ഒരു വൃക്ഷം വെട്ടി​ക്ക​ള​ഞ്ഞാൽ പിന്നെ​യും പൊട്ടി​ക്കി​ളിർക്കു​മോ?

പ്രൗഢി​യോ​ടെ തലയു​യർത്തി നിൽക്കുന്ന ലെബാ​നോ​നി​ലെ ദേവദാ​രു വൃക്ഷത്തി​നു മുന്നിൽ, വളഞ്ഞു​പു​ളഞ്ഞ്‌ വികല​മാ​യ​തും പരുപ​രുത്ത തൊലി​യോ​ടു​കൂ​ടി​യ​തും ആയ ഒരു വയസ്സൻ ഒലിവു മരം അത്ര ആകർഷ​ക​മാ​യി തോന്നി​യെ​ന്നു​വ​രില്ല. എന്നാൽ പ്രതി​കൂ​ല​കാ​ലാ​വ​സ്ഥ​കളെ അതിജീ​വി​ക്കാൻ ഒലിവു മരത്തിനു അസാമാ​ന്യ​ക​ഴി​വുണ്ട്‌. ചില ഒലിവു മരങ്ങൾക്ക്‌ 1,000 വർഷം പഴക്കമുണ്ട്‌. അതിന്റെ വേരുകൾ മണ്ണിന​ടി​യിൽ നീണ്ട്‌ പടർന്നു​കി​ട​ക്കു​ന്നു. തായ്‌ത്തടി നശിച്ചു​പോ​യാ​ലും പുതു​നാ​മ്പു​കൾ പൊട്ടി​ക്കി​ളിർക്കാൻ ഇത്‌ സഹായി​ക്കു​ന്നു. വേരുകൾ നശിക്കാ​ത്തി​ട​ത്തോ​ളം അത്‌ വീണ്ടും വളരു​ക​തന്നെ ചെയ്യും.

താൻ മരിച്ചാ​ലും വീണ്ടും ജീവി​ക്കു​മെന്ന്‌ വിശ്വ​സ്‌ത​മ​നു​ഷ്യ​നാ​യി​രുന്ന ഇയ്യോ​ബിന്‌ ബോധ്യ​മു​ണ്ടാ​യി​രു​ന്നു. (ഇയ്യോ. 14:13-15) ഒരു വൃക്ഷത്തി​ന്റെ (ഒരുപക്ഷേ, ഒരു ഒലിവു മരത്തിന്റെ) ദൃഷ്ടാന്തം ഉപയോ​ഗി​ച്ചു​കൊണ്ട്‌, തന്നെ ഉയിർപ്പി​ക്കാൻ ദൈവ​ത്തി​നു കഴിവു​ണ്ടെ​ന്നുള്ള ബോധ്യം ഇയ്യോബ്‌ ചിത്രീ​ക​രി​ച്ചു: “വൃക്ഷത്തി​നു പ്രത്യാ​ശ​യുണ്ട്‌; അതു വെട്ടി​ക്ക​ള​ഞ്ഞാ​ലും വീണ്ടും പൊട്ടി​ക്കി​ളിർക്കും.” കടുത്ത വരൾച്ച​യ്‌ക്കു ശേഷം ഒരു കുളിർമഴ പെയ്യു​മ്പോൾ, ഉണങ്ങിയ ഒലിവു മരത്തിന്‌ ജീവൻ പ്രാപി​ക്കാ​നും “ഇളം​ചെ​ടി​പോ​ലെ ശാഖ പുറ​പ്പെ​ടു​വി”ക്കാനും കഴിയും.—ഇയ്യോ. 14:7-9, സത്യ​വേ​ദ​പു​സ്‌തകം, ആധുനിക വിവർത്തനം.

വെട്ടി​യി​ട​പ്പെട്ട ഒലിവു മരത്തിൽനിന്ന്‌ പുതു​നാ​മ്പു​കൾ പൊട്ടി​ക്കി​ളിർക്കു​ന്നതു കാണാൻ ഒരു കൃഷി​ക്കാ​രൻ കാത്തി​രി​ക്കു​ന്ന​തു​പോ​ലെ, മരിച്ചു​പോയ തന്റെ പ്രിയ​ദാ​സ​രെ​യും മറ്റനേ​ക​രെ​യും ജീവനി​ലേക്കു തിരികെ കൊണ്ടു​വ​രാൻ യഹോ​വ​യാം ദൈവം അതിയാ​യി വാഞ്‌ഛി​ക്കു​ന്നു. (മത്താ. 22:31, 32; യോഹ. 5:28, 29; പ്രവൃ. 24:15) മരിച്ചു​പോ​യ​വരെ തിരികെ ജീവനി​ലേക്കു സ്വാഗതം ചെയ്യു​ന്ന​തും അവർ വീണ്ടും ജീവിതം ആസ്വദി​ക്കു​ന്നത്‌ കാണു​ന്ന​തും എത്ര സന്തോ​ഷ​ക​ര​മാ​യി​രി​ക്കും!