വായന​ക്കാ​രിൽനി​ന്നുള്ള ചോദ്യ​ങ്ങൾ

വാർത്താറിപ്പോർട്ടുകളനുസരിച്ച്‌, ചില ആശുപ​ത്രി​കൾ ഒരു കുട്ടി ജനിച്ച​ശേഷം മറുപി​ള്ള​യും പൊക്കിൾക്കൊ​ടി​യും സൂക്ഷിച്ചു വെക്കുന്നു. അവയി​ലുള്ള രക്തത്തിൽനി​ന്നു ചില വസ്‌തു​ക്കൾ വേർതി​രി​ച്ചെ​ടു​ക്കു​ന്ന​തി​നു​വേ​ണ്ടി​യാണ്‌ അങ്ങനെ ചെയ്യു​ന്നത്‌. അത്‌ ഒരു ക്രിസ്‌ത്യാ​നി​യെ ഉത്‌ക​ണ്‌ഠ​പ്പെ​ടു​ത്തേ​ണ്ട​തു​ണ്ടോ?

മിക്കയി​ട​ങ്ങ​ളി​ലും അപ്രകാ​രം സംഭവി​ക്കു​ന്നി​ല്ലാ​ത്ത​തി​നാൽ ക്രിസ്‌ത്യാ​നി​കൾ ഉത്‌ക​ണ്‌ഠ​പ്പെ​ടേ​ണ്ട​തില്ല. ഒരു ക്രിസ്‌ത്യാ​നി പ്രസവി​ക്കാൻ പോകുന്ന ആശുപ​ത്രി​യിൽ അത്തര​മൊ​രു നടപടി പിൻപ​റ്റു​ന്ന​താ​യി വിശ്വ​സി​ക്കു​ന്ന​തി​നു വേണ്ടത്ര കാരണ​മു​ണ്ടെ​ങ്കിൽ, മറുപി​ള്ള​യും പൊക്കിൾക്കൊ​ടി​യും ഒരു വിധത്തി​ലും ഉപയോ​ഗി​ക്കാ​തെ നശിപ്പി​ച്ചു​ക​ള​യാൻ ഡോക്ട​റോട്‌ ആവശ്യ​പ്പെ​ടു​ന്നത്‌ ഉചിത​മാ​യി​രി​ക്കും.

നിരവധി വൈദ്യ​ശാ​സ്‌ത്ര ഉത്‌പ​ന്നങ്ങൾ ജീവശാ​സ്‌ത്ര​പ​ര​മായ ഉറവി​ട​ങ്ങ​ളിൽനിന്ന്‌—മൃഗങ്ങ​ളിൽനി​ന്നോ മനുഷ്യ​രിൽനി​ന്നോ—എടുത്തി​ട്ടുണ്ട്‌. ഉദാഹ​ര​ണ​ത്തിന്‌, ചനയുള്ള കുതി​ര​ക​ളു​ടെ മൂത്ര​ത്തിൽനി​ന്നാ​ണു ചില ഹോർമോ​ണു​കൾ എടുത്തി​രി​ക്കു​ന്നത്‌. കുതി​ര​രക്തം ടെറ്റനസ്‌ സീറത്തി​ന്റെ ഒരു ഉറവി​ട​മാ​യി​രു​ന്നി​ട്ടുണ്ട്‌. ദീർഘ​കാ​ല​മാ​യി, രോഗത്തെ ചെറു​ത്തു​നിൽക്കാ​നുള്ള ഗാമാ​ഗ്ലോ​ബു​ലിൻ മനുഷ്യ മറുപി​ള്ള​യി​ലെ (മാശ്‌) രക്തത്തിൽനി​ന്നാണ്‌ എടുത്തി​രി​ക്കു​ന്നത്‌. ചില ആശുപ​ത്രി​കൾ മറുപി​ള്ളകൾ എടുത്ത്‌, തണുപ്പി​ച്ചു കട്ടിയാ​ക്കി വെക്കുന്നു. പിന്നീ​ട​വയെ ഒരു ഔഷധ​നിർമാണ പരീക്ഷ​ണ​ശാ​ല​യി​ലേക്കു കൊണ്ടു​പോ​കു​ന്നു. തന്മൂലം, ആൻറി​ബോ​ഡി​കൾ സമൃദ്ധ​മാ​യുള്ള രക്തം ഒരു പ്രത്യേക പ്രക്രി​യ​യ്‌ക്കു വിധേ​യ​മാ​ക്കി ഗാമാ​ഗ്ലോ​ബു​ലിൻ വേർതി​രി​ച്ചെ​ടു​ക്കാൻ കഴിയും.

സമീപ​കാ​ലത്ത്‌, മാശിൽനി​ന്നെ​ടുത്ത രക്തം ഒരുതരം രക്താർബു​ദത്തെ ചികി​ത്സി​ക്കു​ന്ന​തിൽ വിജയ​പ്ര​ദ​മാ​യി​രു​ന്ന​താ​യി ഗവേഷകർ അവകാ​ശ​പ്പെട്ടു. രോഗ​പ്ര​തി​രോധ വ്യവസ്ഥ​യി​ലുള്ള ചില ക്രമ​ക്കേ​ടു​കൾക്കു ചികി​ത്സി​ക്കു​ന്ന​തി​നോ മജ്ജ മാറ്റി​വെ​ക്കു​ന്ന​തി​നുള്ള ഘടകങ്ങൾക്കു പകരമാ​യോ അത്തരം രക്തം ഉപയോ​ഗ​പ്ര​ദ​മാ​യി​രു​ന്നേ​ക്കാം എന്നാണ്‌ അനുമാ​നം. തന്മൂലം, മാതാ​പി​താ​ക്കൾ കുട്ടി​ക​ളു​ടെ ഭാവി ചികി​ത്സ​യ്‌ക്ക്‌ ഉപയോ​ഗ​പ്ര​ദ​മാ​യി​രി​ക്ക​ത്ത​ക്ക​വണ്ണം മറുപി​ള്ള​യിൽനി​ന്നെ​ടുത്ത രക്തം തണുപ്പി​ച്ചു കട്ടിയാ​ക്കി ശേഖരി​ച്ചു​വെ​ക്കുന്ന രീതിക്ക്‌ ഒരളവു​വരെ പ്രചാരം ലഭിച്ചി​രി​ക്കു​ന്നു.

ദൈവ​ത്തി​ന്റെ പരിപൂർണ നിയമ​ത്താൽ തങ്ങളുടെ ചിന്താ​ഗ​തി​കളെ നിയ​ന്ത്രി​ക്കുന്ന സത്യ​ക്രി​സ്‌ത്യാ​നി​കൾക്ക്‌, മറുപി​ള്ള​യിൽനി​ന്നു ലഭ്യമാ​കുന്ന രക്തത്തിന്റെ അത്തരം വാണി​ജ്യ​വ​ത്‌ക​രണം അൽപ്പം​പോ​ലും പ്രലോ​ഭ​ന​മാ​യി​രി​ക്കു​ന്നില്ല. നമ്മുടെ സ്രഷ്ടാവ്‌ രക്തത്തെ പാവന​മാ​യി, ദൈവദത്ത ജീവനെ പ്രതി​നി​ധാ​നം ചെയ്യുന്ന ഒന്നായി വീക്ഷി​ക്കു​ന്നു. അവന്റെ അംഗീ​കാ​ര​ത്തോ​ടു​കൂ​ടെ രക്തം ഉപയോ​ഗി​ക്കാൻ കഴിയു​മാ​യി​രു​ന്നതു യാഗങ്ങ​ളോ​ടുള്ള ബന്ധത്തിൽ, യാഗപീ​ഠ​ത്തിൽ മാത്ര​മാ​യി​രു​ന്നു. (ലേവ്യ​പു​സ്‌തകം 17:10-12; റോമർ 3:25; 5:8-ഉം എഫെസ്യർ 1:7-ഉം താരത​മ്യം ചെയ്യുക.) മറ്റു സന്ദർഭ​ങ്ങ​ളി​ലെ​ല്ലാം, ഒരു ജന്തുവിൽനി​ന്നെ​ടുത്ത രക്തം തറയിൽ ഒഴിച്ചു മണ്ണിട്ടു മൂടണ​മാ​യി​രു​ന്നു.—ലേവ്യ​പു​സ്‌തകം 17:13; ആവർത്ത​ന​പു​സ്‌തകം 12:15, 16.

ക്രിസ്‌ത്യാ​നി​കൾ മൃഗത്തെ വേട്ടയാ​ടു​ക​യോ കോഴി​യെ അല്ലെങ്കിൽ ആടിനെ കൊല്ലു​ക​യോ ചെയ്യു​മ്പോൾ അവർ അവയുടെ രക്തം വാർന്നു​പോ​കാൻ ഇടയാ​ക്കി​ക്കൊണ്ട്‌ അതു നിർമാർജനം ചെയ്യുന്നു. അവർ അക്ഷരാർഥ​ത്തിൽ അവയുടെ രക്തം തറയിൽ ഒഴി​ക്കേ​ണ്ട​തില്ല. എന്നാൽ മറ്റെന്തി​നെ​ങ്കി​ലും​വേണ്ടി ഉപയോ​ഗി​ക്കു​ന്ന​തി​നു പകരം രക്തം നിർമാർജനം ചെയ്യുക എന്നതാണ്‌ ആശയം.

തങ്ങളിൽനിന്ന്‌ എടുത്തു​മാ​റ്റിയ ജൈവ​വ​സ്‌തു​ക്കൾ, അവ ശരീര വിസർജ്യ​ങ്ങ​ളോ രോഗ​ബാ​ധിത ശരീര​ക​ല​യോ രക്തമോ എന്തുത​ന്നെ​യാ​യി​രു​ന്നാ​ലും, നിർമാർജനം ചെയ്യ​പ്പെ​ടു​ക​യാ​ണെന്ന്‌ ആശുപ​ത്രി​യി​ലാ​ക്ക​പ്പെ​ടുന്ന ക്രിസ്‌ത്യാ​നി​കൾ മനസ്സി​ലാ​ക്കു​ന്നു. ഒരു ഡോക്ടർ ആദ്യം മൂത്ര​പ​രി​ശോ​ധന, ട്യൂമർ ബാധിച്ച കലയുടെ രോഗാ​ത്മക പരി​ശോ​ധന, രക്തപരി​ശോ​ധന എന്നിങ്ങ​നെ​യുള്ള ചില പരി​ശോ​ധ​നകൾ നടത്താൻ ആഗ്രഹി​ക്കു​ന്നു​വെന്നു വരാം. എന്നാൽ, അതിനു ശേഷം ആ വസ്‌തു​ക്കൾ തദ്ദേശ​നി​യ​മ​മ​നു​സ​രി​ച്ചു നിർമാർജനം ചെയ്യ​പ്പെ​ടു​ന്നു. അപ്രകാ​രം ചെയ്യാൻ ആശുപ​ത്രി​യി​ലുള്ള രോഗി​കൾ പ്രത്യേ​കം ആവശ്യ​പ്പെ​ടേ​ണ്ട​തില്ല. കാരണം, അത്തരം ജൈവ​വ​സ്‌തു​ക്കൾ നിർമാർജനം ചെയ്യു​ന്നതു ന്യായ​യു​ക്ത​മാണ്‌, വൈദ്യ​ശാ​സ്‌ത്ര വിചക്ഷ​ണ​ത​യു​മാണ്‌. അത്തര​മൊ​രു സാധാരണ നടപടി പിൻപ​റ്റാ​മോ എന്നു സംശയി​ക്കാൻ മതിയായ കാരണ​മുള്ള ഒരു രോഗിക്ക്‌, ഉത്തരവാ​ദി​ത്വ​പ്പെട്ട ഡോക്ടർക്ക്‌ അതേക്കു​റി​ച്ചു സൂചന നൽകാ​വു​ന്ന​താണ്‌. മതപര​മായ കാരണ​ങ്ങ​ളാൽ അത്തരം സകല വസ്‌തു​ക്ക​ളും നിർമാർജനം ചെയ്യാൻ താൻ ആഗ്രഹി​ക്കു​ന്നു​വെന്നു രോഗി​ക്കു വ്യക്തമാ​ക്കാം.

എന്നിരു​ന്നാ​ലും, നേരത്തെ സൂചി​പ്പി​ച്ച​തു​പോ​ലെ, ഇത്‌ ഒരു സാധാരണ രോഗി​യെ യാതൊ​രു കാരണ​വ​ശാ​ലും ഉത്‌ക​ണ്‌ഠ​പ്പെ​ടു​ത്തേ​ണ്ട​തില്ല. കാരണം, മിക്ക സ്ഥലങ്ങളി​ലും മറുപി​ള്ള​യു​ടെ അല്ലെങ്കിൽ മറ്റു ജൈവ​വ​സ്‌തു​ക്ക​ളു​ടെ അത്തരം ഉദ്ധാര​ണ​വും പുനരു​പ​യോ​ഗ​വും ക്രമമാ​യി നടത്തു​ന്ന​തു​പോ​യിട്ട്‌ അതേക്കു​റി​ച്ചു പരിചി​ന്തി​ക്കു​ന്ന​തു​കൂ​ടി​യില്ല.

1997 ജനുവരി 1 ലക്കം “വീക്ഷാ​ഗോ​പുര”ത്തിൽ പ്രത്യ​ക്ഷ​പ്പെട്ട, “നമുക്കു ദുഷ്ടമാ​യ​തി​നെ വെറു​ക്കാം” എന്ന ലേഖനം ബാലര​തി​പ്രി​യത്തെ കേന്ദ്രീ​ക​രി​ച്ചി​രി​ക്കു​ന്ന​താ​യി തോന്നു​ന്നു. ഈ നടപടി​യെ എങ്ങനെ നിർവ​ചി​ക്കാം?

വെബ്‌സ്റ്റേ​ഴ്‌സ്‌ നയന്ത്‌ ന്യൂ കൊളീ​ജി​യേറ്റ്‌ ഡിക്‌ഷ്‌നറി “ബാലര​തി​പ്രി​യം” എന്ന പദത്തെ “കുട്ടി​കളെ ലൈം​ഗിക കരുക്ക​ളാ​യി തിര​ഞ്ഞെ​ടു​ക്കുന്ന ലൈം​ഗിക വികട​ത്തരം” എന്നു നിർവ​ചി​ക്കു​ന്നു. ആവർത്ത​പു​സ്‌തകം 23:17, 18-ൽ ഈ നടപടി​യു​ടെ വശങ്ങളെ കുറ്റം​വി​ധി​ച്ചി​രി​ക്കു​ന്നു. ഒരു ആലയ വ്യഭി​ചാ​രി (“അല്ലെങ്കിൽ, ‘ഒരു കാറ്റ​മൈറ്റ്‌,’ ലൈം​ഗിക വികട​ത്ത​ര​ത്തി​നാ​യി നിർത്തി​യി​രി​ക്കുന്ന ഒരു ബാലൻ,” NW അടിക്കു​റിപ്പ്‌) ആയിത്തീ​രു​ന്ന​തി​നെ​തി​രെ ദൈവം അവിടെ സംസാ​രി​ച്ചു. “യഹോ​വ​യു​ടെ ആലയത്തി​ലേക്കു” ഒരു ‘നായുടെ’ വില (“സാധ്യ​ത​യ​നു​സ​രിച്ച്‌ ഒരു ഗുദ​ഭോ​ഗി; പ്രത്യേ​കി​ച്ചും ഒരാൺകു​ട്ടി​യു​മാ​യി ഗുദസം​ഭോ​ഗ​ത്തിൽ ഏർപ്പെ​ടുന്ന ഒരുവൻ,” NW അടിക്കു​റിപ്പ്‌) കൊണ്ടു​വ​രു​ന്ന​തി​നെ​യും ആ വാക്യങ്ങൾ വിലക്കു​ന്നു. മുതിർന്ന ഒരു വ്യക്തി ഒരു കുട്ടിയെ കാമപൂർവം തഴുകു​ന്ന​തുൾപ്പെടെ ലൈം​ഗിക ദുഷ്‌പെ​രു​മാ​റ്റ​ത്തി​നു കരുവാ​ക്കു​ന്ന​തി​നെ​ക്കു​റി​ച്ചാ​ണു വീക്ഷാ​ഗോ​പു​രം ചർച്ച ചെയ്‌ത​തെന്ന്‌ ആ തിരു​വെ​ഴു​ത്തു പരാമർശ​ങ്ങ​ളും ലൗകിക പരാമർശ​ങ്ങ​ളും സ്ഥിരീ​ക​രി​ക്കു​ന്നു.