മാ​ക്കി​യി​രി​ക്കു​ന്നു. (ആവ 2:30-33; യോശ 11:19, 20) ആളുകൾ ശാഠ്യം കാണി​ക്കു​ന്നെ​ങ്കിൽ യഹോവ അവരെ തടയില്ല, ആ അർഥത്തിൽ യഹോവ ‘അവരുടെ ഹൃദയം കഠിന​മാ​കാൻ അനുവ​ദി​ക്കു​ന്നു,’ അല്ലെങ്കിൽ ‘അവരുടെ ഹൃദയങ്ങൾ കഠിന​മാ​ക്കു​ന്നു.’ അവസാനം, ശാഠ്യ​ക്കാ​രു​ടെ മേൽ യഹോവ ന്യായ​വി​ധി നടത്തു​മ്പോൾ, യഹോ​വ​യു​ടെ മഹാശക്തി എല്ലാവ​രും കാണാ​നും യഹോ​വ​യു​ടെ നാമം പ്രസി​ദ്ധ​മാ​കാ​നും അത്‌ അവസര​മൊ​രു​ക്കും.​—പുറ 4:21; യോഹ 12:40; റോമ 9:14-18.

it-2-E 1181 ¶3-5

ദുഷ്ടത

ദുഷ്ടന്മാ​രായ ആളുക​ളെ​ക്കൊ​ണ്ടു​പോ​ലും തന്റെ ഉദ്ദേശ്യം നിറ​വേ​റ്റുന്ന രീതി​യിൽ യഹോവ സാഹച​ര്യ​ങ്ങൾ ക്രമീ​ക​രി​ച്ചി​ട്ടുണ്ട്‌. ആ ദുഷ്ടന്മാർ തന്നെ എതിർക്കു​ന്ന​വ​രാ​ണെ​ങ്കി​ലും വിശ്വ​സ്‌ത​രായ തന്റെ ദാസന്മാ​രെ സംരക്ഷി​ക്കാൻവേണ്ടി അവർക്കു കടിഞ്ഞാ​ണി​ടാൻ യഹോ​വ​യ്‌ക്കു കഴിയും. ദുഷ്ടന്മാ​രു​ടെ പ്രവൃ​ത്തി​കൾപോ​ലും തന്റെ ഭാഗത്തെ നീതി കാണി​ക്കാ​നുള്ള അവസര​ങ്ങ​ളാ​യി ഉപയോ​ഗി​ക്കാ​നും യഹോ​വ​യ്‌ക്കു കഴിയും. (റോമ 3:3-5, 23-26; 8:35-39; സങ്ക 76:10) ഈ ആശയമാണ്‌ സുഭാ​ഷി​തങ്ങൾ 16:4-ൽ (സത്യ​വേ​ദ​പു​സ്‌തകം) കാണു​ന്നത്‌: “യഹോവ സകല​ത്തെ​യും തന്റെ ഉദ്ദേശ​ത്തി​ന്നാ​യി ഉണ്ടാക്കി​യി​രി​ക്കു​ന്നു; അനർത്ഥ​ദി​വ​സ​ത്തി​ന്നാ​യി ദുഷ്ട​നെ​യും കൂടെ.”

അടിമ​ക​ളാ​യ ഇസ്രാ​യേ​ല്യ​രെ വിട്ടയ​യ്‌ക്കാൻ തന്റെ ദാസന്മാ​രായ മോശ​യെ​യും അഹരോ​നെ​യും ഉപയോ​ഗിച്ച്‌ യഹോവ ഫറവോ​നോട്‌ ആവശ്യ​പ്പെട്ടു. ഈജി​പ്‌തി​ലെ ആ ഭരണാ​ധി​കാ​രി​യെ യഹോവ ദുഷ്ടനാ​ക്കി​യതല്ല. പക്ഷേ, യഹോവ ഫറവോ​നെ തുടർന്നും ജീവി​ക്കാൻ അനുവ​ദി​ച്ചു. അതു​പോ​ലെ, ഫറവോൻ ദുഷ്ടനാ​ണെ​ന്നും മരണശി​ക്ഷ​യ്‌ക്ക്‌ അർഹനാ​ണെ​ന്നും വ്യക്തമാ​കുന്ന സാഹച​ര്യ​ങ്ങൾ യഹോവ കൊണ്ടു​വന്നു. യഹോ​വ​യു​ടെ ഉദ്ദേശ്യം എന്തായി​രു​ന്നെന്ന്‌ പുറപ്പാട്‌ 9:16-ൽ കാണാം: “എന്റെ ശക്തി നിന്നെ കാണി​ക്കാ​നും ഭൂമി​യി​ലെ​ങ്ങും എന്റെ പേര്‌ പ്രസി​ദ്ധ​മാ​ക്കാ​നും വേണ്ടി മാത്ര​മാ​ണു നിന്നെ ജീവ​നോ​ടെ വെച്ചി​രി​ക്കു​ന്നത്‌.”

ഈജി​പ്‌തി​നു മേൽ വന്ന പത്തു ബാധക​ളും ഏറ്റവും ഒടുവിൽ ഫറവോ​നും പടയാ​ളി​ക​ളും ചെങ്കട​ലിൽ മുങ്ങി​മ​രി​ച്ച​തും യഹോ​വ​യു​ടെ അത്ഭുതാ​വ​ഹ​മായ ശക്തിയു​ടെ പ്രകട​ന​മാ​യി​രു​ന്നു. (പുറ 7:14–12:30; സങ്ക 78:43-51; 136:15) വർഷങ്ങൾ കഴിഞ്ഞി​ട്ടും ചുറ്റു​മുള്ള രാജ്യ​ങ്ങ​ളി​ലെ ആളുകൾ അതി​നെ​ക്കു​റിച്ച്‌ സംസാ​രി​ച്ചി​രു​ന്നു. അങ്ങനെ ദൈവ​നാ​മം ഭൂമി​യി​ലെ​ങ്ങും പ്രസി​ദ്ധ​മാ​യി. (യോശ 2:10, 11; 1ശമു 4:8) ഫറവോ​നെ അപ്പോൾത്തന്നെ വധിച്ചി​രു​ന്നെ​ങ്കിൽ ദൈവ​ത്തി​ന്റെ മഹത്ത്വ​ത്തി​നും ദൈവ​ജ​ന​ത്തി​ന്റെ വിടു​ത​ലി​നും വേണ്ടി ദൈവം തന്റെ മഹാശക്തി ഉപയോ​ഗി​ക്കു​ന്നതു കാണാൻ കഴിയി​ല്ലാ​യി​രു​ന്നു.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-1-E 878

രക്തം കുടി​ക്കുന്ന ഈച്ച

ഈജി​പ്‌തു​കാ​രു​ടെ മേൽ നാലാ​മത്തെ ബാധയാ​യി വന്ന ഈച്ചയെ കുറി​ക്കാൻ മൂല എബ്രായ ഭാഷയിൽ ഉപയോ​ഗി​ച്ചി​രി​ക്കുന്ന പദം കൃത്യ​മാ​യി ഏതു തരം ഈച്ച​യെ​യാണ്‌ സൂചി​പ്പി​ക്കു​ന്ന​തെന്ന്‌ തീർത്തു​പ​റ​യാ​നാ​കില്ല.​—പുറ 8:21, 22, 24, 29, 31; സങ്ക 78:45; 105:31.

ഇത്‌ ഒരുപക്ഷേ ബോട്ട്‌ഫ്‌ളൈ, കുതി​ര​യീച്ച തുടങ്ങി​യ​വ​പോ​ലുള്ള ഒരു ഇനം ഈച്ചയാ​കാം. പെൺ കുതി​ര​യീ​ച്ചകൾ മൃഗങ്ങ​ളു​ടെ​യും മനുഷ്യ​രു​ടെ​യും ശരീര​ത്തിൽനിന്ന്‌ രക്തം കുടി​ക്കു​ന്ന​വ​യാണ്‌. ഇനി, ബോട്ട്‌ഫ്‌ളൈ ഈച്ചകൾ ലാർവ​യാ​യി​രി​ക്കുന്ന സമയത്ത്‌ മൃഗങ്ങ​ളു​ടെ​യും മനുഷ്യ​രു​ടെ​യും ശരീര​ത്തിൽ പരാ​ശ്ര​യ​ജീ​വി​ക​ളാ​യി കാണ​പ്പെ​ടു​ന്നു. ഇതിൽ മനുഷ്യ​രെ ബാധി​ക്കു​ന്നവ ഉഷ്‌ണ​മേഖല പ്രദേ​ശ​ത്താണ്‌ കാണു​ന്നത്‌. എങ്ങനെ​യാ​യാ​ലും, ‘രക്തം കുടി​ക്കുന്ന ഈച്ചക​ളു​ടെ’ ബാധ ഈജി​പ്‌തു​കാ​രെ​യും അവരുടെ കന്നുകാ​ലി​ക​ളെ​യും വലിയ ദുരി​ത​ത്തി​ലാ​ക്കി, ചില​പ്പോൾ മരണത്തി​നു​പോ​ലും കാരണ​മാ​യി​ട്ടു​ണ്ടാ​കും.

ജൂലൈ 20-26

ദൈവ​വ​ച​ന​ത്തി​ലെ നിധികൾ | പുറപ്പാട്‌ 10–11

“മോശ​യും അഹരോ​നും വലിയ ധൈര്യം കാണിച്ചു”

it-2-E 436 ¶4

മോശ

ഫറവോ​നെ അഭിമു​ഖീ​ക​രി​ക്കാൻ ധൈര്യ​വും വിശ്വാ​സ​വും ആവശ്യ​മാ​യി​രു​ന്നു. യഹോ​വ​യു​ടെ ശക്തിയും യഹോ​വ​യു​ടെ ആത്മാവി​ന്റെ സഹായ​വും കൊണ്ട്‌ മാത്ര​മാണ്‌ മോശ​യ്‌ക്കും അഹരോ​നും അവരുടെ നിയമനം ചെയ്യാൻ സാധി​ച്ചത്‌. അക്കാലത്തെ ചോദ്യം ചെയ്യ​പ്പെ​ടാത്ത ലോക​ശ​ക്തി​യു​ടെ രാജാ​വായ ഫറവോ​ന്റെ പ്രൗഢ​ഗം​ഭീ​ര​മായ കൊട്ടാ​രം ഒന്നു സങ്കൽപ്പി​ക്കാ​മോ? അവിടെ, ഉപദേ​ഷ്ടാ​ക്ക​ളും സൈനിക ഉദ്യോ​ഗ​സ്ഥ​ന്മാ​രും കാവൽക്കാ​രും അടിമ​ക​ളും നിറഞ്ഞ സദസ്സിൽ സ്വയം ഒരു ദൈവ​മാ​ണെന്ന്‌ സങ്കൽപ്പിച്ച്‌ അഹങ്കാ​ര​ത്തോ​ടെ ഇരിക്കുന്ന ഫറവോൻ. അവരെ​ക്കൂ​ടാ​തെ മതനേ​താ​ക്ക​ന്മാ​രും മന്ത്രവാ​ദം ചെയ്യുന്ന പുരോ​ഹി​ത​ന്മാ​രും ഉണ്ട്‌. ഇവരാ​യി​രു​ന്നു മോശ​യു​ടെ മുഖ്യ എതിരാ​ളി​കൾ. ഫറവോൻ കഴിഞ്ഞാൽ രാജ്യത്തെ ഏറ്റവും ശക്തരായ ആളുക​ളും ഇവരാ​യി​രു​ന്നു. ഈജി​പ്‌തി​ലെ ദൈവങ്ങളെ പിന്തുണയ്‌ക്കുന്നതിൽ ഇവർ ഫറവോ​ന്റെ പിന്നിൽ അണിനി​രന്നു. മോശ​യും അഹരോ​നും ഒരിക്കലല്ല, പല പ്രാവ​ശ്യം ഫറവോ​ന്റെ മുന്നിൽ എത്തി. തന്റെ കീഴി​ലുള്ള വില​യേ​റിയ എബ്രായ അടിമ​കളെ സ്വന്തമാ​ക്കി​വെ​ക്കാൻ തീരു​മാ​നിച്ച ഫറവോൻ ഓരോ പ്രാവ​ശ്യ​വും തന്റെ ഹൃദയം കഠിന​മാ​ക്കി. വാസ്‌ത​വ​ത്തിൽ, എട്ടാമത്തെ ബാധ വരു​മെന്ന്‌ അറിയി​ച്ച​പ്പോൾ മോശ​യെ​യും അഹരോ​നെ​യും ഫറവോ​ന്റെ അടുക്കൽനിന്ന്‌ ആട്ടി​യോ​ടി​ച്ചു. ഒൻപതാ​മത്തെ ബാധയ്‌ക്ക്‌ ശേഷം മോശ​യോ​ടും അഹരോ​നോ​ടും തന്റെ മുഖം കണ്ടു​പോ​ക​രു​തെ​ന്നും തന്റെ അടുത്തു​വ​ന്നാൽ അവരെ കൊന്നു​ക​ള​യു​മെ​ന്നും ഫറവോൻ കല്‌പി​ച്ചു.​—പുറ 10:11, 28.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-1-E 783 ¶5

പുറപ്പാട്‌

ശക്തിയു​ടെ വിസ്‌മ​യ​ക​ര​മായ ഒരു പ്രകട​ന​ത്തി​ലൂ​ടെ യഹോവ തന്റെ പേര്‌ മഹത്ത്വ​പ്പെ​ടു​ത്തു​ക​യും ഇസ്രാ​യേ​ല്യ​രെ വിടു​വി​ക്കു​ക​യും ചെയ്‌തു. സുരക്ഷി​ത​രാ​യി ചെങ്കട​ലി​ന്റെ കിഴക്കേ തീരത്ത്‌ എത്തിയ​ശേഷം, മോശ​യു​ടെ നേതൃ​ത്വ​ത്തിൽ പുരു​ഷ​ന്മാർ ഒരു വിജയ​ഗീ​തം പാടി. അതേസ​മയം മോശ​യു​ടെ സഹോ​ദരി പ്രവാ​ച​കി​യായ മിര്യാം തപ്പു കൈയി​ലെ​ടുത്ത്‌ നൃത്തം ചെയ്യാൻ തുടങ്ങി, മറ്റു സ്‌ത്രീ​ക​ളും മിര്യാ​മി​നോ​ടു ചേർന്നു. അവർ പുരു​ഷ​ന്മാ​രു​ടെ ഗാനത്തി​നു പ്രതി​ഗാ​നം പാടി. (പുറ 15:1, 20, 21) അങ്ങനെ ശത്രു​ക്ക​ളിൽനിന്ന്‌ ഇസ്രാ​യേ​ല്യർ പൂർണ​മാ​യും സ്വത​ന്ത്ര​രാ​യി. അവർ ഈജി​പ്‌തിൽനിന്ന്‌ പോന്ന​പ്പോൾ മനുഷ്യ​രിൽനി​ന്നോ മൃഗങ്ങ​ളിൽനി​ന്നോ ഒരു ഉപദ്ര​വ​വു​മു​ണ്ടാ​കാൻ അനുവ​ദി​ച്ചില്ല; ഇസ്രാ​യേ​ല്യ​രു​ടെ നേരെ ഒരു നായ്‌പോ​ലും കുരച്ചില്ല. (പുറ 11:7) ഫറവോൻ അയാളു​ടെ സൈന്യ​ത്തോ​ടൊ​പ്പം ചെങ്കട​ലിൽ മുങ്ങി​മ​രി​ച്ചെന്നു പുറപ്പാ​ടി​ലെ വിവരണം എടുത്തു​പ​റ​യു​ന്നില്ല. എങ്കിലും “ഫറവോ​നെ​യും സൈന്യ​ത്തെ​യും ചെങ്കട​ലിൽ കുടഞ്ഞി​ട്ടു” എന്നു സങ്കീർത്തനം 136:15 പറയു​ന്നുണ്ട്‌.

ജൂലൈ 27–ആഗസ്റ്റ്‌ 2

ദൈവ​വ​ച​ന​ത്തി​ലെ നിധികൾ | പുറപ്പാട്‌ 12

“പെസഹ​—ക്രിസ്‌ത്യാ​നി​കൾക്ക്‌ അത്‌ എന്ത്‌ അർഥമാ​ക്കു​ന്നു?”

it-2-E 583 ¶6

പെസഹ

പെസഹ ആചരണ​ത്തി​ന്റെ ചില സവി​ശേ​ഷ​തകൾ യേശു​വിൽ നിറ​വേറി. ഈജി​പ്‌തി​ലെ വീടു​ക​ളി​ലെ രക്തം സംഹാ​ര​ദൂ​തന്റെ കൈക​ളിൽനിന്ന്‌ ആദ്യജാ​ത​ന്മാ​രെ രക്ഷിച്ചു. സമാന​മാ​യി, അഭിഷി​ക്ത​ക്രി​സ്‌ത്യാ​നി​കൾ ആദ്യജാ​ത​ന്മാ​രു​ടെ സഭയാ​ണെ​ന്നും (എബ്ര 12:23) ക്രിസ്‌തു തന്റെ രക്തത്തി​ലൂ​ടെ അവരെ രക്ഷി​ച്ചെ​ന്നും പൗലോസ്‌ പറഞ്ഞു. (1തെസ്സ 1:10; എഫ 1:7) ഇനി, പെസഹ​ക്കു​ഞ്ഞാ​ടി​ന്റെ ഒരു അസ്ഥിയും ഒടിക്കി​ല്ലാ​യി​രു​ന്നു. യേശു​വി​ന്റെ അസ്ഥിക​ളും ഒടിക്കി​ല്ലെന്നു പ്രവച​ന​മു​ണ്ടാ​യി​രു​ന്നു, യേശു മരിച്ച​പ്പോൾ അതു നിറ​വേറി. (സങ്ക 34:20; യോഹ 19:36) മോശ​യു​ടെ നിയമ​ത്തിൽ, വരാനുള്ള നന്മകളു​ടെ നിഴലാ​യി​രുന്ന, ‘ദൈവ​ത്തി​ന്റെ കുഞ്ഞാ​ടായ’ യേശു​ക്രി​സ്‌തു​വി​ലേക്കു വിരൽചൂ​ണ്ടിയ പല കാര്യ​ങ്ങ​ളു​ണ്ടാ​യി​രു​ന്നു. അതിൽ ഒന്നായി​രു​ന്നു ജൂതന്മാർ നൂറ്റാ​ണ്ടു​ക​ളോ​ളം ആചരി​ച്ചു​പോന്ന പെസഹ.​—എബ്ര 10:1; യോഹ 1:29.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-2-E 582 ¶2

പെസഹ

ഈജി​പ്‌തു​കാ​രു​ടെ മേൽ വന്ന ബാധകൾ, പ്രത്യേ​കിച്ച്‌ പത്താമത്തെ ബാധയായ ആദ്യജാ​ത​ന്മാ​രു​ടെ മരണം, അവരുടെ വ്യാജ​ദൈ​വ​ങ്ങൾക്ക്‌ എതി​രെ​യുള്ള ഒരു ന്യായ​വി​ധി​യാ​യി​രു​ന്നു. (പുറ 12:12) ആൺചെ​മ്മ​രി​യാട്‌ ‘റാ’ എന്ന ദേവനു വിശു​ദ്ധ​മാ​യി​രു​ന്നു. അതു​കൊണ്ട്‌ പെസഹ​ക്കു​ഞ്ഞാ​ടി​ന്റെ രക്തം വാതി​ലി​ന്റെ കട്ടിള​ക്കാ​ലി​ലും മേൽപ്പ​ടി​യി​ലും തളിക്കു​ന്നത്‌, ഈജി​പ്‌തു​കാ​രു​ടെ കണ്ണിൽ ദൈവ​നി​ന്ദ​യ്‌ക്കു തുല്യ​മാ​യി​രു​ന്നു. ഇനി, കാളയും അവർക്കു വിശു​ദ്ധ​മാ​യി​രു​ന്നു, കാളക​ളു​ടെ കടിഞ്ഞൂ​ലു​ക​ളു​ടെ നാശം ഓസി​റിസ്‌ ദേവന്‌ ഒരു തിരി​ച്ച​ടി​യാ​യി​രു​ന്നു. ഫറവോ​നെ​ത്ത​ന്നെ​യും റാ ദേവന്റെ മകനാ​യി​ട്ടാ​ണു കണക്കാ​ക്കി​യി​രു​ന്നത്‌. അതു​കൊണ്ട്‌ ഫറവോ​ന്റെ മൂത്തമ​കന്റെ മരണം റായു​ടെ​യും ഫറവോ​ന്റെ​യും കഴിവു​കേട്‌ തെളി​യി​ച്ചു.

it-1-E 504 ¶1

സമ്മേളനം

‘വിശു​ദ്ധ​സ​മ്മേ​ള​ന​ങ്ങ​ളു​ടെ’ സമയത്ത്‌ ആളുകൾ പണി​യൊ​ന്നും ചെയ്യാൻ പാടില്ല എന്നതാ​യി​രു​ന്നു അവയ്‌ക്കു മാത്ര​മുള്ള ഒരു സവി​ശേഷത. ഉദാഹ​ര​ണ​ത്തിന്‌, പുളി​പ്പി​ല്ലാത്ത അപ്പത്തിന്റെ ഉത്സവത്തി​ന്റെ ആദ്യ​ത്തെ​യും ഏഴാമ​ത്തെ​യും ദിവസങ്ങൾ ‘വിശു​ദ്ധ​സ​മ്മേ​ള​ന​ങ്ങ​ളാ​യി​രു​ന്നു.’ അതി​നോ​ടുള്ള ബന്ധത്തിൽ യഹോവ ഇങ്ങനെ പറഞ്ഞു: “ഈ ദിവസ​ങ്ങ​ളിൽ ഒരു പണിയും ചെയ്യരുത്‌. ഓരോ​രു​ത്തർക്കും കഴിക്കാൻവേണ്ട ആഹാരം മാത്രം നിങ്ങൾക്കു പാകം ചെയ്യാം.” (പുറ 12:15, 16) എന്നാൽ വിശു​ദ്ധ​സ​മ്മേ​ള​ന​ങ്ങ​ളു​ടെ സമയത്ത്‌ പുരോ​ഹി​ത​ന്മാർ യഹോ​വ​യ്‌ക്കു യാഗങ്ങൾ അർപ്പി​ച്ചി​രു​ന്നു, (ലേവ 23:37, 38) അത്‌ ഒരു തരത്തി​ലും പണി​യൊ​ന്നും ചെയ്യരുത്‌ എന്ന നിയമ​ത്തി​ന്റെ ലംഘന​മ​ല്ലാ​യി​രു​ന്നു. ഇനി, ആളുക​ളു​ടെ കാര്യ​ത്തി​ലും ഇതു വെറുതേ ഇരിക്കാ​നുള്ള അവസര​ങ്ങ​ളാ​യി​രു​ന്നില്ല. മറിച്ച്‌, ആത്മീയ​പ്ര​യോ​ജ​നങ്ങൾ നേടാ​നുള്ള സമയങ്ങ​ളാ​യി​രു​ന്നു. ഉദാഹ​ര​ണ​ത്തിന്‌, ആഴ്‌ച​തോ​റു​മുള്ള ശബത്തു​ദി​വസം ഒരുമിച്ച്‌ ആരാധി​ക്കാ​നും പഠിക്കാ​നും അവർ കൂടി​വന്നു. പിൽക്കാ​ലത്ത്‌ നിലവിൽ വന്ന സിന​ഗോ​ഗു​ക​ളിൽ ചെയ്‌തി​രു​ന്ന​തു​പോ​ലെ, അത്തരം അവസര​ങ്ങ​ളിൽ ദൈവ​വ​ചനം ഉറക്കെ വായി​ക്കു​ക​യും വിശദീ​ക​രി​ക്കു​ക​യും ചെയ്‌തി​രു​ന്നു. (പ്രവൃ 15:21) അതു​കൊണ്ട്‌, ശബത്തു​ദി​വ​സ​വും മറ്റു ‘വിശു​ദ്ധ​സ​മ്മേ​ള​ന​ങ്ങ​ളു​ടെ’ സമയത്തും ജനം പണി​യൊ​ന്നും ചെയ്‌തി​രു​ന്നി​ല്ലെ​ങ്കി​ലും സ്രഷ്ടാ​വി​നെ​യും ആ സ്രഷ്ടാ​വി​ന്റെ ഉദ്ദേശ്യ​ങ്ങ​ളെ​യും കുറിച്ച്‌ ധ്യാനി​ക്കു​ന്ന​തിൽ അവർ മുഴുകി.