ജ്ഞാനം സമ്പാദിക്കുന്നത്‌ നാം പറയുന്ന കാര്യങ്ങളെ സ്വാധീനിക്കുന്നത്‌ എങ്ങനെ? “തിരുവചനം പ്രമാണിക്കുന്നവൻ നന്മ കണ്ടെത്തും; യഹോവയിൽ ആശ്രയിക്കുന്നവൻ ഭാഗ്യവാൻ. ജ്ഞാനഹൃദയൻ വിവേകി എന്നു വിളിക്കപ്പെടും; അധരമാധുര്യം വിദ്യയെ വർദ്ധിപ്പിക്കുന്നു. വിവേകം വിവേകിക്കു ജീവന്റെ ഉറവാകുന്നു; ഭോഷന്മാരുടെ പ്രബോധനമോ ഭോഷത്വം തന്നേ. ജ്ഞാനിയുടെ ഹൃദയം അവന്റെ വായെ പഠിപ്പിക്കുന്നു; അവന്റെ അധരങ്ങൾക്കു വിദ്യ [“പ്രേരകശക്തി,” പി.ഒ.സി.] വർദ്ധിപ്പിക്കുന്നു.”​—⁠സദൃശവാക്യങ്ങൾ 16:20-23.

ജ്ഞാനപൂർവം സംസാരിക്കുന്നതിന്റെ സത്‌ഫലം വീണ്ടും ചൂണ്ടിക്കാട്ടിക്കൊണ്ട്‌ ഇസ്രായേൽ രാജാവ്‌ ഇങ്ങനെ പറയുന്നു: “ഇമ്പമുള്ള വാക്കു തേൻകട്ടയാകുന്നു; മനസ്സിന്നു മധുരവും അസ്ഥികൾക്കു ഔഷധവും തന്നേ.” (സദൃശവാക്യങ്ങൾ 16:24) തേൻ മധുരംപകരുകയും വിശക്കുന്നവനെ പോഷിപ്പിക്കുകയും ചെയ്യുന്നതുപോലെ ഇമ്പമുള്ള വാക്കുകൾ പ്രോത്സാഹജനകവും നവോന്മേഷദായകവുമാണ്‌. ആരോഗ്യത്തിനും രോഗശാന്തിക്കും തേൻ ഉത്തമമാണ്‌. ഇമ്പമുള്ള വാക്കുകളും അങ്ങനെതന്നെയാണ്‌; ആത്മീയ അർഥത്തിൽ അവ ആരോഗ്യദായകമാണ്‌.​—⁠സദൃശവാക്യങ്ങൾ 24:13, 14.