വാഗ്‌ദത്ത ദേശത്തു​നി​ന്നുള്ള രംഗങ്ങൾ

താബോ​റി​ന്റെ മുകളിൽനിന്ന്‌ വിജയ​ത്തി​ലേക്ക്‌!

ചരി​ത്ര​ത്തി​ന്റെ പാതകൾ കുറുകെ കടന്നു​പോ​കുന്ന ഒരു സ്ഥലത്തേക്ക്‌, താഴോ​ട്ടു നോക്കി​നിൽക്കുന്ന ഒരു ഗോപു​ര​ത്തി​ലാ​യി​രി​ക്കു​ന്ന​തി​നെ​ക്കു​റിച്ച്‌ സങ്കൽപ്പി​ക്കുക! നിങ്ങൾക്ക്‌ യഥാർത്ഥ​ത്തിൽ ചരിത്രം രൂപം​പ്രാ​പി​ക്കു​ന്ന​തിന്‌ സാക്ഷ്യം വഹിക്കാൻ കഴിയും.

മെഗി​ദ്ദോ​യു​ടെ ബൈബിൾപ​ര​മായ സ്ഥാനം ആ വിവര​ണ​ത്തിന്‌ ഏററം നന്നായി യോജി​ച്ചേ​ക്കാം, എന്തു​കൊ​ണ്ടെ​ന്നാൽ അത്‌ സുപ്ര​ധാന വാണിജ്യ, സൈനിക പാതക​ളു​ടെ ഇരു വശങ്ങളി​ലു​മാ​യി നില​കൊ​ള്ളു​ന്നു. എന്നിരു​ന്നാ​ലും യി​സ്രെ​യേൽതാ​ഴ്‌വ​ര​ക്ക​പ്പു​റ​ത്താ​യി താബോർമല ഉയർന്നു​നിൽക്കു​ന്നു, അതും ഫെർട്ടൈൽ ക്രെസൻറി​ലെ നഗരങ്ങ​ളി​ലേ​ക്കുള്ള പ്രസി​ദ്ധ​പാ​ത​യായ വയാ മേരി​സി​നെ നോക്കി ഉയർന്നു​നിൽക്കു​ന്നു.a

ആ പ്രദേ​ശ​ത്തി​ന്റെ എവി​ടെ​നിന്ന്‌ താബോ​റി​ലേക്ക്‌ നോക്കി​യാ​ലും നിങ്ങൾ മതിപ്പു​ള്ള​വ​രാ​യി​ത്തീ​രും. (യിരെ​മ്യാവ്‌ 46:18 താരത​മ്യ​പ്പെ​ടു​ത്തുക.) താബോർ അതിന്റെ ചുററു​പാ​ടു​ക​ളിൽനിന്ന്‌ ഗംഭീ​ര​മാ​യി ഒററ​പ്പെട്ട്‌ ഉയർന്നു​നിൽക്കു​ന്നു, അതിന്റെ സൂച്യാ​കാ​രം എല്ലാ ദിശക​ളിൽനി​ന്നും തിരി​ച്ച​റി​യാൻ കഴിയും. അത്‌ അതിന്റെ തെക്കു​ഭാ​ഗത്ത്‌ മുമ്പിൽ കിടക്കുന്ന ഫലഭൂ​യി​ഷ്‌ഠ​മായ യി​സ്രെ​യേൽ താഴ്‌വ​രയെ അഭിമു​ഖീ​ക​രിച്ച്‌ ഉയർന്നു​നിൽക്കു​ന്നു, ആ താഴ്‌വ​ര​യാണ്‌ സമു​ദ്ര​തീ​രത്തെ യോർദ്ദാൻ താഴ്‌വ​ര​യു​മാ​യി ബന്ധിപ്പി​ക്കു​ന്നത്‌.

താബോ​റി​ന്റെ മിതമായ വൃത്താ​കാര ശിഖര​ത്തിൽനിന്ന്‌ തെക്കു​ഭാ​ഗത്തെ യി​സ്രെ​യേൽ നഗരത്തി​ലേക്ക്‌ നിങ്ങൾക്ക്‌ നോക്കാൻ കഴിയും, അത്‌ ആഹാബി​ന്റെ രാജകീ​യ​ഭ​വ​ന​ത്തി​ലേ​ക്കുള്ള യേഹു​വി​ന്റെ ഉഗ്രമായ തേരോ​ടി​ക്ക​ലി​നെ​യും ഇസെ​ബേ​ലി​ന്റെ നിന്ദ്യ​മായ അന്ത്യ​ത്തെ​യും ഓർമ്മ​യി​ലേക്കു കൊണ്ടു​വ​ന്നേ​ക്കാം. (1 രാജാ​ക്കൻമാർ 21:1; 2 രാജാ​ക്കൻമാർ 9:16-33) അതിന​ടു​ത്താണ്‌ മെഗി​ദ്ദോ. പടിഞ്ഞാ​റു​ഭാ​ഗത്ത്‌ ഏലീയാവ്‌ അഗ്നിപ​രി​ശോ​ധന നടത്തിയ കർമ്മേൽ പർവതം നിങ്ങൾക്ക്‌ കാണാൻ കഴിയും. (1 രാജാ​ക്കൻമാർ, അദ്ധ്യായം 18) താബോ​റിൽനിന്ന്‌ നിങ്ങൾക്ക്‌ കീശോൻ നദി കടലി​ലേക്ക്‌ ഒഴുകു​ന്ന​തും കാണാൻ കഴിയും, ഏകദേശം അഞ്ചു​മൈൽ പടിഞ്ഞാറ്‌ വടക്കു​പ​ടി​ഞ്ഞാറ്‌ ലോവർ ഗലീലാ​കു​ന്നു​ക​ളി​ലാണ്‌ നസറേത്ത്‌.

എന്നാൽ താബോർ ഏതു ബൈബിൾവി​വ​ര​ണ​മാണ്‌ നിങ്ങളു​ടെ ഓർമ്മ​യി​ലേക്കു വരുത്തു​ന്നത്‌? സാധ്യ​ത​യ​നു​സ​രിച്ച്‌ ദബോ​ര​യെ​യും ബാരാ​ക്കി​നെ​യും കുറി​ച്ചു​ള്ളത്‌. അവരുടെ കാലത്ത്‌ ഹാസോർരാ​ജാ​വായ യാബിന്റെ കീഴിൽ കനാന്യർ ഇസ്രാ​യേ​ലി​നെ 20 വർഷം ഞെരു​ക്കി​യി​രു​ന്നു. പിന്നീട്‌ പ്രവാ​ച​കി​യാ​യി​രുന്ന ദബോര ബാരാ​ക്കി​നെ പ്രവർത്ത​ന​ത്തിന്‌ ഉത്തേജി​പ്പി​ച്ചു. ക്രമത്തിൽ അവൻ ഗലീല​യിൽനിന്ന്‌, മുഖ്യ​മാ​യി നഫ്‌താ​ലി, സെബു​ലൂൻ ഗോ​ത്ര​ങ്ങ​ളിൽനിന്ന്‌ പതിനാ​യി​രം ഇസ്രാ​യേ​ല്യ​രെ ഉണർത്തു​ക​യും താബോ​റിൽ വിളി​ച്ചു​കൂ​ട്ടു​ക​യും ചെയ്‌തു. അവരുടെ ആയുധ​സ​ന്നാ​ഹം മോശ​മാ​യി​രു​ന്നു, എന്തു​കൊ​ണ്ടെ​ന്നാൽ ഇസ്രാ​യേ​ലിൽ ഒററ പരിച​യോ കുന്തമോ ഇല്ലായി​രു​ന്നു.—ന്യായാ​ധി​പൻമാർ 5:7-17.

ഒരു ഭയജന​ക​മായ പട്ടാള യന്ത്രം അവരുടെ നേരെ വന്നു. യാബീന്റെ സേനാ​പ​തി​യാ​യി​രുന്ന സിസെരാ യി​സ്രെ​യേൽ താഴ്‌വ​ര​യി​ലേക്ക്‌ കനത്ത ആയുധ​സ​ജ്ജീ​ക​ര​ണ​മു​ണ്ടാ​യി​രുന്ന കനാന്യ സേനയെ കൊണ്ടു​വന്നു. അവർ അടുത്ത പേജിൽ വലത്തു​വ​ശത്ത്‌ മുകളിൽ ചിത്രീ​ക​രി​ച്ചി​രി​ക്കുന്ന ഈജി​പ്‌റ​റിൽനി​ന്നുള്ള ചുവർചി​ത്ര​പ്പ​ണി​യിൽ കാണി​ച്ചി​രി​ക്കുന്ന ആയുധ​ധാ​രി​ക​ളെ​പ്പോ​ലെ ഏറെക്കു​റെ കാണ​പ്പെ​ട്ടി​രി​ക്കാം. ഈജി​പ്‌റ​റി​ന്റെ യുദ്ധോ​പ​ക​ര​ണങ്ങൾ കനാനിൽ ഉപയോ​ഗി​ക്ക​പ്പെ​ട്ടി​രു​ന്ന​വയെ സ്വാധീ​നി​ച്ചു, അവയിൽ സിസെ​രെ​യു​ടെ ആയുധ​സ​ന്നാ​ഹ​ത്തി​ലെ ഏററം ഭയാന​ക​മായ ഭാഗം ഉൾപ്പെ​ട്ടി​രു​ന്നു—900 യുദ്ധര​ഥങ്ങൾ!

ആ കനാന്യ​ര​ഥങ്ങൾ യഥാർത്ഥ​ത്തിൽ ചലിക്കുന്ന, അമ്പെയ്യുന്ന പ്ലാററ്‌ഫോ​റ​ങ്ങ​ളാ​യി​രു​ന്നി​രി​ക്കും. സാരഥി തന്റെ കൈകൾ ആയുധങ്ങൾ കൈകാ​ര്യം ചെയ്യത്ത​ക്ക​വണ്ണം സ്വത​ന്ത്ര​മാ​യി​രി​ക്കു​ന്ന​തിന്‌ കടിഞ്ഞാൺ തന്റെ അരയിൽ ചുററി​യി​രു​ന്നി​രി​ക്കും. അല്ലെങ്കിൽ അയാൾ കുതി​ച്ചു​പാ​യുന്ന തന്റെ കുതി​ര​ക​ളിൽ ശ്രദ്ധ കേന്ദ്രീ​ക​രി​ക്കെ ഒരു സഹചാരി ആയുധം ഉപയോ​ഗി​ച്ചി​രി​ക്കാം. രഥത്തിന്‌ അതിന്റെ ചക്രനാ​ഭി​ക​ളിൽ ഘടിപ്പി​ക്ക​പ്പെട്ട ഇരുമ്പ​രി​വാ​ളു​കൾ ഉണ്ടായി​രു​ന്നു. ബാരാ​ക്കി​ന്റെ പുരു​ഷൻമാർ താബോ​റിൽനിന്ന്‌ താഴോട്ട്‌ നോക്കി​യ​പ്പോൾ രഥങ്ങളു​ടെ കൂട്ടം ഭീതി​ജ​ന​ക​മാം​വണ്ണം അപ്രതി​രോ​ധ്യ​വും അജയ്യവു​മാ​യി തോന്നി​യി​രി​ക്കും.

എന്നിരു​ന്നാ​ലും യഹോവ ബാരാ​ക്കി​നോട്‌ ഇപ്രകാ​രം വാഗ്‌ദത്തം ചെയ്‌തി​രു​ന്നു: “ഞാൻ നിശ്ചയ​മാ​യും . . . സിസെ​രാ​യെ​യും അവന്റെ രഥങ്ങ​ളെ​യും അവന്റെ കൂട്ടങ്ങ​ളെ​യും കുത്തി​യൊ​ഴു​ക്കുള്ള കീശോൻതാ​ഴ്‌വ​ര​യിൽ നിന്റെ അടുക്കൽ കൊണ്ടു​വ​രും.” തക്ക സമയത്ത്‌ ധീരരായ ഇസ്രാ​യേ​ല്യർ താബോ​റി​ന്റെ പാർശ്വ​ത്തി​ലൂ​ടെ ഒഴുകി​യി​റങ്ങി.—ന്യായാ​ധി​പർമാർ 4:1-14.

അപ്രതീ​ക്ഷി​ത​നീ​ക്ക​ത്തി​ന്റെ കേവല​പ്ര​യോ​ജ​ന​ത്തെ​ക്കാ​ളു​പരി സ്വർഗ്ഗ​ത്തി​ലെ തങ്ങളുടെ ശക്തനായ ദൈവ​ത്തിൽനിന്ന്‌ ഇസ്രാ​യേ​ലി​നു ലഭിച്ച സഹായം കൂടുതൽ മൂല്യ​വ​ത്താ​യി​രു​ന്നു. പിന്നീട്‌ ദബോരാ ഇപ്രകാ​രം പാടി: “ആകാശ​ത്തു​നി​ന്നു നക്ഷത്രങ്ങൾ പോരാ​ടി, അവയുടെ സഞ്ചാര​പ​ഥ​ങ്ങ​ളിൽനിന്ന്‌ അവ സിസെ​ര​യോ​ടു പോരാ​ടി. കീശോ​നി​ലെ കുത്തി​യൊ​ഴുക്ക്‌ അവരെ ഒഴുക്കി​ക്കൊ​ണ്ടു​പോ​യി . . . എന്റെ ദേഹിയേ, നീ ബലത്തെ ചവിട്ടി​മെ​തി​ച്ചു​പോ​യി.” (ന്യായാ​ധി​പൻമാർ 5:20, 21) അതെ, ലഘുവായ ആയുധങ്ങൾ ധരിച്ചി​രു​ന്ന​വ​രെ​ങ്കി​ലും ധൈര്യ​ശാ​ലി​ക​ളാ​യി​രുന്ന ഇസ്രാ​യേ​ല്യർ സായു​ധ​രാ​യി​രുന്ന കനാന്യ​രെ തുരത്തി, യഥാർത്ഥ പരിണ​ത​ഫ​ലത്തെ നിർണ്ണ​യി​ച്ചത്‌ ദൈവ​മാ​യി​രു​ന്നു. അവൻ ഉണങ്ങിയ നദീത​ട​ത്തിൽ പെട്ടെന്ന്‌ അത്യു​ഗ്ര​മായ ഒരു കുത്തി​യൊ​ഴുക്ക്‌ ഉണ്ടാകാ​നി​ട​യാ​ക്കി​യ​തി​നാൽ ഭയചകി​ത​മായ രഥങ്ങളെ നിശ്ചല​മാ​ക്കി.

താഴെ നിങ്ങൾക്കു കീശോൻന​ദി​യു​ടെ ഭാഗം കാണാം. മഴക്കാ​ലത്ത്‌ അതിന്‌ കരകവി​ഞ്ഞൊ​ഴു​കി ആ പ്രദേ​ശത്തെ ഒരു ചെളി​ക്കു​ണ്ടാ​ക്കി മാററു​ന്ന​തി​നും കഴിയും. കനാന്യ യുദ്ധര​ഥങ്ങൾ അത്തരം ചെളി​യിൽക്കൂ​ടി രക്ഷപെ​ടാൻ ശ്രമി​ക്കു​ന്നത്‌ സങ്കൽപ്പി​ക്കുക. കുത്തി​യൊ​ഴു​കിയ വെള്ളം പലായനം ചെയ്‌ത ചില പടയാ​ളി​ക​ളെ​യോ രഥങ്ങ​ളെ​യോ രണ്ടി​നെ​യു​മോ ഒഴുക്കി​ക്കൊ​ണ്ടു​പോ​യി. ഇസ്രാ​യേ​ലി​ന്റെ വിജയം, തന്റെ രഥം ഉപേക്ഷിച്ച്‌ യുദ്ധരം​ഗ​ത്തു​നിന്ന്‌ പലായ​നം​ചെയ്‌ത സൈന്യാ​ധി​പ​നായ സിസെ​രാ​യെ​യും കീഴടക്കി. അവൻ യായേൽ എന്ന സ്‌ത്രീ​യു​ടെ കൂടാ​ര​ത്തിൽ അഭയം​തേ​ടി​യ​ശേഷം അവൾ തക്ക അവസര​ത്തിൽ ഈ ശത്രു​വി​നെ വകവരു​ത്തി.—ന്യായാ​ധി​പൻമാർ 4:17-22.

അങ്ങനെ, ഇസ്രാ​യേ​ലി​ന്റെ ചരി​ത്ര​ത്തി​ലെ ഒരു സുപ്ര​ധാ​ന​വും വിജയ​ശ്രീ​ലാ​ളി​ത​വു​മായ അദ്ധ്യായം താബോർപർവ​ത​ത്തി​ന്റെ ഉന്നതി​യിൽനി​ന്നു വീക്ഷി​ച്ചു​കൊ​ണ്ടി​രുന്ന ദബോ​ര​ക്കും മററു ചിലർക്കും മുമ്പിൽ ചുരു​ള​ഴി​ഞ്ഞു. (w90 5⁄1)

[അടിക്കു​റിപ്പ്‌]

[22-ാം പേജിലെ ചിത്ര​ത്തിന്‌ കടപ്പാട]

Pictorial Archive (Near Eastern History) Est.

[23-ാം പേജിലെ ചിത്ര​ത്തിന്‌ കടപ്പാട]

Pictorial Archive (Near Eastern History) Est.

Pictorial Archive (Near Eastern History) Est.

Pictorial Archive (Near Eastern History) Est.