ഉൾക്കാ​ഴച​ക്കു​വേണ്ടി യഹോ​വ​യി​ലേക്കു നോക്കുക

“ഞാൻ നിനക്ക്‌ ഉൾക്കാഴ്‌ച ഉണ്ടാകാ​നി​ട​യാ​ക്കു​ക​യും നീ പോകേണ്ട വഴി നിന്നെ പഠിപ്പി​ക്കു​ക​യും​ചെ​യ്യും.”—സങ്കീർത്തനം 32:8

1. നാം എടുക്കുന്ന തീരു​മാ​നങ്ങൾ ജ്ഞാനപൂർവ​ക​മാ​യി​രി​ക്കു​മോ​യെന്ന്‌ തീരു​മാ​നി​ക്കുന്ന ചില ഘടകങ്ങ​ളേവ? (ആവർത്തനം 32:7, 29 താരത​മ്യ​പ്പെ​ടു​ത്തുക.)

ഓരോ ദിവസ​വും നാം തീരു​മാ​ന​ങ്ങളെ അഭിമു​ഖീ​ക​രി​ക്കു​ന്നു—അവയിൽ ചിലത്‌ നിസ്സാ​ര​മാ​ണെന്ന്‌ തോന്നു​ന്നു, മററു ചിലത്‌ സ്‌പഷ്‌ട​മാ​യും പ്രധാ​നം​തന്നെ. നമ്മുടെ തീരു​മാ​നങ്ങൾ ബുദ്ധി​പൂർവ​ക​മാ​യി​രി​ക്കു​മോ? അത്‌ ഏറെയും നാം തിടു​ക്ക​മു​ള്ള​വ​രാ​ണോ അതോ നാം സംസാ​രി​ക്കു​ക​യോ പ്രവർത്തി​ക്കു​ക​യോ ചെയ്യു​ന്ന​തി​നു​മുമ്പ്‌ ചിന്തി​ക്കു​ന്നു​വോ എന്നതിനെ ആശ്രയി​ച്ചി​രി​ക്കു​ന്നു. എന്നിരു​ന്നാ​ലും, അനേകം കാര്യ​ങ്ങ​ളിൽ ജ്ഞാനപൂർവ​ക​മായ തീരു​മാ​നങ്ങൾ ചെയ്യു​ന്ന​തിൽ, പ്രകട​മാ​യി തെളി​ഞ്ഞു​കാ​ണു​ന്ന​തി​നു​മ​തീ​ത​മാ​യി നോക്കാൻ നാം പ്രാപ്‌തരായിരിക്കേണ്ടതാവശ്യമാക്കിത്തീർക്കുന്നു. ഇതിന്‌ ഇപ്പോ​ഴത്തെ ലോകാ​വ​സ്ഥ​ക​ളു​ടെ പരിണ​ത​ഫ​ല​മെ​ന്താ​യി​രി​ക്കു​മെന്ന്‌ നാം അറി​യേ​ണ്ടത്‌, ആത്‌മ​മ​ണ്ഡ​ല​ത്തിൽപോ​ലും നടക്കു​ന്ന​തെ​ന്തെന്ന്‌ നാം അറിഞ്ഞി​രി​ക്കേ​ണ്ടത്‌, ആവശ്യ​മാ​യി​രി​ക്കാം. നമുക്ക്‌ അതു സാധി​ക്കു​മോ? അത്‌ കേവലം അഭ്യൂ​ഹ​മ​ല്ലാത്ത ഒരു രീതി​യിൽ മനസ്സി​ലാ​ക്കാൻ ഏതെങ്കി​ലും മനുഷ്യ​നു സാദ്ധ്യ​മാ​ണോ?

2. ജീവി​ത​ത്തിൽ വിജയ​പ്ര​ദ​മായ ഒരു ഗതി പിന്തു​ട​രു​ന്ന​തിന്‌ നമുക്ക്‌ ഏതു സഹായങ്ങൾ ആവശ്യ​മാണ്‌, എന്തു​കൊണ്ട്‌? (സദൃശ​വാ​ക്യ​ങ്ങൾ 20:24)

² മനുഷ്യർക്ക്‌ യഥാർത്ഥ​ത്തിൽ എടുത്തു​പ​റ​യത്തക്ക മാനസി​ക​പ്രാ​പ്‌തി​കൾ ലഭിച്ചി​ട്ടുണ്ട്‌. എന്നാൽ ദൈവ​ത്തിൽനി​ന്നുള്ള സഹായം വിനീ​ത​മാ​യി സ്വീക​രി​ക്കാ​തെ ഒരു വിജയ​പ്ര​ദ​മായ ജീവിതം നയിക്കാ​നുള്ള പ്രാപ്‌തി​യോ​ടെയല്ല അവർ സൃഷ്ടി​ക്ക​പ്പെ​ട്ടി​രി​ക്കു​ന്നത്‌. നിശ്വ​സ്‌ത​പ്ര​വാ​ച​ക​നാ​യി​രുന്ന യിരെ​മ്യാവ്‌ എഴുതി​യ​തു​പോ​ലെ, “യഹോവേ, ഭൗമി​ക​മ​നു​ഷ്യ​നു​ള്ളതല്ല അവന്റെ വഴി​യെന്ന്‌ എനിക്കു നന്നായി അറിയാം. തന്റെ ചുവടി​നെ നയിക്കു​ന്ന​തു​പോ​ലും നടക്കുന്ന മനുഷ്യ​നു​ള്ളതല്ല.”—യിരെ​മ്യാവ്‌ 10:23.

3. നാം മാർഗ്ഗ​നിർദ്ദേ​ശ​ത്തി​നാ​യി യഹോ​വ​യി​ലേക്കു നോക്കു​ന്ന​തിൽ പരാജ​യ​പ്പെ​ടു​ന്നു​വെ​ങ്കിൽ, എന്തു ഫലമാ​ണു​ണ്ടാ​കാൻ പോകു​ന്നത്‌? (ഉല്‌പത്തി 3:4-6, 16-24 താരത​മ്യ​പ്പെ​ടു​ത്തുക.)

³ നാം ആ വസ്‌തു​തയെ അവഗണി​ക്കു​ക​യും ജ്ഞാനപൂർവ​ക​മാ​യ​തോ അല്ലാത്ത​തോ, തെറേറാ ശരിയോ, എന്താണ്‌ എന്നു നിശ്ചയി​ക്കു​ന്ന​തിന്‌ നാം നമ്മിൽത്ത​ന്നെ​യോ മററു മനുഷ്യ​രി​ലോ ആശ്രയി​ക്കു​ക​യും ചെയ്യു​ന്നു​വെ​ങ്കിൽ ഫലമെ​ന്താ​യി​രി​ക്കും? ജഡിക​ചി​ന്ത​ക​ളാൽ നയിക്ക​പ്പെ​ടു​ക​നി​മി​ത്തം, ദൈവം തിൻമ​യാ​ണെന്നു പറയു​ന്ന​തി​നെ നാം നല്ലതാ​ണെന്നു വീക്ഷി​ക്കുന്ന സമയങ്ങൾ, ദൈവം വിമൂ​ഢ​മെന്നു മുദ്ര​യ​ടി​ക്കുന്ന ഗതിയെ ജ്ഞാനപൂർവ​ക​മെന്നു പരിഗ​ണി​ച്ചേ​ക്കാ​വുന്ന സമയങ്ങൾ, ഉണ്ടായി​രി​ക്കാം. (യെശയ്യാവ്‌ 5:20) നാം ഇത്‌ കരുതി​ക്കൂ​ട്ടി​യ​ല്ലാ​തെ ചെയ്‌തേ​ക്കാ​മെ​ങ്കി​ലും നാം മററു​ള്ള​വർക്ക്‌ ഇടർച്ച​ക്കുള്ള കാരണ​മാ​യി​ത്തീർന്നേ​ക്കാം. (1 കൊരി​ന്ത്യർ 8:9 താരത​മ്യ​പ്പെ​ടു​ത്തുക.) മാർഗ്ഗ​നിർദ്ദേ​ശ​ത്തി​നു​വേണ്ടി യഹോ​വ​യി​ലേക്കു നോക്കാ​ത്ത​വർക്കുള്ള അന്തിമ​ഭ​വി​ഷ്യ​ത്തു സംബന്ധിച്ച്‌ അവന്റെ വചനം ഇങ്ങനെ പ്രസ്‌താ​വി​ക്കു​ന്നു: “ഒരു മമനു​ഷ്യ​ന്റെ മുമ്പാകെ നേരായ ഒരു വഴി സ്ഥിതി​ചെ​യ്യു​ന്നു, എന്നാൽ പിന്നീട്‌ അതിന്റെ അവസാനം മരണവ​ഴി​ക​ളാണ്‌.”—സദൃശ​വാ​ക്യം 14:12.

4. യഹോവ തന്റെ ദാസൻമാർക്ക്‌ ഉദാര​മാ​യി ഏതു സഹായം വാഗ്‌ദാ​നം​ചെ​യ്യു​ന്നു? (യിരെ​മ്യാവ്‌ 10:21 താരത​മ്യ​പ്പെ​ടു​ത്തുക.)

⁴ ഇതിന്റെ വീക്ഷണ​ത്തിൽ, നമു​ക്കെ​ന്താ​ണാ​വ​ശ്യം? ലളിത​മാ​യി പറഞ്ഞാൽ, യഹോവ നൽകുന്ന സഹായം നമുക്കാ​വ​ശ്യ​മാണ്‌. പ്രോൽസാ​ഹ​ജ​ന​ക​മാ​യി അവൻ പറയുന്നു: “ഞാൻ നിനക്ക്‌ ഉൾക്കാഴ്‌ച ഉണ്ടാകാ​നി​ട​യാ​ക്കു​ക​യും നീ പോകേണ്ട വഴി നിന്നെ പഠിപ്പി​ക്കു​ക​യും​ചെ​യ്യും. എന്റെ ദൃഷ്ടി നിന്റെ​മേൽ വെച്ച്‌ ഞാൻ നിനക്ക്‌ ഉപദേശം നൽകും.”—സങ്കീർത്തനം 32:8.

ഉൾക്കാ​ഴച​യിൽ ഉൾപ്പെ​ട്ടി​രി​ക്കു​ന്നത

5. എന്താണ്‌ “ഉൾക്കാഴ്‌ച”?

⁵ തിരു​വെ​ഴു​ത്തു​ക​ളിൽ പരാമർശി​ച്ചി​രി​ക്കുന്ന “ഉൾക്കാഴ്‌ച” എന്താണ്‌? പുറമെ കാണു​ന്ന​തി​ന​തീ​ത​മാ​യി നോക്കാൻ, ഒരു സാഹച​ര്യ​ത്തി​നു​ള്ളി​ലേക്കു നോക്കാൻ, ഉള്ള പ്രാപ്‌തി​യാ​ണത്‌. പഴയനി​യമ ദൈവ​ശാ​സ്‌ത്ര പദഗ്രന്ഥം പറയു​ന്ന​ത​നു​സ​രിച്ച്‌ “ഉൾക്കാഴ്‌ച” എന്നു വിവർത്ത​നം​ചെ​യ്‌തി​രി​ക്കുന്ന എബ്രായ പദം കാര്യ​ങ്ങ​ളു​ടെ “കാരണം സംബന്ധിച്ച ബുദ്ധി​പൂർവ​ക​മായ അറിവി”നോട്‌ ബന്ധപ്പെ​ട്ടി​രി​ക്കു​ന്നു. അത്‌ ബുദ്ധി​പൂർവം പ്രവർത്തി​ക്കാ​നും വിജയി​ക്കാ​നും ഒരുവനെ പ്രാപ്‌ത​നാ​ക്കുന്ന തരം അറിവാണ്‌. ആ അടിസ്ഥാന അർത്ഥത്തി​നു ചേർച്ച​യാ​യി​രി​ക്കാ​നും അതേ എബ്രായ ക്രിയ​യു​ടെ രസം നൽകാ​നും പുതി​യ​ലോ​ക​ഭാ​ഷാ​ന്തരം ‘ഉൾക്കാ​ഴ്‌ച​യു​ണ്ടാ​യി​രി​ക്കുക’ എന്ന വിവർത്ത​ന​ത്തി​നു പുറമേ, ‘വിവേ​ക​പൂർവം പ്രവർത്തി​ക്കുക,’ ‘പ്രാ​യോ​ഗി​ക​ബു​ദ്ധി​യോ​ടെ പ്രവർത്തി​ക്കുക,’ ‘വിജയം നേടുക’ എന്നിങ്ങ​നെ​യുള്ള പദപ്ര​യോ​ഗ​ങ്ങ​ളും ഉപയോ​ഗി​ക്കു​ന്നുണ്ട്‌.—സങ്കീർത്തനം 14:2.

6. “തന്റെ അധരങ്ങളെ നിയ​ന്ത്രി​ക്കു​ന്നവൻ” വിവേ​ക​പൂർവം അല്ലെങ്കിൽ ഉൾക്കാ​ഴ്‌ച​യോ​ടെ പ്രവർത്തി​ക്കു​ന്ന​താ​യി പറയാൻ കഴിയു​ന്ന​തെ​ന്തു​കൊണ്ട്‌?

⁶ അങ്ങനെ, “തന്റെ അധരങ്ങളെ നിയ​ന്ത്രി​ക്കു​ന്നവൻ” ‘വിവേ​ക​പൂർവം പ്രവർത്തി​ക്കു​ന്നു’ അഥവാ ഉൾക്കാ​ഴ്‌ച​യോ​ടെ പ്രവർത്തി​ക്കു​ന്നു എന്ന്‌ പറയ​പ്പെ​ടു​ന്നു. (സദൃശ​വാ​ക്യ​ങ്ങൾ 10:19) അയാൾ സംസാ​രി​ക്കു​ന്ന​തി​നു മുമ്പു ചിന്തി​ക്കു​ക​യും താൻ പറയു​ന്ന​തി​നെ മററു​ള്ളവർ എങ്ങനെ മനസ്സി​ലാ​ക്കു​മെന്നു ള്ളതും മറെറാ​രാ​ളെ​ക്കു​റി​ച്ചു താൻ പറഞ്ഞേ​ക്കാ​വു​ന്നത്‌ ജ്ഞാനപൂർവ​ക​വും സ്‌നേ​ഹ​പൂർവ​ക​വു​മാ​ണോ അല്ലെങ്കിൽ ആവശ്യ​മാ​ണോ എന്നതും കണക്കി​ലെ​ടു​ക്കു​ന്നു. (സദൃശ​വാ​ക്യ​ങ്ങൾ 12:18; യാക്കോബ്‌ 1:19) അയാൾ യഹോ​വ​യു​ടെ വഴിക​ളോ​ടുള്ള സ്‌നേ​ഹ​ത്താ​ലും തന്റെ സമസൃ​ഷ്ടി​യെ സഹായി​ക്കാ​നുള്ള യഥാർത്ഥ ആഗ്രഹ​ത്താ​ലും പ്രേരി​ത​നാ​യി​രി​ക്കു​ന്ന​തി​നാൽ അയാൾ പറയു​ന്നത്‌ മററു​ള്ള​വരെ പരിപു​ഷ്ടി​പ്പെ​ടു​ത്തു​ന്ന​താണ്‌.—സദൃശ​വാ​ക്യ​ങ്ങൾ 16:23.

7. പ്രാ​യോ​ഗിക ബുദ്ധി​യോ​ടെ പ്രവർത്തി​ക്കു​ന്നവൻ എന്ന കീർത്തി നേടാൻ ദാവീ​ദി​നെ പ്രാപ്‌ത​നാ​ക്കി​യ​തെന്ത്‌?

⁷ യിശ്ശാ​യി​യു​ടെ പുത്ര​നായ ദാവീ​ദി​നെ​ക്കു​റിച്ച്‌ ഇങ്ങനെ എഴുത​പ്പെ​ട്ടി​രി​ക്കു​ന്നു: “ശൗൽ അവനെ അയക്കു​ന്നി​ട​ത്തെ​ല്ലാം അവൻ പ്രാ​യോ​ഗി​ക​ബു​ദ്ധി​യോ​ടെ പ്രവർത്തി​ക്കും,” അതായത്‌, ഉൾക്കാ​ഴ്‌ച​യോ​ടെ. തന്റെ ജോലി​യിൽ മനുഷ്യ​പ​ട​യാ​ളി​കൾ തമ്മിലുള്ള വെറും പോരാ​ട്ട​ത്തി​ലു​മ​ധി​കം ഉൾപ്പെ​ട്ടി​രി​ക്കു​ന്നു​വെന്ന്‌ ദാവീദ്‌ വിവേ​ചി​ച്ച​റി​ഞ്ഞു. താനും തന്നോ​ടു​കൂ​ടെ​യു​ണ്ടാ​യി​രുന്ന പടയാ​ളി​ക​ളും യഹോ​വ​യു​ടെ യുദ്ധങ്ങ​ളാണ്‌ നടത്തി​ക്കൊ​ണ്ടി​രു​ന്ന​തെന്ന്‌ അവൻ തിരി​ച്ച​റി​ഞ്ഞു. അങ്ങനെ, മാർഗ്ഗ​നിർദ്ദേ​ശ​ത്തി​നും അനു​ഗ്ര​ഹ​ത്തി​നും വേണ്ടി ദാവീദ്‌ യഹോ​വ​യി​ലേക്കു നോക്കി. (1 ശമുവേൽ 17:45; 18:5; 2 ശമുവേൽ 5:19) തൽഫല​മാ​യി, ദാവീ​ദി​ന്റെ പ്രയാ​ണങ്ങൾ വിജയി​ച്ചു.

8. ക്രിസ്‌തീ​യ​ഗ്രീക്ക്‌ തിരു​വെ​ഴു​ത്തു​ക​ളിൽ ‘ഉൾക്കാ​ഴ്‌ച​യു​ണ്ടാ​യി​രി​ക്കുക’ എന്നു വിവർത്ത​നം​ചെ​യ്‌തി​രി​ക്കുന്ന ക്രിയ വേറെ ഏത്‌ ആശയങ്ങൾ നൽകുന്നു?

⁸ ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളിൽ, ‘ഉൾക്കാ​ഴ്‌ച​യു​ണ്ടാ​യി​രി​ക്കുക’ എന്ന്‌ വിവർത്ത​നം​ചെ​യ്‌തി​രി​ക്കുന്ന ക്രിയ ‘അർത്ഥം ഗ്രഹി​ക്കുക’ എന്നും ‘ഗ്രഹി​ക്കുക’ എന്നും​കൂ​ടെ വിവർത്ത​നം​ചെ​യ്യ​പ്പെ​ട്ടി​ട്ടുണ്ട്‌. (റോമർ 3:11; മത്തായി 13:13-15; എഫേസ്യർ 5:17) ദൈവം തന്റെ ദാസൻമാർക്കു വാഗ്‌ദത്തം ചെയ്യു​ന്നത്‌ ഈ കാര്യങ്ങൾ ചെയ്യാ​നുള്ള പ്രാപ്‌തി​യാണ്‌. എന്നാൽ അവൻ അവർക്ക്‌ അത്തരം ഉൾക്കാഴ്‌ച കൊടു​ക്കു​ന്ന​തെ​ങ്ങ​നെ​യാണ്‌?

യോശു​വാ​യിക്ക ഉൾക്കാഴച ലഭിച്ച വിധം

9. പുരാതന ഇസ്രാ​യേ​ലിൽ, യഹോവ ജനത്തിന്‌ എങ്ങനെ ഉൾക്കാഴ്‌ച നൽകി?

⁹ പുരാതന ഇസ്ര​യേ​ലിൽ, ജനതയെ തന്റെ ന്യായ​പ്ര​മാ​ണം പഠിപ്പി​ക്കു​ന്ന​തിന്‌ യഹോവ ലേവ്യരെ നിയോ​ഗി​ച്ചു. (ലേവ്യ​പു​സ്‌തകം 10:11; ആവർത്തനം 33:8, 10) ന്യായ​പ്ര​മാ​ണം ദൈവ​നി​ശ്വ​സ്‌ത​മാ​യി​രു​ന്നു, അതു പഠിപ്പി​ക്കാൻ നിയു​ക്ത​മായ സംഘട​നാ​ക്ര​മീ​ക​ര​ണ​ത്തിൻമേൽ യഹോ​വ​യു​ടെ ആത്മാവ്‌ പ്രവർത്തി​ക്കു​ന്നു​ണ്ടാ​യി​രു​ന്നു. (മലാഖി 2:7) ഈ മുഖാ​ന്ത​ര​ത്താൽ യഹോവ, നെഹെ​മ്യാവ്‌ 9:20ൽ പ്രസ്‌താ​വി​ച്ചി​രി​ക്കു​ന്ന​തു​പോ​ലെ, ‘ഇസ്രാ​യേ​ല്യ​രെ പ്രാ​യോ​ഗി​ക​ബു​ദ്ധി​യു​ള്ള​വ​രാ​ക്കി’ അഥവാ അവർക്ക്‌ ഉൾക്കാഴ്‌ച കൊടു​ത്തു.

10, 11. (എ) യോശുവ 1:7, 8-ൽ പ്രകട​മാ​ക്ക​പ്പെ​ട്ടി​രി​ക്കുന്ന പ്രകാരം ഉൾക്കാ​ഴ്‌ച​യോ​ടെ പ്രവർത്തി​ക്കാൻ യോശു​വയെ എന്തു പ്രാപ്‌ത​നാ​ക്കു​മാ​യി​രു​ന്നു? (ബി) പ്രബോ​ധ​ന​ത്തി​നുള്ള ഏതു കരുത​ലി​നെ യോശുവ വിലമ​തി​ക്കു​ന്നതു പ്രധാ​ന​മാ​യി​രു​ന്നു? (സി) യോശു​വാ​യു​ടെ ഭാഗത്ത്‌ വ്യക്തി​പ​ര​മായ എന്തു ശ്രമവും ആവശ്യ​മാ​യി​രു​ന്നു?

¹⁰ എന്നാൽ ജനതയ്‌ക്കു​ള്ളി​ലെ വ്യക്തികൾ ഉൾക്കാ​ഴ്‌ച​യോ​ടെ പ്രവർത്തി​ക്കു​മോ? അവർ അങ്ങനെ ചെയ്യണ​മെ​ങ്കിൽ അവരുടെ ഭാഗത്ത്‌ ചിലത്‌ ആവശ്യ​മാ​യി​രു​ന്നു. ഇസ്രാ​യേ​ലി​നെ വാഗ്‌ദ​ത്ത​ദേ​ശ​ത്തേക്ക്‌ നയിക്കാ​നുള്ള ഉത്തരവാ​ദി​ത്തം യോശു​വയെ ഭരമേൽപ്പി​ച്ച​പ്പോൾ യഹോവ അവനോട്‌ ഇങ്ങനെ പറഞ്ഞു: “എന്റെ ദാസനായ മോശ നിങ്ങ​ളോ​ടു കൽപ്പിച്ച സകല ന്യായ​പ്ര​മാ​ണ​വു​മ​നു​സ​രിച്ച്‌ പ്രവർത്തി​ക്കാൻ ധൈര്യ​മു​ള്ള​വ​നും സുശക്ത​നു​മാ​യി​രി​ക്കുക മാത്രം​ചെ​യ്യുക. അതിൽനിന്ന്‌ വലത്തോ​ട്ടോ ഇടത്തോ​ട്ടോ മാറരുത്‌, നീ പോകു​ന്നി​ട​ത്തെ​ല്ലാം നീ ജ്ഞാനപൂർവം പ്രവർത്തി​ക്കേ​ണ്ട​തി​നു​തന്നെ. ഈ നിയമ​പു​സ്‌തകം നിന്റെ വായിൽനിന്ന്‌ വിട്ടു​പോ​ക​രുത്‌, നീ പകലും രാത്രി​യി​ലും ഒരു മന്ദസ്വ​ര​ത്തിൽ അതിൽ വായി​ക്കണം, അതിൽ എഴുത​പ്പെ​ട്ടി​രി​ക്കു​ന്ന​തെ​ല്ലാ​മ​നുസ​രിച്ച്‌ പ്രവർത്തി​ക്കാൻ നീ ശ്രദ്ധി​ക്കേ​ണ്ട​തി​നു​തന്നെ; എന്തെന്നാൽ അപ്പോൾ നീ നിന്റെ വഴി വിജയ​പ്ര​ദ​മാ​ക്കു​ക​യും അപ്പോൾ നീ ജ്ഞാനപൂർവം പ്രവർത്തി​ക്കു​ക​യും ചെയ്യും.” “ജ്ഞാനപൂർവം പ്രവർത്തി​ക്കുക” എന്ന്‌ ഇവിടെ വിവർത്ത​നം​ചെ​യ്യ​പ്പെ​ട്ടി​രി​ക്കുന്ന എബ്രാ​യ​പ​ദ​ത്തിന്‌ “ഉൾക്കാ​ഴ്‌ച​യോ​ടെ പ്രവർത്തി​ക്കുക” എന്നും അർത്ഥമുണ്ട്‌.—യോശു​വ 1:7, 8.

¹¹ യഹോവ യോശു​വാ​യിക്ക്‌ അങ്ങനെ​യുള്ള ഉൾക്കാഴ്‌ച കൊടു​ക്കു​ന്നത്‌ എങ്ങനെ​യാണ്‌? ഏതെങ്കി​ലും അത്ഭുത​ക​ര​മായ പകർച്ച​യാ​ലല്ല. ദൈവ​ത്തി​ന്റെ എഴുത​പ്പെട്ട വചനമാ​യി​രു​ന്നു അതിന്റെ താക്കോൽ. യോശു​വാ നിരന്തരം അതു വായി​ക്കു​ക​യും ധ്യാനി​ക്കു​ക​യും ചെയ്‌തു​കൊണ്ട്‌ അതിനാൽ അവന്റെ മനസ്സും ഹൃദയ​വും നിറക്ക​ണ​മാ​യി​രു​ന്നു. യോശു​വാ​യിക്ക്‌ അറിയാ​മാ​യി​രു​ന്ന​തു​പോ​ലെ, ലേവ്യർ ന്യായ​പ്ര​മാ​ണ​ത്തിൽനി​ന്നുള്ള പ്രബോ​ധനം നൽകു​മെന്ന്‌ ദൈവ​വ​ചനം പറഞ്ഞു. അതു​കൊണ്ട്‌, തനിക്ക്‌ ജനതയിൽ ഒരു ഉത്തരവാ​ദി​ത്ത​മുള്ള സ്ഥാനമു​ണ്ടാ​യി​രു​ന്നു​വെ​ന്ന​തി​ന്റെ വീക്ഷണ​ത്തിൽ തനിക്കു​തന്നെ അതെല്ലാം മനസ്സി​ലാ​ക്കാൻ കഴിയു​മെ​ന്നു​ള്ള​തു​പോ​ലെ തന്നേത്തന്നെ ഒററ​പ്പെ​ടു​ത്താ​തെ ഈ വസ്‌തുത അവൻ മനസ്സി​ലാ​ക്ക​ണ​മാ​യി​രു​ന്നു. (സദൃശ​വാ​ക്യ​ങ്ങൾ 18:1) യോശു​വാ ദൈവ​ത്തി​ന്റെ എഴുത​പ്പെട്ട വചനം പഠിക്കു​ന്ന​തിൽ ഉത്സാഹ​മു​ളു​ള​വ​നാ​യി​രി​ക്കു​ന്നത്‌ പ്രധാ​ന​മാ​യി​രു​ന്നു. അതിന്റെ ഒരു ഭാഗവും അവഗണി​ക്കാ​തെ അവൻ അതു ചെയ്യു​ക​യും അതനു​സ​രി​ക്കു​ക​യും ചെയ്‌തി​രു​ന്നെ​ങ്കിൽ അപ്പോൾ അവൻ ഉൾക്കാ​ഴ്‌ച​യോ​ടെ പ്രവർത്തി​ക്കു​മാ​യി​രു​ന്നു.—1 രാജാ​ക്കൻമാർ 2:3 താരത​മ്യ​പ്പെ​ടു​ത്തുക.

യഹോവ ഇന്ന ഉൾക്കാഴച നൽകുന്ന വിധം

12. യഹോവ നമുക്കു ലഭ്യമാ​ക്കുന്ന ഉൾക്കാ​ഴ്‌ച​യിൽനിന്ന്‌ പ്രയോ​ജ​നം​നേ​ടു​ന്ന​തിന്‌ ഏതു മൂന്നു കാര്യങ്ങൾ ആവശ്യ​മാണ്‌?

¹² നമ്മുടെ കാലം​വ​രെ​യും യഹോവ തന്റെ ദാസൻമാർക്ക്‌ ജ്ഞാനപൂർവം പ്രവർത്തി​ക്കാൻ ആവശ്യ​മാ​യി​രി​ക്കുന്ന മാർഗ്ഗ​നിർദ്ദേശം തുടർന്നു​നൽകി​ക്കൊ​ണ്ടാ​ണി​രു​ന്നി​ട്ടു​ള്ളത്‌. ആ മാർഗ്ഗ​നിർദ്ദേ​ശ​ത്തിൽനിന്ന്‌ പ്രയോ​ജ​ന​മ​നു​ഭ​വി​ക്കു​ന്ന​തിന്‌ വ്യക്തി​ക​ളെന്ന നിലയിൽ നമ്മിൽനിന്ന്‌ പല സംഗതി​കൾ ആവശ്യ​പ്പെ​ട്ടി​ട്ടുണ്ട്‌: (1) യോശുവ ചെയ്‌ത​തു​പോ​ലെ നാം യഹോ​വ​യു​ടെ സ്ഥാപനത്തെ വിലമ​തി​ക്കേ​ണ്ട​തുണ്ട്‌. നമ്മുടെ സംഗതി​യിൽ, അങ്ങനെ​യുള്ള വിലമ​തി​പ്പിൽ അഭിഷി​ക്ത​രു​ടെ ക്രിസ്‌തീ​യ​സ​ഭ​യോട്‌, “വിശ്വ​സ്‌ത​നും വിവേ​കി​യു​മായ അടിമ​യോ​ടും” അതിന്റെ ഭരണസം​ഘ​ത്തോ​ടും​തന്നെ, സഹകരി​ക്കു​ന്നത്‌ ഉൾപ്പെ​ടു​ന്നു. (മത്തായി 24:45-47; പ്രവൃ​ത്തി​കൾ 16:4 താരത​മ്യ​പ്പെ​ടു​ത്തുക.) ഈ വിലമ​തി​പ്പിൽ യോഗ​ഹാ​ജ​രി​ലെ ക്രമം ഉൾപ്പെ​ടു​ന്നു. (എബ്രായർ 10:24, 25) (2) നാം ദൈവ​വ​ച​ന​ത്തി​ന്റെ​യും “അടിമ”വർഗ്ഗത്തി​ലൂ​ടെ പ്രദാ​നം​ചെ​യ്യ​പ്പെ​ടുന്ന പ്രസി​ദ്ധീ​ക​ര​ണ​ങ്ങ​ളു​ടെ​യും വ്യക്തി​പ​ര​മായ പഠനത്തിൽ ഉത്സുക​രാ​യി​രി​ക്കണം, അതു മനസ്സി​ലാ​ക്കാൻ നമ്മെ സഹായി​ക്കു​ന്നത്‌ അടിമ​വർഗ്ഗ​മാണ്‌. (3) നാം പഠിക്കുന്ന കാര്യങ്ങൾ നമ്മുടെ സ്വന്തം ജീവി​ത​ത്തിൽ എങ്ങനെ ബാധക​മാ​ക്കാ​മെ​ന്നും മററു​ള്ള​വരെ സഹായി​ക്കാൻ എങ്ങനെ ഉപയോ​ഗി​ക്കാ​മെ​ന്നും വിചി​ന്ത​നം​ചെ​യ്യാൻ സമയ​മെ​ടു​ക്കു​ന്ന​തും പ്രധാ​ന​മാണ്‌.

13. യിരെ​മ്യാവ്‌ 3:15-ൽ രേഖ​പ്പെ​ടു​ത്തി​യി​രി​ക്കുന്ന വാഗ്‌ദാ​ന​ത്തി​ന്റെ അർത്ഥ​മെ​ന്താണ്‌?

¹³ നമ്മുടെ നാളിൽ യഹോവ നമുക്കു നൽകുന്ന തരം മേൽവി​ചാ​ര​ണ​യെ​യും ആത്മീയ പോഷി​പ്പി​ക്ക​ലി​നെ​യും​കു​റിച്ച്‌ അവൻ യിരെ​മ്യാവ്‌ 3:15-ൽ ഇങ്ങനെ പറഞ്ഞു: “ഞാൻ നിങ്ങൾക്ക്‌ എന്റെ ഹൃദയ​ത്തി​നു യോജിച്ച ഇടയൻമാ​രെ നൽകും, അവർ തീർച്ച​യാ​യും നിങ്ങളെ അറിവും ഉൾക്കാ​ഴ്‌ച​യും​കൊണ്ട്‌ പോഷി​പ്പി​ക്കും.” തീർച്ച​യാ​യും, ഈ ആത്മീയ​പോ​ഷി​പ്പി​ക്കൽ പരിപാ​ടി സാഹച​ര്യ​ങ്ങളെ നിരീ​ക്ഷി​ക്കു​ന്ന​തി​നും വിജയം ലഭിക്കാൻ ഏതു ഗതി സ്വീക​രി​ക്ക​ണ​മെന്നു വിവേ​ചി​ക്കു​ന്ന​തി​നു​മുള്ള ശ്രദ്ധേ​യ​മായ പ്രാപ്‌തി നമുക്കു നൽകും. ആ ഉൾക്കാ​ഴ്‌ച​യു​ടെ ഉറവ്‌ ആരാണ്‌? യഹോ​വ​യാം ദൈവം.

14. ‘വിശ്വസ്‌ത അടിമ’ക്ക്‌ ഉൾക്കാ​ഴ്‌ച​യു​ള്ള​തെ​ന്തു​കൊണ്ട്‌?

¹⁴ ‘വിശ്വസ്‌ത അടിമ’വർഗ്ഗത്തിന്‌ അത്തരം ഉൾക്കാഴ്‌ച ഉള്ളതെ​ന്തു​കൊണ്ട്‌? എന്തു​കൊ​ണ്ടെ​ന്നാൽ അവർ ദൈവ​വ​ച​നത്തെ തങ്ങളുടെ ആത്മാർത്ഥ​മായ ശ്രദ്ധാ​കേ​ന്ദ്ര​മാ​ക്കി​യി​രി​ക്കു​ന്നു. അവർ അതിന്റെ മാർഗ്ഗ​നിർദ്ദേ​ശ​മ​നു​സ​രി​ക്കു​ന്നു. കൂടാതെ, അവർ യഹോ​വ​യു​ടെ മാർഗ്ഗ​നിർദ്ദേ​ശ​ത്തി​നു കീഴ്‌പ്പെ​ട്ടി​രി​ക്കു​ന്ന​തി​നാൽ അവൻ തന്റെ ആത്മാവി​നെ അവരു​ടെ​മേൽ വെക്കു​ക​യും തന്റെ ഉദ്ദേശ്യ​ത്തി​നു ചേർച്ച​യാ​യി അവരെ ഉപയോ​ഗി​ക്കു​ക​യും ചെയ്‌തി​രി​ക്കു​ന്നു. (ലൂക്കോസ്‌ 12:43, 44; പ്രവൃ​ത്തി​കൾ 5:32) നിശ്വസ്‌ത സങ്കീർത്ത​ന​ക്കാ​രൻ ദീർഘ​നാൾമുമ്പ്‌ എഴുതി​യ​തു​പോ​ലെ: “നിന്റെ ഓർമ്മി​പ്പി​ക്ക​ലു​കൾ എന്റെ താൽപ്പ​ര്യ​മാ​യ​തു​കൊണ്ട്‌ എന്റെ സകല ഉപദേ​ഷ്ടാ​ക്ക​ളെ​ക്കാ​ളു​മ​ധി​കം ഉൾക്കാഴ്‌ച എനിക്കു​ണ്ടാ​കാ​നി​ട​യാ​യി​രി​ക്കു​ന്നു.”—സങ്കീർത്തനം 119:99.

15. (എ) “അടിമ”വർഗ്ഗം നമുക്ക്‌ സ്ഥിരമാ​യി നൽകുന്ന ബുദ്ധി​യു​പ​ദേ​ശ​ത്തി​ന്റെ സാര​മെ​ന്താണ്‌? (ബി) അനേകം വർഷങ്ങൾക്കു​മുമ്പ്‌ രക്തപ്പകർച്ച​യെ​ക്കു​റി​ച്ചുള്ള ക്രിസ്‌തീ​യ​വീ​ക്ഷ​ണ​ത്തെ​സം​ബ​ന്ധിച്ച്‌ ആവശ്യ​മാ​യി​രുന്ന “അറിവും ഉൾക്കാ​ഴ്‌ച​യും” നൽകാൻ അടിമക്ക്‌ സാധ്യ​മാ​യ​തെ​ങ്ങനെ?

¹⁵ ചെയ്യേണ്ട ശരിയായ സംഗതി സംബന്ധിച്ച അന്വേ​ഷ​ണ​ങ്ങൾക്കു​ത്ത​ര​മാ​യി “വിശ്വ​സ്‌ത​നും വിവേ​കി​യു​മായ അടിമ” എല്ലായ്‌പ്പോ​ഴും, ‘ബൈബി​ളിൽ എഴുതി​യി​രി​ക്കു​ന്നതു ബാധക​മാ​ക്കുക, യഹോ​വ​യിൽ ആശ്രയി​ക്കുക’ എന്ന്‌ ഉപദേ​ശി​ച്ചി​ട്ടുണ്ട്‌. (സങ്കീർത്തനം 119:105; സദൃശ​വാ​ക്യ​ങ്ങൾ 3:5, 6) രക്തപ്പകർച്ചകൾ ഒരു നിലവാ​ര​പ്പെട്ട വൈദ്യ​ചി​കിൽസ​യാ​യി വീക്ഷി​ക്ക​പ്പെ​ടു​ക​യും യഹോ​വ​യു​ടെ സാക്ഷി​കളെ അഭിമു​ഖീ​ക​രി​ക്കുന്ന ഒരു വിവാ​ദ​പ്ര​ശ്‌ന​മാ​യി​ത്തീ​രു​ക​യും ചെയ്‌ത​പ്പോൾ 1945 ജൂലൈ 1ലെ വാച്ച്‌ടവർ രക്തത്തിന്റെ പവി​ത്ര​ത​സം​ബ​ന്ധിച്ച ക്രിസ്‌തീയ വീക്ഷണം വിശദീ​ക​രി​ച്ചു. ദിവ്യ​നി​രോ​ധ​ന​ത്തിൽ മൃഗങ്ങ​ളു​ടെ​യും മനുഷ്യ​രു​ടെ​യും രക്തം ഉൾപ്പെ​ടു​ന്നു​വെന്ന്‌ അത്‌ പ്രകട​മാ​ക്കി. (ഉൽപ്പത്തി 9:3, 4; പ്രവൃ​ത്തി​കൾ 15:28, 29) ആ ലേഖന​ത്തിൽ ശാരീ​രി​ക​മായ ദൂഷ്യ​ഫ​ലങ്ങൾ ചർച്ച​ചെ​യ്‌തി​രു​ന്നില്ല; ആ സമയത്ത്‌ അങ്ങനെ​യുള്ള അറിവ്‌ വളരെ പരിമി​ത​മാ​യി​രു​ന്നു. യഥാർത്ഥ​വി​വാ​ദ​പ്ര​ശ്‌നം ദൈവ​നി​യ​മ​ത്തോ​ടുള്ള അനുസ​ര​ണ​മാ​യി​രു​ന്നു, ഇപ്പോ​ഴും അതുത​ന്നെ​യാണ്‌. ഇന്ന്‌, രക്തപ്പകർച്ചകൾ വർജ്ജി​ക്കു​ന്ന​തി​ന്റെ പ്രാ​യോ​ഗി​ക​ജ്ഞാ​നം അനേകർ തിരി​ച്ച​റി​യു​ന്നുണ്ട്‌, വർദ്ധിച്ച സംഖ്യകൾ ഇപ്പോൾ വർജ്ജി​ക്കു​ന്നു​മുണ്ട്‌. എന്നാൽ എക്കാല​ത്തും യഹോ​വ​യു​ടെ സാക്ഷി​കൾക്ക്‌ ഉൾക്കാ​ഴ്‌ച​യോ​ടെ പ്രവർത്തി​ക്കാൻ കഴിഞ്ഞി​ട്ടുണ്ട്‌, എന്തു​കൊ​ണ്ടെ​ന്നാൽ അവർ സ്രഷ്ടാ​വി​നെ വിശ്വ​സി​ക്കു​ന്നു, അവന്‌ രക്തത്തെ​സം​ബ​ന്ധിച്ച്‌ ഏതു മനുഷ്യ​നെ​ക്കാ​ളു​മ​ധി​കം അറിയാം.

16. ലൈം​ഗി​ക​ധാർമ്മി​കത, മാതാ​പി​താ​ക്ക​ളിൽ ഒരാൾമാ​ത്ര​മുള്ള കുടും​ബങ്ങൾ, വിഷാ​ദ​രോ​ഗം എന്നിവ​സം​ബ​ന്ധിച്ച്‌ വീക്ഷാ​ഗോ​പു​ര​ത്തി​ലെ ബുദ്ധി​യു​പ​ദേശം ആവശ്യ​മാ​യി​രു​ന്ന​തു​ത​ന്നെ​യെന്നു തെളി​ഞ്ഞ​തെ​ന്തു​കൊണ്ട്‌?

¹⁶ ലൈം​ഗി​ക​ധാർമ്മി​കത സംബന്ധിച്ച അനുവാ​ദാ​ത്മക മനോ​ഭാ​വങ്ങൾ വർദ്ധി​ത​മാ​യി പ്രമു​ഖ​മാ​യി​ത്തീർന്നി​രി​ക്കു​ന്ന​തി​നാൽ ജനസമ്മ​തി​യുള്ള ഗതി ശുപാർശ​ചെ​യ്യു​ന്ന​തി​നു​പ​കരം വീക്ഷാ​ഗോ​പു​രം അവിക​ല​മായ തിരു​വെ​ഴു​ത്തു​ബു​ദ്ധി​യു​പ​ദേശം പ്രദാ​നം​ചെ​യ്‌തി​ട്ടുണ്ട്‌. ഇത്‌ യഹോ​വ​യോ​ടുള്ള തങ്ങളുടെ വിലപ്പെട്ട ബന്ധം കാത്തു​സൂ​ക്ഷി​ക്കു​ന്ന​തി​നും കേവലം ക്ഷണിക​മായ ഉല്ലാസ​ങ്ങൾക്കു​പ​കരം നിലനിൽക്കുന്ന സന്തുഷ്ടി​യിൽ ശ്രദ്ധ​കേ​ന്ദ്രീ​ക​രി​ക്കു​ന്ന​തി​നും അനേകരെ സഹായി​ക്കു​ക​യാണ്‌. അതു​പോ​ലെ​തന്നെ, മാതാ​പി​താ​ക്ക​ളിൽ ഒരാൾമാ​ത്ര​മുള്ള കുടും​ബ​ങ്ങൾക്കും വിഷാ​ദ​രോ​ഗ​ത്തോ​ടു പോരാ​ടു​ന്ന​വർക്കും വേണ്ടി​യുള്ള വീക്ഷാ​ഗോ​പു​ര​ലേ​ഖ​നങ്ങൾ യഹോ​വ​യു​ടെ ചിന്തകൾ വില​പ്പെ​ട്ട​താ​യി​രി​ക്കു​ന്ന​വർക്കും “നീ എന്റെ ദൈവ​മാ​യി​രി​ക്കു​ന്ന​തു​കൊണ്ട്‌ നിന്റെ ഇഷ്ടം​ചെ​യ്യാൻ എന്നെ പഠിപ്പി​ക്കേ​ണമേ” എന്ന്‌ ആത്മാർത്ഥ​മാ​യി പ്രാർത്ഥി​ക്കു​ന്ന​വർക്കും മാത്രം സാദ്ധ്യ​മാ​കുന്ന ഒരു ഉൾക്കാ​ഴ്‌ചയെ പ്രതി​ഫ​ലി​പ്പി​ച്ചി​രി​ക്കു​ന്നു.—സങ്കീർത്തനം 143:10; 139:17.a

17. (എ) ദശാബ്ദ​ങ്ങൾക്കു​മു​മ്പേ 1914-നെ സംബന്ധിച്ച്‌ യഹോ​വ​യു​ടെ ദാസൻമാർ എന്തറിഞ്ഞു? (ബി) 1914നുശേഷം യഹോ​വ​യു​ടെ സാക്ഷി​കൾക്ക്‌ വിശദാം​ശങ്ങൾ സംബന്ധിച്ച്‌ ചോദ്യ​ങ്ങ​ളു​ണ്ടാ​യി​രു​ന്നെ​ങ്കി​ലും അവരുടെ ജീവി​ത​ത്തിന്‌ സാരവ​ത്തായ മാർഗ്ഗ​നിർദ്ദേശം നൽകിയ എന്ത്‌ അവർ അറിഞ്ഞി​രു​ന്നു?

¹⁷ ദശാബ്ദ​ങ്ങൾക്കു​മു​മ്പു​തന്നെ, 1914 എന്ന വർഷം ജാതി​ക​ളു​ടെ കാലങ്ങ​ളു​ടെ അവസാ​നത്തെ കുറി​ക്കു​മെന്ന്‌ തിരി​ച്ച​റി​യാൻ യഹോവ “വിശ്വ​സ്‌ത​നും വിവേ​കി​യു​മായ അടിമ” മുഖാ​ന്തരം തന്റെ ദാസൻമാ​രെ സഹായി​ച്ചി​രി​ക്കു​ന്നു. (ലൂക്കോസ്‌ 21:24, കിംഗ ജയിംസ വേർഷൻ) അവർ ഒന്നാം ലോക​മ​ഹാ​യു​ദ്ധാ​നന്തര യുഗത്തി​ലേക്കു പ്രവേ​ശി​ച്ച​പ്പോൾ തീർച്ച​യാ​യും അവരെ അന്ധാളി​പ്പിച്ച ചോദ്യ​ങ്ങൾ ഉണ്ടായി​രു​ന്നു. എന്നാൽ അവർക്ക്‌ തീർച്ച​യാ​യും അറിയാ​മാ​യി​രു​ന്നത്‌ അവർക്ക്‌ ജ്ഞാനപൂർവം പ്രവർത്തി​ക്കാൻ മതിയാ​യ​താ​യി​രു​ന്നു. പഴയവ്യ​വ​സ്ഥി​തി​യെ നശിപ്പി​ക്കാ​നുള്ള ദൈവ​ത്തി​ന്റെ തക്കസമയം അടുത്തി​രി​ക്കു​ന്നു​വെന്ന്‌ അവർ തിരു​വെ​ഴു​ത്തു​ക​ളിൽനിന്ന്‌ അറിഞ്ഞു; അതു​കൊണ്ട്‌ അതിൽ തങ്ങളുടെ പ്രത്യാശ അർപ്പി​ക്കു​ന്നത്‌ അല്ലെങ്കിൽ വിജയം സംബന്ധിച്ച അതിന്റെ ഭൗതി​കാ​സക്ത നിലവാ​രങ്ങൾ തങ്ങളുടെ ജീവി​തത്തെ ഭരിക്കാൻ അനുവ​ദി​ക്കു​ന്നത്‌ മൗഢ്യ​മാ​യി​രി​ക്കും. മനുഷ്യ​വർഗ്ഗത്തെ ക്ലേശി​പ്പി​ക്കുന്ന സകല പ്രശ്‌ന​ങ്ങ​ളു​ടെ​യും യഥാർത്ഥ പരിഹാ​രം യഹോ​വ​യു​ടെ രാജ്യ​മാ​ണെ​ന്നും അവർ അറിഞ്ഞു. (ദാനി​യേൽ 2:44; മത്തായി 6:33) യഹോ​വ​യു​ടെ അഭിഷി​ക്ത​രാ​ജാ​വായ യേശു​ക്രി​സ്‌തു​വി​നെ​യും അവന്റെ രാജ്യ​ത്തെ​യും പരസ്യം​ചെ​യ്യു​ന്നത്‌ സകല സത്യ​ക്രി​സ്‌ത്യാ​നി​ക​ളു​ടെ​യും ഉത്തരവാ​ദി​ത്ത​മാ​ണെന്ന്‌ അവർ വ്യക്തമാ​യി മനസ്സി​ലാ​ക്കി. (യെശയ്യാവ്‌ 61:1, 2: മത്തായി 24:14) “ജനതയു​ടെ ജനനം” എന്ന 1925ലെ വാച്ച്‌റ​റവർ ലേഖന​ത്തി​ലൂ​ടെ അവർ വെളി​പ്പാ​ടു 12-ാം അദ്ധ്യാ​യ​ത്തി​ന്റെ വ്യക്തത​യേ​റിയ ഒരു ഗ്രാഹ്യ​ത്താൽ ബലിഷ്‌ഠ​രാ​ക്ക​പ്പെട്ടു; അങ്ങനെ ഇപ്പോൾ മാനു​ഷ​നേ​ത്ര​ങ്ങൾക്ക്‌ അദൃശ്യ​മായ സ്വർഗ്ഗ​ങ്ങ​ളിൽ നടന്നു​കൊ​ണ്ടി​രു​ന്ന​തെ​ന്താ​ണെന്ന്‌ അവർ മനസ്സി​ലാ​ക്കി. അങ്ങനെ​യുള്ള ഉൾക്കാഴ്‌ച അവരുടെ ജീവി​ത​ത്തിന്‌ സാരവ​ത്തായ മാർഗ്ഗ​നിർദ്ദേശം നൽകി.

18. നമുക്കി​പ്പോൾ ഏതു പദവി​യും ഉത്തരവാ​ദി​ത്ത​വു​മുണ്ട്‌, നാം നമ്മോ​ടു​തന്നെ ഏതു ചോദ്യ​ങ്ങൾ ചോദി​ക്കണം?

¹⁸ അന്ന്‌ യഹോ​വയെ അവന്റെ സാക്ഷി​ക​ളാ​യി സേവി​ച്ചു​കൊ​ണ്ടി​രുന്ന ചുരു​ക്കം​ചില ആയിരങ്ങൾ വിശ്വാ​സ​ത്തിൽ പ്രവർത്തി​ച്ചു​കൊണ്ട്‌ ദൈവ​ത്തി​ന്റെ സ്ഥാപി​ത​രാ​ജ്യ​ത്തി​ന്റെ സുവാർത്ത പ്രസം​ഗി​ക്കുന്ന വേല ലോക​ത്തി​ന്റെ എല്ലാ ഭാഗങ്ങ​ളി​ലേ​ക്കും തിരി​ച്ചു​വി​ട്ടു. തത്‌ഫ​ല​മാ​യി, ദശലക്ഷ​ക്ക​ണ​ക്കി​നാ​ളു​കൾ യഹോ​വയെ അറിയാ​നും സ്‌നേ​ഹി​ക്കാ​നു​മി​ട​യാ​കു​ക​യും നിത്യ​ജീ​വന്റെ പ്രത്യാശ നേടു​ക​യും ചെയ്‌തി​രി​ക്കു​ന്നു. അവരുടെ സ്‌നേ​ഹ​നിർഭ​ര​മായ അദ്ധ്വാ​ന​ങ്ങ​ളു​ടെ ഫലമായി സത്യം ലഭിച്ചി​ട്ടുള്ള നമുക്കു​മെ​ല്ലാം വേലയിൽ പങ്കെടു​ക്കാ​നും നമുക്കു സമീപി​ക്കാൻക​ഴി​യുന്ന ഏവർക്കും ഒരു പൂർണ്ണ​സാ​ക്ഷ്യം കൊടു​ക്കാ​നും വേല തീർന്നി​രി​ക്കു​ന്ന​താ​യി യഹോവ പറയു​ന്ന​തു​വരെ അങ്ങനെ ചെയ്യു​ന്ന​തിൽ തുടരാ​നു​മുള്ള പദവി​യും ഉത്തരവാ​ദി​ത്ത​വും ഉണ്ടെന്ന്‌ പ്രകട​മാ​ക്ക​പ്പെ​ട്ടി​രി​ക്കു​ന്നു. (വെളി​പ്പാട്‌ 22:17; പ്രവൃ​ത്തി​കൾ 20:26, 27 താരത​മ്യ​പ്പെ​ടു​ത്തുക.) നിങ്ങൾ നിങ്ങളു​ടെ ജീവി​തത്തെ ഉപയോ​ഗി​ക്കുന്ന വിധം യഹോവ തന്റെ സ്ഥാപനം​മു​ഖാ​ന്തരം നൽകി​യി​രി​ക്കുന്ന ഉൾക്കാ​ഴ്‌ചയെ നിങ്ങൾ വിലമ​തി​ക്കു​ന്നു​ണ്ടെന്നു തെളിവു നൽകു​ന്നു​ണ്ടോ?

19. (എ) യഹോവ തന്റെ സ്ഥാപനം​മു​ഖാ​ന്തരം നൽകുന്ന ഉൾക്കാ​ഴ്‌ച​യോ​ടു വിലമ​തി​പ്പു പ്രതി​ഫ​ലി​പ്പി​ക്കുന്ന ജീവി​ത​മുള്ള ഒരാളു​ടെ ദൃഷ്ടാന്തം നൽകുക. (ബി) ആ ദൃഷ്ടാ​ന്ത​ത്തിൽനിന്ന്‌ നമുക്ക്‌ എന്തു പഠിക്കാൻക​ഴി​യും?

¹⁹ ഭൂമി​യു​ടെ എല്ലാ ഭാഗങ്ങ​ളി​ലു​മുള്ള വ്യക്തി​ക​ളു​ടെ ഒരു വലിയ സമൂഹ​ത്തി​ന്റെ ജീവിതം അവരുടെ കാര്യ​ത്തിൽ ഉത്തരം ഉവ്വ്‌ എന്നാ​ണെന്ന്‌ സാക്ഷ്യ​പ്പെ​ടു​ത്തു​ന്നു. ദൃഷ്ടാ​ന്ത​ത്തിന്‌, ജോൺ കട്‌ഫോർത്തി​ന്റെ കാര്യം പരിഗ​ണി​ക്കുക. ഏതാണ്ട്‌ 49 വർഷം മുമ്പ്‌ ‘വിശ്വ​സ്‌ത​നായ അടിമ’വർഗ്ഗം അന്നു ശ്രദ്ധതി​രി​ച്ചു​കൊ​ണ്ടി​രുന്ന തിരു​വെ​ഴു​ത്തു ബുദ്ധി​യു​പ​ദേശം അദ്ദേഹം കാര്യ​മാ​യെ​ടു​ത്തു. ഇന്നും അത്‌ ഇതി​ലേക്കു ശ്രദ്ധതി​രി​ക്കു​ന്നുണ്ട്‌, അതായത്‌ “അപ്പോൾ, ഒന്നാമ​താ​യി രാജ്യ​വും അവന്റെ നീതി​യും അന്വേ​ഷി​ച്ചു​കൊ​ണ്ടി​രി​ക്കുക, ഈ മററു​ള്ള​വ​യെ​ല്ലാം നിങ്ങൾക്ക്‌ കൂട്ട​പ്പെ​ടും. അതു​കൊണ്ട്‌ അടുത്ത ദിവസ​ത്തെ​ക്കു​റിച്ച്‌ ഒരിക്ക​ലും ഉൽക്കണ്‌ഠ​പ്പെ​ട​രുത്‌.” (മത്തായി 6:33, 34) യഹോ​വ​യു​ടെ സേവന​ത്തി​ലെ വർഷങ്ങ​ളോ​ള​മുള്ള അനുഭ​വ​ജ്ഞാ​ന​ത്തി​നു​ശേഷം കട്‌ഫോർത്ത്‌ സഹോ​ദരൻ ഇങ്ങനെ പറഞ്ഞു: ‘എന്റെ മനസ്സിൽ ശക്തിമ​ത്താ​യി പതിപ്പി​ക്ക​പ്പെട്ട കാര്യ​ങ്ങ​ളി​ലൊന്ന്‌ യഹോ​വക്ക്‌ താൻ നയിക്കുന്ന ഒരു സ്ഥാപനം ഭൂമി​യി​ലു​ണ്ടെ​ന്നും ഒരു വ്യക്തി​യെന്ന നിലയിൽ എനിക്ക്‌ ആ സ്ഥാപന​ത്തോ​ടൊത്ത്‌ പ്രവർത്തി​ക്കാൻ കഴിയു​മെ​ന്നും ഞാൻ അതിന്റെ നടത്തി​പ്പും നിർദ്ദേ​ശ​വും പൂർണ്ണ​മാ​യി അനുസ​രി​ക്കു​ക​യാ​ണെ​ങ്കിൽ അത്‌ എനിക്ക്‌ സമാധാ​ന​വും സംതൃ​പ​തി​യും സന്തോ​ഷ​വും മാത്രമല്ല, അനേകം സുഹൃ​ത്തു​ക്ക​ളെ​യും മററ​നേകം അനു​ഗ്ര​ഹ​ങ്ങ​ളും കൈവ​രു​ത്തു​മെ​ന്നു​മു​ള്ള​താണ്‌.’ അദ്ദേഹം ഐക്യ​നാ​ടു​ക​ളി​ലും കാനഡാ​യി​ലും ആസ്‌​ത്രേ​ലി​യാ​യി​ലും പാപ്പുവാ ന്യൂഗി​നി​യി​ലും സമൃദ്ധ​മായ ആത്മീയാ​നു​ഗ്ര​ഹ​ങ്ങ​ളോ​ടു​കൂ​ടിയ ഒരു ജീവിതം ആസ്വദി​ച്ചി​രി​ക്കു​ന്ന​തു​കൊണ്ട്‌ ആ ബോദ്ധ്യം ആവർത്തി​ച്ചു ബലവത്താ​ക്ക​പ്പെ​ട്ടി​രി​ക്കു​ന്നു.b സത്യമാ​യി, നമ്മേസം​ബ​ന്ധി​ച്ചെ​ല്ലാം, ജ്ഞാനപൂർവ​ക​മായ ഗതി യഹോവ തന്റെ ജനത്തിന്‌ ഉൾക്കാഴ്‌ച നൽകുന്ന മുഖാ​ന്ത​ര​ത്തോട്‌ വിലമ​തി​പ്പു പ്രതി​ഫ​ലി​പ്പി​ക്കുന്ന ഒരു ഗതിയാണ്‌.—മത്തായി 6:19-21.

ഉൾക്കാ​ഴചാ​ന​ഷ്ട​ത്തി​നെ​തി​രെ ജാഗരി​ക്കു​ക

20, 21. (എ) ചിലർക്ക്‌ ഒരു കാലത്തു​ണ്ടാ​യി​രുന്ന ദൈവി​ക​ഉൾക്കാഴ്‌ച നഷ്ടപ്പെ​ട്ടി​രി​ക്കു​ന്ന​തെ​ങ്ങനെ? (ബി) ഒരു ഹാനി​ക​ര​മായ ഗതിയിൽനിന്ന്‌ നമ്മെ കാത്തു​സൂ​ക്ഷി​ക്കാൻ എന്തു സഹായി​ക്കും?

²⁰ യഹോവ നൽകുന്ന ഉൾക്കാഴ്‌ച വിലമ​തി​ക്കേണ്ട ഒരു നിക്ഷേ​പ​മാണ്‌. എന്നിരു​ന്നാ​ലും, ദൈവി​ക​ഭക്തി നേടാൻ നമ്മെ പ്രാപ്‌ത​രാ​ക്കി​യി​ട്ടുള്ള ഗതിയിൽ നാം തുടരു​ന്നി​ല്ലെ​ങ്കിൽ നമുക്കതു നഷ്ടമാ​കാ​മെന്ന്‌ നാമറി​ഞ്ഞി​രി​ക്കണം. സങ്കടക​ര​മെന്നു പറയട്ടെ, ചിലർക്ക്‌ കൃത്യ​മാ​യി ആ അനുഭ​വ​മു​ണ്ടാ​യി​ട്ടുണ്ട്‌. (സദൃശ​വാ​ക്യ​ങ്ങൾ 21:16; ദാനി​യേൽ 11:35) അവരെ വ്യക്തി​പ​ര​മാ​യി സ്‌പർശിച്ച ശിക്ഷണം നിരസി​ച്ചു​കൊണ്ട്‌ അവർ തങ്ങൾ ചെയ്‌തു​കൊ​ണ്ടി​രു​ന്ന​തി​നെ നീതീ​ക​രി​ക്കാൻ ശ്രമിച്ചു. അഹങ്കാരം അവർക്ക്‌ ഒരു കെണി​യാ​യി​ത്തീർന്നു. ദൈവ​വ​ചനം ചീത്തയാ​ണെന്നു പ്രകട​മാ​ക്കു​ന്ന​തി​നെ അവർ നല്ലതെന്നു വീക്ഷി​ക്കാൻ തുടങ്ങി, അവർ യഹോ​വ​യു​ടെ സ്ഥാപന​ത്തിൽനിന്ന്‌ അകന്നു​മാ​റി. എത്ര സങ്കടകരം!

²¹ അങ്ങനെ​യുള്ള ഒരാളു​ടെ സാഹച​ര്യം സങ്കീർത്തനം 36:1-3-ൽ വർണ്ണി​ക്ക​പ്പെ​ട്ടി​രി​ക്കു​ന്ന​തു​പോ​ലെ​യാണ്‌: “ദുഷ്ടന്‌ ലംഘന​ത്തി​ന്റെ ഭാഷണം അവന്റെ ഹൃദയ​ത്തിൻ മദ്ധ്യത്തി​ലാണ്‌.” അതായത്‌, അവന്റെ​തന്നെ സ്വാർത്ഥ​ചി​ന്ത​ക​ളും ആഗ്രഹ​ങ്ങ​ളും അവനെ ലംഘന​ത്തി​ലേക്കു നയിക്കു​ന്നു. “അവന്റെ കണ്ണുകൾക്കു​മു​മ്പിൽ ദൈവ​ഭ​യ​മില്ല,” സങ്കീർത്ത​ന​ക്കാ​രൻ തുടരു​ന്നു. “എന്തു​കൊ​ണ്ടെ​ന്നാൽ അവൻ തെററി​നെ വെറു​ക്കാൻത​ക്ക​വണ്ണം തന്റെ തെററു കണ്ടുപി​ടി​ക്കാൻ കഴിയാ​ത്ത​വണ്ണം തന്നോ​ടു​തന്നെ തന്റെ ദൃഷ്ടി​ക​ളിൽ വളരെ സൗമ്യ​മാ​യി പ്രവർത്തി​ച്ചി​രി​ക്കു​ന്നു. അവന്റെ വായിലെ വാക്കുകൾ ദ്രോ​ഹ​വും വഞ്ചനയു​മാണ്‌.” അവന്‌ എന്തു ഫലമു​ണ്ടാ​കു​ന്നു? അവന്‌ ‘നൻമ​ചെ​യ്യാ​നുള്ള ഉൾക്കാഴ്‌ച ഇല്ലാതാ​കു​ന്നു’. അവൻ താൻ ചെയ്യു​ന്നത്‌ ശരിയാ​ണെന്ന്‌ തന്നേത്തന്നെ യഥാർത്ഥ​ത്തിൽ ബോധ്യ​പ്പെ​ടു​ത്തു​ന്നു, തന്നെ അനുഗ​മി​ക്കാൻ മററു​ള്ള​വരെ വശീക​രി​ക്കു​ക​യും​ചെ​യ്യു​ന്നു. അപ്പോൾ നമുക്കു ഉൾക്കാഴ്‌ച ഉണ്ടായി​രി​ക്കു​ന്ന​തു​മാ​ത്രമല്ല, അതു നേടാൻ യഹോവ നമ്മെ പ്രാപ്‌ത​രാ​ക്കി​യി​രി​ക്കുന്ന മുഖാ​ന്ത​രത്തെ വിലമ​തി​ക്കു​ന്ന​തി​നാൽ അതിനെ കാത്തു​സൂ​ക്ഷി​ക്കു​ന്ന​തും എത്ര ജീവൽപ്ര​ധാ​ന​മാണ്‌! (w89 3⁄15)

[അടിക്കു​റിപ്പ്‌]

നിങ്ങൾ എന്ത ഓർക്കു​ന്നു?

◻ ജ്ഞാനപൂർവ​ക​മായ തീരു​മാ​നങ്ങൾ ചെയ്യാൻ നമ്മെ എന്തു സഹായി​ക്കും?

◻ “ഉൾക്കാഴ്‌ച”യിൽ എന്ത്‌ ഉൾപ്പെ​ട്ടി​രി​ക്കു​ന്നു?

◻ നമ്മുടെ നാളിൽ യഹോവ തന്റെ ദാസൻമാർക്ക്‌ എങ്ങനെ ഉൾക്കാഴ്‌ച നൽകുന്നു?

◻ യഹോവ നൽകുന്ന ഉൾക്കാ​ഴ്‌ച​യിൽനിന്ന്‌ നമുക്ക്‌ പൂർണ്ണ​പ്ര​യോ​ജ​നം​കി​ട്ടു​ന്ന​തിന്‌ നമ്മിൽനിന്ന്‌ എന്താവ​ശ്യ​പ്പെ​ട്ടി​രി​ക്കു​ന്നു?

[28-ാം പേജിലെ ചിത്രം]

യഹോവ നൽകുന്ന ഉൾക്കാ​ഴ്‌ച​യിൽനി​ന്നു പ്രയോ​ജനം ലഭിക്കു​ന്ന​തിന്‌ നാം അവന്റെ സ്ഥാപനത്തെ വിലമ​തി​ക്കു​ക​യും വ്യക്തി​പ​ര​മായ പഠനത്തിൽ ഉൽസാഹം കാണി​ക്കു​ക​യും നാം പഠിക്കു​ന്നത്‌ എങ്ങനെ ബാധക​മാ​ക്കാ​മെന്ന്‌ ധ്യാനി​ക്കു​ക​യും വേണം