ഇയ്യോ​ബി​ന്റെ നിർമ്മലത—വളരെ ശ്രദ്ധേ​യ​മാ​യി​രി​ക്കു​ന്ന​തെ​ന്തു​കൊണ്ട്‌?

“ഞാൻ മരിക്കു​വോ​ളം ഞാൻ എന്നിൽനിന്ന്‌ എന്റെ നിർമ്മലത എടുത്തു​ക​ള​ക​യില്ല!”

—ഇയ്യോബ്‌ 27:5.

1. ഇയ്യോബ്‌ ആരായി​രു​ന്നു, അവൻ ഒരു യഥാർത്ഥ വ്യക്തി​യാ​യി​രു​ന്നു​വെന്ന്‌ നാം എങ്ങനെ അറിയു​ന്നു?

ഇയ്യോബ്‌ ഒരു പ്രമുഖ ചരിത്ര പുരു​ഷ​നാ​യി​രു​ന്നു. അവന്‌ വലിയ ഭൗതി​ക​സ്വത്ത്‌ ഉണ്ടായി​രു​ന്നു​വെന്നു മാത്രമല്ല, ഒരു സഹാനു​ഭൂ​തി​യുള്ള ന്യായാ​ധി​പ​നും നേതാ​വു​മെന്ന നിലയിൽ അവൻ ബഹുമാ​നി​ക്ക​പ്പെ​ടു​ക​യും ചെയ്‌തി​രു​ന്നു. അവൻ “സകല പൗരസ്‌ത്യ​രി​ലും വച്ച്‌ ഏററവും വലിയ​വ​നാ​യി​ത്തീർന്നു”വെന്ന്‌ ബൈബിൾ പറയുന്നു. (ഇയ്യോബ്‌ 1:3; 29:12-15) വളരെ നീതി​മാ​നായ ഒരു മനുഷ്യ​നെന്ന നിലയിൽ അവൻ നോഹ​യോ​ടും ദാനി​യേ​ലി​നോ​ടും​കൂ​ടെ ശ്രദ്ധി​ക്ക​പ്പെ​ട്ടി​രി​ക്കു​ന്നു. (യെഹെ​സ്‌ക്കേൽ 14:14, 20) ക്രിസ്‌ത്യാ​നി​കൾ അനുക​രി​ക്കേണ്ട ഒരു ദൃഷ്ടാ​ന്ത​മെന്ന നിലയി​ലും ബൈബിൾ ഇയ്യോ​ബി​നെ വിശേ​ഷ​വൽക്ക​രി​ക്കു​ക​യും അങ്ങനെ അവൻ ചരി​ത്ര​ത്തി​ലെ ഒരു യഥാർത്ഥ വ്യക്തി​യാ​യി​രു​ന്നു​വെന്ന്‌ പ്രകട​മാ​ക്കു​ക​യും ചെയ്യുന്നു.—യാക്കോബ്‌ 5:11.

2. ഇയ്യോബ്‌ സാത്താ​നാ​ലുള്ള പരി​ശോ​ധ​നക്കു വിധേ​യ​നാ​യ​തെ​പ്പോ​ഴെന്ന്‌ നമുക്ക്‌ എങ്ങനെ നിശ്ചയി​ക്കാം?

² ഇയ്യോബ്‌ വസിച്ചി​രു​ന്നത്‌ ഇപ്പോൾ അറേബ്യ ആയിരി​ക്കു​ന്ന​ടത്തെ ഊസ്‌ ദേശത്താ​യി​രു​ന്നു. ഒരു യിസ്രാ​യേ​ല്യ​ന​ല്ലാ​യി​രു​ന്നെ​ങ്കി​ലും ഇയ്യോബ്‌ യഹോ​വ​യു​ടെ ഒരു ആരാധ​ക​നാ​യി​രു​ന്നു. അത്‌ യഹോവ സാത്താന്റെ ശ്രദ്ധയിൽപെ​ടു​ത്തിയ ഒരു സംഗതി​യാ​യി​രു​ന്നു. “നിഷ്‌ക്ക​ള​ങ്ക​നും നേരു​ള്ള​വ​നു​മായ ഒരു മനുഷ്യ​നായ അവനെ​പ്പോ​ലെ ഭൂമി​യിൽ ആരുമില്ല” എന്ന ദൈവ​ത്തി​ന്റെ പ്രസ്‌താ​വന ദൈവ​ത്തി​ന്റെ മറെറാ​രു പ്രമുഖ ദാസനും അക്കാലത്തു ജീവി​ച്ചി​ല്ലാ​യി​രു​ന്നു​വെന്ന്‌ വെളി​പ്പെ​ടു​ത്തു​ന്നു. (ഇയ്യോബ്‌ 1:8) അങ്ങനെ, സാത്താ​നാ​ലുള്ള ഇയ്യോ​ബി​ന്റെ പരി​ശോ​ധന അവന്റെ അകന്ന ബന്ധുക്ക​ളായ യിസ്രാ​യേ​ല്യർ ഈജി​പ്‌റ​റി​ലെ അടിമ​ത്ത​ത്തി​ലാ​യി​രു​ന്ന​പ്പോൾ സംഭവി​ച്ചി​രി​ക്കണം—പ്രമുഖ നിർമ്മ​ല​താ​പാ​ല​ക​നാ​യി​രുന്ന യോ​സേ​ഫി​ന്റെ പൊതു​യു​ഗ​ത്തി​നു മുമ്പ്‌ 1657-ലെ മരണത്തി​നു​ശേ​ഷ​വും മോശ തന്റെ നിർമ്മ​ല​ത​യു​ടെ ഗതിയിൽ പ്രവേ​ശി​ക്കു​ന്ന​തി​നു മുമ്പു​മുള്ള വർഷങ്ങ​ളിൽ ഏതോ സമയത്ത്‌.

3. ഇയ്യോ​ബി​ന്റെ പുസ്‌തകം എഴുതി​യ​താർ, അവന്‌ വിവരങ്ങൾ കിട്ടുക സാദ്ധ്യ​മാ​യി​രു​ന്ന​തെ​ന്തു​കൊണ്ട്‌?

³ തെളി​വ​നു​സ​രിച്ച്‌ മോശ​യാണ്‌ ഇയ്യോ​ബി​ന്റെ പുസ്‌ത​ക​മെ​ഴു​തി​യത്‌. എന്നാൽ അവന്‌ ഇയ്യോ​ബി​ന്റെ പരി​ശോ​ധ​ന​യെ​ക്കു​റിച്ച്‌ എങ്ങനെ മനസ്സി​ലാ​ക്കാൻ കഴിയു​മാ​യി​രു​ന്നു? കൊള്ളാം, പൊതു​യു​ഗ​ത്തി​നു മുൻപ്‌ 1553-ൽ ഈജി​പ്‌ററു വിട്ടു​പോ​കാൻ മോശ നിർബ്ബ​ന്ധി​ത​നായ ശേഷം അവൻ ഊസ്‌ ദേശത്തു​നിന്ന്‌ വിദൂ​ര​ത്തി​ല​ല്ലാത്ത മിദ്യാ​നിൽ പാർപ്പു​റ​പ്പി​ച്ചു. (പുറപ്പാട്‌ 2:15-25; പ്രവൃ​ത്തി​കൾ 7:23-30) ആ സമയത്ത്‌ ഇയ്യോബ്‌ യഹോ​വ​യു​ടെ അനു​ഗ്ര​ഹ​ത്താൽ ലഭിച്ച ഒടുവി​ലത്തെ 140 വർഷത്തെ ആയുസ്സി​ലൂ​ടെ ജീവി​ക്കു​ക​യാ​യി​രു​ന്നു. (ഇയ്യോബ്‌ 42:16) പിന്നീട്‌ യിസ്രാ​യേ​ല്യർ തങ്ങളുടെ മരുഭൂ​മി​യാ​ത്ര​യു​ടെ അവസാ​ന​ത്തോ​ട​ടുത്ത്‌ ഊസിനു സമീപ​ത്താ​യി​രു​ന്ന​പ്പോൾ മോശക്ക്‌ ഇയ്യോ​ബി​ന്റെ അവസാന ജീവി​ത​വർഷ​ങ്ങ​ളെ​യും മരണ​ത്തെ​യും​കു​റിച്ച്‌ കേൾക്കാൻ കഴിയു​മാ​യി​രു​ന്നു.

ഇയ്യോ​ബി​ന്റെ പരിമി​ത​മായ അറിവ്‌

4. (എ) തെളി​വ​നു​സ​രിച്ച്‌ യഹോ​വ​യെ​ക്കു​റി​ച്ചുള്ള ഇയ്യോ​ബി​ന്റെ അറിവി​ന്റെ ഉറവ്‌ എന്തായി​രു​ന്നു, അവൻ നിസ്സം​ശ​യ​മാ​യി അബ്രാ​ഹാ​മി​ന്റെ​യും യിസ്‌ഹാ​ക്കി​ന്റെ​യും സന്തതി​ക​ളു​മാ​യി സമ്പർക്ക​ത്തി​ലി​രി​ക്കു​മാ​യി​രു​ന്ന​തെ​ന്തു​കൊണ്ട്‌? (ബി) ഇയ്യോബ്‌ മുന്തിയ നിർമ്മ​ല​ത​യുള്ള ഒരു മനുഷ്യ​നാ​യി​ത്തീർന്ന​തെ​ങ്ങനെ?

⁴ ഇയ്യോബ്‌ പരി​ശോ​ധി​ക്ക​പ്പെ​ട്ട​പ്പോൾ ദൈവ​ത്തെ​യും അവന്റെ ഉദ്ദേശ്യ​ങ്ങ​ളെ​യും സംബന്ധിച്ച അവന്റെ അറിവ്‌ പരിമി​ത​മാ​യി​രു​ന്നു, കാരണം അന്നുവരെ ബൈബി​ളി​ന്റെ യാതൊ​രു ഭാഗവും എഴുത​പ്പെ​ട്ടി​രു​ന്നില്ല. എന്നുവ​രി​കി​ലും, ഇയ്യോബ്‌ അബ്രാ​ഹ​മി​നോ​ടും യിസഹാ​ക്കി​നോ​ടും യാക്കേ​ബി​നോ​ടും യോ​സേ​ഫി​നോ​ടു​മുള്ള യഹോ​വ​യു​ടെ ഇടപെ​ട​ലു​ക​ളെ​ക്കു​റിച്ച്‌ ചില​തൊ​ക്കെ അറിഞ്ഞി​രി​ക്കും. കാരണം ഇയ്യോബ്‌ തെളി​വ​നു​സ​രിച്ച്‌ അബ്രഹാ​മി​ന്റെ സഹോ​ദ​ര​നാ​യി​രുന്ന നാഹോ​രി​ന്റെ ആദ്യജാ​ത​പു​ത്ര​നായ ഊസി​ലൂ​ടെ​യുള്ള നാഹോ​രി​ന്റെ ഒരു സന്തതി​യാ​യി​രു​ന്നു. കൂടാതെ, ഊസിന്റെ സഹോ​ദരൻ ബഥൂവേൽ ആയിരു​ന്നു. അവൻ യിസ്‌ഹാ​ക്കി​ന്റെ ഭാര്യ​യായ റിബേ​ക്ക​യു​ടെ പിതാ​വും യോ​സേ​പ്പി​ന്റെ പ്രപി​താ​മ​ഹ​നും ആയിരു​ന്നു. (ഉല്‌പത്തി 22:20-23) ഇയ്യോബ്‌ അബ്രാ​ഹാ​മി​നോ​ടും അവന്റെ സന്തതി​ക​ളോ​ടു​മുള്ള യഹോ​വ​യു​ടെ വചനങ്ങൾ സംബന്ധി​ച്ചുള്ള ഏത്‌ അറിവി​നെ​യും വിലമ​തി​ക്കാ​നി​ട​യാ​യെ​ന്നു​ള്ള​തി​നു സംശയ​മില്ല. യഹോ​വയെ പ്രസാ​ദി​പ്പി​ക്കാൻ അവൻ ആകാം​ഷ​യു​ള്ള​വ​നാ​യി​രു​ന്നു. അങ്ങനെ ഇയ്യോബ്‌ മുന്തിയ നിർമ്മ​ല​ത​യുള്ള ഒരു മനുഷ്യൻ, നിഷ്‌ക്ക​ള​ങ്ക​നും യഹോ​വക്ക്‌ സമ്പൂർണ്ണ​മാ​യി സമർപ്പി​ത​നു​മാ​യി​രുന്ന ഒരു മനുഷ്യൻ, ആയിത്തീർന്നു.

5. വിശേ​ഷിച്ച്‌ ഇയ്യോ​ബി​ന്റെ നിർമ്മ​ല​തയെ വളരെ ശ്രദ്ധേ​യ​മാ​ക്കു​ന്ന​തെന്ത്‌?

⁵ ഈജി​പ്‌റ​റിൽ വച്ചുള്ള യോ​സേ​ഫി​ന്റെ മരണ​ശേഷം താമസി​യാ​തെ, ഇയ്യോ​ബി​ന്റെ നിർമ്മലത അദൃശ്യ​സ്വർഗ്ഗ​ങ്ങ​ളിൽ യഹോ​വ​യാം ദൈവ​വും സാത്താ​നും തമ്മിലുള്ള ഒരു സംവാ​ദ​വി​ഷ​യ​മാ​യി. എന്നിരു​ന്നാ​ലും ഇയ്യോബ്‌ തന്റെ നിർമ്മ​ല​തെയെ കേന്ദ്രീ​ക​രി​ച്ചുള്ള ഈ വിവാ​ദ​ത്തെ​ക്കു​റിച്ച്‌ അറിഞ്ഞി​രു​ന്നില്ല. താൻ കഷ്ടതയ​നു​ഭ​വി​ക്കു​ന്ന​തി​ന്റെ കാരണം സംബന്ധിച്ച അവന്റെ അജ്ഞതയാണ്‌ വിശേ​ഷാൽ അവന്റെ അഭഞ്‌ജ​മായ നിർമ്മ​ല​തയെ വളരെ ശ്രദ്ധേ​യ​മാ​ക്കു​ന്നത്‌. ഏതായാ​ലും, പിന്നീ​ടുള്ള ദൈവ​ദാ​സൻമാ​രു​ടെ​യെ​ല്ലാം പ്രയോ​ജ​ന​ത്തി​നു​വേണ്ടി, ഇയ്യോ​ബി​ന്റെ നിർമ്മ​ല​ത​യെ​ക്കു​റി​ച്ചുള്ള സംവാ​ദ​ത്തി​ന്റെ വിശദാം​ശങ്ങൾ യഹോവ മോശ​യെ​ക്കൊണ്ട്‌ രേഖ​പ്പെ​ടു​ത്തി​ച്ചു.

ഇയ്യോ​ബി​ന്റെ നിർമ്മ​ല​ത​യു​ടെ വിവാ​ദ​പ്ര​ശ്‌നം

6. (എ) സ്വർഗ്ഗ​ത്തി​ലെ ഒരു സമ്മേളനം ദൈവ​വും സാത്താ​നും തമ്മിൽ നിലവി​ലി​രുന്ന ഒരു വിവാ​ദ​പ്ര​ശ്‌നത്തെ വെളി​പ്പെ​ടു​ത്തി​യ​തെ​ങ്ങനെ? (ബി) ഈ വിവാ​ദ​പ്ര​ശ്‌നം ഉദ്‌ഭ​വി​ച്ച​തെ​പ്പോൾ, അതിൽ എന്ത്‌ ഉൾപ്പെ​ട്ടി​രു​ന്നു?

⁶ ഇയ്യോ​ബി​ന്റെ പുസ്‌തകം അദൃശ്യ​ത​യു​ടെ മറ മാററു​ന്നു. നമുക്ക്‌ സ്വർഗ്ഗ​ത്തിൽ യഹോ​വ​യാം ദൈവ​ത്തി​ന്റെ മുമ്പാകെ നടന്ന ദൂതൻമാ​രു​ടെ ഒരു യോഗ​ത്തി​ന്റെ വീക്ഷണം നൽക​പ്പെ​ട്ടി​രി​ക്കു​ന്നു. സാത്താ​നും അതിന്‌ ഹാജരാ​യി. “നിഷ്‌ക്ക​ള​ങ്ക​നും നേരു​ള്ള​വ​നും ദൈവത്തെ ഭയപ്പെ​ടു​ന്ന​വ​നും വഷളത്തം വിട്ടു​മാ​റു​ന്ന​വ​നു​മായ (ഇയ്യോ​ബി​നെ)പ്പോലെ ഭൂമി​യിൽ ആരുമില്ല” എന്ന്‌ യഹോവ അവിടെ സാത്താനെ ഓർമ്മി​പ്പി​ക്കു​ന്നു. (ഇയ്യോബ്‌ 1:8) ഇയ്യോ​ബി​ന്റെ നിർമ്മലത സംബന്ധിച്ച ഒരു വിവാദം നിലവി​ലു​ണ്ടെന്നു വ്യക്തമാണ്‌. എന്നാൽ അത്‌ പുതിയ ഒന്നല്ല. സാത്താൻ ആദാമി​നെ​യും ഹവ്വാ​യെ​യും ദൈവ​ത്തിൽനിന്ന്‌ അകററു​ക​യും ഫലത്തിൽ ‘എനിക്ക്‌ ഒരു അവസരം തരിക, നിന്നെ സേവി​ക്കു​ന്ന​തിൽനിന്ന്‌ എനിക്ക്‌ ഏതൊ​രു​വ​നെ​യും അകററാൻ കഴിയും’ എന്ന്‌ പറയു​ക​യും ചെയ്‌ത​പ്പോൾ വിവാ​ദ​പ്ര​ശ്‌നം സൂചി​പ്പി​ക്ക​പ്പെട്ടു.—ഉല്‌പത്തി 3:1-6.

7. ഇയ്യോ​ബി​ന്റെ നിർമ്മ​ല​തക്ക്‌ കാരണ​മാ​യി എന്തു സൂചനകൾ നൽകാൻ സാത്താന്‌ കടപ്പാ​ടു​ണ്ടാ​യി, പിശാച്‌ ദൈവത്തെ എങ്ങനെ വെല്ലു​വി​ളി​ച്ചു?

⁷ ഇപ്പോൾ, സ്വർഗ്ഗ​ത്തി​ലെ ഈ ഔദ്യോ​ഗിക യോഗ​സ​മ​യത്ത്‌ ഇയ്യോ​ബി​ന്റെ നിർമ്മ​ല​ത​യു​ടെ അടിസ്ഥാ​നം സംബന്ധിച്ച തന്റെ സൂചനകൾ സമർപ്പി​ക്കാൻ സാത്താന്‌ കടപ്പാ​ടു​ണ്ടാ​കു​ന്നു. “ഇയ്യോബ്‌ വെറു​തെ​യാ​ണോ ദൈവത്തെ ഭയപ്പെ​ട്ടി​രി​ക്കു​ന്നത്‌?” എന്ന്‌ അവൻ ചോദി​ക്കു​ന്നു “അവനു​ചു​റ​റും അവന്റെ ഭവനത്തി​നു​ചു​റ​റും ചുററു​പാ​ടും അവനുള്ള സകലത്തി​നും ചുററും നീ തന്നെ ഒരു വേലി കെട്ടി​യി​ട്ടി​ല്ല​യോ?” . . . എന്നാൽ ഒരു മാററ​ത്തി​നാ​യി, നിന്റെ കൈ നീട്ടു​ക​യും അവനുള്ള സകലത്തിൻമേ​ലും തൊടു​ക​യും നിന്റെ മുഖത്തു​തന്നെ നോക്കി നിന്നെ അവൻ ശപിക്ക​യി​ല്ല​യോ എന്ന്‌ കാണു​ക​യും ചെയ്യുക” എന്നു സാത്താൻ വെല്ലു​വി​ളി​ക്കു​ന്നു.—ഇയ്യോബ്‌ 1:9-11.

8. (എ) യഹോവ സാത്താന്റെ വെല്ലു​വി​ളി​യോട്‌ പ്രതി​ക​രി​ച്ച​തെ​ങ്ങനെ? (ബി) സാത്താൻ ഇയ്യോ​ബി​നിട്ട്‌ ഏതു ഭയങ്കര പ്രഹര​ങ്ങ​ളേൽപ്പി​ച്ചു?

⁸ യഹോവ സാത്താന്റെ വെല്ലു​വി​ളി സ്വീക​രി​ക്കു​ന്നു. അവൻ ഇയ്യോ​ബി​ന്റെ നിർമ്മ​ല​ത​യിൽ പൂർണ്ണ​മാ​യി വിശ്വ​സി​ച്ചു​കൊണ്ട്‌ സാത്താന്‌ ഉത്തരം കൊടു​ക്കു​ന്നു: “നോക്കൂ! അവനുള്ള സകലവും നിന്റെ കൈയി​ലാണ്‌. അവനു​തന്നെ എതിരാ​യി മാത്രം നിന്റെ കൈ നീട്ടരുത്‌!” (ഇയ്യോബ്‌ 1:12) സാത്താൻ പെട്ടെന്ന്‌ ഇയ്യോ​ബി​നെ​തി​രെ പ്രഹരി​ക്കു​ന്നു. ആക്രമണം നടത്തിയ ശെബായർ ഇയ്യോ​ബി​ന്റെ 1000 കാളക​ളെ​യും 500 പെൺക​ഴു​ത​ക​ളെ​യും പിടി​ച്ചു​കൊ​ണ്ടു​പോ​കു​ക​യും ഒരാൾ ഒഴിച്ച്‌ സകല വേലക്കാ​രെ​യും കൊല്ലു​ക​യും ചെയ്യുന്നു. അടുത്ത​താ​യി, സാത്താൻ ഇയ്യോ​ബി​ന്റെ 7000 ചെമ്മരി​യാ​ടു​കളെ അവയുടെ ഇടയൻമാർ സഹിതം ദഹിപ്പി​ക്കു​ന്ന​തിന്‌ ആകാശ​ത്തു​നിന്ന്‌ ഒരു തീ അയക്കുന്നു. ഇടയൻമാ​രിൽ ഒരാളെ മാത്രം ഒഴിവാ​ക്കു​ന്നു. പിന്നീടു സാത്താൻ കൽദാ​യ​രു​ടെ മൂന്നു സംഘങ്ങൾ ഇയ്യോ​ബി​ന്റെ 3000 ഒട്ടകങ്ങളെ പിടി​ച്ചു​കൊ​ണ്ടു​പോ​കാ​നി​ട​യാ​ക്കു​ക​യും വേലക്കാ​രിൽ ഒരാ​ളൊ​ഴിച്ച്‌ എല്ലാവ​രെ​യും കൊല്ലു​ക​യും ചെയ്യുന്നു. ഒടുവിൽ, സാത്താൻ ഒരു വലിയ കാററ്‌ അയക്കുന്നു, അത്‌ ഇയ്യോ​ബി​ന്റെ പത്തു മക്കൾ വിരു​ന്നു​ക​ഴി​ച്ചു​കൊ​ണ്ടി​രി​ക്കുന്ന വീടിൻമേൽ അടിക്കു​ന്നു, അവരെ​ല്ലാം മരണമ​ട​യു​ന്നു. പിന്നീട്‌, ഈ വിപത്തു​കളെ അതിജീ​വി​ച്ചവർ ഓരോ​രു​ത്ത​രാ​യി പെട്ടെന്ന്‌ വന്ന്‌ ഈ ഭയങ്കര​വാർത്തകൾ ഇയ്യോ​ബി​നെ അറിയി​ക്കു​ന്നു.—ഇയ്യോബ്‌1:13-19.

9. ഇയ്യോ​ബി​ന്റെ അനർത്ഥങ്ങൾ സഹിക്കുക വിശേ​ഷാൽ പ്രയാ​സ​ക​ര​മാ​ക്കി​ത്തീർത്ത​തെന്ത്‌, എന്നിട്ടും അവയോ​ടുള്ള ഇയ്യോ​ബി​ന്റെ പ്രതി​ക​രണം എന്തായി​രു​ന്നു?

⁹ എന്തെന്തു വിപത്തു​കൾ! അവ വരുത്തി​യത്‌ ആരെന്ന്‌ ഇയ്യോബ്‌ അറിഞ്ഞി​രു​ന്നാൽതന്നെ അവ സഹിക്കാൻ പ്രയാ​സ​മാ​യി​രു​ന്നു. എന്നാൽ അവൻ അറിഞ്ഞി​രു​ന്നില്ല. താൻ സ്വർഗ്ഗ​ത്തി​ലെ ഒരു സംവാ​ദ​വി​ഷ​യ​മാ​ണെ​ന്നും സാത്താൻ വരുത്തി​യേ​ക്കാ​വുന്ന സകല അന്യാ​യ​മായ കഷ്ടപ്പാ​ടു​ക​ളും ഗണ്യമാ​ക്കാ​തെ നിർമ്മലത മുറു​കെ​പ്പി​ടി​ക്കുന്ന ആളുകൾ ഉണ്ടെന്ന്‌ പ്രകട​മാ​ക്കാൻ തന്നെ യഹോവ ഉപയോ​ഗി​ക്കു​ക​യാ​ണെ​ന്നും അവൻ അറിഞ്ഞി​രു​ന്നില്ല. എന്നിട്ടും, ദുഃഖി​ത​നാ​യി ഏതോ പ്രകാ​ര​ത്തിൽ തന്റെ നഷ്ടങ്ങൾക്ക്‌ ദൈവം ഉത്തരവാ​ദി​യാ​ണെന്ന്‌ വിചാ​രി​ച്ചു​കൊ​ണ്ടു​പോ​ലും ഇയ്യോബ്‌ ഇങ്ങനെ പറഞ്ഞു: “യഹോ​വ​തന്നെ തന്നിരി​ക്കു​ന്നു, യഹോ​വ​തന്നെ എടുത്തി​രി​ക്കു​ന്നു. യഹോ​വ​യു​ടെ നാമം തുടർന്ന്‌ വാഴ്‌ത്ത​പ്പെ​ടട്ടെ.” അതെ, “ഇതി​ലൊ​ന്നും ഇയ്യോബ്‌ പാപം ചെയ്യു​ക​യോ ദൈവ​ത്തിൻമേൽ എന്തെങ്കി​ലും അനൗചി​ത്യം ആരോ​പി​ക്കു​ക​യോ ചെയ്‌തില്ല.”—ഇയ്യോബ്‌ 1:20-22.

10. (എ) ഇയ്യോ​ബി​നെ​സം​ബ​ന്ധിച്ച്‌ സാത്താൻ കൂടു​ത​ലാ​യി എന്തിന്‌ അനുവാ​ദം ചോദി​ച്ചു, ഇത്‌ അനുവ​ദി​ക്കാൻ യഹോവ സന്നദ്ധനാ​യി​രു​ന്ന​തെ​ന്തു​കൊണ്ട്‌? (ബി) ഇയ്യോബ്‌ എത്തി​ച്ചേർന്ന ദുരി​ത​പൂർണ്ണ​മായ അവസ്ഥയു​ടെ പരിണ​ത​ഫ​ലങ്ങൾ ഏവയാ​യി​രു​ന്നു?

¹⁰ ദൂതൻമാ​രു​ടെ മറെറാ​രു യോഗ​ത്തിൽ “എന്നിട്ടും അവൻ തന്റെ നിർമ്മലത മുറുകെ പിടി​ക്കു​ന്നു” എന്ന്‌ യഹോവ ഇയ്യോ​ബി​നെ സംബന്ധിച്ച്‌ സാത്താനെ ഓർമ്മ​പ്പെ​ടു​ത്തി​യത്‌ അവന്‌ എത്ര അപമാ​ന​ക​ര​മാ​യി​രു​ന്നു! എന്നാൽ സാത്താൻ പിൻമാ​റു​ന്നില്ല. ഇയ്യോ​ബി​നെ ശാരീ​രി​ക​മാ​യി പ്രഹരി​ക്കാ​നുള്ള അവസരം കൊടു​ക്ക​പ്പെ​ട്ടാൽ അവൻ മുഖത്തു​നോ​ക്കി ദൈവത്തെ ശപിക്കു​മെന്ന്‌ സാത്താൻ ഇപ്പോൾ വെല്ലു​വി​ളി​ക്കു​ന്നു. ഇത്ര​ത്തോ​ളം​പോ​ലും ഇയ്യോ​ബി​ന്റെ നിർമ്മ​ല​തയെ വിശ്വ​സി​ച്ചു​കൊണ്ട്‌ യഹോവ അനുവാ​ദം കൊടു​ക്കു​ന്നു. ഇയ്യോ​ബി​ന്റെ ജീവൻ എടുക്ക​രു​തെന്നു മാത്രം സാത്താനു മുന്നറി​യി​പ്പു കൊടു​ക്കു​ന്നു. സാത്താൻ ‘ഇയ്യോ​ബി​ന്റെ ഉള്ളങ്കാൽ മുതൽ നെറു​ക​വരെ മാരക​മായ പരുക്ക​ളാൽ ബാധി​ക്കു​ന്നു! (ഇയ്യോബ്‌ 2:1-8) ഇയ്യോബ്‌ അറയ്‌ക്ക​ത്ത​ക്ക​വി​ധം ദുരി​ത​പൂർണ്ണ​മായ ഒരു അവസ്ഥയി​ലാ​യി​ത്തീർന്ന​തു​കൊണ്ട്‌ അവന്റെ ബന്ധുക്ക​ളും സ്‌നേ​ഹി​ത​രും അകന്നു​മാ​റു​ന്നു. മുൻപ​രി​ച​യ​ക്കാർ അവനെ പരിഹ​സി​ക്കു​ന്നു. ഇയ്യോബ്‌ 12:4, 17:6; 19:13-19; 30:1, 10-12.

11. ഇയ്യോബ്‌ കൂടു​ത​ലായ ഏതു പ്രഹരം സഹിക്ക​ണ​മാ​യി​രു​ന്നു, ഈ ഉപദ്ര​വ​ങ്ങ​ളെ​ല്ലാം ഗണ്യമാ​ക്കാ​തെ അവൻ നിർമ്മലത പാലി​ച്ചത്‌ ശ്രദ്ധേ​യ​മാ​ക്കി​ത്തീർത്ത​തെന്ത്‌?

¹¹ മറെറാ​രു പ്രഹരം​കൂ​ടെ! ഇയ്യോ​ബി​ന്റെ ഭാര്യ​യു​ടെ വിശ്വാ​സം തളരുന്നു! “നീ ഇപ്പോ​ഴും നിന്റെ നിർമ്മലത മുറു​കെ​പ്പി​ടി​ക്കു​ക​യാ​ണോ? ദൈവത്തെ ശപിച്ചിട്ട്‌ മരിക്കുക!” എന്ന്‌ അവൾ അവനോ​ടു പറയുന്നു. “ബോധ​മി​ല്ലാത്ത സ്‌ത്രീ​ക​ളി​ലൊ​രാൾ സംസാ​രി​ക്കു​ന്ന​തു​പോ​ലെ നീയും സംസാ​രി​ക്കു​ന്നു. സത്യ​ദൈ​വ​ത്തിൽനിന്ന്‌ നാം നൻമ മാത്രം സ്വീക​രി​ക്കു​ക​യും തിൻമ സ്വീക​രി​ക്കാ​തി​രി​ക്കു​ക​യും ചെയ്യു​ക​യോ?” എന്ന്‌ അവൻ അവളോ​ടു പറയുന്നു. “ഇതി​ലൊ​ന്നും ഇയ്യോബ്‌ തന്റെ അധരങ്ങ​ളാൽ പാപം ചെയ്‌തില്ല” എന്ന്‌ വിവരണം പറയുന്നു. (ഇയ്യോബ്‌ 2:9, 10) തന്റെ കഷ്ടപ്പാ​ടി​ന്റെ കാരണം ഇയ്യോ​ബിൽനിന്ന്‌ മറക്ക​പ്പെ​ട്ടി​രു​ന്നു​വെന്ന്‌ ഓർക്കു​മ്പോൾ അവന്റെ നിർമ്മലത യഥാർത്ഥ​ത്തിൽ എത്ര ശ്രദ്ധേ​യ​മാണ്‌!

ആക്രമ​ണ​ത്തി​ന്റെ മറെറാ​രു രൂപം

12. (എ) ഇയ്യോ​ബി​നെ ആശ്വസി​പ്പി​ക്കാൻ വന്ന പുരു​ഷൻമാർ ആരായി​രു​ന്നു? (ബി) സാത്താൻ ഇയ്യോ​ബി​നെ കൂടു​ത​ലാ​യി പരി​ശോ​ധി​ക്കാൻ ഈ പുരു​ഷൻമാ​രെ ഉപയോ​ഗി​ച്ച​തെ​ങ്ങനെ?

¹² എന്നാൽ സാത്താൻ നിർത്തി​യില്ല. അവൻ ജ്ഞാനി​ക​ളെന്നു ഭാവിച്ച മൂന്നു പുരു​ഷൻമാ​രെ എഴു​ന്നേൽപ്പി​ക്കു​ന്നു. അവർ ഒന്നുകിൽ ഇയ്യോ​ബി​നെ അറിയു​ന്ന​വ​രാ​യി​രു​ന്നു, അല്ലെങ്കിൽ “സകല പൗരസ്‌ത്യ​രി​ലും വച്ച്‌ ഏററവും വലിയവൻ” എന്ന അവന്റെ കീർത്തി കേട്ടി​രു​ന്നവർ ആയിരു​ന്നു. തെളി​വ​നു​സ​രിച്ച്‌ അവർ ഇയ്യോ​ബി​നെ​ക്കാൾ ഗണ്യമാ​യി പ്രായ​ക്കൂ​ടു​തൽ ഉള്ളവരാ​യി​രു​ന്നു. (ഇയ്യോബ്‌ 1:3; 15:10; 32:6) അവരിൽ രണ്ടുപേർ അകന്ന ബന്ധുക്കൾ ആയിരു​ന്നു. തേമാ​ന്യ​നായ എലീഫസ്‌ ഏശാവി​ന്റെ പൗത്ര​നായ തേമാ​നിൽകൂ​ടെ​യുള്ള അബ്രാ​ഹാ​മി​ന്റെ ഒരു സന്തതി​യാ​യി​രു​ന്നു. ശൂഹ്യ​നായ ബിൽദാദ്‌ അബ്രാ​ഹാ​മി​ന്റെ പുത്ര​നായ ശൂവയു​ടെ ഒരു സന്തതി​യാ​യി​രു​ന്നു. (ഇയ്യോബ്‌ 2:11; ഉല്‌പത്തി 36:15; 25:2) സോഫ​റി​ന്റെ വംശോ​ല്‌പത്തി അനിശ്ചി​ത​മാണ്‌. ബാഹ്യ​മാ​യി പ്രകട​മായ പ്രകാരം ഈ മൂന്നു​പേ​രും ഇയ്യോ​ബി​നെ ആശ്വസി​പ്പി​ക്കാ​നാണ്‌ വരുന്നത്‌, എന്നാൽ യഥാർത്ഥ​ത്തിൽ ഇയ്യോ​ബി​ന്റെ നിർമ്മ​ല​തയെ തകർക്കാ​നുള്ള ഒരു ശ്രമത്തിൽ സാത്താൻ അവരെ ഉപയോ​ഗി​ക്കു​ന്നു. സുഹൃ​ത്തു​ക്ക​ളാ​യി ഭാവി​ക്കുന്ന രാഷ്‌ട്രീ​യ​ചോ​ദ്യ​കർത്താ​ക്കൾ തടവു​കാ​രു​ടെ കൂറിന്‌ തുരങ്കം വയ്‌ക്കു​ക​യും അവരെ സ്വന്തം ഗവൺമെൻറു​കൾക്കെ​തി​രെ തിരി​ക്കു​ക​യും ചെയ്‌തി​ട്ടു​ള്ള​തു​പോ​ലെ, ഈ “ആശ്വാ​സ​കൻമാർ” ഇയ്യോ​ബി​നെ ദൈവ​ത്തി​നെ​തി​രാ​യി തിരി​ക്കു​മെന്ന്‌ സാത്താൻ പ്രത്യാ​ശി​ച്ചു.—ഇയ്യോബ്‌ 16:2, 3.

13. (എ) ഇയ്യോ​ബി​ന്റെ സന്ദർശകർ വന്നപ്പോൾ അവർ എന്തു ചെയ്‌തു.? (ബി) സംസാരം തുടങ്ങി​യ​പ്പോൾ അത്‌ ഏതു ഗതിയി​ലാ​യി?

¹³ ഈ മൂന്നു സന്ദർശകർ വന്ന്‌ ഇയ്യോ​ബി​ന്റെ കഠോ​ര​മായ വേദന​യും അങ്ങേയ​റ​റത്തെ അപമാ​ന​വും നിശബ്ദ​മാ​യി നിരീ​ക്ഷി​ച്ചു​കൊണ്ട്‌ ഏഴുപ​ക​ലും ഏഴുരാ​ത്രി​യും ചെലവ​ഴി​ക്കു​ന്നു. (ഇയ്യോബ്‌ 2:12, 13) തെളി​വ​നു​സ​രിച്ച്‌ ഏററവും മൂത്ത എലീഫസ്‌ ഒടുവിൽ സംസാ​ര​ത്തി​നു നേതൃ​ത്വം വഹിക്കു​ക​യും മൂന്നു​വ​ട്ടത്തെ വാദ​പ്ര​തി​വാ​ദ​മാ​യി പരിണ​മി​ച്ച​തി​ന്റെ വികാ​ര​വും വിഷയ​വും അവതരി​പ്പി​ക്കു​ക​യും ചെയ്യുന്നു. എലീഫ​സി​ന്റെ​യും തുടർന്ന്‌ അവന്റെ കൂട്ടാ​ളി​ക​ളു​ടെ​യും സംസാരം ഏറെയും ആരോ​പ​ണ​ങ്ങ​ളാ​യി​രു​ന്നു. അവന്റെ കുററാ​രോ​പ​ക​രിൽ ഓരോ​രു​ത്ത​രും സംസാ​രി​ച്ചു​ക​ഴി​യു​മ്പോൾ, ക്രമത്തിൽ ഇയ്യോബ്‌ അവരുടെ വാദങ്ങളെ ഖണ്ഡിച്ചു​കൊണ്ട്‌ ഉത്തരം പറയുന്നു. സോഫർ മൂന്നാം വട്ടം വാദ​പ്ര​തി​വാ​ദ​ത്തിൽ പങ്കെടു​ക്കു​ന്നില്ല, വ്യക്തമാ​യും തനിക്ക്‌ കൂടു​ത​ലൊ​ന്നും പറയാ​നി​ല്ലെന്ന്‌ വിചാ​രി​ക്കു​ന്നു. അങ്ങനെ സോഫർ രണ്ട്‌ പ്രഭാ​ഷ​ണങ്ങൾ മാത്രമേ നടത്തു​ന്നു​ള്ളൂ. അതേ സമയം എലീഫ​സും ബിൽദാ​ദും മൂന്നു​വീ​തം നടത്തുന്നു.

14. മൂന്നു​പേ​രും ഇയ്യോ​ബി​നെ​തി​രെ ഏതുതരം വാദങ്ങൾ ഉപയോ​ഗി​ച്ചു, സാത്താൻ യേശു​വി​നെ​തി​രെ സമാന​മായ ഒരു നയം പ്രയോ​ഗി​ച്ച​തെ​ങ്ങനെ?

¹⁴ എലീഫ​സി​ന്റെ പ്രഭാ​ഷ​ണങ്ങൾ ദൈർഘ്യ​മേ​റി​യ​വ​യും ഭാഷ ഏറെക്കു​റെ സൗമ്യ​വു​മാണ്‌. ബിൽദാ​ദി​ന്റെ ഭാഷ കൂടുതൽ മുറി​പ്പെ​ടു​ത്തു​ന്ന​താണ്‌, സോഫ​റി​ന്റേത്‌ അതിലും മുറി​പ്പെ​ടു​ത്തു​ന്ന​താണ്‌. അവരുടെ വാദങ്ങൾ ഇയ്യോ​ബി​ന്റെ നിർമ്മ​ല​തയെ തകർക്കു​ക​യെന്ന സാത്താന്റെ ഉദ്ദേശ്യം സാധി​ക്കാൻ തന്ത്രപൂർവ്വം ലക്ഷ്യം വെച്ചി​ട്ടു​ള്ള​വ​യാ​യി​രു​ന്നു. അവർ മിക്ക​പ്പോ​ഴും യഥാർത്ഥ വസ്‌തു​ത​ക​ളാണ്‌ സമർപ്പി​ക്കു​ന്നത്‌, എന്നാൽ അവയുടെ രംഗവി​ധാ​ന​വും പ്രയു​ക്ത​ത​യും തെററാണ്‌. സാത്താൻ യേശു​വി​നെ​തി​രാ​യി ഇതേ നയമാണ്‌ ഉപയോ​ഗി​ച്ചത്‌. ദൈവ​ദൂ​തൻ ദൈവ​ദാ​സനെ ഉപദ്ര​വ​ത്തിൽനി​ന്നും രക്ഷിക്കു​മെന്നു പറയുന്ന ഒരു തിരു​വെ​ഴു​ത്തു ഉദ്ധരി​ച്ചു​കൊണ്ട്‌ ദൈവാ​ല​യ​ത്തി​ന്റെ മുകളിൽനിന്ന്‌ ചാടി താൻ ദൈവ​പു​ത്ര​നാ​ണെന്നു തെളി​യി​ക്കാൻ സാത്താൻ യേശു​വി​നെ ക്ഷണിച്ചു. (മത്തായി 4:5-7; സങ്കീർത്തനം 91:11, 12) ഇയ്യോബ്‌ ദീർഘ​മാ​യി സമാന​മായ സാത്താന്യ ന്യായ​വാ​ദത്തെ അഭിമു​ഖീ​ക​രി​ച്ചു.

15. ഇയ്യോ​ബി​ന്റെ ഉപദ്ര​വ​ങ്ങ​ളു​ടെ ഉറവ്‌ എന്താ​ണെന്ന്‌ എലീഫസ്‌ വാദിച്ചു?

¹⁵ തന്റെ ആദ്യ പ്രസം​ഗ​ത്തിൽ ഇയ്യോ​ബി​ന്റെ ഉപദ്ര​വങ്ങൾ അവന്റെ പാപങ്ങൾക്കുള്ള ദൈവ​ശി​ക്ഷ​യാ​ണെന്ന്‌ എലീഫസ്‌ വാദി​ക്കു​ന്നു: “നിർദ്ദോ​ഷി​യായ ആരെങ്കി​ലും എന്നെങ്കി​ലും നശിച്ചി​ട്ടു​ണ്ടോ?” എന്ന്‌ അവൻ ചോദി​ക്കു​ന്നു. “ഞാൻ കണ്ടിരി​ക്കു​ന്ന​ത​നു​സ​രിച്ച്‌ ദ്രോഹം നിരൂ​പി​ക്കു​ന്ന​വ​രും കുഴപ്പം വിതയ്‌ക്കു​ന്ന​വ​രും​തന്നെ അതു കൊയ്യു​ന്നു.” (ഇയ്യോബ്‌ 4:7, 8) ദൈവം തന്റെ ദാസൻമാ​രെ വിശ്വ​സി​ക്കു​ന്നി​ല്ലെന്ന്‌ എലീഫസ്‌ തുടർന്ന്‌ അവകാ​ശ​പ്പെ​ടു​ന്നു. “തന്റെ ദാസൻമാ​രിൽ അവനു വിശ്വാ​സ​മില്ല, അവന്റെ [ദൂതൻമാ​രിൽ] അവൻ കുററങ്ങൾ ആരോ​പി​ക്കു​ന്നു. കളിമൺവീ​ടു​ക​ളിൽ പാർക്കു​ന്ന​വ​രിൽ എത്രയ​ധി​കം?” എന്ന്‌ എലീഫസ്‌ പറയുന്നു.—ഇയ്യോബ്‌ 4:18, 19.

16. ബിൽദാദ്‌ എലീഫ​സി​ന്റെ ആക്രമ​ണത്തെ പിന്തു​ടർന്ന​തെ​ങ്ങനെ, അവൻ ഏത്‌ അനുചി​ത​മായ ദൃഷ്ടാന്തം ഉപയോ​ഗി​ച്ചു?

¹⁶ ബിൽദാദ്‌ വാക്കു​കൾകൊ​ണ്ടുള്ള ആക്രമണം തുടരു​ന്നു. “നീ നിർമ്മ​ല​നും നേരു​ള്ള​വ​നു​മാ​ണെ​ങ്കിൽ, ഇപ്പോ​ഴേ​ക്കും [ദൈവം] നിനക്കു​വേണ്ടി ഉണരു​ക​യും അവൻ തീർച്ച​യാ​യും നിന്റെ നീതി​യുള്ള വാസസ്ഥ​ലത്തെ പുന:സ്ഥിതീ​ക​രി​ക്കു​ക​യും ചെയ്യും.” ഞാങ്ങണ​യും കളപ്പു​ല്ലും വെള്ളമി​ല്ലാ​തെ ഉണങ്ങു​ന്ന​താ​യി ബിൽദാദ്‌ ഗൗനി​ക്കു​ക​യും “ദൈവത്തെ മറക്കുന്ന എല്ലാവ​രും” അങ്ങനെ​യാ​കു​മെന്ന്‌ സത്യമാ​യി നിഗമനം ചെയ്യു​ക​യും ചെയ്യുന്നു. എന്നാൽ ഈ ദൃഷ്ടാന്തം ഇയ്യോ​ബിന്‌ ബാധക​മാ​ക്കു​ന്ന​തും “ഒരു വിശ്വാ​സ​ത്യാ​ഗി​യു​ടെ പ്രത്യാ​ശ​തന്നെ നശിക്കും” എന്ന്‌ കൂട്ടി​ച്ചേർക്കു​ന്ന​തും അവനെ സംബന്ധിച്ച്‌ എത്ര തെററാ​യി​രു​ന്നു!—ഇയ്യോബ്‌ 8:6, 11-13.

17. സോഫർ ഏതു ശക്തമായ പ്രസ്‌താ​വ​നകൾ ചെയ്‌തു?

¹⁷ സോഫ​റി​ന്റെ പ്രസ്‌താ​വ​നകൾ കൂടുതൽ ശക്തമാണ്‌. ‘ഹാ ദൈവം സംസാ​രി​ക്കു​ക​യും താൻ വിചാ​രി​ക്കു​ന്ന​തെ​ന്തെന്ന്‌ നിന്നോ​ടു പറയു​ക​യും ചെയ്‌തി​രു​ന്നെ​ങ്കിൽ!’ എന്ന്‌ അവൻ ഫലത്തിൽ പറയുന്നു. ‘നീ എന്തു ചെയ്‌തി​രി​ക്കു​ന്നു​വെന്ന്‌ ദൈവ​ത്തിന്‌ അറിയാം നീ അർഹി​ക്കു​ന്ന​തി​നെ​ക്കാൾ വളരെ കുറച്ചാണ്‌ ദൈവം നിന്നെ ശിക്ഷി​ക്കു​ന്നത്‌. നിന്റെ സകല പാപങ്ങ​ളെ​യും നീക്കം ചെയ്യു​ക​യും നിന്റെ സകല വഷളത്ത​ങ്ങ​ളെ​യും വിട്ടു​മാ​റു​ക​യും ചെയ്യുക, അപ്പോൾ നിനക്ക്‌ സുരക്ഷി​ത​ത്വ​വും അനേകം സുഹൃ​ത്തു​ക്ക​ളും ഉണ്ടായി​രി​ക്കും.’—ഇയ്യോബ്‌ 11:4-6, 14-20.

18. രണ്ടാം​വട്ടം വാദ​പ്ര​തി​വാ​ദ​ത്തിൽ മൂന്നു​പേ​രും ഇയ്യോ​ബിൻമേ​ലുള്ള തങ്ങളുടെ ആക്രമണം തുടർന്ന​തെ​ങ്ങനെ?

¹⁸ രണ്ടാം വട്ടം വാദ​പ്ര​തി​വാ​ദ​ത്തിൽ എലീഫസ്‌ ഇയ്യോ​ബി​ന്റെ നിർമ്മ​ല​ത​യു​ടെ​മേ​ലുള്ള ആക്രമണം തുടരു​ന്നു. ‘എന്തിന്‌, ദൈവം ദൂതൻമാ​രെ​പ്പോ​ലും വിശ്വ​സി​ക്കു​ന്നില്ല, നിന്നേ​പ്പോ​ലെ ഒരുവനെ എത്രകു​റച്ച്‌! ഒരു ദുഷ്ടൻ എല്ലായ്‌പ്പോ​ഴും കുഴപ്പ​ത്തി​ലാണ്‌’. (ഇയ്യോബ്‌ 15:14-16, 20) തങ്ങളുടെ വാദങ്ങ​ളോ​ടുള്ള ഇയ്യോ​ബി​ന്റെ ഉറച്ച ചെറു​ത്തു​നിൽപ്പിൽ കുപി​ത​നാ​യി ബിൽദാദ്‌ ഫലത്തിൽ ഇങ്ങനെ പറയുന്നു: ‘നിന്റെ വെളിച്ചം അണക്ക​പ്പെ​ടും. നിന്റെ അസ്‌തി​ത്വ​ത്തി​ന്റെ സകല സ്‌മര​ണ​യും നിലയ്‌ക്കും. ദൈവത്തെ മറക്കു​ന്ന​വർക്ക്‌ അതാണ്‌ സംഭവി​ക്കു​ന്നത്‌’ (ഇയ്യോബ്‌ 18:5, 12, 13, 17-21) ഇയ്യോ​ബി​ന്റെ മുൻ സമ്പൽസ​മൃ​ദ്ധി​യെ പരാമർശി​ച്ചു​കൊണ്ട്‌ സോഫർ ചോദി​ക്കു​ന്നു: ‘ദുഷ്ടൻമാ​രു​ടെ സന്തോ​ഷ​ക​ര​മായ ആർപ്പു​വി​ളി ഹ്രസ്വ​മാ​ണെ​ന്നും ഒരു വിശ്വാ​സ​ത്യാ​ഗി​യു​ടെ ആനന്ദിക്കൽ ക്ഷണനേ​ര​ത്തേ​ക്കാ​ണെ​ന്നും നിനക്ക്‌ അറിഞ്ഞു​കൂ​ടേ? സ്വർഗ്ഗം ദുഷ്ടൻമാ​രു​ടെ തെററു​കളെ മറനീ​ക്കി​കാ​ണി​ക്കു​ന്നു.’—ഇയ്യോബ്‌ 20:4, 5, 26-29)

19. (എ) എലീഫസ്‌ പറയു​ന്ന​ത​നു​സ​രി​ച്ചു ദൈവം മമനു​ഷ്യ​ന്റെ നിർമ്മ​ല​തക്ക്‌ എന്തു മൂല്യം കൽപ്പി​ക്കു​ന്നു? (ബി) ബിൽദാദ്‌ ഇയ്യോ​ബിൻമേ​ലുള്ള വാക്കു​ക​ളാ​ലുള്ള ആക്രമണം പൂർത്തി​യാ​ക്കി​യ​തെ​ങ്ങനെ?

¹⁹ മൂന്നാം വട്ടം വാദ​പ്ര​തി​വാ​ദം തുടങ്ങി​ക്കൊണ്ട്‌ എലീഫസ്‌ ചോദി​ക്കു​ന്നു: ‘ദൈവ​ത്തിന്‌ ഏതെങ്കി​ലും മനുഷ്യർ വിലയു​ള്ള​വ​നാ​യി​രി​ക്കാൻ കഴിയു​മോ? നീ നിഷ്‌ക്ക​ള​ങ്ക​നാ​യാ​ലും ദൈവ​ത്തിന്‌ അതു​കൊണ്ട്‌ പ്രയോ​ജനം കിട്ടു​മോ? ദൈവ​ത്തി​ങ്ക​ലേക്കു മടങ്ങി​വ​രിക, നിന്റെ കാര്യങ്ങൾ നേരെ​യാ​ക്കുക’ എന്നു ദൈവം പറയുന്നു. ‘അപ്പോൾ നീ പുന:സ്ഥിതീ​ക​രി​ക്ക​പ്പെ​ടും’. (ഇയ്യോബ്‌ 22:2, 3, 21-23) ബിൽദാദ്‌ വാമൊ​ഴി​യാ​യുള്ള ആക്രമണം പൂർത്തി​യാ​ക്കു​ന്നു. ‘താൻ നിർമ്മ​ല​നാ​ണെന്ന്‌ ഭൂമി​യിൽ ആർക്ക്‌ പ്രശം​സി​ക്കാൻ കഴിയും?’ അവൻ ചോദി​ക്കു​ന്നു. ‘ചന്ദ്രനും നക്ഷത്ര​ങ്ങ​ളും നാസ്‌തി​യി​ലും കുറഞ്ഞ​താ​യി​രി​ക്കാൻ തക്കവണ്ണം ദൈവം വളരെ മഹത്വ​മു​ള്ള​വ​നാണ്‌. അവന്റെ ദൃഷ്ടി​യിൽ വെറും പുഴു​വായ മനുഷ്യൻ എത്ര നിസ്സാരൻ!’—ഇയ്യോബ്‌ 25:2-6.

ഇയ്യോ​ബി​ന്റെ പതി​വാ​ദ​വും തിരു​ത്ത​ലും

20. (എ) കഷ്ടപ്പാട്‌ പാപങ്ങൾ നിമിത്തം ദൈവ​ത്തിൽനി​ന്നുള്ള ശിക്ഷയാ​ണെ​ന്നുള്ള വാദത്തിന്‌ ഇയ്യോബ്‌ എങ്ങനെ ഉത്തരം കൊടു​ത്തു? (ബി) ഇയ്യോ​ബി​ന്റെ തീരു​മാ​നം എന്തായി​രു​ന്നു, അവന്റെ നിർമ്മലത യഥാർത്ഥ​ത്തിൽ ദൈവ​ത്തിന്‌ കാര്യ​മു​ള്ള​താ​യി​രു​ന്നു​വെന്ന്‌ നാം എങ്ങനെ അറിയു​ന്നു?

²⁰ ഈ ഭയങ്കര കഷ്ടപ്പാ​ടു​കൾക്കു വിധേ​യ​നാ​യി​ട്ടും ഇയ്യോബ്‌ തന്റെ പീഡക​രു​ടെ വഞ്ചാനാ​ത്മ​ക​മായ വാദങ്ങൾക്ക്‌ ഒരു നിമി​ഷ​ത്തേ​ക്കു​പോ​ലും വഴങ്ങു​ന്നില്ല. കഷ്ടപ്പാ​ടു​കൾ പാപങ്ങൾ നിമിത്തം ദൈവ​ത്തിൽനി​ന്നുള്ള ഒരു ശിക്ഷയാ​ണെ​ങ്കിൽ “ദുഷ്ടൻമാർതന്നെ തുടർന്നു ജീവി​ക്കു​ന്ന​തും വാർദ്ധ​ക്യം പ്രാപി​ച്ചി​രി​ക്കു​ന്ന​തും സമ്പത്തിൽ മികച്ച​വ​രാ​യി​ത്തീർന്നി​രി​ക്കു​ന്ന​തും എന്തു​കൊണ്ട്‌?” എന്ന്‌ അവൻ ചോദി​ക്കു​ന്നു. (ഇയ്യോബ്‌ 21:7-13) ഇയ്യോ​ബി​ന്റെ കുററാ​രോ​പകർ പറയു​ന്ന​തി​നു വിരു​ദ്ധ​മാ​യി, ദൈവത്തെ സേവി​ക്കു​ന്ന​തിൽനിന്ന്‌ തനിക്ക്‌ ഏതൊ​രാ​ളെ​യും അകററാൻ കഴിയു​മെ​ന്നുള്ള സാത്താന്റെ പരിഹാ​സ​ത്തിന്‌ ഉത്തരം കൊടു​ത്തു​കൊണ്ട്‌ നിർമ്മലത പാലി​ക്കു​ന്ന​വരെ യഹോവ വിലമ​തി​ക്കു​ക​തന്നെ ചെയ്യുന്നു. (സദൃശ​വാ​ക്യ​ങ്ങൾ 27:11; സങ്കീർത്തനം 41:12) ഇയ്യോ​ബിന്‌ സ്വന്തം നിർമ്മ​ല​ത​യിൽ ഉറപ്പുണ്ട്‌: “ഞാൻ മരിക്കു​വോ​ളം ഞാൻ എന്നിൽനിന്ന്‌ എന്റെ നിർമ്മലത എടുത്തു​ക​ള​യു​ക​യില്ല” എന്ന്‌ അവൻ ഉദ്‌ഘോ​ഷി​ക്കു​ന്നു. (ഇയ്യോബ്‌ 27:5) ഇല്ല, തനിക്ക്‌ സംഭവി​ച്ച​തിന്‌ അർഹനാ​കാൻ താൻ യാതൊ​ന്നും ചെയ്‌തി​ട്ടില്ല.

21. ഇയ്യോ​ബി​ന്റെ വ്യാജാ​ശ്വാ​സ​ക​രോട്‌ എലീഹൂ എന്തു പറഞ്ഞു, അവൻ ഇയ്യോ​ബിന്‌ ആവശ്യ​മായ എന്തു തിരുത്തൽ കൊടു​ത്തു?

²¹ ഈ സുദീർഘ വാദ​പ്ര​തി​വാ​ദം മുഴുവൻ യുവാ​വാ​യി​രുന്ന എലീഹൂ ശ്രദ്ധി​ക്കു​ക​യാ​യി​രു​ന്നു. അവൻ ഇപ്പോൾ സംസാ​രി​ക്കു​ന്നു. ഇയ്യോ​ബി​ന്റെ വ്യാജാ​ശ്വാ​സ​കൻമാർ പറഞ്ഞി​രി​ക്കുന്ന യാതൊ​ന്നും ഇയ്യോബ്‌ ഒരു പാപി​യാ​ണെന്നു തെളി​യി​ച്ചി​ട്ടി​ല്ലെന്ന്‌ അവൻ പറയുന്നു. (ഇയ്യോബ്‌ 32:11, 12) പിന്നീട്‌ ഇയ്യോ​ബി​ലേക്ക്‌ തിരിഞ്ഞ്‌ എലീഹൂ പറയുന്നു: “ഞാൻ ലംഘന​മി​ല്ലാത്ത ശുദ്ധനാ​കു​ന്നു; ഞാൻ നിർമ്മ​ല​നാ​കു​ന്നു, എന്നിൽ തെററില്ല. നോക്കു! എന്നോട്‌ എതിർക്കാ​നുള്ള അവസരങ്ങൾ അവൻ കണ്ടെത്തു​ന്നു, എന്നെ അവൻ ഒരു ശത്രു​വാ​യി കരുതു​ന്നു’ എന്നിങ്ങ​നെ​യുള്ള നിന്റെ വാക്കുകൾ ഞാൻ കേട്ടു​കൊ​ണ്ടി​രു​ന്നു . . . ഇതിൽ നീ ശരിയല്ല.” (ഇയ്യോബ്‌ 33:8-11; 6:29; 13:24, 27; 19:6-8) ഉവ്വ്‌, ഇയ്യോബ്‌ സ്വയം നീതീ​ക​രി​ക്കു​ന്ന​തിൽ കണക്കി​ല​ധി​കം താത്‌പ​ര്യം പ്രകട​മാ​ക്കി. എന്നാൽ, അതേ സമയം, അവൻ ഒരിക്ക​ലും ദൈവത്തെ കുററം വിധി​ച്ചില്ല, അല്ലെങ്കിൽ ദൈവം നീതി ചെയ്യു​മെ​ന്നു​ള്ള​തി​ലുള്ള വിശ്വാ​സം നഷ്ടപ്പെ​ടു​ത്തി​യില്ല.

22. (എ) യഹോ​വയെ ശ്രദ്ധി​ച്ച​ശേഷം ഇയ്യോ​ബി​ന്റെ പ്രതി​ക​രണം എന്തായി​രു​ന്നു? (ബി) യഹോവ ഇയ്യോ​ബി​ന്റെ വ്യാജാ​ശ്വാ​സ​ക​രിൽനിന്ന്‌ എന്താവ​ശ്യ​പ്പെട്ടു, ഇയ്യോ​ബിൻമേ​ലുള്ള അന്തിമ​ഫലം എന്തായി​രു​ന്നു?

²² എലീഹൂ തന്റെ പ്രഭാ​ഷണം പൂർത്തി​യാ​ക്കു​മ്പോൾ ഒരു കൊടു​ങ്കാ​ററ്‌ അടിച്ചു​തു​ട​ങ്ങു​ന്നു. യഹോ​വ​തന്നെ കാററിൽനിന്ന്‌ സംസാ​രി​ക്കു​ന്നു: “പരിജ്ഞാ​ന​മി​ല്ലാത്ത വാക്കു​ക​ളാൽ ആലോ​ച​നയെ മറക്കുന്ന ഇവൻ ആർ? നിന്റെ അരകെ​ട്ടി​ക്കൊൾക . . . ഞാൻ നിന്നോട്‌ ചോദി​ക്കട്ടെ, നീ എന്നെ അറിയി​ക്കുക.” യഹോ​വയെ ശ്രദ്ധി​ച്ച​ശേഷം താൻ പൂർണ്ണ​മായ അറിവി​ല്ലാ​തെ അവി​വേ​ക​മാ​യി സംസാ​രി​ച്ചു​പോ​യി​യെന്ന്‌ ഇയ്യോബ്‌ സമ്മതി​ക്കു​ക​യും “പൊടി​യി​ലും വെണ്ണീറി”ലുമി​രുന്ന്‌ അനുത​പി​ക്കു​ക​യും ചെയ്യുന്നു. അനന്തരം യഹോവ എലീഫ​സി​നെ​യും അവന്റെ രണ്ടു കൂട്ടു​കാ​രെ​യും അപലപി​ക്കു​ക​യും അവർക്കു വേണ്ടി മാദ്ധ്യസ്ഥം വഹിക്കാൻ ഇയ്യോ​ബി​നോട്‌ നിർദ്ദേ​ശി​ക്കു​ക​യും ചെയ്യുന്നു. പിന്നീട്‌ ഇയ്യോബ്‌ പുന:സ്ഥിതീ​ക​രി​ക്ക​പ്പെ​ടു​ന്നു. ഏഴു പുത്രൻമാ​രാ​ലും സുമു​ഖി​ക​ളായ മൂന്നു പുത്രി​മാ​രാ​ലും അവന്‌ മുമ്പു​ണ്ടാ​യി​രു​ന്ന​തി​ന്റെ ഇരട്ടി ആടുമാ​ടു​ക​ളാ​ലും അനു​ഗ്ര​ഹി​ക്ക​പ്പെ​ടു​ന്നു. 140 വർഷം കൂടെ ജീവി​ച്ച​ശേഷം ഇയ്യോബ്‌ “വൃദ്ധനും നാളു​ക​ളാൽ സംതൃ​പ്‌ത​നു​മാ​യി” മരിക്കു​ന്നു.—ഇയ്യോബ്‌ 38:1-4; 42:1-17.

ഇയ്യോ​ബി​ന്റെ നിർമ്മലത—ആർക്ക്‌ അത്‌ അനുക​രി​ക്കാൻക​ഴി​യും?

“അവൻ എന്നെ കൃത്യ​ത​യുള്ള ത്രാസ്സിൽ തൂക്കും, ദൈവം എന്റെ നിർമ്മലത അറിയാ​നി​ട​യാ​കും.”—ഇയ്യോബ്‌ 31:6.

1. ഇയ്യോ​ബി​ന്റെ ദൃഷ്ടാന്തം പരിഗ​ണി​ക്കു​ന്നത്‌ നല്ലതാ​യി​രി​ക്കു​ന്ന​തെ​ന്തു​കൊണ്ട്‌, ഏത്‌ ചോദ്യ​ങ്ങൾ ഉന്നയി​ക്ക​പ്പെ​ടു​ന്നു?

ഇയ്യോ​ബിന്‌ തന്റെ നിർമ്മ​ല​ത​യെ​ക്കു​റിച്ച്‌ ഉറപ്പു​ണ്ടാ​യി​രു​ന്നു, അതു​കൊണ്ട്‌ ദൈവ​ത്താ​ലുള്ള പരി​ശോ​ധ​നയെ അവൻ സ്വാഗതം ചെയ്‌തു. നമുക്കു ഇന്ന്‌, വിശേ​ഷിച്ച്‌ ദൈവത്തെ സേവി​ക്കുന്ന സകലരു​ടെ​യും നിർമ്മലത തകർക്കാൻ പിശാ​ചായ സാത്താൻ കിണഞ്ഞു ശ്രമി​ക്കു​മ്പോൾ, അവന്റെ ദൃഷ്ടാന്തം വലിയ പ്രോ​ത്സാ​ഹ​ന​മാ​യി​രി​ക്കാൻ കഴിയും. (1 പത്രോസ്‌ 5:8) ഇതു തിരി​ച്ച​റി​ഞ്ഞു​കൊണ്ട്‌, “തിൻമ സഹിക്കു​ന്ന​തി​ന്റെ​യും ക്ഷമ പ്രകട​മാ​ക്കു​ന്ന​തി​ന്റെ​യും ഒരു മാതൃ​ക​യെന്ന നിലയിൽ പ്രവാ​ച​കൻമാ​രെ എടുക്കുക” എന്ന്‌ ശിഷ്യ​നായ യാക്കോബ്‌ പറഞ്ഞു—വിശേ​ഷാൽ ഇയ്യോ​ബി​നെ. (യാക്കോബ്‌ 5:10, 11) എന്നാൽ ഇയ്യോ​ബി​ന്റെ നിർമ്മലത ആർക്ക്‌ അനുക​രി​ക്കാൻ കഴിയും? നമുക്കു കഴിയു​മോ? ഏതു വിധങ്ങ​ളിൽ ഇയ്യോബ്‌ നമുക്കു​വേണ്ടി നിർമ്മ​ല​താ​പാ​ല​ന​ത്തി​ന്റെ മാതൃക വെച്ചു?

2. (എ) ഇയ്യോബ്‌ എന്ന പേരിന്റെ അർത്ഥ​മെന്ത്‌? (ബി) ഇയ്യോ​ബി​ന്റെ നിർമ്മ​ല​താ​പാ​ല​ന​ഗ​തി​യാൽ എന്ത്‌ നേട്ടമു​ണ്ടാ​യി?

² ഇയ്യോബ്‌ എന്ന പേരിന്റെ അർത്ഥം “ശത്രു​ത​യു​ടെ ലക്ഷ്യം” എന്നാണ്‌, തീർച്ച​യാ​യും അവൻ അതായി​ത്തീർന്നു. എന്നാൽ യഹോവ സാത്താന്റെ അപേക്ഷ അനുവ​ദി​ക്കു​ക​യും ഇയ്യോ​ബി​നു ചുററും കെട്ടി​യി​രുന്ന സംരക്ഷ​ണ​വേലി നീക്കു​ക​യും ചെയ്‌ത​പ്പോൾ സാത്താനു ചെയ്യാൻ കഴിഞ്ഞ യാതൊ​ന്നി​നും ദൈവ​ത്തോ​ടുള്ള ഇയ്യോ​ബി​ന്റെ നിർമ്മ​ല​തയെ തകർക്കാൻ കഴിഞ്ഞില്ല. (ഇയ്യോബ്‌ 1:1-2:10) അങ്ങനെ ദൈവത്തെ സേവി​ക്കു​ന്ന​തിൽനിന്ന്‌ തനിക്ക്‌ ഏവരെ​യും അകററാൻ കഴിയു​മെ​ന്നുള്ള സാത്താന്റെ പരിഹാ​സ​ത്തിന്‌ ഇയ്യോബ്‌ ഒരു ഉത്തരം കൊടു​ത്തു. (സദൃശ​വാ​ക്യ​ങ്ങൾ 27:11) തന്റെ നിർമ്മ​ല​താ​പാ​ലന ഗതിയാൽ, ഫലത്തിൽ, ‘സാത്താനെ, നീ നിന്ദ്യ​നായ ഒരു നുണയ​നാണ്‌, കാരണം യഹോവ എന്റെ ദൈവ​മാ​കു​ന്നു, ഞാൻ എന്തുവ​ന്നാ​ലും അവനോ​ടുള്ള നിർമ്മ​ല​ത​പാ​ലി​ക്കും’ എന്ന്‌ ഇയ്യോബ്‌ മുഴു അഖിലാ​ണ്ഡ​ത്തോ​ടും പ്രഖ്യാ​പി​ക്കു​ക​യാ​യി​രു​ന്നു!—ഇയ്യോബ്‌ 27:5.

ഇയ്യോ​ബി​നെ​പ്പോ​ലെ​യു​ള്ളവർ

3. സ്വർഗ്ഗ​ത്തിൽ ആർ സംരക്ഷി​ക്ക​പ്പെ​ട്ടി​രു​ന്നു, അവനെ സംബന്ധി​ച്ചു ഏതു ചോദ്യ​ങ്ങൾ ഉന്നയി​ക്ക​പ്പെട്ടു?

³ യഹോ​വ​യും സാത്താ​നും തമ്മിലുള്ള വിവാ​ദ​പ്ര​ശ്‌നം സാർവ്വ​ത്രി​ക​മായ ഒന്നായി​രു​ന്നു, ആത്മമണ്ഡ​ല​ത്തെ​യും ഉൾപ്പെ​ടു​ത്തു​ന്ന​താ​യി​രു​ന്നു. അത്‌ പ്രാധാ​ന്യ​മർഹി​ക്കു​ന്നു. അവിടെ സ്വർഗ്ഗ​ത്തിൽ, ദൈവം തന്റെ മഹത്തായ ഉദ്ദേശ്യ​ങ്ങൾ ആർ മുഖേന നിറ​വേ​റ​റാൻ ഉദ്ദേശി​ച്ചി​രു​ന്നു​വോ ആ വാഗ്‌ദത്ത “സന്തതി” യഹോ​വ​യു​ടെ സംരക്ഷ​ണ​വേ​ലി​ക്കു​ള്ളി​ലാ​യി​രു​ന്നു. (ഉൽപ്പത്തി 3:15) എന്നിരു​ന്നാ​ലും, ഈ ‘സംരക്ത​ണ​വേലി’ മാററ​പ്പെ​ട്ടാൽ അവൻ യഥാർത്ഥ​ത്തിൽ ഇയ്യോ​ബി​ന്റെ നിർമ്മ​ല​തയെ അനുക​രി​ക്കു​മോ? ആദാമി​നെ​പ്പോ​ലെ​യുള്ള ഒരു പൂർണ്ണ​മ​നു​ഷ്യന്‌ ദൈവ​ത്തോ​ടു പൂർണ്ണ നിർമ്മലത പാലി​ക്കാൻ കഴിയു​മെന്ന്‌ അവൻ പ്രകട​മാ​ക്കു​മോ? (1 കൊരി​ന്ത്യർ 15:45) ഈ “സന്തതി” ഭൂമി​യിൽ എപ്പോൾ പ്രത്യ​ക്ഷ​പ്പെ​ട്ടാ​ലും അപ്പോൾ അവനെ കഠിന​പ​രി​ശോ​ധ​നക്ക്‌ വിധേ​യ​നാ​ക്കു​ന്ന​തിന്‌ സാത്താൻ ഒരുക്കം ചെയ്‌തു.

4. (എ) ആർ സാത്താന്റെ ശത്രു​ത​യു​ടെ മുഖ്യ​ല​ക്ഷ്യ​മാ​യി​ത്തീർന്നു, ദൈവം അവനിൽനിന്ന്‌ തന്റെ സംരക്ഷണം നീക്കി​യെന്ന്‌ നാം എങ്ങനെ അറിയു​ന്നു? (ബി) യേശു യഹോ​വ​യ്‌ക്കു എന്തു പ്രദാനം ചെയ്‌തു?

⁴ യേശു​ക്രി​സ്‌തു സ്വർഗ്ഗ​ത്തിൽനിന്ന്‌ അയയ്‌ക്ക​പ്പെട്ട “സന്തതി”യാണെന്നു തെളിഞ്ഞു. അങ്ങനെ അവൻ സാത്താന്റെ ശ്രദ്ധാ​കേ​ന്ദ്ര​മാ​യി, അതെ, സാത്താന്റെ ശത്രു​ത​യു​ടെ മുഖ്യ ലക്ഷ്യമാ​യി. യഹോവ തന്റെ സംരക്ഷ​ണ​വേലി നീക്കം ചെയ്‌തി​രു​ന്നു​വെ​ന്ന​തി​ന്റെ തെളി​വാ​യി ക്രിസ്‌തു ദണ്ഡനസ്‌തം​ഭ​ത്തി​ലാ​യി​രു​ന്ന​പ്പോൾ “എന്റെ ദൈവമേ, എന്റെ ദൈവമേ, നീ എന്നെ കൈവി​ട്ടി​രി​ക്കു​ന്ന​തെന്ത്‌?” എന്നു നിലവി​ളി​ച്ചു. (മത്തായി 27:46; സങ്കീർത്തനം 22:1) ദൈവം തന്റെ സംരക്ഷണം പിൻവ​ലി​ച്ചി​രു​ന്ന​താ​യി സൂക്ഷമ​മാ​യി അറിഞ്ഞി​രു​ന്നെ​ങ്കി​ലും, യേശു ഇയ്യോ​ബി​നെ​പ്പോ​ലെ, “പാപം ചെയ്യു​ക​യോ ദൈവ​ത്തിൻമേൽ എന്തെങ്കി​ലും അനൗചി​ത്യം ആരോ​പി​ക്കു​ക​യോ ചെയ്‌തില്ല.” (ഇയ്യോബ്‌ 1:22) അവൻ ഇയ്യോ​ബി​നെ അനുക​രി​ച്ചു, ദൈവ​ത്തോട്‌ പൂർണ്ണ നിർമ്മലത പാലിച്ചു, അങ്ങനെ ‘ഭൂമി​യിൽ തന്നെ​പ്പോ​ലെ ആരുമി​ല്ലെന്ന്‌’ തെളി​യി​ച്ചു. (ഇയ്യോബ്‌ 1:8) അതു​കൊണ്ട്‌ ഏററവും വലിയ പരി​ശോ​ധ​ന​യിൽ ദൈവ​ത്തോ​ടു വിശ്വ​സ്‌ത​ത​യിൽ നിൽക്കുന്ന ഒരു മനുഷ്യ​നെ ഭൂമി​യിൽ ആക്കി​വെ​ക്കാൻ ദൈവ​ത്തി​നു കഴിക​യില്ല എന്ന സാത്താന്റെ വ്യാജാ​രോ​പ​ണ​ത്തിന്‌ യഹോ​വ​യാം ദൈവ​ത്തിന്‌ യേശു​വിൽ പൂർണ്ണ​വും ശാശ്വ​ത​വു​മാ​യി ഒരു ഉത്തരമുണ്ട്‌.

5. (എ) സാത്താൻ എന്തു ചെയ്‌തു​കൊ​ണ്ടി​രി​ക്കു​ന്നു? (ബി) സ്വർഗ്ഗ​ത്തിൽനിന്ന്‌ നീക്കം ചെയ്യ​പ്പെ​ട്ട​പ്പോൾ സാത്താൻ എന്തു ചെയ്‌തു?

⁵ എന്നിരു​ന്നാ​ലും കൂടു​ത​ലാ​യി ഉത്തരം ആവശ്യ​പ്പെ​ട്ടു​കൊണ്ട്‌ സാത്താൻ യേശു​വി​ന്റെ ആത്മീയ​സ​ഹോ​ദ​രൻമാ​രെ കുററ​പ്പ​ടു​ത്തി​ക്കൊ​ണ്ടി​രി​ക്കു​ന്നു, അവരാണ്‌ യേശു​വി​നോ​ടു​കൂ​ടെ ദൈവ​ത്തി​ന്റെ സ്‌ത്രീ​സ​മാ​ന​സ്ഥാ​പ​ന​ത്തി​ന്റെ “സന്തതി”യായി​രി​ക്കു​ന്നത്‌. സ്വർഗ്ഗ​ത്തി​ലെ രാജ്യ​ത്തി​ന്റെ സ്ഥാപനത്തെ വർണ്ണി​ക്കു​മ്പോൾ ബൈബിൾ സാത്താ​നെ​ക്കു​റിച്ച്‌ ഇങ്ങനെ പറയുന്നു: “നമ്മുടെ സഹോ​ദ​രൻമാ​രെ രാപകൽ നമ്മുടെ ദൈവ​മു​മ്പാ​കെ കുററ​പ്പെ​ടു​ത്തുന്ന അവരുടെ കുററാ​രോ​പകൻ താഴോട്ട്‌ വലി​ച്ചെ​റി​യ​പ്പെ​ട്ടി​രി​ക്കു​ന്നു!” എന്നിരു​ന്നാ​ലും സാത്താൻ കുററ​മാ​രോ​പി​ക്കു​ന്ന​തി​ല​ധി​കം ചെയ്യുന്നു. അവൻ ശത്രു​ത​യോ​ടു​കൂ​ടിയ ഒരു ആക്രമണം നടത്തുന്നു! സ്വർഗ്ഗ​ത്തിൽ നിന്നുള്ള സാത്താന്റെ ബഹിഷ്‌ക്ക​ര​ണ​ത്തി​നു ശേഷം “മഹാസർപ്പം [സാത്താൻ] സ്‌ത്രീ​യോ​ടു കോപി​ക്കു​ക​യും യേശു​വി​നു സാക്ഷ്യം വഹിക്കുന്ന വേല ഉള്ളവരും ദൈവ​ക​ല്‌പ​നകൾ അനുഷ്‌ഠി​ക്കു​ന്ന​വ​രു​മാ​യി അവളുടെ സന്തതി​യിൽ ശേഷി​പ്പു​ള്ള​വ​രോട്‌ യുദ്ധം ചെയ്യാൻ പുറ​പ്പെ​ടു​ക​യും ചെയ്‌തു”വെന്ന്‌ ബൈബിൾ വിശദീ​ക​രി​ക്കു​ന്നു.—വെളി​പ്പാട്‌ 12:7-12, 17.

6. (എ) ഇന്ന്‌ പ്രസം​ഗ​വേ​ല​യു​ടെ ചുക്കാൻ പിടി​ക്കു​ന്ന​താർ, ആർ അവരോ​ടു ചേർന്നി​രി​ക്കു​ന്നു? (ബി) സാത്താൻ ഇവരോ​ടെ​ല്ലാം എന്തു ചെയ്യാൻ ശ്രമി​ക്കു​ന്നു?

⁶ “[സ്‌ത്രീ​യു​ടെ] സന്തതി​യിൽ ശേഷി​പ്പു​ള്ളവർ” ഇന്ന്‌ ഭൂമി​യിൽ ശേഷി​ച്ചി​രി​ക്കുന്ന യഹോ​വ​യു​ടെ അഭിഷി​ക്ത​സാ​ക്ഷി​ക​ളാണ്‌. യേശു ഇപ്പോൾ രാജാ​വാ​യി സിംഹാ​സ​ന​സ്ഥ​നാ​ക്ക​പ്പെ​ട്ടി​രി​ക്കു​ന്നു​വെ​ന്നും പെട്ടെ​ന്നു​തന്നെ ഈ നീതി​കെട്ട വ്യവസ്ഥി​തി​യെ അവസാ​നി​പ്പി​ക്കു​മെ​ന്നും ലോക​വ്യാ​പ​ക​മാ​യി പരസ്യ​ഘോ​ഷണം നടത്തി​ക്കൊണ്ട്‌ “യേശു​വി​നു സാക്ഷ്യം വഹിക്കുന്ന വേല”യുടെ ചുക്കാൻ പിടി​ക്കു​ന്നത്‌ അവരാണ്‌. (മത്തായി 24:14; ദാനി​യേൽ 2:44) എന്നാൽ അവർ അശേഷം ഒററക്കാ​യി​രി​ക്കു​ന്നില്ല! ഇപ്പോൾ മുപ്പതു ലക്ഷത്തി​ല​ധി​കം വരുന്ന ഒരു വലിയ ജനക്കൂട്ടം അവരോ​ടു ചേർന്ന്‌ നിർമ്മ​ല​ത​പാ​ലി​ക്കുന്ന, ഏകീകൃ​ത​വും ലോക​വ്യാ​പ​ക​വു​മായ, ഒരു സ്ഥാപനം രൂപം​കൊ​ണ്ടി​രി​ക്കു​ന്നു. ഈ സകല നിർമ്മ​ല​താ​പാ​ല​ക​രും സാത്താന്റെ നിർദ്ദാ​ക്ഷി​ണ്യ​മായ പീഡന​ത്തി​ന്റെ ലക്ഷ്യങ്ങ​ളാ​യി​ത്തീർന്നി​രി​ക്കു​ന്നു. അവരുടെ സ്വർഗ്ഗീയ പിതാ​വായ യഹോവ അവരുടെ നിർമ്മ​ല​ത​യിൽ പ്രസാ​ദി​ക്കു​ന്നു.—2 തിമൊ​ഥെ​യോസ്‌ 3:12; സദൃശ​വാ​ക്യ​ങ്ങൾ 27:11.

7. സാത്താന്റെ ആക്രമ​ണങ്ങൾ ഗണ്യമാ​ക്കാ​തെ നമുക്ക്‌ ധൈര്യമുള്ളവരായിരിക്കാൻകഴിയുന്നതെന്തുകൊണ്ട്‌?

⁷ സാത്താന്റെ ദുഷ്ടമായ ആക്രമണം ഇയ്യോ​ബിൻമേൽ കേന്ദ്രീ​ക​രി​ച്ചി​രു​ന്ന​തു​പോ​ലെ, ദൈവ​ത്തോ​ടു നിർമ്മ​ല​ത​പാ​ലി​ക്കാൻ ശ്രമി​ക്കുന്ന നമ്മു​ടെ​മേൽ അതു കേന്ദ്രീ​ക​രി​ച്ചി​രി​ക്കു​ന്ന​താ​യി തിരി​ച്ച​റി​യു​ന്നത്‌ തീർച്ച​യാ​യും ഗൗരവ​മു​ള്ള​താണ്‌. എന്നിരു​ന്നാ​ലും നാം സംഭ്രാ​ന്ത​രാ​കേ​ണ്ട​തില്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ “യഹോവ വളരെ സ്‌നേ​ഹാർദ്ര​ത​യു​ള്ള​വ​നും കരുണാ​സ​മ്പ​ന്ന​നു​മാ​കു​ന്നു,” അവൻ “നിങ്ങളെ ഉപേക്ഷി​ക്കു​ക​യോ മുഴു​വ​നാ​യി പരിത്യ​ജി​ക്കു​ക​യോ ഇല്ല.” (യാക്കോബ്‌ 5:11; ആവർത്തനം 31:6) അതെ, യഹോവ നമ്മെ താങ്ങും. “നിർമ്മ​ല​ത​യിൽ നടക്കു​ന്ന​വർക്ക്‌ അവൻ ഒരു പരിച​യാ​കു​ന്നു” എന്നു ബൈബിൾ പറയുന്നു. (സദൃശ​വാ​ക്യ​ങ്ങൾ 2:7) എന്നിരു​ന്നാ​ലും, നമ്മൾ പരി​ശോ​ധി​ക്ക​പ്പെ​ടാൻ യഹോവ അനുവ​ദി​ക്കു​ക​യി​ല്ലെന്ന്‌ ഇതിനർത്ഥ​മില്ല. ഇയ്യോ​ബി​ന്റെ കാര്യ​ത്തി​ലെ​ന്ന​പോ​ലെ അവൻ അനുവ​ദി​ക്കും. “എന്നാൽ ദൈവം വിശ്വ​സ്‌ത​നാണ്‌, നിങ്ങൾക്ക്‌ സഹിക്കാ​വു​ന്ന​തിൽക​വിഞ്ഞ്‌ പരീക്ഷി​ക്ക​പ്പെ​ടാൻ അവൻ നിങ്ങളെ അനുവ​ദി​ക്കു​ക​യില്ല, എന്നാൽ നിങ്ങൾക്ക്‌ അതു സഹിക്കാൻ കഴി​യേ​ണ്ട​തിന്‌ അവൻ പരീക്ഷ​യോ​ടു​കൂ​ടെ പോം​വ​ഴി​യും ഉണ്ടാക്കും” എന്ന്‌ അപ്പോ​സ്‌ത​ല​നായ പൗലോസ്‌ പ്രസ്‌താ​വി​ച്ചു.—1 കൊരി​ന്ത്യർ 10:13.

പഡാ​നു​ഭവം നേരി​ടു​മ്പോൾ

8. ഇയ്യോ​ബി​ന്റെ ദൃഷ്ടാ​ന്ത​ത്തിന്‌ ഇന്ന്‌ നമുക്ക്‌ പ്രയോ​ജനം ചെയ്യാൻ കഴിയു​ന്ന​തെ​ങ്ങനെ?

⁸ നാം കഠിന​പീ​ഡാ​നു​ഭ​വ​ങ്ങളെ അഭിമു​ഖീ​ക​രി​ക്കു​മ്പോൾ നിർമ്മലത സംബന്ധിച്ച ഇയ്യോ​ബി​ന്റെ ദൃഷ്ടാ​ന്ത​ത്തിന്‌ നമുക്ക്‌ വിശേ​ഷാൽ പ്രയോ​ജനം ചെയ്യാൻ കഴിയും. ഇയ്യോബ്‌ മരിച്ച്‌ മനുഷ്യ​വർഗ്ഗ​ത്തി​ന്റെ പൊതു​ശ​വ​ക്കു​ഴി​യിൽ മറയ്‌ക്ക​പ്പെ​ടാൻ ആഗ്രഹി​ക്ക​ത്ത​ക്ക​വണ്ണം വളരെ​യ​ധി​കം കഷ്ടതയ​നു​ഭ​വി​ച്ചു. (ഇയ്യോബ്‌ 14:13) ഇക്കാലത്തു ചിലർ സമാന​മാ​യി വിചാ​രി​ച്ചി​ട്ടുണ്ട്‌, തങ്ങൾ വളരെ​യ​ധി​കം കഷ്ടപ്പെട്ട ഇയ്യോ​ബി​നെ​പ്പോ​ലെ​യാ​യി​രി​ക്കു​ന്ന​താ​യി അവർ പറയുന്നു. ഒരുപക്ഷേ, ചില സന്ദർഭ​ങ്ങ​ളിൽ നിങ്ങളും അങ്ങനെ വിചാ​രി​ച്ചി​ട്ടുണ്ട്‌. തീർച്ച​യാ​യും, അവന്റെ കഷ്ടപ്പാ​ടു​ക​ളെ​ക്കു​റി​ച്ചു വായി​ക്കു​ന്നത്‌ നമ്മു​ടേ​തി​നെ​ക്കാൾ കഠിന​മായ ഒരു പീഡാ​നു​ഭ​വ​ത്തി​നു വിധേ​യ​മായ ഒരു സ്‌നേ​ഹി​ത​നിൽനിന്ന്‌ പ്രോ​ത്സാ​ഹനം ലഭിക്കു​ന്ന​തു​പോ​ലെ​യാ​യി​രി​ക്കാൻ കഴിയും. മറെറാ​രാൾ സഹിച്ചു​നി​ന്നി​രി​ക്കു​ന്നു​വെ​ന്നും മനസ്സി​ലാ​ക്കു​ന്നു​വെ​ന്നും അറിയു​ന്നത്‌ തീർച്ച​യാ​യും സഹിച്ചു നിൽക്കാൻ നമ്മെയും സഹായി​ക്കു​ന്നു.

9. മററു​ള്ള​വ​രു​ടെ നിർമ്മ​ല​താ​പാ​ല​ന​ഗ​തി​യിൽ നമുക്ക്‌ എങ്ങനെ പ്രയോ​ജനം കിട്ടുന്നു?

⁹ നമ്മുടെ ആവശ്യങ്ങൾ തിരി​ച്ച​റി​ഞ്ഞു​കൊണ്ട്‌, ഇയ്യോ​ബി​നെ​പ്പോ​ലെ നിർമ്മലത പാലി​ക്കാൻ നമ്മെ സഹായി​ക്കു​ന്ന​തിന്‌ യഹോവ ഇയ്യോ​ബി​ന്റെ പുസ്‌തകം രേഖ​പ്പെ​ടു​ത്തി​ച്ചു. (റോമർ 15:4; യാക്കോബ്‌ 5:10, 11) ശരീര​ത്തി​ന്റെ ഒരു ഭാഗം മറെറാ​ന്നി​നെ ആശ്രയി​ച്ചി​രി​ക്കു​ന്ന​തു​പോ​ലെ തന്റെ വിശ്വ​സ്‌ത​ദാ​സൻമാർക്കും അന്യോ​ന്യ​മുള്ള ആവശ്യ​മു​ണ്ടെന്ന്‌ ദൈവ​ത്തി​ന​റി​യാം. (1 കൊരി​ന്ത്യർ 12:20, 26) ഈ മാസി​ക​യു​ടെ ദശലക്ഷ​ക്ക​ണ​ക്കി​നു വായന​ക്കാർ സംബന്ധിച്ച അടുത്ത കാലത്തെ “നിർമ്മ​ല​താ​പാ​ലകർ” കൺവൻഷ​നെ​ക്കു​റിച്ച്‌ ഓർക്കുക. ജീവി​ത​ത്തി​ലെ മുഖ്യ​ല​ക്ഷ്യം ദൈവ​ത്തോ​ടുള്ള നിർമ്മ​ല​ത​പാ​ലി​ക്കു​ക​യെ​ന്ന​താ​ക്കി​യി​രി​ക്കുന്ന അത്രയ​ധി​ക​മാ​ളു​ക​ളോ​ടു സഹവസി​ച്ചത്‌ എത്ര പ്രയോ​ജ​ന​ക​ര​മാ​യി​രു​ന്നു​വെന്ന്‌ അവിടെ ഹാജരാ​യവർ ഓർക്കും. തങ്ങൾക്കു ചുററു​മുള്ള അനേകാ​യി​രങ്ങൾ തങ്ങളുടെ ജോലി​സ്ഥ​ല​ങ്ങ​ളി​ലും സ്വന്തം ജനസമു​ദാ​യ​ങ്ങ​ളി​ലെ സ്‌കൂ​ളി​ലും—പീഡാ​ക​ര​മായ പരി​ശോ​ധ​ന​ക​ളിൽ നിർമ്മലത പാലി​ക്കു​ന്നു​ണ്ടെ​ന്ന​റി​ഞ്ഞത്‌ ഹാജരാ​യ​വർക്ക്‌ നിർമ്മലത പാലി​ക്കാൻ എന്തോരു പ്രോ​ത്സാ​ഹ​ന​മാ​യി​രു​ന്നു!—1 പത്രോസ്‌ 5:9.

10. (എ) ഒരു വ്യക്തി ശരിയായ കാഴ്‌ച​പ്പാ​ടു നിലനിർത്തു​ന്ന​തിൽ എങ്ങനെ പരാജ​യ​പ്പെ​ട്ടേ​ക്കാം? (ബി) ഇയ്യോബ്‌ എന്തിനെ ചോദ്യം​ചെ​യ്യാൻ തുടങ്ങി?

¹⁰ എന്നാൽ നാം എല്ലായ്‌പ്പോ​ഴും ശരിയായ കാഴ്‌ച​പ്പാ​ടു നിലനിർത്താ​തി​രു​ന്നേ​ക്കാം, അങ്ങനെ ചെയ്യു​ന്ന​തിൽ ഇയ്യോബ്‌ പരാജ​യ​പ്പെ​ട്ട​തു​പോ​ലെ. അതിയാ​യി കഷ്ടതയ​നു​ഭ​വിച്ച്‌ ഒരു വിഷണ്ണ മനഃസ്ഥി​തി​യി​ലാ​യി​രി​ക്കു​ന്ന​യാൾ ‘ഹാ, ദൈവം ഇത്‌ എന്നോടു ചെയ്യു​ന്ന​തെ​ന്തു​കൊണ്ട്‌? ഇത്‌ സംഭവി​ക്കാൻ അവൻ അനുവ​ദി​ക്കു​ന്ന​തെ​ന്തു​കൊണ്ട്‌?’ എന്ന്‌ പറഞ്ഞേ​ക്കാം. ‘ദൈവത്തെ സേവി​ക്കു​ന്ന​തു​കൊണ്ട്‌ എന്ത്‌ പ്രയോ​ജനം?’ എന്നു ചോദി​ക്കുന്ന ഘട്ടംവ​രെ​പോ​ലും ഒരു വ്യക്തി എത്തി​യേ​ക്കാം. തന്റെ കഷ്ടപ്പാ​ടി​ന്റെ ഉറവ്‌ തിരി​ച്ച​റി​യാ​തെ, നീതി​മാ​നാ​യി​രി​ക്കു​ന്ന​തു​കൊ​ണ്ടുള്ള ഇപ്പോ​ഴത്തെ പ്രയോ​ജ​നത്തെ ഇയ്യോബ്‌ ചോദ്യം ചെയ്‌തു. കാരണം, നല്ലവർ വഷള​രെ​പ്പോ​ലെ​യോ അധിക​മോ കഷ്ടപ്പെ​ടു​ന്ന​താ​യി കാണ​പ്പെട്ടു. (ഇയ്യോബ്‌ 9:22) എലീഹൂ പറയു​ന്ന​ത​നു​സ​രിച്ച്‌ “അതു​കൊണ്ട്‌ എനി​ക്കെന്തു പ്രയോ​ജനം?” ഞാൻ പാപം ചെയ്‌താ​ലു​ള്ള​തി​ല​ധി​ക​മാ​യി ഞാൻ എന്തു നേടുന്നു?” എന്ന്‌ ഇയ്യോബ്‌ പറഞ്ഞു. (ഇയ്യോബ്‌ 35:3, ഒരു അമേരി​ക്കൻ ഭാഷാ​ന്തരം) എന്നാൽ നമുക്കു ശരിയായ കാഴ്‌ച​പ്പാ​ടു നഷ്ടപ്പെട്ട്‌ ദൈവത്തെ സേവി​ക്കു​ന്ന​തി​ന്റെ മൂല്യത്തെ ചോദ്യം ചെയ്യത്ത​ക്ക​വണ്ണം നമുക്കു നമ്മുടെ സ്വന്തം ക്ലേശങ്ങ​ളിൽ വളരെ​യ​ധി​കം മുഴു​കി​യി​രി​ക്കാൻ അനുവ​ദി​ക്കാ​വു​ന്നതല്ല.

11. എലീഹൂ ഇയ്യോ​ബിന്‌ എന്തു നല്ല തിരുത്തൽ കൊടു​ത്തു?

¹¹ എലീഹൂ ഇയ്യോ​ബിന്‌ ആവശ്യ​മായ തിരുത്തൽ കൊടു​ത്തു, യഹോവ ഇയ്യോ​ബി​നു മീതെ വളരെ ഉയർന്ന​വ​നാ​ണെന്ന്‌ ചൂണ്ടി​ക്കാ​ട്ടി​ക്കൊണ്ട്‌ കാര്യ​ങ്ങളെ ശരിയായ കാഴ്‌ച​പ്പാ​ടിൽ നിർത്തി. (ഇയ്യോബ്‌ 35:4, 5) എന്തുതന്നെ സംഭവി​ച്ചാ​ലും, ദൈവം കരുത​ലി​ല്ലാ​ത്ത​വ​നാ​ണെന്ന്‌ നാം ഒരിക്ക​ലും നിഗമനം ചെയ്യാൻ പാടി​ല്ലെ​ന്നും അവന്റെ ഭാഗത്തെ അനീതി​ക​ളെന്ന്‌ പരിഗ​ണി​ക്ക​പ്പെ​ടു​ന്ന​തിൽ അവനെ നമുക്കു വെറു​ക്കാൻ കഴിയു​മെന്ന്‌ ഏതെങ്കി​ലും വിധത്തിൽ ന്യായ​വാ​ദം ചെയ്യാൻ പാടി​ല്ലെ​ന്നും എലീഹൂ പ്രകട​മാ​ക്കി. “നീ യഥാർത്ഥ​ത്തിൽ പാപം ചെയ്യു​ന്നു​വെ​ങ്കിൽ അവനെ​തി​രാ​യി നീ എന്തു നേടുന്നു? നിന്റെ എതിർപ്പു​കൾ യഥാർത്ഥ​ത്തിൽ വർദ്ധി​ക്കു​ന്നു​വെ​ങ്കിൽ നീ അവനോട്‌ എന്തു ചെയ്യുന്നു?” എന്ന്‌ എലീഹൂ ഇയ്യോ​ബി​നോ​ടു ചോദി​ച്ചു. (ഇയ്യോബ്‌ 35:6) അതെ, ദൈവ​ത്തി​ന്റെ വഴിക​ളും അവന്റെ സേവന​വും ഉപേക്ഷി​ച്ചു​കൊണ്ട്‌ അവനെ വെറു​ക്കാൻ നിങ്ങൾ ശ്രമി​ക്കു​ന്ന​വെ​ങ്കിൽ, നിങ്ങൾ ദൈവ​ത്തെയല്ല, നിങ്ങ​ളേ​ത്തന്നെ ദ്രോ​ഹി​ക്കു​ക​യാണ്‌.

12. നമ്മുടെ നിർമ്മ​ല​താ​പാ​ലനം ദൈവത്തെ എങ്ങനെ ബാധി​ക്കു​ന്നു?

¹² മറിച്ച്‌, നാം നീതി​ചെ​യ്യു​ന്നു​വെ​ങ്കിൽ യഹോ​വക്കു വ്യക്തി​പ​ര​മാ​യി പ്രയോ​ജനം കിട്ടു​ന്നി​ല്ലെന്ന്‌ എലീഹൂ പ്രകട​മാ​ക്കി. തീർച്ച​യാ​യും, നാം നിർമ്മ​ല​ത​പാ​ലി​ക്കു​ന്നു​വെ​ങ്കിൽ ദൈവം പ്രസാ​ദി​ക്കു​ന്നു. എന്നാൽ, അതേസ​മയം, അവൻ യാതൊ​രു പ്രകാ​ര​ത്തി​ലും നമ്മുടെ ആരാധ​നയെ ആശ്രയി​ക്കു​ന്നവൻ അല്ല. ഇത്‌ എലീഹൂ ഇയ്യോ​ബി​നോ​ടു ചോദിച്ച ചോദ്യ​ത്താൽ സൂചി​പ്പി​ക്ക​പ്പെ​ടന്നു: ”നീ യഥാർത്ഥ​ത്തിൽ നീതി​മാ​നാ​ണെ​ങ്കിൽ നീ അവന്‌ എന്തു​കൊ​ടു​ക്കു​ന്നു, അല്ലെങ്കിൽ നിന്റെ സ്വന്തം കൈയിൽനിന്ന്‌ അവൻ എന്തു സ്വീക​രി​ക്കു​ന്നു?” (ഇയ്യോബ്‌ 35:7) ദൈവ​മാ​ണു നമുക്കു ജീവൻ നൽകി​യത്‌, അവൻ നിമി​ത്ത​മാ​ണു നാം ശ്വസി​ക്കു​ന്ന​തും ചരിക്കു​ന്ന​തും സ്ഥിതി​ചെ​യ്യു​ന്ന​തും. സകലവും അവന്റെ വകയാണ്‌! (പ്രവൃ​ത്തി​കൾ 17:25; 1 ദിനവൃ​ത്താ​ന്തം 29:14) അങ്ങനെ നമ്മുടെ ദുഷ്ടത​ക്കോ നമ്മുടെ നീതി​ക്കോ ദൈവത്തെ വ്യക്തി​പ​ര​മാ​യി ബാധി​ക്കാൻ കഴിയു​ന്നതല്ല.—ഇയ്യോബ്‌ 35:8.

തിരു​ത്ത​പ്പെ​ട്ട​പ്പോൾ

13. (എ) ഇയ്യോബ്‌ കൊടു​ക്ക​പ്പെട്ട തിരു​ത്ത​ലി​നോട്‌ എങ്ങനെ പ്രതി​വർത്തി​ച്ചു? (ബി) നമു​ക്കെ​ല്ലാം ഏതു പ്രശ്‌ന​മുണ്ട്‌?

¹³ ആദ്യം എലീഹൂ​വും പിന്നീടു യഹോ​വ​ത​ന്നെ​യും കൊടുത്ത തിരു​ത്ത​ലി​നോട്‌ ഇയ്യോബ്‌ എങ്ങനെ പ്രതി​ക​രി​ച്ചു? “പൊടി​യി​ലും വെണ്ണീ​റി​ലും” ഇരുന്ന്‌ അനുത​പി​ച്ചു​കൊണ്ട്‌ അവൻ അതു സ്വീക​രി​ച്ചു. (ഇയ്യോബ്‌ 42:6) അതെ, ഇയ്യോബ്‌ തന്റെ തെററു സമ്മതി​ച്ചു​കൊണ്ട്‌ തന്നേത്തന്നെ താഴ്‌ത്തി. നാം അത്തരം താഴ്‌മയെ വിലമ​തി​ക്കു​ന്നി​ല്ലേ? എന്നാൽ നമ്മേസം​ബ​ന്ധി​ച്ചെന്ത്‌? നാം ഇയ്യോ​ബി​നെ​പ്പോ​ലെ അചഞ്ചല​രായ നിർമ്മ​ല​താ​പാ​ല​ക​രാ​യി​രു​ന്നാ​ലും നമ്മളെ​ല്ലാം തെററു​ചെ​യ്യാ​നും ഏതെങ്കി​ലും വിധത്തിൽ സമനി​ല​യി​ല്ലാ​ത്ത​വ​രാ​യി​ത്തീ​രാ​നും ചായ്‌വു​ള്ള​വ​രാണ്‌. (യാക്കോബ്‌ 3:2; ഗലാത്യർ 2:11-14) നമ്മുടെ തെററും അപൂണ്ണ​ത​യും നമ്മുടെ ശ്രദ്ധയി​ലേക്കു വരുത്തു​മ്പോൾ നാം എന്താണ്‌ ചെയ്യേ​ണ്ടത്‌—എലീഹൂ​വി​നെ​പ്പോ​ലെ പ്രായം​കു​റഞ്ഞ ഒരാളാൽപോ​ലും?—ഇയ്യോബ്‌ 32:4.

14. (എ) ഒരു വ്യക്തി തിരു​ത്ത​പ്പെ​ടു​മ്പോൾ പൊതു​വേ​യുള്ള ചായ്‌വ്‌ എന്താണ്‌? (ബി) എന്തിന്‌ തെററു​കൾക്കോ അനുചി​ത​മായ തീരു​മാ​ന​ങ്ങൾക്കോ സംഭാവന ചെയ്യാൻ കഴിയും, തിരു​ത്ത​പ്പെ​ട്ട​പ്പോൾ ഇയ്യോബ്‌ എന്തു ദൃഷ്ടാന്തം വെച്ചു?

¹⁴ തിരുത്തൽ സ്വീക​രി​ക്കു​ന്നത്‌ എല്ലായ്‌പ്പോ​ഴും എളുപ്പമല്ല. (എബ്രായർ 12:11; സദൃശ​വാ​ക്യ​ങ്ങൾ 3:11, 12) നമ്മേത്തന്നെ നീതീ​ക​രി​ക്കു​ന്ന​തി​നു ശ്രമി​ക്കാ​നാണ്‌ ചായ്‌വ്‌. ഇയ്യോ​ബി​നെ​പ്പോ​ലെ നാം കരുതി​ക്കൂ​ട്ടി എന്തെങ്കി​ലും തെററു പറയു​ക​യോ ചെയ്യു​ക​യോ ചെയ്‌തി​ട്ടി​ല്ലാ​യി​രി​ക്കാം. നമ്മുടെ ആന്തരം നല്ലതാ​യി​രു​ന്നി​രി​ക്കാം. എന്നാൽ പൂർണ്ണ​മായ അറിവി​ല്ലാ​തെ, ഗ്രാഹ്യ​ത്തി​ന്റെ​യോ സംവേ​ദ​ന​ത്തി​ന്റെ​യോ അഭാവ​ത്തോ​ടെ, നാം സംസാ​രി​ച്ചി​രി​ക്കാം. ഒരുപക്ഷേ നമ്മുടെ പ്രസ്‌താ​വ​നകൾ വർഗ്ഗീ​യ​മോ ദേശീ​യ​മോ ആയ ശ്രേഷ്‌ഠ​ത​യു​ടെ ഒരു ഭാവ​ത്തെ​യോ ഒരു സംഗതി സംബന്ധിച്ച്‌ തിരു​വെ​ഴു​ത്തു​പ​ര​മാ​യി തെളി​വി​ല്ലാത്ത ദൃഢത​യെ​യോ പ്രതി​ഫ​ലി​പ്പി​ച്ചി​രി​ക്കാം. നാം പറഞ്ഞത്‌ ഏറെയും വ്യക്തി​പ​ര​മായ നമ്മുടെ സ്വന്തം വീക്ഷണ​ഗ​തി​യെ​യാ​ണു പ്രതി​ഫ​ലി​പ്പി​ക്കു​ന്ന​തെ​ന്നും മററു​ള്ള​വ​രു​ടെ ആത്മീയ​തയെ അപകട​ത്തി​ലാ​ക്കുന്ന അളവോ​ളം അവരെ അതു മുറി​പ്പെ​ടു​ത്തി​യെ​ന്നും നമ്മുടെ ശ്രദ്ധയി​ലേക്കു വരുത്ത​പ്പെ​ട്ടേ​ക്കാം. തിരു​ത്ത​പ്പെ​ടു​മ്പോൾ, നാം ഇയ്യോ​ബി​നെ​പ്പോ​ലെ ‘ഗ്രാഹ്യ​മി​ല്ലാ​തെ സംസാ​രി​ച്ചു​പോ​യെന്നു’ സമ്മതി​ക്കു​ക​യും “പറഞ്ഞതു പിൻവ​ലി​ക്കു​ക​യും” ചെയ്യു​മോ?—ഇയ്യോബ്‌ 42:3, 6.

ധനത്തിലല്ല, ദൈവ​ത്തിൽ ആശ്രയി​ക്കൽ

15. ഇയ്യോ​ബി​ന്റെ ആശ്രയം അവന്റെ ധനത്തി​ല​ല്ലാ​യി​രു​ന്നു​വെന്ന്‌ നാം എങ്ങനെ അറിയു​ന്നു?

¹⁵ ഇയ്യോബ്‌ ദൈവത്തെ മറന്നി​രു​ന്നു​വെ​ന്നും അവന്റെ ആശ്രയം മറെറ​വി​ടെ​യോ വെച്ചി​രു​ന്നു​വെ​ന്നും സൂചി​പ്പി​ച്ചു​കൊണ്ട്‌ അവന്റെ ആശ്രയ​ല​ക്ഷ്യ​ത്തെ ബിൽദാദ്‌ ചോദ്യം ചെയ്‌തു. (ഇയ്യോബ്‌ 8:13, 14) എന്നിരു​ന്നാ​ലും, ഇയ്യോബ്‌ അനേകം ഭൗതി​ക​വ​സ്‌തു​ക്ക​ളാൽ അനുഗൃ​ഹീ​ത​നാ​യി​രു​ന്നെ​ങ്കി​ലും അവന്റെ ആശ്രയം അവയി​ല​ല്ലാ​യി​രു​ന്നു. അവന്റെ സ്വത്തു​ക്ക​ളെ​ല്ലാം നശിച്ച​പ്പോ​ഴും അവന്റെ നിർമ്മ​ല​തക്ക്‌ അശേഷം ഇളക്കം തട്ടിയില്ല. (ഇയ്യേബ്‌ 1:21) തന്റെ സമാപന പ്രതി​വാ​ദ​ത്തിൽ ഇയ്യോബ്‌ ഇങ്ങനെ പറഞ്ഞു: “ഞാൻ സ്വർണ്ണത്തെ എന്റെ വിശ്വാ​സ​മാ​ക്കി​വെ​ച്ചെ​ങ്കിൽ, അല്ലെങ്കിൽ സ്വർണ്ണ​ത്തോട്‌ ‘നീ എന്റെ ആശ്രയ​മാ​കു​ന്നു’ എന്ന്‌ ഞാൻ പറഞ്ഞി​രി​ക്കു​ന്നു​വെ​ങ്കിൽ! എന്റെ വസ്‌തു​വക വളരെ​യ​ധി​ക​മാ​ക​യാ​ലും എന്റെ കൈ ധാരാളം വസ്‌തു​ക്കൾ ആർജ്ജി​ച്ചി​രു​ന്ന​തി​നാ​ലും ഞാൻ പതിവാ​യി സന്തോ​ഷി​ച്ചി​രു​ന്നെ​ങ്കിൽ . . . അതും ന്യായാ​ധി​പൻമാർ ശ്രദ്ധി​ക്കേണ്ട ഒരു തെററ്‌ ആയിരി​ക്കും, എന്തെന്നാൽ ഞാൻ ഉയരത്തി​ലെ ദൈവത്തെ നിഷേ​ധി​ക്കു​മാ​യി​രു​ന്നു.”—ഇയ്യോബ്‌ 31:24-28.

16. (എ) നാം നമ്മേക്കു​റി​ച്ചു​തന്നെ എന്തു പരി​ശോ​ധന നടത്തണം? (ബി) തന്നിൽ ആശ്രയി​ക്കു​ന്ന​വ​രോട്‌ ദൈവം എന്തു വാഗ്‌ദത്തം ചെയ്യുന്നു

¹⁶ നമ്മേ സംബന്ധി​ച്ചെന്ത്‌? നാം നമ്മുടെ ആശ്രയം എവിടെ വെക്കുന്നു—യഹോ​വ​യി​ലോ ഭൗതിക സ്വത്തു​ക്ക​ളി​ലോ? ഇയ്യോബ്‌ ആഗ്രഹി​ച്ച​തു​പോ​ലെ, കൃത്യ​ത​യുള്ള ത്രാസ്സിൽ നമ്മെ തൂക്കി​യാൽ ഈ കാര്യ​ത്തി​ലുള്ള നമ്മുടെ നിർമ്മലത ദൈവം അറിയു​മോ? നമ്മുടെ മുഖ്യ ജീവി​ത​താൽപ്പ​ര്യം യഥാർത്ഥ​ത്തിൽ സാത്താന്റെ പരിഹാ​സ​ങ്ങൾക്ക്‌ ഉത്തരം കൊടു​ക്കാൻ സഹായ​ക​മായ ഒരു നിർമ്മ​ല​താ​പാ​ലന ഗതി യഹോ​വക്കു പ്രദാനം ചെയ്യു​ക​യെ​ന്ന​താ​ണോ? അതോ, ഉല്ലാസ​ങ്ങൾക്കും സ്വത്തു​ക്കൾക്കും വേണ്ടി​യുള്ള നമ്മുടെ മോഹ​ങ്ങളെ തൃപ്‌തി​പ്പെ​ടു​ത്തു​ന്ന​തി​ലാ​ണോ നമുക്കു വിശേ​ഷാൽ താത്‌പ​ര്യ​മു​ള്ളത്‌? നമുക്ക്‌ ഇയ്യോ​ബി​നെ​പ്പോ​ലെ​യാ​യി​രി​ക്കാ​നും യഹോ​വ​യിൽ ആശ്രയി​ച്ചു​കൊണ്ട്‌ അവന്റെ ഹൃദയത്തെ സന്തോ​ഷി​പ്പി​ക്കാ​നും നമുക്കു​ത​ന്നെ​യോ ലഭ്യമായ ഭൗതി​ക​വ​സ്‌തു​ക്കൾക്കോ അമിത​മായ പ്രാധാ​ന്യം കൊടു​ക്കാ​തി​രി​ക്കാ​നും കഴിയു​മെ​ങ്കിൽ എത്ര നന്ന്‌! യഹോ​വ​യു​ടെ താത്‌പ​ര്യ​ങ്ങൾ ഒന്നാമ​തു​വെ​ച്ചു​കൊണ്ട്‌ നാം അവനിൽ ആശ്രയി​ക്കു​ന്നു​വെ​ങ്കിൽ നമ്മെ ഒരിക്ക​ലും കൈവി​ടു​ക​യോ ഉപേക്ഷി​ക്കു​ക​യോ ഇല്ലെന്ന്‌ അവൻ വാഗ്‌ദത്തം ചെയ്യുന്നു.—മത്തായി 6:31-33; എബ്രായർ 13:5, 6.

ലൈം​ഗി​ക​സൻമാർഗ്ഗം

17. ഇയ്യോ​ബി​ന്റെ “ആശ്വാ​സ​കൻമാർ” ഏതു കുററാ​രോ​പ​ണങ്ങൾ നടത്തി, എന്നാൽ തന്റെ ധാർമ്മിക നടത്ത​യെ​ക്കു​റി​ച്ചു ഇയ്യോബ്‌ എന്തു പറഞ്ഞു?

¹⁷ ഇയ്യോ​ബി​ന്റെ വ്യാജാ​ശ്വാ​സ​കൻമാർ ലൈം​ഗിക ദുർന്നടത്ത സംബന്ധിച്ച്‌ അവനെ നേരിട്ട്‌ കുററ​പ്പെ​ടു​ത്തി​യില്ല, എന്നാൽ ഏതോ രഹസ്യ​തെ​റ​റിന്‌ ദൈവം അവനെ ശിക്ഷി​ക്കു​ക​യാ​ണെന്ന്‌ അവർ കൂടെ​ക്കൂ​ടെ സൂചി​പ്പി​ക്കു​ക​യു​ണ്ടാ​യി. തീർച്ച​യാ​യും “സകല പൗരസ്‌ത്യ​രി​ലും വച്ച്‌ ഏററവും വലിയവൻ” ആയ ഒരു ധനവാൻ എന്ന നിലയിൽ ഇയ്യോ​ബി​നു തീർച്ച​യാ​യും വിവാ​ഹ​ത്തി​നു പുറത്തെ ലൈം​ഗി​ക​ത​യ്‌ക്കുള്ള അവസരങ്ങൾ ഉണ്ടായി​രു​ന്നു. (ഇയ്യോബ്‌ 1:3; 24:15) ഇയ്യോ​ബി​ന്റെ കാലത്തി​നു മുമ്പും പിമ്പു​മുള്ള മററു ദൈവ​ദാ​സൻമാർ ലൈം​ഗി​ക​പ്ര​ലോ​ഭ​ന​ങ്ങൾക്കു വഴങ്ങി​യി​ട്ടുണ്ട്‌. (ഉല്‌പത്തി 38:15-23; 2 ശമുവേൽ 11:1-5) എന്നിരു​ന്നാ​ലും, ഇയ്യോബ്‌ അത്തരം ദുഷ്‌പ്ര​വൃ​ത്തി​യു​ടെ ഏതു കുററാ​രോ​പ​ണ​ങ്ങൾക്കു​മെ​തി​രെ പ്രതി​വാ​ദി​ച്ചു​കൊണ്ട്‌ ഇങ്ങനെ പ്രഖ്യാ​പി​ച്ചു: “ഞാൻ എന്റെ കണ്ണുക​ളു​മാ​യി ഒരു ഉടമ്പടി ചെയ്‌തി​രി​ക്കു​ന്നു. അതു​കൊണ്ട്‌ ഒരു കന്യക​യിൽ ശ്രദ്ധി​ക്കു​ന്ന​താ​യി എനിക്ക്‌ എന്നേത്തന്നെ എങ്ങനെ പ്രകട​മാ​ക്കാൻ കഴിയും? എന്റെ ഹൃദയം ഒരു സ്‌ത്രീ​യു​ടെ നേരെ വശീക​രി​ക്ക​പ്പെ​ടു​ക​യും ഞാൻ എന്റെ കൂട്ടു​കാ​രന്റെ പ്രവേ​ശ​ന​വാ​തിൽക്കൽത്തന്നെ പതിയി​രി​ക്കു​ക​യും ചെയ്യു​ന്നു​വെ​ങ്കിൽ . . . അതു ദുർന്ന​ട​ത്ത​യാ​യി​രി​ക്കും, അതു ന്യായാ​ധി​പൻമാർ ശ്രദ്ധി​ക്കേണ്ട ഒരു തെററാ​യി​രി​ക്കും.”—ഇയ്യോബ്‌ 31:1, 9-11.

18. ലൈം​ഗിക സൻമാർഗ്ഗം നിലനിർത്തു​ന്നത്‌ വളരെ പ്രയാ​സ​മാ​യി​രി​ക്കു​ന്ന​തെ​ന്തു​കൊണ്ട്‌, എന്നാൽ നാം അതു നിലനിർത്തു​ന്നു​വെ​ങ്കിൽ നാം സന്തുഷ്ട​രാ​യി​രി​ക്കു​ന്ന​തെ​ന്തു​കൊണ്ട്‌?

¹⁸ ഒരുപക്ഷേ, ദൈവ​ദാ​സൻമാ​രു​ടെ നിർമ്മ​ല​തക്കു തുരങ്കം വയ്‌ക്കു​ന്ന​തിൽ, ദുർവൃ​ത്തി​യി​ലേർപ്പെ​ടാൻ ദൈവ​ദാ​സൻമാ​രെ പ്രേരി​പ്പി​ക്കു​ന്ന​ട​ത്തോ​ളം മറെറാ​രു മാർഗ്ഗ​ത്തി​ലും സാത്താൻ വിജയി​ച്ചി​ട്ടില്ല. (സംഖ്യാ​പു​സ്‌തകം അദ്ധ്യായം 25) ലൈം​ഗിക ദുർന്ന​ട​ത്ത​യ്‌ക്കുള്ള സകല പ്രലോ​ഭ​ന​ങ്ങ​ളെ​യും ചെറു​ത്തു​നി​ന്നു​കൊണ്ട്‌ നിങ്ങൾക്ക്‌ ഇയ്യോ​ബി​ന്റെ നിർമ്മ​ല​തയെ അനുക​രി​ക്കാൻ കഴിയു​മോ? വിശേ​ഷിച്ച്‌, ദുർമ്മാർഗ്ഗം വളരെ പ്രബല​പ്പെ​ട്ടി​രി​ക്കുന്ന, ലൈം​ഗിക ഭ്രാന്തു പിടിച്ച ഈ ലോക​ത്തിൽ അതു തീർച്ച​യാ​യും ഒരു വെല്ലു​വി​ളി​യാണ്‌. എന്നാൽ കണക്കു​ചോ​ദി​ക്കു​മ്പോൾ, ഇയ്യോ​ബി​നെ​പ്പോ​ലെ ധൈര്യ​പൂർവ്വം “ദൈവം എന്റെ നിർമ്മലത അറിയാ​നി​ട​യാ​കും” എന്നു പറയാൻ കഴിയു​ന്നത്‌ എത്ര നന്നാ​ണെന്ന്‌ ചിന്തി​ക്കുക!—ഇയ്യോബ്‌ 31:6.

നമ്മെ എന്തിനു സഹായി​ക്കാൻ കഴിയും

19. നിർമ്മലത പാലി​ക്കാൻ നമ്മെ സഹായി​ക്കു​ന്ന​തിന്‌ അത്യന്താ​പേ​ക്ഷി​ത​മാ​യി​രി​ക്കു​ന്ന​തെന്ത്‌?

¹⁹ ഇയ്യോ​ബി​ന്റെ നിർമ്മ​ല​തയെ തകർക്കാൻ സാത്താൻ ശ്രമി​ച്ച​തു​പോ​ലെ​തന്നെ നമ്മുടെ നിർമ്മ​ല​ത​യെ​യും തകർക്കാൻ ഇന്ന്‌ അവൻ കഠിന​ശ്രമം ചെയ്യു​ന്ന​തു​കൊണ്ട്‌ ഇയ്യോ​ബി​ന്റെ നിർമ്മ​ല​തയെ അനുക​രി​ക്കുക എളുപ്പമല്ല. അതു​കൊണ്ട്‌ നാം ദൈവ​ത്തിൽ നിന്നുള്ള സർവ്വാ​യു​ധ​വർഗ്ഗം ധരി​ക്കേ​ണ്ടത്‌ അത്യന്താ​പേ​ക്ഷി​ത​മാണ്‌. (എഫേസ്യർ 6:10-18) ഇതിൽ ഇയ്യോ​ബി​നെ​പ്പോ​ലെ ദൈവ​ത്തോ​ടു ചേർന്നു​നിൽക്കു​ന്ന​തും നാമോ നമ്മുടെ കുടും​ബ​മോ ചെയ്യുന്ന എന്തിലും അവനെ പ്രസാ​ദി​പ്പി​ക്കു​ന്ന​തി​നെ​ക്കു​റിച്ച്‌ സദാ ബോധ​മു​ള്ള​വ​രാ​യി​രി​ക്കു​ന്ന​തും ഉൾപ്പെ​ടു​ന്നു. (ഇയ്യോബ്‌ 1:5) അങ്ങനെ, ബൈബിൾ പഠനവും സഹവി​ശ്വാ​സി​ക​ളു​മാ​യുള്ള നിരന്തര സഹവാ​സ​വും നമ്മുടെ വിശ്വാ​സ​ത്തി​ന്റെ പരസ്യ​പ്ര​ഖ്യാ​പ​ന​വും മർമ്മ​പ്ര​ധാ​ന​മാണ്‌.—2 തിമൊ​ഥെ​യോസ്‌ 2:15; എബ്രായർ 10:25; റോമർ 10:10.

20. (എ) പീഡാ​നു​ഭ​വ​വേ​ള​ക​ളിൽ ഏതു പ്രത്യാ​ശക്ക്‌ നമ്മെ പുലർത്താൻ കഴിയും? (ബി) നിർമ്മ​ല​താ​പാ​ല​ന​ത്തിന്‌ സങ്കീർത്ത​ന​ക്കാ​രൻ പറഞ്ഞ ഏതു പ്രതി​ഫലം നമുക്ക്‌ ലഭി​ച്ചേ​ക്കാം?

²⁰ എന്നാൽ ഈ ജീവിതം മാത്ര​മ​ല്ലു​ള്ളത്‌ എന്ന ഇയ്യോ​ബി​ന്റെ വിശ്വാ​സ​മാ​യി​രു​ന്നു അവനെ പുലർത്തി​യത്‌. ആ വിശ്വാ​സ​ത്തി​നാണ്‌ പീഡാ​നു​ഭ​വ​വേ​ള​യിൽ നമ്മെയും വിശേ​ഷാൽ പുലർത്താൻ കഴിയു​ന്നത്‌. “ഒരു കരുത്ത​നായ മനുഷ്യൻ മരിക്കു​ന്നു​വെ​ങ്കിൽ അവനു വീണ്ടും ജീവി​ക്കാൻ കഴിയു​മോ?” എന്നു ഇയ്യോബ്‌ ചോദി​ച്ചു. മറുപ​ടി​യാ​യി “നീ വിളി​ക്കും, ഞാൻ തന്നെ നിനക്ക്‌ ഉത്തരം നൽകും” എന്ന്‌ അവൻ പറഞ്ഞു. (ഇയ്യോബ്‌ 14:13-15) യഹോവ തന്റെ വിശ്വസ്‌ത ദാസൻമാ​രെ ഉയിർപ്പി​ക്കു​മെ​ന്നുള്ള ഇതേ സമ്പൂർണ്ണ വിശ്വാ​സ​ത്തിന്‌ സാത്താൻ വരുത്തി​യേ​ക്കാ​വുന്ന ഏതു പരി​ശോ​ധ​ന​യേ​യും അഭിമു​ഖീ​ക​രി​ക്കാൻ നമ്മെയും സഹായി​ക്കു​ന്ന​തി​നു കഴിയും. (എബ്രായർ 6:10) ദീർഘ​നാൾ മുമ്പ്‌ ബൈബിൾ സങ്കീർത്ത​ന​ക്കാ​രൻ എഴുതി: “എന്നെ സംബന്ധി​ച്ച​ട​ത്തോ​ളം എന്റെ നിർമ്മലത നിമിത്തം നീ എന്നെ താങ്ങി​യി​രി​ക്കു​ന്നു, നീ എന്നെ നിന്റെ മുഖത്തി​നു​മു​മ്പാ​കെ അനിശ്ചി​ത​കാ​ല​ത്തോ​ളം നിർത്തും.” (സങ്കീർത്തനം 41:12) നമ്മിൽ ഓരോ​രു​ത്ത​രു​ടെ​യും സന്തുഷ്ട ഭാവി അതായി​രി​ക്കട്ടെ—യഹോ​വ​യു​ടെ നിർമ്മലത പാലി​ക്കുന്ന ദാസൻമാ​രാ​യി​രി​ക്കുക നിമിത്തം നമ്മെ താങ്ങു​ന്ന​തി​നും എന്നേക്കും കാത്തു​സൂ​ക്ഷി​ക്കു​ന്ന​തി​നും യഹോവ ഉണ്ടായി​രി​ക്കട്ടെ! (w86 3⁄1)