ബൈബി​ളി​ന്റെ വീക്ഷണം

നാം നമ്മുടെ നേർച്ചകൾ നിറ​വേ​റ​റ​ണ​മോ?

മററു വിധത്തിൽ സന്തുഷ്ട​രായ ഒരു വിവാ​ഹിത ദമ്പതികൾ തീവ്ര​മാ​യി വേദനി​പ്പി​ക്കുന്ന ഒരു പ്രശ്‌നത്തെ അഭിമു​ഖീ​ക​രി​ക്കു​ന്നു. വർഷങ്ങൾക്കു മുമ്പു ഞെരു​ക്കുന്ന ഒരു കുടും​ബ​പ്ര​ശ്‌ന​ത്തിൽ കുരു​ങ്ങി​യ​പ്പോൾ തങ്ങളുടെ കഷ്ടങ്ങളിൽനി​ന്നു കരേറ​റി​യാൽ തങ്ങളുടെ വരുമാ​ന​ത്തി​ന്റെ പത്തിൽ ഒരംശം ദൈവ​ത്തി​നു നല്‌കാ​മെന്ന്‌ അവർ നേർച്ച​നേർന്നു. എന്നാൽ ഇപ്പോൾ അവർ വൃദ്ധരാ​യി​ത്തീ​രു​ക​യും അപ്രതീ​ക്ഷി​ത​മായ സാമ്പത്തിക പ്രതി​സ​ന്ധി​ക​ളാൽ ചുററ​പ്പെ​ടു​ക​യും ചെയ്‌തി​രി​ക്കു​ന്ന​തി​നാൽ, “ഞങ്ങൾ ഈ നേർച്ച നിറ​വേ​റ​റാൻ നിർബ​ന്ധി​ത​രാ​ണോ?” എന്ന്‌ അവർ സംശയി​ക്കു​ന്നു.

അവരുടെ വിഷമ​സന്ധി, സംസാ​ര​ത്തി​ലെ അമിത ധൃതി​യ്‌ക്കെ​തി​രാ​യുള്ള ജ്ഞാനി​യായ മമനു​ഷ്യ​ന്റെ ബുദ്ധ്യു​പ​ദേ​ശ​ത്തിന്‌ അടിവ​ര​യി​ടു​ന്നു: “നേർന്നി​ട്ടു കഴിക്കാ​തെ​യി​രി​ക്കു​ന്ന​തി​നെ​ക്കാൾ നേരാ​തെ​യി​രി​ക്കു​ന്നതു നല്ലതു. നിന്റെ വായ്‌ നിന്റെ ദേഹത്തി​ന്നു പാപകാ​ര​ണ​മാ​ക​രു​തു; അബദ്ധവ​ശാൽ വന്നു​പോ​യി എന്നു നീ ദൂതന്റെ സന്നിധി​യിൽ പറകയും അരുതു.”—സഭാ​പ്ര​സം​ഗി 5:5, 6.

മുടന്തൻന്യാ​യങ്ങൾ പാടില്ല

കളിമ​ട്ടി​ലുള്ള ശപഥങ്ങ​ളും സൂത്ര​ത്തിൽ വാഗ്‌ദാ​ന​ങ്ങ​ളിൽനിന്ന്‌ ഒഴിഞ്ഞു​മാ​റു​ന്ന​തും ഇന്നത്തെ അനുവാ​ദാ​ത്മക സമൂഹ​ത്തിൽ സാധാ​ര​ണ​മാ​ണെ​ങ്കി​ലും കൃത്രിമ ന്യായങ്ങൾ ദൈവം വിശ്വ​സി​ക്കു​മെന്നു നമുക്കു പ്രതീ​ക്ഷി​ക്കാ​നാ​കില്ല; ബിസ്സി​ന​സ്സു​കാർക്കു​പോ​ലും അതി​നെ​ക്കാൾ മെച്ചമാ​യി അറിയാം. ഒരു ബിസ്സി​നസ്സ്‌ പ്രസി​ദ്ധീ​ക​ര​ണ​മായ ഇൻഡസ്‌ട്രി വീക്കലെ, “വ്യാപാര വിശ്വ​സ്‌തത: ഒരു വൈരു​ദ്ധ്യം?” എന്ന ലേഖന​ത്തിൽ ഇപ്രകാ​രം വിലപി​ക്കു​ന്നു: “ജനങ്ങൾ സത്യം പറയു​മെ​ന്നും ഉപായം പറയാതെ ശരിയാ​യതു ചെയ്യു​മെ​ന്നും അവരുടെ പ്രതി​ബ​ദ്ധ​തക്കു ചേർച്ച​യിൽ ജീവി​ക്കു​മെ​ന്നും ഞങ്ങൾ ഇനി വിശ്വ​സി​ക്ക​യില്ല.” “ചെക്ക്‌ അയച്ചി​രു​ന്ന​ല്ലോ, തപാൽ കുഴപ്പ​മാ​യി​രി​ക്കും” എന്നതു​പോ​ലെ​യുള്ള സൗകര്യ​പ്ര​ദ​മായ നുണകൾ മനുഷ്യ​രായ ഉത്തമർണ​രു​ടെ മുമ്പാകെ വില​പ്പോ​യേ​ക്കും, എന്നാൽ ദൂതൻമാ​രെ കബളി​പ്പി​ക്കാൻ ഒരിക്ക​ലും സാധ്യമല്ല.

മനസ്സാ​ക്ഷി​യി​ല്ലാ​ത്ത​വ​നും പിടി​ച്ചു​പ​റി​ക്കാ​ര​നു​മായ ഒരു ഉത്തമർണൻ നിർഭാ​ഗ്യ​രായ ഇരകളിൽനി​ന്നു ബലാത്‌കാ​രേണ അന്യാ​യ​പ്പ​ലിശ വാങ്ങാൻ ഗുണ്ടകളെ ഉപയോ​ഗി​ക്കു​ന്ന​തു​പോ​ലെ, നേർച്ചകൾ നടപ്പി​ലാ​ക്കാൻ ദൈവം ദൂതൻമാ​രെ ഉപയോ​ഗി​ക്കു​ന്നു​വെന്ന്‌ ഇതിനർഥ​മില്ല. നേരെ​മ​റി​ച്ചു ദൈവം സ്‌നേ​ഹ​പൂർവം തന്റെ ദൂതൻമാ​രെ “രക്ഷ പ്രാപി​പ്പാ​നു​ള്ള​വ​രു​ടെ [കെട്ടു​പ​ണി​ചെ​യ്യുന്ന] ശുശ്രൂ​ഷെക്കു അയക്ക​പ്പെ​ടുന്ന സേവകാ​ത്മാ​ക്കളാ”ക്കുന്നു. (എബ്രായർ 1:14) അങ്ങനെ​യാ​യി​രി​ക്കെ, നമ്മുടെ ആത്മാർഥ പ്രാർഥ​ന​കൾക്ക്‌ ഉത്തരം ലഭിക്കു​ന്ന​തിൽ ദൂതൻമാർക്ക്‌ ഒരു പങ്കുവ​ഹി​ക്കാൻ കഴിയും, അങ്ങനെ ചെയ്യു​ന്നു​മുണ്ട്‌.

എന്നിരു​ന്നാ​ലും നമ്മുടെ പ്രാർഥ​ന​ക​ളിൽ നാം പൊള്ള​യായ വാഗ്‌ദാ​നങ്ങൾ ചെയ്യു​ന്നതു തുടരു​ക​യാ​ണെ​ങ്കിൽ, നമുക്കു ദൈവാ​നു​ഗ്രഹം ന്യായ​മാ​യും പ്രതീ​ക്ഷി​ക്കാൻ കഴിയു​മോ? ജ്ഞാനി​യായ മനുഷ്യൻ പ്രസ്‌താ​വി​ക്കു​ന്നു: “ദൈവം നിന്റെ വാക്കു​നി​മി​ത്തം കോപി​ച്ചു നിന്റെ കൈക​ളു​ടെ പ്രവൃ​ത്തി​യെ [ചുരു​ങ്ങി​യത്‌ ഒരു പരിധി​വ​രെ​യെ​ങ്കി​ലും] നശിപ്പി​ക്കു​ന്നതു എന്തിനു?”—സഭാ​പ്ര​സം​ഗി 5:6ബി.

അതിനാൽ ഒഴിക​ഴി​വു​കൾ പറയാതെ നമ്മുടെ നേർച്ചകൾ നിറ​വേ​റ​റാൻ നമ്മെ പ്രേരി​പ്പി​ക്കേ​ണ്ടതു പ്രതി​കാ​രം​ചെ​യ്യുന്ന ഒരു ദൂത​നോ​ടുള്ള ഭയമല്ല. മറിച്ച്‌, ദൈവ​വു​മാ​യുള്ള നമ്മുടെ നല്ല ഒരു ബന്ധം നാം മൂല്യ​വ​ത്താ​യി കരുതു​ക​യും നമ്മുടെ പ്രവർത്ത​ന​ങ്ങ​ളു​ടെ​മേൽ ദൈവ​പ്രീ​തി സത്യസ​ന്ധ​മാ​യി ആഗ്രഹി​ക്കു​ക​യും വേണം. മേൽപ​രാ​മർശിച്ച ദമ്പതികൾ അതു മനോ​ഹ​ര​മാ​യി പ്രകടി​പ്പി​ച്ച​തു​പോ​ലെ, “ദൈവ​മു​മ്പാ​കെ ഞങ്ങൾക്ക്‌ ഒരു ശുദ്ധ മനസ്സാക്ഷി ഉണ്ടായി​രി​ക്കാ​നും അവിടു​ത്തെ ഇഷ്ടാനു​സ​രണം പ്രവർത്തി​ക്കാ​നും ഞങ്ങൾ ആഗ്രഹി​ക്കു​ന്നു.”

ഒരു നല്ല മനസ്സാക്ഷി കാത്തു​സൂ​ക്ഷി​ക്കു​ക

നേർച്ച കഴിക്കു​ന്ന​തു​സം​ബ​ന്ധിച്ച്‌ ഒരു ശുദ്ധ മനസ്സാക്ഷി ഉണ്ടായി​രി​ക്കു​ന്ന​തി​നു നാം നമ്മോ​ടു​തന്നെ സത്യസ​ന്ധ​രാ​യി​രി​ക്കണം. ദൃഷ്ടാ​ന്ത​മാ​യി, വലിയ ഒരു തുക ഒരാൾ നിങ്ങൾക്കു കടപ്പെ​ട്ടി​രി​ക്കു​ന്നെ​ന്നും എന്നാൽ ഏതോ അനർഥം നിമിത്തം അയാളി​പ്പോൾ തുക നിങ്ങൾക്കു മടക്കി​ത്ത​രാൻ കഴിയാത്ത അവസ്ഥയി​ലാ​ണെ​ന്നും സങ്കല്‌പി​ക്കുക. നിങ്ങൾ ഏതായി​രി​ക്കും കൂടുതൽ ഇഷ്ടപ്പെ​ടുക—തിരി​ച്ചു​നൽകുക അസാധ്യ​മാ​ണെന്നു പറഞ്ഞു​കൊണ്ട്‌ അയാൾ മുഴു​ക​ട​വും നിരാ​ക​രി​ക്കു​ന്ന​തി​നെ​യാ​ണോ അതോ ചുരു​ങ്ങി​യ​പക്ഷം സാധി​ക്കു​ന്ന​തു​പോ​ലെ ചെറിയ ഗഡുക്ക​ളാ​യി ക്രമമാ​യി തന്നുതീർക്കാൻ ഏർപ്പാ​ടെ​ങ്കി​ലും ചെയ്യു​ന്ന​തി​നെ​യാ​ണോ?

ഇതേ ന്യായ​വാ​ദ​ത്താൽ, ഒരുവന്റെ മുഴു സമയമോ മററു വിഭവ​ങ്ങ​ളോ ഉചിത​മായ ക്രിസ്‌തീയ പ്രവർത്ത​ന​ങ്ങൾക്കു സമർപ്പി​ക്കാ​മെന്നു ധൃതി​യിൽ നേർന്ന ഒരു നേർച്ച നിറ​വേ​റ​റാ​നാ​കു​ന്നി​ല്ലെന്നു സങ്കല്‌പി​ക്കുക. നിലവി​ലുള്ള സാഹച​ര്യ​ങ്ങൾ അനുവ​ദി​ക്കു​ന്ന​ത​നു​സ​രി​ച്ചു നേർച്ച നിറ​വേ​റ​റു​ന്ന​തി​നോട്‌ അടുത്തു​വ​രാൻ തക്കവണ്ണ​മെ​ങ്കി​ലും പ്രവർത്തി​ക്കാൻ നമ്മൾ കർത്തവ്യ​ബ​ദ്ധ​രാ​യി​രി​ക്കേ​ണ്ട​തല്ലേ? പൗലോസ്‌ എഴുതി: “മനസ്സൊ​രു​ക്കം ഉണ്ടെങ്കിൽ” നമുക്കു കൊടു​ക്കാൻ അധിക​മു​ണ്ടെ​ങ്കി​ലും അല്‌പമേ ഉള്ളെങ്കി​ലും “ദൈവ​പ്ര​സാ​ദം ലഭിക്കും”. (2 കൊരി​ന്ത്യർ 8:12) എന്നാൽ ബൈബിൾസ​ത്യ​ത്തി​ന്റെ ഒരു സൂക്ഷ്‌മ പരിജ്ഞാ​നം ലഭിക്കു​ന്ന​തി​നു മുമ്പു നടത്തിയ നേർച്ച​കളെ സംബന്ധി​ച്ചെന്ത്‌?

തെററായ അല്ലെങ്കിൽ തിരു​വെ​ഴു​ത്തു​വി​രു​ദ്ധ​മായ നേർച്ചകൾ

ഒരു നേർച്ച അശുദ്ധ​മോ അധാർമി​ക​മോ ആണെന്നു നാം മനസ്സി​ലാ​ക്കു​ന്നെ​ങ്കിൽ, ചൂടുള്ള കൽക്കരി​ക്ക​ഷ​ണം​പോ​ലെ അതു നാം പെട്ടെന്നു വിട്ടു​ക​ള​യണം. (2 കൊരി​ന്ത്യർ 6:16-18) അശുദ്ധ നേർച്ച​കൾക്കുള്ള ഉദാഹ​ര​ണങ്ങൾ:

▫ വ്യാജ ദേവൻമാർക്കോ ദേവി​കൾക്കോ നേർന്നി​ട്ടുള്ള നേർച്ചകൾ, ബാബി​ലോ​നി​ലെ “ആകാശ​രാ​ജ്ഞി”യെപ്പോ​ലു​ള്ള​വർക്ക്‌ നേർന്നി​ട്ടു​ള്ളവ.—യിരെ​മ്യാ​വു 44:23, 25.

▫ നിയമ​വി​രുദ്ധ നേർച്ചകൾ, അപ്പോ​സ്‌ത​ല​നായ പൗലോ​സി​നെ കൊല്ലാ​തെ ഇനി ഒരു ഭക്ഷണവും കഴിക്ക​യില്ല എന്നു ശപഥം​ചെയ്‌ത 40 പേരു​ടേ​തു​പോ​ലു​ള്ളവ.—പ്രവൃ​ത്തി​കൾ 23:13, 14.

▫ വിശ്വാ​സ​ത്യാ​ഗി​ക​ളു​ടെ നേർച്ചകൾ, “ഭൂതങ്ങ​ളു​ടെ ഉപദേ​ശ​ങ്ങളെ” “ആശ്രയി​ച്ചു ഭോഷ്‌കു പറയു”കയും “വിവാഹം വിലക്കു​ക​യും സത്യത്തെ ഗ്രഹി​ച്ചി​രി​ക്കുന്ന വിശ്വാ​സി​കൾ സ്‌തോ​ത്ര​ത്തോ​ടെ അനുഭ​വി​പ്പാൻ ദൈവം സൃഷ്ടിച്ച ഭോജ്യ​ങ്ങളെ വർജ്ജി​ക്കേണം എന്നു കല്‌പി​ക്ക​യും ചെയ്യു”ന്നവ.—1 തിമൊ​ഥെ​യൊസ്‌ 4:1-3.

അതു​കൊ​ണ്ടു വ്യക്തമാ​യും നമുക്കു ചില കഴിഞ്ഞ​കാല നേർച്ച​കളെ അസാധു​വാ​യി പ്രഖ്യാ​പി​ക്കേണ്ടി വന്നേക്കാം. എന്നാൽ തിരു​വെ​ഴു​ത്തു​വി​രു​ദ്ധ​മാ​യി ഒന്നും​തന്നെ ഉൾപ്പെ​ട്ടി​ട്ടി​ല്ലാത്ത നേർച്ച​കളെ സംബന്ധി​ച്ചു നാമെ​ന്തി​നു പഴുത്‌ അന്വേ​ഷി​ക്കണം? നമ്മുടെ ഇപ്പോ​ഴത്തെ സൂക്ഷ്‌മ പരിജ്ഞാ​നം കഴിഞ്ഞ​കാല നേർച്ച​ക​ളോ​ടു കൂടുതൽ ബഹുമാ​നം പ്രകടി​പ്പി​ക്കാൻ നമ്മെ നിർബ​ന്ധി​ത​രാ​ക്കു​ന്നി​ല്ലേ?

നിങ്ങളു​ടെ കഴിഞ്ഞ​കാ​ല​ത്തെ​യും ഭാവി​യി​ലെ​യും നേർച്ച​കളെ പരിഗ​ണി​ക്കു​ക

നമ്മുടെ ആരാധ​ന​യോട്‌ ഇനിമേൽ ഏതെങ്കി​ലും നേർച്ച കൂട്ടി​ച്ചേർക്കു​ന്നെ​ങ്കിൽ അതിനു മുമ്പു നാം ഗൗരവ​മാ​യി ചിന്തി​ക്കണം. ക്രിസ്‌തീയ ആരാധ​ന​യിൽ ചെലവ​ഴി​ക്കുന്ന ഒരാളു​ടെ സമയം വർധി​പ്പി​ക്കു​ന്ന​തോ അമിതാ​ഹാ​രം ഭക്ഷിക്കു​ന്ന​തിൽനി​ന്നും വിട്ടു​നിൽക്കു​ന്ന​തോ പോലെ, വെറുതെ എന്തെങ്കി​ലും ചെയ്യാ​നോ ചെയ്യാ​തി​രി​ക്കാ​നോ ഒരു വ്യക്തിയെ പ്രേരി​പ്പി​ക്കാൻ നേർച്ച​കളെ ഉപയോ​ഗ​പ്പെ​ടു​ത്ത​രുത്‌. എന്നുവ​രി​കി​ലും യേശു എല്ലാ ശപഥങ്ങ​ളെ​യും എതിർത്തില്ല. ഉദാഹ​ര​ണ​ത്തിന്‌, നിയമ കോട​തി​ക​ളിൽ ആവശ്യ​മാ​യി​വ​രു​ന്നതു പോലു​ള്ള​വയെ. എന്നാൽ അവിടു​ന്നു വിവേ​ച​നാ​ര​ഹി​ത​മായ ശപഥങ്ങളെ സംബന്ധി​ച്ചു വ്യക്തമാ​യി പരിധി വെച്ചി​ട്ടുണ്ട്‌, എന്തു​കൊ​ണ്ടെ​ന്നാൽ അവിടുന്ന്‌ ഇപ്രകാ​രം മുന്നറി​യി​പ്പു നൽകി​യി​രി​ക്കു​ന്നു: “കള്ളസ്സത്യം ചെയ്യരു​തു എന്നും സത്യം ചെയ്‌തതു കർത്താ​വി​ന്നു നിവർത്തി​ക്കേണം എന്നും പൂർവ്വൻമാ​രോ​ടു അരുളി​ച്ചെ​യ്‌തി​രു​ന്നു, ഞാനോ നിങ്ങ​ളോ​ടു പറയു​ന്നതു: അശേഷം സത്യം ചെയ്യരുത്‌.” (മത്തായി 5:33, 34) അവിടുന്ന്‌ ഇങ്ങനെ ഒരു നിലപാട്‌ എടുത്തത്‌ എന്തു​കൊ​ണ്ടാ​യി​രു​ന്നു? നേർച്ച​ക​ളു​ടെ ഔചി​ത്യം മുമ്പ​ത്തെ​ക്കാൾ കുറഞ്ഞു പോയി​രു​ന്നോ?

പുരാതന കാലത്തെ വിശ്വ​സ്‌ത​രു​ടെ നേർച്ചകൾ മിക്ക​പ്പോ​ഴും സോപാ​ധി​ക​മാ​യി​രു​ന്നു. ‘ഈ വിഷമ​സ​ന്ധി​യെ തരണം ചെയ്യാൻ അങ്ങ്‌ എന്നെ സഹായി​ക്കു​മെ​ങ്കിൽ അങ്ങയുടെ പേർക്കു ഞാൻ ഇന്നിന്ന കാര്യങ്ങൾ ചെയ്‌തു​കൊ​ള്ളാം’ എന്നു ഗൗരവ​ത​ര​മായ ഒരു പ്രാർഥ​ന​യിൽ അവർ യഹോ​വ​യോ​ടു വാഗ്‌ദാ​നം ചെയ്‌തേ​ക്കാം. എന്നാൽ യേശു പറഞ്ഞു: “നിങ്ങൾ പിതാ​വി​നോ​ടു അപേക്ഷി​ക്കു​ന്ന​തൊ​ക്കെ​യും അവൻ എന്റെ നാമത്തിൽ നിങ്ങൾക്കു തരും.” തന്റെ കാലത്തെ വിശ്വ​സ്‌ത​രാ​യ​വരെ സോപാ​ധി​ക​മായ ഒരു നേർച്ച നേരാൻ പ്രോ​ത്സാ​ഹി​പ്പി​ക്കു​ന്ന​തിൽനി​ന്നു തികച്ചും വ്യത്യ​സ്‌ത​മാ​യി യേശു അവർക്ക്‌ ഇങ്ങനെ ഉറപ്പു​നൽകി: “ഇന്നുവരെ നിങ്ങൾ എന്റെ നാമത്തിൽ ഒന്നും അപേക്ഷി​ച്ചി​ട്ടില്ല; അപേക്ഷി​പ്പിൻ; . . . നിങ്ങൾക്കു ലഭിക്കും.”—യോഹ​ന്നാൻ 16:23, 24.

യേശു​വി​ന്റെ നാമത്തിൽ അല്ലെങ്കിൽ അവിടു​ത്തെ സ്ഥാനത്തിൽ ഉള്ള ഉററവി​ശ്വാ​സം, “അധരങ്ങൾ കൊണ്ടു നിർവി​ചാ​ര​മാ​യി” ദൈവ​ത്തോ​ടു പ്രതിജ്ഞ ചെയ്‌തതു നിറ​വേ​റ​റാൻ—ശ്രമി​ച്ചി​ട്ടും—കഴിയാ​ത്ത​തി​നാൽ ഇപ്പോ​ഴും കുററ​ബോ​ധം തോന്നുന്ന ആരേയും ആശ്വസി​പ്പി​ക്കും. (ലേവ്യ​പു​സ്‌തകം 5:4-6) അതു​കൊ​ണ്ടു നമ്മുടെ മുൻ നേർച്ചകൾ നിസ്സാ​ര​മാ​യി എടുക്കാ​തി​രി​ക്കെ, നമുക്കു യേശു​വി​ന്റെ നാമത്തിൽ പ്രാർഥി​ക്കാ​മെന്നു മാത്രമല്ല, യേശു​വി​ന്റെ മറുവി​ല​യാ​ഗത്തെ നമ്മുടെ പാപങ്ങൾക്കു​വേണ്ടി ഉപകരി​ക്കു​ന്ന​തി​നു ദൈവ​ത്തോട്‌ അപേക്ഷി​ക്കാ​നും യേശു​വി​ന്റെ നാമത്തിൽ നമ്മോടു ക്ഷമിക്കു​ന്ന​തി​നു യാചി​ക്കാ​നും കഴിയും. അങ്ങനെ നമുക്കു “ദുർമ്മ​ന​സ്സാ​ക്ഷി നീങ്ങു​മാ​റു ഹൃദയ​ങ്ങ​ളിൽ തളിക്ക​പ്പെ​ട്ട​വ​രും ശുദ്ധ​വെ​ള്ള​ത്താൽ ശരീരം കഴുക​പ്പെ​ട്ട​വ​രു​മാ​യി വിശ്വാ​സ​ത്തി​ന്റെ പൂർണ്ണ​നി​ശ്ചയം” പ്രാപി​ക്കാൻ കഴിയും.—എബ്രായർ 10:21, 22. (g93 4/8)

[20-ാം പേജിലെ ചിത്ര​ത്തിന്‌ കടപ്പാട്‌]

Priests taking vows at Montmartre