നിങ്ങൾക്ക്‌ യഥാർഥ​ത്തിൽ ‘ദൈവ​ത്തോട്‌ അടുത്തു ചെല്ലാൻ’ കഴിയു​മോ?

1, 2. (എ) അനേക​രും എന്ത്‌ അസംഭ​വ്യ​മാ​ണെ​ന്നു കരുതി​യേ​ക്കാം, എന്നാൽ ബൈബിൾ നമുക്ക്‌ എന്ത്‌ ഉറപ്പു​നൽകു​ന്നു? (ബി) അബ്രാ​ഹാ​മിന്‌ എന്ത്‌ അടുത്ത ബന്ധം ആസ്വദി​ക്കാൻ കഴിഞ്ഞു, എന്തു​കൊണ്ട്‌?

സ്വർഗ​ത്തി​ന്റെ​യും ഭൂമി​യു​ടെ​യും സ്രഷ്ടാവ്‌ നിങ്ങളെ കുറിച്ച്‌ “ഇത്‌ എന്റെ സ്‌നേ​ഹി​ത​നാണ്‌” എന്നു പറഞ്ഞാൽ നിങ്ങൾക്ക്‌ എന്തു തോന്നും? അത്‌ അസംഭ​വ്യ​മാ​ണെന്ന്‌ അനേക​രും കരുതി​യേ​ക്കാം. വെറു​മൊ​രു മനുഷ്യന്‌ യഹോ​വ​യാം ദൈവ​വു​മാ​യി സൗഹൃദം സ്ഥാപി​ക്കാൻ എങ്ങനെ കഴിയും? എന്നാൽ നമുക്ക്‌ വാസ്‌ത​വ​മാ​യും ദൈവ​ത്തോട്‌ അടുക്കാൻ സാധി​ക്കു​മെന്ന്‌ ബൈബിൾ ഉറപ്പു നൽകുന്നു.

² അത്തരം അടുപ്പം ആസ്വദിച്ച ഒരു വ്യക്തി ആയിരു​ന്നു പുരാതന കാലത്തെ അബ്രാ​ഹാം. യഹോവ ആ ഗോ​ത്ര​പി​താ​വി​നെ ‘എന്റെ സ്‌നേ​ഹി​തൻ’ എന്നു വിളിച്ചു. (യെശയ്യാ​വു 41:8) അതേ, യഹോവ അബ്രാ​ഹാ​മി​നെ സ്വന്തം സ്‌നേ​ഹി​ത​നാ​യി കണക്കാക്കി. അബ്രാ​ഹാം ‘യഹോ​വ​യിൽ വിശ്വാ​സ​മർപ്പി​ച്ച’തിനാ​ലാണ്‌ അവന്‌ അത്തര​മൊ​രു അടുത്ത ബന്ധം ആസ്വദി​ക്കാൻ കഴിഞ്ഞത്‌. (യാക്കോബ്‌ 2:23, NW) യഹോവ ഇന്നും തന്നെ സ്‌നേ​ഹ​പൂർവം സേവി​ക്കു​ന്ന​വ​രോട്‌ ‘പറ്റിനിൽക്കാ​നു​ള്ള’ അവസരങ്ങൾ തേടുന്നു. (ആവർത്ത​ന​പു​സ്‌ത​കം 10:15, NW) അവന്റെ വചനം ഇങ്ങനെ പ്രോ​ത്സാ​ഹി​പ്പി​ക്കു​ന്നു: “ദൈവ​ത്തോ​ടു അടുത്തു ചെല്ലു​വിൻ; എന്നാൽ അവൻ നിങ്ങ​ളോ​ടു അടുത്തു​വ​രും.” (യാക്കോബ്‌ 4:8) ഈ വാക്കു​ക​ളിൽ നാം ഒരു ക്ഷണവും ഒരു വാഗ്‌ദാ​ന​വും കാണുന്നു.

 3. യഹോവ നമുക്ക്‌ എന്തു ക്ഷണം നൽകുന്നു, ഏതു വാഗ്‌ദാ​നം അതുമാ​യി ബന്ധപ്പെ​ട്ടി​രി​ക്കു​ന്നു?

³ തന്നോട്‌ അടുത്തു വരാൻ യഹോവ നമ്മെ ക്ഷണിക്കു​ന്നു. തന്റെ സ്‌നേ​ഹി​ത​രെന്ന നിലയിൽ നമ്മെ തന്റെ പ്രീതി​യി​ലേക്ക്‌ കൈ​ക്കൊ​ള്ളാൻ അവൻ മനസ്സൊ​രു​ക്ക​മു​ള്ള​വ​നാണ്‌. അവനോട്‌ അടുത്തു ചെല്ലാൻ നാം നടപടി​കൾ സ്വീക​രി​ക്കു​ന്നെ​ങ്കിൽ അവനും സമാന​മാ​യ നടപടി സ്വീക​രി​ക്കു​മെന്ന്‌ അവൻ വാഗ്‌ദാ​നം ചെയ്യുന്നു, അതായത്‌ അവൻ നമ്മോ​ടും അടുത്തു​വ​രും. അങ്ങനെ “യഹോ​വ​യു​ടെ സഖിത്വം” എന്ന അനുഗൃ​ഹീ​ത പദവി ആസ്വദി​ക്കാൻ നമുക്കു കഴിയും.a (സങ്കീർത്ത​നം 25:14) “സഖിത്വം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രായ പദത്തിൽ, ആത്മമി​ത്ര​വു​മാ​യി നടത്തുന്ന രഹസ്യ സംഭാ​ഷ​ണ​ത്തി​ന്റെ അഥവാ ഹൃദയം തുറന്നുള്ള സംസാ​ര​ത്തി​ന്റെ ആശയം ഉൾക്കൊ​ള്ളു​ന്നു.

 4. ഒരു ഉറ്റ സുഹൃ​ത്തി​നെ നിങ്ങൾ എങ്ങനെ വർണി​ക്കും, തന്നോട്‌ അടുക്കു​ന്ന​വർക്ക്‌ താൻ അത്തര​മൊ​രു സ്‌നേ​ഹി​ത​നാ​ണെന്ന്‌ യഹോവ ഏതു വിധത്തിൽ തെളി​യി​ക്കു​ന്നു?

⁴ വിശ്വാ​സ​മർപ്പി​ക്കാൻ കഴിയുന്ന ഒരു ഉറ്റ സുഹൃത്ത്‌ നിങ്ങൾക്കു​ണ്ടോ? അത്തരം ഒരു സുഹൃത്ത്‌ നിങ്ങൾക്കു​വേ​ണ്ടി കരുതു​ന്ന​വ​നാണ്‌. അയാൾ വിശ്വ​സ്‌ത​നെ​ന്നു തെളി​ഞ്ഞി​രി​ക്കു​ന്ന​തി​നാൽ നിങ്ങൾ അയാളെ വിശ്വ​സി​ക്കു​ന്നു. അയാളു​മാ​യി സന്തോഷം പങ്കു​വെ​ക്കു​മ്പോൾ നിങ്ങളു​ടെ സന്തോഷം വർധി​ക്കു​ന്നു. നിങ്ങളു​ടെ ദുഃഖങ്ങൾ സഹാനു​ഭൂ​തി​യോ​ടെ അയാൾ ശ്രദ്ധിച്ചു കേൾക്കു​മ്പോൾ നിങ്ങളു​ടെ മനസ്സിന്റെ ഭാരം കുറയു​ന്നു. മറ്റാരും നിങ്ങളെ മനസ്സി​ലാ​ക്കാ​ത്ത​താ​യി കാണ​പ്പെ​ടു​മ്പോൾ പോലും അയാൾ നിങ്ങളെ മനസ്സി​ലാ​ക്കു​ന്നു. സമാന​മാ​യി, നിങ്ങൾ ദൈവ​ത്തോട്‌ അടുക്കു​മ്പോൾ, നിങ്ങളെ യഥാർഥ​മാ​യി വിലമ​തി​ക്കു​ക​യും നിങ്ങളെ കുറിച്ചു വളരെ​യ​ധി​കം കരുതു​ക​യും നിങ്ങളെ പൂർണ​മാ​യി മനസ്സി​ലാ​ക്കു​ക​യും ചെയ്യുന്ന ഒരു ആത്മാർഥ സുഹൃ​ത്തി​നെ നിങ്ങൾക്കു ലഭിക്കു​ന്നു. (സങ്കീർത്ത​നം 103:14; 1 പത്രൊസ്‌ 5:7) ഉള്ളിന്റെ ഉള്ളിലുള്ള കാര്യങ്ങൾ പോലും തുറന്നു​പ​റ​യാൻ തക്കവണ്ണം നിങ്ങൾ അവനെ വിശ്വ​സി​ക്കു​ന്നു, എന്തു​കൊ​ണ്ടെ​ന്നാൽ തന്നോടു വിശ്വ​സ്‌ത​രാ​യ​വ​രോട്‌ അവൻ വിശ്വ​സ്‌ത​നാ​ണെ​ന്നു നിങ്ങൾക്ക​റി​യാം. (സങ്കീർത്ത​നം 18:25, NW) എന്നിരു​ന്നാ​ലും, ദൈവ​വു​മാ​യി ഒരു ഉറ്റബന്ധം ആസ്വദി​ക്കാൻ നിങ്ങൾക്കു കഴിയു​ന്നത്‌ അവൻ ആ പദവി നിങ്ങൾക്കു നൽകി​യി​രി​ക്കു​ന്ന​തു​കൊ​ണ്ടു മാത്ര​മാണ്‌.

 5. നമുക്ക്‌ യഹോ​വ​യോട്‌ അടുക്കാൻ കഴി​യേ​ണ്ട​തിന്‌ അവൻ എന്തു ക്രമീ​ക​ര​ണം ചെയ്‌തു?

⁵ പാപി​ക​ളാ​യ നമുക്ക്‌ സഹായം ലഭ്യമ​ല്ലെ​ങ്കിൽ ഒരിക്ക​ലും ദൈവ​ത്തോട്‌ അടുക്കാൻ കഴിയു​ക​യി​ല്ല. (സങ്കീർത്ത​നം 5:4) “ക്രിസ്‌തു​വോ നാം പാപികൾ ആയിരി​ക്കു​മ്പോൾ തന്നേ നമുക്കു വേണ്ടി മരിക്ക​യാൽ ദൈവം തനിക്കു നമ്മോ​ടു​ള്ള സ്‌നേ​ഹ​ത്തെ പ്രദർശി​പ്പി​ക്കു​ന്നു” എന്ന്‌ അപ്പൊ​സ്‌ത​ല​നാ​യ പൗലൊസ്‌ എഴുതി. (റോമർ 5:8) അതേ, യേശു ‘അനേകർക്കു വേണ്ടി തന്റെ ജീവനെ മറുവി​ല​യാ​യി കൊടു​പ്പാൻ’ യഹോവ ക്രമീ​ക​ര​ണം ചെയ്‌തു. (മത്തായി 20:28) ആ മറുവി​ല​യാ​ഗ​ത്തിൽ വിശ്വ​സി​ക്കു​ന്ന​തു മുഖാ​ന്ത​രം നമുക്ക്‌ ദൈവ​ത്തോട്‌ അടുത്തു ചെല്ലാൻ സാധി​ക്കു​ന്നു. ദൈവം “ആദ്യം നമ്മെ സ്‌നേ​ഹി​ച്ച​തു​കൊ​ണ്ടു” നമുക്ക്‌ അവനു​മാ​യു​ള്ള സൗഹൃ​ദ​ത്തി​ലേ​ക്കു വരാനുള്ള അടിസ്ഥാ​നം അവൻ ഇട്ടു.—1 യോഹ​ന്നാൻ 4:19.

6, 7. (എ) യഹോവ മറഞ്ഞി​രി​ക്കു​ന്ന, ദുർജ്ഞേ​യ​നാ​യ ഒരു ദൈവ​മ​ല്ലെന്ന്‌ നാം എങ്ങനെ അറിയു​ന്നു? (ബി) ഏതു വിധങ്ങ​ളിൽ യഹോവ തന്നെത്തന്നെ വെളി​പ്പെ​ടു​ത്തി​യി​രി​ക്കു​ന്നു?

⁶ യഹോവ മറ്റൊരു നടപടി സ്വീക​രി​ച്ചി​രി​ക്കു​ന്നു. അവൻ തന്നെത്തന്നെ നമുക്കു വെളി​പ്പെ​ടു​ത്തി​യി​രി​ക്കു​ന്നു. ഏതു സൗഹൃ​ദ​ത്തി​ലും, അടുപ്പം അടിസ്ഥാ​ന​പ്പെ​ട്ടി​രി​ക്കു​ന്നത്‌ ഒരു വ്യക്തിയെ യഥാർഥ​മാ​യി അറിയു​ന്ന​തി​ലും അയാളു​ടെ ഗുണങ്ങ​ളെ​യും പ്രവർത്തന രീതി​ക​ളെ​യും വിലമ​തി​ക്കു​ന്ന​തി​ലു​മാണ്‌. യഹോവ മറഞ്ഞി​രി​ക്കു​ന്ന, ദുർജ്ഞേ​യ​നാ​യ ഒരു ദൈവ​മാ​യി​രു​ന്നെ​ങ്കിൽ നമുക്ക്‌ ഒരിക്ക​ലും അവനോട്‌ അടുത്തു ചെല്ലാൻ കഴിയു​മാ​യി​രു​ന്നി​ല്ല. അതേ, അവൻ നമ്മിൽനിന്ന്‌ ഒരിക്ക​ലും മറഞ്ഞി​രി​ക്കു​ന്നി​ല്ല. പകരം നാം അവനെ അറിയാൻ അവൻ ആഗ്രഹി​ക്കു​ന്നു. (യെശയ്യാ​വു 45:19) മാത്ര​വു​മല്ല, അവൻ തന്നെക്കു​റി​ച്ചു​ത​ന്നെ വെളി​പ്പെ​ടു​ത്തു​ന്ന കാര്യങ്ങൾ സകലർക്കും, ലോക​നി​ല​വാ​രം അനുസ​രി​ച്ചു താഴ്‌ന്ന​വ​രെ​ന്നു ഗണിക്ക​പ്പെ​ട്ടേ​ക്കാ​വു​ന്ന​വർക്കു പോലും, ലഭ്യമാണ്‌.—മത്തായി 11:25.

⁷ യഹോവ നമുക്ക്‌ തന്നെത്തന്നെ വെളി​പ്പെ​ടു​ത്തി​യി​രി​ക്കു​ന്നത്‌ എങ്ങനെ​യാണ്‌? യഹോ​വ​യു​ടെ സൃഷ്ടി​ക്രി​യ​കൾ അവന്റെ വ്യക്തി​ത്വ​ത്തി​ന്റെ ചില വശങ്ങൾ—അതിരറ്റ ശക്തി, അഗാധ​മാ​യ ജ്ഞാനം, സമൃദ്ധ​മാ​യ സ്‌നേഹം എന്നിവ—വ്യക്തമാ​ക്കു​ന്നു. (റോമർ 1:20) എന്നാൽ തന്റെ സൃഷ്ടി​ക​ളി​ലൂ​ടെ മാത്രമല്ല യഹോവ തന്നെത്തന്നെ വെളി​പ്പെ​ടു​ത്തു​ന്നത്‌. വലിയ വിവര​ദാ​താ​വാ​യ യഹോവ തന്റെ വചനമായ ബൈബി​ളിൽ തന്നെക്കു​റി​ച്ചു​ള്ള കാര്യങ്ങൾ ലിഖി​ത​രൂ​പ​ത്തിൽ വെളി​പ്പെ​ടു​ത്തി​യി​രി​ക്കു​ന്നു.

 8. ബൈബിൾത​ന്നെ യഹോ​വ​യ്‌ക്കു നമ്മോ​ടു​ള്ള സ്‌നേ​ഹ​ത്തി​ന്റെ തെളി​വാ​ണെ​ന്നു പറയാൻ കഴിയു​ന്നത്‌ എന്തു​കൊണ്ട്‌?

⁸ ബൈബിൾത​ന്നെ യഹോ​വ​യ്‌ക്കു നമ്മോ​ടു​ള്ള സ്‌നേ​ഹ​ത്തി​ന്റെ തെളി​വാണ്‌. തന്റെ വചനത്തിൽ നമുക്കു മനസ്സി​ലാ​കു​ന്ന വാക്കു​ക​ളിൽ അവൻ തന്നെത്തന്നെ വെളി​പ്പെ​ടു​ത്തി​യി​രി​ക്കു​ന്നു—അവൻ നമ്മെ സ്‌നേ​ഹി​ക്കു​ന്നു എന്നതിന്റെ മാത്രമല്ല, നാം അവനെ അറിയാ​നും സ്‌നേ​ഹി​ക്കാ​നും അവൻ ആഗ്രഹി​ക്കു​ന്നു എന്നതി​ന്റെ​യും തെളി​വാണ്‌ അത്‌. ഈ അമൂല്യ ഗ്രന്ഥത്തിൽനി​ന്നു നാം വായി​ക്കു​ന്ന വിവരങ്ങൾ “യഹോ​വ​യു​ടെ പ്രസാദം” അഥവാ പ്രസന്നത ദർശി​ക്കാൻ നമ്മെ പ്രാപ്‌ത​രാ​ക്കു​ക​യും അവനോട്‌ അടുത്തു ചെല്ലാ​നു​ള്ള ആഗ്രഹം നമ്മിൽ ജനിപ്പി​ക്കു​ക​യും ചെയ്യുന്നു. (സങ്കീർത്ത​നം 90:17) യഹോവ അവന്റെ വചനത്തിൽ തന്നെത്തന്നെ വെളി​പ്പെ​ടു​ത്തു​ന്ന ഹൃദ​യോ​ഷ്‌മ​ള​മാ​യ വിധങ്ങ​ളിൽ ചിലതു നമുക്കു ചർച്ച ചെയ്യാം.

 9. ദൈവ​ത്തി​ന്റെ ഗുണങ്ങളെ തിരി​ച്ച​റി​യി​ക്കു​ന്ന ബൈബി​ളി​ലെ ചില പ്രസ്‌താ​വ​ന​കൾ ഏവ?

⁹ ദൈവ​ത്തി​ന്റെ ഗുണങ്ങളെ തിരി​ച്ച​റി​യി​ക്കു​ന്ന നേരി​ട്ടു​ള്ള അനേകം പ്രസ്‌താ​വ​ന​കൾ തിരു​വെ​ഴു​ത്തു​ക​ളിൽ അടങ്ങി​യി​രി​ക്കു​ന്നു. ചില ഉദാഹ​ര​ണ​ങ്ങൾ കാണുക. “യഹോവ ന്യായ​പ്രി​യ​നാ​കു​ന്നു.” (സങ്കീർത്ത​നം 37:28) ദൈവം “ശക്തിയിൽ അത്യു​ന്ന​ത​നാ​കു​ന്നു.” (ഇയ്യോബ്‌ 37:23) “ഞാൻ കരുണ​യു​ള്ള​വൻ . . . എന്നു യഹോ​വ​യു​ടെ അരുള​പ്പാട്‌.” (യിരെ​മ്യാ​വു 3:12) ‘അവൻ ജ്ഞാനി​യാ​കു​ന്നു.’ (ഇയ്യോബ്‌ 9:4) “യഹോ​വ​യാ​യ ദൈവം, കരുണ​യും കൃപയു​മു​ള്ള​വൻ; ദീർഘ​ക്ഷ​മ​യും മഹാദ​യ​യും വിശ്വ​സ്‌ത​ത​യു​മു​ള്ളവൻ.” (പുറപ്പാ​ടു 34:6) “കർത്താവേ, നീ നല്ലവനും ക്ഷമിക്കു​ന്ന​വ​നും . . . ആകുന്നു.” (സങ്കീർത്ത​നം 86:5) മുൻ അധ്യാ​യ​ത്തിൽ പറഞ്ഞതു​പോ​ലെ, ഒരു ഗുണം മികച്ചു​നിൽക്കു​ന്നു: “ദൈവം സ്‌നേഹം തന്നേ.” (1 യോഹ​ന്നാൻ 4:8) ഈ ശ്രേഷ്‌ഠ ഗുണങ്ങളെ കുറിച്ച്‌ വിചി​ന്ത​നം ചെയ്യു​ന്നത്‌ അതുല്യ​നാ​യ ഈ ദൈവ​ത്തി​ലേക്ക്‌ അടുക്കാൻ നിങ്ങളെ പ്രചോ​ദി​പ്പി​ക്കു​ന്നി​ല്ലേ?

10, 11. (എ) തന്റെ വ്യക്തി​ത്വ​ത്തെ കൂടുതൽ വ്യക്തമാ​യി കാണാൻ നമ്മെ സഹായി​ക്കു​ന്ന​തിന്‌ യഹോവ തന്റെ വചനത്തിൽ എന്ത്‌ ഉൾപ്പെ​ടു​ത്തി​യി​രി​ക്കു​ന്നു? (ബി) ദൈവ​ത്തി​ന്റെ ശക്തി പ്രവർത്ത​ന​ത്തി​ലി​രി​ക്കു​ന്നതു വിഭാവന ചെയ്യാൻ ഏതു ബൈബിൾ ദൃഷ്ടാന്തം നമ്മെ സഹായി​ക്കു​ന്നു?

¹⁰ തന്റെ ഗുണങ്ങൾ എന്തൊ​ക്കെ​യാ​ണെ​ന്നു നമ്മോടു പറയു​ന്ന​തി​നു പുറമേ, താൻ ഈ ഗുണങ്ങൾ പ്രകട​മാ​ക്കി​യ​തി​ന്റെ സുവ്യ​ക്ത​മാ​യ ദൃഷ്ടാ​ന്ത​ങ്ങ​ളും യഹോവ തന്റെ വചനത്തിൽ സ്‌നേ​ഹ​പൂർവം ഉൾപ്പെ​ടു​ത്തി​യി​ട്ടുണ്ട്‌. അത്തരം വിവര​ണ​ങ്ങൾ അവന്റെ വ്യക്തി​ത്വ​ത്തി​ന്റെ വിവിധ വശങ്ങൾ ഭാവന​യിൽ വ്യക്തമാ​യി കാണാൻ നമ്മെ സഹായി​ക്കു​ന്ന ഉജ്ജ്വല​മാ​യ ചിത്രങ്ങൾ വരച്ചു​കാ​ട്ടു​ന്നു. അവനോട്‌ അടുത്തു ചെല്ലാൻ അതു നമ്മെ സഹായി​ക്കു​ന്നു. ഒരു ദൃഷ്ടാന്തം പരിചി​ന്തി​ക്കു​ക.

¹¹ ദൈവം “ശക്തിയു​ടെ ആധിക്യം” ഉള്ളവനാ​ണെ​ന്നു നാം ബൈബി​ളിൽ വായി​ക്കു​ന്നു. (യെശയ്യാ​വു 40:26) എന്നാൽ അവൻ ഇസ്രാ​യേ​ലി​നെ ചെങ്കട​ലി​ലൂ​ടെ എങ്ങനെ വിടു​വി​ച്ചെ​ന്നും പിന്നീട്‌ ആ ജനതയെ മരുഭൂ​മി​യിൽ 40 വർഷം എങ്ങനെ പുലർത്തി​യെ​ന്നും വായി​ക്കു​മ്പോൾ യഹോ​വ​യെ കുറിച്ചു കൂടുതൽ ഉജ്ജ്വല​മാ​യ ഒരു ചിത്രം നമുക്കു ലഭിക്കു​ന്നു. അലയടി​ക്കു​ന്ന വെള്ളങ്ങൾ വേർപി​രി​യു​ന്ന​തു നിങ്ങൾക്കു വിഭാവന ചെയ്യാൻ കഴിയും. ആ ജനത—ഒരുപക്ഷേ മൊത്തം 30,00,000 പേർ—ഉണങ്ങിയ കടൽത്ത​ട്ടി​ലൂ​ടെ നടന്നു​നീ​ങ്ങു​ന്ന​തും ജലം സ്‌ഫടി​ക​ഭി​ത്തി​കൾ പോലെ ഇരുവ​ശ​ങ്ങ​ളി​ലാ​യി നില​കൊ​ള്ളു​ന്ന​തും നിങ്ങൾക്കു ഭാവന​യിൽ കാണാ​നാ​കും. (പുറപ്പാ​ടു 14:21; 15:8) അതു​പോ​ലെ, മരുഭൂ​മി​യി​ലെ ദൈവിക പരിപാ​ല​ന​ത്തി​ന്റെ തെളി​വും നിങ്ങൾക്കു ദർശി​ക്കാ​നാ​കും. പാറയിൽനി​ന്നു വെള്ളം പ്രവഹി​ച്ച​തും വെളുത്ത ധാന്യ​ത്തി​നു സദൃശ​മാ​യ ആഹാര​പ​ദാർഥം നിലത്തു പ്രത്യ​ക്ഷ​മാ​യ​തു​മെ​ല്ലാം. (പുറപ്പാ​ടു 16:31; സംഖ്യാ​പു​സ്‌ത​കം 20:11) തനിക്കു ശക്തി ഉണ്ടെന്നു മാത്രമല്ല, തന്റെ ജനത്തി​നു​വേ​ണ്ടി താൻ അത്‌ ഉപയോ​ഗി​ക്കു​ന്നെ​ന്നും യഹോവ ഇവിടെ വെളി​പ്പെ​ടു​ത്തു​ന്നു. ‘നമ്മുടെ സങ്കേത​വും ബലവും കഷ്ടങ്ങളിൽ ഏററവും അടുത്ത തുണയു’മായി​രി​ക്കു​ന്ന ശക്തനായ ഒരു ദൈവ​ത്തി​ങ്ക​ലേ​ക്കാണ്‌ നമ്മുടെ പ്രാർഥ​ന​കൾ പോകു​ന്നത്‌ എന്നറി​യു​ന്നത്‌ ആശ്വാ​സ​ക​ര​മ​ല്ലേ?—സങ്കീർത്ത​നം 46:1.

12. നമുക്കു ഗ്രഹി​ക്കാൻ കഴിയുന്ന ഭാഷ ഉപയോ​ഗിച്ച്‌ തന്നെ “കാണാൻ” യഹോവ നമ്മെ സഹായി​ക്കു​ന്നത്‌ എങ്ങനെ?

¹² ഒരു ആത്മവ്യ​ക്തി​യാ​യ യഹോവ, അവനെ അറിയാൻ നമ്മെ സഹായി​ക്കു​ന്ന​തിന്‌ ഇനിയു​മ​ധി​കം ചെയ്‌തി​ട്ടുണ്ട്‌. മനുഷ്യ​രെന്ന നിലയിൽ നമുക്ക്‌ ദൃശ്യ​സം​ബ​ന്ധ​മാ​യ പരിമി​തി​കൾ ഉണ്ട്‌, അതിനാൽ നമുക്ക്‌ ആത്മമണ്ഡ​ല​ത്തി​ലെ കാര്യങ്ങൾ കാണാൻ സാധി​ക്കു​ക​യി​ല്ല. ദൈവം ആത്മമണ്ഡ​ല​ത്തോ​ടു ബന്ധപ്പെട്ട പദങ്ങൾ ഉപയോ​ഗിച്ച്‌ തന്നെത്തന്നെ വർണി​ക്കു​ന്നത്‌, ജന്മനാ അന്ധനായ ഒരാ​ളോട്‌ നിങ്ങളു​ടെ കണ്ണിന്റെ നിറമോ ത്വക്കിലെ പാടു​ക​ളോ പോ​ലെ​യു​ള്ള ആകാര​ത്തി​ന്റെ വിശദാം​ശ​ങ്ങൾ വിവരി​ക്കാൻ ശ്രമി​ക്കു​ന്ന​തു​പോ​ലെ ആയിരി​ക്കും. എന്നാൽ, യഹോവ നമുക്കു മനസ്സി​ലാ​കു​ന്ന പദങ്ങൾ ഉപയോ​ഗിച്ച്‌ അവനെ “കാണാൻ” നമ്മെ ദയാപൂർവം സഹായി​ക്കു​ന്നു. ചില സമയങ്ങ​ളിൽ ഉപമക​ളും രൂപക​ങ്ങ​ളും ഉപയോ​ഗി​ച്ചു​കൊണ്ട്‌ നമുക്ക്‌ അറിയാ​വു​ന്ന വസ്‌തു​ക്ക​ളോട്‌ അവൻ തന്നെത്തന്നെ ഉപമി​ക്കു​ന്നു. മനുഷ്യ​രു​ടേ​തു പോലുള്ള ചില രൂപല​ക്ഷ​ണ​ങ്ങൾ ഉള്ളവനാ​യി പോലും അവൻ തന്നെത്തന്നെ വർണി​ക്കു​ന്നു.b

13. യെശയ്യാ​വു 40:11 നിങ്ങളു​ടെ മനസ്സിൽ എന്തു ചിത്രം വരയ്‌ക്കു​ന്നു, അത്‌ നിങ്ങളിൽ എന്തു ഫലം ഉളവാ​ക്കു​ന്നു?

¹³ യെശയ്യാ​വു 40:11-ൽ കാണുന്ന യഹോ​വ​യെ കുറി​ച്ചു​ള്ള വർണന ശ്രദ്ധി​ക്കു​ക: “ഒരു ഇടയ​നെ​പ്പോ​ലെ അവൻ തന്റെ ആട്ടിൻകൂ​ട്ട​ത്തെ മേയി​ക്ക​യും കുഞ്ഞാ​ടു​ക​ളെ ഭുജത്തിൽ എടുത്തു മാർവ്വി​ട​ത്തിൽ ചേർത്തു വഹിക്ക​യും . . . ചെയ്യും.” ഇവിടെ കുഞ്ഞാ​ടു​ക​ളെ “ഭുജത്തിൽ” എടുക്കുന്ന ഒരു ഇടയ​നോട്‌ യഹോ​വ​യെ ഉപമി​ച്ചി​രി​ക്കു​ന്നു. തന്റെ ജനത്തെ, കൂടുതൽ ദുർബ​ല​രാ​യ​വ​രെ പോലും, സംരക്ഷി​ക്കാ​നും പിന്തു​ണ​യ്‌ക്കാ​നു​മു​ള്ള ദൈവ​ത്തി​ന്റെ പ്രാപ്‌തി​യെ ഇതു സൂചി​പ്പി​ക്കു​ന്നു. അവന്റെ ശക്തമായ ഭുജങ്ങ​ളിൽ നമുക്ക്‌ സുരക്ഷി​ത​രാ​യി​രി​ക്കാം, നാം അവനോ​ടു വിശ്വ​സ്‌ത​രാ​ണെ​ങ്കിൽ അവൻ നമ്മെ ഒരിക്ക​ലും കൈവി​ടു​ക​യി​ല്ല. (റോമർ 8:38, 39) വലിയ ഇടയൻ കുഞ്ഞാ​ടു​ക​ളെ “മാർവ്വി​ട​ത്തിൽ”—ഈ പദം മേലങ്കി​യു​ടെ മടക്കിനെ പരാമർശി​ക്കു​ന്നു—വഹിക്കു​ന്നു. ഒരു ഇടയൻ ചില​പ്പോൾ ഒരാട്ടിൻകു​ട്ടി​യെ ദിവസ​ങ്ങ​ളോ​ളം അതിൽ വഹിക്കു​മാ​യി​രു​ന്നു. യഹോവ നമ്മെ വിലമ​തി​ക്കു​ക​യും ആർദ്ര​മാ​യി പരിപാ​ലി​ക്കു​ക​യും ചെയ്യു​ന്നു​വെന്ന്‌ നമുക്ക്‌ അങ്ങനെ ഉറപ്പു ലഭിച്ചി​രി​ക്കു​ന്നു. അവനോട്‌ അടുത്തു നിൽക്കാൻ ആഗ്രഹി​ക്കു​ന്ന​തു സ്വാഭാ​വി​കം മാത്ര​മാണ്‌.

14. യേശു​വി​ലൂ​ടെ യഹോവ തന്നെത്തന്നെ പൂർണ​മാ​യി വെളി​പ്പെ​ടു​ത്തി​യി​രി​ക്കു​ന്നു എന്നു പറയാൻ കഴിയു​ന്നത്‌ എന്തു​കൊണ്ട്‌?

¹⁴ യഹോവ തന്റെ വചനത്തിൽ തന്നെ ഏറ്റവും അടുത്ത​റി​ഞ്ഞ പ്രിയ​പു​ത്ര​നാ​യ യേശു​വി​ലൂ​ടെ തന്നെക്കു​റിച്ച്‌ വളരെ വ്യക്തമാ​യി വെളി​പ്പെ​ടു​ത്തു​ന്നു. യേശു​വി​നെ​ക്കാൾ മെച്ചമാ​യി, ദൈവ​ത്തി​ന്റെ ചിന്ത​യെ​യും വികാ​ര​ങ്ങ​ളെ​യും പ്രതി​ഫ​ലി​പ്പി​ക്കാ​നോ അവനെ കുറിച്ച്‌ കൂടുതൽ വ്യക്തമായ ഒരു ചിത്രം നൽകാ​നോ ആർക്കും കഴിയില്ല. മറ്റ്‌ ആത്മജീ​വി​ക​ളും ഭൗതിക പ്രപഞ്ച​വും സൃഷ്ടി​ക്ക​പ്പെ​ടു​ന്ന​തി​നു മുമ്പ്‌ ആ ആദ്യജാ​ത​പു​ത്രൻ പിതാ​വി​നോ​ടൊ​പ്പം ഉണ്ടായി​രു​ന്നു. (കൊ​ലൊ​സ്സ്യർ 1:15) യേശു​വിന്‌ പിതാ​വു​മാ​യി അടുത്ത സമ്പർക്കം ഉണ്ടായി​രു​ന്നു. അതു​കൊ​ണ്ടാണ്‌ യേശു​വിന്‌ ഇപ്രകാ​രം പറയാൻ കഴിഞ്ഞത്‌: “പുത്രൻ ഇന്നവൻ എന്നു പിതാ​വ​ല്ലാ​തെ ആരും അറിയു​ന്നി​ല്ല; പിതാവു ഇന്നവൻ എന്നു പുത്ര​നും പുത്രൻ വെളി​പ്പെ​ടു​ത്തി​ക്കൊ​ടു​പ്പാൻ ഇച്ഛിക്കു​ന്ന​വ​നും അല്ലാതെ ആരും അറിയു​ന്ന​തു​മി​ല്ല.” (ലൂക്കൊസ്‌ 10:22) ഭൂമി​യിൽ ഒരു മനുഷ്യ​നാ​യി​രു​ന്ന​പ്പോൾ രണ്ടു പ്രധാ​ന​പ്പെട്ട വിധങ്ങ​ളിൽ യേശു തന്റെ പിതാ​വി​നെ വെളി​പ്പെ​ടു​ത്തി.

15, 16. ഏതു രണ്ടു വിധങ്ങ​ളിൽ യേശു തന്റെ പിതാ​വി​നെ വെളി​പ്പെ​ടു​ത്തി?

¹⁵ ഒന്നാമ​താ​യി, യേശു​വി​ന്റെ പഠിപ്പി​ക്ക​ലു​കൾ അവന്റെ പിതാ​വി​നെ അറിയാൻ നമ്മെ സഹായി​ക്കു​ന്നു. നമ്മുടെ ഹൃദയ​ങ്ങ​ളെ സ്‌പർശി​ക്കു​ന്ന വിധത്തിൽ യേശു യഹോ​വ​യെ വർണിച്ചു. ദൃഷ്ടാ​ന്ത​ത്തിന്‌, അനുതാ​പ​മു​ള്ള പാപി​ക​ളെ തിരികെ സ്വാഗതം ചെയ്യുന്ന കാരു​ണ്യ​വാ​നാ​യ ദൈവത്തെ വിശദീ​ക​രി​ക്കാൻ, തന്റെ ധൂർത്ത​പു​ത്രൻ മടങ്ങി​വ​രു​ന്ന​തു കണ്ടപ്പോൾ അങ്ങേയ​റ്റ​ത്തെ മനസ്സലി​വോ​ടെ ഓടി​ച്ചെന്ന്‌ അവനെ കെട്ടി​പ്പി​ടി​ച്ചു വാത്സല്യ​പൂർവം ചുംബിച്ച ക്ഷമാശീ​ല​നാ​യ പിതാ​വി​നോട്‌ യേശു യഹോ​വ​യെ ഉപമിച്ചു. (ലൂക്കൊസ്‌ 15:11-24) പരമാർഥ​ഹൃ​ദ​യ​രാ​യ​വരെ വ്യക്തി​ക​ളെന്ന നിലയിൽ സ്‌നേ​ഹി​ക്കു​ന്ന​തി​നാൽ തന്നി​ലേക്ക്‌ അവരെ “ആകർഷി​ക്കു​ന്ന” ഒരു ദൈവ​മാ​യും യേശു യഹോ​വ​യെ വരച്ചു​കാ​ട്ടി. (യോഹ​ന്നാൻ 6:44) ഒരു ചെറിയ കുരി​കിൽ നിലത്തു വീഴു​ന്ന​തു​പോ​ലും അവൻ അറിയു​ന്നു. “ഭയപ്പെ​ടേ​ണ്ടാ; ഏറിയ കുരി​കി​ലു​ക​ളെ​ക്കാ​ളും നിങ്ങൾ വിശേ​ഷ​ത​യു​ള​ള​വ​ര​ല്ലോ,” യേശു വിശദീ​ക​രി​ച്ചു. (മത്തായി 10:29, 31) അത്ര കരുത​ലു​ള്ള ഒരു ദൈവ​ത്തി​ലേ​ക്കു നാം തീർച്ച​യാ​യും ആകർഷി​ക്ക​പ്പെ​ടു​ന്നു.

¹⁶ രണ്ടാമ​താ​യി, യേശു​വി​ന്റെ മാതൃക യഹോവ ഏതു തരം വ്യക്തി​യാ​ണെന്ന്‌ നമുക്കു കാണി​ച്ചു​ത​രു​ന്നു. “എന്നെ കണ്ടവൻ പിതാ​വി​നെ കണ്ടിരി​ക്കു​ന്നു” എന്നു പറയാ​നാ​കും​വി​ധം അത്ര പൂർണ​മാ​യി യേശു തന്റെ പിതാ​വി​ന്റെ വ്യക്തി​ത്വം പ്രതി​ഫ​ലി​പ്പി​ച്ചു. (യോഹ​ന്നാൻ 14:9) അതു​കൊണ്ട്‌ സുവി​ശേ​ഷ​ങ്ങ​ളിൽ യേശു​വി​നെ കുറിച്ചു നാം വായി​ക്കു​മ്പോൾ—അവൻ പ്രകട​മാ​ക്കി​യ വികാ​ര​ങ്ങ​ളും അവൻ മറ്റുള്ള​വ​രോട്‌ ഇടപെട്ട വിധവും വായി​ച്ച​റി​യു​മ്പോൾ—നാം ഒരർഥ​ത്തിൽ അവന്റെ പിതാ​വി​ന്റെ ഒരു ജീവസ്സുറ്റ ചിത്രം കാണു​ക​യാണ്‌. തന്റെ ഗുണങ്ങൾ അതി​നെ​ക്കാൾ വ്യക്തമാ​യി വെളി​പ്പെ​ടു​ത്താൻ യഹോ​വ​യ്‌ക്കു കഴിയു​മാ​യി​രു​ന്നി​ല്ല. എന്തു​കൊണ്ട്‌?

17. താൻ എങ്ങനെ​യു​ള്ള​വൻ ആണെന്നു മനസ്സി​ലാ​ക്കാൻ നമ്മെ സഹായി​ക്കു​ന്ന​തിന്‌ യഹോവ എന്താണു ചെയ്‌തി​രി​ക്കു​ന്ന​തെന്ന്‌ ഉദാഹ​ര​ണ​സ​ഹി​തം വിശദ​മാ​ക്കു​ക.

¹⁷ ഉദാഹ​ര​ണ​ത്തിന്‌, നിങ്ങൾ ദയ എന്താ​ണെ​ന്നു വിശദീ​ക​രി​ക്കാൻ ശ്രമി​ക്കു​ക​യാണ്‌ എന്നിരി​ക്ക​ട്ടെ. വാക്കു​ക​ളാൽ നിങ്ങൾ അതിനെ നിർവ​ചി​ച്ചേ​ക്കാം. എന്നാൽ ആരെങ്കി​ലും ഒരു ദയാ​പ്ര​വൃ​ത്തി ചെയ്യു​ന്ന​തു ചൂണ്ടി​ക്കാ​ട്ടി “അതാ, അത്‌ ഒരു ദയാ​പ്ര​വൃ​ത്തി​യാണ്‌” എന്നു നിങ്ങൾക്കു പറയാൻ കഴിയു​മെ​ങ്കിൽ “ദയ”യ്‌ക്ക്‌ കൂടു​ത​ലാ​യ അർഥം കൈവ​രു​ന്നു, അതു മനസ്സി​ലാ​ക്കാൻ എളുപ്പ​മാ​യി​ത്തീ​രു​ക​യും ചെയ്യുന്നു. താൻ എങ്ങനെ​യു​ള്ള വ്യക്തി​യാ​ണെ​ന്നു ഗ്രഹി​ക്കാൻ നമ്മെ സഹായി​ക്കു​ന്ന​തിന്‌ യഹോവ സമാന​മാ​യ സംഗതി ചെയ്‌തി​ട്ടുണ്ട്‌. വാക്കു​ക​ളാൽ തന്നെത്തന്നെ വർണി​ക്കു​ന്ന​തി​നു പുറമേ, തന്റെ പുത്രന്റെ ജീവി​ക്കു​ന്ന ദൃഷ്ടാന്തം അവൻ നൽകി​യി​രി​ക്കു​ന്നു. യേശു​വിൽ ദൈവ​ത്തി​ന്റെ ഗുണങ്ങൾ പ്രവർത്ത​ന​ത്തി​ലി​രി​ക്കു​ന്നതു കാണാം. യേശു​വി​നെ വർണി​ക്കു​ന്ന സുവി​ശേഷ വിവര​ണ​ങ്ങ​ളി​ലൂ​ടെ യഹോവ ഫലത്തിൽ “ഞാൻ അങ്ങനെ​യാണ്‌” എന്നു പറയു​ക​യാണ്‌. ഭൂമി​യി​ലാ​യി​രു​ന്ന​പ്പോ​ഴത്തെ യേശു​വി​നെ കുറിച്ച്‌ നിശ്വ​സ്‌ത രേഖ എന്താണു പറയു​ന്നത്‌?

18. ശക്തി, നീതി, ജ്ഞാനം എന്നീ ഗുണങ്ങൾ യേശു പ്രകട​മാ​ക്കി​യത്‌ എങ്ങനെ?

¹⁸ ദൈവ​ത്തി​ന്റെ നാലു പ്രമുഖ ഗുണവി​ശേ​ഷ​ങ്ങൾ യേശു​വിൽ മനോ​ഹ​ര​മാ​യി പ്രകട​മാ​യി. അവന്‌ രോഗ​ത്തെ​യും വിശപ്പി​നെ​യും, മരണ​ത്തെ​യും പോലും കീഴട​ക്കാ​നു​ള്ള ശക്തി ഉണ്ടായി​രു​ന്നു. എന്നാൽ, തങ്ങളുടെ ശക്തി ദുരു​പ​യോ​ഗി​ക്കു​ന്ന സ്വാർഥ മനുഷ്യ​രെ​പ്പോ​ലെ സ്വന്തം കാര്യം സാധി​ക്കു​ന്ന​തി​നോ മറ്റുള്ള​വ​രെ ഉപദ്ര​വി​ക്കു​ന്ന​തി​നോ വേണ്ടി അവൻ ഒരിക്ക​ലും തന്റെ അത്ഭുത​ശ​ക്തി ഉപയോ​ഗി​ച്ചി​ല്ല. (മത്തായി 4:2-4) അവൻ നീതിയെ സ്‌നേ​ഹി​ച്ചു. വഞ്ചകരായ വ്യാപാ​രി​കൾ ജനങ്ങളെ ചൂഷണം ചെയ്യു​ന്ന​തു കണ്ടപ്പോൾ അവനു ധാർമി​ക​രോ​ഷം തോന്നി. (മത്തായി 21:12, 13) ദരി​ദ്ര​രോ​ടും ചവിട്ടി​മെ​തി​ക്ക​പ്പെ​ട്ട​വ​രോ​ടും അവൻ മുഖപ​ക്ഷ​മി​ല്ലാ​തെ ഇടപെട്ടു, “ആശ്വാസം കണ്ടെത്തു”വാൻ അവൻ അവരെ സഹായി​ച്ചു. (മത്തായി 11:4, 5, 28-30) “ശലോ​മോ​നി​ലും വലിയവൻ” ആയ യേശു​വി​ന്റെ പഠിപ്പി​ക്ക​ലു​ക​ളിൽ കിടയറ്റ ജ്ഞാനം പ്രകട​മാ​യി​രു​ന്നു. (മത്തായി 12:42) എന്നാൽ യേശു ഒരിക്ക​ലും തന്റെ ജ്ഞാനം മറ്റുള്ള​വ​രു​ടെ മുമ്പാകെ പ്രദർശി​പ്പി​ക്കാൻ ശ്രമി​ച്ചി​ല്ല. അവന്റെ വചനങ്ങൾ സാധാ​ര​ണ​ക്കാ​രു​ടെ ഹൃദയ​ത്തി​ലേക്ക്‌ ആഴ്‌ന്നി​റ​ങ്ങി, എന്തു​കൊ​ണ്ടെ​ന്നാൽ അവന്റെ പഠിപ്പി​ക്ക​ലു​കൾ വ്യക്തവും ലളിത​വും പ്രാ​യോ​ഗി​ക​വും ആയിരു​ന്നു.

19, 20. (എ) യേശു സ്‌നേ​ഹ​ത്തി​ന്റെ ഒരു മുന്തിയ മാതൃക ആയിരു​ന്നത്‌ എങ്ങനെ? (ബി) യേശു​വി​ന്റെ മാതൃ​ക​യെ കുറിച്ചു വായി​ക്കു​ക​യും ധ്യാനി​ക്കു​ക​യും ചെയ്യു​മ്പോൾ നാം എന്ത്‌ ഓർത്തി​രി​ക്ക​ണം?

¹⁹ യേശു സ്‌നേ​ഹ​ത്തി​ന്റെ ഒരു മുന്തിയ ദൃഷ്ടാ​ന്ത​മാ​യി​രു​ന്നു. തന്റെ ശുശ്രൂ​ഷ​യിൽ ഉടനീളം സമാനു​ഭാ​വ​വും സഹാനു​ഭൂ​തി​യും ഉൾപ്പെടെ സ്‌നേ​ഹ​ത്തി​ന്റെ വിവിധ വശങ്ങൾ അവൻ പ്രകട​മാ​ക്കി. മറ്റുള്ള​വ​രു​ടെ ദുരി​ത​ങ്ങൾ കാണുന്ന ഓരോ സന്ദർഭ​ത്തി​ലും അവന്‌ അനുകമ്പ തോന്നി​യി​രു​ന്നു. വേദനി​ക്കു​ന്ന​വ​രോ​ടുള്ള ആ പരിഗണന വീണ്ടും വീണ്ടും അവനെ പ്രവർത്ത​ന​ത്തി​നു പ്രേരി​പ്പി​ച്ചു. (മത്തായി 14:14) അവൻ രോഗി​ക​ളെ സൗഖ്യ​മാ​ക്കു​ക​യും വിശപ്പു​ള്ള​വ​രെ പോഷി​പ്പി​ക്കു​ക​യും ചെയ്‌തെ​ങ്കി​ലും അതിലും മർമ​പ്ര​ധാ​ന​മാ​യ ഒരു വിധത്തിൽ അവൻ സഹതാപം പ്രകട​മാ​ക്കി. മനുഷ്യ​വർഗ​ത്തി​നു സ്ഥിരമായ അനു​ഗ്ര​ഹ​ങ്ങൾ കൈവ​രു​ത്തു​ന്ന ദൈവ​രാ​ജ്യ​ത്തെ കുറി​ച്ചു​ള്ള സത്യം അറിയാ​നും സ്വീക​രി​ക്കാ​നും അതിനെ സ്‌നേ​ഹി​ക്കാ​നും അവൻ മറ്റുള്ള​വ​രെ സഹായി​ച്ചു. (മർക്കൊസ്‌ 6:34; ലൂക്കൊസ്‌ 4:43) എല്ലാറ്റി​നു​മു​പ​രി​യാ​യി, മറ്റുള്ള​വർക്കു​വേ​ണ്ടി തന്റെ മനുഷ്യ​ജീ​വ​നെ മനസ്സോ​ടെ അർപ്പി​ച്ചു​കൊണ്ട്‌ യേശു ആത്മത്യാ​ഗ​പ​ര​മാ​യ സ്‌നേഹം പ്രകട​മാ​ക്കി.—യോഹ​ന്നാൻ 15:13.

²⁰ എല്ലാ പ്രായ​ത്തി​ലും പശ്ചാത്ത​ല​ത്തി​ലും​പെട്ട ആളുകൾ ഊഷ്‌മള സ്‌നേ​ഹ​വും ആഴമായ വികാ​ര​ങ്ങ​ളും ഉണ്ടായി​രു​ന്ന ഈ മനുഷ്യ​നിൽ ആകൃഷ്ട​നാ​യ​തിൽ എന്തെങ്കി​ലും ആശ്ചര്യ​മു​ണ്ടോ? (മർക്കൊസ്‌ 10:13-16) എന്നിരു​ന്നാ​ലും, യേശു​വി​ന്റെ ജീവി​ക്കു​ന്ന ദൃഷ്ടാ​ന്ത​ത്തെ കുറിച്ചു വായി​ക്കു​ക​യും ധ്യാനി​ക്കു​ക​യും ചെയ്യു​മ്പോ​ഴെ​ല്ലാം അവൻ തന്റെ പിതാ​വി​ന്റെ വ്യക്തമായ പ്രതി​ഫ​ല​ന​മാ​യി​രു​ന്നു എന്ന കാര്യം നമുക്ക്‌ മറക്കാ​തി​രി​ക്കാം.—എബ്രായർ 1:3.

21, 22. യഹോ​വ​യെ അന്വേ​ഷി​ക്കു​ന്ന​തിൽ എന്ത്‌ ഉൾപ്പെ​ട്ടി​രി​ക്കു​ന്നു, ഈ ഉദ്യമ​ത്തിൽ നമ്മെ സഹായി​ക്കു​ന്ന എന്തു വിവരങ്ങൾ ഈ പുസ്‌ത​ക​ത്തിൽ അടങ്ങി​യി​രി​ക്കു​ന്നു?

²¹ തന്റെ വചനത്തിൽ ഇത്ര വ്യക്തമാ​യി തന്നെത്തന്നെ വെളി​പ്പെ​ടു​ത്തി​യ​തി​ലൂ​ടെ നാം യഹോ​വ​യോട്‌ അടുക്കാൻ അവൻ ആഗ്രഹി​ക്കു​ന്നു എന്ന്‌ അവൻ വ്യക്തമാ​ക്കി​യി​രി​ക്കു​ക​യാണ്‌. എന്നിരു​ന്നാ​ലും, താനു​മാ​യി ഒരു അംഗീ​കൃ​ത ബന്ധത്തി​ലേ​ക്കു വരാൻ അവൻ നമ്മെ നിർബ​ന്ധി​ക്കു​ന്നി​ല്ല. “യഹോ​വ​യെ കണ്ടെത്താ​കു​ന്ന സമയത്തു” അവനെ അന്വേ​ഷി​ക്കു​ക എന്നതു നമ്മുടെ ഉത്തരവാ​ദി​ത്വ​മാണ്‌. (യെശയ്യാ​വു 55:6) യഹോ​വ​യെ അന്വേ​ഷി​ക്കു​ന്ന​തിൽ, ബൈബി​ളിൽ വെളി​പ്പെ​ടു​ത്തി​യി​രി​ക്കുന്ന അവന്റെ ഗുണങ്ങ​ളും പ്രവർത്തന രീതി​ക​ളും അറിയു​ന്നത്‌ ഉൾപ്പെ​ടു​ന്നു. നിങ്ങൾ വായി​ച്ചു​കൊ​ണ്ടി​രി​ക്കുന്ന ഈ പുസ്‌ത​കം ഈ ഉദ്യമ​ത്തിൽ നിങ്ങളെ സഹായി​ക്കു​ക എന്ന ലക്ഷ്യത്തിൽ തയ്യാറാ​ക്കി​യി​രി​ക്കു​ന്ന​താണ്‌.

²² യഹോ​വ​യു​ടെ നാലു പ്രമുഖ ഗുണങ്ങ​ളാ​യ ശക്തി, നീതി, ജ്ഞാനം, സ്‌നേഹം എന്നിവയെ കുറിച്ചു ചർച്ച ചെയ്യുന്ന നാലു ഭാഗങ്ങ​ളാ​യി ഈ പുസ്‌ത​ക​ത്തെ വിഭജി​ച്ചി​രി​ക്കു​ന്ന​തു നിങ്ങൾ ശ്രദ്ധി​ക്കും. ഓരോ ഭാഗവും ആ ഗുണത്തി​ന്റെ ഒരു സംഗ്ര​ഹ​ത്തോ​ടെ തുടങ്ങു​ന്നു. അടുത്ത ഏതാനും അധ്യാ​യ​ങ്ങൾ യഹോവ ആ ഗുണത്തി​ന്റെ വിവിധ വശങ്ങൾ സഹിതം അതു പ്രകട​മാ​ക്കു​ന്നത്‌ എങ്ങനെ​യെ​ന്നു ചർച്ച ചെയ്യുന്നു. യേശു ആ ഗുണം എങ്ങനെ പ്രതി​ഫ​ലി​പ്പി​ച്ചു എന്നു കാണി​ക്കു​ന്ന ഒരു അധ്യാ​യ​വും നമുക്ക്‌ നമ്മുടെ ജീവി​ത​ത്തിൽ അത്‌ എങ്ങനെ പ്രകട​മാ​ക്കാ​മെ​ന്നു കാണി​ക്കു​ന്ന ഒരു അധ്യാ​യ​വും ഓരോ ഭാഗത്തും അടങ്ങി​യി​ട്ടുണ്ട്‌.

23, 24. (എ) “ധ്യാനി​ക്കു​ന്ന​തി​നു​ള്ള ചോദ്യ​ങ്ങൾ” എന്ന പ്രത്യേക ഭാഗത്തെ കുറിച്ചു വിശദീ​ക​രി​ക്കു​ക. (ബി) ദൈവ​ത്തോ​ടു പൂർവാ​ധി​കം അടുക്കാൻ ധ്യാനം നമ്മെ സഹായി​ക്കു​ന്നത്‌ എങ്ങനെ?

²³ ഈ അധ്യായം മുതൽ “ധ്യാനി​ക്കു​ന്ന​തി​നു​ള്ള ചോദ്യ​ങ്ങൾ” എന്ന ഒരു പ്രത്യേക ഭാഗം ഉൾപ്പെ​ടു​ത്തി​യി​ട്ടുണ്ട്‌. ദൃഷ്ടാ​ന്ത​ത്തിന്‌, 24-ാം പേജിലെ ചതുരം കാണുക. തിരു​വെ​ഴു​ത്തു​ക​ളും ചോദ്യ​ങ്ങ​ളും അധ്യാ​യ​ത്തി​ന്റെ ഒരു പുനര​വ​ലോ​ക​നം നൽകാൻ ഉദ്ദേശി​ച്ചു​ള്ള​വ​യല്ല. പകരം, വിഷയ​ത്തി​ന്റെ മറ്റു സുപ്ര​ധാ​ന വശങ്ങൾ സംബന്ധി​ച്ചു വിചി​ന്ത​നം ചെയ്യാൻ നിങ്ങളെ സഹായി​ക്കു​ന്ന​തി​നു​വേ​ണ്ടി​യു​ള്ള​താണ്‌. ഈ സവി​ശേ​ഷത നിങ്ങൾക്ക്‌ എങ്ങനെ ഫലകര​മാ​യി ഉപയോ​ഗി​ക്കാൻ കഴിയും? പരാമർശി​ച്ചി​രി​ക്കു​ന്ന ഓരോ തിരു​വെ​ഴു​ത്തും എടുത്തു നോക്കു​ക​യും ശ്രദ്ധാ​പൂർവം വായി​ക്കു​ക​യും ചെയ്യുക. പിന്നീട്‌ ഓരോ പരാമർശി​ത തിരു​വെ​ഴു​ത്തി​നെ​യും തുടർന്നു കൊടു​ത്തി​രി​ക്കു​ന്ന ചോദ്യം പരിചി​ന്തി​ക്കു​ക. ഉത്തരങ്ങൾ വിചി​ന്ത​നം ചെയ്യുക. ആവശ്യ​മാ​യ ഗവേഷണം നടത്തുക. കൂടാതെ നിങ്ങ​ളോ​ടു​ത​ന്നെ ഇങ്ങനെ ചോദി​ക്കു​ക: ‘ഈ വിവരങ്ങൾ യഹോ​വ​യെ കുറിച്ച്‌ എന്നോട്‌ എന്തു പറയുന്നു? അത്‌ എന്റെ ജീവി​ത​ത്തെ എങ്ങനെ സ്വാധീ​നി​ക്കു​ന്നു? മറ്റുള്ള​വ​രെ സഹായി​ക്കാൻ എനിക്ക്‌ അത്‌ എങ്ങനെ ഉപയോ​ഗി​ക്കാ​നാ​കും?’

²⁴ അത്തരം ധ്യാനം യഹോ​വ​യോ​ടു പൂർവാ​ധി​കം അടുക്കാൻ നമ്മെ സഹായി​ക്കും. എന്തു​കൊണ്ട്‌? ബൈബിൾ ധ്യാനത്തെ ഹൃദയ​ത്തോ​ടു ബന്ധിപ്പി​ക്കു​ന്നു. (സങ്കീർത്ത​നം 19:14) ദൈവത്തെ കുറിച്ചു നാം പഠിക്കുന്ന കാര്യങ്ങൾ വിലമ​തി​പ്പോ​ടെ ധ്യാനി​ക്കു​മ്പോൾ പ്രസ്‌തു​ത വിവരങ്ങൾ നമ്മുടെ ആലങ്കാ​രി​ക ഹൃദയ​ത്തി​ലേക്ക്‌ അരിച്ചി​റ​ങ്ങു​ന്നു, അവിടെ അതു നമ്മുടെ ചിന്ത​യെ​യും വികാ​ര​ങ്ങ​ളെ​യും സ്വാധീ​നി​ക്കു​ക​യും ആത്യന്തി​ക​മാ​യി നമ്മെ പ്രവർത്ത​ന​ത്തി​നു പ്രചോ​ദി​പ്പി​ക്കു​ക​യും ചെയ്യുന്നു. ദൈവ​ത്തോ​ടു​ള്ള നമ്മുടെ സ്‌നേ​ഹ​ത്തി​ന്റെ ആഴം വർധി​ക്കു​ന്നു; ആ സ്‌നേഹം, നമ്മുടെ ഏറ്റവും പ്രിയ സുഹൃ​ത്തെന്ന നിലയിൽ അവനെ പ്രസാ​ദി​പ്പി​ക്കാ​നു​ള്ള ആഗ്രഹം നമ്മിൽ ജനിപ്പി​ക്കു​ന്നു. (1 യോഹ​ന്നാൻ 5:3) അത്തര​മൊ​രു ബന്ധത്തി​ലേ​ക്കു വരുന്ന​തിന്‌ യഹോ​വ​യു​ടെ ഗുണങ്ങ​ളും പ്രവർത്തന രീതി​ക​ളും മനസ്സി​ലാ​ക്കു​ന്നത്‌ അത്യന്താ​പേ​ക്ഷി​ത​മാണ്‌. ആദ്യമാ​യി ദൈവ​ത്തോട്‌ അടുക്കാൻ നമ്മെ ശക്തമായി പ്രേരി​പ്പി​ക്കു​ന്ന, അവന്റെ വ്യക്തി​ത്വ​ത്തി​ന്റെ ഒരു സവി​ശേ​ഷ​ത​യാ​യ പരിശു​ദ്ധി​യെ കുറിച്ചു നമുക്കു ചർച്ച ചെയ്യാം.