“ദയയുടെ നിയമം”

യഹോ​വ​യു​ടെ സാക്ഷി​ക​ളായ ലിസയ്‌ക്കും ആനിനും ഇന്നു ബൈബിൾ വായി​ക്കു​ക​യും പഠിക്കു​ക​യും ചെയ്യു​ന്നത്‌ ഒരുപാട്‌ ഇഷ്ടമാണ്‌.a എന്നാൽ ആദ്യം സത്യത്തി​ലേക്ക്‌ അവരെ ആകർഷി​ച്ചത്‌ എന്തായി​രു​ന്നു? ലിസ സഹോ​ദരി പറയുന്നു: “സഹോ​ദ​രങ്ങൾ കാണിച്ച ദയയാണ്‌ എനിക്ക്‌ ഏറ്റവും ഇഷ്ടമാ​യത്‌.” ആൻ സഹോ​ദ​രി​ക്കു പറയാ​നു​ള്ളത്‌ ഇതാണ്‌: “സാക്ഷികൾ പഠിപ്പിച്ച കാര്യ​ങ്ങ​ളെ​ക്കാൾ എന്നെ സ്വാധീ​നി​ച്ചത്‌ അവരുടെ ദയയോ​ടെ​യുള്ള ഇടപെ​ട​ലാ​യി​രു​ന്നു.” അതെ, നമ്മുടെ ദയാ​പ്ര​വൃ​ത്തി​കൾക്ക്‌ ആളുകളെ സത്യത്തി​ലേക്കു നയിക്കാ​നാ​കും.

നമുക്ക്‌ എങ്ങനെ മറ്റുള്ള​വ​രോ​ടു ദയ കാണി​ക്കാം? അതിനുള്ള രണ്ടു വിധങ്ങൾ ഈ ലേഖന​ത്തിൽ നമ്മൾ കാണും. ഒന്ന്‌ സംസാ​ര​ത്തി​ലൂ​ടെ, രണ്ട്‌ പ്രവൃ​ത്തി​യി​ലൂ​ടെ. ആരോ​ടൊ​ക്കെ ദയ കാണി​ക്ക​ണ​മെ​ന്നും നമ്മൾ ഈ ലേഖന​ത്തിൽ പഠിക്കും.

കാര്യ​പ്രാ​പ്‌തി​യുള്ള ഭാര്യ​യു​ടെ നാവിൽ “ദയയുടെ നിയമം” ഉണ്ടെന്നു സുഭാ​ഷി​തങ്ങൾ 31-ാം അധ്യായം പറയുന്നു. (സുഭാ. 31:26) അതായത്‌, ഈ ‘നിയമ​ത്തി​നു’ ചേർച്ച​യി​ലാണ്‌ അവൾ എന്തു സംസാ​രി​ക്കണം എങ്ങനെ സംസാ​രി​ക്കണം എന്നു തീരു​മാ​നി​ക്കു​ന്നത്‌. പിതാ​ക്ക​ന്മാ​രു​ടെ​യും ഭർത്താ​ക്ക​ന്മാ​രു​ടെ​യും നാവി​ലും ഈ “ദയയുടെ നിയമം” ഉണ്ടായി​രി​ക്കണം. മക്കളോ​ടു ദയയോ​ടെ സംസാ​രി​ക്കു​ന്നത്‌ എത്ര പ്രധാ​ന​മാ​ണെന്നു പല മാതാ​പി​താ​ക്ക​ളും തിരി​ച്ച​റി​ഞ്ഞി​രി​ക്കു​ന്നു. കാരണം, മക്കളോട്‌ എപ്പോ​ഴും ദേഷ്യ​പ്പെട്ട്‌ സംസാ​രി​ച്ചാൽ അവർ അനുസ​രി​ക്കി​ല്ലെന്നു മാത്രമല്ല, അത്‌ അവർക്കു ദോഷം ചെയ്യാ​നും ഇടയുണ്ട്‌. എന്നാൽ, മാതാ​പി​താ​ക്കൾ ദയയോ​ടെ​യാ​ണു സംസാ​രി​ക്കു​ന്ന​തെ​ങ്കിൽ കുട്ടി​കൾക്ക്‌ അതു ശ്രദ്ധി​ക്കാ​നും അനുസ​രി​ക്കാ​നും എളുപ്പ​മാ​യി​രി​ക്കും.

നിങ്ങൾ ഒരു അപ്പനോ അമ്മയോ ആണെങ്കി​ലും അല്ലെങ്കി​ലും നിങ്ങൾക്ക്‌ എങ്ങനെ ദയയോ​ടെ സംസാ​രി​ക്കാ​നാ​കും? അതിനു സഹായി​ക്കുന്ന ഒരു കാര്യം സുഭാ​ഷി​തങ്ങൾ 31:26-ൽ പറയുന്നു. അവിടെ പറയു​ന്നത്‌ “അവൾ ജ്ഞാന​ത്തോ​ടെ സംസാ​രി​ക്കു​ന്നു” എന്നാണ്‌. ജ്ഞാന​ത്തോ​ടെ സംസാ​രി​ക്കു​ന്ന​തിൽ നമ്മൾ എന്തു പറയുന്നു എന്നതും എങ്ങനെ പറയുന്നു എന്നതും ഉൾപ്പെ​ട്ടി​രി​ക്കു​ന്നു. സംസാ​രി​ക്കു​ന്ന​തി​നു മുമ്പ്‌ നമുക്കു നമ്മളോ​ടു​തന്നെ ഇങ്ങനെ ചോദി​ക്കാ​വു​ന്ന​താണ്‌: ‘ഞാൻ പറയാൻ പോകുന്ന ഈ കാര്യം മറ്റുള്ള​വരെ ദേഷ്യം​പി​ടി​പ്പി​ക്കു​മോ? അതോ ആ സാഹച​ര്യം ശാന്തമാ​ക്കു​മോ?’ (സുഭാ. 15:1) ഇങ്ങനെ ചിന്തി​ക്കു​ന്നതു ജ്ഞാന​ത്തോ​ടെ സംസാ​രി​ക്കാൻ നമ്മളെ സഹായി​ക്കും.

“ചിന്തി​ക്കാ​തെ സംസാ​രി​ക്കു​ന്നതു വാളു​കൊണ്ട്‌ കുത്തു​ന്ന​തു​പോ​ലെ​യാണ്‌” എന്നു സുഭാ​ഷി​ത​ങ്ങ​ളിൽ പറയുന്നു. (സുഭാ. 12:18) നമ്മുടെ വാക്കു​ക​ളും സംസാ​ര​രീ​തി​യും മറ്റുള്ളവർ കേൾക്കു​മ്പോൾ അവർക്ക്‌ എന്തു തോന്നും എന്നു ചിന്തി​ക്കു​ന്നതു വളരെ ശ്രദ്ധിച്ച്‌ സംസാ​രി​ക്കാൻ നമ്മളെ സഹായി​ക്കും. “ദയയുടെ നിയമം” അനുസ​രി​ച്ചാ​ണു നമ്മൾ സംസാ​രി​ക്കു​ന്ന​തെ​ങ്കിൽ മറ്റുള്ള​വരെ വേദനി​പ്പി​ക്കുന്ന വാക്കു​ക​ളും സംസാ​ര​രീ​തി​യും ഒക്കെ നമ്മൾ ഒഴിവാ​ക്കും. (എഫെ. 4:31, 32) മറിച്ച്‌, ദയയുള്ള വാക്കുകൾ ഉപയോ​ഗിച്ച്‌, പ്രോ​ത്സാ​ഹി​പ്പി​ക്കുന്ന രീതി​യിൽ സ്‌നേ​ഹ​ത്തോ​ടെ നമ്മൾ സംസാ​രി​ക്കും. യഹോവ അതിൽ നല്ലൊരു മാതൃ​ക​വെച്ചു. പേടി​ച്ചി​രുന്ന ഏലിയ​യോട്‌ യഹോവ ഒരു ദൂതനി​ലൂ​ടെ സംസാ​രി​ച്ചത്‌ ‘ശാന്തമായ മൃദു​സ്വ​ര​ത്തി​ലാണ്‌.’ (1 രാജാ. 19:12) എന്നാൽ ദയയു​ള്ള​വ​രാ​യി​രി​ക്കാൻ ദയയോ​ടെ സംസാ​രി​ച്ചാൽ മാത്രം പോരാ. ദയയോ​ടെ പ്രവർത്തി​ക്കു​ക​യും വേണം. അതെക്കു​റിച്ച്‌ ഇനി നമുക്കു നോക്കാം.

യഹോ​വയെ അനുക​രി​ക്കു​ന്ന​വ​രെന്ന നിലയിൽ നമ്മൾ വാക്കു​ക​ളിൽ മാത്രമല്ല, പ്രവൃ​ത്തി​ക​ളി​ലും ദയ കാണി​ക്കണം. (എഫെ. 4:32; 5:1, 2) സാക്ഷികൾ കാണിച്ച ദയയെ​ക്കു​റിച്ച്‌ നേരത്തേ പറഞ്ഞ ലിസ സഹോ​ദരി പറയുന്നു: “ഞങ്ങൾക്കു പെട്ടെന്നു താമസം മാറേ​ണ്ടി​വ​ന്ന​പ്പോൾ സാക്ഷി​ക​ളായ രണ്ടു ദമ്പതികൾ അവധി​യെ​ടുത്ത്‌ ഞങ്ങളെ സഹായി​ക്കാൻ വന്നു. ആ സമയത്ത്‌ ഞാൻ ബൈബിൾ പഠിക്കു​ന്നു​പോ​ലു​മി​ല്ലാ​യി​രു​ന്നു!” ആ ദമ്പതി​ക​ളു​ടെ ദയാ​പ്ര​വൃ​ത്തി​ക​ളാ​ണു ബൈബിൾ പഠിക്കാൻ ലിസയെ പ്രേരി​പ്പി​ച്ചത്‌.

നേരത്തേ കണ്ട ആൻ സഹോ​ദ​രി​യും, സാക്ഷികൾ തന്നോടു കാണിച്ച ദയയെ സ്‌നേ​ഹ​ത്തോ​ടെ ഓർക്കു​ന്നു. സഹോ​ദരി പറയുന്നു: “മുമ്പ്‌ പലരിൽനി​ന്നും മോശ​മായ അനുഭ​വ​ങ്ങ​ളു​ണ്ടാ​യി​ട്ടു​ള്ള​തു​കൊണ്ട്‌ എനിക്ക്‌ ആരെയും വിശ്വാ​സ​മി​ല്ലാ​യി​രു​ന്നു. സാക്ഷി​കളെ പരിച​യ​പ്പെ​ട്ട​പ്പോ​ഴും അങ്ങനെ​യൊ​രു ചിന്തയാ​യി​രു​ന്നു. ഞാൻ ഓർത്തു: ‘എന്തിനാണ്‌ അവർ എന്നോട്‌ ഇത്ര സ്‌നേഹം കാണി​ക്കു​ന്നത്‌?’ എന്നാൽ എന്നെ പഠിപ്പിച്ച സഹോ​ദരി ശരിക്കും ദയയുള്ള ആളാ​ണെന്നു മനസ്സി​ലാ​ക്കി​യ​പ്പോൾ എനിക്ക്‌ അവരെ വിശ്വാ​സ​മാ​യി. അങ്ങനെ പതിയെ ആ സഹോ​ദരി പഠിപ്പി​ക്കുന്ന കാര്യങ്ങൾ ഞാൻ ശ്രദ്ധി​ക്കാൻതു​ടങ്ങി.”

സഭയിലെ സഹോ​ദ​രങ്ങൾ ദയയും സ്‌നേ​ഹ​വും കാണി​ച്ച​തു​കൊ​ണ്ടാ​ണു ലിസയും ആനും സത്യം പഠിക്കാൻ ഇടയാ​യത്‌. ആ ദയാ​പ്ര​വൃ​ത്തി​കൾ യഹോ​വ​യെ​യും യഹോ​വ​യു​ടെ ആരാധ​ക​രെ​യും വിശ്വ​സി​ക്കാൻ അവരെ സഹായി​ച്ചു.

ചിരി​ച്ചു​കൊണ്ട്‌ ദയയോ​ടെ സംസാ​രി​ക്കു​ന്നതു ചിലരു​ടെ ഒരു രീതി​യാണ്‌. അവർ വളർന്നു​വന്ന സാഹച​ര്യ​വും അവരുടെ സംസ്‌കാ​ര​ത്തി​ന്റെ പ്രത്യേ​ക​ത​യും ആയിരി​ക്കാം അതിനു കാരണം. അതു നല്ലതാ​ണെ​ങ്കി​ലും ആ കാരണ​ങ്ങൾകൊണ്ട്‌ മാത്ര​മാ​ണു നമ്മൾ ദയ കാണി​ക്കു​ന്ന​തെ​ങ്കിൽ നമ്മൾ ദൈവത്തെ അനുക​രി​ച്ചു​കൊണ്ട്‌ ദയ കാണി​ക്കു​ന്നെന്നു പറയാൻ കഴിയില്ല.—പ്രവൃ​ത്തി​കൾ 28:2 താരത​മ്യം ചെയ്യുക.

ദൈവത്തെ അനുക​രി​ച്ചു​കൊണ്ട്‌ നമ്മൾ കാണി​ക്കുന്ന ദയ ദൈവാ​ത്മാ​വി​ന്റെ ഫലത്തിന്റെ ഒരു ഭാഗമാണ്‌. (ഗലാ. 5:22, 23) അതു​കൊണ്ട്‌ അത്തരം ദയ വളർത്തി​യെ​ടു​ക്കാ​നും അതു കാണി​ക്കാ​നും നമുക്കു പരിശു​ദ്ധാ​ത്മാ​വി​ന്റെ സഹായം വേണം. അങ്ങനെ ദയ കാണി​ക്കു​മ്പോൾ നമ്മൾ യഹോ​വ​യെ​യും യേശു​വി​നെ​യും അനുക​രി​ക്കു​ക​യാണ്‌. ഇനി, യേശു​വി​നെ​പ്പോ​ലെ മറ്റുള്ള​വ​രോട്‌ ആത്മാർഥ​മായ താത്‌പ​ര്യം കാണി​ക്കു​ക​യു​മാ​യി​രി​ക്കും. ഇതിനു നമ്മളെ പ്രേരി​പ്പി​ക്കു​ന്നത്‌ യഹോ​വ​യോ​ടും ആളുക​ളോ​ടും ഉള്ള സ്‌നേ​ഹ​മാണ്‌. അങ്ങനെ കാണി​ക്കുന്ന ദയ നമ്മുടെ ഹൃദയ​ത്തിൽനിന്ന്‌ വരുന്ന​താ​യി​രി​ക്കും, അതു ദൈവത്തെ സന്തോ​ഷി​പ്പി​ക്കും. കൂടാതെ, ആളുകളെ സ്വാധീ​നി​ക്കാ​നുള്ള ശക്തിയും അതിനു​ണ്ടാ​യി​രി​ക്കും.

നമുക്ക്‌ അറിയാ​വു​ന്ന​വ​രോ​ടും നമ്മളോ​ടു ദയയോ​ടെ ഇടപെ​ടു​ന്ന​വ​രോ​ടും തിരിച്ച്‌ ദയയും നന്ദിയും ഒക്കെ കാണി​ക്കാൻ നമുക്ക്‌ എളുപ്പ​മാ​യി​രി​ക്കും. (2 ശമു. 2:6; കൊലോ. 3:15) എന്നാൽ ചില​രോ​ടു ദയ കാണി​ക്കേ​ണ്ട​തില്ല എന്നു നമുക്കു തോന്നു​ന്നെ​ങ്കി​ലോ?

ഇതെക്കു​റിച്ച്‌ ഒന്നു ചിന്തി​ക്കുക: അനർഹദയ കാണി​ക്കു​ന്ന​തിൽ ഏറ്റവും നല്ല മാതൃക യഹോ​വ​യു​ടേ​താണ്‌. ഇനി, അനർഹദയ കാണി​ക്കേ​ണ്ട​തി​ന്റെ പ്രാധാ​ന്യ​ത്തെ​ക്കു​റിച്ച്‌ ബൈബി​ളിൽ പറഞ്ഞി​ട്ടു​മുണ്ട്‌. “അനർഹദയ” എന്ന പ്രയോ​ഗം ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളിൽ ഒരുപാ​ടു തവണ ഉപയോ​ഗി​ച്ചി​ട്ടുണ്ട്‌. യഹോവ എങ്ങനെ​യാ​ണു നമ്മളോട്‌ ഈ ദയ കാണി​ക്കു​ന്നത്‌?

ഭൂമി​യിൽ ഇതുവ​രെ​യു​ണ്ടാ​യി​രു​ന്നി​ട്ടുള്ള കോടി​ക്ക​ണ​ക്കിന്‌ ആളുകൾക്കു ജീവി​ക്കാൻ ആവശ്യ​മാ​യ​തെ​ല്ലാം നൽകി​ക്കൊണ്ട്‌ യഹോവ ദയ കാണി​ച്ചി​രി​ക്കു​ന്നു. (മത്താ. 5:45) മനുഷ്യർ യഹോ​വയെ അറിയു​ന്ന​തി​നു മുമ്പു​തന്നെ യഹോവ അവരോ​ടു ദയ കാണിച്ചു. (എഫെ. 2:4, 5, 8) ഉദാഹ​ര​ണ​ത്തിന്‌, ദൈവം തന്റെ ഒരേ ഒരു മകനായ യേശു​വി​നെ എല്ലാ മനുഷ്യർക്കും​വേണ്ടി മോച​ന​വി​ല​യാ​യി നൽകി. ‘ദൈവ​ത്തി​ന്റെ സമൃദ്ധ​മായ അനർഹദയ കാരണ​മാ​ണു’ ദൈവം അങ്ങനെ ചെയ്‌ത​തെന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞു. (എഫെ. 1:7) കൂടാതെ നമ്മൾ പാപം ചെയ്‌ത്‌ യഹോ​വയെ വേദനി​പ്പി​ച്ചാൽപ്പോ​ലും തുടർന്നും യഹോവ നമ്മളെ വഴി കാണി​ക്കു​ക​യും പഠിപ്പി​ക്കു​ക​യും ചെയ്യുന്നു. യഹോ​വ​യു​ടെ ഉപദേ​ശ​വും വാക്കു​ക​ളും ഒരു ‘ചാറ്റൽമ​ഴ​പോ​ലെ​യാ​ണെ​ന്നാ​ണു’ ബൈബിൾ പറയു​ന്നത്‌. (ആവ. 32:2) യഹോവ നമ്മളോ​ടു കാണി​ച്ചി​രി​ക്കുന്ന ഈ ദയയ്‌ക്കു തുല്യ​മാ​യി പകരം കൊടു​ക്കാൻ നമുക്ക്‌ ആർക്കും കഴിയില്ല. നമ്മുടെ ഭാവി​ജീ​വി​തം​പോ​ലും യഹോ​വ​യു​ടെ ഈ ദയയെ ആശ്രയി​ച്ചാ​ണി​രി​ക്കു​ന്നത്‌. —1 പത്രോസ്‌ 1:13 താരത​മ്യം ചെയ്യുക.

യഹോ​വ​യു​ടെ ദയ നമുക്ക്‌ ഒരുപാട്‌ ഇഷ്ടമാണ്‌. മറ്റുള്ള​വ​രോ​ടു ദയ കാണി​ക്കാൻ അതു നമ്മളെ പ്രചോ​ദി​പ്പി​ക്കു​ന്നു. യഹോ​വയെ അനുക​രി​ച്ചു​കൊണ്ട്‌ നമ്മൾ ചില​രോ​ടു മാത്രമല്ല എല്ലാവ​രോ​ടും ദയ കാണി​ക്കണം, അതു നമ്മുടെ ജീവി​ത​രീ​തി​യാ​ക്കു​ക​യും വേണം. (1 തെസ്സ. 5:15) അങ്ങനെ ചെയ്യു​ന്നത്‌ നമ്മുടെ കുടും​ബാം​ഗ​ങ്ങൾക്കും സഹോ​ദ​ര​ങ്ങൾക്കും സഹജോ​ലി​ക്കാർക്കും സഹപാ​ഠി​കൾക്കും അയൽക്കാർക്കും ഒക്കെ വലിയ ആശ്വാ​സ​മാ​യി​രി​ക്കും. നല്ല ചൂടുള്ള സമയത്ത്‌, ദാഹി​ച്ചി​രി​ക്കു​മ്പോൾ അൽപ്പം ഇളനീർ കിട്ടു​ന്ന​തു​പോ​ലെ​യാ​യി​രി​ക്കും അവർക്ക്‌ അപ്പോൾ തോന്നുക.

വാക്കി​ലൂ​ടെ​യോ പ്രവൃ​ത്തി​യി​ലൂ​ടെ​യോ നമുക്കു ദയ കാണി​ക്കാ​നാ​കുന്ന ആരെങ്കി​ലും നമ്മുടെ സഭയി​ലോ കുടും​ബ​ത്തി​ലോ ഉണ്ടോ എന്നു ചിന്തി​ച്ചു​നോ​ക്കുക. വീട്ടു​ജോ​ലി​കൾ ചെയ്യു​ന്ന​തി​നോ കടയിൽ പോയി സാധനങ്ങൾ വാങ്ങു​ന്ന​തി​നോ ഒക്കെ സഹായം വേണ്ട ആരെങ്കി​ലും നമ്മുടെ സഭയി​ലു​ണ്ടാ​കും. ഇനി, പ്രസം​ഗ​പ്ര​വർത്ത​ന​ത്തി​ലാ​യി​രി​ക്കു​മ്പോൾ സഹായം ആവശ്യ​മുള്ള ആരെ​യെ​ങ്കി​ലും കാണു​ക​യാ​ണെ​ങ്കിൽ അവർക്കു വേണ്ടതു ചെയ്‌തു​കൊ​ടു​ക്കാൻ നിങ്ങൾക്കാ​കു​മോ?

നമ്മുടെ വാക്കു​ക​ളും പ്രവൃ​ത്തി​ക​ളും എപ്പോ​ഴും ‘ദയയുടെ നിയമ​ത്തി​നു’ ചേർച്ച​യി​ലു​ള്ള​താ​ണെന്ന്‌ ഉറപ്പു​വ​രു​ത്തി​ക്കൊണ്ട്‌ നമുക്ക്‌ യഹോ​വയെ അനുക​രി​ക്കാം.