അമ്മോ​ന്യർ—ദയയോ​ടു വിദ്വേ​ഷ​ത്തോ​ടെ പ്രതി​ക​രി​ച്ച​വർ

ഹാഷേമ്യ രാജ്യ​മായ ജോർദാ​ന്റെ തലസ്ഥാ​ന​മായ, അമ്മാൻ എന്നു പേരുള്ള ആധുനിക നഗരം ഭൗമിക രംഗത്തു​നി​ന്നു മൺമറഞ്ഞ ഒരു ജനക്കൂ​ട്ട​ത്തി​ന്റെ ഓർമ കാത്തു​സൂ​ക്ഷി​ക്കു​ന്നു. അവരെ അമ്മോ​ന്യർ എന്നാണു വിളി​ച്ചി​രു​ന്നത്‌. അവർ ആരായി​രു​ന്നു, അവരുടെ പതനത്തിൽനി​ന്നു നമുക്ക്‌ എന്തെല്ലാം പാഠങ്ങൾ പഠിക്കാൻ കഴിയും?

നീതി​മാ​നാ​യി​രുന്ന ലോത്തി​ന്റെ പിൻഗാ​മി​ക​ളാ​യി​രു​ന്നു അമ്മോ​ന്യർ. (ഉല്‌പത്തി 19:35-38) ലോത്ത്‌ അബ്രഹാ​മി​ന്റെ സഹോ​ദ​ര​പു​ത്ര​നാ​യി​രു​ന്ന​തി​നാൽ അമ്മോ​ന്യർ ഇസ്രാ​യേ​ല്യ​രു​ടെ മച്ചുന​രാ​യി​രു​ന്നു​വെന്നു പറയാ​വു​ന്ന​താണ്‌. എന്നിരു​ന്നാ​ലും, ലോത്തി​ന്റെ സന്തതികൾ വ്യാജ​ദൈ​വാ​രാ​ധ​ന​യി​ലേക്കു തിരിഞ്ഞു. എന്നിട്ടും യഹോ​വ​യാം ദൈവം അവരിൽ തത്‌പ​ര​നാ​യി​രു​ന്നു. ഇസ്രാ​യേൽ ജനത വാഗ്‌ദ​ത്ത​ദേ​ശ​ത്തി​നു സമീപ​മെ​ത്തി​യ​പ്പോൾ ദൈവം അവർക്ക്‌ ഇങ്ങനെ മുന്നറി​യി​പ്പു നൽകി: “അമ്മോ​ന്യ​രോ​ടു അടുത്തു​ചെ​ല്ലു​മ്പോൾ അവരെ ഞെരു​ക്ക​രു​തു; അവരോ​ടു പടയെ​ടു​ക്ക​യും അരുതു; ഞാൻ അമ്മോ​ന്യ​രു​ടെ ദേശത്തു നിനക്കു അവകാശം തരിക​യില്ല, അതു ഞാൻ ലോത്തി​ന്റെ മക്കൾക്കു അവകാ​ശ​മാ​യി കൊടു​ത്തി​രി​ക്കു​ന്നു.”—ആവർത്ത​ന​പു​സ്‌തകം 2:19.

അമ്മോ​ന്യർ അത്തരം ദയയെ വിലമ​തി​ച്ചോ? നേരേ​മ​റിച്ച്‌, യഹോവ തങ്ങൾക്ക്‌ എന്തെങ്കി​ലും നൽകി​യെന്നു സമ്മതി​ക്കാൻ അവർ വിസമ്മ​തി​ച്ചു. ദൈവം അവരി​ലെ​ടുത്ത ദയാപൂർവ​ക​മായ താത്‌പ​ര്യ​ത്തിന്‌ അവർ ദൈവ​ജ​ന​മായ ഇസ്രാ​യേ​ല്യ​രോ​ടു കൊടിയ വിദ്വേ​ഷ​ത്തോ​ടെ പ്രതി​ക​രി​ച്ചു. ഇസ്രാ​യേ​ല്യർ യഹോ​വ​യു​ടെ കൽപ്പനകൾ മാനി​ക്കു​ക​യും അവർക്കെ​തി​രെ അക്രമ​പ്ര​വൃ​ത്തി​ക​ളിൽ ഏർപ്പെ​ടാ​തി​രി​ക്കു​ക​യും ചെയ്‌തെ​ന്നു​വ​രി​കി​ലും അമ്മോ​ന്യ​രും അവരുടെ മോവാ​ബ്യ സഹോ​ദ​ര​ങ്ങ​ളും ഭയവി​ഹ്വ​ല​രാ​യി. അമ്മോ​ന്യർ സൈനിക ആക്രമണം നടത്തി​യി​ല്ലെ​ന്നതു ശരിതന്നെ. എന്നാൽ അവർ ബാലാം എന്നു പേരായ ഒരു പ്രവാ​ച​കനെ വാടക​യ്‌ക്കെ​ടു​ക്കു​ക​യും ഇസ്രാ​യേ​ലി​നെ ശപിക്കാൻ അവനോട്‌ അഭ്യർഥി​ക്കു​ക​യും ചെയ്‌തു!—സംഖ്യാ​പു​സ്‌തകം 22:1-6; ആവർത്ത​ന​പു​സ്‌തകം 23:3-6.

അപ്പോൾ അസാധാ​ര​ണ​മായ ഒരു സംഗതി നടന്നു. ബാലാ​മി​നു ശപിക്കാൻ കഴിഞ്ഞില്ല എന്നു തിരു​വെ​ഴു​ത്തു റിപ്പോർട്ടു ചെയ്യുന്നു. “നിന്നെ അനു​ഗ്ര​ഹി​ക്കു​ന്നവൻ അനു​ഗ്ര​ഹി​ക്ക​പ്പെ​ട്ടവൻ; നിന്നെ ശപിക്കു​ന്നവൻ ശപിക്ക​പ്പെ​ട്ടവൻ” എന്നു പറഞ്ഞു​കൊണ്ട്‌ അവരെ അനു​ഗ്ര​ഹി​ക്കാ​നേ അവനു കഴിഞ്ഞു​ള്ളൂ. (സംഖ്യാ​പു​സ്‌തകം 24:9) അമ്മോ​ന്യ​ര​ടക്കം അതിൽ ഉൾപ്പെ​ട്ടി​രുന്ന സകലരും അതിൽനി​ന്നു ശക്തമായ ഒരു പാഠം പഠി​ക്കേ​ണ്ടി​യി​രു​ന്നു: തന്റെ ജനം ഉൾപ്പെ​ട്ടി​രി​ക്കു​മ്പോ​ഴെ​ല്ലാം ദൈവം അവർക്കു​വേണ്ടി ഇടപെ​ടാൻ നന്നായി ഒരുങ്ങി​യി​രു​ന്നു!

എങ്കിലും, അമ്മോ​ന്യർ ഇസ്രാ​യേ​ല്യ​രെ എതിർക്കാൻ പഴുതു​കൾ തേടി​ക്കൊ​ണ്ടേ​യി​രു​ന്നു. ന്യായാ​ധി​പ​ന്മാ​രു​ടെ കാലത്ത്‌ അമ്മോ​ന്യർ മോവാ​ബ്യ​രും അമാ​ലേ​ക്യ​രു​മാ​യി കൂട്ടു​പി​ടി​ച്ചു വാഗ്‌ദ​ത്ത​ദേശം, യരീഹോ വരെ, ആക്രമി​ക്കു​ക​യു​ണ്ടാ​യി. എന്നാൽ വിജയം അധികം നീണ്ടു​നി​ന്നില്ല. ഇസ്രാ​യേല്യ ന്യായാ​ധി​പ​നായ ഏഹൂദ്‌ അതി​ക്ര​മി​കളെ തിരി​ച്ചോ​ടി​ച്ചു. (ന്യായാ​ധി​പ​ന്മാർ 3:12-15, 27-30) ന്യായാ​ധി​പ​നായ യിഫ്‌താ​ഹി​ന്റെ നാളു​കൾവരെ സ്വസ്ഥത നിലനി​ന്നു. അപ്പോ​ഴേ​ക്കും ഇസ്രാ​യേൽ ജനത വ്യാജാ​രാ​ധ​ന​യി​ലേക്കു വഴുതി​വീ​ണി​രു​ന്നു, തന്മൂലം യഹോവ തന്റെ സംരക്ഷണം പിൻവ​ലി​ച്ചു. ഏതാണ്ടു 18 വർഷ​ത്തേക്ക്‌ ദൈവം അവരെ ‘അമ്മോ​ന്യ​രു​ടെ കയ്യിൽ ഏൽപ്പിച്ചു.’ (ന്യായാ​ധി​പ​ന്മാർ 10:6-9) ഇസ്രാ​യേൽ വിഗ്ര​ഹാ​രാ​ധന പരിത്യ​ജി​ക്കു​ക​യും യിഫ്‌താ​ഹി​ന്റെ നേതൃ​ത്വ​ത്തിൽ യുദ്ധത്തി​നി​റ​ങ്ങി​ത്തി​രി​ക്കു​ക​യും ചെയ്‌ത​പ്പോൾ അമ്മോ​ന്യർ വീണ്ടും പരാജ​യ​ത്തി​ന്റെ കയ്‌പേ​റിയ അനുഭവം നുകർന്നു.—ന്യായാ​ധി​പ​ന്മാർ 10:16–11:33.

ആദ്യ രാജാ​വായ ശൗലിന്റെ കിരീ​ട​ധാ​ര​ണ​ത്തോ​ടെ ഇസ്രാ​യേ​ലിൽ ന്യായാ​ധി​പ​ന്മാ​രാ​ലുള്ള ഭരണകാ​ലം കഴിഞ്ഞു. ശൗൽ ഭരണം തുടങ്ങിയ ഉടനെ അമ്മോ​ന്യ​രു​ടെ വിദ്വേ​ഷം വീണ്ടും പൊട്ടി​യൊ​ലി​ക്കാൻ തുടങ്ങി. നാഹാശ്‌ രാജാവ്‌ പുറ​പ്പെ​ട്ടു​വന്ന്‌ ഇസ്രാ​യേല്യ നഗരമായ ഗിലെ​യാ​ദി​ലെ യാബോ​ശി​നു നേരെ മിന്നലാ​ക്ര​മണം നടത്തി. നഗരവാ​സി​കൾ സമാധാ​നം സ്ഥാപി​ക്കാ​നാ​യി കെഞ്ചി​യ​പ്പോൾ അമ്മോ​ന്യ​നായ നാഹാശ്‌, ‘നിങ്ങളു​ടെ വലങ്ക​ണ്ണൊ​ക്കെ​യും ചുഴ​ന്നെ​ടു​ക്കും എന്നുള്ള സമ്മതത്തി​ന്മേൽ ഞാൻ നിങ്ങ​ളോ​ടു ഉടമ്പടി ചെയ്യാം’ എന്ന ഘോര​മായ ആവശ്യം ഉന്നയിച്ചു. “കവചങ്ങൾ ഇടതു കണ്ണിനെ മറയ്‌ക്കു​മ്പോൾ അവർ പൂർണ​മാ​യും യുദ്ധത്തിന്‌ അയോ​ഗ്യ​രാ​യി​ത്തീ​ര​ത്ത​ക്ക​വണ്ണം” ഒരു പ്രതി​രോധ നടപടി​യാ​യി​ട്ടാണ്‌ അപ്രകാ​രം ചെയ്‌ത​തെന്നു ചരി​ത്ര​കാ​ര​നായ ഫ്‌ളേ​വി​യസ്‌ ജോസീ​ഫസ്‌ അവകാ​ശ​പ്പെ​ടു​ന്നു. എങ്കിലും, ഹൃദയ​ശൂ​ന്യ​മായ ഈ ശാസന​ത്തി​ന്റെ യഥാർഥ ഉദ്ദേശ്യം ഇസ്രാ​യേ​ല്യ​രെ നിന്ദി​ക്കു​ക​യാ​യി​രു​ന്നു.—1 ശമൂവേൽ 11:1, 2.

അമ്മോ​ന്യർ വീണ്ടും യഹോ​വ​യു​ടെ ദയയോ​ടു വിദ്വേ​ഷ​ത്തോ​ടെ പ്രതി​ക​രി​ച്ചു. ഈ നിന്ദ്യ​മായ ഭീഷണി യഹോവ തഴഞ്ഞു​ക​ള​ഞ്ഞില്ല. “ശൌൽ [നാഹാ​ശി​ന്റെ] വർത്തമാ​നം കേട്ട​പ്പോൾ ദൈവ​ത്തി​ന്റെ ആത്മാവു അവന്റെ​മേൽ ശക്തി​യോ​ടെ വന്നു; അവന്റെ കോപം ഏറ്റവും ജ്വലിച്ചു.” ദൈവാ​ത്മാ​വി​ന്റെ നടത്തി​പ്പിൽ ശൗൽ 3,30,000 വില്ലാ​ളി​വീ​ര​ന്മാ​രെ ഒരുമി​ച്ചു​കൂ​ട്ടി, അവർ അമ്മോ​ന്യ​രെ “രണ്ടു പേർ ഒന്നിച്ചി​രി​ക്കാ​ത​വണ്ണം ചിതറി​പ്പോ”കത്തക്കവി​ധം തുരത്തി​ക്ക​ളഞ്ഞു.—1 ശമൂവേൽ 11:6, 11.

സ്വാർഥ​ത​യിൽ വ്യാപൃ​ത​രാ​യി​രുന്ന അമ്മോ​ന്യർ ഒടുവിൽ തങ്ങളുടെ സ്വന്ത താത്‌പ​ര്യ​ങ്ങ​ളും ക്രൂര​ത​ക​ളും അത്യാ​ഗ്ര​ഹ​വു​മ​ടക്കം സമ്പൂർണ നാശത്തി​ലേക്കു നിലം​പ​തി​ച്ചു. യഹോ​വ​യു​ടെ പ്രവാ​ച​ക​നാ​യി​രുന്ന സെഫന്യാവ്‌ മുൻകൂ​ട്ടി​പ്പ​റ​ഞ്ഞി​രു​ന്ന​പോ​ലെ “അവർ സൈന്യ​ങ്ങ​ളു​ടെ യഹോ​വ​യു​ടെ ജനത്തോ​ടു നിന്ദയും വമ്പും കാട്ടി​യി​രി​ക്കുന്ന”തിനാൽ “ഗൊ​മോ​റ​യെ​പ്പോ​ലെ . . . ശാശ്വ​ത​ശൂ​ന്യം ആയി”ത്തീർന്നു.—സെഫന്യാ​വു 2:9, 10.

അമ്മോ​ന്യർക്കു സംഭവി​ച്ച​തെ​ന്താ​ണെന്ന്‌ ഇന്നു ലോക നേതാക്കൾ പരിചി​ന്തി​ക്കേ​ണ്ട​തുണ്ട്‌. സമാന​മാ​യി, തന്റെ പാദപീ​ഠ​മായ ഭൂമി​യിൽ ജീവി​ക്കാൻ ജനതകളെ ദൈവം അനുവ​ദി​ച്ചു​കൊണ്ട്‌ ഒരു പരിധി​വരെ അവൻ അവരോ​ടു ദയ കാണി​ച്ചി​രി​ക്കു​ന്നു. എന്നാൽ ഭൂമിയെ കാത്തു​പ​രി​പാ​ലി​ക്കു​ന്ന​തി​നു പകരം സ്വാർഥ​മ​തി​ക​ളായ രാഷ്ട്രങ്ങൾ ഈ ഗ്രഹത്തെ ആണവ നാശത്തിന്‌ ഇരയാ​ക്കു​മെന്നു ഭീഷണി മുഴക്കു​ക​പോ​ലും ചെയ്‌തു​കൊണ്ട്‌ അതിനെ നശിപ്പി​ക്കു​ക​യാണ്‌. യഹോ​വ​യു​ടെ ഭൂമി​യി​ലുള്ള ആരാധ​ക​രോ​ടു ദയ കാണി​ക്കു​ന്ന​തി​നു പകരം രാഷ്ട്രങ്ങൾ മിക്ക​പ്പോ​ഴും അവരെ കർശന​മാ​യി പീഡി​പ്പി​ച്ചു​കൊ​ണ്ടു വിദ്വേ​ഷം പുലർത്തു​ക​യാണ്‌. അതു​കൊണ്ട്‌, തന്റെ ദയയോ​ടു വിദ്വേ​ഷ​ത്തോ​ടെ പ്രതി​ക​രി​ക്കു​ന്നതു യഹോവ നിസ്സാ​ര​മാ​യി എണ്ണുന്നി​ല്ലെ​ന്നാണ്‌ അമ്മോ​ന്യ​രു​ടെ പാഠം തെളി​യി​ക്കു​ന്നത്‌. പുരാതന കാലത്തു ചെയ്‌ത​തു​പോ​ലെ​തന്നെ അവൻ തക്കസമ​യത്തു നടപടി​സ്വീ​ക​രി​ക്കും.—സങ്കീർത്തനം 2:6-12 താരത​മ്യം ചെയ്യുക.

[8-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.

[9-ാം പേജിലെ ചിത്രം]

അമ്മോന്യരുടെ തലസ്ഥാ​ന​മാ​യി​രുന്ന റബ സ്ഥിതി​ചെ​യ്‌തി​രുന്ന അമ്മാനി​ലെ റോമാ അവശി​ഷ്ട​ങ്ങൾ

[ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.

[10-ാം പേജിലെ ചിത്രം]

അമ്മോന്യർ ഈ പ്രദേ​ശ​ത്താ​ണു ജീവി​ച്ചി​രു​ന്നത്‌

[ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.