മിശി​ഹ​യെ​ക്കു​റി​ച്ചുള്ള പ്രവച​നങ്ങൾ യേശു മിശി​ഹ​യാ​യി​രു​ന്നെന്ന്‌ തെളി​യി​ക്കു​ന്നു​ണ്ടോ?

ഉണ്ട്‌. ‘ലോകത്തിന്റെ രക്ഷകനാ​കു​മാ​യി​രുന്ന’ ‘നേതാ​വായ മിശി​ഹ​യെ​ക്കു​റി​ച്ചുള്ള’ എണ്ണമറ്റ പ്രവച​നങ്ങൾ ഭൂമി​യി​ലാ​യി​രു​ന്ന​പ്പോൾ യേശു നിവർത്തി​ച്ചു. (ദാനി​യേൽ 9:25; 1 യോഹ​ന്നാൻ 4:14) മരണ​ശേ​ഷം​പോ​ലും മിശി​ഹ​യെ​ക്കു​റി​ച്ചുള്ള പ്രവച​നങ്ങൾ യേശു​വിൽ നിറ​വേ​റി​ക്കൊ​ണ്ടി​രു​ന്നു.—സങ്കീർത്തനം 110:1; പ്രവൃ​ത്തി​കൾ 2:34-36.

• എന്താണ്‌ “മിശിഹ” എന്നതിന്റെ അർഥം?

• മിശി​ഹ​യെ​ക്കു​റി​ച്ചുള്ള പ്രവച​നങ്ങൾ ഒന്നില​ധി​കം പേർക്ക്‌ നിവർത്തി​ക്കാ​നാ​കു​മോ?

• മിശിഹ ഭാവി​യി​ലാ​ണോ വരുന്നത്‌?

• ബൈബി​ളിൽ മിശി​ഹ​യെ​ക്കു​റിച്ച്‌ എത്ര പ്രവച​ന​ങ്ങ​ളുണ്ട്‌?

• യേശു​വിൽ നിറ​വേ​റിയ മിശി​ഹ​യെ​ക്കു​റി​ച്ചുള്ള പ്രവച​ന​ങ്ങ​ളിൽ ചിലത്‌

മഷി​യേക്ക്‌ (മിശിഹ) എന്ന എബ്രാ​യ​പ​ദ​ത്തി​ന്റെ​യും അതിന്റെ ഗ്രീക്കു​പ​ദ​മായ ക്രിസ്‌തോസ്‌ (ക്രിസ്‌തു) എന്നതി​ന്റെ​യും അർഥം “അഭിഷി​ക്തൻ” എന്നാണ്‌. അതു​കൊണ്ട്‌ “യേശു​ക്രി​സ്‌തു” എന്നതിന്റെ അർഥം “അഭിഷി​ക്ത​നായ യേശു” എന്നോ “മിശി​ഹ​യായ യേശു” എന്നോ ആണ്‌.

ബൈബിൾക്കാ​ല​ങ്ങ​ളിൽ, ചില പ്രത്യേ​ക​സ്ഥാ​ന​ത്തേക്ക്‌ നിയമി​ക്കുന്ന ആളുകളെ തലയിൽ തൈലം ഒഴിച്ച്‌ അഭി​ഷേകം ചെയ്‌തി​രു​ന്നു. (ലേവ്യ 8:12; 1 ശമുവേൽ 16:13) ദൈവം യേശു​വി​നെ മിശി​ഹ​യാ​യി അവരോ​ധി​ച്ചു. അതു വളരെ ശ്രേഷ്‌ഠ​മായ ഒരു പദവി​യാണ്‌. (പ്രവൃ​ത്തി​കൾ 2:36) തൈല​ത്തി​നു പകരം പരിശു​ദ്ധാ​ത്മാ​വു​കൊ​ണ്ടാണ്‌ ദൈവം യേശു​വി​നെ അഭി​ഷേകം ചെയ്‌തത്‌.—മത്തായി 3:16.

ഇല്ല. ഒരു വിരല​ട​യാ​ളം ഒരാളെ മാത്രം തിരി​ച്ച​റി​യി​ക്കു​ന്ന​തു​പോ​ലെ ബൈബിൾപ്ര​വ​ച​ന​ങ്ങ​ളു​ടെ നിവൃത്തി ഒരേ ഒരു മിശി​ഹ​യി​ലേക്ക്‌ അഥവാ ക്രിസ​തു​വി​ലേക്ക്‌ ആണ്‌ വിരൽ ചൂണ്ടു​ന്നത്‌. എങ്കിലും, “കള്ളക്രി​സ്‌തു​ക്ക​ളും കള്ളപ്ര​വാ​ച​ക​ന്മാ​രും എഴു​ന്നേറ്റ്‌, കഴിയു​മെ​ങ്കിൽ തിര​ഞ്ഞെ​ടു​ത്തി​രി​ക്കു​ന്ന​വ​രെ​പ്പോ​ലും വഴി​തെ​റ്റി​ക്കാൻ വലിയ അടയാ​ള​ങ്ങ​ളും അത്ഭുത​ങ്ങ​ളും കാണി​ക്കും” എന്ന്‌ ബൈബിൾ മുന്നറി​യി​പ്പു തരുന്നുണ്ട്‌.—മത്തായി 24:24.

അല്ല. മിശിഹ ഇസ്രാ​യേ​ലി​ലെ ദാവീദ്‌ രാജാ​വി​ന്റെ കുടും​ബ​പ​ര​മ്പ​രി​യ​ലാ​യി​രി​ക്കും വരുന്ന​തെന്ന്‌ ബൈബിൾ മുൻകൂ​ട്ടി​പ്പ​റ​ഞ്ഞി​രു​ന്നു. (സങ്കീർത്തനം 89:3, 4) ദാവീ​ദി​നു ശേഷമുള്ള ജൂതകു​ടും​ബ​ങ്ങ​ളു​ടെ വംശാ​വലി രേഖകൾ ഇപ്പോൾ നിലവി​ലില്ല. സാധ്യ​ത​യ​നു​സ​രിച്ച്‌ എ.ഡി. 70-ൽ റോമാ​ക്കാർ യരുശ​ലേം പിടി​ച്ച​ട​ക്കി​യ​പ്പോൾ അവ നശിച്ചു​പോ​യ​താ​കാം.a അന്നുമു​തൽ ആർക്കും താൻ ദാവീ​ദി​ന്റെ രാജകു​ടും​ബ​ത്തിൽ വരുന്ന​യാ​ളാ​ണെന്നു തെളി​യി​ക്കാൻ പറ്റില്ല. എന്നാൽ യേശു​വി​ന്റെ കാലത്ത്‌ ആ രേഖകൾ ഉണ്ടായി​രു​ന്നു. അതു​കൊണ്ട്‌ യേശു ദാവീ​ദി​ന്റെ പരമ്പര​യി​ലാ​ണെന്ന വാദത്തെ വെല്ലു​വി​ളി​ക്കാൻ ശത്രു​ക്കൾപോ​ലും തുനി​ഞ്ഞില്ല.—മത്തായി 22:41-46.

മിശി​ഹ​യെ​ക്കു​റി​ച്ചുള്ള പ്രവച​ന​ങ്ങ​ളു​ടെ എണ്ണം കൃത്യ​മാ​യി പറയാ​നാ​കില്ല. പ്രവച​ന​ങ്ങ​ളു​ടെ എണ്ണം കണക്കാ​ക്കുന്ന രീതികൾ വ്യത്യ​സ്‌ത​മാണ്‌. മിശി​ഹ​യെ​ക്കു​റി​ച്ചു​ള്ള​തെന്ന്‌ വ്യക്തമാ​യി അറിയാ​വുന്ന പ്രവച​ന​ങ്ങ​ളു​ടെ കാര്യ​ത്തിൽപ്പോ​ലും അത്‌ അങ്ങനെ​യാണ്‌. ഉദാഹ​ര​ണ​ത്തിന്‌, യശയ്യ 53:2-7-ലെ വിവര​ണ​ത്തിൽ മിശി​ഹ​യെ​ക്കു​റി​ച്ചുള്ള അനേകം പ്രാവ​ച​നി​ക​സ​വി​ശേ​ഷ​തകൾ പറയു​ന്നുണ്ട്‌. ചിലർ ഈ മുഴു​വി​വ​ര​ണ​ത്തെ​യും ഒറ്റ പ്രവച​ന​മാ​യി കാണുന്നു. മറ്റു ചിലർ ഓരോ സവി​ശേ​ഷ​ത​ക​ളെ​യും ഓരോ പ്രവച​ന​ങ്ങ​ളാ​യി കാണുന്നു.