പാപത്തി​ന്റെ കഠിന​പ്പെ​ടു​ത്തുന്ന ഫലങ്ങളിൽ നിന്നു ഒഴിഞ്ഞി​രി​ക്കുക!

അവൾ തന്റെ ക്രിസ്‌തീയ സഹോ​ദ​രീ​സ​ഹോ​ദ​രൻമാർക്കു വളരെ ഇഷ്ടപ്പെ​ട്ട​വ​ളാ​യി​രു​ന്നു. സൗഹൃ​ദ​മു​ള്ള​വ​ളും വ്യയം ചെയ്യു​ന്ന​വ​ളും എന്ന നിലയിൽ അവളും അവളുടെ ഉൻമേ​ഷ​വ​തി​യായ കൊച്ചു മകളും വയൽസേ​വ​ന​ത്തി​ലും യോഗ​ങ്ങ​ളി​ലും സന്തത സഹകാ​രി​ക​ളും ആയിരു​ന്നു. എന്നാൽ അവൾ തന്റെ ജോലി​സ്ഥ​ലത്ത്‌—സഹസാ​ക്ഷി​ക​ളു​ടെ മുമ്പാ​കെ​തന്നെ—നിർല​ജ്ജ​മാ​യി പുകവ​ലി​ക്കു​ന്ന​താ​യി സഭാമൂ​പ്പൻമാർക്ക്‌ റിപ്പോർട്ട്‌ ലഭിച്ചു! ഈ കുററാ​രോ​പ​ണത്തെ അഭിമു​ഖീ​ക​രി​ച്ചു​കൊണ്ട്‌ അവൾ പുകവ​ലി​യും പരസം​ഗ​വും സംബന്ധിച്ച്‌ കുററ​സ​മ്മതം നടത്തി, ഇപ്രകാ​രം ശാന്തമാ​യി പറയു​ക​യും ചെയ്‌തു: “ഞാൻ ഈ സമയത്തു​തന്നെ സത്യത്തി​ലാ​യി​രി​ക്കാൻ ആഗ്രഹി​ക്കു​ന്ന​താ​യി വിചാ​രി​ക്കു​ന്നില്ല.” പാപം അവളെ കഠിന​പ്പെ​ടു​ത്തി കഴിഞ്ഞി​രു​ന്നു.

എബ്രായർ 3:13-ൽ അപ്പോ​സ്‌ത​ല​നായ പൗലോസ്‌, ഒരുവനു “പാപത്തി​ന്റെ വഞ്ചനാ​പ​ര​മായ ശക്തിയാൽ കഠിന​പ്പെ​ടാൻ” കഴിയും എന്നു മുന്നറി​യി​പ്പു നൽകി. ഇതു നമ്മുടെ ആദ്യമാ​താ​പി​താ​ക്ക​ളായ ആദാമി​ന്റെ​യും ഹവ്വായു​ടെ​യും കാര്യ​ത്തിൽ സത്യമാ​യി​രു​ന്നു എന്നു തെളിഞ്ഞു. അവന്റെ അനുസ​ര​ണ​ക്കേ​ടി​നുള്ള തന്റെ നടപടി​യി​ലേക്കു ശ്രദ്ധക്ഷ​ണി​ച്ചു​കൊണ്ട്‌ ആദാം ഈ വികാര രഹിത​മായ ഒഴിക​ഴി​വു നൽകി: “നീ എന്നോ​ടു​കൂ​ടെ​യാ​യി​രി​ക്കാൻ തന്ന സ്‌ത്രീ ആ വൃക്ഷത്തിൽനി​ന്നുള്ള ഫലം എനിക്കു​തന്നു, അതു​കൊ​ണ്ടു ഞാൻ തിന്നു​ക​യും ചെയ്‌തു.” ആദാം തന്റെ സുഭഗ​യായ നവവധു​വി​ന്റെ പ്രഥമ​ദർശ​ന​ത്തിൽ, “ഇതു ഒടുവിൽ എന്റെ അസ്ഥിയിൽനി​ന്നു അസ്ഥിയും എന്റെ മാംസ​ത്തിൽനി​ന്നു മാംസ​വും ആകുന്നു” എന്നു പറയാൻ പ്രേരി​ത​നാ​യി​ത്തീർന്ന ആ ദിവസ​ത്തിൽ നിന്ന്‌ എങ്ങനെ മാറി​പ്പോ​യി​രു​ന്നു. ഇപ്പോൾ ഹവ്വാ “നീ എന്നോടു കൂടെ​യി​രി​പ്പാൻ തന്ന സ്‌ത്രീ” ആയിരു​ന്നു. ഹവ്വാ ദുർബ​ല​ത​യിൽ പാമ്പിനെ കുററ​പ്പെ​ടു​ത്തി.—ഉല്‌പത്തി 2:23; 3:1-13.

പാപത്താൽ അപരി​ഹാ​ര്യ​മാ​യി കഠിന​പ്പെട്ട മറെറാ​രാൾ യൂദാസ്‌ ഇസ്‌ക​ര്യോ​ത്താവ്‌ ആയിരു​ന്നു. ആരംഭ​ത്തിൽ അവന്‌ ഒരു നല്ല ഹൃദയ​നി​ല​യു​ണ്ടാ​യി​രു​ന്നി​രി​ക്കണം, അല്ലെങ്കിൽ യേശു അവനെ ഒരു അപ്പോ​സ്‌ത​ല​നാ​യി തിര​ഞ്ഞെ​ടു​ക്കു​ക​യി​ല്ലാ​യി​രു​ന്നു. എന്നാൽ ഒരു സന്ദർഭ​ത്തിൽ യേശു​വി​നാൽ ശാസി​ക്ക​പ്പെ​ട്ട​ശേഷം യൂദാസ്‌ നീരസ​ത്തോ​ടെ തന്റെ യജമാ​നനെ ഒററി​ക്കൊ​ടു​ക്കാൻ ഗൂഢാ​ലോ​ചന നടത്തി. (മത്തായി 26:6-16) 12 പേരിൽ ഒരുവൻ യേശു​വി​നെ ഒററി​ക്കൊ​ടു​ക്കു​മെന്നു അവൻ വെളി​പ്പെ​ടു​ത്തി​യ​പ്പോൾ നിരപ​രാ​ധി​ത്വ​ത്തി​ന്റെ സാക്ഷാൽ രൂപ​മെ​ന്ന​പോ​ലെ യൂദാസ്‌ ഇപ്രകാ​രം ചോദി​ച്ചു: “അതു ഞാനല്ല​ല്ലോ, ആണോ?” (മത്തായി 26:25) ഒരു മനഃപൂർവ്വ പാപിക്കു മാത്രമേ അത്തരം നിർല​ജ്ജ​മായ നാട്യ​ത്തി​നു സാധി​ക്ക​യു​ള്ളു. പടയാ​ളി​കൾ യേശു​വി​നെ അറസ്‌ററു ചെയ്യാൻ വന്നപ്പോൾ യൂദാസ്‌, എല്ലാറ​റി​ലും വെച്ച്‌, ഊഷ്‌മ​ള​ത​യു​ടെ​യും സൗഹൃ​ദ​ത്തി​ന്റെ​യും പുരാതന അടയാളം—ചുബനം—തിരി​ച്ച​റി​യി​ക്കു​ന്ന​തി​നുള്ള ചിഹ്നമാ​യി തിര​ഞ്ഞെ​ടു​ക്കു​ക​യും ചെയ്‌തു. യേശു ഇപ്രകാ​രം ചോദി​ച്ചു, “യൂദാസ്‌, നീ ഒരു ചുംബ​ന​ത്താ​ലാ​ണോ മനുഷ്യ​പു​ത്രനെ ഒററി​ക്കൊ​ടു​ക്കു​ന്നത്‌?”—ലൂക്കോസ്‌ 22:48.

പാപം കഠിന​പ്പെ​ടു​ത്തു​ന്ന​വി​ധം

പാപം ഒരു വ്യക്തി​യിൽ അത്തരം നിയ​ന്ത്രണം നേടു​ന്നത്‌ എങ്ങനെ​യാണ്‌? എബ്രായർ 3:7-11-ൽ പൗലോസ്‌ വിശ്വാ​സ​ക്കു​റ​വാ​കുന്ന പാപം യിസ്രാ​യേൽ ജാതിയെ എങ്ങനെ ദുഷി​പ്പി​ച്ചു എന്നു കാണി​ക്കു​ന്നു. സങ്കീർത്തനം 95:7-11 വരെ ഉദ്ധരി​ച്ചു​കൊണ്ട്‌ പൗലോസ്‌ അവിടെ ഇങ്ങനെ പറയുന്നു: “അതു​കൊ​ണ്ടു പരിശു​ദ്ധാ​ത്മാ​വു അരുളി​ചെ​യ്യു​ന്ന​തു​പോ​ലെ​തന്നെ: ‘ജനങ്ങളേ, ഇന്നു നിങ്ങൾ അവന്റെ​തന്നേ ശബ്ദം ശ്രദ്ധി​ക്കു​ന്നു​വെ​ങ്കിൽ മരുഭൂ​മി​യിൽ വെച്ചു പരീക്ഷാ​ദി​വ​സ​ത്തിൽ മത്സരത്താൽ കഠിന കോപ​ത്തി​നി​ട​യാ​ക്കിയ അവസര​ത്തി​ലെ​ന്ന​പോ​ലെ നിങ്ങളു​ടെ ഹൃദയം കഠിന​മാ​ക്ക​രുത്‌. അവിടെ വെച്ചു നിങ്ങളു​ടെ പിതാ​ക്കൻമാർ എന്നെ പരീക്ഷി​ച്ചു നാല്‌പത്‌ ആണ്ടു എന്റെ പ്രവൃ​ത്തി​കളെ കണ്ടിട്ടും എന്നെ പരീക്ഷി​ച്ചു. അതു​കൊ​ണ്ടു എനിക്കു ആ തലമു​റ​യോ​ടു വെറു​പ്പു​തോ​ന്നി, ഇപ്രകാ​രം പറയു​ക​യും ചെയ്‌തു, “അവർ എപ്പോ​ഴും തെററി​പ്പോ​കുന്ന ഹൃദയ​മു​ള്ള​വ​രും എന്റെ വഴികളെ അറിയാ​ത്ത​വ​രും ആകുന്നു.” അതു​കൊ​ണ്ടു, “അവർ എന്റെ സ്വസ്ഥത​യിൽ പ്രവേ​ശി​ക്ക​യില്ല” എന്നു ഞാൻ എന്റെ കോപ​ത്തിൽ സത്യം ചെയ്‌തു.‘”

മെരീബാ എന്നും മസ്സാ എന്നും പേരുള്ള ഒരു സ്ഥലത്തു​വെ​ച്ചാണ്‌ “കഠിന​കോ​പ​ത്തി​നി​ട​യാ​ക്കിയ അവസരം” ഉണ്ടായത്‌. (സങ്കീർത്തനം 95:8) അവിടെ, ജൗജി​പ്‌റ​റിൽ നിന്നുള്ള അവരുടെ അത്ഭുത​ക​ര​മായ വിടു​ത​ലി​നു​ശേഷം താമസി​യാ​തെ, “ജനം മോ​ശെ​യോ​ടു വഴക്കടി​ക്കു​ക​യും ഇങ്ങനെ പറയു​ക​യും ചെയ്‌തു: ‘ഞങ്ങൾക്കു കുടി​ക്കാൻ വെള്ളം തരിക.‘” (പുറപ്പാട്‌ 17:2) അവർ ജൗജി​പ്‌റ​റിൻമേൽ ഉണ്ടായ പത്തു വിനാ​ശ​ക​ര​മായ ബാധക​ളും ഇളകി​മ​റി​യുന്ന ചെങ്കട​ലി​ലെ വെള്ളം വിഭജി​ച്ച​തും സ്വർഗ്ഗ​ത്തിൽനി​ന്നു മന്നാ പൊഴി​ച്ച​തും നേരത്തെ കണ്ടിരു​ന്നു എന്ന കാര്യം ഓർമ്മി​ക്കുക. എന്നിട്ടും അവർ “തങ്ങളുടെ ഹൃദയം തെററി​പ്പോ​കാ​നി​ട​യാ​ക്കി​യി​രു​ന്നു.” അവർ യഹോ​വ​യു​ടെ വേലകൾ പ്രതി​ഫ​ലി​പ്പി​ക്കു​ന്ന​തി​നു​പ​കരം തങ്ങളുടെ സ്വാർത്ഥ​മോ​ഹ​ങ്ങ​ളിൽ വളരെ​യ​ധി​കം മുഴു​കി​പ്പോ​യി​രു​ന്നു. അതു​കൊണ്ട്‌ അവർ ‘ദൈവ​ത്തി​ന്റെ വഴികൾ അറിയു​ക​യോ’ ഏതു സാഹച​ര്യ​ത്തി​ലും യഹോ​വക്കു തങ്ങളെ​പോ​ഷി​പ്പി​ക്കാൻ കഴിയു​മെ​ന്നുള്ള വിശ്വാ​സം വളർത്തി​യെ​ടു​ക്കു​ക​യോ ചെയ്‌തില്ല സമു​ദ്രത്തെ വിഭജിച്ച ദൈവം അശക്തനാ​ണെ​ന്ന​തു​പോ​ലെ അവർ, “ഞങ്ങൾക്കു വെള്ളം തരൂ!” എന്നു ആവശ്യ​പ്പെട്ടു. പിന്നീട്‌ അവർ വാഗ്‌ദത്ത ദേശം പരി​ശോ​ധിച്ച ഭയമുള്ള പത്തു ഒററു​കാ​രു​ടെ മോശ​മായ റിപ്പോർട്ടു വിശ്വ​സി​ക്കു​ന്നതു തിര​ഞ്ഞെ​ടു​ത്ത​തിൽ അതിശ​യ​മില്ല. (സംഖ്യാ​പു​സ്‌തകം 13:32-14:4) അത്തരം അവിശ്വാ​സം നിമിത്തം യഹോവ ഇങ്ങനെ പ്രഖ്യാ​പി​ച്ചു: “അവർ എന്റെ സ്വസ്ഥത​യിൽ പ്രവേ​ശി​ക്ക​യില്ല.”—സങ്കീർത്തനം 95:11.

ഇതിൽ നിന്നു ഒരു പാഠം സ്വീക​രി​ച്ചു​കൊണ്ട്‌ പൗലോസ്‌ ഇങ്ങനെ മുന്നറി​യിപ്പ്‌ നൽകി: “സഹോ​ദ​രൻമാ​രേ, ജീവനുള്ള ദൈവ​ത്തിൽ നിന്നും അകന്നു​പോ​കു​ന്ന​തി​നാൽ അവിശ്വാ​സ​മുള്ള ഒരു ദുഷ്ടഹൃ​ദയം നിങ്ങളിൽ ആർക്കും ഉണ്ടാകാ​തി​രി​പ്പാൻ നോക്കു​വിൻ. നിങ്ങൾ ആരും പാപത്തി​ന്റെ വഞ്ചനാ​ശ​ക്തി​യാൽ കഠിന​പ്പെ​ടാ​തി​രി​ക്കേ​ണ്ട​തി​നു “ഇന്നു” എന്നു പറയു​ന്ന​ട​ത്തോ​ളം നാൾതോ​റും അന്യോ​ന്യം യിസ്രാ​യേ​ല്യ​രു​ടെ “പാപം” അവിശ്വാ​സം ആയിരു​ന്നു. (എബ്രായർ 3:19 കാണുക; 12:1 താരത​മ്യ​പ്പെ​ടു​ത്തുക.) അവൻ ചെയ്‌ത എല്ലാ അത്ഭുത​ങ്ങ​ളും ഉണ്ടായി​രു​ന്നി​ട്ടും അതു അവരെ ‘ജീവനുള്ള ദൈവ​ത്തിൽനി​ന്നു അകററി​ക​ള​യു​വാൻ,’ യഹോ​വ​യി​ലുള്ള എല്ലാ വിശ്വാ​സ​വും നഷ്ടപ്പെ​ടു​ത്താൻ ഇടയാക്കി. ഒരു ധാർമ്മിക അപരാ​ധ​ത്തി​ലേ​ക്കുള്ള ഭ്രംശം അനിവാ​ര്യ​മാ​യി​രു​ന്നു.

അതു​പോ​ലെ ഇന്നു ഒരു ക്രിസ്‌ത്യാ​നി​യു​ടെ അവിശ്വാ​സ​ത്തി​നു ‘തന്റെ ഹൃദയത്തെ ചീത്തയാ​ക്കു​ന്ന​തി​നു,’ ഹൃദയ​ത്തി​ന്റെ സ്വാഭാ​വിക ചായ്‌വി​നു കീഴട​ങ്ങാൻ ഇടയാ​ക്കു​ന്ന​തി​നു കഴിയും. “ഹൃദയം എല്ലാറ​റി​ലും വഞ്ചകവും സാഹസി​ക​വും ആകുന്നു. ആർക്ക്‌ അതു ഗ്രഹി​ക്കാൻ കഴിയും?” (യിരെ​മ്യാവ്‌ 17:9, 10) തുടർച്ച​യായ അനന്തര ഫലങ്ങൾക്കു കാഞ്ചി​വ​ലി​ച്ചു​കൊണ്ട്‌ തെററായ ചിന്തക​ളും മോഹ​ങ്ങ​ളും ഹൃദയ​ത്തിൽ നിറയാൻ തുടങ്ങു​ന്നു. “എന്നാൽ ഓരോ​രു​ത്തൻ പരീക്ഷി​ക്ക​പ്പെ​ടു​ന്നതു സ്വന്ത​മോ​ഹ​ത്താൽ ആകർഷി​ച്ചു വശീക​രി​ക്ക​പ്പെ​ടു​ക​യാൽ ആകുന്നു. മോഹം ഗർഭം ധരിച്ചു പാപത്തെ പ്രസവി​ക്കു​ന്നു. ക്രമത്തിൽ പാപം പൂർണ്ണ​മാ​കു​മ്പോൾ മരണം കൈവ​രു​ത്തു​ന്നു.—യാക്കോബ്‌ 1:14, 15.

പാപം ഒരാളെ കഠിന​പ്പെ​ടു​ത്തു​മ്പോൾ

ഒരു മനുഷ്യൻ പരസം​ഗി​യെ​ന്ന​നി​ല​യി​ലുള്ള തന്റെ പാപത്തെ വിദഗ്‌ദ്ധ​മാ​യി മറച്ചു​വെ​ച്ചു​കൊണ്ട്‌ ഒരു മൂപ്പൻ എന്ന നിലയിൽ വിപു​ല​മായ പദവികൾ ആസ്വദി​ച്ചി​രു​ന്നു. വിവാ​ഹ​ത്തി​നു​ശേ​ഷം​പോ​ലും അയാൾ അധാർമ്മി​കത തുടർന്നു. എന്നിട്ടും, മററു​ള്ള​വരെ വിധി​ക്കുന്ന നീതി​ന്യാ​യ കമ്മററി​ക​ളിൽ സേവി​ച്ചു​കൊ​ണ്ടു​പോ​ലും നിരപ​രാ​ധി​ത്വ​ത്തി​ന്റെ ഒരു മുഖഭാ​വം പ്രദർശി​പ്പി​ക്കു​ന്ന​തി​നു അയാൾക്കു ഒരു പ്രയാ​സ​വു​മി​ല്ലാ​യി​രു​ന്നു. പാപം അയാളെ കഠിന​പ്പെ​ടു​ത്താൻ തുടങ്ങി​യി​രു​ന്നു. പെട്ടെന്നു അയാൾ ബൈബി​ളി​ന്റെ അടിസ്ഥാന ഉപദേ​ശ​ങ്ങ​ളിൽപോ​ലും സംശയി​ക്കാൻ തുടങ്ങി. ഒടുവിൽ തന്റെ തെററു ഏററു​പ​റ​യു​ന്ന​തി​നു നിർബ​ന്ധി​ത​നാ​യി​ത്തീ​രു​ക​യും തന്റെ തോൾവെ​ട്ടി​ച്ചു​കൊണ്ട്‌, “ഇപ്പോൾ എന്തു വ്യത്യാ​സ​മാ​ണു​ള​വാ​ക്കു​ന്നത്‌?” എന്നു പറയു​ക​യും ചെയ്യു​ന്ന​തി​നു മാത്രമേ കഴിഞ്ഞു​ള്ളു.

കപട ഭക്തിയു​ടെ ഗതിക്കു ഒരുവന്റെ മനസ്സാ​ക്ഷി​യെ “ചൂടു​പി​ടി​പ്പിച്ച ഇരുമ്പു”കൊണ്ട്‌ പൊള്ളി​ച്ചാ​ലെ​ന്ന​തു​പോ​ലെ നിർജ്ജീ​വ​മാ​ക്കാൻ കഴിയും. (1 തിമൊ​ഥെ​യോസ്‌ 4:2) സദൃശ​വാ​ക്യ​ങ്ങൾ ഇപ്രകാ​രം പറഞ്ഞു​കൊണ്ട്‌ ഇതിനെ വിശദീ​ക​രി​ക്കു​ന്നു: “ഒരു വ്യഭി​ചാ​രി​ണി​യു​ടെ വഴി ഇപ്രകാ​ര​മാണ്‌: അവൾ തിന്നു വായ്‌ തുടച്ചിട്ട്‌ ഇങ്ങനെ പറഞ്ഞു: ‘ഞാൻ ഒരു തെററും ചെയ്‌തി​ട്ടില്ല.‘” (സദൃശ​വാ​ക്യ​ങ്ങൾ 30:20) കഠിന​പ്പെട്ട പാപി ഇപ്രകാ​രം സങ്കല്‌പ്പി​ക്ക​പോ​ലും ചെയ്യുന്നു: “ദൈവം മറന്നി​രി​ക്കു​ന്നു. അവൻ തന്റെ മുഖം മറെച്ചി​രി​ക്കു​ന്നു.” (സങ്കീർത്തനം 10:11) ഒരുവൻ എത്ര ദീർഘ​മാ​യി പാപത്തിൽ തുടരു​ന്നു​വോ അത്രയ​ധി​കം അയാളു​ടെ ഹൃദയം “കൊഴു​പ്പു​പോ​ലെ തന്നെ നിർവി​കാര”മായി​ത്തീർന്നു​കൊണ്ട്‌ അപകട സാദ്ധ്യത വർദ്ധി​ക്കു​ന്നു. (സങ്കീർത്തനം 119:70) ഒരു യുവാവ്‌ ഇപ്രകാ​രം സമ്മതിച്ചു പറഞ്ഞു: “ആദ്യമാ​യി ഞാൻ പരസംഗം ചെയ്‌ത​പ്പോൾ അതു എന്റെ ഉള്ളിൽ ശരിയാ​യും മുറി​വു​ണ്ടാ​ക്കി. എന്നാൽ ഓരോ പ്രാവ​ശ്യ​വും അതിനു​ശേഷം അതു എളുപ്പ​മാ​ക്കി​ത്തീർത്തു, അതു എനിക്കു ഒരു വലിയ പ്രശ്‌ന​മേ​യ​ല്ലാ​താ​യി​ത്തീർന്ന​തു​വരെ ഞാൻ എത്തി​ച്ചേർന്നു.”

തീർച്ച​യാ​യും ഹൃദയം ആ തെററി​നെ ന്യായീ​ക​രി​ക്കു​ന്ന​തി​നുള്ള വഴികൾ അന്വേ​ഷി​ക്കു​ന്നു. ഒരു യുവാവ്‌ തന്റെ കൂട്ടു​കാ​രി​യു​മാ​യി പരസംഗം ചെയ്‌ത​ശേഷം, “നാം വിവാ​ഹി​ത​രാ​കാൻ പോക​യാണ്‌! എന്നു രണ്ടാളു​കൾ പരസ്‌പരം ഒരാൾ മറെറാ​രാൾക്കു​ള്ള​താണ്‌ എന്നു തീരു​മാ​നി​ച്ചാൽ അപ്പോൾ അവർ യഹോ​വ​യു​ടെ ദൃഷ്ടി​യിൽ മിക്കവാ​റും വിവാ​ഹി​ത​രാണ്‌ എന്നു ബൈബിൾ പറയുക തന്നെ ചെയ്യുന്നു” എന്നും പറഞ്ഞു​കൊണ്ട്‌ അവൾ മൂപ്പൻമാ​രു​ടെ സഹായ​ത്തി​നു പോകു​ന്ന​തിൽ നിന്നും അവളെ തടഞ്ഞു. എത്ര സ്വാർത്ഥ​പൂർവ്വ​വും വഞ്ചനാ​ത്മ​ക​വു​മായ ന്യായീ​ക​രണം! ഖേദക​ര​മെന്നു പറയട്ടെ, പാപത്തി​ന്റെ ഒരു ഗതി വികാസം പ്രാപി​ക്ക​യും അതു കൊല​പാ​ത​ക​ത്തി​ലേക്കു—ഗർഭഛി​ദ്രം!—നയിക്ക​യും ചെയ്‌തു. പിന്നീട്‌ ആ യുവതി ഇപ്രകാ​രം സമ്മതിച്ചു പറഞ്ഞു: “നിങ്ങൾ യഥാർത്ഥ​ത്തിൽ വളരെ ഉദാസീ​ന​മാ​യി തുടങ്ങു​ന്നു, നിങ്ങൾക്കു സ്വയമാ​യി ശാസി​ക്കാൻ കഴിയു​മെന്നു വിചാ​രി​ക്കാൻ തുടങ്ങു​ക​യും ചെയ്യുന്നു.” സമാന​മാ​യി തുടർച്ച​യായ പരസം​ഗ​ത്തിൽ വീണു​പോയ ഒരു ചെറു​പ്പ​ക്കാ​രൻ ഇപ്രകാ​രം കുററ​സ​മ്മതം നടത്തി: “‘ഞാൻ ആഗ്രഹി​ക്കുന്ന ഏതു സമയത്തും എനിക്കു നിർത്താൻ കഴിയും. ഒററ പ്രാവ​ശ്യം കൂടി കുടി​ക്കട്ടെ’ എന്നു പറയുന്ന ഒരു കുടി​യ​നെ​പ്പോ​ലെ​യാണ്‌ അത്‌. അപ്രകാ​രം നിങ്ങൾ മൂപ്പൻമാ​രു​ടെ അടുക്കൽ പോകു​ന്നതു നീട്ടി​വെ​ക്കു​ന്നു.” പാപി തന്നെതന്നേ കബളി​പ്പി​ക്കാൻ തുടങ്ങ​ത്ത​ക്ക​വണ്ണം മററു​ള്ള​വരെ കബളി​പ്പി​ക്കാൻ വളരെ നിപു​ണ​നാ​യി​ത്തീ​രു​ന്നു. “എന്തു​കൊ​ണ്ടെ​ന്നാൽ അയാൾ തന്റെ തെററി​നെ തന്റെ സ്വന്തം കണ്ണുക​ളാൽ കണ്ടു വെറു​ക്കാ​തി​രി​ക്കേ​ണ്ട​തി​നു തന്നോടു തന്നേ വളരെ മൃദു​വാ​യി പെരു​മാ​റി​യി​രി​ക്കു​ന്നു.”—സങ്കീർത്തനം 36:2.

പാപത്തി​ന്റെ കെണിയെ ഒഴിവാ​ക്കു​ക

“ഒരുവൻ ഹൃദയം കൊണ്ടു വിശ്വാ​സം പ്രകട​മാ​ക്കുന്ന”തിനാൽ ഒരു ക്രിസ്‌ത്യാ​നി അതിനെ കാത്തു​സൂ​ക്ഷി​ക്കാൻ അങ്ങേയ​ററം പ്രവർത്തി​ക്കണം. (റോമർ 10:10; സദൃശ​വാ​ക്യ​ങ്ങൾ 4:23) പ്രാർത്ഥ​ന​യും മീററിം​ഗു​ക​ളും വ്യക്തി​പ​ര​മായ പഠനവും നമ്മുടെ ഹൃദയങ്ങൾ കെട്ടു​പ​ണി​ചെ​യ്യുന്ന ചിന്തക​ളാൽ നിറഞ്ഞു​വ​രാൻ സഹായി​ക്കു​ന്നു. പലപ്പോ​ഴും നമ്മുടെ മനസ്സിൽ ചീത്തവി​ചാ​രങ്ങൾ പ്രവേ​ശി​ക്കു​മെ​ന്നതു സത്യമാണ്‌. എന്നാൽ അങ്ങനെ സംഭവി​ക്കു​മ്പോൾ നമുക്കു കേവലം അതു മനസ്സിൽ വെച്ചു​കൊ​ണ്ടി​രി​ക്കു​ന്ന​തി​നെ ഒഴിവാ​ക്കാൻ കഴിയും. തെററു ചെയ്യാൻ നമുക്കു എപ്പോ​ഴെ​ങ്കി​ലും പ്രേരണ ഉണ്ടാകു​ന്ന​താ​യി കണ്ടെത്തി​യാൽ നാം ഉടൻ തന്നേ പ്രാർത്ഥ​ന​യിൽ യഹോ​വ​യി​ങ്ക​ലേക്കു പോകണം. (സങ്കീർത്തനം 55:22) കൂടാതെ ‘വിശു​ദ്ധൻമാർക്കു ഉചിത​മാ​യി​രി​ക്കു​ന്ന​തു​പോ​ലെ​തന്നെ, പരസം​ഗ​വും യാതൊ​രു അശുദ്ധി​യും അത്യാ​ഗ്ര​ഹ​വും നമ്മു​ടെ​യി​ട​യിൽ പേർ പറക​പോ​ലും അരുത്‌.’ (എഫേസ്യർ 5:3) ഈ വിധത്തിൽ “പാപവും മരണവും ഉളവാ​ക്കുന്ന” പ്രവർത്ത​ന​ത്തി​ന്റെ ശൃംഖ​ലക്കു തുടക്ക​മി​ടു​ന്ന​തി​നു മുമ്പു​തന്നെ അതിനു വിരാ​മ​മി​ടു​ന്നു.

പാപത്തി​ന്റെ ആസ്വാ​ദനം “താല്‌ക്കാ​ലി​കം” മാത്ര​മാ​ണെ​ന്നും ഓർമ്മി​ക്കുക (എബ്രായർ 11:25) പെട്ടെ​ന്നൊ പിന്നീ​ടോ “നിങ്ങൾ നിങ്ങളു​ടെ പാപഫലം അനുഭ​വി​ക്കും,” കൈ​പ്പേ​റിയ അനന്തര​ഫ​ലങ്ങൾ അഭിമു​ഖീ​ക​രി​ക്കേ​ണ്ട​തു​ണ്ടാ​യി​രി​ക്ക​യും ചെയ്യും. (സംഖ്യാ​പു​സ്‌തകം 32:23) നിങ്ങ​ളോ​ടു തന്നെ ചോദി​ക്കുക: ’ഞാൻ യഥാർത്ഥ​ത്തിൽ പാപത്താൽ കഠിന​പ്പെ​ടാൻ ആഗ്രഹി​ക്കു​ന്നു​വോ? അതു ഇപ്പോൾ ഉല്ലാസ​പ്ര​ദ​മാ​യി​രു​ന്നേ​ക്കാ​മെ​ങ്കി​ലും അന്തിമ​മാ​യി അതു എന്നെ എങ്ങനെ ബാധി​ക്കും?’

എന്നിരു​ന്നാ​ലും, ഒരുവൻ ഇപ്പോൾ തന്നെ തെററായ ഒരു ഗതിയു​ടെ കുടു​ക്കിൽ അകപ്പെ​ട്ടി​രി​ക്ക​യാ​ണെന്നു കണ്ടെത്തു​ന്നു എങ്കിൽ എന്ത്‌? ക്രിസ്‌തീയ പ്രവർത്ത​ന​ത്തി​ന്റെ ഒരു സ്‌ഫോ​ട​ന​ത്താൽ ഒരുവനു പാപ “പരിഹാ​രം ചെയ്യാൻ” കഴിയു​മെന്നു നിഗമനം ചെയ്യരുത്‌. അനുതാ​പ​മു​ണ്ടാ​യി​രുന്ന ദാവീദു രാജാവു, “ദൈവ​ത്തി​നുള്ള യാഗങ്ങൾ ഒരു തകർന്ന ദേഹി​യാ​കു​ന്നു” എന്നു പറഞ്ഞു. (സങ്കീർത്തനം 51:17) ആത്മീയ രോഗി​കൾക്കുള്ള ബൈബി​ളി​ന്റെ ഉപദേശം: മൂപ്പൻമാ​രി​ലേക്കു പോവുക! എന്നതാണ്‌. (യാക്കോബ്‌ 5:14, 15) ഈ പക്വത​യുള്ള പുരു​ഷൻമാർ ഒരു ക്ഷീണി​തനെ ആത്മീയ ആരോ​ഗ്യ​ത്തി​ലേക്കു തിരിച്ചു വരുത്തു​ന്ന​തി​നു തങ്ങൾക്കു ചെയ്യാൻ കഴിയു​ന്ന​തെ​ല്ലാം ചെയ്യും. അതു ബൈബിൾ പറയു​ന്ന​തി​ന​നു​സ​ര​ണ​മാണ്‌: “തന്റെ ലംഘന​ങ്ങളെ മറെക്കു​ന്നവൻ വിജയി​ക്ക​യില്ല, എന്നാൽ അവയെ ഏററു​പ​റഞ്ഞു ഉപേക്ഷി​ക്കു​ന്ന​വ​നോ​ടു കരുണ കാണി​ക്കും.” (സദൃശ​വാ​ക്യ​ങ്ങൾ 28:13) ഒരു മനുഷ്യൻ ഒടുവിൽ തന്റെ പാപങ്ങൾ മൂപ്പൻമാ​രോ​ടു ഏററു​പ​റ​ഞ്ഞ​ശേഷം ഇപ്രകാ​രം പറഞ്ഞു: “ഒരു വലിയ ഭാരം എന്റെ തോളിൽ നിന്നു എടുത്തു​മാ​റ​റി​യ​തു​പോ​ലെ ആയിരു​ന്നു.”—സങ്കീർത്തനം 32:1-5 താരത​മ്യം ചെയ്യുക.

ഈ ലോകം അധിക​മ​ധി​കം ദുഷി​ച്ച​താ​യി​ത്തീ​രവേ ഒരു ക്രിസ്‌ത്യാ​നി​ക്കു തന്റെ നിർമ്മലത കാക്കു​ന്നതു ഇതിലും കൂടിയ വെല്ലു​വി​ളി​യാ​യി​ത്തീ​രും. എങ്കിലും ഓർമ്മി​ക്കുക: “പാപി നൂറു​പ്രാ​വ​ശ്യം ദോഷം ചെയ്യു​ക​യും തന്റെ ഇഷ്ടാനു​സ​രണം വളരെ​കാ​ലം തുടരു​ക​യും ചെയ്യു​ന്നു​ണ്ടെ​ങ്കി​ലും, . . . സത്യ​ദൈ​വത്തെ ഭയപ്പെ​ടു​ന്ന​വർക്ക്‌ നൻമവ​രും.” (സഭാ​പ്ര​സം​ഗി 8:12) അതു​കൊ​ണ്ടു യഹോ​വ​യാം ദൈവത്തെ ഭയപ്പെ​ടുക! അവൻ പാപത്തി​ന്റെ കഠിന​പ്പെ​ടു​ത്തുന്ന ഫലങ്ങളിൽ നിന്നു രക്ഷപ്പെ​ടു​ന്ന​തി​നു നിങ്ങളെ സഹായി​ക്കും. (w86 4/1)

[28-ാം പേജിലെ ചിത്രം]

യിസ്രായേല്യർ മോ​ശെ​യോ​ടു വെള്ളം ആവശ്യ​പ്പെ​ട്ട​പ്പോൾ അവർ ഒരു കഠിന​മായ മനോ​ഭാ​വം പ്രകട​മാ​ക്കി