ബൈബിൾ വിമർശ​കരെ അമ്പരപ്പിച്ച ഒരു അജ്ഞാത സാമ്രാ​ജ്യം

“അടുത്ത​കാ​ലം​വരെ അസീറി​യൻ സാമ്രാ​ജ്യ​ത്തി​ന്റെ ചരിത്രം ലോക​ച​രി​ത്ര​ത്തി​ലെ ഏററവും അവ്യക്ത​മായ അധ്യാ​യ​ങ്ങ​ളിൽ ഒന്നായി​രു​ന്നു.” “പുരാതന നീന​വേ​യെ​ക്കു​റിച്ച്‌ ആകെ അറിയ​പ്പെ​ട്ടി​രു​ന്നത്‌, ബൈബി​ളിൽ അങ്ങുമി​ങ്ങു​മുള്ള സൂചന​ക​ളി​ലും അതിനെ സൂചി​പ്പി​ക്കുന്ന ബൈബിൾ പ്രവച​ന​ങ്ങ​ളി​ലും, ഡയോ​ഡോ​റസ്‌ സിക്കള​സി​ന്റെ​യും . . . മററു​ചി​ല​രു​ടെ​യും അസീറി​യൻ ചരി​ത്ര​ത്തി​ലെ യാദൃ​ച്ഛി​ക​മായ നുറുങ്ങു വിവര​ണ​ങ്ങ​ളി​ലും അടങ്ങി​യി​രു​ന്ന​താ​യി​രു​ന്നു.”—സൈ​ക്ലോ​പീ​ഡിയ ഓഫ്‌ ബിബ്ലിക്കൽ ലിററ​റേച്ചർ, വാല്യം 1-ഉം 3-ഉം, 1862.

ഗ്രീക്കു ചരി​ത്ര​കാ​ര​നായ ഡയോ​ഡോ​റസ്‌ സിക്കളസ്‌ 2,000 വർഷം മുമ്പാണു ജീവി​ച്ചി​രു​ന്നത്‌. അദ്ദേഹം അവകാ​ശ​പ്പെ​ടു​ന്ന​ത​നു​സ​രി​ച്ചു നീനവേ ഒരു ചതുഷ്‌ക്കോണ നഗരമാ​യി​രു​ന്നു; നാലു വശങ്ങളു​ടെ​യും ആകെ നീളം 480 സ്‌റേ​റ​ഡി​യ​യാ​യി​രു​ന്നു. അതായത്‌ 96 കിലോ​മീ​ററർ [60 മൈൽ] ചുററ​ളവ്‌! ബൈബി​ളും നീന​വേയെ “മൂന്നു ദിവസത്തെ വഴിയുള്ള” ഒരു മഹാന​ഗ​ര​മാ​യി വർണി​ച്ചു​കൊ​ണ്ടു സമാന​മായ ഒരു ചിത്ര​മാ​ണു നല്‌കു​ന്നത്‌.—യോനാ 3:3.

പത്തൊ​മ്പ​താം നൂററാ​ണ്ടി​ലെ ബൈബിൾ വിമർശകർ പുരാതന ലോക​ത്തി​ലെ ഒരു അജ്ഞാത നഗരത്തിന്‌ അത്ര വലുതാ​യി​രി​ക്കാൻ കഴിയു​മാ​യി​രു​ന്നു എന്നു വിശ്വ​സി​ക്കാൻ വിസമ്മ​തി​ച്ചു. നീനവേ എന്നെങ്കി​ലും സ്ഥിതി ചെയ്‌തി​രു​ന്നെ​ങ്കിൽ അതു ബാബി​ലോ​നു മുമ്പു​ണ്ടാ​യി​രുന്ന ഒരു പുരാതന സംസ്‌ക്കാ​ര​ത്തി​ന്റെ ഭാഗമാ​യി​രു​ന്നി​രി​ക്കണം എന്നുകൂ​ടി അവർ പറഞ്ഞു.

ഈ വീക്ഷണം നോഹ​യു​ടെ പ്രപൗ​ത്ര​നായ നി​മ്രോദ്‌ ബാബേൽ പ്രദേ​ശത്ത്‌ അല്ലെങ്കിൽ ബാബി​ലോ​നിൽ ആദ്യത്തെ രാഷ്‌ട്രീയ സംസ്ഥാനം സ്ഥാപിച്ചു എന്നു പ്രസ്‌താ​വി​ക്കുന്ന ഉല്‌പത്തി 10-ാം അധ്യാ​യ​ത്തി​നു വിരു​ദ്ധ​മാണ്‌. “ആ ദേശത്തു​നി​ന്നു അശ്ശൂർ പുറ​പ്പെട്ടു (അയാൾ അശ്ശൂരി​ലേക്കു പുറപ്പെട്ടു, NW) നീനവേ, രെഹോ​ബോത്ത്‌ പട്ടണം, കാലഹ്‌, നീന​വേ​ക്കും കാലഹി​ന്നും മദ്ധ്യേ മഹാന​ഗ​ര​മായ രേസെൻ (ഇതാണു മഹാനഗരം, NW) എന്നിവ പണിതു” എന്നു ബൈബിൾ തുടർന്നു പറയുന്നു. (ഉല്‌പത്തി 10:8-12) നാലു പുതിയ അസീറി​യൻ നഗരങ്ങൾ ഒരു “മഹാനഗര”മായി​രി​ക്കു​ന്ന​താ​യി തിരു​വെ​ഴു​ത്തു​കൾ വർണി​ക്കു​ന്നതു ശ്രദ്ധി​ക്കുക.

ആയിര​ത്തി​യെ​ണ്ണൂ​റ​റി​നാ​ല്‌പ​ത്തിമൂ​ന്നിൽ ഒരു ഫ്രഞ്ച്‌ പുരാ​വ​സ്‌തു​ശാ​സ്‌ത്ര​ജ്ഞ​നായ പോൾ അയ്‌മൽ ബോററ ഒരു അസീറി​യൻ നഗരമായ ഖോർസാ​ബാ​ദി​ന്റെ ഭാഗ​മെന്നു തെളിഞ്ഞ ഒരു കൊട്ടാ​ര​ത്തി​ന്റെ നാശാ​വ​ശി​ഷ്ടങ്ങൾ കണ്ടെത്തി. ഈ കണ്ടെത്ത​ലി​ന്റെ വാർത്ത പൊതു​ജനം അറിഞ്ഞ​പ്പോൾ അതു വലിയ ആവേശ​ത്തി​നു കാരണ​മാ​യി. ബൈബിൾ കാലങ്ങ​ളിൽനി​ന്നുള്ള നിക്ഷേ​പങ്ങൾ (Treasures From Bible Times) എന്ന പുസ്‌ത​ക​ത്തിൽ അലൻ മിലാർഡ്‌ ഇങ്ങനെ വിശദീ​ക​രി​ക്കു​ന്നു: “യെശയ്യാ​വു 20:1-ൽ പേർ പറഞ്ഞി​രി​ക്കുന്ന അസീറി​യൻ രാജാ​വായ സർഗോ​ണി​ന്റേ​താ​ണു കൊട്ടാ​ര​മെന്നു തെളി​ഞ്ഞ​പ്പോൾ പൊതു​ജന താല്‌പ​ര്യം ഏറെ ഉയർന്നു, മററു പ്രകാ​ര​ത്തിൽ അറിയ​പ്പെ​ടാ​തി​രു​ന്ന​തി​നാൽ അദ്ദേഹ​ത്തി​ന്റെ അസ്‌തി​ത്വം സംശയി​ക്ക​പ്പെ​ട്ടി​രു​ന്നു.”

അതിനി​ട​യിൽ മറെറാ​രു പുരാ​വ​സ്‌തു​ശാ​സ്‌ത്ര​ജ്ഞ​നായ ഓസ്‌ററൻ ഹെൻറി ലേയാർഡ്‌ ഖോർസ​ബാ​ദിന്‌ ഏകദേശം 42 കിലോ​മീ​ററർ തെക്കു​പ​ടി​ഞ്ഞാ​റാ​യി നിമ്രൂദ്‌ എന്ന സ്ഥലത്തെ നാശാ​വ​ശി​ഷ്ടങ്ങൾ ഖനനം ചെയ്യാൻ തുടങ്ങി. ആ നാശാ​വ​ശി​ഷ്ടങ്ങൾ ഉല്‌പത്തി 10:11-ൽ പരാമർശി​ച്ചി​രി​ക്കുന്ന നാല്‌ അസീറി​യൻ നഗരങ്ങ​ളിൽ ഒന്നായ കാലഹ്‌ ആണെന്നു തെളിഞ്ഞു. പിന്നീട്‌ 1849-ൽ ലേയാർഡ്‌ കാലാ​ഹി​നും ഖോർസാ​ബാ​ദി​നും ഇടയിൽ കൂയഞ്ഞിക്‌ എന്നു പറയുന്ന സ്ഥലത്ത്‌ ഒരു കൂററൻ കൊട്ടാ​ര​ത്തി​ന്റെ അവശി​ഷ്ടങ്ങൾ പുറ​ത്തെ​ടു​ത്തു. പ്രസ്‌തുത കൊട്ടാ​രം നീന​വേ​യു​ടെ ഭാഗ​മെന്നു തെളിഞ്ഞു. ഖോർസ​ബാ​ദി​നും കാലഹി​നും ഇടയിൽ കാരം​ലസ്‌ എന്നു വിളി​ക്കുന്ന ഒരു മൺകൂ​ന​യുൾപ്പെടെ മററു അധിനി​വേ​ശ​പ്ര​ദേ​ശ​ങ്ങ​ളു​ടെ അവശി​ഷ്ടങ്ങൾ കിടക്കു​ന്നുണ്ട്‌. “നമ്മൾ നിമ്രൂദ്‌ (കാലഹ്‌), കൂയഞ്ഞിക്‌ (നീനവേ), ഖോർസ​ബാദ്‌, കാരം​ലസ്‌ എന്നീ നാലു മൺകൂ​ന​കളെ ഒരു ചതുര​ത്തി​ന്റെ മൂലക​ളാ​യെ​ടു​ത്താൽ, അതിന്റെ നാലു വശങ്ങൾ കൃത്യ​മാ​യി 480 സ്‌റേ​റ​ഡി​യ​യു​മാ​യി അല്ലെങ്കിൽ ഭൂമി​ശാ​സ്‌ത്ര​ജ്ഞന്റെ 60 മൈലു​മാ​യി [96 കിലോ​മീ​ററർ] ഒത്തുവ​രു​ന്ന​താ​യി കാണ​പ്പെ​ടും, അതാണു (യോനാ) പ്രവാ​ച​കന്റെ മൂന്നു ദിവസത്തെ യാത്ര ഉളവാ​ക്കു​ന്നത്‌.”

അപ്പോൾ പ്രത്യ​ക്ഷ​ത്തിൽ യോനാ ഈ അധിനി​വേശ പ്രദേ​ശ​ങ്ങ​ളെ​യെ​ല്ലാം ഉല്‌പത്തി 10:11-ൽ ആദ്യമാ​യി പട്ടിക​പ്പെ​ടു​ത്തി​യി​രി​ക്കുന്ന നഗര നാമം, അതായതു നീനവേ എന്നു വിളി​ച്ചു​കൊണ്ട്‌, ഒരു “മഹാനഗര”ത്തിൽ ഉൾപ്പെ​ടു​ത്തി. അതുതന്നെ ഇന്നും ചെയ്യുന്നു. ഉദാഹ​ര​ണ​ത്തിന്‌, ആദിമ ലണ്ടൻ നഗരവും ചില​പ്പോൾ “വിശാല ലണ്ടൻ” എന്നു വിളി​ക്കുന്ന അതിന്റെ പരിസ​ര​പ്ര​ദേ​ശ​ങ്ങ​ളും തമ്മിൽ ഒരു വ്യത്യാ​സ​മുണ്ട്‌.

അഹങ്കാ​രി​യായ ഒരു അസീറി​യൻ രാജാവ്‌

മൂന്നു കിലോ​മീ​റ​റ​റോ​ളം മതിലു​ക​ളുള്ള നീന​വേ​യി​ലെ കൊട്ടാ​ര​ത്തി​നു 70-ലധികം മുറി​ക​ളു​ണ്ടാ​യി​രു​ന്നു. ഈ മതിലു​ക​ളിൽ സൈനിക വിജയ​ങ്ങ​ളു​ടെ​യും മററു നേട്ടങ്ങ​ളു​ടെ​യും സ്‌മാ​ര​ക​മായ ശില്‌പ​വേ​ല​ക​ളു​ടെ കത്തി​പ്പോയ അവശി​ഷ്ടങ്ങൾ ഉണ്ടായി​രു​ന്നു. മിക്കവ​ക്കും നല്ലപോ​ലെ കേടു​പാ​ടു​കൾ സംഭവി​ച്ചി​രു​ന്നു. എന്നിരു​ന്നാ​ലും തന്റെ താമസ​കാ​ല​ഘ​ട്ട​ത്തി​ന്റെ അവസാ​ന​മാ​യ​പ്പോ​ഴേ​ക്കും ലേയാർഡ്‌ അത്ഭുത​ക​ര​മാം വിധം സംരക്ഷി​ക്ക​പ്പെ​ട്ട​നി​ല​യിൽ ഒരു മുറി കണ്ടെത്തി. അതിന്റെ മതിലിൻമേൽ നന്നായി കോട്ട​കെ​ട്ടി​യു​റ​പ്പിച്ച ഒരു നഗരത്തി​ന്റെ പിടി​ച്ച​ട​ക്ക​ലും നഗരത്തി​നു വെളി​യിൽ സിംഹാ​സ​ന​ത്തിൽ ഉപവി​ഷ്ട​നാ​യി​രി​ക്കുന്ന, പടയേ​ററം നടത്തുന്ന, രാജാ​വി​നു മുമ്പിൽ നടത്ത​പ്പെ​ടുന്ന തടവു​കാ​രെ​യും ചിത്രീ​ക​രി​ച്ചി​രു​ന്നു. രാജാ​വി​രി​ക്കു​ന്ന​തി​നു മുകളിൽ ഒരു ആലേഖനം ഉണ്ടായി​രു​ന്നു, അത്‌ അസീറി​യൻ എഴുത്തു​ക​ളു​ടെ വിദഗ്‌ധർ പിൻവ​രുന്ന പ്രകാരം തർജ്ജമ ചെയ്യുന്നു: “ലോക​ത്തി​ന്റെ രാജാ​വും അസീറി​യു​ടെ രാജാ​വു​മായ സൻഹേ​രീബ്‌ നിമേഡു-സിംഹാ​സ​ന​ത്തിൽ ഇരിക്കു​ക​യും ലാഖീ​ശിൽനി​ന്നുള്ള (ലാക്കിസൂ) കൊള്ള​മു​തൽ പരി​ശോ​ധി​ക്കു​ക​യും ചെയ്‌തു.”

ഈ പ്രദർശ​ന​വ​സ്‌തു​വും ആലേഖ​ന​വും ഇന്നു ബ്രിട്ടീഷ്‌ മ്യൂസി​യ​ത്തിൽ കാണാ​വു​ന്ന​താണ്‌. അതു ബൈബി​ളിൽ 2 രാജാ​ക്കൻമാർ 18:13, 14-ൽ രേഖ​പ്പെ​ടു​ത്തി​യി​രി​ക്കുന്ന ചരിത്ര സംഭവ​വു​മാ​യി യോജി​പ്പി​ലാണ്‌: “യെഹൂ​ദാ​രാ​ജാ​വായ ഹിസ്‌കീ​യാ​വി​ന്റെ പതിന്നാ​ലാം ആണ്ടിൽ അശ്ശൂർരാ​ജാ​വായ സൻഹേ​രീബ്‌ യെഹൂ​ദ​യി​ലെ ഉറപ്പുള്ള എല്ലാപ​ട്ട​ണ​ങ്ങ​ളു​ടെ​യും നേരെ പുറ​പ്പെ​ട്ടു​വന്നു അവയെ പിടിച്ചു. അപ്പോൾ യെഹൂ​ദാ​രാ​ജാ​വായ ഹിസ്‌കീ​യാ​വു ലാഖീ​ശിൽ അശ്ശൂർരാ​ജാ​വി​ന്റെ അടുക്കൽ ആളയച്ചു: ഞാൻ കുററം ചെയ്‌തു; എന്നെ വിട്ടു മടങ്ങി​പ്പോ​കേണം; നീ എനിക്കു കല്‌പി​ക്കുന്ന പിഴ ഞാൻ അടെച്ചു​കൊ​ള്ളാം എന്നു പറയിച്ചു. അശ്ശൂർരാ​ജാ​വു യെഹൂ​ദാ​രാ​ജാ​വായ ഹിസ്‌കീ​യാ​വി​ന്നു മുന്നൂറു താലന്ത്‌ വെള്ളി​യും മുപ്പതു താലന്ത്‌ പൊന്നും പിഴ കല്‌പി​ച്ചു.”

സൻഹേ​രീബ്‌ യഹൂദാ​ദേശം പിടി​ച്ച​ട​ക്കി​യ​തി​ന്റെ​യും ഹിസ്‌കീ​യാവ്‌ കപ്പം കൊടു​ത്തി​രു​ന്ന​തി​ന്റെ​യും കൂടു​ത​ലായ വിവരങ്ങൾ നൽകുന്ന മററു ആലേഖ​ന​ങ്ങ​ളും നീന​വേ​യു​ടെ നാശാ​വ​ശി​ഷ്ട​ങ്ങൾക്കി​ട​യിൽനി​ന്നു കണ്ടെടു​ക്ക​പ്പെ​ട്ടി​ട്ടുണ്ട്‌. “ഒരുപക്ഷേ, രേഖയി​ലുള്ള ചരി​ത്ര​സാ​ക്ഷ്യ​ത്തി​ലെ ശ്രദ്ധേ​യ​മായ അനുരൂ​പ്യ​ങ്ങ​ളി​ലൊന്ന്‌, ഹിസ്‌കീ​യാ​വി​ന്റെ പക്കൽനിന്ന്‌ എടുത്ത സ്വർണ​നി​ധി​യു​ടെ അളവായ മുപ്പതു താലന്ത്‌ എന്നത്‌, തികച്ചും സ്വത​ന്ത്ര​മായ രണ്ടു വിവര​ണ​ങ്ങ​ളിൽ യോജി​പ്പി​ലാണ്‌” എന്നു ലേയാർഡ്‌ എഴുതി. അസീറി​യൻ എഴുത്തു വ്യാഖ്യാ​നി​ക്കു​ന്ന​തിൽ സഹായിച്ച ഹെൻറി റോലിൻസൺ ഈ ആലേഖ​നങ്ങൾ “[സൻഹേ​രീ​ബി​ന്റെ] ചരി​ത്ര​പ​ര​മായ തിരി​ച്ച​റി​യ​ലി​നെ അവിതർക്കി​ത​മാ​ക്കി” എന്നു പ്രഖ്യാ​പി​ച്ചു. കൂടാതെ, ലേയാർഡ്‌ അദ്ദേഹ​ത്തി​ന്റെ നീനവേ ആൻറ്‌ ബാബി​ലോൻ എന്ന പുസ്‌ത​ക​ത്തിൽ ഇങ്ങനെ ചോദി​ക്കു​ന്നു: “ഈ കണ്ടെത്ത​ലു​കൾ നടക്കു​ന്ന​തി​നു മുമ്പു നീന​വേ​യു​ടെ സ്ഥാനത്തെ അടയാ​ള​പ്പെ​ടു​ത്തുന്ന മണ്ണി​ന്റെ​യും കെട്ടി​ടാ​വ​ശി​ഷ്ട​ങ്ങ​ളു​ടെ​യും കൂമ്പാ​ര​ത്തി​നി​ട​യിൽ ഹിസ്‌കീ​യാ​വും സൻഹേ​രീ​ബും തമ്മിലുള്ള യുദ്ധങ്ങ​ളു​ടെ ചരിത്രം, അവ സംഭവിച്ച അതേസ​മ​യത്തു സൻഹേ​രീ​ബു​തന്നെ ബൈബിൾ രേഖയെ അതിന്റെ സൂക്ഷ്‌മ വിശദാം​ശ​ങ്ങ​ളിൽപ്പോ​ലും സ്ഥിരീ​ക​രി​ക്കു​ന്ന​വി​ധ​ത്തിൽ എഴുതി​യതു കണ്ടെത്തുക സംഭാ​വ്യ​മോ സാധ്യ​മോ ആണെന്ന്‌ ആർക്കു വിശ്വ​സി​ക്കാ​നാ​കു​മാ​യി​രു​ന്നു?”

സൻഹേ​രീ​ബി​ന്റെ രേഖയു​ടെ ചില വിശദാം​ശങ്ങൾ തീർച്ച​യാ​യും ബൈബി​ളി​നോ​ടു യോജി​ക്കു​ന്നില്ല. ഉദാഹ​ര​ണ​ത്തിന്‌, പുരാ​വ​സ്‌തു​ശാ​സ്‌ത്ര​ജ്ഞ​നായ അലൻ മിലാർഡ്‌ എഴുതു​ന്നു: “ഏററവും ശ്രദ്ധേ​യ​മായ വസ്‌തുത കാണു​ന്നതു [സൻഹേ​രീ​ബി​ന്റെ രേഖയു​ടെ] അന്ത്യത്തി​ലാണ്‌. ഹിസ്‌കീ​യാവ്‌ അദ്ദേഹ​ത്തി​ന്റെ ദൂതനെ മുഴുവൻ കപ്പവും സഹിതം സൻഹേ​രീ​ബി​ന്റെ അടുക്ക​ലേക്ക്‌, ‘പിന്നീടു നീന​വേ​യി​ലേക്ക്‌’ അയച്ചു. അസീറി​യൻ സൈന്യം പതിവു​പോ​ലെ അവ നാട്ടി​ലേക്കു കൊണ്ടു​പോ​യില്ല.” അസീറി​യൻ രാജാവു നീന​വേ​യി​ലേക്കു മടങ്ങു​ന്ന​തി​നു മുമ്പു കപ്പം കൊടു​ക്ക​പ്പെട്ടു എന്നു ബൈബിൾ പ്രസ്‌താ​വി​ക്കു​ന്നു. (2 രാജാ​ക്കൻമാർ 18:15-17) ആ വ്യത്യാ​സം എന്തു​കൊ​ണ്ടാണ്‌? യഹൂദാ​യു​ടെ കോട്ട​യായ ലാഖീശ്‌ പിടി​ച്ച​ട​ക്കി​യ​പ്പോൾ വീമ്പി​ള​ക്കിയ വിധത്തിൽ യഹൂദാ​യു​ടെ തലസ്ഥാ​ന​മായ യെരൂ​ശ​ലേം പിടി​ച്ച​ട​ക്കി​യ​തി​നെ​ക്കു​റി​ച്ചു വീമ്പി​ള​ക്കാൻ സൻഹേ​രീ​ബി​നു കഴിയാ​തെ പോയത്‌ എന്തു​കൊ​ണ്ടാ​യി​രു​ന്നു? മൂന്നു ബൈബിൾ എഴുത്തു​കാർ അതിന്‌ ഉത്തരം നൽകുന്നു: “എന്നാൽ യഹോ​വ​യു​ടെ ദൂതൻ പുറ​പ്പെട്ടു അശ്ശൂർപാ​ള​യ​ത്തിൽ നൂററി​യെൺപ​ത്ത​യ്യാ​യി​രം പേരെ കൊന്നു; ജനം രാവിലേ എഴു​ന്നേ​റ​റ​പ്പോൾ അവർ എല്ലാവ​രും ശവങ്ങളാ​യി കിടക്കു​ന്നതു കണ്ടു. അങ്ങനെ അശ്ശൂർരാ​ജാ​വായ സൻഹേ​രീബ്‌ യാത്ര​പു​റ​പ്പെട്ടു മടങ്ങി​പ്പോ​യി നീന​വേ​യിൽ പാർത്തു” എന്ന്‌ അവരി​ലൊ​രാൾ, ഒരു ദൃക്‌സാ​ക്ഷി എഴുതി.—യെശയ്യാ​വു 37:36, 37; 2 രാജാ​ക്കൻമാർ 19:35; 2 ദിനവൃ​ത്താ​ന്തം 32:21.

മിലാർഡ്‌ അദ്ദേഹ​ത്തി​ന്റെ ട്രഷേ​ഴ്‌സ്‌ ഫ്രം ബൈബിൾ ടൈംസ്‌ എന്ന പുസ്‌ത​ക​ത്തിൽ ഇങ്ങനെ നിഗമനം ചെയ്യുന്നു: “ഈ റിപ്പോർട്ടി​നെ സംശയി​ക്കാൻ മതിയായ കാരണ​മില്ല . . . സൻഹേ​രീബ്‌ അത്തര​മൊ​രു ദുരന്തം തന്റെ പിൻഗാ​മി​കൾക്കു വായി​ക്കു​വാൻവേണ്ടി രേഖ​പ്പെ​ടു​ത്തി വെക്കി​ല്ലെ​ന്നു​ള്ളതു മനസ്സി​ലാ​ക്കാം, എന്തു​കൊ​ണ്ടെ​ന്നാൽ അത്‌ അദ്ദേഹ​ത്തി​നു അപകീർത്തി വരുത്തു​മാ​യി​രു​ന്നു.” പകരം സൻഹേ​രീബ്‌ യഹൂദാ​യെ ആക്രമി​ച്ചത്‌ ഒരു വിജയ​മാ​യി​രു​ന്നെ​ന്നും ഹിസ്‌കീ​യാവ്‌ നീന​വേ​യി​ലേക്കു കപ്പം അയച്ചു​കൊ​ടു​ത്തു​കൊ​ണ്ടു തുടർന്നു കീഴ്‌പ്പെ​ട്ടി​രു​ന്നു എന്ന പ്രതീ​തി​യു​ള​വാ​ക്കാ​നും അദ്ദേഹം ശ്രമിച്ചു.

അസ്സീറി​യാ​യു​ടെ ഉത്ഭവം സ്ഥിരീ​ക​രി​ക്ക​പ്പെ​ടു​ന്നു

പതിനാ​യി​ര​ക്ക​ണ​ക്കി​നു മൺപല​കകൾ ഉൾക്കൊ​ള്ളുന്ന ഗ്രന്ഥശാ​ല​ക​ളും നീന​വേ​യിൽനി​ന്നു കണ്ടെടു​ത്തു. ഈ രേഖകൾ അസീറി​യൻ സാമ്രാ​ജ്യ​ത്തി​ന്റെ വേരുകൾ, ഉല്‌പത്തി 10:11 സൂചി​പ്പി​ക്കു​ന്ന​തു​പോ​ലെ ദക്ഷിണ ബാബി​ലോ​നി​ലാ​യി​രു​ന്നെന്നു തെളി​യി​ക്കു​ന്നു. ഈ അറിവ്‌ ഉപയോ​ഗി​ച്ചു​കൊ​ണ്ടു പുരാ​വ​സ്‌തു​ശാ​സ്‌ത്ര​ജ്ഞൻമാർ അവരുടെ ശ്രമം കൂടുതൽ തെക്കു കേന്ദ്രീ​ക​രി​ക്കാൻ തുടങ്ങി. എൻ​സൈ​ക്ലോ​പീ​ഡിയ ബിബ്ലിക്കാ ഇപ്രകാ​രം വിശദീ​ക​രി​ക്കു​ന്നു: “അസീറി​യ​യു​ടെ സകല അവശി​ഷ്ട​ങ്ങ​ളും വെളി​പ്പെ​ടു​ത്തു​ന്നത്‌ അവരുടെ ബാബി​ലോ​ണി​യൻ ഉത്ഭവ​ത്തെ​യാണ്‌. അവരുടെ ഭാഷ, എഴുത്തു​രീ​തി, അവരുടെ സാഹി​ത്യം, അവരുടെ മതം, അവരുടെ ശാസ്‌ത്രം എന്നിവ​യെ​ല്ലാം​തന്നെ അവരുടെ ദക്ഷിണ​ഭാ​ഗ​ത്തുള്ള അയൽവാ​സി​ക​ളിൽനിന്ന്‌ അല്‌പം ഭേദഗ​തി​ക​ളോ​ടെ ഏറെറ​ടു​ത്ത​താണ്‌.”

മേൽപ്പ​റ​ഞ്ഞ​തു​പോ​ലുള്ള കണ്ടെത്ത​ലു​കൾ ബൈബിൾ വിമർശ​കരെ അവരുടെ വീക്ഷണ​ങ്ങൾക്ക്‌ അയവു വരുത്താൻ നിർബ​ന്ധ​രാ​ക്കി​യി​രി​ക്കു​ന്നു. നിശ്ചയ​മാ​യും ബൈബി​ളി​ന്റെ ഒരു ആത്മാർഥ പരി​ശോ​ധന അത്‌ എഴുത​പ്പെ​ട്ടതു ശ്രദ്ധയും സത്യസ​ന്ധ​ത​യു​മു​ള്ള​വ​രാ​ലാ​ണെന്നു വെളി​പ്പെ​ടു​ത്തു​ന്നു. ഐക്യ​നാ​ടു​ക​ളു​ടെ സുപ്രീം​കോ​ട​തി​യി​ലെ ഒരു മുൻ ചീഫ്‌ ജസ്‌റ​റീ​സായ സൽമാൻ പി. ചേസ്‌ ബൈബിൾ പരി​ശോ​ധി​ച്ച​ശേഷം ഇങ്ങനെ പറഞ്ഞു: “അതു ദീർഘ​വും സഗൗര​വ​വും ആഴത്തി​ലു​ള്ള​തു​മായ ഒരു പഠനമാ​യി​രു​ന്നു: മതേതര കാര്യ​ങ്ങ​ളിൽ ഞാൻ എല്ലായ്‌പോ​ഴും ചെയ്യാ​റു​ള്ള​തു​പോ​ലെ, മതകാ​ര്യ​ങ്ങ​ളിൽ തെളി​വി​ന്റെ അതേ തത്ത്വങ്ങൾ ഉപയോ​ഗി​ച്ചു​കൊണ്ട്‌, ബൈബിൾ ഒരു പ്രകൃ​ത്യാ​തീത പുസ്‌ത​ക​മാണ്‌, അതു ദൈവ​ത്തിൽനി​ന്നു വന്നിരി​ക്കു​ന്നു എന്ന തീരു​മാ​ന​ത്തിൽ ഞാൻ എത്തിയി​രി​ക്കു​ന്നു.”—പുസ്‌ത​ക​ങ്ങ​ളു​ടെ പുസ്‌തകം: ഒരു ആമുഖം (The Book of Books: An Introduction).

തീർച്ച​യാ​യും ബൈബിൾ കൃത്യ​മായ ചരി​ത്ര​ത്തെ​ക്കാൾ വളരെ കവിഞ്ഞ ഒന്നാണ്‌. അത്‌ ദൈവ​ത്തി​ന്റെ നിശ്വസ്‌ത വചനമാണ്‌, മനുഷ്യ​വർഗ​ത്തി​ന്റെ പ്രയോ​ജ​ന​ത്തി​നു​വേ​ണ്ടി​യുള്ള ഒരു ദാനമാണ്‌. (2 തിമൊ​ഥെ​യൊസ്‌ 3:16) ഇതിനു തെളിവു ബൈബിൾഭൂ​മി​ശാ​സ്‌ത്രം പരി​ശോ​ധി​ക്കു​ന്ന​തി​ലൂ​ടെ കാണാ​വു​ന്ന​താണ്‌. അത്‌ അടുത്ത ലക്കത്തിൽ ചർച്ച​ചെ​യ്യു​ന്ന​താ​യി​രി​ക്കും.

[4-ാം പേജിലെ ചിത്ര​ത്തിന്‌ കടപ്പാട്‌]

Courtesy of the Trustees of The British Museum

[6, 7 പേജു​ക​ളി​ലെ ചിത്രങ്ങൾ]

മുകളിൽ: മതിൽകൊ​ത്തു​പ​ണി​ക​ളിൽനിന്ന്‌ എടുത്തി​രി​ക്കുന്ന മൂന്നു വിശദാം​ശ​ങ്ങൾ

താഴെ: ലാഖീശ്‌ ഉപരോ​ധത്തെ വിശദ​മാ​ക്കുന്ന അസീറി​യൻ മതിൽകൊ​ത്തു​പ​ണി​ക​ളു​ടെ ചിത്രം

[കടപ്പാട്‌]

(Courtesy of The British Museum)

(From The Bible in the British Museum, published by British Museum Press)