മുയലു​കൾ—സ്‌നേ​ഹി​ക്ക​ത്ത​ക്ക​തും സഹജജ്ഞാ​നം നിറഞ്ഞ​തും

ദക്ഷിണ ആഫ്രി​ക്ക​യി​ലെ ഉണരുക! ലേഖകൻ

“അത്യന്തം ജ്ഞാനമു​ള്ള​വ​യാ​യി . . . ശക്തിയി​ല്ലാ​ത്ത​വ​യെ​ങ്കി​ലും പാറയിൽ പാർപ്പി​ടം ഉണ്ടാക്കു​ന്നു” എന്ന്‌ ബൈബിൾ വിശേ​ഷി​പ്പി​ക്കുന്ന ജന്തുക്കൾ ഏതാണ്‌? ഏതാണ്ട്‌ ഒരു മുയലി​ന്റെ വലിപ്പം വരുന്ന ഈ ചെറു ചങ്ങാതി​കൾ ബൈബി​ളി​ന്റെ വിവിധ ഭാഷാ​ന്ത​ര​ങ്ങ​ളിൽ [ഇംഗ്ലീഷ്‌] കോണീസ്‌, മാർമോ​ട്ട്‌സ്‌, റോക്ക്‌ബാ​ഡ്‌ജേ​ഴ്‌സ്‌ [മലയാളം: കുഴി​മു​യ​ലു​കൾ] എന്നിങ്ങനെ വിളി​ക്ക​പ്പെ​ടു​ന്നു.—സദൃശ​വാ​ക്യ​ങ്ങൾ 30:24-26.

ഹൈറാ​ക്‌സ്‌ എന്നും പേരുള്ള കുഴി​മു​യ​ലു​കൾ ആഫ്രി​ക്ക​യു​ടെ ചില ഭാഗങ്ങ​ളി​ലും തെക്കു​പ​ടി​ഞ്ഞാ​റൻ ഏഷ്യയു​ടെ അതിരു​ക​ളി​ലും മാത്ര​മാണ്‌ കാണ​പ്പെ​ടു​ന്നത്‌. ഇവ അസംഖ്യ​മാ​യി കാണ​പ്പെ​ടുന്ന ആഫ്രി​ക്ക​യു​ടെ തെക്കൻ ഭാഗങ്ങ​ളിൽ ഇവനെ അറിയ​പ്പെ​ടു​ന്നത്‌ റോക്ക്‌ ഡാസ്സി എന്ന നാമത്തി​ലാണ്‌. ഈ പേര്‌ ബാഡ്‌ജർ [അളമുയൽ]-ന്റെ ഡച്ച്‌ വാക്കിൽ നിന്ന്‌ ഉരുത്തി​രി​ഞ്ഞു വന്നതാണ്‌.

കുഴി​മു​യ​ലു​കൾ ഏതാണ്ട്‌ മുയലു​ക​ളെ​പ്പോ​ലെ കാണ​പെ​ടു​ന്നു​വെ​ങ്കി​ലും ശാസ്‌ത്ര​ജ്ഞ​നായ ഗെറി ഡിഗ്രാ​ഫി​ന്റെ അഭി​പ്രാ​യ​ത്തിൽ, യഥാർത്ഥ​ത്തിൽ “എല്ലാറ​റി​ന്റെ​യും ഒരു സങ്കര”മായി​രി​ക്കത്തക്ക വിധത്തി​ലുള്ള ചില പ്രത്യേക വിശേ​ഷ​തകൾ അവക്കുണ്ട്‌. “അവയുടെ ഉളിപ്പ​ല്ലു​കൾ മുയലു​ക​ളു​ടേ​തി​നോ​ടും അണപ്പല്ലു​കൾ കാണ്ടാ​മൃ​ഗ​ത്തി​ന്റെ​തി​നോ​ടും അവയുടെ രക്ഷ പര്യയന വ്യവസ്ഥ തിമിം​ഗ​ല​ത്തി​ന്റെ​തി​നോ​ടും അവയുടെ പാദങ്ങൾ ആനകളു​ടെ​തി​നോ​ടും സദൃശ​മാ​യി​രി​ക്കു​ന്നു.” അവ ജന്തുശാ​സ്‌ത്ര​ജ്ഞൻമാ​രെ ചിന്താ​ക്കു​ഴ​പ്പ​ത്തി​ലാ​ക്കി​യി​രി​ക്കു​ന്ന​തിൽ അത്ഭുത​മില്ല!

വളരെ വേഗത്തിൽ ചരിക്കുന്ന മൃഗങ്ങ​ള​ല്ലാ​ത്ത​തി​നാ​ലും അവ ജ്ഞാനപൂർവം ഉന്തിനിൽക്കുന്ന പാറക​ളു​ടെ​യോ കിഴു​ക്കാം​തൂ​ക്കായ പാറക​ളു​ടെ​യോ കയറി​പ്പ​റ​റാൻ സാധി​ക്കാത്ത ഭാഗങ്ങ​ളി​ലും വിള്ളലു​ക​ളി​ലും പാർക്കു​ന്നു. അവ കാററി​ലും മഴയി​ലും അഭയവും ഇരപി​ടി​യൻമാ​രിൽനി​ന്നു സംരക്ഷ​ണ​വും പ്രദാനം ചെയ്യുന്നു. ഒരു ദിവസത്തെ അവരുടെ രണ്ടു പ്രധാന ഭക്ഷണ​വേ​ള​കൾക്കാ​യി​ട്ട​ല്ലാ​തെ അവ വാസസ്ഥ​ല​ത്തു​നിന്ന്‌ വളരെ അകലേക്കു പോകാ​റില്ല എന്നത്‌ ഇതിൽ നിന്നു മനസ്സി​ലാ​ക്കാ​വു​ന്ന​തേ​യു​ള്ളു.

എന്തൊരു ഭക്ഷണം! കാരണം, ഇത്ര ചെറിയ ജന്തുക്ക​ളാ​ണെ​ങ്കി​ലും അവ അമ്പരപ്പി​ക്കുന്ന അളവിൽ സസ്യ പദാർത്ഥങ്ങൾ അകത്താ​ക്കു​ന്നു. കൂടുതൽ അത്ഭുത​ക​ര​മാ​യി​രി​ക്കു​ന്നത്‌ അതു വെട്ടി​വി​ഴു​ങ്ങു​ന്ന​തിൽ അവക്കുള്ള വേഗത​യാണ്‌. എന്തിന്‌ ഒരു ദിവസം ഒരു മണിക്കൂ​റിൽ താഴെ മാത്രമെ അതിനാ​യി അവ ചെലവി​ടാ​റു​ള്ളു! അവയുടെ ഈ ശീല​ത്തോട്‌ വിസ്‌മ​യാ​വ​ഹ​മാ​യി യോജി​ച്ചി​രി​ക്കുന്ന അവയുടെ ദഹനവ്യ​വ​സ്ഥ​യെ​ക്കു​റിച്ച്‌ ജന്തു ശാസ്‌ത്ര​ജ്ഞ​നായ ജെ. ജെ. സി. സോവർ അഭി​പ്രാ​യ​പ്പെ​ട്ടത്‌ “ജന്തു​ലോ​കത്ത്‌ അനന്യം” എന്നാണ്‌.

അനായാ​സ​മായ ഒരു ഇരയല്ല

തെളിഞ്ഞ ആഫ്രിക്കൻ സൂര്യ​പ്ര​കാ​ശ​ത്തിൽ വെയിൽ കാഞ്ഞു​കൊണ്ട്‌, പാറക്കൂ​ട്ടങ്ങൾ നിറഞ്ഞ പ്രദേ​ശ​ങ്ങ​ളിൽ പാറക​ളെ​പ്പോ​ലെ തന്നെ തോന്നി​ക്കുന്ന കുഴി​മു​യ​ലു​കൾ കിടക്കു​ന്നത്‌ ഒരു സാധാരണ ദൃശ്യ​മാണ്‌. കുഴി​മു​യ​ലു​ക​ളോട്‌ ഒരു പ്രത്യേക പ്രിയം തന്നെയുള്ള കറുത്ത പരുന്തു​കൾക്ക്‌ ഇതു പ്രലോ​ഭി​പ്പി​ക്കുന്ന ഒരു കാഴ്‌ച​യാണ്‌. എന്നാൽ ഈ ചെറിയ കൂട്ടരെ അത്ര അനായാ​സ​മൊ​ന്നും കൈക്ക​ലാ​ക്കാൻ സാധി​ക്കു​ക​യില്ല. ഒരു കിലോ​മീ​ററർ അപ്പുറത്തു നടക്കുന്ന നീക്കങ്ങൾപോ​ലും കണ്ടുപി​ടി​ക്കാൻ പററുന്ന വിധം സൂക്ഷ്‌മ​മാണ്‌ അതിന്റെ കാഴ്‌ച​ശക്തി! പരുന്തു സൂര്യനു നേരെ​യാ​ണെ​ങ്കിൽപോ​ലും കുഴി​മു​യൽ അവയെ കണ്ടുപി​ടി​ക്കും. എങ്ങനെ​യാ​ണതു സാധ്യ​മാ​വുക? സൂര്യ രശ്‌മി​കളെ അരിച്ചു വിടു​വാൻ കഴിവുള്ള ഒരു പ്രത്യേക ചർമ്മത്താൽ സുസജ്ജ​മാണ്‌ അവന്റെ കണ്ണുകൾ. കുഴപ്പം ഒന്നും കൂടാതെ നേരെ സൂര്യ​നി​ലേക്ക്‌ തന്നെ നോക്കാൻ ഇത്‌ അവനെ സഹായി​ക്കു​ന്നു. ശത്രു ദൃഷ്ടി​പ​ഥ​ത്തിൽ എത്തിയാൽ ഉടൻതന്നെ അപകട മുന്നറി​യി​പ്പു നൽക​പ്പെ​ടു​ന്നു—കാവൽക്കാ​ര​നാ​യി വർത്തി​ക്കുന്ന കുഴി​മു​യ​ലി​ന്റെ ഉച്ചത്തി​ലുള്ള ഒരു കുരയാണ്‌ ഇത്‌. ഉടൻതന്നെ പാറക​ളെ​ല്ലാം ശൂന്യ​മാ​യി​ക്ക​ഴി​ഞ്ഞി​രി​ക്കും; കുഴി​മു​യ​ലു​കൾ പാറകൾക്കി​ട​യി​ലും അടിയി​ലും ഉള്ള വിടവു​ക​ളി​ലേക്ക്‌ ചാടി​ക്കൊ​ണ്ടു​തന്നെ. പരുന്തിന്‌ അതിന്റെ ആഹാര​ത്തിന്‌ ഒന്നുകൂ​ടി പരി​ശ്ര​മി​ക്കേ​ണ്ട​താ​യി വരും.

ഉത്തമമായ സഹവാസ പ്രിയർ

സാമൂ​ഹിക ജീവിതം—രാത്രി​യിൽ കുഴി​മു​യ​ലു​കൾക്കു തണുപ്പു തോന്നു​മ്പോൾ അത്‌ എത്ര പ്രയോ​ജ​ന​ക​ര​മാണ്‌! തമ്മിൽ ഇറുകി​ച്ചേർന്ന്‌ എല്ലാവ​രും പുറ​ത്തേക്കു മുഖം​തി​രിച്ച്‌ കിടക്കു​വാൻ കൂട്ടു​കാ​രായ കുഴി​മു​യ​ലു​കൾ ഉള്ളത്‌ വളരെ സഹായ​കരം തന്നെയാണ്‌. ചിലവ കൂടി​ക്കി​ട​ക്കു​ന്ന​വ​യു​ടെ മുകളിൽപോ​ലും കിടക്കു​ക​യും അന്യോ​ന്യം ചൂടു പകർന്നു​കൊണ്ട്‌ മൂന്നോ നാലോ നിലക​ളാ​യി—ഒരേ സമയം 25 എണ്ണംവരെ—കിടക്കു​ക​യും ചെയ്യും!

അവ ശൗര്യ​മേ​റിയ ചെറിയ ജന്തുക്ക​ളാ​യ​തി​നാൽ ഇതിന്‌ അതിന്റെ ന്യൂന​ത​ക​ളു​മു​ണ്ടാ​കാം. എന്നാൽ അവയുടെ സഹജജ്ഞാ​നം രക്ഷക്കെ​ത്തു​ന്നു. ഡോ. പി. സി. ഫോവ്‌റി വിശദീ​ക​രി​ക്കു​ന്നു: “സാധാ​ര​ണ​യാ​യി അവ ഓരോ​ന്നും തങ്ങളുടെ തലകൾ അപരനിൽ നിന്ന്‌ അകററി കിടക്കു​ക​യും തീററി തിന്നു​മ്പോൾ അന്യോ​ന്യം അമിത​മാ​യി അടുത്തു ചേരാ​തി​രി​ക്കു​ക​യും, കൂടാതെ ഒന്ന്‌ മറെറാ​ന്നി​നോട്‌ ചേർന്നു നീങ്ങാൻ നിർബ​ന്ധി​ത​രാ​കു​മ്പോൾ വൈവി​ധ്യ​മാർന്ന സമാധാന സന്ദേശങ്ങൾ പുറ​പ്പെ​ടു​വി​ക്കു​ക​യും ചെയ്യുന്നു.” അവയുടെ സന്ദേശങ്ങൾ സാധാ​ര​ണ​യാ​യി താഴ്‌ന്ന ശബ്ദത്തി​ലും ഏതാനും മീററ​റു​കൾ മാത്രം കേൾക്കാൻ പോന്ന​വ​യും ആയതി​നാൽ ഇരപി​ടി​യൻമാ​രെ ആകർഷി​ക്കാ​തെ തന്നെ അവക്ക്‌ അന്യോ​ന്യം ആശയവി​നി​യമം നടത്താൻ കഴിയും.

ചുറു​ചു​റു​ക്കാർന്ന​തും സ്‌നേ​ഹി​ക്ക​ത്ത​ക്ക​തു​മായ അരുമ മൃഗങ്ങൾ

മിക്കവാ​റും ലംബമാ​യി കിടക്കുന്ന മിനു​സ​മാർന്ന പാറയി​ലൂ​ടെ കുഴി​മു​യ​ലു​കൾ ചാടി​ക്ക​യ​റു​ന്ന​തു​കൊണ്ട്‌ അനേകം നിരീ​ക്ഷ​ക​രും അത്ഭുത​പ്പെ​ട്ടി​ട്ടുണ്ട്‌. എങ്ങനെ​യാണ്‌ അവ അതു ചെയ്യു​ന്നത്‌? തടിച്ചു മൃദു​ല​മായ അവയുടെ പാദങ്ങളെ ഘർഷണ തലങ്ങളാ​ക്കി മാററു​ന്ന​തി​നാൽ. കൂടാതെ, അവയുടെ കാൽപാ​ദങ്ങൾ അവയുടെ ശരീര​ത്തി​ലെ വിയർക്കുന്ന ഏക ഭാഗമാ​യി​രി​ക്കു​ന്ന​തി​നാൽ എപ്പോ​ഴും നനഞ്ഞതാ​യി​രി​ക്കും. ഇതുമൂ​ലം പിടി അത്രമാ​ത്രം ശക്തവു​മാ​യി​രി​ക്കും.

ഈ പ്രിയ​പ്പെട്ട ജന്തുക്കൾ എളുപ്പ​ത്തിൽ മെരു​ങ്ങു​ന്ന​വ​യാണ്‌. അവയുടെ ശുചി​ത്വ​ബോ​ധ​ത്തെ​പ്പ​ററി ആകുല​പ്പെ​ടേ​ണ്ട​തു​മില്ല—തങ്ങളുടെ പിൻകാൽ കൊണ്ട്‌ അവ അവയെ​തന്നെ വൃത്തി​യാ​ക്കു​ന്നു. പിൻകാ​ലിൽ ഇതിനാ​യി ഒരുക്ക​മുള്ള ഒരു ചെറിയ നഖമുണ്ട്‌. ബോൺ ഫ്രീ എന്ന തന്റെ ഗ്രന്ഥത്തിൽ ജോയി ആഡംസ്‌ൺ പറയു​ന്നത്‌, അവരുടെ അരുമ മൃഗമാ​യി​രുന്ന കുഴി​മു​യൽ പതിവാ​യി സ്വയം ചൊറി​ഞ്ഞു കൊണ്ടി​രു​ന്ന​പ്പോൾ, ആരംഭ​ത്തിൽ അവർ ചിന്താ​ക്കു​ഴ​പ്പ​ത്തി​ലാ​യി എന്നാണ്‌. എന്നാൽ ഈച്ചയോ മൂട്ടയോ അവളുടെ ശരീര​ത്തിൽ കാണാ​തി​രി​ക്കാൻ കുഴി​മു​യൽ തന്റെ നഖം ഉപയോ​ഗിച്ച്‌ അവളുടെ രോമങ്ങൾ ചീകി മിനു​സ​മു​ള്ള​താ​ക്കി വെക്കു​ക​യാ​ണെന്ന്‌ പിന്നീട്‌ അവർ തിരി​ച്ച​റി​ഞ്ഞു.

അരുമ മൃഗങ്ങ​ളായ കുഴി​മു​യ​ലു​കളെ വീടി​നു​ള്ളിൽ ശരിയായ സ്ഥാനത്ത്‌ വിസർജ്ജനം നടത്താ​നാ​യി ഒരുവന്‌ എങ്ങനെ പരിശീ​ലി​പ്പി​ക്കാൻ കഴിയും? അതിന്റെ ആവശ്യ​മില്ല. കാട്ടിൽ, മുഴു സമൂഹ​ത്തി​നും വിസർജ്ജന സ്ഥലമായി ഉപയോ​ഗി​ക്കു​വാ​നാ​യി ഒരു പ്രത്യേക പ്രദേശം തന്നെ അവ വേർതി​രി​ച്ചി​ടു​ന്നു. അരുമ മൃഗങ്ങ​ളും അങ്ങനെ തന്നെയാണ്‌. കുഴി​മു​യ​ലു​കൾ “ടോയി​ല​ററ്‌ ഉപയോ​ഗി​ക്കാൻ സഹജമാ​യി തന്നെ പഠിക്കു​ന്നു,” ഫോവ്‌റി വിശദീ​ക​രി​ക്കു​ന്നു. “തീർച്ച​യാ​യും അതു വെള്ളം ഒഴിച്ചു കളയാതെ!” അദ്ദേഹം കൂട്ടി​ച്ചേർക്കു​ന്നു. ജോയി ആഡംസൺ വളർത്തി​യി​രുന്ന കുഴി​മു​യ​ലി​ന്റെ കാര്യ​ത്തി​ലും ഇതു തന്നെയാ​യി​രു​ന്നു വാസ്‌തവം. “അവളുടെ വിസർജ്ജന സ്വഭാ​വങ്ങൾ പ്രത്യേ​ക​മാ​യി​രു​ന്നു. . . . വിട്ടി​ലാ​യി​രി​ക്കു​മ്പോൾ പാററി സ്ഥിരമാ​യി ടോയി​ല​ററ്‌ സീററി​ന്റെ വക്കിൽ കുത്തി​യി​രി​ക്കു​മാ​യി​രു​ന്നു. ഇതു തമാശ ഉണർത്തുന്ന ഒരു കാഴ്‌ച​യാ​യി​രു​ന്നു. യാത്ര​യി​ലാ​യി​രു​ന്ന​പ്പോൾ അവൾക്ക്‌ അത്തരം സൗകര്യ​ങ്ങൾ ഒന്നും കിട്ടാതെ വന്നപ്പോൾ അവൾ ആകെ പരി​ഭ്ര​മി​ച്ചു; അതിനാൽ ഒടുവിൽ ഒരു ചെറിയ കക്കൂസ്‌ അവൾക്കാ​യി ഞങ്ങൾ ഒരുക്കി​ക്കൊ​ടു​ക്കേ​ണ്ട​താ​യി വന്നു.”

യഹോവ “സഹജജ്ഞാന”ത്തോടു കൂടി സൃഷ്ടിച്ച ഈ ജന്തുക്ക​ളും മററ​നേകം ജീവി​ക​ളു​മാ​യി ഭാവി​യിൽ പൂർണ്ണ​മാ​യി പരിച​യ​പ്പെ​ടു​ന്നത്‌ എത്ര സന്തോ​ഷ​ക​ര​മാ​യി​രി​ക്കും! (g90 9/8)