ദൈവ​മ​ക്കൾക്ക്‌ ഉടൻ മഹത്തായ സ്വാത​ന്ത്ര്യം

“സൃഷ്ടി വ്യർഥ​ത​യ്‌ക്കു കീഴ്‌പെ​ടു​ത്ത​പ്പെ​ട്ടി​രി​ക്കു​ന്നത്‌ . . . സൃഷ്ടി​ത​ന്നെ​യും ജീർണ​ത​യു​ടെ അടിമ​ത്ത​ത്തിൽനി​ന്നു സ്വത​ന്ത്ര​മാ​ക്ക​പ്പെ​ടു​ക​യും ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം പ്രാപി​ക്കു​ക​യും ചെയ്യു​മെന്ന പ്രത്യാ​ശ​യു​ടെ അടിസ്ഥാ​ന​ത്തി​ലാണ്‌.”—റോമർ 8:20, 21, NW.

1. പാപപ​രി​ഹാ​ര​ദി​വസം യേശു​വി​ന്റെ ബലിയെ മുൻനി​ഴ​ലാ​ക്കി​യ​തെ​ങ്ങനെ?

യഹോവ തന്റെ ഏകജാ​ത​പു​ത്രനെ ഒരു മറുവി​ല​യാ​ഗ​മാ​യി നൽകി. അത്‌ 1,44,000 മനുഷ്യർക്കു സ്വർഗീയ ജീവനി​ലേ​ക്കും ശേഷം മനുഷ്യർക്കു നിത്യ​മായ ഭൗമി​ക​പ്ര​തീ​ക്ഷ​ക​ളി​ലേ​ക്കു​മുള്ള വഴി തുറന്നു. (1 യോഹ​ന്നാൻ 2:1, 2) മുൻലേ​ഖ​ന​ത്തിൽ കണ്ടതു​പോ​ലെ, വാർഷിക പാപപ​രി​ഹാ​ര​ദി​വസം ഇസ്രാ​യേ​ലി​ലെ മഹാപു​രോ​ഹി​തൻ തനിക്കും തന്റെ വീട്ടു​കാർക്കും ലേവി​ഗോ​ത്ര​ത്തി​നും വേണ്ടി​യുള്ള പാപയാ​ഗ​മെന്ന നിലയിൽ ഒരു കാളയെ ബലിയർപ്പി​ച്ചത്‌ ആത്മജാത ക്രിസ്‌ത്യാ​നി​കൾക്കുള്ള യേശു​വി​ന്റെ ബലിയെ മുൻനി​ഴ​ലാ​ക്കി. അതേദി​വ​സം​തന്നെ, അവൻ മറ്റെല്ലാ ഇസ്രാ​യേ​ല്യർക്കും വേണ്ടി പാപപ​രി​ഹാ​ര​യാ​ഗ​മാ​യി ഒരു ആടി​നെ​യും ബലിയർപ്പി​ച്ചു. അതാകട്ടെ ക്രിസ്‌തു​വി​ന്റെ ബലി മനുഷ്യ​വർഗ​ത്തി​നു പൊതു​വേ പ്രയോ​ജനം ചെയ്യു​ന്ന​തി​നോ​ടു സമാന​മാണ്‌. പോയ​വർഷം ആളുകൾ ചെയ്‌ത എല്ലാ പാപങ്ങ​ളും ഒരു ജീവനുള്ള ആട്‌ പ്രതീ​കാ​ത്മ​ക​മാ​യി ചുമന്നു​കൊണ്ട്‌ മരുഭൂ​മി​യിൽ പോയ്‌മ​റ​യു​മാ​യി​രു​ന്നു.a—ലേവ്യ​പു​സ്‌തകം 16:7-15, 20-22, 26.

2, 3. റോമർ 8:20, 21-ൽ രേഖപ്പ​ടു​ത്തി​യി​രി​ക്കുന്ന പൗലൊ​സി​ന്റെ പ്രസ്‌താ​വ​ന​യു​ടെ അർഥ​മെന്ത്‌?

² ‘ദൈവ​ത്തി​ന്റെ’ സ്വർഗീയ ‘പുത്രന്മാ’രായി​ത്തീ​രാ​നി​രി​ക്കുന്ന മനുഷ്യ​രു​ടെ പ്രത്യാ​ശ​യെ​ക്കു​റി​ച്ചു വർണി​ച്ച​ശേഷം പൗലൊസ്‌ അപ്പോ​സ്‌തലൻ പറഞ്ഞു: “സൃഷ്ടി ദൈവ​പു​ത്ര​ന്മാ​രു​ടെ വെളി​പ്പെ​ടു​ത്ത​ലി​നാ​യി ആകാം​ക്ഷ​യോ​ടെ കാത്തി​രി​ക്കു​ന്നു. സൃഷ്ടി വ്യർഥ​ത​യ്‌ക്കു കീഴ്‌പെ​ടു​ത്ത​പ്പെ​ട്ടി​രി​ക്കു​ന്നത്‌ സ്വന്തം ഇഷ്ടത്താലല്ല, പിന്നെ​യോ അതിനെ കീഴ്‌പെ​ടു​ത്തി​യവൻ മുഖാ​ന്തരം സൃഷ്ടി​ത​ന്നെ​യും ജീർണ​ത​യു​ടെ അടിമ​ത്ത​ത്തിൽനി​ന്നു സ്വത​ന്ത്ര​മാ​ക്ക​പ്പെ​ടു​ക​യും ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം പ്രാപി​ക്കു​ക​യും ചെയ്യു​മെന്ന പ്രത്യാ​ശ​യു​ടെ അടിസ്ഥാ​ന​ത്തി​ലാണ്‌.” (റോമർ 8:14, 17, 19-21, NW) ഈ പ്രസ്‌താ​വ​ന​യു​ടെ അർഥ​മെ​ന്താണ്‌?

³ നമ്മുടെ പൂർവ​പി​താവ്‌ പൂർണ​മ​നു​ഷ്യ​നാ​യി സൃഷ്ടി​ക്ക​പ്പെ​ട്ട​പ്പോൾ, അവൻ “ദൈവ​ത്തി​ന്റെ മകൻ” ആയിരു​ന്നു. (ലൂക്കൊസ്‌ 3:38) പാപം ചെയ്‌ത​തു​നി​മി​ത്തം, അവൻ “ജീർണ​ത​യു​ടെ അടിമ​ത്തത്തി”ലാകു​ക​യും ആ അവസ്ഥ മനുഷ്യ​വർഗ​ത്തി​നു കൈമാ​റു​ക​യും ചെയ്‌തു. (റോമർ 5:12) പാരമ്പ​ര്യ​സി​ദ്ധ​മായ അപൂർണ​ത​നി​മി​ത്തം “വ്യർഥത”യിൽ കലാശി​ക്കുന്ന ഭാവി​യു​ള്ള​വ​രാ​യി ജനിക്കാൻ ദൈവം മനുഷ്യ​രെ അനുവ​ദി​ച്ചു​വെ​ങ്കി​ലും അവൻ അവർക്ക്‌ യേശു​ക്രി​സ്‌തു​വെന്ന “സന്തതി”യിലൂടെ പ്രത്യാശ നൽകി. (ഉല്‌പത്തി 3:15; 22:18; ഗലാത്യർ 3:16) ‘മരണവും ദുഃഖ​വും മുറവി​ളി​യും കഷ്ടതയും മേലാൽ ഉണ്ടായി​രി​ക്കു​ക​യി​ല്ലാ’ത്ത കാല​ത്തെ​ക്കു​റി​ച്ചു വെളി​പ്പാ​ടു 21:1-5എ പറയുന്നു. ഇതു “മനുഷ്യ​വർഗ​ത്തി​നു”ള്ള ഒരു വാഗ്‌ദാ​ന​മാ​യ​തി​നാൽ, രാജ്യ​ഭ​ര​ണ​ത്തിൻകീ​ഴിൽ ജീവി​ക്കുന്ന ഒരു പുതിയ ഭൗമിക മനുഷ്യ​സ​മൂ​ഹം മനസ്സി​ന്റെ​യും ശരീര​ത്തി​ന്റെ​യും പുനഃ​സ്ഥി​തീ​ക​ര​ണ​ത്തി​ലൂ​ടെ പൂർണാ​രോ​ഗ്യ​വും “ദൈവ​ത്തി​ന്റെ” ഭൗമിക “മക്കളെ”ന്ന നിലയിൽ നിത്യ​ജീ​വ​നും നേടു​മെന്ന്‌ അതു നമുക്ക്‌ ഉറപ്പു​ത​രു​ന്നു. ക്രിസ്‌തു​വി​ന്റെ സഹസ്രാ​ബ്ദ​വാ​ഴ്‌ച​യിൽ, അനുസ​ര​ണ​മുള്ള മനുഷ്യർ ‘ജീർണ​ത​യു​ടെ അടിമ​ത്ത​ത്തിൽനി​ന്നു സ്വത​ന്ത്ര​രാ​ക്ക​പ്പെ​ടും.’ അന്തിമ പരി​ശോ​ധ​ന​യിൽ യഹോ​വ​യോ​ടു വിശ്വ​സ്‌ത​രാ​ണെന്നു തെളി​യി​ച്ച​ശേഷം, പാരമ്പ​ര്യ​സിദ്ധ പാപത്തിൽനി​ന്നും മരണത്തിൽനി​ന്നും അവർ എന്നേക്കു​മാ​യി സ്വത​ന്ത്ര​രാ​ക്ക​പ്പെ​ടും. (വെളി​പ്പാ​ടു 20:7-10) അന്നു ഭൂമി​യി​ലു​ള്ളവർ ‘ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം പ്രാപി​ക്കും.’

അവർ പറയുന്നു, “വരിക”

4. ‘ജീവജലം സൗജന്യ​മാ​യി വാങ്ങുക’ എന്നതിന്റെ അർഥ​മെന്ത്‌?

⁴ എത്ര വിസ്‌മ​യാ​വ​ഹ​മായ പ്രത്യാ​ശ​യാണ്‌ മനുഷ്യ​വർഗ​ത്തി​ന്റെ മുമ്പാകെ വെച്ചി​രി​ക്കു​ന്നത്‌! ഭൂമി​യിൽ ശേഷി​ച്ചി​ട്ടുള്ള ആത്മജാത ക്രിസ്‌ത്യാ​നി​കൾ അതി​നെ​ക്കു​റി​ച്ചു മറ്റുള്ള​വ​രോ​ടു പറയു​ന്ന​തിൽ സതീക്ഷ്‌ണം നേതൃ​ത്വ​മെ​ടു​ക്കു​ന്ന​തിൽ അത്ഭുത​പ്പെ​ടാ​നില്ല! മഹത്ത്വീ​ക​രി​ക്ക​പ്പെട്ട കുഞ്ഞാ​ടായ യേശു​ക്രി​സ്‌തു​വി​ന്റെ “മണവാട്ടി”യുടെ ഭാഗമാ​യി​ത്തീ​രാൻ പോകു​ന്ന​വ​രെന്ന നിലയിൽ, പിൻവ​രുന്ന ഈ പ്രാവ​ച​നിക വാക്കു​ക​ളു​ടെ നിവൃ​ത്തി​യിൽ അഭിഷി​ക്ത​ശേ​ഷിപ്പ്‌ ഉൾപ്പെ​ടു​ന്നു: “വരിക എന്നു ആത്മാവും മണവാ​ട്ടി​യും പറയുന്നു; കേൾക്കു​ന്ന​വ​നും: വരിക എന്നു പറയട്ടെ; ദാഹി​ക്കു​ന്നവൻ വരട്ടെ; ഇച്ഛിക്കു​ന്നവൻ ജീവജലം സൌജ​ന്യ​മാ​യി വാങ്ങട്ടെ.” (വെളി​പ്പാ​ടു 21:2, 9; 22:1, 2, 17) എന്നാൽ യേശു​വി​ന്റെ മറുവി​ല​യാ​ഗ​ത്തി​ന്റെ പ്രയോ​ജ​നങ്ങൾ 1,44,000 അഭിഷി​ക്തർക്കു മാത്ര​മാ​യി പരിമി​ത​പ്പെ​ട്ടി​രി​ക്കു​ന്നില്ല. ഭൂമി​യിൽ ശേഷി​ക്കുന്ന, “വരിക” എന്നു പറയുന്ന മണവാ​ട്ടി​വർഗ​ത്തിൽപ്പെ​ട്ട​വ​രി​ലൂ​ടെ ദൈവാ​ത്മാവ്‌ പ്രവർത്തി​ച്ചു​കൊ​ണ്ടേ​യി​രി​ക്കു​ന്നു. രക്ഷയ്‌ക്കാ​യി യഹോവ ചെയ്‌തി​രി​ക്കുന്ന സമൃദ്ധ​മായ കരുത​ലു​ക​ളിൽനി​ന്നു പ്രയോ​ജ​ന​മ​നു​ഭ​വി​ച്ചു​കൊണ്ട്‌ “വരിക” എന്നു പറയാൻ നീതി​ക്കാ​യി ദാഹി​ക്കുന്ന ഏതൊരു കേൾവി​ക്കാ​ര​നും ക്ഷണിക്ക​പ്പെ​ടു​ന്നു.

5. തങ്ങളോ​ടൊ​പ്പം ആരുണ്ടാ​യി​രി​ക്കു​ന്ന​തിൽ യഹോ​വ​യു​ടെ സാക്ഷികൾ സന്തോ​ഷി​ക്കു​ന്നു?

⁵ യേശു​ക്രി​സ്‌തു​വി​ലൂ​ടെ ദൈവം ജീവനു​വേണ്ടി ചെയ്‌തി​രി​ക്കുന്ന കരുത​ലിൽ യഹോ​വ​യു​ടെ സാക്ഷി​കൾക്കു വിശ്വാ​സ​മുണ്ട്‌. (പ്രവൃ​ത്തി​കൾ 4:12) ദൈവ​ത്തി​ന്റെ ഉദ്ദേശ്യ​ങ്ങ​ളെ​ക്കു​റി​ച്ചു പഠിച്ച്‌ അവന്റെ ഹിതം നിവർത്തി​ക്കാൻ ആഗ്രഹി​ക്കുന്ന പരമാർഥ​ഹൃ​ദയർ തങ്ങളോ​ടൊ​പ്പം ഉണ്ടായി​രി​ക്കു​ന്ന​തിൽ അവർ സന്തോ​ഷി​ക്കു​ന്നു. ഈ “അന്ത്യകാല”ത്ത്‌, ‘വന്ന്‌ ജീവജലം സൗജന്യ​മാ​യി വാങ്ങാൻ’ ആഗ്രഹി​ക്കുന്ന എല്ലാവർക്കും അവരുടെ രാജ്യ​ഹാ​ളിൽ സ്വാഗ​ത​മുണ്ട്‌.—ദാനീ​യേൽ 12:4.

സമയം കടന്നു​പോ​യ​തോ​ടെ​യുള്ള മാറ്റങ്ങൾ

6. വ്യത്യസ്‌ത കാലഘ​ട്ട​ങ്ങ​ളിൽ യഹോ​വ​യു​ടെ ദാസന്മാ​രു​ടെ​മേൽ ദൈവാ​ത്മാവ്‌ പ്രവർത്തി​ച്ചി​രി​ക്കു​ന്ന​തെ​ങ്ങനെ?

⁶ തന്റെ ഉദ്ദേശ്യ​ങ്ങൾ നിവർത്തി​ക്കാൻ ദൈവ​ത്തിന്‌ ഒരു സമയമുണ്ട്‌; മനുഷ്യ​രോ​ടുള്ള അവന്റെ ഇടപെ​ട​ലു​കളെ ഇതു ബാധി​ക്കു​ന്നു. (സഭാ​പ്ര​സം​ഗി 3:1; പ്രവൃ​ത്തി​കൾ 1:7) തന്റെ ക്രിസ്‌തീ​യ​പൂർവ​കാല ദാസന്മാ​രു​ടെ​മേൽ ദൈവ​ത്തി​ന്റെ ആത്മാവ്‌ വന്നെങ്കി​ലും അവർ അവന്റെ ആത്മീയ പുത്ര​ന്മാ​രാ​യി ജനിപ്പി​ക്ക​പ്പെ​ട്ടില്ല. എന്നാൽ യേശു​വിൽ തുടങ്ങി പരിശു​ദ്ധാ​ത്മാ​വി​നെ ഉപയോ​ഗിച്ച്‌ സമർപ്പി​ത​രായ സ്‌ത്രീ​പു​രു​ഷ​ന്മാ​രെ ഒരു സ്വർഗീയ അവകാ​ശ​ത്തി​ലേക്കു ജനിപ്പി​ക്കാ​നുള്ള യഹോ​വ​യു​ടെ സമയം വന്നിരു​ന്നു. നമ്മുടെ നാളു​ക​ളു​ടെ കാര്യ​മോ? അതേ ആത്മാവു​തന്നെ യേശു​വി​ന്റെ “വേറെ ആടുകളു”ടെമേ​ലും പ്രവർത്തി​ക്കു​ന്നു. എന്നാൽ അത്‌ അവരിൽ സ്വർഗീയ ജീവനു​വേ​ണ്ടി​യുള്ള പ്രത്യാ​ശ​യോ ആഗ്രഹ​മോ ഉളവാ​ക്കു​ന്നില്ല. (യോഹ​ന്നാൻ 10:16) ഒരു പറുദീ​സാ​ഭൂ​മി​യി​ലെ നിത്യ​ജീ​വൻ എന്ന ദൈവദത്ത പ്രത്യാ​ശ​യോ​ടെ, ഇപ്പോ​ഴത്തെ പഴയ ലോകം ദൈവ​ത്തി​ന്റെ നീതി​നി​ഷ്‌ഠ​മായ പുതിയ ലോക​ത്തി​നു വഴിമാ​റാൻ പോകുന്ന ഈ കാലഘ​ട്ട​ത്തിൽ സാക്ഷ്യം നൽകു​ന്ന​തിൽ അവർ സന്തോ​ഷ​പൂർവം അഭിഷി​ക്ത​ശേ​ഷി​പ്പി​നെ പിന്തു​ണ​യ്‌ക്കു​ന്നു.—2 പത്രൊസ്‌ 3:5-13.

7. ബൈബിൾ വിദ്യാർഥി​കൾക്ക്‌ ഏതു കൊയ്‌ത്തു​വേ​ല​യി​ലാ​യി​രു​ന്നു താത്‌പ​ര്യം, എന്നാൽ പറുദീ​സ​യെ​ക്കു​റിച്ച്‌ അവർക്കെന്ത്‌ അറിയാ​മാ​യി​രു​ന്നു?

⁷ പൊ.യു. 33-ലെ പെന്ത​ക്കോ​സ്‌തിൽ പരിശു​ദ്ധാ​ത്മാ​വി​നെ പകർന്നു​കൊണ്ട്‌ ദൈവം ‘അനേകം പുത്ര​ന്മാ​രെ മഹത്ത്വ​ത്തി​ലേക്കു നയിക്കാൻ’ തുടങ്ങി. മൊത്തം 1,44,000 വരുന്ന “ദൈവ​ത്തി​ന്റെ” ആത്മീയ “യിസ്രാ​യേലി”ന്റെ അംഗസം​ഖ്യ തികയു​ന്ന​തിന്‌ ദൈവം ഒരു സമയം നിശ്ചയി​ച്ചി​രു​ന്നു​വെ​ന്നതു വ്യക്തമാണ്‌. (എബ്രായർ 2:10; ഗലാത്യർ 6:16; വെളി​പ്പാ​ടു 7:1-8) 1879 മുതൽ, അഭിഷിക്ത ക്രിസ്‌ത്യാ​നി​ക​ളു​മാ​യി ബന്ധപ്പെട്ട ഒരു കൊയ്‌ത്തു​വേ​ല​യെ​ക്കു​റിച്ച്‌ ഈ മാസി​ക​യിൽ ആവർത്തി​ച്ചു പരാമർശി​ക്കു​ന്നു​ണ്ടാ​യി​രു​ന്നു. എന്നാൽ ഒരു പറുദീ​സാ​ഭൂ​മി​യി​ലെ നിത്യ​ജീ​വന്റെ പ്രത്യാ​ശ​യും തിരു​വെ​ഴു​ത്തു​കൾ വെച്ചു​നീ​ട്ടു​ന്നു​ണ്ടെന്നു ബൈബിൾ വിദ്യാർഥി​കൾക്ക്‌ (ഇപ്പോൾ യഹോ​വ​യു​ടെ സാക്ഷികൾ എന്നു വിളി​ക്ക​പ്പെ​ടു​ന്ന​വർക്ക്‌) അറിയാ​മാ​യി​രു​ന്നു. ഉദാഹ​ര​ണ​ത്തിന്‌, 1883 ജൂലൈ ലക്കം വീക്ഷാ​ഗോ​പു​രം (ഇംഗ്ലീഷ്‌) ഇങ്ങനെ പ്രസ്‌താ​വി​ച്ചു: “രാജ്യം സ്ഥാപി​ക്കുക, ദുഷ്ടത​യ്‌ക്ക്‌ അറുതി​വ​രു​ത്തുക ഇത്യാദി കാര്യങ്ങൾ യേശു നിർവ​ഹി​ച്ചു​ക​ഴി​യു​മ്പോൾ, ഈ ഭൂമി ഒരു പറുദീസ ആയിത്തീ​രും, . . . ശവക്കല്ല​റ​ക​ളി​ലു​ള്ള​വ​രെ​ല്ലാം അതി​ലേക്കു വരും. അവിടത്തെ നിയമങ്ങൾ അനുസ​രി​ക്കു​ന്നെ​ങ്കിൽ, അതില​വർക്ക്‌ എന്നേക്കും ജീവി​ക്കാ​വു​ന്ന​താണ്‌.” സമയം കടന്നു​പോ​യ​തോ​ടെ, അഭിഷി​ക്ത​രു​ടെ കൊയ്‌ത്ത്‌ കുറഞ്ഞു​വന്നു. ക്രമേണ, സ്വർഗീയ പ്രത്യാ​ശ​യി​ല്ലാത്ത വ്യക്തി​കളെ യഹോ​വ​യു​ടെ സ്ഥാപന​ത്തി​ലേക്കു കൂട്ടി​വ​രു​ത്താൻ തുടങ്ങു​ക​യും ചെയ്‌തു. അതിനി​ടെ, ദൈവം തന്റെ അഭിഷിക്ത ദാസന്മാർക്ക്‌, വീണ്ടും ജനിച്ച ക്രിസ്‌ത്യാ​നി​കൾക്ക്‌, ശ്രദ്ധേ​യ​മായ ഉൾക്കാഴ്‌ച നൽകി.—ദാനീ​യേൽ 12:3; ഫിലി​പ്പി​യർ 2:15; വെളി​പ്പാ​ടു 14:15, 16.

8. 1930-കളുടെ ആദ്യ പാദത്തിൽ ഭൗമിക പ്രത്യാശ സംബന്ധിച്ച ഗ്രാഹ്യം വികാസം പ്രാപി​ച്ച​തെ​ങ്ങനെ?

⁸ ഭൗമി​ക​പ്ര​ത്യാ​ശ​യു​ള്ളവർ പ്രത്യേ​കി​ച്ചും 1931 മുതൽ ക്രിസ്‌തീയ സഭയോ​ടൊ​ത്തു സഹവസി​ച്ചു​കൊ​ണ്ടി​രി​ക്കു​ക​യാണ്‌. ആ വർഷം, യഹോവ ആത്മജാത ക്രിസ്‌ത്യാ​നി​ക​ളു​ടെ ശേഷി​പ്പിന്‌ യെഹെ​സ്‌കേൽ 9-ാം അധ്യാ​യ​ത്തെ​ക്കു​റിച്ച്‌ പ്രബുദ്ധത നൽകി. അങ്ങനെ അത്‌ ദൈവ​ത്തി​ന്റെ പുതിയ ലോക​ത്തി​ലേക്ക്‌ അതിജീ​വി​ക്കാൻ അടയാ​ള​മി​ട​പ്പെ​ടുന്ന ഭൗമി​ക​വർഗത്തെ സൂചി​പ്പി​ക്കു​ന്നു​വെന്ന്‌ അവർ മനസ്സി​ലാ​ക്കി. യേഹൂ​വി​ന്റെ സഹകാ​രി​യാ​യി​രുന്ന യോനാ​ദാബ്‌ (യഹോ​നാ​ദാബ്‌) ഈ ആധുനി​ക​കാല ചെമ്മരി​യാ​ടു​തു​ല്യ​രെ മുൻനി​ഴ​ലാ​ക്കി​യെന്ന്‌ 1932-ൽ നിഗമ​ന​ത്തി​ലെ​ത്തി​ച്ചേർന്നു. (2 രാജാ​ക്ക​ന്മാർ 10:15-17) യോനാ​ദാ​ബു​വർഗ​ക്കാർ തങ്ങളെ​ത്തന്നെ ദൈവ​ത്തി​നാ​യി “മാറ്റി​വെക്ക”ണമെന്ന്‌, അഥവാ അവനു സമർപ്പി​ക്ക​ണ​മെന്ന്‌ 1934-ൽ വ്യക്തമാ​ക്ക​പ്പെട്ടു. സ്വർഗ​ത്തിൽ ക്രിസ്‌തു​വി​ന്റെ മണവാ​ട്ടി​യു​ടെ “സഹകാ​രി​കളാ”യ ഒരു ആത്മീയ ഉപവർഗ​മാ​യി​രി​ക്കു​മെന്ന്‌ അതുവരെ കരുത​പ്പെ​ട്ടി​രുന്ന “മഹാപു​രു​ഷാ​രം” ഭൗമിക പ്രത്യാ​ശ​യുള്ള വേറെ ആടുക​ളാ​ണെന്ന്‌ 1935-ൽ തിരി​ച്ച​റി​യി​ക്ക​പ്പെട്ടു. (വെളി​പ്പാ​ടു 7:4-15; 21:2, 9; സങ്കീർത്തനം 45:14, 15) വിശേ​ഷി​ച്ചും 1935 മുതൽ അഭിഷി​ക്തർ, പറുദീ​സാ​ഭൂ​മി​യിൽ എന്നേക്കും ജീവി​ക്കാൻ വാഞ്‌ഛി​ക്കുന്ന പരമാർഥ​ഹൃ​ദ​യ​രായ ആളുകൾക്കാ​യുള്ള അന്വേ​ഷ​ണ​ത്തി​നു നേതൃ​ത്വം നൽകി​ക്കൊ​ണ്ടി​രി​ക്കു​ക​യാണ്‌.

9. 1935-നുശേഷം, കർത്താ​വി​ന്റെ സന്ധ്യാ​ഭ​ക്ഷ​ണ​വേ​ള​യിൽ ചില ക്രിസ്‌ത്യാ​നി​കൾ ചിഹ്നങ്ങ​ളിൽ പങ്കുപ​റ്റു​ന്നതു നിർത്തി​യത്‌ എന്തു​കൊണ്ട്‌?

⁹ കർത്താ​വി​ന്റെ സന്ധ്യാ​ഭ​ക്ഷ​ണ​വേ​ള​യിൽ അപ്പവീ​ഞ്ഞു​ക​ളിൽ പങ്കുപ​റ്റി​യി​രുന്ന ചില ക്രിസ്‌ത്യാ​നി​കൾ 1935-നുശേഷം അതു നിർത്തി. എന്തു​കൊണ്ട്‌? എന്തെന്നാൽ തങ്ങൾക്കു സ്വർഗീയ പ്രത്യാ​ശയല്ല, ഭൗമിക പ്രത്യാ​ശ​യാ​ണു​ള്ള​തെന്ന്‌ അവർ തിരി​ച്ച​റി​ഞ്ഞു. 1930-ൽ സ്‌നാ​പ​ന​മേറ്റ ഒരു സ്‌ത്രീ ഇങ്ങനെ പറഞ്ഞു: “[പങ്കുപറ്റൽ] തീക്ഷ്‌ണ​ത​യുള്ള മുഴു​സമയ ശുശ്രൂ​ഷ​ക​രു​ടെ കാര്യ​ത്തിൽ വിശേ​ഷി​ച്ചും, ശരിയായ സംഗതി​യാ​യി കരുത​പ്പെ​ട്ടി​രു​ന്നെ​ങ്കി​ലും എനിക്ക്‌ സ്വർഗീയ പ്രത്യാ​ശ​യാ​ണു​ള്ള​തെന്ന ബോധ്യം എനി​ക്കൊ​രി​ക്ക​ലു​മു​ണ്ടാ​യി​രു​ന്നില്ല. പിന്നീട്‌, ഭൂമി​യിൽ എന്നേക്കും ജീവി​ക്കാ​നുള്ള പ്രത്യാ​ശ​യുള്ള ഒരു മഹാപു​രു​ഷാ​രം കൂട്ടി​ച്ചേർക്ക​പ്പെ​ട്ടു​കൊ​ണ്ടി​രി​ക്കു​ക​യാ​ണെന്ന്‌ 1935-ൽ വ്യക്തമാ​ക്ക​പ്പെട്ടു. ഞങ്ങൾ ആ മഹാപു​രു​ഷാ​ര​ത്തി​ന്റെ ഭാഗമാ​ണെന്ന്‌ മനസ്സി​ലാ​യ​പ്പോൾ ഞങ്ങളി​ല​നേ​ക​രും അതിയാ​യി സന്തോ​ഷി​ച്ചു, ഞങ്ങൾ ചിഹ്നങ്ങ​ളിൽ പങ്കുപ​റ്റു​ന്നത്‌ നിർത്തു​ക​യും ചെയ്‌തു.” ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളു​ടെ മട്ടും ഭാവവും മാറി​വന്നു. അതുവരെ അവ മുഖ്യ​മാ​യും യേശു​വി​ന്റെ ആത്മജാത അനുഗാ​മി​കൾക്കു​വേ​ണ്ടി​യാ​ണു രൂപകൽപ്പന ചെയ്‌തി​രു​ന്ന​തെ​ങ്കിൽ, 1935 മുതൽ ‘വിശ്വ​സ്‌ത​നായ അടിമ’യുടെ വീക്ഷാ​ഗോ​പു​ര​വും മറ്റു സാഹി​ത്യ​ങ്ങ​ളും അഭിഷി​ക്ത​രു​ടെ​യും ഭൗമിക പ്രത്യാ​ശ​യുള്ള അവരുടെ സഹകാ​രി​ക​ളു​ടെ​യും ആവശ്യ​ങ്ങൾക്ക​നു​യോ​ജ്യ​മായ ആത്മീയ ഭക്ഷണം പ്രദാനം ചെയ്യാൻ തുടങ്ങി.—മത്തായി 24:45-47, NW.

10. അവിശ്വ​സ്‌ത​നായ ഒരു അഭിഷി​ക്തന്റെ സ്ഥാനത്ത്‌ മറ്റൊ​രാ​ളെ ആക്കി​യേ​ക്കാ​വു​ന്ന​തെ​ങ്ങനെ?

¹⁰ ഒരു അഭിഷി​ക്തൻ അവിശ്വ​സ്‌ത​നാ​യി​ത്തീ​രു​ന്നു​വെ​ന്നി​രി​ക്കട്ടെ. അയാളു​ടെ സ്ഥാനത്ത്‌ മറ്റാ​രെ​യെ​ങ്കി​ലും ആക്കുമോ? പ്രതീ​കാ​ത്മക ഒലിവ്‌ മരത്തെ​ക്കു​റി​ച്ചുള്ള ചർച്ചയിൽ പൗലൊസ്‌ അതുത​ന്നെ​യാണ്‌ സൂചി​പ്പി​ച്ചത്‌. (റോമർ 11:11-32) ഒരു ആത്മജാ​തന്റെ സ്ഥാനത്ത്‌ മറ്റൊ​രാ​ളെ ആക്കേണ്ടി​വ​രു​മ്പോൾ, സാധ്യ​ത​യ​നു​സ​രിച്ച്‌ അനേക​വർഷം ദൈവ​ത്തി​നു വിശു​ദ്ധ​സേ​വനം അർപ്പിച്ച്‌ മാതൃ​കാ​യോ​ഗ്യ​മായ വിശ്വാ​സം പ്രകട​മാ​ക്കി​യി​ട്ടുള്ള ആർക്കെ​ങ്കി​ലു​മാ​യി​രി​ക്കും അവൻ സ്വർഗീയ വിളി നൽകുക.—ലൂക്കൊസ്‌ 22:28, 29; 1 പത്രൊസ്‌ 1:6, 7 എന്നിവ താരത​മ്യം ചെയ്യുക.

കൃതജ്ഞ​ത​യ്‌ക്ക്‌ അനേകം കാരണങ്ങൾ

11. നമ്മുടെ പ്രത്യാശ എന്തായി​രു​ന്നാ​ലും, യാക്കോബ്‌ 1:17 നമുക്ക്‌ എന്ത്‌ ഉറപ്പു​നൽകു​ന്നു?

¹¹ നാം വിശ്വ​സ്‌ത​ത​യോ​ടെ യഹോ​വയെ സേവി​ക്കു​ന്നത്‌ എവി​ടെ​യാ​യി​രു​ന്നാ​ലും, അവൻ നമ്മുടെ ആവശ്യ​ങ്ങ​ളും ശരിയായ ആഗ്രഹ​ങ്ങ​ളും നിവർത്തി​ച്ചു​ത​രും. (സങ്കീർത്തനം 145:16; ലൂക്കൊസ്‌ 1:67-74) നമുക്കു​ള്ളത്‌ യഥാർഥ സ്വർഗീയ പ്രത്യാ​ശ​യാ​യാ​ലും ഭൗമിക പ്രത്യാ​ശ​യാ​യാ​ലും, ദൈവ​ത്തോ​ടു കൃതജ്ഞ​ത​യു​ള്ള​വ​രാ​യി​രി​ക്കാൻ നമുക്ക്‌ ഈടുറ്റ കാരണ​ങ്ങ​ളുണ്ട്‌. തന്നെ സ്‌നേ​ഹി​ക്കു​ന്ന​വ​രു​ടെ പരമാ​വധി പ്രയോ​ജനം കണക്കി​ലെ​ടു​ത്തു​കൊ​ണ്ടാണ്‌ അവൻ എപ്പോ​ഴും പ്രവർത്തി​ക്കു​ന്നത്‌. “എല്ലാ നല്ല ദാനവും തികഞ്ഞ വരം ഒക്കെയും ഉയരത്തിൽനി​ന്നു വെളി​ച്ച​ങ്ങ​ളു​ടെ പിതാവാ”യ യഹോ​വ​യാം ദൈവ​ത്തിൽനി​ന്നു വരുന്നു​വെന്നു ശിഷ്യ​നായ യാക്കോബ്‌ പറഞ്ഞു. (യാക്കോബ്‌ 1:17) നമുക്ക്‌ അതിൽ ഏതാനും ചില ദാനങ്ങ​ളെ​യും അനു​ഗ്ര​ഹ​ങ്ങ​ളെ​യും കുറിച്ചു ചിന്തി​ക്കാം.

12. യഹോവ തന്റെ വിശ്വസ്‌ത ദാസന്മാർക്ക്‌ ഓരോ​രു​ത്തർക്കും ഒരു മഹത്തായ പ്രത്യാശ നൽകി​യി​രി​ക്കു​ന്നു​വെന്നു നമുക്കു പറയാൻ കഴിയു​ന്ന​തെ​ന്തു​കൊണ്ട്‌?

¹² യഹോവ തന്റെ വിശ്വസ്‌ത ദാസന്മാർക്ക്‌ ഓരോ​രു​ത്തർക്കും ഒരു മഹത്തായ പ്രത്യാശ നൽകി​യി​രി​ക്കു​ന്നു. ചിലരെ അവൻ സ്വർഗീയ ജീവനി​ലേക്കു വിളി​ച്ചി​രി​ക്കു​ന്നു. യഹോവ തന്റെ ക്രിസ്‌തീ​യ​പൂർവ സാക്ഷി​കൾക്കു ഭൂമി​യി​ലെ നിത്യ​ജീ​വൻ പ്രാപി​ക്കു​ന്ന​തി​നുള്ള വിശി​ഷ്ട​മായ പുനരു​ത്ഥാ​ന​പ്ര​ത്യാ​ശ നൽകി. ഉദാഹ​ര​ണ​ത്തിന്‌, അബ്രാ​ഹാം പുനരു​ത്ഥാ​ന​ത്തിൽ വിശ്വാ​സം പ്രകട​മാ​ക്കു​ക​യും തനിക്ക്‌ ഏതു സ്വർഗീയ രാജ്യ​ത്തിൻ കീഴി​ലാ​ണോ ഭൗമിക ജീവനി​ലേക്കു പുനരു​ത്ഥാ​നം ലഭിക്കാ​നി​രി​ക്കു​ന്നത്‌ ആ രാജ്യ​ത്തി​നാ​യി, യഥാർഥ ‘അടിസ്ഥാ​ന​ങ്ങ​ളുള്ള നഗര’ത്തിനായി, കാത്തി​രി​ക്കു​ക​യും ചെയ്‌തു. (എബ്രായർ 11:10, 17-19) ഒരിക്കൽക്കൂ​ടെ, ഈ അന്ത്യകാ​ലത്ത്‌ ദൈവം ദശലക്ഷ​ക്ക​ണ​ക്കി​നാ​ളു​കൾക്ക്‌ പറുദീ​സാ​ഭൂ​മി​യിൽ നിത്യ​മാ​യി ജീവി​ക്കു​ന്ന​തി​നുള്ള പ്രത്യാശ വെച്ചു​നീ​ട്ടു​ക​യാണ്‌. (ലൂക്കൊസ്‌ 23:43; യോഹ​ന്നാൻ 17:3) തീർച്ച​യാ​യും, യഹോവ അത്തരം മഹത്തായ പ്രത്യാശ നൽകി​യി​ട്ടുള്ള ഏതൊ​രാൾക്കും അതി​നെ​പ്രതി അവനോട്‌ ആഴമായ കൃതജ്ഞത തോന്നണം.

13. ദൈവ​ത്തി​ന്റെ ജനത്തി​ന്റെ​മേൽ അവന്റെ പരിശു​ദ്ധാ​ത്മാവ്‌ പ്രവർത്തി​ച്ചി​രി​ക്കു​ന്ന​തെ​ങ്ങനെ?

¹³ യഹോവ തന്റെ ജനത്തിനു പരിശു​ദ്ധാ​ത്മാ​വി​നെ ദാനമാ​യി നൽകുന്നു. സ്വർഗീയ പ്രത്യാശ ലഭിച്ച ക്രിസ്‌ത്യാ​നി​കൾ പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ടു​ന്നു. (1 യോഹ​ന്നാൻ 2:20; 5:1-4, 18) എന്നാൽ, ഭൗമിക പ്രത്യാ​ശ​യുള്ള ദൈവ​ദാ​സർക്ക്‌ ആ ആത്മാവി​ന്റെ സഹായ​വും വഴിന​ട​ത്തി​പ്പു​മുണ്ട്‌. ഇക്കൂട്ട​രിൽപ്പെ​ട്ട​വ​നാണ്‌ മോശ; അവനും അവന്റെ സഹായ​ത്തി​നാ​യി നിയമി​ത​രായ 70 പുരു​ഷ​ന്മാർക്കും യഹോ​വ​യു​ടെ ആത്മാവു​ണ്ടാ​യി​രു​ന്നു. (സംഖ്യാ​പു​സ്‌തകം 11:24, 25) പരിശു​ദ്ധാ​ത്മാ​വി​ന്റെ സ്വാധീ​ന​ത്തിൻകീ​ഴിൽ, ഇസ്രാ​യേ​ലി​ന്റെ സമാഗ​മ​ന​കൂ​ടാ​ര​ത്തോ​ടുള്ള ബന്ധത്തിൽ ബെസലേൽ ഒരു വിദഗ്‌ധ ശിൽപ്പി​യാ​യി സേവിച്ചു. (പുറപ്പാ​ടു 31:1-11) ഗിദെ​യോൻ, യിഫ്‌താഹ്‌, ശിം​ശോൻ, ദാവീദ്‌, ഏലീയാവ്‌, എലീശാ എന്നിങ്ങനെ മറ്റുപ​ല​രു​ടെ​യും​മേൽ ദൈവാ​ത്മാ​വു വന്നു. പുരാതന നാളിലെ ഈ വ്യക്തികൾ സ്വർഗീയ മഹത്ത്വ​ത്തി​ലേക്ക്‌ ഒരിക്ക​ലും വരുത്ത​പ്പെ​ടു​ക​യി​ല്ലെ​ങ്കി​ലും അവർ, യേശു​വി​ന്റെ ഇന്നത്തെ വേറെ ആടുക​ളെ​പ്പോ​ലെ, പരിശു​ദ്ധാ​ത്മാ​വി​നാൽ നയിക്ക​പ്പെ​ടു​ക​യും സഹായി​ക്ക​പ്പെ​ടു​ക​യും ചെയ്‌ത​വ​രാ​യി​രു​ന്നു. അതു​കൊണ്ട്‌, ദൈവ​ത്തി​ന്റെ ആത്മാവു​ണ്ടെ​ന്നത്‌ നമുക്ക്‌ അവശ്യം സ്വർഗീയ വിളി​യു​ണ്ടെന്ന്‌ അർഥമാ​ക്കു​ന്നില്ല. എന്നിരു​ന്നാ​ലും, യഹോ​വ​യു​ടെ ആത്മാവ്‌ നമുക്ക്‌ മാർഗ​നിർദേശം നൽകുന്നു, പ്രസം​ഗി​ക്കാ​നും മറ്റു ദൈവദത്ത നിയമ​നങ്ങൾ നിറ​വേ​റ്റാ​നും നമ്മെ സഹായി​ക്കു​ന്നു, സാധാ​ര​ണ​യിൽ കവിഞ്ഞ ശക്തി പ്രദാനം ചെയ്യുന്നു, നമ്മിൽ സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നന്മ, വിശ്വാ​സം, സൗമ്യത, ആത്മനി​യ​ന്ത്രണം എന്നിങ്ങ​നെ​യുള്ള അതിന്റെ ഫലം ഉളവാ​ക്കു​ന്നു. (യോഹ​ന്നാൻ 16:13; പ്രവൃ​ത്തി​കൾ 1:8; 2 കൊരി​ന്ത്യർ 4:7-10; ഗലാത്യർ 5:22, 23) ദൈവ​ത്തിൽനി​ന്നുള്ള ഈ ദിവ്യ​ദാ​ന​ത്തി​നു നാം കൃതജ്ഞ​ത​യു​ള്ള​വ​രാ​യി​രി​ക്കേ​ണ്ട​തല്ലേ?

14. അറിവും ജ്ഞാനവു​മെന്ന ദൈവ​ദാ​ന​ങ്ങ​ളിൽനി​ന്നു നമുക്കു പ്രയോ​ജ​ന​മു​ണ്ടാ​കു​ന്ന​തെ​ങ്ങനെ?

¹⁴ നമ്മുടെ പ്രത്യാശ സ്വർഗീ​യ​മോ ഭൗമി​ക​മോ ആയിരു​ന്നാ​ലും അറിവും ജ്ഞാനവും ദൈവ​ദാ​ന​ങ്ങ​ളാണ്‌, അതിനു നാം കൃതജ്ഞ​ത​യു​ള്ള​വ​രാ​യി​രി​ക്കണം. യഹോ​വ​യെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​നം “കൂടുതൽ പ്രാധാ​ന്യ​മുള്ള സംഗതി​കൾ തിട്ട​പ്പെ​ടു​ത്താ​നും” ‘യഹോ​വയെ പൂർണ​മാ​യി പ്രസാ​ദി​പ്പി​ക്കു​ക​യെന്ന ലക്ഷ്യത്തിൽ അവനു യോഗ്യ​മാം​വി​ധം നടക്കാ’നും നമ്മെ സഹായി​ക്കു​ന്നു. (ഫിലി​പ്പി​യർ 1:9-11; കൊ​ലൊ​സ്സ്യർ 1:9, 10, NW) ദൈവിക ജ്ഞാനം ജീവി​ത​ത്തിൽ ഒരു സംരക്ഷ​ണ​വും വഴികാ​ട്ടി​യു​മാ​യി വർത്തി​ക്കു​ന്നു. (സദൃശ​വാ​ക്യ​ങ്ങൾ 4:5-7; സഭാ​പ്ര​സം​ഗി 7:12) ശരിയായ അറിവും ജ്ഞാനവും ദൈവ​വ​ച​ന​ത്തിൽ അധിഷ്‌ഠി​ത​മാണ്‌. സ്വർഗീയ പ്രത്യാ​ശ​യെ​ക്കു​റിച്ച്‌ അതു പറയു​ന്ന​തിൽ അഭിഷി​ക്ത​രി​ലെ ഏതാനും വരുന്ന ശേഷിപ്പ്‌ വിശേ​ഷാൽ ആകൃഷ്ട​രാ​യി​ത്തീ​രു​ന്നു. എന്നിരു​ന്നാ​ലും, ദൈവ​വ​ച​ന​ത്തോ​ടുള്ള സ്‌നേ​ഹ​വും അതി​നെ​ക്കു​റി​ച്ചുള്ള നല്ല ഗ്രാഹ്യ​വും നാം സ്വർഗീയ ജീവനി​ലേക്കു വിളി​ക്ക​പ്പെ​ട്ടി​ട്ടു​ണ്ടെന്നു ദൈവം സൂചി​പ്പി​ക്കുന്ന വിധമാ​കു​ന്നില്ല. മോശ​യെ​യും ദാനീ​യേ​ലി​നെ​യും​പോ​ലുള്ള പുരു​ഷ​ന്മാർ ബൈബി​ളി​ന്റെ ഭാഗങ്ങൾ എഴുതു​ക​പോ​ലും ചെയ്‌തി​ട്ടു​ണ്ടെ​ങ്കി​ലും, അവർ ഭൂമി​യി​ലെ ജീവനി​ലേ​ക്കാ​ണു പുനരു​ത്ഥാ​നം ചെയ്യ​പ്പെ​ടുക. നമ്മുടെ പ്രത്യാശ സ്വർഗീ​യ​മോ ഭൗമി​ക​മോ ആയിരു​ന്നാ​ലും, നമു​ക്കെ​ല്ലാ​വർക്കും യഹോ​വ​യു​ടെ അംഗീ​കൃത “വിശ്വ​സ്‌ത​നും വിവേ​കി​യു​മായ അടിമ”യിലൂടെ ആത്മീയ ഭക്ഷണം ലഭിക്കു​ന്നു. (മത്തായി 24:45-47, NW) അങ്ങനെ ലഭിച്ചി​രി​ക്കുന്ന പരിജ്ഞാ​ന​ത്തി​നു നാമെ​ല്ലാം എത്ര കൃതജ്ഞ​ത​യു​ള്ള​വ​രാണ്‌!

15. ദൈവ​ത്തി​ന്റെ ഏറ്റവും വലിയ ദാനങ്ങ​ളി​ലൊന്ന്‌ ഏതാണ്‌, അതിനെ നിങ്ങ​ളെ​ങ്ങനെ വീക്ഷി​ക്കു​ന്നു?

¹⁵ ദൈവ​ത്തി​ന്റെ ഏറ്റവും വലിയ ദാനങ്ങ​ളി​ലൊന്ന്‌ യേശു​വി​ന്റെ മറുവി​ല​യാ​ഗ​മെന്ന സ്‌നേ​ഹ​പൂർവ​ക​മായ കരുത​ലാണ്‌, നമ്മുടെ പ്രത്യാശ സ്വർഗീ​യ​മാ​യി​രു​ന്നാ​ലും ഭൗമി​ക​മാ​യി​രു​ന്നാ​ലും അതു നമുക്കു പ്രയോ​ജനം ചെയ്യുന്നു. “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു ദൈവം അവനെ നല്‌കു​വാൻ തക്കവണ്ണം” മനുഷ്യ​വർഗ​ലോ​കത്തെ സ്‌നേ​ഹി​ച്ചു. (യോഹ​ന്നാൻ 3:16) സ്‌നേ​ഹ​ത്താൽ പ്രേരി​ത​നാ​യി യേശു “അനേകർക്കു വേണ്ടി തന്റെ ജീവനെ മറുവി​ല​യാ​യി കൊടു”ത്തു. (മത്തായി 20:28) യോഹ​ന്നാൻ അപ്പോ​സ്‌തലൻ വിശദ​മാ​ക്കി​യ​തു​പോ​ലെ, യേശു​ക്രി​സ്‌തു “നമ്മുടെ [അഭിഷി​ക്ത​രു​ടെ] പാപങ്ങൾക്കു പ്രായ​ശ്ചി​ത്തം ആകുന്നു; നമ്മു​ടേ​തി​ന്നു മാത്രം അല്ല, സർവ്വ​ലോ​ക​ത്തി​ന്റെ പാപത്തി​ന്നും തന്നേ.” (1 യോഹ​ന്നാൻ 2:1, 2) അതു​കൊണ്ട്‌, രക്ഷ പ്രാപിച്ച്‌ നിത്യ​ജീ​വൻ ലഭിക്കാ​നി​ട​യാ​ക്കുന്ന ഈ സ്‌നേ​ഹ​പൂർവക കരുത​ലി​നു നാമെ​ല്ലാ​വ​രും ആഴമായ കൃതജ്ഞ​ത​യു​ള്ള​വ​രാ​യി​രി​ക്കണം.b

നിങ്ങൾ സന്നിഹി​ത​നാ​യി​രി​ക്കു​മോ?

16. 1998 ഏപ്രിൽ 11-ന്‌ സൂര്യാ​സ്‌ത​മ​യ​ശേഷം ഏതു വിശേഷ സംഭവ​ത്തി​ന്റെ സ്‌മാ​രകം കൊണ്ടാ​ടും, ആർ സന്നിഹി​ത​രാ​യി​രി​ക്കണം?

¹⁶ 1998 ഏപ്രിൽ 11-ന്‌ സൂര്യാ​സ്‌ത​മ​യ​ശേഷം യഹോ​വ​യു​ടെ സാക്ഷികൾ ക്രിസ്‌തു​വി​ന്റെ മരണത്തി​ന്റെ സ്‌മാ​രകം കൊണ്ടാ​ടു​വാൻ രാജ്യ​ഹാ​ളു​ക​ളി​ലോ മറ്റു സ്ഥലങ്ങളി​ലോ കൂടി​വ​രു​ന്ന​താ​യി​രി​ക്കും. തന്റെ പുത്ര​നി​ലൂ​ടെ ദൈവം പ്രദാ​നം​ചെ​യ്‌തി​രി​ക്കുന്ന മറുവി​ല​യോ​ടുള്ള കൃതജ്ഞത നമ്മെ അവിടെ സന്നിഹി​ത​രാ​യി​രി​ക്കാൻ പ്രേരി​പ്പി​ക്കേ​ണ്ട​താണ്‌. തന്റെ ഭൗമിക ജീവി​ത​ത്തി​ന്റെ അവസാന രാത്രി​യിൽ വിശ്വസ്‌ത അപ്പോ​സ്‌ത​ല​ന്മാ​രു​മൊത്ത്‌ ഈ ആചരണം ഏർപ്പെ​ടു​ത്തി​യ​പ്പോൾ യേശു പറഞ്ഞു: “എന്റെ ഓർമ്മെ​ക്കാ​യി ഇതു ചെയ്‌വിൻ.” (ലൂക്കൊസ്‌ 22:19, 20; മത്തായി 26:26-30) ശേഷി​ച്ചി​രി​ക്കുന്ന അഭിഷി​ക്ത​രായ ഏതാനും​പേർ യേശു​വി​ന്റെ പാപര​ഹിത മനുഷ്യ​ശ​രീ​രത്തെ പ്രതി​നി​ധാ​നം ചെയ്യുന്ന പുളി​പ്പി​ല്ലാത്ത അപ്പത്തി​ലും ബലിയിൽ ചിന്തിയ അവന്റെ രക്തത്തെ പ്രതി​നി​ധാ​നം ചെയ്യുന്ന മായമി​ല്ലാത്ത ചുവന്ന വീഞ്ഞി​ലും പങ്കുപ​റ്റും. ആത്മജാത ക്രിസ്‌ത്യാ​നി​കൾ മാത്രമേ അതിൽ പങ്കുപ​റ്റാ​വൂ. കാരണം പുതിയ ഉടമ്പടി​യി​ലും രാജ്യ ഉടമ്പടി​യി​ലും ഉൾപ്പെ​ട്ടി​രി​ക്കു​ന്നത്‌ അവരാണ്‌. തങ്ങളു​ടേത്‌ സ്വർഗീയ പ്രത്യാ​ശ​യാ​ണെന്ന്‌ ദൈവ​ത്തി​ന്റെ പരിശു​ദ്ധാ​ത്മാ​വി​ന്റെ സംശയാ​തീ​ത​മായ സാക്ഷ്യം അവർക്കുണ്ട്‌. നിത്യ​ജീ​വൻ സാധ്യ​മാ​ക്കുന്ന യേശു​വി​ന്റെ ബലി​യോ​ടുള്ള ബന്ധത്തിൽ ദൈവ​വും ക്രിസ്‌തു​വും പ്രകട​മാ​ക്കിയ സ്‌നേ​ഹ​ത്തോ​ടു കൃതജ്ഞ​ത​യുള്ള ദശലക്ഷ​ക്ക​ണ​ക്കി​നു​വ​രുന്ന മറ്റുള്ളവർ ആദര​വോ​ടെ നിരീ​ക്ഷ​ക​രാ​യി സന്നിഹി​ത​രാ​യി​രി​ക്കും.—റോമർ 6:23.

17. ആത്മാഭി​ഷേ​ക​ത്തി​ന്റെ കാര്യ​ത്തിൽ നാം എന്ത്‌ ഓർത്തി​രി​ക്കണം?

¹⁷ മുൻ മതവി​ശ്വാ​സ​ങ്ങ​ളോ പ്രിയ​പ്പെട്ട ഒരാളു​ടെ മരണ​ത്തെ​ത്തു​ടർന്നുള്ള ശക്തമായ വികാ​ര​ങ്ങ​ളോ ഭൂമി​യി​ലെ ഇപ്പോ​ഴത്തെ ജീവി​ത​വു​മാ​യി ബന്ധപ്പെട്ട പ്രയാ​സ​ങ്ങ​ളോ യഹോ​വ​യിൽനിന്ന്‌ ഏതോ പ്രത്യേക അനു​ഗ്രഹം ലഭിച്ചി​രി​ക്കു​ന്നു​വെന്ന തോന്ന​ലോ നിമിത്തം തങ്ങൾക്കു സ്വർഗീയ പ്രത്യാ​ശ​യാ​ണു​ള്ള​തെന്നു ചിലർ തെറ്റായി നിഗമനം ചെയ്‌തേ​ക്കാം. എന്നാൽ ക്രിസ്‌തു​വി​ന്റെ മറുവി​ല​യാ​ഗ​ത്തോ​ടുള്ള കൃതജ്ഞത പ്രകടി​പ്പി​ക്കാൻ നാം സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ്റ​ണ​മെന്നു തിരു​വെ​ഴു​ത്തു​കൾ കൽപ്പി​ക്കു​ന്നി​ല്ലെന്ന്‌ നാമെ​ല്ലാം ഓർക്കേ​ണ്ട​തുണ്ട്‌. തന്നെയു​മല്ല, ആത്മാഭി​ഷേകം “ഇച്ഛിക്കു​ന്ന​വ​നാ​ലു​മല്ല, ഓടു​ന്ന​വ​നാ​ലു​മല്ല, കരുണ തോന്നുന്ന ദൈവ”ത്താലാണ്‌, യേശു​വി​നെ ആത്മീയ പുത്ര​നാ​യി ജനിപ്പി​ച്ച​വ​നും 1,44,000 മറ്റു പുത്ര​ന്മാ​രെ മാത്രം മഹത്ത്വ​ത്തി​ലേക്കു നയിക്കു​ന്ന​വ​നു​മാ​യ​വ​നാ​ലാണ്‌ സംഭവി​ക്കു​ന്നത്‌.—റോമർ 9:16; യെശയ്യാ​വു 64:8.

18. ഇന്നു യഹോ​വയെ സേവി​ക്കുന്ന മിക്കവർക്കും എന്തെല്ലാം അനു​ഗ്ര​ഹ​ങ്ങ​ളാണ്‌ ലഭിക്കാ​നി​രി​ക്കു​ന്നത്‌?

¹⁸ ഈ അന്ത്യനാ​ളു​ക​ളിൽ യഹോ​വയെ സേവി​ക്കുന്ന മനുഷ്യ​രിൽ മിക്കവർക്കു​മുള്ള ദൈവദത്ത പ്രത്യാശ പറുദീ​സാ​ഭൂ​മി​യി​ലെ നിത്യ​ജീ​വ​നാണ്‌. (2 തിമൊ​ഥെ​യൊസ്‌ 3:1-5) ഉടനെ, അവർ ഈ വിസ്‌മ​യാ​വ​ഹ​മായ പറുദീസ ആസ്വദി​ക്കും. സ്വർഗീയ ഭരണത്തിൻകീ​ഴിൽ പ്രഭു​ക്ക​ന്മാർ ഭൗമി​ക​കാ​ര്യ​ങ്ങൾക്കു നേതൃ​ത്വം നൽകും. (സങ്കീർത്തനം 45:16) ഭൂവാ​സി​കൾ ദൈവ​നി​യ​മ​ങ്ങ​ളോ​ടു യോജി​പ്പിൽ പ്രവർത്തി​ക്കു​ക​യും യഹോ​വ​യു​ടെ വഴിക​ളെ​ക്കു​റി​ച്ചു കൂടുതൽ പഠിക്കു​ക​യും ചെയ്യു​മ്പോൾ സമാധാ​ന​പൂർണ​മായ അവസ്ഥകൾ നിലനിൽക്കും. (യെശയ്യാ​വു 9:6, 7; വെളി​പ്പാ​ടു 20:12) ഭവനനിർമാ​ണ​ത്തോ​ടും ഭൂമിയെ അധീന​മാ​ക്കു​ന്ന​തി​നോ​ടും ബന്ധപ്പെട്ട്‌ ഏറെ വേലകൾ ചെയ്യാ​നു​ണ്ടാ​കും. (യെശയ്യാ​വു 65:17-25) മരിച്ചവർ ജീവനി​ലേക്കു തിരി​ച്ചു​വ​രു​മ്പോ​ഴത്തെ സന്തുഷ്ട​മായ കുടുംബ പുനഃ​സ​മാ​ഗ​മ​ങ്ങ​ളെ​ക്കു​റി​ച്ചു ചിന്തി​ക്കുക! (യോഹ​ന്നാൻ 5:28, 29) അന്തിമ പരി​ശോ​ധ​ന​യ്‌ക്കു​ശേഷം, എല്ലാ ദുഷ്ടത​യും പൊയ്‌പ്പോ​യി​രി​ക്കും. (വെളി​പ്പാ​ടു 20:7-10) അതിനു​ശേഷം ‘ജീർണ​ത​യു​ടെ അടിമ​ത്ത​ത്തിൽനി​ന്നു സ്വത​ന്ത്ര​രാ​ക്ക​പ്പെ​ടു​ക​യും ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം പ്രാപി​ക്കു​ക​യും’ ചെയ്യുന്ന പൂർണ മനുഷ്യ​രെ​ക്കൊ​ണ്ടു ഭൂമി എക്കാല​വും നിറഞ്ഞി​രി​ക്കും.

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

□ ‘ജീവജലം സൗജന്യ​മാ​യി വാങ്ങുക’ എന്നതിന്റെ അർഥ​മെന്ത്‌?

□ നമ്മുടെ പ്രത്യാശ സ്വർഗീ​യ​മാ​യി​രു​ന്നാ​ലും ഭൗമി​ക​മാ​യി​രു​ന്നാ​ലും, ദൈവ​ത്തോ​ടു കൃതജ്ഞ​ത​യു​ള്ള​വ​രാ​യി​രി​ക്കാൻ നമുക്ക്‌ എന്തെല്ലാം കാരണ​ങ്ങ​ളുണ്ട്‌?

□ ഏതു വാർഷിക ആചരണ​ത്തിൽ നാമെ​ല്ലാം സംബന്ധി​ക്കണം?

□ യഹോ​വ​യു​ടെ ജനത്തിൽ മിക്കവർക്കും ഭാവി എന്തു കൈവ​രു​ത്തും?

[18-ാം പേജിലെ ചിത്രം]

ദശലക്ഷക്കണക്കിനാളുകൾ ‘ജീവജലം സൗജന്യ​മാ​യി വാങ്ങാ’നാരം​ഭി​ച്ചി​രി​ക്കു​ന്നു. അക്കൂട്ട​ത്തിൽ നിങ്ങളു​മു​ണ്ടോ?