ബൈബിൾ പഠിക്കു​ന്ന​തു​കൊണ്ട്‌ പ്രയോ​ജ​ന​മുണ്ട്‌. പക്ഷേ അതു മുടങ്ങാ​തെ കൊണ്ടു​പോ​കാൻ അത്ര എളുപ്പമല്ല. നിങ്ങളു​ടെ കാര്യം എങ്ങനെ​യാണ്‌? മുടങ്ങാ​തെ ബൈബിൾ പഠിക്കു​ന്നത്‌ പ്രധാ​ന​പ്പെട്ട കാര്യ​മാ​ണോ? എന്തൊക്കെ തടസ്സം വന്നാലും ബൈബിൾപ​ഠനം നിറു​ത്താ​തി​രി​ക്കാൻ നിങ്ങൾക്ക്‌ എന്തു ചെയ്യാം?

1. മുടങ്ങാ​തെ ബൈബിൾ പഠിക്കു​ന്ന​തി​ന്റെ പ്രയോ​ജ​ന​മെ​ന്താണ്‌?

“ദൈവ​ത്തി​ന്റെ വാക്കുകൾ ജീവനു​ള്ള​തും ശക്തി ചെലു​ത്തു​ന്ന​തും” ആണ്‌. (എബ്രായർ 4:12) ബൈബിൾ വായി​ക്കു​മ്പോൾ ദൈവം നമ്മളോ​ടു സംസാ​രി​ക്കു​ന്ന​തു​പോ​ലെ​യാണ്‌. ദൈവ​ത്തി​ന്റെ ചിന്തക​ളും ദൈവ​ത്തി​നു നിങ്ങ​ളോ​ടുള്ള സ്‌നേ​ഹ​വും അപ്പോൾ മനസ്സി​ലാ​ക്കാം. ബൈബിൾ പഠിക്കു​മ്പോൾ നമുക്ക്‌ അറിവു കിട്ടും. അത്‌ നല്ല തീരു​മാ​നങ്ങൾ എടുക്കാൻ നമ്മളെ സഹായി​ക്കും. കൂടാതെ ഭാവി​യെ​ക്കു​റിച്ച്‌ നല്ലൊരു പ്രത്യാ​ശ​യും അതു തരുന്നു. ഏറ്റവും വലിയ പ്രയോ​ജനം നിങ്ങൾക്ക്‌ യഹോ​വ​യു​ടെ അടുത്ത സുഹൃ​ത്താ​കാ​നാ​കും എന്നതാണ്‌. ദൈവ​വ​ച​ന​ത്തിന്‌ ശക്തിയു​ള്ള​തു​കൊണ്ട്‌ നിങ്ങളു​ടെ ജീവിതം മെച്ച​പ്പെ​ടു​ത്താ​നും അതിനു കഴിയും.

2. ബൈബി​ളി​ലെ സത്യങ്ങ​ളു​ടെ വില മനസ്സി​ലാ​ക്കേ​ണ്ടത്‌ എന്തു​കൊണ്ട്‌?

ബൈബി​ളി​ലുള്ള സത്യങ്ങൾ അമൂല്യ​മായ നിധി​കൾപോ​ലെ​യാണ്‌. അതു​കൊ​ണ്ടാണ്‌ ‘സത്യം ഒരിക്ക​ലും വിറ്റു​ക​ള​യ​രുത്‌’ എന്ന്‌ ബൈബിൾ പറയു​ന്നത്‌. (സുഭാ​ഷി​തങ്ങൾ 23:23) ഇതു മനസ്സി​ലാ​ക്കി​യാൽ, എന്തൊക്കെ പ്രശ്‌നങ്ങൾ വന്നാലും ബൈബിൾപ​ഠനം നമ്മൾ ഒരിക്ക​ലും നിറു​ത്തു​ക​യില്ല.—സുഭാ​ഷി​തങ്ങൾ 2:4, 5 വായി​ക്കുക.

3. ബൈബിൾപ​ഠനം മുടങ്ങാ​തെ കൊണ്ടു​പോ​കാൻ യഹോവ എങ്ങനെ​യാ​ണു സഹായി​ക്കു​ന്നത്‌?

യഹോവ സർവശ​ക്ത​നായ സ്രഷ്ടാ​വാണ്‌, നിങ്ങളു​ടെ സുഹൃ​ത്തു​മാണ്‌. തന്നെക്കു​റിച്ച്‌ പഠിക്കു​ന്ന​തിന്‌ നിങ്ങളെ സഹായി​ക്കാൻ യഹോവ ആഗ്രഹി​ക്കു​ന്നു. അതു​കൊ​ണ്ടാണ്‌ “ആഗ്രഹ​വും പ്രവർത്തി​ക്കാ​നുള്ള ശക്തിയും” ദൈവം നിങ്ങൾക്ക്‌ തരു​മെന്ന്‌ ബൈബിൾ പറയു​ന്നത്‌. (ഫിലി​പ്പി​യർ 2:13 വായി​ക്കുക.) ബൈബിൾ പഠിക്കാ​നോ അതനു​സ​രിച്ച്‌ ജീവി​ക്കാ​നോ ചില​പ്പോ​ഴൊ​ക്കെ ബുദ്ധി​മുട്ട്‌ വന്നാലോ? അപ്പോ​ഴും യഹോവ നിങ്ങളെ സഹായി​ക്കും! എന്തെങ്കി​ലും എതിർപ്പു​ക​ളോ തടസ്സങ്ങ​ളോ നേരി​ട്ടാൽ അവ മറിക​ട​ക്കാൻ ആവശ്യ​മായ ശക്തി തരാനും യഹോവ തയ്യാറാണ്‌. ബൈബിൾപ​ഠനം മുടങ്ങാ​തെ കൊണ്ടു​പോ​കാ​നുള്ള സഹായ​ത്തി​നാ​യി എപ്പോ​ഴും യഹോ​വ​യോ​ടു പ്രാർഥി​ക്കുക.—1 തെസ്സ​ലോ​നി​ക്യർ 5:17.

ആഴത്തിൽ പഠിക്കാൻ

4. ബൈബിൾപ​ഠനം പ്രധാ​ന​പ്പെട്ട ഒരു കാര്യ​മാണ്‌

തിരക്കു​കൾ കാരണം ബൈബിൾ പഠിക്കാൻ സമയം കിട്ടു​ന്നി​ല്ലെന്ന്‌ തോന്നി​യി​ട്ടു​ണ്ടോ? എന്തു ചെയ്യാൻ കഴിയും? ഫിലി​പ്പി​യർ 1:10 വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• ജീവി​ത​ത്തിൽ “കൂടുതൽ പ്രാധാ​ന്യ​മുള്ള കാര്യങ്ങൾ” ഏതാ​ണെ​ന്നാ​ണു നിങ്ങൾക്കു തോന്നു​ന്നത്‌?

• ബൈബിൾപ​ഠ​ന​ത്തി​നു മുഖ്യ​സ്ഥാ​നം കൊടു​ക്കാൻ നിങ്ങൾക്ക്‌ എങ്ങനെ കഴിയും?

1. ഒരു ബക്കറ്റിൽ മണൽ നിറച്ച​തി​നു ശേഷം കല്ലുകൾ വെക്കാൻ നോക്കി​യാൽ എല്ലാ കല്ലുക​ളും ബക്കറ്റിൽ കൊള്ളില്ല

2. ബക്കറ്റിൽ ആദ്യം കല്ലുകൾ വെച്ചാൽ ഭൂരി​ഭാ​ഗം മണലും അതിൽ നിറയ്‌ക്കാൻ കഴിയും. ഇതു​പോ​ലെ, ജീവി​ത​ത്തിൽ “കൂടുതൽ പ്രാധാ​ന്യ​മുള്ള” കാര്യ​ങ്ങൾക്കു മുൻഗണന കൊടു​ത്താൽ മിക്ക കാര്യ​ങ്ങ​ളും നമുക്കു ചെയ്യാ​നാ​കും

ദൈവ​ത്തെ​ക്കു​റിച്ച്‌ കൂടുതൽ അറിയാ​നും ദൈവത്തെ ആരാധി​ക്കാ​നും ഉള്ള ഒരു ആഗ്രഹം പൊതു​വേ മനുഷ്യർക്കുണ്ട്‌. ആ ആഗ്രഹം തൃപ്‌തി​പ്പെ​ടു​ത്താൻ ബൈബിൾപ​ഠനം സഹായി​ക്കും. മത്തായി 5:3 വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• ബൈബിൾപ​ഠ​ന​ത്തിന്‌ മുഖ്യ​സ്ഥാ​നം കൊടു​ത്താൽ അതു നമുക്ക്‌ എങ്ങനെ പ്രയോ​ജനം ചെയ്യും?

5. എതിർപ്പു​ക​ളു​ണ്ടാ​യാ​ലും മടുത്ത്‌ പിന്മാ​റ​രുത്‌

വീഡി​യോ: മടുത്ത്‌ പിന്മാ​റാ​തി​രു​ന്ന​തി​ന്റെ പ്രതി​ഫലം (5:22)

• താൻ പഠിച്ച കാര്യ​ങ്ങ​ളെ​ക്കു​റിച്ച്‌ ഫ്രാൻസി​സ്‌കോ വീട്ടു​കാ​രോ​ടും കൂട്ടു​കാ​രോ​ടും സംസാ​രി​ച്ച​പ്പോൾ എന്തായി​രു​ന്നു പ്രതി​ക​രണം?

• മടുത്ത്‌ പിന്മാ​റാ​തി​രു​ന്ന​തു​കൊണ്ട്‌ ഫ്രാൻസി​സ്‌കോ​യ്‌ക്ക്‌ എന്തു നേട്ടമാ​ണു​ണ്ടാ​യത്‌?

2 തിമൊ​ഥെ​യൊസ്‌ 2:24, 25 വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• നിങ്ങൾ ബൈബിൾ പഠിക്കു​ന്നതു കാണു​മ്പോൾ വീട്ടു​കാർക്കും കൂട്ടു​കാർക്കും ഒക്കെ എന്താണ്‌ തോന്നു​ന്നത്‌?

• നിങ്ങൾ ബൈബിൾ പഠിക്കു​ന്നത്‌ ഇഷ്ടപ്പെ​ടാത്ത ഒരാ​ളോട്‌ നിങ്ങൾ എങ്ങനെ ഇടപെ​ടണം? എന്തു​കൊണ്ട്‌?

6. യഹോവ തീർച്ച​യാ​യും നിങ്ങളെ സഹായി​ക്കും!

വീഡി​യോ: മാറ്റം വരുത്താൻ യഹോവ സഹായി​ച്ചു (3:56)

• യഹോ​വയെ സന്തോ​ഷി​പ്പി​ക്കാൻ ജിം എന്തൊക്കെ മാറ്റങ്ങ​ളാ​ണു വരുത്തി​യത്‌?

• ജിമ്മിന്റെ അനുഭ​വ​ത്തിൽനിന്ന്‌ ഏതു കാര്യ​മാ​ണു നിങ്ങൾക്ക്‌ ഇഷ്ടപ്പെ​ട്ടത്‌?

എബ്രായർ 11:6 വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• ദൈവത്തെ ‘ആത്മാർഥ​മാ​യി അന്വേ​ഷി​ക്കു​ന്ന​വർക്കാ​യി,’ അതായത്‌ ദൈവത്തെ കൂടുതൽ അറിയാ​നും സന്തോ​ഷി​പ്പി​ക്കാ​നും കഠിന​ശ്രമം ചെയ്യു​ന്ന​വർക്കാ​യി ദൈവം എന്തു ചെയ്യും?

• ഈ വാക്യം അനുസ​രിച്ച്‌, ബൈബിൾ പഠിക്കാൻ നിങ്ങൾ ചെയ്യുന്ന ശ്രമങ്ങൾ യഹോവ എങ്ങനെ​യാണ്‌ കാണു​ന്നത്‌?

ചുരു​ക്ക​ത്തിൽ

ബൈബിൾ പഠിക്കു​മ്പോൾ പല തടസ്സങ്ങ​ളും വന്നേക്കാം. എങ്കിലും പഠനം തുടരു​ന്നത്‌ എന്നെന്നും സന്തോ​ഷ​ത്തോ​ടെ ജീവി​ക്കാൻ നിങ്ങളെ സഹായി​ക്കും. എപ്പോ​ഴും യഹോ​വ​യിൽ ആശ്രയി​ക്കുക. യഹോവ നിങ്ങളെ അനു​ഗ്ര​ഹി​ക്കും.

ഓർക്കുന്നുണ്ടോ?

• ബൈബി​ളി​ലെ സത്യങ്ങൾ നിങ്ങൾ വളരെ വിലയു​ള്ള​താ​യി കാണു​ന്നത്‌ എന്തു​കൊ​ണ്ടാണ്‌?

• “കൂടുതൽ പ്രാധാ​ന്യ​മുള്ള കാര്യങ്ങൾ” ഏതാ​ണെന്നു നിങ്ങൾക്ക്‌ എങ്ങനെ ഉറപ്പാ​ക്കാൻ കഴിയും?

• ബൈബിൾപ​ഠ​ന​ത്തിന്‌ മുടക്കം വരാതി​രി​ക്കാൻ നിങ്ങൾ യഹോ​വ​യോട്‌ സഹായം ചോദി​ക്കേ​ണ്ടത്‌ എന്തു​കൊ​ണ്ടാണ്‌?

കൂടുതൽ മനസ്സി​ലാ​ക്കാൻ

സമയം നന്നായി ഉപയോ​ഗി​ക്കാൻ പലരെ​യും സഹായി​ച്ചി​രി​ക്കുന്ന നാലു വിധങ്ങൾ നോക്കുക.

“അമൂല്യ​മാണ്‌ സമയം! ഫലപ്ര​ദ​മാ​യി ഉപയോ​ഗി​ക്കുക” (ഉണരുക! 2014 ഏപ്രിൽ)

ഒരു സ്‌ത്രീ ബൈബിൾ പഠിക്കാൻ തുടങ്ങി. അവരുടെ ഭർത്താ​വിന്‌ അത്‌ ഇഷ്ടമാ​യി​രു​ന്നില്ല. യഹോവ എങ്ങനെ​യാണ്‌ ആ സ്‌ത്രീ​യെ സഹായി​ച്ചത്‌?

ഭാരം ചുമക്കാൻ യഹോവ സഹായിക്കുന്നു (5:05)

ഭാര്യ മടുത്തു​പി​ന്മാ​റാ​തെ പ്രവർത്തി​ച്ച​തു​കൊണ്ട്‌ അവരുടെ ഭർത്താ​വിന്‌ എന്തു പ്രയോ​ജ​ന​മാ​ണു​ണ്ടാ​യത്‌?

സത്യം ഞാൻ വിചാരണ ചെയ്‌തു (6:30)

യഹോവയുടെ സാക്ഷികൾ കുടും​ബം തകർക്കു​ന്ന​വ​രാ​ണെന്നു ചിലർ പറയാ​റുണ്ട്‌. അതു സത്യമാ​ണോ?

“യഹോ​വ​യു​ടെ സാക്ഷികൾ കുടും​ബ​ബ​ന്ധങ്ങൾ തകർക്കു​ക​യാ​ണോ അതോ ശക്തി​പ്പെ​ടു​ത്തു​ക​യാ​ണോ?” (വെബ്‌​സൈ​റ്റി​ലെ ലേഖനം)

നമുക്ക്‌ എല്ലാവർക്കും പല കാര്യ​ങ്ങ​ളി​ലും തീരു​മാ​ന​ങ്ങ​ളെ​ടു​ക്കേ​ണ്ടി​വ​രും. അവ ഒന്നുകിൽ നമുക്കു ഗുണം ചെയ്യും അല്ലെങ്കിൽ ദോഷം ചെയ്യും. ചില​പ്പോൾ യഹോ​വ​യു​മാ​യുള്ള നമ്മുടെ ബന്ധത്തെ​പ്പോ​ലും അതു ബാധി​ച്ചേ​ക്കാം. ഉദാഹ​ര​ണ​ത്തിന്‌, എവിടെ താമസി​ക്കണം, എന്തു ജോലി ചെയ്യണം, കല്യാണം കഴിക്ക​ണോ ഇങ്ങനെ പലതും. നല്ല തീരു​മാ​ന​ങ്ങ​ളെ​ടു​ക്കു​മ്പോൾ നമുക്കു സന്തോ​ഷ​ത്തോ​ടെ ജീവി​ക്കാൻ കഴിയും. യഹോ​വ​യെ​യും അതു സന്തോ​ഷി​പ്പി​ക്കും.

1. നല്ല തീരു​മാ​ന​ങ്ങ​ളെ​ടു​ക്കാൻ ബൈബിൾ എങ്ങനെ സഹായി​ക്കും?

ഒരു തീരു​മാ​ന​മെ​ടു​ക്കു​ന്ന​തി​നു മുമ്പ്‌ സഹായ​ത്തി​നാ​യി യഹോ​വ​യോ​ടു പ്രാർഥി​ക്കുക. എന്നിട്ട്‌ ആ തീരു​മാ​ന​ത്തെ​ക്കു​റിച്ച്‌ യഹോ​വ​യ്‌ക്ക്‌ എന്താണു തോന്നു​ന്നത്‌ എന്നറി​യാൻ ബൈബിൾ പരി​ശോ​ധി​ക്കുക. (സുഭാ​ഷി​തങ്ങൾ 2:3-6 വായി​ക്കുക.) ചില സാഹച​ര്യ​ങ്ങ​ളിൽ എന്തു ചെയ്യണ​മെന്ന്‌ യഹോവ വ്യക്തമായ കല്‌പന അല്ലെങ്കിൽ നിയമം നൽകി​യി​ട്ടു​ണ്ടാ​യി​രി​ക്കും. അത്‌ അനുസ​രി​ക്കു​ന്ന​താ​ണു നമുക്ക്‌ ഏറ്റവും പ്രയോ​ജനം ചെയ്യുക.

എന്നാൽ ഒരു കാര്യം ചെയ്യു​ന്ന​തി​നെ​ക്കു​റി​ച്ചുള്ള വ്യക്തമായ നിർദേശം ബൈബിൾ തരുന്നി​ല്ലെ​ങ്കി​ലോ? അപ്പോ​ഴും യഹോവ ‘പോകേണ്ട വഴിയി​ലൂ​ടെ നിങ്ങളെ നടത്തും’ അഥവാ സഹായി​ക്കും. (യശയ്യ 48:17) അത്‌ എങ്ങനെ​യാണ്‌? ബൈബിൾത​ത്ത്വ​ങ്ങ​ളി​ലൂ​ടെ. ദൈവ​ത്തി​ന്റെ ചിന്തക​ളും വികാ​ര​ങ്ങ​ളും കാണി​ച്ചു​ത​രുന്ന അടിസ്ഥാന സത്യങ്ങ​ളാ​ണു ബൈബിൾത​ത്ത്വ​ങ്ങൾ. ബൈബിൾഭാ​ഗങ്ങൾ വായി​ക്കു​മ്പോൾ ഒരു കാര്യത്തെ ദൈവം എങ്ങനെ​യാ​ണു കാണു​ന്ന​തെന്നു മനസ്സി​ലാ​ക്കാൻ നമുക്കു കഴിയും. യഹോ​വ​യ്‌ക്ക്‌ എന്തു തോന്നു​ന്നെന്നു തിരി​ച്ച​റി​ഞ്ഞാൽ യഹോ​വ​യ്‌ക്ക്‌ ഇഷ്ടപ്പെ​ടുന്ന രീതി​യിൽ ഒരു തീരു​മാ​ന​മെ​ടു​ക്കാൻ എളുപ്പ​മാ​യി​രി​ക്കും.

2. ഒരു തീരു​മാ​ന​മെ​ടു​ക്കു​ന്ന​തി​നു മുമ്പ്‌ എന്തൊക്കെ കാര്യങ്ങൾ ചിന്തി​ക്കണം?

“വിവേ​ക​മു​ള്ളവൻ ഓരോ കാലടി​യും ശ്രദ്ധ​യോ​ടെ വെക്കുന്നു” എന്നാണു ബൈബിൾ പറയു​ന്നത്‌. (സുഭാ​ഷി​തങ്ങൾ 14:15) അതിന്റെ അർഥം, ഒരു തീരു​മാ​ന​മെ​ടു​ക്കു​ന്ന​തി​നു മുമ്പ്‌ നമ്മുടെ മുന്നി​ലുള്ള ഓരോ മാർഗ​ത്തെ​ക്കു​റി​ച്ചും നമ്മൾ സമയ​മെ​ടുത്ത്‌ ചിന്തി​ക്കണം എന്നാണ്‌. ഇങ്ങനെ ചിന്തി​ക്കുക: ‘ഇവിടെ ഉൾപ്പെ​ട്ടി​രി​ക്കുന്ന ബൈബിൾത​ത്ത്വ​ങ്ങൾ ഏതൊ​ക്കെ​യാണ്‌? ഏതു തീരു​മാ​ന​മാ​യി​രി​ക്കും എനിക്കു മനസ്സമാ​ധാ​നം തരുന്നത്‌? ഞാൻ എടുക്കുന്ന ഈ തീരു​മാ​ന​ത്തെ​ക്കു​റിച്ച്‌ മറ്റുള്ള​വർക്ക്‌ എന്തു തോന്നും? ഏറ്റവും പ്രധാ​ന​മാ​യി, എന്റെ തീരു​മാ​നം യഹോ​വയെ സന്തോ​ഷി​പ്പി​ക്കു​മോ?’—ആവർത്തനം 32:29.

നമ്മളോ​ടു ശരി​യേത്‌ തെറ്റേത്‌ എന്നു പറയാ​നുള്ള അവകാശം യഹോ​വ​യ്‌ക്കുണ്ട്‌. യഹോ​വ​യു​ടെ നിയമ​ങ്ങ​ളും തത്ത്വങ്ങ​ളും നന്നായി മനസ്സി​ലാ​ക്കുക, അതിനു ചേർച്ച​യിൽ മുന്നോ​ട്ടു പോകാൻ തീരു​മാ​നി​ക്കുക. അങ്ങനെ നമുക്കു നല്ലൊരു മനസ്സാക്ഷി വളർത്തി​യെ​ടു​ക്കാൻ കഴിയും. ഒരു കാര്യം ശരിയാണ്‌ അല്ലെങ്കിൽ തെറ്റാണ്‌ എന്നു നമ്മുടെ ഉള്ളിൽനിന്ന്‌ പറയുന്ന സ്വരമാ​ണു മനസ്സാക്ഷി. (റോമർ 2:14, 15) അങ്ങനെ പരിശീ​ലി​പ്പി​ച്ചെ​ടുത്ത മനസ്സാക്ഷി നല്ല തീരു​മാ​ന​ങ്ങ​ളെ​ടു​ക്കാൻ നമ്മളെ സഹായി​ക്കും.

ആഴത്തിൽ പഠിക്കാൻ

3. ബൈബിൾ വഴി കാണി​ക്കു​ന്നു

വീഡി​യോ: ബൈബിൾത​ത്ത്വ​ങ്ങൾ നിങ്ങളെ വഴിന​യി​ക്കട്ടെ (5:54)

• എന്താണ്‌ ഇച്ഛാസ്വാ​ത​ന്ത്ര്യം അല്ലെങ്കിൽ തിര​ഞ്ഞെ​ടു​ക്കാ​നുള്ള സ്വാത​ന്ത്ര്യം?

• ഇച്ഛാസ്വാ​ത​ന്ത്ര്യം യഹോവ നമുക്കു തന്നത്‌ എന്തു​കൊ​ണ്ടാണ്‌?

• നല്ല തീരു​മാ​ന​ങ്ങ​ളെ​ടു​ക്കാൻ എന്തൊക്കെ സഹായങ്ങൾ യഹോവ തന്നിട്ടുണ്ട്‌?

ബൈബിൾത​ത്ത്വ​ത്തിന്‌ ഒരു ഉദാഹ​രണം നോക്കാം. എഫെസ്യർ 5:15, 16 വായി​ക്കുക. എന്നിട്ട്‌ താഴെ കൊടു​ത്തി​രി​ക്കുന്ന കാര്യ​ങ്ങ​ളിൽ ‘സമയം എങ്ങനെ ഏറ്റവും നന്നായി ഉപയോ​ഗി​ക്കാ​മെന്നു’ ചർച്ച ചെയ്യുക.

• ബൈബിൾ ദിവസ​വും വായി​ക്കാൻ.

• നല്ലൊരു ഭാര്യ​യോ ഭർത്താ​വോ മകളോ മകനോ മാതാ​വോ പിതാ​വോ ആകാൻ.

• മീറ്റി​ങ്ങു​ക​ളിൽ പങ്കെടു​ക്കാൻ.

4. നല്ല തീരു​മാ​ന​ങ്ങ​ളെ​ടു​ക്കാൻ മനസ്സാ​ക്ഷി​യെ പരിശീ​ലി​പ്പി​ക്കുക

വീഡി​യോ: “ഒരു നല്ല മനസ്സാക്ഷി കാത്തു​സൂ​ക്ഷി​ക്കുക” (5:13)

• വീഡി​യോ​യിൽ കണ്ട സഹോ​ദരി തന്റെ മനസ്സാ​ക്ഷി​യെ പരിശീ​ലി​പ്പി​ക്കാൻ എന്തൊ​ക്കെ​യാണ്‌ ചെയ്‌തത്‌? സഹോ​ദരി യഹോ​വ​യ്‌ക്ക്‌ ഇഷ്ടമുള്ള ഒരു തീരു​മാ​ന​മെ​ടു​ത്തത്‌ എങ്ങനെ?

നമുക്കു​വേണ്ടി തീരു​മാ​ന​മെ​ടു​ക്കാൻ മറ്റുള്ള​വ​രോ​ടു പറയരു​താ​ത്തത്‌ എന്തു​കൊണ്ട്‌? എബ്രായർ 5:14 വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• നമുക്കു​വേണ്ടി തീരു​മാ​ന​മെ​ടു​ക്കാൻ മറ്റുള്ള​വ​രോ​ടു പറയു​ന്നത്‌ എളുപ്പ​മാ​ണെ​ങ്കി​ലും, നമ്മൾതന്നെ ഏതു കാര്യം വേർതി​രി​ച്ച​റി​യാൻ പരിശീ​ലി​ക്കണം?

• നല്ല മനസ്സാക്ഷി വളർത്തി​യെ​ടു​ക്കാ​നും നല്ല തീരു​മാ​ന​ങ്ങ​ളെ​ടു​ക്കാ​നും നമ്മളെ സഹായി​ക്കുന്ന എന്തൊക്കെ കാര്യ​ങ്ങ​ളുണ്ട്‌?

5. മറ്റുള്ളവർ മനസ്സാ​ക്ഷി​പൂർവം എടുക്കുന്ന തീരു​മാ​ന​ങ്ങളെ ആദരി​ക്കു​ക

ആളുകൾ വ്യത്യ​സ്‌ത​രാ​യ​തു​കൊണ്ട്‌ അവർ വ്യത്യസ്‌ത തീരു​മാ​ന​ങ്ങ​ളെ​ടു​ക്കും. അവരുടെ ആ തീരു​മാ​ന​ങ്ങളെ നമ്മൾ ആദരി​ക്കു​ന്നു​ണ്ടെന്ന്‌ എങ്ങനെ കാണി​ക്കാം? രണ്ടു സാഹച​ര്യ​ങ്ങൾ നോക്കാം.

സാഹചര്യം 1: മേക്കപ്പി​ടാൻ ഇഷ്ടപ്പെ​ടുന്ന ഒരു സഹോ​ദരി മേക്കപ്പ്‌ ഉപയോ​ഗി​ക്കു​ന്ന​തൊ​ന്നും അത്ര ഇഷ്ടമല്ലാത്ത കുറെ സഹോ​ദ​രി​മാരുള്ള ഒരു സഭയി​ലേക്കു പോകു​ന്നു.

റോമർ 15:1; 1 കൊരി​ന്ത്യർ 10:23, 24 എന്നീ വാക്യങ്ങൾ വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• ഈ വാക്യ​ങ്ങൾക്കു ചേർച്ച​യിൽ, മേക്കപ്പ്‌ ഉപയോ​ഗി​ക്കാൻ ആഗ്രഹി​ക്കുന്ന സഹോ​ദരി എന്തു തീരു​മാ​ന​മെ​ടു​ത്തേ​ക്കാം? ഇനി, നിങ്ങളു​ടെ മനസ്സാ​ക്ഷി​ക്കു ശരി​യെന്നു തോന്നുന്ന ഒരു കാര്യം നിങ്ങളു​ടെ കൂടെ​യുള്ള ആളുടെ മനസ്സാ​ക്ഷി​ക്കു തെറ്റാ​ണെന്നു തോന്നു​ന്നു. ഇപ്പോൾ നിങ്ങൾ എന്തു തീരു​മാ​ന​മെ​ടു​ക്കും?

സാഹചര്യം 2: മിതമായ അളവിൽ മദ്യം കഴിക്കു​ന്ന​തി​നെ ബൈബിൾ കുറ്റ​പ്പെ​ടു​ത്തു​ന്നി​ല്ലെന്ന്‌ ഒരു സഹോ​ദ​രന്‌ അറിയാം. എങ്കിലും മദ്യം കഴി​ക്കേ​ണ്ടെന്ന്‌ അദ്ദേഹം തീരു​മാ​നി​ക്കു​ന്നു. അങ്ങനെ​യി​രി​ക്കെ, ഒരു വിരു​ന്നിന്‌ കുറെ സഹോ​ദ​രങ്ങൾ മദ്യം കഴിക്കു​ന്നത്‌ അദ്ദേഹം കാണുന്നു.

സഭാ​പ്ര​സം​ഗ​കൻ 7:16; റോമർ 14:1, 10 എന്നീ വാക്യങ്ങൾ വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• ഈ വാക്യ​ങ്ങൾക്കു ചേർച്ച​യിൽ സഹോ​ദരൻ എന്തു തീരു​മാ​നി​ച്ചേ​ക്കാം? നിങ്ങളു​ടെ മനസ്സാ​ക്ഷിക്ക്‌ ശരിയ​ല്ലെന്നു തോന്നുന്ന ഒരു കാര്യം മറ്റൊ​രാൾ ചെയ്യു​ന്നതു കണ്ടാൽ നിങ്ങൾ എന്തു ചെയ്യും?

നല്ല തീരു​മാ​ന​മെ​ടു​ക്കാൻ . . .

1. തീരു​മാ​ന​മെ​ടു​ക്കാ​നുള്ള സഹായ​ത്തിന്‌ യഹോ​വ​യോ​ടു പ്രാർഥി​ക്കുക.—യാക്കോബ്‌ 1:5.

2. നിങ്ങളു​ടെ സാഹച​ര്യ​വു​മാ​യി ബന്ധപ്പെട്ട ദൈവി​ക​ത​ത്ത്വ​ങ്ങൾ കണ്ടെത്താൻ ബൈബി​ളി​ലും ബൈബിൾ പ്രസി​ദ്ധീ​ക​ര​ണ​ങ്ങ​ളി​ലും ഗവേഷണം നടത്തുക. അനുഭ​വ​പ​രി​ച​യ​മുള്ള സഹോ​ദ​ര​ങ്ങ​ളു​ടെ സഹായ​വും ചോദി​ക്കാം.

3. നിങ്ങളു​ടെ​യും മറ്റുള്ള​വ​രു​ടെ​യും മനസ്സാ​ക്ഷി​യെ ആ തീരു​മാ​നം എങ്ങനെ ബാധി​ക്കു​മെന്നു ചിന്തി​ക്കുക.

ചുരു​ക്ക​ത്തിൽ

നല്ല തീരു​മാ​ന​ങ്ങ​ളെ​ടു​ക്ക​ണ​മെ​ങ്കിൽ അക്കാര്യ​ത്തെ​ക്കു​റിച്ച്‌ യഹോ​വ​യ്‌ക്ക്‌ എന്താണു തോന്നു​ന്ന​തെന്ന്‌ നമ്മൾ മനസ്സി​ലാ​ക്കണം. അതോ​ടൊ​പ്പം നമ്മൾ എടുക്കുന്ന തീരു​മാ​നം മറ്റുള്ള​വർക്ക്‌ ഗുണമാ​ണോ ദോഷ​മാ​ണോ വരുത്തു​ന്ന​തെ​ന്നും ചിന്തി​ക്കണം.

ഓർക്കുന്നുണ്ടോ?

• യഹോ​വ​യ്‌ക്ക്‌ ഇഷ്ടപ്പെ​ടുന്ന വിധത്തിൽ എങ്ങനെ തീരു​മാ​ന​ങ്ങ​ളെ​ടു​ക്കാം?

• നിങ്ങൾക്ക്‌ എങ്ങനെ മനസ്സാ​ക്ഷി​യെ പരിശീ​ലി​പ്പി​ക്കാം?

• മറ്റുള്ളവർ മനസ്സാ​ക്ഷി​പൂർവം എടുക്കുന്ന തീരു​മാ​ന​ങ്ങളെ നമ്മൾ ആദരി​ക്കു​ന്നു​ണ്ടെന്ന്‌ എങ്ങനെ കാണി​ക്കാം?

കൂടുതൽ മനസ്സി​ലാ​ക്കാൻ

ദൈവവുമായുള്ള സുഹൃ​ദ്‌ബന്ധം ശക്തമാ​ക്കാൻ സഹായി​ക്കുന്ന തീരു​മാ​ന​ങ്ങ​ളെ​ടു​ക്കാൻ എങ്ങനെ കഴിയും?

“ദൈവ​ത്തി​നു മഹത്ത്വം കരേറ്റുന്ന തീരു​മാ​ന​ങ്ങ​ളെ​ടു​ക്കുക” (വീക്ഷാ​ഗോ​പു​രം 2011 ഏപ്രിൽ 15)

യഹോവ എങ്ങനെ​യാണ്‌ ഉപദേ​ശങ്ങൾ തരുന്ന​തെന്ന്‌ കൂടു​ത​ലാ​യി മനസ്സി​ലാ​ക്കുക.

യഹോവ തന്റെ ജനത്തെ വഴിന​ട​ത്തു​ന്നു (9:50)

നല്ലൊരു തീരു​മാ​ന​മെ​ടു​ക്കാൻ ബുദ്ധി​മു​ട്ടു തോന്നിയ സാഹച​ര്യ​ത്തിൽ ഒരു വ്യക്തിയെ സഹായിച്ച കാര്യങ്ങൾ എന്തൊ​ക്കെ​യാ​ണെന്ന്‌ നോക്കുക.

നന്മകൾ ചൊരി​യു​മെന്ന യഹോ​വ​യു​ടെ ഉറപ്പ്‌ (5:46)

ഒരു കാര്യം എങ്ങനെ ചെയ്യണം എന്നതിന്‌ വ്യക്തമായ നിയമം ഇല്ലാത്ത​പ്പോൾപ്പോ​ലും യഹോ​വ​യ്‌ക്ക്‌ ഇഷ്ടമുള്ള വിധത്തിൽ തീരു​മാ​ന​മെ​ടു​ക്കാൻ എങ്ങനെ കഴിയും?

“നിങ്ങൾക്ക്‌ എല്ലായ്‌പോ​ഴും ഒരു ബൈബിൾ കൽപ്പന ആവശ്യ​മു​ണ്ടോ?” (വീക്ഷാ​ഗോ​പു​രം 2003 ഡിസംബർ 1)