നിങ്ങളു​ടെ ഭാവി എന്തായി​രി​ക്കും?

സർവശ​ക്ത​നായ ദൈവം സർവജ്ഞാ​നി, അതായത്‌ ഭൂത-വർത്തമാന-ഭാവി​കാ​ല​ങ്ങ​ളി​ലെ സകലതും അറിയു​ന്നവൻ ആണെങ്കിൽ സർവ കാര്യ​ങ്ങ​ളും ദൈവം മുൻകൂ​ട്ടി​ക​ണ്ടി​രി​ക്കു​ന്ന​തു​പോ​ലെ കൃത്യ​മാ​യും സംഭവി​ക്കാൻ നിർണ​യി​ക്ക​പ്പെ​ട്ടി​രി​ക്കു​ക​യല്ലേ? ഓരോ മനുഷ്യ​ന്റെ​യും ഗതിയും അന്തിമ​വി​ധി​യും ദൈവം മുൻകൂ​ട്ടി​ക്കാ​ണു​ക​യും നിർണ​യി​ക്കു​ക​യും ചെയ്‌തി​രി​ക്കു​ന്നെ​ങ്കിൽ, നമ്മുടെ ജീവി​ത​ഗതി, നമ്മുടെ ഭാവി, തിര​ഞ്ഞെ​ടു​ക്കാൻ നമുക്കു സ്വാത​ന്ത്ര്യ​മു​ണ്ടെന്നു വസ്‌തു​നി​ഷ്‌ഠ​മാ​യി പറയാൻ കഴിയു​മോ?

ഈ ചോദ്യ​ങ്ങ​ളെ​ക്കു​റിച്ച്‌ നൂറ്റാ​ണ്ടു​ക​ളോ​ളം വാദ​പ്ര​തി​വാ​ദം നടന്നി​ട്ടുണ്ട്‌. അത്‌ പ്രമുഖ മതങ്ങളെ ഇപ്പോ​ഴും വിഭജി​ക്കു​ന്നു. ഭാവി മുൻകൂ​ട്ടി​ക്കാ​ണാ​നുള്ള ദൈവ​ത്തി​ന്റെ പ്രാപ്‌തി​യെ മനുഷ്യ​ന്റെ ഇച്ഛാസ്വാ​ത​ന്ത്ര്യ​വു​മാ​യി പൊരു​ത്ത​പ്പെ​ടു​ത്താ​നാ​കു​മോ? ഉത്തരങ്ങൾക്കാ​യി നാം എവിടെ നോക്കണം?

തന്റെ വക്താക്ക​ളായ പ്രവാ​ച​ക​ന്മാ​രി​ലൂ​ടെ നൽകപ്പെട്ട ലിഖിത വചനത്തി​ലൂ​ടെ ദൈവം മനുഷ്യ​വർഗ​വു​മാ​യി ആശയവി​നി​യമം നടത്തി​യി​രി​ക്കു​ന്നു​വെ​ന്നുള്ള കാര്യം ഗോള​വ്യാ​പ​ക​മാ​യി ദശലക്ഷ​ക്ക​ണ​ക്കി​നാ​ളു​കൾ സമ്മതി​ക്കും. ദൃഷ്ടാ​ന്ത​ത്തിന്‌, വെളി​പാ​ടു​കളെ ദൈവ​ത്തിൽനി​ന്നു വരുന്ന​വ​യാ​യി ഖുർആൻ പരാമർശി​ക്കു​ന്നു. തൗറാത്ത്‌ (തോറാ, ന്യായ​പ്ര​മാ​ണം അഥവാ മോശ​യു​ടെ അഞ്ചു പുസ്‌ത​കങ്ങൾ), സബൂർ (സങ്കീർത്ത​നങ്ങൾ), ഇൻജീൽ (സുവി​ശേഷം, ക്രിസ്‌തീയ ഗ്രീക്കു തിരു​വെ​ഴു​ത്തു​കൾ അഥവാ “പുതിയ നിയമം”) ഇസ്രാ​യേ​ലി​ലെ പ്രവാ​ച​ക​ന്മാർക്കു വെളി​പ്പെ​ടു​ത്ത​പ്പെട്ട കാര്യങ്ങൾ എന്നിവ ആ വെളി​പാ​ടു​ക​ളിൽ ഉൾപ്പെ​ടു​ന്നു.

ക്രിസ്‌തീ​യ ഗ്രീക്കു തിരു​വെ​ഴു​ത്തു​ക​ളിൽ നാം വായി​ക്കു​ന്നു: “എല്ലാതി​രു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ [അത്‌] . . . ഉപദേ​ശ​ത്തി​ന്നും ശാസന​ത്തി​ന്നും ഗുണീ​ക​ര​ണ​ത്തി​ന്നും നീതി​യി​ലെ അഭ്യാ​സ​ത്തി​ന്നും പ്രയോ​ജ​ന​മു​ള്ളതു ആകുന്നു.” (2 തിമൊ​ഥെ​യൊസ്‌ 3:16, 17) വ്യക്തമാ​യും, നമുക്കു ലഭിക്കുന്ന ഏതു മാർഗ​ദർശ​ന​വും പ്രബു​ദ്ധ​ത​യും ആത്യന്തി​ക​മാ​യി ദൈവ​ത്തിൽനി​ന്നു വരുന്ന​താ​യി​രി​ക്കണം. അതു​കൊണ്ട്‌ ദൈവ​ത്തി​ന്റെ മുൻപ്ര​വാ​ച​ക​ന്മാ​രു​ടെ ലിഖി​തങ്ങൾ പരി​ശോ​ധി​ക്കു​ന്നത്‌ ജ്ഞാനമാ​യി​രി​ക്കി​ല്ലേ? നമ്മുടെ ഭാവി​യെ​ക്കു​റിച്ച്‌ അവ എന്താണു വെളി​പ്പെ​ടു​ത്തു​ന്നത്‌?

മുൻകൂ​ട്ടി എഴുത​പ്പെട്ട ഭാവി

വിശുദ്ധ തിരു​വെ​ഴു​ത്തു​ക​ളിൽ അക്ഷരീ​യ​മാ​യി നൂറു​ക​ണ​ക്കി​നു പ്രവച​നങ്ങൾ അടങ്ങി​യി​ട്ടു​ണ്ടെന്ന്‌ അതു വായി​ച്ചി​ട്ടുള്ള ഏതൊ​രു​വ​നു​മ​റി​യാം. പുരാതന ബാബി​ലോ​ന്റെ പതനം, യെരൂ​ശ​ലേ​മി​ന്റെ പുനർനിർമാ​ണം (പൊ.യു.മു. ആറാം നൂറ്റാ​ണ്ടു​മു​തൽ അഞ്ചാം നൂറ്റാ​ണ്ടു​വരെ), പുരാതന മേദോ-പേർഷ്യ​യി​ലെ​യും ഗ്രീസി​ലെ​യും രാജാ​ക്ക​ന്മാ​രു​ടെ ഉയർച്ച​യും പതനവും എന്നിങ്ങ​നെ​യുള്ള ചരി​ത്ര​പ​ര​മായ സംഭവ​ങ്ങ​ളെ​ല്ലാം വിശദ​മാ​യി പ്രവചി​ക്ക​പ്പെ​ട്ടി​രു​ന്നു. (യെശയ്യാ​വു 13:17-19; 44:24–45:1; ദാനീ​യേൽ 8:1-7, 20-22) അത്തരം പ്രവച​ന​ങ്ങ​ളു​ടെ നിവൃത്തി വിശുദ്ധ തിരു​വെ​ഴു​ത്തു​കൾ തീർച്ച​യാ​യും ദൈവ​വ​ച​ന​മാ​ണെ​ന്നു​ള്ള​തി​ന്റെ ഏറ്റവും ശക്തമായ തെളി​വു​ക​ളി​ലൊ​ന്നാണ്‌. കാരണം ഭാവി​യിൽ എന്തു സംഭവി​ക്കു​മെന്ന്‌ മുൻകൂ​ട്ടി​ക്കാ​ണാ​നും നിർണ​യി​ക്കാ​നും ഉള്ള കഴിവ്‌ ദൈവ​ത്തി​നു മാത്രമേ ഉള്ളൂ. ഈ അർഥത്തിൽ, മുൻകൂ​ട്ടി എഴുത​പ്പെട്ട ഭാവി വിവരങ്ങൾ തീർച്ച​യാ​യും വിശുദ്ധ തിരു​വെ​ഴു​ത്തു​കൾ രേഖ​പ്പെ​ടു​ത്തു​ന്നു.

ദൈവം​ത​ന്നെ ഇപ്രകാ​രം ഉദ്‌ഘോ​ഷി​ക്കു​ന്നു: “ഞാനല്ലാ​തെ വേറൊ​രു ദൈവ​മില്ല; ഞാൻ തന്നേ ദൈവം, എന്നെ​പ്പോ​ലെ ഒരുത്ത​നു​മില്ല. ആരംഭ​ത്തി​ങ്കൽ തന്നേ അവസാ​ന​വും പൂർവ്വ​കാ​ലത്തു തന്നേ മേലാൽ സംഭവി​പ്പാ​നു​ള്ള​തും ഞാൻ പ്രസ്‌താ​വി​ക്കു​ന്നു; എന്റെ ആലോചന നിവൃ​ത്തി​യാ​കും; ഞാൻ എന്റെ താല്‌പ​ര്യ​മൊ​ക്കെ​യും അനുഷ്‌ഠി​ക്കും എന്നു ഞാൻ പറയുന്നു. . . . ഞാൻ പ്രസ്‌താ​വി​ച്ചി​രി​ക്കു​ന്നു; ഞാൻ നിവർത്തി​ക്കും; ഞാൻ നിരൂ​പി​ച്ചി​രി​ക്കു​ന്നു; ഞാൻ അനുഷ്‌ഠി​ക്കും. (യെശയ്യാ​വു 46:9-11; 55:10, 11) പുരാതന പ്രവാ​ച​ക​ന്മാർക്കു തന്നെത്തന്നെ തിരി​ച്ച​റി​യി​ക്കാൻ ദൈവം ഉപയോ​ഗിച്ച യഹോവ എന്ന പേരിന്റെ അക്ഷരീയ അർഥം “അവൻ ആയിത്തീ​രാൻ ഇടയാ​ക്കു​ന്നു” എന്നാണ്‌.a (ഉല്‌പത്തി 12:7, 8; പുറപ്പാ​ടു 3:13-15; സങ്കീർത്തനം 83:18) തന്റെ വാക്കിനെ നിവർത്തി​ക്കു​ന്നവൻ, എല്ലായ്‌പോ​ഴും തന്റെ ഉദ്ദേശ്യം നിറ​വേ​റ്റു​ന്നവൻ ആയി ദൈവം തന്നെത്തന്നെ വെളി​പ്പെ​ടു​ത്തു​ന്നു.

അങ്ങനെ, തന്റെ ഉദ്ദേശ്യ​നി​വൃ​ത്തി​ക്കാ​യി ദൈവം തന്റെ മുന്നറി​വിൻ പ്രാപ്‌തി ഉപയോ​ഗി​ക്കു​ന്നു. വരാൻപോ​കുന്ന ന്യായ​വി​ധി​യെ​ക്കു​റിച്ച്‌ ദുഷ്ടന്മാർക്കു മുന്നറി​യി​പ്പും തന്റെ ദാസന്മാർക്കു രക്ഷാ​പ്ര​തീ​ക്ഷ​യും നൽകാൻ അവനത്‌ മിക്ക​പ്പോ​ഴും ഉപയോ​ഗി​ച്ചി​ട്ടുണ്ട്‌. എന്നാൽ ദൈവം ഈ കഴിവ്‌ അപരി​മി​ത​മായ വിധത്തിൽ ഉപയോ​ഗി​ക്കു​ന്നു​ണ്ടോ? ദൈവം മുൻകൂ​ട്ടി അറിയേണ്ട എന്ന്‌ ദൈവം തീരു​മാ​നിച്ച കാര്യ​ങ്ങ​ളെ​ക്കു​റിച്ച്‌ വിശുദ്ധ തിരു​വെ​ഴു​ത്തു​ക​ളിൽ എന്തെങ്കി​ലും തെളി​വു​ണ്ടോ?

ദൈവം എല്ലാ കാര്യ​ങ്ങ​ളും മുൻകൂ​ട്ടി അറിയു​ന്നു​വോ?

ഭാവി സംഭവങ്ങൾ മുൻകൂ​ട്ടി അറിയാ​നും തീരു​മാ​നി​ക്കാ​നും ദൈവ​ത്തിന്‌ അനി​ഷേ​ധ്യ​മായ പ്രാപ്‌തി​യു​ള്ള​തി​നാൽ ഓരോ വ്യക്തി​യു​ടെ​യും ഭാവി​പ്ര​വർത്ത​നങ്ങൾ ഉൾപ്പെടെ സർവതും അവൻ മുൻകൂ​ട്ടി അറിഞ്ഞി​രി​ക്ക​ണ​മെന്ന ഊഹത്തിൽ അധിഷ്‌ഠി​ത​മാണ്‌ മുൻനി​ശ്ച​യ​ത്തിന്‌ അനുകൂ​ല​മായ എല്ലാ വാദമു​ഖ​ങ്ങ​ളും. എന്നാൽ ഈ ഊഹം ന്യായ​യു​ക്ത​മാ​ണോ? അല്ലെന്നാണ്‌ തന്റെ വിശുദ്ധ തിരു​വെ​ഴു​ത്തു​ക​ളിൽ ദൈവം വെളി​പ്പെ​ടു​ത്തുന്ന കാര്യങ്ങൾ സൂചി​പ്പി​ക്കു​ന്നത്‌.

ദൃഷ്ടാ​ന്ത​ത്തിന്‌, തന്റെ പുത്ര​നായ യിസ്‌ഹാ​ക്കി​നെ ദഹനയാ​ഗ​മാ​യി അർപ്പി​ക്കാൻ ആവശ്യ​പ്പെ​ട്ടു​കൊണ്ട്‌ “ദൈവം അബ്രാ​ഹാ​മി​നെ പരീക്ഷി”ച്ചെന്ന്‌ ബൈബിൾ പറയുന്നു. അബ്രാ​ഹാം യിസ്‌ഹാ​ക്കി​നെ ബലിയർപ്പി​ക്കാൻ തുടങ്ങവേ, ദൈവം അവനെ തടഞ്ഞു​കൊണ്ട്‌ ഇപ്രകാ​രം പറഞ്ഞു: “നിന്റെ ഏകജാ​ത​നായ മകനെ തരുവാൻ നീ മടിക്കായ്‌ക കൊണ്ടു നീ ദൈവത്തെ ഭയപ്പെ​ടു​ന്നു എന്നു ഞാൻ ഇപ്പോൾ അറിയു​ന്നു.” (ചെരി​ച്ചെ​ഴുത്ത്‌ ഞങ്ങളു​ടേത്‌.) (ഉല്‌പത്തി 22:1-12) അബ്രാ​ഹാം തന്റെ കൽപ്പന അനുസ​രി​ക്കു​മെന്ന്‌ ദൈവം മുന്നമേ അറിഞ്ഞി​രു​ന്നെ​ങ്കിൽ, അവൻ ആ പ്രസ്‌താ​വന നടത്തു​മാ​യി​രു​ന്നോ? അത്‌ സത്യസ​ന്ധ​മായ ഒരു പരീക്ഷ​ണ​മാ​യി​രി​ക്കു​മാ​യി​രു​ന്നോ?

അതിനു​പു​റ​മേ, താൻ ചെയ്‌ത​തോ ചെയ്യാ​നു​ദ്ദേ​ശി​ക്കു​ന്ന​തോ ആയ ചില കാര്യ​ങ്ങ​ളെ​പ്രതി താൻ ‘അനുത​പി​ക്കു​ന്നു’വെന്ന്‌ ദൈവം​തന്നെ ആവർത്തി​ച്ചു​പ​റ​ഞ്ഞെന്നു പുരാതന പ്രവാ​ച​ക​ന്മാർ റിപ്പോർട്ടു ചെയ്യുന്നു. ദൃഷ്ടാ​ന്ത​മാ​യി, താൻ “ശൗലിനെ യിസ്രാ​യേ​ലി​ന്നു രാജാ​വാ​ക്കി​യ​തു​കൊ​ണ്ടു അനുത​പി​ച്ചു [നാക്കം എന്ന എബ്രായ പദത്തിൽനിന്ന്‌]” എന്ന്‌ ദൈവം പറഞ്ഞു. (1 ശമൂവേൽ 15:11, 35; യിരെ​മ്യാ​വു 18:7-10-ഉം യോനാ 3:10-ഉം താരത​മ്യം ചെയ്യുക.) ഇസ്രാ​യേ​ലി​ന്റെ ആദ്യ രാജാ​വാ​യി ശൗലിനെ തിര​ഞ്ഞെ​ടു​ത്ത​തിൽ ദൈവ​ത്തി​നു പിശകു​പ​റ്റി​യെന്ന്‌ ഈ വാക്യങ്ങൾ അർഥമാ​ക്കു​ന്നില്ല, കാരണം ദൈവം പൂർണ​നാണ്‌. മറിച്ച്‌, ശൗൽ വിശ്വാ​സ​ര​ഹി​ത​നും അനുസ​ര​ണം​കെ​ട്ട​വ​നും ആയിത്തീർന്ന​തിൽ ദൈവ​ത്തി​നു ഖേദം തോന്നി​യെ​ന്നാണ്‌ അതു സൂചി​പ്പി​ക്കു​ന്നത്‌. ശൗലിന്റെ പ്രവർത്ത​നങ്ങൾ ദൈവം മുന്നറി​ഞ്ഞി​രു​ന്നെ​ങ്കിൽ, തന്നെത്തന്നെ പരാമർശി​ച്ചു​കൊണ്ട്‌ ദൈവം അത്തര​മൊ​രു പദപ്ര​യോ​ഗം ഉപയോ​ഗി​ക്കു​ന്നത്‌ അസംബ​ന്ധ​മാ​യി​രി​ക്കു​മാ​യി​രു​ന്നു.

ഏറ്റവും പുരാതന തിരു​വെ​ഴു​ത്തു​ഭാ​ഗത്ത്‌, നോഹ​യു​ടെ നാളിനെ പരാമർശി​ക്ക​യിൽ അതേ പദപ്ര​യോ​ഗം കാണുന്നു. അതിങ്ങനെ വായി​ക്കു​ന്നു: “താൻ ഭൂമി​യിൽ മനുഷ്യ​നെ ഉണ്ടാക്കു​ക​കൊ​ണ്ടു യഹോവ അനുത​പി​ച്ചു; അതു അവന്റെ ഹൃദയ​ത്തി​ന്നു ദുഃഖ​മാ​യി: ഞാൻ സൃഷ്ടി​ച്ചി​ട്ടുള്ള മനുഷ്യ​നെ ഭൂമി​യിൽനി​ന്നു നശിപ്പി​ച്ചു​ക​ള​യും; . . . അവയെ ഉണ്ടാക്കു​ക​കൊ​ണ്ടു ഞാൻ അനുത​പി​ക്കു​ന്നു എന്നു യഹോവ അരുളി​ച്ചെ​യ്‌തു.” (ഉല്‌പത്തി 6:6, 7) വീണ്ടും ഇവി​ടെ​യും, മനുഷ്യ​ന്റെ പ്രവർത്ത​നങ്ങൾ ദൈവ​ത്താൽ മുൻനിർണ​യി​ക്ക​പ്പെ​ടു​ന്നി​ല്ലെന്ന്‌ ഇത്‌ സൂചി​പ്പി​ക്കു​ന്നു. ദൈവ​ത്തി​നു ഖേദവും ദുഃഖ​വും വേദന​യും​പോ​ലും തോന്നി, തന്റെ പ്രവർത്ത​നങ്ങൾ തെറ്റി​പ്പോ​യ​തു​കൊ​ണ്ടല്ല, മറിച്ച്‌ മനുഷ്യ​ന്റെ ദുഷ്ടത അത്യധി​ക​മാ​യി​ത്തീർന്ന​തി​നാൽ. നോഹ​യെ​യും കുടും​ബ​ത്തെ​യും ഒഴികെ മുഴു മനുഷ്യ​രാ​ശി​യേ​യും നശിപ്പി​ക്കേ​ണ്ടത്‌ അനിവാ​ര്യ​മാ​യി​ത്തീർന്ന​തി​നാൽ സ്രഷ്ടാ​വിന്‌ ദുഃഖം തോന്നി. ദൈവം നമുക്കി​ങ്ങനെ ഉറപ്പു നൽകുന്നു: ‘ദുഷ്ടന്റെ മരണത്തിൽ . . . എനിക്കു ഇഷ്ടമില്ല.’—യെഹെ​സ്‌കേൽ 33:11; ആവർത്ത​ന​പു​സ്‌തകം 32:4, 5 താരത​മ്യം ചെയ്യുക.

അതു​കൊണ്ട്‌, പാപത്തി​ലേ​ക്കുള്ള ആദാമി​ന്റെ വീഴ്‌ച​യും അത്‌ മാനവ​കു​ടും​ബ​ത്തിന്‌ കൈവ​രു​ത്തു​മാ​യി​രുന്ന ദുരന്ത​പൂർണ​മായ പ്രത്യാ​ഘാ​ത​ങ്ങ​ളും ദൈവം മുൻകൂ​ട്ടി അറിയു​ക​യും നിശ്ചയി​ക്കു​ക​യും ചെയ്‌തോ? അതു സത്യമാ​യി​രി​ക്കാ​വു​ന്ന​ത​ല്ലെന്ന്‌ നാം ഇപ്പോൾ പരിചി​ന്തിച്ച വിവരങ്ങൾ പ്രകട​മാ​ക്കു​ന്നു. അതിലു​പരി, ദൈവം ഇതെല്ലാം മുൻകൂ​ട്ടി അറിഞ്ഞി​രു​ന്നെ​ങ്കിൽ, മനുഷ്യ​നെ സൃഷ്ടി​ച്ച​പ്പോൾ അവൻ പാപത്തി​ന്റെ അവതാ​ര​ക​നും മുഴു മാനുഷ ദുഷ്ടത​യു​ടെ​യും ദുരി​ത​ത്തി​ന്റെ​യും മനപ്പൂർവ ഉത്തരവാ​ദി​യും ആയിത്തീ​രു​മാ​യി​രു​ന്നു. വ്യക്തമാ​യും, ദൈവം തന്നെക്കു​റി​ച്ചു തിരു​വെ​ഴു​ത്തു​ക​ളിൽ വെളി​പ്പെ​ടു​ത്തി​യി​രി​ക്കുന്ന കാര്യ​ങ്ങ​ളു​മാ​യി അതു പൊരു​ത്ത​പ്പെ​ടു​ന്നില്ല. ദുഷ്ടതയെ വെറു​ക്കുന്ന സ്‌നേ​ഹ​ത്തി​ന്റെ​യും നീതി​യു​ടെ​യും ദൈവ​മാണ്‌ അവൻ.—സങ്കീർത്തനം 33:5; സദൃശ​വാ​ക്യ​ങ്ങൾ 15:9; 1 യോഹ​ന്നാൻ 4:8.

മനുഷ്യ​ന്റെ രണ്ട്‌ അന്തിമ​വി​ധി​കൾ

നമ്മുടെ വ്യക്തിഗത ഭാവി ഏതോ​വി​ധ​ത്തിൽ ദൈവ​ത്താൽ മുൻകൂ​ട്ടി നിർണ​യി​ക്ക​പ്പെ​ടു​ന്നു, അഥവാ മുൻനി​ശ്ച​യി​ക്ക​പ്പെ​ടു​ന്നു എന്ന്‌ വിശുദ്ധ തിരു​വെ​ഴു​ത്തു​കൾ വെളി​പ്പെ​ടു​ത്തു​ന്നില്ല. പകരം, മനുഷ്യ​നു​വേണ്ടി സാധ്യ​മായ രണ്ട്‌ അന്തിമ​വി​ധി​കൾ ദൈവം മുൻകൂ​ട്ടി​പ്പ​റ​ഞ്ഞി​രി​ക്കു​ന്നു​വെ​ന്നാണ്‌ അതു വെളി​പ്പെ​ടു​ത്തു​ന്നത്‌. ഏത്‌ അന്തിമ​വി​ധി​യാ​യി​രി​ക്കണം തന്റേ​തെന്നു തീരു​മാ​നി​ക്കാ​നുള്ള ഇച്ഛാസ്വാ​ത​ന്ത്ര്യം ദൈവം എല്ലാ മനുഷ്യർക്കും നൽകുന്നു. ദീർഘ​കാ​ലം മുമ്പ്‌ പ്രവാ​ച​ക​നായ മോശ ഇസ്രാ​യേ​ല്യ​രോട്‌ ഇങ്ങനെ പ്രഖ്യാ​പി​ച്ചു: “ജീവനും മരണവും . . . നിങ്ങളു​ടെ മുമ്പിൽ വെച്ചി​രി​ക്കു​ന്നു . . . അതു​കൊ​ണ്ടു നീയും നിന്റെ സന്തതി​യും ജീവി​ച്ചി​രി​ക്കേ​ണ്ട​തി​ന്നും . . . നിന്റെ ദൈവ​മായ യഹോ​വയെ സ്‌നേ​ഹി​ക്ക​യും അവന്റെ വാക്കു കേട്ടനു​സ​രി​ക്ക​യും അവനോ​ടു ചേർന്നി​രി​ക്ക​യും ചെയ്യേ​ണ്ട​തി​ന്നും ജീവനെ തിര​ഞ്ഞെ​ടു​ത്തു​കൊൾക; അതല്ലോ നിനക്കു ജീവനും ദീർഘാ​യു​സ്സും ആകുന്നു.” (ചെരി​ച്ചെ​ഴുത്ത്‌ ഞങ്ങളു​ടേത്‌.) (ആവർത്തനം 30:19, 20) ദൈവ​ത്തി​ന്റെ പ്രവാ​ച​ക​നായ യേശു ഈ മുന്നറി​യി​പ്പു നൽകി: “ഇടുക്കു​വാ​തി​ലൂ​ടെ അകത്തു കടപ്പിൻ; നാശത്തി​ലേക്കു പോകുന്ന വാതിൽ വീതി​യു​ള്ള​തും വഴി വിശാ​ല​വും അതിൽകൂ​ടി കടക്കു​ന്നവർ അനേക​രും ആകുന്നു. ജീവങ്ക​ലേക്കു പോകുന്ന വാതിൽ ഇടുക്ക​വും വഴി ഞെരു​ക്ക​വു​മു​ള്ളതു; അതു കണ്ടെത്തു​ന്നവർ ചുരു​ക്ക​മ​ത്രേ.” (മത്തായി 7:13, 14) രണ്ട്‌ വഴികൾ, രണ്ട്‌ അന്തിമ​വി​ധി​കൾ. നമ്മുടെ ഭാവി നമ്മുടെ പ്രവർത്ത​ന​ങ്ങളെ ആശ്രയി​ച്ചി​രി​ക്കു​ന്നു. ദൈവത്തെ അനുസ​രി​ക്കു​ന്നത്‌ ജീവ​നെ​യും അനുസ​രി​ക്കാ​ത്തത്‌ മരണ​ത്തെ​യും അർഥമാ​ക്കു​ന്നു.—റോമർ 6:23.

ദൈവം, “എല്ലായി​ട​ത്തും എല്ലാവ​രും മാനസാ​ന്ത​ര​പ്പെ​ടേ​ണ​മെന്നു മനുഷ്യ​രോ​ടു കല്‌പി​ക്കു​ന്നു. താൻ നിയമിച്ച പുരു​ഷൻമു​ഖാ​ന്തരം ലോകത്തെ നീതി​യിൽ ന്യായം വിധി​പ്പാൻ അവൻ ഒരു ദിവസത്തെ നിശ്ചയി​ച്ചു.” (പ്രവൃ​ത്തി​കൾ 17:30, 31) നോഹ​യു​ടെ കാലത്ത്‌ ഭൂരി​പക്ഷം ആളുക​ളും ദൈവ​ത്തോട്‌ അനുസ​ര​ണ​ക്കേടു കാണി​ക്കാൻ തീരു​മാ​നി​ക്കു​ക​യും നശിപ്പി​ക്ക​പ്പെ​ടു​ക​യും ചെയ്‌ത​തു​പോ​ലെ, ഇന്നും ഭൂരി​പക്ഷം ആളുക​ളും ദൈവ കൽപ്പനകൾ അനുസ​രി​ക്കു​ന്നില്ല. എന്നാൽ, ആർ നശിപ്പി​ക്ക​പ്പെ​ടും ആർ രക്ഷപ്രാ​പി​ക്കും എന്നു ദൈവം മുൻകൂ​ട്ടി തീരു​മാ​നി​ച്ചി​ട്ടില്ല. വാസ്‌ത​വ​ത്തിൽ, “ആരും നശിച്ചു​പോ​കാ​തെ എല്ലാവ​രും മാനസാ​ന്ത​ര​പ്പെ​ടു​വാൻ [ദൈവം] ഇച്ഛി”ക്കുന്നു​വെന്ന്‌ അവന്റെ വചനം പറയുന്നു. (2 പത്രൊസ്‌ 3:9) വളരെ ദുഷ്ടരായ ആളുകൾക്കു​പോ​ലും അനുത​പി​ക്കാ​നും അനുസ​ര​ണ​മു​ള്ള​വ​രാ​യി​ത്തീ​രാ​നും ദൈവാം​ഗീ​കാ​രം നേടാ​നാ​വ​ശ്യ​മായ മാറ്റങ്ങൾ വരുത്താ​നും സാധി​ക്കും.—യെശയ്യാ​വു 1:18-20; 55:6, 7; യെഹെ​സ്‌കേൽ 33:14-16; റോമർ 2:4-8.

അനുസ​ര​ണ​മു​ള്ള​വർക്ക്‌ ദൈവം, സകല ദുഷ്ടത​യിൽനി​ന്നും അക്രമ​ത്തിൽനി​ന്നും യുദ്ധത്തിൽനി​ന്നും ശുദ്ധീ​ക​രി​ക്ക​പ്പെട്ട ഒരു ഭൂമി​യിൽ, ദാരി​ദ്ര്യ​മോ ദുരി​ത​മോ രോഗ​മോ മരണമോ ഇല്ലാത്ത ഒരു ലോക​ത്തിൽ, അതായത്‌ സമാധാ​ന​പൂർണ​മായ ഒരു പറുദീ​സ​യിൽ നിത്യ​ജീ​വൻ വാഗ്‌ദാ​നം ചെയ്യുന്നു. (സങ്കീർത്തനം 37:9-11; 46:9; യെശയ്യാ​വു 2:4; 11:6-9; 25:6-8; 35:5, 6; വെളി​പ്പാ​ടു 21:4) എന്തിന്‌, മരിച്ചവർ ഉയിർപ്പി​ക്ക​പ്പെ​ടു​ക​യും ദൈവത്തെ സേവി​ക്കാ​നുള്ള അവസരം അവർക്കു നൽക​പ്പെ​ടു​ക​യും ചെയ്യും.—ദാനീ​യേൽ 12:2; യോഹ​ന്നാൻ 5:28, 29.

“നിഷ്‌ക​ള​ങ്കനെ കുറി​ക്കൊ​ള്ളുക; നേരു​ള്ള​വനെ നോക്കി​ക്കൊൾക, എന്തെന്നാൽ ആ മനുഷ്യ​ന്റെ ഭാവി സമാധാ​ന​പൂർണ​മാ​യി​രി​ക്കും. എന്നാൽ അതി​ക്ര​മ​ക്കാർ ഒരുമിച്ച്‌ നശിപ്പി​ക്ക​പ്പെ​ടും; ദുഷ്ടന്മാ​രു​ടെ ഭാവി നിശ്ചയ​മാ​യും ഛേദന​മാ​യി​രി​ക്കും” എന്ന്‌ സങ്കീർത്ത​ന​ക്കാ​രൻ പറയുന്നു. (സങ്കീർത്തനം 37:37, 38, NW) നിങ്ങളു​ടെ ഭാവി എന്തായി​രി​ക്കും? അതെല്ലാം നിങ്ങളെ ആശ്രയി​ച്ചി​രി​ക്കു​ന്നു. സന്തുഷ്ട​വും സമാധാ​ന​പൂർണ​വു​മായ ഒരു ഭാവി ഉറപ്പു​വ​രു​ത്തു​ന്ന​തി​നു നിങ്ങളെ പ്രാപ്‌ത​രാ​ക്കാൻ കൂടു​ത​ലായ വിവരങ്ങൾ പ്രദാനം ചെയ്യാൻ ഈ മാസി​ക​യു​ടെ പ്രസാ​ധ​കർക്കു സന്തോ​ഷ​മു​ണ്ടാ​യി​രി​ക്കും.

[അടിക്കു​റി​പ്പു​കൾ]

[6-ാം പേജിലെ ആകർഷ​ക​വാ​ക്യം]

തന്റെ ഉദ്ദേശ്യ​നി​വൃ​ത്തി​ക്കാ​യി ദൈവം തന്റെ മുന്നറി​വിൻ പ്രാപ്‌തി ഉപയോ​ഗി​ക്കു​ന്നു

[8-ാം പേജിലെ ആകർഷ​ക​വാ​ക്യം]

‘ആരും നശിച്ചു​പോ​കാ​തെ എല്ലാവ​രും മാനസാ​ന്ത​ര​പ്പെ​ടു​വാൻ ദൈവം ഇച്ഛിക്കു​ന്നു.’ 2 പത്രൊസ്‌ 3:9

[7-ാം പേജിലെ ചിത്രം]

അബ്രാഹാം തന്റെ പുത്രനെ ബലിക​ഴി​ക്കാൻ സന്നദ്ധനാ​കു​മെന്നു ദൈവം മുൻകൂ​ട്ടി അറിഞ്ഞി​രു​ന്നെ​ങ്കിൽ, അതൊരു സത്യസ​ന്ധ​മായ പരി​ശോ​ധ​ന​യാ​യി​രി​ക്കു​മാ​യിരു​ന്നോ?