സൂക്ഷ്‌മ​പ​രി​ജ്ഞാ​ന​ത്താൽ നിങ്ങളു​ടെ സമാധാ​നം വർദ്ധി​പ്പി​ക്കു​ക

“ദൈവ​ത്തെ​യും നമ്മുടെ കർത്താ​വായ യേശു​വി​നെ​യും കുറി​ച്ചുള്ള സൂക്ഷ്‌മ​പ​രി​ജ്ഞാ​ന​ത്താൽ അനർഹ​ദ​യ​യും സമാധാ​ന​വും നിങ്ങൾക്കു വർദ്ധി​ക്കട്ടെ.”—2 പത്രോസ്‌ 1:2.

1, 2. (എ) ദൈവ​വു​മാ​യുള്ള സമാധാ​ന​പ​ര​മായ ഒരു ബന്ധത്തെ ഒരു വിവാ​ഹ​ത്തോ​ടു താരത​മ്യ​പ്പെ​ടു​ത്താൻ കഴിയു​ന്ന​തെ​ന്തു​കൊണ്ട്‌? (ബി) നമുക്ക്‌ ദൈവ​വു​മാ​യുള്ള നമ്മുടെ സമാധാ​നത്തെ ബലപ്പെ​ടു​ത്താൻ കഴിയു​ന്ന​തെ​ങ്ങനെ?

നിങ്ങളു​ടെ സ്‌നാ​ന​ത്തി​ങ്കൽ യഹോ​വ​യാം ദൈവ​വു​മാ​യി സ്ഥാപിച്ച സമാധാന ബന്ധം ചില കാര്യ​ങ്ങ​ളിൽ ഒരു വിവാ​ഹ​ത്തെ​പ്പോ​ലെ​യാണ്‌. വിവാ​ഹ​ദി​നം ഉല്ലാസ​പ്ര​ദ​മാ​ണെ​ങ്കി​ലും അത്‌ വില​യേ​റിയ ഒരു ബന്ധത്തിന്റെ തുടക്കം മാത്ര​മാണ്‌. കാലം കഴിയു​ന്ന​തോ​ടെ ശ്രമത്താ​ലും അനുഭ​വ​പ​രി​ച​യ​ത്താ​ലും ഒരു ദാമ്പത്യ​ബന്ധം കൂടുതൽ പ്രിയ​ങ്ക​ര​മാ​യി​ത്തീ​രും, അരിഷ്ട​നാ​ളു​ക​ളിൽ ഒരു അഭയ​കേ​ന്ദ്ര​മാ​യി​ത്തീ​രും. അങ്ങനെ​തന്നെ, ഉത്സാഹ​ത്താ​ലും യഹോ​വ​യു​ടെ സഹായ​ത്താ​ലും നിങ്ങൾക്ക്‌ അവനു​മാ​യുള്ള സമാധാ​നം വർദ്ധി​പ്പി​ക്കാൻ കഴിയും.

² “വിശ്വാ​സം ആർജ്ജി​ച്ചി​ട്ടു”ള്ളവർക്ക്‌ ദൈവ​വു​മാ​യുള്ള തങ്ങളുടെ സമാധാ​നത്തെ എങ്ങനെ ബലപ്പെ​ടു​ത്താൻ കഴിയു​മെന്ന്‌ അപ്പോ​സ്‌ത​ല​നായ പത്രോസ്‌ വിശദീ​ക​രി​ച്ചു. അവൻ ഇങ്ങനെ എഴുതി: “ദൈവ​ത്തെ​യും നമ്മുടെ കർത്താ​വായ യേശു​വി​നെ​യും കുറി​ച്ചുള്ള സൂക്ഷ്‌മ​പ​രി​ജ്ഞാ​ന​ത്താൽ അനർഹ​ദ​യ​യും സമാധാ​ന​വും നിങ്ങൾക്കു വർദ്ധി​ക്കട്ടെ.”—2 പത്രോസ്‌ 1:1, 2.

‘ദൈവ​ത്തെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​നം’

3. യഹോ​വ​യേ​യും യേശു​വി​നെ​യും കുറി​ച്ചുള്ള സൂക്ഷ്‌മ​പ​രി​ജ്ഞാ​നം ഉണ്ടായി​രി​ക്കു​ക​യെ​ന്നാൽ അർത്ഥ​മെന്ത്‌?

³ ഈ സന്ദർഭ​ത്തിൽ ഉപയോ​ഗി​ച്ചി​രി​ക്കുന്ന “സൂക്ത്‌മ​പ​രി​ജ്ഞാന”ത്തിനുള്ള ഗ്രീക്ക്‌ പദം (എപ്പിഗ്‌നോ​സിസ്‌) ആഴമേ​റിയ ഒരു ദൃഢബ​ദ്ധ​മായ പരിജ്ഞാ​നത്തെ അർത്ഥമാ​ക്കു​ന്നു. ക്രിയാ​രൂ​പ​ത്തിന്‌ വ്യക്തി​പ​ര​മായ അനുഭവ പരിച​യ​ത്താൽ നേടിയ പരിജ്ഞാ​നത്തെ പരാമർശി​ക്കാൻ കഴിയും. ലൂക്കോസ്‌ 1:4-ൽ അത്‌ “പൂർണ്ണ​മാ​യി അറിയുക” എന്ന്‌ വിവർത്തനം ചെയ്‌തി​രി​ക്കു​ന്നു. തനിക്ക്‌ ഈ പദം “എനിക്ക്‌ മുമ്പ്‌ അറിയാ​മാ​യി​രുന്ന ഒരു വസ്‌തു​വി​നെ മെച്ചമാ​യി പരിച​യ​പ്പെ​ടു​ന്ന​തി​നെ, നേരത്തെ ദൂരെ​നി​ന്നു ഞാൻ കണ്ട ഒരു വസ്‌തു​വി​നെ കൂടുതൽ കൃത്യ​മാ​യി വീക്ഷി​ക്കു​ന്ന​തി​നെ” സൂചി​പ്പി​ക്കു​ന്നു​വെന്ന്‌ ഗ്രീക്ക്‌ പണ്ഡിതൻ കൽവെർവെൽ വിശദീ​ക​രി​ക്കു​ന്നു. അങ്ങനെ​യുള്ള സൂക്ഷ്‌മ​പ​രി​ജ്ഞാ​നം സമ്പാദി​ക്കു​ന്ന​തിൽ വ്യക്തി​ക​ളെ​ന്ന​നി​ല​യിൽ യഹോ​വ​യേ​യും ക്രിസ്‌തു​വി​നെ​യും കൂടുതൽ അടുത്ത്‌ അറിയു​ന്ന​തും അവരുടെ ഗുണങ്ങൾ സുപരി​ചി​ത​മാ​ക്കു​ന്ന​തും ഉൾപ്പെ​ടു​ന്നു.

4. നമുക്ക്‌ നമ്മുടെ ദൈവ​പ​രി​ജ്ഞാ​നത്തെ എങ്ങനെ വർദ്ധി​പ്പി​ക്കാൻ കഴിയും, ഇത്‌ അവനു​മാ​യുള്ള നമ്മുടെ സമാധാ​നത്തെ മെച്ച​പ്പെ​ടു​ത്തു​ന്ന​തെ​ന്തു​കൊണ്ട്‌?

⁴ ഈ പരിജ്ഞാ​നം നേടു​ന്ന​തി​നുള്ള രണ്ടു മാർഗ്ഗങ്ങൾ നല്ല വ്യക്തി​പ​ര​മായ പഠനശീ​ല​ങ്ങ​ളും ദൈവ​ജ​ന​ങ്ങ​ളു​ടെ യോഗ​ങ്ങ​ളി​ലെ ക്രമമായ ഹാജരു​മാണ്‌. ദൈവം എങ്ങനെ വർത്തി​ക്കു​ന്നു​വെ​ന്നും അവൻ എന്തു ചിന്തി​ക്കു​ന്നു​വെ​ന്നും ഈ വിധങ്ങ​ളിൽ നിങ്ങൾ കൂടുതൽ വ്യക്തമാ​യി പഠിക്കും. നിങ്ങൾ അവന്റെ വ്യക്തി​ത്വ​ത്തി​ന്റെ വ്യക്തത​യേ​റിയ ഒരു മാനസിക പ്രതി​ബിം​ബം സൃഷ്ടി​ക്കു​ന്ന​താ​യി​രി​ക്കും. എന്നാൽ ദൈവത്തെ അടുത്ത്‌ അറിയു​ന്നത്‌ ഈ പ്രതി​രൂ​പത്തെ അനുക​രി​ക്കു​ന്ന​തി​നെ​യും പ്രതി​ഫ​ലി​പ്പി​ക്കു​ന്ന​തി​നെ​യും അർത്ഥമാ​ക്കു​ന്നു. ദൃഷ്ടാ​ന്ത​ത്തിന്‌, ദൈവ​സ​മാന നിസ്വാർത്ഥ​തയെ പ്രതി​ഫ​ലി​പ്പിച്ച ഒരു വ്യക്തിയെ യഹോവ വർണ്ണിച്ചു, അനന്തരം അവൻ ഇങ്ങനെ പറഞ്ഞു: “അത്‌ എന്നെ അറിയു​ന്ന​തി​ന്റെ ഒരു ദൃഷ്ടാ​ന്ത​മ​ല്ല​യോ?” (യിരെ​മ്യാവ്‌ 22:15, 16; എഫേസ്യർ 5:1) ദൈവത്തെ കൂടുതൽ അടുത്ത്‌ അനുക​രി​ക്കു​ന്നത്‌ അവനു​മാ​യുള്ള നിങ്ങളു​ടെ സമാധാ​നത്തെ വർദ്ധി​പ്പി​ക്കു​ന്നു, എന്തു​കൊ​ണ്ടെ​ന്നാൽ നിങ്ങൾ പുതിയ വ്യക്തി​ത്വം ധരിക്കു​ന്ന​തിൽ മെച്ച​പ്പെ​ടു​ന്നു, അത്‌ “അതിനെ സൃഷ്ടി​ച്ച​വന്റെ പ്രതി​ച്ഛായ പ്രകാരം സൂക്ഷ്‌മ​പ​രി​ജ്ഞാ​ന​ത്താൽ പുതു​താ​ക്ക​പ്പെ​ട്ടു​കൊ​ണ്ടി​രി​ക്കു​ന്നു.” നിങ്ങൾ ദൈവ​ത്തിന്‌ കൂടുതൽ പ്രസാ​ദ​മു​ള്ള​വ​രാ​യി​ത്തീ​രു​ന്നു.—കൊ​ലോ​സ്യർ 3:10.

5. (എ) സൂക്ഷ്‌മ​പ​രി​ജ്ഞാ​നം ഒരു ക്രിസ്‌തീയ വനിതയെ സഹായി​ച്ച​തെ​ങ്ങനെ? (ബി) ഏതു വിധങ്ങ​ളിൽ നമുക്ക്‌ യഹോ​വയെ കൂടുതൽ അടുത്ത്‌ അനുക​രി​ക്കാൻ കഴിയും?

⁵ ലിൻ എന്നു പേരു​ണ്ടാ​യി​രുന്ന ഒരു ക്രിസ്‌തീയ വനിത ഒരു സഹക്രി​സ്‌ത്യാ​നി​യു​മാ​യുള്ള തെററി​ദ്ധാ​രണ നിമിത്തം ക്ഷമിക്കുക പ്രയാ​സ​മാ​ണെ​ന്നും കണ്ടെത്തി. എന്നാൽ ലിന്നിന്റെ ശ്രദ്ധാ​പൂർവ്വ​ക​മായ വ്യക്തി​പ​ര​മായ പഠനം അവളുടെ മനോ​ഭാ​വത്തെ അവൾ പരി​ശോ​ധി​ക്കാ​നി​ട​യാ​ക്കി. “യഹോവ എങ്ങനെ​യുള്ള ദൈവ​മാ​ണെ​ന്നും അവൻ വൈരം വെച്ചു​പു​ലർത്തു​ന്നി​ല്ലെ​ന്നും ഞാൻ ഓർത്തു. ഓരോ ദിവസ​വും യഹോ​വ​യോ​ടു നാം ചെയ്യുന്ന നിസ്സാ​ര​കാ​ര്യ​ങ്ങ​ളെ​ക്കു​റി​ച്ചെ​ല്ലാം ഞാൻ ചിന്തിച്ചു, എന്നാൽ അവൻ അവയെ കണക്കി​ടു​ന്നില്ല. എന്റെ ക്രിസ്‌തീയ സഹോ​ദ​രി​യു​മാ​യുള്ള സംഗതി താരത​മ്യേന നിസ്സാ​ര​മാ​യി​രു​ന്നു. അതു​കൊണ്ട്‌, ഞാൻ അവളെ കാണു​മ്പോ​ഴെ​ല്ലാം ‘യഹോവ എന്നെ സ്‌നേ​ഹി​ക്കു​ന്ന​തു​പോ​ലെ അവളെ​യും സ്‌നേ​ഹി​ക്കു​ന്നു’ എന്നു ഞാൻ എന്നോ​ടു​തന്നെ പറഞ്ഞു. ഇത്‌ പ്രശ്‌നത്തെ തരണം ചെയ്യാൻ എന്നെ സഹായി​ച്ചു”വെന്ന്‌ അവൾ ഏററു​പ​റഞ്ഞു. നിങ്ങളും യഹോ​വയെ കൂടുതൽ അടുത്ത്‌ അനുക​രി​ക്കേ​ണ്ട​തി​ന്റെ ആവശ്യ​മുള്ള മണ്ഡലങ്ങൾ കാണു​ന്നു​ണ്ടോ?—സങ്കീർത്തനം 18:35; 103:8, 9; ലൂക്കോസ്‌ 6:36; പ്രവൃ​ത്തി​കൾ 10:34, 35; 1 പത്രോസ്‌ 1:15, 16.

ക്രിസ്‌തു​വി​നെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​നം

6. പ്രസം​ഗ​വേല തനിക്ക്‌ പരമ​പ്രാ​ധാ​ന്യ​മു​ള്ള​താ​യി​രു​ന്നു​വെന്ന്‌ യേശു​ക്രി​സ്‌തു എങ്ങനെ പ്രകട​മാ​ക്കി?

⁶ യേശു​വി​നെ​ക്കു​റിച്ച്‌ സൂക്ഷ്‌മ​പ​രി​ജ്ഞാ​നം ഉണ്ടായി​രി​ക്കു​ന്ന​തിന്‌ “ക്രിസ്‌തു​വി​ന്റെ മനസ്സ്‌ ഉണ്ടായി​രി​ക്കേ​ണ്ട​തും” അവനെ അനുക​രി​ക്കേ​ണ്ട​തും ആവശ്യ​മാണ്‌. (1 കൊരി​ന്ത്യർ 2:16) യേശു സത്യത്തി​ന്റെ ഉത്സാഹ​മുള്ള ഒരു ഘോഷ​ക​നാ​യി​രു​ന്നു. (യോഹ​ന്നാൻ 18:37) അവന്റെ തീവ്ര​മായ സുവി​ശേ​ഷി​ക്കൽ ആത്മാവ്‌ സാമു​ദാ​യിക മുൻവി​ധി​ക​ളാൽ ബന്ധിക്ക​പ്പെ​ട്ടി​രു​ന്നില്ല. മററു യഹൂദൻമാർ ശമര്യ​ക്കാ​രെ വെറു​ത്തി​രു​ന്നെ​ങ്കി​ലും അവൻ ഒരു കിണറ​റി​ങ്കൽവച്ച്‌ ഒരു ശമര്യ​ക്കാ​രി​ത്തി സ്‌ത്രീ​യോ​ടു സാക്ഷീ​ക​രി​ച്ചു. എന്തിന​ധി​കം, ഏതു സ്‌ത്രീ​യോ​ടും പരസ്യ​മാ​യി ദീർഘ​നേരം സംസാ​രി​ക്കു​ന്ന​തു​പോ​ലും രോഷ​ത്തി​നി​ട​യാ​ക്കു​മാ​യി​രു​ന്നു!a എന്നാൽ, ഒരു സാക്ഷ്യം കൊടു​ക്കു​ന്ന​തിൽനി​ന്നു തന്നെ തടയാൻ യേശു സാമു​ദാ​യിക വികാ​ര​ങ്ങളെ അനുവ​ദി​ച്ചില്ല. ദൈവ​ത്തി​ന്റെ വേല നവോൻമേ​ഷ​പ്ര​ദ​മാ​യി​രു​ന്നു. അവൻ പറഞ്ഞു: “എന്റെ അയച്ചവന്റെ ഇഷ്ടം ചെയ്യു​ന്ന​തും അവന്റെ വേല പൂർത്തീ​ക​രി​ക്കു​ന്ന​തു​മാണ്‌ എന്റെ ആഹാരം.” ആ ശമര്യ​ക്കാ​രി​ത്തി സ്‌ത്രീ​യെ​യും അനേകം പട്ടണവാ​സി​ക​ളെ​യും പോ​ലെ​യുള്ള ആളുക​ളു​ടെ പ്രതി​ക​രണം കാണു​ന്ന​തി​ലുള്ള സന്തോഷം യേശു​വി​നെ ആഹാര​ത്തെ​പ്പോ​ലെ പുലർത്തി.—യോഹ​ന്നാൻ 4:4-42; 8:48.

7. (എ) യേശു​വി​നെ​ക്കു​റി​ച്ചുള്ള പരിജ്ഞാ​നം എന്തു ചെയ്യാൻ നമ്മെ പ്രേരി​പ്പി​ക്കേ​ണ്ട​താണ്‌? (ബി) തന്റെ ദാസൻമാ​രെ​ല്ലാം ഒരേ അളവിൽ പ്രസം​ഗി​ക്കാൻ ദൈവം പ്രതീ​ക്ഷി​ക്കു​ന്നു​ണ്ടോ? വിശദീ​ക​രി​ക്കുക.

⁷ നിങ്ങൾ യേശു​വി​നെ​പ്പോ​ലെ വിചാ​രി​ക്കു​ന്നു​വോ? ഒരു അപരി​ചി​ത​നു​മാ​യി ഒരു ബൈബിൾ സംഭാ​ഷണം ആരംഭി​ക്കു​ന്നത്‌ അനേകർക്കും പ്രയാ​സ​മാ​ണെ​ന്നും സമുദാ​യ​ത്തി​ലെ മററു​ള്ളവർ അതിൽ മിക്ക​പ്പോ​ഴും അമർഷം പ്രകടി​പ്പി​ക്കു​ന്നു​വെ​ന്നും സമ്മതി​ക്കു​ന്നു. എന്നിരു​ന്നാ​ലും, യേശു​വിന്‌ ഉണ്ടായി​രു​ന്ന​തു​പോ​ലെ​യുള്ള മാനസി​ക​ഭാ​വം ഉണ്ടായി​രി​ക്കു​ന്ന​തിന്‌, നമുക്ക്‌ ഈ വസ്‌തു​ത​യിൽനിന്ന്‌ ഒഴിഞ്ഞു മാറാ​വു​ന്നതല്ല: നാം സാക്ഷീ​ക​രി​ക്കേ​ണ്ട​താണ്‌. തീർച്ച​യാ​യും എല്ലാവർക്കും ഒരേ അളവിൽ പ്രസം​ഗി​ക്കാ​വതല്ല. നമ്മുടെ പ്രാപ്‌തി​ക​ളും സാഹച​ര്യ​ങ്ങ​ളു​മ​നു​സ​രിച്ച്‌ ഇതു വ്യത്യാ​സ​പ്പെ​ടു​ന്നു. അതു​കൊണ്ട്‌ ദൈവം ഒരിക്ക​ലും നിങ്ങളു​ടെ വിശു​ദ്ധ​സേ​വ​ന​ത്തിൽ സംതൃ​പ്‌ത​ന​ല്ലെന്ന്‌ വിചാ​രി​ക്ക​രുത്‌. എന്നിരു​ന്നാ​ലും യേശു​വി​നെ​ക്കു​റി​ച്ചുള്ള നമ്മുടെ പരിജ്ഞാ​നം നമ്മുടെ പരമാ​വധി പ്രവർത്തി​ക്കാൻ നമ്മെ പ്രചോ​ദി​പ്പി​ക്കേ​ണ്ട​താണ്‌. മുഴു​ദേ​ഹി​യോ​ടു​കൂ​ടിയ സേവനത്തെ യേശു അഭിന​ന്ദി​ച്ചു.—മത്തായി 13:18-23; 22:37.

ദുഷ്ടതയെ വെറു​ക്കേ​ണ്ട​തി​ന്റെ ആവശ്യം

8, 9. ദൈവം വെറു​ക്കുന്ന ചില കാര്യ​ങ്ങ​ളേവ, നമുക്ക്‌ ഇതേ വിദ്വോ​ഷം എങ്ങനെ പ്രതി​ഫ​ലി​പ്പി​ക്കാൻ കഴിയും?

⁸ സൂക്ഷ്‌മ​പ​രി​ജ്ഞാ​നം യേശു​വും യഹോ​വ​യും എന്തി​നെ​യൊ​ക്കെ വെറു​ക്കു​ന്നു​വെന്നു മനസ്സി​ലാ​ക്കാ​നും നമ്മെ സഹായി​ക്കു​ന്നു. (എബ്രായർ 1:9; യെശയ്യാവ്‌ 61:8) “യഹോവ വെറു​ക്കു​ക​തന്നെ ചെയ്യുന്ന ആറു കാര്യ​ങ്ങ​ളുണ്ട്‌; അതെ, അവന്റെ ദേഹിക്കു വെറു​പ്പായ കാര്യങ്ങൾ ഏഴാണ്‌: ഉദ്ധതമായ കണ്ണുക​ളും വ്യാജ​നാ​വും നിർദ്ദോ​ഷ​രക്തം ചൊരി​യുന്ന കൈക​ളും ഹാനി​ക​ര​മായ പദ്ധതികൾ കെട്ടി​ച്ച​മ​യ്‌ക്കുന്ന ഹൃദയ​വും ചീത്തത്വ​ത്തി​ലേക്ക്‌ ഓടാൻ ധൃതി​കൂ​ട്ടുന്ന പാദങ്ങ​ളും നുണകൾ ഇറക്കി​വി​ടുന്ന കള്ളസാ​ക്ഷി​യും സഹോ​ദ​രൻമാ​രു​ടെ ഇടയിൽ ഭിന്നതകൾ ഇളക്കി​വി​ടുന്ന ഏവനും​തന്നെ.” (സദൃശ​വാ​ക്യ​ങ്ങൾ 6:16-19) ഈ മനോ​ഭാ​വ​ങ്ങ​ളും നടത്താ​സ​മ്പ്ര​ദാ​യ​ങ്ങ​ളും “അവന്റെ ദേഹിക്കു വെറു​പ്പാണ്‌.” “വെറു​ക്ക​ത്ത​ക്കത്‌” എന്ന്‌ ഇവിടെ വിവർത്തനം ചെയ്‌തി​രി​ക്കുന്ന എബ്രാ​യ​പദം “അറയ്‌ക്കുക, ഓക്കാ​നി​ക്കുക.” “സകല ഇന്ദ്രി​യ​ങ്ങൾക്കും നിന്ദ്യ​മാ​യി​രി​ക്ക​ത്ത​ക്ക​വി​ധം അപ്രീ​തി​പ്പെ​ടുക, വെറു​ക്കുക, കോപ​ത്തോ​ടെ ദ്വേഷി​ക്കുക” എന്നർത്ഥ​മുള്ള ഒരു പദത്തിൽനി​ന്നു വരുന്ന​താണ്‌. അതു​കൊണ്ട്‌ ദൈവ​ത്തോ​ടു സമാധാ​ന​ത്തി​ലാ​യി​രി​ക്കു​ന്ന​തിന്‌ നാം സമാന​മായ ഒരു വെറുപ്പ്‌ വളർത്തി​യെ​ടു​ക്കേ​ണ്ട​താണ്‌.

⁹ ഉദാഹ​ര​ണ​ത്തിന്‌ ഏത്‌ “ഉദ്ധതമായ കണ്ണുകളെ”യും ഏത്‌ അഹങ്കാര പ്രകട​ന​ത്തെ​യും വർജ്ജി​ക്കുക. സ്‌നാ​പ​ന​ത്തി​നു​ശേഷം തങ്ങളെ പഠിപ്പി​ച്ച​വ​രു​ടെ നിരന്ത​ര​സ​ഹാ​യം തങ്ങൾക്ക്‌ മേലാൽ ആവശ്യ​മി​ല്ലെന്ന്‌ ചിലർ വിചാ​രി​ച്ചി​ട്ടുണ്ട്‌. എന്നാൽ പുതിയ ക്രിസ്‌ത്യാ​നി​കൾ സത്യത്തിൽ നല്ല അടിസ്ഥാ​ന​മു​ള്ള​വ​രാ​യി​ത്തീ​രു​മ്പോൾ വിനീ​ത​മാ​യി സഹായം സ്വീക​രി​ക്കേ​ണ്ട​താണ്‌. (ഗലാത്യർ 6:6) കൂടാതെ, കുശു​കു​ശുപ്പ്‌ ഒഴിവാ​ക്കുക, അതിന്‌ നിഷ്‌പ്ര​യാ​സം “സഹോ​ദ​ര​ങ്ങ​ളു​ടെ ഇടയിൽ ഭിന്നതകൾ”ക്കിടയാ​ക്കാൻ കഴിയും. നിർദ്ദ​യ​മായ കേട്ടു​കേൾവി​ക​ളോ അന്യാ​യ​മായ വിമർശ​ന​മോ നുണക​ളോ പരത്തു​ന്ന​തി​നാൽ നാം “നിർദ്ദോ​ഷ​രക്തം ചൊരി​യു”ന്നില്ലാ​യി​രി​ക്കാം. എന്നാൽ നമുക്ക്‌ തീർച്ച​യാ​യും മറെറാ​രാ​ളു​ടെ സൽക്കീർത്തി​യെ നശിപ്പി​ക്കാൻ കഴിയും. നാം നമ്മുടെ സഹോ​ദ​രൻമാ​രോട്‌ സമാധാ​ന​ത്തി​ല​ല്ലെ​ങ്കിൽ നമുക്ക്‌ ദൈവ​ത്തോട്‌ സമാധാ​ന​ത്തി​ലാ​യി​രി​ക്കാ​വു​ന്നതല്ല. (സദൃശ​വാ​ക്യ​ങ്ങൾ 17:9; മത്തായി 5:23, 24) ദൈവം തന്റെ വചനത്തിൽ “അവൻ വിവാ​ഹ​മോ​ച​നത്തെ വെറു​ത്തി​രി​ക്കു​ന്നു” എന്നും പറയുന്നു. (മലാഖി 2:14, 16) നിങ്ങൾ വിവാ​ഹി​ത​നെ​ങ്കിൽ നിങ്ങൾ നിങ്ങളു​ടെ ദാമ്പത്യ​ത്തെ ബലിഷ്‌ഠ​മാ​യി നിലനിർത്താൻ ശ്രമി​ക്കു​ന്നു​ണ്ടോ? മറെറാ​രാ​ളി​ന്റെ ഇണയു​മാ​യി മേളാ​ങ്കി​ക്കു​ന്ന​തും അനുചി​ത​മായ സ്വാത​ന്ത്ര്യം പ്രയോ​ഗി​ക്കു​ന്ന​തും നിങ്ങൾക്കു വെറു​പ്പുള്ള സംഗതി​യാ​ണോ? നിങ്ങൾ, യഹോ​വ​യെ​പ്പോ​ലെ, ലൈം​ഗിക ദുർമ്മാർഗ്ഗത്തെ കഠിന​മാ​യി വെറു​ക്കു​ന്നു​വോ? (ആവർത്തനം 23:17, 18) അങ്ങനെ​യുള്ള നടപടി​കളെ വെറു​ക്കു​ന്നത്‌ എളുപ്പമല്ല; കാരണം അവ നമ്മുടെ പാപപൂർണ്ണ​മായ ജഡത്തിന്‌ ആകർഷ​ക​മാ​യി​രി​ക്കാം, ലോകം അവയെ അംഗീ​ക​രി​ച്ചേ​ക്കാം.

10. നമുക്ക്‌ ദുഷ്ടത​യോട്‌ എങ്ങനെ വിദ്വേ​ഷം നട്ടുവ​ളർത്താം?

¹⁰ ദുഷ്ടത​യോ​ടുള്ള ദ്വേഷം നട്ടുവ​ളർത്തു​ന്ന​തിന്‌ ഒരു സഹായ​മെ​ന്ന​നി​ല​യിൽ ചലച്ചി​ത്ര​ങ്ങ​ളിൽനി​ന്നോ ടീ.വി. പരിപാ​ടി​ക​ളിൽനി​ന്നോ ആത്മവി​ദ്യ​യേ​യോ ദുർമ്മാർഗ്ഗ​ത്തെ​യോ അക്രമ​ത്തെ​യോ വിശേ​ഷ​വൽക്ക​രി​ക്കുന്ന സാഹി​ത്യ​ത്തിൽനി​ന്നോ വിനോ​ദം ആസ്വദി​ക്കു​ന്നത്‌ ഒഴിവാ​ക്കുക. (ആവർത്തനം 18:10-12; സങ്കീർത്തനം 11:5) ദുഷ്‌പ്ര​വൃ​ത്തി​യെ ‘അത്ര ദുഷി​ച്ച​ത​ല്ലെ​ന്നോ’ തമാശ​പോ​ലു​മാ​ണെ​ന്നോ തോന്നി​പ്പി​ക്കു​ന്ന​തി​നാൽ അത്തരം വിനോ​ദം അതി​നോ​ടുള്ള ദൈവിക ദ്വേഷം വികസി​പ്പി​ക്കാ​നുള്ള ശ്രമങ്ങൾക്കു തുരങ്കം​വെ​ക്കു​ന്നു. മറിച്ച്‌, ആത്മാർത്ഥ​മായ പ്രാർത്ഥന സഹായി​ക്കും, എന്തെന്നാൽ യേശു ഇങ്ങനെ പറഞ്ഞു: “പരീക്ഷ​യിൽ അകപ്പെ​ടാ​തി​രി​ക്കാൻ തുടർച്ച​യാ​യി പ്രാർത്ഥി​ക്കുക, തീർച്ച​യാ​യും ആത്മാവ്‌ ആകാം​ക്ഷ​യു​ള്ള​താണ്‌, എന്നാൽ ജഡം ദുർബ്ബ​ല​മാണ്‌.” (മത്തായി 26:41) ഒരു ശക്തമായ ജഡിക മോഹത്തെ അഭിമു​ഖീ​ക​രി​ക്കു​ന്നതു സംബന്ധിച്ച്‌ ഒരു ക്രിസ്‌ത്യാ​നി ഇങ്ങനെ പറഞ്ഞു: “ഞാൻ എന്നേ​ക്കൊ​ണ്ടു പ്രാർത്ഥി​പ്പി​ക്കു​ന്നു. ചില സമയങ്ങ​ളിൽ യഹോ​വയെ സമീപി​ക്കു​ന്ന​തിന്‌ ഞാൻ അയോ​ഗ്യ​നാ​ണെ​ന്നുള്ള തോന്ന​ലു​ണ്ടാ​കു​ന്നു, എന്നാൽ എന്നെ​ക്കൊണ്ട്‌ അത്‌ ചെയ്യി​ക്കു​ന്ന​തി​നാൽ, അവനോട്‌ അഭ്യർത്ഥി​ക്കു​ന്ന​തി​നാൽ എനിക്കാ​വ​ശ്യ​മുള്ള ശക്തി എനിക്കു ലഭിക്കു​ന്നു.” നിങ്ങൾ ദുഷ്‌പ്ര​വൃ​ത്തി​യു​ടെ വേദനാ​ജ​ന​ക​മായ പരിണ​ത​ഫ​ല​ങ്ങളെ നിങ്ങളു​ടെ മനസ്സിൽ പുനര​വ​ലോ​കനം ചെയ്യു​ന്നു​വെ​ങ്കിൽ യഹോവ ദുഷ്‌പ്ര​വൃ​ത്തി​യെ വെറു​ക്കു​ന്ന​തെ​ന്തു​കൊ​ണ്ടെന്ന്‌ നിങ്ങൾക്ക്‌ മെച്ചമാ​യി മനസ്സി​ലാ​കും.—2 പത്രോസ്‌ 2:12, 13.

11. ഏതു കാര്യങ്ങൾ നമ്മെ ചില​പ്പോൾ അസ്വസ്ഥ​രാ​ക്കി​യേ​ക്കാം?

¹¹ ദൈവ​വു​മാ​യുള്ള സമാധാ​നം ഉണ്ടായി​രു​ന്നാ​ലും ചില സമയങ്ങ​ളിൽ ദൈനം​ദിന സമ്മർദ്ദ​ങ്ങ​ളാ​ലും പരീക്ഷ​ക​ളാ​ലും നിങ്ങളു​ടെ സ്വന്തം ദൗർബ്ബ​ല്യ​ങ്ങ​ളാൽ പോലും നിങ്ങൾ അസ്വസ്ഥ​രാ​യേ​ക്കാം. നിങ്ങൾ നിങ്ങ​ളേ​ത്തന്നെ സാത്താന്റെ പ്രത്യേക ലക്ഷ്യമാ​ക്കി​ത്തീർത്തി​രി​ക്കു​ന്നു​വെന്ന്‌ ഓർക്കുക. അവൻ ദൈവ​ക​ല്‌പ​ന​ക​ള​നു​സ​രി​ക്കു​ന്ന​വ​രും യഹോ​വ​യു​ടെ സാക്ഷി​ക​ളാ​യി​രി​ക്കു​ന്ന​വ​രു​മാ​യ​വർക്കെ​തി​രെ യുദ്ധം ചെയ്യു​ക​യാണ്‌! (വെളി​പ്പാട്‌ 12:17) അപ്പോൾ നിങ്ങളു​ടെ ആന്തരിക സമാധാ​നത്തെ എങ്ങനെ നിലനിർത്താൻ കഴിയും?

സമാധാ​നത്തെ ഭഞ്‌ജി​ക്കുന്ന വിപത്തു​കളെ നേരിടൽ

12. (എ) സങ്കീർത്തനം 34-ന്റെ പശ്ചാത്ത​ല​മെന്ത്‌? (ബി) തിരു​വെ​ഴു​ത്തു​കൾ ഈ അനുഭ​വ​വേ​ള​യി​ലെ ദാവീ​ദി​ന്റെ വിചാ​ര​ങ്ങളെ വർണ്ണി​ക്കു​ന്ന​തെ​ങ്ങനെ?

¹² “നീതി​മാ​ന്റെ വിപത്തു​കൾ അനേക​മാ​കു​ന്നു” എന്ന്‌ ദാവീദ്‌ സങ്കീർത്തനം 34:19-ൽ എഴുതി. ഈ സങ്കീർത്ത​ന​ത്തി​ന്റെ മേലെ​ഴു​ത്ത​നു​സ​രിച്ച്‌ ദാവീദ്‌ മരണ​ത്തോ​ട​ടുത്ത ഒരു സംഭവത്തെ അഭിമു​ഖീ​ക​രി​ച്ച​തി​നെ തുടർന്നാണ്‌ അത്‌ എഴുതി​യത്‌. ശൗൽ രാജാ​വി​ന്റെ അടുക്കൽനിന്ന്‌ ഓടി രക്ഷപെ​ടു​മ്പോൾ ദാവീദ്‌ ഗത്തിലെ ആഖീശ്‌ രാജാ​വി​ങ്കൽ അഭയം തേടി. ആ രാജാ​വി​ന്റെ ദാസൻമാർ ദാവീ​ദി​നെ തിരി​ച്ച​റി​ഞ്ഞു. യിസ്രാ​യേ​ലി​നു​വേ​ണ്ടി​യുള്ള അവന്റെ മുൻ സൈനീക വിജയങ്ങൾ അനുസ്‌മ​രി​ച്ചു​കൊണ്ട്‌ അവർ ആഖീശി​നോ​ടു പരാതി​പ്പെട്ടു. ദാവീദ്‌ ആ സംഭാ​ഷണം മറഞ്ഞു​നി​ന്നു​കേ​ട്ട​പ്പോൾ “അവൻ ആ വാക്കുകൾ കാര്യ​മാ​യി എടുക്കാൻ തുടങ്ങി, ഗത്തിലെ ആഖീശ്‌ രാജാവു നിമിത്തം അവൻ വളരെ ഭയപ്പെട്ടു.” (1 ശമൂവേൽ 21:10-12) എങ്ങനെ​യാ​യാ​ലും, അത്‌ ഗോല്യാ​ത്തി​ന്റെ സ്വന്തപ​ട്ട​ണ​മാ​യി​രു​ന്നു. ദാവീദ്‌ അവരുടെ വീരപു​രു​ഷനെ കൊന്നി​രു​ന്നു—ആ മല്ലന്റെ വാൾ ദാവീദ്‌ കൊണ്ടു​ന​ട​ക്കുക പോലും ചെയ്‌തി​രു​ന്നു! ഇപ്പോൾ അവർ അവന്റെ ശിരസ്സ്‌ ഛേദി​ക്കു​ന്ന​തിന്‌ ഈ വലിയ വാൾ ഉപയോ​ഗി​ക്കു​മോ? ദാവീ​ദിന്‌ എന്തു ചെയ്യാൻ കഴിയും?—1 ശമൂവേൽ 17:4; 21:9.

13. ഈ അനർത്ഥ​കാ​ലത്ത്‌ ദാവീദ്‌ എന്തു ചെയ്‌തു, നമുക്ക്‌ അവന്റെ ദൃഷ്ടാന്തം എങ്ങനെ പിന്തു​ട​രാൻ കഴിയും?

¹³ ദാവീദ്‌ സഹായ​ത്തി​നാ​യുള്ള ശക്തമായ നിലവി​ളി​ക​ളോ​ടെ ദൈവ​ത്തോ​ടു പ്രാർത്ഥി​ച്ചു. “ഈ പീഡിതൻ വിളിച്ചു, യഹോ​വ​തന്നെ കേട്ടു. അവന്റെ സകല അരിഷ്ട​ത​ക​ളിൽനി​ന്നും അവൻ അവനെ രക്ഷിച്ചു” എന്ന്‌ ദാവീദ്‌ പറഞ്ഞു. “എന്റെ സകല ഭയങ്ങളിൽനി​ന്നും അവൻ എന്നെ വിടു​വി​ച്ചു” എന്നും അവൻ പറഞ്ഞു. (സങ്കീർത്തനം 34:4, 6, 15, 17) ഉൽക്കണ്‌ഠ​യു​ടെ സമയങ്ങ​ളിൽ നിങ്ങളു​ടെ ഹൃദയം പകർന്നു​കൊണ്ട്‌ യഹോ​വ​യോട്‌ പ്രാർത്ഥി​ക്കാൻ നിങ്ങളും പഠിച്ചി​ട്ടു​ണ്ടോ? (എഫേസ്യർ 6:18; സങ്കീർത്തനം 62:8) നിങ്ങളു​ടെ പ്രത്യേക സങ്കടം ദാവീ​ദി​ന്റേ​തു​പോ​ലെ അത്ര നാടകീ​യ​മ​ല്ലാ​യി​രി​ക്കാ​മെ​ങ്കി​ലും, ദൈവം തക്കസമ​യത്ത്‌ സഹായം നൽകു​മെന്ന്‌ അപ്പോ​ഴും നിങ്ങൾ കണ്ടെത്തും. (എബ്രായർ 4:16) എന്നാൽ ദാവീദ്‌ പ്രാർത്ഥി​ക്കു​ന്ന​തി​ല​ധി​കം ചെയ്‌തു.

14. ദാവീദ്‌ “ചിന്താ​പ്രാ​പ്‌തി” ഉപയോ​ഗി​ച്ച​തെ​ങ്ങനെ, അതുതന്നെ ചെയ്യാൻ നമ്മെ സഹായി​ക്കു​ന്ന​തിന്‌ ദൈവം എന്തു പ്രദാനം ചെയ്‌തി​രി​ക്കു​ന്നു?

¹⁴ “അവൻ [ദാവീദ്‌] അവരുടെ ദൃഷ്ടി​ക​ളിൽ സുബോ​ധം മറെച്ചു​കൊണ്ട്‌ ഭ്രാന്തു നടിച്ചു തുടങ്ങി . . . ഒടുവിൽ ആഖീശ്‌ തന്റെ ദാസൻമാ​രോട്‌ പറഞ്ഞു: ‘ഇവിടെ ചിത്ത​ഭ്ര​മ​മുള്ള ഒരു മനുഷ്യ​നെ​യാ​ണു നിങ്ങൾ കാണു​ന്നത്‌. നിങ്ങൾ അവനെ എന്റെ അടുക്കൽ കൊണ്ടു​വ​രു​ന്ന​തെ​ന്തിന്‌?” (1 ശമൂവേൽ 21:13-15) ദാവീദ്‌ ഒരു തന്ത്രം നിരൂ​പി​ച്ചു, അതിലൂ​ടെ അവൻ രക്ഷപ്പെട്ടു. യഹോവ അവന്റെ ശ്രമങ്ങളെ അനു​ഗ്ര​ഹി​ച്ചു. അതു​പോ​ലെ, നാം കുഴഞ്ഞ പ്രശ്‌ന​ങ്ങളെ അഭിമു​ഖീ​ക​രി​ക്കു​മ്പോൾ നമ്മുടെ മാനസിക പ്രാപ്‌തി​കളെ ഉപയോ​ഗി​ക്കാൻ യഹോവ പ്രതീ​ക്ഷി​ക്കു​ന്നു, നമുക്കു​വേണ്ടി അവയെ അവൻ പരിഹ​രി​ക്കട്ടെ എന്ന്‌ കേവലം പ്രതീ​ക്ഷി​ക്കാ​വു​ന്നതല്ല. അവൻ തന്റെ നിശ്വസ്‌ത വചനം നമുക്കു നൽകി​യി​ട്ടുണ്ട്‌, അത്‌ “പരിച​യ​ഹീ​നർക്ക്‌ ബുദ്ധി​കൂർമ്മ​ത​യും . . . അറിവും ചിന്താ​പ്രാ​പ്‌തി​യും നൽകുന്നു.” (സദൃശ​വാ​ക്യ​ങ്ങൾ 1:4; 2 തിമൊ​ഥെ​യോസ്‌ 3:16, 17) ദൈവം സഭാമൂ​പ്പൻമാ​രെ​യും പ്രദാനം ചെയ്‌തി​ട്ടുണ്ട്‌. ദൈവ​ത്തി​ന്റെ നിലവാ​രങ്ങൾ എങ്ങനെ പുലർത്താ​മെ​ന്ന​റി​യു​ന്ന​തിന്‌ അവർക്ക്‌ നമ്മെ സഹായി​ക്കാൻ കഴിയും. (1 തെസ്സ​ലോ​നീ​ക്യർ 4:1, 2) മിക്ക​പ്പോ​ഴും ഒരു ശരിയായ തീരു​മാ​നം ചെയ്യു​ന്ന​തി​നോ ഒരു പ്രശ്‌നത്തെ നേരി​ടു​ന്ന​തി​നോ സഹായ​ത്തി​നു​വേണ്ടി വാച്ച്‌ ററവ്വർ സൊ​സൈ​റ​റി​യു​ടെ പ്രസി​ദ്ധീ​ക​ര​ണങ്ങൾ ഗവേഷണം ചെയ്യു​ന്ന​തിന്‌ ഈ പുരു​ഷൻമാർക്കു നിങ്ങളെ സഹായി​ക്കാൻ കഴിയും.

15. സങ്കീർത്തനം 34:18 ആശ്വാ​സ​ദാ​യ​ക​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁵ നമ്മുടെ സ്വന്തം ദൗർബ്ബ​ല്യ​ങ്ങ​ളോ പരാജ​യ​ങ്ങ​ളോ നിമിത്തം നമ്മുടെ ഹൃദയം നമ്മെ വേദനി​പ്പി​ക്കു​മ്പോൾപോ​ലും നമുക്കു ശരിയായ മനോ​ഭാ​വ​മു​ണ്ടെ​ങ്കിൽ നമുക്ക്‌ ദൈവ​വു​മാ​യുള്ള സമാധാ​നം നിലനിർത്താൻ കഴിയും. സങ്കീർത്തനം 34:18-ൽ ദാവീദ്‌ ഇങ്ങനെ എഴുതി: “ഹൃദയം തകർന്ന​വ​രോട്‌ യഹോവ അടുത്തി​രി​ക്കു​ന്നു, ചൈത​ന്യം നശിച്ച​വരെ അവൻ രക്ഷിക്കു​ന്നു. “നാം ക്ഷമ യാചി​ക്കു​ക​യും കാര്യങ്ങൾ തിരു​ത്തു​ന്ന​തി​നാ​വ​ശ്യ​മായ ഏതു നടപടി​ക​ളും സ്വീക​രി​ക്കു​ക​യും ചെയ്യു​ന്നു​വെ​ങ്കിൽ (വിശേ​ഷിച്ച്‌ ഗുരു​ത​ര​മായ ലംഘന​ങ്ങ​ളു​ടെ കേസു​ക​ളിൽ) യഹോവ നമ്മോട്‌ അടുത്ത്‌ നിൽക്കു​ക​യും നമ്മെ വൈകാ​രി​ക​മാ​യി പിന്തു​ണ​ക്കു​ക​യും ചെയ്യും.—സദൃശ​വാ​ക്യ​ങ്ങൾ 28:13; യെശയ്യാവ്‌ 55:7, 2 കൊരി​ന്ത്യർ 7:9-11.

വ്യക്തി​പ​ര​മായ പരിജ്ഞാ​നം സമാധാ​നം നൽകുന്നു

16. (എ) നാം ദൈവ​ത്തെ​ക്കു​റിച്ച്‌ സൂക്ഷ്‌മ​പ​രി​ജ്ഞാ​നം നേടുന്ന മറെറാ​രു വിധ​മെന്ത്‌? (ബി) “യഹോവ നല്ലവ​നെന്നു രുചി​ച്ച​റി​യുക” എന്ന ദാവീ​ദി​ന്റെ പ്രസ്‌താ​വ​നയെ വിശദീ​ക​രി​ക്കുക.

¹⁶ ആത്മീയ വിവരങ്ങൾ ഉൾക്കൊ​ള്ളു​ന്ന​തി​നു പുറമേ, ദൈവ​ത്തെ​ക്കു​റി​ച്ചു നാം സൂക്ഷ്‌മ​പ​രി​ജ്ഞാ​നം നേടുന്ന മറെറാ​രു വിധം അവന്റെ സ്‌നേ​ഹ​പൂർവ്വ​ക​മായ സഹായം നാം വ്യക്തി​പ​ര​മാ​യി അനുഭ​വി​ക്കു​ന്ന​തി​ലൂ​ടെ​യാണ്‌. (സങ്കീർത്തനം 41:10, 11) ഒരു വിപത്തിൽനിന്ന്‌ വിടു​വി​ക്ക​പ്പെ​ടു​ന്നത്‌ എല്ലായ്‌പ്പോ​ഴും ഒരു പ്രശ്‌ന​ത്തി​ന്റെ സത്വര​മോ സമ്പൂർണ്ണ​മോ ആയ അവസാ​നത്തെ അർത്ഥമാ​ക്കു​ന്നില്ല; നിങ്ങൾ അതു തുടർന്നു സഹിച്ചു​നിൽക്കേ​ണ്ട​തു​ണ്ടാ​യി​രി​ക്കാം. (1 കൊരി​ന്ത്യർ 10:13) ഗത്തിൽ വച്ച്‌ ദാവീ​ദി​ന്റെ ജീവൻ രക്ഷിക്ക​പ്പെ​ട്ടെ​ങ്കി​ലും അവൻ ഒന്നിനു പിറകേ ഒന്നായി അപകട​ങ്ങളെ അഭിമു​ഖീ​ക​രി​ച്ചു​കൊണ്ട്‌ പല വർഷങ്ങ​ളിൽ ഒരു അഭയാർത്ഥി​യാ​യി കഴിഞ്ഞു. അതി​ലെ​ല്ലാം ദാവീദ്‌ യഹോ​വ​യു​ടെ പരിപാ​ല​ന​വും പിന്തു​ണ​യും അനുഭ​വി​ച്ച​റി​ഞ്ഞു. അവൻ ദൈവ​ത്തോ​ടുള്ള സമാധാ​നം പിന്തു​ടർന്നു കണ്ടെത്തി​യി​രു​ന്നു. അങ്ങനെ ചെയ്യു​ന്ന​വർക്ക്‌ “യാതൊ​രു നൻമക്കും കുറവു​ണ്ടാ​കു​ക​യില്ല” എന്ന്‌ അവൻ മനസ്സി​ലാ​ക്കി. വിപത്തിൽ യഹോവ അവനെ എങ്ങനെ പിന്തു​ണ​ച്ചു​വെന്ന്‌ വ്യക്തി​പ​ര​മാ​യി അനുഭ​വ​ത്തി​ലൂ​ടെ തിരി​ച്ച​റി​ഞ്ഞ​തി​നാൽ ദാവീ​ദിന്‌ ഇങ്ങനെ പറയാൻ കഴിഞ്ഞു: “ജനങ്ങളേ, യഹോവ നല്ലവ​നെന്ന്‌ രുചി​ച്ച​റി​യുക; അവനിൽ അഭയം തേടുന്ന ശരീര​ശേ​ഷി​യുള്ള മനുഷ്യൻ സന്തുഷ്ട​നാ​കു​ന്നു.”—സങ്കീർത്തനം 34:8-10, 14, 15.

17. ഒരു അനർത്ഥ​കാ​ലത്ത്‌ യഹോ​വ​യിൽ അഭയം തേടി​യ​തിന്‌ ഒരു കുടും​ബ​ത്തിൻമേൽ എന്തു ഫലമു​ണ്ടാ​യി​രു​ന്നു?

¹⁷ പ്രയാ​സ​ങ്ങ​ളിൽ യഹോ​വ​യിൽ അഭയം തേടു​ന്ന​തും “യഹോ​വ​ന​ല്ല​വ​നെന്ന്‌ രുചി​ച്ച​റി​യാൻ” നിങ്ങളെ പ്രാപ്‌ത​രാ​ക്കും. മദ്ധ്യപ​ശ്ചിമ ഐക്യ​നാ​ടു​ക​ളി​ലെ ഒരു ക്രിസ്‌ത്യാ​നിക്ക്‌ ഒരു അപകടം നിമിത്തം തനിക്ക്‌ 14 വർഷമാ​യി ഉണ്ടായി​രുന്ന നല്ല ശമ്പളമുള്ള ജോലി നഷ്ടപ്പെട്ടു. അവർക്ക്‌ വരുമാ​ന​മി​ല്ലാ​ഞ്ഞ​തു​കൊണ്ട്‌ അയാളും കുടും​ബ​വും ദൈവ​ത്തോ​ടു പ്രാർത്ഥി​ച്ചു. അതേസ​മയം, അവർ തങ്ങളുടെ ചെലവു​കൾ കുറയ്‌ക്കു​ക​യും അടുത്തുള്ള വയലു​ക​ളിൽ കാലാ​പെ​റു​ക്കു​ക​യും ആഹാര​ത്തി​നു​വേണ്ടി മീൻപി​ടി​ക്കു​ക​യും ചെയ്‌തു. സഭയിലെ ചിലരു​ടെ സഹായ​ത്താ​ലും ലഭ്യമാ​കു​മ്പോൾ അംശകാല ജോലി ചെയ്‌ത​തി​നാ​ലും നാലം​ഗ​ങ്ങ​ളുള്ള ഈ കുടും​ബം കഴിഞ്ഞു​കൂ​ടി. അപകടം കഴിഞ്ഞ്‌ ഒരു വർഷത്തി​നു​ശേഷം മാതാവ്‌ ഇങ്ങനെ വിചി​ന്തനം ചെയ്‌തു: “നാം നമ്മുടെ സ്വന്തം പ്രാപ്‌തി​ക​ളെ​യും നമ്മുടെ ഇണയെ​യും നമ്മുടെ ജോലി​യെ​യും യഥാർത്ഥ​ത്തിൽ ആശ്രയി​ക്കു​മ്പോൾ നാം യഹോ​വ​യിൽ ആശ്രയി​ക്കു​ക​യാ​ണെന്ന്‌ ചിന്തി​ച്ചു​കൊണ്ട്‌ നാം നമ്മേത്തന്നെ കബളി​പ്പി​ച്ചേ​ക്കാം. എന്നിരു​ന്നാ​ലും ഞങ്ങൾ യഥാർത്ഥ​ത്തിൽ അവനെ​ത്തന്നെ ആശ്രയി​ക്കാൻ പഠിച്ചു. ഈ മററു കാര്യങ്ങൾ നമ്മിൽനിന്ന്‌ എടുക്ക​പ്പെ​ട്ടേ​ക്കാം—എന്നാൽ യഹോവ ഞങ്ങളെ ഒരിക്ക​ലും ഉപേക്ഷി​ച്ചില്ല, ഒരു നിമി​ഷ​ത്തേ​ക്കു​പോ​ലും. ഞങ്ങൾക്ക്‌ അത്യാ​വ​ശ്യ​വ​സ്‌തു​ക്കൾ മാത്രമേ ഉള്ളു​വെ​ങ്കി​ലും, ഒരു കുടും​ബ​മെ​ന്ന​നി​ല​യിൽ ഞങ്ങൾക്ക്‌ യഹോ​വ​യോ​ടുള്ള ബന്ധം വളരെ​യ​ധി​കം അടുത്ത​താണ്‌.”

18. വിട്ടു​മാ​റാത്ത പ്രശ്‌ന​ങ്ങ​ളെ​പ്പോ​ലും സഹിച്ചു​നിൽക്കു​ന്ന​തിന്‌ നിങ്ങളെ എന്തു പ്രാപ്‌ത​രാ​ക്കും?

¹⁸ അതെ, ഒരു സാമ്പത്തിക പ്രയാസം നിലനി​ന്നേ​ക്കാം. അല്ലെങ്കിൽ ഒരാൾ ഒരു പഴകിയ രോഗ​ത്താൽ ബാധി​ക്ക​പ്പെ​ട്ടേ​ക്കാം; അല്ലെങ്കിൽ മറെറാ​രാ​ളു​മാ​യി വ്യക്തിത്വ വൈരു​ദ്ധ്യ​മു​ണ്ടാ​യി​രി​ക്കാം; മ്ലാനത​പോ​ലുള്ള ഒരു വൈകാ​രിക ക്രമ​ക്കേട്‌ ഉണ്ടായി​രി​ക്കാം; അല്ലെങ്കിൽ മററ​നേകം പ്രശ്‌ന​ങ്ങ​ളി​ലൊന്ന്‌ ഉണ്ടായി​രി​ക്കാം. എന്നിരു​ന്നാ​ലും, ദൈവത്തെ യഥാർത്ഥ​മാ​യി അറിയു​ന്ന​തി​നാൽ, നിങ്ങൾക്ക്‌ അവന്റെ പിന്തു​ണ​യിൽ വിശ്വാ​സം ഉണ്ടായി​രി​ക്കും. (യെശയ്യാവ്‌ 43:10) ഈ അഭഞ്‌ജ​മായ ആശ്രയം സഹിച്ചു​നിൽക്കു​ന്ന​തി​നും “സകല ചിന്ത​യെ​ക്കാ​ളും മികച്ച ദൈവ​സ​മാ​ധാ​നം” ലഭിക്കു​ന്ന​തി​നും നിങ്ങളെ സഹായി​ക്കും.—ഫിലി​പ്യർ 4:7.

19. യഹോവ നമ്മുടെ കഷ്ടപ്പാ​ടു​കളെ നിസ്സാ​ര​മാ​യി എടുക്കു​ന്നി​ല്ലെന്ന്‌ നാം എങ്ങനെ അറിയു​ന്നു?

¹⁹ കുഴപ്പം പിടിച്ച ഒരു അനുഭ​വ​ത്തി​ലൂ​ടെ കടന്നു​പോ​കു​മ്പോൾ നിങ്ങളു​ടെ കഷ്ടപ്പാട്‌ യഹോവ അറിയു​ന്നു​ണ്ടെന്ന്‌ ഒരിക്ക​ലും മറക്കരുത്‌. തന്റെ ഗത്തിലെ അനുഭ​വ​ത്തെ​ക്കു​റി​ച്ചു വിചി​ന്തനം ചെയ്‌ത​പ്പോൾ എഴുതിയ മറെറാ​രു സങ്കീർത്ത​ന​ത്തിൽ ദാവീദ്‌ യഹോ​വ​യോട്‌ ഇങ്ങനെ അപേക്ഷി​ച്ചു: “എന്റെ കണ്ണുനീർ നിന്റെ തോൽകു​ട​ത്തിൽ പകരേ​ണമേ. അവ നിന്റെ പുസ്‌ത​ക​ത്തി​ലി​ല്ല​യോ?” (സങ്കീർത്തനം 56:8) തീർച്ച​യാ​യും ദൈവം ദാവീ​ദി​ന്റെ അപേക്ഷ കേട്ടു. കഷ്ടപ്പാ​ടും ഉൽക്കണ്‌ഠ​യും വരുത്തി​ക്കൂ​ട്ടുന്ന അങ്ങനെ​യുള്ള കണ്ണുനീർ ദൈവം ശേഖരിച്ച്‌ തന്റെ തോൽ കുടത്തിൽ ഒഴിച്ചു​വെ​ക്കു​മെ​ന്ന​റി​യു​ന്നത്‌ എത്ര ആശ്വാ​സ​പ്ര​ദ​മാണ്‌—ഒരുവൻ അങ്ങനെ​യുള്ള തോൽ കുടത്തിൽ വില​യേ​റിയ വീഞ്ഞോ കുടി​വെ​ള്ള​മോ ഒഴിച്ചു​വെ​ക്കു​ന്ന​തു​പോ​ലെ​തന്നെ! അങ്ങനെ​യുള്ള കണ്ണുനീർ എല്ലായ്‌പ്പോ​ഴും അനുസ്‌മ​രി​ക്ക​പ്പെ​ടും, അതെ, ദൈവ​ത്തി​ന്റെ പുസ്‌ത​ക​ത്തിൽ എഴുത​പ്പെ​ടും. യഹോ​വ​യു​ടെ കരുതൽ എത്ര കരുണാർദ്രം!

20. നമുക്ക്‌ ദൈവ​വു​മാ​യുള്ള നമ്മുടെ സമാധാ​നത്തെ എങ്ങനെ വർദ്ധി​പ്പി​ക്കാൻ കഴിയും?

²⁰ അതു​കൊണ്ട്‌ നിങ്ങളു​ടെ സ്‌നാനം ദൈവ​വു​മാ​യുള്ള ഒരു സമാധാ​ന​ബ​ന്ധ​ത്തി​ന്റെ തുടക്കം മാത്ര​മാണ്‌. ദൈവ​ത്തി​ന്റെ​യും യേശു​വി​ന്റെ​യും വ്യക്തി​ത്വ​ഗു​ണങ്ങൾ മെച്ചമാ​യി പരിചി​ത​മാ​ക്കു​ന്ന​തി​നാ​ലും പരി​ശോ​ധനാ സമയങ്ങ​ളിൽ യഹോ​വ​യു​ടെ പിന്തുണ വ്യക്തി​പ​ര​മാ​യി അനുഭ​വി​ച്ച​റി​യു​ന്ന​തി​നാ​ലും നിങ്ങൾ ദൈവ​വു​മാ​യുള്ള നിങ്ങളു​ടെ സമാധാ​നത്തെ വർദ്ധി​പ്പി​ക്കും. ഒരു സുരക്ഷി​ത​മായ അഭയ​കേ​ന്ദ്ര​മാ​യി​ത്തീ​രുന്ന യഹോ​വ​യു​മാ​യുള്ള ബന്ധം ഇപ്പോൾ നിങ്ങൾക്കു​ണ്ടാ​യി​രി​ക്കു​മെന്നു മാത്രമല്ല, പരദീ​സ​യിൽ എന്നേക്കും ജീവി​ക്കു​ന്ന​തി​നുള്ള വില​യേ​റിയ പ്രത്യാ​ശ​യും നിങ്ങൾക്കു​ണ്ടാ​യി​രി​ക്കും, അവിടെ നിങ്ങൾ “സമാധാ​ന​സ​മൃ​ദ്ധി​യിൽ പരമാ​നന്ദം കണ്ടെത്തും.”—സങ്കീർത്തനം 37:11, 29. (w87 4/15)

[അടിക്കു​റി​പ്പു​കൾ]

നിങ്ങൾ ഓർമ്മി​ക്കു​ന്നു​വോ?

◻ ഏതു വിധങ്ങ​ളിൽ നമുക്ക്‌ ദൈവ​ത്തെ​യും യേശു​വി​നെ​യും കുറി​ച്ചുള്ള സൂക്ഷ്‌മ​പ​രി​ജ്ഞാ​നം നേടാൻ കഴിയും?

◻ ദൈവ​ത്തെ​യും യേശു​വി​നെ​യും അനുക​രി​ക്കു​ന്നത്‌ നാം എന്തു ചെയ്യാ​നി​ട​യാ​ക്കും?

◻ തിൻമ​യോ​ടുള്ള ദൈവ​ത്തി​ന്റെ വെറു​പ്പി​നെ നാം എങ്ങനെ അനുക​രി​ക്കു​ന്നു?

◻ പ്രയാ​സങ്ങൾ ഗണ്യമാ​ക്കാ​തെ നമുക്ക്‌ എങ്ങനെ സമാധാ​നം നിലനിർത്താൻ കഴിയും?

[23-ാം പേജിലെ ചിത്രം]

ഒരു സാക്ഷ്യം കൊടു​ക്കു​ന്ന​തിൽനി​ന്നു തന്നെ തടയാൻ സാമു​ദാ​യിക മുൻവി​ധി​കളെ അനുവ​ദി​ക്കു​ന്ന​തിന്‌ യേശു വിസമ്മ​തി​ച്ചു. പ്രസം​ഗി​ക്കു​ന്ന​തി​ലുള്ള അവന്റെ തീക്ഷ്‌ണ​തയെ നിങ്ങൾ അനുക​രി​ക്കു​ന്നു​വോ?

[24-ാം പേജിലെ ചിത്രം]

ഒരു ഗരുത​ര​മായ പ്രശ്‌നത്തെ അഭിമു​ഖീ​ക​രി​ച്ച​പ്പോൾ ദാവീദ്‌ യഹോ​വ​യോ​ടു പ്രാർത്ഥി​ച്ചു . . . . . . ഒരു രക്ഷപ്പെ​ട​ലിന്‌ ആസൂ​ത്രണം ചെയ്യാൻ തന്റെ സുബോ​ധത്തെ മറച്ചു​പി​ടി​ക്കു​ക​യും ചെയ്‌തു. യഹോവ ദാവീ​ദി​ന്റെ പ്രാർത്ഥന കേട്ടു