ബൈബി​ളി​ന്റെ വീക്ഷണം

ബൈബി​ളും ശാസ്‌ത്ര​വും യോജി​പ്പി​ലാ​ണോ?

വിമാ​ന​ങ്ങ​ളും ആറ്റം​ബോം​ബു​ക​ളും മുതൽ കോശ​ങ്ങ​ളു​ടെ ജനിത​ക​പ​ര​മായ കൈകാ​ര്യം​ചെ​യ്യ​ലും ആടുക​ളു​ടെ ക്ലോണി​ങ്ങും വരെ സാധ്യ​മാ​യി​രി​ക്കുന്ന നമ്മുടെ 20-ാം നൂറ്റാണ്ട്‌ ശാസ്‌ത്ര​ത്താൽ ഭരിക്ക​പ്പെ​ടുന്ന ഒരു യുഗമാണ്‌. ശാസ്‌ത്ര​ജ്ഞ​ന്മാർ മനുഷ്യ​രെ ചന്ദ്രനി​ലെ​ത്തി​ക്കു​ക​യും വസൂരി നിർമാർജനം ചെയ്യു​ക​യും കാർഷി​ക​മേ​ഖ​ല​യിൽ വിപ്ലവം സൃഷ്ടി​ക്കു​ക​യും ശതകോ​ടി​ക്ക​ണ​ക്കി​നാ​ളു​കൾക്കു തത്‌ക്ഷണ ലോക​വ്യാ​പക ആശയവി​നി​യമം സാധ്യ​മാ​ക്കി​ത്തീർക്കു​ക​യും ചെയ്‌തി​രി​ക്കു​ന്നു. അതു​കൊണ്ട്‌, ശാസ്‌ത്ര​ജ്ഞ​ന്മാർ പറയു​ന്നത്‌ ആളുകൾ അംഗീ​ക​രി​ക്കു​ന്ന​തിൽ അതിശ​യ​മില്ല. എന്നാൽ ശാസ്‌ത്ര​ജ്ഞ​ന്മാർക്ക്‌ ബൈബി​ളി​നെ​ക്കു​റിച്ച്‌ എന്താണു പറയാ​നു​ള്ളത്‌? അതു​പോ​ലെ​തന്നെ ശാസ്‌ത്ര​ത്തെ​ക്കു​റിച്ച്‌ ബൈബിൾ നമ്മോട്‌ എന്താണു പറയു​ന്നത്‌?

അത്ഭുതങ്ങൾ അശാസ്‌ത്രീ​യ​മോ?

“ശാസ്‌ത്രീയ ചിന്താ​ഗ​തി​യുള്ള ആളുകൾ ഒരു ‘കാര്യ​കാ​രണ’ ബന്ധത്തിൽ വിശ്വ​സി​ക്കു​ന്നു. എല്ലാറ്റി​നും തികച്ചും പ്രകൃ​തി​സി​ദ്ധ​മായ ഒരു വിശദീ​ക​രണം ഉണ്ടെന്ന്‌ അവർ വിചാ​രി​ക്കു​ന്നു” എന്ന്‌ ഒരു സമകാ​ലീന വിജ്ഞാ​ന​കോ​ശം പ്രസ്‌താ​വി​ക്കു​ന്നു. ബൈബിൾ പഠിതാ​ക്ക​ളും സുസ്ഥാ​പി​ത​മായ ശാസ്‌ത്രീയ തത്ത്വങ്ങൾ അംഗീ​ക​രി​ക്കു​ന്നു. എന്നാൽ, ഏതൽക്കാല അറിവി​ന്റെ വെളി​ച്ച​ത്തിൽ ശാസ്‌ത്രീ​യ​മാ​യി വിശദീ​ക​രി​ക്കാൻ കഴിയാത്ത അത്ഭുത സംഭവ​ങ്ങ​ളെ​ക്കു​റിച്ച്‌ ബൈബിൾ പലയി​ട​ത്തും ചർച്ച​ചെ​യ്യു​ന്ന​താ​യി അവർ മനസ്സി​ലാ​ക്കു​ന്നു. യോശു​വ​യു​ടെ നാളിൽ സൂര്യൻ നിശ്ചല​മാ​യി നിന്നതും യേശു വെള്ളത്തി​ന്റെ മുകളി​ലൂ​ടെ നടന്നതു​മൊ​ക്കെ ഉദാഹ​ര​ണ​ങ്ങ​ളാണ്‌. (യോശുവ 10:12, 13; മത്തായി 14:23-34) എന്നാൽ, ഈ അത്ഭുതങ്ങൾ, ദൈവ​ത്തി​ന്റെ ശക്തി അമാനു​ഷി​ക​മായ വിധത്തിൽ പ്രവർത്തി​ച്ച​തി​ന്റെ ഫലമാ​യി​ട്ടു​ള്ള​വ​യാ​യി അവതരി​പ്പി​ച്ചി​രി​ക്കു​ന്നു.

ഈ ആശയം പ്രധാ​ന​പ്പെ​ട്ട​താണ്‌. ദിവ്യ സഹായം കൂടാതെ മനുഷ്യർക്കു വെള്ളത്തി​ന്റെ മുകളി​ലൂ​ടെ നടക്കാൻ കഴിയു​മെ​ന്നോ ആകാശ​ത്തി​ലൂ​ടെ​യുള്ള സൂര്യന്റെ പ്രത്യക്ഷ ചലനം യാതൊ​രു കാരണ​വും കൂടാതെ നിർത്താൻ കഴിയു​മെ​ന്നോ ബൈബിൾ തറപ്പിച്ചു പറഞ്ഞി​രു​ന്നെ​ങ്കിൽ അത്‌ ശാസ്‌ത്ര വസ്‌തു​ത​കൾക്കു വിരു​ദ്ധ​മാ​യി​രി​ക്കു​ന്ന​താ​യി തോന്നു​മാ​യി​രു​ന്നു. എന്നാൽ, ദൈവ​ത്തി​ന്റെ ശക്തിയാണ്‌ അത്തരം സംഭവ​ങ്ങൾക്കി​ട​യാ​ക്കി​യത്‌ എന്നു പറയു​മ്പോൾ അതു ശാസ്‌ത്ര​ത്തി​നു വിരു​ദ്ധ​മാ​യി സംസാ​രി​ക്കു​ന്ന​തി​നു പകരം ശാസ്‌ത്ര​ത്തിന്‌ ഇതുവ​രെ​യും മനസ്സി​ലാ​ക്കാൻ കഴിഞ്ഞി​ട്ടി​ല്ലാത്ത ഒരു സംഗതി​യി​ലേക്കു ചർച്ചയെ നയിക്കു​ക​യാ​ണു ചെയ്യു​ന്നത്‌.

ബൈബിൾ ശാസ്‌ത്ര​ത്തി​നു വിരു​ദ്ധ​മോ?

അതേസ​മയം, ബൈബിൾ ആളുക​ളു​ടെ ജീവി​ത​ത്തി​ലെ സാധാരണ സംഭവ​ങ്ങ​ളെ​ക്കു​റി​ച്ചു ചർച്ച​ചെ​യ്യു​ക​യോ സസ്യങ്ങൾ, ജന്തുക്കൾ, പ്രാകൃ​തിക പ്രതി​ഭാ​സങ്ങൾ എന്നിവ​യെ​ക്കു​റിച്ച്‌ സംസാ​രി​ക്കു​ക​യോ ചെയ്യുന്ന സന്ദർഭ​ങ്ങ​ളെ​ക്കു​റി​ച്ചെന്ത്‌? രസകര​മെന്നു പറയട്ടെ, ആ പ്രസ്‌താ​വ​ന​ക​ളു​ടെ സന്ദർഭം കണക്കി​ലെ​ടു​ക്കു​മ്പോൾ അത്തരം കേസു​ക​ളിൽ ബൈബിൾ അറിയ​പ്പെ​ടുന്ന ശാസ്‌ത്ര വസ്‌തു​ത​കൾക്കു വിരു​ദ്ധ​മാ​യി സംസാ​രി​ക്കു​ന്ന​തി​ന്റെ തെളി​യി​ക്ക​പ്പെട്ട യാതൊ​രു ഉദാഹ​ര​ണ​വു​മില്ല.

ഉദാഹ​ര​ണ​ത്തിന്‌, ബൈബിൾ പലപ്പോ​ഴും, ആയിര​ക്ക​ണ​ക്കി​നു വർഷങ്ങൾക്കു മുമ്പു ജീവി​ച്ചി​രുന്ന ആളുക​ളു​ടെ ഗ്രഹണ​പ്രാ​പ്‌തി​യെ പ്രതി​ഫ​ലി​പ്പി​ക്കുന്ന കാവ്യ ഭാഷ ഉപയോ​ഗി​ക്കു​ന്നു. “ലോഹ​ദർപ്പ​ണം​പോ​ലെ ഉറപ്പുള്ള” ആകാശത്തെ യഹോവ അടിക്കു​ന്ന​തി​നെ​ക്കു​റി​ച്ചോ ആകൃതി​പ്പെ​ടു​ത്തു​ന്ന​തി​നെ​ക്കു​റി​ച്ചോ ഇയ്യോ​ബി​ന്റെ പുസ്‌തകം പറയു​മ്പോൾ അത്‌ ഉചിത​മാ​യും ആകാശത്തെ നന്നായി പ്രതി​ഫ​ലി​ക്കുന്ന ഒരു ലോഹ​ദർപ്പ​ണ​മാ​യി വർണി​ക്കു​ന്നു. (ഇയ്യോബ്‌ 37:18) ഈ ചിത്രീ​ക​ര​ണത്തെ അക്ഷരാർഥ​ത്തിൽ എടുക്കേണ്ട കാര്യ​മില്ല, ഭൂമിക്ക്‌ ‘പൊഴി​യുള്ള ആധാര​ങ്ങ​ളോ’ ‘മൂലക്ക​ല്ലോ’ ഉള്ളതാ​യുള്ള ചിത്രീ​ക​ര​ണത്തെ അക്ഷരാർഥ​ത്തിൽ എടുക്കു​ക​യി​ല്ലാ​ത്ത​തു​പോ​ലെ​തന്നെ.—ഇയ്യോബ്‌ 38:4-7, NW.

അനേകം ഭാഷ്യ​കാ​രൻമാർ അത്തരം ചിത്രീ​ക​ര​ണ​ങ്ങളെ അക്ഷരം​പ്രതി എടുത്തി​ട്ടു​ള്ള​തു​കൊണ്ട്‌ ഈ സംഗതി പ്രധാ​ന​മാണ്‌. (2 ശമൂവേൽ 22:8; സങ്കീർത്തനം 78:23, 24 എന്നിവ കാണുക.) ബൈബിൾ പിൻവ​രു​ന്ന​തു​പോ​ലുള്ള എന്തോ പഠിപ്പി​ക്കു​ന്നു​ണ്ടെന്ന്‌ അവർ നിഗമനം ചെയ്‌തി​രി​ക്കു​ന്നു, ദി ആങ്കർ ബൈബിൾ ഡിക്‌ഷ്‌ന​റി​യിൽനി​ന്നുള്ള ഉദ്ധരണി​യാ​ണിത്‌.

“മനുഷ്യ​വർഗം പാർക്കുന്ന ഭൂമി, ഉരുണ്ട ഒരു ഖര വസ്‌തു​വാ​ണെന്ന്‌, ഒരുപക്ഷേ സീമയി​ല്ലാത്ത ജലപ്പര​പ്പിൽ പൊന്തി​ക്കി​ട​ക്കുന്ന ഒരു തളിക​യാ​ണെന്ന്‌ വിചാ​രി​ക്ക​പ്പെ​ടു​ന്നു. താഴെ​യുള്ള ഈ ജലശേ​ഖ​ര​ത്തി​നു സമാന്ത​ര​മാ​യി മുകളിൽ മറ്റൊരു ജലശേ​ഖ​ര​മുണ്ട്‌. അതും നിസ്സീ​മ​മാണ്‌. ഇതിൽനി​ന്നാണ്‌ ജലം മഴയുടെ രൂപത്തിൽ പെയ്യു​ന്നത്‌. ആകാശ ജലസം​ഭ​ര​ണി​യി​ലെ ദ്വാര​ങ്ങ​ളി​ലൂ​ടെ​യും കുഴലു​ക​ളി​ലൂ​ടെ​യും ആണ്‌ വെള്ളം താഴേക്കു പോരു​ന്നത്‌. ഭൂമിക്കു മുകളി​ലെ കമാനാ​കൃ​തി​യി​ലുള്ള വളവിൽ ചന്ദ്രനും സൂര്യ​നും മറ്റു പ്രകാ​ശ​ഗോ​ള​ങ്ങ​ളും ഉറപ്പി​ക്ക​പ്പെ​ട്ടി​രി​ക്കു​ന്നു. ഈ ഘടന പുരോ​ഹി​ത​ന്മാ​രു​ടെ വിവര​ണ​ത്തി​ലെ സുപരി​ചി​ത​മായ ‘നഭോ​മ​ണ്ഡലം’ (റേക്വിയ) ആണ്‌.”

ഈ വിവരണം ആധുനിക ശാസ്‌ത്ര​വു​മാ​യി ചേർച്ച​യി​ല​ല്ലെ​ന്നു​ള്ളതു വ്യക്തം. എന്നാൽ ആകാശത്തെ സംബന്ധി​ച്ചു ബൈബിൾ പഠിപ്പി​ക്കു​ന്ന​തി​ന്റെ സത്യസ​ന്ധ​മായ ഒരു വിലയി​രു​ത്ത​ലാ​ണോ ഇത്‌? ഒരിക്ക​ലു​മല്ല. എബ്രായ തിരു​വെ​ഴു​ത്തിൽ പരാമർശി​ച്ചി​രി​ക്കുന്ന പ്രപഞ്ച​ത്തെ​ക്കു​റി​ച്ചുള്ള അത്തരം വർണനകൾ “പ[ഴയ] നി[യമ]ത്തിലെ യഥാർഥ​ത്തി​ലുള്ള ഏതെങ്കി​ലും പ്രസ്‌താ​വ​ന​ക​ളിൽ അടിസ്ഥാ​ന​പ്പെ​ട്ട​വ​യാ​യി​രി​ക്കു​ന്ന​തി​നു പകരം മധ്യയു​ഗ​ങ്ങ​ളിൽ യൂറോ​പ്പിൽ പ്രബല​പ്പെ​ട്ടി​രുന്ന ആശയങ്ങ​ളിൽ അടിസ്ഥാ​ന​പ്പെ​ട്ട​വ​യാണ്‌” എന്ന്‌ ദി ഇന്റർനാ​ഷണൽ സ്റ്റാൻഡേർഡ്‌ ബൈബിൾ എൻ​സൈ​ക്ലോ​പീ​ഡിയ പ്രസ്‌താ​വി​ക്കു​ന്നു. ആ മധ്യകാല ആശയങ്ങൾ എവി​ടെ​നി​ന്നു വന്നവയാണ്‌? പാശ്ചാത്യ ശാസ്‌ത്ര​ത്തി​ന്റെ തുടക്കങ്ങൾ (ഇംഗ്ലീഷ്‌) എന്നതിൽ ഡേവിഡ്‌ സി. ലിൻഡ്‌ബെർഗ്‌ വിശദീ​ക​രി​ക്കുന്ന പ്രകാരം, അവ ഒരു വലിയ അളവിൽ പുരാതന ഗ്രീക്ക്‌ തത്ത്വചി​ന്ത​ക​നായ അരി​സ്റ്റോ​ട്ടി​ലി​ന്റെ പ്രപഞ്ച​ഘ​ട​നാ​ശാ​സ്‌ത്ര​ത്തിൽ അടിസ്ഥാ​ന​പ്പെ​ട്ട​വ​യാ​യി​രു​ന്നു. മധ്യകാല പഠനത്തി​ല​ധി​ക​വും അടിസ്ഥാ​ന​പ്പെ​ട്ടി​രു​ന്നത്‌ അദ്ദേഹ​ത്തി​ന്റെ കൃതി​ക​ളി​ലാ​യി​രു​ന്നു.

20-ാം നൂറ്റാ​ണ്ടി​ലെ ഒരു ശാസ്‌ത്ര​ജ്ഞന്‌ ആകർഷ​ക​മായ ഭാഷയിൽ ബൈബിൾ എഴുതു​ന്നത്‌ ദൈവത്തെ സംബന്ധി​ച്ചി​ട​ത്തോ​ളം നിരർഥ​ക​വും ഉദ്ദേശ്യ​ര​ഹി​ത​വും ആയിരി​ക്കു​മാ​യി​രു​ന്നു. ശാസ്‌ത്രീയ സൂത്ര​വാ​ക്യ​ങ്ങൾക്കു​പ​കരം ബൈബി​ളി​ലു​ള്ളത്‌ അതാദ്യം എഴുതിയ ആളുക​ളു​ടെ നിത്യ ജീവി​ത​ത്തിൽനി​ന്നു​മെ​ടുത്ത ജീവസ്സുറ്റ ദൃഷ്ടാ​ന്ത​ങ്ങ​ളാണ്‌, ഇന്നും സമയാ​തീത സ്വാധീ​നം ചെലു​ത്തുന്ന സുസ്‌പ​ഷ്ട​മായ വിവര​ണങ്ങൾ തന്നെ.—ഇയ്യോബ്‌ 38:8-38; യെശയ്യാ​വു 40:12-23.

ഒരു ഉയർന്ന സ്രോ​ത​സ്സിൽനി​ന്നുള്ള വിജ്ഞാനം

എന്നിരു​ന്നാ​ലും, രസകര​മെന്നു പറയട്ടെ, ചില ബൈബിൾ പരാമർശങ്ങൾ അന്നു ജീവി​ച്ചി​രുന്ന ആളുകൾക്കു ലഭ്യമ​ല്ലാ​യി​രുന്ന ശാസ്‌ത്രീയ വിജ്ഞാ​നത്തെ പ്രതി​ഫ​ലി​പ്പി​ക്കു​ന്ന​താ​യി കാണ​പ്പെ​ടു​ന്നു. ദൈവം “ഉത്തരദി​ക്കി​നെ . . . ശൂന്യ​ത്തി​ന്മേൽ വിരി​ക്കുന്ന”തായും “ഭൂമിയെ നാസ്‌തി​ത്വ​ത്തി​ന്മേൽ തൂക്കുന്ന”തായും ഇയ്യോബ്‌ വർണി​ക്കു​ന്നു. (ഇയ്യോബ്‌ 26:7) ഭൂമിയെ “നാസ്‌തി​ത്വ​ത്തി​ന്മേൽ” തൂക്കി​യി​രി​ക്കു​ന്നു എന്ന ആശയം, ആനകളോ കടലാ​മ​ക​ളോ ഭൂമിയെ താങ്ങി​നിർത്തി​യി​രി​ക്കു​ന്നു എന്നു വിശ്വ​സി​ച്ചി​രുന്ന മിക്ക പുരാതന ആളുക​ളു​ടെ​യും കെട്ടു​ക​ഥ​ക​ളിൽനി​ന്നു വളരെ വ്യത്യ​സ്‌ത​മാ​യി​രു​ന്നു. ശുചി​ത്വം സംബന്ധിച്ച മോ​ശൈക ന്യായ​പ്ര​മാ​ണ​ത്തി​ലെ നിബന്ധ​നകൾ അക്കാലത്തെ വൈദ്യ പരിജ്ഞാ​ന​ത്തെ​ക്കാൾ വളരെ മികച്ച​താ​യി​രു​ന്നു. കുഷ്‌ഠ​രോ​ഗി​ക​ളെന്നു സംശയി​ക്ക​പ്പെ​ട്ടി​രുന്ന ആളുക​ളു​ടെ സംസർഗം ഒഴിവാ​ക്കു​ന്ന​തി​നുള്ള നിയ​ന്ത്ര​ണ​ങ്ങ​ളും മരിച്ച​വരെ തൊടു​ന്നതു സംബന്ധിച്ച വിലക്കും അനേകം ഇസ്രാ​യേ​ല്യ​രു​ടെ ജീവൻ രക്ഷിച്ചു​വെ​ന്ന​തി​നു സംശയ​മില്ല. (ലേവ്യ​പു​സ്‌തകം 13; സംഖ്യാ​പു​സ്‌തകം 19:11-16) ഇതിനു കടകവി​രു​ദ്ധ​മാ​യി, അസീറി​യ​ക്കാ​രു​ടെ വൈദ്യ നടപടി​കളെ “മതത്തി​ന്റെ​യും ഭാവി​ക​ഥ​ന​വി​ദ്യ​യു​ടെ​യും ഭൂതവി​ദ്യ​യു​ടെ​യും ഒരു മിശ്രി​തം” എന്നു വർണി​ച്ചി​രി​ക്കു​ന്നു. പട്ടിക്കാ​ഷ്‌ഠ​വും മനുഷ്യ മൂത്ര​വും ഉപയോ​ഗി​ച്ചുള്ള ചികി​ത്സകൾ അവയിൽ ഉൾപ്പെ​ട്ടി​രു​ന്നു.

ദൈവ​ത്താൽ നിശ്വ​സ്‌ത​മായ ഒരു പുസ്‌ത​ക​ത്തിൽനിന്ന്‌ ഒരുവൻ പ്രതീ​ക്ഷി​ക്കു​ന്ന​തു​പോ​ലെ ബൈബിൾ, അതെഴു​ത​പ്പെട്ട കാല​ത്തെ​ക്കാൾ വളരെ പുരോ​ഗ​മിച്ച രീതി​യിൽ ശാസ്‌ത്രീ​യ​മാ​യി കൃത്യ​മായ വിവരങ്ങൾ ഉൾക്കൊ​ള്ളു​ന്നു. എന്നാൽ അത്‌ പുരാതന ആളുകൾക്ക്‌ അർഥം പിടി​കി​ട്ടാ​ത്ത​തോ ആശയക്കു​ഴപ്പം ഉണ്ടാക്കു​ന്ന​തോ ആയ ശാസ്‌ത്രീയ വിശദീ​ക​ര​ണ​ങ്ങ​ളിൽ മുഴു​കി​പ്പോ​യി​ട്ടു​മില്ല. അറിയ​പ്പെ​ടുന്ന ശാസ്‌ത്രീയ വസ്‌തു​ത​കൾക്കു വിരു​ദ്ധ​മായ യാതൊ​ന്നും ബൈബി​ളി​ലില്ല. അതേസ​മ​യം​തന്നെ, പരിണാ​മ​സി​ദ്ധാ​ന്തം പോ​ലെ​യുള്ള തെളി​യി​ക്ക​പ്പെ​ടാത്ത സിദ്ധാ​ന്ത​ങ്ങ​ളു​മാ​യി ചേർച്ച​യി​ല​ല്ലാത്ത വളരെ​യ​ധി​കം കാര്യങ്ങൾ ബൈബി​ളി​ലുണ്ട്‌.

[27-ാം പേജിലെ ആകർഷ​ക​വാ​ക്യം]

‘ഭൂമിയെ നാസ്‌തി​ത്വ​ത്തി​ന്മേൽ തൂക്കി’യിരി​ക്കു​ന്നു എന്ന ഇയ്യോ​ബി​ന്റെ അഭി​പ്രാ​യം അവന്റെ സമകാ​ലീ​നർക്കു ലഭ്യമ​ല്ലാ​യി​രുന്ന വിജ്ഞാ​നത്തെ സൂചി​പ്പി​ക്കു​ന്നു

[26-ാം പേജിലെ ചിത്ര​ത്തിന്‌ കടപ്പാട്‌]

NASA