രാഹാബ്‌—വിശ്വാ​സ​ത്തി​ന്റെ പ്രവൃ​ത്തി​ക​ളാൽ നീതീ​ക​രി​ക്ക​പ്പെട്ടു

ദൈവ​ത്തി​ന്റെ നിലപാ​ടിൽ ഒരു വേശ്യ നീതീ​ക​രി​ക്ക​പ്പെ​ടു​ന്ന​തി​നെ​ക്കു​റിച്ച്‌ ഒന്നാ​ലോ​ചി​ച്ചു നോക്കൂ! “ഹേയ്‌, ഒരിക്ക​ലു​മില്ല!” എന്ന്‌ അനേകർ പറയും. എന്നാൽ അതുത​ന്നെ​യാണ്‌ ഒരു പുരാതന കനാന്യ നഗരമായ യെരീ​ഹോ​യി​ലെ വേശ്യ​യായ രാഹാ​ബി​നു സംഭവി​ച്ചത്‌.

ബൈബി​ളെ​ഴു​ത്തു​കാ​ര​നായ യാക്കോബ്‌ പറയുന്നു; “അങ്ങനെ മനുഷ്യൻ വെറും വിശ്വാ​സ​ത്താ​ലല്ല പ്രവൃ​ത്തി​ക​ളാൽ തന്നെ നീതീ​ക​രി​ക്ക​പ്പെ​ടു​ന്നു എന്നു നിങ്ങൾ കാണുന്നു. അവ്വണ്ണം രാഹാബ്‌ എന്ന വേശ്യ​യും ദൂതരെ കൈ​ക്കൊൾക​യും വേറൊ​രു വഴിയാ​യി പറഞ്ഞയ​ക്ക​യും ചെയ്‌ത​തിൽ പ്രവൃ​ത്തി​ക​ളാൽ അല്ലയോ നീതീ​ക​രി​ക്ക​പ്പെ​ട്ടതു? ഇങ്ങനെ ആത്മാവി​ല്ലാത്ത ശരീരം നിർജ്ജീ​വ​മാ​യി​രി​ക്കു​ന്ന​തു​പോ​ലെ പ്രവൃ​ത്തി​യി​ല്ലാത്ത വിശ്വാ​സ​വും നിർജ്ജീ​വ​മാ​കു​ന്നു.” (യാക്കോബ്‌ 2:24-26) എന്തു​കൊ​ണ്ടാ​ണു രാഹാബ്‌ നീതീ​ക​രി​ക്ക​പ്പെ​ട്ടത്‌? ദൈവ​മു​മ്പാ​കെ ഇത്ര വിശേ​ഷ​പ്പെട്ട നില ലഭിക്കാൻ തക്കവണ്ണം അവർ എന്താണു ചെയ്‌തത്‌?

ഇസ്ര​യേ​ല്യർ വരുന്നു!

പൊതു​യു​ഗ​ത്തി​നു മുമ്പ്‌ 1473-ലേക്ക്‌ നമു​ക്കൊ​ന്നു തിരി​കെ​പ്പോ​കാം. ഈ രംഗ​മൊ​ന്നു മനസ്സിൽ കാണുക. യെരീ​ഹോ ശക്തമായി കോട്ട​കെ​ട്ടി​യു​റ​പ്പി​ച്ചി​രി​ക്ക​യാണ്‌. നഗരമ​തി​ലി​ന്റെ മേലാണു വേശ്യ​യായ രാഹാ​ബി​ന്റെ വീട്‌ സ്ഥിതി​ചെ​യ്യു​ന്നത്‌. ഈ അനുകൂല സ്ഥാനത്തു​നി​ന്നു​കൊണ്ട്‌ അവർക്കു കിഴ​ക്കോ​ട്ടു നോക്കി കരകവി​ഞ്ഞൊ​ഴു​കുന്ന യോർദാൻ നദി കാണാൻ സാധി​ക്കും. (യോശുവ 3:15) അതിന്റെ കിഴക്കേ തീരത്ത്‌ 6,00,000-ത്തിലധി​കം വരുന്ന ഇസ്ര​യേല്യ യോദ്ധാ​ക്കൾ താവള​മ​ടി​ച്ചി​രി​ക്കു​ന്നത്‌ അവർ നിരീ​ക്ഷി​ച്ചേ​ക്കാം. അവർ ഏതാനും കിലോ​മീ​റ​റ​റു​കൾ മാത്രം അകലെ​യാണ്‌!

ഇസ്ര​യേ​ലി​ന്റെ യുദ്ധവി​ജ​യ​ങ്ങ​ളെ​ക്കു​റി​ച്ചു രാഹാബ്‌ കേട്ടി​ട്ടുണ്ട്‌. യഹോ​വ​യു​ടെ ശക്തി​പ്ര​ക​ട​ന​ങ്ങ​ളെ​ക്കു​റി​ച്ചും അവർ കേട്ടി​രി​ക്കു​ന്നു, പ്രത്യേ​കി​ച്ചും ഇസ്ര​യേ​ല്യർക്കു ചെങ്കട​ലി​ലൂ​ടെ ഒരു രക്ഷാമാർഗം തുറന്നു​കൊ​ടു​ക്കുന്ന കാര്യ​ത്തിൽ. അതു​കൊണ്ട്‌, കവി​ഞ്ഞൊ​ഴു​കുന്ന ഈ യോർദാൻ അവർക്കു യാതൊ​രു കാരണ​വ​ശാ​ലും ഒരു തടസ്സമാ​വില്ല. ഇതൊരു പ്രതി​സ​ന്ധി​ഘ​ട്ട​മാണ്‌! രാഹാബ്‌ എങ്ങനെ പ്രതി​ക​രി​ക്കും?

രാഹാബ്‌ തന്റെ നിലപാട്‌ സ്വീക​രി​ക്കു​ന്നു

താമസി​യാ​തെ രാഹാ​ബി​ന്റെ വീട്ടിൽ അപ്രതീ​ക്ഷി​ത​മാ​യി രണ്ടു സന്ദർശകർ വരുന്നു—ഇസ്ര​യേല്യ പാളയ​ത്തിൽനി​ന്നുള്ള രണ്ട്‌ ഒററു​കാർ. അവർ ഒരു താമസ​സ്ഥലം അന്വേ​ഷി​ക്കു​ക​യാണ്‌, രാഹാബ്‌ അവരെ വീട്ടിൽ കയററു​ന്നു. എന്നാൽ അവർ വന്നിരി​ക്കുന്ന വിവരം യെരീ​ഹോ രാജാ​വി​ന്റെ ചെവി​യി​ലെ​ത്തു​ന്നു. അവരെ അറസ്‌ററു ചെയ്യാൻ അദ്ദേഹം ഉടൻ നിയമ​കാ​ര്യ​വ​കു​പ്പി​ലെ രണ്ട്‌ ഓഫീ​സർമാ​രെ അയയ്‌ക്കു​ന്നു.—യോശുവ 2:1, 2.

രാജാ​വി​ന്റെ ഓഫീ​സർമാർ എത്തുന്ന​തി​നോ​ടകം രാഹാബ്‌ യഹോ​വ​യാം ദൈവ​ത്തി​ന്റെ പക്ഷത്തു തന്റെ നില ഉറപ്പി​ച്ചു​ക​ഴി​ഞ്ഞു. “നിന്റെ അടുക്കൽ വന്നു വീട്ടിൽ കയറി​യി​രി​ക്കുന്ന മനുഷ്യ​രെ പുറത്തി​റ​ക്കി​ത്ത​രിക” എന്ന്‌ രാജഭൃ​ത്യൻമാർ ആവശ്യ​പ്പെ​ടു​ന്നു. രാഹാബ്‌ അവരെ മേൽക്കൂ​ര​യിൽ ഉണങ്ങാ​നി​ട്ടി​രി​ക്കുന്ന ചണത്തണ്ടു​കൾക്കി​ട​യിൽ ഒളിപ്പി​ച്ചി​രി​ക്ക​യാണ്‌. എന്നിട്ട്‌ പറയുന്നു: “അവർ എന്റെ അടുക്കൽ വന്നിരു​ന്നു എങ്കിലും എവിട​ത്തു​കാർ എന്നു ഞാൻ അറിഞ്ഞില്ല; ഇരുട്ടാ​യ​പ്പോൾ പട്ടണവാ​തിൽ അടെക്കുന്ന സമയത്തു, അവർ പുറ​പ്പെ​ട്ടു​പോ​യി; എവി​ടേക്കു പോയി എന്നു ഞാൻ അറിയു​ന്നില്ല; വേഗത്തിൽ അവരുടെ പിന്നാലെ ചെല്ലു​വിൻ; എന്നാൽ അവരെ കണ്ടുപി​ടി​ക്കാം.” (യോശുവ 2:3-5) രാജാ​വി​ന്റെ ആളുകൾ അങ്ങനെ ചെയ്യുന്നു—എന്നാൽ ഫലമൊ​ന്നു​മില്ല.

രാഹാബ്‌ ശത്രു​ക്കളെ കബളി​പ്പി​ച്ചി​രി​ക്കു​ന്നു. യഹോ​വ​യി​ലുള്ള തന്റെ വിശ്വാ​സം പ്രവൃ​ത്തി​ക​ളി​ലൂ​ടെ പ്രകട​മാ​ക്കുന്ന അനന്തര നടപടി​കൾ അവർ ഉടൻ സ്വീക​രി​ക്കു​ന്നു. മേൽക്കൂ​ര​യിൽ ചെന്ന്‌ അവർ ഒററു​കാ​രോ​ടു പറയുന്നു: “യഹോവ ഈ ദേശം നിങ്ങൾക്കു തന്നിരി​ക്കു​ന്നു . . . എന്നു ഞാൻ അറിയു​ന്നു.” 40 വർഷം മുമ്പ്‌ ഇസ്ര​യേ​ല്യർക്കു​വേണ്ടി ദൈവം ‘ചെങ്കടൽ വററി​ച്ചതി’നെക്കു​റി​ച്ചു കേട്ടി​രി​ക്ക​യാൽ ദേശത്തി​ലെ നിവാ​സി​ക​ളെ​ല്ലാം ഭയപ്പെ​ട്ടി​രി​ക്ക​യാ​ണെന്നു രാഹാബ്‌ സമ്മതിച്ചു പറയുന്നു. ഇസ്ര​യേ​ല്യർ രണ്ട്‌ അമ്മോര്യ രാജാ​ക്കൻമാ​രെ കൊന്നു​കളഞ്ഞ വിവര​വും ജനങ്ങൾക്ക​റി​യാം. “[ഞങ്ങൾ അതു] കേട്ട​പ്പോൾ തന്നേ ഞങ്ങളുടെ ഹൃദയം ഉരുകി; നിങ്ങളു​ടെ നിമിത്തം എല്ലാവർക്കും ധൈര്യം കെട്ടു​പോ​യി; നിങ്ങളു​ടെ ദൈവ​മായ യഹോവ തന്നേ മീതെ സ്വർഗ്ഗ​ത്തി​ലും താഴെ ഭൂമി​യി​ലും ദൈവം ആകുന്നു” എന്നു രാഹാബ്‌ പറയുന്നു.—യോശുവ 2:8-11.

രാഹാബ്‌ ഇങ്ങനെ യാചി​ക്കു​ന്നു: “ആകയാൽ ഞാൻ നിങ്ങ​ളോ​ടു ദയ ചെയ്‌ക​കൊ​ണ്ടു നിങ്ങളും എന്റെ പിതൃ​ഭ​വ​ന​ത്തോ​ടു ദയ ചെയ്‌തു എന്റെ അപ്പനെ​യും അമ്മയെ​യും സഹോ​ദ​രൻമാ​രെ​യും സഹോ​ദ​രി​മാ​രെ​യും അവർക്കുള്ള സകല​ത്തെ​യും ജീവ​നോ​ടെ രക്ഷിച്ചു ഞങ്ങളുടെ ജീവനെ മരണത്തിൽനി​ന്നു വിടു​വി​ക്കു​മെന്നു യഹോ​വ​യെ​ച്ചൊ​ല്ലി എന്നോടു സത്യം ചെയ്‌ക​യും ഉറപ്പുള്ള ഒരു ലക്ഷ്യം തരിക​യും വേണം.”—യോശുവ 2:12, 13.

ഒററു​കാർ അതു സമ്മതി​ക്കു​ക​യും എന്തു ചെയ്യണ​മെന്നു പറഞ്ഞു​കൊ​ടു​ക്കു​ക​യും ചെയ്യുന്നു. ഒററു​കാ​രെ യെരീ​ഹോ മതിലു​കൾക്കു വെളി​യി​ലേക്ക്‌ ഇറക്കാ​നാ​യി ഉപയോ​ഗിച്ച ചുവന്ന കയർ അവർ തന്റെ ജനലിൽ തൂക്കി​യി​ടണം. അവർ തന്റെ കുടും​ബത്തെ വീട്ടിൽ കൂട്ടി​വ​രു​ത്തു​ക​യും സംരക്ഷ​ണ​ത്തി​നു​വേണ്ടി അവർ അവിടെ കഴിയു​ക​യും വേണം. തന്നെ വിട്ടു​പോ​കുന്ന ഒററു​കാ​രോട്‌ അവർ പ്രദേ​ശ​ത്തി​ന്റെ കിടപ്പു വിശദീ​ക​രി​ക്കു​ക​യും തിരഞ്ഞു​വ​രു​ന്ന​വ​രു​ടെ കണ്ണിൽപ്പെ​ടാ​തി​രി​ക്കു​ന്ന​തിന്‌ എന്തു ചെയ്യണ​മെന്നു പറഞ്ഞു​കൊ​ടു​ക്കു​ക​യും ചെയ്യുന്നു. ഒററു​കാർ അങ്ങനെ ചെയ്യുന്നു. ചുവന്ന കയർ തൂക്കി​യി​ടു​ക​യും കുടും​ബ​ത്തി​ലെ എല്ലാവ​രെ​യും കൂട്ടി​വ​രു​ത്തു​ക​യും ചെയ്‌തിട്ട്‌ അവർ കൂടു​ത​ലായ സംഭവ​വി​കാ​സ​ങ്ങൾക്കാ​യി കാത്തി​രി​ക്കു​ക​യാണ്‌.—യോശുവ 2:14-24.

രാഹാബ്‌ ഇപ്പോൾ എന്താണു ചെയ്‌തത്‌? എന്തിന്‌, തന്റെ വിശ്വാ​സം സർവശ​ക്തി​യുള്ള ദൈവ​മായ യഹോ​വ​യി​ലാ​ണെന്ന്‌ അവർ തെളി​യി​ച്ചി​രി​ക്കു​ക​യാണ്‌! അവർ അവിടു​ത്തെ നിലവാ​ര​ങ്ങൾക്കൊ​ത്തു ജീവി​ക്കും. അതേ, വിശ്വാ​സ​ത്തി​ന്റെ അത്തരം പ്രവൃ​ത്തി​കൾ നിമിത്തം അവർ നീതീ​ക​രി​ക്ക​പ്പെ​ടും.

മതിലു​കൾ നിലം​പൊ​ത്തു​ന്നു!

ഏതാനും ആഴ്‌ചകൾ കടന്നു​പോ​കു​ന്നു. ചിലർ ആട്ടിൻ കൊമ്പു​കൊ​ണ്ടുള്ള കാഹള​വും മററു ചിലർ നിയമ​പെ​ട്ട​ക​വും വഹിച്ചു​കൊ​ണ്ടു നീങ്ങുന്ന പുരോ​ഹി​തൻമാ​രോ​ടൊ​പ്പം ഇസ്ര​യേല്യ യോദ്ധാ​ക്കൾ യെരീ​ഹോ​യെ ചുററു​ക​യാണ്‌. ഇതുവരെ, ദിവസ​വും ഒരു പ്രാവ​ശ്യം വീതം ആറു ദിവസം അങ്ങനെ ചെയ്‌തു​കൊ​ണ്ടാ​ണി​രു​ന്നത്‌. എന്നാൽ, ഏഴാം ദിവസം ഇപ്പോൾത്തന്നെ അവർ ആറു പ്രാവ​ശ്യം നഗരത്തെ ചുററി​ക്ക​ഴി​ഞ്ഞു. അതാ അവർ ഒരിക്കൽക്കൂ​ടി പോകു​ന്നു!

ഏഴാമ​ത്തേ​തും പൂർത്തി​യാ​യി, നീണ്ട കാഹള​ശ​ബ്ദങ്ങൾ ആകാശത്തു മുഴങ്ങി കേൾക്കു​ന്നു. ഇപ്പോ​ഴതാ ഇസ്ര​യേ​ല്യർ ഉച്ചത്തിൽ ആർപ്പി​ടു​ന്നു. അപ്പോൾ യെരീ​ഹോ​യു​ടെ സംരക്ഷണ മതിലു​കൾ ഇടിമു​ഴ​ക്കം​പോ​ലുള്ള ഹുങ്കാ​ര​ശ​ബ്ദ​ത്തോ​ടെ ഇടിഞ്ഞു​വീ​ഴാൻ യഹോവ ഇടയാ​ക്കു​ന്നു. രാഹാ​ബി​ന്റെ വീടി​രി​ക്കു​ന്നി​ടം മാത്രമേ ഇടിയാ​തെ അവശേ​ഷി​ക്കു​ന്നു​ള്ളൂ. നിവാ​സി​കൾ ഉൾപ്പെടെ നഗരത്തി​ന്റെ ശേഷിച്ച ഭാഗങ്ങ​ളെ​ല്ലാം നശിപ്പി​ക്ക​പ്പെ​ടു​ന്നു. പശ്ചാത്താ​പ​മു​ണ്ടാ​യി​രുന്ന വേശ്യ​യു​ടെ വിശ്വാ​സം പ്രവൃ​ത്തി​ക​ളാൽ തെളി​ഞ്ഞ​തു​കൊണ്ട്‌ അവർ തന്റെ വീട്ടു​കാ​രോ​ടൊ​പ്പം സംരക്ഷി​ക്ക​പ്പെ​ടു​ന്നു, യഹോ​വ​യു​ടെ ജനത്തോ​ടൊ​പ്പം വാസമാ​രം​ഭി​ക്കു​ന്നു.—യോശുവ 6:1-25.

രാഹാ​ബി​ന്റെ സ്വഭാ​വ​ങ്ങ​ളി​ലേക്ക്‌ ഒരു എത്തി​നോ​ട്ടം

രാഹാബ്‌ കൊഞ്ചി​ച്ചു​വ​ളർത്ത​പ്പെട്ട ഒരു മടിച്ചി​യാ​യി​രു​ന്നില്ല, കാരണം അവരുടെ പുരപ്പു​റത്തു ചണത്തണ്ട്‌ വെയി​ല​ത്തിട്ട്‌ ഉണക്കു​ന്നു​ണ്ടാ​യി​രു​ന്നു. തുണി നെയ്യാൻ ചണനൂല്‌ ഉപയോ​ഗി​ക്കു​മാ​യി​രു​ന്നു. ചുവപ്പു നൂലിന്റെ ഒരു ശേഖര​വും രാഹാ​ബി​ന്റെ വീട്ടി​ലു​ണ്ടാ​യി​രു​ന്നു. (യോശുവ 2:6, 18) അതു​കൊണ്ട്‌, അവർ ഒരുപക്ഷേ തുണി​യു​ണ്ടാ​ക്കുന്ന ജോലി ചെയ്‌തി​രി​ക്കാം, ചായം​മു​ക്കുന്ന വിദ്യ​യും അറിഞ്ഞി​രി​ക്കാ​നി​ട​യുണ്ട്‌. അതേ, രാഹാബ്‌ ഒരു കഠിനാ​ധ്വാ​നി​യാ​യി​രു​ന്നു. എല്ലാറ​റി​നും പുറമേ, അവർക്കു ഭക്തിപു​ര​സ്സ​ര​മായ യഹോ​വാ​ഭയം ഉണ്ടാകാ​നും ഇടയായി.—സദൃശ​വാ​ക്യ​ങ്ങൾ 31:13, 19, 21, 22, 30 താരത​മ്യം ചെയ്യുക.

രാഹാ​ബി​ന്റെ മററു ജോലി​ക​ളോ? അവർ ഒരു വഴിയ​മ്പ​ല​ത്തി​ലെ വെറു​മൊ​രു ആതി​ഥേ​യ​യാ​യി​രു​ന്നില്ല. വേശ്യ​യെന്ന്‌ അർഥം വരുന്ന എബ്രായ, ഗ്രീക്കു പദങ്ങൾകൊ​ണ്ടാ​ണു തിരു​വെ​ഴു​ത്തു​കൾ അവരെ തിരി​ച്ച​റി​യി​ക്കു​ന്നത്‌. ഉദാഹ​ര​ണ​ത്തിന്‌, സോഹ്നാ എന്ന എബ്രായ പദം എല്ലായ്‌പോ​ഴും ഒരു അവിഹിത ബന്ധത്തെ​യാ​ണു കുറി​ക്കു​ന്നത്‌. യാദൃ​ച്ഛി​ക​മെന്നു പറയട്ടെ, കനാന്യ​രു​ടെ ഇടയിൽ വേശ്യാ​വൃ​ത്തി അധാർമി​ക​മായ ഒരു തൊഴി​ല​ല്ലാ​യി​രു​ന്നു.

യഹോവ ഒരു വേശ്യയെ ഉപയോ​ഗി​ക്കു​ക​വഴി തന്റെ മഹാ ദയയെ ആണു പ്രകട​മാ​ക്കു​ന്നത്‌. പുറം​മോ​ടി​ക്കു നമ്മെ വഞ്ചിക്കാൻ കഴിയും, എന്നാൽ ദൈവ​മോ “ഹൃദയത്തെ നോക്കു​ന്നു.” (1 ശമൂവേൽ 16:7) അതു​കൊ​ണ്ടു തങ്ങളുടെ വേശ്യാ​വൃ​ത്തി​യെ​ക്കു​റി​ച്ചു പശ്ചാത്ത​പി​ക്കുന്ന നീതി​ഹൃ​ദ​യ​രായ വേശ്യ​കൾക്കു യഹോ​വ​യാം ദൈവ​ത്തി​ന്റെ ക്ഷമ ലഭ്യമാണ്‌. (മത്തായി 21:23, 31, 32 താരത​മ്യം ചെയ്യുക.) പാപത്തിൽനി​ന്നു സ്വയം തിരിഞ്ഞ്‌ ദിവ്യാം​ഗീ​കാ​ര​മുള്ള നീതി​യു​ടെ പാതയി​ലേക്കു രാഹാബ്‌ വന്നു.

ഇസ്ര​യേ​ല്യ ഒററു​കാർ ദൈവ​ത്തി​ന്റെ ന്യായ​പ്ര​മാ​ണ​മ​നു​സ​രി​ച്ചാ​ണു ജീവി​ച്ചത്‌, അതു​കൊണ്ട്‌ അവർ രാഹാ​ബി​ന്റെ വീട്ടിൽ തങ്ങിയതു മോശ​മായ കാരണ​ങ്ങ​ളാ​ലല്ല. ഒരു വേശ്യ​യു​ടെ വീട്ടിലെ തങ്ങളുടെ സാന്നി​ധ്യം മററു​ള്ള​വ​രിൽ സംശയം ജനിപ്പി​ക്കാ​നുള്ള സാധ്യത കുറയ്‌ക്കു​മെ​ന്ന​താ​യി​രി​ക്കാം അവർ അവിടെ തങ്ങിയ​തി​ന്റെ കാരണം. നഗരമ​തി​ലി​ലെ അതിന്റെ സ്ഥാനം രക്ഷപെടൽ എളുപ്പ​മാ​ക്കു​ക​യും ചെയ്യു​മാ​യി​രു​ന്നു. പശ്ചാത്ത​പി​ച്ചു തന്റെ വഴികൾക്കു മാററം വരുത്താൻ ഇടയാ​കു​മാറ്‌, ഇസ്ര​യേ​ല്യ​രു​മാ​യുള്ള ദൈവ​ത്തി​ന്റെ ഇടപെ​ട​ലു​ക​ളെ​ക്കു​റി​ച്ചുള്ള റിപ്പോർട്ടു​ക​ളാൽ അനുകൂ​ല​മാ​യി സ്വാധീ​നി​ക്ക​പ്പെട്ട ഹൃദയ​മു​ണ്ടാ​യി​രുന്ന ഒരു പാപി​യു​ടെ അടുക്ക​ലേ​ക്കാ​ണു യഹോവ തീർച്ച​യാ​യും അവരെ നയിച്ചത്‌. കനാന്യ​രു​ടെ ദുർമാർഗം നിമിത്തം ഇസ്ര​യേ​ല്യർ അവരെ തുരത്ത​ണ​മെന്നു ദൈവം പ്രസ്‌താ​വി​ച്ചു, രാഹാ​ബി​ന്റെ​മേ​ലും യെരീ​ഹോ​യു​ടെ പിടി​ച്ച​ട​ക്ക​ലിൻമേ​ലും യഹോ​വ​യു​ടെ അനു​ഗ്ര​ഹ​മു​ണ്ടാ​യി​രു​ന്നു. ഇതെല്ലാം തെളി​യി​ക്കു​ന്നത്‌ ഒററു​കാർ ദുർമാർഗ​ത്തിൽ ഏർപ്പെ​ട്ടി​ല്ലെ​ന്നാണ്‌.—ലേവ്യ​പു​സ്‌തകം 18:24-30.

ഒററു​കാ​രെ തിരഞ്ഞു​വ​ന്ന​വരെ തെററായ വഴിക്കു പറഞ്ഞു​വി​ട​ണ​മെ​ന്നു​ദ്ദേ​ശി​ച്ചുള്ള രാഹാ​ബി​ന്റെ വാക്കുകൾ സംബന്ധി​ച്ചെന്ത്‌? ദൈവം രാഹാ​ബി​ന്റെ മാർഗം അംഗീ​ക​രി​ച്ചു. (റോമർ 14:4 താരത​മ്യം ചെയ്യുക.) അവിടു​ത്തെ ദാസൻമാ​രു​ടെ സംരക്ഷ​ണ​ത്തി​നാ​യി അവർ തന്റെ ജീവൻ പണയ​പ്പെ​ടു​ത്തി. ഇത്‌ അവരുടെ വിശ്വാ​സ​ത്തി​നു തെളി​വാ​യി. ദ്രോ​ഹ​ബു​ദ്ധ്യാ ഉള്ള നുണപ​റ​ച്ചിൽ യഹോ​വ​യു​ടെ ദൃഷ്ടി​യിൽ തെററാ​യി​രി​ക്കെ, സത്യമായ വിവരങ്ങൾ അതിന്‌ അർഹത​യി​ല്ലാ​ത്ത​വ​രോ​ടു വെളി​പ്പെ​ടു​ത്തേണ്ട കടമ ഒരുവന്‌ ഇല്ലതാ​നും. മുഴു​വി​വ​ര​ങ്ങ​ളോ നേരി​ട്ടുള്ള മറുപ​ടി​യോ നൽകു​ന്നത്‌ അനാവ​ശ്യ​മായ ഉപദ്ര​വങ്ങൾ വരുത്തു​മാ​യി​രു​ന്ന​പ്പോൾ യേശു​ക്രി​സ്‌തു​പോ​ലും സത്യം വെളി​പ്പെ​ടു​ത്തി​യില്ല. (മത്തായി 7:6; 15:1-6; 21:23-27; യോഹ​ന്നാൻ 7:3-10) അതു​കൊണ്ട്‌, ശത്രു​ക്ക​ളായ ഓഫീ​സർമാ​രെ തെററായ വഴിക്കു പറഞ്ഞു​വിട്ട രാഹാ​ബി​ന്റെ പ്രവൃ​ത്തി​യെ ആ രീതി​യിൽ വേണം നാം വീക്ഷി​ക്കാൻ.

രാഹാ​ബി​ന്റെ പ്രതി​ഫ​ലം

വിശ്വാ​സം പ്രകട​മാ​ക്കി​യ​തി​നു രാഹാ​ബിന്‌ എന്തു പ്രതി​ഫ​ല​മാ​ണു കിട്ടി​യത്‌? യെരീ​ഹോ നശിച്ച​പ്പോൾ അവർ സംരക്ഷി​ക്ക​പ്പെ​ട്ടതു തീർച്ച​യാ​യും യഹോ​വ​യിൽനി​ന്നുള്ള അനു​ഗ്ര​ഹ​മാ​യി​രു​ന്നു. പിന്നീട്‌, മരുഭൂ​മി​യിൽവച്ച്‌ യഹൂദാ​ഗോ​ത്ര​ത്തി​ലെ മുഖ്യ​നാ​യി​രുന്ന നഹശോ​ന്റെ മകനായ ശല്‌മോ​നെ (ശല്‌മ) അവർ വിവാഹം ചെയ്‌തു. ദൈവ​ഭ​ക്തി​യു​ണ്ടാ​യി​രുന്ന ബോവ​സി​ന്റെ മാതാ​പി​താ​ക്ക​ളെന്ന നിലയിൽ ശല്‌മോ​നും രാഹാ​ബും ഇസ്ര​യേ​ലി​ന്റെ രാജാ​വാ​യി​രുന്ന ദാവീ​ദിൽ ചെന്നെ​ത്തിയ വംശനി​ര​യി​ലെ ഒരു കണ്ണിയാ​യി​ത്തീർന്നു. (1 ദിനവൃ​ത്താ​ന്തം 2:3-15; രൂത്ത്‌ 4:20-22) അതിലും പ്രധാ​ന​മാ​യി, യേശു​ക്രി​സ്‌തു​വി​ന്റെ വംശാ​വ​ലി​യെ​ക്കു​റി​ച്ചുള്ള മത്തായി​യു​ടെ വിവര​ണ​ത്തിൽ ആകെയുള്ള നാലു സ്‌ത്രീ​ക​ളിൽ ഒരുവ​ളാ​ണു മുൻവേ​ശ്യ​യാ​യി​രുന്ന ഈ രാഹാബ്‌. (മത്തായി 1:5, 6) യഹോ​വ​യിൽ നിന്നുള്ള എന്തൊ​ര​നു​ഗ്രഹം!

ഒരു ഇസ്ര​യേല്യ സ്‌ത്രീ അല്ലാഞ്ഞി​ട്ടും, ഒരു മുൻ വേശ്യ ആയിരു​ന്നി​ട്ടും, യഹോ​വ​യിൽ തനിക്കു പൂർണ​വി​ശ്വാ​സ​മു​ണ്ടെന്നു പ്രവൃ​ത്തി​ക​ളാൽ തെളി​യിച്ച ഒരു സ്‌ത്രീ​യു​ടെ മകു​ടോ​ദാ​ഹ​ര​ണ​മാ​ണു രാഹാബ്‌. (എബ്രായർ 11:30, 31) വേശ്യാ​വൃ​ത്തി വെടി​ഞ്ഞി​ട്ടുള്ള മററ​നേ​ക​രെ​യും പോലെ അവർക്കു മറെറാ​രു പ്രതി​ഫ​ല​വും കൂടെ ലഭിക്കും—മരിച്ച​വ​രിൽനി​ന്നു പറുദീ​സാ​ഭൂ​മി​യി​ലെ ജീവനി​ലേ​ക്കുള്ള ഒരു പുനരു​ത്ഥാ​നം. (ലൂക്കൊസ്‌ 23:43) പ്രവൃ​ത്തി​ക​ളാൽ പിന്തു​ണ​യ്‌ക്ക​പ്പെട്ട തന്റെ വിശ്വാ​സ​ത്താൽ രാഹാബ്‌, നമ്മുടെ സ്‌നേ​ഹ​വാ​നും ക്ഷമാശീ​ല​നു​മായ സ്വർഗീയ പിതാ​വി​ന്റെ അംഗീ​കാ​രം നേടി. (സങ്കീർത്തനം 130:3, 4) അങ്ങനെ, നിത്യ​ജീ​വ​നു​വേണ്ടി യഹോ​വ​യാം ദൈവ​ത്തി​ലേക്കു നോക്കാൻ നീതി​സ്‌നേ​ഹി​ക​ളായ എല്ലാവർക്കും അവരുടെ നല്ല ദൃഷ്ടാന്തം തീർച്ച​യാ​യും പ്രോ​ത്സാ​ഹ​ന​മേ​കു​ന്നു.

[23-ാം പേജിലെ ചിത്രം]

വിശ്വാസമുണ്ടെന്നു തന്റെ പ്രവൃ​ത്തി​ക​ളാൽ തെളി​യി​ച്ച​തു​കൊ​ണ്ടു രാഹാബ്‌ നീതീ​ക​രി​ക്ക​പ്പെട്ടു

[24-ാം പേജിലെ ചിത്രം]

പണ്ടത്തെ മതിലി​ന്റെ ഒരു ഭാഗമുൾപ്പെടെ പുരാതന യെരീ​ഹോ​യു​ടെ അവശി​ഷ്ടങ്ങൾ പുരാ​വ​സ്‌തു​ഗ​വേ​ഷകർ കുഴി​ച്ചെ​ടു​ത്തി​രി​ക്കു​ന്നു

[കടപ്പാട്‌]

Pictorial Archive (Near Eastern History) Est.