ബൈബിൾ വിശേ​ഷാ​ശ​യങ്ങൾ സങ്കീർത്ത​നങ്ങൾ 1-41

സങ്കീർത്ത​ന​ക്കാ​രൻ യഹോ​വക്ക്‌ സ്‌തുതി പാടുന്നു

“സ്‌തു​തി​കൾ” സങ്കീർത്ത​ന​പു​സ്‌ത​ക​ത്തി​ന്റെ എബ്രാ​യ​പേ​രി​ന്റെ അർത്ഥമ​താണ്‌, അത്‌ എത്ര അനു​യോ​ജ്യ​വു​മാണ്‌! ഫലത്തിൽ, മുഴു പുസ്‌ത​ക​വും യഹോ​വ​യാം ദൈവ​ത്തി​നുള്ള സ്‌തു​തി​യു​ടെ ഒരു ദീർഘ​മായ ആർപ്പു​വി​ളി​യാണ്‌. സങ്കീർത്ത​നങ്ങൾ യഹോ​വ​യു​ടെ ഗുണങ്ങ​ളും ശക്തമായ പ്രവർത്ത​ന​ങ്ങ​ളും വർണ്ണി​ക്കു​ന്നു. അവയിൽ പ്രവച​നങ്ങൾ ഉൾക്കൊ​ള്ളു​ന്നു. കൂടാതെ നിശ്വസ്‌ത എഴുത്തു​കാർ പീഡന​വും ഒററി​ക്കൊ​ടു​ക്ക​ലും നിരു​ത്സാ​ഹ​പ്പെ​ടു​ത്ത​ലും ഒരു ചീത്ത മനസ്സാ​ക്ഷി​പോ​ലും സഹി​ക്കേ​ണ്ടി​വ​ന്ന​പ്പോൾ തങ്ങളുടെ വികാ​രങ്ങൾ എന്തായി​രു​ന്നു എന്ന്‌ അവ നമ്മോടു പറയു​ക​യും ചെയ്യുന്നു. സമാന​മായ പരി​ശോ​ധ​നകൾ നേരി​ടുന്ന അനേക ക്രിസ്‌ത്യാ​നി​ക​ളും സങ്കീർത്ത​ന​ങ്ങ​ളി​ലെ വാക്കു​ക​ളിൽ നിന്ന്‌ ധൈര്യം ഉൾക്കൊ​ള്ളു​ന്നുണ്ട്‌.

സങ്കീർത്തന പുസ്‌തകം അഞ്ചുഭാ​ഗ​ങ്ങ​ളാ​യി തിരി​ച്ചി​രി​ക്കു​ന്നു. അവയിൽ ആദ്യഭാ​ഗത്തെ, സങ്കീർത്ത​നങ്ങൾ 1 മുതൽ 41 വരെ ഇവിടെ ഞങ്ങൾ ചർച്ച ചെയ്യുന്നു.

യഹോ​വ​യു​ടെ ഉദ്ദേശ്യ​ങ്ങൾക്കു കീഴ്‌പെ​ടു​ന്നു

ദയവായി സങ്കീർത്ത​നങ്ങൾ 1 മുതൽ 14 വരെ വായി​ക്കുക. സങ്കീർത്ത​ന​ങ്ങ​ളു​ടെ ഈ കൂട്ടം സങ്കീർത്തന പുസ്‌ത​ക​ത്തി​ന്റെ മുഖ്യ​വി​ഷ​യ​ങ്ങ​ളിൽ ചിലവ അവതരി​പ്പി​ക്കു​ന്നു: ന്യായ​പ്ര​മാ​ണ​ത്തി​ന്റെ പ്രാധാ​ന്യം, വരാനി​രുന്ന മശി​ഹൈക രാജാ​വി​നെ​ക്കു​റി​ച്ചുള്ള പ്രവച​നങ്ങൾ, കഠിന സമ്മർദ്ദ​ങ്ങ​ളിൻ മുമ്പിൽ സഹായ​ത്തി​നു​വേ​ണ്ടി​യുള്ള പ്രാർത്ഥ​നകൾ എന്നിവ. കൂടാതെ, ദുഷ്ടൻമാ​രു​ടെ താല്‌ക്കാ​ലിക ഉന്നമന​മു​ണ്ടാ​യി​രു​ന്നാ​ലും നീതി​മാൻമാർ അനു​ഗ്ര​ഹി​ക്ക​പ്പെ​ടു​മെന്ന്‌ നമ്മെ പഠിപ്പി​ക്കു​ന്നു.

◆ 2:1—രാഷ്‌ട്രങ്ങൾ ഏതു “വ്യർത്ഥ​കാ​ര്യ”മാണ്‌ “പിറു​പി​റു​ത്തു​കൊ​ണ്ടി​രി​ക്കു​ന്നത്‌”?

രാഷ്‌ട്രങ്ങൾ യഹോ​വ​യു​ടെ അഭിഷി​ക്തനെ സ്വീക​രി​ക്കു​ന്ന​തി​നു പകരം തങ്ങളുടെ തന്നെ അധികാ​രം ശാശ്വ​ത​മാ​യി നിലനിർത്തു​ന്ന​തി​നെ​ക്കു​റിച്ച്‌ “പിറു​പി​റു​ത്തു​കൊണ്ട്‌ (അഥവാ “ധ്യാനി​ച്ചു​കൊണ്ട്‌”) ഇരിക്കു​ന്നു. ക്രി. വ. ഒന്നാം നൂററാ​ണ്ടിൽ റോമൻ, യഹൂദ അധികാ​രി​കൾ ഒരുമിച്ച്‌ യഹോ​വ​യു​ടെ അഭിഷിക്ത രാജാ​വായ യേശു​ക്രി​സ്‌തു​വി​നെ വധിക്കാൻ ശ്രമി​ച്ചു​കൊ​ണ്ടി​രു​ന്ന​പ്പോൾ ഈ വാക്കു​കൾക്ക്‌ ഒരു പ്രയു​ക്ത​ത​യു​ണ്ടാ​യി​രു​ന്നു. (പ്രവൃ​ത്തി​കൾ 4:26-28) എന്നിരു​ന്നാ​ലും, പ്രമുഖ നിവൃത്തി 1914 മുതൽ സകല രാഷ്‌ട്ര​ങ്ങ​ളും ദൈവ​ത്തി​ന്റെ സിംഹാ​സ​ന​സ്ഥ​നായ രാജാ​വി​നെ തിരസ്‌ക്ക​രി​ക്ക​യും തങ്ങളുടെ തന്നെ പരമാ​ധി​കാ​രത്തെ ഊർജ്ജി​ത​പ്പെ​ടു​ത്താൻ പരി​ശ്ര​മി​ക്ക​യും ചെയ്‌ത​പ്പോൾ മുതലാണ്‌.

◆ 2:12—“പുത്രനെ ചുംബിക്ക” എന്ന കല്‌പന എന്തു​കൊണ്ട്‌?

ബൈബിൾ കാലങ്ങ​ളിൽ ചുംബനം സൗഹൃ​ദ​ത്തി​ന്റെ ഒരു പ്രകട​ന​മാ​യും അതിഥി​കളെ ഒരുവന്റെ ഭവനത്തി​ലെ ആതി​ഥേ​യ​ത്തി​ലേക്ക്‌ സ്വീക​രി​ക്കു​ന്ന​തി​നാ​യും ഉപയോ​ഗി​ച്ചി​രു​ന്നു. ഈ വാക്യ​ത്തിൽ യഹോവ തന്റെ പുത്രനെ തന്റെ അഭിഷിക്ത രാജാ​വെന്ന നിലയിൽ ചുംബി​ക്കു​ന്ന​തിന്‌ അഥവാ സ്വീക​രി​ക്കു​ന്ന​തിന്‌ രാഷ്‌ട്ര​ങ്ങ​ളോ​ടു കല്‌പി​ക്കു​ന്നു.—സങ്കീർത്തനം 2:2, 6-8.

◆ 9:12—യഹോവ “രക്തപാ​ത​കത്തെ നിരീ​ക്ഷി​ക്കു​ന്ന​തിന്‌” പോകു​ന്ന​തെ​ന്തു​കൊണ്ട്‌?

ഒരു ന്യായാ​ധി​പൻ ന്യായ​വി​ധിക്ക്‌ ഇരിക്കു​ന്ന​തു​പോ​ലെ യഹോവ തന്റെ നിരപ​രാ​ധി​ക​ളു​ടെ രക്തം ചീന്തു​ന്ന​തി​നാൽ രക്തപാ​ത​കി​ക​ളാ​യി​ത്തീ​രു​ന്ന​വരെ അന്വേ​ഷി​ക്കു​ന്നു. (ഉല്‌പത്തി 9:5, 6; ലൂക്കോസ്‌ 11:49, 50) അവൻ കുററ​ക്കാ​രെ ശിക്ഷി​ക്കു​ക​യും ചെയ്യുന്നു. എന്നാൽ അവന്റെ ശിക്ഷകൾ വിവേ​ച​നാ​ര​ഹി​തമല്ല. സങ്കീർത്ത​ന​ക്കാ​ര​നായ ദാവീദ്‌ നമുക്ക്‌ ഇപ്രകാ​രം ഉറപ്പു നൽകുന്നു: “അവൻ നിശ്ചയ​മാ​യും പീഡി​ത​രു​ടെ കരച്ചിൽ മറക്കു​ന്നില്ല.”—2 പത്രോസ്‌ 2:9 താരത​മ്യ​പ്പെ​ടു​ത്തുക.

◆ 11:3—മറിഞ്ഞു​വീ​ഴുന്ന ”അടിസ്ഥാ​നങ്ങൾ” ഏവയാണ്‌?

അടിസ്ഥാ​നങ്ങൾ നീതി, നിയമം, ക്രമം എന്നിവ​യാണ്‌—സമൂഹം നിലനിൽക്കുന്ന അടിസ്ഥാ​നങ്ങൾ. നീതി​സാ​ദ്ധ്യ​മ​ല്ലാ​തെ സാമൂ​ഹ്യ​ക്ര​മ​ത്തിന്‌ തകരാറു സംഭവി​ക്കു​ന്നി​ടത്ത്‌ ദൈവ​ഭ​യ​മുള്ള ആൾ എന്തു ചെയ്യണം? യഹോ​വ​യിൽ ആശ്രയി​ക്കുക. സംഭവി​ക്കു​ന്ന​തെ​ല്ലാം കണ്ടു​കൊണ്ട്‌ അവൻ തന്റെ സ്വർഗ്ഗീയ സിംഹാ​സ​ന​ത്തി​ലുണ്ട്‌, നാം പരാജ​യ​പ്പെ​ടാൻ വിടു​ക​യു​മില്ല.

നമുക്കു​വേ​ണ്ടി​യുള്ള പാഠം: സങ്കീർത്തനം 4:5 ദൈവ​ഭ​യ​മുള്ള ആളുകളെ “നീതി​യു​ടെ യാഗങ്ങൾ അർപ്പി​ക്കാൻ” നിർബ്ബ​ന്ധി​ക്കു​ന്നു. ദാവീ​ദി​ന്റെ കാലത്ത്‌ യിസ്രാ​യേ​ല്യർക്ക്‌ യഹോ​വ​യു​ടെ യാഗപീ​ഠ​ത്തിൽ ബലികൾ അർപ്പി​ക്കേ​ണ്ട​തു​ണ്ടാ​യി​രു​ന്നു. എന്നാൽ അവർക്ക്‌ ശരിയായ മനോ​ഭാ​വം ഉണ്ടായി​രി​ക്ക​യും യഥാർത്ഥ അനുതാ​പം പ്രകടി​പ്പി​ക്ക​യും വേണമാ​യി​രു​ന്നു. (യെശയ്യാവ്‌ 1:11-17) ക്രിസ്‌ത്യാ​നി​കൾ തങ്ങളുടെ ആത്മീയ യാഗങ്ങൾ അർപ്പി​ക്കു​മ്പോൾ അവരും ശരിയായ മനോ​ഭാ​വ​മു​ള്ള​വ​രാ​യി​രി​ക്കു​ന്ന​തും യഹോ​വ​യു​ടെ ഉന്നത നിലവാ​ര​ങ്ങൾക്കു ചേർച്ച​യാ​യി ജീവി​ക്കു​ന്ന​തും ആവശ്യ​മാണ്‌.—എബ്രായർ 13:4, 5, 15, 16; 1 പത്രോസ്‌ 2:1, 5.)

അതുല്യ​നായ ദൈവം

സങ്കീർത്ത​നങ്ങൾ 15 മുതൽ 24 വരെ വായി​ക്കുക. സങ്കീർത്ത​ങ്ങ​ളു​ടെ ഈ ഗണത്തിൽ യഹോ​വയെ സ്‌തു​തി​ക്കുന്ന അനേകം ആശയ പ്രകട​ന​ങ്ങ​ളും ഉൾക്കൊ​ള്ളു​ന്നു. അവൻ തന്റെ ജനത്തിന്റെ സംരക്ഷ​ക​നും (18), സ്രഷ്ടാ​വും നിയമ​ദാ​താ​വും (19), രക്ഷകനും (20), തന്റെ തിര​ഞ്ഞെ​ടു​ക്ക​പ്പെട്ട രാജാ​വി​ന്റെ സംരക്ഷ​ക​നും (21), വലിയ ഇടയനും (23), മഹത്വ​മുള്ള രാജാ​വും (24) ആകുന്നു.

◆ 16:10—ഇവിടെ പ്രതി​പാ​ദി​ച്ചി​രി​ക്കുന്ന “വിശ്വ​സ്‌തൻ” ആരാണ്‌?

തെളി​വാ​യി ചില എബ്രായ കൈ​യെ​ഴു​ത്തു പ്രതി​ക​ളിൽ “വിശ്വ​സ്‌തൻ” എന്നതി​നുള്ള പദം ബഹുവ​ച​ന​രൂ​പ​ത്തി​ലാ​ണെന്ന്‌ ചൂണ്ടി​ക്കാ​ണി​ച്ചു​കൊണ്ട്‌ ചില ബൈബിൾ പണ്ഡിതൻമാർ ഈ വാക്യം വിശ്വ​സ്‌ത​രാ​യ​വർക്ക്‌ പൊതു​വെ ബാധക​മാ​ക്കു​ന്നു. എന്നിരു​ന്നാ​ലും ഈ വാക്യം ക്രിസ്‌തീയ ഗ്രീക്കു തിരു​വെ​ഴു​ത്തിൽ ഉദ്ധരി​ക്കു​മ്പോൾ കേവലം ഒററ “വിശ്വ​സ്‌തനെ” സൂചി​പ്പി​ച്ചു​കൊണ്ട്‌ ഏകവചന രൂപത്തി​ലാണ്‌. അവൻ ആരാണ്‌? ആദ്യ സംഗതി​യിൽ സാധ്യ​ത​യ​നു​സ​രിച്ച്‌ ദാവീദു തന്നെയാണ്‌. എന്നാൽ പ്രവാ​ച​ക​പ​ര​മാ​യി, പത്രോ​സും പൗലോ​സും ഈ വാക്യം യേശു​വി​നു ബാധക​മാ​ക്കു​ന്നു.—പ്രവൃ​ത്തി​കൾ 2:25-32; 13:35-37.

◆ 21:3—“ശുദ്ധി​ചെയ്‌ത സ്വർണ്ണ കിരീടം” എന്തായി​രു​ന്നു?

ഒരു പക്ഷെ മൽക്കാം വിഗ്ര​ഹ​ത്തിൽ നിന്നു നീക്കം ചെയ്‌ത​തു​പോ​ലെ അക്ഷരീ​യ​മായ ഒരു കിരീ​ട​മാ​യി​രു​ന്നി​രി​ക്കാം. (2 ശമുവേൽ 12:29, 30 താരത​മ്യം ചെയ്യുക) അല്ലെങ്കിൽ ഒരു പക്ഷെ, കിരീടം ദാവീ​ദി​ന്റെ വിജയം അവന്റെ മഹത്തായ രാജത്വ​ത്തി​നു കൂടു​ത​ലായ അലങ്കാരം നൽകി​യെന്ന വസ്‌തു​ത​യു​ടെ ഒരു ചിഹ്നം എന്ന നിലയിൽ കേവലം ആലങ്കാ​രി​ക​മാ​യി​രി​ക്കാം. എന്നിരു​ന്നാ​ലും, പ്രവച​ന​പ​ര​മാ​യി ഈ സങ്കീർത്തനം 1914-ൽ യഹോവ യേശു​വിന്‌ ഭരണത്തി​ന്റെ കിരീടം നൽകി​യെന്ന്‌ ചൂണ്ടി​ക്കാ​ണി​ക്കു​ന്നു. “ശുദ്ധി​ചെയ്‌ത സ്വർണ്ണ കിരീടം” എന്നത്‌ അവന്റെ ഭരണം ഏററവും ഉയർന്ന മേൻമ​യു​ള്ള​താണ്‌ എന്ന വസ്‌തുത ചൂണ്ടി​ക്കാ​ണി​ക്കു​ന്നു.

◆ 22:1—ദൈവം ദാവീ​ദി​നെ ഉപേക്ഷി​ച്ചോ?

ഇല്ല, എന്നാൽ ദാവീദ്‌ തന്റെ ശത്രു​ക്ക​ളു​ടെ തീവ്ര​സ​മ്മർദ്ദ​ത്തിൻ കീഴി​ലാ​യി​രു​ന്ന​പ്പോൾ അപ്രകാ​രം തോന്നി. എന്നിരു​ന്നാ​ലും, ദാവീദ്‌ തന്റെ ദാരു​ണ​മായ വിഷമ​ഘ​ട്ട​ങ്ങ​ളോ​ടുള്ള മാനുഷ പ്രതി​ക​ര​ണ​ത്തിൽ വിശ്വാ​സ​ക്കു​റവ്‌ പ്രതി​ഫ​ലി​പ്പി​ച്ചി​രു​ന്നില്ല, എന്തു​കൊ​ണ്ടെ​ന്നാൽ അവൻ വിടു​ത​ലി​നു​വേണ്ടി ഉറച്ച വിശ്വാ​സ​ത്തോ​ടെ പ്രാർത്ഥി​ച്ചു​കൊ​ണ്ടി​രു​ന്നു. (16-19 വാക്യങ്ങൾ) യേശു ദണ്ഡന സ്‌തം​ഭ​ത്തിൽ മരിക്കു​ന്ന​തി​നു മുമ്പ്‌ ഈ സങ്കീർത്ത​ന​ത്തിൽ നിന്ന്‌ ഉദ്ധരിച്ചു എന്നത്‌ താല്‌പ​ര്യ​ജ​ന​ക​മാണ്‌. “എന്തു​കൊണ്ട്‌?” എന്നു ചോദി​ച്ചു​കൊണ്ട്‌ യേശു തന്നെ ഞെരു​ക്കിയ അതീവ സമ്മർദ്ദത്തെ പ്രകടി​പ്പി​ക്ക​യും അതേ സമയം തന്റെ വധത്തി​ലേക്കു നയിച്ച വ്യാജ ആരോ​പ​ണ​ങ്ങ​ളു​ടെ നിരപ​രാ​ധി​ത്വം പ്രഖ്യാ​പി​ക്ക​യും ചെയ്‌തു.

നമുക്കു​വേ​ണ്ടി​യുള്ള പാഠം: അപ്പോ​സ്‌ത​ല​നായ പൗലോസ്‌ സങ്കീർത്തനം 22:22 ഉദ്ധരി​ക്ക​യും യേശു​ക്രി​സ്‌തു തന്റെ അഭിഷിക്ത സഹോ​ദ​രൻമാ​രു​ടെ ഇടയിൽ യഹോ​വ​യു​ടെ നാമം പ്രഘോ​ഷി​ക്കു​ന്ന​തിൽ നേതൃ​ത്വ​മെ​ടുത്ത വിധം ബാധക​മാ​ക്കു​ക​യും ചെയ്‌തു. (എബ്രായർ 2:11, 12) സങ്കീർത്തനം 22:27 “രാഷ്‌ട്ര​ങ്ങ​ളി​ലെ സകല കുടും​ബ​ങ്ങ​ളും യഹോ​വയെ സ്‌തു​തി​ക്കു​ന്ന​തിൽ അവന്റെ ജനത്തോ​ടു ചേരുന്ന സമയം ചൂണ്ടി​ക്കാ​ണി​ക്കു​ന്നു. ഇന്ന്‌, ഒരു വിപു​ല​മായ അന്തർദ്ദേ​ശിയ കൂട്ടം യേശു​വി​ന്റെ സഹോ​ദ​രൻമാ​രോ​ടൊ​പ്പം ദൈവത്തെ ആരാധി​ക്കു​ന്നു. (വെളി​പ്പാട്‌ 7:9) നാം ഈ ദിവ്യ​മായ സംഘടിത ക്രമീ​ക​ര​ണ​ത്തോട്‌ അടുത്തു നിൽക്കണം.

യഹോ​വ​യു​ടെ വലിയ ശക്തി

സങ്കീർത്ത​നങ്ങൾ 25-34 വായി​ക്കുക. സങ്കീർത്ത​നങ്ങൾ 25-ലും 26-ലും ദാവീദ്‌ തന്റെ നിർമ്മ​ല​ത​യിൽ നടക്കു​ന്ന​തി​നുള്ള ആഗ്രഹം പ്രഖ്യാ​പി​ക്കു​ന്നു. പിന്നിട്‌ യഹോ​വ​യി​ലുള്ള ധൈര്യ​പൂർവ്വ​ക​മായ ആശ്രയ​ത്വ​ത്തി​ന്റെ വാക്കുകൾ പിൻതു​ട​രു​ക​യും സങ്കീർത്തനം 33-ൽ യഹോ​വ​യു​ടെ ശക്തിയു​ടെ വിപു​ല​മായ വിവരണം നൽകു​ക​യും ചെയ്യുന്നു.

◆ 28:8—യഹോ​വ​യു​ടെ “അഭിഷി​ക്തൻ” ആരാണ്‌?

ഈ വാക്യ​ത്തിൽ, “യഹോവ തന്റെ ജനത്തിന്റെ ബലമാ​കു​ന്നു” എന്നു സമാന്ത​ര​വ​രി​യിൽ കാണു​ന്ന​തി​നു ചേർച്ച​യാ​യി “അഭിഷി​ക്തൻ” യഹോ​വ​യു​ടെ തിര​ഞ്ഞെ​ടു​ക്ക​പ്പെട്ട ജനമാണ്‌. ഈ വാക്കു​കൾക്ക്‌ ഹബക്കൂക്ക്‌ 3:13-ലേതി​നോട്‌ സമാന​മാ​യി ഒരു പ്രവച​ന​പ​ര​മായ സൂചന​യുണ്ട്‌. അവ അർമ്മ​ഗെ​ദ്ദോൻ യുദ്ധത്തിൽ യഹോവ തന്റെ അഭിഷി​ക്ത​ശേ​ഷി​പ്പി​നെ രക്ഷിക്കു​ന്ന​തി​നെ ചൂണ്ടി​ക്കാ​ണി​ക്കു​ന്നു.

◆ 29:5, 6—യഹോ​വ​യു​ടെ ശബ്ദം ദേവദാ​രു​ക്കളെ തകർക്കു​ന്ന​തെ​ങ്ങ​നെ​യാണ്‌?

ഈ സങ്കീർത്ത​ന​ത്തിൽ യഹോ​വ​യു​ടെ ശക്തി, അവന്റെ ശബ്ദത്തെ ഒരു ഭയങ്കര കൊടു​ങ്കാ​റ​റി​നോ​ടു താരത​മ്യ​പ്പെ​ടു​ത്തി​ക്കൊണ്ട്‌ വ്യക്തമായ ചിത്രം വരച്ചു കാണി​ച്ചി​രി​ക്കു​ന്നു. ആ കൊടു​ങ്കാ​ററ്‌ വടക്ക്‌ ലബാ​നോ​നിൽനിന്ന്‌ തെക്കു മരു​പ്ര​ദേ​ശ​ത്തു​കൂ​ടെ സഞ്ചരി​ക്കു​ന്നു, അത്‌ അങ്ങനെ പോകു​മ​ള​വിൽ ഭയം ഉല്‌പാ​ദി​പ്പി​ക്കു​ന്നു. (വാക്യം 9ബി) അതിന്റെ കാററ്‌ ലബാ​നോ​ന്റെ ദേവദാ​രു​ക്കളെ “ഒരു കാളക്കു​ട്ടി​യെ​പ്പോ​ലെ തുള്ളി​ക്കു​ന്നു.” അതിന്റെ മിന്നൽ ചില വൃക്ഷങ്ങളെ അടിച്ചു വീഴ്‌ത്തി ‘തകർക്കു​ക​യും’ ചെയ്യുന്നു. അതു​പോ​ലെ കൊടു​ങ്കാ​ററ്‌ ‘മരുഭൂ​മി​യി​യെ നടുക്കു​ന്നു.’ (വാക്യം 8) മരുഭൂ​മി​യി​ലെ മണൽ കഠിന ദുഃഖ​ത്താൽ പുളയു​ന്ന​തു​പോ​ലെ ചുഴലം ചെയ്യുന്നു.

◆ 33:6—‘യഹോ​വ​യു​ടെ വായിലെ ആത്മാവ്‌” എന്താണ്‌?

ആത്മാവ്‌ അഥവാ ശ്വാസം എന്നതിന്‌ ഇവിടെ യഹോ​വ​യു​ടെ പരിശു​ദ്ധാ​ത്മാവ്‌ അഥവാ കർമ്മോ​ദ്യു​ക്ത​ശക്തി എന്നാണ്‌ അർത്ഥം. നമ്മുടെ വാക്കു​ക​ളും ശ്വാസ​വും വായിൽ നിന്ന്‌ ഒരേ സമയത്ത്‌ പുറ​പ്പെ​ടു​ന്ന​തു​പോ​ലെ യഹോ​വ​യു​ടെ വചനം അഥവാ ആജ്ഞയും അവന്റെ ശ്വാസം അഥവാ ആത്മാവു​മാ​യി സംയോ​ജി​ച്ചി​രി​ക്കു​ന്നു. ദൈവം സൂര്യൻ, ചന്ദ്രൻ, നക്ഷത്രങ്ങൾ എന്നിങ്ങനെ സ്ഥൂല സ്വർഗ്ഗ​ങ്ങ​ളി​ലെ എല്ലാ ആലങ്കാ​രിക സൈന്യ​ത്തെ​യും സൃഷ്ടി​ച്ച​പ്പോൾ തന്റെ പരിശു​ദ്ധാ​ത്മാ​വി​നെ ഉപയോ​ഗി​ച്ചു.—ഉല്‌പത്തി 1:1, 2താരതമ്യപ്പെടുത്തുക.

നമുക്ക്‌ വേണ്ടി​യുള്ള പാഠം: സങ്കീർത്തനം 26:5-ൽ ദാവീദ്‌ ദുഷ്ടൻമാ​രു​ടെ സഭയെ വെറുത്തു എന്നു പറഞ്ഞു. അതു​പോ​ലെ ഇന്ന്‌ യഹോ​വ​യു​ടെ സാക്ഷികൾ ദുഷ്‌പ്ര​വൃ​ത്തി​ക്കാ​രോ​ടുള്ള സഹവാസം ഒഴിവാ​ക്കു​ന്നു. (1 കൊരി​ന്ത്യർ 15:33) ദാവീദ്‌ ദൈവ​ത്തി​ന്റെ ഭവന​ത്തോട്‌ കാണിച്ച വലിയ താല്‌പ​ര്യം​പോ​ലെ​തന്നെ, ഈ സത്യ​ക്രി​സ്‌ത്യാ​നി​കൾ യഹോ​വ​യു​ടെ സ്ഥാപന​ത്തി​നു​ള്ളി​ലുള്ള ഓരോ​രു​ത്ത​രു​മാ​യി സഹവസി​ക്കു​ന്ന​തിൽ സന്തുഷ്ട​രാണ്‌.—സങ്കീർത്തനം 26:6-8; 122:1.

“യഹോവ അനു​ഗ്ര​ഹി​ക്ക​പ്പെ​ടട്ടെ”

സങ്കീർത്ത​നങ്ങൾ 35-41 വായി​ക്കുക. ഈ ഗണത്തിൽ യഹോ​വയെ ജീവന്റെ ഉറവ്‌ എന്ന നിലയിൽ തിരി​ച്ച​റി​യി​ച്ചു​കൊണ്ട്‌ സങ്കീർത്തനം 36 ഉപദേ​ശ​പാ​ത്ര​ങ്ങ​ളാ​യ​വർക്ക്‌ പിന്നീടു ലഭിക്കുന്ന പ്രതി​ഫ​ല​ത്തി​ന്റെ ഉറപ്പ്‌ നമുക്കു നൽകി​ക്കൊണ്ട്‌ സങ്കീർത്തനം 37 മുന്തി നിൽക്കു​ന്നു. യേശു​ക്രി​സ്‌തു​വനു ബാധക​മാ​കുന്ന പ്രവച​ന​പ​ര​മായ വാക്കുകൾ അടങ്ങുന്ന സങ്കീർത്തനം 40 പ്രത്യേ​കിച്ച്‌ സവി​ശേ​ഷ​മാണ്‌.

◆ 35:19—ദാവീ​ദി​ന്റെ ശത്രുക്കൾ “കണ്ണു ചിമ്മുന്ന”തെന്തു​കൊണ്ട്‌?

എബ്രാ​യ​പാ​ഠം അക്ഷരീ​യ​മാ​യി അവരെ “വഞ്ചന (യിൽ) എന്റെ ശത്രുക്കൾ” എന്നു വിളി​ക്കു​ന്നു. അതായത്‌, അവരുടെ അശുദ്ധ പ്രേര​ണ​യിൽ നിന്ന്‌ വിദ്വേ​ഷം വളർന്നു വന്നു. ദാവീദ്‌ അവരുടെ ശത്രുത സമ്പാദി​ക്ക​ത്ത​ക്ക​വണ്ണം ഒന്നും ചെയ്‌തി​രു​ന്നില്ല, അവർക്ക്‌ സന്തോ​ഷ​ത്തി​നൊ അവന്റെ​മേൽ വിജയം വരിക്കു​ന്ന​തി​നൊ ഇടവര​രു​തേ എന്ന്‌ അവൻ പ്രാർത്ഥി​ക്ക​യും ചെയ്‌തു. (വാക്യം 19എ) പിന്നീട്‌, അവൻ തന്റെ ദുഷ്ട ശത്രു​ക്കൾക്ക്‌ “കണ്ണു ചിമ്മുന്ന”തിനുള്ള കാരണം ഉണ്ടാക​രു​തേ എന്നും അപേക്ഷി​ച്ചു, എന്തു​കൊ​ണ്ടെ​ന്നാൽ അത്തരം അക്ഷരീയ ചിമ്മൽ തങ്ങളുടെ ദുഷ്ടപ​ദ്ധ​തി​ക​ളു​ടെ വിജയ​ത്തിൻമേൽ മതിമ​റ​ന്നുള്ള നിഗള​ത്തിന്‌ തെളിവു നൽകും. (സദൃശ​വാ​ക്യ​ങ്ങൾ 10:10; 16:29, 30) യേശു ഈ വാക്യം ഉദ്ധരി​ക്ക​യും തന്നെ ദ്വേഷി​ച്ച​വർക്ക്‌ ബാധക​മാ​ക്ക​യും ചെയ്‌തു.—യോഹ​ന്നാൻ 15:24, 25.

◆ 36:3—അത്തരം ദുഷ്ടൻമാർക്ക്‌ ഒരിക്കൽ ഉൾക്കാ​ഴ്‌ച​യു​ണ്ടാ​യി​രു​ന്നോ?

അത്തരം വ്യക്തി​യു​ടെ നടത്തയിൽ ഒരു മാററ​മു​ണ്ടാ​യി എന്നും അയാൾ മേലാൽ ഒരിക്കൽ നടിച്ചി​രു​ന്ന​തു​പോ​ലെ​യ​ല്ലെ​ന്നും ആണ്‌ വിവക്ത. ഒരുപക്ഷെ അയാൾ ഒരിക്കൽ ജ്ഞാനം പ്രകടി​പ്പി​ക്ക​യും നല്ലകാ​ര്യ​ങ്ങൾ ചെയ്യു​ക​യും ചെയ്‌തി​രു​ന്നി​രി​ക്കാം. എന്നാൽ അയാൾ വിശ്വാ​സ​ത്യാ​ഗി​യാ​യി​ത്തീർന്നു​കൊണ്ട്‌ അത്‌ ഉപേക്ഷി​ച്ചു​ക​ളഞ്ഞു. ശൗൽ രാജാവ്‌ ജ്ഞാനത്തി​ന്റെ വഴി ഉപേക്ഷി​ക്ക​യും ദാവീ​ദി​നോട്‌ വിദ്വേ​ഷം പ്രകടി​പ്പി​ക്ക​യും ചെയ്‌ത ഒരുവ​നാ​യി​രു​ന്നു. (1 ശമുവേൽ, അദ്ധ്യായം 18) ദാവീദ്‌ ശൗലിനെ മനസ്സിൽ വെച്ചു​കൊ​ണ്ടാ​യി​രു​ന്നു സങ്കീർത്തനം 36-ൽ ഈ പരാമർശം നടത്തി​യത്‌ എന്നു​പോ​ലും ചില പണ്ഡിതൻമാർ വിചാ​രി​ക്കു​ന്നു.

◆ 40:6—‘എന്റെ ചെവികൾ നീ തുറക്കു​ന്നു’ എന്ന വാക്കു​ക​ളു​ടെ അർത്ഥ​മെ​ന്താണ്‌?

ഇതിന്‌ ദാവീ​ദി​ന്റെ ചെവി​കളെ ദൈവ​ത്തി​ന്റെ നിർദ്ദേ​ശ​ങ്ങ​ളോട്‌ അനുകൂ​ല​മാ​ക്കാൻ യഹോവ ഇടയാ​ക്കു​ന്നു എന്നോ അഥവാ ദാവീ​ദിന്‌ ദൈവ​ത്തി​ന്റെ കല്‌പ​നകൾ കേൾക്കാൻ കഴിയ​ത്ത​ക്ക​വണ്ണം യഹോവ അവന്റെ ചെവികൾ സൃഷ്ടിച്ചു എന്നോ അർത്ഥമാ​ക്കാൻ കഴിയും. രസാവ​ഹ​മാ​യി, സെപ്‌റ​റ​വ​ജിൻറിൽ ഈ വാക്കു​കൾക്കു പകരം ഇപ്രകാ​രം ചേർത്തി​രി​ക്കു​ന്നു: “നീ എനിക്ക്‌ ഒരു ശരീരം ഒരുക്കി​യി​രി​ക്കു​ന്നു.” ഈ ഭാഷാ​ന്ത​ര​ത്തി​ന്റെ ഉറവിടം ഏതുത​ന്നെ​യാ​യി​രു​ന്നാ​ലും ഇത്‌ എബ്രാ​യ​യി​ലെ അതേ അടിസ്ഥാന ആശയം വഹിക്കു​ന്നു. അതായത്‌ ഇത്‌ അനുസ​രി​ക്കേ​ണ്ട​തി​ന്റെ ആവശ്യം ഊന്നി​പ്പ​റ​യു​ന്നു. (1 ശമുവേൽ 15:22; ഹോ​ശേയാ 6:6 ഇവ താരത​മ്യം ചെയ്യുക) പൗലോസ്‌ ഈ വാക്യം യേശു​ക്രി​സ്‌തു​വി​നു ബാധക​മാ​ക്കു​ന്നു. (എബ്രായർ 10:5-10) പൗലോസ്‌ സെപ്‌റ​റ​വ​ജിൻറ്‌ ഭാഷാ​ന്തരം ഉപയോ​ഗി​ച്ച​തി​നാൽ, “നീ എനിക്ക്‌ ഒരു ശരീരം ഒരുക്കി” എന്നത്‌ ഇപ്പോൾ “ദൈവ നിശ്വ​സ്‌ത​മായ” “എല്ലാതി​രു​വെ​ഴു​ത്തു​ക​ളു​ടെ​യും” ഒരു ഭാഗമാണ്‌.—2 തിമൊ​ഥെ​യോസ്‌ 3:16.

നമുക്കു​വേ​ണ്ടി​യുള്ള പാഠം: സങ്കീർത്തനം 37-ൽ നമ്മെ​പ്പോ​ലെ ഒരു ദുഷ്ട തലമു​റ​യു​ടെ മദ്ധ്യേ വസിക്കു​ന്ന​വർക്ക്‌ അനേക പാഠങ്ങൾ അടങ്ങി​യി​രി​ക്കു​ന്നു. ദുഷ്‌പ്ര​വൃ​ത്തി​ക്കാർ സമ്പൽ സമൃദ്ധി​പ്രാ​പി​ക്കു​ന്നെ​ങ്കി​ലും നാം അസൂയാ​ലു​ക്ക​ളാ​ക​യോ അവരെ അനുക​രി​ക്കാൻ ശ്രമി​ക്ക​യോ ചെയ്യരുത്‌. പകരം, ദുഷി പറയാതെ ശാന്തമാ​യി യഹോ​വ​യിൽ ആശ്രയി​ച്ചു​കൊണ്ട്‌ നമുക്കു​വേണ്ടി അവൻ തന്റെ സ്വന്തസ​മ​യത്ത്‌ നടപടി​യെ​ടു​ക്കു​ന്ന​തി​നാ​യി “യഹോ​വ​യു​ടെ മുമ്പാകെ നിശബ്ദ​രാ​യി കാത്തി​രി​ക്കണം.”—സങ്കീർത്തനം 37:5, 7.

ഉവ്വ്‌, സങ്കീർത്ത​നങ്ങൾ ധാരാളം നിശ്വ​സ്‌ത​വും ആശ്വാ​സ​പ്ര​ദ​വു​മായ വാക്കുകൾ പ്രദാനം ചെയ്യുന്നു. ആദ്യത്തെ ഈ 41 സങ്കീർത്ത​നങ്ങൾ, നമ്മുടെ സാഹച​ര്യ​ങ്ങൾ എത്ര പ്രയാ​സ​ക​ര​മാ​യി​രു​ന്നാ​ലും യഹോവ നമ്മെ കൈവി​ടു​ക​യില്ല എന്ന്‌ ആവർത്തി​ച്ചു കാണി​ച്ചി​രി​ക്കു​ന്നു. നിശ്ചയ​മാ​യും, നാം അവ വായി​ച്ച​ശേഷം സങ്കീർത്തനം 41-ൽ പറഞ്ഞി​രി​ക്കുന്ന, “യിസ്രാ​യേ​ലി​ന്റെ ദൈവ​മായ യഹോവ അനിശ്ചി​ത​കാ​ലം മുതൽ അനിശ്ചി​ത​കാ​ലം​വ​രെ​ത്തന്നേ അനു​ഗ്ര​ഹി​ക്ക​പ്പെ​ടട്ടെ. ആമേൻ, ആമേൻ” എന്ന വാക്കുകൾ പ്രതി​ധ്വ​നി​പ്പി​ക്കാൻ പ്രേരി​ത​രാ​യി​ത്തീ​രും.