“അസമമാ​യി കൂട്ടി​യോ​ജി​പ്പി​ക്ക​പ്പെ​ട​രുത്‌”

അസാധാ​ര​ണ​മായ ശക്തിയുള്ള രണ്ടു കാളക​ളെ​യാണ്‌ ഇവിടെ ചിത്രീ​ക​രി​ച്ചി​രി​ക്കു​ന്നത്‌. കനത്ത ഭാരം അനായാ​സം വലിക്കാൻ അവയെ പ്രാപ്‌ത​മാ​ക്കു​ന്നത്‌ ആ ശക്തിയാണ്‌. എന്നാൽ ഒരു കാളയെ മാറ്റി പകരം ഒരു കഴുതയെ നിർത്തി​യെന്നു സങ്കൽപ്പി​ക്കുക. കഴുത കാള​യെ​ക്കാൾ ചെറു​തും ദുർബ​ല​വു​മാ​യ​തു​കൊണ്ട്‌ അത്‌ അസമമായ നുകത്തി​നു​കീ​ഴിൽ തന്നെ ബന്ധിച്ചു നിർത്തുന്ന വണ്ടിവ​ലി​ക്കോ​ലിൽ തൊഴി​ച്ചു മറുക്കാ​നാ​ണു സാധ്യത. അതു​കൊണ്ട്‌, ഇസ്രാ​യേ​ലി​നുള്ള ദൈവ​ത്തി​ന്റെ ന്യായ​പ്ര​മാ​ണം ഇങ്ങനെ പ്രസ്‌താ​വി​ച്ച​തി​നു നല്ല കാരണ​മുണ്ട്‌: “കാള​യെ​യും കഴുത​യെ​യും ഒന്നിച്ചു പൂട്ടി ഉഴരുതു.”—ആവർത്ത​ന​പു​സ്‌തകം 22:10.

മനുഷ്യ​രെ സംബന്ധിച്ച്‌ പൗലോസ്‌ അപ്പോ​സ്‌തലൻ സമാന​മായ ഒരു സംഗതി എഴുതി. “അവിശ്വാ​സി​ക​ളു​മാ​യി അസമമാ​യി കൂട്ടി​യോ​ജി​പ്പി​ക്ക​പ്പെ​ട​രുത്‌,” അവൻ പറഞ്ഞു. (2 കൊരി​ന്ത്യർ 6:14, NW) വിവാ​ഹ​ത്തിന്‌ ഇണയെ തിര​ഞ്ഞെ​ടു​ക്കു​മ്പോൾ ഇക്കാര്യം വിശേ​ഷാൽ ഓർക്കേ​ണ്ട​താണ്‌. വിവാഹം സ്ഥിരമാ​യൊ​രു സഹവർത്തി​ത്വ​മാണ്‌. കാരണം യേശു പറഞ്ഞത്‌ “ദൈവം കൂട്ടി​യോ​ജി​പ്പി​ച്ച​തി​നെ യാതൊ​രു മനുഷ്യ​നും വേർപി​രി​ക്ക​രുത്‌” എന്നാണ്‌. (മത്തായി 19:6, NW) വിവാ​ഹിത ഇണകൾക്ക്‌ ഒരേ വിശ്വാ​സ​ങ്ങ​ളും തത്ത്വങ്ങ​ളും ലക്ഷ്യങ്ങ​ളു​മി​ല്ലെ​ങ്കിൽ, അത്‌ അനവധി ഹൃദയ​വൈ​ഷ​മ്യ​ങ്ങൾക്കി​ട​യാ​ക്കു​ന്നു. അതു​കൊണ്ട്‌, ‘കർത്താ​വിൽ മാത്രമേ’ വിവാഹം ചെയ്യാവൂ എന്ന ബൈബിൾ ശാസനം പിൻപ​റ്റു​ന്നതു തികച്ചും ന്യായ​യു​ക്ത​മാണ്‌. (1 കൊരി​ന്ത്യർ 7:39) നിങ്ങളു​ടെ മതവി​ശ്വാ​സ​മി​ല്ലാത്ത ഒരാളു​മാ​യി വിവാഹ ബന്ധത്തിൽ പ്രവേ​ശി​ക്കു​ന്നതു കാള​യെ​യും കഴുത​യെ​യും കൂട്ടി​യോ​ജി​പ്പി​ക്കു​ന്ന​തു​കൊ​ണ്ടുള്ള പ്രശ്‌ന​ത്തെ​ക്കാൾ വലിയ പ്രശ്‌നം വരുത്തി​വെ​ക്കും.

ഒരു ദമ്പതികൾ അസമമാ​യി കൂട്ടി​യോ​ജി​പ്പി​ക്ക​പ്പെ​ടാ​നി​ട​യാ​കുന്ന ഒരു ഘടകം മാത്ര​മാ​ണു മതവി​ശ്വാ​സ​ത്തി​ലെ വ്യത്യാ​സം. വിവാ​ഹി​ത​രാ​കാൻ ഉദ്ദേശി​ക്കുന്ന ഇണകൾ—ഒരേ വിശ്വാ​സ​ത്തി​ലു​ള്ള​വ​രാ​ണെ​ങ്കിൽപ്പോ​ലും—ഇത്തരം ചോദ്യ​ങ്ങൾ ചോദി​ക്കു​ന്നത്‌ നന്നായി​രി​ക്കും: ‘ഞങ്ങൾക്ക്‌ ഒരേ ലക്ഷ്യങ്ങ​ളാ​ണോ ഉള്ളത്‌? ഞങ്ങൾ എവിടെ താമസി​ക്കും? ബജറ്റ്‌ ആർ കൈകാ​ര്യം ചെയ്യും? രണ്ടു​പേ​രും ജോലി​ക്കു പോകു​മോ? കുട്ടി​ക​ളു​ടെ കാര്യ​മെ​ങ്ങനെ? ബന്ധത്തെ നയിക്കു​ന്നതു ദയയും പരിഗ​ണ​ന​യു​മാ​യി​രി​ക്കു​മോ?’

ഒരു നുകം സമമാ​യി​രി​ക്കു​മോ അസമമാ​യി​രി​ക്കു​മോ എന്ന്‌ അത്തരം കാര്യങ്ങൾ ചർച്ച​ചെ​യ്യുന്ന വിധത്തിന്‌ ഒരു പരിധി​വരെ സൂചി​പ്പി​ക്കാ​നാ​വും. പരിപൂർണ യോജി​പ്പുള്ള രണ്ടു വ്യക്തികൾ ഇല്ലെന്നതു തീർച്ച​തന്നെ. എന്നിരു​ന്നാ​ലും, മൊത്ത​ത്തിൽ, വിവാ​ഹ​ത്തി​നു​മു​മ്പു കോർട്ടി​ങ്ങി​ലേർപ്പെ​ടുന്ന ദമ്പതി​കൾക്ക്‌ ഒരുമിച്ച്‌ പ്രശ്‌ന​ങ്ങളെ നേരി​ടാ​നാ​വു​ന്നെ​ങ്കിൽ, അവർ തുറന്ന ആശയവി​നി​മ​യ​ത്തി​നു തയ്യാറാ​കു​ന്നെ​ങ്കിൽ, അവർ അസമമാ​യി കൂട്ടി​യോ​ജി​പ്പി​ക്ക​പ്പെ​ടാ​തി​രിക്കാ​നുള്ള സാധ്യ​ത​യുണ്ട്‌.