അവരോ​ടു കരുതൽ പ്രകട​മാ​ക്കു​ക

കാനഡയിലെ ഉണരുക! ലേഖകൻ

കാനഡ​യിൽ സ്വകാര്യ ദുഃഖങ്ങൾ മൂലം ആത്മഹത്യ ചെയ്യുന്ന വൃദ്ധരു​ടെ എണ്ണം പരി​ഭ്രാ​ന്തി ഉളവാ​ക്കും​വി​ധം വർധി​ക്കു​ക​യാണ്‌. യുവജ​ന​ങ്ങ​ളു​ടെ ഇടയി​ലുള്ള ആത്മഹത്യാ ശ്രമങ്ങ​ളിൽ 200-ൽ ഒന്നു വീതം മരണത്തിൽ കലാശി​ക്കു​മ്പോൾ 65 വയസ്സിനു മീതെ ഉള്ളവരിൽ ഈ അനുപാ​തം 4-ൽ ഒന്നാണ്‌ എന്ന്‌ വാൻകൂ​വർ സൺ പത്രത്തി​ലെ ഒരു റിപ്പോർട്ട്‌ പറയുന്നു. “ഗുരു​ത​ര​മായ ആരോഗ്യ പ്രശ്‌നങ്ങൾ ഉള്ള വൃദ്ധരു​ടെ കാര്യ​ത്തിൽ മരണം സ്വാഭാ​വി​ക​മാ​യി​രു​ന്നോ അല്ലയോ എന്നു തിരി​ച്ച​റി​യാൻ ബുദ്ധി​മു​ട്ടാ​യി​രു​ന്നേ​ക്കാം എന്നതി​നാൽ പല ആത്മഹത്യ​ക​ളും റിപ്പോർട്ടു ചെയ്യ​പ്പെ​ടാ​തെ” പോകു​ന്ന​താ​യി പോലും പറയ​പ്പെ​ടു​ന്നു.

പ്രായ​മാ​യ​വ​രിൽ പലർക്കും ജീവി​ക്കാ​നുള്ള ആഗ്രഹം നഷ്ടപ്പെ​ടു​ന്നത്‌ എന്തു​കൊ​ണ്ടാണ്‌? വിഷാദം, സമൂഹ​ത്തിൽനി​ന്നുള്ള ഒറ്റപ്പെടൽ, ഏകാന്തത എന്നിവ​യാണ്‌ കാരണങ്ങൾ എന്ന്‌ വൃദ്ധർക്കി​ട​യി​ലെ ആത്മഹത്യ​യെ കുറി​ച്ചുള്ള ഗവേഷ​ണ​മേ​ഖ​ല​യിൽ വിദഗ്‌ധ​നായ യൂണി​വേ​ഴ്‌സി​റ്റി ഓഫ്‌ ബ്രിട്ടീഷ്‌ കൊളം​ബി​യ​യി​ലെ മനശ്ശാ​സ്‌ത്രജ്ഞൻ ഓലൂ​വാ​ഫെമി ആഗ്‌ബ​യേവ ചൂണ്ടി​ക്കാ​ട്ടു​ന്നു. പ്രായ​മേ​റും തോറും ആളുകൾക്ക്‌ “തങ്ങളുടെ വിലയും അധികാ​ര​വും ആജ്ഞാശ​ക്തി​യു​മെ​ല്ലാം നഷ്ടമാ​കുന്ന”തായി ആൽബെർട്ട​യി​ലെ കാൽഗ​റി​യി​ലുള്ള സൂയി​സൈഡ്‌ ഇൻഫർമേഷൻ ആൻഡ്‌ എജ്യു​ക്കേഷൻ സെന്ററി​ന്റെ ഡയറക്‌ടർ ഗെറി ഹാറി​ങ്‌ടൺ അഭി​പ്രാ​യ​പ്പെ​ടു​ന്നു. “പെട്ടെന്ന്‌ ഒരുനാൾ ആരും അവരുടെ അഭി​പ്രാ​യങ്ങൾ ആരായാ​താ​കു​ന്നു. പലർക്കും വൃദ്ധസ​ദ​ന​ങ്ങ​ളിൽ കഴി​യേ​ണ്ടി​വ​രു​ന്നു. അവി​ടെ​യാ​കട്ടെ ചീട്ടു കളിയും ടിവി കാണലും അല്ലാതെ മറ്റു പണി​യൊ​ന്നും ഇല്ലതാ​നും.” ഇവയ്‌ക്കെ​ല്ലാം പുറമേ, യൗവ്വന​ത്തി​ള​പ്പി​നും സ്വാത​ന്ത്ര്യ​ത്തി​നും ഉത്‌പാ​ദ​ന​ക്ഷ​മ​ത​യ്‌ക്കും ചുറു​ചു​റു​ക്കി​നും സമൂഹം വലിയ മൂല്യം കൽപ്പി​ക്കു​ന്നു. വ്യക്തിക്കു പ്രായ​മേ​റും തോറും ക്ഷയിച്ചു​വ​രുന്ന സംഗതി​ക​ളാണ്‌ ഇവയെ​ല്ലാം.

എന്നാൽ യഹോ​വ​യാം ദൈവം പ്രായ​മാ​യ​വർക്ക്‌ വലിയ മൂല്യം കൽപ്പി​ക്കു​ന്നു. അവരുടെ വൈകാ​രിക ആവശ്യങ്ങൾ അവൻ നന്നായി മനസ്സി​ലാ​ക്കു​ന്നു എന്നതി​നുള്ള തെളിവ്‌ പുരാതന ഇസ്രാ​യേ​ലി​ലെ ആളുകൾക്കു നൽകപ്പെട്ട ഈ കൽപ്പന​യിൽനി​ന്നു കാണാൻ കഴിയും: “നരച്ചവന്റെ മുമ്പാകെ എഴു​ന്നേ​ല്‌ക്ക​യും വൃദ്ധന്റെ മുഖം ബഹുമാ​നി​ക്ക​യും [“ഒരു വൃദ്ധ​നോ​ടു പരിഗണന കാട്ടു​ക​യും,” NW] നിന്റെ ദൈവത്തെ ഭയപ്പെ​ടു​ക​യും വേണം.”—ലേവ്യ​പു​സ്‌തകം 19:32.

അങ്ങനെ​യെ​ങ്കിൽ നമുക്കു പ്രായ​മാ​യ​വ​രോട്‌ എങ്ങനെ ‘പരിഗണന കാട്ടാൻ’ കഴിയും? എപ്പോ​ഴും അവരുടെ വായിൽനി​ന്നു ജ്ഞാന​മൊ​ഴി​കൾതന്നെ പുറ​പ്പെ​ട്ടു​കൊ​ള്ളണം എന്നി​ല്ലെന്നു മനസ്സി​ലാ​ക്കണം. മാത്രമല്ല, പ്രായ​മേ​റും തോറും അവരുടെ അപൂർണത കൂടുതൽ വെളി​പ്പെട്ടു വരിക​യും ചെയ്യും. എങ്കിലും അവർ നമ്മുടെ ആദരവ്‌ അർഹി​ക്കു​ന്നു. നിങ്ങൾ അവരെ പരിഗ​ണി​ക്കു​ന്നു​വെന്നു പ്രകട​മാ​ക്കുക. ഉൾക്കാ​ഴ്‌ച​യ്‌ക്കും ജ്ഞാനത്തി​നും വേണ്ടി അവരെ ആശ്രയി​ച്ചു​കൊണ്ട്‌ അവരോട്‌ ആദരവും ബഹുമാ​ന​വും വിലമ​തി​പ്പും പ്രകട​മാ​ക്കുക, വിശേ​ഷി​ച്ചും അവരുടെ ജീവിതം ദൈവാ​ത്മാ​വി​നാ​ലും അവന്റെ വചനത്തി​ന്റെ സൂക്ഷ്‌മ ഗ്രാഹ്യ​ത്താ​ലും നയിക്ക​പ്പെ​ട്ടി​ട്ടുള്ള ഒന്നാ​ണെ​ങ്കിൽ.

വൃദ്ധ​രോ​ടു പരിഗ​ണ​ന​യും ആദരവും പ്രകടി​പ്പി​ക്കുക എന്ന വിഷയത്തെ കുറിച്ച്‌ ദൈവ​വ​ചനം ഇനിയും വളരെ​യേറെ കാര്യങ്ങൾ പഠിപ്പി​ക്കു​ന്നുണ്ട്‌. കൂടുതൽ വിവര​ങ്ങൾക്കാ​യി ഈ മാസി​ക​യു​ടെ പ്രസാ​ധ​കർക്ക്‌ എഴുതുക, കുടും​ബ​സ​ന്തു​ഷ്ടി​യു​ടെ രഹസ്യം എന്ന പുസ്‌തകം അയച്ചു തരാൻ ആവശ്യ​പ്പെ​ടുക.