15. സങ്കീർത്തനം 115 എങ്ങനെ പാടി​യി​രു​ന്നി​രി​ക്കണം?

¹⁵ യഹോ​വയെ സ്‌തു​തി​ക്കാ​നും ആശ്രയി​ക്കാ​നും സങ്കീർത്തനം 115 നമ്മെ പ്രോൽസാ​ഹി​പ്പി​ക്കു​ന്നു. അത്‌ അനു​ഗ്ര​ഹ​വും സഹായ​വും യഹോ​വ​യിൽനി​ന്നു വരുന്ന​താ​യി സമ്മതി​ച്ചു​പ​റ​യു​ക​യും വിഗ്ര​ഹങ്ങൾ വ്യർത്ഥ​മാ​ണെന്നു തെളി​യി​ക്കു​ക​യും ചെയ്യുന്നു. ഈ സങ്കീർത്തനം രണ്ടുകൂ​ട്ടർ ചേർന്നു ഗാന​പ്ര​തി​ഗാ​ന​മാ​യി പാടി​യി​രു​ന്നി​രി​ക്കണം. അതായത്‌ “യഹോ​വാ​ഭ​ക്തൻമാ​രേ, യഹോ​വ​യിൽ ആശ്രയി​പ്പിൻ” എന്ന്‌ ഒരു ശബ്ദം പാടി​യേ​ക്കാം. സഭ, “അവൻ അവരുടെ സഹായ​വും പരിച​യും ആകുന്നു” എന്ന്‌ പ്രതി​വ​ചി​ച്ചി​ട്ടു​ണ്ടാ​വാം.—സങ്കീർത്തനം 115:11.

17. മരിച്ച​വർക്കു യഹോ​വയെ സ്‌തു​തി​ക്കാൻ കഴിയു​ക​യി​ല്ലാ​ത്ത​തി​നാൽ നാം എന്തു ചെയ്യണം, എന്തു പ്രത്യാ​ശ​ക​ളോ​ടെ?

¹⁷ ഇസ്ര​യേ​ലി​ന്റെ​യും അഹരോ​ന്റെ പൗരോ​ഹി​ത്യ​ഗൃ​ഹ​ത്തി​ന്റെ​യും ദൈവത്തെ ഭയപ്പെ​ടുന്ന എല്ലാവ​രു​ടെ​യും സഹായി​യും സംരക്ഷണ പരിച​യും എന്നനി​ല​യിൽ യഹോ​വ​യിൽ ആശ്രയി​ക്കു​ന്ന​തി​നുള്ള പ്രബോ​ധ​ന​മാ​ണു തുടർന്നു നൽകു​ന്നത്‌. (സങ്കീർത്തനം 115:9-11) യഹോ​വയെ ഭയപ്പെ​ടു​ന്ന​വ​രെ​ന്ന​നി​ല​യിൽ, നമുക്കു ദൈവ​ത്തോട്‌ അഗാധ​മായ ഭയഭക്തി​യും അവനെ അപ്രീ​തി​പ്പെ​ടു​ത്തു​ന്ന​തിൽ ഉചിത​മായ ഭയവും ഉണ്ട്‌. “ആകാശ​ത്തെ​യും ഭൂമി​യെ​യും ഉണ്ടാക്കി​യവൻ” തന്റെ വിശ്വസ്‌ത ആരാധ​കരെ അനു​ഗ്ര​ഹി​ക്കു​ന്നു​വെ​ന്നും നമുക്കു വിശ്വാ​സ​മുണ്ട്‌. (12-15 വരെയുള്ള വാക്യങ്ങൾ) സ്വർഗ്ഗങ്ങൾ അവന്റെ സിംഹാ​സ​ന​ത്തി​ന്റെ സ്ഥലമാ​കു​ന്നു, എന്നാൽ ഭൂമിയെ അവൻ വിശ്വ​സ്‌ത​രും അനുസ​ര​ണ​മു​ള്ള​വ​രും ആയ മനുഷ്യ​വർഗ്ഗ​ത്തി​ന്റെ നിത്യ​ഭ​വ​ന​മാ​ക്കി​യി​രി​ക്കു​ന്നു. നിശ്ശബ്ദ​രായ അബോ​ധാ​വ​സ്ഥ​യി​ലുള്ള മരിച്ച​വർക്കു യഹോ​വയെ സ്‌തു​തി​ക്കാൻ കഴിയാ​ത്ത​തി​നാൽ ജീവനുള്ള നമ്മൾ മുഴു​ഭ​ക്തി​യോ​ടും വിശ്വ​സ്‌ത​ത​യോ​ടും കൂടെ അങ്ങനെ ചെയ്യണം. (സഭാ​പ്ര​സം​ഗി 9:5) യഹോ​വയെ സ്‌തു​തി​ക്കു​ന്ന​വർക്കു മാത്രമേ നിത്യ​ജീ​വൻ ആസ്വദി​ക്കു​ന്ന​തി​നും എന്നേക്കും “യാഹിനെ വാഴ്‌ത്തു​ന്ന​തി​നും” “അനിശ്ചി​ത​കാ​ല​ത്തോ​ളം” അവനെ പുകഴ്‌ത്തു​ന്ന​തി​നും സാധി​ക്കു​ക​യു​ള്ളു. അതു​കൊണ്ട്‌ “യഹോ​വയെ സ്‌തു​തി​പ്പിൻ!” എന്ന പ്രബോ​ധനം അനുസ​രി​ക്കു​ന്ന​വ​രോ​ടു നമുക്കു വിശ്വ​സ്‌ത​ത​യോ​ടെ ചേരാം.—സങ്കീർത്തനം 115:16-18.